ಬೆಂಗಳೂರು: ವಯಸ್ಸಾದ ಮೇಲೆ ಶಿವ ಎಂದು ಹೇಳಿ ಮನೆಯಲ್ಲಿ ತೆಪ್ಪಗೆ ಕುಳಿತುಕೊಳ್ಳುವ ಬದಲು ಲೈಂಗಿಕತೆಯ ಅಮಲು ತಲೆಗೆ ಏರಿಸಿಕೊಂಡ 40ರ ಅಜ್ಜ ಇದೀಗ ಕಂಬಿ ಎಣಿಸುವಂತಹ ಪರಿಸ್ಥಿತಿ ನಿರ್ಮಿಸಿಕೊಂಡಿದ್ದಾನೆ. ಹೌದು, ಪಕ್ಕದ ಮನೆಯಲ್ಲಿ ಸುಸಂಸ್ಕೃತರಾಗಿ ಜೀವನ ನಡೆಸುತ್ತಿದ್ದ ತಾಯಿ ಹಾಗೂ ಮಗಳ ಮೇಲೆ ಕಾಮದ ಕಣ್ಣು ಹಾಕಿದ್ದಲ್ಲದೇ ಅವರ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ ಆರೋಪ ಇದೀಗ ಈ ಕಾಮುಕ ಅಜ್ಜನ ಮೇಲಿದೆ. ಈ ಸಂಬಂಧ ಠಾಣೆಯಲ್ಲಿ ವಿವಿಧ ಸೆಕ್ಷನ್ಗಳಡಿ ಅಜ್ಜನ ವಿರುದ್ಧ ಕೇಸ್ ದಾಖಲಾಗಿದೆ. ಅಷ್ಟಕ್ಕೂ ಈತ ಮಾಡಿದ್ದೇನು? ಇಲ್ಲಿದೆ ಮಾಹಿತಿ. ಏನಿದು ಘಟನೆ? ಬೆಂಗಳೂರಿನ ಜಾಲಹಳ್ಳಿ ಸಮೀಪದ ಶೆಟ್ಟಿಹಳ್ಳಿ ಎಂಬಲ್ಲಿ ಈ ಘಟನೆ ನಡೆದಿದ್ದು. ಇಲ್ಲಿನ ಮನೆಯೊಂದರಲ್ಲಿ ತಾಯಿ ಹಾಗೂ ಮಗಳು ವಾಸವಿದ್ದರು. ಇವರ ಮನೆಯ ಪಕ್ಕದಲ್ಲಿ ಆರೋಪಿ ಭೀಮಣ್ಣ ಕೂಡ ಮನೆ ಮಾಡಿಕೊಂಡಿದ್ದ. ವಯಸ್ಸಾದ ಭೀಮಣ್ಣ ಇವರಿಬ್ಬರನ್ನು ತಮ್ಮ ಮಕ್ಕಳ ರೀತಿ ನೋಡುವ ಬದಲು ತನ್ನ ಕಾಮದ ಕಣ್ಣುಗಳಿಂದ ನೋಡಿದ್ದಾನೆ. ದಿನ ನಿತ್ಯ ಅವರ ಮನೆ ಬಳಿ ಹೋಗುವುದು ತಾಯಿ ಹಾಗೂ ಮಗಳ ಬಳಿ ಅಶ್ಲೀಲವಾಗಿ ಮಾತನಾಡುತ್ತಿದ್ದ. ನೀವು ವಯಸ್ಸಾದವರು ಈ ರೀತಿ ಮಾತನಾಡ ಬಾರದು ಎಂದು ತಾಯಿ ಹೇಳಿದರೆ, ಇದಕ್ಕೆ ಮುದಿಯ ಭೀಮಣ್ಣ ಅಸಮಾಧಾನಗೊಳ್ಳುತ್ತಿದ್ದ. ಇಷ್ಟಕ್ಕೆ ಅಜ್ಜ ಭೀಮಣ್ಣನ ಕಾಮಪುರಣ ನಿಲ್ಲುವುದಿಲ್ಲ. ಮಗಳು ಕೆಲಸಕ್ಕೆ ಹೋಗಿರುವದನ್ನು ಗಮನಿಸಿದ್ದ ಭೀಮಣ್ಣ ಒಂದು ದಿನ ನೇರವಾಗೇ ಅವರ ಮನೆಗೆ ತೆರಳುತ್ತಾನೆ. ತಾಯಿ ಒಬ್ಬಳೆ ಇದ್ದಾಗ ಬಂದಿದ್ದ ಭೀಮಣ್ಣ ತಾಯಿಯನ್ನು ತನ್ನ ಮನೆಗೆ ಬರುವಂತೆ ಆಹ್ವಾನಿಸಿದ್ದಾನೆ. ತನ್ನೊಂದಿಗೆ ಮಂಚ ಹಂಚಿಕೊಂಡರೆ ದುಡ್ಡು ಕೊಡುವುದಾಗಿ ಆಮಿಷವೊಡ್ಡಿದ್ದಾನೆ. ಇದರಿಂದ ಕೋಪಗೊಂಡ ಮಹಿಳೆ ಭೀಮಣ್ಣನಿಗೆ ಬೈದು ಕಳುಹಿಸಿದ್ದಾಳೆ. ಇಷ್ಟೆಲ್ಲ ಬೈಗುಳ ತಿಂದರು ಬುದ್ದಿಯಂತು ಈ ಭೀಮಣ್ಣ ಕಲಿತಿರಲಿಲ್ಲ. ತಾಯಿ-ಹಾಗೂ ಮಗಳು ಏನು ಮಾಡುತ್ತಿದ್ದಾರೆ ಎಂದು ಗಮನಿಸುವುದೇ ಈತನ ದಿನ ನಿತ್ಯದ ಕಾಯಕವಾಗಿತ್ತು. ಅದರಲ್ಲೂ ತಾಯಿ-ಮಗಳು ಬಟ್ಟೆ ಬದಲಿಸುತ್ತಿದ್ದರೆ ಕಿಟಕಿಯಲ್ಲಿ ಇಣುಕಿ ನೋಡಲು ಯತ್ನಿಸುತ್ತಿದ್ದ. ಹೀಗೆ ಎಪ್ರಿಲ್ 14ರಂದು ಮಧ್ಯಾಹ್ನ ಒಂದು ದಿನ ತಾಯಿ ಇಲ್ಲದ ವೇಳೆ ಅವರ ಮನೆಗೆ ತೆರಳಿದ ಭೀಮಣ್ಣ ಯುವತಿ ಬಳಿಯೂ ಹಣ ನೀಡುತ್ತೇನೆ ಲೈಂಗಿಕ ಕ್ರಿಯೆ ನಡೆಸುವ ಎಂದು ಕೇಳಿಕೊಂಡಿದ್ದಾನೆ. ಇದರಿಂದ ಶಾಕ್ಗೊಳಗಾದ ಯುವತಿ, ಅಜ್ಜನಿಗೆ ಸರಿಯಾಗೇ ಬೈದಿದ್ದಾಳೆ. ಇದರಿಂದ ಕೋಪಗೊಂಡ ಭೀಮಣ್ಣ ಆಕೆಯ ಕೈ ಹಿಡಿದು, ಬಟ್ಟೆ ಎಳೆದು ಲೈಂಗಿಕ ದೌರ್ಜನ್ಯಕ್ಕೆ ಯತ್ನಿಸಿದ್ದಾನೆ. ಕೂಡಲೇ ಯುವತಿ ಆತನ ಕೈಯಿಂದ ತಪ್ಪಿಸಿಕೊಂಡು ಹೊರ ಹೋಗಿದ್ದಾಳೆ. ನಂತರ ಬಾಗಲಗುಂಟೆ ಪೋಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾಳೆ. ಇನ್ನು ಯುವತಿ ದೂರು ನೀಡಿರುವುದು ತಿಳಿದ ಬೆನ್ನಲ್ಲೇ ಫೋನ್ ಸ್ವಿಚ್ ಆಫ್ ಮಾಡಿಕೊಂಡು ಭೀಮಣ್ಣ ತಲೆ ಮರೆಸಿಕೊಂಡಿದ್ದಾನೆ. ಸದ್ಯ ಆತನಿಗಾಗಿ ಪೊಲೀಸರು ಬಲೆ ಬೀಸಿದ್ದಾರೆ.
from India & World News in Kannada | VK Polls https://ift.tt/3n2HoPX
