ಪುಣೆ: ಪ್ರಸ್ತುತ ಸನ್ನಿವೇಶದಲ್ಲಿ ಯುದ್ಧ ಸನ್ನಿವೇಶಗಳು ಹಿಂದಿಗಿಂತ ಭಿನ್ನವಾಗಿವೆ. ಹೀಗಾಗಿ ಭಾರತೀಯ ಸೇನೆಯ ಪ್ರಮುಖ ಮೂರು ರಕ್ಷಣಾ ಪಡೆ (ಭೂಪಡೆ, ವಾಯುಪಡೆ, ನೌಕಾಪಡೆ) ಗಳನ್ನು ಒಂದೂಗೂಡಿಸುವ ಅವಶ್ಯಕತೆ ಇದೆ ಎಂದು ಮುಖ್ಯಸ್ಥ ಅಭಿಪ್ರಾಯಪಟ್ಟಿದ್ದಾರೆ. ರಾಷ್ಟ್ರೀಯ ರಕ್ಷಣಾ ಅಕಾಡಮಿಯಲ್ಲಿ ಉತ್ತೀರ್ಣರಾದ ವಿದ್ಯಾರ್ಥಿಗಳ ಬೀಳ್ಕೊಡುಗೆ ಕವಾಯತಿನಲ್ಲಿ ಶನಿವಾರ ಪಾಲ್ಗೊಂಡಿದ್ದ ಅವರು ಮಾತನಾಡಿದರು. ಆಧುನಿಕ ಜಗತ್ತಿನಲ್ಲಿ ಯುದ್ಧದ ರೀತಿ ನೀತಿಗಳು ಬದಲಾಗಿವೆ. ವಿರೋಧಿಗಳು ಭೂಮಿ, ಸಮುದ್ರ, ಗಾಳಿಯಷ್ಟೇ ಅಲ್ಲದೆ ಬಾಹ್ಯಾಕಾಶ ಹಾಗೂ ಸೈಬರ್ ದಾಳಿ ಮಾದರಿಯ ಯುದ್ಧಗಳಿಗೆ ಮೊರೆ ಹೋಗಿದ್ದಾರೆ. ಇದರಿಂದ ಮೂರು ಪಡೆಗಳನ್ನು ಒಗ್ಗೂಡಿಸುವ ಅವಶ್ಯಕತೆ ಇದೆ ಎಂದರು. ಮಿಲಿಟರಿ ವ್ಯವಹಾರಗಳ ಇಲಾಖೆಯ ಸಹಯೋಗದೊಂದಿಗೆ ಸಶಸ್ತ್ರ ಪಡೆಗಳು ರಕ್ಷಣಾ ಸುಧಾರಣೆಗಳನ್ನು ಹೊಂದಿವೆ. ಶೀಘ್ರದಲ್ಲೇ ಮುಖ್ಯ ರಕ್ಷಣಾ ಸಿಬ್ಬಂದಿ ಇನ್‌ಸ್ಟಿಟ್ಯೂಟ್ ಆರಂಭವಾಗಲಿದೆ ಎಂದು ಅವರು ಹೇಳಿದರು. ಸೇನೆಯ ಮೂರು ರಕ್ಷಣಾ ಪಡೆಗಳ ಸಂಪ್ರದಾಯ, ಗುರುತು, ಸಮವಸ್ತ್ರಗಳು ಬೇರೆ ಬೇರೆಯಾದರೂ ಸೇವೆ ಮಾಡುವ ಗುರಿ ಒಂದೇ ಆಗುದೆ. ಹೀಗಾಗಿ ಸಂಕೀರ್ಣಗೊಳ್ಳುತ್ತಿರುವ ಯುದ್ಧ ಸನ್ನಿವೇಶಗಳನ್ನು ಸಮರ್ಥವಾಗಿ ಎದುರಿಸಬೇಕಾದರೆ ಮೂರು ಪಡೆಗಳನ್ನು ಒಗ್ಗೂಡಿಸುವ ಅನಿವಾರ್ಯತೆ ಇದೆ ಎಂದರು. ಮುಂದಿನ ಯುದ್ಧ ಭವಿಷ್ಯ ಹೇಗಿರುತ್ತದೆ ಎಂದು ಊಹಿಸಲು ಸಾಧ್ಯವಿಲ್ಲ. ಹೀಗಾಗಿ ಪ್ರತಿಯೊಬ್ಬ ಯೋಧರು ತಮ್ಮದೆ ಆದ ಯುದ್ಧ ಕೌಶಲಗಳಲ್ಲಿ ಪರಿಣಿತರಾಗಬೇಕು ಎಂದು ಅವರು ಕರೆ ನೀಡಿದರು.
from India & World News in Kannada | VK Polls https://ift.tt/34sG14D
