ಹೊಸದಿಲ್ಲಿ: ಇಂಗ್ಲೆಂಡ್ ಕ್ರಿಕೆಟ್‌ನಲ್ಲಿ ತಮ್ಮ ನಾಯಕತ್ವದಲ್ಲಿ ಹಲವು ಸ್ಮರಣೀಯ ಗೆಲುವುಗಳಿಗೆ ಸಾಕ್ಷಿಯಾಗಿದ್ದಾರೆ. ಅಲ್ಲದೆ, ಇತ್ತೀಚೆಗೆ ಸೋಷಿಯಲ್‌ ಮೀಡಿಯಾದಲ್ಲಿ ಸಾಕಷ್ಟು ಸಕ್ರಿಯರಾಗಿದ್ದು, ವಿವಾದಾತ್ಮಕ ಹೇಳಿಕೆಗಳಿಂದ ವಾನ್‌ ಹೆಸರು ವಾಸಿಯಾಗಿದ್ದಾರೆ. ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಘೋಷಿಸಿ ಒಂದು ದಶಕ ಕಳೆದರೂ ಅವರು ತಮ್ಮ ಕ್ರಿಕೆಟ್ ಪಾಂಡಿತ್ಯ ಹಾಗೂ ತಮ್ಮ ಅನುಭವದ ಆಧಾರದ ಮೇಲೆ ತಮ್ಮನ್ನು ತಾವು ಚಾಲ್ತಿಯಲ್ಲಿಟ್ಟುಕೊಂಡಿದ್ದಾರೆ. ಇಂಗ್ಲೆಂಡ್ ತಂಡದಲ್ಲಿ ಆಡಿದ ಎಂಟು ವರ್ಷಗಳ ಅನುಭವದ ಬಗ್ಗೆ 46 ಪ್ರಾಯದ ಮಾಜಿ ಆಟಗಾರ ಪ್ರಶಂಸೆಯ ಮಾತುಗಳನ್ನಾಡಿದ್ದಾರೆ. ಇಂಗ್ಲೆಂಡ್ ಪರ 82 ಟೆಸ್ಟ್ ಹಾಗೂ 86 ಓಡಿಐ ಪಂದ್ಯಗಳಾಡಿರುವ ವಾನ್‌, ಕ್ರಮವಾಗಿ 5719 ರನ್‌ ಹಾಗೂ 1982 ರನ್‌ಗಳನ್ನು ಕಲೆ ಹಾಕಿದ್ದಾರೆ. ಏಕದಿನ ಕ್ರಿಕೆಟ್‌ನಲ್ಲಿ 90 ರನ್‌ ತಮ್ಮ ವೈಯಕ್ತಿಕ ಗರಿಷ್ಠ ಮೊತ್ತ ಗಳಿಸಿರುವ ವಾನ್‌, ಒಮ್ಮೆಯೂ ಶತಕ ಸಿಡಿಸದೇ ಇರುವುದು ಬೇಸರದ ಸಂಗತಿಯಾಗಿದೆ. ಆದರೆ, ಟೆಸ್ಟ್ ಕ್ರಿಕೆಟ್‌ನಲ್ಲಿ 18 ಶತಕಗಳನ್ನು ಸಿಡಿಸಿದ್ದು, ಭಾರತದ ವಿರುದ್ಧ 2002ರಲ್ಲಿ ಗಳಿಸಿದ್ದ 197 ರನ್‌ ವೈಯಕ್ತಿಕ ಗರಿಷ್ಠ ಮೊತ್ತವಾಗಿದೆ. ಇಂಗ್ಲೆಂಡ್ ತಂಡದ ಯಶಸ್ವಿ ನಾಯಕರಲ್ಲಿ ಮೈಕಲ್‌ ವಾನ್‌ ಕೂಡ ಒಬ್ಬರು. 51 ಟೆಸ್ಟ್, 60 ಓಡಿಐ ಹಾಗೂ ಎರಡು ಟಿ20 ಪಂದ್ಯಗಳಲ್ಲಿ ಇಂಗ್ಲೆಂಡ್ ತಂಡವನ್ನು ಮೈಕಲ್‌ ವಾನ್‌ ಮುನ್ನಡೆಸಿದ್ದಾರೆ. ಇದರಲ್ಲಿ ಅವರು ಒಟ್ಟಾರೆ 59 ಪಂದ್ಯಗಳಲ್ಲಿ ಜಯ ಗಳಿಸಿದ್ದಾರೆ. ಅಂದಹಾಗೆ ವಾನ್‌, 2009ರಲ್ಲಿ ಎಲ್ಲಾ ಸ್ವರೂಪದ ಕ್ರಿಕೆಟ್‌ಗೆ ವಿದಾಯ ಘೋಷಿಸಿದ್ದರು. ಇತ್ತೀಚೆಗೆ ಕ್ರಿಕ್‌ಟ್ರ್ಯಾಕರ್‌ ಜೊತೆ ಪ್ರಶ್ನೋತ್ತರ ಕಾರ್ಯಕ್ರಮವಾದ 'ಫ್ರೀ ಹಿಟ್‌' ನಲ್ಲಿ ಇಂಗ್ಲೆಂಡ್ ಹಾಗೂ ಭಾರತೀಯ ಕ್ರಿಕೆಟ್‌ಗೆ ಸಂಬಂಧಿಸಿದ ಹಲವು ಪ್ರಶ್ನೆಗಳಿಗೆ ವಾನ್‌ ಉತ್ತರಿಸಿದ್ದಾರೆ. ವಿರಾಟ್ ಕೊಹ್ಲಿ ಅಥವಾ ರೋಹಿತ್ ಶರ್ಮಾ ಅವರಲ್ಲಿ ಯಾರ ಬ್ಯಾಟಿಂಗ್ ಅನ್ನು ನೀವು ವೀಕ್ಷಿಸುತ್ತೀರಿ? ಎಂದು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ವಾನ್‌, ' ನಾಯಕ ವಿರಾಟ್ ಕೊಹ್ಲಿ ಎಂದು ಹೇಳಿದರು ಹಾಗೂ ರೋಹಿತ್ ಅವರನ್ನು ನಿಕಟವಾಗಿ ಅನುಸರಿಸುತ್ತೇನೆ ಎಂದು ತಿಳಿಸಿದರು. ನಿಮ್ಮ ಪ್ರಕಾರ ನಾಲ್ವರು ಪ್ಯಾಬ್‌ ಆಟಗಾರರು ಯಾರು? ಎಂದು ಕೇಳಿದ ಪ್ರಶ್ನೆಗೆ ಉತ್ತರಿಸಿ, ಪಾಕಿಸ್ತಾನ ನಾಯಕ ಬಾಬರ್‌ ಆಝಮ್‌ ಅವರಿಗೋಸ್ಕರ ಈ ಪಟ್ಟಿಯನ್ನು ಐದಕ್ಕೆ ಏರಿಸುವ ಅಗತ್ಯವಿದೆ. ಇನ್ನುಳಿದ ನಾಲ್ವರು ಆಟಗಾರರಲ್ಲಿ ಇಂಗ್ಲೆಂಡ್ ನಾಯಕ ಜೋ ರೂಟ್‌, ಆಸ್ಟ್ರೇಲಿಯಾದ ಸ್ಟೀವನ್‌ ಸ್ಮಿತ್‌, ನ್ಯೂಜಿಲೆಂಡ್‌ ನಾಯಕ ಕೇನ್‌ ವಿಲಿಯಮ್ಸನ್‌ ಹಾಗೂ ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಎಂದು ಹೇಳಿದರು. ಇದೇ ವೇಳೆ ಭಾರತ ಹಾಗೂ ಇಂಗ್ಲೆಂಡ್ ನಡುವೆ ಟೆಸ್ಟ್ ಸರಣಿಯಲ್ಲಿ ಗೆಲ್ಲುವ ತಂಡ ಹಾಗೂ ಅತಿ ಹೆಚ್ಚು ವಿಕೆಟ್‌ ಪಡೆಯುವ ಬೌಲರ್‌ ಹಾಗೂ ಅತಿ ಹೆಚ್ಚು ರನ್‌ ಗಳಿಸುವ ಬ್ಯಾಟ್ಸ್‌ಮನ್‌ ಯಾರು ಎಂದು ವಾನ್‌ಗೆ ಪ್ರಶ್ನೆ ಕೇಳಲಾಯಿತು. ಇದಕ್ಕೆ ಉತ್ತರಿಸಿದ ಅವರು, ಇಂಗ್ಲೆಂಡ್ ಟೆಸ್ಟ್ ಸರಣಿ ಗೆಲ್ಲಲಿದೆ. ಏಕೆಂದರೆ ಪ್ರತಿಬಾರಿ ಇಂಗ್ಲೆಂಡ್ ಭಾರತಕ್ಕೆ ಪ್ರವಾಸ ಮಾಡಿದಾಗಲೆಲ್ಲಾ ಸೋಲು ಅನುಭವಿಸುತ್ತದೆ. ಅದೇ ರೀತಿ ಭಾರತ ಪ್ರತಿಬಾರಿ ಇಂಗ್ಲೆಂಡ್‌ಗೆ ಬಂದಾಗಲೆಲ್ಲಾ ಅದಕ್ಕೆ ವಿರುದ್ಧವಾಗಿ ನಡೆಯುತ್ತದೆ. ಡ್ಯೂಕ್‌ ಬಾಲ್‌ನಲ್ಲಿ ಇಂಗ್ಲೆಂಡ್ ತಂಡವನ್ನು ಸೋಲಿಸುವುದು ತುಂಬಾ ಕಷ್ಟ ಎಂಬ ಅಂಶವನ್ನು ಅವರು ತಿಳಿಸಿದರು. ಅತಿ ಹೆಚ್ಚು ರನ್‌ ಗಳಿಸುವ ಬ್ಯಾಟ್ಸ್‌ಮನ್‌ಗಳಲ್ಲಿ ವಿರಾಟ್ ಹಾಗೂ ಜೋ ರೂಟ್‌ ಅವರನ್ನು ಆಯ್ಕೆ ಮಾಡುತ್ತೇನೆ. ಹಾಗೆಯೇ ಅತಿ ಹೆಚ್ಚು ವಿಕೆಟ್‌ ಪಡೆಯುವ ಬೌಲರ್‌ಗಳಲ್ಲಿ ಜಸ್‌ಪ್ರಿತ್‌ ಬುಮ್ರಾ ಮತ್ತು ಕ್ರಿಸ್‌ ವೋಕ್ಸ್ ಅವರನ್ನು ಆರಿಸುತ್ತೇನೆ. ಒಂದು ವೇಳೆ ನೀವು ಐಪಿಎಲ್‌ ಟೂರ್ನಿ ಆಡುವುದಾದರೆ, ಯಾರ ನಾಯಕತ್ವದ ಅಡಿಯಲ್ಲಿ ಆಡಲು ಬಯಸುತ್ತೀರಿ? ಎಂದು ಕೇಳಿದ ಪ್ರಶ್ನೆಗೆ ಉತ್ತರಿಸಿ, ತಾವು ನಾಯಕತ್ವದ ಅಡಿಯಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಪರ ಆಡಲು ಬಯಸುತ್ತೇನೆ. ಇದರಲ್ಲಿ ಯಾವುದೇ ಅನುಮಾನವಿಲ್ಲ. ಅವರ ತಾಳ್ಮೆ, ಅವರು ಅನುಸರಿಸುವ ತಂತ್ರ ಬುದ್ದಿವಂತಿಕೆಯಿಂದ ಕೂಡಿದೆ ಎಂದು ವಾನ್‌ ಹೇಳಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2Tiif98
