ದೀದಿ ನಾಡಲ್ಲಿಂದು ಅಮಿತ್‌ ಶಾ ಕೇಸರಿ ಕಹಳೆ, ಬಿಜೆಪಿ ಚಾಣಕ್ಯನ ರ‍್ಯಾಲಿಗೆ ಪ್ರತಿಭಟನೆಯ ಬಿಸಿ

ಕಲ್ಕತ್ತಾ: ದೀದಿ ನಾಡು ಪಶ್ಚಿಮ ಬಂಗಾಳದಲ್ಲಿ ಸ್ಥಳೀಯ ಸಂಸ್ಥೆಗಳ ಚುನಾವಣೆಗೆ ಕೇಸರಿ ಕಹಳೆಯೂದಲು ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಸಿದ್ಧವಾಗಿದ್ದಾರೆ. ಪಶ್ಚಿಮ ಬಂಗಾಳದಲ್ಲಿ ಏಪ್ರಿಲ್‌ನಲ್ಲಿ ನಡೆಯಲಿರುವ ಸ್ಥಳೀಯ ಸಂಸ್ಥೆ ಚುನಾವಣೆಗಳ ಪ್ರಚಾರಕ್ಕೆ ಬೃಹತ್‌ ಸಮಾವೇಶದ ಮೂಲಕ ಇಂದು ಕಲ್ಕತ್ತಾದಲ್ಲಿ ಅಮಿತ್‌ ಶಾ ಚಾಲನೆ ನೀಡಲಿದ್ದಾರೆ. ಕಲ್ಕತ್ತಾದ ಶಾಹೀದ್‌ ಮಿನಾರ್‌ ಮೈದಾನದಲ್ಲಿ ಮಧ್ಯಾಹ್ನ 2.30ಕ್ಕೆ ಅಮಿತ್‌ ಶಾ ರ‍್ಯಾಲಿ ನಡೆಯಲಿದೆ. ಈ ವೇಳೆ ಚಾಣಕ್ಯ ತೃಣಮೂಲ ಕಾಂಗ್ರೆಸ್‌ ವಿರುದ್ಧ ಬಿಜೆಪಿ ಪ್ರಚಾರ ಗೀತೆಯನ್ನು ಬಿಡುಗಡೆಗೊಳಿಸಲಿದ್ದಾರೆ. ನೋ ಮೋರ್‌ ಇನ್‌ಜಸ್ಟಿಸ್‌ ಎಂಬ ಶೀರ್ಷಿಕೆ ಹೊಂದಿರುವ ಗೀತೆಯಲ್ಲಿ ದೀದಿ ವಿರುದ್ಧ ಅನೇಕ ಸಂಗತಿಗಳನ್ನು ಹೇಳಲಾಗಿದೆ ಎನ್ನಲಾಗಿದೆ. ಈ ಮೂಲಕ ಸ್ಥಳೀಯ ಸಂಸ್ಥೆಗಳ ಚುನಾವಣೆಯಲ್ಲಿ ನೇತೃತ್ವದ ತೃಣಮೂಲ ಕಾಂಗ್ರೆಸ್‌ಗೆ ಸೋಲುಣಿಸಲು ಕೇಸರಿ ಪಡೆ ತಯಾರಾಗಿದೆ. ಇದರ ಜೊತೆ 2021 ಅಂದರೆ ಮುಂದಿನ ವರ್ಷ ಪಶ್ಚಿಮ ಬಂಗಾಳದಲ್ಲಿ ವಿಧಾನಸಭಾ ಚುನಾವಣೆಯೂ ನಡೆಯುವುದರಿಂದ ಈಗಿನಿಂದಲೇ ಚುನಾವಣಾ ಕಣವನ್ನು ಕಮಲ ಪಾಳೆಯ ಹುರಿಗೊಳಿಸುತ್ತಿದೆ. ಇನ್ನು, ದೆಹಲಿಯಲ್ಲಿ ನಡೆದ ಸಿಎಎ ಗಲಭೆಯ ಕುರಿತು ಅಮಿತ್‌ ಶಾ ಏನು ಮಾತನಾಡುತ್ತಾರೆ ಎಂಬುದು ಪ್ರಮುಖವಾಗಿದೆ. ಇಲ್ಲಿಯವರೆಗೂ ಸಿಎಎ ಗಲಭೆ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಆಗಲಿ ಗೃಹಸಚಿವ ಅಮಿತ್‌ ಶಾ ಆಗಲಿ ಬಹಿರಂಗ ಸಮಾವೇಶದಲ್ಲಿ ಮಾತನಾಡಿಲ್ಲ. ದೆಹಲಿ ಹಿಂಸಾಚಾರದ ನಂತರ ಮೋದಿ ಮತ್ತು ಅಮಿತ್‌ ಶಾ ಕ್ರಮವಾಗಿ ಪ್ರಯಾಗ್‌ರಾಜ್‌ ಮತ್ತು ಭುವನೇಶ್ವರದಲ್ಲಿ ಬೃಹತ್‌ ರ‍್ಯಾಲಿಯಲ್ಲಿ ಮಾತನಾಡಿದ್ದರು. ಪ್ರತಿಭಟನೆಯ ಬಿಸಿಅಮಿತ್‌ ಶಾ ವಿರುದ್ಧ ಕಲ್ಕತ್ತಾದಲ್ಲಿ ಕಾಂಗ್ರೆಸ್‌ ಹಾಗೂ ಎಡಪಂಥೀಯ ಸಂಘಟನೆಗಳ ಕಾರ್ಯಕರ್ತರು ಪ್ರತಿಭಟನೆ ನಡೆಸುತ್ತಿದ್ದಾರೆ. ವಿಮಾನ ನಿಲ್ದಾಣದ ಬಳಿ ಹಾಗೂ ದಕ್ಷಿಣ ಕಲ್ಕತ್ತಾದ ಮಾಲ್‌ ಹೊರಗಡೆ ಎಸ್‌ಎಫ್‌ಐ ವಿದ್ಯಾರ್ಥಿಗಳು ಪ್ರತಿಭಟನೆ ನಡೆಸುತ್ತಿದ್ದಾರೆ. ಇನ್ನು, ಕಾಂಗ್ರೆಸ್‌ನ ಚಟ್ರಾ ಪ್ರಸಾದ್‌ ಕಾಲೇಜ್‌ ಸ್ಟ್ರೀಟ್‌ ಬಳಿಯಿರುವ ಸ್ವಾಮಿ ವಿವೇಕಾನಂದ ಪ್ರತಿಮೆ ಬಳಿ ಧರಣಿ ಕುಳಿತಿದ್ದಾರೆ. ರ‍್ಯಾಲಿಗೆ ಅನುಮತಿ ನೀಡಿದ್ದಕ್ಕೆ ಖಂಡನೆ ಪಶ್ಚಿಮ ಬಂಗಾಳದಲ್ಲಿ ಅಮಿತ್‌ ಶಾ ಸಮಾವೇಶಕ್ಕೆ ಅನುಮತಿ ನೀಡಿದ್ದಕ್ಕೆ ಸಿಪಿಎಂ ಸೇರಿ ಅನೇಕ ವಿಪಕ್ಷಗಳು ಸರಕಾರದ ನಡೆಯನ್ನು ಟೀಕಿಸಿವೆ. ರಾಜ್ಯದಲ್ಲಿ ಸದ್ಯ ವಿದ್ಯಾರ್ಥಿಗಳಿ ಬೋರ್ಡ್‌ ಪರೀಕ್ಷೆಗಳು ನಡೆಯುತ್ತಿರುವಾಗ ಇಂತಹ ರಾಜಕೀಯ ಕಾರ್ಯಕ್ರಮಗಳಿಗೆ ಅನುವು ಮಾಡಿಕೊಟ್ಟಿರುವುದು ಸರಿಯಲ್ಲ ಎಂದಿದ್ದಾರೆ. ದೀದಿ ವಿರುದ್ಧ ವಿಪಕ್ಷಗಳ ಕೆಂಡ ಇನ್ನು, ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ವಿರುದ್ಧ ವಿಪಕ್ಷಗಳು ಮತ್ತೊಂದು ವಿಚಾರವಾಗಿ ಕೆಂಡ ಕಾರಿದ್ದಾವೆ. ಭುವನೇಶ್ವರದಲ್ಲಿ ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ನೇತೃತ್ವದಲ್ಲಿ ನಡೆದ ಪೂರ್ವ ವಲಯದ ಸಮಿತಿ ಸಭೆಯಲ್ಲಿ ದೆಹಲಿ ಹಿಂಸಾಚಾರವನ್ನು ಮಮತಾ ಬ್ಯಾನರ್ಜಿ ಖಂಡಿಸಿಲ್ಲ ಎಂದು ವಿಪಕ್ಷಗಳು ಗರಂ ಆಗಿವೆ.

from India & World News in Kannada | VK Polls https://ift.tt/2PzeUOw

ಜಗತ್ತಿನ ಶೇ. 40-70ರಷ್ಟು ವಯಸ್ಕರಿಗೆ ಕೊರೊನಾ: ಬೆಚ್ಚಿ ಬೀಳಿಸಿದ ಅಧ್ಯಯನ ವರದಿ!

ವಾಷಿಂಗ್ಟನ್: ಭಾರತವೂ ಸೇರಿದಂತೆ ಇಡಿ ಜಗತ್ತನ್ನು ತಲ್ಲಣಗೊಳಿಸಿರುವ ಮಾರಕ , ಮಾನವ ಸಮುದಾಯವನ್ನು ಸರ್ವನಾಶ ಮಾಡಲು ಶಪಥ ಮಾಡಿದವಂತೆ ಅತ್ಯಂತ ವೇಗವಾಗಿ ಹಬ್ಬುತ್ತಿದೆ. ಚೀನಾದ ವುಹಾನ್ ಪ್ರಾಂತ್ಯದಲ್ಲಿ ಮೊದಲ ಬಾರಿಗೆ ಕಾಣಿಸಿಕೊಂಡ ಈ ಮಾರಕ ಕೊರೊನಾ ವೈರಸ್, ಭಾರತವೂ ಸೇರಿದಂತೆ ದಕ್ಷಿಣ ಏಷ್ಯಾ ರಾಷ್ಟ್ರಗಳಲ್ಲಿ ವೇಗವಾಗಿ ಹಬ್ಬುತ್ತಿರುವುದು ಆತಂಕ ಸೃಷ್ಟಿಸಿದೆ. ಚೀನಾದಲ್ಲಿ ಈ ಮಾರಕ ವೈರಸ್'ಗೆ ಇದುವರೆಗೂ 2,870 ಜನ ಸಾವನ್ನಪ್ಪಿದ್ದಾರೆ ಎನ್ನಲಾಗಿದೆ. ಅಲ್ಲದೇ ಸುಮಾರು 79,824 ಜನರಲ್ಲಿ ವೈರಾಣುವಿನ ಸೋಂಕು ಕಾಣಿಸಿಕೊಂಡಿದೆ. ಭಾರತದಲ್ಲಿ ಇದುವರೆಗೂ ಮೂವರಲ್ಲಿ ಕೊರೊನಾ ವೈರಸ್ ಸೋಂಕು ಕಾಣಿಸಿಕೊಂಡಿದ್ದರೂ, ವೈದ್ಯಕೀಯ ಪರೀಕ್ಷೆಯಲ್ಲಿ ನಕಾರಾತ್ಮಕ ಫಲಿತಾಂಶ ಬಂದಿರುವುದು ಸಂತಸದ ಸಂಗತಿ. ಆದರೂ ಕೇರಳದ ಎರ್ನಾಕುಲಂನಲ್ಲಿ ಶಂಕಿತ ಕೊರೊನಾ ವೈರಸ್ ಪೀಡಿತನ ಸಾವು ಸಂಭವಿಸುರುವುದು ಆತಂಕಕ್ಕೆ ಕಾರಣವಾಗಿರುವುದು ಸುಳ್ಳಲ್ಲ. ಇನ್ನು ಕೊರೊನಾ ವೈರರಸ್ ಕುರಿತು ವಿಶ್ವದಾದ್ಯಂತ ಹಲವು ಸಂಶೋಧನೆಗಳು ನಡೆಯುತ್ತಿದ್ದು, ಪ್ರಮುಖವಾಗಿ ಕೊರೊನಾ ವೈರಸ್ ಹಬ್ಬಲು ಕಾರಣ, ರೋಗದ ಲಕ್ಷಣ ಹಾಗೂ ಚಿಕಿತ್ಸೆ ಕುರಿತು ಸತತ ಸಂಶೋಧನೆಗಳು ನಡೆಯುತ್ತಿವೆ. ಅದರಂತೆ ಹಾವರ್ಡ್ ವಿವಿಯ ಸಂಶೋಕರೂ ಕೂಡ ಆತಂಕ ಹುಟ್ಟಿಸುವಂತ ಸಂಶೋಧನೆ ನಡೆಸಿದ್ದು, ವಿಶ್ವದ ಶೇ. 40 ರಿಂದ ಶೇ. 70 ರಷ್ಟು ಮಾರಕ ಕೊರೊನಾ ವೈರಸ್'ಗೆ ತುತ್ತಾಗುವ ಸಂಭವವಿದೆ ಎಂದು ಅಂದಾಜಿಸಿದ್ದಾರೆ. ಹಾವರ್ಡ್ ವಿವಿಯ ಸಾಂಕ್ರಾಮಿಕ ರೋಗಶಾಸ್ತ್ರಜ್ಞ ಮಾರ್ಕ್ ಲಿಪ್ಸಿಚ್ ಎಂಬುವವರು ನಡೆಸಿದ ಸಂಶೋಣೆ ಪ್ರಕಾರ, ಜಗತ್ತಿನ ಶೇ. 40 ರಿಂದ ಶೇ. 70 ರಷ್ಟು ವಯಸ್ಕರಲ್ಲಿ ಮಾರಕ ಕೊರೊನಾ ವೈರಸ್ ಲಕ್ಷಣಗಳು ಕಾಣಿಸಿಕೊಳ್ಳಬಹುದು ಎಂದು ಅಭಿಪ್ರಾಯಪಟ್ಟಿದ್ದಾರೆ. ಕೊರೊನಾ ವೈರಸ್ ಲಕ್ಷಣ ಮಕ್ಕಳಿಗಿಂತ ಹೆಚ್ಚಾಗಿ ವಯಸ್ಕರಲ್ಲೇ ಅಧಿಕವಾಗಿ ಕಾಣಿಸಿಕೊಳ್ಳುತ್ತದೆ ಎಂದು ಹೇಳಿರುವ ಮಾರ್ಕ್ ಲಿಪ್ಸಿಚ್, ೬೫ ವಯಸ್ಸು ಮೇಲ್ಪಟ್ಟ ವಯಸ್ಕರು ಈ ರೋಗಕ್ಕೆ ಬಲಿಯಾಗುವ ಸಂಭವ ಹೆಚ್ಚು ಎಂದು ಹೇಳಿದ್ದಾರೆ. ಆದರೆ ಕೊರೊನಾ ವೈರಾಣು ಸೋಂಕಿತ ಎಲ್ಲರೂ ಸಾವನ್ನಪ್ಪುತ್ತಾರೆ ಎಂಬುದು ಸುಳ್ಳು ಎಂದಿರುವ ಮಾರ್ಕ್ ಲಿಪ್ಸಿಚ್, ಕೇವಲ ಶೇ. 2ರಷ್ಟು ಸಾವು ಸಂಭವಿಸುವ ಸಾಧ್ಯತೆ ಇದೆ ಎಂದು ಸ್ಪಷ್ಟಪಡಿಸಿದ್ದಾರೆ. ಈಗಾಗಲೇ ಕೊರೊನಾ ವೈರಸ್'ಗೆ ಲಸಿಕೆ ಕಂಡುಹಿಡಿಯುವ ಪ್ರಕ್ರಿಯೆ ಅಭಿವೃದ್ಧಿ ಹಂತದಲ್ಲಿದ್ದು, ಸಾವಿನ ಶೇಕಡಾವಾರು ಅಂಕಿ ಅಂಶ ಮತ್ತಷ್ಟು ಕಡಿಮೆಯಾಗುವ ಸಾಧ್ಯತೆಯನ್ನೂ ತಳ್ಳಿ ಹಾಕುವಂತಿಲ್ಲ ಎಂದು ಮಾರ್ಕ್ ತಿಳಿಸಿದ್ದಾರೆ. ಒಟ್ಟಿನಲ್ಲಿ ಸಂಶೋಧಕರು ಮಂಡಿಸುತ್ತಿರುವ ಅಧ್ಯಯನ ವರದಿಯಲ್ಲಿ ಬೆಚ್ಚಿ ಬೀಳಿಸುವಂತ ಅಂಶಗಳಿದ್ದು, ಕೊರೊನಾ ವೈರಸ್ ಹರಡುವಿಕೆಯನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಎಲ್ಲ ದೇಶಗಳೂ ಒಟ್ಟಾಗಿ ಕಾರ್ಯೋನ್ಮುಖವಾಗಬೇಕಿರುವುದನ್ನು ಎತ್ತಿ ತೋರಿಸುತ್ತದೆ.

from India & World News in Kannada | VK Polls https://ift.tt/3aitjGK

ಕಲಬುರಗಿಗೆ ಕಾಲಿಟ್ಟ ಪಾಕ್ ಜಿಂದಾಬಾದ್ ಘೋಷಣೆ: ಗೋಡೆ ಬರಹದ ಜಾಡು ಹಿಡಿದು..!

ಕಲಬುರಗಿ: ದೇಶದಲ್ಲಿ ಪಾಕ್ ಪರ ಘೋಷಣೆಗಳ ಆತಂಕಕಾರಿ ಘಟನೆಗಳಿಗೇನೂ ಕಮ್ಮಿಯಿಲ್ಲ. ಸಿಎಎ ವಿರೋಧಿ ಹೋರಾಟಗಳಲ್ಲಿ ಕೆಲವು ಕಡೆ ಕಿಡಿಗೇಡಿಗಳು ಪಾಕ್ ಪರ ಘೋಷಣೆ ಕೂಗಿರುವುದು ಎಲ್ಲರಿಗೂ ತಿಳಿದಿರುವ ಸಂಗತಿ. ಪಾಕ್ ಪ್ರೀತಿ ಇದೀಗ ಕಲಬುರಗಿಗೂ ಕಾಲಿಟ್ಟಂತೆ ಕಾಣುತ್ತಿದ್ದು, ಮನೆಯ ಗೋಡೆಯೊಂದರ ಮೇಲೆ ಘೋಷಣೆ ಬರೆದಿರುವ ಘಟನೆ ಬೆಳಕಿಗೆ ಬಂದಿದೆ. ಇಲ್ಲಿನ ಸಾತ್ ಗುಂಬಜ್ ಪ್ರದೇಶದ ಹಿಂದೂ ಧರ್ಮೀಯ ಕುಟುಂಬಕ್ಕೆ ಸೇರಿದ ಮನೆಯ ಗೋಡೆಯ ಮೇಲೆ ಕೆಲವು ಕಿಡಿಗೇಡಿಗಳು ಪಾಕಿಸ್ತಾನ್ ಜಿಂದಾಬಾದ್ ಎಂದು ಬರೆದಿದ್ದಾರೆ. ಮನೋಜ್ ಚೌಧರಿ ಎಂಬುವವರಿಗೆ ಸೇರಿದ ಮನೆಯ ಗೋಡೆ ಮೇಲೆ ಪಾಕಿಸ್ತಾನ್ ಜಿಂದಾಬಾದ್ ಎಂದು ಬರೆದಿರುವ ಕಿಡಿಗೇಡಿಗಳು, ಪ್ರಧಾನಿ ಮೋದಿ ಕುರಿತು ಅವಹೇಳನಕಾರಿ ಪದಗಳನ್ನು ಬಳಿಸಿದ್ದಾರೆ. ಈ ಕುರಿತು ಕೆಲವು ಸ್ಥಳೀಯರು ಗಮನಿಸಿ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಸ್ಥಳಕ್ಕೆ ಧಾವಿಸಿರುವ ಹಿರಿಯ ಪೊಲೀಸ್ ಅಧಿಕಾರಿಗಳ ತಂಡ ಪರಿಶೀಲನೆ ನಡೆಸುತ್ತಿದೆ ಎಂದು ಮೂಲಗಳು ತಿಳಿಸಿವೆ. ಒಟ್ಟಿನಲ್ಲಿ ಮೋದಿ ಸರ್ಕಾರವನ್ನು ಟೀಕಿಸುವ ಭರದಲ್ಲಿ ದೇಶದೊಳಗೆ ಪಾಕಿಸ್ತಾನ ಪ್ರೀತಿ ದಿನದಿಂದ ಉಲ್ಬಣಗೊಳ್ಳುತ್ತಿರುವುದು ಆತಂಕಕಾರಿ ಬೆಳವಣಿಗೆಯಾಗಿದ್ದು, ಇದನ್ನು ಹತ್ತಿಕ್ಕದೇ ಹೋದಲ್ಲಿ ದೇಶ ಗಂಭೀರ ಪರಿಣಾಮ ಎದುರಿಸಬೇಕಾದ ಅನಿವಾರ್ಯತೆ ಸೃಷ್ಟಿಯಾಗಲಿದೆ.

from India & World News in Kannada | VK Polls https://ift.tt/2uHAN6R

ಶಾಂತ ಸ್ಥಿತಿಯತ್ತ ದೆಹಲಿ; ಮುಂದುವರಿದ ಪೊಲೀಸ್ ಬಂದೋಬಸ್ತ್

ಹೊಸದಿಲ್ಲಿ: ಪೌರತ್ವ ಗಲಭೆಯಿಂದ ಹೊತ್ತಿಉರಿದ ಸದ್ಯ ಶಾಂತ ಸ್ಥಿತಿಗೆ ಮರಳುತ್ತಿದೆ. ಈಶಾನ್ಯ ದೆಹಲಿಯ ಜಾಫ್ರಾಬಾದ್, ಭಜನ್‌ಪುರ್‌, ಮೌಜ್ ಪುರ್, ಚಾಂದ್ ಬಾಗ್, ಖುರೇಜಿ ಖಾಸ್ ಪ್ರದೇಶಗಳಲ್ಲಿ ಶಾಂತಿ ನೆಲೆಸಿದ್ದು ಮುಂಜಾಗರೂಕತಾ ಕ್ರಮವಾಗಿ ಪೊಲೀಸ್ ಭದ್ರತೆಯನ್ನು ಮುಂದುವರಿಸಲಾಗಿದೆ. ಪೌರತ್ವ ಕಾಯ್ದೆ ಪರ-ವಿರೋಧಿ ಗುಂಪುಗಳ ನಡುವಿನ ಹಿಂಸಾಚಾರ ಮತೀಯ ಸ್ವರೂಪ ಪಡೆದುಕೊಂಡು ಅಪಾರ ಪ್ರಮಾಣದ ಸಾವು ನೋವಿಗೆ ಕಾರಣವಾಗಿದೆ. ಇದುವರೆಗೆ ದೆಹಲಿಯಲ್ಲಿ 42 ಜನರು ಸಾವನ್ನಪ್ಪಿದ್ದಾರೆ. 150 ಕ್ಕೂ ಆಧಿಕ ಜನರು ಗಾಯಗೊಂಡಿದ್ದಾರೆ. ಸಾವು ನೋವುಗಳ ನಡುವೆ ಅಪಾರ ಪ್ರಮಾಣದ ಹಾನಿ ಸಂಭವಿಸಿದೆ. ದುಷ್ಕರ್ಮಿಗಳ ದಾಳಿಗೆ ಅಂಗಡಿ ಮುಗ್ಗಟ್ಟುಗಳು ಮನೆಗಳು ಸುಟ್ಟು ಭಸ್ಮವಾಗಿದೆ. ಹಾನಿಯಾದ ಪ್ರದೇಶಗಳಲ್ಲಿ ಪರಿಹಾರ ಕಾರ್ಯದಲ್ಲಿ ದೆಹಲಿ ಸರ್ಕಾರ ತೊಡಗಿಕೊಂಡಿದ್ದು ಮೃತಪಟ್ಟವರಿಗೂ ಪರಿಹಾರವನ್ನು ಘೋಷಣೆ ಮಾಡಿದೆ. ಸದ್ಯ ಗಲಭೆ ಪೀಡಿತ ಪ್ರದೇಶಗಳಲ್ಲಿ ಶಾಂತಿ ನೆಲೆಸಿದ್ದು ಯಾವುದೇ ಅಹಿತಕರ ಘಟನೆ ನಡೆದಿರುವುದು ವರದಿಯಾಗಿಲ್ಲ. ಹೀಗಿದ್ದರೂ ಮುಂಜಾಗರೂಕತಾ ಕ್ರಮವಾಗಿ ಸೂಕ್ಷ್ಮ ಪ್ರದೇಶಗಳಲ್ಲಿ ಭದ್ರತೆಯನ್ನು ಮುಂದುವರಿಸಲಾಗಿದೆ. ಅರೆಸೇನಾ ಪಡೆ ಹಾಗೂ ಕ್ಷಿಪ್ರ ಕಾರ್ಯಾಚರಣೆ ಪಡೆಗಳನ್ನು ಗಲಭೆ ನಡೆದ ಪ್ರದೇಶಗಳಲ್ಲಿ ನಿಯೋಜಿಸಲಾಗಿದೆ. ಪೌರತ್ವ ಕಾಯ್ದೆ ವಿರೋಧಿಸಿ ದೆಹಲಿಯ ಶಾಹೀನ್‌ ಭಾಗ್‌ನಲ್ಲಿ ಪ್ರತಿಭಟನೆ ನಡೆಯುತ್ತಿದ್ದು ಅಲ್ಲಿಯೂ ಹೆಚ್ಚಿನ ಭದ್ರತೆಯನ್ನು ನಿಯೋಜಿಸಲಾಗಿದೆ ಎಂದು ದೆಹಲಿ ಪೊಲೀಸ್‌ ಜಂಟಿ ಆಯುಕ್ತ ಡಿಸಿ ಶ್ರಿವಾಸ್ತವ್ ತಿಳಿಸಿದ್ದಾರೆ. ದೆಹಲಿ ಗಲಭೆ ರಾಜಕೀಯ ಆರೋಪ ಪ್ರತ್ಯಾರೋಪಕ್ಕೆ ವೇದಿಕೆಯಾಗಿದ್ದು ಕಾಂಗ್ರೆಸ್ ಗೃಹ ಸಚಿವ ಅಮಿತ್ ಶಾ ರಾಜೀನಾಮೆಗೆ ಒತ್ತಾಯಿಸಿದೆ. ಆಮ್ ಆದ್ಮಿ ಪಕ್ಷ ಗಲಭೆಗೆ ಹೊಣೆಯನ್ನು ಬಿಜೆಪಿ ಮೇಲೆ ಹೊರಿಸಿದರೆ ಹಿಂಸಾಚಾರಕ್ಕೆ ಆಮ್ ಆದ್ಮಿ ಪಕ್ಷ ಕಾರಣ ಎಂದು ಬಿಜೆಪಿ ಆರೋಪಿಸಿದೆ.

from India & World News in Kannada | VK Polls https://ift.tt/2I9XG6c

ಸರಕು ಸಾಗಾಣೆ ರೈಲುಗಳ ಭೀಕರ ಮಖಾಮುಖಿ ಡಿಕ್ಕಿ: ಮೂವರು ಸಿಲುಕಿರುವ ಶಂಕೆ!

ಸಾಂದರ್ಭಿಕ ಚಿತ್ರ ಇಂಧೋರ್: ಎರಡು ಸರಕು ಸಾಗಾಣೆ ರೈಲುಗಳು ಪರಸ್ಪರ ಡಿಕ್ಕಿ ಹೊಡೆದಿರುವ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದ್ದು, ರೈಲುಗಳ ಮಧ್ಯೆ ಮೂವರು ಸಿಲುಕಿಕೊಂಡಿರುವ ಶಂಕೆ ವ್ಯಕ್ತವಾಗಿದೆ. ಇಲ್ಲಿನ ಸಿಂಗ್ರೋಲಿ ಸಮೀಪ ಕಲ್ಲಿದ್ದಲು ಹೊತ್ತೊಯ್ಯುತ್ತಿದ್ದ ರಾಷ್ಟ್ರೀಯ ಉಷ್ಣ ವಿದ್ಯುತ್ ನಿಗಮಕ್ಕೆ ಸೇರಿದ ಸರಕು ಸಾಗಾಣೆ ರೈಲುಗಳ ನಡುವೆ ಮುಖಾಮುಖಿ ಡಿಕ್ಕಿ ಸಂಭವಿಸಿದೆ. ಎರಡು ರೈಲುಗಳ ಮಧ್ಯೆ ಮೂವರು ಸಿಲುಕಿಕೊಂಡಿದ್ದು, ಅವರನ್ನು ರಕ್ಷಿಸುವ ಕಾರ್ಯ ಭರದಿಂದ ಸಾಗಿದೆ ಎಂದು ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ. ಸದ್ಯಕ್ಕೆ ಯಾವುದೇ ಸಾವು-ನೋವಿನ ಕುರಿತು ವರದಿಯಾಗಿಲ್ಲವಾದರೂ, ರೈಲುಗಳ ಮಧ್ಯೆ ಸಿಲುಕಿಕೊಂಡವರ ಸ್ಥಿತಿ ಚಿಂತಾಜನಕವಾಗಿದೆ ಎಂದು ಮೂಲಗಳು ತಿಳಿಸಿವೆ. ನಡೆದ ಸ್ಥಳದಲ್ಲಿ ಭಾರೀ ಸಂಖ್ಯೆಯಲ್ಲಿ ಜನ ಸೇರಿದ್ದು, ಜನರನ್ನು ನಿಯಂತ್ರಿಸಲು ಪೊಲೀಸರು ಹರಸಾಹಸಪಡುತ್ತಿದ್ದಾರೆ. ಸ್ಥಳಕ್ಕೆ ರೈಲ್ವೇ ಅಧಿಕಾರಿಗಳು ಧಾವಿಸಿದ್ದು ರಕ್ಷಣಾ ಕಾರ್ಯದಲ್ಲಿ ತೊಡಗಿದ್ದಾರೆ.

from India & World News in Kannada | VK Polls https://ift.tt/2TuAkx5

ಮಾರ್ಚ್‌ 2 ರಿಂದ ಬಜೆಟ್ ಅಧಿವೇಶನ; ಆಡಳಿತ ಪಕ್ಷದ ಮೇಲೆ ಸವಾರಿಗೆ ವಿಪಕ್ಷಗಳು ಸಜ್ಜು

ಬೆಂಗಳೂರು: ಸೋಮವಾರ (ಮಾರ್ಚ್ 2) ರಿಂದ ಆರಂಭವಾಗಲಿದ್ದು ಆಡಳಿತ ಪಕ್ಷವನ್ನು ಮಟ್ಟಹಾಕಲು ವಿಪಕ್ಷಗಳು ಸಜ್ಜಾಗಿವೆ. ಬಿಎಸ್‌ವೈ ಸರ್ಕಾರದ ವಿರುದ್ಧ ಪ್ರಯೋಗ ಮಾಡಲು ಕೆಲವು ಅಸ್ತ್ರಗಳು ಕಾಂಗ್ರೆಸ್ ಹಾಗೂ ಜೆಡಿಎಸ್‌ ಬತ್ತಳಿಕೆಯಲ್ಲಿವೆ. ಸೋಮವಾರ ರಾಜ್ಯಪಾಲರ ಭಾಷಣದ ಮೇಲಿನ ಚರ್ಚೆಗೆ ಸರ್ಕಾರ ಉತ್ತರ ನೀಡಲಿದ್ದು, ಮತ್ತೆರಡು ದಿನಗಳ ಕಾಲ ಸಂವಿಧಾನದ ಮೇಲೆ ಚರ್ಚೆ ನಡೆಯಲಿದೆ. ಮಾರ್ಚ್ ಐದರಂದು ಬಜೆಟ್‌ ಮಂಡನೆಯಾಗಲಿದೆ. ಕಾಂಗ್ರೆಸ್ ಬಳಿ ಇರುವ ಅಸ್ತ್ರಗಳೇನು ? ಅಧಿವೇಶನದಲ್ಲಿ ಆಡಳಿತ ಪಕ್ಷವನ್ನು ಇಕ್ಕಟ್ಟಿಗೆ ಸಿಲುಕಿಸಲು ಕಾಂಗ್ರೆಸ್ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್‌ ಹೇಳಿಕೆಯನ್ನು ಪ್ರಮುಖ ಅಸ್ತ್ರವನ್ನಾಗಿ ಪ್ರಯೋಗಿಸಲು ಮುಂದಾಗಿದೆ. ಸ್ವಾತಂತ್ರ್ಯ ಹೋರಾಟಗಾರ ಎಚ್‌.ಎಸ್‌ ದೊರೆಸ್ವಾಮಿಯ ವಿರುದ್ಧ ಬಿಜೆಪಿ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ನೀಡಿರುವ ವಿವಾದಾತ್ಮಕ ಹೇಳಿಕೆಯನ್ನು ಕಾಂಗ್ರೆಸ್ ವಿರೋಧಿಸಿದೆ. ಈಗಾಗಲೇ ವಿಧಾನಸೌಧದ ಮುಂಭಾಗದಲ್ಲಿ ಪ್ರತಿಭಟನೆ ನಡೆಸಿದೆ. ಸದನದಲ್ಲೂ ಈ ವಿಚಾರವನ್ನು ಪ್ರಸ್ತಾಪಿಸಿ ಗದ್ದಲ ಉಂಟು ಮಾಡುವುದು ಕಾಂಗ್ರೆಸ್ ತಂತ್ರವಾಗಿದೆ. ಶಾಸಕ ಯತ್ನಾಳ್‌ ಕ್ಷಮೆಯಾಚನೆ ಮಾಡಬೇಕು ಅಥವಾ ಅವರ ವಿರುದ್ಧ ಕ್ರಮವನ್ನು ಕೈಗೊಳ್ಳಬೇಕು ಎಂಬುವುದು ಕಾಂಗ್ರೆಸ್ ಆಗ್ರಹವಾಗಿದೆ. ಅಧಿವೇಶನದಲ್ಲಿ ಎರಡು ದಿನಗಳ ಕಾಲ ನಡೆಯಲಿರುವ ಸಂವಿಧಾನದ ಕುರಿತಾದ ಚರ್ಚೆಯಲ್ಲೂ ಈ ವಿಚಾರಗಳನ್ನು ಪ್ರಸ್ತಾಪ ಮಾಡಲು ಕಾಂಗ್ರೆಸ್ ಮುಂದಾಗಿದೆ. ಈ ಮೂಲಕ ಸದನದಲ್ಲಿ ಕಲಾಪಕ್ಕೆ ಅಡ್ಡಿಪಡಿಸಲು ವಿರೋಧ ಪಕ್ಷ ಕಾಂಗ್ರೆಸ್‌ ಸಜ್ಜಾಗಿದೆ. ಇದರ ಜೊತೆಗೆ ಬರ ಪರಿಹಾರ, ಇಂದಿರಾ ಕ್ಯಾಂಟೀನ್ ದರ ಏರಿಕೆ, ರೈತರ ಸಾಲ ಮನ್ನಾ ವಿಚಾರವನ್ನು ಪ್ರಸ್ತಾಪಿಸಿ ಆಡಳಿತ ಪಕ್ಷದ ವಿರುದ್ಧ ಮುಗಿಬೀಳಲು ತಂತ್ರ ಹೂಡುತ್ತಿದೆ. ಜೆಡಿಎಸ್‌ ಬತ್ತಳಿಕೆಯಲ್ಲಿದೆ ರೈತರ ಸಾಲ ಮನ್ನಾ ಅಸ್ತ್ರ ಅಧಿವೇಶನದಲ್ಲಿ ಆಡಳಿತ ಪಕ್ಷವನ್ನು ಮಣಿಸಲು ಜೆಡಿಎಸ್‌ ಕೂಡಾ ತಂತ್ರಗಾರಿಕೆ ನಡೆಸುತ್ತಿದ್ದು ರೈತರ ಸಾಲ ಮನ್ನಾ ವಿಚಾರವನ್ನು ಪ್ರಮುಖ ಅಸ್ತ್ರವನ್ನಾಗಿ ಇಟ್ಟುಕೊಂಡಿದೆ. ಈಗಾಗಲೇ ಇದರ ಸೂಚನೆಯನ್ನು ಟ್ವಿಟ್ಟರ್‌ನಲ್ಲಿ ನೀಡಿರುವ ಎಚ್‌ಡಿಕೆ, ಸಾಲ ಮನ್ನಾ ಬಗ್ಗೆ ಬೇಜವಾಬ್ದಾರಿತನದಿಂದ ವರ್ತಿಸುತ್ತಿರುವ ಬಿಜೆಪಿ ಸರ್ಕಾರದ ವಿರುದ್ಧ ಅಧಿವೇಶನದಲ್ಲಿ ಧ್ವನಿ ಎತ್ತುತ್ತೇನೆ. ರೈತರ ಪರವಾಗಿ ನಿಲ್ಲುತ್ತೇನೆ ಎಂದು ಘೋಷಣೆ ಮಾಡಿದ್ದಾರೆ. “ರೈತರ ಸಾಲ ಮನ್ನಾ' ಯೋಜನೆಗೆ ತಿಲಾಂಜಲಿ ಇಡಲು ಬಿಜೆಪಿ ಸರ್ಕಾರ ಅಡ್ಡ ದಾರಿ ತುಳಿಯುತ್ತಿರುವುದು ಖಂಡನೀಯ. ರೈತರ ಬಾಳಿಗೆ ರಾಜ್ಯ ಬಿಜೆಪಿ ಸರ್ಕಾರ ಕೊಳ್ಳಿ ಇಡಲು ಮುಂದಾಗಿದೆ.ದಾಖಲೆಗಳ ನೆಪವೊಡ್ಡಿ ಸಾಲ ಮನ್ನಾ ಯೋಜನೆಯಿಂದ ಒಂದು ಲಕ್ಷಕ್ಕೂ ಹೆಚ್ಚು ರೈತರನ್ನು ಕೈ ಬಿಡುವ ಮೂಲಕ ಬಿಜೆಪಿ ಸರ್ಕಾರ ರೈತರಿಗೆ ದೋಖಾ ಮಾಡುತ್ತಿದೆ” ಎಂಬುವುದು ಜೆಡಿಎಸ್ ವಾದವಾಗಿದೆ. ಆದರೆ ರೈತರ ಸಾಲ ಮನ್ನಾ ವಿಷಯವಾಗಿ ಕೆಲವು ಊಹಾಪೋಹಗಳು ಹರಿದಾಡುತ್ತಿದ್ದು, ರೈತರು ಯಾವುದೇ ರೀತಿಯ ಆತಂಕಕ್ಕೆ ಒಳಗಾಗಬಾರದು ಎಂದು ಸಿಎಂ ಬಿಎಸ್‌ವೈ ಈಗಾಗಲೇ ಸ್ಪಷ್ಟೀಕರಣ ನೀಡಿದ್ದಾರೆ. ಹೀಗಿದ್ದರೂ ಸದನದಲ್ಲಿ ರೈತರ ಸಮಸ್ಯೆಯನ್ನು ಮುಂದಿಟ್ಟುಕೊಂಡು ಹೋರಾಟ ನಡೆಸಲು ಜೆಡಿಎಸ್‌ ಮುಂದಾಗಿದೆ. ಈ ನಡುವೆ ಕಾಂಗ್ರೆಸ್ ಹಾಗೂ ಜೆಡಿಎಸ್‌ ಪ್ರಯೋಗಿಸಲಿರುವ ಅಸ್ತ್ರಗಳನ್ನು ಎದುರಿಸಲು ಬಿಎಸ್‌ವೈ ಪಡೆ ಸಜ್ಜಾಗಿದ್ದು ಸದನಕ್ಕೆ ಪ್ರತಿಯೊಬ್ಬರು ಹಾಜರಾಗುವಂತೆ ಸೂಚನೆ ನೀಡಿದ್ದಾರೆ.

from India & World News in Kannada | VK Polls https://ift.tt/2uLznIG

ಬಲಿ ಸರಣಿ ಶುರುವಾಯ್ತು: ಕೊರೊನಾಗೆ ಮೊದಲ ಭಾರತೀಯನ ಸಾವಾಯ್ತು!

ಎರ್ನಾಕುಲಂ: ಇಡೀ ಜಗತ್ತನ್ನು ತಲ್ಲಣಗೊಳಿಸಿರುವ ಮಾರಕ ಕೊರೊನಾ ವೈರಸ್, ಭಾರತದಲ್ಲಿ ತನ್ನ ಕಬಂದಬಾಹುಗಳನ್ನು ಚಾಚಿಯಾಗಿದೆ. ಕೇರಳದಲ್ಲಿ ಶಂಕಿತ ಪೀಡಿತ ಮೊದಲ ಭಾರತೀಯ ವ್ಯಕ್ತಿ ಅಸುನೀಗಿದ್ದು, ಭಾರತದಲ್ಲಿ ಸಾವಿನ ಸರಣಿ ಶುರುವಾಗುವ ಆತಂಕ ಇದೀಗ ಎದುರಾಗಿದೆ. ಹೌದು, ಶಂಕಿತ ಕೊರೊನಾ ಪೀಡಿತ ವ್ಯಕ್ತಿ ಕೇರಳದ ಎರ್ನಾಕುಲಂ ಆಸ್ಪತ್ರೆಯಲ್ಲಿ ಅಸುನೀಗಿದ್ದು, ಭಾರತದಲ್ಲಿ ಕೊರೊನಾ ಮರಣ ಮೃದಂಗ ಆರಂಭಿಸುವ ಮುನ್ಸೂಚನೆ ನೀಡಿ ಇಹಲೋಕ ತ್ಯಜಿಸಿದ್ದಾನೆ. ಇತ್ತಿಚೀಗಷ್ಟೇ ಮಲೇಷ್ಯಾದಿಂದ ಮರಳಿದ್ದ ಈ ವ್ಯಕ್ತಿಯನ್ನು ಪರೀಕ್ಷಿಸಿದಾಗ ನಕಾರಾತ್ಮಕ ಫಲಿತಾಂಶ ಬಂದಿತ್ತು. ಆದರೂ ಕೆಮ್ಮು ಮತ್ತು ಜ್ವರದಿಂದ ಬಳಲುತ್ತಿದ್ದ ಈತ ಅಸುನೀಗಿರುವುದು ಆಶ್ಚರ್ಯಕ್ಕೆ ಕಾರಣವಾಗಿದೆ. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಆತ ಅಸುನೀಗಿದ್ದಾನೆ ಎಂದು ಎರ್ನಾಕುಲಂ ಆಸ್ಪತ್ರೆಯ ಮೂಲಗಳು ಸ್ಷಷ್ಟಪಡಿಸಿವೆ. ಕೊರೊನಾ ವೈರಸ್'ಗೆ ಬಲಿಯಾಗಿರುವ ಮೊದಲ ಭಾರತೀಯ ಪ್ರಜೆ ಎಂಬ ಶಂಕೆ ಇಡೀ ದೇಶವನ್ನೇ ಬೆಚ್ಚಿ ಬೀಳಿಸಿದೆ. ಭಾರತದಲ್ಲಿ ಇದುವರೆಗೂ ಮೂವರಲ್ಲಿ ಕೊರೊನಾ ವೈರಸ್ ಪತ್ತೆಯಾಗಿರುವುದು ದೃಢಪಟ್ಟಿತ್ತು. ಆದರೂ ಸೂಕ್ತ ಪರೀಕ್ಷೆ ಬಳಿಕ ಮೂವರನ್ನೂ ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗಿದ್ದು, ಚೀನಾ ಮತ್ತು ಮಲೇಷ್ಯಾದಿಂದ ಮರಳುವ ಭಾರತೀಯರ ತಿವ್ರ ವೈದ್ಯಕೀಯ ವಿಚಾರಣೆ ನಡೆಯುತ್ತಿದೆ. ಅತ್ತ ಚೀನಾದಲ್ಲಿ ಕೊರೊನಾ ಮಾನವ ಬೇಟೆ ಮತ್ತಷ್ಟು ವೇಗ ಪಡೆದುಕೊಂಡಿದ್ದು, ಮಾರಕ ರೋಗಕ್ಕೆ ಇದುವರೆಗೂ 2,870 ಜನ ಸಾವನ್ನಪ್ಪಿದ್ದಾರೆ ಎನ್ನಲಾಗಿದೆ. ಅಲ್ಲದೇ ಸುಮಾರು 79,824 ಜನರಲ್ಲಿ ವೈರಾಣುವಿನ ಸೋಂಕು ಕಾಣಿಸಿಕೊಂಡಿದೆ.

from India & World News in Kannada | VK Polls https://ift.tt/2Pz1j9W

ಕೆಪಿಸಿಸಿ ಅಧ್ಯಕ್ಷ ಸ್ಥಾನ ಗೊಂದಲ, ಡಿಕೆಶಿಗೆ ಗುಲಾಂ ನಬಿ ಆಜಾದ್‌ ಕೊಟ್ಟ ಸಂದೇಶವೇನು?

ಬೆಂಗಳೂರು: ಕೆಪಿಸಿಸಿ ಅಧ್ಯಕ್ಷ ಸ್ಥಾನ ಆಯ್ಕೆ ಕಸರತ್ತು ಮುಂದುವರಿದಿದ್ದು ಶನಿವಾರ ಡಿ.ಕೆ ಶಿವಕುಮಾರ್‌ ಅವರನ್ನು ಬೆಂಗಳೂರಿನಲ್ಲಿ ಭೇಟಿಯಾಗಿದ್ದ ಎಐಸಿಸಿ ಮುಖಂಡ ಗುಲಾಂ ನಬಿ ಆಜಾದ್‌ ಕೆಲ ಹೊತ್ತು ಚರ್ಚೆ ನಡೆಸಿರುವುದು ಕುತೂಹಲ ಕೆರಳಿಸಿದೆ. ಕೆಪಿಸಿಸಿ ಅಧ್ಯಕ್ಷ ಸ್ಥಾನಕ್ಕೆ ಡಿ.ಕೆ ಶಿವಕುಮಾರ್‌ ಹೆಸರು ಅಂತಿಮ ಆಗಿದೆ ಎಂದು ಹೇಳಲಾಗುತ್ತಿದ್ದರೂ ಆಂತರಿಕ ವಿರೋಧದ ಹಿನ್ನೆಲೆಯಲ್ಲಿ ಅಧಿಕೃತ ಘೋಷಣೆ ಮಾಡಲು ಹೈಕಮಾಂಡ್‌ ಮುಂದಾಗಿಲ್ಲ. ಸಮಸ್ಯೆ ಬಗೆಹರಿಸುವ ಹೊಣೆಗಾರಿಕೆಯನ್ನು ರಾಜ್ಯ ಕಾಂಗ್ರೆಸ್ ಉಸ್ತುವಾರಿ ಕೆ.ಸಿ ವೇಣುಗೋಪಾಲ್‌ ಅವರಿಗೆ ನೀಡಿದ್ದರೂ ಗೊಂದಲ ಮುಂದುವರಿದಿದೆ. ಡಿಕೆಶಿಗೆ ಅಧ್ಯಕ್ಷ ಸ್ಥಾನ ನೀಡಲು ಮಾಜಿ ಸಿಎಂ ಸಿದ್ದರಾಮಯ್ಯ ಬಣ ವಿರೋಧ ವ್ಯಕ್ತಪಡಿಸಿದೆ. ಆದರೆ ಎಐಸಿಸಿ ಮುಖಂಡರಲ್ಲಿ ಕೆಲವರು ಡಿಕೆಶಿ ಪರವಾಗಿ ಅಭಿಪ್ರಾಯ ವ್ಯಕ್ತಪಡಿಸಿದರೆ ಮತ್ತೆ ಕೆಲವರು ವಿರೋಧಿಸಿದ್ದಾರೆ. ಮಾಜಿ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿಗೂ ಡಿಕೆಶಿ ಪರವಾದ ಒಲವು ಇಲ್ಲದೆ ಇರುವುದು ಸಿದ್ದರಾಮಯ್ಯ ಬಣಕ್ಕೆ ಲಾಭವಾಗಿ ಮಾರ್ಪಟ್ಟಿದೆ. ಇತ್ತೀಚೆಗೆ ದಿನೇಶ್ ಗುಂಡೂರಾವ್ ದೆಹಲಿಯಲ್ಲಿ ಸೋನಿಯಾ ಗಾಂಧಿಯವರನ್ನು ಭೇಟಿ ಮಾಡಿ ಮಾತುಕತೆ ನಡೆಸಿದ್ದರು. ಈ ವೇಳೆ ಅಧ್ಯಕ್ಷ ಸ್ಥಾನ ನೇಮಕ ಗೊಂದಲ ಬಗೆಹರಿಸುವಂತೆ ಕೇಳಿಕೊಂಡಿದ್ದಾರೆ. ಸದ್ಯಕ್ಕೆ ದಿನೇಶ್ ಗುಂಡೂರಾವ್ ಅಧ್ಯಕ್ಷರಾಗಿ ಮುಂದುವರಿಯುವಂತೆ ಸೋನಿಯಾಗಾಂಧಿ ಸೂಚಿಸಿದ್ದಾರೆ ಎನ್ನಲಾಗಿದೆ. ಈ ಎಲ್ಲಾ ಬೆಳವಣಿಗೆಗಳ ಬೆನ್ನಲ್ಲೇ ಕಾಂಗ್ರೆಸ್ ಹಿರಿಯ ನಾಯಕ ಗುಲಾಂ ನಬಿ ಆಜಾದ್‌ ಡಿಕೆಶಿ ಭೇಟಿಯಾಗಿ ಚರ್ಚೆ ನಡೆಸಿರುವುದು ಕುತೂಹಲ ಕೆರಳಿಸಿದೆ.

from India & World News in Kannada | VK Polls https://ift.tt/2TeLhnT

IND vs NZ: ಅಂತಿಮ ಟೆಸ್ಟ್‌ನಲ್ಲಿ ಕಿವೀಸ್‌ಗೆ ತಿರುಗೇಟು ನೀಡಿದ ಭಾರತ

ಕ್ರೈಸ್ಟ್‌ಚರ್ಚ್: ಇಲ್ಲಿ ನಡೆಯುತ್ತಿರುವ ದ್ವಿತೀಯ ಹಾಗೂ ಅಂತಿಮ ಟೆಸ್ಟ್ ಪಂದ್ಯದಲ್ಲಿ ಆತಿಥೇಯ ನ್ಯೂಜಿಲೆಂಡ್ ತಂಡಕ್ಕೆ ಭಾರತ ತಿರುಗೇಟು ನೀಡಿದೆ. ಪ್ರಥಮ ದಿನದಾಟದಲ್ಲಿ ಕಿವೀಸ್ ವೇಗದ ಬೌಲರ್ ಕೈಲ್ ಜೇಮಿಸನ್ ಚೊಚ್ಚಲ ಐದು ವಿಕೆಟ್ ಸಾಧನೆಯ ನೆರವಿನಿಂದ ಕೇವಲ 242 ರನ್‌ಗಳಿಗೆ ಸರ್ವಪತನವನ್ನು ಕಂಡಿತ್ತು. ಬಳಿಕ ಉತ್ತರ ನೀಡಲಾರಂಭಿಸಿದ ಕಿವೀಸ್ ಮೊದಲ ದಿನದಾಟದ ಅಂತ್ಯಕ್ಕೆ ಯಾವುದೇ ವಿಕೆಟ್ ನಷ್ಟವಿಲ್ಲದೆ 63 ರನ್ ಗಳಿಸಿ ಸುಸ್ಥಿತಿಯಲ್ಲಿತ್ತು. ಆದರೆ ಎರಡನೇ ದಿನದಾಟದಲ್ಲಿ ಭಾರತೀಯ ಬೌಲರ್‌ಗಳು ತಿರುಗೇಟು ನೀಡುವಲ್ಲಿ ಯಶಸ್ವಿಯಾಗಿದ್ದಾರೆ. ಪರಿಣಾಮ ಕಿವೀಸ್ ತಂಡವು ತಾಜಾ ವರದಿಗಳ ವೇಳೆಗೆ 65 ಓವರ್‌ಗಳಲ್ಲಿ ಒಂಬತ್ತು ವಿಕೆಟ್ ನಷ್ಟಕ್ಕೆ 190 ರನ್ ಗಳಿಸಿದೆ. ಬಲಗೈ ವೇಗದ ಬೌಲರ್ ಇಶಾಂತ್ ಶರ್ಮಾ ಅನುಪಸ್ಥಿತಿಯು ಭಾರತವನ್ನು ಕಾಡಿತ್ತು. ಆದರೆ ದ್ವಿತೀಯ ದಿನದಾಟದಲ್ಲಿ , ಮೊಹಮ್ಮದ್ ಶಮಿ ಹಾಗೂ ಉಮೇಶ್ ಯಾದವ್ ಲಯಕ್ಕೆ ಮರಳುವ ಮೂಲಕ ಎದುರಾಳಿಗಳನ್ನು ಹೆಡೆಮುರಿ ಕಟ್ಟಿ ಹಾಕಿದರು. ಇವರಿಗೆ ಎಡಗೈ ಸ್ಪಿನ್ನರ್ ರವೀಂದ್ರ ಜಡೇಜಾ ಉತ್ತಮ ಸಾಥ್ ನೀಡಿದರು. ಆರಂಭಿಕರಾದ ಟಾಮ್ ಲೇಥಮ್ ಹಾಗೂ ಟಾಮ್ ಬ್ಲಂಡೆಲ್ (30) ಮೊದಲ ವಿಕೆಟ್‌ಗೆ 66 ರನ್‌ಗಳ ಜೊತೆಯಾಟ ನೀಡಿದರು. ಈ ಪೈಕಿ ಸಮಯೋಚಿತ ಇನ್ನಿಂಗ್ಸ್ ಕಟ್ಟಿದ ಲೇಥಮ್ ಆಕರ್ಷಕ ಅರ್ಧಶತಕ (52) ಸಾಧನೆ ಮಾಡಿದರು. ನಾಯಕ ಕೇನ್ ವಿಲಿಯಮ್ಸ್‌ರನ್ನು (3) ಜಸ್ಪ್ರೀತ್ ಬುಮ್ರಾ ಬಹುಬೇಗನೇ ಹೊರಗಟ್ಟಿದರು. ಅನುಭವಿ ರಾಸ್ ಟೇಲರ್ (15) ಹಾಗೂ ಹೆನ್ರಿ ನಿಕೋಲ್ಸ್‌ರಿಗೂ ಹೆಚ್ಚು ಹೊತ್ತು ನಿಲ್ಲಲಾಗಲಿಲ್ಲ. ವಿಕೆಟ್ ಕೀಪರ್ ಬಿಜೆ ವಾಟ್ಲಿಂಗ್ ಹಾಗೂ ಟಿಮ್ ಸೌಥಿ ಖಾತೆ ತೆರೆಯುವಲ್ಲಿ ವಿಫಲವಾದರು. ಈ ನಡುವೆ ಆಕ್ರಮಣಕಾರಿ ಬ್ಯಾಟಿಂಗ್ ಪ್ರದರ್ಶಿಸಿದ ಕಾಲಿನ್ ಡಿ ಗ್ರ್ಯಾಂಡ್‌ಹೋಮ್ 26 ರನ್‌ಗಳ ಉಪಯುಕ್ತ ಇನ್ನಿಂಗ್ಸ್ ಕಟ್ಟಿದರು. ಭಾರತದ ಪರ ತಾಜಾ ವರದಿಗಳ ವೇಳೆಗೆ ಜಸ್ಪ್ರೀತ್ ಬುಮ್ರಾ ಮೂರು, ಮೊಹಮ್ಮದ್ ಶಮಿ ಹಾಗೂ ರವೀಂದ್ರ ಜಡೇಜಾ ತಲಾ ಎರಡು ಮತ್ತು ಉಮೇಶ್ ಯಾದವ್ ಒಂದು ವಿಕೆಟ್ ಕಿತ್ತು ಮಿಂಚಿದರು.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2TqGONN

57 ದೇಶಗಳಿಗೆ ಹಬ್ಬಿದ ಕೊರೊನಾ! ಸಾವಿನ ಸಂಖ್ಯೆ 2,919ಕ್ಕೆ ಏರಿಕೆ!

ಬೀಜಿಂಗ್‌: ಚೀನಾದಿಂದ ಇತರ ದೇಶಗಳಿಗೆ ಮಹಾಮಾರಿಯಂತೆ ಹಬ್ಬುತ್ತಿದ್ದು, ಚೀನಾದಲ್ಲಿ ಸೋಂಕಿತರ ಸಾವಿನ ಸಂಖ್ಯೆ ಕಡಿಮೆಯತ್ತ ಸಾಗುತ್ತಿದ್ದರೆ. , ಇಟಲಿ, ಇರಾನ್ ನಲ್ಲಿ ಸಾವಿನ ಸಂಖ್ಯೆ ಏರಿಕೆಯಾಗುತ್ತಿದೆ. ಸೋಂಕಿಗೆ ಇಟಲಿ, ಇರಾನ್‌, ಸಿಂಗಾಪುರ, ಜಪಾನ್‌ ಅಕ್ಷರಶಃ ತಲ್ಲಣಿಸಿವೆ. ಕೊರೊನಾ ಸೋಂಕಿಗೆ ದಕ್ಷಿಣ ಕೊರಿಯಾದಲ್ಲಿ ಈ ವರೆಗೂ 3,150 ಜನರಿಗೆ ಕೊರೊನಾ ಸೋಂಕು ತಗುಲಿದ್ದು, 17 ಮಂದಿ ಸೋಂಕಿತರು ಸಾವನ್ನಪ್ಪಿದ್ದಾರೆ. ಇಟಲಿಯಲ್ಲಿ 650 ಜನರಿಗೆ ಸೋಂಕು ತಗುಲಿದೆ ಮತ್ತು 17 ಮಂದಿ ಸಾವನ್ನಪ್ಪಿದ್ದಾರೆ. ಇರಾನ್ ನಲ್ಲಿ ಸೋಂಕಿತರ ಸಂಖ್ಯೆ 593ಕ್ಕೆ ತಲುಪಿದೆ ಸಾವನ್ನಪ್ಪಿದವರ ಸಂಖ್ಯೆ 43ಕ್ಕೆ ಏರಿಕೆಯಾಗಿದೆ. ಚೀನಾದ ಹುಬೀ ಪ್ರಾಂತ್ಯದ ವುಹಾನ್‌ ನಗರದಲ್ಲಿ ಕೊರೊನಾ ವೈರಸ್ ಹತೋಟಿಗೆ ಬರುತ್ತಿದೆ. ಈ ನಡುವೆ ಶನಿವಾರದ ವರದಿಯಂತೆ ಚೀನಾದಲ್ಲಿ ಒಟ್ಟು 2835 ಮಂದಿ ಸಾವನ್ನಪ್ಪಿದ್ದಾರೆ. ಈ ಮೂಲಕ ವಿಶ್ವದಾದ್ಯಂತ ಕೊರೊನಾ ಸೋಂಕಿಗೆ ಮೃತಪಟ್ಟವರ ಸಂಖ್ಯೆ 2,919ಕ್ಕೆ ಏರಿಕೆಯಾಗಿದೆ. ಸೋಂಕಿತರ ಸಂಖ್ಯೆ ಚೀನಾದಲ್ಲಿ 79,251ಕ್ಕೆ ಏರಿಕೆಯಾಗಿದ್ದರೆ ವಿಶ್ವದಾದ್ಯಂತ 85,082 ಮಂದಿ ಸೋಂಕಿತರಾಗಿದ್ದಾರೆ.

from India & World News in Kannada | VK Polls https://ift.tt/3cm4sU3

ಕೊರೊನಾ ಭೀತಿ: ಚೀನಾದಲ್ಲಿ ನಾಯಿ, ಬೆಕ್ಕು ಮಾಂಸಾಹಾರ ನಿಷೇಧ!

ಬೀಜಿಂಗ್‌: ವೈರಾಣು ಸೋಂಕಿನಿಂದ ದಿಕ್ಕೆಟ್ಟಿರುವ ಚೀನಾದಲ್ಲಿ ಇದೇ ಮೊದಲ ಬಾರಿಗೆ ನಾಯಿ, ಬೆಕ್ಕುಗಳ ಸೇವನೆಯನ್ನು ನಿಷೇಧಿಸಲು ಅಲ್ಲಿನ ಸ್ಥಳೀಯ ಆಡಳಿತ ಮುಂದಾಗಿದೆ. ದಕ್ಷಿಣ ಚೀನಾದ 'ಟೆಕ್‌ ಹಬ್‌ ' ಎಂದು ಜನಪ್ರಿಯವಾಗಿರುವ ಶೆನ್‌ಜೆನ್‌ನಲ್ಲಿ ಹಂದಿ, ಕೋಳಿ, ದನ, ಮೊಲ ಹಾಗೂ ಕಡಲ ಜೀವಿಗಳ ಮಾಂಸದ ಹೊರತಾಗಿ ಇತರ ಮಾಂಸಾಹಾರಗಳ ಸೇವನೆ ಬೇಡ ಎಂದು ಆಡಳಿತ ಪ್ರಕಟಣೆ ಹೊರಡಿಸಿದೆ. ಕೊರೊನಾ ಕೇಂದ್ರಬಿಂದು ಹುಬೀ ಪ್ರಾಂತ್ಯದ ವುಹಾನ್‌ ನಗರದಲ್ಲಿ ಬಾವುಲಿ, ಹಾವುಗಳು ಮತ್ತು ಇತರ ಪ್ರಾಣಿಗಳ ಮಾಂಸ ಮಾರಾಟ ಮಾಡುವ ಮಾರುಕಟ್ಟೆಯಿಂದ ವೈರಾಣು ಹರಡುವಿಕೆ ಆರಂಭವಾಗಿದೆ ಎಂದು ವಿಜ್ಞಾನಿಗಳು ಈಗಾಗಲೇ ಹೇಳಿದ್ದಾರೆ. ಈ ಹಿನ್ನೆಲೆಯಲ್ಲಿ ನಾಯಿ, ಬೆಕ್ಕುಗಳ ಮಾಂಸ ಮಾರಾಟಕ್ಕೆ ನಿಷೇಧ ವಿಧಿಸಲಾಗಿದೆ. ಇ-ವೀಸಾ ರದ್ದು: ಜಪಾನ್‌ ಮತ್ತು ದಕ್ಷಿಣ ಕೊರಿಯಾದಲ್ಲಿಕೊರೊನಾ ಸೋಂಕಿತರ ಸಂಖ್ಯೆಯಲ್ಲಿಭಾರಿ ಏರಿಕೆ ಕಂಡು ಬಂದಿರುವ ಹಿನ್ನೆಲೆಯಲ್ಲಿಆ ರಾಷ್ಟ್ರಗಳ ನಾಗರಿಕರಿಗೆ ನೀಡಲಾಗುತ್ತಿದೆ ಇ-ವೀಸಾ (ವೀಸಾ ಆನ್‌ ಅರೈವಲ್‌)ವನ್ನು ತಾತ್ಕಾಲಿಕವಾಗಿ ಸರಕಾರ ರದ್ದುಗೊಳಿಸಿದೆ. ಮತ್ತೆ 256 ಮಂದಿಗೆ ಮತ್ತೆ ಸೋಂಕು: ಚೀನಾದ ಹೊರಗೆ ಅತಿ­ ಹೆಚ್ಚು ಮಂದಿ ಕೊರೊನಾ ಸೋಂಕಿ­ತರು ದಕ್ಷಿಣ ಕೊರಿಯಾದಲ್ಲಿಪತ್ತೆಯಾ­ಗಿದ್ದಾರೆ. ಒಟ್ಟು 2022 ಮಂದಿಗೆ ಸೋಂಕು ತಗುಲಿದ್ದು, ಶುಕ್ರವಾರ ಹೊಸದಾಗಿ 256 ಮಂದಿಗೆ ಕೊರೊನಾ ತಗುಲಿದೆ ಎಂದು ಸ್ಥಳೀಯ ಮಾಧ್ಯಮ­ಗಳು ವರದಿ ಮಾಡಿವೆ. ಬ್ರಿಟನ್‌ ಪ್ರಜೆ ಸಾವು: ಕೊರೊನಾ ಸೋಂಕಿನಿಂದಾಗಿ ಜಪಾನ್‌ನ ಯೊಕೊ­ಹಾಮ ಬಂದರಿನಲ್ಲಿನಿಗಾದಲ್ಲಿಇರಿಸ­ಲಾಗಿರುವ ಐಷಾರಾಮಿ ಹಡಗು ಡೈಮಂಡ್‌ ಪ್ರಿನ್ಸಸ್‌ನಲ್ಲಿಬ್ರಿಟನ್‌ ಪ್ರಜೆಯೊಬ್ಬರು ಸೋಂಕಿಗೆ ಮೃತಪಟ್ಟಿದ್ದಾರೆ. ವಿದೇಶಿಗ­ರೊಬ್ಬರು ಹಡಗಿನಲ್ಲಿಮೃತಪಟ್ಟ ಘಟನೆ ಇದೇ ಮೊದಲನೆಯದಾಗಿದೆ. ಇದಕ್ಕೂ ಮುನ್ನ ಹಡಗಿನಲ್ಲಿಐದು ಮಂದಿ ಜಪಾನಿ ಪ್ರಜೆಗಳು ಸೋಂಕಿನಿಂದ ಮೃತಪಟ್ಟಿದ್ದರು. ಭಾರತ ಸರಕಾರ ಯುದ್ಧವಿಮಾನ ಕಳುಹಿಸಿ ಹಡಗಿನಲ್ಲಿಸಿಲುಕಿದ್ದ 119 ಭಾರತೀಯರು, 5 ವಿದೇಶಿಗರನ್ನು ಗುರುವಾರ ದಿಲ್ಲಿಗೆ ಕರೆತಂದಿತ್ತು. ಹಡಗಿನಲ್ಲಿಒಟ್ಟು 3700 ಮಂದಿಯಿದ್ದು, ಆ ಪೈಕಿ 700 ಮಂದಿಗೆ ಕೊರೊನಾ ಸೋಂಕು ತಗುಲಿದೆ.

from India & World News in Kannada | VK Polls https://ift.tt/2T7yT98

ಭಾರತ ಪ್ರವಾಸಕ್ಕೂ ಮೊದಲೇ ಆಘಾತ ಅನುಭವಿಸಿದ ದಕ್ಷಿಣ ಆಫ್ರಿಕಾ ತಂಡ!

ಜೊಹಾನ್ಸ್‌ಬರ್ಗ್: ಮೂರು ಪಂದ್ಯಗಳ ಸರಣಿ ಸಲುವಾಗಿ ದಕ್ಷಿಣ ಆಫ್ರಿಕಾ ತಂಡ ಮಾರ್ಚ್‌ನಲ್ಲಿ ಭಾರತ ಪ್ರವಾಸ ಕೈಗೊಳ್ಳಲಿದೆ. ಆದರೆ, ಹರಿಣ ಪಡೆಗೆ ಇದಕ್ಕೂ ಮೊದಲೇ ಭಾರಿ ಆಘಾತ ಎದುರಿಸುವಂತಾಗಿದೆ. ದಕ್ಷಿಣ ಆಫ್ರಿಕಾ ತಂಡದ ಪ್ರಮುಖ ವೇಗದ ಬೌಲರ್‌ , ತೊಡೆ ಸಂಧು ನೋವಿನ ಗಾಯದ ಸಮಸ್ಯೆಗೆ ತುತ್ತಾಗಿದ್ದು ಭಾರತ ಪ್ರವಾಸ ಅಲ್ಲದೆ ವಿರುದ್ಧ 3 ಪಂದ್ಯಗಳ ಏಕದಿನ ಕ್ರಿಕೆಟ್‌ ಸರಣಿಯಿಂದಲೂ ಹೊರಗುಳಿಯುವಂತಾಗಿದೆ. ವಿಶ್ವದ ಮಾಜಿ ನಂ.1 ಟೆಸ್ಟ್‌ ಬೌಲರ್‌ 24 ವರ್ಷದ ಬಲಗೈ ವೇಗಿ ಮುಂದಿನ ನಾಲ್ಕು ವಾರಗಳ ಕಾಲ ಕ್ರಿಕೆಟ್‌ನಿಂದ ದೂರ ಉಳಿಯಲಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧದ ಟಿ20 ಕ್ರಿಕೆಟ್‌ ಸರಣಿಯಲ್ಲಿ ಬುಧವಾರ ನಡೆದ ಮೂರನೇ ಹಾಗೂ ಅಂತಿಮ ಪಂದ್ಯದ ವೇಳೆ ರಬಾಡ ಗಾಯಕ್ಕೆ ತುತ್ತಾಗಿದ್ದರು. ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಟೂರ್ನಿಯಲ್ಲಿ ರಬಾಡ ಡೆಲ್ಲಿ ಕ್ಯಾಪಿಟಲ್ಸ್‌ ತಂಡವನ್ನು ಪ್ರತಿನಿಧಿಸುತ್ತಾರೆ. ಮಾರ್ಚ್‌ 29ರಂದು ಶುರುವಾಗಲಿರುವ 13ನೇ ಆವೃತ್ತಿಯ ಟೂರ್ನಿ ಹೊತ್ತಿಗೆ ರಬಾಡ ಚೇತರಿಸಿಕೊಳ್ಳುವ ಸಾಧ್ಯತೆ ಇದೆ. "ಆಸ್ಟ್ರೇಲಿಯಾ ವಿರುದ್ಧದ ಟಿ20 ಸರಣಿಯ ಅಂತಿಮ ಪಂದ್ಯದ ವೇಳೆ ಕಗಿಸೊ ಅವರ ತೊಡೆ ಸಂಧಿನಲ್ಲಿ ನೋವು ಕಾಣಿಸಿಕೊಂಡಿದೆ. ತಂಡದ ವೈದ್ಯಕೀಯ ವಿಭಾಗ ಅವರ ಪರಿಶೀಲನೆ ನಡೆಸಿದ್ದು, ಎಂಆರ್‌ಐ ಸ್ಕ್ಯಾನಿಂಗ್‌ಗೆ ಒಳಪಡಿಸಿದೆ," ಎಂದು ಕ್ರಿಕೆಟ್‌ ಸೌತ್‌ ಆಫ್ರಿಕಾ(ಸಿಎಸ್‌ಎ)ದ ವೈದ್ಯಕೀಯ ವಿಭಾಗದ ಮುಖ್ಯಸ್ಥ ಶೋಯೆಬ್‌ ಮಾಂಜ್ರಾ ಹೇಳಿಕೆ ನೀಡಿದ್ದಾರೆ. "ಗಾಯದ ಸಮಸ್ಯೆ ಕೊಂಚ ಗಂಭೀರ ಇರುವ ಕಾರಣ ಅವರು ನಾಲ್ಕು ವಾರಗಳ ವಿಶ್ರಾಂತಿ ಪಡೆಯಲಿದ್ದಾರೆ. ಹೀಗಾಗಿ ಆಸ್ಟ್ರೇಲಿಯಾ ಮತ್ತು ಭಾರತ ವಿರುದ್ಧದ ಏಕದಿನ ಕ್ರಿಕೆಟ್‌ ಸರಣಿಗಳಿಂದ ಅವರು ಹೊರಗುಳಿಯುವಂತಾಗಲಿದೆ," ಎಂದು ಹೇಳಿದ್ದಾರೆ. ಭಾರತ ಪ್ರವಾಸದಲ್ಲಿ ದಕ್ಷಿಣ ಆಪ್ರಿಕಾ ತಂಡ ಧರ್ಮಶಾಲಾದಲ್ಲಿ ಮಾರ್ಚ್‌ 12ರಂದು ಮೊದಲ ಒಡಿಐ ಆಡಲಿದೆ. ಕಳೆದ ಬಾರಿ ಭಾರತ ಪ್ರವಾಸ ಕೈಗೊಂಡ ಸಂದರ್ಭದಲ್ಲಿ ಟಿ20 ಸರಣಿ ಸಮಬಲ ಸಾಧಿಸಿದ್ದ ಹರಿಣ ಪಡೆ, ಬಳಿಕ 3 ಪಂದ್ಯಗಳ ಟೆಸ್ಟ್‌ ಸರಣಿಯಲ್ಲಿ ವೈಟ್‌ವಾಷ್‌ ಸೋಲಿನ ಆಘಾತ ಅನುಭವಿಸಿತ್ತು. ದಕ್ಷಿಣ ಆಫ್ರಿಕಾ ಪರ 75 ಏಕದಿನ ಕ್ರಿಕೆಟ್‌ ಪಂದ್ಯಗಳನ್ನು ಆಡಿರುವ ರಬಾಡ, ಒಟ್ಟು 117 ವಿಕೆಟ್‌ಗಳನ್ನು ಪಡೆದಿದ್ದಾರೆ. 27.34ರ ಸರಾಸರಿ ಹೊಂದಿರುವ ವೇಗಿ 16ಕ್ಕೆ 6 ವಿಕೆಟ್‌ ಪಡೆದ ಶ್ರೇಷ್ಠ ಸಾಧನೆಯನ್ನೂ ಒಳಗೊಂಡಿದ್ದಾರೆ. ಟೆಸ್ಟ್‌ನಲ್ಲೂ 43 ಪಂದ್ಯಗಳಿಂದ 197 ವಿಕೆಟ್‌ಗಳನ್ನು ಉರುಳಿಸಿದ್ದಾರೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2VyE57E

ಮೆಟ್ರೋ ನಿಲ್ದಾಣದಲ್ಲಿ 'ಗೋಲಿ ಮಾರೋ' ಕೂಗು: ಎದ್ದು ಬಿದ್ದು ಓಡಿದ ಜನ!

ನವದೆಹಲಿ: ದೆಹಲಿ ದಂಗೆ ಇನ್ನೇನು ತಣ್ಣಗಾಗದೆ ಎಂದು ಭಾವಿಸುವಷ್ಟರಲ್ಲಿ ಮತ್ತೆ ಗಲಭೆಕೋರರ ಗುಂಪೊಂದು ಇಲ್ಲಿನ ಮೆಟ್ರೋ ನಿಲ್ದಾಣದಲ್ಲಿ ಆತಂಕ ಸೃಷ್ಟಿಸಿದ ಘಟನೆ ನಡೆದಿದೆ. ಇಲ್ಲಿನ ರಾಜೀವ್ ಚೌಕ್ ಮೆಟ್ರೋ ನಿಲ್ದಾಣದಲ್ಲಿ ಗುಂಪೊಂದು ದೇಶ ದ್ರೋಹಿಗಳಿಗೆ ಗುಂಡು ಹೊಡೆಯಿರಿ() ಎಂದು ಕೂಗಿದ್ದು, ನಿಲ್ದಾಣದಲ್ಲಿದ್ದ ಜನ ಭಯಭೀತರಾಗಿ ಚೆಲ್ಲಾಪಿಲ್ಲಿಯಾದ ಕುರಿತು ವರದಿಯಾಗಿದೆ. ಇಂದು ಬೆಳಗ್ಗೆ ಸುಮಾರು 10:50 ರ ಸುಮಾರಿಗೆ ನಿಲ್ದಾಣಕ್ಕೆ ಏಕಾಏಕಿ ನುಗ್ಗಿದ ಗುಂಪೊಂದು 'ಗೋಲಿ ಮಾರೋ' ಎಂದು ಕೂಗಿದ್ದು, ಪ್ರಯಾಣಿಕರು ಆತಂಕದಿಂದ ನಿಲ್ದಾಣ ಬಿಟ್ಟು ತೆರಳಿದ್ದಾರೆ ಎನ್ನಲಾಗಿದೆ. ಸದ್ಯ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರು ಜನರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ ಎನ್ನಲಾಗಿದ್ದು, ತನಿಖೆ ಮುಂದುವರೆಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ದೆಹಲಿ ವಿಧಾನಸಭೆ ಚುನಾವಣೆ ಪ್ರಚಾರದ ವೇಳೆ ಕೇಂದ್ರ ಸಚಿವ ಅನುರಾಗ್ ಠಾಕೂರ್ ಅವರ 'ಗೋಲಿ ಮಾರೋ' ಹೇಳಿಕೆ ತೀವ್ರ ವಿವಾದ ಸೃಷ್ಟಿಸಿತ್ತು. ಈ ಕುರಿತು ಅನುರಾಗ್ ಠಾಕೂರ್ ವಿರುದ್ಧ ಇದುವರೆಗೂ ಎಫ್'ಐಆರ್ ದಾಖಲಾಗದಿರುವುದು ವಿಪಕ್ಷಗಳ ಕೆಂಗೆಣ್ಣಿಗೆ ಗುರಿಯಾಗಿದೆ.

from India & World News in Kannada | VK Polls https://ift.tt/2wQaT1o

ಪಬ್ಬು, ಬಾರುಗಳಿಗಷ್ಟೇ ಸೀಮಿತವಾಗದಿರಲಿ 24/7 ಬೆಂಗಳೂರು: ವಿಕ ಶೃಂಗದಲ್ಲಿ ಮಹತ್ವದ ನಿರ್ಣಯ

ಬೆಂಗಳೂರು: ನಗರವು ದಿನದ 24 ಗಂಟೆಯೂ ಚಟುವಟಿಕೆಯಿಂದ ಇರುವಂತೆ ಮಾಡಿದರೆ ಹೇಗಿರುತ್ತದಲ್ಲವೇ? ಕೇಳಿದ ಕೂಡಲೇ ಹೌದು ಎನಿಸುತ್ತದೆ. ಆದರೆ, ಸೂಕ್ಷ್ಮವಾಗಿ ಗಮನಿಸಿದರೆ ಹಲವಾರು ಸವಾಲುಗಳು ಕಾಣಿಸಿಕೊಳ್ಳುತ್ತವೆ. ಇಂತಹ ವಿಚಾರಗಳ ಕುರಿತು ಇಂದು ವಿಜಯ ಕರ್ನಾಟಕ ಆಯೋಜಿಸಿದ್ದ ಬೆಂಗಳೂರು ಅಭಿವೃದ್ಧಿ ಶೃಂಗದಲ್ಲಿ ಗಂಭೀರ ಚರ್ಚೆ ನಡೆಯಿತು. ಚರ್ಚೆಯ ವಿವರಬೆಂಗಳೂರಿನ ಸಂಸದ ಪಿ.ಸಿ.ಮೋಹನ್ ಮಾತನಾಡಿ, 24/7 ನಗರ ಪರಿಕಲ್ಪನೆ ದೇಶದಲ್ಲೇ ಮೊದಲ ಬಾರಿಗೆ ಮುಂಬೈನಲ್ಲಿ ಜಾರಿಯಾಗಿದೆ. ಆದರೆ ಅಲ್ಲೂ ಕೂಡ ಕೆಲವು ನಿರ್ಭಂದಗಳಿವೆ. ರಾಜ್ಯದಲ್ಲಿ ಅತಿ ಹೆಚ್ಚು ಉದ್ಯೋಗ ಸೃಷ್ಟಿಯಾಗುತ್ತಿರುವುದು ಬೆಂಗಳೂರಲ್ಲಿ. ಹೀಗಾಗಿ ಇದನ್ನು 24/7 ನಗರವಾಗಿ ಮಾಡಬಹುದು. ಆದರೆ ಇದು ಪಬ್ಬು ಬಾರುಗಳಿಗೆ ಅನ್ವಯವಾಗಬಾರದು. ಬದಲಿಗೆ ಜನಸಾಮಾನ್ಯರಿಗೆ ಸೇವೆ ಒದಗಿಸುವ, ಸಾರಿಗೆ , ಪೊಲೀಸ್, ಮೆಟ್ರೋ, ಬಿಎಂಟಿಸಿಗಳಿಗೆ ಅನ್ವಯವಾಗಬೇಕು ಎಂದು ಹೇಳಿದರು. ಬೆಂಗಳೂರು ನಗರ ಪೊಲೀಸ್ ಕಮೀಷನರ್ ಭಾಸ್ಕರ್ ರಾವ್ ಮಾತನಾಡಿ, 24/7 ನಗರ ಪರಿಕಲ್ಪನೆ ಮೇಲ್ವರ್ಗದ ಜನರನ್ನಷ್ಟೇ ಗುರಿಯನ್ನಾಗಿ ಇಟ್ಟುಕೊಂಡು ಜಾರಿಯಾಗಬಾರದು. ಸಾಮಾನ್ಯ ಜನರಿಗೂ ಅದು ಅನುಕೂಲವಾಗುವಂತಿರಬೇಕು. ಇತ್ತೀಚೆಗೆ ವಿವಿ ಪುರಂ ಸ್ಟ್ರೀಟ್ ಫುಡ್ ಮಾರಾಟಗಾರರಿಗೆ ತಮ್ಮ ವ್ಯಾಪಾರವನ್ನು 12 ಗಂಟೆವರೆಗೆ ವಿಸ್ತರಣೆ ಮಾಡಲು ಅವಕಾಶ ಕೊಟ್ಟಿದ್ದೇನೆ. ಹೀಗೆ ಜನರಿಗೆ ತೊಂದರೆಯಾಗದಂತೆ ಹಾಗೂ ಜನಸಾಮಾನ್ಯರಿಗೆ ಅನುಕೂಲವಾಗುವಂತೆ 24/7 ನಗರ ಜಾರಿಗೆ ಬರಲಿ ಎಂದರು. ಬಿಎಂಟಿಸಿ ನಿರ್ದೇಶಕರಾದ ಶಿಖಾ ಅವರು ಮಾತನಾಡಿ, ನಗರದಲ್ಲಿ ಪ್ರತಿದಿನ 6000 ಬಸ್ ಸಂಚರಿಸುತ್ತವೆ. 35 ಲಕ್ಷ ಪ್ರಯಾಣಿಕರು ಸಂಚರಿಸುತ್ತಾರೆ. 24/7 ಸೇವೆ ಪ್ರಾರಂಭಿಸುವ ಮೊದಲು ಸಾಧಕ ಬಾದಕಗಳನ್ನು ಗಮನಿಸಬೇಕು. ಈಗಾಗಲೇ ಬಿಎಂಟಿಸಿಯಿಂದ ಹಲವು ಪ್ರಯತ್ನ ಮಾಡಲಾಗಿದೆ. ಮೆಟ್ರೋ ವೇಳೆ ವಿಸ್ತರಣೆಯಾದಾಗ ನಮ್ಮ ವೇಳೆಯನ್ನೂ ವಿಸ್ತರಿಸಿದ್ದೇವೆ. 24/7 ನಗರ ವ್ಯವಸ್ಥೆ ಜಾರಿಯಾದರೂ ಅದಕ್ಕೆ ಸೂಕ್ತವಾಗಿ ಸೇವೆ ಒದಗಿಸಲು ಬಿಎಂಟಿಸಿ ಬದ್ಧ ಎಂದರು. ಬೌನ್ಸ್ ಸಂಸ್ಥೆಯ ನಿಶ್ಚಯ್ ಎ.ಜಿ. ಮಾತನಾಡಿ, ಕಳೆದ ವರ್ಷ ನಮ್ಮ 56 ಲಕ್ಷ ಬೈಕ್ ರೈಡ್ಗಳು ಮೆಟ್ರೋ ಹಾಗೂ ಬಿಎಂಟಿಸಿ ಬಸ್ ಸ್ಟ್ಯಾಂಡ್ ಕಡೆಗಿವೆ. ದಿನಕ್ಕೆ 12-13 ಸಾವಿರ ಜನ ಬೌನ್ಸ್ ಬೈಕ್ಗಳನ್ನು ಬಳಸುತ್ತಿದ್ದಾರೆ. ರಾತ್ರಿ ಸಮಯದಲ್ಲಿ ಟ್ರಾಫಿಕ್ ಕಡಿಮೆ ಇರುತ್ತದೆ. ಸುರಕ್ಷಿತವಾಗಿ ತೆರಳುತ್ತಾರೆ ಎಂದರು. ಬಿಬಿಎಂಪಿ ವಿಶೇಷ ಆಯುಕ್ತ ರವಿಕುಮಾರ್ ಸುರಪುರ ಮಾತನಾಡಿ, ಈ ಮಾದರಿಯ ವ್ಯವಸ್ಥೆಗೆ ತೆರಳುವ ಮೊದಲು ನಾವು ಕೆಲವು ಸೌಲಭ್ಯಗಳನ್ನು ಖಾತರಿಪಡಿಸಿಕೊಳ್ಳಬೇಕಾಗುತ್ತದೆ. ನಗರದಲ್ಲಿ ಆರ್ಥಿಕ ಚಟುವಟಿಕೆ ಜತೆಗೆ ಸಾಮಾಜಿಕ ಚಟುವಟಿಕೆಯೂ ನಡೆಯುತ್ತಿರುತ್ತವೆ. ಆದರೆ, ಹೇಗೆ ರಾತ್ರಿ ಸಮಯದಲ್ಲಿ ಇದೆಲ್ಲವನ್ನೂ ನಿಯಂತ್ರಿಸಬಹುದು ಎಂದು ಯೋಚಿಸಬೇಕಿದೆ. ಬಿಬಿಎಂಪಿ ಎಲ್ಲ ವ್ಯವಸ್ಥೆ ಕಲ್ಪಿಸಲು ಸಿದ್ಧ ಎಂದರು. ಮುಂಬೈ ನಿವಾಸಿ ಸುರಭಿ ಮಾತನಾಡಿ, ಇದೊಂದು ಪ್ರಗತಿಪರ ಪರಿಕಲ್ಪನೆ. ಮುಂಬೈನಲ್ಲಿ ಕೂಡ ಹಲವು ಸವಾಲುಗಳಿವೆ. ಒಂದು ನಗರದ ಆತ್ಮ ಇರುವುದೇ ಆ ನಗರದ ಜನರಲ್ಲಿ. ರಾತ್ರಿ ಮನೆಯಿಂದ ಹೊರಗೆ ಹೋಗಬಾರದು ಎಂಬ ಸಂಪ್ರದಾಯವನ್ನು ಮುರಿಯಬೇಕಿದೆ. ಕೇವಲ ಪಬ್ ಬಾರುಗಳಿಗಷ್ಟೇ 24/7 ನಗರ ಬೇಕಿಲ್ಲ. ಬದಲಿಗೆ ಬೇರೆ ಬೇರೆ ಚಟುವಟಿಕೆಗಳಿಗೂ ಇರಬೇಕು. ಐಟಿ ಕಂಪನಿಗಳಲ್ಲಿ ಕೆಲಸ ಮಾಡುತ್ತಾರೆ. ಒಬ್ಬ ಮಹಿಳೆ ಮಧ್ಯರಾತ್ರಿ ಕೂಡ ನಿರ್ಭಯವಾಗಿ ಹೋಗುವಂತಾಗಬೇಕು. ಇದಕ್ಕಾಗಿಯಾದರೂ 24/7 ನಗರವಾಗಬೇಕು ಎಂದರು. ರಾತ್ರಿ ನಿದ್ದೆ ಇಲ್ಲದೆ ದೇಹದ ನೈಸರ್ಗಿಕ ವ್ಯವಸ್ತೆಯಲ್ಲಿ ಏರುಪೇರಾಗುತ್ತವೆ. . ನಾಗರಿಕರಿಗೆ ರಾತ್ರಿ ವೇಳೆ ಉಂಟಗುವ ಗದಗದಲದಿಂದ ತೊಂದರೆಯಾಗಬಹುದು ಎಂದು ಬೆಂಗಳೂರಿನ ನಿವಾಸಿಯೊಬ್ಬರು 22/7 ನಗರ ಪರಿಕಲ್ಪನೆಗೆ ಆಕ್ಷೇಪ ವ್ಯಕ್ತಪಡಿಸಿದರು. ಒಂದೇ ಬಾರಿಗೆ 24/7 ನಗರ ಜಾರಿಗೆ ತರುವ ಬದಲು ಇದನ್ನು ಹಂತಹಂತವಾಗಿ ವೇಳೆಯನ್ನು ವಿಸ್ತರಿಸುವ ಮೂಲಕ ಜಾರಿಗೆ ತರಬಹುದು ಎಂದು ಮತ್ತೊಬ್ಬರು ಬೆಂಗಳೂರಿನ ನಿವಾಸಿ ಸಲಹೆ ನೀಡಿದರು.

from India & World News in Kannada | VK Polls https://ift.tt/38bv6fg

ಕ್ರೈಸ್ಟ್‌ಚರ್ಚ್‌ ಟೆಸ್ಟ್‌: ಕಿವೀಸ್‌ ವೇಗಕ್ಕೆ ಬೆಚ್ಚಿದ ಭಾರತ, ನ್ಯೂಜಿಲೆಂಡ್‌ಗೆ ಮೊದಲ ದಿನದ ಗೌರವ

ಕ್ರೈಸ್ಟ್‌ಚರ್ಚ್‌: ಯುವ ವೇಗದ ಬೌಲರ್‌ ಕೈಲ್‌ ಜೇಮಿಸನ್‌ (45ಕ್ಕೆ 5) ಅವರ ಮಾರಕ ಬೌಲಿಂಗ್‌ ದಾಳಿ ಮತ್ತು ಓಪನರ್‌ಗಳ ಸಮಯೋಚಿತ ಬ್ಯಾಟಿಂಗ್‌ ನೆರವಿನಿಂದ ಪ್ರಾಬಲ್ಯ ಮೆರೆದ ಆತಿಥೇಯ ತಂಡ, ಇಲ್ಲಿ ನಡೆಯುತ್ತಿರುವ ಭಾರತ ವಿರುದ್ಧ 2ನೇ ಟೆಸ್ಟ್‌ ಪಂದ್ಯದಲ್ಲಿ ಮೊದಲ ದಿನದ ಗೌರವ ತನ್ನದಾಗಿಸಿಕೊಂಡಿದೆ. ಇಲ್ಲಿನ ಹ್ಯಾಗ್ಲೀ ಓವಲ್‌ ಕ್ರೀಡಾಂಗಣದಲ್ಲಿ ಟಾಸ್‌ ಗೆದ್ದ ನ್ಯೂಜಿಲೆಂಡ್‌ ತಂಡ, ಹಸಿರು ಹಾಸಿನ ಪಿಚ್‌ನಲ್ಲಿ ಭಾರತ ತಂಡಕ್ಕೆ ಬ್ಯಾಟ್‌ ಮಾಡುವಂತೆ ಆಹ್ವಾನಿಸಿ 63 ಓವರ್‌ಗಳಲ್ಲಿ 242 ರನ್‌ಗಳ ಅಲ್ಪ ಮೊತ್ತಕ್ಕೆ ಆಲ್‌ಔಟ್‌ ಮಾಡುವಲ್ಲಿ ಕಿವೀಸ್‌ ಪಡೆ ಯಶಸ್ವಿಯಾಯಿತು. ಭೋಜನ ವಿರಾಮಕ್ಕೂ ಮುನ್ನ 2 ವಿಕೆಟ್‌ ನಷ್ಟದಲ್ಲಿ 85 ರನ್‌ಗಳಿಸಿ ಸುಸ್ಥಿತಿಯಲ್ಲಿದ್ದ ಭಾರತ ತಂಡ ಅದೇ ಲಯ ಕಾಯ್ದುಕೊಳ್ಳುವಲ್ಲಿ ವಿಫಲವಾಯಿತು. ಕ್ಯಾಪ್ಟನ್‌ ವಿರಾಟ್‌ ಕೊಹ್ಲಿ (3) ಮತ್ತು ವೈಸ್‌ಕ್ಯಾಪ್ಟನ್‌ ಅಜಿಂಕ್ಯ ರಹಾನೆ (7) ಬ್ಯಾಟಿಂಗ್‌ ವೈಫಲ್ಯ ತಂಡಕ್ಕೆ ಭಾರಿ ಹಿನ್ನಡೆ ತಂದೊಡ್ಡಿತು. ನ್ಯೂಜಿಲೆಂಡ್‌ ಪರ ಕೈಲ್‌ ಜೇಮಿಸನ್‌ ಐದು ವಿಕೆಟ್‌ ಪಡೆದು ಪತನಕ್ಕೆ ಕಾರಣರಾದರು. ಅವರಿಗೆ ಟಿಮ್‌ ಸೌಥೀ (38ಕ್ಕೆ 2) ಮತ್ತು ಟ್ರೆಂಟ್‌ ಬೌಲ್ಟ್‌ (89ಕ್ಕೆ 2) ವಿಕೆಟ್‌ ಪಡೆದರು. ಬಳಿಕ ಮೊದಲ ಇನಿಂಗ್ಸ್‌ ಆರಂಭಿಸಿದ ನ್ಯೂಜಿಲೆಂಡ್‌ ತಂಡ ಪರಿಸ್ಥಿತಿಗೆ ತಕ್ಕಂತೆ ಎಚ್ಚರಿಕೆಯ ಆಟವಾಡಿತು. ಓಪನರ್‌ಗಳಾದ ಟಾಮ್‌ ಲೇಥಮ್‌ (27* ರನ್‌, 65 ಎಸೆತ) ಮತ್ತು ಟಾಮ್‌ ಬ್ಲಂಡಲ್‌ (29* ರನ್‌, 73 ಎಸೆತ ) ಮೊದಲ ವಿಕೆಟ್‌ಗೆ ಮುರಿಯದ 63 ರನ್‌ ಜೊತೆಯಾಟ ನಡೆಸಿ ತಂಡಕ್ಕೆ ಸೂಪರ್‌ ಸ್ಟಾರ್ಟ್‌ ನೀಡಿ, ಎರಡನೇ ದಿನದಾಟಕ್ಕೆ ಕ್ರೀಸ್‌ ಕಾಯ್ದುಕೊಂಡಿದ್ದಾರೆ. ವಿದೇಶದಲ್ಲಿ ಪೃಥ್ವಿ ಮೊದಲ ಅರ್ಧಶತಕ ಟೀಮ್‌ ಇಂಡಿಯಾ ಪರ ಇನಿಂಗ್ಸ್‌ ಆರಂಭಿಸಿದ ಯುವ ಓಪನರ್‌ ಆರಂಭದಿಂದಲೂ ಬಿರುಸಿನ ಬ್ಯಾಟಿಂಗ್‌ ನಡೆಸಿದರು. ಮತ್ತೊಂದೆಡೆ ಕ್ರೀಸ್‌ನಲ್ಲಿ ನೆಲೆಯೂರುವ ಪ್ರಯತ್ನ ಮಾಡುತ್ತಿದ್ದ ಮಯಾಂಕ್‌ ಅಗರ್ವಾಲ್‌ ಎಲ್‌ಬಿಡಬ್ಲ್ಯು ಬಲೆಗೆ ಬಿದ್ದು ನಿರಾಸೆ ಅನುಭವಿಸಿದರು. 7 ರನ್‌ ಗಳಿಸಿದ್ದ ಮಯಾಂಕ್‌ (11 ಎಸೆತಗಳಲ್ಲಿ) ಅನುಭವಿ ಎಡಗೈ ವೇಗಿ ಟ್ರೆಂಟ್‌ ಬೌಲ್ಟ್‌ ಎಸೆದ ಇನ್‌ಸ್ವಿಂಗರ್‌ ಅಸ್ತ್ರಕ್ಕೆ ಬಲಿಯಾದರು. ವಿಕೆಟ್‌ ಬಿದ್ದರೂ ಕಿಂಚಿತ್ತೂ ತಲೆ ಕೆಡಿಸಿಕೊಳ್ಳದ 21 ವರ್ಷದ ಬಲಗೈ ಬ್ಯಾಟ್ಸ್‌ಮನ್ ಪೃಥ್ವಿ ಶಾ, ಕೇವಲ 61 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದ್ದರು. ಅದರಲ್ಲೂ 47 ರನ್‌ ಗಳಿಸಿದ್ದಾಗ ಕೈಲ್‌ ಜೇಮಿಸನ್‌ ಎಸೆದ ಬೌನ್ಸರ್‌ನಲ್ಲಿ ಸಿಕ್ಸರ್‌ ಬಾರಿಸಿ ವಿದೇಶಿ ನೆಲದಲ್ಲಿ ತಮ್ಮ ಚೊಚ್ಚಲ ಫಿಫ್ಟಿ ದಾಖಲಿಸಿದರು. ಆದರೆ, ಅದೇ ಓವರ್‌ನಲ್ಲಿ ಏಕಾಗ್ರತೆ ಕಳೆದುಕೊಂಡು ವಿಕೆಟ್‌ ಒಪ್ಪಿಸಿಬಿಟ್ಟರು. ಈ ಮೂಲಕ ಜೇಮಿಸನ್‌ ತಮ್ಮ ವಿಕೆಟ್‌ಗಳ ಖಾತೆ ತೆರೆದರು. ಪೂಜಾರ, ವಿಹಾರಿ ಜವಾಬ್ದಾರಿಯುತ ಬ್ಯಾಟಿಂಗ್‌ ಭೋಜನ ವಿರಾಮದ ಬಳಿಕ ಟೀಮ್‌ ಇಂಡಿಯಾ ಬ್ಯಾಕ್‌ ಟು ಬ್ಯಾಕ್‌ ವಿಕೆಟ್‌ ಕಳೆದುಕೊಂಡು, ನಾಯ ಕೊಹ್ಲಿ, ಉಪನಾಯಕ ರಹಾನೆ ಇಬ್ಬರೂ ಪೆವಿಲಿಯನ್‌ ಸೇರಿದರು. ಕಿವೀಸ್‌ನ ಅನುಭವಿ ವೇಗಿ ಟಿಮ್‌ ಸೌಥೀ ಮತ್ತೊಮ್ಮೆ ಕೊಹ್ಲಿ ವಿಕೆಟ್‌ ಪಡೆಯುವಲ್ಲಿ ಸಫಲರಾಗಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಕಿಂಗ್‌ ಕೊಹ್ಲಿ ವಿರುದ್ಧ ಅತಿ ಯಶಸ್ವಿ ಬೌಲರ್‌ ಎಂಬ ದಾಖಲೆಯನ್ನು ಮತ್ತಷ್ಟು ಬಲ ಪಡಿಸಿಕೊಂಡರು. ಭಾರತ ತಂಡ 113 ರನ್‌ಗೆ ಅಗ್ರ ಕ್ರಮಾಂಕದ 4 ಬ್ಯಾಟ್ಸ್‌ಮನ್‌ಗಳನ್ನು ಕಳೆದುಕೊಂಡಿದ್ದ ಒತ್ತಡ ಸ್ಥಿತಿಯಲ್ಲಿ 5ನೇ ವಿಕೆಟ್‌ಗೆ ಜೊತೆಯಾದ ಚೇತೇಶ್ವರ್‌ ಪೂಜಾರ ಮತ್ತು ಹನುಮ ವಿಹಾರಿ ನಿಧಾನವಾಗಿ ಇನಿಂಗ್ಸ್‌ ಕಟ್ಟಿದರು. ಈ ಜೋಡಿ ಜವಾಬ್ದಾರಿಯುತ ಬ್ಯಾಟಿಂಗ್‌ ನಡೆಸಿ 129 ಎಸೆತಗಳಲ್ಲಿ 81 ರನ್‌ಗಳ ಜೊತೆಯಾಟದ ಕುಸಿದ ಭಾರತಕ್ಕೆ ಆಸರೆಯಾದರು. ತಾಳ್ಮೆಯಿಂದ ಬ್ಯಾಟ್‌ ಮಾಡಿದ ಪೂಜಾರ 140 ಎಸೆತಗಳಲ್ಲಿ 6 ಫೋರ್‌ನೊಂದಿಗೆ 54 ರನ್‌ ಗಳಿಸಿದರಾದರೂ ಕೈಲ್‌ ಜೇಮಿಸನ್‌ಗೆ ವಿಕೆಟ್‌ ಒಪ್ಪಿಸಿದರು. ಮತ್ತೊಂದೆಡೆ 70 ಎಸೆತಗಳಲ್ಲಿ 10 ಫೋರ್‌ಗಳೊಂದಿಗೆ 55 ರನ್‌ ಗಳಿಸಿದ್ದ ಹನುಮ ವಿಹಾರಿ ಕೂಡ ನೈಲ್‌ ವ್ಯಾಗ್ನರ್‌ ಬೌಲಿಂಗ್‌ನಲ್ಲಿ ಔಟಾದರು. ಜೇಮಿಸನ್‌ ತಮ್ಮ ಎರಡದ ಉತ್ತಮ ಬಳಕೆ ಮಾಡಿ ಹೆಚ್ಚುವರಿ ಬೌನ್ಸರ್‌ನೊಂದಿಗೆ ಟೀಮ್‌ ಇಂಡಿಯಾದ ಕೆಳ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗಳ ಹೆಡೆಮುರಿಕಟ್ಟಿದರು. ಈ ಮೂಲಕ ತಮ್ಮ2ನೇ ಟೆಸ್ಟ್‌ ಪಂದ್ಯದಲ್ಲಿ 45ಕ್ಕೆ 5 ವಿಕೆಟ್‌ ಉರುಳಿಸಿ ವೃತ್ತಿ ಬದುಕಿನ ಚೊಚ್ಚಲ ಐದು ವಿಕೆಟ್‌ ಸಂಪಾದನೆ ಮಾಡಿದರು.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/32AHR1L

ವಿಕ ಶೃಂಗ: ಬೆಂಗಳೂರನ್ನು 24/7 ನಗರವಾಗಿಸಬೇಕೆ? ಬೇಡವೇ? ಬಿಸಿ ಬಿಸಿ ಚರ್ಚೆ

ಬೆಂಗಳೂರು: ಸಾಮಾನ್ಯವಾಗಿ ಸುದ್ದಿಸಂಸ್ಥೆಗಳು ಸಮಸ್ಯೆಗಳತ್ತಲೇ ಬೆರಳು ತೋರುವ ಕೆಲಸ ಮಾಡುತ್ತವೆ. ಆದರ ಮಧ್ಯೆಯೇ ಉತ್ತಮ ಕಾರ್ಯಗಳನ್ನು ಕೂಡ ಜನರಿಗೆ ಪರಿಚಯಿಸುವ ಉದ್ದೇಶದಿಂದ ವಿಜಯ ಕರ್ನಾಟಕ ದಿನಪತ್ರಿಕೆ ಆಯೋಜಿಸಿರುವ 'ಬೆಂಗಳೂರು ಅಭಿವೃದ್ಧಿ ಶೃಂಗ' ಔಚಿತ್ಯಪೂರ್ಣವಾದುದು ಎಂದು ರಾಜ್ಯದ ಉಪಮುಖ್ಯಮಂತ್ರಿ ಡಿಸಿಎಂ ಡಾ. ಸಿ.ಎನ್ ಹೇಳಿದರು. ಬೆಂಗಳೂರನ್ನು 24/7 ನಗರವಾಗಿ ಅಭಿವೃದ್ಧಿಪಡಿಸಲು ದಿಕ್ಸೂಚಿಯಾಗಿ ವಿಜಯಕರ್ನಾಟಕ ದಿನಪತ್ರಿಕೆ ಶನಿವಾರ ಲಾಲ್ ಬಾಗ್ ಉದ್ಯಾನವನದಲ್ಲಿ ಆಯೋಜಿಸಿದ್ದ 'ಬೆಂಗಳೂರು ಅಭಿವೃದ್ಧಿ ಶೃಂಗ'ವನ್ನು ಉದ್ಘಾಟಿಸಿ ಮಾತನಾಡಿದರು. ನಗರದ ಅಭಿವೃದ್ಧಿ ವಿಚಾರವಾಗಿ ಹೆಚ್ಚು ಕಾಳಜಿ ವಹಿಸಿ ವಿಕ ದಿನಪತ್ರಿಕೆ ಆಯೋಜಿಸಿರುವ ಇಂತಹ ಕಾರ್ಯಕ್ರಮದ ಅಗತ್ಯ ಬಹಳಷ್ಟಿದೆ. ಯಾವುದೇ ನಗರದಲ್ಲಿ ಉತ್ತಮ ಜನಜೀವನ ಕಲ್ಪಿಸಲು ಹಣ ವ್ಯಯ ಮಾಡುವುದಷ್ಟೇ ಮುಖ್ಯವಲ್ಲ. ಉತ್ತಮ ಆಡಳಿತ ಮುಖ್ಯವಾಗುತ್ಯದೆ. ದೇಶದಲ್ಲಿ ಈಸ್ ಆಫ್ ಡೂಯಿಂಗ್ ಶ್ರೇಣಿಯಲ್ಲಿ ಬೆಂಗಳೂರು ನಾಲ್ಕನೇ ಸ್ಥಾನದಲ್ಲಿದೆ. ಆಡಳಿತ ಯಂತ್ರ ಹೆಚ್ಚು ವೇಗದಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಅಭಿವೃದ್ದಿಯ ಯೋಜನೆಗಳಿಗೆ ತಕ್ಷಣವೇ ಅಪ್ರೂ ನೀಡಲಾಗುತ್ತಿದೆ. ಈ ಮೂಲಕ ಬೆಂಗಳೂರಿನ ಅಭಿವೃದ್ಧಿಗೆ ಸರಕಾರ ಬದ್ದವಾಗಿದೆ. ಈ ನಿಟ್ಟಿನಲ್ಲಿ ನ್ಯೂಜಿಲೆಂಡ್ ಜತೆಗೆ ಒಪ್ಪಂದವನ್ನೂ ಮಾಡಿಕೊಳ್ಳಲಾಗಿದೆ ಎಂದು ಹೇಳಿದರು. ಬಿಬಿಎಂಪಿ ಮೇಯರ್, ಎಂ. ಗೌತಮ್ ಕುಮಾರ್ ಮಾತನಾಡಿ, ಯಾವುದೇ ಉತ್ತಮ ಕಾರ್ಯಗಳಾಗಬೇಕು ಎಂದರೆ, ಅದಕ್ಕೆ ಧನಾತ್ಮಕ ಶಕ್ತಿ ಬೇಕು. ವಿಜಯ ಕರ್ನಾಟಕ ದಿನಪತ್ರಿಕೆ ಇಂತಹ ಧನಾತ್ಮಕ ಶಕ್ತಿಯನ್ನು ತುಂಬುತ್ತಿದೆ ಎಂದರು. ಬಿಬಿಎಂಪಿ ಆಯುಕ್ತರು ಬಿಎಚ್ ಅನಿಲ್ ಕುಮಾರ್ ಮಾತನಾಡಿ, ಪ್ರಮುಖ ಕಾಲಘಟ್ಟದಲ್ಲಿ ವಿಕೆ ಈ ಕಾರ್ಯಕ್ರಮ ಆಯೋಜಿಸೊದೆ. ಶೀಘ್ರದಲ್ಲೇ ರಾಜ್ಯ ಬಜೆಟ್ ಮಂಡನೆಯಾಗಲಿದೆ. ಇದಾದ ಕೆಲವೇ ದಿನಗಳಲ್ಲಿ ಬಿಬಿಎಂಪಿ ಬಜೆ ಇದ್ದು, ಈ ಕಾರ್ಯಕ್ರಮದಲ್ಲಿ ಚರ್ಚೆಯಾಗುವ ಅಂಶಗಳನ್ನು ಬಜೆಟ್ನಲ್ಲಿ ಅಳವಡಿಸಿಕೊಳ್ಳಬಹುದು. ಈಗಾಗಲೇ ಜನಸಾಮಾನ್ಯರಿಗೆ ಸರಳವಾಗಿ ಸೇವೆಗಳನ್ನು ಒದಗಿಸಲು ಅಗತ್ಯ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಹೇಳಿದರು. ಸಾಕಷ್ಟು ಸಾಧಿಸಿದ್ದೇವೆ. ಸಾಧಿಸಬೇಕಿರುವುದು ಇನ್ನೂ ಇದೆ. ಓದುಗರ ಜತೆ ದ್ವಿಮುಖ ಸಂವಹನ ಏರ್ಪಡಿಸುವ ಮೂಲಕ ಜನರ ದನಿಯಾಗಿ ನಿಂತಿದೆ ವಿಕೆ. ಇದೀಗ ಇಂತಹದೇ ಒಂದು ಕಾರ್ಯಕ್ರಮ ಬೆಂಗಳೂರು ಅಭಿವೃದ್ಧಿ ಶೃಂಗ. ಬೆಂಗಳೂರಿನ ಸುಧಾರಣೆಗೆ ಹಲವಾರು ಜನ ಶ್ರಮಿಸುತ್ತಿದ್ದಾರೆ. ಅಂತಹವರನ್ನು ಪರಿಚಯಿಸುವ ಉದ್ದೇಶದಿಂದ ಈ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ. ಎಂದು ವಿಜಯಕರ್ನಾಟಕ ಪತ್ರಿಕೆಯ ಮುಖ್ಯಸಂಪಾದಕರಾದ ಹರಿಪ್ರಕಾಶ್ ಕೋಣೆಮನೆ ತಿಳಿಸಿದರು. ಬೆಂಗಳೂರು ಮಿರರ್ ಮತ್ತು ವಿಜಯಕರ್ನಾಟಕ ದಿನಪತ್ರಿಕೆಯ ಸಿಇಒ ರಂಜಿತ್ ಕಾಟೆ ಮಾತನಾಡಿ, ಪ್ರಸ್ತುತ ನಾವು ಸವಾಲಿನ ಸಂದರ್ಭದಲ್ಲಿ ಬದುಕುತ್ತಿದ್ದೇವೆ. ಜಿಡಿಪಿ ಕುಸಿತ, ಕೊರೊನಾ ಹಾವಳಿ ಮೊದಲಾದಂತೆ ಹಲವು ಗಂಭೀರ ಸಮಸ್ಯೆಗಳಿವೆ. ಇತಿಹಾಸವನ್ನು ಅವಲೋಕಿಸಿದರೆ ನಗರಗಳ ಪ್ರಾಮುಖ್ಯತೆಯನ್ನು ತಿಳಿಯಬಹುದಾಗಿದೆ. ಉದಾಹರಣೆಗೆ ಕರ್ನಾಟಕದ ಹಂಪಿಯನ್ನೇ ತೆಗೆದುಕೊಳ್ಳಬಹುದು. ನಗರಗಳಲ್ಲಿ ಆರ್ಥಿಕ ಬೆಳವಣಿಗೆ ಹಾಗೂ ಕಾಲಾ ಪೋಷಣೆಯನ್ನು ಕಾಣಬಹುದು. ಇಂದು ಮಹಾನಗರವಾಗಿ ಬೆಳೆದಿರುವ ಬೆಂಗಳೂರು ಕೋಟ್ಯಂತರ ಜನರಿಗೆ ಆಶ್ರಯ ನೀಡಿದೆ. ಅವರಿಗೆ ಉತ್ತಮ ಜೀವನ ಸೌಲಭ್ಯ ಒದಗಿಸಬೇಕಿದೆ ಎಂದು ಹೇಳಿದರು. ಕಾರ್ಯಕ್ರಮದಲ್ಲಿ ನಗರದ ಸಂಸದರಾದ ಪಿ.ಸಿ. ಮೋಹನ್, ನವಬೆಂಗಳೂರು ಫೌಂಡೇಷನ್ ಸ್ಥಾಪಕ ಅನಿಲ್ ಶೆಟ್ಟಿ, ನಗರ ಯೋಜನೆ ತಜ್ಞ ರವಿಚಂದರ್, ನರೇಶ್ ವಿ. ನರಸಿಂಹನ್ ಉಪಸ್ಥಿತರಿದ್ದರು.

from India & World News in Kannada | VK Polls https://ift.tt/398Bhlq

ಎಲ್ಲರಿಗೂ ನ್ಯಾಯ: ಮೋದಿ ಮಾತಲ್ಲಿ ಕಂಡ ಸರ್ಕಾರದ ಧ್ಯೇಯ!

ಪ್ರಯಾಗರಾಜ್: ಎಲ್ಲಿರಿಗೂ ನ್ಯಾಯ ಎಂಬುದು ನಮ್ಮ ಸರ್ಕಾರದ ಮೂಲ ಧ್ಯೇಯವಾಗಿದ್ದು, ಸಾಮಾಜಿಕ ನ್ಯಾಯದ ಪರಿಕಲ್ಪನೆ ಅಡಿಯಲ್ಲೇ ಸರ್ಕಾರ ಹೆಜ್ಜೆ ಹಾಕುತ್ತಿದೆ ಎಂದು ಪ್ರಧಾನಿ ಮೋದಿ ಹೇಳಿದ್ದಾರೆ. ಪ್ರಯಾಗರಾಜ್'ನಲ್ಲಿ ಹಿರಿಯ ನಾಗರಿಕರಿಗೆ ಸಹಾಯಕ ಸಾಧನಗಳನ್ನು ವಿತರಿಸಿ ಮಾತನಾಡಿದ ಪ್ರಧಾನಿ ಮೋದಿ, ದೇಶದ ನಾಗರಿಕರ ಗೌರವಯುತ ಬದುಕಿನ ಜವಾಬ್ದಾರಿ ನಮ್ಮ ಸರ್ಕಾರದ ಹೆಗಲ ಮೇಲಿದೆ ಎಂದು ಹೇಳಿದರು. ಈ ಹಿಂದಿನ ಸರ್ಕಾರಗಳು ಕೇವಲ ಕಾಗದಗಳ ಮೇಲಷ್ಟೇ ಸಾಮಾಜಿಕ ನ್ಯಾಯದ ಮಾತುಗಳಾಡುತ್ತಿದ್ದವು. ಆದರೆ ನಮ್ಮ ಸರ್ಕಾರ ಸಮಾಜದ ಕಟ್ಟ ಕಡೆಯ ವ್ಯಕ್ತಿಗೂ ತಲುಪಿಸುವಲ್ಲಿ ಕಾರ್ಯನಿರತವಾಗಿದೆ ಎಂದು ಪ್ರಧಾನಿ ಹೇಳಿದರು. ನಮ್ಮ ಸರ್ಕಾರ ಇದುವರೆಗೂ ದೇಶಾದ್ಯಂತ ಇಂತಹ ಸುಮಾರು ೯,೦೦೦ ಕ್ಯಾಂಪ್'ಗಳನ್ನು ಹಮ್ಮಿಕೊಳ್ಳಲಾಗಿದ್ದು, ಹಿರಿಯ ನಾಗರಿಕರಿಗೆ ಹಾಗೂ ದಿವ್ಯಾಂಗರಿಗೆ ಸಕಲ ನೆರವು ಒದಗಿಸುವ ಪ್ರಾಮಾಣಿಕ ಪ್ರಯತ್ನ ಮಾಡುತ್ತಿದೆ ಎಂದು ಮೋದಿ ಹೇಳಿದರು. ಸಾಮಾಜಿಕ ಅಭಿಕರ್ತಾ ಶಿಬಿರ ಅಡಿಯಲ್ಲಿ ಹಿರಿಯ ನಾಗರಿಕರು ಹಾಗೂ ದಿವ್ಯಾಂಗರಿಗೆ ಅಗತ್ಯ ಸಾಧನಗಳನ್ನು ಒದಗಿಸಲು ಸರ್ಕಾರ ಬದ್ಧವಾಗಿದ್ದು, ಗೌರಯುತ ಬದುಕು ಎಲ್ಲರ ಹಕ್ಕು ಎಂಬುದನ್ನು ನಾವು ಬಲ್ಲೆವು ಎಂದು ಹೇಳಿದರು. ಇದೇ ವೇಳೆ ಕಿಸಾನ್ ಸಮ್ಮಾನ್ ಯೋಜನೆ ಜಾರಿಯ ವರ್ಷಾಚರಣೆ ಕುರಿತು ಮಾತನಾಡಿದ ಪ್ರಧಾನಿ ಮೋದಿ, ದೇಶದ ಶೇ.೮೬ರಷ್ಟು ಸಣ್ಣ ಮತ್ತು ಮಧ್ಯಮ ರೈತರಿಗೆ ಕಿಸಾನ್ ಸಮ್ಮಾನ್ ಯೋಜನೆಯಿಂದ ಲಾಭವಾಗಿದೆ ಎಂದು ಸಂತಸ ವ್ಯಕ್ತಪಡಿಸಿದರು.

from India & World News in Kannada | VK Polls https://ift.tt/3abV4AH

ಗ್ರಾಮೀಣಾಭಿವೃದ್ಧಿ ಕ್ಷೇತ್ರದ ಅಹವಾಲು: ಉದ್ಯೋಗ ಸೃಷ್ಟಿಸಿ, ಹಳ್ಳಿಯ ಯುವಕರ ವಲಸೆ ತಪ್ಪಿಸಿ!

ಗ್ರಾಮಗಳಲ್ಲಿ ಅಗತ್ಯವಾಗಿ ನಡೆಯಬೇಕಾದ ಅಭಿವೃದ್ಧಿ ಕಾರ್ಯಗಳ ಬಗ್ಗೆ ಮಾತ್ರ ಒತ್ತು ನೀಡುವುದು ಸೂಕ್ತ. ಬಿಎಸ್‌ವೈ ಬಜೆಟ್‌ನಿಂದ ನಿರೀಕ್ಷಿಸುತ್ತಿರುವ ಪಟ್ಟಿ ಇಲ್ಲಿದೆ.- ಮೂಲ ಸೌಕರ್ಯ ನಿರ್ವಹಣೆ ಮಾತ್ರ ಅಭಿವೃದ್ಧಿಯಲ್ಲ. ಅದರಾಚೆಗಿನ ಹೊಸ ಸಾಧ್ಯತೆ ಬಗ್ಗೆ ಚಿಂತನೆಯಾಗಲಿ. - ಹಳ್ಳಿಯ ಯುವಕರ ವಲಸೆ ತಪ್ಪಿಸುವುದಕ್ಕೆ ಉದ್ಯೋಗ ಸೃಷ್ಟಿಸುವ ಯೋಜನೆ ಜಾರಿಯಾಗಲಿ. - ವ್ಯವಸಾಯ ಚಟುವಟಿಕೆಗೆ ಅಗತ್ಯವಾದ ಕೌಶಲ್ಯ ನೀಡಬೇಕು. - ಗ್ರಾಮ ಹಾಗೂ ಅರೆಪಟ್ಟಣ ಪ್ರದೇಶಗಳಲ್ಲಿನ ಐಟಿಐ ಕೇಂದ್ರಗಳಲ್ಲಿಖಾಲಿ ಇರುವ ಹುದ್ದೆಗಳನ್ನು ಭರ್ತಿ ಮಾಡಬೇಕು. - ಗ್ರಾಮೀಣ ಪ್ರತಿಭೆಗಳಿಗೆ ಈ ಹಿಂದೆ ನೀಡುತ್ತಿದ್ದ ಸಾಂಪ್ರದಾಯಿಕ ಕೌಶಲ್ಯ ತರಬೇತಿ ವಿಧಾನ ಬದಲಾಗಲಿ. - ಕೃಷಿ ಹಾಗೂ ಗ್ರಾಮೀಣಾಭಿವೃದ್ಧಿ ಒಂದೇ ನಾಣ್ಯದ ಎರಡು ಮುಖ. ಹೀಗಾಗಿ ಕೃಷಿ ಮಾರುಕಟ್ಟೆ ವಿಸ್ತರಣೆಗೆ ನಾನಾ ಇಲಾಖೆಗಳ ಮಧ್ಯೆ ಸಮನ್ವಯವಾಗಲಿ. - ಗ್ರಾಮೀಣಾಭಿವೃದ್ಧಿ ಇಲಾಖೆ ಅಡಿಯಲ್ಲಿಪ್ರತ್ಯೇಕ 'ವ್ಯವಸಾಯೋದ್ಯಮ' ವಿಭಾಗ ಆರಂಭಿಸಬೇಕು. - ಗ್ರಾಮೀಣ ಕೈಗಾರಿಕಾ ಸ್ಥಾಪನೆಗಾಗಿ ಕನಿಷ್ಠ 5 ಎಕರೆವರೆಗಿನ ಜಾಗವನ್ನು ಪರಿವರ್ತನೆ ಇಲ್ಲದೇ ಸ್ಥಳೀಯ ಸಂಸ್ಥೆಗಳ ಅನುಮತಿಯೊಂದಿಗೆ ಆರಂಭಿಸಲು ಅವಕಾಶ ನೀಡಬೇಕು. - ಅಗತ್ಯ ಬಿದ್ದರೆ ಹನಿ ನೀರಾವರಿ ನಿರ್ವಹಣೆಯೂ ಗ್ರಾಮೀಣಾಭಿವೃದ್ಧಿ ಇಲಾಖೆ ನಿರ್ವಹಿಸಲಿ. ಗ್ರಾಮೀಣಾಭಿವೃದ್ಧಿಯ ಪುನರ್‌ ವ್ಯಾಖ್ಯಾನ ನಡೆಯಬೇಕು. ರಸ್ತೆ, ಸೇತುವೆ, ಶೌಚಾಲಯ ನಿರ್ಮಾಣವೇ ಗ್ರಾಮೀಣಾಭಿವೃದ್ಧಿಯಲ್ಲ. ಈ ಹಿನ್ನೆಲೆಯಲ್ಲಿರಚನಾತ್ಮಕ ಬದಲಾವಣೆಯನ್ನು ಇಡಿ ರಾಜ್ಯ ಎದುರು ನೋಡುತ್ತಿದೆ. ಇದಕ್ಕೆ ತಕ್ಕಂತೆ ಯೋಜನೆಗಳನ್ನು ಸಿದ್ದಪಡಿಸಬೇಕು. - ಎಂ.ಆರ್‌.ಶ್ರೀನಿವಾಸ್‌ಮೂರ್ತಿ, ಗ್ರಾಮೀಣಾಭಿವೃದ್ಧಿ ಹಾಗೂ ಪಂಚಾಯತ್‌ ರಾಜ್‌ ಇಲಾಖೆ ನಿವೃತ್ತ ಪ್ರಧಾನ ಕಾರ್ಯದರ್ಶಿ

from India & World News in Kannada | VK Polls https://ift.tt/32Cmyg2

ಮಹಿಳಾ ಟಿ20 ವಿಶ್ವಕಪ್‌: ಶಫಾಲಿ ಸ್ಫೋಟಕ ಬ್ಯಾಟಿಂಗ್‌, ಲಾಂಕಾ ವಿರುದ್ಧ ಭಾರತಕ್ಕೆ ಜಯ

ಮೆಲ್ಬೋರ್ನ್‌: ಯುವ ಬ್ಯಾಟರ್‌ (47) ಅವರ ಸ್ಫೋಟಕ ಆಟ ಮತ್ತು ರಾಧಾ ಯಾದವ್‌ (23ಕ್ಕೆ 4) ಅವರ ಸ್ಪಿನ್‌ ಮೋಡಿಯ ಬಲದಿಂದ ಮಿಂಚಿದ ಭಾರತ ತಂಡ, ಐಸಿಸಿ ಮಹಿಳಾ ಟಿ20 ಕ್ರಿಕೆಟ್‌ ವಿಶ್ವಕಪ್‌ ಟೂರ್ನಿಯ 'ಎ' ಗುಂಪಿನ ಪಂದ್ಯದಲ್ಲಿ 7 ವಿಕೆಟ್‌ಗಳ ಭರ್ಜರಿ ಜಯ ದಾಖಲಿಸಿದೆ. ಇದರೊಂದಿಗೆ ಗ್ರೂಪ್‌ ಹಂತದಲ್ಲಿ ಭಾರತ ತಂಡ ಆಡಿದ ತನ್ನ ನಾಲ್ಕೂ ಪಂದ್ಯಗಳನ್ನು ಗೆದ್ದು ಅಜೇಯವಾಗಿ ಸೆಮಿಫೈನಲ್‌ ತಲುಪಿದೆ. ಮೊದಲ ಮೂರು ಪಂದ್ಯಗಳಲ್ಲಿ ಹರ್ಮನ್‌ಪ್ರೀತ್‌ ಕೌರ್‌ ಪಡೆ, ಕ್ರಮವಾಗಿ ಆಸ್ಟ್ರೇಲಿಯಾ, ಬಾಂಗ್ಲಾದೇಶ ಮತ್ತು ನ್ಯೂಜಿಲೆಂಡ್‌ ವಿರುದ್ಧ ಜಯ ದಾಖಲಿಸಿ ಉಪಾಂತ್ಯ ತಲುಪಿದ ಮೊದಲ ತಂಡವೆನಿಸಿತ್ತು. ಇಲ್ಲಿನ ಜಂಕ್ಷನ್‌ ಓವಲ್‌ ಕ್ರೀಡಾಂಗಣದಲ್ಲಿ ಟಾಸ್‌ ಗೆದ್ದು ಮೊದಲು ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡ ತಂಡ, 20 ಓವರ್‌ಗಳಲ್ಲಿ 9 ವಿಕೆಟ್‌ ಕಳೆದುಕೊಂಡು 113 ರನ್‌ಗಳ ಸಾಧಾರಣ ಮೊತ್ತಗಳಿಸಲಷ್ಟೇ ಶಕ್ತವಾಯಿತು. ಭಾರತದ ಪರ ರಾಧಾ ಯಾದವ್‌ ನಾಲ್ಕು ವಿಕೆಟ್‌ ಪಡೆದು ಪಂದ್ಯ ಶ್ರೇಷ್ಠ ಗೌರವಕ್ಕೆ ಪಾತ್ರರಾದರು. ಬಳಿಕ ಗುರಿ ಬೆನ್ನತ್ತಿದ ಭಾರತ ಮಹಿಳಾ ಪಡೆ ಇನ್ನೂ 32 ಎಸೆತಗಳು ಬಾಕಿ ಇರುವಾಗಲೇ 3 ವಿಕೆಟ್‌ ನಷ್ಟದಲ್ಲಿ 116 ರನ್‌ಗಳನ್ನು ಬಾರಿಸಿ ಗೆಲುವಿನ ಸಿಹಿಯುಂಡಿತು. ಮತ್ತೊಮ್ಮೆ ಸ್ಫೋಟಕ ಬ್ಯಾಟಿಂಗ್‌ ನಡೆಸಿದಿ ಶಫಾಲಿ ವರ್ಮಾ, 34 ಎಸೆತಗಳಲ್ಲಿ 7 ಫೋರ್‌ ಮತ್ತು 1 ಸಿಕ್ಸರ್‌ ಒಳಗೊಂಡ 47 ರನ್‌ ಬಾರಿಸಿ ಮತ್ತೊಮ್ಮೆ ಅರ್ಧಶತಕದಿಂದ ವಂಚಿತರಾದರು. ಅವರಿಗೆ ಉತ್ತಮ ಸಾಥ್‌ ನೀಡಿದ ಮತ್ತೊಬ್ಬ ಆರಂಭಿಕ ಬ್ಯಾಟರ್‌ ಸ್ಮೃತಿ ಮಂಧಾನಾ 17 ರನ್‌ಗಳ ಕಾಣಿಕೆ ನೀಡಿದೆ, ಕೊಂಚ ಲಯಕ್ಕೆ ಮರಳಿದ ಕ್ಯಾಪ್ಟನ್‌ ಹರ್ಮನ್‌ಪ್ರೀತ್‌ ಕೌರ್‌, 14 ಎಸೆತಗಳಲ್ಲಿ 15 ರನ್‌ಗಳಿಸಿ ಔಟಾದರು. ಬಳಿಕ ಜೊತೆಯಾದ ಜೆಮಿಮಾ ರೋಡ್ರಿಗಸ್‌ ಮತ್ತು ದೀಪ್ತಿ ಶರ್ಮಾ ಔಟಾಗದೇ ಉಳಿದು ತಲಾ 15 ರನ್‌ ಗಳಿಸಿ ತಂಡವನ್ನು ಗೆಲುವಿನ ದಡ ಮುಟ್ಟಿಸಿದರು. ಸಂಕ್ಷಿಪ್ತ ಸ್ಕೋರ್‌ ಶ್ರೀಲಂಕಾ ಮಹಿಳಾ ತಂಡ: 20 ಓವರ್‌ಗಳಲ್ಲಿ 9 ವಿಕೆಟ್‌ಗೆ 113 (ಚಾಮರಿ ಅತಪತ್ತು 33, ಕವಿಶಾ ದಿಲ್ಹಾರಿ ಔಟಾಗದೆ 25; ರಾಧಾ ಯಾದವ್‌ 23ಕ್ಕೆ 4, ರಾಜೇಶ್ವರಿ ಗಾಯಕ್ವಾಡ್‌ 18ಕ್ಕೆ 2, ಪೂನಮ್‌ ಯಾದವ್ 20ಕ್ಕೆ 1, ದೀಪ್ತಿ ಶರ್ಮಾ 16ಕ್ಕೆ 1, ಶಿಖಾ ಪಾಂಡೆ 35ಕ್ಕೆ 1) ಭಾರತ ಮಹಿಳಾ ತಂಡ: 14.4 ಓವರ್‌ಗಳಲ್ಲಿ 3 ವಿಕೆಟ್‌ಗೆ 113 (ಶಫಾಲಿ ವರ್ಮಾ 47, ಸ್ಮೃತಿ ಮಂಧಾನಾ 17, ಹರ್ಮನ್‌ಪ್ರೀತ್‌ ಕೌರ್‌ 15, ಜೆಮಿಮಾ ರೋಡ್ರಿಗಸ್‌ 15*, ದೀಪ್ತಿ ಶರ್ಮಾ 15*; ಉದೇಶಿಕಾ ಪ್ರಬೋಧನಿ 13ಕ್ಕೆ 1, ಶಶಿಕಲಾ ಸಿರಿವರ್ಧನೆ 42ಕ್ಕೆ 1).

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3ceJWoB

ವಿಮಾನದೊಳಗೆ ಪಾರಿವಾಳ ಹಾರಾಟ: ಹಿಡಿಯಲು ಪ್ರಯಾಣಿಕರ ಸತತ ಹೋರಾಟ!

ನವದೆಹಲಿ: ಹಾರಲು ಸಜ್ಜಾಗಿದ್ದ ಗೋ ಏರ್ ವಿಮಾನದಲ್ಲಿ ಪಾರಿವಾಳವೊಂದು ಕಾಣಿಸಿಕೊಂಡಿದ್ದು, ಅದನ್ನು ಹಿಡಿಯಲು ಪ್ರಯಾಣಿಕರು ಪ್ರಯತ್ನಿಸಿದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ. ಅಹಮದಾಬಾದ್'ನಿಂದ ಜೈಪುರ್'ಗೆ ಹೊರಟಿದ್ದ ಗೋ ಏರ್ , ಇನ್ನೇನು ಟೇಕ್ ಆಫ್ ಆಗಬೇಕು ಎನ್ನುವಷ್ಟರಲ್ಲಿ ವಿಮಾನದೊಳಗೆ ಪಾರಿವಾಳವೊಂದು ಹಾರಿ ಬಂದಿದೆ. ಪಾರಿವಾಳವನ್ನು ಹೊರಗೆ ಓಡಿಸಲು ಸಿಬ್ಬಂದಿ ಹಾಗೂ ಪ್ರಯಾಣಿಕರು ಹರಸಾಹಸಪಟ್ಟಿದ್ದು, ಪರಿಣಾಮವಾಗಿ ವಿಮಾನ ಅರ್ಧ ಗಂಟೆ ತಡವಾಗಿ ಟೇಕ್ ಆಫ್ ಆಗಿದೆ ಎಂದು ಹೇಳಲಾಗಿದೆ. ಗೋ ಏರ್'ನ G8702 ವಿಮಾನದೊಳಗೆ ಬಂದಿದ್ದು, ಪ್ರಯಾಣಿಕರು ಮಾಹಿತಿ ನೀಡಿದ ಬಳಿಕ ಟೇಕ್ ಆಫ್ ರದ್ದು ಮಾಡಿ ಬಾಗಿಲನ್ನು ತೆರೆಯುವ ಮೂಲಕ ಪಾರಿವಳವನ್ನು ಹೊರಗೆ ಕಳುಹಿಸಲಾಗಿದೆ ಎಂದು ಗೋ ಏರ್ ಸ್ಪಷ್ಟಪಡಿಸಿದೆ.

from India & World News in Kannada | VK Polls https://ift.tt/2Vw2D0V

ನುಡಿನಮನ: ಇತಿಹಾಸ ಸಂಶೋಧನೆಯ ತೆರೆದ ಮನ ಷ. ಶೆಟ್ಟರ್‌

- ಕೆ.ವೆಂಕಟೇಶ, ಬೆಂಗಳೂರು ಕನ್ನಡ ಸಾಹಿತ್ಯ,ಶಾಸನ, ಚರಿತ್ರೆ, ಭಾಷೆಯ ಕುರಿತು ಆಳವಾದ ಸಂಶೋಧನೆ ನಡೆಸಿ ಹೊಸ ತಿಳಿವು ನೀಡುವ, ಕನ್ನಡದ ಮನಸುಗಳನ್ನು ಬೆಳಗುವ ಸಂಶೋಧಕರ ಸಾಲಿನಲ್ಲಿ ಷ. ಶೆಟ್ಟರ್‌(1935ಧಿಧಿಧಿ-2020) ಮುಂಚೂಣಿಯಲ್ಲಿನಿಲ್ಲುತ್ತಾರೆ. ಚರಿತ್ರೆ ರಚನಾ ಶಾಸ್ತ್ರದ ಸಾಂಪ್ರದಾಯಿಕ ಪರಿಕರಗಳನ್ನು ಬಳಸಿಕೊಂಡೇ ಅವರು ಈ ನಾಡಿಗೆ ಹೊಸ ತಿಳಿವು ನೀಡಿದ್ದಾರೆ. ಪೂರ್ವಸಿದ್ಧ ಅಜೆಂಡಾ ಇಟ್ಟುಕೊಂಡು ಅದಕ್ಕೆ ತಕ್ಕಂತೆ ಆಧಾರಗಳನ್ನು ಜೋಡಿಸಿಕೊಳ್ಳುವ, ತೀರ್ಮಾನಗಳನ್ನು ಹೇಳುವ,ಆ ತೀರ್ಮಾನಗಳಿಗೆ ವಿರುದ್ಧವಾದ ಸಾಕ್ಷ್ಯಗಳಿದ್ದರೂ ಅದನ್ನು ಉಪೇಕ್ಷೆ ಮಾಡುವ ಇತಿಹಾಸಕಾರರಿಗಿಂತ ಶೆಟ್ಟರ್‌ ತುಂಬ ಬೇರೆಯಾಗಿ ಹಾಗೂ ಎತ್ತರವಾಗಿ ನಿಲ್ಲುತ್ತಾರೆ. ಈ ನಿಟ್ಟಿನಲ್ಲಿಅವರೊಬ್ಬ ದೊಡ್ಡ ಸತ್ಯಾರ್ಥಿ. ವಸ್ತುನಿಷ್ಠತೆ, ತರ್ಕಬದ್ಧತೆ, ಸ್ವಾನುಮಾನ,ಅಪೂರ್ಣತೆಯ ಅರಿವು ಅವರ ಸಂಶೋಧನಾ ಬರಹಗಳ ಪ್ರಾಣವಾಗಿತ್ತು. ಈ ಕಾರಣಕ್ಕೆ ಕಳೆದ ಕಾಲು ಶತಮಾನದ ಅವಧಿಯಲ್ಲಿ ಕರ್ನಾಟಕ ಚರಿತ್ರೆ ಕುರಿತ ಅವರ ಸಂಶೋಧನಾ ಕಾಣ್ಕೆಗಳು ತುಂಬ ಗಣ್ಯವಾಗಿವೆ. ''ಸಾಂಪ್ರದಾಯಿಕ ಪರಿಕರಗಳನ್ನು ಬಳಸಿಕೊಂಡೇ ಅವರು ನಮ್ಮ ಚರಿತ್ರೆಯ ಕಟ್ಟುವಿಕೆಯಲ್ಲಿನ ತೆರಪುಗಳನ್ನು ಅಂದರೆ ಖಾಲಿ ಜಾಗಗಳನ್ನು ಗುರುತಿಸುವ ಮತ್ತು ಅದನ್ನು ತುಂಬುವ ಪ್ರಯತ್ನ ಮಾಡಿದರು. ಇದು ಕಡಿಮೆ ಸಾಧನೆಯೇನೂ ಅಲ್ಲ. ಆದರೆ ಈ ತಿಳಿವಳಿಕೆಯ ಉಪಯುಕ್ತತೆ ಮತ್ತು ಇದನ್ನು ಸಮಾಜದ ಅರಿವಿನ ಭಾಗವಾಗಿಸುವ ಉದ್ದೇಶ ಅವರಿಗಿರಲಿಲ್ಲ ಎಂದು ಶೆಟ್ಟರ್‌ 'ಸಂಶೋಧನಾ ಮಾರ್ಗ'ವನ್ನು ವಿವರಿಸುತ್ತಾರೆ,'' ಕನ್ನಡದ ಇನ್ನೊಬ್ಬ ಹಿರಿಯ ಸಂಶೋಧಕ ಮತ್ತು ವಿಮರ್ಶಕರಾದ ಡಾ. ಕೆ.ವಿ. ನಾರಾಯಣ. ಅರಿವಿನ ಬಾಗಿಲುಗಳು ತತ್ತಕಾರ, ತತ್ತಾರ, ವಿಶ್ವಕರ್ಮ ಇತ್ಯಾದಿ ಹೆಸರುಗಳಿಂದ ಕರೆಯಲ್ಪಡುತ್ತಿದ್ದ ಲಿಪಿಕಾರರನ್ನು ಕುರಿತು, ಮೊದಲ ಬಾರಿಗೆ ಶೆಟ್ಟರ್‌ಅನೇಕ ಹೊಸ ಸಂಗತಿಗಳನ್ನು ಹೊರಗೆಡವಿದರು. ಕರ್ನಾಟಕ ಶಾಸನ ಚರಿತ್ರೆಯಲ್ಲಿಮೊದಲು ಕಂಡು ಬರುವ ಲಿಪಿಕಾರನೆಂದರೆ ಅಶೋಕನಿಂದ ಕಳುಹಿಸಲ್ಪಟ್ಟ ಗಾಂಧಾರ ದೇಶದ ಲಿಪಿಕಾರ ಚಪಡ. ಇವನ ನಂತರ ಕಂಡುಬರುವ ಪ್ರಸಿದ್ಧ ಲಿಪಿಕಾರರೆಂದರೆ ಜಯಸೇನ, ಶ್ರೀರಾಮಪುಣ್ಯವಲ್ಲಭ, ವಿಶ್ವಕರ್ಮಾಚಾರ್ಯ ಇತ್ಯಾದಿ. ಲಿಪಿಕಾರರ ಕುರಿತು ಪ್ರಚಲಿತ ನಂಬಿಕೆಯನ್ನೇ ಈ ತಿಳಿವು ಪಲ್ಲಟಗೊಳಿಸುತ್ತದೆ. ಏಕೆಂದರೆ ಬ್ರಾಹ್ಮಣರು ರಚಿಸಿದ ಶಾಸನ ಸಾಹಿತ್ಯವನ್ನು ಲಿಪಿಕಾರರು ಕಲ್ಲುಇಲ್ಲವೇ ತಾಮ್ರಪಟದ ಮೇಲೆ ಲಿಖಿಸುತ್ತಿದ್ದರು ಎಂದು ಅಲ್ಲಿಯ ತನಕ ತಿಳಿಯಲಾಗಿತ್ತು. ಈ ಹೊಸ ತಿಳಿವಿಗೆ ಇರುವ ಸಮಾಜಶಾಸ್ತ್ರೀಯ ಮತ್ತು ಗುರುತು ರಾಜಕಾರಣದ ಆಯಾಮಗಳ ಕುರಿತು ಗಮನ ಸೆಳೆದರೆ ಶೆಟ್ಟರ್‌ ''ನಾನೊಬ್ಬ ಇತಿಹಾಸಕಾರ ಅಷ್ಟೆ. ಸಾಕ್ಷ್ಯಧಾರಗಳಿಂದ ನಿಷ್ಪನ್ನವಾದ ತೀರ್ಮಾನಗಳಿಗೆ ಮಾತ್ರ ನಾನು ಬದ್ಧ ಅವುಗಳ ವಿಸ್ತರಣೆ ನನ್ನ ಕೆಲಸವಲ್ಲ,'' ಎನ್ನುತ್ತಿದ್ದರು. ಶೆಟ್ಟರ್‌ ಅವರಿಗೆ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿಯನ್ನು ತಂದುಕೊಟ್ಟ 'ಶಂಗಂ ತಮಿಳಗಂ ಮತ್ತು ಕನ್ನಡ ನಾಡು-ನುಡಿ' (ಆರಂಭ ಕಾಲದ ದ್ರಾವಿಡ ಭಾಷಾ ಚಿಂತನೆ) ಕೃತಿ ಆರಂಭ ಕಾಲದ ದ್ರಾವಿಡ ಸಂಬಂಧಗಳ ಚಿಂತನೆಯನ್ನು ಪರಿಚಯಿಸುತ್ತದೆ. ಇಂದು ತಮಿಳ್ನಾಡು ಎಂದು ಕರೆಯಲಾಗುವ ಪ್ರಾಚೀನ 'ತಮಿಳಗಂ'ನ ಪ್ರಾಗೈತಿಹಾಸಿಕ ಹಿನ್ನೆಲೆ ನೀಡುತ್ತಾ, ಇದರ ಒಡಲಾಳದಿಂದಲೇ ಕನ್ನಡ ಭಾಷೆ ಮತ್ತು ಸಂಸ್ಕೃತಿಗಳು ತಮ್ಮನ್ನು ಕಟ್ಟಿಕೊಂಡ ಪರಿಯ ಬಗ್ಗೆ ಹಲವು ಹೊಸ ಒಳನೋಟಗಳನ್ನು ನೀಡುತ್ತದೆ. ಆ ಮೂಲಕ ಈವರೆಗೆ ಬೆಳಕೇ ಕಾಣದ ಕನ್ನಡ - ತಮಿಳು ಸಂಬಂಧಗಳ ಹಲವು ನೆಲೆಗಳನ್ನು, ತಮಿಳಿನ 'ಶಂಗಂ' ಸಾಹಿತ್ಯವನ್ನು ನಿರ್ಮಿಸಿದ ಶಕ್ತಿಗಳ ಹಿನ್ನೆಲೆಯಲ್ಲಿಪರಿಚಯಿಸುತ್ತದೆ. ಮುಖ್ಯವಾಗಿ, ಕನ್ನಡ ನುಡಿ ಮತು ಸಂಸ್ಕೃತಿಗಳ ವಿಕಾಸವನ್ನು ಸಂಸ್ಕೃತದ ಪ್ರಭಾವಲಯದಲ್ಲಿ ಅರ್ಥಮಾಡಿಕೊಂಡಿದ್ದವರಿಗೆ ಇದರಿಂದ ನಾವು ದಕ್ಕಿಸಿಕೊಂಡಿದ್ದೆಷ್ಟು, ಕಳೆದುಕೊಂಡಿದ್ದೆಷ್ಟು ಎಂಬುದರ ಕಡೆ ಶೆಟ್ಟರ್‌ ಗಮನ ಸೆಳೆಯುತ್ತಾರೆ. ಕವಿರಾಜ ಮಾರ್ಗ ದೇಸಿಗಿಂತ ಮಾರ್ಗಕ್ಕೆ ಹೆಚ್ಚು ಒಲಿಯುತ್ತದೆ. ಅದೇ ತಮಿಳಿನ ಮೊದಲ ಕೃತಿಯಾದ ತೋಳ್ಕಾಪ್ಪಿಯಮ್‌ ದೇಸಿಗೆ ಹೆಚ್ಚಿನ ಮಣೆ ಹಾಕುತ್ತದೆ. ಈ ಎರಡು ಕೃತಿಗಳು ಕನ್ನಡ ಸಂಸ್ಕೃತಿಯ ಹಾದಿ ಮತ್ತು ದಿಕ್ಕುಗಳನ್ನು ನಿರ್ದೇಶಿಸಿದ್ದನ್ನು ಶೆಟ್ಟರ್‌ ಸಾಧಾರವಾಗಿ ಮಂಡಿಸುತ್ತಾರೆ. ಚರಿತ್ರೆ ಎಂಬ ಪ್ರಕ್ರಿಯೆ ಚರಿತ್ರೆಯನ್ನು ಒಂದು ಪ್ರಕ್ರಿಯೆ ಎಂದು ಭಾವಿಸಿದಾಗ ಸಮಕಾಲೀನವಾದ ಅದರ ರೂಪಗಳು, ಅವಸ್ಥಾಂತರಗಳ ಕಡೆ ನಮ್ಮ ಗಮನ ಹೊರಳುತ್ತದೆ.ವರ್ತಮಾನದಿಂದ ಭೂತದ ಕಡೆಗೆ ನಾವು ಚಲಿಸುತ್ತೇವೆ. ಈಗಿನ ನಮ್ಮ ಸ್ಥಿತಿ, ಗತಿ, ಅವಸ್ಥೆಗಳು ಏಕೆ ಹೀಗಿದೆ ಎಂಬುದನ್ನು ಹಿಂದಕ್ಕೆ ಹೋಗಿ ತಿಳಿದುಕೊಳ್ಳುತ್ತೇವೆ. ಮನು ಎಸ್‌ ದೇವದೇವನ್‌, ಆಶೀಶ್‌ ನಂದಿ, ಶಿವ ವಿಶ್ವನಾಥನ್‌ ಅಂಥವರು ಈ ಹಾದಿ ಹಿಡಿದು ವಿಜ್ಞಾನ, ಸಮಾಜಶಾಸ್ತ್ರ, ರಾಜಕೀಯ ಶಾಸ್ತ್ರ , ಮಾನವ ಶಾಸ್ತ್ರ ವನ್ನು ರಚಿಸುತ್ತಾರೆ. ಇತಿಹಾಸದ ಈ ಪ್ರಕ್ರಿಯಾತ್ಮಕ ಚಲನೆಗಳನ್ನು ಗುರುತಿಸುವ, ಇದನ್ನು ಸಮಾಜದ ಅರಿವಿನ ಭಾಗವಾಗಿಸುವ ಕಾರ್ಯಕ್ಕೆ ಬೇಕಾದ ಸಾಮಗ್ರಿ ಮತ್ತು ಕೈಸನ್ನೆಗಳನ್ನು ಶೆಟ್ಟರ್‌ ತೋರಿಸಿದ್ದಾರೆ. ಕನ್ನಡ ಜನಮಾನಸ ಶೆಟ್ಟರ್‌ ಅವರಿಂದ ಪಡೆಯಬೇಕಾದ ನಿಧಿ ಇದೇ ಆಗಿದೆ. ಹಂಪಸಾಗರದಿಂದ ಕೇಂಬ್ರಿಡ್ಜ್‌ ತನಕ ಬಳ್ಳಾರಿ ಜಿಲ್ಲೆಯ ಹಗರಿಬೊಮ್ಮನಹಳ್ಳಿ ತಾಲೂಕಿನ ಹಂಪಸಾಗರದಲ್ಲಿ ಹುಟ್ಟಿದ ಶೆಟ್ಟರ್‌, ಪ್ರಾಥಮಿಕ ಶಿಕ್ಷಣವನ್ನು ಸ್ವ ಗ್ರಾಮದಲ್ಲಿಪೂರೈಸಿದರು. ಆನಂತರ ಉನ್ನತ ವ್ಯಾಸಂಗವನ್ನು ಮೈಸೂರು, ಧಾರವಾಡ ಮತ್ತು ಕೇಂಬ್ರಿಡ್ಜ್‌ ವಿವಿಗಳಲ್ಲಿಪಡೆದರು. ಇತಿಹಾಸ, ಶಾಸನಶಾಸ್ತ್ರ, ಮಾನವಶಾಸ್ತ್ರ, ಕಲೆ, ದರ್ಶನ ಮೊದಲಾದ ವಿಷಯಗಳಲ್ಲಿಅವರು ಆಳವಾದ ಪಾಂಡಿತ್ಯ ಗಳಿಸಿದ್ದರು. ಮೊದ ಮೊದಲು ಇಂಗ್ಲಿಷ್‌ನಲ್ಲಿಹೆಚ್ಚು ಬರೆಯುತ್ತಿದ್ದ ಶೆಟ್ಟರ್‌ ಅವರನ್ನು ಕನ್ನಡ ಬರವಣಿಗೆ ಮಾಡಲು ಶಂಕರ್‌ ಮೊಕಾಶಿ ಪುಣೇಕರ್‌ ಪ್ರೇರಣೆ ನೀಡಿದರು. ಆ ದಿನಗಳು ಷ.ಶೆಟ್ಟರ್‌ 2ನೇ ತರಗತಿಯಲ್ಲಿದ್ದಾಗ ಭಾರತ ಬಿಟ್ಟು ತೊಲಗಿ ಚಳವಳಿ ನಡೆಯುತ್ತಿತ್ತು. 1942ಲ್ಲಿ ಒಮ್ಮೆ ಶಾಲೆಯಿಂದ ಮನೆ ಬರುವಾಗ ಊರ ಮಧ್ಯ ನಿರ್ಮಿಸಿದ್ದ ಬೆಂಕಿ ಕಟ್ಟೆಯಲ್ಲಿ ವಿದೇಶಿ ವಸ್ತುಗಳನ್ನು ಬೆಂಕಿ ಹಾಕುತ್ತಿದ್ದುದನ್ನು ಕಂಡು ತಮ್ಮ ಅಂಗಿಯನ್ನ ಬಿಚ್ಚಿ ಅದರಲ್ಲಿ ಹಾಕಿ ಬರಿ ಮೈನಲ್ಲಿ ಮನೆಗೆ ಬಂದಿದ್ದರಂತೆ! ಇದನ್ನು ಕಂಡು ಕೋಪಗೊಂಡ ಅವರ ತಂದೆ ಅಯ್ಯೋ ಮಗನೇ ಅದು ವಿದೇಶಿ ಅಲ್ಲ. ನಿಮ್ಮವ್ವ ನಿನಗಾಗಿ ನೆಯ್ದ ಖಾದಿ ಬಟ್ಟೆ ಎಂದು ತಪರಾಕಿ ಕೊಟ್ಟರಂತೆ. ತಮ್ಮ ಹುಟ್ಟೂರನ್ನು ಬಿಟ್ಟು ಮೈಸೂರು, ಧಾರವಾಡ, ಬೆಂಗಳೂರು ಮತ್ತು ಕೇಂಬ್ರಿಡ್ಜ್‌ನಲ್ಲಿ ನೆಲೆಕಂಡುಕೊಂಡಿದ್ದ ಅವರಿಗೆ ಹತ್ತಾರು ವರ್ಷಗಳ ನಂತರ ತಮ್ಮ ಹುಟ್ಟೂರಿನ ಜೀವದ ಬೇರುಗಳು ಬೆಸೆದುಕೊಂಡವು. ಆರು ವರ್ಷಗಳ ಹಿಂದೆ ಕಂಪ್ಲಿಯಲ್ಲಿ ನಡೆದ ಜಿಲ್ಲಾ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕೆ ಅವರು ಅಧ್ಯಕ್ಷರಾದರು. ತಮ್ಮ ಜಿಲ್ಲೆಯ ಚರಿತ್ರೆಯನ್ನು ಮರು ಅವಲೋಕನ ಮಾಡುವುದರ ಮೂಲಕ ಹುಟ್ಟಿದ ಊರಿಗೆ ವಿಶಿಷ್ಟ ಕಾಣಿಕೆ ಸಲ್ಲಿಸಿದರು. ಸರ್‌ಎಂವಿ ನೋಡಲು ಕ್ಲಾಸಿಗೆ ಚಕ್ಕರ್‌ತುಂಗಭದ್ರಾ ಅಣೆಕಟ್ಟು ವೀಕ್ಷಿಸಲು ಸರ್‌.ಎಂ.ವಿಶ್ವೇಶ್ವರಯ್ಯನವರು ಬಂದಾಗ, ಶಾಲೆಗೆ ಚಕ್ಕರ್‌ ಹೊಡೆದು ಮೂರು ಮೈಲು ಓಡುತ್ತಾ ಹೋಗಿ ಅವರನ್ನು ನೋಡಿದ್ದ ಶೆಟ್ಟರ್‌, ಹೈದ್ರಾಬಾದ್‌ ಕರ್ನಾಟಕ ವಿಮೋಚನೆಗೂ ಮುನ್ನ, ನಡೆದ ರಜಾಕಾರರ ಹಿಂಸಾಕಾಂಡಕ್ಕೆ ಬಲಿಯಾಗಿ ಮೂಗು, ಕಿವಿ, ಮೊಲೆ ಕಳೆದುಕೊಂಡ ಹಲವು ಮಹಿಳೆಯರನ್ನು ಹೊಸಪೇಟೆಯಲ್ಲಿ ಕಂಡು ಮಾತನಾಡಿಸಿದ್ದರಂತೆ. ಸರ್ದಾರ್‌ ವಲ್ಲಭಬಾಯ್‌ ಪಟೇಲ್‌ ಅವರು ಹೈದರಾಬಾದ್‌ ನಿಜಾಮನನ್ನು ಮಣಿಸಲು ಸೇನೆಯನ್ನು ರವಾನಿಸಿದ್ದರು. ತುಂಗಭದ್ರೆಯ ಆ ಪಕ್ಕ ಇದ್ದ ಮುನಿರಾಬಾದ್‌ನಲ್ಲಿ ಸಿಡಿಯುತ್ತಿದ್ದ ತೋಪುಗಳ ಸದ್ದು ತನ್ನಲ್ಲಿ ಮಾರ್ದನಿಸುತ್ತಿತ್ತು ಎಂದು ಅವರು ಹೇಳಿಕೊಂಡಿದ್ದಾರೆ. ಎಳೆಯರ ಬಗ್ಗೆ ಪ್ರೀತಿ80 ಹರೆಯದಲ್ಲೂ ಶೆಟ್ಟರ್‌ ಅವರದ್ದು ಕುಗ್ಗದ ಉತ್ಸಾಹ. ನ್ಯಾಸ್‌ನಲ್ಲಿ ಸಂಶೋಧಕರಾಗಿ ಕೆಲಸ ಮಾಡುತ್ತಿದ್ದ ಅವರು, ನಾಡು ನುಡಿ ವಿಷಯದ ಕುರಿತು ಅಚಲವಾದ ಬದ್ಧತೆಯನ್ನು ಹೊಂದಿದ್ದರು. ಕನ್ನಡ ಸಾಹಿತ್ಯ ಪರಿಷತ್‌ನ ಹೊಸ ಪ್ರಯೋಗ ಎಂದೆನಿಸಿದ ಅಖಿಲ ಭಾರತ ಹಳಗನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷರಾಗಿದ್ದರು. ಎಳೆಯರ ಜತೆ ನಿಕಟ ಒಟನಾಟ ಹೊಂದಿದ್ದ ಅವರು, ಏನನ್ನೇ ಕೇಳಿದರೂ ತಳಸ್ಪರ್ಶಿ ಎಂದೆನಿಸುವ ವಿವರಗಳನ್ನು ನೀಡುತ್ತಿದ್ದರು. ಕಿರಿಯರ ಬಗ್ಗೆ ಪ್ರೀತಿ ಮತ್ತು ಅಭಿಮಾನ ಮತ್ತು ತಿಳಿವನ್ನು ಹಂಚುವ ಸಂಭ್ರಮ ಅವರಲ್ಲಿಮನೆ ಮಾಡಿತ್ತು.

from India & World News in Kannada | VK Polls https://ift.tt/3aiDQ4L

ಭಯೋತ್ಪಾದಕ ರಾಷ್ಟ್ರ: ಪಾಕ್ ವಿರುದ್ಧ ತಿರುಗಿ ಬಿದ್ದ ಅಲ್ಪಸಂಖ್ಯಾತರು!

ಕರಾಚಿ: ಪಾಕಿಸ್ತಾನವನ್ನು ಎಂದು ಘೋಷಿಸುವಂತೆ ಒತ್ತಾಯಿಸಿ ಅಲ್ಲಿನ ಅಲ್ಪಸಂಖ್ಯಾತರು ವಿಶ್ವಸಂಸ್ಥೆಯ ಮಾನವ ಹಕ್ಕು ಆಯೋಗದ ಕಚೇರಿ ಎದುರು ಪ್ರತಿಭಟನೆ ನಡೆಸಿದ ಘಟನೆ ನಡೆದಿದೆ. ಭಯೋತ್ಪಾದನೆಯ ಜಾಗತಿಕ ತವರಾಗಿದ್ದು, ಇಲ್ಲಿನ ಸರ್ಕಾರ ಮತ್ತು ಸೇನೆಯೇ ಭಯೋತ್ಪಾದಕ ಸಂಘಟನೆಗಳಿಗೆ ಕುಮ್ಮಕ್ಕು ನೀಡುತ್ತಿದೆ ಎಂದು ಅಲ್ಲಿನ ಗಂಭೀರ ಆರೋಪ ಮಾಡಿದೆ. 9/11 ಭಯೋತ್ಪಾದಕ ದಾಳಿಯ ಬಳಿಕ ಪಾಕಿಸ್ತಾನದಲ್ಲಿ ಭಯೋತ್ಪಾದಕರು ಆಶ್ರಯ ಪಡೆದಿದ್ದು, ಅಫ್ಘಾನಿಸ್ತಾನದ ಗಡಿಗೆ ಹೊಂದಿಕೊಂಡಿರುವ ಪ್ರದೇಶಗಳಲ್ಲಿ ತಮ್ಮ ಚಟುವಟಿಕೆಯನ್ನು ಮುಂದುವರೆಸಿದ್ದಾರೆ ಎಂದು ಕಿಡಿಕಾರಿದ್ದಾರೆ. ಪಾಕಿಸ್ತಾನದಲ್ಲಿರುವ ಭಯೋತ್ಪಾದಕರು ದಾಳಿಯ ಯೋಜನೆ ರೂಪಿಸುವ, ಹಣಕಸು ನೆರವು ಪಡೆಯುವ ಹಾಗೂ ಸಶಕ್ತ ಸಂಘಟನೆ ಹೊಂದುವಷ್ಟರ ಮಟ್ಟಿಗೆ ಶಕ್ತಿಶಾಲಿಗಳಾಗಿದ್ದು, ಇದಕ್ಕೆ ಸರ್ಕಾರ ಹಾಗೂ ಸೇನೆಯ ನೆರವು ಕೂಡ ಇದೆ ಎಂದು ಪ್ರತಿಭಟನಾಕಾರರು ಹರಿಹಾಯ್ದಿದ್ದಾರೆ. ಇಷ್ಟೇ ಅಲ್ಲದೇ ಈ ಭಯೋತ್ಪಾದಕ ಸಂಗಟನೆಗಳು ಪಾಕಿಸ್ತಾನದ ಅಲ್ಪಸಂಖ್ಯಾತ ಸಮುದಾಯದ ಮೇಲೆ ಯುದ್ಧವನ್ನೇ ಸಾರಿದ್ದು, ಕೊಲೆ, ಸುಲಿಗೆ ಹಾಗೂ ಅತ್ಯಾಚಾರಗಳಂತ ಭಿಭತ್ಸ್ ಘಟನೆಗಳಿಂದ ಸಮುದಾಯ ನುಲುಗಿದೆ ಎಂದು ಅಳಲು ತೋಡಿಕೊಂಡಿದ್ದಾರೆ. ಒಟ್ಟನಲ್ಲಿ ಪಾಕ್ ಸರ್ಕಾರದ ವಿರುದ್ಧ ಅಲ್ಲಿನ ಅಲ್ಪಸಂಖ್ಯಾತರು ಭಯೋತ್ಪಾದನೆಗೆ ಆಶ್ರಯ ನೀಡುವ ಗಂಭೀರ ಆರೋಪ ಹೊರಿಸಿದ್ದು, ವಿಶ್ವಸಂಸ್ಥೆಯ ಮಾನವ ಹಕ್ಕುಳ ಆಯೋಗದ ಕಚೇರಿ ಎದುರೇ ಪ್ರತಿಭಟನೆ ನಡೆಸಿದ್ದು ಪಾಕ್ ಸರ್ಕಾರವನ್ನು ಜಾಗತಿಕವಾಗಿ ಮುಜುಗರಕ್ಕೀಡು ಮಾಡಿರುವುದು ಸುಳ್ಳಲ್ಲ.

from India & World News in Kannada | VK Polls https://ift.tt/2I85jKl

ಬಿಎಸ್‌ವೈ ಬಜೆಟ್‌ 2020: ಸಮಾಜ ಕಲ್ಯಾಣ ಇಲಾಖೆಗೆ 'ಕಲ್ಯಾಣ'ದ್ದೇ ನಿರೀಕ್ಷೆ!

ಸರಕಾರಗಳು ಆಗಿರುವ ತಪ್ಪುಗಳನ್ನು ತಿದ್ದಿಕೊಂಡು ಹೆಜ್ಜೆ ಹಾಕಿದರೆ ಮುಂದಿನ ದಿನಗಳಲ್ಲಾದರೂ ಸಮಾಜ ಕಲ್ಯಾಣ ನಿರೀಕ್ಷಿಸಬಹುದು. - ಹಾಸ್ಟೆಲ್‌ಗಳ ಸಮಗ್ರ ಸುಧಾರಣೆಗೆ ಕ್ರಿಯಾ ಯೋಜನೆ ರೂಪಿಸುವುದು ತುರ್ತು ಅಗತ್ಯವಿದೆ. - ಸಮಾಜ ಕಲ್ಯಾಣ ಇಲಾಖೆಯಲ್ಲಿಎಸ್‌ಸಿ, ಎಸ್‌ಟಿ, ಒಬಿಸಿ, ಅಲ್ಪಸಂಖ್ಯಾತರೆಂದು ವಿಭಜಿಸಿರುವಂತೆ ಸೂಕ್ಷ್ಮ ಮತ್ತು ಅತಿ ಸೂಕ್ಷ್ಮ ಅಲೆಮಾರಿಗಳನ್ನು ಗುರುತಿಸಬೇಕು. ಇದಕ್ಕಾಗಿ ಆಯೋಗ ರಚಿಸಬೇಕು. - ಆದಿವಾಸಿಗಳ ಜನಸಂಖ್ಯೇ ದಿನೇ ದಿನೆ ಕಡಿಮೆಯಾಗುತ್ತಿರುವುದು ಆತಂಕದ ಬೆಳವಣಿಗೆ. ಅಲ್ಲಿಯೂ ಸಹ ಬಹುಸಂಖ್ಯಾತರು ಎಲ್ಲಾ ಸೌಲಭ್ಯ ಅನುಭವಿಸುತ್ತಿದ್ದಾರೆ. ಸರಕಾರದ ಸೌಲಭ್ಯಗಳು ಈ ಸಮುದಾಯದ ಎಲ್ಲಾ ಜನರಿಗೂ ತಲುಪಬೇಕಾದರೆ ಪ್ರತ್ಯೇಕತೆ ಆಗಬೇಕಿದೆ. - ಅನುಭವಿಗಳು, ತಜ್ಞರನ್ನು ಕರೆಸಿ ಚರ್ಚಿಸಿದರೆ ಇಲಾಖೆಯ ಕಾರ್ಯಕ್ರಮಗಳು ತಳಸಮುದಾಯದ ತಲುಪಬಹುದು. - ಎಸ್‌ಸಿಪಿ/ಟಿಎಸ್‌ಪಿ ಮೀಸಲು ಹಣವನ್ನು ಯಾವುದೇ ಕಾರಣಕ್ಕೂ ಇತರೆ ಉದ್ದೇಶಗಳಿಗೆ ಬಳಸಬಾರದು. - ದಲಿತರ ಹೆಸರಲ್ಲಿಸಾವಿರಾರು ಕೋಟಿ ರೂ. ಇತರೆಡೆ ಡೈವರ್ಟ್‌ ಆಗುತ್ತಿದ್ದು ಇದನ್ನು ತಪ್ಪಿಸಲು ಕ್ರಮವಹಿಸಬೇಕು. - ಅನುದಾನ ಎಲ್ಲಾ ಹಿಂದುಳಿದ ವರ್ಗಗಳಿಗೂ ತಲುಪಬೇಕಾದರೆ ಒಳ ವರ್ಗೀಕರಣ ಆಗಲೇಬೇಕಿದೆ. ಸಮಾಜ ಕಲ್ಯಾಣ ಇಲಾಖೆಯ ಅನುದಾನ ಅರ್ಹ, ನೈಜ ಫಲಾನುಭವಿಗಳನ್ನು ತಲುಪುತ್ತಿಲ್ಲ. ಬಹುತೇಕ ಅನುದಾನವನ್ನು ದೊಡ್ಡ ದೊಡ್ಡ ಸಮುದಾಯಗಳೇ ಕಬಳಿಸುತ್ತಿವೆ. ಈ ನಿಟ್ಟಿನಲ್ಲಿ ಚಿಂತನೆ ನಡೆಸಿ ಇಡೀ ಇಲಾಖೆಯ ಯೋಜನೆ, ಕಾರ್ಯಕ್ರಮಗಳ ಪರಾಮರ್ಶೆ ಮಾಡಬೇಕು. - ಡಾ. ಸಿ.ಎಸ್‌.ದ್ವಾರಕನಾಥ್‌, ಹಿಂದುಳಿದ ವರ್ಗಗಳ ಆಯೋಗದ ಮಾಜಿ ಅಧ್ಯಕ್ಷ ದೇಶದ ಅಭಿವೃದ್ಧಿಯಲ್ಲಿ ಶಿಕ್ಷಣ ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ಹಾಗಾಗಿ ಈ ವಲಯಕ್ಕೆ ಹೆಚ್ಚಿನ ಅನುದಾನ ನಿರೀಕ್ಷಿತ. ಆದರೆ, ಬದಲಾದ ಆರ್ಥಿಕ ಸನ್ನಿವೇಶದಲ್ಲಿ ಅನುದಾನ ಕಡಿತವಾದದ್ದಿದೆ. ಆದರೆ, ಈ ಬಾರಿಯ ಬಜೆಟ್‌ನಲ್ಲಿ ಹೆಚ್ಚಿನ ಹಣವನ್ನು ನಿರೀಕ್ಷೆ ಮಾಡಬಹುದು.

from India & World News in Kannada | VK Polls https://ift.tt/2vpUZdT

ಬಿಎಸ್‌ವೈ ಬಜೆಟ್‌ 2020: ಮಕ್ಕಳ ಬಜೆಟ್‌ ಸಾಕಾರವಾಗುವುದೇ? ಶಿಕ್ಷಣ ಕ್ಷೇತ್ರದ ನಿರೀಕ್ಷೆಗಳೇನು?

ಸಿಎಂ ಬಿಎಸ್‌ ಯಡಿಯೂರಪ್ಪ ಅವರು ಮಂಡಿಸುತ್ತಿರು ಆಯವ್ಯಯ ಪತ್ರದಿಂದ ಶೀಕ್ಷಣ ಕ್ಷೇತ್ರ ಏನೇನು ನಿರೀಕ್ಷಿಸುತ್ತಿದೆ? ಇಲ್ಲಿದೆ ಪಟ್ಟಿ- ಈ ಬಾರಿ ಮಕ್ಕಳ ವಿಶೇಷ ಆಯವ್ಯಯವನ್ನು ಮಂಡಿಸಬೇಕು. - ಶಾಲಾ ಶಿಕ್ಷಣಕ್ಕೆ ಈ ಬಾರಿಯ ಬಜೆಟ್‌ನಲ್ಲಿ ಶೇ.20ರಷ್ಟು ಅನುದಾನ ಮೀಸಲಿಡಬೇಕು. - ಗ್ರಾಮೀಣ ಸರಕಾರಿ ಶಾಲೆಗಳಿಗೆ ಸಮರ್ಥ ಅಂಗ್ಲ ಶಿಕ್ಷಕರನ್ನು ನೇಮಿಸುವ ಬಗ್ಗೆ ಆಯ-ವ್ಯಯದಲ್ಲಿಘೋಷಿಸಬೇಕು. - ಕನ್ನಡ ಶಾಲೆಗಳಲ್ಲಿಆಂಗ್ಲಮಾಧ್ಯಮ ತರಗತಿಗಳನ್ನು ಪ್ರಾರಂಭಿಸುವ ನಿರ್ಧಾರವನ್ನು ಕೈಬಿಡಬೇಕು. - ಶಿಶುಪಾಲನೆಯಿಂದ 12 ನೇ ತರಗತಿವರೆಗೆ ಶಿಕ್ಷಣದಲ್ಲಿ ಖಾಸಗೀಯವರ ಪ್ರವೇಶ ಹಾಗೂ ಹೂಡಿಕೆಯನ್ನು ರದ್ದುಪಡಿಸಬೇಕು. - ಖಾಸಗಿ ಅನುದಾನಿತ ಸಂಸ್ಥೆಗಳ ಶಿಕ್ಷಣ ಹಕ್ಕು ಕಾಯ್ದೆ (ಆರ್‌ಟಿಇ) ಶುಲ್ಕ ಮರುಪಾವತಿಗೆ ಸುಮಾರು 1,500 ಕೋಟಿ ರೂ. ಅನುದಾನ. - ಖಾಸಗಿ ಶಿಕ್ಷಣ ಸಂಸ್ಥೆಗಳ ಸುರಕ್ಷತೆಗಾಗಿ ಪ್ರತ್ಯೇಕ ಮಸೂದೆ ಜಾರಿಗೆ ತರಬೇಕು. - ರಾಜ್ಯದ ಸರಕಾರಿ ಪದವಿ ಮತ್ತು ಪ್ರಥಮ ದರ್ಜೆ ಕಾಲೇಜುಗಳ ಅಧ್ಯಾಪಕರ 'ವರ್ಗಾವಣೆ ಕೌನ್ಸೆಲಿಂಗ್‌' ಕಾಯ್ದೆಗೆ ತಿದ್ದುಪಡಿ ಮಾಡಿ ಜಾರಿಗೆ ತರಬೇಕು. ಸರಕಾರಿ ಶಾಲೆಗಳು ಸಬಲೀಕರಣಗೊಂಡರೆ, ಪೋಷಕರು ಮಕ್ಕಳನ್ನು ಈ ಶಾಲೆಗಳಿಗೆ ಸೇರಿಸುತ್ತಾರೆ. ದೆಹಲಿಯ ಸರಕಾರಿ ಶಾಲೆಗಳಲ್ಲಿಈ ಸಂಗತಿ ನಿಜವಾಗಿದೆ. ಆದ್ದರಿಂದ ಪ್ರಾಥಮಿಕ ಶಿಕ್ಷಣದ ಸಮಗ್ರ ಅಭಿವೃದ್ಧಿಗೆ ಈ ಬಾರಿಯ ಬಜೆಟ್‌ನಲ್ಲಿಶೇ.20ರಷ್ಟು ಅನುದಾನ ಮೀಸಲಿಡಬೇಕು. - ಡಾ.ನಿರಂಜನಾರಾಧ್ಯ, ಶಿಕ್ಷಣ ತಜ್ಞ

from India & World News in Kannada | VK Polls https://ift.tt/32A9Tul

ದ್ವಿತೀಯ ಟೆಸ್ಟ್‌: ಮೊದಲ ಇನಿಂಗ್ಸ್‌ನಲ್ಲಿ 242ಕ್ಕೆ ಟೀಮ್‌ ಇಂಡಿಯಾ ಆಲ್‌ಔಟ್‌!

ಕ್ರೈಸ್ಟ್‌ಚರ್ಚ್‌: ಮೊದಲ ಪಂದ್ಯದಲ್ಲಿ ಮಾಡಿದ ತಪ್ಪುಗಳನ್ನು ಕೊಂಚ ತಿದ್ದುಕೊಂಡಂತೆ ಕಂಡ ಸುಧಾರಿತ ಬ್ಯಾಟಿಂಗ್‌ ಪ್ರದರ್ಶನ ನೀಡಿತಾದರೂ, ಇಲ್ಲಿನ ಹ್ಯಾಗ್ಲೀ ಓವಲ್‌ ಕ್ರೀಡಾಂಗಣದಲ್ಲಿ ಶುರುವಾದ ಎರಡನೇ ಟೆಸ್ಟ್‌ನಲ್ಲಿ 63 ಓವರ್‌ಗಳಲ್ಲಿ 242ಕ್ಕೆ ಆಲ್‌ಔಟ್‌ ಆಗಿದೆ. ವೆಲ್ಲಿಂಗ್ಟನ್‌ ಟೆಸ್ಟ್‌ ಪಂದ್ಯದ ಎರಡೂ ಇನಿಂಗ್ಸ್‌ಗಳಲ್ಲಿ ಭಾರತ ತಂಡ 200 ರನ್‌ ಗಡಿ ದಾಟಿರಲಿಲ್ಲ. ಆದರೆ, ಕ್ರೈಸ್ಟ್‌ಚರ್ಚ್‌ನಲ್ಲಿ (54), ಚೇತೇಶ್ವರ್‌ ಪೂಜಾರ (54) ಹಾಗೂ ಹನುಮ ವಿಹಾರಿ (55) ದಾಖಲಿಸಿದ ಜವಾಬ್ದಾರಿಯುತ ಬ್ಯಾಟಿಂಗ್‌ ನೆರವಿನಿಂದ ವೇಗದ ಬೌಲರ್‌ಗಳ ಸ್ವರ್ಗ ಎನಿಸಿರುವ ಗ್ರೀನ್‌ ಟ್ರ್ಯಾಕ್‌ ಪಿಚ್‌ನಲ್ಲಿ 250ರ ಗಡಿ ಮುಟ್ಟಿತು. ಭೋಜನ ವಿರಾಮಕ್ಕೂ ಮುನ್ನ 2 ವಿಕೆಟ್‌ ನಷ್ಟದಲ್ಲಿ 85 ರನ್‌ ಗಳಿಸಿದ್ದ ಟೀಮ್‌ ಇಂಡಿಯಾ ಉತ್ತಮ ಸ್ಥಿತಿಯಲ್ಲಿತ್ತು. ಆದರೆ, ನಾಯಕ ವಿರಾಟ್‌ ಕೊಹ್ಲಿ (3) ಸೇರಿದಂತೆ ಮಧ್ಯಮ ಕ್ರಮಾದಲ್ಲಿನ ಬ್ಯಾಟ್ಸ್‌ಮನ್‌ಗಳ ವೈಫಲ್ಯದಿಂದ ದೊಡ್ಡ ಮೊತ್ತ ಪೇರಿಸುವಲ್ಲಿ ವಿಫಲವಾಯಿತು. ಪೃಥ್ವಿ ಸ್ಫೋಟಕ ಬ್ಯಾಟಿಂಗ್‌ಸರಣಿಯಲ್ಲಿ ಮತ್ತೊಮ್ಮೆ ಟಾಸ್‌ ಸೋತು ಮೊದಲು ಬ್ಯಾಟ್‌ ಮಾಡುವಂತಾದ ಭಾರತ ತಂಡದ ಪರ ಓಪನರ್‌ ಪೃಥ್ವಿ ಶಾ ಆರಂಭದಿಂದಲೂ ಹೊಡಿಬಡಿಯ ಆಟಕ್ಕೆ ಮುಂದಾದರು. ಆದರೆ. 11 ಎಸೆತಗಳಲ್ಲಿ 7 ರನ್‌ ಗಳಿಸಿ ಎಚ್ಚರಿಕೆಯ ಬ್ಯಾಟಿಂಗ್‌ ನಡೆಸುತ್ತಿದ್ದ ಮಯಾಂಕ್‌ ಅಗರ್ವಾಲ್‌ ಎಡಗೈ ವೇಗಿ ಟ್ರೆಂಟ್‌ ಬೌಲ್ಟ್‌ ಅವರ ಬೌಲಿಂಗ್‌ನಲ್ಲಿ ಎಲ್‌ಬಿಡಬ್ಲ್ಯು ಬಲೆಗೆ ಬಿದ್ದರು. ಆದರೆ, ಬಿರುಸಿನ ಬ್ಯಾಟಿಂಗ್‌ ಮುಂದುವರಿಸಿದ ಪೃಥ್ವಿ ಶಾ 61 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿದರು. ಅದರಲ್ಲೂ 47 ರನ್‌ ಗಳಿಸಿದ್ದಾಗ ಸಿಕ್ಸರ್‌ ಬಾರಿಸಿ ವಿದೇಶಿ ನೆಲದಲ್ಲಿ ತಮ್ಮ ಚೊಚ್ಚಲ ಫಿಫ್ಟಿ ಸಿಡಿಸಿದರು. ಆದರೆ, ಅದೇ ಓವರ್‌ನಲ್ಲಿ ಸ್ಲಿಪ್‌ ವಿಭಾಗದಲ್ಲಿ ಟಾಮ್‌ ಲೇಥಮ್‌ ಪಡೆದ ಸ್ಟನ್ನಿಂಗ್‌ ಕ್ಯಾಚ್‌ಗೆ ಪೃಥ್ವಿ ಪೆವಿಲಿಯನ್‌ ಸೇರುವಂತಾಯಿತು. ಪೂಜಾರ, ವಿಹಾರಿ ಅರ್ಧಶತಕದ ಆಸರೆಭೋಜನ ವಿರಾಮದ ಬಳಿಕ ಟೀಮ್‌ ಇಂಡಿಯಾ ಬ್ಯಾಟಿಂಗ್‌ ಹಳ್ಳ ಹಿಡಿಯಿತು. ಕ್ಯಾಪ್ಟನ್‌ ವಿರಾಟ್‌ ಕೊಹ್ಲಿ, ಕೇವಲ ಮೂರು ರನ್‌ ಸಂಪಾದನೆಗೆ ಸುಸ್ತಾದರು. ಇದರ ಬೆನ್ನಲ್ಲೇ ಉಪನಾಯಕ ಅಜಿಂಕ್ಯ ರಹಾನೆ ಕೂಡ 7 ರನ್‌ಗಳಿಸಿ ನಿರ್ಗಮಿಸಿದರು. ಭಾರತ ತಂಡದ ನಾಯಕ ಮತ್ತು ಉಪನಾಯರಿಬ್ಬರಿಗೂ ಕಿವೀಸ್‌ನ ಅನುಭವಿ ವೇಗಿ ಟಿಮ್‌ ಸೌಥೀ ಪೆವಿಲಿಯನ್‌ ದಾರಿ ತೋರಿಸಿದರು. ಆದರೆ 5ನೇ ವಿಕೆಟ್‌ಗೆ ಜೊತೆಯಾದ ಚೇತೇಶ್ವರ್‌ ಪೂಜಾರ ಮತ್ತು ಹನುಮ ವಿಹಾರಿ 129 ಎಸೆತಗಳಲ್ಲಿ 81 ರನ್‌ಗಳ ಜೊತೆಯಾಟದ ಮೂಲಕ ಚೇತರಿಕೆ ನೀಡಿದರು. ತಾಳ್ಮೆಯ ಮೂರ್ತಿಯಂತೆ ನಿಂತು ರನ್‌ ಹೆಕ್ಕಿದ ಪೂಜಾರ 140 ಎಸೆತಗಳಲ್ಲಿ 6 ಫೋರ್‌ನೊಂದಿಗೆ 54 ರನ್‌ ಗಳಿಸಿ, ಕೈಲ್‌ ಜೇಮಿಸನ್‌ಗೆ ವಿಕೆಟ್‌ ಒಪ್ಪಿಸಿದರು. ಮತ್ತೊಂದೆಡೆ 70 ಎಸೆತಗಳಲ್ಲಿ 10 ಫೋರ್‌ಗಳೊಂದಿಗೆ 55 ರನ್‌ ಗಳಿಸಿದ್ದ ಹನುಮ ವಿಹಾರಿ ಅವರನ್ನು ನೈಲ್‌ ವ್ಯಾಗ್ನರ್‌ ಔಟ್‌ಮಾಡುವಲ್ಲಿ ಯಶಸ್ವಿಯಾದರು. ಇನ್ನು 6.8 ಅಡಿ ಎತ್ತರದ ಬಲಗೈ ವೇಗಿ ಕೈಲ್‌ ಜೇಮಿಸನ್‌ ಬೌಲಿಂಗ್‌ಗೆ ಬೆಚ್ಚಿದ ಭಾರತದ ಟೇಲೆಂಡರ್‌ಗಳು ಪೆವಿಲಿಯನ್‌ ಪರೇಡ್‌ ನಡೆಸಿದರು. ವೃತ್ತಿ ಬದುಕಿನ 2ನೇ ಟೆಸ್ಟ್‌ ಆಡುತ್ತಿರುವ ಜೇಮಿಸನ್, 45ಕ್ಕೆ 5 ವಿಕೆಟ್‌ ಪಡೆದು ವೃತ್ತಿ ಬದುಕಿನ ಚೊಚ್ಚಲ 5 ವಿಕೆಟ್‌ ಸಂಪಾದನೆಯೊಂದಿಗೆ ಶ್ರೇಷ್ಠ ಬೌಲಿಂಗ್‌ ಪ್ರದರ್ಶನ ನೀಡಿದರು. ಟೀಮ್‌ ಇಂಡಿಯಾದಲ್ಲಿ ಎರಡು ಬದಲಾವಣೆ ನಿರೀಕ್ಷೆಯಂತೆ ಭಾರತ ತಂಡ ಎರಡು ಬದಲಾವಣೆಯೊಂದಿಗೆ ಕಣಕ್ಕಿಳಿಯಿತು. ಪಾದದ ಗಾಯದ ಸಮಸ್ಯೆ ಎದುರಿಸಿರುವ ಅನುಭವಿ ವೇಗಿ ಇಶಾಂತ್‌ ಶರ್ಮಾ ಅವರ ಸ್ಥಾನದಲ್ಲಿ ಉಮೇಶ್‌ ಯಾದವ್‌ ಕಣಕ್ಕಿಳಿದರೆ, ಆಫ್‌ ಸ್ಪಿನ್ನರ್‌ ರವಿಚಂದ್ರನ್‌ ಅಶ್ವಿನ್‌ ಅವರ ಬದಲಿಗೆ ಆಲ್‌ರೌಂಡರ್‌ ರವೀಂದ್ರ ಜಡೇಜಾ ಅವರಿಗೆ ಅವಕಾಶ ನೀಡಲಾಯಿತು.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2wbOnzY

ಕನ್ಹಯ್ಯಾ ವಿರುದ್ಧದ ದೇಶದ್ರೋಹದ ಪಕ್ರರಣದ ವಿಚಾರಣೆಗೆ ಸೈ ಎಂದ ಆಪ್ ಸರ್ಕಾರ!

ನವದೆಹಲಿ: ಮಹತ್ವದ ಬೆಳವಣಿಗೆಯೊಂದರಲ್ಲಿ ಜೆಎನ್'ಯು ವಿದ್ಯಾರ್ಥಿ ಸಂಘದ ಮಾಜಿ ಅಧ್ಯಕ್ಷ, ಸಿಪಿಐ ನಾಯಕ ವಿರುದ್ಧದ ದೇಶದ್ರೋಹ ಪ್ರಕರಣದ ವಿಚಾರಣೆಗೆ ಅರವಿಂದ್ ಕೇಜ್ರಿವಾಲ್ ನೇತೃತ್ವದ ಗ್ರೀನ್ ಸಿಗ್ನಲ್ ಕೊಟ್ಟಿದೆ. ಕನ್ಹಯ್ಯಾ ವಿರುದ್ಧದ ವಿಚಾರಣೆಗೆ ಸೈ ಎಂದಿರುವ ಆಪ್ ಸರ್ಕಾರ ಪ್ರಾಸಿಕ್ಯೂಶನ್ ವಕೀಲರನ್ನೂ ಕೂಡ ನೇಮಕ ಮಾಡಿದೆ. ಈ ಮೂಲಕ ಇದೇ ಮೊದಲ ಬಾರಿಗೆ ಕನ್ಹಯ್ಯಾ ಕುಮಾರ್ ವಿರುದ್ಧದ ದೇಶದ್ರೋಹದ ಪ್ರಕರಣ ನ್ಯಾಯಾಯಲಯದಲ್ಲಿ ವಿಚಾರಣೆಗೆ ಬರಲಿದೆ. ಇನ್ನು ತಮ್ಮ ವಿರುದ್ಧದ ದೇಶದ್ರೋಹ ಪ್ರಕರಣದ ವಿಚಾರಣೆಯನ್ನು ಸ್ವಾಗತಿಸಿರುವ ಕನ್ಹಯ್ಯಾ ಕುಮಾರ್, ಈ ಕಾರಣಕ್ಕೆ ದೆಹಲಿ ಸರ್ಕಾರಕ್ಕೆ ಧನ್ಯವಾದ ಸಲ್ಲಿಸುವುದಾಗಿ ತಿಳಿಸಿದ್ದಾರೆ. ಈ ಕುರಿತು ಟ್ವೀಟ್ ಮಾಡಿರುವ ಕನ್ಹಯ್ಯಾ ಕುಮಾರ್, ವಿಚಾರಣೆಗೆ ಸಮ್ಮತಿಸಿದ ಆಪ್ ಸರ್ಕಾರಕ್ಕೆ ಧನ್ಯವಾದಗಳು. ವಿಚಾರಣೆಯನ್ನು ತ್ವರಿತ ನ್ಯಾಯಾಲಯದಲ್ಲಿ ನಡೆಸುವಂತೆ ಆಪ್ ಸರ್ಕಾರಕ್ಕೆ ಮನವಿ ಮಾಡುತ್ತಿದ್ದು, ಶೀಘ್ರ ನ್ಯಾಯ ದೊರೆಯುವ ಭರವಸೆ ಇದೆ ಎಂದು ಹೇಳಿದ್ದಾರೆ. ಸರ್ಕಾರಗಳು ದೇಶದ್ರೋಹ ಕಾನೂನನ್ನು ದುರ್ಬಳಕೆ ಮಾಡಿಕೊಳ್ಳುತ್ತಿದ್ದು, ಈ ವಿಚಾರಣೆಯ ಮೂಲಕ ಇದಕ್ಕೆ ಬ್ರೇಕ್ ಬಿದ್ದರೆ ತಮಗೆ ಅದಕ್ಕಿಂತ ಆನಂದ ಮತ್ತೊಂದಿಲ್ಲ ಎಂದು ಕನ್ಹಯ್ಯಾ ಕುಮಾರ್ ಟ್ವೀಟ್ ಮಾಡಿದ್ದಾರೆ. 2016ರ ಫೆಬ್ರವರಿಯಲ್ಲಿ ಜೆಎನ್'ಯು ಕ್ಯಾಂಪಸ್'ನಲ್ಲಿ ಮಾತನಾಡಿದ್ದ ಕನ್ಹಯ್ಯಾ ಕುಮಾರ್ ಹಾಗೂ ಬೆಂಬಲಿಗರು ದೇಶದ ವಿರುದ್ಧ ಘೋಷಣೆ ಕೂಗಿದ ಆರೋಪ ಕೇಳಿ ಬಂದಿತ್ತು. ವಿಚಿತ್ರ ಎಂದರೆ ಕನ್ಹಯ್ಯಾ ಕುಮಾರ್ ಅವರ ಅಂದಿನ ಭಾಷಣವನ್ನು ಖುದ್ದು ಅರವಿಂದ್ ಕೇಜ್ರಿವಾಲ್ ಶ್ಲಾಘಿಸಿದ್ದರು. ಇದೀಗ ಕನ್ಹಯ್ಯಾ ವಿರುದ್ಧದ ದೇಶದ್ರೋಹದ ಪ್ರಕರಣದ ವಿಚಾರಣಗೆ ಮುಂದಾಗಿರುವುದು ಕುತೂಹಲ ಮೂಡಿಸಿದೆ.

from India & World News in Kannada | VK Polls https://ift.tt/2Tcz577

ವೇದಿಕೆ ಮೇಲೆ ಒಟ್ಟಾಗಿ ಚಿಕನ್ ತಿಂದ ಸಚಿವರು: ಕಾರಣ ಕೇಳಿದರೆ ಹೀಗಂದರು!

ಹೈದರಾಬಾದ್: ಇಡೀ ಜಗತ್ತನ್ನೇ ತಲ್ಲಣಗೊಳಿಸಿರುವ ಮಾರಕ ಕೊರೊನಾ ವೈರಸ್ ಭಾರತವನ್ನೂ ಕಾಡುತ್ತಿರುವುದು ಸುಳ್ಳಲ್ಲ. ಕೊರೊನಾ ವೈರಸ್ ಭಿತಿಯಲ್ಲೇ ದಿನದೂಡುತ್ತಿರುವ ಭಾರತೀಯರು, ಈ ನಿಟ್ಟಿನಲ್ಲಿ ಜಾಗೃತರಾಗಿದ್ದಾರೆ. ಆದರೆ ಕೊರೊನಾ ವೈರಸ್ ಹರಡುವ ಸಾಧ್ಯತೆಗಳ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ತರಹೇವಾರಿ ಭೀತಿಯ ಸುದ್ದಿಗಳು ಹರಿದಾಡುತ್ತಿವೆ. ಪ್ರಮುಖವಾಗಿ ತಿನ್ನುವುದರಿಂದ ಕೊರೊನಾ ವೈರಸ್ ಹರಡುತ್ತದೆ ಎಂಬ ಗಾಳಿ ಸುದ್ದಿ ಜನರನ್ನು ಭಯಭೀತರನ್ನಾಗಿ ಮಾಡಿದೆ. ಚಿಕನ್ ತಿನ್ನುವುದರಿಂದ ಕೊರೊನಾ ವೈರಸ್ ಹರಡುತ್ತದೆ ಎಂಬ ಈ ಗಾಳಿ ಸುದ್ದಿಯಿಂದಾಗಿ ಕುಕ್ಕುಟ ವ್ಯಾಪಾರದ ಮೇಲೆ ಭಾರೀ ದುಷ್ಪರಿಣಾಮ ಬೀರಿದೆ. ಕರ್ನಾಟಕವೂ ಸೇರಿದಂತೆ ಹಲವು ರಾಜ್ಯಗಳಲ್ಲಿ ಚಿಕನ್ ಮಾರಾಟ ಕುಂಠಿತಗೊಂಡಿದೆ. ಈ ಹಿನ್ನೆಲೆಯಲ್ಲಿ ಚಿಕನ್ ತಿನ್ನುವುದರಿಂದ ಕೊರೊನಾ ವೈರಸ್ ಹರಡುವುದಿಲ್ಲ ಎಂಬ ಸಂದೇಶ ರವಾನಿಸಲು ರಾಜ್ಯ ಸರ್ಕಾರದ ವಿನೂತನ ಹೆಜ್ಜೆಯೊಂದನ್ನು ಇಟ್ಟಿದ್ದಾರೆ. ಜನರಲ್ಲಿರುವ ಕೊರೊನಾ ವೈರಸ್ ಭೀತಿ ನಿವಾರಿಸಲು ವೇದಿಕೆ ಮೇಲೆಯೇ ತೆಲಂಗಾಣ ಸರ್ಕಾರದ ಸಚಿವರು ಒಟ್ಟಾಗಿ ಚಿಕನ್ ತಿಂದಿದ್ದಾರೆ. ಈ ಮೂಲಕ ಚಿಕನ್ ತಿನ್ನುವುದರಿಂದ ಕೊರೊನಾ ವೈರಸ್ ಹರಡುವುದಿಲ್ಲ ಎಂಬ ಸಂದೇಶವನ್ನು ರವಾನಿಸಿದ್ದಾರೆ. ತೆಲಂಗಾಣ ಸಿಎಂ ಕೆ.ಸಿ. ಚಂದ್ರಶೇಖರ್ ರಾವ್ ಪುತ್ರ ಹಾಗೂ ಸಚಿವ ಕೆ.ಟಿ. ರಾಮಾರಾವ್, ಎಟೆಲಾ ರಾಜೇಂದ್ರ, ತಲ್ಸಾನಿ ಶ್ರೀನಿವಾಸ್ ಯಾದವ್ ಸೇರಿದಂತೆ ಹಲವು ಸಚಿವರು ಚಿಕನ್ ತಿನ್ನುವ ಮೂಲಕ ಗಮನ ಸೆಳೆದರು. ಭಾರತದಲ್ಲಿ ಇದುವರೆಗೂ ಮೂರು ಕೊರೊನಾ ವೈರಸ್ ಪ್ರಕರಣಗಳು ಪತ್ತೆಯಾಗಿದ್ದು, ಚೀನಾದಿಂದ ಮರಳಿರುವ ಭಾರತೀಯರ ಮೇಲೆ ಸರ್ಕಾರ ತೀವ್ರ ನಿಗಾ ಇರಿಸಿದೆ. ಆದರೆ ಚಿಕನ್ ತಿನ್ನುವುದರಿಂದ ಮಾರಕ ವೈರಸ್ ತಗಲುತ್ತದೆ ಎಂಬ ವದಂತಿ ಜನರನ್ನು ಭಯಭೀತಗೊಳಿಸಿರುವುದೂ ಸರ್ಕಾರಕ್ಕೆ ಸವಾಲಾಗಿ ಪರಿಣಮಿಸಿದೆ.

from India & World News in Kannada | VK Polls https://ift.tt/32G9E0D

ಕೋಲಾರದ ಬಂಗಾರಪೇಟೆಯ ಯೋಧ ಕಾಶ್ಮೀರದಲ್ಲಿ ವೀರ ಮರಣ, ಸ್ವಗ್ರಾಮದಲ್ಲಿಂದು ಅಂತ್ಯಕ್ರಿಯೆ

- ರಾಜಗೋಪಾಲ್‌ ಎಸ್‌., ಜಮ್ಮು ಕಾಶ್ಮೀರದಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಕೋಲಾರದ ಬಂಗಾರಪೇಟೆಯ ಕಣಂಬಲೆ ಗ್ರಾಮದ ಯೋಧ ಪ್ರಶಾಂತ್‌ ಸಾವನ್ನಪ್ಪಿದ್ದು, ಶನಿವಾರ ಸ್ವಗ್ರಾಮಕ್ಕೆ ಪಾರ್ಥಿವ ಶರೀರವನ್ನು ತರಲಾಗಿದೆ. ಬುಧವಾರ ಪ್ರಶಾಂತ್‌ ಅಕಾಲಿಕ ಸಾವಿಗೀಡಾಗಿದ್ದಾರೆ ಎಂಬ ಮಾಹಿತಿ ಪೋಷಕರಿಗೆ ಸಿಕ್ಕಿದೆ. ಆ ಸುದ್ದಿ ಅವನ ತಾಯಿಯ ಜಂಘಾಬಲವನ್ನೇ ಉಡುಗಿಸಿದೆ. ಮಗನನ್ನು ನೆನೆದು ಕಣ್ಣೀರು ಸುರಿಸಿದ್ದ ಆಕೆಯ ಕಣ್ಣುಗಳಲ್ಲಿ ದುಃಖ ಮಡುಗಟ್ಟಿತ್ತು. ಉಗ್ರರ ಜತೆ ಹೋರಾಡುವ ವೇಳೆ ಪ್ರಶಾಂತ್‌ ವೀರಮರಣವನ್ನಪ್ಪಿದ್ದಾರೆಂಬ ಮಾಹಿತಿ ಒಂದು ಕಡೆ, ಅನಾರೋಗ್ಯದಿಂದ ನಿಧನರಾಗಿದ್ದಾರೆಂಬ ಸುದ್ದಿ ಇನ್ನೊಂದೆಡೆ, ಹೀಗೆ ಪ್ರಶಾಂತ್‌ ಸಾವು ಗೊಂದಲದ ಗೂಡಾಗಿದ್ದು, ಮಗನನ್ನು ಕಳೆದುಕೊಂಡ ಹೆತ್ತವರ ದುಃಖದ ಜತೆಗೆ ಇಡೀ ಗ್ರಾಮವೇ ಯೋಧ ಪ್ರಶಾಂತ್‌ ಸಾವಿಗೆ ಕಂಬನಿ ಮಿಡಿಯುತ್ತಿದೆ. ವಿರೋಧದ ನಡುವೆಯೂ ಸೇನೆ ಸೇರಿದ್ದ: ದೇಶದ ರಕ್ಷಣೆ, ದೇಶ ಭಕ್ತಿಯ ಅಪಾರ ಅಭಿಮಾನ ಹೊಂದಿದ್ದರಿಂದ ತಾಯಿ ಅಣ್ಣನ ವಿರೋಧದ ನಡುವೆಯೂ ದೇಶ ಕಾಯುವ ಕೆಲಸಕ್ಕೆ 2015ರಲ್ಲಿ ಹೊರಟ ಪ್ರಶಾಂತ್‌ ವಿದ್ಯಾರ್ಥಿ ದೆಸೆಯಿಂದಲೇ ಮಿಲಿಟರಿಗೆ ಸೇರಬೇಕೆನ್ನುವ ಬಯಕೆ ಇತ್ತು. ಹೀಗಾಗಿ ಪದವಿ ಶಿಕ್ಷಣವನ್ನು ಬದಿಗೊತ್ತಿ ನಾಲ್ಕು ವರ್ಷಗಳಿಂದ ದೇಶದ ನಾನಾ ಕಡೆ ಸೇನಾ ವಿಭಾಗದಲ್ಲಿ ಕಾರ್ಯ ನಿರ್ವಹಿಸಿದ್ದ. ಪ್ರಶಾಂತ್‌ ಅವರು ಜಮ್ಮುವಿನ 17 ನೇ ಮದ್ರಾಸ್‌ ರೆಜಿಮೆಂಟ್‌ನಲ್ಲಿನಲ್ಲಿ ಕಾರ‍್ಯ ನಿರ್ವಹಿಸುತ್ತಿದ್ದರು. ಅನಾರೋಗ್ಯದಿಂದ ಬಳಲುತ್ತಿರುವ ಬಗ್ಗೆ ಕುಟುಂಬಸ್ಥರಿಗೆ ಕೆಲವು ದಿನದ ಹಿಂದೆ ಮಾಹಿತಿ ಬಂದಿತ್ತು. ತಾಯಿ ಲಕ್ಷತ್ರ್ಮಮ್ಮ ಮತ್ತು ಅಣ್ಣ ಮಂಜು ಅವರು ಸೇನೆಯಲ್ಲಿರುವ ಪ್ರಶಾಂತ್‌ ಅವರನ್ನು ನೋಡಿಕೊಂಡು ಬರಲು ಸಿದ್ಧತೆ ನಡೆಸಿದ್ದರು. ಅಷ್ಟರಲ್ಲಿ ಸಾವನ್ನಪ್ಪಿರುವ ಸುದ್ದಿ ತಿಳಿದಿದೆ. ಪ್ರಶಾಂತ್‌ ಅವರು ಗ್ರಾಮದ ಸರಕಾರಿ ಶಾಲೆಯಲ್ಲಿ ಪ್ರಾಥಮಿಕ ಮತ್ತು ಹಿರಿಯ ಪ್ರಾಥಮಿಕ ಶಿಕ್ಷಣ ಮುಗಿಸಿದ್ದಾರೆ. ಪಟ್ಟಣದ ಬಾಲಕರ ಜೂನಿಯರ್‌ ಕಾಲೇಜಿನಲ್ಲಿ ಪಿಯುಸಿ ಪೂರ್ಣಗೊಳಿಸಿ ಪಟ್ಟಣದ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಪ್ರಥಮ ಪದವಿ ದಾಖಲಾದ ಸಂದರ್ಭದಲ್ಲಿ 2015ರಲ್ಲಿ ಸೇನೆಗೆ ಸೇರಿದ್ದರು. ತಮಿಳುನಾಡಿನ ಊಟಿಯಲ್ಲಿ ತರಬೇತಿ ಪಡೆದ ಬಳಿಕ ಅವರನ್ನು ಜಮ್ಮವಿಗೆ ನಿಯೋಜಿಸಲಾಗಿತ್ತು ಎಂದು ಸ್ನೇಹಿತ ಹರೀಶ್‌ ಕುಮಾರ್‌ ತಿಳಿಸಿದ್ದಾರೆ. ವಿದ್ಯಾರ್ಥಿ ಜೀವನದಲ್ಲಿದ್ದಾಗಲೇ ಪ್ರಶಾಂತ್‌ ಅವರ ತಂದೆ ಮೃತಪಟ್ಟಿದ್ದು, ತಾಯಿ ಕೂಲಿ ಮಾಡಿ ಜೀವನ ನಡೆಸುತ್ತಿದ್ದಾರೆ. ಗ್ರಾಮದಲ್ಲಿ ಮನೆ ನಿರ್ಮಿಸುತ್ತಿದ ಪ್ರಶಾಂತ್‌ ಒಂದೂವರೆ ತಿಂಗಳ ಹಿಂದೆ ಗ್ರಾಮಕ್ಕೆ ಬಂದು ಹೋಗಿದ್ದಾರೆ. ಮತ್ತೆ ಯುಗಾದಿಗೆ ಬಂದು ಮನೆ ಕೆಲಸ ಪೂರ್ಣಗೊಳಿಸುವ ಯೋಜನೆ ಹೊಂದಿದ್ದರು. ಆದರೆ ಪ್ರಶಾಂತ್‌ ಅತಿ ಚಿಕ್ಕವಯಸ್ಸಿಗೆ ವೀರಮರಣವನ್ನಪ್ಪಿರುವುದು ಜನ್ಮ ನೀಡಿದ ತಾಯಿ, ಆತ ಆಡಿ ಬೆಳೆದ ವಠಾರದ ಬಂಧು ಬಳಗ, ಸ್ನೇಹಿತರಿಗೆ ಅರಗಿಸಿಕೊಳ್ಳಲಾಗುತ್ತಿಲ್ಲ. ಆತನ ನೆನಪಿಗೋಸ್ಕರ ಗ್ರಾಮದಲ್ಲಿ ಸ್ಮಾರಕ ಕಟ್ಟಲು ಊರಿನ ಜನ ಮುಂದಾಗಿದ್ದಾರೆ.

from India & World News in Kannada | VK Polls https://ift.tt/2T6EsEF

ದೇಶ ತೊರೆಯಲು ಬಾಂಗ್ಲಾದೇಶದ ವಿದ್ಯಾರ್ಥಿನಿಗೆ ಕೇಂದ್ರದ ಸೂಚನೆ!

ಕೋಲ್ಕೊತಾ: ನಗರದ ವಿಶ್ವಭಾರತಿ ವಿಶ್ವವಿದ್ಯಾಲಯದಲ್ಲಿ ಪದವಿ ವ್ಯಾಸಂಗ ಮಾಡುತ್ತಿರುವ ಬಾಂಗ್ಲಾದೇಶದ ವಿದ್ಯಾರ್ಥಿನಿ ಅಫ್ಸರಾ ಅನಿಕಾ ಮೀಮ್‌ ಅವರಿಗೆ ದೇಶ ತೊರೆಯುವಂತೆ ಕೇಂದ್ರ ಗೃಹ ಸಚಿವಾಲಯವು ಆದೇಶಿಸಿದೆ. ಕೇಂದ್ರ ಸರಕಾರದ ವಿರುದ್ಧದ ಚಟುವಟಿಕೆಗಳಲ್ಲಿ ಭಾಗವಹಿಸಿದ ಆರೋಪವನ್ನು ಅವರ ಮೇಲೆ ಹೊರಿಸಲಾಗಿದ್ದು, ವೀಸಾ ನಿಯಮಗಳನ್ನು ಉಲ್ಲಂಘಿಸಲಾಗಿದೆ ಎಂದು ತಿಳಿಸಲಾಗಿದೆ. ಕೋಲ್ಕೊತಾದಲ್ಲಿರುವ ಗೃಹ ಸಚಿವಾಲಯದ ವಿದೇಶಿಯರ ಪ್ರಾದೇಶಿಕ ನೋಂದಣಿ ಕಚೇರಿ ಮೂಲಕ 'ಲೀವ್‌ ಇಂಡಿಯಾ ನೋಟಿಸ್‌' ಜಾರಿಗೊಳಿಸಲಾಗಿದೆ. 15 ದಿನಗಳ ಒಳಗಾಗಿ ಭಾರತ ತೊರೆಯುವಂತೆ ಸೂಚನೆ ನೀಡಲಾಗಿದೆ. ಅಫ್ಸರಾ ಕೆಲದಿನಗಳ ಹಿಂದೆ ಶಾಂತಿನಿಕೇತನದಲ್ಲಿ ನಡೆದ ಪೌರತ್ವ ತಿದ್ದುಪಡಿ ವಿಧೇಯಕ ವಿರೋಧಿ ಹೋರಾಟದ ಚಿತ್ರಗಳನ್ನು ಫೇಸ್‌ಬುಕ್‌ನಲ್ಲಿ ಪ್ರಕಟಿಸಿದ್ದರು. ಇದು ಟ್ರೋಲ್‌ ಆಗಿತ್ತಲ್ಲದೇ ಆಕೆಯನ್ನು 'ಬಾಂಗ್ಲಾದೇಶಿ ಟೆರರಿಸ್ಟ್‌' ಎಂದು ಟೀಕಿಸಲಾಗಿತ್ತು. ನೋಟಿಸ್‌ನಿಂದ ಅಫ್ಸರಾ ಆಘಾತಗೊಂಡಿರುವುದಾಗಿ ಆಕೆಯ ಸ್ನೇಹಿತೆಯುರು ತಿಳಿಸಿದ್ದಾರೆ. ಸಿಪಿಎಂ ನಾಯಕ ಮೊಹಮದ್‌ ಸಲೀಮ್‌ ಕೇಂದ್ರ ಸರಕಾರದ ಕ್ರಮವನ್ನು ಟೀಕಿಸಿದ್ದಾರೆ.

from India & World News in Kannada | VK Polls https://ift.tt/2uDMlYM

ಚಾಮರಾಜನಗರದ ಸಂತೆಮರಹಳ್ಳಿಯ ರೈತನ ಪುತ್ರಿಗೆ ಬಿ.ಎಸ್ಸಿಯಲ್ಲಿ 15 ಚಿನ್ನದ ಪದಕ

- ರವಿರಾಜ ಗಲಗಲಿ, ತೋಟಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾಲಯದಿಂದ ಶುಕ್ರವಾರ ಆಯೋಜಿಸಲಾಗಿದ್ದ 9ನೇ ಘಟಿಕೋತ್ಸವದಲ್ಲಿ ಮನತಟ್ಟಿದ ಕ್ಷಣವಿದು. ಸಮಾರಂಭ ಮುಗಿದ ನಂತರ ಗ್ಯಾಲರಿಯಲ್ಲಿದ್ದ ಅಪ್ಪ, ಅಮ್ಮನನ್ನು ಕರೆದು ತನಗೆ ಬಂದ ಚಿನ್ನದ ಪದಕಗಳನ್ನೆಲ್ಲ ಅವರ ಕೈಗೆ ಕೊಟ್ಟು ಮಗಳು ಕೃತಜ್ಞತೆ ಸಲ್ಲಿಸಿದಳು. ಅಪ್ಪನಿಗೆ ಸಮರ್ಪಣೆಚಾಮರಾಜನಗರ ಜಿಲ್ಲೆಯ ಸಂತೆಮರಹಳ್ಳಿಯ ಸುಷ್ಮಾ ಎಂ.ಕೆ. ಇಂತಹ ವಿಶಿಷ್ಟ ಸಾಧನೆ ಮಾಡಿದ ಹುಡುಗಿ. ತೋಟಗಾರಿಕೆ ವಿವಿಯ ಬಿಎಸ್ಸಿ ಪದವಿಯಲ್ಲಿ 15 ಚಿನ್ನದ ಪದಕಗಳನ್ನು ಕೊರಳಿಗೇರಿಸಿಕೊಂಡ ಸುಷ್ಮಾ ಗೋಲ್ಡನ್‌ ಗರ್ಲ್‌ ಬಿರುದಿಗೆ ಪಾತ್ರಳಾದಳು. ಪಕ್ಕಾ ಕೃಷಿಕ ಕುಟುಂಬದ ಸುಷ್ಮಾಳದ್ದು ಸಾಧನೆಯ ಹಾದಿ. ಈಕೆಯ ತಂದೆ ಕುಮಾರ್‌ ಗ್ರಾಮದಲ್ಲಿರುವ 3 ಎಕರೆ ಜಮೀನಿನಲ್ಲಿ ಬೂದು ಕುಂಬಳಕಾಯಿ, ತರಕಾರಿ ಬೆಳೆಯುತ್ತಾರೆ. ಕೇವಲ ಮೂರು ಎಕರೆ ಜಮೀನಿದ್ದರೂ ಕಿರಿಯ ಪುತ್ರಿಯ ಓದಿಗೆ ಕಡಿಮೆ ಮಾಡಲಿಲ್ಲ. ಇದ್ದ ಕೊಳವೆ ಬಾವಿ ಬತ್ತಿ ಕೃಷಿ ಕಷ್ಟಕರವಾಗಿದ್ದರೂ ಮಗಳು ಓದಿ ಸುಖವಾಗಿರಲಿ ಎಂಬ ಬಯಕೆ. ಬ್ಯಾಂಕ್‌ನಲ್ಲಿ ಪುತ್ರಿಯ ಶಿಕ್ಷಣಕ್ಕೆ ಸಾಲ ಮಾಡಿ ಓದಿಸಿದರು. ಅಪ್ಪನ ಶ್ರಮಕ್ಕೆ ತಕ್ಕಂತೆ ಪುತ್ರಿ ಸುಷ್ಮಾ ಮೈಸೂರಿನ ತೋಟಗಾರಿಕೆ ಕಾಲೇಜಿನ ಬಿಎಸ್ಸಿ ಪದವಿಯಲ್ಲಿ ಶೇ.91.6 ಅಂಕ ಗಳಿಸಿ ವಿವಿಗೆ ಮೊದಲ ರ‍್ಯಾಂಕ್ನೊಂದಿಗೆ ಚಿನ್ನದ ಪದಕಗಳ ಗೊಂಚಲನ್ನೇ ಅಪ್ಪನಿಗೆ ಕೊಡುಗೆಯಾಗಿ ನೀಡಿದ್ದಾಳೆ. ಈಕೆ ಎಸ್ಸೆಸ್ಸೆಲ್ಸಿವರೆಗೆ ಕನ್ನಡ ಮಾಧ್ಯಮದಲ್ಲೇ ಓದಿ ಶೇ.89.60 ರಷ್ಟು ಅಂಕ ಗಳಿಸಿದ್ದಾಳೆ, ದ್ವಿತೀಯ ಪಿಯುನಲ್ಲಿ ಶೇ.91.83 ರಷ್ಟು ಅಂಕ ಪಡೆದ ಪ್ರತಿಭಾವಂತೆ. ಸದ್ಯ ಹೊಸದಿಲ್ಲಿಯ ಭಾರತೀಯ ಕೃಷಿ ಅನುಸಂಧಾನ ಪರಿಷತ್‌ನಲ್ಲಿ ಬೀಜ ವಿಜ್ಞಾನ ವಿಭಾಗದಲ್ಲಿ ಸುಷ್ಮಾ ಸ್ನಾತಕೋತ್ತರ ಪದವಿ ಅಭ್ಯಸಿಸುತ್ತಿದ್ದಾಳೆ. 'ನಮ್ಮದು ಮಳೆಯಾಶ್ರಿತ ಕೃಷಿ, ಮಳೆ ಬರದಿದ್ದರೆ ಬೆಳೆಯೂ ಇಲ್ಲ. ಸಾಲ ಮಾಡಿಸಿ ಓದಿಸಿದ್ದಕ್ಕೆ ಮಗಳು ಸಾರ್ಥಕತೆ ಮೂಡಿಸಿದ್ದಾಳೆ. ದೊಡ್ಡ ಮಗಳು ರೇಷ್ಮಾ ಬಿಎಸ್ಸಿ ಓದಿದ್ದಳು. ನಮ್ಮ ಕುಟುಂಬದಲ್ಲೇ ಅತಿ ಹೆಚ್ಚು ಓದಿರುವ ಸುಷ್ಮಾ ಸಾಧನೆ ಹೆಮ್ಮೆ ಮೂಡಿಸಿದೆ. ಆಕೆಯಿಂದ ರೈತರಿಗೆ ಒಳ್ಳೆಯದಾಗಲಿ ಎನ್ನುವುದೇ ನನ್ನ ಹಾರೈಕೆ' ಎನ್ನುತ್ತಾರೆ ಸುಷ್ಮಾ ತಂದೆ ಕುಮಾರ್‌. ಈಕೆಯ ತಾಯಿ ಚಂದ್ರಮತಿ ಕೂಡ ಸಮಾರಂಭದಲ್ಲಿಪಾಲ್ಗೊಂಡು ಸಂಭ್ರಮಿಸಿದರು. ಅನುಷಾ ಸಂಭ್ರಮಎಂಎಸ್ಸಿ ಹಣ್ಣು ವಿಜ್ಞಾನ ವಿಭಾಗದಲ್ಲಿ 4 ಚಿನ್ನದ ಪದಕ ಪಡೆದ ಮಂಡ್ಯದ ತಗ್ಗಹಳ್ಳಿಯ ಅನುಷಾ ಎಂ.ಡಿ. ರೈತನ ಪುತ್ರಿ. ಈಕೆಯ ತಂದೆ ದೊಡ್ಡತಮ್ಮೇಗೌಡ ಕೇವಲ ಅರ್ಧ ಎಕರೆ ಜಮೀನು ಹೊಂದಿದ್ದಾರೆ. ಕಬ್ಬು ಬೆಳೆಯುವ ತಂದೆ ಪುತ್ರಿಯನ್ನು ಪ್ರೀತಿಯಿಂದ ಓದಿಸಿದ್ದಾರೆ. ತಾಯಿ ಕೆಂಪಮ್ಮ ಗೃಹಿಣಿ. ಸರಕಾರಿ ಪಿಯು ಕಾಲೇಜಿನಲ್ಲಿ ಅಭ್ಯಸಿಸಿದ ಈಕೆ ಎಸ್ಸೆಸ್ಸೆಲ್ಸಿಯಲ್ಲಿ ಶೇ.80, ಪಿಯುನಲ್ಲಿ ಶೇ.77 ಹಾಗೂ ಬಿಎಸ್ಸಿಯಲ್ಲಿ ಶೇ.89.8 ಅಂಕ ಗಳಿಸಿದ್ದಾಳೆ. ಸದ್ಯ ನಾಮಧಾರಿ ಫ್ರೆಶ್‌ ಕಂಪನಿಯಲ್ಲಿ ಅನುಷಾ ಗುಣಮಟ್ಟ ನಿಯಂತ್ರಕಿ. 'ನಾನು ಓದಿದ ಜ್ಞಾನದಿಂದ ರೈತರಿಗೆ ಉಪಯೋಗವಾಗಬೇಕು. ರೈತರ ಆದಾಯ ದ್ವಿಗುಣವಾಗಬೇಕು, ಕೃಷಿ ಪದ್ಧತಿ ಸುಧಾರಿಸಬೇಕು. ಈ ನಿಟ್ಟಿನಲ್ಲಿನಾನು ಕೆಲಸ ಮಾಡುತ್ತೇನೆ' ಎನ್ನುತ್ತಾಳೆ ಪ್ರತಿಭಾವಂತ ಯುವತಿ. ಪದಕ ಅರ್ಪಣೆ'ನನ್ನ ಚಿನ್ನದ ಪದಕಗಳು ತಂದೆಗೆ ಅರ್ಪಣೆ' ಹೀಗೆ ಹೇಳಿದ್ದು ತುಮಕೂರು ಜಿಲ್ಲೆಯ ಹೆಬ್ಬೂರಿನ ಶಿಲ್ಪಾ ಎಚ್‌.ಆರ್‌. ನಾನು ಚಿನ್ನದ ಪದಕ ಗೆಲ್ಲುತ್ತೇನೆ ಎಂದು ತಂದೆ ದಿ.ರಾಜಶೇಖರ ಅವರಿಗೆ ಶಿಲ್ಪಾ ಹೇಳಿದ್ದರಂತೆ. ಪುಷ್ಪ ಕೃಷಿ, ಉದ್ಯಾನ ವಿನ್ಯಾಸ ಶಾಸ್ತ್ರದಲ್ಲಿ ಮೂರು ಪದಕ ಪಡೆದ ಶಿಲ್ಪಾ ಕಣ್ಣಲ್ಲಿಸಾಧನೆ ಖುಷಿಯಿತ್ತು. ತಂದೆ ರಾಜಶೇಖರ ಇಲ್ಲದ ಕೊರತೆಯೂ ಕಾಡುತ್ತಿತ್ತು. ಕುಟುಂಬದಿಂದ 4 ಎಕರೆ ಜಮೀನಿನಲ್ಲಿ ಕೃಷಿ ಕೈಗೊಳ್ಳಲಾಗುತ್ತಿದೆ. ಶಿಲ್ಪಾ ಸದ್ಯ ರಾಜ್ಯ ಸರಕಾರದ ತೋಟಗಾರಿಕೆ ಇಲಾಖೆ ಸಹಾಯಕ ನಿರ್ದೇಶಕ ಹುದ್ದೆ ನೇಮಕಾತಿಗಾಗಿ ಪರೀಕ್ಷೆ ಬರೆದಿದ್ದಾರೆ. ಚಿನ್ನದ ಪದಕ ವಿಜೇತರು ಡಾಕ್ಟರೇಟ್‌ ಪದವಿ: ಚೈತ್ರಾ ಪೋಲೇಶಿ (2 ಚಿನ್ನದ ಪದಕ, ಜೈವಿಕ ತಂತ್ರಜ್ಞಾನ ಮತ್ತು ಬೆಳೆ ಅಭಿವೃದ್ಧಿ ವಿಭಾಗ), ಪೃಥ್ವಿ ಹೆಗಡೆ (2 ಚಿನ್ನದ ಪದಕ, ಪುಷ್ಪ ಕೃಷಿ, ಉದ್ಯಾನ ವಿನ್ಯಾಸಶಾಸ್ತ್ರ), ರವಿ ಸಿ.ಎಸ್‌. (1 ಪದಕ, ನೆಡುತೋಪು, ಮಸಾಲೆ, ಔಷಧಿ ಬೆಳೆಗಳು), ರಾಣಿ ಶಿರನಾಳ (1 ಪದಕ, ಹಣ್ಣು ವಿಜ್ಞಾನ), ಪೂರ್ಣಿಮಾ ಹೊಳೆಯಣ್ಣವರ (1 ಪದಕ, ಕೀಟಶಾಸ್ತ್ರ) ಎಂಎಸ್ಸಿ ತೋಟಗಾರಿಕೆ: ಅನುಷಾ ಎಂ.ಡಿ. (4 ಚಿನ್ನದ ಪದಕ, ಹಣ್ಣು ವಿಜ್ಞಾನ ವಿಭಾಗ), ಭಾಗ್ಯಲಕ್ಷ್ಮಿ ಟಿ.ಆರ್‌. (4 ಚಿನ್ನದ ಪದಕ, ತರಕಾರಿ ವಿಜ್ಞಾನ), ಶಿಲ್ಪಾ ಎಚ್‌.ಆರ್‌. (3 ಪದಕ, ಪುಷ್ಪ ಕೃಷಿ, ಉದ್ಯಾನ ವಿನ್ಯಾಸಶಾಸ್ತ್ರ), ಭಾವನಾ ಕೆ.ಜಿ. (2 ಪದಕ, ಅನುವಂಶಿಕ, ಸಸ್ಯ ತಳಿ ವೃದ್ಧಿ), ಚೈತ್ರಾ ಎಸ್‌. (2 ಪದಕ, ಅನುವಂಶಿಕ, ಸಸ್ಯ ತಳಿ ಅಭಿವೃದ್ಧಿ), ಹಂಸ ಆರ್‌. (2 ಪದಕ, ಕೊಯ್ಲೋತ್ತರ ತಂತ್ರಜ್ಞಾನ), ವಿಶಾಲು ಹಿರೇಮಠ (1 ಪದಕ, ಮಣ್ಣು ವಿಜ್ಞಾನ, ಕೃಷಿ ರಸಾಯನಶಾಸ್ತ್ರ), ನಯನ ಎಚ್‌. (1 ಪದಕ. ನೆಡುತೋಪು, ಮಸಾಲೆ, ಔಷಧಿ), ಮಹೇಶ ಕಟಗಿ (1 ಪದಕ, ಸಸ್ಯ ಜೈವಿಕ ತಂತ್ರಜ್ಞಾನ ಶಾಸ್ತ್ರ), ಕಮಲಾ ಗಡ್ಡೆಣ್ಣವರ (1 ಪದಕ, ಕೀಟಶಾಸ್ತ್ರ) ಬಿಎಸ್ಸಿ ತೋಟಗಾರಿಕೆ: ಸುಷ್ಮಾ ಎಂ.ಕೆ. (15 ಚಿನ್ನದ ಪದಕ), ಮಿನ್ನು ಜಾನ್‌ (5 ಚಿನ್ನದ ಪದಕ), ಪವಿತ್ರ ಎಂ.ಒ (3 ಚಿನ್ನದ ಪದಕ), ಪ್ರಿಯಾಂಕಾ ಹೂಗಾರ (3 ಚಿನ್ನದ ಪದಕ), ಸಿಂಚನ ವಿ.ವಿ. (2 ಚಿನ್ನದ ಪದಕ), ನಾಗರಾಜ ಶೆಟ್ಟರ್‌ (2 ಚಿನ್ನದ ಪದಕ), ಅದಿರಾ ಕೆ.ಎಸ್‌., ಶ್ವೇತಾ ಕುಮಾರಿ, ವಿಶ್ವಾಸ ಗೌಡ ಡಿ.ಎಸ್‌., ಸೌಮ್ಯ ಎಚ್‌.ಎಸ್‌., ಶಶಿಧರ್‌ ಬಿ.ಆರ್‌., ಅನಿತಾ ನರಸಗೊಂಡ (ತಲಾ 1 ಚಿನ್ನದ ಪದಕ).

from India & World News in Kannada | VK Polls https://ift.tt/3cffIS9

ಬಿಎಸ್‌ವೈ ಬಜೆಟ್‌ 2020: ಮಹದಾಯಿಗೆ ದೊಡ್ಡಮೊತ್ತದ ಅನುದಾನ ಮೀಸಲಿಡುವ ಸುಳಿವು ನೀಡಿದ ಸಿಎಂ

ಬೆಂಗಳೂರು: ಮುಂಬರುವ ಬಜೆಟ್‌ನಲ್ಲಿ ಮಹದಾಯಿ ಯೋಜನೆ ಜಾರಿಗೆ ಹೆಚ್ಚಿನ ಅನುದಾನ ನಿಗದಿಗೊಳಿಸಲಾಗುವುದು ಎಂದು ಸಿಎಂ ಬಿ.ಎಸ್‌.ಯಡಿಯೂರಪ್ಪ ಪ್ರಕಟಿಸಿದರು. ನಗರದಲ್ಲಿ ಕಾರ್ಯ­ಕ್ರಮ­ವೊಂದರಲ್ಲಿ ಪಾಲ್ಗೊಂಡ ಬಳಿಕ ಸುದ್ದಿಗಾರರೊಂದಿಗೆ ಶುಕ್ರವಾರ ಮಾತನಾಡಿದ ಅವರು ''ಕೇಂದ್ರ ಸರಕಾರ ಮಹದಾಯಿ ನ್ಯಾಯಾ­ಧಿ­ಕರಣದ ಅಂತಿಮ ತೀರ್ಪಿನ ಅಧಿಸೂಚನೆಯಿಂದ ಕಳಸಾ- ಬಂಡೂರಿ ಯೋಜನೆಯಡಿ ರಾಜ್ಯಕ್ಕೆ 13.5 ಟಿಎಂಸಿ ನೀರು ಸಿಗಲಿದೆ. ಕಾಮಗಾರಿಯನ್ನು ಶೀಘ್ರದಲ್ಲೇ ಆರಂಭಿಸಲು ಅಗತ್ಯ ಹಣಕಾಸು ನೆರವನ್ನು ಆಯವ್ಯಯದಲ್ಲಿ ಇರಿಸಿ ಕಾಲಮಿತಿಯಲ್ಲಿ ಪೂರ್ಣಗೊಳಿಸಲಾಗುವುದು,'' ಎಂದರು. ''ಯೋಜನೆ ಜಾರಿಯಿಂದ ಹುಬ್ಬಳ್ಳಿ-ಧಾರವಾಡ, ಗದಗ ಸೇರಿದಂತೆ ಉತ್ತರ ಕರ್ನಾಟಕ ಭಾಗದ ನಾನಾ ಜಿಲ್ಲೆಗಳ ಕುಡಿಯುವ ನೀರಿನ ಸಮಸ್ಯೆಗೆ ಪರಿಹಾರ ಒದಗಲಿದೆ. ರೈತರ ಜಮೀನಿಗೂ ನೀರಾವರಿ ಸೌಲಭ್ಯ ಸಿಗಲಿದೆ. ಆ ಭಾಗದ ರೈತರ ಬಹು ವರ್ಷಗಳ ಬೇಡಿಕೆಯನ್ನು ಕೇಂದ್ರ ಈಡೇರಿಸಿರುವುದು ನಮಗೆ ಸಂತಸ ತಂದಿದೆ,'' ಎಂದರು. ''ಮಹದಾಯಿ ಯೋಜನೆಗೆ ಸಾಕಷ್ಟು ಹೋರಾಟಗಳು ನಡೆದಿವೆ. ರಾಜ್ಯ ಸರಕಾರ ಕೂಡ ಕೇಂದ್ರಕ್ಕೆ ಹಲವು ಬಾರಿ ಮನವಿ ಮಾಡಿ ಜನರಿಗೆ ನ್ಯಾಯ ನೀಡುವಂತೆ ಒತ್ತಾಯಿಸಿತ್ತು. ಪ್ರಧಾನಿ ಹಾಗೂ ಗೃಹ ಸಚಿವರ ಬಳಿಗೆ ನಿಯೋಗ ತೆರಳಿಯೂ ಯೋಜನೆ ಜಾರಿಯ ಔಚಿತ್ಯವನ್ನು ಮನದಟ್ಟು ಮಾಡಿಕೊಡಲಾಗಿತ್ತು. ಈ ಎಲ್ಲ ಪ್ರಯತ್ನದಿಂದಾಗಿ ಕೇಂದ್ರವು ಗೆಜೆಟ್‌ ಅಧಿಸೂಚನೆ ಹೊರಡಿಸಿ ಜನರ ಬೇಡಿಕೆಯನ್ನು ಈಡೇರಿಸಿದೆ,'' ಎಂದು ಸಿಎಂ ಹರ್ಷ ವ್ಯಕ್ತಪಡಿಸಿದರು. ವಿಕ ಬಜೆಟ್‌ ಫೋಕಸ್‌: ಮುಖ್ಯಮಂತ್ರಿ ಬಿ.ಎಸ್‌. ಯಡಿಯೂರಪ್ಪ ಅವರು ಮಾರ್ಚ್‌ 5ರಂದು ಮಂಡಿಸಲಿರುವ ಬಜೆಟ್‌ ಮೇಲೆ ರಾಜ್ಯದ ಜನರು ಅನೇಕ ನಿರೀಕ್ಷೆಗಳನ್ನು ಇಟ್ಟುಕೊಂಡಿದ್ದಾರೆ. ಜಿಲ್ಲಾವಾರು ಅನೇಕ ಬೇಡಿಕೆಗಳು ಇವೆ. ಈ ಪೈಕಿ ಕೆಲವು ಬೇಡಿಕೆಗಳು ದಶಕಗಳಿಂದಲೂ ಇದ್ದರೂ ಇನ್ನೂ ಈಡೇರಿಲ್ಲ. ಹಾಗಾಗಿ, ಈ ಬಜೆಟ್‌ನಲ್ಲಾದರೂ ಅವುಗಳಿಗೆ ಮುಕ್ತಿ ಸಿಗಬಹುದೇ ಎಂಬ ಕಾತರವಿದೆ.ಮಹದಾಯಿ ನ್ಯಾಯಧಿಕರಣ ತೀರ್ಪಿನ ಅಧಿಸೂಚನೆ ಪ್ರಕಟಗೊಂಡ ಬೆನ್ನಲ್ಲೇ ಉತ್ತರ ಕರ್ನಾಟದ ಬಹು ಬೇಡಿಕೆಯ ಕಳಸ-ಬಂಡೂರಿ ಯೋಜನೆ ಅನುಷ್ಠಾನಕ್ಕೆ 1 ಸಾವಿರ ಕೋಟಿ ರೂ. ಬಜೆಟ್‌ನಲ್ಲಿ ಮೀಸಲು ಇಡಬೇಕು ಎಂಬ ಒತ್ತಾಯ ಕೇಳಿಬಂದಿದೆ.

from India & World News in Kannada | VK Polls https://ift.tt/2TCC1sL

ಕ್ರೈಸ್ಟ್‌ಚರ್ಚ್‌ ಟೆಸ್ಟ್‌ನಲ್ಲಿ ಪೃಥ್ವಿ 'ಶೋ', ಭರ್ಜರಿ ಅರ್ಧಶತಕ ಬಾರಿಸಿದ ಯಂಗ್‌ಸ್ಟರ್

ಕ್ರೈಸ್ಟ್‌ಚರ್ಚ್‌: ಬೌಲರ್‌ಗಳಿಗೆ ಸ್ವರ್ಗದಂತಿರುವ ಹ್ಯಾಗ್ಲೀ ಓವಲ್‌ನ ಗ್ರೀನ್ ಟ್ರ್ಯಾಕ್‌ನಲ್ಲೂ ಟಾಸ್‌ ಗೆಲ್ಲುವಲ್ಲಿ ವಿಫಲವಾಗಿ ಮೊದಲು ಬ್ಯಾಟ್‌ ಮಾಡುವಂತಾಯಿತು. ಆದರೆ, ಯುವ ಓಪನರ್ ಅವರ ಭಯಮುಕ್ತ ಬ್ಯಾಟಿಂಗ್‌ ನೆರವಿನಿಂದ ಮೊದಲ ದಿನದಾಟದ ಭೋಜನ ವಿರಾಮಕ್ಕೆ ಭಾರತ ತಂಡ 23 ಓವರ್‌ಗಳಲ್ಲಿ 2 ವಿಕೆಟ್‌ ಕಳೆದುಕೊಂಡರೂ 85 ರನ್‌ಗಳನ್ನು ದಾಖಲಿಸಿ ಸುಸ್ಥಿತಿಯಲ್ಲಿದೆ. ಎರಡು ಟೆಸ್ಟ್‌ಗಳ ಸರಣಿಯಲ್ಲಿ ಭಾರತ ತಂಡ 0-1 ಅಂತರದಲ್ಲಿ ಹಿನ್ನಡೆಯಲ್ಲಿದ್ದು, ಸರಣಿ ಸಮಬಲ ತಂದುಕೊಳ್ಳಬೇಕಾದರೆ ಕ್ರೈಸ್ಟ್‌ಚರ್ಚ್‌ ಟೆಸ್ಟ್‌ ಗೆಲ್ಲಲೇ ಬೇಕಾದ ಒತ್ತಡದಲ್ಲಿದೆ. ಪ್ರಥಮ ಟೆಸ್ಟ್‌ನಲ್ಲಿ ಬ್ಯಾಟಿಂಗ್‌ ವೈಫಲ್ಯಕ್ಕೆ ಬೆಲೆತೆತ್ತು ಸ್ವಲ್ಪದರಲ್ಲೇ ಇನಿಂಗ್ಸ್‌ ಸೋಲಿನಿಂದ ತಪ್ಪಿಸಿಕೊಂಡರೂ 10 ವಿಕೆಟ್‌ಗಳ ಹೀನಾಯ ಸೋಲಿಗೊಳಗಾಗಿತ್ತು. ಆದರೆ, ಶನಿವಾರ ಪ್ರಾರಂಭಗೊಂಡ ಎರಡನೇ ಪಂದ್ಯದಲ್ಲಿ ಟೀಮ್‌ ಇಂಡಿಯಾದ ಬ್ಯಾಟಿಂಗ್‌ ಸಂಪೂರ್ಣ ವಿಭಿನ್ನವಾಗಿತ್ತು. ಮೊದಲ ಪಂದ್ಯದಲ್ಲಿ ಮಾಡಿದ ತಪ್ಪುಗಳ ಕಡೆಗೆ ಹೋಮ್‌ವರ್ಕ್‌ ಮಾಡಿದಂತೆ ಕಂಡ ಭಾರತ ತಂಡದ ಬ್ಯಾಟ್ಸ್‌ಮನ್‌ಗಳು ಕಿವೀಸ್‌ ಬೌಲರ್‌ಗಳನ್ನು ದಿಟ್ಟವಾಗಿ ಎದುರಿಸಿದರು. ಪ್ರಮುಖವಾಗಿ ಪೃಥ್ವಿ ಶಾ ಭರ್ಜರಿಯಾಗಿ ಬ್ಯಾಟ್‌ ಬೀಸಿ ಭಾರತಕ್ಕೆ ಉತ್ತಮ ಆರಂಭ ಒದಗಿಸಿಕೊಟ್ಟರು. ಮಯಾಂಕ್‌ ವಿಕೆಟ್‌ ಪಡೆದ ಬೌಲ್ಟ್‌ ಒಂದೆಡೆ ಕಿವೀಸ್‌ ಬೌಲರ್‌ಗಳ ಎದುರು ಪ್ರತಿ ಸೆತಕ್ಕೆ ಒಂದು ರನ್‌ನಂತೆ ಪೃಥ್ವಿ ಶಾ ಬ್ಯಾಟ್‌ ಬೀಸುತ್ತಿದ್ದರೆ, ಮತ್ತೊಂದೆಡೆ ಕ್ರೀಸ್‌ನಲ್ಲಿ ನೆಲೆಯೂರುವ ಪ್ರಯತ್ನ ನಡೆಸುತ್ತಿದ್ದ ಕನ್ನಡಿಗ ಮಯಾಂಕ್‌ ಅಗರ್ವಾಲ್‌ ಎಡಗೈ ವೇಗಿ ಟ್ರೆಂಟ್‌ ಬೌಲ್ಟ್‌ ಅವರು ಹೆಣೆದಿದ್ದ ಎಲ್‌ಬಿಡಬ್ಲ್ಯೂ ಬಲೆಗೆ ಬಿದ್ದರು. 11 ಎಸೆತಗಳಲ್ಲಿ 1 ಫೋರ್‌ ಸಹಿತ 7 ರನ್‌ ಗಳಿಸಿದ್ದ ಮಯಾಂಕ್‌ ಅವರನ್ನು ಔಟ್‌ ಮಾಡಲು ಇನ್‌ಸ್ವಿಂಗರ್‌ ಅಸ್ತ್ರ ಪ್ರಯೋಗ ಮಾಡಿದರು. ಇದಕ್ಕೂ ಮುನ್ನ ಆಫ್‌ಸ್ಟಂಪ್‌ನಿಂದ ಆಚೆಗೆ ಗುರಿಯಿಟ್ಟು ಬೌಲ್‌ ಮಾಡುತ್ತಿದ್ದ ಬೌಲ್ಟ್‌, ಒಂದು ಎಸೆತವನ್ನು ಒಳಗೆ ನುಗ್ಗುವಂತೆ ಮಾಡಿ ಯಶಸ್ಸು ಕಂಡರು. ಮಯಾಂಕ್, ಡಿಆರ್‌ಎಸ್‌ ತೆಗೆದುಕೊಂಡರಾದರೂ ಅದೃಷ್ಟ ಕೈ ಹಿಡಿಯಲ್ಲಿಲ್ಲ. ನಿರಾಸೆಯಿಂದಲೇ ಪೆವಿಲಿಯನ್‌ ಕಡೆಗೆ ಹೆಜ್ಜೆಯಿಟ್ಟರು. ಸಿಕ್ಸರ್‌ ಹೊಡೆದು ಫಿಫ್ಟಿ ಬಾರಿಸಿದ ಪೃಥ್ವಿ ಪ್ರಥಮ ಟೆಸ್ಟ್‌ ಪಂದ್ಯದಲ್ಲಿ ಉತ್ತಮ ಆರಂಭ ಕಂಡರೂ ದೊಡ್ಡ ಮೊತ್ತವಾಗಿ ಪರಿವರ್ತಿಸದೆ ನಿರಾಸೆ ಅನುಭವಿಸಿದ್ದ ಪೃಥ್ವಿ ಶಾ, ದ್ವಿತೀಯ ಟೆಸ್ಟ್‌ ಆಡುವುದು ಅನುಮಾನವಾಗಿತ್ತು. ಎಡಗಾಲಿನ ಊತದ ಸಮಸ್ಯೆ ಎದುರಿಸಿದ್ದ 21 ವರ್ಷದ ಬಲಗೈ ಬ್ಯಾಟ್ಸ್‌ಮನ್‌ ಪಂದ್ಯಕ್ಕೂ ಒಂದು ದಿನ ಮುನ್ನ ಸಂಪೂರ್ಣ ಫಿಟ್ನೆಸ್‌ ಕಂಡುಕೊಂಡಿದ್ದರು. ಅಂತೆಯೇ ಟೆಸ್ಟ್‌ನ ಮೊದಲ ಅವಧಿಯಲ್ಲಿ ಬಿರುಸಿನ ಬ್ಯಾಟಿಂಗ್‌ ನಡೆಸಿ 64 ಎಸೆತಗಳಲ್ಲಿ 54 ರನ್‌ ಬಾರಿಸಿ, ವಿದೇಶಿ ನೆಲದಲ್ಲಿ ತಮ್ಮ ಚೊಚ್ಚಲ ಅರ್ಧಶತಕ ಬಾರಿಸಿದರು. 47 ರನ್‌ ಗಳಿಸಿದ್ದಾಗ ಸಿಕ್ಸರ್‌ ಬಾರಿಸಿ ಅರ್ಧಶತಕದ ಗಡಿ ದಾಟಿದ ಪೃಥ್ವಿ, ಬಳಿಕ ಏಕಾಗ್ರತೆ ಕಳೆದುಕೊಂಡವರಂತೆ ಕೈಲ್‌ ಜೇಮಿಸನ್‌ ಬೌಲಿಂಗ್‌ನಲ್ಲಿ ಸ್ಲಿಪ್‌ನಲ್ಲಿದ್ದ ಟಾಮ್‌ ಲೇಥಮ್‌ಗೆ ಕ್ಯಾಚಿತ್ತು ಹೊರನಡೆದರು. ಲೇಥಮ್‌ ಮತ್ತೊಮ್ಮ ಅದ್ಭುತ ಕ್ಯಾಚ್‌ನೊಂದಿಗೆ ಪೃಥ್ವಿ ವಿಕೆಟ್‌ ಪತನಕ್ಕೆ ಕಾರಣರಾದರು. ಜಡೇಜಾ, ಉಮೇಶ್‌ ಯಾದವ್‌ಗೆ ಸ್ಥಾನ ನಿರೀಕ್ಷೆಯಂತೆ ಭಾರತ ತಂಡ ಎರಡು ಬದಲಾವಣೆಯೊಂದಿಗೆ ಕಣಕ್ಕಿಳಿದಿದ್ದು, ಗಾಯಾಳು ಇಶಾಂತ್‌ ಶರ್ಮಾ ಅವರ ಬದಲಿಗೆ ಉಮೇಶ್‌ ಯಾದವ್‌ ಮತ್ತು ಆಫ್‌ ಸ್ಪಿನ್ನರ್‌ ರವಿಚಂದ್ರನ್‌ ಅಶ್ವಿನ್‌ ಅವರ ಸ್ಥಾನದಲ್ಲಿ ಆಲ್‌ರೌಂಡರ್‌ ರವೀಂದ್ರ ಜಡೇಜಾ ಪ್ಲೇಯಿಂಗ್‌ ಇಲೆವೆನ್‌ನಲ್ಲಿ ಸ್ಥಾನ ಪಡೆದರು.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3cejCLj

ಸಾವಿರ ಅಡಿ ಬೋರ್‌ ಕೊರೆದರೂ ಹನಿ ನೀರಿಲ್ಲ, ತುಮ್ಕೂರಲ್ಲಿ ಕನಸಾಗೇ ಉಳಿದ ಏತ ನೀರಾವರಿ!

- ಚಿಕ್ಕಣ್ಣ ಎಸ್‌ ಡಿ, ಗ್ರಾ. ಬಯಲುಸೀಮೆಯ ಜಿಲ್ಲೆ ಎಂದೇ ಹೆಸರಾಗಿರುವ ತುಮಕೂರು ಜಿಲ್ಲೆಯಲ್ಲಿಬಹುತೇಕ ಎಲ್ಲಾ ತಾಲೂಕುಗಳು ಬರ ಪರಿಸ್ಥಿತಿ ಎದುರಿಸುತ್ತಿವೆ. ಆದರೆ ಬಯಲು ಸೀಮೆಯ ಜಿಲ್ಲೆ ತುಮಕೂರು ಗ್ರಾಮಾಂತರ, ತಿಪಟೂರು, ತುರುವೇಕೆರೆ, ಗುಬ್ಬಿ, ಕುಣಿಗಲ್‌ ತಾಲೂಕುಗಳಲ್ಲಿ ಅಲ್ಪ ಸ್ವಲ್ಪ ರೈತರು ಹೇಮಾವತಿ ನೀರಿನ ಆಶ್ರಯ ಪಡೆದಿದ್ದಾರೆ. ಆದರೆ ಇನ್ನುಳಿದ ತಾಲೂಕು ಗಳಲ್ಲಿಕುಡಿಯಲು ಹನಿ ನೀರು ಸಿಗುತ್ತಿಲ್ಲ. ಕೊಳವೆಬಾವಿಯಿಂದಲೇ ನೀರು ಪಡೆಯಬೇಕಿದೆ. ಬರಿದಾದ ಶತಮಾನದ ಕೆರೆಗಳು: ಮಳೆಯಾಶ್ರಿಧಿತ ಕೆರೆಗಳಿಗೆ ಹಲವು ವರ್ಷಗಳಿಂದ ಮಳೆ ಬಾರದಿರುವುದರಿಂದ ಕೆರೆಗಳಿಗೆ ನೀರು ಹರಿಯದ ಕಾರಣ ಕೆರೆಗಳು ಖಾಲಿ, ಖಾಲಿಯಾಗಿ ಕಾಣಸಿಗುತ್ತವೆ. ರೈತರ ಜೀವನಾಡಿಯಾಗಿರುವ ಗ್ರಾಮಾಂತರದ ಸಣ್ಣ ನೀರಾವರಿ ಕೆರೆಗಳಲ್ಲಿ ಹತ್ತಕ್ಕಿಂತ ಹೆಚ್ಚು ಕೆರೆಗಳು ಇಂದು ಬರಿದಾಗಿದ್ದು, ಇದು ರೈತರ ಆತಂಕಕ್ಕೆ ಕಾರಣವಾಗಿದೆ. ಕೃಷಿ ಚಟು ವಟಿಕೆಯ ಮೇಲೆ ಪ್ರತಿ ಕೂಲ ಪರಿಣಾಮ ಬೀರಿದೆ. ಗ್ರಾಮಾಂತರದ ಬೆಳ್ಳಾವಿ, ಕೋರ, ಗೂಳೂರು, ಊರ್ಡಿಗೆರೆ, ಹೆಬ್ಬೂರು ಸೇರಿದಂತೆ ಇತರೆಡೆಗಳಲ್ಲಿ ಬೃಹತ್‌ ಕೆರೆಗಳು ಜಲಮೂಲಗಧಿಳಿಲ್ಲದೆ ಬರಿದಾಗುತ್ತಿವೆ. ಗ್ರಾಮಾಂತರ ಬಯಲುಸೀಮೆಗೆ ಸಾಕ್ಷಿಯಾಗಿದ್ದು, ಇಲ್ಲಿನ ಸಾವಿರಾರು ರೈತರು ಭೂಮಿಯಲ್ಲಿ ಬೆಳೆದ ತೋಟಗಾರಿಕೆಯ ಬೆಳೆಗಳು ನೀರಿನ ಸೌಲಭ್ಯವಿಲ್ಲದೆ ಒಣಗುವ ಪರಿಸ್ಥಿತಿ ಎದುರಾಗಿದೆ. ಒತ್ತುವರಿಗೆ ಬಲಿಯಾಗುತ್ತಿವೆ ಕೆರೆಗಳು: ಕಡಿಮೆ ಮಳೆ ಬೀಳುತ್ತಿರುವುದರಿಂದ ಕೆರೆ ಕಟ್ಟೆಗಳಿಗೆ ನೀರು ಸಂಗ್ರಹವಾಗುತ್ತಿಲ್ಲ. ಕೆರೆಗಳಲ್ಲಿ ನೀರಿಲ್ಲದೆ ಇಲ್ಲದೆ ಅಕ್ಕಪಕ್ಕದ ಕೃಷಿಕರು ಹಾಗೂ ಭೂಗಳ್ಳರು ಒತ್ತುವರಿ ಮಾಡಿಕೊಳ್ಳುತ್ತಿರುವುದು ದಿನೇ ದಿನೆ ಹೆಚ್ಚುತ್ತಿದೆ. ಒತ್ತುವರಿಗೆ ಬಲಿಯಾದ ರಾಜಕಾಲುವೆ: ಸುಮಾರು 15 ವರ್ಷಗಳ ಹಿಂದೆ ಕೆರೆ, ಕಟ್ಟೆಗಳು ನೀರಿನಿಂದ ತುಂಬಿ ತುಳುಕುತ್ತಿದ್ದವು. ಆದರೆ ಕಳೆದ 15 ವರ್ಷದಿಂದ ಈಚೆಗೆ ಕೃಷಿಕರು, ಭೂಗಳ್ಳರು ರಾಜಕಾಲುವೆಗಳನ್ನು ಒತ್ತುವರಿ ಮಾಡಿರುವುದರಿಂದ ಮಳೆಯ ನೀರು ಕೆರೆಗೆ ಹರಿಯಲು ಸಾಧ್ಯವಾಗುತ್ತಿಲ್ಲ. ಕನಸಾಗಿ ಉಳಿದ ಏತ ನೀರಾವರಿ: ಗ್ರಾಮಾಂತರದ ಕೆರೆಗಳಿಗೆ ಏತ ನೀರಾವರಿ ಮುಖೇನ ನೀರು ಹರಿಸಲು ಹಲವಾರು ವರ್ಷಗಳಿಂದ ಪ್ರಯತ್ನ ಮಾಡಲಾಗುತ್ತಿದೆ. ಆದರೂ ಗೂಳೂರು, ಹೆಬ್ಬೂರು ಭಾಗಗಳಿಗೆ ಏತ ನೀರಾವರಿಯಿಂದ ನೀರು ಹರಿದಿಲ್ಲ. ಹೇಮೆ ಹರಿದರೂ ಕೆರೆಗಳಿಗೆ ನೀರಿಲ್ಲ: ಗುಬ್ಬಿ ತಾಲೂಕಿನ ಮಾರ್ಗವಾಗಿ ಬೆಳ್ಳಾವಿ ಹೋಬಳಿ ಕೇಂದ್ರದ ವ್ಯಾಪ್ತಿಯಿಂದ ಗ್ರಾಮಾಂತರಕ್ಕೆ ಹೇಮಾವತಿ ನೀರು ಹರಿಯುತ್ತದೆ. ಆದರೆ ಶತಮಾನಗಳ ಕೆರೆ ಎನಿಸಿಕೊಂಡಿರುವ ಬೆಳ್ಳಾವಿ ಕೆರೆ ಗ್ರಾಮದ ಉತ್ತರ ಹಾಗೂ ಪೂರ್ವಕ್ಕೆ ಇದೆ. ಆದರೆ ದಕ್ಷಿಣ ಹಾಗೂ ಪಶ್ಚಿಮ ಭಾಗವಾಗಿ ಹೇಮಾವತಿ ನಾಲೆ ಹಾದು ಹೋಗಿ ಬುಗುಡನಹಳ್ಳಿ ಕೆರೆ ತಲುಪುತ್ತದೆ. ಕೆರೆಯ ಏರಿಯ ಕೆಳಮುಖವಾಗಿ ನೀರು ಹರಿ ಯುವುದರಿಂದ ಬೆಳ್ಳಾವಿ ಕೆರೆಗೆ ಹೇಮಾವತಿ ನೀರು ಹರಿಯದಂತಾಗಿದೆ. ಇಂತಹ ಹತ್ತಾರು ಕೆರೆಗಳಿಗೆ ನೀರು ಹರಿಯದಿರುವುದು ರೈತರಲ್ಲಿ ನೋವುಂಟು ಮಾಡಿದೆ. ಎತ್ತಿನಹೊಳೆಯಿಂದ ನೀರು ಸಿಗಬಹುದೆ?ಗ್ರಾಮಾಂತರ ಭಾಗದ ಬೆಳ್ಳಾವಿ ಹಾಗೂ ಗ್ರಾಮಾಂತರದ ಕೆರೆಗಳಿಗೆ ಎತ್ತಿನಹೊಳೆ ಯೋಜನೆಯಿಂದ ನೀರು ಹರಿಸುತ್ತಾರೆಯೇ ಎಂದು ಕ್ಷೇತ್ರದ ಜನರು ಎದುರು ನೋಡುತ್ತಿದ್ದಾರೆ. ಕೆರೆಗಳು ವಿಸ್ತೀರ್ಣ: ಬೆಳ್ಳಾವಿ 55.06 ಹೆಕ್ಟೇರ್‌, ಹೆಬ್ಬೂರು 214.40, ಕೆಸ್ತೂರು 173.6, ನಾಗವಲ್ಲಿ278, ಕೋರ ಅಮಾನಿಕೆರೆ 70.40, ಬ್ರಹ್ಮಸಂದ್ರ 131.20, ಊರುಕೆರೆ 48 ಹೆಕ್ಟೇರ್‌ ವಿಸ್ತೀರ್ಣ ಹೊಂದಿದೆ.

from India & World News in Kannada | VK Polls https://ift.tt/2I2zBOr

ಬಿಎಸ್‌ವೈ , ಸಿದ್ದು ದೋಸ್ತಿ ಮಾತು; ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆ

ಬೆಂಗಳೂರು: ಮುಖ್ಯಮಂತ್ರಿ ಬಿ.ಎಸ್ ಯಡಿಯೂರಪ್ಪ 78ನೇ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ನಡೆದ ಅಭಿನಂದನಾ ಕಾರ್ಯಕ್ರಮದಲ್ಲಿ ಮಾಜಿ ಸಿಎಂ ಭಾಗಿಯಾಗಿ ಶುಭಹಾರೈಸಿರುವುದು ಸಾಮಾಜಿಕ ಜಾಲತಾಣಗಳಲ್ಲಿ ಪರ ಹಾಗೂ ವಿರೋಧ ಚರ್ಚೆಗೆ ಗ್ರಾಸವಾಗಿದೆ. ಬೆಂಗಳೂರಿನ ಅರಮನೆ ಮೈದಾನದಲ್ಲಿ ಗುರುವಾರ ನಡೆದ ಅಭಿನಂದನಾ ಕಾರ್ಯಕ್ರಮದಲ್ಲಿ ಸಿದ್ದರಾಮಯ್ಯ ಭಾಗಿಯಾಗಿದ್ದರು. ಭಿನ್ನ ಸಿದ್ಧಾಂತದ ರಾಜಕೀಯ ವಿರೋಧಿ ನಾಯಕರ ಈ ಸಮಾಗಮಕ್ಕೆ ಪರ - ವಿರೋಧ ಅಭಿಪ್ರಾಯಗಳು ವ್ಯಕ್ತವಾಗುತ್ತಿದೆ. ಕಾರ್ಯಕ್ರಮದಲ್ಲಿ ಭಾಗಿಯಾಗುವಂತೆ ಸಿದ್ದರಾಮಯ್ಯ ಅವರಿಗೆ ಸ್ವತಃ ಸಿಎಂ ಪುತ್ರ ವಿಜಯೇಂದ್ರ ಆಹ್ವಾನ ನೀಡಿದ್ದರು. ಈ ಆಹ್ವಾನದ ಮೇರೆಗೆ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಸಿದ್ದರಾಮಯ್ಯ ಯಡಿಯೂರಪ್ಪ ಅವರನ್ನು ಹಾಡಿ ಹೊಗಳಿದ್ದರು. ಬಿಎಸ್‌ವೈ ಓರ್ವ ಹೋರಾಟಗಾರ, ಹೋರಾಟದ ಹಿನ್ನೆಲೆಯಿಂದ ಬಂದವರಿಗೆ ಮಾತ್ರ ಜನರ ಸಮಸ್ಯೆ ಅರ್ಥವಾಗುತ್ತದೆ. ದಕ್ಷಿಣ ಭಾರತದಲ್ಲಿ ಬಿಜೆಪಿ ಆಡಳಿತಕ್ಕೆ ಬರಲು ಬಿಎಸ್‌ವೈ ಕಾರಣ ಎಂಬುವುದನ್ನು ಯಾರೂ ಅಲ್ಲಗಳೆಯಲು ಸಾಧ್ಯವಿಲ್ಲ ಎಂದಿದ್ದರು. ಸಿದ್ದರಾಮಯ್ಯ ಅವರು ಹುಟ್ಟುಹಬ್ಬದ ಕಾರ್ಯಕ್ರಮಕ್ಕೆ ಬಂದು ಶುಭ ಹಾರೈಕೆ ಮಾಡಿದ್ದಕ್ಕೆ ಸಿಎಂ ಬಿಎಸ್‌ವೈ ವೇದಿಕೆಯಲ್ಲಿ ಭಾವುಕರಾಗಿ ಧನ್ಯವಾದ ಸಲ್ಲಿಸಿದ್ದರು. ಇದಾದ ಬಳಿಕ ಟ್ವೀಟ್‌ ಮಾಡಿದ್ದ ಸಿದ್ದರಾಮಯ್ಯ “ರಾಜಕಾರಣ ಬೇರೆ, ಮನುಷ್ಯ ಸಂಬಂಧಗಳು ಬೇರೆ. ನಾನು ಮತ್ತು ಯಡಿಯೂರಪ್ಪ ಅವರು ಎಷ್ಟೇ ಆರೋಪ ಪ್ರತ್ಯಾರೋಪ ಮಾಡಿದರೂ, ರಾಜಕೀಯವಾಗಿ, ಸೈದ್ಧಾಂತಿಕವಾಗಿ ನಮ್ಮ ನಡುವೆ ಭಿನ್ನಾಭಿಪ್ರಾಯಗಳಿದ್ದರೂ ಕೂಡ ಇವೆಲ್ಲಕ್ಕೂ ಮಿಗಿಲಾದದ್ದು ಮಾನವೀಯ ಸಂಬಂಧ. ಮನುಷ್ಯ ಜೀವನದಲ್ಲಿ ಕಟ್ಟಕಡೆಯದಾಗಿ ಗೆಲ್ಲಬೇಕಿರುವುದು ಇದೇ” ಎಂದಿದ್ದರು. ಸಿದ್ದರಾಮಯ್ಯ ಹಾಗೂ ಬಿ.ಎಸ್‌ ಯಡಿಯೂರಪ್ಪ ಸಮಾಗಮ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಸದ್ದು ಮಾಡುತ್ತಿವೆ. ನೆಟ್ಟಿಗರು ಪರ ಹಾಗೂ ವಿರುದ್ಧವಾದ ಅಭಿಪ್ರಾಯವನ್ನು ವ್ಯಕ್ತಪಡಿಸುತ್ತಿದ್ದಾರೆ. ರಾಜಕಾರಣಿಗಳು ಅಗತ್ಯ ಬಿದ್ದಾಗ ಒಂದಾಗುವುದಾದರೆ ಕಾರ್ಯಕರ್ತರನ್ನು ಏಕೆ ಪರಸ್ಪರ ದ್ವೇಷಿಗಳನ್ನಾಗಿ ಮಾರ್ಪಡಿಸುತ್ತೀರಿ ? ಎಂದು ಹಲವರು ಪ್ರಶ್ನಿಸಿದ್ದಾರೆ. ಭಿನ್ನ ಸಿದ್ಧಾಂತ ಇಟ್ಟುಕೊಂಡು ರಾಜಕೀಯ ಮಾಡುತ್ತಾ, ಪರಸ್ಪರ ವಿರುದ್ಧ ಹೋರಾಟಗಳನ್ನು ಮಾಡುತ್ತಾ ಬಂದರೂ ನೀವು ಮನುಷ್ಯ ಸಂಬಂಧದ ಹೆಸರಲ್ಲಿ ಒಂದಾದಿರಿ. ಆದರೆ ನಿಮ್ಮ ಮಾತುಗಳನ್ನು ಕೇಳಿ ಓಟು ಹಾಕಿದ ಜನರು ಮಾತ್ರ ಪರಸ್ಪರ ದ್ವೇಷದಿಂದ ದೂರವಾಗುತ್ತಿದ್ದಾರೆ ಎಂದು ಕೆಲವರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ರಾಜಕೀಯ ಬೇರೆ ವೈಯಕ್ತಿಯ ಜೀವನ ಬೇರೆ ಎಂದಾದರೆ ನಾವ್ಯಾಕೆ ಪರಸ್ಪರ ಕಿತ್ತಾಡುಕೊಳ್ಳಬೇಕು ಎಂದು ಟ್ವಿಟ್ಟರ್‌ನಲ್ಲಿ ಚಿತ್ರ ದೇವರಾಜ್ ಎಂಬುವವರು ಪ್ರಶ್ನಿಸಿದ್ದಾರೆ. ಯಾರದ್ದೋ ದುಡ್ಡು ಯಲ್ಲಮ್ಮನ ಜಾತ್ರೆ. ಸಿದ್ದರಾಮಯ್ಯ ಹೋಗಬಾರದಿತ್ತು. ಅದೇನು ಬಡ ಜನರ ಉದ್ದಾರದ ಸಮಾವೇಶವೇ ?ಎಂದು ಫೇಸ್‌ಬುಕ್‌ನಲ್ಲಿ ಹೇಮಾವತಿ ವೆಂಕಟ್‌ ಎಂಬುವವರ ಪ್ರಶ್ನಿಸಿದ್ದಾರೆ. ಇತ್ತೀಚೆಗೆ ಅನಾರೋಗ್ಯದಿಂದ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ದಾಖಲಾಗಿದ್ದ ಸಿದ್ದರಾಮಯ್ಯ ಅವರನ್ನು ಮುಖ್ಯಮಂತ್ರಿ ಬಿಎಸ್‌ವೈ ಭೇಟಿಯಾಗಿ ಆರೋಗ್ಯ ವಿಚಾರಿದ್ದರು. ಈ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿ ಸದ್ದು ಮಾಡಿತ್ತು. ಇದೀಗ ಮತ್ತೊಮ್ಮೆ ಸಿದ್ದರಾಮಯ್ಯ ಹಾಗೂ ಬಿಎಸ್ ಯಡಿಯೂರಪ್ಪ ಸ್ನೇಹ ಸುದ್ದಿಯಾಗುತ್ತಿದೆ.

from India & World News in Kannada | VK Polls https://ift.tt/2T7gqte

ಎತ್ತಿನಹೊಳೆ ಯೋಜನೆ: ಬೈರಗೊಂಡ್ಲು ಭೂಸ್ವಾಧೀನಕ್ಕೆ ಗ್ರಹಣ, ಕುಡಿಯುವ ನೀರು ಇನ್ನಷ್ಟು ದೂರ

- ಅಶೋಕ್‌ ಆರ್‌ ಪಿ, ಎತ್ತಿನಹೊಳೆ ಕುಡಿಯುವ ನೀರು ಯೋಜನೆಗೆ ಸಂಬಂಧಿಸಿದಂತೆ ರಾಜ್ಯ ಸರಕಾರ ಬೈರಗೊಂಡ್ಲು ಜಲಾಶಯದ ಭೂ ಸ್ವಾಧೀನ ಬಿಕ್ಕಟ್ಟನ್ನು ಬಗೆಹರಿಸದ ಕಾರಣ 4,610ಎಕರೆ ಭೂ ಸ್ವಾಧೀನ ಪ್ರಕ್ರಿಯೆಗೆ ಗ್ರಹಣ ಹಿಡಿದಂತಾಗಿದೆ. ಜಿಲ್ಲೆಯಲ್ಲಿ ಒಟ್ಟು 218 ಗ್ರಾಮಗಳಲ್ಲಿ 5905 ಎಕರೆ ಭೂ ಸ್ವಾಧೀನವಾಗಬೇಕಿದ್ದು, ಈ ಪೈಕಿ 4,610 ಎಕರೆ ಭೂ ಸ್ವಾಧೀನ ಪ್ರಕ್ರಿಯೆ ಬಾಕಿ ಉಳಿದಿದೆ. ಇದರಲ್ಲಿ 2,662 ಎಕರೆ ಬೈರ ಗೊಂಡ್ಲುಜಲಾಶಯಕ್ಕೆ ಸಂಬಂಧಿಸಿದ್ದಾಗಿದೆ. ಇದಕ್ಕೆ ಸಂಬಂಧಿಸಿದಂತೆ ಏಕರೂಪದ ದರ ನಿಗದಿಗಾಗಿ ಸರಕಾರದ ಪರಿಶೀಲನೆಯಾಗ ಬೇಕಿರುವುದರಿಂದ ಈವರೆಗೆ ಯಾವುದೇ ಪ್ರಕ್ರಿಯೆ ಪ್ರಾರಂಭವಾಗಿಲ್ಲ. ವಿಶ್ವೇಶ್ವರಯ್ಯ ಜಲ ನಿಗಮ ಸರಿಯಾದ ಸಮಯಕ್ಕೆ ಹಣ ಬಿಡುಗಡೆ ಮಾಡಿದರೆ ರೈತರಿಗೆ ಪರಿಹಾರ ಕೊಡಲು ಸಾಧ್ಯವಾಗುತ್ತದೆ. ಸದ್ಯ ಜಿಲ್ಲೆಯಲ್ಲಿ ಆರಂಭವಾಗಿರುವ ಭೂಸ್ವಾಧೀನ ಪ್ರಕ್ರಿಯೆಗೆ 342 ಕೋಟಿ ರೂ. ಅನುದಾನ ಬೇಕಿದೆ. ನಿಗಮದಿಂದ ಈವರೆಗೆ ಮೂರು ಹಂತಗಳಲ್ಲಿ ಒಟ್ಟು 114 ಕೋಟಿ ರೂ. ಬಿಡು ಗಡೆಯಾಗಿದೆ. 1,300 ಎಕರೆ ಭೂಸ್ವಾಧೀನಕ್ಕೆ ಪ್ರಕ್ರಿಯೆಗಳು ಆರಂಭವಾಗಿದ್ದು, ಗುಬ್ಬಿ ಮತ್ತು ತುಮಕೂರು ತಾಲೂಕಿನಲ್ಲಿ ಒಟ್ಟು 100 ಎಕರೆ ಭೂಸ್ವಾಧೀನವಾಗಿದೆ. ಮಧುಗಿರಿಯಲ್ಲಿ ಗುರುತ್ವಾಕರ್ಷಣೆ ಪೈಪ್‌ಲೈನ್‌ ಬರುತ್ತದೆ. ತುಮಕೂರು 7 ಗ್ರಾಮ 17 ಎಕರೆ, ಕೊರಟಗೆರೆ 21 ಗ್ರಾಮ 51 ಎಕರೆ, ಮಧುಗಿರಿ 24 ಗ್ರಾಮ 78 ಎಕರೆ, ಪಾವಗಡ 15 ಗ್ರಾಮ 69 ಎಕರೆ ಭೂಸ್ವಾಧೀನವಾಗಬೇಕಿದ್ದು, ಸರ್ವೆಕಾರ್ಯ ಪ್ರಾರಂಭ ವಾಗಿದೆ. ಗುಬ್ಬಿ ತಾಲೂಕಿನಲ್ಲಿ ಮಲಮಾಚ ಕುಂಟೆ, ನಲ್ಲೂರು, ಪಟ್ರಾವತ್ತನಹಳ್ಳಿ, ತೊರ ಚನಹಳ್ಳಿ, ಜಾಲಗುಣಿ, ಎಂ.ಎಂ.ಎ ಕಾವಲ್‌ ಸೇರಿ 6 ಗ್ರಾಮಗಳಲ್ಲಿ ಭೂಸ್ವಾಧೀನವಾಗಿದೆ. ತುಮಕೂರು ತಾಲೂಕಿನಲ್ಲಿ ದೊಡ್ಡವೀರನ ಹಳ್ಳಿ, ದೊಡ್ಡೇರಿ, ಅತ್ತಿನಾಯಕನಹಳ್ಳಿ, ದೇವ ರಾಜನಹಳ್ಳಿ ಸೇರಿ 4 ಗ್ರಾಮಗಳಲ್ಲಿ ಭೂಸ್ವಾಧೀನವಾಗಿದೆ. ಇಷ್ಟು ಗ್ರಾಮಗಳಲ್ಲಿ ಭೂ ಸಂತ್ರಸ್ತ ರಿಗೆ ಆರ್‌ಟಿಜಿಎಸ್‌ ಮೂಲಕ ನೇರವಾಗಿ ಬ್ಯಾಂಕ್‌ ಖಾತೆಗೆ ಪರಿಹಾರದ ಹಣ ಪಾವತಿ ಮಾಡಲಾಗಿದೆ. ಇವೆರಡು ತಾಲೂಕುಗಳಲ್ಲಿ ಉಳಿದಿರುವ 46 ಗ್ರಾಮಗಳ ಭೂ ಸ್ವಾಧೀನದ ಅವಧಿ ವಿಸ್ತರಣೆಗೆ ಸರಕಾರದ ಅನುಮತಿ ಕೋರಿ ಜಿಲ್ಲಾಧಿಕಾರಿ ಮೂಲಕ ಪತ್ರ ಬರೆಯಲಾಗಿದೆ. ಅನುಮೋದನೆ ದೊರೆತ ಬಳಿಕ ಅಂತಿಮ ಅಧಿಸೂಚನೆ ಹೊರಡಿಸಲು ಸಿದ್ಧತೆ ನಡೆದಿದೆ. ಅದಾದ ಒಂದು ತಿಂಗಳ ಬಳಿಕ ತೋಟಗಾರಿಕೆ ಮತ್ತು ಅರಣ್ಯ ಇಲಾಖೆಯಿಂದ ಮೌಲ್ಯಮಾಪನವಾಗಬೇಕಿದ್ದು, ಈ ಹಂತ ಬಹಳ ವಿಳಂಬವಾಗಲಿದೆ.

from India & World News in Kannada | VK Polls https://ift.tt/2uGBb5G

ದೆಹಲಿ ಹಿಂಸಾಚಾರ: ಅಮಿತ್ ಶಾ ರಾಜೀನಾಮೆಗೆ ಈಶ್ವರ್ ಖಂಡ್ರೆ ಒತ್ತಾಯ

ಬೆಂಗಳೂರು: ದೆಹಲಿಯಲ್ಲಿ ನಡೆದ ಸಿಎಎ ಪರ- ವಿರೋಧಿ ಹಿಂಸಾಚಾರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಮಾಯಕರ ಸಾವು ನೋವಿಗೆ ಕೇಂದ್ರದ ಬಿಜೆಪಿ ಸರ್ಕಾರ ನೇರ ಹೊಣೆ ಎಂದು ಕೆಪಿಸಿಸಿ ಕಾರ್ಯಾಧ್ಯಕ್ಷ ಈಶ್ವರ್‌ ಖಂಡ್ರೆ ಆರೋಪಿಸಿದರು. ಕೆಪಿಸಿಸಿ ಕಚೇರಿಯಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ದೆಹಲಿಯ ಕಾನೂನು ಸುವ್ಯವಸ್ಥೆಯನ್ನು ಕಾಪಾಡುವ ಹೊಣೆಗಾರಿಕೆ ಗೃಹ ಇಲಾಖೆಯ ವ್ಯಾಪ್ತಿಯಲ್ಲಿ ಬರುತ್ತದೆ. ಹೀಗಿದ್ದರೂ, ಗಲಭೆ ನಿಯಂತ್ರಣ ಮಾಡುವಲ್ಲಿ ಕೇಂದ್ರ ಸರ್ಕಾರ ಸಂಪೂರ್ಣ ವಿಫಲವಾಗಿದೆ. ಈ ನಿಟ್ಟಿನಲ್ಲಿ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರು ರಾಜೀನಾಮೆ ನೀಡಬೇಕು. ಗೃಹ ಮಂತ್ರಿ ರಾಜೀನಾಮೆ ನೀಡದಿದ್ದರೆ ರಾಷ್ಟ್ರಪತಿಗಳು ಅವರನ್ನು ವಜಾ ಮಾಡಬೇಕು ಎಂದು ಒತ್ತಾಯಿಸಿದರು. ಗಲಭೆಗೆ ಬಿಜೆಪಿ ಸಚಿವ ಅನುರಾಗ್‌ ಠಾಕೂರ್‌ ಹಾಗೂ ಕಪಿಲ್ ಮಿಶ್ರಾ ಪ್ರಚೋದನಾತ್ಮಕ ಹೇಳಿಕೆ ಕಾರಣ ಎಂದು ಆರೋಪಿಸಿದ ಖಂಡ್ರೆ, ಸೂಕ್ತ ಕಾನೂನು ಕ್ರಮಕ್ಕೆ ಒತ್ತಾಯಿಸಿದರು. ದೆಹಲಿ ಹಿಂಸಾಚಾರಕ್ಕೆ ವಿಚಾರವಾಗಿ ಕೇಂದ್ರ ಸರ್ಕಾರಕ್ಕೆ ಚಾಟಿ ಬೀಸಿದ ನ್ಯಾಯಾಧೀಶರಾದ ಮುರಳೀಧರ್‌ ಅವರನ್ನು ರಾತ್ರೋ ರಾತ್ರಿ ವರ್ಗಾವಣೆ ಮಾಡಿರುವುದು ಅಘಾತಕಾರಿ. ನ್ಯಾಯಾಧೀಶರನ್ನು ಹೆದರಿಸುವಂತಹ ಕೆಲಸ ದೇಶದಲ್ಲಿ ನಡೆಯುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು. ಗಲಭೆಗೆ ಯಾವುದೇ ಪಕ್ಷದವರು ಕಾರಣವಾಗಿರಲಿ ಅಂಥವರ ವಿರುದ್ಧ ಕಠಿಣ ಕಾನೂನು ಕ್ರಮ ಜರಗಬೇಕು ಎಂದು ಒತ್ತಾಯಿಸಿದರು. ದೆಹಲಿಯಲ್ಲಿ ಪೌರತ್ವ ತಿದ್ದುಪಡಿ ಕಾಯ್ದೆ ವಿಚಾರವಾಗಿ ನಡೆದ ಪರ-ವಿರೋಧ ಪ್ರತಿಭಟನೆ ಮತೀಯ ಹಿಂಸೆಗೆ ತಿರುಗಿದ ಪರಿಣಾಮ 38 ಜನರು ಪ್ರಾಣ ಕಳೆದುಕೊಂಡಿದ್ದಾರೆ. ಗಲಭೆಯಲ್ಲಿ ಅಪಾರ ಪ್ರಮಾಣದ ಹಾನಿ ಸಂಭವಿಸಿದೆ. ಸದ್ಯ ರಾಜಕೀಯ ಆರೋಪ ಪತ್ಯಾರೋಪಕ್ಕೆ ದೆಹಲಿ ಹಿಂಸಾಚಾರ ಕಾರಣವಾಗಿದೆ. ಗಲಭೆ ಪೀಡಿತ ಪ್ರದೇಶಗಳಲ್ಲಿ ಬಿಗಿ ಪೊಲೀಸ್ ಬಂದೋಬಸ್ತ್ ಕೈಗೊಳ್ಳಲಾಗಿದ್ದು ಯಾವುದೇ ಅಹಿತಕರ ಘಟನೆ ನಡೆಯದಂತೆ ಎಚ್ಚರಿಕೆ ಕೈಗೊಳ್ಳಲಾಗಿದೆ.

from India & World News in Kannada | VK Polls https://ift.tt/386R6HZ

ಅತ್ತ ದಿಲ್ಲಿ ಹೊತ್ತಿ ಉರಿಯುತ್ತಿದ್ದಾಗ, ಇತ್ತ ಹಿಂದೂ ಯುವತಿ ವಿವಾಹಕ್ಕೆ ಮುಸ್ಲಿಂರ ಪೌರೋಹಿತ್ಯ

ಹೊಸದಿಲ್ಲಿ: ದೆಹಲಿಯ ಹಿಂಸಾಚಾರ ಸದ್ಯಕ್ಕೆ ತಹಬದಿಗೆ ಬಂದಂತೆ ಕಾಣುತ್ತಿದೆ. 39 ಜನರ ಬಲಿಪಡೆದ ಗಲಭೆ ಹಲವು ಭ್ರಾತೃತ್ವ, ಸಾಮರಸ್ಯದ ಕ್ಷಣಗಳಿಗೆ ಸಾಕ್ಷಿಯಾಗಿದೆ. ಆ ಕ್ಷಣಗಳಿಗೆ ಮತ್ತೊಂದು ಘಟನೆ ಸೇರ್ಪಡೆಯಾಗಿದ್ದು, ಚಾಂದ್‌ ಬಾಗ್‌ ಜಿಲ್ಲೆಯ ಪ್ರಾಬಲ್ಯದ ಪ್ರದೇಶದಲ್ಲಿ ಯುವತಿಯ ವಿವಾಹಕ್ಕೆ ಮುಸ್ಲಿಂ ಯುವಕರೇ ಭದ್ರತೆ ನೀಡಿ ಸರಾಗವಾಗಿ ಮದುವೆ ನೆರವೇರುವಂತೆ ನೋಡಿಕೊಂಡಿದ್ದಾರೆ. ಹೌದು, 23 ವರ್ಷದ ಸಾವಿತ್ರಿ ಪ್ರಸಾದ್‌ ಎಂಬ ಯುವತಿಯ ಮದುವೆ ಮಂಗಖವಾರ ನಿಗದಿಯಾಗಿತ್ತು. ಆದರೆ, ಭಾನುವಾರದಿಂದಲೇ ಈಶಾನ್ಯ ದೆಹಲಿಯಲ್ಲಿ ಹಿಂಸಾಚಾರ ಶುರುವಾಗಿತ್ತು. ಆ ಮನೆಯಿಂದ ಒಂದೇರಡು ಹೆಜ್ಜೆ ಇಟ್ಟರೆ ಮುಖ್ಯ ರಸ್ತೆ ಕಾಣುತ್ತದೆ. ಆದರೆ, ಆ ರಸ್ತೆ ಸಿಎಎ ಗಲಭೆಗೆ ಹೊತ್ತಿ ಉರಿಯುತ್ತಿತ್ತು. ಎಲ್ಲರೂ ಈ ಮದುವೆ ನಡೆಯುತ್ತದೆಯೇ ಎಂಬ ಆತಂಕದಲ್ಲಿದ್ದರು. ಆದರೆ, ಆ ಭಯವನ್ನು ಮುಸ್ಲಿಂ ಯುವಕರು ದೂರ ಮಾಡಿ ಮದುವೆಯನ್ನು ಸರಾಗವಾಗಿ ನೆರವೇರಿಸಿದ್ದಾರೆ. ಆದರೆ, ಮಂಗಳವಾರ ನಡೆಯಬೇಕಿದ್ದ ವಿವಾಹ ಬುಧವಾರ ಸರಳವಾಗಿ ವಧುವಿನ ಮನೆಯಲ್ಲಿ ನಡೆದಿದೆ. ಈ ವಿವಾಹಕ್ಕೆ ನೆರೆಹೊರೆಯ ಮುಸ್ಲಿಂ ಜನರೇ ಬಂಧುಗಳಾಗಿ ಭಾಗವಹಿಸಿದ್ದು ವಿಶೇಷವಾಗಿತ್ತು. ಏಕೆಂದರೆ, ಹಿಂಸಾಚಾರದ ಕಾರಣಕ್ಕೆ ಸಾವಿತ್ರಿ ಪ್ರಸಾದ್‌ ಅವರ ಸಂಬಂಧಿಕರು ಯಾರು ಬಂದಿರಲಿಲ್ಲ. ಇದೇ ಕಾರಣಕ್ಕಾಗಿ, ವಧುವಿನ ತಂದೆ ಭೋದೆ ಪ್ರಸಾದ್‌, ವಿವಾಹದ ದಿನ ನೆರೆಯ ಮುಸ್ಲಿಂ ಬಾಂಧವರು ನನ್ನ ಜೊತೆ ಇದ್ದರು ಅವರೇ ನಮ್ಮ ಕುಟುಂಬ ಎಂದು ಭ್ರಾತೃತ್ವ ಸಾರಿದರು. ಮುಸ್ಲಿಂ ಸಹೋದರರು ನನ್ನನ್ನು ಕಾಪಾಡಿದ್ದಾರೆ ಎಂದು ಸಾವಿತ್ರಿ ಪ್ರಸಾದ್‌ ಹೇಳಿದ್ದು, ಅಲ್ಲಿನ ಜನರ ಬಾಂಧವ್ಯಕ್ಕೆ ಸಾಕ್ಷಿಯಾಗಿತ್ತು. ಚಾಂದ್‌ ಬಾಗ್‌ ಜಿಲ್ಲೆಯ ಸಾವಿತ್ರಿ ಪ್ರಸಾದ್‌ ಮನೆಯಲ್ಲಿ ವಿವಾಹದ ಸಂಪ್ರದಾಯಗಳು ನಡೆದಿದ್ದು, ಮನೆಯೊಳಗಡೆಯೇ ವಧು-ವರರು ಸಪ್ತಪದಿ ತುಳಿದಿದ್ದಾರೆ. ಇದರ ಜೊತೆ ನೆರೆಹೊರೆಯ ಮುಸ್ಲಿಂ ಬಾಂಧವರೆಲ್ಲಾ ಬಂದು ವಧು-ವರರನ್ನು ಆಶೀರ್ವದಿಸಿದ್ದು ಸಾಮರಸ್ಯವನ್ನು ತೋರಿಸುತ್ತಿತ್ತು. ಇನ್ನು, ಪರಿಸ್ಥಿತಿ ಬಗ್ಗೆ ಭೋಧೆ ಪ್ರಸಾದ್‌, ನಾವು ಮನೆಯ ಮಾಳಿಗೆಗೆ ಹೋಗಿ ನೋಡಿದಾಗ ಎಲ್ಲೆಲ್ಲೂ ಹೊಗೆಯೇ ಕಂಡುಬರುತ್ತಿತ್ತು. ಅವತ್ತಿನ ಪರಿಸ್ಥಿತಿ ಬಹಳ ಕೆಟ್ಟದಾಗಿತ್ತು. ನಮಗೆ ಕೇವಲ ಶಾಂತಿ ಬೇಕಿತ್ತು. ಈ ಹಿಂಸಾಚಾರದ ಹಿಂದೆ ಯಾರಿದ್ದಾರೆ ಎಂಬುದು ನಮಗೆ ಗೊತ್ತಿಲ್ಲ. ಆದರೆ, ಅವರ್ಯಾರು ನಮ್ಮ ನೆರೆಹೊರೆಯವರಲ್ಲ. ಇಲ್ಲಿ ಹಿಂದೂ ಮತ್ತು ಮುಸ್ಲಿಂರ ಮಧ್ಯೆ ಯಾವುದೇ ವೈರತ್ವ ಇಲ್ಲ ಎಂದು ಹೇಳಿದರು. ಧರ್ಮದ ವಿಚಾರವಾಗಿ ಈ ಹಿಂಸಾಚಾರ ನಡೆಯುತ್ತಿಲ್ಲ. ಆದರೆ, ಅದನ್ನು ಧರ್ಮಕ್ಕೆ ತಂದು ಕಟ್ಟುತ್ತಿದ್ದಾರೆ. ನಮ್ಮ ಮಧ್ಯೆ ಯಾವುದೇ ವೈರತ್ವ ಇಲ್ಲ ಎಂದು ವಧುವಿನ ವಿವಾಹಕ್ಕೆ ಮನೆ ಹೊರಗಡೆ ನಿಂತು ರಕ್ಷಣೆ ಒದಗಿಸಿದ್ದ ಅಮೀರ್‌ ಮಲಿಕ್‌ ಹೇಳಿದ್ದು, ಭವ್ಯ ಭಾರತದ ಸಹಿಷ್ಣುತೆಯನ್ನು ಪ್ರದರ್ಶಿಸಿತು.

from India & World News in Kannada | VK Polls https://ift.tt/2T7KBAu

ಯುವ ಓಪನರ್‌ ಪೃಥ್ವಿ ಶಾ ಫಿಟ್ನೆಸ್‌ ಬಗ್ಗೆ ಬಾಯ್ಬಿಟ್ಟ ಕೋಚ್‌ ರವಿ ಶಾಸ್ತ್ರಿ!

ಕ್ರೈಸ್ಟ್‌ ಚರ್ಚ್‌: ಅನುಭವಿ ಆಟಗಾರ ರೋಹಿತ್‌ ಶರ್ಮಾ ಅನುಪಸ್ಥಿತಿಯಲ್ಲಿ ಭಾರತ ತಂಡದ ಇನಿಂಗ್ಸ್‌ ಆರಂಭಿಸುತ್ತಿರುವ ಯಂಗ್‌ ಓಪನರ್‌ ಕೂಡ ಗಾಯದ ಸಮಸ್ಯೆ ಎದುರಿಸಿ, ಆತಿಥೇಯ ವಿರುದ್ಧ ಇಲ್ಲಿನ ಹ್ಯಾಗ್ಲೀ ಓವಲ್‌ ಕ್ರೀಡಾಂಗಣದಲ್ಲಿ ಶನಿವಾರ (ಫೆ29) ಶುರುವಾಗಲಿರುವ 2ನೇ ಟೆಸ್ಟ್‌ನಿಂದ ಹೊರಗುಳಿಯುವ ಆತಂಕದಲ್ಲಿದ್ದರು. ಎಡಗಾಲಿನ ಊತದ ಸಮಸ್ಯೆಗೆ ತುತ್ತಾಗಿದ್ದ ಪೃಥ್ವಿ ಶಾ, ಭಾರತ ತಂಡ ಗುರುವಾರ ನಡೆಸಿದ್ದ ನೆಟ್ಸ್‌ ಅಭ್ಯಾಸದಲ್ಲಿ ಪಾಲ್ಗೊಂಡಿರಲಿಲ್ಲ. ಇದೇ ಕಾರಣಕ್ಕೆ ಅವರು ದ್ವಿತೀಯ ಟೆಸ್ಟ್‌ನಲ್ಲಿ ಆಡುವುದು ಅನುಮಾನ ಎಂಬ ಸ್ಥಿತಿ ನಿರ್ಮಾಣವಾಗಿತ್ತು. ಇದೇ ವೇಳೆ ಮ್ಯಾನೇಜ್ಮೆಂಟ್‌ ಶುಕ್ರವಾರ ನಡೆಯಲಿರುವ ನೆಟ್ಸ್‌ ಅಭ್ಯಾಸದಲ್ಲಿ ಪೃಥ್ವಿ ಶಾ ಅವರ ಫಿಟ್ನೆಸ್‌ ಪರೀಕ್ಷೆ ನಡೆಸಲಿದ್ದು, ಅವರು ಉತ್ತಮ ರೀತಿಯಲ್ಲಿ ಬ್ಯಾಟ್‌ ಮಾಡಿದರಷ್ಟೇ 2ನೇ ಪಂದ್ಯದಲ್ಲಿ ಆಡುವ ಅವಕಾಶ ಸಿಗಲಿದೆ ಹೇಳಿದ್ದಾಗಿ ಎಂದು ಮೂಲಗಳು ತಿಳಿಸಿದ್ದವು. ನಿರೀಕ್ಷೆಯಂತೇ ಶುಕ್ರವಾರ ಬ್ಯಾಟಿಂಗ್‌ಗೆ ಇಳಿದ 21 ವರ್ಷದ ಬಲಗೈ ಬ್ಯಾಟ್ಸ್‌ಮನ್‌ ಶಾ, ಕೋಚ್‌ ಅವರ ಹದ್ದಿನ ಕಣ್ಣಿನ ಅಡಿಯಲ್ಲಿ ಭರ್ಜರಿಯಾಗಿ ಬ್ಯಾಟ್‌ ಬೀಸಿದ್ದಾರೆ. ನೆಟ್ಸ್‌ನಲ್ಲಿ ಕಿಂಚಿತ್ತೂ ತಡವರಿಸದೆ ಬ್ಯಾಟ್‌ ಮಾಡಿ ತಮ್ಮ ಫಿಟ್ನೆಸ್‌ ಸಾಬೀತು ಪಡಿಸಿದ್ದಾರೆ. ಈ ಸಂದರ್ಭದಲ್ಲಿ ಕ್ಯಾಪ್ಟನ್‌ ವಿರಾಟ್‌ ಕೊಹ್ಲಿ ಮತ್ತು ಕೋಚ್‌ನಿಂದಲೂ ಉಪಯುಕ್ತ ಸಲಹೆಗಳನ್ನು ಕೇಳಿ ಪಡೆದುಕೊಂಡಿದ್ದಾರೆ. ಟೀಮ್‌ ಇಂಡಿಯಾದ ಅಭ್ಯಾಸ ಬಳಿಕ ಮಾತನಾಡಿರುವ ಕೋಚ್‌ ರವಿ ಶಾಸ್ತ್ರಿ, "ಪೃಥ್ವಿ ಪಂದ್ಯವನ್ನಾಡಲು ಸಂಪೂರ್ಣ ಸಜ್ಜಾಗಿದ್ದಾರೆ," ಎಂದು ಯುವ ಬ್ಯಾಟ್ಸ್‌ಮನ್‌ ಫಿಟ್ನೆಸ್‌ಗೆ ಕೋಚ್‌ ಗ್ರೀನ್‌ ಸಿಗ್ನಲ್‌ ನೀಡಿದ್ದಾರೆ. ಇದರೊಂದಿಗೆ ಮತ್ತೊಬ್ಬ ಯುವ ಓಪನರ್‌ ಶುಭಮನ್‌ ಗಿಲ್‌ ಅವರಿಗೆ ಭಾರತ ಟೆಸ್ಟ್‌ ತಂಡಕ್ಕೆ ಪದಾರ್ಪಣೆ ಮಾಡಲು ಮತ್ತಷ್ಟು ಸಮಯ ಕಾಯುವಂತಾಗಿದೆ. ವೆಲ್ಲಿಂಗ್ಟನ್‌ನ ಬೇಸಿನ್‌ ರಿಸರ್ವ್‌ ಕ್ರೀಡಾಂಗಣದಲ್ಲಿ ನಡೆದ ಮೊದಲ ಟೆಸ್ಟ್‌ ಪಂದ್ಯದಲ್ಲಿ ಭಾರತ ತಂಡ ಎರಡೂ ಇನಿಂಗ್ಸ್‌ಗಳಲ್ಲಿ 200 ರನ್‌ಗಳ ಗಡಿ ಮುಟ್ಟಲಾಗದೆ ಹೀನಾಯ ಬ್ಯಾಟಿಂಗ್‌ ಪ್ರದರ್ಶನ ನೀಡಿ 10 ವಿಕೆಟ್‌ಗಳ ಸೋಲಿನ ಮುಖಭಂಗ ಅನುಭವಿಸಿತ್ತು. ಪಂದ್ಯದ ಮೊದಲ ಇನಿಂಗ್ಸ್‌ನಲ್ಲಿ 16 ರನ್‌ಗಳಿಸಿ ಉತ್ತಮವಾಗಿ ಆಡುತ್ತಿದ್ದ ಪೃಥ್ವಿ ಶಾ, ವೇಗಿ ಟಿಮ್‌ ಸೌಥೀ ಬೌಲಿಂಗ್‌ನಲ್ಲಿ ಕ್ಲೀನ್‌ ಬೌಲ್ಡ್‌ ಆದರು. ಬಳಿಕ ಎರಡನೇ ಇನಿಂಗ್ಸ್‌ನಲ್ಲೂ 14 ರನ್‌ಗಳಿಸಿ ದೊಡ್ಡ ಇನಿಂಗ್ಸ್‌ ಆಡುವ ಕಡೆಗೆ ಎದುರು ನೋಡುತ್ತಿದ್ದರಾದರೂ, ಎಡಗೈ ವೇಗಿ ಟ್ರೆಂಟ್‌ ಬೌಲ್ಟ್‌ ಬೌಲಿಂಗ್‌ನಲ್ಲಿ ಸ್ಕ್ವೇರ್‌ ಲೆಗ್‌ನಲ್ಲಿದ್ದ ಫೀಲ್ಡರ್‌ ಟಾಮ್‌ ಲೇಥಮ್‌ ಪಡೆದ ಸ್ಟನ್ನಿಂಗ್‌ ಕ್ಯಾಚ್‌ನಿಂದ ನಿರಾಸೆ ಅನುಭವಿಸಿದ್ದರು. 2018ರಲ್ಲಿ ಭಾರತ ಟೆಸ್ಟ್‌ ತಂಡಕ್ಕೆ ಪದಾರ್ಪಣೆ ಮಾಡಿದ ಪಂದ್ಯದಲ್ಲೇ ಶತಕ ಬಾರಿಸಿದ್ದ ಪೃಥ್ವಿ ಶಾ, ಬಳಿಕ 2018-19ರ ಆಸ್ಟ್ರೇಲಿಯಾ ಪ್ರವಾಸದ ವೇಳೆ ಪಾದದ ಗಾಯಕ್ಕೆ ತುತ್ತಾಗಿ ತಂಡದಿಂದ ಹೊರಬಿದ್ದಿದ್ದರು. ಬಳಿಕ ಬೆನ್ನು ನೋವಿನ ಸಮಸ್ಯೆ ಮತ್ತು 6 ತಿಂಗಳ ಡೋಪಿಂಗ್‌ ಅಮಾನತು ಶಿಕ್ಷೆ ಎಲ್ಲವನ್ನೂ ಮುಗಿಸಿ ಕಮ್‌ಬ್ಯಾಕ್‌ ಮಾಡಿದ್ದರು. ಕಿವೀಸ್‌ ವಿರುದ್ಧದ ಟಿ20 ಸರಣಿ ವೇಳೆ ರೋಹಿತ್‌ ಶರ್ಮಾ ಗಾಯಗೊಂಡ ಹಿನ್ನೆಲೆಯಲ್ಲಿ ಟೆಸ್ಟ್‌ ತಂಡದಲ್ಲಿ ಪೃಥ್ವಿ ಮರಳಿ ಸ್ಥಾನ ಪಡೆದುಕೊಂಡಿದ್ದಾರೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2vqrI2B

ತಾಹೀರ್ ಹುಸೇನ್ ಅಮಾನತಿಗೆ ಕಾರಣಗಳೇನು?: ಈ ಕುರಿತು ಆಪ್ ಹೇಳುವುದೇನು?

ನವದೆಹಲಿ: ಸಿಎಎ ದಂಗೆಗೆ ಪ್ರಚೋದನೆ ಹಾಗೂ ಐಬಿ ಅಧಿಕಾರಿ ಅಂಕಿತ್ ಶರ್ಮಾ ಹತ್ಯೆ ಪ್ರಕರಣದ ಆರೋಪದ ಮೇಲೆ ಶಾಸಕ ತಾಹೀತ್ ಹುಸೇನ್ ವಿರುದ್ಧ ಎಫ್'ಐಆರ್ ದಾಖಲಾಗಿರುವುದು ಎಲ್ಲರಿಗೂ ಗೊತ್ತಿರುವ ಸಂಗತಿ. ದಂಗೆಯಲ್ಲಿ ತಮ್ಮ ಪಕ್ಷದ ನಾಯಕನ ಕೈವಾಡದ ಶಂಕೆ ಇರುವುದನ್ನು ಕಂಡು ಮುಜುಗರಕ್ಕೀಡಾಗಿರುವ ಆಪ್, ಅವರನ್ನು ಅಮಾನತು ಮಾಡಿ ಆದೇಶ ಹೊರಡಿಸಿದೆ. ಈ ಮೂಲಕ ಕಾನೂನು ವಿರೋಧಿ ಚಟುವಟಿಕೆಯಲಲಿ ಭಾಗವಹಿಸುವವರಿಗೆ ಪಕ್ಷದಲ್ಲಿ ಸ್ಥಾನವಿಲ್ಲ ಎಂಬ ಸಂದೇಶ ರವಾನಿಸಲು ಆಪ್ ಪ್ರಯತ್ನಿಸಿದೆ. ಆದರೆ ತಾಹೀರ್ ಹುಸೇನ್ ಅವರನ್ನು ಅಮಾನತು ಮಾಡಿರುವ ಆಪ್, ಇದಕ್ಕೆ ನಿರ್ದಿಷ್ಟ ಕಾರಣಗಳನ್ನು ನೀಡಿಲ್ಲವಾದರೂ, ಆರೋಪದಿಂದ ಮುಕ್ತರಾಗುವವರೆಗೂ ಪಕ್ಷದ ಪ್ರಾಥಮಿಕ ಸದಸ್ಯತ್ವದಿಂದ ಕಿತ್ತು ಹಾಕಿರುವುದಾಗಿ ಹೇಳಿದೆ. ಅಷ್ಟಕ್ಕೂ ತಾಹೀತ್ ಹುಸೇನ್ ವಿರುದ್ಧ ಕೇಳಿ ಬಂದಿರುವ ಆರೋಪಗಳು ಗಂಭಿರ ಸ್ವರೂಪದ್ದಾಗಿದ್ದು, ಐಬಿ ಅಧಿಕಾರಿ ಹತ್ಯೆ ಹಾಗೂ ದಂಗೆಗೆ ಪ್ರಚೋದನೆ ನೀಡಿದ ಗುರುತರ ಅರೋಪ ಎದುರಿಸುತ್ತಿದ್ದಾರೆ. ದಂಗೆಗೆ ಪ್ರಚೋದನೆ ನೀಡುತ್ತಿರುವ ತಾಹೀರ್ ಹುಸೇನ್ ಅವರ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಪೊಲೀಸರು ಈ ವಿಎಇಯೋ ಕುರಿತು ಈಗಾಗಲೇ ತನಿಖೆ ನಡೆಸಿದ್ದಾರೆ. ವಿಡಿಯೋದಲ್ಲಿ ತಮಗೆ ಸೇರಿದ ಕಟ್ಟಡವೊಂದರ ಮೇಲೆ ನಿಂತಿರುವ ತಾಹೀರ್ ಹುಸೇನ್, ಬೆಂಬಲಿಗರಿಗೆ ಸಿಎಎ ಪರ ಹೋರಾಟಗಾರರತ್ತ ಪೆಟ್ರೋಲ್ ಬಾಂಬ್ ಎಸೆಯುವಂತೆ ಪ್ರಚೋದನೆ ನೀಡುತ್ತಿರುವುದು ಸ್ಪಷ್ಟವವಾಗಿದೆ. ತಾಹೀರ್ ಹುಸೇನ್ ಕಟ್ಟಡದ ಮೇಲೆ ಪೆಟ್ರೋಲ್ ಬಾಂಬ್ ಹಾಗೂ ಅಪಾರ ಪ್ರಮಾಣದ ಕಲ್ಲುಗಳನ್ನು ಸಂಗ್ರಹಿಸಿ, ಅವುಗಳನ್ನು ಸಿಎಎ ಪರ ಹೋರಾಟಗಾರರ ಮೇಲೆ ಎಸೆಯುವಂತೆ ಬೆಂಬಲಿಗರಿಗೆ ಹೇಳುತ್ತಿರುವ ವಿಡಿಯೋ ಇದಾಗಿದೆ. ಇಷ್ಟೇ ಅಲ್ಲದೇ ಐಬಿ ಅಧಿಕಾರಿ ಅಂಕಿತ್ ಶರ್ಮಾ ಅವರನ್ನು ತಾಹೀರ್ ಬೆಂಬಲಿರೇ ಹತ್ಯೆ ಮಾಡಿದ್ದಾರೆ ಎನ್ನಲಾಗಿದ್ದು, ಈ ಕುರಿತು ಅಂಕಿತ್ ಶರ್ಮಾ ತಂದೆ ರವೀಂದ್ರ ಶರ್ಮಾ ಕೂಡ ತಾಹೀರ್ ವಿರುದ್ಧ ಗಂಭೀರ ಆರೋಪ ಮಾಡಿದ್ದಾರೆ. ಈ ಎಲ್ಲ ಬೆಳವಣಿಗೆಗಳಿಂದ ತೀವ್ರ ಮುಜುಗರಕ್ಕೀಡಾಗಿರುವ ಆಪ್, ತಾಹೀರ್ ಹುಸೇನ್ ಅವರನ್ನು ಅಮಾನತು ಮಾಡಿದೆ. ಆರೋಪದಿಂದ ಮುಕ್ತವಾಗುವವರೆಗೂ ತಾಹೀರ್'ಗೆ ಪಕ್ಷದಲ್ಲಿ ಸ್ಥಾನವಿಲ್ಲ ಎಂದು ಆಪ್ ಹೇಳಿದೆ. ಅಲ್ಲದೇ ನಿನ್ನೆ ನಡೆದ ಪತ್ರಿಕಾಗೋಷ್ಠಿಯಲ್ಲಿ ದಂಗೆಯಲ್ಲಿ ಯಾವುದೇ ಆಪ್ ನಾಯಕನ ಕೈವಾಡವಿದ್ದರೂ ಆತನಿಗೆ ಎರಡು ಪಟ್ಟು ಹೆಚ್ಚು ಶಿಕ್ಷೆ ನೀಡಿ ಎಂದು ಹೇಳಿದ್ದರು. ಇದೀಗ ತಾಹೀರ್ ವಿರುದ್ಧ ಪೊಲೀಸರು ಎಫ್'ಐಆರ್ ದಾಖಲಿಸಿರುವುದರಿಂದ ಅವರಿಗೆ ತಮ್ಮ ಹೇಳಿಕೆಗೆ ಬದ್ಧವಾಗಿರಬೇಕಾದ ಅನಿವಾರ್ಯತೆಯೂ ಸೃಷ್ಟಿಯಾಗಿರುವುದು ಸುಳ್ಳಲ್ಲ.

from India & World News in Kannada | VK Polls https://ift.tt/2I5ttF8

ರಾಷ್ಟ್ರೀಯ ವಿಜ್ಞಾನ ದಿನದಂದು ಭಾರತೀಯ ವಿಜ್ಞಾನಿಗಳಿಗೆ ವಂದಿಸಿದ ಮೋದಿ

ನವದೆಹಲಿ: ರಾಷ್ಟ್ರೀಯ ವಿಜ್ಞಾನ ದಿನದ (ಫೆ.28) ಅಂಗವಾಗಿ, ಪ್ರಧಾನಿ ನರೇಂದ್ರ ಮೋದಿ ಅವರು ಭಾರತೀಯ ವಿಜ್ಞಾನಿಗಳನ್ನು ಅಭಿನಂದಿಸಿದ್ದಾರೆ. ದೇಶದ ವಿಜ್ಞಾನಿಗಳ ಪ್ರತಿಭೆ ಮತ್ತು ಸ್ಥಿರತೆಗೆ ಧನ್ಯವಾದ ತಿಳಿಸಲು ಇದು ಸುಸಂದರ್ಭ. ಅವರ ನವೀನ ಸಂಶೋಧನೆಗಳು ದೇಶಕ್ಕೆ ಹಾಗೂ ಇಡೀ ಪ್ರಪಂಚಕ್ಕೆ ಉಪಯೋಗಕಾರಿಯಾಗಿವೆ. ಇತ್ತೀಚೆಗೆ ನಡೆದ 'ಭಾರತೀಯ ಸೈನ್ಸ್‌ ಕಾಂಗ್ರೆಸ್' ನಲ್ಲಿ ವಿಜಾನ ಕ್ಷೇತ್ರದ ಕುರಿತಂತೆ ಮಾತನಾಡಿದ್ದೆ. ಅದನ್ನು ಇಲ್ಲಿ ಮತ್ತೆ ಹಂಚಿಕೊಳ್ಳುತ್ತಿದ್ದೇನೆ ಎಂದು ಟ್ವೀಟ್‌ ಮಾಡಿದ್ದಾರೆ. ಭಾರತೀಯ ವಿಜ್ಞಾನವು ಪ್ರವರ್ಧಮಾನಕ್ಕೆ ಬರಲಿ ಮತ್ತು ನಮ್ಮ ಯುವ ಮನಸ್ಸುಗಳು ವಿಜ್ಞಾನದ ಬಗ್ಗೆ ಇನ್ನೂ ಹೆಚ್ಚಿನ ಕುತೂಹಲವನ್ನು ಬೆಳೆಸಿಕೊಳ್ಳಲಿ ಎಂದು ಟ್ವಿಟ್ಟರ್ನಲ್ಲಿ ತಿಳಿಸಿದ್ದಾರೆ. ಪ್ರಪಂಚ ಕಂಡ ಭಾರತದ ಶ್ರೇಷ್ಠ ವಿಜ್ಞಾನಿ ಸಿ.ವಿ. ರಾಮನ್‌ ಅವರ ನೆನಪಿಗಾಗಿ ದೇಶದಲ್ಲಿ ವಿಜ್ಞಾನ ದಿನವನ್ನು ಆಚರಣೆ ಮಾಡಲಾಗುತ್ತದೆ. 1928 ರ ಫೆಬ್ರವರಿ 28ರಂದು ಭೌತಶಾಸ್ತ್ರಜ್ಞ ಸರ್.ಸಿ.ವಿ.ರಾಮನ್ ಅವರು ರಾಮನ್ ಪರಿಣಾಮ (ರಾಮನ್‌ ಎಫೆಕ್ಟ್‌) ಸಿದ್ದಾಂತವನ್ನು ವಿಶ್ವಕ್ಕೆ ಪರಿಚಯಿಸಿದ್ದರು. ಅದರ ಸವಿನೆನಪಿಗಾಗಿ ಫೆಬ್ರವರಿ 28ನ್ನು ಭಾರತದಲ್ಲಿ ರಾಷ್ಟ್ರೀಯ ವಿಜ್ಞಾನ ದಿನವಾಗಿ ಆಚರಿಸಲಾಗುತ್ತಿದೆ.

from India & World News in Kannada | VK Polls https://ift.tt/3adRdTO

ಜೈ ಶ್ರೀ ರಾಮ್ ಜಪಿಸುತ್ತಿದ್ದವರು ಐಬಿ ಅಧಿಕಾರಿ ಹತ್ಯೆ ಮಾಡಿದ್ರಾ? ಸಹೋದರ ಹೇಳಿದ್ದೇನು?

ಹೊಸದಿಲ್ಲಿ: ಅಮೆರಿಕದ ಪ್ರಮುಖ ಸುದ್ದಿ ವೆಬ್‌ಸೈಟ್ ವಾಲ್ ಸ್ಟ್ರೀಟ್ ಜರ್ನಲ್ (ಡಬ್ಲ್ಯುಎಸ್‌ಜೆ) ಕೊಲೆಗೀಡಾದ ಅಂಕಿತ್ ಶರ್ಮಾ ಅವರ ಸಹೋದರ ಅಂಕುರ್ ಶರ್ಮಾ ಅವರನ್ನು ಉಲ್ಲೇಖಿಸಿ, 'ಜೈ ಶ್ರೀ ರಾಮ್' ಎಂದು ಜಪಿಸುತ್ತಿದ್ದವರು ಅಂಕಿತ್‌ ಶರ್ಮಾರನ್ನು ಹತ್ಯೆ ಮಾಡಿದ್ದಾರೆ ಎಂದು ವರದಿ ಮಾಡಿದೆ. ವಾಲ್ ಸ್ಟ್ರೀಟ್ ಜರ್ನಲ್ ವರದಿ ಏನು ಹೇಳಿದೆ? ದಿಲ್ಲಿ ಹಿಂಸಾಚಾರದಲ್ಲಿ ಭಾರತದ ಆಡಳಿತಾರೂಢ ಪಕ್ಷ ಹಾಗೂ ಸರಕಾರದ ವಿರುದ್ಧ ಟೀಕೆ ಎಂದು ಶೀರ್ಷಿಕೆ ಉಪಯೋಗಿಸಿರುವ ವಾಲ್ ಸ್ಟ್ರೀಟ್ ಜರ್ನಲ್, ಕೊಲೆಗೀಡಾದ ಐಬಿ ಅಧಿಕಾರಿ ಅಂಕಿತ್ ಶರ್ಮಾ ಅವರ ಸಹೋದರ ಅಂಕುರ್‌ ಶರ್ಮಾರನ್ನು ಸಂರ್ಪಿಸಿದ್ದೇವೆ ಎಂದು ಹೇಳಿಕೊಂಡಿದೆ. ಈ ವರದಿ ಪ್ರಕಾರ ಅಂಕಿತ್ ಮನೆಗೆ ಹಿಂದಿರುಗುತ್ತಿದ್ದಾಗ ಗಲಭೆಕೋರರ ಗುಂಪು ಕಲ್ಲುಗಳನ್ನು ಎಸೆಯಲು ಪ್ರಾರಂಭಿಸಿತು ಮತ್ತು ಅವರ ಮನೆ ಇರುವ ಬೀದಿಯಲ್ಲಿ ದಾಳಿ ಮಾಡಿತ್ತು. ಅವರು ಕಲ್ಲುಗಳು, ಕಡ್ಡಿಗಳು, ಚಾಕುಗಳು ಮತ್ತು ಕತ್ತಿಗಳನ್ನು ಹಿಡಿದು ಶಸ್ತ್ರಸಜ್ಜಿತರಾಗಿದ್ದರು; ಅವರು 'ಜೈ ಶ್ರೀ ರಾಮ್' ಎಂದು ಕೂಗುತ್ತಿದ್ದರು; ಕೆಲವರು ಹೆಲ್ಮೆಟ್‌ಗಳನ್ನು ಸಹ ಧರಿಸಿದ್ದರು ಎಂದು ವಾಲ್‌ ಸ್ಟ್ರೀಟ್‌ ಜರ್ನಲ್‌ಗೆ ಅಂಕುರ್‌ ದೂರವಾಣಿ ಸಂದರ್ಶನದಲ್ಲಿ ಹೇಳಿದ್ದಾರೆ ಎಂದು ಹೇಳಿಕೊಂಡಿದೆ. ಜತೆಗೆ, ಅಂಕಿತ್‌ಗೆ ಸಹಾಯ ಮಾಡಲು ಬಂದ ನಿವಾಸಿಗಳತ್ತ ಕಲ್ಲು, ಇಟ್ಟಿಗೆಗಳನ್ನು ಎಸೆಯಲು ಪ್ರಾರಂಭಿಸಿದರು, ನಂತರ, ಅವರ ದೇಹ ಮೋರಿಯಲ್ಲಿ ಪತ್ತೆಯಾಗಿದೆ ಎಂದು ವಾಲ್‌ ಸ್ಟ್ರೀಟ್‌ ಜರ್ನಲ್‌ ವರದಿ ಮಾಡಿದ್ದಾರೆ. ಅಂಕುರ್ ಅವರನ್ನು ಉಲ್ಲೇಖಿಸಿದ ವರದಿಯ ಈ ವಾಕ್ಯಗಳ ಸ್ಕ್ರೀನ್‌ ಶಾಟ್‌ ಇಲ್ಲಿದೆ. ಈ ವರದಿಯನ್ನು ವಾಲ್‌ ಸ್ಟ್ರೀಟ್‌ ಜರ್ನಲ್‌ನ ಚಂದಾದಾರರು ಮಾತ್ರ ವೀಕ್ಷಿಸಬಹುದು. ಈ ಸಂಬಂಧ ಅಂಕುರ್ ಟೈಮ್ಸ್ ಫ್ಯಾಕ್ಟ್ ಚೆಕ್‌ಗೆ ಹೇಳಿದ್ದೇನು? ಅಂಕುರ್ ಶರ್ಮಾ ಅವರನ್ನು ಟೈಮ್ಸ್ ಫ್ಯಾಕ್ಟ್ ಚೆಕ್ ಸಂಪರ್ಕ ಮಾಡಿದೆ. ಟೈಮ್ಸ್ ಫ್ಯಾಕ್ಟ್ ಚೆಕ್‌ನೊಂದಿಗಿನ ದೂರವಾಣಿ ಸಂಭಾಷಣೆಯಲ್ಲಿ, ಹತ್ಯೆಗೀಡಾದ ಐಬಿ ಅಧಿಕಾರಿ ಅಂಕಿತ್‌ ಶರ್ಮಾ ಸಹೋದರ ಅಂಕುರ್ ವಾಲ್‌ ಸ್ಟ್ರೀಟ್‌ ಜರ್ನಲ್‌ಗೆ ಅಂತಹ ಯಾವುದೇ ಉಲ್ಲೇಖವನ್ನು ನೀಡಿರುವುದನ್ನು ನಿರಾಕರಿಸಿದರು. ಅವರು ಸುಳ್ಳು ಹೇಳುತ್ತಿದ್ದಾರೆ. ನನ್ನ ಸಹೋದರನನ್ನು ಆಮ್ ಆದ್ಮಿ ಪಕ್ಷದ ಕಾರ್ಪೊರೇಟರ್ (ನೆಹರೂ ವಿಹಾರ್‌) ತಾಹಿರ್ ಹುಸೇನ್ ಕಡೆಯ ವ್ಯಕ್ತಿಗಳು ಹಲ್ಲೆ ಮಾಡಿದ್ದಾರೆ ಎಂದು ನಾನು ಯಾವಾಗಲೂ ಹೇಳಿದ್ದೇನೆ. ಅವರು ಅಂಕಿತ್ ಮೇಲೆ ಹಲ್ಲೆ ನಡೆಸಿ ಹುಸೇನ್ ಮನೆಯೊಳಗೆ ಎಳೆದೊಯ್ದರು ಎಂದು ಅಂಕುರ್‌ ತಿಳಿಸಿದ್ದಾರೆ. ಈ ಹಿಂದೆ ಹಿಂದೂಸ್ತಾನ್ ಟೈಮ್ಸ್‌ನೊಂದಿಗೆ ಮಾತನಾಡಿದ್ದ ಅಂಕುರ್, ಉದ್ರಿಕ್ತ ಜನಸಮೂಹರ ಕೈಯಲ್ಲಿ ಅಂಕಿತ್ ಸಾವಿಗೆ ತಾಹಿರ್‌ ಹುಸೇನ್‌ ಸಂಚು ರೂಪಿಸಿದ್ದಾರೆ ಎಂದು ಆರೋಪ ಮಾಡಿದ್ದರು. ನನ್ನ ಸಹೋದರನನ್ನು ಹಿಡಿದುಕೊಂಡ ಜನಸಮೂಹವು ಹುಸೇನ್‌ ಮನೆಯಿಂದಲೇ ಕಾರ್ಯನಿರ್ವಹಿಸುತ್ತಿತ್ತು. ಆ ಕಟ್ಟಡದ ಟೆರೇಸ್‌ನಿಂದಲೇ ಜನಸಮೂಹ ಕಲ್ಲುಗಳನ್ನು ಎಸೆಯುತ್ತಿತ್ತು ಎಂದು ಹತ್ಯೆಗೀಡಾದ ಅಂಕಿತ್ ಶರ್ಮಾ ಸಹೋದರ ಅಂಕುರ್‌ ಶರ್ಮಾ ಹಿಂದೂಸ್ತಾನ್ ಟೈಮ್ಸ್‌ ಮಾಧ್ಯಮಕ್ಕೆ ತಿಳಿಸಿದ್ದರು. ಅಂಕುರ್‌ ಜತೆ ದೂರವಾಣಿ ಸಂಭಾಷಣೆ ನಡೆಸಿದ್ದೇವೆ ಎಂದು ವಾಲ್‌ ಸ್ಟ್ರೀಟ್‌ ಜರ್ನಲ್‌ ಹೇಳಿಕೊಂಡಿದ್ದು, ಈ ಬಗ್ಗೆ ನಮ್ಮ ಬಳಿ ದಾಖಲೆಗಳಿಲ್ಲ. ಈ ಹಿನ್ನೆಲೆ ಈ ಪ್ರಶ್ನಾರ್ಹ ವರದಿ ಬಗ್ಗೆ ನಾವು ಅವರನ್ನು ಸಂಪರ್ಕಿಸಿದ್ದೇವೆ. ಈ ಬಗ್ಗೆ ಅವರು ಪ್ರತಿಕ್ರಿಯಿಸಿದರೆ ಈ ವರದಿಯನ್ನು ನಾವು ನವೀಕರಿಸುತ್ತೇವೆ. ಟೈಮ್ಸ್ ಫ್ಯಾಕ್ಟ್ ಚೆಕ್ ಕೇವಲ ಸತ್ಯಾಂಶವನ್ನು ಹೇಳುತ್ತಿದೆ ಮತ್ತು ಯಾವುದೇ ತೀರ್ಮಾನವನ್ನು ಓದುಗರ ಮುಂದೆ ಇಡುತ್ತಿಲ್ಲ.

from India & World News in Kannada | VK Polls https://ift.tt/2VuRptq

ಫಲಿಸದ ಪ್ರಾರ್ಥನೆ, ನಾಪತ್ತೆಯಾಗಿದ್ದ ಕೇರಳದ 6 ವರ್ಷದ ಬಾಲಕಿಯ ಮೃತ ದೇಹ ಪತ್ತೆ

ಕೊಲ್ಲಾಂ: ಕೇರಳದ ಕೊಲ್ಲಾಂನ ಎಲವೂರ್‌ ಪ್ರದೇಶದಲ್ಲಿ ನಾಪತ್ತೆಯಾಗಿದ್ದ 6 ವರ್ಷದ ಬಾಲಕಿ ದೇವನಂದ ಮೃತ ದೇಹ ಶುಕ್ರವಾರ ಬೆಳಗ್ಗೆ ಪತ್ತೆಯಾಗಿದೆ. ಪ್ರದೀಪ್‌ ಕುಮಾರ್‌ ಹಾಗೂ ಧಾನ್ಯ ದಂಪತಿಯ ಪುತ್ರಿ 6 ವರ್ಷದ ಗುರುವಾರ ಬೆಳಗ್ಗೆ ಮನೆಯಿಂದ ನಾಪತ್ತೆಯಾಗಿದ್ದಳು. ಮಗಳಿಗಾಗಿ ಹೆತ್ತವರು ಕಂಡ ಕಂಡ ಹುಡುಕಿದ್ದರು, ಎಲ್ಲ ದೇವರ ಮೊರೆ ಹೋಗಿದ್ದರು. ಕುಟುಂಬಸ್ಥರು, ಗ್ರಾಮಸ್ಥರು ಊರಿನ ಮೂಲೆ ಮೂಲೆಯಲ್ಲೆಲ್ಲ ಬಾಲಕಿಗಾಗಿ ತೀವ್ರ ಶೋಧ ನಡೆಸಿದ್ದರು. ಬಾಲಕಿಯ ಪತ್ತೆಗಾಗಿ ಸಾಮಾಜಿಕ ತಾಣಗಳನ್ನು ಆಕೆಯ ಫೋಟೊಗಳನ್ನು ಹಂಚಿಕೊಳ್ಳಲಾಗಿತ್ತು. ಸಾವಿರಾರು ಮಂದಿ ಬಾಲಕಿಯ ಪತ್ತೆಗೆ ಪ್ರಾರ್ಥಿಸಿ ಪೋಸ್ಟ್‌ಗಳನ್ನು ಹಾಕಿದ್ದರು. ಆದರೆ ಯಾರ ಪ್ರಾರ್ಥನೆಯೂ ಫಲಿಸಲಿಲ್ಲ. ಶುಕ್ರವಾರ ಬೆಳಗ್ಗೆ ಬಾಲಕಿಯ ಶವ ಅದೇ ಊರಿನ ಇತ್ತಿಕಾರಾ ಕೆರೆಯಲ್ಲಿ ಪತ್ತೆಯಾಗಿದೆ. ಗುರವಾರ ಬೆಳಗ್ಗೆ 10.15ರ ನಂತರ ಬಾಲಕಿ ಕಾಣೆಯಾಗಿದ್ದಳು. ಕೆರೆಯಲ್ಲಿ ಮುಳುಗಿದ ಶಂಕೆ ವ್ಯಕ್ತವಾಗಿದ್ದರಿಂದ ಮುಳುಗು ತಂಡ ತೀವ್ರವಾಗಿ ಶೋಧ ನಡೆಸಿತ್ತು. ಆದರೂ ದೇವನಂದ ಪತ್ತೆಯಾಗಿರಲಿಲ್ಲ. ಶುಕ್ರವಾರ ಬೆಳಗ್ಗೆ ಬಾಲಕಿಯೊಬ್ಬಳ ಶವ ತೇಲಿ ಕೆರೆಯ ಮೇಲೆ ಬಂದಿದ್ದನ್ನು ಗಮನಿಸಿದ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದರು. ಪರಿಶೀಲನೆ ಬಳಿಕ ಮೃತದೇಹ ದೇವನಂದಳದ್ದೆಂದು ತಿಳಿದುಬಂದಿದೆ. ಕೆರೆಯಲ್ಲಿ ಪತ್ತೆಯಾದ ಬಾಲಕಿಯ ಮೃತದೇಹ ನಾಪತ್ತೆಯಾಗಿದ್ದ 6 ವರ್ಷದ ದೇವನಂದಳದ್ದು ಎಂದು ಸರ್ಕಲ್‌ ಇನ್ಸ್‌ಪೆಕ್ಟರ್‌ ವಿಪಿನ್‌ ಕುಮಾರ್‌ ಖಚಿತ ಪಡಿಸಿದ್ದಾರೆ. ಬಾಲಕಿಯ ಮೃತದೇಹವನ್ನು ವಿಧಿವಿಜ್ಞಾನ ಪರೀಕ್ಷೆಗೆ ಕಳುಹಿಸಲಾಗಿದ್ದು, ಆಕಸ್ಮಿಕವಾಗಿ ಮುಳುಗಿ ಮೃತಪಟ್ಟಳೆ ಅಥವಾ ಬೇರೆ ಕಾರಣವಿದೆಯೇ ಎಂಬುದನ್ನು ಪರೀಕ್ಷಿಸಲಾಗುತ್ತಿದೆ. ''ನಾನು ಬಟ್ಟೆ ತೊಳೆಯಲು ಮನೆಯ ಹತ್ತಿರದ ಕೆರೆಗೆ ಹೋಗಿದ್ದೆ. ಈ ಸಂದರ್ಭ ಮಗಳು ನನ್ನ ಹಿಂಬಾಲಿಸಿ ಬಂದಳು. ನನ್ನ ಹಿಂದೆ ಬರಬೇಡ. ಮನೆಯಲ್ಲಿ ಆಟವಾಡಿಕೊಂಡಿರು ಎಂದು ಅವಳಿಗೆ ಹೇಳಿದ್ದೆ. ಅವಳು ಮನೆಯೊಳಗೆ ಹೋಗಿದ್ದನ್ನು ನೋಡಿದ್ದೆ. ಆದರೆ ಯಾವಾಗ ವಾಪಸ್‌ ಹೊರಗೆ ಬಂದಳು ಎಂದು ಗೊತ್ತಾಗಲಿಲ್ಲ. ಮನೆಗೆ ವಾಪಸ್‌ ಹೋದಾಗ ಮುಂಬಾಗಿಲು ತೆರೆದಿತ್ತು. ಮಗಳು ಕಾಣಿಸಲಿಲ್ಲ'' ಎಂದು ನಡೆದ ಘಟನೆಯನ್ನು ತಾಯಿ ಧಾನ್ಯ ವಿವರಿಸಿದರು. ''ನನ್ನ ಮಗಳು ಬೇರೆಯವರ ಮನೆಗೆ ಆಟವಾಡಲು ಹೋಗುವುದಿಲ್ಲ. ಮಗಳ ಸಾವಿನ ಬಗ್ಗೆ ಯಾರ ಮೇಲೆಯೂ ಸಂಶಯವಿಲ್ಲ'' ಎಂದು ದೇವಾನಂದಳ ತಾಯಿ ಧಾನ್ಯ ಸ್ಪಷ್ಟ ಪಡಿಸಿದ್ದಾರೆ. ತಂದೆ ಪ್ರದೀಪ್‌ ಕುಮಾರ್‌ ಮಸ್ಕತ್‌ನಲ್ಲಿ ಕೆಲಸ ಮಾಡುತ್ತಿದ್ದಾರೆ.

from India & World News in Kannada | VK Polls https://ift.tt/2ThSVws

ಫೆ.29ಕ್ಕೆ ವಿಕ ಬೆಂಗಳೂರು ಅಭಿವೃದ್ಧಿ ಶೃಂಗ, 24/7 ನಗರದ ಸಾಧಕ-ಬಾಧಕ ಬಗ್ಗೆ ಚರ್ಚೆ

ಬೆಂಗಳೂರು: ಡಿಸಿಎಂ ಡಾ. ಸಿ.ಎನ್ ಪ್ರಧಾನ ಪೋಷಕರಾಗಿರುವ ಈ ಶೃಂಗದ ವಿಚಾರಗೋಷ್ಠಿಗಳಲ್ಲಿ ನಗರದ ಸಂಸದರು, ಬಿಬಿಎಂಪಿ, ಬಿಡಿಎ ಆಯುಕ್ತರು, ಜಂಟಿ ಪೊಲೀಸ್ ಆಯುಕ್ತರು, ಪ್ರವಾಸೋದ್ಯಮ ಇಲಾಖೆ ಕಾರ್ಯದರ್ಶಿಗಳು, ಜಲಮಂಡಳಿ ಮುಖ್ಯಸ್ಥರು, ನಗರ ಯೋಜನೆಗಳ ತಜ್ಞರು ಭಾಗವಹಿಸಲಿದ್ದಾರೆ. ನವಬೆಂಗಳೂರು ಫೌಂಡೇಷನ್ ಸ್ಥಾಪಕ ಅನಿಲ್ ಶೆಟ್ಟಿ, ನಗರ ಯೋಜನೆ ತಜ್ಞ ರವಿಚಂದರ್, ನರೇಶ್ ವಿ. ನರಸಿಂಹನ್ ಗೋಷ್ಠಿಗಳನ್ನು ನಿರೂಪಿಸಲಿದ್ದಾರೆ. 24/7 ನಗರವಾಗಿ ಬೆಂಗಳೂರು ಬೆಂಗಳೂರು ಈಗಾಗಲೇ ದಣಿವರಿಯದ ಮಹಾ ನಗರ. ಲಕ್ಷಾಂತರ ಮಂದಿ ಹಗಲು ರಾತ್ರಿಗಳ ವ್ಯತ್ಯಾಸವೇ ಇಲ್ಲದೆ ಕಾರ್ಖಾನೆಗಳಲ್ಲಿ, ಸಂಸ್ಥೆಗಳಲ್ಲಿ ದುಡಿಯುತ್ತಿದ್ದಾರೆ. ಜಗತ್ತಿನ ನಾನಾ ರಾಷ್ಟ್ರಗಳ ವಿಭಿನ್ನ ಕಾಲಮಾನಕ್ಕೆ ತಕ್ಕಂತೆ ಬೆಂಗಳೂರಿನಲ್ಲಿ ತಂತ್ರಜ್ಞಾನ ಹೊರಗುತ್ತಿಗೆಯ ಕೆಲಸಗಳು ದಿನದ ೨೪ ಗಂಟೆಯಲ್ಲೂ ನಡೆಯುತ್ತವೆ. ದೂರದೂರುಗಳಿಂದ ನಿತ್ಯ ಲಕ್ಷಾಂತರ ಪ್ರಯಾಣಿಕರು ಬಂದು ಹೋಗುತ್ತಾರೆ. ನಗರದ ಅಭಿವೃದ್ಧಿ, ಉದ್ಯೋಗ ಸೃಷ್ಟಿ, ಸುರಕ್ಷತೆಯ ದೃಷ್ಟಿಯಿಂದ ದಿನದ ೨೪ ಗಂಟೆಗಳ ಕಾಲವೂ, ವಾರದ ಎಲ್ಲ ದಿನಗಳಲ್ಲೂ ಮುಕ್ತವಾಗಿ ತೆರೆಯಲು ಅನುಮತಿ ಮತ್ತು ಅವಕಾಶ ಕಲ್ಪಿಸಬೇಕು ಎಂಬ ಬೇಡಿಕೆ ಸೃಷ್ಟಿಯಾಗಿದೆ. ದಿನದ ೨೪ ತಾಸುಗಳಲ್ಲೂ ಸುಗಮ ಸಂಚಾರ, ಭದ್ರತೆ ಬೇಡವೇ? ಊಟೋಪಚಾರಗಳಿಗೆ ಹೋಟೆಲ್, ಶಾಪಿಂಗ್‌ಗೆ ಮಾಲ್, ಮಳಿಗೆಗಳು ಹೆಚ್ಚಿನ ಅವಧಿಯಲ್ಲೂ ತೆರೆದಿದ್ದರೆ ಸೂಕ್ತ. ಇದರಿಂದ ನಗರದ ಜಿಡಿಪಿ ಅಭಿವೃದ್ಧಿ, ಉದ್ಯೋಗ ಸೃಷ್ಟಿಗೂ ಸಹಕಾರಿ. 24/7 ಸಿಟಿ ಎಂದರೆ ಕೇವಲ ಬಾರ್‌ಗಳು, ಪಬ್‌ಗಳನ್ನು ತೆರೆಯುವುದು ಎಂದಲ್ಲ. ಇವುಗಳಿಗೆ ಸಮಯದ ನಿರ್ಬಂಧ ಇದ್ದರೇ ಒಳ್ಳೆಯದು. ಆದರೆ ಹೋಟೆಲ್, ರೆಸ್ಟೊರೆಂಟ್, ಮಾಲ್, ಚಿತ್ರ ಮಂದಿರ, ಸಲೂನ್, ಬ್ಯಾಂಕ್, ಬಸ್, ಮೆಟ್ರೊ ಇತ್ಯಾದಿಗಳು ೨೪ ಗಂಟೆಯೂ ಮುಕ್ತವಾಗಿದ್ದರೆ ಅದರಿಂದ ಅನುಕೂಲ, ಉದ್ಯೋಗ ಸೃಷ್ಟಿಯಾಗಲಿದೆ. ನಗರವೊಂದು ೨೪ ಗಂಟೆಯೂ ತೆರೆದಿದ್ದರೆ ಅದು ಜನತೆಯಲ್ಲಿ ಭದ್ರತೆಯ ನಿರಾಳ ಭಾವವನ್ನು ನೀಡುತ್ತದೆ. ಯಾವುದೇ ಹೊತ್ತಲ್ಲಾದರೂ ನಗರದಲ್ಲಿ ಸಂಚರಿಸಲು ನಿರ್ಭಯದ ವಾತಾವರಣ ಸೃಷ್ಟಿಯಾಗುತ್ತದೆ. ಮತ್ತೆ ಹಲವರಿಗೆ ೨೪/೭ ಸಿಟಿಯ ಜಾರಿ ಬೆಂಗಳೂರಿನಲ್ಲಿ ಸಾಧ್ಯವೇ ಎಂಬ ಪ್ರಶ್ನೆಯೂ ಇಲ್ಲದಿಲ್ಲ. ಈ ಎಲ್ಲ ಸಾಧಕ-ಬಾಧಕಗಳ ಜಿಜ್ಞಾಸೆ ನಡೆಯಲಿದೆ. ಸಮಗ್ರ ಪ್ರವಾಸೋದ್ಯಮ ಕೇಂದ್ರವಾಗಿ ಉದ್ಯಾನ ನಗರಿ ಬೆಂಗಳೂರಿಗೆ ಭೇಟಿ ನೀಡುವ ಪ್ರವಾಸಿಗರಿಗೆ ಲಾಲ್ ಬಾಗ್, ವಿಧಾನ ಸೌಧ, ಇಸ್ಕಾನ್, ನಂದಿ ಬೆಟ್ಟ ಹೊರತುಪಡಿಸಿ ಬೇರೆ ಯಾವುದೇ ಸ್ಥಳಗಳ ಹೆಸರು ಗೊತ್ತಾಗುವುದಿಲ್ಲ. ಅಷ್ಟರಮಟ್ಟಿಗೆ ನಿರಾಸೆಯಾಗುತ್ತದೆ. ಆದರೆ ವಾಸ್ತವವಾಗಿ ಬೆಂಗಳೂರನ್ನು ದೇಶದಲ್ಲೇ ಪ್ರಮುಖ ಪ್ರವಾಸಿ ತಾಣವಾಗಿ ಅಭಿವೃದ್ಧಿಪಡಿಸುವ ಎಲ್ಲ ಸಾಧ್ಯತೆಗಳೂ ಇವೆ! ಬೆಂಗಳೂರಿನ ಆಸುಪಾಸಿನಲ್ಲಿರುವ ರಾಮನಗರ, ಕನಕಪುರ, ತುಮಕೂರು, ದೇವನಹಳ್ಳಿ ಮತ್ತಿತರ ಪ್ರದೇಶಗಳು ರಮಣೀಯ ತಾಣಗಳಾಗಿವೆ. ಟ್ರೆಕ್ಕಿಂಗ್, ನೇಚರ್ ಅಡ್ವೆಂಚರ್ ಕ್ಯಾಂಪ್ ಇತ್ಯಾದಿ ಪ್ರವಾಸೋದ್ಯಮ ಚಟುವಟಿಕೆಗಳಿಗೆ ಹೇಳಿ ಮಾಡಿಸಿದ ಸ್ಥಳಗಳು ಇಲ್ಲಿ ನೂರೆಂಟು. ಕನಕಪುರದ ಚುಂಚಿ ಜಲಪಾತ, ಬನ್ನೇರುಘಟ್ಟ ಸಮೀಪದ ಚಂಪಕಧಾಮ ಸ್ವಾಮಿ ಬೆಟ್ಟ, ರಾಮನಗರದ ಬೆಟ್ಟಗಳು, ಸಾವನದುರ್ಗ, ದೇವರಾಯನದುರ್ಗ, ದೇವನಹಳ್ಳಿಯ ಕೋಟೆ, ಘಾಟಿ ಸುಬ್ರಮಣ್ಯ, ಮಾಲೂರಿನ ಚಿಕ್ಕ ತಿರುಪತಿ, ಶಿವಾರಪಟ್ಟಣ, ಮುಳಬಾಗಿಲನ್ನು ಅದ್ಭುತವಾಗಿ ಅಭಿವೃದ್ಧಿಪಡಿಸಬಹುದು. ಬೆಂಗಳೂರು ನೂರೆಂಟು ವೈವಿಧ್ಯಮಯ ಸ್ಟ್ರೀಟ್‌ಫುಡ್‌ಗಳಿಗೆ ಪ್ರಖ್ಯಾತ. ಆಹಾರ ಪ್ರಿಯರಿಗೆ ಸ್ವರ್ಗ. ಬೆಂಗಳೂರಿನ ಬೀದಿ ಬದಿಗಳಲ್ಲಿ ತಯಾರಾಗುವ ಆಹಾರಗಳ ರುಚಿ, ವೈವಿಧ್ಯ ಯಾವುದೇ ಸ್ಥಳೀಯ, ಅಂತಾರಾಷ್ಟ್ರೀಯ ಖಾದ್ಯಗಳಿಗಿಂತ ಕಡಿಮೆಯೇನಲ್ಲ. ಇದನ್ನೇ ಪ್ರವಾಸೋದ್ಯಮ ಬ್ರ್ಯಾಂಡ್ ಆಗಿಸಬಹುದು. ಇಂಥ ಆಕರ್ಷಕ ಸಾಧ್ಯತೆಗಳ ಬಗ್ಗೆ ಮಹತ್ವದ ವಿಚಾರಗೋಷ್ಠಿ ನಡೆಯಲಿದೆ. ಪರಿಷ್ಕೃತ ಮಾಸ್ಟರ್‌ ಪ್ಲಾನ್‌ ಚರ್ಚೆಗೆ ವೇದಿಕೆ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (ಬಿಡಿಎ) ನಗರದ ಮುಂದಿನ ಹಂತದ ಬೆಳವಣಿಗೆಗೋಸ್ಕರ ೨೦೧೭ರಲ್ಲಿಯೇ ಪರಿಷ್ಕೃತ ಮಾಸ್ಟರ್ ಪ್ಲಾನ್ (ಸಿಡಿಪಿ) ಸಿದ್ಧಪಡಿಸಿತ್ತು! ಆದರೆ ಕಾರಣಾಂತರಗಳಿಂದ ಇದು ಇನ್ನೂ ಅಂತಿಮವಾಗಿಲ್ಲ! ಈಗಾಗಲೇ 1.25 ಕೋಟಿ ದಾಟಿರುವ ಬೆಂಗಳೂರಿನ ಜನಸಂಖ್ಯೆ 2030ರ ವೇಳೆಗೆ 2 ಕೋಟಿಗೆ ಏರಿಕೆಯಾಗಬಹುದು ಎಂದು ಅಂದಾಜಿಸಲಾಗಿದೆ. ಇದಕ್ಕೆ ತಕ್ಕಂತೆ ನಗರದ ಸುತ್ತುಮುತ್ತಲೂ ಹೆಚ್ಚುವರಿ 80 ಚದರ ಕಿಲೊ ಮೀಟರ್ ಪ್ರದೇಶದಲ್ಲಿ, ಅಂದರೆ 19,768 ಎಕರೆ ಪ್ರದೇಶಗಳಲ್ಲಿ ನಗರೀಕರಣಕ್ಕೆ ಮಾಸ್ಟರ್ ಪ್ಲಾನ್ ಸಿದ್ಧವಾಗಿದೆ. ಆದರೆ ನಾನಾ ಬಗೆಯ ತಕರಾರು, ಆಕ್ಷೇಪ, ಕಾನೂನು ಸಂಘರ್ಷದ ಪರಿಣಾಮ ಇದು ನನೆಗುದಿಗೆ ಬಿದ್ದಿದೆ. ಇದೊಂದೇ ಅಲ್ಲ, ಬೆಂಗಳೂರಿನ ಸಂಚಾರ ದಟ್ಟಣೆಯನ್ನು ಶಮನಗೊಳಿಸಲು, ಪರಿಸರ ಮಾಲಿನ್ಯ ನಿಯಂತ್ರಿಸಲು, ಆರ್ಥಿಕ ಚಟುವಟಿಕೆ ಹೆಚ್ಚಿಸಲು ನಿರ್ಣಾಯಕವಾಗಿರುವ ಪೆರಿಫೆರಲ್ ರಿಂಗ್ ರಸ್ತೆ ಯೋಜನೆ ಕಳೆದ ಹತ್ತು ವರ್ಷಗಳಿಂದ ನನೆಗುದಿಗೆ ಬಿದ್ದಿದೆ! ಈ ಬಾರಿ ವಿಳಂಬದ ಪರಿಣಾಮ ಯೋಜನೆಯ ವೆಚ್ಚ 3,600 ಕೋಟಿ ರೂ.ಗಳಿಂದ 11,950 ಕೋಟಿ ರೂ.ಗೆ ಜಿಗಿದಿದೆ. ಮತ್ತೊಂದು ಕಡೆ ಭೂಮಿ ನೀಡಿರುವ ರೈತರು ಪರಿಹಾರ ಇತ್ಯರ್ಥವಾಗದೆ ಧರಣಿ ನಡೆಸುವಂತಾಗಿದೆ. ಹಾಗಾದರೆ ಸಿಡಿಪಿ ಹೇಗಿರಬೇಕು? ಎಂಬುದರ ಬಗ್ಗೆ ಸಮಗ್ರ ಚರ್ಚೆ ನಡೆಯಲಿದೆ.

from India & World News in Kannada | VK Polls https://ift.tt/2TmH7ZP

2 ಸಲ ರಾಷ್ಟ್ರಪತಿಯಾಗಿದ್ದ ಏಕಮಾತ್ರ ವ್ಯಕ್ತಿ ರಾಜೇಂದ್ರ ಪ್ರಸಾದ್ ಪುಣ್ಯಸ್ಮರಣೆ

ಮೊದಲ ಬಾಬು ಪುಣ್ಯ ಸ್ಮರಣೆ ದಿನ. 1884 ಡಿಸೆಂಬರ್ 3ರಲ್ಲಿ ಬಿಹಾರದ ಜೆರದೈ ನಲ್ಲಿ ಜನಿಸಿದ ಇವರ ತಂದೆ ಮಹದೇವ ಸಹಾಯ್. ಇವರ ತಂದೆ ಸಂಸ್ಕೃತ ಮತ್ತು ಫಾರಸಿ ವಿದ್ವಾಂಸರಾಗಿದ್ದರು ಜೊತೆಗೆ ವೈದ್ಯರು ಕೂಡ ಹೌದು. ತಾಯಿ ಕಮಲೇಶ್ವರಿ ದೇವಿ ಸಂಪ್ರದಾಯಸ್ಥರು, ದೈವಭಕ್ತೆ, ಪ್ರತಿದಿನವೂ ರಾಮಾಯಣದ ಕತೆಗಳನ್ನು ರಾಜೇಂದ್ರ ಪ್ರಸಾದ್ ಗೆ ಹೇಳುತ್ತಿದ್ದರು. ಬಡವ – ಬಲ್ಲಿದ, ಹಿಂದೂ- ಮುಸ್ಲಿಂ ಮುಂತಾದ ಯಾವ ಭೇದ ಭಾವವೂ ಇಲ್ಲದ ಆಡಂಬರಹಿತವಾದ ಗ್ರಾಮೀಣ ಜನರ ಒಡನಾಟದಲ್ಲಿ ಬೆಳೆದರಾಜೇಂದ್ರ ಪ್ರಸಾದ್ ಉಚ್ಛ ಆದರ್ಶ, ನೈತಿಕ ನಡೆವಳಿಕೆ ಮತ್ತು ಋಜು ಸ್ವಭಾವದ ವ್ಯಕ್ತಿತ್ವದವರಾಗಿದ್ದರು. ಕೇವಲ 12ನೇ ವಯಸ್ಸಿನಲ್ಲೇ ಇವರಿಗೆ ರಾಜ ಬನ್ಸಿದೇವಿಯವರೊಂದಿಗೆ ಇವರ ಮದುವೆಯಾಯ್ತು. ಭಾರತದ ಮೊದಲನೆಯ ರಾಷ್ಟ್ರಪತಿ. ಭಾರತದ ಸ್ವಾತಂತ್ರ್ಯ ಹೋರಾಟಗಾರರಾಗಿ ಸಮಾಜಸೇವಕರಾಗಿ ಗುರುತಿಸಿಕೊಂಡ ಇವರಿಗೆ 1962ರಲ್ಲಿ ಅತ್ಯುನ್ನತ ನಾಗರಿಕ ಪ್ರಶಸ್ತಿ“ಭಾರತ ರತ್ನ” ಸಂದಿದೆ. ಪ್ರಸಾದ್ ಅವರ ಮೊದಲ ಶಿಕ್ಷಣ ಆಗಿನ ಕಾಲದಂತೆ ಪರ್ಷಿಯನ್ ಭಾಷೆಯಲ್ಲಿ ನಡೆದಿತ್ತು. ಓರ್ವ ಮುಸಲ್ಮಾನ ಮೌಲ್ವಿಯಿಂದ ಪ್ರಭಾವಿಶಾಲಿಯಾಗಿದ್ದ ಇವರು ಶಾಲಾ ಕಾಲೇಜು ಸಮಯದ ವಿದ್ಯಾರ್ಥಿಯಾಗಿದ್ದಾಗ ಅತ್ಯಂತ ಮೇಧಾವಿ ಎನಿಸಿಕೊಂಡಿದ್ದರು. ಕಾನೂನು ಶಿಕ್ಷಣವನ್ನು ಪಡೆದಿದ್ದ ರಾಜೀಂದ್ರ ಪ್ರಸಾದ್ ೧೯೦೬ ರಲ್ಲಿ ಬಿಹಾರಿ ವಿದ್ಯಾರ್ಥಿಗಳನ್ನು ಒಂದುಗೂಡಿಸಿ "ಬಿಹಾರಿ ಸ್ಟೂಡೆಂಟ್ ಕಾನ್ಫರೆನ್ಸ್" ಎಂಬ ಸಂಘವನ್ನು ಕೂಡ ಕಟ್ಟಿದ್ದರು. ನಂತರದ ದಿನಗಳಲ್ಲಿ ಕಲ್ಕತ್ತಾ ವಿಶ್ವವಿದ್ಯಾಲಯದಲ್ಲಿ ಅರ್ಥಶಾಸ್ತ್ರ ಪ್ರಾಧ್ಯಾಪಕರಾಗಿ ಇವರ ವೃತ್ತಿ ಜೀವನ ಆರಂಭಗೊಂಡಿತು. 1915 ರಲ್ಲಿ ಗಾಂಧೀಜಿ ಮತ್ತು ರಾಜೇಂದ್ರ ಪ್ರಸಾದ್ ಅವರ ಮೊದಲ ಭೇಟಿಯಾಗಿತ್ತು. ಮುಂದಿನ ದಿನಗಳಲ್ಲಿ ರಾಜೇಂದ್ರ ಪ್ರಸಾದ್ ಗಾಂಧೀಜಿ ಅವರ ಅನುಯಾಯಿಯಾದರು. “ನನ್ನ ಕೈಯಿಂದ ವಿಷದ ಬಟ್ಟಲನ್ನಾದರೂ ಸ್ವೀಕರಿಸಲು ಹಿಂಜರಿಯದ ವ್ಯಕ್ತಿಯೊಬ್ಬನಿದ್ದಾನೆ. ಆತನೇ ರಾಜೇಂದ್ರ ಪ್ರಸಾದ್” ಎಂದು ಗಾಂಧೀಜಿಯವರು ಪ್ರಸಾದರ ಬಗ್ಗೆ ಗಾಂಧೀಜಿ ಹೇಳಿದ್ದರು. ಅವರು ಗಾಂಧೀಜಿಯವರ ವ್ಯಕ್ತಿತ್ವ, ನೈತಿಕ ಸ್ಥೈರ್ಯ, ಕಾರ್ಯ ವಿಧಾನ ಹಾಗೂ ಆದರ್ಶಗಳಲ್ಲಿ ಇಟ್ಟಿದ್ದ ಅನನ್ಯ ವಿಶ್ವಾಸಕ್ಕೆ ಸಾಕ್ಷಿ. ಆದರೆ ಭಿನ್ನಾಭಿಪ್ರಾಯ ಬಂದಾಗ ಗಾಂಧೀಜಿ ಅವರಿಗೆ ತಮ್ಮ ನಿಲುವನ್ನು ಸ್ಪಷ್ಟಪಡಿಸಲು ಪ್ರಸಾದರು ಹಿಂಜರಿಯುತ್ತಿರಲಿಲ್ಲ. ಆದರೆ ಒಮ್ಮೆ ಗಾಂಧೀಜಿ ಒಂದು ನಿರ್ಧಾರ ತೆಗೆದುಕೊಂಡ ಮೇಲೆ, ಅವರಿಗೆ ಸಂಪೂರ್ಣ ಸಹಕಾರ ನೀಡುತ್ತಿದ್ದರು. 1935ರ ಭಾರತ ಸರ್ಕಾರ ಕಾಯಿದೆ ಪ್ರಕಾರ 1937ರಲ್ಲಿ ಚುನಾವಣೆ ನಡೆದು, ಮಂತ್ರಿ ಮಂಡಲಗಳು ರಚನೆಯಾಗುವ ಕಾಲಕ್ಕೆ ಸಕ್ರಿಯ ಪಾತ್ರ ವಹಿಸಿದ ಕಾಂಗ್ರೆಸ್ ಸಂಸದೀಯ ಸಮಿತಿಯ ಒಬ್ಬ ಪ್ರಮುಖ ಸದಸ್ಯರಲ್ಲಿ ರಾಜೇಂದ್ರ ಬಾಬು ಕೂಡ ಒಬ್ಬರು. 1946ರಲ್ಲಿ ಭಾರತದ ತಾತ್ಕಾಲಿಕ ಸರಕಾರದಲ್ಲಿ ಆಹಾರ ಮತ್ತು ಕೃಷಿ ಖಾತೆಗಳ ಮಂತ್ರಿಯಾಗಿ ಗಣನೀಯ ಸಾಧನೆ ಮಾಡಿದರು. ಅದೇ ವರ್ಷ ಭಾರತದ ಸಂವಿಧಾನವನ್ನು ರೂಪಿಸಲು ಹಾಗೂ ತಾತ್ಕಾಲಿಕ ಸಂಸತ್ತಾಗಿ ಕಾರ್ಯ ನಿರ್ವಹಿಸಲು ರಚಿತವಾದ ಸಂವಿಧಾನ ಸಭೆಯ ಅಧ್ಯಕ್ಷರಾಗಿ ಆಯ್ಕೆಯಾದರು. ಭಾರತೀಯ ಸಂವಿಧಾನ ನಿರ್ಮಾಣದಲ್ಲಿ ಇವರ ಸೇವೆ ಅಮೂಲ್ಯವಾದುದು. 1950ರ ಜನವರಿ 26ರಂದು ಭಾರತವು ಗಣರಾಜ್ಯವಾದಾಗ ಸ್ವತಂತ್ರ ಭಾರತದ ಮೊಟ್ಟ ಮೊದಲ ರಾಷ್ಟ್ರಪತಿಯಾಗಿ ಪ್ರಮಾಣವಚನ ಸ್ವೀಕರಿಸಿದರು. 1952 ಮತ್ತು 1957ರಲ್ಲಿ ಸಾರ್ವತ್ರಿಕ ಚುನಾವಣೆಗಳು ನಡೆದ ನಂತರವೂ ಇವರೇ ರಾಷ್ಟ್ರಪತಿಯಾಗಿ ಆಯ್ಕೆಯಾದರು. ಒಟ್ಟು 12 ವರ್ಷಗಳ ಕಾಲ ರಾಷ್ಟ್ರಪತಿಗಳಾಗಿದ್ದ ಬಾಬು 1962ರಲ್ಲಿ ರಾಷ್ಟ್ರಪತಿ ಸ್ಥಾನದಿಂದ ನಿವೃತ್ತರಾಗಿ, ತಾವೇ ಪಾಟ್ನಾದಲ್ಲಿ ಸ್ಥಾಪಿಸಿದ ಸದಾಕತ್ ಆಶ್ರಮದಲ್ಲಿ ತಮ್ಮ ಜೀವನ ಕಳೆದರು. ತಮ್ಮ ಕೊನೆಯ ದಿನಗಳಲ್ಲಿ ರಾಜೇಂದ್ರರು ಪತ್ನಿ ಹಾಗೂ ಪ್ರೀತಿಯ ಅಕ್ಕನನ್ನು ಕಳೆದುಕೊಂಡು ಚಿಂತೆಯಲ್ಲಿದ್ದರು. ಇದರ ಜೊತೆಗೆ ಚೀನಾ ದೇಶ ಭಾರತದ ಮೇಲೆ ನಡೆಸಿದ ಆಕ್ರಮಣ ಕೂಡ ಇವರನ್ನು ತುಂಬ ದುಃಖಕ್ಕೀಡು ಮಾಡಿತ್ತು. ಕೇವಲ ಒಂದು ವರ್ಷದಲ್ಲಿ 1963ರ ಫೆಬ್ರವರಿ 28ರಂದು ನಿಧನರಾದರು. ಅವರ ಈ 57ನೇ ಪುಣ್ಯದಿನದಂದು ಅವರ ರಾಜಕೀಯ ಹಾಗೂ ಸಾಮಾಜಿಕ ಸೇವೆಯನ್ನು ಮತ್ತೊಮ್ಮೆ ಸ್ಮರಿಸುವ ಮೂಲಕ ಗೌರವ ನಮನ ಸಲ್ಲಿಸೋಣ.

from India & World News in Kannada | VK Polls https://ift.tt/3cfBsNI

ಹ್ಯಾರಿ ಮತ್ತು ಮೇಘನ್ ದಂಪತಿಗಿಲ್ಲ ಭದ್ರತೆ: ಅರ್ಥವಾಗಬೇಕು ಸರ್ಕಾರದ ನಿಲುವಿನ ಸೂಕ್ಷ್ಮತೆ!

ಟೊರೊಂಟೋ: ಬ್ರಿಟನ್ ರಾಜಮನೆತನ ತೊರೆದಿರುವ ಪ್ರಿನ್ಸ್ ಹ್ಯಾರಿ ಹಾಗೂ ಮೇಘನ್ ದಂಪತಿ ಇದೀಗ ತೀರ ಸಾಮಾನ್ಯ ಬದುಕು ನಡೆಸುತ್ತಿದ್ದಾರೆ. ಅರಮನೆಯಿಂದ ಹೊರ ಬಂದಿರುವ ಹ್ಯಾರಿ ದಂಪತಿ, ಇದೀಗ ಸಾಮಾನ್ಯ ಪ್ರಜೆಗಳಾಗಿ ಗುರುತಿಸಿಕೊಂಡಿದ್ದಾರೆ. ರಾಜ ವೈಭೋಗ ತೊರೆದಿರುವ ಹ್ಯಾರಿ ದಂಪತಿಗೆ ನೀಡಲಾಗುತ್ತಿದ್ದ ಸಕಲ ಸೌಲಭ್ಯಗಳನ್ನೂ 'ನ ಬಕಿಂಗ್'ಹ್ಯಾಮ್ ಅರಮನೆ ವಾಪಸ್ಸು ಪಡೆದಿದೆ. ತೆರಿಗೆದಾರರ ಹಣವನ್ನು ಇನ್ನು ಮುಂದೆ ಹ್ಯಾರಿ ದಂಪತಿ ಬಳಸುವಂತಿಲ್ಲ. ಅದರಂತೆ ಸರ್ಕಾರ ಕೂಡ ಬ್ರಿಟನ್ ರಾಜಮನೆತನದ ಮಾಜಿ ಪ್ರಿನ್ಸ್ ಹ್ಯಾರಿ ಹಾಗೂ ಮೇಘನ್ ಅವರಿಗೆ ನೀಡಲಾಗಿದ್ದ ಭದ್ರತೆಯನ್ನು ವಾಪಸ್ ಪಡೆಯುವುದಾಗಿ ಘೋಷಿಸಿದೆ. ಸದ್ಯ ಕೆನಡಾದ ಬ್ರಿಟಿಷ್ ಕೊಲಂಬಿಯಾದಲ್ಲಿ ತಾತ್ಕಾಲಿಕವಾಗಿ ವಾಸವಾಗಿರುವ ಹ್ಯಾರಿ ದಂಪತಿಗೆ ನೀಡಲಾಗಿದ್ದ ಭದ್ರತೆಯನ್ನು ವಾಪಸ್ ಪಡೆದಿರುವುದಾಗಿ ಕೆನಡಾ ಸರ್ಕಾರ ಸ್ಪಷ್ಟಪಡಿಸಿದೆ. ವಿದೇಶಿ ಗಣ್ಯರ ನಿಯಮದಡಿಯಲ್ಲಿ ಹ್ಯಾರಿ ಹಾಗೂ ಮೇಘನ್ ಅವರಿಗೆ ಕೆನಡಾ ಸರ್ಕಾರ ಭದ್ರತೆ ನೀಡುತ್ತಿತ್ತು. ಆದರೆ ಈ ದಂಪತಿ ರಾಜಮನೆತನ ತೊರೆದಿರುವ ಕಾರಣ ಅವರನ್ನು ಸಾಮಾನ್ಯ ಪ್ರಜೆ ಎಂದು ಪರಿಗಣಿಸುವುದಾಗಿ ಕೆನಡಾ ಹೇಳಿದೆ. ಬ್ರಿಟಿಷ್ ಕೊಲಂಬಿಯಾದಲ್ಲಿ ಕಳೆದ ನವೆಂಬರ್'ನಿಂದ ವಾಸವಿರುವ ಹ್ಯಾರಿ ದಂಪತಿಗೆ ರಾಯಲ್ ಕೆನಡಿಯನ್ ಮೌಂಟೆಡ್ ಪೊಲೀಸ್ ಇಲಾಖೆ ಇದುವರೆಗೂ ಭದ್ರತೆ ನೀಡುತ್ತಿತ್ತು. ಆದರೆ ಇದೀಗ ಹ್ಯಾರಿ ದಂಪತಿಯ ರಾಜಮನೆತನ ತೊರೆಯುವ ಪ್ರಕ್ರಿಯೆ ಮುಗಿದಿರುವುದರಿಂದ, ದಂಪತಿಯನ್ನು ಸಾಮಾನ್ಯ ಪ್ರಜೆಗಳೆಂದು ಪರಿಗಣಿಸಿ ಅವರಿಗೆ ನೀಡಲಾಗಿದ್ದ ಭದ್ರತೆಯನ್ನು ವಾಪಸ್ ಪಡೆಯುತ್ತಿರುವುದಾಗಿ ಕೆನಡಾ ಸರ್ಕಾರ ಮಾಹಿತಿ ನೀಡಿದೆ. ಈ ಕುರಿತು ಮಾತನಡಿರುವ ಕೆನಡಾದ ಸಾರವಜನಿಕ ಭದ್ರತಾ ಸಚಿವ ಬಿಲ್ ಬ್ಲೇರ್, ಮುಂದಿನ ಮಾರ್ಚ್'ನಿಂದ ಹ್ಯಾರಿ ಹಾಗೂ ಮೇಘನ್ ದಂಪತಿಗೆ ನೀಡಲಾಗಿರುವ ಭದ್ರತೆಯನ್ನು ವಾಪಸ್ ಪಡೆಯುತ್ತಿರುವುದಾಗಿ ಸ್ಪಷ್ಟಪಡಿಸಿದ್ದಾರೆ.

from India & World News in Kannada | VK Polls https://ift.tt/398ldjI

ಗಲಭೆಕೋರರು ಒದ್ದರು ಈಕೆಯ ಹೊಟ್ಟೆಗೆ: ಮರುದಿನವೇ ಜನ್ಮವಿತ್ತಳು ಮಗುವಿಗೆ!

ನವದೆಹಲಿ: ಸಿಎಎ ದಂಗೆ ರಾಷ್ಟ್ರ ರಾಜಧಾನಿ ನವದೆಹಲಿಯ ಸಾಮಾನ್ಯ ಜನತೆಯ ಬದುಕನ್ನು ದುಸ್ತರ ಮಾಡಿದೆ. ಗಲಭೆಕೋರರ ಅಮಾನವೀಯ ದಾಳಿಗಳಿಂದಾಗಿ ಹಲವು ಕುಟುಂಬಗಳು ಸರ್ವಸ್ವವನ್ನೂ ಕಳೆದುಕೊಂಡಿವೆ. ಮನೆ ಮನೆಗೆ ನುಗ್ಗಿ ಮುಗ್ಧ ಜನರ ಮೇಲೆ ಹಲ್ಲೆ ಮಾಡಿರುವ ಗಲಭೆಕೋರರು, ಮಕ್ಕಳು, ಮಹಿಳೆಯರು, ವೃದ್ಧರೆನ್ನದೇ ಎಲ್ಲರ ಮೇಲೂ ಪೈಶಾಚಿಕವಾಗಿ ಹಲ್ಲೆ ಮಾಡಿದ್ದಾರೆ. ಗಲಭೆಕೋರರ ದಾಳಿಗೆ ದೆಹಲಿಯ ಎಂಬ ಗರ್ಭವತಿ ಕೂಡ ಅಕ್ಷರಶ: ನಲುಗಿ ಹೋಗಿದ್ದಳು. ಹೌದು ಗರ್ಭವತಿಯಾಗಿದ್ದ ಶಬಾನಾ ಪರ್ವೀನ್ ಮೇಲೆ ಏಕಾಏಕಿ ದಾಳಿ ಮಾಡಿದ ಗಲಭೆಕೋರರು, ಆಕೆಯ ಹೊಟ್ಟೆಗೆ ಒದ್ದು ರಾಕ್ಷಸೀ ಕೃತ್ಯ ಎಸಗಿದ್ದರು. ಆದರೂ ಪರ್ವೀನ್ ಆಶ್ಚರ್ಯಕರ ರೀತಿಯಲ್ಲಿ ಮುದ್ದಾದ ಗಂಡು ಮಗುವಿಗೆ ಜನ್ಮ ನೀಡಿರುವುದು ಸಂತಸದ ವಿಷಯ. ಇಲ್ಲಿನ ಕರ್ವಾಲ್ ನಗರದಲ್ಲಿ ವಾಸಿಸುವ ಶಬಾನಾ ಪರ್ವೀನ್ ಕುಟುಂಬದ ಮೇಲೆ ರಾತ್ರಿ ವೇಳೆ ಗಲಭೆಕೋರರು ದಾಳಿ ಮಾಡಿದ್ದರು. ಪರ್ವೀನ್ ಗಂಡನ ಮೇಲೆ ಎರಗಿದ ದಾಳಿಕೋರರು, ಪರ್ವೀನ್ ಅವರ ಹೊಟ್ಟೆಎ ಒದ್ದು ತೀವ್ರವಾಗಿ ಹಲ್ಲೆ ನಡೆಸಿದ್ದರು. ಪೊಲೀಸರು ಬರುತ್ತಿರುವ ಸುದ್ದಿ ಕೇಳಿ ಗಲಭೆಕೋರರು ಸ್ಥಳದಿಂದ ಕಾಲ್ಕಿತ್ತ ಮೇಲೆ ಪರ್ವೀನ್ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು.ವೈದ್ಯರ ಸತತ ಪ್ರಯತ್ನದ ಬಳಿಕ ಪರ್ವೀನ್ ಇದೀಗ ಮುದ್ದಾದ ಗಂಡು ಮಗಿವಿಗೆ ಜನ್ಮ ನೀಡಿದ್ದಾಳೆ. ಸಿಎಎ ದಂಗೆ ಇದುವರೆಗೂ ದೆಹಲಿಯ 38 ಮುಗ್ಧ ಜನರನ್ನು ಬಲಿ ತೆಗೆದುಕೊಂಡಿದ್ದು, ೨೦೦ಕ್ಕೂ ಹೆಚ್ಚು ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ.

from India & World News in Kannada | VK Polls https://ift.tt/2PwqrOt

ಸಾವು ಬದುಕಿನ ನಡುವೆ ಹೋರಾಡುತ್ತಿರುವ ಆರು ಮುಸ್ಲಿಮರ ಪ್ರಾಣ ಕಾಪಾಡಿದ ಹಿಂದು!

ಹೊಸದಿಲ್ಲಿ: ಪರ ಮತ್ತು ವಿರೋಧಿ ಗುಂಪುಗಳ ನಡುವಣ ಸಂಘರ್ಷ ಹಿಂಸಾಚಾರಕ್ಕೆ ತಿರುಗಿದ ಸಂದರ್ಭ ಸಂಕಷ್ಟದಲ್ಲಿದ್ದ ಆರು ಮಂದಿ ಮುಸ್ಲಿಮರ ಪ್ರಾಣವನ್ನು ಕಾಪಾಡಿದ ಹಿಂದು ವ್ಯಕ್ತಿಯೊಬ್ಬರು ಸಾವು ಬದುಕಿನ ನಡುವೆ ಹೋರಾಡುತ್ತಿದ್ದಾರೆ. ದಿಲ್ಲಿಯಲ್ಲಿ ಮುಸ್ಲಿಮರ ಮನೆ ಮತ್ತು ಅಂಗಡಿಗಳ ಮೇಲೆ ದಾಳಿ ನಡಿಸಿದ ದುಷ್ಕರ್ಮಿಗಳು ಬೆಂಕಿ ಹಚ್ಚಿದ್ದರು. ನಿರಾಶ್ರಿತ ಮುಸ್ಲಿಮರಿಗೆ ಸಿಖ್‌ ನಿವಾಸಿಗಳು, ಸ್ಥಳೀಯ ಹಿಂದುಗಳ ತಕ್ಷಣ ನೆರವಿಗೆ ಧಾವಿಸಿದರು. ತಮ್ಮ ಮನೆಗಳಲ್ಲಿ, ಗುರುದ್ವಾರಗಳಲ್ಲಿ ಆಶ್ರಯ ನೀಡುವ ಮೂಲಕ ಕೋಮು ಸೌಹಾರ್ದತೆಯನ್ನು ಮೆರೆದರು. ಇದೇ ಸಂದರ್ಭ ಅಪಾಯದಲ್ಲಿದ್ದ 6 ಮಂದಿ ಮುಸ್ಲಿಮರ ಪ್ರಾಣವನ್ನು ಕಾಪಾಡಿದ ಶಿವ್ ವಿಹಾರ್‌ನ ಪ್ರೇಮಕಾಂತ್‌ ಬಾಘಲ್‌ ಸಾವು ಬದುಕಿನ ಮಧ್ಯೆ ಹೋರಾಡುತ್ತಿದ್ದಾರೆ. ಶಿವ್‌ ವಿಹಾರ್‌ನಲ್ಲಿ ನೆರೆಯ ಮುಸ್ಲಿಂ ನಿವಾಸಿಗಳ ಮನೆಗೆ ದುಷ್ಕರ್ಮಿಗಳು ಬೆಂಕಿ ಹಚ್ಚಿದ್ದಾರೆ. ಕುಟುಂಬ ಮನೆಯೊಳಗೆ ಸಿಕ್ಕಿಹಾಕಿಕೊಂಡಿದ್ದಾರೆ ಎಂಬ ವಿಚಾರ ತಿಳಿಯುತ್ತಿದ್ದಂತೆ ದೌಡಾಯಿಸಿದ ಪ್ರೇಮಕಾಂತ್‌ ಬಾಘಲ್‌, ತಮ್ಮ ಪ್ರಾಣವನ್ನು ಒತ್ತೆಯಿಟ್ಟು ಆರು ಮಂದಿಯ ಜೀವವನ್ನು ಉಳಿಸಿದ್ದಾರೆ. ಈ ಸಂದರ್ಭ ಮನೆಯೊಳಗೆ ಸಿಕ್ಕಿಬಿದ್ದಿದ್ದ ವಯಸ್ಸಾದ ಮಹಿಳೆಯರನ್ನು ಕಾಪಾಡುವಾಗ ಬಾಘಲ್‌ಗೆ ಗಂಭೀರ ಸುಟ್ಟಗಾಯಗಳಾಗಿವೆ. ಸುಟ್ಟ ಗಾಯಗಳ ನೋವಿನಿಂದ ನರಳುತ್ತಿದ್ದ ಬಾಘಲ್‌ನನ್ನು ಆಸ್ಪತ್ರೆಗೆ ದಾಖಲಿಸಲು ಯಾರೊಬ್ಬರು ವಾಹನದ ನೆರವು ಒದಗಿಸಿಲ್ಲ. ಸ್ಥಳೀಯರು ಆ್ಯಂಬುಲೆನ್ಸ್‌ಗೆ ಕರೆ ಮಾಡಿ ಹೇಳಿದರೂ ಯಾವುದೇ ವೈದ್ಯಕೀಯ ವಾಹನ ಬರಲಿಲ್ಲ. ಕೊನೆಗೆ ಬಾಘಲ್‌ ಇಡೀ ರಾತ್ರಿ ಶೇ.70ರಷ್ಟು ಸುಟ್ಟಗಾಯಗಳೊಂದಿಗೆ ಮನೆಯಲ್ಲೇ ಕಳೆದಿದ್ದಾರೆ. ಸ್ಥಳೀಯರು ಮತ್ತು ಸ್ನೇಹಿತರು ಬಾಘಲ್‌ ಬದುಕುಳಿಯುವ ಬಗ್ಗೆ ನಿರೀಕ್ಷೆಗಳನ್ನೇ ಕಳೆದುಕೊಂಡಿದ್ದಾರೆ. ಮರುದಿನ ಬೆಳಗ್ಗೆ ಜಿಟಿಬಿ ಆಸ್ಪತ್ರೆಗೆ ಬಾಘಲ್‌ನನ್ನು ದಾಖಲಿಸಲಾಗಿದೆ. ಸಾವಿನ ದವಡೆಯಲ್ಲಿದ್ದರೂ ಆರು ಮಂದಿಯ ಪ್ರಾಣವನ್ನು ಕಾಪಾಡಿದೆ ಎಂಬ ಹೆಮ್ಮೆಯ ಸಂತೋಷ ಬಾಘಲ್‌ ಅವರಿಗಿದೆ. ವೈದ್ಯಕೀಯ ಮಿರಾಕಲ್‌ ನಡೆಯಲಿ, ಬಾಘಲ್‌ ಬದುಕಲಿ, ಧರ್ಮ-ಧರ್ಮಗಳ ನಡುವೆ ಸೌಹರ್ದತೆಯ ಸಂದೇಶ ಸಾರುವ ಇಂತಹ ವ್ಯಕ್ತಿಗಳು ಹೆಚ್ಚಲಿ ಎಂಬುದು ಎಲ್ಲರ ಆಶಯವಾಗಿದೆ.

from India & World News in Kannada | VK Polls https://ift.tt/2PxuhXB

ದ್ವಿತೀಯ ಟೆಸ್ಟ್‌ಗೂ ಮುನ್ನ ಭಾರತಕ್ಕೆ ಶಾಕ್‌, ಇಶಾಂತ್‌ಗೆ ಗಾಯದ ಸಮಸ್ಯೆ!

ಕ್ರೈಸ್ಟ್‌ ಚರ್ಚ್‌: ಪಾದದ ಗಾಯದ ಸಮಸ್ಯೆಗೆ ತುತ್ತಾಗಿರುವ ಟೀಮ್‌ ಇಂಡಿಯಾದ ಅನುಭವಿ ವೇಗದ ಬೌಲರ್‌ ,ಆತಿಥೇಯ ವಿರುದ್ಧ ಇಲ್ಲಿನ ಹ್ಯಾಗ್ಲೀ ಓವಲ್‌ ಕ್ರೀಡಾಂಗಣದಲ್ಲಿ ನಡೆಯಲಿರುವ ಎರಡನೇ ಟೆಸ್ಟ್‌ ಪಂದ್ಯದಿಂದ ಹೊರಗುಳಿಯುವ ಸಾಧ್ಯತೆ ಇದೆ. ಈಗಾಗಲೇ ಭಾರತ ತಂಡದ ಓಪನರ್‌ ಪೃಥ್ವಿ ಶಾ ಕೂಡ ಗಾಯದ ಸಮಸ್ಯೆ ಕಾರಣ ಎರಡನೇ ಟೆಸ್ಟ್‌ ಪಂದ್ಯ ಆಡುವುದು ಅನುಮಾನ ಎಂಬ ಸ್ಥಿತಿ ಇರುವಾಗ, ಪ್ರಥಮ ಟೆಸ್ಟ್‌ನ ಮೊದಲ ಇನಿಂಗ್ಸ್‌ನಲ್ಲಿ 5 ವಿಕೆಟ್‌ ಉರುಳಿಸಿ ತಂಡಕ್ಕೆ ಆಸರೆಯಾಗಿದ್ದ ಇಶಾಂತ್‌ ಕೂಡ ಗಾಯಕ್ಕೆ ತುತ್ತಾಗಿರುವುದು ಟೀಮ್‌ ಇಂಡಿಯಾಗೆ ಭಾರಿ ಆಘಾತ ತಂದೊಡ್ಡಿದೆ. ಕ್ರಿಕೆಟ್‌ ಪರಿಣತರಾದ ವಿಮಲ್‌ ಕುಮಾರ್‌ ಅವರ ಪ್ರಕಾರ, ಪಾದದ ಗಾಯದ ಸಮಸ್ಯೆ ಕಾರಣ ಇಶಾಂತ್‌ ಶುಕ್ರವಾರ ಭಾರತ ತಂಡದ ನೆಟ್ಸ್‌ ಅಭ್ಯಾಸದಲ್ಲಿ ಬೌಲಿಂಗ್ ನಡೆಸಲಿಲ್ಲ. ಕಳೆದ ತಿಂಗಳು ರಣಜಿ ಟ್ರೋಫಿ ಟೂರ್ನಿಯ ಪಂದ್ಯದ ವೇಳೆ ಇಶಾಂತ್‌ ಈ ಗಾಯದ ಸಮಸ್ಯೆಗೆ ತುತ್ತಾಗಿದ್ದರು. ಈಗ ಮತ್ತದೇ ಸಮಸ್ಯೆ ಅವರನ್ನು ಕಾಡಲಾರಂಭಿಸಿದೆ. ಇಶಾಂತ್‌ ಗಾಯಗೊಂಡು ಹೊರಗುಳಿಯುವುದೇ ಆದರೆ ಭಾರತ ತಂಡಕ್ಕೆ ಬಹುದೊಡ್ಡ ಪೆಟ್ಟಾಗಲಿದೆ. ಅವರ ಸ್ಥಾನದಲ್ಲಿ ಯುವ ವೇಗಿ ನವದೀಪ್‌ ಸೈನಿಗೆ ಭಾರತ ಟೆಸ್ಟ್‌ ತಂಡಕ್ಕೆ ಪದಾರ್ಪಣೆ ಮಾಡುವ ಸಾಧ್ಯತೆ ಇದೆ. ಇನ್ನು ಅನುಭವದ ಮೊರೆ ಹೋದಲ್ಲಿ ವಿದರ್ಭ ಎಕ್ಸ್‌ಪ್ರೆಸ್‌ ಉಮೇಶ್‌ ಯಾದವ್‌ ಆಡುವ 11ರ ಬಳಗದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ವೆಲ್ಲಿಂಗ್ಟನ್‌ನ ಬೇಸಿನ್‌ ರಿಸರ್ವ್‌ ಕ್ರೀಡಾಂಗಣದಲ್ಲಿ ನಡೆದ ಪ್ರಥಮ ಟೆಸ್ಟ್‌ ಪಂದ್ಯದಲ್ಲಿ , 10 ವಿಕೆಟ್‌ಗಳ ಹೀನಾಯ ಸೋಲುಂಡು ಐಸಿಸಿ ಟೆಸ್ಟ್‌ ಚಾಂಪಿಯನ್‌ಷಿಪ್‌ನಲ್ಲಿ ಮೊದಲ ಸೋಲಿನ ಆಘಾತಕ್ಕೊಳಗಾಯಿತು. 2 ಪಂದ್ಯಗಳ ಸರಣಿಯಲ್ಲಿ ಕಿವೀಸ್‌ ಪಡೆ 1-0 ಅಂತರದ ಮುನ್ನಡೆಯಲ್ಲಿದ್ದು, ಸಮಬಲ ಸಾಧಿಸಲು ಬಳಗ 2ನೇ ಟೆಸ್ಟ್‌ನಲ್ಲಿ ಗೆಲ್ಲಬೇಕಿದೆ. ದ್ವಿತೀಯ ಟೆಸ್ಟ್‌ ಪಂದ್ಯ ಹ್ಯಾಗ್ಲೀ ಓವಲ್‌ ಕ್ರೀಡಾಂಗಣದಲ್ಲಿ ಶನಿವಾರ (ಫೆ.29ರಂದು) ಶುರುವಾಗಲಿದೆ. ಐಸಿಸಿ ಟೆಸ್ಟ್‌ ಚಾಂಪಿಯನ್‌ಷಿಪ್‌ನಲ್ಲಿ ಭಾರತ ತಂಡ ಅಗ್ರಸ್ಥಾನದಲ್ಲಿದ್ದು, ಒಟ್ಟು 360 ಅಂಕಗಳನ್ನು ಪಡೆದಿದೆ. ಮತ್ತೊಂದೆಡೆ ಪ್ರಥಮ ಟೆಸ್ಟ್‌ನಲ್ಲಿ ಗೆದ್ದು 60 ಅಂಕ ಸಂಪಾದಿಸಿರುವ ನ್ಯೂಜಿಲೆಂಡ್‌ ತಂಡ ಒಟ್ಟು 120 ಅಂಕಗಳೊಂದಿಗೆ ಅಂಕಪಟ್ಟಿಯ 5ನೇ ಸ್ಥಾನದಲ್ಲಿದೆ. ದ್ವಿತೀಯ ಟೆಸ್ಟ್‌ ಗೆದ್ದ ತಂಡಕ್ಕೂ 60 ಅಂಕ ಪ್ರಾಪ್ತಿಯಾಗಲಿದೆ. ಇನ್ನು ಕ್ರೈಸ್ಟ್‌ಚರ್ಚ್‌ನಲ್ಲೂ ವೇಗದ ಬೌಲರ್‌ಗಳಿಗೆ ಸ್ವರ್ಗದಂತಿರುವ ಹಸಿರು ಹಾಸಿನ ಪಿಚ್‌ ನೀಡಲಾಗುತ್ತಿದ್ದು, ಮತ್ತೊಮ್ಮೆ ಭಾರತ ತಂಡದ ಬ್ಯಾಟ್ಸ್‌ಮನ್‌ಗಳು ವೇಗ ಮತ್ತು ಬೌನ್ಸರ್‌ಗಳ ಸವಾಲೆದುರಿಸಲಿದ್ದಾರೆ. ಕಿವೀಸ್‌ನ ವೇಗಿಗಳಾದ ಟಿಮ್‌ ಸೌಥೀ, ಟ್ರೆಂಟ್‌ ಬೌಲ್ಟ್‌ ಮತ್ತು ನೈಲ್‌ ವ್ಯಾಗ್ನರ್‌ ದಾಳಿಗೆ ಟೀಮ್‌ ಇಂಡಿಯಾ ಬ್ಯಾಟ್ಸ್‌ಮನ್‌ಗಳು ದಿಟ್ಟ ಉತ್ತರ ನೀಡದೇ ಹೋದರೆ ಮತ್ತೊಂದು ಸೋಲು ಕಟ್ಟಿಟ್ಟ ಬುತ್ತಿಯಾಗಿದೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2TknIsB

ದೆಹಲಿ ಪೊಲೀಸ್ ಕಮಿಷನರ್ ಆಗಿ ಶ್ರೀವಾತ್ಸವ್ ನೇಮಕ: ದಂಗೆ ಅಡಗಿಸಲಿದ್ದಾರಾ ಜನರ ಸೇವಕ?

ನವದೆಹಲಿ: ಸಿಎಎ ದಂಗೆಯಿಂದಾಗಿ ರಾಷ್ಟ್ರ ರಾಜಧಾನಿ ನವದೆಹಲಿ ಅಕ್ಷರಶ: ಹೊತ್ತಿ ಉರಿಯುತ್ತಿದೆ. ಸಿಎಎ ಪರ ಹಾಗೂ ವಿರೋಧಿ ಗುಂಪುಗಳು ನಡೆಸಿರುವ ಧಾಂಧಲೆಯಿಂದಾಗಿ ದೆಹಲಿ ಜನತೆ ತತ್ತರಿಸಿ ಹೋಗಿದ್ದಾರೆ. ದಂಗಾಕೋರರ ದಾಳಿಗೆ ಇದುವರೆಗೂ 38 ಮುಗ್ಧ ಜೀವಗಳು ಬಲಿಯಾಗಿವೆ. ಪರಿಸ್ಥಿತಿ ನಿಯಂತ್ರಿಸಲು ಹರಸಾಹಸಪಡುತ್ತಿರುವ ದೆಹಲಿ ಪೊಲೀಸರು, ಗಲಭೆಕೋರರ ರಾಕ್ಷಸೀ ಕೃತ್ಯಗಳನ್ನು ಕಂಡು ಹೈರಾಣಾಗಿದ್ದಾರೆ. ಶಾಂತಿ ಸುವ್ಯವಸ್ಥೆ ಮರುಸ್ಥಾಪಿಸಲು ಹಗಲಿರುಳು ಶ್ರಮಿಸುತ್ತಿರುವ ಪೊಲೀಸರು, ದಂಗೆಯನ್ನು ನಿಯಂತ್ರಿಸುವಲ್ಲಿ ಬಹುತೇಕ ಯಶಸ್ವಿಯಾಗಿದ್ದಾರೆ. ಈ ಮಧ್ಯೆ ದೆಹಲಿ ಪೊಲೀಸ್ ಕಮಿಷನರ್ ಅಮುಲ್ಯಾ ಪಟ್ನಾಯಕ್ ನಾಳೆ(ಫೆ.29) ಸೇವೆಯಿಂದ ನಿವೃತ್ತಿ ಹೊಂದಲಿದ್ದು, ಅವರ ಜಾಗಕ್ಕೆ ಕಾನೂನು ಮತ್ತು ಸುವ್ಯವಸ್ಥೆ ಕಮಿಷನರ್ ಅವರನ್ನು ದೆಹಲಿಯ ನೂತನ ಪೊಲೀಸ್ ಕಮಿಷನರ್ ಆಗಿ ನೇಮಿಸಲಾಗಿದೆ. ಈ ಕುರಿತು ಆದೇಶ ಹೊರಡಿಸಿರುವ ಕೇಂದ್ರ , ಎಸ್.ಎನ್. ಶ್ರೀವಾತ್ಸವ್ ನಾಳೆಯಿಂದಲೇ ದೆಹಲಿ ಪೊಲೀಸ್ ಕಮಿಷನರ್ ಆಗಿ ಅಧಿಕಾರ ಸ್ವೀಕರಿಸಲಿದ್ದಾರೆ ಎಂದು ಸ್ಪಷ್ಟಪಡಿಸಿದೆ. 1985ರ ಬ್ಯಾಚ್'ನ ಐಪಿಎಸ್ ಅಧಿಕಾರಿಯಾಗಿರುವ ಎಸ್.ಎನ್. ಶ್ರೀವಾತ್ಸವ್, ಅರುಣಾಚಲಪ್ರದೇಶ, ಗೋವಾ ಹಾಗೂ ಮಿಜೋರಾಂ ಕೆಡರ್'ನ ಅಧಿಕಾರಿ. ದೆಹಲಿಯ ಕಾನೂನು ಮತ್ತು ಸುವ್ಯವಸ್ಥೆ ವಿಶೇಷ ಕಮಿಷನ್ ಆಗಿ ಅಧಿಕಾರ ಸ್ವೀಕರಿಸುವುದಕ್ಕೂ ಮೊದಲು ನಲ್ಲಿ ಕರ್ತವ್ಯನಿರತರಾಗಿದ್ದರು. ದೆಹಲಿ ದಂಗೆಯನ್ನು ಹತ್ತಿಕ್ಕುವಲ್ಲಿ ದೆಹಲಿ ಪೊಲೀಸರ ಕ್ರಮದ ಕುರಿತು ಕೇಂದ್ರ ಗೃಹ ಇಲಾಖೆ ಅಸಮಾಧಾನ ಹೊಂದಿದೆ ಎನ್ನಲಾಗಿದ್ದು, ಅಮುಲ್ಯಾ ಪಟ್ನಾಯಕ್ ಅವರ ಕಾರ್ಯವೈಖರಿ ಕುರಿತು ರಾಷ್ಟ್ರೀಯ ಭದ್ರತಾ ಸಲಹೆಗಾರ ಅಜಿತ್ ಧೋವಲ್ ಕೂಡ ಅಸಮಾಧಾನ ಹೊಂದಿದ್ದಾರೆ ಎನ್ನಲಾಗಿದೆ.

from India & World News in Kannada | VK Polls https://ift.tt/32yRhL2

ಕೊರೊನಾ ಎಫೆಕ್ಟ್‌: ಷೇರುಪೇಟೆ ಕುಸಿತ, ಐದೇ ನಿಮಿಷದಲ್ಲಿ 4 ಲಕ್ಷ ಕೋಟಿ ನಷ್ಟ

ಬೆಂಗಳೂರು: ಜಾಗತಿಕ ಷೇರು ಮಾರುಕಟ್ಟೆಯ ಮೇಲೆ ಕರಾಳ ಪ್ರಭಾವ ಬೀರಿದೆ. ಇದರಿಂದ ಮುಂಬೈ ಷೇರು ಮಾರುಕಟ್ಟೆಗೂ ಹೊಡೆತ ಬಿದ್ದಿದ್ದು, ಷೇರುಗಳ ಮೌಲ್ಯದಲ್ಲಿ ಗಣನೀಯ ಇಳಿಕೆ ಕಂಡು ಬಂದಿದೆ. ದಿನದ ಆರಂಭಿಕ ವಹಿವಾಟಿನಿಂದಲೇ ಷೇರು ಸೂಚ್ಯಂಕದಲ್ಲಿ ಭಾರೀ ಕುಸಿತ ದಾಖಲಾಗಿದೆ. ಆರಂಭಿಕ ವಹಿವಾಟಿನಲ್ಲಿಯೇ 1,155 ಅಂಕ ಕುಸಿತ ಕಂಡಿದ್ದು, ನಿಫ್ಟಿಯು ಕೂಡ 346 ಅಂಕ ಕುಸಿತ ಕಂಡಿದೆ. ಈ ಹಿನ್ನೆಲೆಯಲ್ಲಿ ಷೇರುಗಳ ಮೌಲ್ಯದಲ್ಲಿ ಭಾರೀ ಇಳಿಕೆ ಕಂಡಿದೆ. ಇದರಿಂದ ಕೇವಲ 5 ನಿಮಿಷದಲ್ಲಿ 4 ಲಕ್ಷ ಕೋಟಿ ರೂಪಾಯಿ ನಷ್ಟ ಉಂಟಾಗಿದೆ ಎಂದು ಅಂದಾಜಿಸಲಾಗಿದೆ. ಷೇರು ಕುಸಿತದಿಂದ ರೂಪಾಯಿ ಮೌಲ್ಯದಲ್ಲೂ ಕೂಡ ಇಳಿಕೆ ಕಂಡುಬಂದಿದೆ. 33 ಪೈಸೆ ಇಳಿಕೆ ಕಂಡಿರುವ ರೂಪಾಯಿ ಮೌಲ್ಯ ಸದ್ಯಕ್ಕೆ ಅಮೆರಿಕ ಡಾಲರ್‌ ಎದುರು 71.94 ರೂ. ಇದೆ. ಷೇರು ಕುಸಿತ ಬ್ಯಾಂಕಿಂಗ್‌, ಆಟೋಮೊಬೈಲ್‌, ಲೋಹ, ತೈಲ ಮತ್ತು ಅನಿಲ ಕಂಪನಿಗಳ ಮೇಲೆ ನಕರಾತ್ಮಕ ಪ್ರಭಾವ ಬೀರಿದ್ದು, ಕಂಪನಿಗಳ ಷೇರು ಮೌಲ್ಯದಲ್ಲಿ ಭಾರಿ ಕುಸಿತ ಕಂಡು ಬಂದಿದೆ. ಷೇರು ಹೂಡಿಕೆದಾರರು ಹಾಗೂ ಕಂಪನಿಗಳು ಭಾರಿ ಪ್ರಮಾಣದ ನಷ್ಟ ಅನುಭವಿಸಿವೆ. ಷೇರುಪೇಟೆ ಕುಸಿತ ಹಿನ್ನೆಲೆ ರಿಲಾಯನ್ಸ್‌ ಇಂಡಸ್ಟ್ರೀಸ್‌, ಹೆಚ್‌ಡಿಎಫ್‌ಸಿ, ಇನ್ಫೋಸಿಸ್‌ ಷೇರು ಬೆಲೆಯಲ್ಲೂ ಇಳಿಕೆ ಕಂಡಿದೆ. ಇನ್ನು, ಕಚ್ಚಾತೈಲ ಬೆಲೆಯೂ ಶೇ.2.2ರಷ್ಟು ಕುಸಿತ ದಾಖಲಿಸಿದ್ದು, ಒಂದು ಬ್ಯಾರಲ್‌ ಕಚ್ಚಾತೈಲದ ಬೆಲೆ 51 ಡಾಲರ್‌ ಇದೆ.

from India & World News in Kannada | VK Polls https://ift.tt/39a4pZM