ಮುಂಬೈ: ಪ್ರಸಕ್ತ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಆಡಿರುವ ಎರಡು ಪಂದ್ಯಗಳಲ್ಲಿ ಒಂದೊಂದು ಹಣಾಹಣಿಯಲ್ಲಿ ಗೆಲುವು ಪಡೆದಿರುವ ಡೆಲ್ಲಿ ಕ್ಯಾಪಿಟಲ್ಸ್ ಹಾಗೂ ಪಂಜಾಬ್ ಕಿಂಗ್ಸ್ ತಂಡಗಳು ಇಂದು ವಾಂಖೆಡೆ ಕ್ರೀಡಾಂಗಣದಲ್ಲಿ ರಾತ್ರಿ 07:30ಕ್ಕೆ ಮುಖಾಮುಖಿಯಗುತ್ತಿವೆ. ನಾಯಕತ್ವದ ಡೆಲ್ಲಿ ಕ್ಯಾಪಿಟಲ್ಸ್ ತನ್ನ ಮೊದಲನೇ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ 7 ವಿಕೆಟ್ ಗೆಲುವು ಪಡೆದಿತ್ತು. ಆದರೆ, ತನ್ನ ಎರಡನೇ ಹಣಾಹಣಿಯಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಬಹುತೇಕ ಗೆಲ್ಲುವ ಪಂದ್ಯದಲ್ಲಿ ಅಂತಿಮವಾಗಿ 3 ವಿಕೆಟ್ ಸೋಲಿನ ಆಘಾತ ಅನುಭವಿಸಿತ್ತು. ಮತ್ತೊಂದೆಡೆ ನಾಯಕತ್ವದ ಪಂಜಾಬ್ ಕಿಂಗ್ಸ್ ತಂಡ ತನ್ನ ಮೊದಲನೇ ಹಣಾಹಣಿಯಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಕೇವಲ 4 ರನ್ಗಳ ರೋಚಕ ಗೆಲುವು ಸಾಧಿಸಿತ್ತು. ಆದರೆ, ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಶುಕ್ರವಾರ ರಾತ್ರಿ 6 ವಿಕೆಟ್ಗಳ ಸೋಲು ಅನುಭವಿಸಿತ್ತು. ಈ ಎರಡೂ ತಂಡಗಳು ಕಳೆದ ಪ್ರತ್ಯೇಕ ಪಂದ್ಯಗಳ ಸೋಲಿನೊಂದಿಗೆ ಇಂದು ಸೆಣಸಲಿವೆ. ಉಭಯ ತಂಡಗಳ ಸಂಭಾವ್ಯ ಪ್ಲೇಯಿಂಗ್ XI ಡೆಲ್ಲಿ ಕ್ಯಾಪಿಟಲ್ಸ್: ಗಾಯಕ್ಕೆ ತುತ್ತಾಗಿದ್ದ ಇಶಾಂತ್ ಶರ್ಮಾ ಸಂಪೂರ್ಣ ಗುಣಮುಖರಾದರೆ ಅವರು ಇಂದಿನ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಪ್ಲೇಯಿಂಗ್ ಇಲೆವೆನ್ಗೆ ಮರಳಬಹುದು. ಅಂದುಕೊಂಡಂತೆ ಎಲ್ಲಾ ಸಾಗಿದರೆ ಹಿರಿಯ ವೇಗಿಗೆ ಆವೇಶ್ ಖಾನ್ ತಮ್ಮ ಸ್ಥಾನವನ್ನು ಬಿಟ್ಟುಕೊಡಬೇಕಾಗುತ್ತದೆ. ಇನ್ನು ಬಯೋ ಬಬಲ್ನಿಂದ ತಂಡಕ್ಕೆ ಮರಳಿರುವ ಎನ್ರಿಚ್ ನಾರ್ಟ್ಜ್, ಟಾಮ್ ಕರ್ರನ್ ಸ್ಥಾನಕ್ಕೆ ಬರಬಹುದು. ಮಾರ್ಕಸ್ ಸ್ಟೋಯ್ನಿಸ್ ಅಥವಾ ಸ್ಟೀವನ್ ಸ್ಮಿತ್ ಅಥವಾ ಶಿಮ್ರಾನ್ ಹೆಟ್ಮಾಯರ್ ಅಥವಾ ಸ್ಯಾಮ್ ಬಿಲ್ಲಿಂಗ್ಸ್ ಇವರಲ್ಲಿ ಒಬ್ಬರು ಕಣಕ್ಕೆ ಇಳಿಯುವ ಸಾಧ್ಯತೆ ಇದೆ. ಡೆಲ್ಲಿ ಕ್ಯಾಪಿಟಲ್ಸ್: ಶಿಖರ್ ಧವನ್, ಪೃಥ್ವಿ ಶಾ, ಅಜಿಂಕ್ಯ ರಹಾನೆ, ರಿಷಭ್ ಪಂತ್(ನಾಯಕ, ವಿ.ಕೀ), ಮಾರ್ಕಸ್ ಸ್ಟೋಯ್ನಿಸ್/ಶಿಮ್ರಾನ್ ಹೆಟ್ಮಾಯರ್/ಸ್ಟಿವನ್ ಸ್ಮಿತ್/ ಸ್ಯಾಮ್ ಬಿಲ್ಲಿಂಗ್ಸ್, ಲಲಿತ್ ಯಾದವ್, ಟಾಮ್ ಕರ್ರನ್/ಎನ್ರಿಚ್ ನಾರ್ಟ್ಜ್, ಕ್ರಿಸ್ ವೋಕ್ಸ್ , ಆರ್ ಅಶ್ವಿನ್, ಕಗಿಸೊ ರಬಾಡ, ಆವೇಶ್ ಖಾನ್/ಇಶಾಂತ್ ಶರ್ಮಾ. ಪಂಜಾಬ್ ಕಿಂಗ್ಸ್: ಕಳೆದ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ದೀಪಕ್ ಚಹರ್ ಅವರ ಮಾರಕ ಬೌಲಿಂಗ್ ದಾಳಿಗೆ ಪಂಜಾಬ್ ಕಿಂಗ್ಸ್ ಭಾರಿ ಹಿನ್ನಡೆ ಅನುಭವಿಸಿತ್ತು. ಹಾಗಾಗಿ, ಇಂದಿನ ಪಂದ್ಯಕ್ಕೆ ರಾಹುಲ್ ಬಳಗದ ಅಂತಿಮ 11ರಲ್ಲಿ ಬದಲಾವಣೆಯಾಗುವ ಸಾಧ್ಯತೆ ಇದೆ. ಪರಿಣಾಮಕಾರಿಯಾಗಿ ಬೌಲಿಂಗ್ ಮಾಡುವಲ್ಲಿ ವಿಫಲವಾಗಿರುವ ಮುರುಗನ್ ಅಶ್ವಿನ್ ಜಾಗಕ್ಕೆ ರವಿ ಬಿಷ್ಣೋಯ್ ಬರುವ ಸಾಧ್ಯತೆ ಇದೆ. ಇನ್ನೂ ಸತತ ಎರಡೂ ಪಂದ್ಯಗಳಲ್ಲಿ ವೈಫಲ್ಯ ಅನುಭವಿಸಿರುವ ನಿಕೋಲಸ್ ಪೂರನ್ ಸ್ಥಾನಕ್ಕೆ ಮೊಯ್ಸೆಸ್ ಹೆನ್ರಿಕ್ಸ್ ಅವರನ್ನು ಇಂದಿನ ಪಂದ್ಯದಲ್ಲಿ ಆಡಿಸುವ ಸಾಧ್ಯತೆ ಇದೆ. ರೈಲಿ ಮೆರೆಡಿತ್ ಸ್ಥಾನಕ್ಕೆ ಕ್ರಿಸ್ ಜೋರ್ಡನ್ ಬರಬಹುದು. ಪಂಜಾಬ್ ಕಿಂಗ್ಸ್: ಕೆ.ಎಲ್ ರಾಹುಲ್, ಮಯಾಂಕ್ ಅಗರ್ವಾಲ್, ಕ್ರಿಸ್ ಗೇಲ್, ದೀಪಕ್ ಹೂಡ, ನಿಕೋಲಸ್ ಪೂರನ್/ಮೊಯ್ಸೆಸ್ ಹೆನ್ರಿಕ್ಸ್/ ಡಾವಿಡ್ ಮಲಾನ್, ಶಾರೂಖ್ ಖಾನ್, ಜೇ ರಿಚರ್ಡ್ಸನ್, ಎಂ ಅಶ್ವಿನ್/ರವಿ ಬಿಷ್ಣೋಯ್, ಮೊಹಮ್ಮದ್ ಶಮಿ, ರೈಲಿ ಮೆರೆಡಿತ್/ಕ್ರಿಸ್ ಜೋರ್ಡನ್. ಅರ್ಷದೀಪ್ ಸಿಂಗ್ ಪಂದ್ಯದ ವಿವರ ಮುಖಾಮುಖಿ: ದಿನಾಂಕ, ಸಮಯ : ಏ.18, ರಾತ್ರಿ 07:30ಕ್ಕೆ ಸ್ಥಳ: ವಾಂಖೆಡೆ ಕ್ರೀಡಾಂಗಣ, ಮುಂಬೈ ನೇರ ಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್ ನೆಟ್ವರ್ಕ್ ಮುಖಾಮುಖಿ ದಾಖಲೆ ಆಡಿರುವ ಒಟ್ಟು ಪಂದ್ಯಗಳು: 26 ಡೆಲ್ಲಿ ಕ್ಯಾಪಿಟಲ್ಸ್ ಜಯ: 11 ಪಂಜಾಬ್ ಕಿಂಗ್ಸ್: 15
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3x4Kgkc
