ಅಹಮದಾಬಾದ್: ಭಾರಿ ನಿರೀಕ್ಷೆಗಳನ್ನು ಹುಟ್ಟುಹಾಕಿರುವ ಅಧ್ಯಕ್ಷ ಅವರ 36 ಗಂಟೆಗಳ ಭಾರತ ಭೇಟಿಗೆ ಭವ್ಯ ಸ್ವಾಗತ ನೀಡಲು ದೇಶ ಸಜ್ಜಾಗಿದೆ. ಅಹಮದಾಬಾದ್, ಆಗ್ರಾ, ಹೊಸದಿಲ್ಲಿಯಲ್ಲಿ ಭಾರಿ ಬಿಗಿ ಭದ್ರತಾ ವ್ಯವಸ್ಥೆ ಕೈಗೊಳ್ಳಲಾಗಿದೆ. ಸೋಮವಾರ ರಾತ್ರಿ ಟ್ರಂಪ್ ಉಳಿದುಕೊಳ್ಳಲಿರುವ ದಿಲ್ಲಿಯ ಮೌರ್ಯ ಹೋಟೆಲ್ ಅಕ್ಷರಶಃ ಏಳುಸುತ್ತಿನ ಕೋಟೆಯಾಗಿ ಮಾರ್ಪಟ್ಟಿದೆ. ಸೋಮವಾರ ಬಾಗೂ ಮಂಗಳವಾರ ಭಾರತ ಪ್ರವಾಸದಲ್ಲಿರುವ ಟ್ರಂಪ್ ಅವರ ಸೋಮವಾರದ ಕಾರ್ಯಕ್ರಮಗಳು ಹೀಗಿವೆ.
- ಬೆಳಗ್ಗೆ 11.40: ಅಹಮದಾಬಾದ್ ಏರ್ಪೋರ್ಟ್ಗೆ ಆಗಮನ
- ಅಲ್ಲಿಂದ ಮೊಟೆರಾ ಸ್ಟೇಡಿಯಂವರೆಗೆ 22 ಕಿ.ಮೀ ರೋಡ್ ಶೋ
- ಸ್ಟೇಡಿಯಂ ಉದ್ಘಾಟನೆ, 'ನಮಸ್ತೇ ಟ್ರಂಪ್' ಕಾರ್ಯಕ್ರಮದಲ್ಲಿ ಭಾಗಿ. ಭಾರತದ ಸಂಪ್ರದಾಯ, ಸಂಸ್ಕೃತಿಗಳನ್ನು ಕಣ್ತುಂಬಿಕೊಳ್ಳಲಿರುವ ಟ್ರಂಪ್ ಕುಟುಂಬ
- ನಂತರ ಸಬರಮತಿ ಆಶ್ರಮಕ್ಕೆ ಭೇಟಿ ಕೊಡುವ ಸಾಧ್ಯತೆ
- ಸಂಜೆ 4.30ರ ಸುಮಾರಿಗೆ ಆಗ್ರಾದ ತಾಜ್ ಮಹಲ್ಗೆ ಭೇಟಿ
- ರಾತ್ರಿ ದಿಲ್ಲಿಗೆ ಪಯಣ. ಮಂಗಳವಾರ ರಾಷ್ಟ್ರಪತಿ ಭವನದಲ್ಲಿ ಸ್ವಾಗತ
- ರಾಜ್ಘಾಟ್ಗೆ ತೆರಳಿ ಮಹಾತ್ಮ ಗಾಂಧಿ ಸಮಾಧಿಗೆ ನಮನ
- ಪ್ರಧಾನಿ ನರೇಂದ್ರ ಮೋದಿ ಜತೆ ದ್ವಿಪಕ್ಷೀಯ ಮಾತುಕತೆ. ರಕ್ಷಣೆ ಇಂಧನ ಸೇರಿ ಹಲವು ಕ್ಷೇತ್ರಗಳಲ್ಲಿ ಉಭಯ ದೇಶಗಳ ಮಧ್ಯೆ ಮಹತ್ವದ ಒಪ್ಪಂದಗಳು ಏರ್ಪಡುವ ನಿರೀಕ್ಷೆ ಇದೆ.
from India & World News in Kannada | VK Polls https://ift.tt/2HRJApY
