ಹೊಸದಿಲ್ಲಿ: ಭಾರತ ಹಾಗೂ ನಡುವೆ ಇಂಗ್ಲೆಂಡ್ನ ಸೌತಾಮ್ಟನ್ನಲ್ಲಿ ಜೂನ್ 18 ರಿಂದ ಆರಂಭವಾಗುವ ಉದ್ಘಾಟನಾ ಆವೃತ್ತಿಯ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ ಪರಿಸ್ಥಿಯ ಬಗ್ಗೆ ಐಸಿಸಿ ಮರುಪರಿಶೀಲನೆ ನಡೆಸಲಿದೆ ಎಂದು ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ. ಈ ವಾರದಲ್ಲಿ ಪಂದ್ಯದ ಪರಿಸ್ಥಿತಿ ಅಂತಿಮವಾಗುವ ಸಾಧ್ಯತೆ ಇದೆ. ಒಂದು ವೇಳೆ ಪಂದ್ಯ ಡ್ರಾ ನಲ್ಲಿ ಅಂತ್ಯ ಕಂಡರೆ ಏನಾಗಬಹುದು ಎಂಬ ಬಗ್ಗೆ ಇನ್ನೂ ಕೆಲವು ಗೊಂದಲಗಳಿವೆ. ಡಬ್ಲ್ಯಟಿಸಿ ಫೈನಲ್ ರೂಪಿಸಿದಾಗ ಪಂದ್ಯದ ಫೈನಲ್ಗೆ ಮೀಸಲು ದಿನವನ್ನು ಇಡಲಾಗುವುದು ಎಂದು ಉಲ್ಲೇಖಿಸಲಾಗಿತ್ತು. ಆದರೆ ಷರತ್ತನ್ನು ವೆಬ್ಸೈಟ್ನಿಂದ ತೆಗೆದುಹಾಕಲಾಗಿತ್ತು ಮತ್ತು ಡ್ರಾ ವೇಳೆ ಎರಡೂ ತಂಡಗಳನ್ನು ಜಂಟಿ ವಿಜೇತರು ಎಂದು ಘೋಷಿಸಲಾಗುವುದು ಎಂದು ಉಲ್ಲೇಖಿಸಲಾಗಿದೆ. "ಮೊದಲ ಐದು ದಿನಗಳಲ್ಲಿ 30 ಗಂಟೆಗಳಲ್ಲಿ ಪಂದ್ಯವನ್ನು ಆಡಲಾಗಿದೆಯೆ ಎಂದು ಖಚಿತಪಡಿಸಿಕೊಳ್ಳುವ ಉದ್ದೇಶವಿತ್ತು. ಆರಂಭಿಕ ಐದು ದಿನಗಳಲ್ಲಿ 30 ಗಂಟೆಗಳ ಕಾಲ ಪಂದ್ಯ ನಡೆಯದೇ ಇದ್ದಾಗ ಮಾತ್ರ ಮೀಸಲು ದಿನ ಕಾರ್ಯರೂಪಕ್ಕೆ ತರಲಾಗುತ್ತದೆ. ಇದರರ್ಥ ಹವಾಮಾನದ ಪ್ರಭಾವದಿಂದ ಫಲಿತಾಂಶವು ಕಡಿಮೆ ಅವಕಾಶವನ್ನು ಹೊಂದಿರುತ್ತದೆ," ಎಂದು ಐಸಿಸಿ ಮೂಲಗಳು ಟೈಮ್ಸ್ ಆಫ್ ಇಂಡಿಯಾಗೆ ತಿಳಿಸಿದೆ. "ಮೊದಲ ಬಾರಿ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ ಆಡಿಸುತ್ತಿರುವ ಹಿನ್ನೆಲೆಯಲ್ಲಿ ಜಂಟಿ ವಿಜೇತರವನ್ನು ಘೋಷಿಸುವುದು ಅಷ್ಟೊಂದು ಸಮಂಜಸವಾಗಿರುವುದಿಲ್ಲ. ಹಾಗಾಗಿ, ಈ ಪಂದ್ಯದಲ್ಲಿ ಒಂದು ತಂಡದ ಪರ ಫಲಿತಾಂಶ ಮೂಡಿ ಬರುವಂತೆ ಗರಿಷ್ಠ ಪ್ರಯತ್ನ ನಡೆಸಲಾಗುತ್ತದೆ. ಈ ವಿಷಯದ ಮೇಲೆ ಐಸಿಸಿ ಸದ್ಯ ಕಾರ್ಯನಿರ್ವಹಿಸುತ್ತಿದೆ ಹಾಗೂ ಈ ವಾರದಲ್ಲಿ ಇದರ ಕುರಿತು ಅಂತಿಮವಾಗಲಿದೆ," ಎಂದು ಮೂಲಗಳು ಹೇಳಿವೆ. ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಬಗ್ಗೆ ಚರ್ಚೆ ನಡೆಸಲು ಜೂನ್ 1 ರಂದು ಐಸಿಸಿ ಸಭೆ ನಡೆಸಲಿದೆ. ಉದ್ಘಾಟನಾ ಆವೃತ್ತಿಯ ಟೆಸ್ಟ್ ಚಾಂಪಿಯನ್ಷಿಪ್ ಪ್ರಕಟಿಸುವ ವೇಳೆಯೇ, 2021-23ರ ಆವೃತ್ತಿಯನ್ನೂ ಮುಂದುವರಿಸುವ ಬಗ್ಗೆ ಐಸಿಸಿ ಘೋಷಿಸಿತ್ತು. 2021-23ರ ಆವೃತ್ತಿಯ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ನ ಮೊದಲ ಸರಣಿಯಲ್ಲಿ ಭಾರತ ಹಾಗೂ ಇಂಗ್ಲೆಂಡ್ ತಂಡಗಳು ಐದು ಟೆಸ್ಟ್ ಪಂದ್ಯಗಳಲ್ಲಿ ಕಾದಾಟ ನಡೆಸಲಿವೆ. ಆದರೆ, ಚಾಂಪಿಯನ್ಷಿಪ್ ಪಾಯಿಂಟ್ಸ್ ಸಿಸ್ಟಮ್ ಯಾವ ರೀತಿ ಇದೆ ಎಂದು ಇಂದಿಗೂ ಯಾರಿಗೂ ಗೊತ್ತಿಲ್ಲ. ಉದ್ಘಾಟನಾ ಆವೃತ್ತಿಯ ಟೆಸ್ಟ್ ಚಾಂಪಿಯನ್ಷಿಪ್ಟೂರ್ನಿಯ ಬಗ್ಗೆ ಹಲವು ಐಸಿಸಿ ಸದಸ್ಯರು ಅಪಸ್ವರ ಎತ್ತಿದ್ದರು. ಪಾಯಿಂಟ್ಸ್ ಸಿಸ್ಟಮ್, ಸ್ವರೂಪ ಹಾಗೂ ಕೋವಿಡ್-19 ನಿಂದಾಗಿ ಆರಂಭದಲ್ಲಿ ಅಂದುಕೊಂಡ ರೀತಿ ಡಬ್ಲ್ಯುಟಿಸಿ ಟೂರ್ನಿಯನ್ನು ಯಶಸ್ವಿಯಾಗಿ ನಡೆಸಲು ಸಾಧ್ಯವಾಗಿಲ್ಲ ಗ್ರೆಗ್ ಬ್ರಾಕ್ಲೆ ಬೇಸರ ವ್ಯಕ್ತಪಡಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2TaBSzW
