ಹೊಸದಿಲ್ಲಿ: ಬಲ ಮೊಣಕೈನಲ್ಲಿ ಪದೇ ಪದೇ ಕಾಣಿಸಿಕೊಳ್ಳುತ್ತಿರುವ ನೋವಿನ ಸಮಸ್ಯೆಗೆ ಇಂಗ್ಲೆಂಡ್‌ನ ಯುವ ವೇಗದ ಬೌಲರ್‌ ಎರಡನೇ ಬಾರಿ ಶಸ್ತ್ರಚಿಕಿತ್ಸೆ ಪಡೆದುಕೊಂಡಿದ್ದಾರೆ. ಈ ಬಗ್ಗೆ ಮಾತನಾಡಿರುವ ಯುವ ವೇಗಿ, ಈ ಸಲ ಸಮಸ್ಯೆ ದೂರವಾಗದೇ ಇದ್ದರೆ ಕ್ರಿಕೆಟ್ ವೃತ್ತಿ ಬದುಕನ್ನು ಮುಂದುವರಿಸುವುದು ಕಷ್ಟ ಎಂಬ ಆತಂಕ ಹೊರಹಾಕಿದ್ದಾರೆ. ಇಂಗ್ಲೆಂಡ್‌ ತಂಡ ಇದೇ ವರ್ಷ ಭಾರತ ಪ್ರವಾಸದಲ್ಲಿದ್ದ ವೇಳೆ ಮಾರ್ಚ್‌ನಲ್ಲಿ ನಡೆದ ಟಿ20 ಕ್ರಿಕೆಟ್ ಸರಣಿಯಲ್ಲಿ ಆರ್ಚರ್‌ ಕೊನೆಯ ಬಾರಿ ಅಂತಾರಾಷ್ಟ್ರೀಯ ಪಂದ್ಯವನ್ನಾಡಿದ್ದಾರೆ. ಗಾಯದ ಸಮಸ್ಯೆ ಕಾರಣ ವಿರುದ್ಧದ ಏಕದಿನ ಕ್ರಿಕೆಟ್ ಸರಣಿಯಿಂದ ಹೊರಗುಳಿದ ಆರ್ಚರ್‌, 14ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಟೂರ್ನಿಗೂ ಅಲಭ್ಯರಾದರು. ಇಂಗ್ಲೆಂಡ್‌ ಮತ್ತು ವೇಲ್ಸ್‌ ಕ್ರಿಕೆಟ್ ಮಂಡಳಿ () ಮಾರ್ಗದರ್ಶನದಲ್ಲಿ ನಂತರ ಶಸ್ತ್ರಚಿಕಿತ್ಸೆಗೆ ಒಳಪಟ್ಟಿದ್ದ ಆರ್ಚರ್‌, ಸಂಪೂರ್ಣ ಚೇತರಿಸಿ ಕೌಂಟಿ ಕ್ರಿಕೆಟ್ ಆಡುವ ಮೂಲಕ ಕಮ್ಬ್ಯಾಕ್ ಮಾಡಿದ್ದರು. ಆದರೆ, ಮತ್ತದೇ ನೋವಿನ ಸಮಸ್ಯೆ ಎದುರಾದ ಕಾರಣ ಇದೀಗ ಅವರ ವೃತ್ತಿಬದುಕಿನ ಬಗ್ಗೆ ಗಂಭೀರ ಚಿಂತನೆ ಆರಂಭವಾಗಿದೆ. ಇದೀಗ ಇಂಗ್ಲೆಂಡ್‌ ತಂಡ ತವರಿನಂಗಣದಲ್ಲಿ ಬ್ಯಾಕ್‌ ಟು ಬ್ಯಾಕ್‌ ಟೆಸ್ಟ್ ಸರಣಿಗಳನ್ನು ಆಡಲಿದ್ದು, ತನ್ನ ಪ್ರಮುಖ ವೇಗಿ ಆರ್ಚರ್‌ ಸೇವೆಯನ್ನು ಕಳೆದುಕೊಂಡಿದೆ. ಮೊದಲಿಗೆ ಜೂನ್‌ನಲ್ಲಿ ಪ್ರವಾಸಿ ನ್ಯೂಜಿಲೆಂಡ್‌ ಎದುರು 2 ಪಂದ್ಯಗಳ ಟೆಸ್ಟ್ ಸರಣಿಯನ್ನು ಆಡಲಿದ್ದು, ಆರ್ಚರ್‌ ಈ ಸರಣಿಯಿಂದ ಸಂಪೂರ್ಣವಾಗಿ ಹೊರ ಬಿದ್ದಿದ್ದಾರೆ. ಆಗಸ್ಟ್‌ 4ರಂದು ಟೀಮ್ ಇಂಡಿಯಾ ವಿರುದ್ಧ ಬರೋಬ್ಬರಿ 5 ಪಂದ್ಯಗಳ ಟೆಸ್ಟ್ ಸರಣಿ ಆರಂಭವಾಗಲಿದೆ. ಮೊದಲ ಟೆಸ್ಟ್‌ಗೆ ಆರ್ಚರ್‌ ಅಲಭ್ಯರಾದರೂ ಗಾಯದ ಸಮಸ್ಯೆಯಿಂದ ಸಂಪೂರ್ಣ ಚೇತರಿಸಿದ್ದೇ ಆದರೆ ಸರಣಿಯ ಉಳಿದ ಪಂದ್ಯಗಳಿಗೆ ಲಭ್ಯರಾಗುವ ಸಾಧ್ಯತೆ ಇದೆ. ಎಲ್ಲದಕ್ಕೂ ಮೊದಲು ಅವರ ಮೊಣಕೈ ನೋವಿನ ಸಮಸ್ಯೆ ಸಂಪೂರ್ಣವಾಗಿ ದೂರವಾಗಬೇಕಿದೆ. "ಈ ವರ್ಷ ಕೆಲ ವಾರಗಳಷ್ಟು ಕ್ರಿಕೆಟ್‌ನಿಂದ ದೂರ ಉಳಿಯಲಿದ್ದೇನೆ. ಈ ಮೂಲಕ ನನ್ನ ಕ್ರಿಕೆಟ್ ವೃತ್ತಿಬದುಕನ್ನು ಉಳಿಸಿಕೊಳ್ಳುವ ಅಗತ್ಯವಿದೆ. ಮೊದಲಿಗೆ ನಾನು ಈ ಗಾಯದ ಸಮಸ್ಯೆಯಿಂದ ಹೊರಬರಬೇಕು. ಕ್ರಿಕೆಟ್ ಅಂಗಣಕ್ಕೆ ಮರಳುವ ದಿನವನ್ನು ಎದುರು ನೋಡುತ್ತಿದ್ದೇನೆ. ಆದರೆ, ಈ ಸಮಸ್ಯೆ ಸಂಪೂರ್ಣವಾಗಿ ಗುಣವಾಗದೇ ಇದ್ದರೆ ನನ್ನ ಕ್ರಿಕೆಟ್ ವೃತ್ತಿಬದುಕು ಮುಗಿದಂತೆ. ನಾನು ಕ್ರಿಕೆಟ್ ಆಡುವುದಿಲ್ಲ. ನನ್ನ ಸಂಪೂರ್ಣ ಸಾಮರ್ಥ್ಯ ಒಗ್ಗೂಡಿಸಿಕೊಳ್ಳಲು ಬೇಕಿರುವ ಅಗತ್ಯದ ಸಮಯವನ್ನು ನಾನು ತೆಗೆದುಕೊಳ್ಳಲಿದ್ದೇನೆ. ತಡವಾದರೂ ಸಂಪೂರ್ಣ ಫಿಟ್ನೆಸ್‌ ಪಡೆಯುವುದು ನನ್ನ ಉದ್ದೇಶ," ಎಂದು ಆರ್ಚರ್‌ ಹೇಳಿದ್ದಾರೆ. "ಶಸ್ತ್ರಚಿಕಿತ್ಸೆ ಬಳಿಕ ಕಮ್ಬ್ಯಾಕ್ ಮಾಡಲು ನಾನು ಆತುರ ತೋರುವುದಿಲ್ಲ. ಈ ವರ್ಷ ಇಂಗ್ಲೆಂಡ್‌ ಪರ ಟಿ20 ವಿಶ್ವಕಪ್‌ ಆಡುವುದು ನನ್ನ ಮೊದಲ ಗುರಿ. ನಂತರ ಆಷಸ್‌ ಟೆಸ್ಟ್ ಸರಣಿ. ಇದಕ್ಕೂ ಮೊದಲೇ ಭಾರತ ವಿರುದ್ಧದ ಟೆಸ್ಟ್ ಸರಣಿ ಆಡಲು ಸಾಧ್ಯವಾದರೆ ಆಡಲಿದ್ದೇನೆ ಅಷ್ಟೆ," ಎಂದಿದ್ದಾರೆ. ಭಾರತ ತಂಡದ ಇಂಗ್ಲೆಂಡ್‌ ಪ್ರವಾಸದ ವೇಳಾಪಟ್ಟಿಪ್ರಥಮ ಟೆಸ್ಟ್: ಆಗಸ್ಟ್‌ 4-8, ಟ್ರೆಂಟ್‌ ಬ್ರಡ್ಜ್ (ನಾಟಿಂಗ್‌ಹ್ಯಾಮ್) ದ್ವಿತೀಯ ಟೆಸ್ಟ್: ಆಗಸ್ಟ್‌ 12-16, ಲಾರ್ಡ್ಸ್‌ (ಲಂಡನ್) ತೃತೀಯ ಟೆಸ್ಟ್: ಆಗಸ್ಟ್‌ 25-29, ಹೆಡಿಂಗ್ಲೇ (ಲೀಡ್ಸ್‌) ನಾಲ್ಕನೇ ಟೆಸ್ಟ್: ಸೆಪ್ಟೆಂಬರ್‌ 2-6 ಕೆನಿಂಗ್ಟನ್ ಓವಲ್ (ಲಂಡನ್) ಐದನೇ ಟೆಸ್ಟ್: ಸೆಪ್ಟೆಂಬರ್‌ 10-14, ಓಲ್ಡ್‌ ಟ್ರಾಫೋರ್ಡ್‌ (ಮ್ಯಾಂಚೆಸ್ಟರ್‌)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3ul0QcU
