ಬ್ಯಾಂಕಾಕ್ () : ವಿಶ್ವಾದ್ಯಂತ ತಲ್ಲಣ ಸೃಷ್ಟಿಸಿರುವ ಕೊರೊನಾ ವೈರಸ್ಗೆ ಅಚ್ಚರಿಯ ರೀತಿಯಲ್ಲಿ ಸಿಕ್ಕಿದೆ! ಅದೂ ಕೂಡಾ ಕಾಕ್ಟೇಲ್ ರೂಪದಲ್ಲಿ..! ಬ್ಯಾಂಕಾಕ್ನಲ್ಲಿರುವ ಚೀನಾದ ವೃದ್ಧ ಮಹಿಳೆಯೊಬ್ಬರಿಗೆ ಕೊರೊನಾ ವೈರಸ್ ಸೋಂಕು ತಗುಲಿರುವುದು ದೃಢಪಟ್ಟಿತ್ತು. ಹೀಗಾಗಿ ಅವರನ್ನು ವಿಶೇಷ ನಿಗಾ ಘಟಕದಲ್ಲಿ ಇಟ್ಟು ಚಿಕಿತ್ಸೆ ನೀಡಲಾಗುತ್ತಿತ್ತು. ಈ ವೇಳೆ, ಅವರಿಗೆ ಏನು ಔಷಧ ಕೊಡುವುದು ಎಂದು ಚಿಂತಿಸಿದ ವೈದ್ಯರು ಒಂದು ಮಾಸ್ಟರ್ ಪ್ಲಾನ್ ಮಾಡಿದರು. ಚೀನಾದ ವೃದ್ಧ ಮಹಿಳೆಗೆ ಆಗಲೇ 71 ವರ್ಷ ವಯಸ್ಸಾಗಿದೆ. ಹೀಗಾಗಿ, ಅವರಿಗೆ ನಾಜೂಕಾಗಿ, ಮುತುವರ್ಜಿಯಿಂದ ಚಿಕಿತ್ಸೆ ನೀಡಬೇಕಿತ್ತು. ಇವೆಲ್ಲವನ್ನೂ ಗಮನದಲ್ಲಿ ಇಟ್ಟುಕೊಂಡು ಜ್ವರ ಹಾಗೂ ಎಚ್ಐವಿ ರೋಗಿಗಳಿಗೆ ನೀಡುವ ವೈರಸ್ ನಿರೋಧಕ ಔಷಧವನ್ನು ಇಂಜೆಕ್ಷನ್ ರೂಪದಲ್ಲಿ ವೃದ್ಧೆಗೆ ನೀಡಿದರು. ಈ ಔಷಧದ ಕಾಕ್ಟೇಲ್ ಮಿಶ್ರಣ ತುಂಬಾ ಚನ್ನಾಗಿ ಕೆಲಸ ಮಾಡಿರೋದು ಕೇವಲ 48 ಗಂಟೆಗಳಲ್ಲೇ ಗೊತ್ತಾಗಿಹೋಯ್ತು..! 2 ದಿನಗಳ ಹಿಂದಷ್ಟೇ ವೃದ್ಧೆಯ ರಕ್ತದಲ್ಲಿ ಕೊರೊನಾ ವೈರಸ್ ಇರೋದು ಪತ್ತೆಯಾಗಿತ್ತು. ಆದ್ರೆ, ಈ ಔಷಧ ಕೊಟ್ಟ ಬಳಿಕ ಅವರ ದೇಹದಲ್ಲಿ ವೈರಸ್ ಇಲ್ಲವೇ ಇಲ್ಲ ಎಂದು ರಿಪೋರ್ಟ್ ಬಂದಿದೆ. ಈ ಬಗ್ಗೆ ಥೈಲ್ಯಾಂಡ್ನ ಆರೋಗ್ಯ ಇಲಾಖೆಯೇ ಅಧಿಕೃತ ಪ್ರಕಟಣೆ ಹೊರಡಿಸಿದೆ. ಪ್ರಜ್ಞೆಯೇ ಇಲ್ಲದೆ ಆಸ್ಪತ್ರೆಗೆ ದಾಖಲಾಗಿದ್ದ ವೃದ್ಧೆ, ಚಿಕಿತ್ಸೆ ಆರಂಭಿಸಿದ 12 ಗಂಟೆಗಳಲ್ಲೇ ಹಾಸಿಗೆ ಮೇಲೆ ಎದ್ದು ಕುಳಿತುಕೊಳ್ಳುವಷ್ಟು ಚೇತರಿಕೆ ಕಂಡಿದ್ದಾರೆ. ಜ್ವರಕ್ಕೆ ನೀಡುವ ಔಷಧಗಳಾದ oseltamivir ಹಾಗೂ lopinavir ದ್ರಾವಣವನ್ನು ಎಚ್ಐವಿ ರೋಗಿಗಳಿಗೆ ನೀಡುವ ritonavir ಜೊತೆಗೆ ಬೆರೆಸಿ ಚನ್ನಾಗಿ ಮಿಶ್ರಣ ಮಾಡಿ ಇಂಜೆಕ್ಷನ್ ರೂಪದಲ್ಲಿ ವೃದ್ಧೆಗೆ ನೀಡಲಾಗಿದ್ದು, ಇದೀಗ ಆಕೆ ಸಂಪೂರ್ಣವಾಗಿ ಚೇತರಿಸಿಕೊಂಡಿದ್ದಾರೆ ಎಂದು ಥೈಲ್ಯಾಂಡ್ನ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ. ಇತ್ತ ಚೀನಾದಲ್ಲಿ ಕೊರೊನಾ ವೈರಸ್ಗೆ 300 ಮಂದಿ ಬಲಿಯಾಗಿದ್ದಾರೆ. ಫಿಲಿಪ್ಪಿನ್ಸ್ನಲ್ಲೂ ಚೀನಾದ ವ್ಯಕ್ತಿಯೊಬ್ಬ ಜೀವ ಬಿಟ್ಟಿದ್ದಾರೆ. ಈ ಸುದ್ದಿಗಳ ಬೆನ್ನಲ್ಲೇ ಥೈಲ್ಯಾಂಡ್ ಸಿಹಿ ಸುದ್ದಿಯನ್ನು ಕೊಟ್ಟಿದೆ.
from India & World News in Kannada | VK Polls https://ift.tt/36ZTzDA
