ಹೊಸದಿಲ್ಲಿ: ವಿರುದ್ಧ ಕೊನೆಯ ಓಡಿಐ ಪಂದ್ಯ ಸೋಲಿನ ಬಳಿಕ ಮಾತನಾಡಿದ ನಾಯಕ ತಮೀಮ್ ಇಕ್ಬಾಲ್‌, ತಮ್ಮ ತಂಡ ಹಲವು ವಿಭಾಗಗಳಲ್ಲಿ ಹೆಚ್ಚಿನ ಕೆಲಸ ಮಾಡುವ ಅಗತ್ಯವಿದೆ ಎಂದು ಹೇಳಿದ್ದಾರೆ. ಮೂರನೇ ಪಂದ್ಯ ಸೋಲಿನ ಹೊರತಾಗಿಯೂ ಬಾಂಗ್ಲಾದೇಶ ಓಡಿಐ ಸರಣಿಯನ್ನು 2-1 ಅಂತರದಲ್ಲಿ ಮುಡಿಗೇರಿಸಿಕೊಂಡಿದೆ. ಶುಕ್ರವಾರ ಶೇರ್ ಬಾಂಗ್ಲಾ ಕ್ರೀಡಾಂಗಣದಲ್ಲಿ ನಡೆದಿದ್ದ ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ್ದ ಶ್ರೀಲಂಕಾ ತಂಡ, ತನ್ನ ಪಾಲಿನ 50 ಓವರ್‌ಗಳಿಗೆ 6 ವಿಕೆಟ್‌ ಕಳೆದುಕೊಂಡು 286 ರನ್‌ ಕಲೆ ಹಾಕಿತ್ತು. ಬಳಿಕ ಗುರಿ ಹಿಂಬಾಲಿಸಿದ್ದ ಬಾಂಗ್ಲಾದೇಶ 42.3 ಓವರ್‌ಗಳಿಗೆ 189 ರನ್‌ಗಳಿಗೆ ಆಲೌಟ್‌ ಆಯಿತು. ಆ ಮೂಲಕ ಶ್ರೀಲಂಕಾ 97 ರನ್‌ಗಳಿಂದ ಗೆಲುವು ಪಡೆದು, ಕ್ಲೀನ್‌ ಸ್ವೀಪ್‌ ಆಘಾತದಿಂದ ಪಾರಾಯಿತು. ಪೋಸ್ಟ್‌ ಮ್ಯಾಚ್‌ ಪ್ರೆಸೆಂಟೇಷನ್‌ನಲ್ಲಿ ಮಾತನಾಡಿದ್ದ ಬಾಂಗ್ಲಾ ನಾಯಕ , ಎರಡನೇ ಪಂದ್ಯದ ಬಳಿಕ ಏನು ಹೇಳಿದ್ದರೂ ಇದೀಗ ಅದೇ ಅಂಶವನ್ನು ಬಹಿರಂಗಪಡಿಸಿದ್ದಾರೆ. "ಕಳೆದ ಪಂದ್ಯದ ಕೊನೆಯಲ್ಲಿಯೂ ನಾನು ಇದೇ ಅಂಶವನ್ನು ಹೇಳಿದ್ದೆ. ಸರಣಿಯನ್ನು ನಾವು ಗೆದ್ದಿದ್ದೇವೆ ಆದರೆ, ನಾವು ಸಂಪೂರ್ಣ ಆಟವನ್ನು ಪ್ರದರ್ಶಿಸಿದ್ದೇವೆಂದು ನಾನು ಭಾವಿಸುವುದಿಲ್ಲ ಹಾಗೂ ನಮ್ಮ ಸಾಮರ್ಥ್ಯಕ್ಕೆ ತಕ್ಕಂತೆ ನಾವು ಪ್ರದರ್ಶನ ತೋರಿಲ್ಲ. ಆದರೆ, ಸರಣಿ ಗೆಲುವಿನ ತಂಡವಾಗಿ ಇರುವುದಕ್ಕೆ ನಾವು ಅದೃಷ್ಠಶಾಲಿಗಳಾಗಿದ್ದೇವೆ. ತಂಡದಲ್ಲಿ ಹಲವು ಜಾಗದಲ್ಲಿ ನಾವು ಕೆಲಸ ಮಾಡಬೇಕಾದ ಅಗತ್ಯವಿದೆ," ಎಂದು ತಮೀಮ್ ಹೇಳಿದರು. "ಇಂದು(ಶುಕ್ರವಾರ) ಅವರು ಆಕ್ರಮಣಕಾರಿ ಮೈಂಡ್‌ಸೆಟ್‌ನಲ್ಲಿ ಆಡಿದ್ದರು. ಅದರಂತೆ ನಾವು ಬೌಲಿಂಗ್‌ನಲ್ಲಿ ಹಲವು ಶಾರ್ಟ್ ಪಿಚ್‌ಗಳನ್ನು ಹಾಕಿದ್ದು ಅವರಿಗೆ ನೆರವಾಗಿದೆ. ಅವಕಾಶಗಳು ಸಿಕ್ಕಿದ್ದಾಗ ನಾವು ಕ್ಯಾಚ್‌ಗಳನ್ನು ಪಡೆಯುವಲ್ಲಿ ವಿಫಲರಾಗಿದ್ದೇವೆ. ಕ್ಯಾಚ್‌ಗಳನ್ನು ಪಡೆದಿದ್ದರೆ, ಇನ್ನು 30 ರನ್‌ಗಳು ಕಡಿಮೆಯಾಗಿರುತ್ತಿದ್ದವು," ಎಂದು ಅವರು ಹೇಳಿದರು. ಮೊದಲು ಬ್ಯಾಟ್‌ ಮಾಡಿದ್ದ ಶ್ರೀಲಂಕಾ ಪರ ನಾಯಕ ಕುಶಾಲ್‌ ಪೆರೆರಾ ಅದ್ಭುತ ಬ್ಯಾಟಿಂಗ್‌ ಪ್ರದರ್ಶಿಸಿದರು. ಅವರು ಆಡಿದ 122 ಎಸೆತಗಳಲ್ಲಿ ಒಂದು ಸಿಕ್ಸರ್ ಹಾಗೂ 11 ಬೌಂಡರಿಯೊಂದಿಗೆ 120 ರನ್‌ ಗಳಿಸಿ ಶತಕ ಪೂರೈಸಿದರು. ಮಧ್ಯಮ ಕ್ರಮಾಂಕದಲ್ಲಿ ಇವರಿಗೆ ಸಾಥ್‌ನೀಡಿದ ಧನಂಜಯ್ ಡಿ ಸಿಲ್ವಾ ಅಜೇಯ 55 ರನ್‌ಗಳಿಸಿದರು. ನಂತರ ಗುರಿ ಹಿಂಬಾಲಿಸಿದ್ದ ಬಾಂಗ್ಲಾದೇಶ ತಂಡದ ಪರ ಮೊಸಾಡೆಕ್‌ ಹುಸೇನ್‌ ಹಾಗೂ ಮಹ್ಮುದುಲ್ಲಾ ಅವರು ಕ್ರಮವಾಗಿ 51 ಮತ್ತು 53 ರನ್‌ಗಳಿಸಿದ್ದು ಬಿಟ್ಟರೆ ಇನ್ನುಳಿದ ಆಟಗಾರರು ಹೆಚ್ಚು ಹೊತ್ತು ಕ್ರೀಸ್‌ನಲ್ಲಿ ಉಳಿಯುವಲ್ಲಿ ವಿಫಲರಾದರು. ಲಂಕಾ ಪರ ದುಶ್ಮಂತಾ ಚಮೀರಾ 9 ಓವರ್‌ಗಳಿಗೆ ಕೇವಲ 16 ರನ್‌ ನೀಡಿ ಐದು ವಿಕೆಟ್‌ ಸಾಧನೆ ಮಾಡಿದರು. ಮುಂದಿನ ಪಂದ್ಯಗಳಲ್ಲಿ ಹಿರಿಯ ಆಟಗಾರರ ಜೊತೆಗೆ ಕಿರಿಯ ಆಟಗಾರರು ಕೂಡ ಕೈ ಜೋಡಿಸಬೆಂಕೆಂದು ನಾಯಕ ತಮೀಮ್ ಇಕ್ಬಾಲ್‌ ಆಗ್ರಹಿಸಿದರು. "ಯುವ ಆಟಗಾರರ ಜೊತೆ ನಿಲ್ಲುವ ವ್ಯಕ್ತಿಗಳಲ್ಲಿ ನಾನು ಕೂಡ ಒಬ್ಬನು. ಏಕೆಂದರೆ, ಅವರು ಇನ್ನೂ ಪ್ರಯತ್ನಿಸುತ್ತಿಲ್ಲ. ಅವರು ರನ್‌ ಗಳಿಸಲು ಆರಂಭಿಸಿದರೆ, ತಂಡದ ಪಾಲಿಗೆ ಅತ್ಯುತ್ತಮವಾಗಿರುತ್ತದೆ," ಎಂದು ತಮೀಮ್ ಇಕ್ಬಾಲ್‌ ಹೇಳಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/34sAyed
