ಉದಿಯಂಡ ಜಯಂತಿ ಮಂದಣ್ಣ ಮಡಿಕೇರಿ: ವಿಧಾನ ಪರಿಷತ್ ಸದಸ್ಯ ಸುನೀಲ್ ಸುಬ್ರಮಣಿ ಅವರ ಸ್ಥಳೀಯ ಪ್ರದೇಶಾಭಿವೃದ್ಧಿ ಯೋಜನೆಯಡಿ 26 ಲಕ್ಷ ರೂ. ವೆಚ್ಚದಲ್ಲಿ ಸಭಾಂಗಣದ ಕಾಮಗಾರಿ ಸಂಪೂರ್ಣವಾಗಿದ್ದು, ಯೋಗಾಸಕ್ತರಿಗೆ ಉತ್ತಮ ಕಟ್ಟಡ ಲಭ್ಯವಾಗಿರುವುದು ಯೋಗಾಸಕ್ತರ ಸಂಭ್ರಮಕ್ಕೆ ಕಾರಣವಾಗಿದೆ. ಕರ್ನಾಟಕ ಭೂ ಸೇನಾ ನಿಗಮದಿಂದ ಸಭಾಂಗಣದ ಕಟ್ಟಡ ಕಾಮಗಾರಿ ನಡೆದಿದೆ. ಸದ್ಯ ಇದರಿಂದ ಶಾಲಾ ಮಕ್ಕಳಿಗೆ, ಮಹಿಳೆಯರಿಗೆ ಸೇರಿದಂತೆ ಯೋಗಾಸಕ್ತರಿಗೆ ಯೋಗ ಕಲಿಯಲು ಉತ್ತಮ ಸಭಾಂಗಣ ದೊರೆತಂತೆ ಆಗಿದೆ. 30-40 ಮಂದಿಗೆ ಅವಕಾಶ ನೂತನ ಯೋಗ ಸಭಾಂಗಣದಲ್ಲಿ ಏಕಕಾಲಕ್ಕೆ 30-40 ಮಂದಿ ಯೋಗಾಭ್ಯಾಸ ಮಾಡಬಹುದಾಗಿದ್ದು, ಸಭಾಂಗಣದಲ್ಲಿ ಪುರುಷರು ಹಾಗೂ ಮಹಿಳೆಯರಿಗೆ ಪ್ರತ್ಯೇಕ ವಿಶ್ರಾಂತಿ ಕೊಠಡಿ ವ್ಯವಸ್ಥೆ ಕೂಡ ಇದೆ. ಯೋಗ ಸಭಾಂಗಣ ನಿರ್ಮಾಣವಾದ ಹಿನ್ನೆಲೆ ರಸ್ತೆ, ಪಾರ್ಕಿಂಗ್ ವ್ಯವಸ್ಥೆಯನ್ನು ಅಚ್ಚುಕಟ್ಟಾಗಿ ಮಾಡಲಾಗಿದ್ದು, ಈಗಾಗಲೇ ಇಂಟರ್ಲಾಕ್ ಅಳವಡಿಕೆ ಕಾರ್ಯ ಪೂರ್ಣಗೊಂಡಿದೆ. ಇತ್ತೀಚೆಗೆ ವಿಧಾನ ಪರಿಷತ್ ಸದಸ್ಯ ಸುನೀಲ್ ಸುಬ್ರಮಣಿ ಯೋಗ ಸಭಾಂಗಣವನ್ನು ಲೋಕಾರ್ಪಣೆ ಮಾಡಿದ್ದರು. ಕರ್ನಾಟಕ ಭೂ ಸೇನಾ ನಿಗಮದಿಂದ ಯೋಗ ಸಭಾಂಗಣ ಕಟ್ಟಡ ಕಾಮಗಾರಿ ನಡೆದಿದೆ. ಕ್ರೀಡಾ ಇಲಾಖೆ ಯೋಗ ಶಿಕ್ಷಕರನ್ನು ನೇಮಕ ಮಾಡಿದ್ದು, ಸದ್ಯ ಯೋಗ ಶಿಕ್ಷಕಿ ಶಿಲ್ಪಾ ಆಸಕ್ತರಿಗೆ ಯೋಗ ಹೇಳಿ ಕೊಡುತ್ತಿದ್ದಾರೆ. ಬೆಳಗ್ಗೆ 5.30 ರಿಂದ 7 ಗಂಟೆವರೆಗೆ ಯೋಗಭ್ಯಾಸ ನಡೆಯುತ್ತಿದ್ದು, 14 ಮಂದಿ ಯೋಗ ಕಲಿಕೆಯಲ್ಲಿ ನಿರತರಾಗಿದ್ದಾರೆ. ಸಭಾಂಗಣದ ಶುಲ್ಕವಾಗಿ ಒಬ್ಬರಿಂದ 300 ರೂ. ಪಡೆಯಲಾಗುತ್ತಿದೆ. ಕೊರೊನಾ, ದಸರಾದ ನಂತರದ ದಿನದಲ್ಲಿ ಮತ್ತಷ್ಟು ಮಂದಿ ಯೋಗ ತರಗತಿಗೆ ಹಾಜರಾಗುವ ನಿರೀಕ್ಷೆ ಇದೆ ಎನ್ನುತ್ತಾರೆ ಯೋಗ ಶಿಕ್ಷಕಿ ಶಿಲ್ಪಾ. ಪಾರ್ಕಿಂಗ್ಗೆ ವ್ಯವಸ್ಥೆ ಜಿಲ್ಲಾ ಕ್ರೀಡಾಂಗಣಕ್ಕೆ ಹೊಂದಿಕೊಂಡಿರುವ ಕಟ್ಟಡದಲ್ಲಿ ಯೋಗ ಸಭಾಂಗಣ ನಿರ್ಮಾಣವಾಗಿದ್ದು, ಇದರೊಂದಿಗೆ ಈಗಾಗಲೇ ಜಿಮ್ ಕಟ್ಟಡ ಹಾಗೂ ಶಟಲ್ ಬ್ಯಾಡ್ಮಿಂಟನ್ ಕೋರ್ಟ್ ಕಾರ್ಯ ನಿರ್ವಹಿಸುತ್ತಿದೆ. ಸದ್ಯ ಯೋಗ ಕಟ್ಟಡ ನಿರ್ಮಾಣದ ಹಿನ್ನೆಲೆ ಮೈದಾನಕ್ಕೆ ತೆರಳಲು ಸುಸಜ್ಜಿತ ರಸ್ತೆ ಹಾಗೂ ಪಾರ್ಕಿಂಗ್ ವ್ಯವಸ್ಥೆಯನ್ನು 10 ಲಕ್ಷ ರೂ. ವೆಚ್ಚದಲ್ಲಿ ನವೀಕರಣಗೊಳಿಸಲಾಗಿದೆ. ಯೋಗಾಸಕ್ತರ ಸಂಭ್ರಮ ಕ್ರೀಡಾ ಜಿಲ್ಲೆ ಎನಿಸಿಕೊಂಡಿರುವ ಕೊಡಗಿನಲ್ಲಿ ಖಾಸಗಿಯಾಗಿ ಯೋಗ ಕೇಂದ್ರಗಳು ಕೂಡ ಅಲ್ಲಲ್ಲಿ ನಡೆಯುತ್ತಿದೆ. ಆದರೆ ಇದೀಗ ಕ್ರೀಡಾ ಇಲಾಖೆಯೇ ಯೋಗ ಕೇಂದ್ರವನ್ನು ಆರಂಭಿಸಿರುವುದು ಯೋಗಸಕ್ತರಲ್ಲಿ ಹೆಚ್ಚಿನ ಸಂಭ್ರಮ ಉಂಟು ಮಾಡಿದೆ. ಯೋಗಾಸಕ್ತರಿಗೆ ಯೋಗ ಸಭಾಂಗಣ ತೆರೆದಿದೆ. ಸದ್ಯ ಮುಂಜಾನೆ ಆಸಕ್ತರಿಗೆ ಯೋಗ ಹೇಳಿ ಕೊಡಲಾಗುತ್ತಿದ್ದು, ಆಸಕ್ತರು ಯೋಗ ತರಗತಿಗೆ ಸೇರಬಹುದು. ಗುರುಸ್ವಾಮಿ, ಸಹಾಯಕ ನಿರ್ದೇಶಕ, ಪ್ರಭಾರ, ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ ಯೋಗ ಕಲಿಕೆಗೆ ಸಾರ್ವಜನಿಕರಿಂದ ಉತ್ತಮ ಸ್ಪಂದನೆ ವ್ಯಕ್ತವಾಗಿದ್ದು, ಜನವರಿ ನಂತರ ಹೆಚ್ಚಿನ ಮಂದಿ ತರಗತಿಗೆ ಸೇರುವ ನಿರೀಕ್ಷೆ ಇದೆ. ಥೆರಪಿ, ವಿನ್ಯಾಸ ಯೋಗ ಸೇರಿದಂತೆ ಯಾರಿಗೂ ಒತ್ತಡ ಎನಿಸದ, ಎಲ್ಲರಿಗೂ ಆರೋಗ್ಯ ದೃಷ್ಟಿಯಿಂದ ಉತ್ತಮ ಎನಿಸುವ ಯೋಗವನ್ನು ಹೇಳಿಕೊಡಲಾಗುತ್ತಿದೆ. ಶಿಲ್ಪಾ, ಯೋಗ ಶಿಕ್ಷಕಿ
from India & World News in Kannada | VK Polls https://ift.tt/37yFrVX
