ಹೊಸದಿಲ್ಲಿ: ಐಪಿಎಲ್ ಇತಿಹಾಸದಲ್ಲಿಯೇ ಒಮ್ಮೆಯೂ ಟ್ರೋಫಿ ಎತ್ತಿ ಹಿಡಿಯಲಿಲ್ಲ ಎಂಬುದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪಾಲಿಗೆ ಬೇಸರದ ಸಂಗತಿಯಾಗಿದೆ. ಎರಡು ಬಾರಿ ಫೈನಲ್‌ನಲ್ಲಿ ಸೋತು ರನ್ನರ್ ಅಪ್‌ ಆಗಿದ್ದ ಆರ್‌ಸಿಬಿ ಇನ್ನೂ ಚೊಚ್ಚಲ ಪ್ರಶಸ್ತಿಗಾಗಿ ಹಾತೊರೆಯುತ್ತಿದೆ. ಅಂದಹಾಗೆ, ಈ ಬಾರಿ ಅತ್ಯುತ್ತಮ ಸಂಯೋಜನೆಯೊಂದಿಗೆ ಕೊಹ್ಲಿ ಪಡೆ 2021ರ ಐಪಿಎಲ್ ಪಯಣ ಶುರು ಮಾಡುವ ನಿರೀಕ್ಷಿಸುತ್ತಿದೆ. ಈ ಬಾರಿ ಅಗ್ರ ಕ್ರಮಾಂಕದಲ್ಲಿ ದೇವದತ್ ಪಡಿಕ್ಕಲ್ ಜತೆ ವಿರಾಟ್‌ ಕೊಹ್ಲಿ ಬ್ಯಾಟಿಂಗ್‌ ಮಾಡಲು ನಿರ್ಧರಿಸಿದ್ದಾರೆ. ಐಪಿಎಲ್ ಟೂರ್ನಿಯಲ್ಲಿ ಆರಂಭಿಕ ಬ್ಯಾಟ್ಸ್ಮನ್ ಆಗಿ ವಿರಾಟ್‌ ಕೊಹ್ಲಿ ಅತ್ಯುತ್ತಮ ದಾಖಲೆಯನ್ನು ಹೊಂದಿದ್ದಾರೆ. ಅಲ್ಲದೆ, ಸದ್ಯ ಕೊಹ್ಲಿ ಅದ್ಭುತ ಫಾರ್ಮ್‌ನಲ್ಲಿ ಇರುವುದು ಕೂಡ ಆರ್‌ಸಿಬಿ ಪಾಲಿಗೆ ಪ್ಲಸ್‌ ಪಾಯಿಂಟ್‌ ಆಗಲಿದೆ. ಈ ನಿಟ್ಟಿನಲ್ಲಿ ಪಡಿಕ್ಕಲ್ ಹಾಗೂ ಕೊಹ್ಲಿ ತಂಡಕ್ಕೆ ಉತ್ತಮ ಆರಂಭ ನೀಡುವ ತುಡಿತದಲ್ಲಿದ್ದಾರೆ. ಇನ್ನು ಮಧ್ಯಮ ಕ್ರಮಾಂಕದಲ್ಲಿ ಎಬಿ ಡಿವಿಲಿಯರ್ಸ್ ಜೊತೆಗೆ ಇದೀಗ ಗ್ಲೆನ್‌ ಮ್ಯಾಕ್ಸ್‌ವೆಲ್ ತಂಡಕ್ಕೆ ಬಲ ತುಂಬಲಿದ್ದಾರೆ. ಮ್ಯಾಕ್ಸ್‌ವೆಲ್ ಅಗತ್ಯ ಸಂದರ್ಭಗಳಲ್ಲಿ ಸ್ಪಿನ್‌ ಬೌಲಿಂಗ್‌ ಮಾಡಿ ತಂಡಕ್ಕೆ ನೆರವಾಗಲಿದ್ದಾರೆ. ತಂಡದ ಸಂಯೋಜನೆಗೆ ಬಗ್ಗೆ ಮಾತನಾಡಿರುವ ಆರ್‌ಸಿಬಿ ತಂಡದ ಕ್ರಿಕೆಟ್ ನಿರ್ದೇಶಕ ಮೈಕ್‌ ಹೇಸನ್‌, ತಂಡದಲ್ಲಿ ಅನ್‌ಕ್ಯಾಪ್ಡ್ ಆಟಗಾರರ ಬಗ್ಗೆ ಗುಣಗಾನ ಮಾಡಿದ್ದಾರೆ. ಭಾರತೀಯ ಸೀಮಿತ ಓವರ್‌ಗಳ ಕ್ರಿಕೆಟ್‌ನ ಭವಿಷ್ಯದ ಸ್ಟಾರ್‌ಗಳು ಈ ಬಾರಿ ಆರ್‌ಸಿಬಿ ಐಪಿಎಲ್ ಗೆಲ್ಲಲು ಸಹಾಯವಾಗಬಹುದು ಎಂದು ಹೇಳಿದ್ದಾರೆ.ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಚೊಚ್ಚಲ ಐಪಿಎಲ್ ಪ್ರಶಸ್ತಿ ಗೆಲ್ಲಲು ಮೊಹಮ್ಮದ್ ಅಝರುದ್ದೀನ್, ಸುಯಶ್ ಪ್ರಭುದೇಸಾಯಿ ಹಾಗೂ ರಜತ್ ಪತ್ತಿದಾರ್ ನೆರವಾಗಲಿದ್ದಾರೆಂದು ಮೈಕ್‌ ಹೇಸನ್‌ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಹೊಸದಿಲ್ಲಿ:
ಐಪಿಎಲ್ ಇತಿಹಾಸದಲ್ಲಿಯೇ ಒಮ್ಮೆಯೂ ಟ್ರೋಫಿ ಎತ್ತಿ ಹಿಡಿಯಲಿಲ್ಲ ಎಂಬುದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪಾಲಿಗೆ ಬೇಸರದ ಸಂಗತಿಯಾಗಿದೆ. ಎರಡು ಬಾರಿ ಫೈನಲ್‌ನಲ್ಲಿ ಸೋತು ರನ್ನರ್ ಅಪ್‌ ಆಗಿದ್ದ ಆರ್‌ಸಿಬಿ ಇನ್ನೂ ಚೊಚ್ಚಲ ಪ್ರಶಸ್ತಿಗಾಗಿ ಹಾತೊರೆಯುತ್ತಿದೆ. ಅಂದಹಾಗೆ, ಈ ಬಾರಿ ಅತ್ಯುತ್ತಮ ಸಂಯೋಜನೆಯೊಂದಿಗೆ ಕೊಹ್ಲಿ ಪಡೆ 2021ರ ಐಪಿಎಲ್ ಪಯಣ ಶುರು ಮಾಡುವ ನಿರೀಕ್ಷಿಸುತ್ತಿದೆ.
ಈ ಬಾರಿ ಅಗ್ರ ಕ್ರಮಾಂಕದಲ್ಲಿ ದೇವದತ್ ಪಡಿಕ್ಕಲ್ ಜತೆ ವಿರಾಟ್‌ ಕೊಹ್ಲಿ ಬ್ಯಾಟಿಂಗ್‌ ಮಾಡಲು ನಿರ್ಧರಿಸಿದ್ದಾರೆ. ಐಪಿಎಲ್ ಟೂರ್ನಿಯಲ್ಲಿ ಆರಂಭಿಕ ಬ್ಯಾಟ್ಸ್ಮನ್ ಆಗಿ ವಿರಾಟ್‌ ಕೊಹ್ಲಿ ಅತ್ಯುತ್ತಮ ದಾಖಲೆಯನ್ನು ಹೊಂದಿದ್ದಾರೆ. ಅಲ್ಲದೆ, ಸದ್ಯ ಕೊಹ್ಲಿ ಅದ್ಭುತ ಫಾರ್ಮ್‌ನಲ್ಲಿ ಇರುವುದು ಕೂಡ ಆರ್‌ಸಿಬಿ ಪಾಲಿಗೆ ಪ್ಲಸ್‌ ಪಾಯಿಂಟ್‌ ಆಗಲಿದೆ. ಈ ನಿಟ್ಟಿನಲ್ಲಿ ಪಡಿಕ್ಕಲ್ ಹಾಗೂ ಕೊಹ್ಲಿ ತಂಡಕ್ಕೆ ಉತ್ತಮ ಆರಂಭ ನೀಡುವ ತುಡಿತದಲ್ಲಿದ್ದಾರೆ.
ಇನ್ನು ಮಧ್ಯಮ ಕ್ರಮಾಂಕದಲ್ಲಿ ಎಬಿ ಡಿವಿಲಿಯರ್ಸ್ ಜೊತೆಗೆ ಇದೀಗ ಗ್ಲೆನ್‌ ಮ್ಯಾಕ್ಸ್‌ವೆಲ್ ತಂಡಕ್ಕೆ ಬಲ ತುಂಬಲಿದ್ದಾರೆ. ಮ್ಯಾಕ್ಸ್‌ವೆಲ್ ಅಗತ್ಯ ಸಂದರ್ಭಗಳಲ್ಲಿ ಸ್ಪಿನ್‌ ಬೌಲಿಂಗ್‌ ಮಾಡಿ ತಂಡಕ್ಕೆ ನೆರವಾಗಲಿದ್ದಾರೆ. ತಂಡದ ಸಂಯೋಜನೆಗೆ ಬಗ್ಗೆ ಮಾತನಾಡಿರುವ ಆರ್‌ಸಿಬಿ ತಂಡದ ಕ್ರಿಕೆಟ್ ನಿರ್ದೇಶಕ ಮೈಕ್‌ ಹೇಸನ್‌, ತಂಡದಲ್ಲಿ ಅನ್‌ಕ್ಯಾಪ್ಡ್ ಆಟಗಾರರ ಬಗ್ಗೆ ಗುಣಗಾನ ಮಾಡಿದ್ದಾರೆ. ಭಾರತೀಯ ಸೀಮಿತ ಓವರ್‌ಗಳ ಕ್ರಿಕೆಟ್‌ನ ಭವಿಷ್ಯದ ಸ್ಟಾರ್‌ಗಳು ಈ ಬಾರಿ ಆರ್‌ಸಿಬಿ ಐಪಿಎಲ್ ಗೆಲ್ಲಲು ಸಹಾಯವಾಗಬಹುದು ಎಂದು ಹೇಳಿದ್ದಾರೆ.
ರಜತ್ ಪತ್ತೇದಾರ್‌
2021ರ ಐಪಿಎಲ್ ಆಟಗಾರರ ಹರಾಜಿನಲ್ಲಿ ರಜತ್ ಪತ್ತಿದಾರ್ ಅವರನ್ನು ಆರ್‌ಸಿಬಿ ಮೂಲ ಬೆಲೆ 20 ಲಕ್ಷ ರೂ. ಗಳಿಗೆ ಖರೀದಿಸಿತ್ತು. ಅವರು ಪ್ರಸಕ್ತ ಆವೃತ್ತಿಯ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯಲ್ಲಿ 51 ಎಸೆತಗಳಲ್ಲಿ 96 ರನ್‌ ಸಿಡಿಸಿದ್ದರು. ಅಲ್ಲದೆ, 29 ಎಸೆತಗಳಲ್ಲಿ ಅಜೇಯ 68 ಹಾಗೂ 41 ಎಸೆತಗಳಲ್ಲಿ 50 ರನ್‌ ಸಿಡಿಸಿದ್ದರು. ಟಿ20 ಕ್ರಿಕೆಟ್‌ನಲ್ಲಿ ಅವರು ಮಧ್ಯಮ ಓವರ್‌ಗಳಲ್ಲಿ ತಂಡಕ್ಕೆ ಆಸರೆಯಾಗಬಲ್ಲರು. ಕಳೆದ ಎರಡು ವರ್ಷಗಳಿಂದ ಈ ಆಟಗಾರನನ್ನು ಮೈಕ್‌ ಹೇಸನ್‌ ಗಮನಿಸುತ್ತಿದ್ದಾರೆ.
"ರಜತ್ ಪತ್ತಿದಾರ್ ಪಾಲಿಗೆ ಈ ಐಪಿಎಲ್ ಟೂರ್ನಿ ಮೊದಲನೇಯದು. ಪ್ರಥಮ ದರ್ಜೆ ಕ್ರಿಕೆಟ್ ಅನ್ನು 27ರ ಪ್ರಾಯದ ಆಟಗಾರ ಅತ್ಯುತ್ತಮವಾಗಿ ಅರ್ಥ ಮಾಡಿಕೊಂಡಿದ್ದಾರೆ. ಅವರು ಅಗ್ರ ದರ್ಜೆಯ ಬ್ಯಾಟ್ಸ್ಮನ್. ದೇಶಿ ಟೂರ್ನಿಗಳಾದ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಹಾಗೂ ವಿಜಯ್‌ ಹಝಾರೆ ಟ್ರೋಫಿ ಎರಡರಲ್ಲೂ ಅವರು ಅತ್ಯುತ್ತಮ ಪ್ರದರ್ಶನ ತೋರಿದ್ದಾರೆ. ಎರಡು ವರ್ಷಗಳಿಂದ ಈತನನ್ನು ನಾನು ವೀಕ್ಷಿಸುತ್ತಿದ್ದೇನೆ. ಅದ್ಭುತ ಬ್ಯಾಟಿಂಗ್‌ ಕೌಶಲ ಹೊಂದಿರುವ ಪತ್ತಿದಾರ್, ಆರ್‌ಸಿಬಿ ಅಭ್ಯಾಸದಲ್ಲಿಯೂ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಿದ್ದಾರೆ," ಎಂದು ಹೇಳಿದರು.
ಮಧ್ಯ ಪ್ರದೇಶ ಮೂಲದ ರಜತ್ ಪತ್ತೇದಾರ್‌ 143.53 ಸ್ಟ್ರೈಕ್‌ರೇಟ್‌ನೊಂದಿಗೆ ರನ್‌ ಗಳಿಸಿದ್ದು, 28 ಸಿಕ್ಸರ್‌ಗಳನ್ನು ಸಿಡಿಸಿದ್ದಾರೆ.
2021ರ ಐಪಿಎಲ್ ಆರಂಭವಾಗುವ ಮೊದಲೇ ಸಿಎಸ್‌ಕೆಗೆ ಆಘಾತ!
ಮೊಹಮ್ಮದ್ ಅಝರುದ್ದೀನ್
ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಟೂರ್ನಿಯಲ್ಲಿ ಬಲಿಷ್ಠ ಮುಂಬೈ ಎದುರು 54 ಎಸೆತಗಳಲ್ಲಿ 137 ರನ್‌ ಸಿಡಿಸಿ ದೇಶಾದ್ಯಂತ ದೊಡ್ಡ ಹೆಸರು ಮಾಡಿದ್ದ ಕೇರಳದ ಮೊಹಮ್ಮದ್ ಅಝರುದ್ದೀನ್ ಆರ್‌ಸಿಬಿ ತಂಡದ ಯುವ ಪ್ರತಿಭೆ.
"ಮೊಹಮ್ಮದ್ ಅಝರುದ್ದೀನ್ ನಮ್ಮ ತಂಡದ ಮತ್ತೊಬ್ಬ ಪ್ರತಿಭಾವಂತ ಬ್ಯಾಟ್ಸ್ಮನ್. ಸೈಯದ್ ಮುಷ್ತಾಲ್ ಅಲಿ ಟ್ರೋಫಿಯಲ್ಲಿ ಮುಂಬೈ ವಿರುದ್ಧ ಶತಕ ಸಿಡಿಸಿದ ಬಳಿಕ ಆತ ಬಹುನೀರಿಕ್ಷಿತ ಆಟಗಾರನಾಗಿದ್ದಾನೆ. ಆತನ ಸ್ಪೋಟಕ ಶತಕವನ್ನು ಟಿವಿಯಲ್ಲಿ ಪ್ರತಿಯೊಬ್ಬರೂ ನೋಡಿರುತ್ತಾರೆ. ಹಾಗಾಗಿ, ಆತ ಆರ್‌ಸಿಬಿಗಾಗಿ ತಂಡದಲ್ಲಿ ಏನು ಮಾಡುತ್ತಾನೆಂಬುದು ಎಲ್ಲರಿಗೂ ಗೊತ್ತಿದೆ," ಎಂದರು.
"ಅಝರುದ್ದೀನ್ ಸ್ವಲ್ಪ ಸಮಯದವರೆಗೆ ವ್ಯವಸ್ಥೆಯಲ್ಲಿದ್ದಾರೆ ಆದರೆ ಇದು ಅವರಿಗೆ ಒಂದು ದೊಡ್ಡ ಅವಕಾಶವಾಗಿದೆ ಮತ್ತು ಟೂರ್ನಿಯಲ್ಲಿ ಹೆಚ್ಚಿನ ಪ್ರಭಾವ ಬೀರುವ ಆಟಗಾರರಲ್ಲಿ ಒಬ್ಬರಾಗಿದ್ದಾರೆ. ಅವರು ಇತರ ಆಟಗಾರರ ಒತ್ತಡವನ್ನು ತೆಗೆದುಕೊಳ್ಳಬಹುದು. ಬ್ಯಾಟಿಂಗ್‌ ಲೈನ್‌ ಅಪ್‌ ಬೆಳವಣಿಗೆಗಳ ಬಗ್ಗೆ ಮಾತನಾಡುವಾಗ ಪರಸ್ಪರ ಪೂರಕವಾಗಿರುವ ಆಟಗಾರರ ಮೇಲೆ ನಾವು ಕೇಂದ್ರೀಕರಿಸುತ್ತೇವೆ. ಅವರು ನಮಗೆ ನಿರೀಕ್ಷಿತ ಆಟಗಾರರಾಗಿದ್ದು ವಿಕೆಟ್‌ ಕೀಪಿಂಗ್‌ ಕೂಡ ಮಾಡುತ್ತಾರೆ. ಆದ್ದರಿಂದ ಎಬಿ ಡಿವಿಲಿಯರ್ಸ್ ಜತೆಗೆ ಅಝರುದ್ದೀನ್ ಮತ್ತೊಂದು ಆಯ್ಕೆಯಾಗಿದ್ದಾರೆ," ಎಂದು ಹೇಳಿದರು.
ಐಪಿಎಲ್ 2021: ಸಿಎಸ್‌ಕೆಗೆ ಎದುರಾಗಿರುವ ಸವಾಲು ಬಹಿರಂಗಪಡಿಸಿದ ಚೋಪ್ರಾ!
ಸುಯಶ್ ಪ್ರಭುದೇಸಾಯಿ
ಗೋವಾದಿಂದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಆಡುತ್ತಿರುವ ನಾಲ್ಕನೇ ಆಟಗಾರ ಸುಯಶ್ ಪ್ರಭುದೇಸಾಯಿ. ಇದಕ್ಕೂ ಮೊದಲು ಸೌರಭ್‌ ಬಂಡೇಕರ್, ಶದಾಬ್‌ ಜಕಾಟಿ ಅವರು ಆರ್‌ಸಿಬಿ ಪರ ಆಡಿದ್ದರು. ಆದರೆ, ಗೋವಾದಿಂದ ಆರಂಭಿಕ ಬ್ಯಾಟ್ಸ್ಮನ್ ಸ್ವಪ್ನಿಲ್‌ ಅಸ್ನೋಡರ್ ಒಬ್ಬ ಆಟಗಾರ ಮಾತ್ರ ಐಪಿಎಲ್‌ನಲ್ಲಿ ಎಲ್ಲರ ಗಮನ ಸೆಳೆದಿದ್ದರು. ಇದೀಗ ಅದೇ ರೀತಿ ಕಾಳಜಿಯನ್ನು ಹೇಸನ್‌, ಪ್ರಭುದೇಸಾಯಿ ಮೇಲೆ ಇಟ್ಟಿದ್ದಾರೆ.
"ಗೋವಾದಿಂದ ಕೇವಲ ನಾಲ್ಕು ಆಟಗಾರರು ಮಾತ್ರ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ಗೆ ಬಂದಿದ್ದಾರೆ, ಅದರಲ್ಲಿ ಪ್ರಭುದೇಸಾಯಿ ನಾಲ್ಕನೇ ಆಟಗಾರ. ಅವರು ನಮಗೆ ಅತ್ಯುತ್ತಮ ಫಿನಿಷರ್ ಆಗಲಿದ್ದಾರೆ. ಮೈದಾನದಲ್ಲಿ 360 ಡಿಗ್ರಿಯಲ್ಲಿ ಚೆಂಡನ್ನು ಹೊಡೆಯಲಿದ್ದಾರೆ. ಒಮ್ಮೆ ಅವರು ಕ್ರೀಸ್‌ನಲ್ಲಿ ಹೊಂದಾಣಿಕೆ ಸಾಧಿಸಿದರೆ, ನಂತರ ದೊಡ್ಡ ಹೊಡೆತಗಳನ್ನು ಹೊಡೆಯುತ್ತಾರೆ. ಕಳೆದ ಆವೃತ್ತಿಗಿಂತ ಈ ಬಾರಿ ನಾವು ಪೀಲ್ಡಿಂಗ್‌ನಲ್ಲಿ ಸಾಕಷ್ಟು ಸುಧಾರಣೆ ಕಂಡಿದ್ದೇವೆ," ಎಂದು ಹೇಸನ್‌ ತಿಳಿಸಿದರು.
ನೆಟ್ಸ್‌ನಲ್ಲಿ ಸ್ಪೋಟಕ ಬ್ಯಾಟಿಂಗ್‌ನಿಂದ ಬೌಲರ್‌ಗಳಿಗೆ ಬೆವರಿಳಿಸಿದ ಪೂಜಾರ! ವಿಡಿಯೋ..
ಐಪಿಎಲ್ 2021 ಟೂರ್ನಿಗೆ ಆರ್‌ಸಿಬಿ ತಂಡ ಹೀಗಿದೆ
ವಿರಾಟ್‌ ಕೊಹ್ಲಿ (ನಾಯಕ), ಎಬಿ ಡಿ'ವಿಲಿಯರ್ಸ್‌, ಯುಜ್ವೇಂದ್ರ ಚಹಲ್, ದೇವದತ್ ಪಡಿಕ್ಕಲ್, ನವದೀಪ್ ಸೈನಿ, ವಾಷಿಂಗ್ಟನ್ ಸುಂದರ್‌, ಮೊಹಮ್ಮದ್ ಸಿರಾಜ್, ಕೇನ್ ರಿಚರ್ಡ್ಸನ್, ಆಡಮ್‌ ಝಾಂಪ, ಜಾಶ್ ಫಿಲಿಪ್, ಶಹಬಾಝ್ ಅಹ್ಮದ್, ಪವನ್ ದೇಶಪಾಂಡೆ, ಕೈಲ್‌ ಜೇಮಿಸನ್, ಗ್ಲೆನ್‌ ಮ್ಯಾಕ್ಸ್‌ವೆಲ್, ಡ್ಯಾನ್‌ ಕ್ರಿಸ್ಟಿಯನ್, ಸಚಿನ್ ಬೇಬಿ, ರಜತ್ ಪತ್ತಿದಾರ್, ಮೊಹಮ್ಮದ್ ಅಝರುದ್ದೀನ್, ಸುಯಶ್ ಪ್ರಭುದೇಸಾಯಿ, ಕೆಎಸ್‌ ಭರತ್, ಡೇನಿಯಲ್‌ ಸ್ಯಾಮ್ಸ್‌, ಹರ್ಷಲ್‌ ಪಟೇಲ್.
ಐಪಿಎಲ್ ಇತಿಹಾಸದಲ್ಲಿ ದಾಖಲಾದ 5 ಮಿಂಚಿನ ಶತಕಗಳಿವು!
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3sFXZuV
