ಒಟ್ಟಾವ: ಕೆನಡಾದ ಕಾಮ್‌ಲೂಫ್ಸ್‌ನಲ್ಲಿ ಹಿಂದೆ ಅಸ್ತಿತ್ವದಲ್ಲಿದ್ದ ವಸತಿ ಶಾಲೆಯ ಕಟ್ಟಡವೊಂದರ ಆವರಣದಲ್ಲಿ 215 ಮಕ್ಕಳ ಕಳೇಬರಗಳು ಪತ್ತೆಯಾಗಿದ್ದು, ಅಲ್ಲಿನ ಸರಕಾರವನ್ನು ಬೆಚ್ಚಿ ಬೀಳಿಸಿದೆ. ಬ್ರಿಟಿಷ್‌ ಆಡಳಿತಕ್ಕೆ ಒಳಪಟ್ಟ ಅವಧಿಯಲ್ಲಿ ಈ ಅಮಾನವೀಯ ಘಟನೆ ನಡೆದಿದೆ. ಇಂಡಿಯನ್‌ ರೆಸಿಡೆನ್ಸಿಯಲ್‌ ಸ್ಕೂಲ್‌ ಕಟ್ಟಡ ಇದ್ದ ಜಾಗದಲ್ಲಿಈಗ ಶೋಧ ಕಾರ್ಯ ಮುಂದುವರಿದಿದ್ದು, ಮಕ್ಕಳ ಕಳೇಬರಗಳ ರಾಶಿ ಹೊರ ಬಿದ್ದಿದೆ. ಈ ಶಾಲೆ 1978ರಲ್ಲಿಯೇ ಮುಚ್ಚಿ ಹೋಗಿದೆ. ಬ್ರಿಟಿಷ್‌ ವಸಾಹತು ಎನಿಸಿದ್ದ ಕಾಲಾವಧಿಯಲ್ಲಿ ಕೆನಡಾದ ಹಲವು ಕಡೆಗಳಲ್ಲಿ ವಸತಿ ಶಾಲೆಗಳು ಜನಪ್ರಿಯಗೊಂಡಿದ್ದವು. ಕಾಮ್‌ಲೂಫ್ಸ್‌ನ ಈ ಶಾಲೆ ಮಾತ್ರ ಸಾಂಸ್ಕೃತಿಕ ಕ್ರೌರ್ಯಕ್ಕೆ ಸಾಕ್ಷಿಯಾಗಿತ್ತು. ಅಂದು ಅಪ್ಪ-ಅಮ್ಮನನ್ನು ಕಳೆದುಕೊಂಡ ಮಕ್ಕಳನ್ನು ಉಳಿದ ಪೋಷಕರಿಂದ ಬಲವಂತವಾಗಿ ಬಿಡಿಸಿಕೊಂಡು ಬಂದು ಈ ಶಾಲೆಯಲ್ಲಿ ಇರಿಸಲಾಗುತ್ತಿತ್ತು. 1840ರಿಂದ ಅಸ್ತಿತ್ವದಲ್ಲಿದ್ದ ಈ ಶಾಲೆಯಲ್ಲಿ ಲಕ್ಷಾಂತರ ಹೀನ ಕೃತ್ಯಗಳಿಗೆ ತುತ್ತಾಗಿದ್ದರು. ಒಟ್ಟಾವದಲ್ಲಿನ ಕ್ರಿಶ್ಚಿಯನ್‌ ಚರ್ಚೆಗಳೇ ನಡೆಸುತ್ತಿದ್ದ ಶಾಲಾಗಳ ಅಧ್ವಾನ ಎರಡು ದಶಕಗಳ ಹಿಂದೆಯೇ ಬೆಳಕಿಗೆ ಬಂದಿತ್ತು. ಈ ಕುರಿತು ನಡೆದ ಹಲವು ತನಿಖೆಗಳು ಬೆಚ್ಚಿ ಬೀಳಿಸುವ ಸಂಗತಿಗಳನ್ನು ಅನಾವರಣಗೊಳಿಸಿವೆ. ''150,000 ಲಕ್ಷಕ್ಕಿಂತ ಹೆಚ್ಚಿನ ಮಕ್ಕಳ ಮೇಲೆ ದೌರ್ಜನ್ಯ ನಡೆದಿದೆ. ಅತ್ಯಾಚಾರ, ಅಪೌಷ್ಟಿಕತೆ ಮತ್ತಿತರೆ ದೌರ್ಜನ್ಯದಿಂದ 4500 ಮೇಲ್ಪಟ್ಟು ಮಕ್ಕಳು ಮೃತಪಟ್ಟಿದ್ದು, ಅವರೆಲ್ಲರ ಶವಗಳನ್ನು ಶಾಲೆಯ ಆವರಣದಲ್ಲಿಯೇ ಹೂತು ಹಾಕಲಾಗಿದೆ,'' ಎಂದು ತನಿಖಾ ವರದಿಗಳು ತಿಳಿಸಿವೆ. ಈಗ ಪತ್ತೆಯಾಗಿರುವ ಮಕ್ಕಳ ಕಳೇಬರಗಳು ಕೂಡ ಈ ದುರಂತ ಸರಣಿಯ ಭಾಗ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಈ ಘಟನೆ ಬಗ್ಗೆ 2008ರಲ್ಲಿಯೇ ಸರಕಾರ ಅಧಿಕೃತವಾಗಿ ಕ್ಷಮೆಯಾಚನೆ ಮಾಡಿತ್ತು. ಈಗ ಪ್ರಧಾನಿ ಜಸ್ಟಿನ್‌ ಟ್ರೂಡೊ, ಮತ್ತೊಮ್ಮೆ ವಿಷಾದ ವ್ಯಕ್ತಪಡಿಸಿದ್ದು, ''ಇದು ದೇಶದ ಇತಿಹಾಸ ಎಂದೂ ಕ್ಷಮಿಸದ ಕಪ್ಪು ಚುಕ್ಕೆ,'' ಎಂದಿದ್ದಾರೆ.
from India & World News in Kannada | VK Polls https://ift.tt/3hY6i2S
