ಹೊಸದಿಲ್ಲಿ: ಇಲ್ಲಿನ ಅರುಣ್‌ ಜೆಟ್ಲಿ ಕ್ರೀಡಾಂಗಣದಲ್ಲಿಂದು ಹದಿನಾಲ್ಕನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಟೂರ್ನಿಯ 23ನೇ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಹಾಗೂ ಸನ್‌ರೈಸರ್ಸ್ ಹೈದರಾಬಾದ್‌ ತಂಡಗಳು ಮುಖಾಮುಖಿಯಾಗುತ್ತಿವೆ. ನಾಯಕತ್ವ ಚೆನ್ನೈ ಸೂಪರ್ ಕಿಂಗ್ಸ್ ಪ್ರಸಕ್ತ ಆವೃತ್ತಿಯಲ್ಲಿ ಆಡಿರುವ 5 ಪಂದ್ಯಗಳಲ್ಲಿ 4 ರಲ್ಲಿ ಗೆದ್ದು ಪಾಯಿಂಟ್ಸ್ ಟೇಬಲ್‌ನಲ್ಲಿ ಎರಡನೇ ಸ್ಥಾನದಲ್ಲಿದೆ. ಸಿಎಸ್‌ಕೆ ಇದೇ ಗೆಲುವಿನ ಲಯವನ್ನು ಇಂದಿನ ಪಂದ್ಯದಲ್ಲಿ ಮುಂದುವರಿಸುವ ತುಡಿತದಲ್ಲಿ ಕಣಕ್ಕೆ ಇಳಿಯುತ್ತಿದೆ. ಇನ್ನು ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಪ್ಲೇಯಿಂಗ್‌ ಇಲೆವೆನ್‌ನಲ್ಲಿ ಒಂದು ಬದಲಾವಣೆ ಮಾಡುವ ಸಾಧ್ಯತೆ ಇದೆ. ಕಳೆದ ಪಂದ್ಯವಾಡಿದ್ದ ಡ್ವೇನ್‌ ಬ್ರಾವೊ ಅವರ ಬದಲು ಸ್ಪಿನ್‌ ಹೆಚ್ಚುವರಿ ಆಯ್ಕೆಗೋಸ್ಕರ ಹಾಗೂ ಮೇಲಿನ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ ಡೆಪ್ತ್‌ಗಾಗಿ ಮೊಯೀನ್‌ ಅಲಿ ಅವರನ್ನು ಪ್ಲೇಯಿಂಗ್‌ ಇಲೆವೆನ್‌ಗೆ ಕರೆ ತರುವ ಸಾಧ್ಯತೆ ಇದೆ. ಮತ್ತೊಂದಡೆ ಸನ್‌ರೈಸರ್ಸ್ ಹೈದರಾಬಾದ್‌ ತಂಡ ಪ್ರಸಕ್ತ ಆವೃತ್ತಿಯಲ್ಲಿ ಆಡಿರುವ 5 ಪಂದ್ಯಗಳಲ್ಲಿ 4 ರಲ್ಲಿ ಸೋತು ಏಕೈಕ ಗೆಲುವು ಪಡೆದಿದೆ. ಇನ್ನು ಕಳೆದ ಪಂದ್ಯದಲ್ಲಿ ಕಠಿಣ ಹೋರಾಟ ನಡೆಸಿದ್ದ ಎಸ್‌ಆರ್‌ಎಚ್‌, ಸೂಪರ್ ಓವರ್‌ನಲ್ಲಿ ಡೆಲ್ಲಿಗೆ ಮಣಿದಿತ್ತು. ಹಾಗಾಗಿ, ಹೈದರಾಬಾದ್‌ ಪಾಯಿಂಟ್ಸ್ ಟೇಬಲ್‌ನಲ್ಲಿ ಕೊನೆಯ ಸ್ಥಾನದಲ್ಲಿದೆ. ಇಂದಿನ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡದಲ್ಲಿ ಎರಡು ಬದಲಾವಣೆ ಮಾಡುವ ಸಾಧ್ಯತೆ ಇದೆ. ಮನೀಶ್‌ ಪಾಂಡೆ ಹಾಗೂ ಅಬ್ದುಲ್‌ ಸಮದ್‌ ಪ್ಲೇಯಿಂಗ್‌ ಇಲೆವೆನ್‌ಗೆ ಮರಳುವ ಸಾಧ್ಯತೆ. ಅಂದುಕೊಂಡಂತೆ ಎಲ್ಲಾ ನಡೆದರೆ, ವಿರಾಟ್‌ ಸಿಂಗ್‌ ಹಾಗೂ ಕೇದಾರ್ ಜಾಧವ್ ತಮ್ಮ-ತಮ್ಮ ಸ್ಥಾನಗಳನ್ನು ಇವರಿಬ್ಬರಿಗೆ ಬಿಟ್ಟುಕೊಡಬೇಕಾಗುತ್ತದೆ. ಉಭಯ ತಂಡಗಳ ಸಂಭಾವ್ಯ ಪ್ಲೇಯಿಂಗ್‌ ಇಲೆವೆನ್‌ ಚೆನ್ನೈ ಸೂಪರ್ ಕಿಂಗ್ಸ್: ಋತುರಾಜ್‌ ಗಾಯಕ್ವಾಡ್‌, ಫಾಫ್‌ ಡು ಪ್ಲೆಸಿಸ್‌, ಮೊಯೀನ್‌ ಅಲಿ, ಸುರೇಶ್‌ ರೈನಾ, ಅಂಬಾಟಿ ರಾಯುಡು, ಎಂಎಸ್‌ ಧೋನಿ(ನಾಯಕ/ವಿ.ಕೀ), ರವೀಂದ್ರ ಜಡೇಜಾ, ಸ್ಯಾಮ್‌ ಕರ್ರನ್‌, ಶಾರ್ದುಲ್ ಠಾಕೂರ್‌, ದೀಪಕ್‌ ಚಹರ್‌, ಇಮ್ರಾನ್‌ ತಾಹೀರ್‌ ಸನ್‌ರೈಸರ್ಸ್ ಹೈದರಾಬಾದ್‌: ಡೇವಿಡ್‌ ವಾರ್ನರ್‌. ಜಾನಿ ಬೈರ್‌ಸ್ಟೋವ್‌, ಮನೀಶ್‌ ಪಾಂಡೆ, ಕೇನ್‌ ವಿಲಿಯಮ್ಸನ್‌, ವಿಜಯ್‌ ಶಂಕರ್‌, ಕೇದಾರ್ ಜಾಧವ್/ಅಬ್ದುಲ್‌ ಸಮದ್‌, ರಶೀದ್‌ ಖಾನ್‌, ಜಗದೀಶ್‌ ಸುಚಿತ್‌, ಸಿದ್ದಾರ್ಥ್‌ ಕೌಲ್‌, ಖಲೀಲ್‌ ಅಹ್ಮದ್‌, ಸಂದೀಪ್ ಶರ್ಮಾ ಪಿಚ್‌ ರಿಪೋರ್ಟ್: ಇಲ್ಲಿನ ಅರುಣ್‌ ಜೆಟ್ಲಿ ಕ್ರೀಡಾಂಗಣದ ಪಿಚ್‌ ಸ್ಪರ್ಧಾತ್ಮಕವಾಗಿ ಕೂಡಿದೆ. ಅಂದರೆ ಬ್ಯಾಟಿಂಗ್‌ ಹಾಗೂ ಬೌಲಿಂಗ್‌ ಎರಡಕ್ಕೂ ಸಹಕಾರಿಯಾಗಬಹುದು. ಹಾಗಾಗಿ, ಪರಿಸ್ಥಿತಿಗಳನ್ನು ಅರಿತುಕೊಂಡು ಅತ್ಯುತ್ತಮ ಬ್ಯಾಟಿಂಗ್‌ ಮಾಡಿದರೆ, ಉತ್ತಮ ಮೊತ್ತ ಕಲೆ ಹಾಕಬಹುದು. ಬೌಲಿಂಗ್‌ನಲ್ಲಿಯೂ ಕೂಡ ಸ್ಪಿನ್‌ ಸ್ವಲ್ಪ ಪ್ರಭಾವ ಬೀರಬಹುದು ಎಂದೇ ಹೇಳಬಹುದು. ಈ ಅಂಗಣದಲ್ಲಿ 160 ಸರಾಸರಿ ಮೊತ್ತ ದಾಖಲಾಗುವ ಸಾಧ್ಯತೆ ಇದೆ. ಮುಖಾಮುಖಿ ದಾಖಲೆ: ಆಡಿರುವ ಒಟ್ಟು ಪಂದ್ಯಗಳು: 15 ಸಿಎಸ್‌ಕೆ ಗೆಲುವು: 11 ಎಸ್‌ಆರ್‌ಎಚ್‌ ಗೆಲುವು: 4 ಪಂದ್ಯದ ವಿವರ ಪಂದ್ಯ: ಚೆನ್ನೈ ಸೂಪರ್ ಕಿಂಗ್ಸ್ vs ಸನ್‌ರೈಸರ್ಸ್ ಹೈದರಾಬಾದ್‌ ದಿನಾಂಕ, ಸಮಯ: ಏ.28, 2021, ರಾತ್ರಿ 07:30ಕ್ಕೆ ಸ್ಥಳ: ಅರುಣ್‌ ಜೆಟ್ಲಿ ಕ್ರೀಡಾಂಗಣ, ಹೊಸದಿಲ್ಲಿ ನೇರ ಪ್ರಸಾರ: ಸ್ಟಾರ್‌ ಸ್ಪೋರ್ಟ್ಸ್ ನೆಟ್‌ವರ್ಕ್‌
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3ev2um8
