ಬೆಂಗಳೂರು: ಕ್ರಿಕೆಟ್ ಈಗ ಸಂಪೂರ್ಣ ಬ್ಯಾಟ್ಸ್‌ಮನ್‌ಗಳ ಸ್ನೇಹಿಯಾಗಿದ್ದು, ಬೌಲರ್‌ಗಳು ಬಸವಳಿದಿದ್ದಾರೆ. ಹೀಗಾಗಿ ಬ್ಯಾಟ್ಸ್‌ಮನ್‌ಗಳಿಗೆ ನೆರವಾಗುತ್ತಿರುವ '' ಮತ್ತು 'ಲೆಗ್‌ ಬೈ' ನಿಯಮಗಳನ್ನು ಕಿತ್ತುಹಾಕಿ ಎಂದು ಭಾರತ ತಂಡದ ಮಾಜಿ ಬ್ಯಾಟ್ಸ್‌ಮನ್‌ ಹೇಳಿದ್ದಾರೆ. ಈ ಬಗ್ಗೆ ಹಿಂದೂಸ್ತಾನ್ ಟೈಮ್ಸ್‌ ಪತ್ರಿಕೆಗೆ ಬರೆದಿರುವ ತಮ್ಮ ಲೇಖನದಲ್ಲಿ ಮಾಂಜ್ರೇಕರ್‌ ವಿವರಣೆ ನೀಡಿದ್ದಾರೆ. ಅಷ್ಟೇ ಅಲ್ಲದೆ ಬೌಲರ್‌ಗಳು ಕೇವಲ ಸೆಂಟೀಮೀಟರ್‌ನಷ್ಟು ಗೆರೆ ದಾಟಿದರೂ ಅವರಿಗೆ ನೋ ಬಾಲ್ ಮತ್ತು ಫ್ರೀ ಹಿಟ್‌ ಶಿಕ್ಷೆ ಅನುಭವಿಸುವಂತ್ತಾಗಿತ್ತದೆ. ಇದು ನ್ಯಾಯ ಸಮ್ಮತವಾದುದ್ದಲ್ಲ. ಜೊತೆಗೆ ಒಂದು ಹೆಚ್ಚುವರಿ ಎಸೆತವನ್ನೂ ಎಸೆಯಬೇಕಾಗುತ್ತದೆ ಇದರಲ್ಲಿ ವಿಕೆಟ್‌ ಪಡೆದರೂ ಬ್ಯಾಟ್ಸ್‌ಮನ್‌ ಔಟ್‌ ಆಗುವುದಿಲ್ಲ. ಇದು ಎಲ್ಲಿಯ ನ್ಯಾಯ ಎಂದು ವಾದಿಸಿದ್ದಾರೆ. "ಫ್ರೀ ಹಿಟ್‌ ನಿಯಮವನ್ನು ಮೊದಲು ಕಿತ್ತಾಕಬೇಕು. ಇದು ಬೌಲರ್‌ಗಳ ಮೇಲೆ ಆಗುತ್ತಿರುವ ಅನ್ಯಾ. ಇಂದು ನೋ ಬಾಲ್ ಅಲ್ಲವೋ ಅಥವಾ ಹೌದೋ ಎಂಬುದನ್ನು ಟಿವಿ ಅಂಪೈರ್‌ ನಿರ್ಧಾರ ಮಾಡುತ್ತಿದ್ದಾರೆ. ಹೀಗಾಗಿ ಕೆಲವೇ ಸೆಂಟೀಮೀಟರ್‌ನಷ್ಟು ಗೆರೆ ದಾಟಿದರೂ ಕೂಡ ಶಿಕ್ಷೆ ಎದುರಿಸುವಂತ್ತಾಗಿದೆ," ಎಂದು ಸಂಜಯ್ ತಮ್ಮ ಲೇಖನದಲ್ಲಿ ಬರೆದಿದ್ದಾರೆ. "ನೋಬಾಲ್‌ನಿಂದ ಬೌಲರ್‌ ಒಂದು ಹೆಚ್ಚುವರಿ ಎಸೆತ ಎಸೆಯಬೇಕಾಗುತ್ತದೆ. ಅದರಲ್ಲಿ ಬ್ಯಾಟ್ಸ್‌ಮನ್‌ ಔಟ್‌ ಆಗುವುದಿಲ್ಲ. ಜೊತೆಗೆ ಹೆಚ್ಚುವರಿ ಒಂದು ರನ್ ಕೂಡ ನೀಡಲಾಗುತ್ತದೆ. ಗಾಯದ ಮೇಲೆ ಬರೆ ಎಂಬಂತೆ ಮುಂದಿನ ಎಸೆತವನ್ನು ಫ್ರೀ ಹಿಟ್‌ ಎಂದು ಘೋಷಿಸಲಾಗಿ ಅಲ್ಲೂ ಕೂಡ ಬ್ಯಾಟ್ಸ್‌ಮನ್‌ ಔಟ್‌ ಆಗುವುದಿಲ್ಲ. ಇದು ಅತ್ಯಂತ ತಪ್ಪಾದ ನಿಯಮ. ಬೌಲರ್‌ಗಳ ದ್ವೇಶಿಯೇ ಈ ನಿಯಮ ತಂದಿರುವುದು," ಎಂದು ಟೀಕಿಸಿದ್ದಾರೆ. ಇನ್ನು 'ಲೆಗ್‌ ಬೈ' ನಿಯಮವೂ ನ್ಯಾಯ ಸಮ್ಮತವಾದುದ್ದಲ್ಲ ಎಂದು ಮಾಂಜ್ರೇಕರ್‌ ವಾದಿಸಿದ್ದಾರೆ. ಹಲವು ಬಾರಿ ಬ್ಯಾಟ್ಸ್‌ಮನ್‌ನ ಮೈಗೆ ತಾಗಿದ ಚೆಂಡು ಬೌಂಡರಿ ತಲುಪಿರುತ್ತದೆ. ಇದು ಬ್ಯಾಟ್ಸ್‌ಮನ್‌ಗಳಿಗೆ ಹೆಚ್ಚು ಲಾಭದಾಯಕವಾಗಿದೆ ಎಂದಿದ್ದಾರೆ. "ಬೌಲರ್‌ ಅದ್ಭುತವಾಗಿ ಬೌಲಿಂಗ್‌ ಮಾಡಿದಾಗ ಬ್ಯಾಟ್ಸ್‌ಮನ್‌ ಬ್ಯಾಟ್‌ನಿಂದ ರನ್ ಗಳಿಸಲು ಸಾಧ್ಯವಾಗದೇ ಇದ್ದರೂ ಮೈ-ಕೈ ತಾಗಿಸಿ ರನ್ ಗಳಿಸುವ ಅವಕಾಶ ಇರುವುದು ಸರಿಯಲ್ಲ. ಚೆಂಡು ಕಾಲಿಗೆ ಬಡಿದು ವಿಕೆಟ್‌ ಹಿಂಬದಿ ಬೌಂಡರಿ ಗೆರೆ ದಾಟಿದರೂ ಬ್ಯಾಟಿಂಗ್ ತಂಡಕ್ಕೆ 4 ರನ್ ಸಿಗುತ್ತದೆ. ಬ್ಯಾಟ್ಸ್‌ಮನ್‌ಗೆ ಲಾಭ ಬೌಲರ್‌ಗೆ ನಷ್ಟ. ಇದು ಯಾವ ಕಡೆಯಿಂದ ಸರಿ ಎನ್ನಿಸುತ್ತದೆ ಗೊತ್ತಿಲ್ಲ," ಎಂದು ಮಾಂಜ್ರೇಕರ್‌ ಅಸಮಾಧಾನ ಹೊರಹಾಕಿದ್ದಾರೆ. '' ಪರಿಚಯಿಸಿ ಎಂದ ಅಶ್ವಿನ್!ಸಂಜಯ್ ಮಾಂಜ್ರೇಕರ್‌ ಅವರ ಈ ವಾದಕ್ಕೆ ಕೂಡಲೇ ಟ್ವಿಟರ್‌ ಮೂಲಕ ಪ್ರತಿಕ್ರಿಯೆ ನೀಡಿದ ಆಫ್‌ ಸ್ಪಿನ್ನರ್‌ ಆರ್‌ ಅಶ್ವಿನ್, 'ಫ್ರೀ ಹಿಟ್‌' ನಿಯಮವನ್ನು ಸಮರ್ಥಿಸಿಕೊಂಡಿದ್ದಾರೆ. ಅಷ್ಟೇ ಅಲ್ಲದೆ 'ಫ್ರೀ ಬಾಲ್' ಎಂಬ ಹೊಸ ನಿಯಮ ತರರಬೇಕು ಎಂದು ಹೇಳಿದ್ದಾರೆ. ಅಶ್ವಿನ್ ಪ್ರಕಾರ ನಾನ್‌ಸ್ಟ್ರೈಕ್‌ ಬ್ಯಾಟ್ಸ್‌ಮನ್‌ ಬೌಲರ್‌ ಚೆಂಡನ್ನು ಎಸೆಯುವ ಮೊದಲೇ ಕ್ರೀಸ್‌ ಬಿಟ್ಟರೆ ಅಲ್ಲಿ 'ಫ್ರೀ ಬಾಲ್' ಎಂದು ಘೋಷಿಸಬೇಕು. ಈ ಮೂಲಕ ಬೌಲರ್‌ ಹೊಡೆಸಿಕೊಂಡ ರನ್‌ನಲ್ಲಿ ಮತ್ತು ಎದುರಾಳಿ ತಂಡದ ಮೊತ್ತದಲ್ಲಿ 10 ರನ್‌ಗಳನ್ನು ಕಳೆಯಬೇಕು ಎಂದು ಅಶ್ವಿನ್ ಸಲಹೆ ನೀಡಿದ್ದಾರೆ. "ಸಂಜಯ್ ಮಾಂಜ್ರೇಕರ್‌ ಅವರೇ 'ಫ್ರೀ ಹಿಟ್‌' ಅದ್ಭುತ ನಿಯಮವಾಗಿದೆ. ಇದರಿಂದ ಅಭಿಮಾನಿಗಳನ್ನು ಹೆಚ್ಚು ಆಕರ್ಷಿಸಲು ಸಾಧ್ಯವಾಗಿದೆ. ಅಂದಹಾಗೆ ನಿಜಕ್ಕೂ ಇದರ ಜೊತೆಗೆ ಬೇಕಿರುವುದು 'ಫ್ರೀ ಬಾಲ್' ನಿಯಮ. ಬ್ಯಾಟ್ಸ್‌ಮನ್‌ ನಾನ್‌ ಸ್ಟ್ರೀಕ್‌ನಲ್ಲಿ ಮೊದಲೇ ಕ್ರೀಸ್‌ ಬಿಟ್ಟಾಗ ಬೌಲರ್‌ಗೆ ಫ್ರೀ ಬಾಲ್ ನೀಡಬೇಕು. ಅದರಲ್ಲಿ ವಿಕೆಟ್‌ ಲಭ್ಯವಾದರೆ ಎದುರಾಳಿ ತಂಡದ ಮೊತ್ತದಿಂದ ಮತ್ತು ಬೌಲರ್‌ ಹೊಡೆಸಿಕೊಂಡ ರನ್‌ನಿಂದ 10 ರನ್ ಕಳೆಯಬೇಕು. ಬೌಲರ್‌ ಚೆಂಡನ್ನು ಎಸೆಯುವ ಮುನ್ನ ಬ್ಯಾಟ್ಸ್‌ಮನ್‌ ಕ್ರೀಸ್‌ ಬಿಡಬಾರದು ಎಂಬುದು ನೆನಪಿರಲಿ," ಎಂದು ಅಶ್ವಿನ್ ಟ್ವೀಟ್‌ ಮಾಡಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3c1K5wZ
