ಹೊಸದಿಲ್ಲಿ: ಇತ್ತೀಚೆಗೆ ಮುಕ್ತಾಯವಾಗಿದ್ದ ಇಂಗ್ಲೆಂಡ್‌ ವಿರುದ್ಧ ಟೆಸ್ಟ್ ಸರಣಿಯಲ್ಲಿ ಭಾರತದ ಅಕ್ಷರ್ ಪಟೇಕ್ ಅದ್ಭುತ ಬೌಲಿಂಗ್ ಪ್ರದರ್ಶನ ತೋರಿದ್ದರು. ಅವರು ಆಡಿದ್ದ ಮೂರು ಪಂದ್ಯಗಳಿಂದ 27 ವಿಕೆಟ್‌ಗಳನ್ನು ಕಬಳಿಸಿದ್ದರು. ಆ ಮೂಲಕ ಭಾರತ 3-1 ಅಂತರದಲ್ಲಿ ಟೆಸ್ಟ್ ಸರಣಿ ಗೆಲುವಿನಲ್ಲಿ ಮಹತ್ತರ ಪಾತ್ರವನ್ನು ವಹಿಸಿದ್ದರು. ಹದಿನಾಲ್ಕನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಟೂರ್ನಿಗೂ ಮುನ್ನ ಅಕ್ಷರ್ ಪಟೇಲ್ ಅನಿರೀಕ್ಷಿತವಾಗಿ ಕೊರೊನಾ ವೈರಸ್‌ ಸೋಂಕಿಗೆ ತುತ್ತಾಗಿದ್ದರು. ನಂತರ ಇದರಿಂದ ಚೇತರಿಸಿಕೊಂಡು ಡೆಲ್ಲಿ ಕ್ಯಾಪಿಟಲ್ಸ್ ಪರ ಕಣಕ್ಕೆ ಇಳಿದಿದ್ದ ಪಟೇಲ್ ಅತ್ಯುತ್ತಮ ಪ್ರದರ್ಶನ ತೋರಿದ್ದರು. ನ್ಯೂಜಿಲೆಂಡ್‌ ವಿರುದ್ಧ ಉದ್ಘಾಟನಾ ಆವೃತ್ತಿಯ ವಿಶ್ವ ಟೆಸ್ಟ್ ಚಾಂಪಿಯನ್‌ಷಿಪ್‌ ಫೈನಲ್‌ ಹಾಗೂ ಇಂಗ್ಲೆಂಡ್‌ ವಿರುದ್ಧ ಐದು ಪಂದ್ಯಗಳ ಟೆಸ್ಟ್ ಸರಣಿ ಆಡುವ ಭಾರತ ಟೆಸ್ಟ್ ತಂಡದಲ್ಲಿ ಅಕ್ಷರ್ ಪಟೇಲ್ ಸ್ಥಾನ ಪಡೆದಿದ್ದಾರೆ. ಇದೀಗ ಇಂಗ್ಲೆಂಡ್‌ ಪ್ರವಾಸ ಕೈಗೊಳ್ಳುವ ಸಲುವಾಗಿ ಎಡಗೈ ಸ್ಪಿನ್‌ ಪೂರ್ವ ತಯಾರಿಯಲ್ಲಿದ್ದಾರೆ. ಇತ್ತೀಚೆಗೆ ಇಂಡಿಯನ್‌ ಎಕ್ಸ್‌ಪ್ರೆಸ್‌ ಸಂದರ್ಶನದಲ್ಲಿ ಮಾತನಾಡಿರುವ ಅಕ್ಷರ್ ಪಟೇಲ್ ಹಲವು ಅಂಶಗಳನ್ನು ಹಂಚಿಕೊಂಡಿದ್ದಾರೆ. ಸೀಮಿತ ಓವರ್‌ಗಳ ಸ್ವರೂಪದ ಬೌಲರ್‌ ಎಂದು ನೀವು ಪರಿಗಣಿಸುತ್ತೀರಾ? ಈ ಹಿಂದೆ ನೀವು ಯಾವ ಗುಣಲಕ್ಷಣಗಳನ್ನು ಹೊಂದಿರಲಿಲ್ಲ? ಎಂದು ಕೇಳಿದ ಪ್ರಶ್ನೆಗೆ ಪಟೇಲ್ ಉತ್ತರಿಸಿದರು. "ನನ್ನಲ್ಲಿ ಯಾವುದೇ ಕೊರತೆ ಇಲ್ಲ ಎಂದು ನಾನು ಭಾವಿಸುವುದಿಲ್ಲ. ಅನಿರೀಕ್ಷಿತವಾಗಿ ನಾನು ಗಾಯಕ್ಕೆ ತುತ್ತಾಗಿದ್ದೆ. ಅದರಲ್ಲೂ ಟೆಸ್ಟ್ ತಂಡದಲ್ಲಿ ಹಾಗೂ ಆರ್ ಅಶ್ವಿನ್ ಅತ್ಯುತ್ತಮ ಪ್ರದರ್ಶನ ತೋರುತ್ತಿದ್ದರು. ಅದರಲ್ಲೂ ಜಡೇಜಾ ಪ್ರದರ್ಶನ ತೋರುತ್ತಿರುವ ಹಾದಿಯನ್ನು ನೋಡಿದರೆ, ಮತ್ತೊಬ್ಬ ಎಡಗೈ ಸ್ಪಿನ್‌ ಆಲ್‌ರೌಂಡರ್‌ ತಂಡದಲ್ಲಿ ಅವಕಾಶ ಪಡೆಯುವುದು ತುಂಬಾ ಕಷ್ಟವಿದೆ. ಮತ್ತೊಂದೆಡೆ ಸೀಮಿತ ಓವರ್‌ಗಳ ಕ್ರಿಕೆಟ್‌ನಲ್ಲಿ ಯುಜ್ವೇಂದ್ರ ಚಹಲ್‌ ಹಾಗೂ ಕುಲ್ದೀಪ್‌ ಯಾಧವ್‌ ಕೂಡ ಅತ್ಯುತ್ತಮ ಪ್ರದರ್ಶನ ತೋರಿತ್ತಿದ್ದರು. ಈ ಕಾರಣದಿಂದ ನಾನು ತಂಡದಿಂದ ಹೊರಗುಳಿದಿದ್ದೆ. ಆದರೆ, ಅವಕಾಶ ಸಿಕ್ಕಾಗ ಅತ್ಯುತ್ತಮ ಪ್ರದರ್ಶನ ತೋರಬೇಕೆಂದು ಅಂದುಕೊಂಡಿದ್ದೆ," ಎಂದು ಅಕ್ಷರ್ ಪಟೇಲ್ ಹೇಳಿದರು. ವಿಕೆಟ್‌ಗಳ ಹಿಂದೆ ಪಾತ್ರದ ಬಗ್ಗೆ ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಅಕ್ಷರ್ ಪಟೇಲ್, ಅವರ ಜೊತೆ ಅತ್ಯುತ್ತಮವಾಗಿದ್ದೇನೆ. ಅಲ್ಲದೆ, ಐಪಿಎಲ್‌ ಟೂರ್ನಿಯಲ್ಲಿಯೂ ನಾವು ಒಂದೇ ತಂಡದಲ್ಲಿಯೇ ಆಡುತ್ತಿದ್ದೇವೆ. ಅದರಲ್ಲೂ ವಿಶೇಷವಾಗಿ ನಾವು ಆತ್ಮೀಯ ಸ್ನೇಹಿತರು. ಸ್ಟಂಪ್‌ಗಳ ಹಿಂದೆ ಇದ್ದರೂ ಅವರು ತಮಾಷೆ ಮಾಡುತ್ತಿರುತ್ತಾರೆ. ಕೆಲವೊಮ್ಮೆ ಐದು ದಿನಗಳ ಪಂದ್ಯವಾಗಿದ್ದರೆ ಹಾಗೂ ಒಂದು ಬಲಿಷ್ಠ ಜತೆಯಾಟವಾಗಿದ್ದರೆ ಅದನ್ನು ಮುರಿಯುವುದು ತುಂಬಾ ಕಠಿಣವಾಗಿರುತ್ತದೆ. ಈ ವೇಳೆ ಅಲ್ಲಿನ ವಾತಾವರಣವನ್ನು ಲವ ಲವಿಕೆಯಿಂದ ಇರಲು ಅವರು ಜೋಕ್‌ ಮಾಡುವುದು ಅಗತ್ಯವಾಗಿರುತ್ತದೆ. ಇದು ಅವರಿಗೆ ಹೊಂದಾಣಿಕೆಯಾಗುತ್ತದೆ," ಎಂದು ಎಡಗೈ ಸ್ಪಿನ್ನರ್‌ ತಿಳಿಸಿದರು. ಭಾರತ ಟೆಸ್ಟ್ ತಂಡ: ವಿರಾಟ್‌ ಕೊಹ್ಲಿ(ನಾಯಕ), ಅಜಿಂಕ್ಯ ರಹಾನೆ, ರೋಹಿತ್‌ ಶರ್ಮಾ, ಚೇತೇಶ್ವರ್‌ ಪೂಜಾರ, ಶುಭಮನ್‌ ಗಿಲ್‌, ಮಯಾಂಕ್ ಅಗರ್ವಾಲ್‌, ಹನುಮ ವಿಹಾರಿ, ರಿಷಭ್‌ ಪಂತ್‌ (ವಿ.ಕೀ), ಆರ್ ಅಶ್ವಿನ್, ಆರ್ ಜಡೇಜಾ, ಅಕ್ಷರ್ ಪಟೇಲ್, ವಾಷಿಂಗ್ಟನ್‌ ಸುಂದರ್‌, ಜಸ್‌ಪ್ರಿತ್‌ ಬುಮ್ರಾ, ಇಶಾಂತ್ ಶರ್ಮಾ, ಮೊಹಮ್ಮದ್‌ ಶಮಿ, ಮೊಹಮ್ಮದ್‌ ಸಿರಾಜ್‌, ಶಾರ್ದುಲ್‌ ಠಾಕೂರ್, ಕೆ.ಎಲ್‌ ರಾಹುಲ್‌ (ಫಿಟ್ನೆಸ್‌ ಕ್ಲಿಯರೆನ್ಸ್), ವೃದ್ದಿಮಾನ್‌ ಸಹಾ (ಫಿಟ್ನೆಸ್‌ ಕ್ಲಿಯರೆನ್ಸ್) ಸ್ಟ್ಯಾಂಡ್‌ ಬೈ ಆಟಗಾರರು: ಪ್ರಸಿಧ್‌ ಕೃಷ್ಣ, ಅಭಿಮನ್ಯು ಈಶ್ವರನ್‌, ಆವೇಶ್‌ ಖಾನ್‌, ಅರ್ಜ್ವನ್‌ ನಾಗ್ವಾಸ್ವಾಲ್ಲಾ
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3uBKBrP
