ಪುಣೆ: ಮಹಾರಾಷ್ಟ್ರದ ಪುಣೆ ಜಿಲ್ಲೆಯ ಕೋಳಿ ಸಾಕಣೆದಾರರೊಬ್ಬರು ತಮ್ಮ ಫಾರಂನಲ್ಲಿ ಕೋಳಿಗಳು ಮೊಟ್ಟೆ ಇಡುವುದನ್ನು ನಿಲ್ಲಿಸಿವೆ ಎಂದು ಆರೋಪಿಸಿ ಪೊಲೀಸರಿಗೆ ದೂರು ನೀಡಿದ್ದಾರೆ. ಸಮೀಪದ ಕಂಪನಿಯೊಂದರ ಆಹಾರ ಸೇವಿಸಿದ ನಂತರ ಕೋಳಿಗಳು ಮೊಟ್ಟೆ ಇಡುವುದನ್ನು ನಿಲ್ಲಿಸಿವೆ ಎಂದು ದೂರಿನಲ್ಲಿ ಆರೋಪಿಸಲಾಗಿದ್ದು, ಇದಕ್ಕೆ ಸಂಬಂಧಿಸಿ ಪೊಲೀಸರು ವಿಚಾರಣೆ ನಡೆಸಿದಾಗ ಇದೇ ರೀತಿ ಇನ್ನೂ ನಾಲ್ಕು ಕೋಳಿ ಸಾಕಣೆದಾರರಿಗೆ ಸಮಸ್ಯೆಯಾಗಿರುವುದು ಬಯಲಾಗಿದೆ. ಅಹಮದ್ನಗರ ಜಿಲ್ಲೆಯಲ್ಲಿ ತಯಾರಿಕಾ ಘಟಕ ಹೊಂದಿರುವ ಕಂಪನಿಯೊಂದರ ಆಹಾರ ನೀಡಿದಾಗಿನಿಂದ ಕೋಳಿಗಳು ಮೊಟ್ಟೆ ಇರಿಸುತ್ತಿಲ್ಲ ಎನ್ನುವುದು ಪೊಲೀಸರಿಗೆ ಖಾತ್ರಿಯಾಗಿದೆ. ಕೂಡಲೇ ಕಂಪನಿಯ ಮಾಲೀಕರನ್ನು ಕರೆಸಿ ಪೊಲೀಸರು ತರಾಟೆಗೆ ತೆಗೆದುಕೊಂಡಿದ್ದು, ತಪ್ಪನ್ನು ಒಪ್ಪಿಕೊಂಡ ಮಾಲೀಕ, ಮಾಲೀಕರಿಗೆ ಸೂಕ್ತ ಪರಿಹಾರ ನೀಡಲು ಒಪ್ಪಿದ್ದಾರೆ ಎಂದು ತಿಳಿದುಬಂದಿದೆ. ಕೆಲವು ಆಹಾರಗಳು ಕೋಳಿಗಳಿಗೆ ಒಗ್ಗುವುದಿಲ್ಲ. ಇದರಿಂದಾಗಿ ಅವುಗಳ ಸೇವನೆ ಬಳಿಕ ಮೊಟ್ಟೆ ಇಡುವ ಸಾಮಾನ್ಯ ಪ್ರಕ್ರಿಯೆ ನಿಂತುಹೋಗುತ್ತದೆ ಎಂದು ಪಶುಸಂಗೋಪನಾ ಇಲಾಖೆ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ ಎಂದು ತನಿಖಾಧಿಕಾರಿ ರಾಜೇಂದ್ರ ಮೊಕಾಶಿ ಹೇಳಿದ್ದಾರೆ. ಪುಣೆ ಮೂಲದ ಕಂಪನಿಯೊಂದು ತನ್ನ ಆಹಾರದ ಮಾರಾಟ ದರ ಹೆಚ್ಚಿಸಿದ್ದರಿಂದ ಕೋಳಿ ಸಾಕಣೆದಾರರು ಸಮೀಪದ ಕಂಪನಿಯೊಂದರಿಂದ ಹೊಸ ಆಹಾರ ಪಡೆದು ಸದ್ಯ ಸಮಸ್ಯೆಗೆ ಸಿಲುಕಿದ್ದಾರೆ.
from India & World News in Kannada | VK Polls https://ift.tt/3at1kXc
