ಫುಜೊ (ಚೀನಾ): ಭಾರತದ ಹಿರಿಯ ಅನುಭವಿ ಆಟಗಾರ್ತಿ , ಇಲ್ಲಿ ನಡೆಯುತ್ತಿರುವ ಫುಜೊ ಚೀನಾ ಓಪನ್ ಟೂರ್ನಮೆಂಟ್ನಲ್ಲಿ ಮೊದಲ ಸುತ್ತಿನಲ್ಲೇ ಸೋಲಿನ ಆಘಾತ ಎದುರಿಸಿ ನಿರ್ಗಮನದ ಹಾದಿ ಹಿಡಿದಿದ್ದಾರೆ. ಬುಧವಾರ ನಡೆದ ಮಹಿಳಾ ಸಿಂಗಲ್ಸ್ ವಿಭಾಗದ ಮೊದಲ ಸುತ್ತಿನ ಹೋರಾಟದಲ್ಲೇ ವಿಶ್ವ ನಂ.9 ಆಟಗಾರ್ತಿ ಸೈನಾ ನೆಹ್ವಾಲ್, ಸ್ಥಳೀಯ ಫೇವರಿಟ್ ಕಾಯಿ ಯಾನ್ ಯಾನ್ ವಿರುದ್ಧ 9-21, 12-21ರ ಅಂತರದಲ್ಲಿ ಸೋಲನುಭವಿಸಿದರು. ಏಳು ಲಕ್ಷ ಅಮೆರಿಕನ್ ಡಾಲರ್ ಪ್ರಶಸ್ತಿ ಮೊತ್ತ ಹೊಂದಿರುವ ಟೂರ್ನಿಯಲ್ಲಿ ಒಲಿಂಪಿಕ್ ಕಂಚಿನ ಪದಕಧಾರಿಯಾಗಿರುವ ಸೈನಾ ಅವರಿಂದ ಉತ್ತಮ ಪ್ರದರ್ಶನ ನಿರೀಕ್ಷಿಸಲಾಗಿತ್ತು. ಆದರೆ ಕೇವಲ 24 ನಿಮಿಷಗಳ ಅಂತರದಲ್ಲೇ ಸೋಲಿಗೆ ತುತ್ತಾಗಿದ್ದಾರೆ. ವರ್ಷಾರಂಭದಲ್ಲಿ ಇಂಡೋನೇಷ್ಯಾ ಮಾಸ್ಟರ್ಸ್ ಗೆದ್ದ ಸಾಧನೆ ಮಾಡಿರುವ 29ರ ಹರೆಯದ ಸೈನಾ, ಅಲ್ಲಿಂದ ಬಳಿಕ ಫಿಟ್ನೆಸ್ ಏರುಪೇರಿನಿಂದಾಗಿ ಅಸ್ಥಿರ ಪ್ರದರ್ಶನವನ್ನು ನೀಡುತ್ತಿದ್ದಾರೆ. ಹಾಗಿದ್ದರೂ ಪುರುಷ ಸಿಂಗಲ್ಸ್ ವಿಭಾಗದಲ್ಲಿ ಸೈನಾ ಪತ್ನಿ ಪರುಪ್ಪಳ್ಳಿ ಕಶ್ಯಪ್, ಥಾಯ್ಲೆಂಡ್ನ ಸಿತಿಕೋಮ್ ಥಾಮಸಿನ್ ವಿರುದ್ಧ ನೇರ ಸೆಟ್ಗಳಲ್ಲಿ ಗೆಲುವು ಬಾರಿಸಿ ಮುನ್ನಡೆಸಿದರು. ಕಶ್ಯಪ್, 21-14, 21-13ರ ಅಂತರದಲ್ಲಿ ಸಿತಿಕೋಮ್ ಮಣಿಸಿ ಮುನ್ನಡೆಸಿದರು. 43 ನಿಮಿಷಗಳ ಹೋರಾಟದಲ್ಲಿ ಕಶ್ಯಪ್ ಗೆಲುವಿನ ನಗೆ ಬೀರಿದರು. ಇದೀಗ ನಡೆಯಲಿರುವ ಎರಡನೇ ಸುತ್ತಿನ ಹೋರಾಟದಲ್ಲಿ ಏಳನೇ ಶ್ರೇಯಾಂಕದ ಡೆನ್ಮಾರ್ಕ್ನ ವಿಕ್ಟರ್ ಅಲೆಕ್ಸನ್ ಸವಾಲನ್ನು ಎದುರಿಸಲಿದ್ದಾರೆ. ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಪ್ರಣವ್ ಜೆರ್ರಿ ಚೋಪ್ರಾ ಹಾಗೂ ಸಿಕ್ಕಿ ರೆಡ್ಡಿ ನಿರ್ಗಮನದ ಹಾದಿ ಹಿಡಿದಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2NjnzUr
