ಅಹ್ಮದಾಬಾದ್‌: ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಕೇವಲ ಒಂದು ರನ್‌ ರೋಚಕ ಜಯ ಸಾಧಿಸಿದ ಬಳಿಕ ಸಹ ಆಟಗಾರ ಅವರನ್ನು ನಾಯಕ ಶ್ಲಾಘಿಸಿದರು. ಅವರ(ಡಿವಿಲಿಯರ್ಸ್) ಬ್ಯಾಟಿಂಗ್ ನೋಡುತ್ತಿದ್ದರೆ ಹಲವು ವರ್ಷಗಳಿಂದ ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡದೇ ಇರುವ ರೀತಿ ಕಾಣುತ್ತಿಲ್ಲ ಹಾಗೂ ಅವರು ನಿಜವಾಗಿಯೂ ನಮಗೆ ಆಸ್ತಿ ಎಂದು ಹೇಳಿದರು. "ಎಬಿ ಡಿವಿಲಿಯರ್ಸ್ ಕಳೆದ ಐದು ತಿಂಗಳಿಂದ ಯಾವುದೇ ಸ್ಪರ್ಧಾತ್ಮಕ ಕ್ರಿಕೆಟ್ ಆಡಿಲ್ಲ. ಆದರೆ, ಬ್ಯಾಟಿಂಗ್ ಮಾಡುತ್ತಿರುವ ಹಾದಿಯನ್ನು ನೋಡುತ್ತಿದ್ದರೆ ಅವರು ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡದೇ ಇರುವ ರೀತಿ ಕಾಣುತ್ತಿಲ್ಲ. ನನ್ನ ಕಡೆಯಿಂದ ಅವರಿಗೆ ಹ್ಯಾಟ್ಸ್‌ ಆಪ್‌, ನಮಗೆ ಅವರು ಇದೇ ರೀತಿ ಪ್ರದರ್ಶನ ತೋರುವುದನ್ನು ಮುಂದುವರಿಸಲಿ," ಎಂದು ತಿಳಿಸಿದರು. 'ಅವರು ನಮಗೆ ಎಂತಹ ಅದ್ಭುತ ಆಸ್ತಿ ಎಂದು ಮತ್ತೊಮ್ಮೆ ಹೇಳಲು ಬಯಸುತ್ತೇನೆ. ಐದು ತಿಂಗಳಿಂದ ಅವರು ಯಾವುದೇ ಸ್ಪರ್ಧಾತ್ಮಕ ಕ್ರಿಕೆಟ್ ಆಡಿಲ್ಲ. ಆದರೂ ಅವರ ಇನಿಂಗ್ಸ್ ಎಷ್ಟು ಅದ್ಭುತವಾಗಿದೆ ಎಂಬುದನ್ನು ನೀವೇ ನೋಡಿ," ಎಂದು ವಿರಾಟ್‌ ಕೊಹ್ಲಿ ಪೋಸ್ಟ್ ಮ್ಯಾಚ್‌ ಪ್ರಸೆಂಟೇಷನ್‌ನಲ್ಲಿ ಸಹ ಆಟಗಾರನನ್ನು ಶ್ಲಾಘಿಸಿದರು. ಮೊದಲು ಬ್ಯಾಟಿಂಗ್ ಮಾಡಿದ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ಪರ ದಕ್ಷಿಣ ಆಫ್ರಿಕಾ ಮಾಜಿ ನಾಯಕ ಕೇವಲ 42 ಎಸೆತಗಳಲ್ಲಿ ಐದು ಸಿಕ್ಸರ್ ಹಾಗೂ ಮೂರು ಬೌಂಡರಿಗಳೊಂದಿಗೆ ಅಜೇಯ 75 ರನ್‌ ದಾಖಲಿಸಿದರು. ಅ ಮೂಲಕ ಆರ್‌ಸಿಬಿ ತನ್ನ ಪಾಲಿನ 20 ಓವರ್‌ಗಳಿಗೆ 171 ರನ್‌ಗಳನ್ನು ದಾಖಲಿಸಲು ನೆರವಾದರು. ಅವರ ಈ ಅದ್ಭುತ ಇನಿಂಗ್ಸ್‌ನಲ್ಲಿ ಐಪಿಎಲ್‌ ಟೂರ್ನಿಯಲ್ಲಿ ವೈಯಕ್ತಿಕ 5000 ರನ್‌ಗಳನ್ನು ಪೂರ್ಣಗೊಳಿಸಿದರು. ಈ ಸಾಧನೆ ಮಾಡಿದ ಎರಡನೇ ವಿದೇಶಿ ಬ್ಯಾಟ್ಸ್‌ಮನ್ ಎನಿಸಿಕೊಂಡರು. ಬಳಿಕ 172 ರನ್‌ಗಳ ಗುರಿ ಹಿಂಬಾಲಿಸಿದ ಡೆಲ್ಲಿ ಕ್ಯಾಪಿಟಲ್ಸ್ ಪರ ನಾಯಕ ರಿಷಭ್‌ ಪಂತ್‌(58*) ಹಾಗೂ ಶಿಮ್ರಾನ್‌ ಹೆಟ್ಮಾಯೆರ್‌(53*) ಅವರು ಕೊನೆಯ ಎಸೆತದವರೆಗೂ ಕಠಿಣ ಹೋರಾಟ ನಡೆಸಿದರು. ಆದರೆ, ಆರ್‌ಸಿಬಿಯ ಮೊಹಮ್ಮದ್‌ ಸಿರಾಜ್‌ ಕೊನೆಯ ಓವರ್‌ನಲ್ಲಿ ಅದ್ಭುತವಾಗಿ ಬೌಲಿಂಗ್‌ ಮಾಡಿ ತಂಡವನ್ನು ಕೇವಲ ಒಂದು ರನ್‌ನಿಂದ ಗೆಲ್ಲಿಸಿಕೊಟ್ಟರು. "ಒಂದು ಹಂತದಲ್ಲಿ ನಾವು ಪಂದ್ಯವನ್ನು ಕಳೆದುಕೊಳ್ಳುವ ಪರಿಸ್ಥಿತಿಯಲ್ಲಿ ಇದ್ದೆವು. ಆದರೆ, ಮೊಹಮ್ಮದ್‌ ಸಿರಾಜ್‌ ಕೊನೆಯ ಓವರ್‌ನ ನಮಗೆ ವಿಶ್ವಾಸವನ್ನು ತುಂಬಿತು ಹಾಗೂ ಅವರು ತಂಡಕ್ಕಾಗಿ ವೃತ್ತಿಪರ ಕೆಲಸ ಮಾಡುತ್ತಾರೆಂದು ನಾವು ಭಾವಿಸಿದ್ದೆವು. ಒಂದು ವೇಳೆ ನಾವು ಫೀಲ್ಡಿಂಗ್‌ನಲ್ಲಿ ಕಳಪೆ ಪ್ರದರ್ಶನ ತೋರದೇ ಇದ್ದಿದ್ದರೆ ಇಷ್ಟೊಂದು ತಿಣುಕಾಡಿ ಗೆಲ್ಲುತ್ತಿರಲಿಲ್ಲ," ಎಂದು ಹೇಳಿದರು. "ಪ್ರತಿಯೊಂದು ಪಂದ್ಯದಲ್ಲಿಯೂ ಫ್ರೆಶ್‌ ಆಗಿ ಕಾಣುವುದು ತುಂಬಾ ಮುಖ್ಯ. ಮನೆಯಲ್ಲಿದ್ದಾಗ ಹಾಗೂ ಹೋಟೆಲ್‌ ರೂಂ ಕ್ವಾರಂಟೈನ್‌ನಲ್ಲಿದ್ದಾಗ ನಾನು ಸಾಕಷ್ಟು ವರ್ಕ್‌ಔಟ್‌ ಮಾಡಿದ್ದೇನೆ ಹಾಗೂ ಟೂರ್ನಿಯುದ್ದಕ್ಕೂ ನಮ್ಮನ್ನು ನಾವು ನಿರ್ವಹಿಸುವುದು ತುಂಬಾನೇ ಮುಖ್ಯ. ನೀವು ಪಂದ್ಯ ಆಡಲು ಕಣಕ್ಕೆ ಇಳಿದಾಗ ಫ್ರೆಶ್‌ ಆಗಿ ಕಾಣಬೇಕು," ಎಂದು ವಿರಾಟ್‌ ತಿಳಿಸಿದರು. ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಗೆಲುವು ಸಾಧಿಸಿದ ಬಳಿಕ ವಿರಾಟ್‌ ಕೊಹ್ಲಿ ನಾಯಕತ್ವದ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ತಂಡ ಮತ್ತೊಮ್ಮೆ ಪಾಯಿಂಟ್ಸ್‌ ಟೇಬಲ್‌ನಲ್ಲಿ ಅಗ್ರ ಸ್ಥಾನಕ್ಕೇರಿತು. ವೇಗಿ ಹರ್ಷಲ್‌ ಪಟೇಲ್‌ ಪರ್ಪಲ್‌ ಕ್ಯಾಪ್‌ ಅನ್ನು ತನ್ನಲ್ಲಿಯೇ ಉಳಿಸಿಕೊಂಡರು. ಆರ್‌ಸಿಬಿ ಏ.30 ರಂದು ಇದೇ ಅಂಗಳದಲ್ಲಿ ಪಂಜಾಬ್‌ ಕಿಂಗ್ಸ್ ವಿರುದ್ಧ ಮುಂದಿನ ಪಂದ್ಯವಾಡಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3ntNOru
