ಹೊಸದಿಲ್ಲಿ: ಭಾರತೀಯ ಕ್ರಿಕೆಟ್ನ ಯುವ ಬ್ಯಾಟ್ಸ್ಮನ್ ಅವರು 2021ರ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಭಯಾನಕ ಬ್ಯಾಟಿಂಗ್ ಪ್ರದರ್ಶನ ತೋರಿದ್ದರು. ಅವರು ಆಡಿದ್ದ 8 ಪಂದ್ಯಗಳಿಂದ 166.49 ಸ್ಟ್ರೈಕ್ರೇಟ್ನೊಂದಿಗೆ 308 ರನ್ಳನ್ನು ಕಲೆ ಹಾಕಿದ್ದರು. ಆ ಮೂಲಕ ಆರೆಂಜ್ ಕ್ಯಾಪ್ ರೇಸ್ನಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಪ್ರಸಕ್ತ ವರ್ಷದಲ್ಲಿ ಅದ್ಭುತ ಫಾರ್ಮ್ನಲ್ಲಿರುವ ಪೃಥ್ವಿ ಶಾ ಅವರು 2019ರ ಆವೃತ್ತಿಯ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಟೂರ್ನಿಯ ವೇಳೆ ಎಂಟು ತಿಂಗಳ ಅವಧಿಗೆ ಅಮಾನತು ಶಿಕ್ಷೆಗೆ ಒಳಗಾಗಿದ್ದರು. ಇದರ ಪರಿಣಾಮ ಅವರು ಬಾಂಗ್ಲಾದೇಶ ಹಾಗೂ ದಕ್ಷಿಣ ಆಫ್ರಿಕಾ ವಿರುದ್ಧ ತವರು ಟೆಸ್ಟ್ ಸರಣಿಗೆ ಅಲಭ್ಯರಾಗಿದ್ದರು. ಅಲ್ಲದೆ, ಒಂದು ವರ್ಷಕ್ಕೂ ಹೆಚ್ಚಿನ ಅವಧಿ ಭಾರತ ಟೆಸ್ಟ್ ತಂಡದಿಂದ ದೂರ ಉಳಿದಿದ್ದರು. ಇತ್ತೀಚೆಗೆ ಕ್ರಿಕ್ಬಝ್ ಜೊತೆ ಮಾತನಾಡಿದ್ದ ಪೃಥ್ವಿ ಶಾ, ಅಮಾನತು ಶಿಕ್ಷೆಗೆ ಒಳಗಾಗಿದ್ದ ಸಮಯವನ್ನು ಅವರು ಕಠಿಣ ಸಮಯ ಎಂದು ಕರೆದರು. ದೇಶಿ ಕ್ರಿಕೆಟ್ ಆಡುತ್ತಿರುವ ವೇಳೆ ಶೀತ ಹಾಗೂ ಜ್ವರ ಬಂದಿತ್ತು. ಆಗ ತಮ್ಮ ತಂದೆ ಕಾಫ್ ಸಿರಫ್ ತೆಗೆದುಕೊಳ್ಳಲು ನನಗೆ ಸಲಹೆ ನೀಡಿದ್ದರು ಎಂಬ ಅಂಶವನ್ನು ಬಹಿರಂಗಪಡಿಸಿದರು. "ಈ ಘಟನೆಗೆ ನಾನು ಮತ್ತು ನಮ್ಮ ತಂದೆ ಹೊಣೆಯಾಗಿದ್ದೇವೆ. ಇಂದೋರ್ನಲ್ಲಿ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಆಡಲು ಬಂದಿದ್ದೆ. ಈ ವೇಳೆ ಶೀತ ಹಾಗೂ ಕೆಮ್ಮಿನಿಂದ ನಾನು ತುಂಬಾ ಹಿನ್ನಡೆ ಅನುಭವಿಸಿದ್ದೆ. ಅಂದಿನ ರಾತ್ರಿ ಊಟಕ್ಕೆ ಹೋಗುವ ವೇಳೆ ಈ ವಿಷಯವನ್ನು ನಮ್ಮ ತಂದೆಗೆ ಹೇಳಿದೆ. ಆಗ ಅವರು ನನಗೆ ಕಾಫ್ ಸಿರಫ್ ತೆಗೆದುಕೊಳ್ಳುವಂತೆ ಸಲಹೆ ನೀಡಿದರು. ಆದರೆ, ನಾನು ವೈದ್ಯರ ಸಲಹೆ ಪಡೆಯದೆ ನೇರವಾಗಿ ತೆಗದುಕೊಂಡಿದ್ದೆ. ಇದು ನಡೆಯಬಾರದಿತ್ತು," ಎಂದು ಹೇಳಿದರು. "ನಾನು ಎರಡು ದಿನಗಳವರೆಗೆ ಕೆಮ್ಮು ಸಿರಪ್ ತೆಗೆದುಕೊಂಡೆ ಮತ್ತು ಮೂರನೆಯ ದಿನ ನನ್ನ ಡೋಪ್ ಪರೀಕ್ಷೆಯಾಗಿತ್ತು ಹಾಗೂ ಅಲ್ಲಿ ಅವರು ಕೆಲವು ನಿಷೇಧಿತ ವಸ್ತುವನ್ನು ಪತ್ತೆ ಮಾಡಿದರು. ಐಪಿಎಲ್ ಪೋಸ್ಟ್ ಮಾಡಿದ ಬಳಿಕ ನನಗೆ ಈ ವಿಷಯ ತಿಳಿಯಿತು," ಎಂದು ಅವರು ಹೇಳಿದರು. ಈ ಘಟನೆಯ ಬಳಿಕ ನನ್ನನ್ನು ಜನ ಯಾವ ರೀತಿ ನೋಡುತ್ತಿದ್ದರು ಹಾಗೂ ಅತ್ಯುತ್ತಮ ಪ್ರದರ್ಶನ ತೋರುತ್ತಿದ್ದ ವೇಳೆ ತಮ್ಮ ವೃತ್ತಿ ಜೀವನದಲ್ಲಿ ತ್ವರಿತವಾಗಿ ಹಿನ್ನಡೆಯಾದ ಬಳಿಕ ಉಂಟಾದ ಭಾವನೆಗಳನ್ನು ಮುಂಬೈ ಬ್ಯಾಟ್ಸ್ಮನ್ ಕ್ರಿಕ್ಬಝ್ಗೆ ಬಹಿರಂಗಪಡಿಸಿದರು. "ನಾನು ಅವುಗಳನ್ನು ಪದಗಳಲ್ಲಿ ವ್ಯಕ್ತಪಡಿಸಲು ಸಾಧ್ಯವಿಲ್ಲ. ಅದು ನಿಜವಾಗಿಯೂ ಕಷ್ಟದ ಹಂತವಾಗಿತ್ತು. ನನ್ನ ಚಿತ್ರದ ಗ್ರಹಿಕೆ ಬಗ್ಗೆ ಯೋಚಿಸುವುದನ್ನು ನಾನು ನೋಡುತ್ತಿದ್ದೇನೆ. ಜನರು ನನ್ನನ್ನು ನಿಷೇಧಿತ ಔಷಧಗಳು ಮತ್ತು ವಸ್ತುಗಳ ಗ್ರಾಹಕರಾಗಿ ನೋಡುತ್ತಾರೆಯೇ? ನಾನು ಮನೆಯಲ್ಲಿ ಕುಳಿತು ಗಂಟೆಗಟ್ಟಲೆ ಯೋಚಿಸುತ್ತಿದ್ದೆ. ಆದರೆ ಆ ಪರಿಸ್ಥಿತಿಯನ್ನು ಇಲ್ಲಿ ನಿಭಾಯಿಸಲು ನನಗೆ ಸಾಧ್ಯವಾಗದ ಕಾರಣ ನಾನು ಸ್ವಲ್ಪ ಸಮಯದವರೆಗೆ ಲಂಡನ್ಗೆ ಹೋದೆ. ಲಂಡನ್ನಲ್ಲಿದ್ದಾಗ, ನಾನು ಒಂದು ತಿಂಗಳ ಕಾಲ ನನ್ನ ಕೊಠಡಿಯಿಂದ ಹೊರಬಂದಿಲ್ಲ," ಎಂದು ಪೃಥ್ವಿ ಶಾ ಹೇಳಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/34eiNPA
