ತಪೋಸಿರಿಸ್: ಮಮ್ಮಿ(ರಕ್ಷಿತ ಶವ)ಗಳ ಆವಾಸ ಸ್ಥಾನವಾಗಿರು ಈಜಿಪ್ಟ್ನ ನಲೆ ಅಗೆದಷ್ಟೂ ಕುತೂಹಲಕಾರಿ ಹಾಗೂ ರಹಸ್ಯಮಯ ಸಂಗತಿಗಳು ಬಯಲಾಗುತ್ತವೆ. ಪುರಾತನ ಮಮ್ಮಿಗಳ ವಿಶಿಷ್ಟ ಶವ ಪೆಟ್ಟಿಗೆಗಳು ನೆಲದಿಂದ ಮೇಲೆದ್ದು ಬಂದು ಆಧುನಿಕ ಮಾನವನನ್ನು ಮೂಕವಿಸ್ಮಿತನನ್ನಾಗಿ ಮಾಡುತ್ತದೆ. ಈಜಿಪ್ಟ್ನಲ್ಲಿ ಪ್ರತಿ ಬಾರಿಯೂ ಶವಪೆಟ್ಟಿಗೆಯೊಂದು ದೊರೆತಾಗ ಅದರಲ್ಲಿ ವಿಶೇಷವಾದದ್ದು ಇದ್ದೇ ಇರುತ್ತದೆ. ಇದಕ್ಕೆ ಪುಷ್ಠಿ ಎಂಬಂತೆ ಈಜಿಪ್ಟ್ನ ಪ್ರದೇಶದಲ್ಲಿ ಚಿನ್ನದ ನಾಲಿಗೆಯುಳ್ಳ ಸುಮಾರು 2,000 ವರ್ಷದಷ್ಟು ಹಳೆಯ ಮಮ್ಮಿಯೊಂದು ಪತ್ತೆಯಾಗಿದೆ. ತಪೋಸಿರಿಸ್ ಮ್ಯಾಗ್ನಾ ಪ್ರದೇಶದಲ್ಲಿ ಉತ್ಖನನ ನಡೆಸುತ್ತಿದ್ದ ಪುರಾತತ್ವಶಾಸ್ತ್ರಜ್ಞರಿಗೆ ಒಟ್ಟು 15 ಮಮ್ಮಿ ಶವಪೆಟ್ಟಿಗೆಗಳು ದೊರೆತಿದ್ದು, ಈ ಪೈಕಿ ಒಂದು ಮಮ್ಮಿಗೆ ಚಿನ್ನದ ನಾಲಿಗೆ ಇದೆ. ಎಲ್ಲಾ 15 ಮಮ್ಮಿ ಶವಪೆಟ್ಟಿಗೆಗಳು ಬಹುತೇಕ ಒಂದೇ ಕಾಲಾವಧಿಯದ್ದಾಗಿದ್ದು, ಈ ಒಪೈಕಿ ಒಂದು ಶವಕ್ಕೆ ಮಾತ್ರ ಚಿನ್ನದ ನಾಲಿಗೆ ಇರುವುದನ್ನು ಪುರಾತತ್ವಶಾಸ್ತ್ರಜ್ಞರು ಪತ್ತೆ ಮಾಡಿದ್ದಾರೆ . ಮರಣದ ಬಳಿಕದ ಜೀವನದಲ್ಲಿ ತಮ್ಮವರು ಮಾತನಾಡುತ್ತಾರೆ ಎಂದು ನಂಬಿದ್ದ ಪುರಾತನ ಈಜಿಪ್ಟಿಯನ್ನರು, ಇದೇ ಕಾರಣಕ್ಕೆ ಶವಕ್ಕೆ ಚಿನ್ನದ ನಾಲಿಗೆಯನ್ನು ಜೋಡಿಸಿರಬಹುದು ಎಂದು ಪುರಾತತ್ವಶಾಸ್ತ್ರಜ್ಞರು ಅಂದಾಜಿಸಿದ್ದಾರೆ. ಸ್ಯಾಂಟೋ ಡೋಮಿಂಗೋ ವಿಶ್ವ ವಿದ್ಯಾಲಯದ ಪುರಾತತ್ವ ವಿಭಾಗದ ಸಂಶೋಧಕರು ನಡೆಸಿದ ಉತ್ಖನನದಲ್ಲಿ, ಚಿನ್ನದ ನಾಲಿಗೆ ಹೊಂದಿರುವ ಪುರಾತನ ಮಮ್ಮಿ ದೊರೆತಿದೆ. ಈ ಹಿಂದೆ ಈಜಿಪ್ಟ್ನ ಪುರಾತತ್ವ ಇಲಾಖೆ ಸಕ್ಕಾರಾದಲ್ಲಿ ದೊರೆತ 2,500 ವರ್ಷಗಳಷ್ಟು ಹಳೆಯದಾದ ಪ್ರಾಚೀನ ಮಮ್ಮಿ ಶವಪೆಟ್ಟೆಗೆಯೊಂದನ್ನು ಸಾರ್ವಜನಿಕರ ಎದುರಲ್ಲೇ ಹೊರತೆಗೆದಿದ್ದನ್ನು ಇಲ್ಲಿ ಸ್ಮರಿಸಿಬಹುದು.
from India & World News in Kannada | VK Polls https://ift.tt/39GJbFz
