ವಾಷಿಂಗ್ಟನ್: ಅಮೆರಿಕದಲ್ಲಿ ಕಪ್ಪು ವರ್ಣೀಯ ಜಾರ್ಜ್ ಫ್ಲಾಯ್ಡ್ ದುರಂತ ಸಾವು ಭಾರಿ ಜನಾಂಗೀಯ ಪ್ರತಿಭಟನೆಗೆ ಕಾರಣವಾಗಿದೆ. ಇದರಿಂದಾಗಿ ವಿಶ್ವದ ದೊಡ್ಡಣ್ಣ ಖ್ಯಾತಿಯ ಅಮೆರಿಕದಲ್ಲಿ ಅರಾಜಕತೆ ಸೃಷ್ಟಿಯಾಗಿದೆ. ಈ ಮಧ್ಯೆ ಪ್ರತಿಭಟನೆಯ ಕಾವು ಶ್ವೇಭವನಕ್ಕೂ ತಲುಪಿದಾಗ ಭದ್ರತಾ ಸಿಬ್ಬಂದಿಗಳು ಅಧ್ಯಕ್ಷ ಅವರನ್ನು ಭೂಗತ ಬಂಕರ್ನಲ್ಲಿ ಇರಿಸಿದ್ದರು ಎಂಬುದು ವರದಿಯಾಗಿತ್ತು. ಆದರೆ ಈ ಎಲ್ಲ ಮಾಧ್ಯಮ ವರದಿಗಳನ್ನು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ನಿರಾಕರಿಸಿದ್ದು, ಇವೆಲ್ಲವೂ ತಪ್ಪಾದ ಮಾಹಿತಿಯಾಗಿದೆ ಎಂದಿದ್ದಾರೆ. ಆದರೂ ಸ್ವಲ್ಪ ಸಮಯದ ವರೆಗೂ ಸುರಕ್ಷಿತ ಪ್ರದೇಶಕ್ಕೆ ಹೋಗಿರುವುದಾಗಿ ಒಪ್ಪಿಕೊಂಡಿದ್ದಾರೆ. ನ್ಯೂಯಾರ್ಕ್ ಟೈಮ್ಸ್ ವರದಿ ಪ್ರಕಾರ, ಶುಕ್ರವಾರ ರಾತ್ರಿ ಶ್ವೇತಭವನದ ಹೊರಗಡೆ ಲಾಫಾಯೆಟ್ ಸ್ಕ್ವೇರ್ನಲ್ಲಿ ಭಾರಿ ಪ್ರತಿಭಟನೆ ನಡೆಯುತ್ತಿದ್ದಾಗ ಡೊನಾಲ್ಡ್ ಟ್ರಂಪ್ ಅವರನ್ನು ಅಮೆರಿಕದ ಸಿಕ್ರೇಟ್ ಸರ್ವಿಸ್ ಬಾಡಿಗಾರ್ಡ್ಗಳು ಭೂಗತ ಬಂಕರ್ನಲ್ಲಿಸಿದ್ದರು ಎಂದು ವರದಿ ಮಾಡಿತ್ತು. ಈ ವೇಳೆಯಲ್ಲಿ ಪೊಲೀಸ್ ಹಾಗೂ ಪ್ರತಿಭಟನಾಕಾರರ ನಡುವೆ ನೇರ ಸಂಘರ್ಷ ನಡೆಯುತ್ತಿತ್ತು ಎನ್ನಲಾಗಿದೆ. ಆದರೆ ಶುಕ್ರವಾರ ರಾತ್ರಿ ಪ್ರತಿಭಟನೆಯ ಸಂದರ್ಭದಲ್ಲಿ ಬಂಕರ್ನಲ್ಲಿ ಆಶ್ರಯ ಪಡೆದಿಲ್ಲ, ಹಗಲು ವೇಳೆಯಲ್ಲಷ್ಟೇ ಹೋಗಿದ್ದೆ ಎಂದು ಅಮೆರಿಕ ಅಧ್ಯಕ್ಷರು ಹೇಳಿದರು. ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಡೊನಾಲ್ಡ್ ಟ್ರಂಪ್, ಹಗಲು ಹೊತ್ತಿನಲ್ಲಿ ಹೋಗಿರುವುದಾಗಿ ತಿಳಿಸಿದರು. ಹೌದು ಹೋಗಿದ್ದೆ, ಇದು ಸಮಸ್ಯೆಯೇನಲ್ಲ ಎಂದು ವಿವರಿಸಿದರು. ಇದನ್ನು ದೊಡ್ಡ ವಿಷಯವನ್ನಾಗಿ ಮಾಡಿದ್ದಾರೆ. ನಾನಿದರ ಬಗ್ಗೆ ಓದಿದ್ದೇನೆ. ಅಲ್ಲಿ ಯಾವುದೇ ಸಮಸ್ಯೆಗಳಿರಲಿಲ್ಲ. ವೈಟ್ ಹೌಸ್ ಸಮೀಪ ತೊಂದರೆ ಕೊಡಲು ಯಾರೂ ಬಂದಿರಲಿಲ್ಲ. ವೈಟ್ ಹೌಸ್ ಭದ್ರತೆಯನ್ನು ಸಿಕ್ರೇಟ್ ಸರ್ವಿಸ್ ನೋಡಿಕೊಳ್ಳುತ್ತಿದೆ ಎಂದು ಹೇಳಿದರು.
from India & World News in Kannada | VK Polls https://ift.tt/2XuP6qR
