ಮುಂಬೈ: ಪ್ರಸಕ್ತ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ತಾವು ಎಸಗಿದ ತಪ್ಪುಗಳನ್ನು ಒಪ್ಪಿಕೊಂಡ ತಂಡದ ನಾಯಕ , ಇವುಗಳಿಂದ ನಾವು ಕಲಿಯಬೇಕಾದ ಅಗತ್ಯವಿದೆ ಎಂದು ಹೇಳಿದ್ದಾರೆ. ಇಲ್ಲಿನ ವಾಂಖೆಡೆ ಕ್ರೀಡಾಂಗಣದಲ್ಲಿ ಮೊದಲು ಬ್ಯಾಟ್ ಮಾಡಿದ ಪಂಜಾಬ್ ಕಿಂಗ್ಸ್ ಕೇವಲ 26 ರನ್ಗಳಿಗೆ ಪ್ರಮುಖ 5 ವಿಕೆಟ್ಗಳನ್ನು ಕಳೆದುಕೊಂಡಿತ್ತು. ಆದರೆ, ಶಾರೂಖ್ ಖಾನ್ ಅವರ ಬ್ಯಾಟಿಂಗ್ ಪ್ರದರ್ಶನದಿಂದ ಪಂಜಾಬ್ 20 ಓವರ್ಗಳಿಗೆ 8 ವಿಕೆಟ್ ಕಳೆದುಕೊಂಡು 106 ರನ್ ಗಳಿಸಿತ್ತು. ಬಳಿಕ ಗುರಿ ಹಿಂಬಾಲಿಸಿದ್ದ ಚೆನ್ನೈ ಸೂಪರ್ ಕಿಂಗ್ಸ್ ಇನ್ನೂ 26 ಎಸೆತಗಳು ಬಾಕಿ ಇರುವಾಗಲೇ 6 ವಿಕೆಟ್ ಜಯ ದಾಖಲಿಸಿತು. ಪಂದ್ಯದ ಸೋಲಿನ ಬಳಿಕ ಮಾತನಾಡಿದ ಪಂಜಾಬ್ ಕಿಂಗ್ಸ್ ನಾಯಕ ಕೆ.ಎಲ್ ರಾಹುಲ್, ಕಳೆದ ಪಂದ್ಯದಲ್ಲಿ221 ರನ್ ಗಳಿಸಿದ್ದ ತಂಡ, ಇದೀಗ 106 ರನ್ ಗಳಿಸಬಹುದೆಂಬ ಅಂಶವನ್ನು ತಳ್ಳಿ ಹಾಕಿದರು. "ಇದರಲ್ಲಿ ಹೆಚ್ಚು ಹೇಳುವ ಅಗತ್ಯವಿಲ್ಲ. ಯಾವುದೇ ತಂಡ ಮೊದಲ ಏಳು ಅಥವಾ ಎಂಟು ಓವರ್ಗಳಲ್ಲಿ ಐದು ವಿಕೆಟ್ಗಳನ್ನು ಕಳೆದುಕೊಂಡರೆ, ಅದು ಯಾವಾಗಲೂ ಕ್ಯಾಚ್ ಅಪ್ ಆಗುತ್ತದೆ. ಅವರು(ಚೆನ್ನೈ) ಉತ್ತಮವಾಗಿ ಬೌಲಿಂಗ್ ಮಾಡಿದರು, ನಾವು ಕೆಲವು ಕೆಟ್ಟ ಹೊಡೆತಗಳನ್ನು ಆಡಿದ್ದೇವೆ. ಪಿಚ್ ಹೆಚ್ಚು ಜಿಗುಟಾಗಿತ್ತು," ಎಂದು ರಾಹುಲ್ ಹೇಳಿದರು. "ಪಂದ್ಯದ ಗೆಲುವಿನ ಶ್ರೇಯ ಸಿಎಸ್ಕೆ ಬೌಲರ್ಗಳಿಗೆ ಸಲ್ಲಬೇಕು, ಏಕೆಂದರೆ ಅವರು ಸರಿಯಾದ ಜಾಗದಲ್ಲಿ ಪಿಚ್ ಮಾಡಿದ್ದಾರೆ. ದೀಪಕ್ ಚಹರ್ ಅವರ ನಕಲ್ ಬಾಲ್ಗಳಲ್ಲಿ ಹಲವು ವಿಕೆಟ್ಗಳನ್ನು ಪಡೆದುಕೊಂಡರು. ನಾನು ರನೌಟ್ ಆಗಿದ್ದರಿಂದ ತಂಡಕ್ಕೆ ನೆರವಾಗಲು ಸಾಧ್ಯವಾಗಲಿಲ್ಲ. ಟೂರ್ನಿಯ ಆರಂಭಿಸಿದ ಹಾದಿ ನೋಡುವುದಾದರೆ, ಪಿಚ್ ಈಗಲೂ ಓಕೆ, ಆದರೆ 100-110 ರನ್ ಗಳಿಸುವ ವಿಕೆಟ್ ಇದು ಅಲ್ಲವೇ ಅಲ್ಲ. ಭವಿಷ್ಯ 150-160 ರನ್ ಗಳಿಸಬೇಕಾಗಿತ್ತು," ಎಂದು ರಾಹುಲ್ ತಿಳಿಸಿದರು. "ಆದರೆ, ಇದರಿಂದ ನಮಗೆ ಒಳ್ಳೆಯ ಕಲಿಕೆಯಾಗಿದೆ. ಆಶಾದಾಯಕವಾಗಿ ಈ ತಪ್ಪುಗಳಿಂದ ಕಲಿಯುತ್ತೇವೆ ಹಾಗೂ ಮುಂದಿನ ಪಂದ್ಯಗಳಿಗೆ ಶಕ್ತಿಯುತವಾಗಿ ಕಮ್ಬ್ಯಾಕ್ ಮಾಡುತ್ತೇವೆ," ಎಂದು ವಿಶ್ವಾಸ ವ್ಯಕ್ತಪಡಿಸಿದರು. "ಪಂದ್ಯ ಆರಂಭಕ್ಕೂ ಮುನ್ನ ನಾವು ಚರ್ಚೆ ನಡೆಸಿದ್ದ ಪ್ರಮುಖ ವಿಷಯಗಳನ್ನು ವಿಮರ್ಶೆ ಮಾಡುವುದು ಅಗತ್ಯವಿದೆ. ಕಳೆದ ಪಂದ್ಯದಲ್ಲಿ ನಾವು 220 ರನ್ ಗಳಿಸಿದ್ದೆವು. ಆದರೆ, ಈ ಪಂದ್ಯದಲ್ಲಿ ಅದರ ಅರ್ಧದಷ್ಟು ರನ್ ಗಳಿಸಲು ನಮ್ಮಿಂದ ಸಾಧ್ಯವಾಗಲಿಲ್ಲ. ನಮ್ಮ ತಪ್ಪುಗಳನ್ನು ತಿದ್ದಿಕೊಳ್ಳುವುದು ತುಂಬಾ ಮುಖ್ಯವಾಗಿದೆ," ಎಂದು ಹೇಳಿದರು. ಇದು ಟಿ 20 ಕ್ರಿಕೆಟ್, ಹೆಚ್ಚಾಗಿ ನೀವು ದೊಡ್ಡ ರನ್ ಗಳಿಸುವುದಿಲ್ಲ ಆದರೆ ಒಂದು ಋತುವಿನಲ್ಲಿ ಒಂದು ಅಥವಾ ಎರಡು ಪಂದ್ಯಗಳು ಈ ರೀತಿ ಇರುತ್ತವೆ, ಅಲ್ಲಿ ನೀವು ಈ ರೀತಿ ವಿಕೆಟ್ಗಳನ್ನು ಕಳೆದುಕೊಳ್ಳುತ್ತೀರಿ. ನಾವು ಅದನ್ನು ಗಲ್ಲದ ಮೇಲೆ ತೆಗೆದುಕೊಂಡು ಮುಂದುವರಿಯುವುದು ಮತ್ತು ಮುಂದಿನ ಪಂದ್ಯವನ್ನು ಉತ್ತಮಗೊಳಿಸುವುದು ಮುಖ್ಯ," ಎಂದು ಕೆ.ಎಲ್ ರಾಹುಲ್ ತಿಳಿಸಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2QuKY9p
