ಹೊಸದಿಲ್ಲಿ: ತಂಡದ ನಾಯಕ ತಾನೊಬ್ಬ ಹೃದಯವಂತ ಕ್ರಿಕೆಟಿಗ ಎಂಬುದನ್ನು ಸಾಕಷ್ಟು ಬಾರಿ ಮೈದಾನದಲ್ಲಿ ಸಾಬೀತುಪಡಿಸಿದ್ದಾರೆ. ಇದೀಗ ವೆಸ್ಟ್ ಇಂಡೀಸ್ ಹಾಗೂ ನ್ಯೂಜಿಲೆಂಡ್ ನಡುವಿನ ಮೊದಲನೇ ಟೆಸ್ಟ್ ಪಂದ್ಯಕ್ಕೂ ಮುನ್ನ ಮತ್ತೊಮ್ಮೆ ತಮ್ಮ ಅದ್ಭುತವಾದ ವ್ಯಕ್ತಿತ್ವವನ್ನು ತೋರಿಸಿದರು. ನ್ಯೂಜಿಲೆಂಡ್ ಹಾಗೂ ತಂಡಗಳು ಸದ್ಯ ಎರಡು ಪಂದ್ಯಗಳ ಟೆಸ್ಟ್ ಸರಣಿಯ ಮೊದಲನೇ ಹಣಾಹಣಿಯಲ್ಲಿ ಮುಖಾಮುಖಿಯಾಗಿವೆ. ಪಂದ್ಯಕ್ಕೂ ಮುನ್ನ ತಮ್ಮ ತಂದೆ ಆಂಡ್ರೆ ಸ್ಮಿತ್ ಅವರನ್ನು ಕಳೆದುಕೊಂಡ ವಿಂಡೀಸ್ ಹಿರಿಯ ವೇಗಿ ಅವರ ಬಳಿ ತೆರಳಿದ ಕೇನ್ ವಿಲಿಯಮ್ಸನ್ ಅಪ್ಪಿಕೊಂಡು ಸಾಂತ್ವಾನ ಹೇಳಿದರು. ಕೇಮರ್ ರೋಚ್ ಅವರನ್ನು ಕೇನ್ ವಿಲಿಯಮ್ಸನ್ ಅಪ್ಪಿಕೊಂಡಿದ್ದ ಫೋಟೊವನ್ನು ವಿಂಡೀಸ್ ಕ್ರಿಕೆಟ್ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದೆ. ಇದಕ್ಕೆ ಪ್ರತಿಕ್ರಿಯಿಸಿದ ನೆಟ್ಟಿಗರು ಕ್ರಿಕೆಟ್ 'ಜೆಂಟ್ಲ್ಮ್ಯಾನ್ ಗೇಮ್' ಎಂಬುದನ್ನು ನ್ಯೂಜಿಲೆಂಡ್ ನಾಯಕ ಮತ್ತೊಮ್ಮೆ ಸಾಬೀತುಪಡಿಸಿದರು ಎಂದು ಗುಣಗಾನ ಮಾಡಿದರು. ನ್ಯೂಜಿಲೆಂಡ್ ಹಾಗೂ ವೆಸ್ಟ್ ಇಂಡೀಸ್ ಎರಡೂ ತಂಡಗಳ ಆಟಗಾರರು ತೋಳಿಗೆ ಕಪ್ಪು ಬಟ್ಟೆ ಕಟ್ಟುವ ಮೂಲಕ ವಿಧಿವಶರಾದ ಕೇಮರ್ ರೋಚ್ ಅವರ ತಂದೆಗೆ ಗೌರವ ಸಮರ್ಪಿಸಿದರು. "ಕ್ರಿಕೆಟ್ ವೆಸ್ಟ್ ಇಂಡೀಸ್ ಮತ್ತು ವೆಸ್ಟ್ ಇಂಡೀಸ್ ಕ್ರಿಕೆಟ್ ತಂಡದ ಪರವಾಗಿ ನಾನು, ಕೇಮರ್ ರೋಚ್ ಹಾಗೂ ಅವರ ಕುಟುಂಬಕ್ಕೆ ಸಂತಾಪ ಸೂಚಿಸುತ್ತೇನೆ. ಪ್ರೀತಿಪಾತ್ರರನ್ನು ಕಳೆದುಕೊಳ್ಳುವುದು ಎಂದಿಗೂ ಸುಲಭವಲ್ಲ ಮತ್ತು ಈ ಕಷ್ಟದ ಸಮಯದಲ್ಲಿ ನಾವು ಕೇಮರ್ಗೆ ನಮ್ಮ ಸಂಪೂರ್ಣ ಬೆಂಬಲವನ್ನು ನೀಡಲು ಬಯಸುತ್ತೇವೆ. ನಾವು ಇಲ್ಲಿ ಮೊದಲನೇ ಟೆಸ್ಟ್ ಪಂದ್ಯಕ್ಕೆ ತಯಾರಿ ನಡೆಸುತ್ತಿದ್ದಂತೆ ನಮಗೆ ಸುದ್ದಿ ಬಂತು ಮತ್ತು ಆಟಗಾರರು ಹಾಗೂ ತಂಡದ ಸಹಾಯಕ ಸಿಬ್ಬಂದಿ ಎಲ್ಲರೂ ಒಗ್ಗೂಡಿ ಹಿರಿಯ ವೇಗಿಗೆ ಅಪಾರ ಬೆಂಬಲವನ್ನು ನೀಡಿದರು, " ಎಂದು ವಿಂಡೀಸ್ ತಂಡದ ವ್ಯವಸ್ಥಾಪಕ ರಾಲ್ ಲೆವಿಸ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ನಾಯಕ ಕೇನ್ ವಿಲಿಯಮ್ಸನ್ ದ್ವಿಶತಕದ ನೆರವಿನಿಂದ ನ್ಯೂಜಿಲೆಂಡ್ ತಂಡ, ಮೊದಲನೇ ಟೆಸ್ಟ್ ಪಂದ್ಯದ ಪ್ರಥಮ ಇನಿಂಗ್ಸ್ನಲ್ಲಿ 519 ರನ್ಗಳಿಗೆ ಡಿಕ್ಲೇರ್ ಮಾಡಿಕೊಂಡತು. ಅದ್ಭುತ ಬ್ಯಾಟಿಂಗ್ ಮಾಡಿದ ವಿಲಿಯಮ್ಸನ್, 412 ಎಸೆತಗಳಲ್ಲಿ 34 ಬೌಂಡರಿಗಳು ಹಾಗೂ ಎರಡು ಸಿಕ್ಸರ್ ನೆರವಿನಿಂದ 251 ರನ್ಗಳನ್ನು ಗಳಿಸಿದರು. ಇವರನ್ನು ಬಿಟ್ಟರೆ, ಆರಂಭಿಕ ಬ್ಯಾಟ್ಸ್ಮನ್ ಟಾಮ್ ಲಥಾಮ್ 86 ಹಾಗೂ ಜಾಮಿಸನ್ 51 ರನ್ಗಳನ್ನು ಗಳಿಸಿದರು. ವೆಸ್ಟ್ ಇಂಡೀಸ್ ಪರ ಉತ್ತಮ ಬೌಲಿಂಗ್ ಮಾಡಿದ ಕೇಮರ್ ರೋಚ್ ಹಾಗೂ ಗೇಬ್ರಿಯಲ್ ತಲಾ ಮೂರು ವಿಕೆಟ್ಗಳನ್ನು ಪಡೆದರು. ದ್ವಿಶತಕ ಸಿಡಿಸಿದ ಕೇನ್ ವಿಲಿಯಮ್ಸನ್ ಸೆಡ್ಡಾನ್ ಪಾರ್ಕ್ನಲ್ಲಿ 1,000 ಟೆಸ್ಟ್ ರನ್ಗಳನ್ನು ಪೂರೈಸಿದರು ಹಾಗೂ ಈ ಸಾಧನೆ ಮಾಡಿರುವ ರಾಸ್ ಟೇಲರ್ ಅವರ ಜತೆಗೆ ಸೇರ್ಪಡೆಯಾದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2JIUm5V
