ಶಿವಾನಂದ ಹಿರೇಮಠಬೆಂಗಳೂರು: ನಗರದಾದ್ಯಂತ ನಕಲಿ ಪಲ್ಸ್ (ನಾಡಿಮಿಡಿತ) ಆಕ್ಸಿಮೀಟರ್ ಹಾವಳಿ ಹೆಚ್ಚಾಗಿದೆ. ಕೊರೊನಾ ಸಂದಿಗ್ಧ ಪರಿಸ್ಥಿತಿ ದುರುಪಯೋಗಪಡಿಸಿಕೊಳ್ಳುತ್ತಿರುವ ದುರುಳರು ನಕಲಿ ಪಲ್ಸ್ ಮೀಟರ್ ತಯಾರಿಸಿ ಮಾರುಕಟ್ಟೆಗೆ ಬಿಟ್ಟಿದ್ದಾರೆ. ಹಲವು ಮೆಡಿಕಲ್ ಶಾಪ್ಗಳಲ್ಲಿ ನಕಲಿ ಪಲ್ಸ್ ಮೀಟರ್ ಮಾರಾಟವಾಗುತ್ತಿದೆ. ಇದನ್ನು ಬಳಸಿ ಸೋಂಕಿತರು ಆತಂಕಕ್ಕೆ ಈಡಾಗುತ್ತಿದ್ದಾರೆ.ನಕಲಿ ಪಲ್ಸ್ ಮೀಟರ್ಗಳು ನಿಖರ ಪಲ್ಸ್ ರೇಟ್ ತೋರಿಸುವುದಿಲ್ಲ. ತಪ್ಪು ಮಾಹಿತಿಯಿಂದ ಉದ್ವೇಗಕ್ಕೆ ಒಳಗಾಗುವ ಜನರು ಕೋವಿಡ್ ಸೋಂಕು ಇಲ್ಲದಿದ್ದರೂ ಚಿಕಿತ್ಸೆ ಪಡೆಯಲು ಮುಂದಾಗುತ್ತಿದ್ದಾರೆ. ತಪ್ಪು ಮಾಹಿತಿಯಿಂದ ವೈದ್ಯರು ಚಿಕಿತ್ಸಾ ವಿಧಾನವನ್ನೇ ಬದಲಿಸುವ ಸಂಭವ ಕೂಡ ಹೆಚ್ಚಾಗಿದೆ. ಭಯಭೀತರಾಗುವ ಸೋಂಕಿತರಲ್ಲಿ ಬಿಪಿ, ಶುಗರ್ ಏರಿಳಿತವಾಗುವ ಲಕ್ಷಣಗಳು ಕಂಡು ಬರುತ್ತಿವೆ. ಉದ್ವೇಗದಿಂದ ಹೃದಯಾಘಾತಕ್ಕೀಡಾದ ಘಟನೆಗಳು ನಡೆದಿವೆ ಎಂದು ವೈದ್ಯರೊಬ್ಬರು ಮಾಹಿತಿ ನೀಡಿದ್ದಾರೆ.ಪಲ್ಸ್ ಆಕ್ಸಿಮೀಟರ್ ಸಾಧನವು ಪ್ರಥಮ ಚಿಕಿತ್ಸಾ ಕಿಟ್ಗಳಲ್ಲಿ ಒಂದಾಗಿದೆ. ಆಮ್ಲಜನಕ ಮಟ್ಟವನ್ನು ಅರಿಯಲು ಇದನ್ನು ಬಳಸಲಾಗುತ್ತದೆ. ಮನೆ ಆರೈಕೆಯಲ್ಲಿರುವ ಪ್ರತಿ ಸೋಂಕಿತರು ಪಲ್ಸ್ ಆಕ್ಸಿಮೀಟರ್ ಮೂಲಕ ದಿನಕ್ಕೆ ಮೂರ್ನಾಲ್ಕು ಬಾರಿಯಾದರೂ ಆಕ್ಸಿಜನ್ ಮಟ್ಟ ಪರೀಕ್ಷಿಸಿಕೊಳ್ಳಬೇಕು ಎಂದು ವೈದ್ಯರು ಸೂಚಿಸುತ್ತಾರೆ. ಮನೆ ಆರೈಕೆಯಲ್ಲಿರುವವರ ಸಂಖ್ಯೆ ಹೆಚ್ಚಿರುವುದರಿಂದ ಪಲ್ಸ್ ಮೀಟರ್ಗಳಿಗೆ ವಿಪರೀತ ಬೇಡಿಕೆ ಸೃಷ್ಟಿಯಾಗಿದೆ.'ಇದು ಲೋಕಲ್ ಬ್ರ್ಯಾಂಡ್, ಬ್ರ್ಯಾಂಡೆಡ್ ಮೀಟರ್ಗಿಂತಲೂ ಕಡಿಮೆ ಬೆಲೆಯಿದೆ. ಬ್ರ್ಯಾಂಡೆಡ್ ಮತ್ತು ಲೋಕಲ್ ಬ್ರ್ಯಾಂಡ್ಗಳ ಕಾರ್ಯದಲ್ಲಿ ವ್ಯತ್ಯಾಸವಿಲ್ಲ' ಎಂದು ಮನವೊಲಿಸುವ ಮೂಲಕ ಮೆಡಿಕಲ್ ಶಾಪ್ ಸಿಬ್ಬಂದಿ ಸೇಲ್ ಮಾಡುತ್ತಿದ್ದಾರೆ. ಆತಂಕದಲ್ಲಿರುವ ಜನರು ಹೆಚ್ಚು ಪರಿಶೀಲನೆ ಮಾಡದೆ ಕೊಂಡು ಮೋಸ ಹೋಗುತ್ತಿದ್ದಾರೆ.ಬ್ರ್ಯಾಂಡೆಡ್ ಕಂಪನಿಗಳು ಉತ್ಪಾದನೆ ಹೆಚ್ಚು ಮಾಡಿದರೂ ಬೇಡಿಕೆ ಪೂರೈಸಲಾಗುತ್ತಿಲ್ಲ. ಇದರ ನಡುವೆ ನಕಲಿ ಪಲ್ಸ್ ಮೀಟರ್ಗಳು ಮಾರುಕಟ್ಟೆಗೆ ದಾಂಗುಡಿ ಇಟ್ಟಿವೆ. ನಕಲಿ ಪಲ್ಸ್ ಮೀಟರ್ ಮಾರಿದಲ್ಲಿ ಮೆಡಿಕಲ್ ಶಾಪ್ಗಳಿಗೆ ಹೆಚ್ಚಿನ ಕಮಿಷನ್ ಸಿಗುತ್ತದೆ. ಇದರಿಂದಾಗಿ ಮೆಡಿಕಲ್ ಶಾಪ್ ಮಾಲೀಕರು ಇವುಗಳನ್ನು ಮಾರಲು ಉತ್ಸುಕತೆ ತೋರುತ್ತಿದ್ದಾರೆ.
ಶಿವಾನಂದ ಹಿರೇಮಠ
ಬೆಂಗಳೂರು:
ನಗರದಾದ್ಯಂತ ನಕಲಿ ಪಲ್ಸ್ (ನಾಡಿಮಿಡಿತ) ಆಕ್ಸಿಮೀಟರ್ ಹಾವಳಿ ಹೆಚ್ಚಾಗಿದೆ. ಕೊರೊನಾ ಸಂದಿಗ್ಧ ಪರಿಸ್ಥಿತಿ ದುರುಪಯೋಗಪಡಿಸಿಕೊಳ್ಳುತ್ತಿರುವ ದುರುಳರು ನಕಲಿ ಪಲ್ಸ್ ಮೀಟರ್ ತಯಾರಿಸಿ ಮಾರುಕಟ್ಟೆಗೆ ಬಿಟ್ಟಿದ್ದಾರೆ. ಹಲವು ಮೆಡಿಕಲ್ ಶಾಪ್ಗಳಲ್ಲಿ ನಕಲಿ ಪಲ್ಸ್ ಮೀಟರ್ ಮಾರಾಟವಾಗುತ್ತಿದೆ. ಇದನ್ನು ಬಳಸಿ ಸೋಂಕಿತರು ಆತಂಕಕ್ಕೆ ಈಡಾಗುತ್ತಿದ್ದಾರೆ.
ನಕಲಿ ಪಲ್ಸ್ ಮೀಟರ್ಗಳು ನಿಖರ ಪಲ್ಸ್ ರೇಟ್ ತೋರಿಸುವುದಿಲ್ಲ. ತಪ್ಪು ಮಾಹಿತಿಯಿಂದ ಉದ್ವೇಗಕ್ಕೆ ಒಳಗಾಗುವ ಜನರು ಕೋವಿಡ್ ಸೋಂಕು ಇಲ್ಲದಿದ್ದರೂ ಚಿಕಿತ್ಸೆ ಪಡೆಯಲು ಮುಂದಾಗುತ್ತಿದ್ದಾರೆ. ತಪ್ಪು ಮಾಹಿತಿಯಿಂದ ವೈದ್ಯರು ಚಿಕಿತ್ಸಾ ವಿಧಾನವನ್ನೇ ಬದಲಿಸುವ ಸಂಭವ ಕೂಡ ಹೆಚ್ಚಾಗಿದೆ. ಭಯಭೀತರಾಗುವ ಸೋಂಕಿತರಲ್ಲಿ ಬಿಪಿ, ಶುಗರ್ ಏರಿಳಿತವಾಗುವ ಲಕ್ಷಣಗಳು ಕಂಡು ಬರುತ್ತಿವೆ. ಉದ್ವೇಗದಿಂದ ಹೃದಯಾಘಾತಕ್ಕೀಡಾದ ಘಟನೆಗಳು ನಡೆದಿವೆ ಎಂದು ವೈದ್ಯರೊಬ್ಬರು ಮಾಹಿತಿ ನೀಡಿದ್ದಾರೆ.
ಪಲ್ಸ್ ಆಕ್ಸಿಮೀಟರ್ ಸಾಧನವು ಪ್ರಥಮ ಚಿಕಿತ್ಸಾ ಕಿಟ್ಗಳಲ್ಲಿ ಒಂದಾಗಿದೆ. ಆಮ್ಲಜನಕ ಮಟ್ಟವನ್ನು ಅರಿಯಲು ಇದನ್ನು ಬಳಸಲಾಗುತ್ತದೆ. ಮನೆ ಆರೈಕೆಯಲ್ಲಿರುವ ಪ್ರತಿ ಸೋಂಕಿತರು ಪಲ್ಸ್ ಆಕ್ಸಿಮೀಟರ್ ಮೂಲಕ ದಿನಕ್ಕೆ ಮೂರ್ನಾಲ್ಕು ಬಾರಿಯಾದರೂ ಆಕ್ಸಿಜನ್ ಮಟ್ಟ ಪರೀಕ್ಷಿಸಿಕೊಳ್ಳಬೇಕು ಎಂದು ವೈದ್ಯರು ಸೂಚಿಸುತ್ತಾರೆ. ಮನೆ ಆರೈಕೆಯಲ್ಲಿರುವವರ ಸಂಖ್ಯೆ ಹೆಚ್ಚಿರುವುದರಿಂದ ಪಲ್ಸ್ ಮೀಟರ್ಗಳಿಗೆ ವಿಪರೀತ ಬೇಡಿಕೆ ಸೃಷ್ಟಿಯಾಗಿದೆ.
'ಇದು ಲೋಕಲ್ ಬ್ರ್ಯಾಂಡ್, ಬ್ರ್ಯಾಂಡೆಡ್ ಮೀಟರ್ಗಿಂತಲೂ ಕಡಿಮೆ ಬೆಲೆಯಿದೆ. ಬ್ರ್ಯಾಂಡೆಡ್ ಮತ್ತು ಲೋಕಲ್ ಬ್ರ್ಯಾಂಡ್ಗಳ ಕಾರ್ಯದಲ್ಲಿ ವ್ಯತ್ಯಾಸವಿಲ್ಲ' ಎಂದು ಮನವೊಲಿಸುವ ಮೂಲಕ ಮೆಡಿಕಲ್ ಶಾಪ್ ಸಿಬ್ಬಂದಿ ಸೇಲ್ ಮಾಡುತ್ತಿದ್ದಾರೆ. ಆತಂಕದಲ್ಲಿರುವ ಜನರು ಹೆಚ್ಚು ಪರಿಶೀಲನೆ ಮಾಡದೆ ಕೊಂಡು ಮೋಸ ಹೋಗುತ್ತಿದ್ದಾರೆ.
ಸಮಸ್ಯೆ ಏನು?
ದೇಹದಲ್ಲಿ ಆಕ್ಸಿಜನ್ ಮಟ್ಟ (94 ರಿಂದ 99 ) ಸಾಮಾನ್ಯವಾಗಿದ್ದರೂ ನಕಲಿ ಪಲ್ಸ್ ಮೀಟರ್ಗಳಲ್ಲಿ ಪಲ್ಸ್ ರೇಟ್ ತೀರಾ ಕಡಿಮೆ ತೋರಿಸುವ ಸಾಧ್ಯತೆ ಇರುತ್ತದೆ. ಪರದೆಯಲ್ಲಿ ಸ್ಪಷ್ಟವಾಗಿ ಅಂಕಿ-ಅಂಶ ಕಾಣಿಸುವುದಿಲ್ಲ. ಮೀಟರ್ ಪರದೆ ಮೇಲೆ ಬಿಂಬಿಸುವ ತರಂಗಗಳಲ್ಲಿ ಸ್ಪಷ್ಟತೆ ಇರುವುದಿಲ್ಲ. ನಿಮಿಷಕ್ಕೂ ಹೆಚ್ಚು ಸಮಯ ಬಳಸಿದ್ದಲ್ಲಿ ಪಲ್ಸ್ ರೇಟ್ ಏಕಾಏಕಿ ಹೆಚ್ಚಾಗಿರುವಂತೆ ತೋರಿಸುತ್ತದೆ. ಕೆಲವೊಮ್ಮೆ ಬೆರಳಿಗೆ ಫಿಟ್ ಆಗುವುದಿಲ್ಲ. ಧರಿಸಿದಾಗ 'ನೋ ಫಿಂಗರ್' ಎಂಬ ಸಂದೇಶ ಮೀಟರ್ ಪರದೆಯಲ್ಲಿ ಕಾಣಿಸುತ್ತದೆ.
ಜಾಗೃತಿ ಇರಲಿ
ಡಜನ್ಗೂ ಹೆಚ್ಚು ಪಲ್ಸ್ ಆಕ್ಸಿಮೀಟರ್ ಉತ್ಪಾದಿಸುವ ಕಂಪನಿಗಳು ಮಾರುಕಟ್ಟೆಯಲ್ಲಿವೆ. ಖರೀದಿ ಸಂದರ್ಭದಲ್ಲಿ ಜನರು ಎಚ್ಚರಿಕೆ ವಹಿಸಬೇಕು. ಬ್ರ್ಯಾಂಡೆಡ್ ಟೆಸ್ಟಿಂಗ್ ಸರ್ಟಿಫಿಕೇಷನ್ ನೋಡಿ ಖರೀದಿಸಿ. ಉಪಕರಣವನ್ನು ಒಮ್ಮೆ ಪ್ರಾಯೋಗಿಕವಾಗಿ ಉಪಯೋಗಿಸಿ ಬಳಿಕ ಖರೀದಿಸುವುದು ಸೂಕ್ತ.
'ಅಸಲಿ ಮೀಟರ್ ಉತ್ಪಾದಕರಿಗೆ ಸ್ಪರ್ಧೆ ನೀಡುವಂತೆ ನಕಲಿ ಪ್ರಕರಣಗಳು ಮಾರುಕಟ್ಟೆಯನ್ನು ಆಳುತ್ತಿವೆ. ಈ ಉಪಕರಣ ಬಳಕೆಯಿಂದ ಆರೋಗ್ಯವಂತ ವ್ಯಕ್ತಿಯೂ ಭಯದಿಂದ ಅನಾರೋಗ್ಯಕ್ಕೆ ಒಳಗಾಗುವ ಸಂಭವ ಹೆಚ್ಚು. ಇಂತಹ ಅನೇಕ ಪ್ರಕರಣಗಳನ್ನು ದಿನನಿತ್ಯ ನಮ್ಮ ಆಸ್ಪತ್ರೆಯಲ್ಲಿ ನೋಡುತ್ತಿದ್ದೇವೆ. ಜನ ಜಾಗರೂಕತೆಯಿಂದ ಖರೀದಿಸಬೇಕು' ಎನ್ನುತ್ತಾರೆ, ಜಯದೇವ ಹೃದ್ರೋಗ ಆಸ್ಪತ್ರೆ ಮುಖ್ಯಸ್ಥ ಡಾ. ಮಂಜುನಾಥ್.
ಹಲವು ಪಟ್ಟು ಬೆಲೆ ಹೆಚ್ಚಳ
ಸಾಮಾನ್ಯ ದಿನಗಳಲ್ಲಿ 400 ರಿಂದ 500 ರೂ. ಬೆಲೆಗೆ ಪಲ್ಸ್ ಆಕ್ಸಿಮೀಟರ್ ಲಭ್ಯವಿತ್ತು. ಆದರೆ, ಕೊರೊನಾ ಉಲ್ಬಣಿಸಿದ ನಂತರ 2500 ರಿಂದ 4000 ರೂ.ವರೆಗೆ ಬೆಲೆ ಏರಿಕೆ ಆಗಿದೆ. ಆತಂಕದಲ್ಲಿರುವ ಜನ ಬೆಲೆ ಲೆಕ್ಕಿಸದೇ ಖರೀದಿಗೆ ಮುಗಿಬಿದ್ದಿದ್ದಾರೆ. ಅಸಲಿ ಮತ್ತು ನಕಲಿ ಎಂಬುದನ್ನು ಪರೀಕ್ಷಿಸದೆ ಖರೀದಿಸುತ್ತಿದ್ದಾರೆ.
ರೀಡಿಂಗ್ ಕಡಿಮೆ ಆದ ತಕ್ಷಣ ಆತಂಕ ಬೇಡ
ಸೋಂಕಿತರಲ್ಲಿ ಆಕ್ಸಿಜನ್ ಮಟ್ಟ ಏರಿಳಿಕೆಯಾಗುವುದು ಸಾಮಾನ್ಯ. ಆಕ್ಸಿಜನ್ ಮಟ್ಟ (ಎಸ್ಪಿಒ2 ಲೆವೆಲ್ ) 94ಕ್ಕಿಂತ ಕಡಿಮೆ ಇದ್ದಲ್ಲಿ ತುರ್ತು ಚಿಕಿತ್ಸೆ ಅಗತ್ಯವಿದೆ ಎಂದರ್ಥ. ಬ್ರಾಂಡೆಡ್ ಪಲ್ಸ್ ಮೀಟರ್ಗಳಲ್ಲೂ ಕೆಲವೊಮ್ಮೆ ಆಕ್ಸಿಜನ್ ಲೆವೆಲ್ ಕಡಿಮೆ ತೋರಿಸುವುದುಂಟು. ಇದರಿಂದ ಆತಂಕಪಡುವ ಅಗತ್ಯವಿಲ್ಲ. ಆತಂಕಕ್ಕೆ ಒಳಗಾದಾಗ ವ್ಯತಿರಿಕ್ತ ರೀಡಿಂಗ್ ಬರಬಹುದು. ಆತಂಕ ಕಡಿಮೆ ಮಾಡಿಕೊಂಡು, ಚೆನ್ನಾಗಿ ಗಾಳಿಯಾಡುವ ಪ್ರದೇಶದಲ್ಲಿ ಕುಳಿತಾಗ ಆಕ್ಸಿಜನ್ ಮಟ್ಟ ತನ್ನಿಂದ ತಾನೆ ಏರಿಕೆಯಾಗಿರುವುದನ್ನು ಗಮನಿಸಬಹುದು ಎಂದು ವೈದ್ಯರು ಸಲಹೆ ನೀಡುತ್ತಾರೆ.
from India & World News in Kannada | VK Polls https://ift.tt/3oNWb1R
