ಮುಂಬೈ: ಕೊನೆಯ ಎರಡು ಓವರ್ಗಳಲ್ಲಿ ಕಗಿಸೊ ರಬಾಡ ಹಾಗೂ ಟಾಮ್ ಕರ್ರನ್ ಅವರಿಗೆ 4 ಸಿಕ್ಸರ್ ಸಿಡಿಸುವ ಮೂಲಕ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ತಂಡಕ್ಕೆ 3 ವಿಕೆಟ್ ಜಯ ತಂದುಕೊಟ್ಟ , ಪಂಜಾಬ್ ಕಿಂಗ್ಸ್ ವಿರುದ್ಧ ಕಳೆದ ಪಂದ್ಯದಲ್ಲಿ ಸಿಂಗಲ್ ರನ್ ಪಡೆಯಲು ನಿರಾಕರಿಸಿದ್ದ ಬಗ್ಗೆ ಪ್ರತಿಕ್ರಿಯಿಸಿದರು. ಇಲ್ಲಿನ ವಾಂಖೆಡೆ ಕ್ರೀಡಾಂಗಣದಲ್ಲಿ ರಾಜಸ್ಥಾನ್ ರಾಯಲ್ಸ್ 2021ರ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ತನ್ನ ಮೊದಲನೇ ಗೆಲುವು ಪಡೆಯಿತು. ಆ ಮೂಲಕ ಎರಡು ಅಂಕಗಳೊಂದಿಗೆ ರಾಜಸ್ಥಾನ್ ರಾಯಲ್ಸ್ ಪಾಯಿಂಟ್ಸ್ ಟೇಬಲ್ನಲ್ಲಿ 5ನೇ ಸ್ಥಾನ ಪಡೆಯಿತು. ಗುರುವಾರ ಪಂದ್ಯ ಮುಗಿದ ಬಳಿಕ ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ಸಂಜು ಸ್ಯಾಮ್ಸನ್ ಸಿಂಗಲ್ ರನ್ ಪಡೆಯಲು ನಿರಾಕರಿಸಿದ ಬಗ್ಗೆ ಕೇಳಿದ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಕ್ರಿಸ್ ಮಾರಿಸ್, ಅಂದು ರಾಜಸ್ಥಾನ್ ರಾಯಲ್ಸ್ ನಾಯಕ ಸಿಂಗಲ್ ಪಡೆಯಲು ಏಕೆ ನಿರಾಕರಿಸಿದ್ದರು ಎಂಬ ಬಗ್ಗೆ ತಮ್ಮ ಮನಸ್ಸಿನಲ್ಲಿ ಉಂಟಾದ ಭಾವನೆಗಳನ್ನು ಬಹಿರಂಗಪಡಿಸಿದರು. "ಸಂಜು ಸ್ಯಾಮ್ಸನ್ ಚೆನ್ನಾಗಿ ಹೊಡೆಯುತ್ತಿದ್ದರಿಂದ ನಾನು ಮತ್ತೆ ಹಿಂದಕ್ಕೆ ಓಡಿದ್ದಕ್ಕೆ ನನಗೆ ಬೇಸರವಿಲ್ಲ. ಆದರೆ, ನಾನು ಎಷ್ಟು ವೇಗವಾಗಿ ಓಡಿದ್ದೇನೆ ಎಂದು ಜನರು ಕಡೆಗಣಿಸಿದ್ದಾರೆ. ರಾತ್ರಿ ಕನಸಿನಂತೆ ಸಂಜು ಅಂದು ಹೊಡೆಯುತ್ತಿದ್ದರು. ಅವರು ಕೊನೆಯ ಎಸೆತದಲ್ಲಿ ಅವರು ಸಿಕ್ಸರ್ ಸಿಡಿಸಿದ್ದರೆ ನಾನು ತುಂಬಾ ಬೇಸರವಾಗುತ್ತಿರಲಿಲ್ಲ," ಎಂದು ಕ್ರಿಸ್ ಮಾರಿಸ್ ಹೇಳಿದರು. ಪಂಜಾಬ್ ಕಿಂಗ್ಸ್ ವಿರುದ್ಧ ಎರಡು ಎಸೆತಗಳಲ್ಲಿ ರಾಜಸ್ಥಾನ್ ರಾಯಲ್ಸ್ಗೆ 5 ರನ್ ಅಗತ್ಯವಿತ್ತು. ಈ ವೇಳೆ ಸಂಜು ಸ್ಯಾಮ್ಸನ್ ಸಿಂಗಲ್ ರನ್ ಓಡಲು ನಿರಾಕರಿಸಿದರು. ಆದರೆ, ಕೊನೆಯ ಎಸೆತದಲ್ಲಿ ಸಿಕ್ಸರ್ ಸಿಡಿಸುವಲ್ಲಿ ವಿಫಲರಾದರು. ಆ ಮೂಲಕ ರಾಜಸ್ತಾನ್ ರಾಯಲ್ಸ್ ಕೇವಲ 4 ರನ್ ಗಳಿಂದ ಸೋಲು ಅನುಭವಿಸಿತು. ಆದರೆ, ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಕ್ರಿಸ್ ಮಾರಿಸ್ ಮ್ಯಾಚ್ ವಿನ್ನಿಂಗ್ ಪ್ರದರ್ಶನ ತೋರಿದರು. 148 ರನ್ಗಳ ಗುರಿ ಬೆನ್ನತ್ತಿದ್ದ ರಾಜಸ್ಥಾನ್ ರಾಯಲ್ಸ್ ಬಹುಬೇಗ 42 ರನ್ಗಳಿಗೆ 5 ವಿಕೆಟ್ಗಳನ್ನು ಕಳೆದುಕೊಂಡಿತು. ಈ ವೇಳೆ ನಿರ್ಣಾಯಕ ಪ್ರದರ್ಶನ ತೋರಿ 62 ರನ್ ಗಳಿಸಿ ಡೇವಿಡ್ ಮಿಲ್ಲರ್ ಔಟ್ ಆದ ಬಳಿಕ ತಂಡದ ಜವಾಬ್ದಾರಿ ಹೊತ್ತ ಕ್ರಿಸ್ ಮಾರಿಸ್, ಕೇವಲ 18 ಎಸೆತಗಳಲ್ಲಿ 36* ರನ್ ಸಿಡಿಸಿದರು ಹಾಗೂ ಇನ್ನೂ ಎರಡು ಎಸೆತಗಳು ಬಾಕಿ ಇರುವಾಗಲೇ ರಾಜಸ್ಥಾನ್ ರಾಯಲ್ಸ್ಗೆ ಗೆಲುವು ತಂದುಕೊಟ್ಟರು. "ಇಲ್ಲಿ ಇಬ್ಬನಿ ಪಂದ್ಯದ ಒಂದು ಭಾಗವಾಗಿದೆ ಎಂದು ನಾನು ಭಾವಿಸುತ್ತೇನೆ. ನಾವು ಬೌಲಿಂಗ್ ಮಾಡಿದ್ದಕ್ಕಿಂತ ಅವರು ಉತ್ತಮ ಲೆನ್ತ್ ಎಸೆತಗಳನ್ನು ಹಾಕಿದ್ದಾರೆ. ಡೆಲ್ಲಿ ಪರ ಸಾಕಷ್ಟು ವೇಗಿಗಳು ನಿರೀಕ್ಷೆಗಿಂತ ಹೆಚ್ಚಿನ ಬೌನ್ಸ್ ಮಾಡಿದ್ದಾರೆ. ಆದರೂ ನಾವು 140ಕ್ಕೂ ಹೆಚ್ಚಿನ ರನ್ಗಳನ್ನು ಚೇಸ್ ಮಾಡಿದ್ದೇವೆ. ಬ್ಯಾಟ್ಗೆ ಹಣ ಪಡೆಯುವ ವ್ಯಕ್ತಿಗಳು, ಸ್ಲಾಗ್ಗೆ ಹಣ ಪಡೆಯುವ ಹುಡುಗರಿದ್ದಾರೆ. ಆದರೆ, ನಾನು ಯಾರೆಂದು ನನಗೆ ತಿಳಿದಿದೆ. ಅದಕ್ಕಾಗಿಯೇ ನಾನು ತುಂಬಾ ಗಾಲ್ಫ್ ಆಡುತ್ತೇನೆ," ಎಂದು ಮಾರಿಸ್ ಹೇಳಿದರು. ಕಠಿಣ ಸನ್ನಿವೇಶದಲ್ಲಿ ನಿರ್ಣಾಯಕ ಅರ್ಧಶತಕ ಸಿಡಿಸಿದ ಡೇವಿಡ್ ಮಿಲ್ಲರ್ ಅವರನ್ನು ಕ್ರಿಸ್ ಮಾರಿಸ್ ಇದೇ ವೇಳೆ ಶ್ಲಾಘಿಸಿದರು. "ಕ್ರಿಕೆಟ್ನಲ್ಲಿ ಎಲ್ಲಾ ಕಡೆ ಇದೇ ರೀತಿ ನಡೆಯುತ್ತಿದೆ. ಡೆಲ್ಲಿ ಕ್ಯಾಪಿಟಲ್ಸ್ ಅತ್ಯುತ್ತಮ ಪ್ರದರ್ಶನ ತೋರಿದೆ. ಡೇವ್ ಅದ್ಭುತ ಬ್ಯಾಟ್ಸ್ಮನ್, ಅವರು ಇಂದು(ಗುರುವಾರ) ಮಿಂಚಿದರು," ಎಂದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2OVKLvC
