: ಭಾರತದಿಂದ ಪರಾರಿಯಾಗಿರುವ ಉದ್ಯಮಿ, ಪಿಎನ್‌ಬಿ ಹಗರಣದ ಕಿಂಗ್ ಪಿನ್ ಮೇಹುಲ್ ಚೋಕ್ಸಿಯ ಬಂಧನಕ್ಕೆ ಕೊನೆಯ ಹಂತದ ಹರಸಾಹಸಕ್ಕೆ ಕೈಹಾಕಿದೆ. ಕೆರಿಬಿಯನ್ ದ್ವೀಪ ಸಮೂಹದ ದೇಶದಲ್ಲಿ ಅಡಗಿದ್ದ ಚೋಕ್ಸಿಯನ್ನು ಪತ್ತೆ ಹಚ್ಚಲಾಗಿದ್ದು, ಅಲ್ಲಿಂದ ಭಾರತಕ್ಕೆ ಕರೆತರಲು ಸಿದ್ದತೆ ಆರಂಭವಾಗಿದೆ. ಡೊಮಿನಿಕಾ ದೇಶಕ್ಕೆ ಭಾರತದಿಂದ ಖಾಸಗಿ ವಿಮಾನವನ್ನು ರವಾನಿಸಲಾಗಿದೆ. ಖತಾರ್ ಎಕ್ಸಿಕ್ಯುಟೀವ್ ಬ್ಯುಸಿನೆಸ್ ಜೆಟ್ ವಿಮಾನವನ್ನು ರವಾನಿಸಲಾಗಿದ್ದು, ಶೀಘ್ರದಲ್ಲೇ ಈ ವಿಮಾನ ಚೋಕ್ಸಿಯನ್ನು ಭಾರತಕ್ಕೆ ಹೊತ್ತು ತರಲಿದೆ. ಪಂಜಾಬ್ ನ್ಯಾಷನಲ್ ಬ್ಯಾಂಕ್‌ಗೆ ಸುಮಾರು 13,500 ಕೋಟಿ ರೂ. ಮೋಸ ಮಾಡಿದ ಆರೋಪ ಚೋಕ್ಸಿ ಮೇಲಿದೆ. ಡೊಮಿನಿಕಾ ಜೈಲಿನಲ್ಲಿ ಪೊಲೀಸ್ ಕಸ್ಟಡಿಯಲ್ಲಿ ಮೇಹುಲ್ ಚೋಕ್ಸಿಯನ್ನು ಇರಿಸಲಾಗಿದೆ. ಮೇಹುಲ್ ಚೋಕ್ಸಿಯ ಸಹೋದರ ಸಂಬಂಧಿ ನೀರವ್ ಮೋದಿಯನ್ನೂ ಭಾರತ ಹುಡುಕುತ್ತಿದೆ. ಆತ ಲಂಡನ್‌ನಲ್ಲಿ ಇದ್ದು, ನೀರವ್ ಮೋದಿಯನ್ನೂ ಭಾರತಕ್ಕೆ ಕರೆತರಲು ಕಾನೂನು ಸಮರ ನಡೆಯುತ್ತಿದೆ. ಪಿಎನ್‌ಬಿ ಹಗರಣದ ಬಳಿಕ ಭಾರತದಿಂದ ಪರಾರಿಯಾಗಿದ್ದ , ಆಂಟಿಗುಹಾ ದೇದಲ್ಲಿ ವಾಸಿಸುತ್ತಿದ್ದ. ಕಳೆದ ಭಾನುವಾರ ಅಲ್ಲಿಂದ ಪರಾರಿಯಾಗಿದ್ದ ಚೋಕ್ಸಿ, ಇದೀಗ ಡೊಮಿನಿಕಾದಲ್ಲಿ ಸಿಕ್ಕಿಬಿದ್ದಿದ್ದಾನೆ.
from India & World News in Kannada | VK Polls https://ift.tt/3uzGGvU
