ಕೋವಿಡ್‌ ರೂಪಾಂತರ ಆತಂಕ: ಬ್ರಿಟನ್‌ನಿಂದ ರಾಜ್ಯಕ್ಕೆ ಬಂದಿರೋ 75 ಮಂದಿ ಪ್ರಯಾಣಿಕರಿಗೆ ಮುಂದುವರಿದ ಶೋಧ!

ಬೆಂಗಳೂರು: ಬ್ರಿಟನ್‌ನಿಂದ ರಾಜ್ಯಕ್ಕೆ ಆಗಮಿಸಿದ ಪ್ರಯಾಣಿಕರ ಪೈಕಿ ಸಂಪರ್ಕಕ್ಕೆ ಸಿಗದ 75 ಮಂದಿ ಪ್ರಯಾಣಿಕರ ಶೋಧ ಕಾರ್ಯ ಮುಂದುವರಿದಿದೆ. ಈ ಪೈಕಿ ವಿದೇಶಿ ಪ್ರಯಾಣಿಕರು ಕೂಡಾ ಒಳಗೊಂಡಿದ್ದಾರೆ. ನವೆಂಬರ್‌ 25 ರಿಂದ ಈವರಗೆ ರಾಜ್ಯಕ್ಕೆ ಬ್ರಿಟನ್‌ನಿಂದ ಒಟ್ಟು 5,068 ಮಂದಿ ಪ್ರಯಾಣಿಕರು ಆಗಮಿಸಿದ್ದಾರೆ. ಇವರ ಪೈಕಿ 810 ಮಂದಿ ಹೊರ ರಾಜ್ಯದ ಪ್ರಯಾಣಿಕರಾಗಿದ್ದು ಅವರು ಬೆಂಗಳೂರಿನಿಂದ ಹೊರ ರಾಜ್ಯಗಳಿಗೆ ಈಗಾಗಲೇ ತೆರಳಿದ್ದಾರೆ ಎಂದು ಆರೋಗ್ಯ ಸಚಿವ ಡಾ. ಸುಧಾಕರ್‌ ತಿಳಿಸಿದ್ದಾರೆ. ಹೊಸ ರಾಜ್ಯದ ಪ್ರಯಾಣಿಕರ ಬಗ್ಗೆ ಆಯಾ ರಾಜ್ಯಗಳಿಗೆ ಮಾಹಿತಿ ನೀಡಲಾಗಿದೆ. ಇನ್ನು ಇದುವರೆಗೆ ಸಂಪರ್ಕಕ್ಕೆ ಸಿಗದ 75 ಜನರ ಶೋಧ ನಡೆಯುತ್ತಿದೆ. ಶುಕ್ರವಾರ ಸಂಜೆಯೊಳಗಡೆ ಪತ್ತೆ ಹಚ್ಚುವ ವಿಶ್ವಾಸವನ್ನು ಸುಧಾಕರ್‌ ವ್ಯಕ್ತಪಡಿಸಿದ್ದಾರೆ. ಈ 75 ಮಂದಿ ಪ್ರಯಾಣಿಕರ ಪೈಕಿ 70 ಮಂದಿ ಬೆಂಗಳೂರು ಬಿಬಿಎಂಪಿ ವ್ಯಾಪ್ತಿಯರಾಗಿದ್ದಾರೆ. ಉಳಿದ ಐದು ಮಂದಿ ಬೇರೆ ಜಿಲ್ಲೆಯವರಾಗಿದ್ದಾರೆ ಎಂದು ಅವರು ತಿಳಿಸಿದರು. ಒಟ್ಟು ತಪಾಸಣೆಗೆ ಒಳಗಾದ ಪ್ರಯಾಣಿಕರ ಪೈಕಿ 33 ಜನರಲ್ಲಿ ಕೋವಿಡ್‌ ಪಾಸಿಟಿವ್ ಬಂದಿದಸಂಪರ್ಕದಿಂದ ಐದು ಜನರಿಗೆ ಸೋಂಕು ತಗುಲಿದೆ. ಈ ಕಾರಣದಿಂದಾಗಿ ಒಟ್ಟು 38 ಜನರಿಗೆ ಕೋವಿಡ್‌ ದೃಢಪಟ್ಟಿದೆ. ಇಷ್ಟು ಜನರ ಪೈಕಿ ಕೋವಿಡ್‌ ರೂಪಾಂತರಿ ಸೋಂಕು ಕೇವಲ 7 ಜನರಲ್ಲಿ ಅಷ್ಟೇ ಪತ್ತೆಯಾಗಿದೆ ಎಂದು ತಿಳಿಸಿದರು.

from India & World News in Kannada | VK Polls https://ift.tt/2WXgtsG

ಸಂಗೀತ ನೃತ್ಯ ಅಕಾಡೆಮಿ ಪ್ರಶಸ್ತಿ ಪ್ರಕಟ: ಆರ್.ಪಿ. ಅಸುಂಡಿ, ರಮಾ ಅರವಿಂದ ಆಯ್ಕೆ

ಬೆಂಗಳೂರು: ಕರ್ನಾಟಕ ಸಂಗೀತ ನೃತ್ಯ ಅಕಾಡೆಮಿಯು 2020-21ನೇ ಸಾಲಿನ ಕರ್ನಾಟಕ ಕಲಾಶ್ರೀ ಪ್ರಶಸ್ತಿಯನ್ನು ಗುರುವಾರ ಪ್ರಕಟಿಸಿದೆ. ಸಂಗೀತ ಮತ್ತು ನೃತ್ಯ ಕ್ಷೇತ್ರಗಳಲ್ಲಿ ಸೇವೆ ಸಲ್ಲಿಸಿದ ಕಲಾವಿದರಿಗೆ ಈ ಪ್ರಶಸ್ತಿಯನ್ನು ನೀಡಲಾಗುತ್ತಿದ್ದು, ಅಕಾಡೆಮಿಯ ಅಧ್ಯಕ್ಷ ಪಂಡಿತ್‌ ಅನೂರು ಅನಂತ ಕೃಷ್ಣ ಶರ್ಮ ಅಧ್ಯಕ್ಷತೆಯಲ್ಲಿ ನಡೆದ ಸರ್ವಸದಸ್ಯರ ಸಭೆಯಲ್ಲಿ ಸಾಧಕರನ್ನು ಆಯ್ಕೆ ಮಾಡಲಾಗಿದೆ. ಈ ಬಾರಿಯ ಗೌರವ ಪ್ರಶಸ್ತಿಗೆ ಹಿಂದೂಸ್ತಾನಿ ಸಂಗೀತದ ಹಿರಿಯ ಗಾಯಕ ಧಾರವಾಡದ ಹಾಗೂ ಸುಗಮ ಸಂಗೀತ ಕಲಾವಿದೆ ಹರಿಹರಪುರದ ಅವರನ್ನು ಆಯ್ಕೆ ಮಾಡಲಾಗಿದೆ. ಆರ್‌.ಪಿ. ಅಸುಂಡಿಯವರು 16ನೇ ವಯಸ್ಸಿನಿಂದಲೇ ಸಂಗೀತದತ್ತ ಆಸಕ್ತಿ ಬೆಳೆಸಿಕೊಂಡು ಗಾಯಕರಾಗಿ, ಶಿಕ್ಷಕರಾಗಿ ಸಾವಿರಾರು ಶಿಷ್ಯಂದಿರನ್ನು ಬೆಳೆಸಿದವರು. ರಾಜಗುರು ಸಂಗೀತ ಪ್ರತಿಷ್ಠಾನದಲ್ಲಿ ಸಂಗೀತ ಶಿಕ್ಷಕರಾಗಿ ಸೇವೆ ಸಲ್ಲಿಸಿರುವ ಇವರು ಆಕಾಶವಾಣಿ ಕಲಾವಿದರೂ ಹೌದು. ರಮಾ ಅರವಿಂದರು ಸುಗಮ ಸಂಗೀತ ಕಲಾವಿದೆ ಮಾತ್ರವಲ್ಲ ಕನ್ನಡ ಚಿತ್ರರಂಗದದಲ್ಲಿ ಹಿನ್ನೆಲೆ ಗಾಯಕಿಯಾಗಿಯೂ ಕೆಲಸ ಮಾಡಿದ್ದಾರೆ. ಈ ವರ್ಷದ ವಿಶೇಷ ಪ್ರಶಸ್ತಿಗೆ ಮೈಸೂರಿನ ಗಣೇಶ್‌ ಭಟ್‌(ಕೀಬೋರ್ಡ್‌) ಅವರು ಆಯ್ಕೆಯಾಗಿದ್ದಾರೆ. ಪ್ರಶಸ್ತಿ ಪ್ರದಾನ ಸಮಾರಂಭವು ಫೆಬ್ರವರಿ 6ರಂದು ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರದಲ್ಲಿ ನಡೆಯಲಿದೆ. ಗೌರವ ಪ್ರಶಸ್ತಿಗೆ 50,000 ರೂ. ಹಾಗೂ ವಾರ್ಷಿಕ ಪ್ರಶಸ್ತಿಗೆ 25,000 ರೂ. ಗೌರವಧನ ನೀಡಲಾಗುತ್ತದೆ ಎಂದು ಕರ್ನಾಟಕ ಸಂಗೀತ ನೃತ್ಯ ಅಕಾಡೆಮಿ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.

from India & World News in Kannada | VK Polls https://ift.tt/3huOaLK

ಕೋವಿಡ್ ಲಸಿಕಾ ಕಾರ್ಯಕ್ರಮಕ್ಕೆ ರಾಜ್ಯದಲ್ಲೂ ಸಿದ್ಧತೆ, ಜ. 2 ರಿಂದ ಐದು ಜಿಲ್ಲೆಗಳಲ್ಲಿ ಅಣಕು ಕಾರ್ಯಾಚರಣೆ

ಬೆಂಗಳೂರು: ಕೋವಿಡ್‌ ಲಸಿಕಾ ಕಾರ್ಯಕ್ರಮಕ್ಕೆ ರಾಜ್ಯದಲ್ಲಿ ಸಿದ್ಧತೆ ಆರಂಭಗೊಂಡಿದೆ. ಇದರ ಆರಂಭಿಕ ಹಂತವಾಗಿ ಐದು ಜಿಲ್ಲೆಗಳಲ್ಲಿ ಅಣಕು ಕಾರ್ಯಾಚರಣೆ ನಡೆಸಲು ಸರ್ಕಾರ ಮುಂದಾಗಿದೆ. ಜನವರಿ 2 ರಿಂದ ಬೆಂಗಳೂರು, ಬೆಳಗಾವಿ, ಕಲಬುರಗಿ, ಶಿವಮೊಗ್ಗ, ಮೈಸೂರು ಜಿಲ್ಲೆಗಳಲ್ಲಿ ಅಣಕು ಕಾರ್ಯಾಚರಣೆ ನಡೆಯಲಿದೆ ಎಂದು ಆರೋಗ್ಯ ಸಚಿವ ಡಾ. ತಿಳಿಸಿದ್ದಾರೆ. ಬೆಂಗಳೂರಿನಲ್ಲಿ ಶುಕ್ರವಾರ ಮಾತನಾಡಿದ ಅವರು, ರಾಜ್ಯದಲ್ಲಿ ನಿಗದಿಯಾಗಿರುವ ಐದು ಜಿಲ್ಲೆಗಳ ಪ್ರಾಥಮಿಕ ಚಿಕಿತ್ಸಾ ಕೇಂದ್ರ, ತಾಲ್ಲೂಕು ಹಾಗೂ ಜಿಲ್ಲಾಸ್ಪತ್ರೆಗಳಲ್ಲಿ ನಿಗದಿ ಪಡಿಸಿದ ಆರೊಗ್ಯ ಸಿಬ್ಬಂದಿ ಈ ಕಾರ್ಯಾಚರಣೆ ನಡೆಸಲಿದ್ದಾರೆ ಎಂದು ತಿಳಿಸಿದರು. ಕೇಂದ್ರಗಳಲ್ಲಿ 25 ಜನರಿಗೆ ವಾಕ್ಸಿನ್‌ ನೀಡುವ ಅಣಕು ಕಾರ್ಯಾಚರಣೆ ನಡೆಯಲಿದೆ ಎಂದು ಅವರು ಮಾಹಿತಿ ನೀಡಿದರು. ಲಸಿಕೆ ಅಣಕು ಕಾರ್ಯಾಚರಣೆಗೆ ಎಲ್ಲ ಸಿದ್ಧತೆಗಳು ಉತ್ಸಾಹದಿಂದ ನಡೆಯುತ್ತಿದೆ. ಲಸಿಕೆ ಬಂದ ಕೂಡಲೇ ಅದನ್ನು ವ್ಯವಸ್ಥಿತವಾಗಿ ನೀಡುವಂತೆ ಸರ್ಕಾರ ಕ್ರಮ ಕೈಗೊಳ್ಳಲಿದೆ. ಹೊಸ ವರ್ಷದಲ್ಲಿ ಎಲ್ಲರಿಗೂ ಲಸಿಕೆಯನ್ನು ಹಂತ ಹಂತವಾಗಿ ನೀಡಲಾಗುವುದು ಎಂದು ಅವರು ತಿಳಿಸಿದ್ದಾರೆ. ಕೋವಿಡ್‌ ಲಸಿಕೆ ಹೊಸ ವರ್ಷಕ್ಕೆ ಸಿಗುವ ಸಾಧ್ಯತೆಗಳು ದಟ್ಟವಾಗಿದೆ. ರಾಜ್ಯ ಔಷಧ ಮಹಾನಿಯಂತ್ರಕ ವಿ.ಜಿ ಸೊಮಾನಿ ಗುರುವಾರ ವೆಬಿನಾರ್‌ ಒಂದರಲ್ಲಿ ಮಾತನಾಡುತ್ತಾ ಈ ಸುಳಿವನ್ನು ನೀಡಿದ್ದಾರೆ.

from India & World News in Kannada | VK Polls https://ift.tt/3pHxbc6

ಸಂಪೂರ್ಣ ಫಿಟ್‌ ಇಲ್ಲವಾದರೂ ಸಿಡ್ನಿ ಟೆಸ್ಟ್ ಆಡಲು ಸಜ್ಜಾಗುತ್ತಿರುವ ವಾರ್ನರ್‌!

ಮೆಲ್ಬೋರ್ನ್‌: ಭಾರತ ವಿರುದ್ಧ ಮೊದಲೆರಡು ಪಂದ್ಯಗಳಲ್ಲಿ ಬ್ಯಾಟಿಂಗ್‌ ವೈಫಲ್ಯತೆ ಅನುಭವಿಸಿರುವ ತಂಡ, ಆರಂಭಿಕ ಬ್ಯಾಟ್ಸ್‌ಮನ್‌ ಸಂಪೂರ್ಣ ಫಿಟ್‌ ಇಲ್ಲವಾದರೂ ಅವರನ್ನು ಮೂರನೇ ಹಣಾಹಣಿಯಲ್ಲಿ ಕಣಕ್ಕೆ ಇಳಿಸುತ್ತಿದೆ ಎಂದು ಸಹಾಯಕ ಕೋಚ್‌ ಆಂಡ್ರೆ ಮೆಕ್‌ಡೊನಾಲ್ಡ್ ಹೇಳಿದ್ದಾರೆ. ಬೇಸಿಗೆಯ ಆರಂಭದಲ್ಲಿ ಭಾರತ ತಂಡದ ವಿರುದ್ಧ ಎರಡನೇ ಏಕದಿನ ಪಂದ್ಯದಲ್ಲಿ ಡೇವಿಡ್‌ ವಾರ್ನರ್‌ ಗಾಯಕ್ಕೆ ತುತ್ತಾಗಿದ್ದರು. ಮೂರನೇ ಓಡಿಐ ಪಂದ್ಯ ಸೇರಿದಂತೆ ಮೂರು ಹಣಾಹಣಿಗಳ ಟಿ20 ಸರಣಿಯಿಂದಲೂ ಅನುಭವಿ ಎಡಗೈ ಬ್ಯಾಟ್ಸ್‌ಮನ್‌ ಹೊರಗುಳಿದಿದ್ದರು. ಆದರೆ, ಕಳೆದ ಎರಡು ಪಂದ್ಯಗಳಲ್ಲಿ ವೈಫಲ್ಯ ಅನುಭವಿಸಿರುವ ಜೋ ಬರ್ನ್ಸ್ ಜಾಗಕ್ಕೆ ಮುಂದಿನ ಎರಡು ಟೆಸ್ಟ್‌ ಹಣಾಹಣಿಗಳಿಗೆ ಡೇವಿಡ್‌ ವಾರ್ನರ್‌ ಅವರನ್ನು ಕ್ರಿಕೆಟ್‌ ಆಸ್ಟ್ರೇಲಿಯಾ ಆಯ್ಕೆ ಮಾಡಿದೆ. "ಡೇವಿಡ್‌ ವಾರ್ನರ್‌ ಸಂಪೂರ್ಣ ಫಿಟ್‌ ಇಲ್ಲವೆಂಬುದು ನಿಜ. ಗಾಯದೊಂದಿಗೆ ಅವರು ಕಣಕ್ಕೆ ಇಳಿಯಲಿದ್ದಾರೆ. ಆದರೆ, ಅವರು ಯಾವ ಕ್ಷಣದಲ್ಲಾದರೂ ಅಂಗಣ ತೊರೆಯುವ ಸಾಧ್ಯತೆ ಇದೆ," ಎಂದು ಮೆಕ್‌ಡೊನಾಲ್ಡ್‌ ಸುದ್ದಿಗೋಷ್ಠಿಯಲ್ಲಿ ಹೇಳಿರುವುದನ್ನು ರಾಯಿಟರ್ಸ್‌ ಸುದ್ದಿ ಸಂಸ್ಥೆ ವರದಿ ಮಾಡಿದೆ. "ನೋಡಿ, ಡೇವಿಡ್‌ ವಾರ್ನರ್‌ ಶೇ. 90 ರಿಂದ 95ರಷ್ಟು ಫಿಟ್‌ ಆಗಿದ್ದರೆ ಅಥವಾ ಪಂದ್ಯದಲ್ಲಿ ಆಡುವಷ್ಟು ಸಾಮರ್ಥ್ಯ ವೃದ್ದಿಯಾಗಿದ್ದರೆ ಅವರು ರಾಷ್ಟ್ರೀಯ ತಂಡದ ಸೇವೆಗೆ ಮರಳಲಿದ್ದಾರೆ. ಅಲ್ಲದೆ ಅವರೇ ನೇರವಾಗಿ ಹೋಗಿ ಕೋಚ್‌ ಬಳಿ ಸಂವಹನ ನಡೆಸುತ್ತಾರೆಂಬ ಖಚಿತತೆ ನನಗಿದೆ," ಎಂದು ಹೇಳಿದರು. "ಬಹುತೇಕ ಸಮಯ ಜಸ್ಟಿನ್‌ ಲ್ಯಾಂಗರ್‌ ಆಟಗಾರರ ಬಳಿ ಮುಕ್ತವಾಗಿರುತ್ತಾರೆ ಹಾಗೂ ಪಂದ್ಯದಲ್ಲಿ ಅವರಿಗೇ ಎಲ್ಲಾ ಹೊಣೆಗಾರಿಕೆಯನ್ನು ನೀಡುತ್ತಾರೆ," ಎಂದು ತಿಳಿಸಿದರು. ಸಿಡ್ನಿ ಕ್ರಿಕೆಟ್ ಮೈದಾನದಲ್ಲಿ ನಡೆಯುವ ಹೊಸ ವರ್ಷದ ಟೆಸ್ಟ್‌ನಲ್ಲಿ ಆಡುವ 11 ಬಳಗಕ್ಕೆ ಮರಳುವ ಸಾಧ್ಯತೆಗಳ ಬಗ್ಗೆ ಡೇವಿಡ್ ವಾರ್ನರ್ ಬಹಳ ಆಶಾವಾದಿಯಾಗಿದ್ದಾರೆ ಎಂದು ಸಹಾಯಕ ಕೋಚ್ ಹೇಳಿದರು. "ಅವರು (ವಾರ್ನರ್‌) ಆಸ್ಟ್ರೇಲಿಯಾ ಪರ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಆಡಲು ಬಹಳ ಆಶಾವಾದಿಯಾಗಿದ್ದಾರೆ. ಇದು ನಮಗೆ ಅದ್ಭುತ ಸುದ್ದಿಯಾಗಿದೆ. ಅವರು ಮತ್ತೇ ತಂಡಕ್ಕೆ ಮರಳುತ್ತಿರುವುದು ನಮಗೆ ಉತ್ಸುಕತೆಯನ್ನು ಮೂಡಿಸಿದೆ," ಎಂದು ಮೆಕ್‌ಡೋನಾಲ್ಡ್ ತಿಳಿಸಿದರು. "ಗುಂಪಿಗೆ ಮರಳಲು ಡೇವಿಡ್‌ ವಾರ್ನರ್‌ ತುಂಬಾ ಉತ್ಸುಕರಾಗಿದ್ದಾರೆಂದು ನನಗೆ ಖಚಿತತೆ ಇದೆ. ಅದ್ಭುತ ಫಾರ್ಮ್‌ನಲ್ಲಿದ್ದಾಗ ಗಾಯಕ್ಕೆ ಒಳಗಾಗಿ ತಂಡದಿಂದ ಹೊರಗುಳಿಯುವುದಕ್ಕಿಂತ ಕೆಟ್ಟದ್ದು ಬೇರೊಂದಿಲ್ಲ," ಎಂದು ಹೇಳಿದರು. ಡೇವಿಡ್‌ ವಾರ್ನರ್‌ ಅವರ ಜತೆ ಇನಿಂಗ್ಸ್ ಆರಂಭಿಸಲು ವಿಲ್‌ ಪುಕೊವ್ಸ್ಕಿ ತಯಾರಾಗಿದ್ದರು. ಆದರೆ, ಅವರು ಅಭ್ಯಾಸ ಪಂದ್ಯದಲ್ಲಿ ತಲೆಗೆ ಚೆಂಡು ತಗುಲಿಸಿಕೊಂಡು ಕನ್ಕಷನ್‌ಗೆ ಒಳಗಾಗಿದ್ದರು. ಈ ಹಿನ್ನೆಲೆಯಲ್ಲಿ ಅವರು ಆರಂಭಿಕ ಎರಡು ಪಂದ್ಯಗಳಿಗೆ ಅಲಭ್ಯರಾಗಿದ್ದರು. ಇದೀಗ ಅವರು ಜೋ ಬರ್ನ್ಸ್ ಸ್ಥಾನದಲ್ಲಿ ಸಿಡ್ನಿ ಟೆಸ್ಟ್‌ನಲ್ಲಿ ಇನಿಂಗ್ಸ್ ಆರಂಭಿಸಲು ಸಜ್ಜಾಗುತ್ತಿದ್ದಾರೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3hz7irS

ಬೆಳಗಾವಿ: ನಾಡಧ್ವಜ ಹಾರಿಸಿದಕ್ಕೆ ಕನ್ನಡ ಪರ ಹೋರಾಟಗಾರನ ಅಂಗಡಿಗೆ ಬೆಂಕಿ ಹಚ್ಚಿದ ದುಷ್ಕರ್ಮಿಗಳು!

: ಇತ್ತೀಚೆಗೆ ಇಲ್ಲಿನ ಮಹಾನಗರ ಪಾಲಿಕೆ ಕಚೇರಿ ಆವರಣದಲ್ಲಿ ನಾಡ ಧ್ವಜ ಹಾರಿಸಿದ ಕನ್ನಡ ಪರ ಹೋರಾಟಗಾರನ ಅಂಗಡಿಗೆ ಬೆಂಕಿ ಹಚ್ಚಿದ ಘಟನೆ ಗುರುವಾರ ರಾತ್ರಿ ನಡೆದಿದೆ. ಕನ್ನಡ ಪರ ಹೋರಾಟಗಳಲ್ಲಿ ಮುಂಚೂಣಿಯಲ್ಲಿರುವ ಶ್ರೀನಿವಾಸ ತಾಳೂಕರ ಅವರ ಅಂಗಡಿಗೆ ಕಿಡಿಗೇಡಿಗಳು ಬೆಂಕಿ ಹಚ್ಚಿ ದುಷ್ಕೃತ್ಯವೆಸಗಿದ್ದಾರೆ. ಇನ್ನು ಅಂಗಡಿಯ ಬಾಗಿಲಿಗೆ ಬೆಂಕಿ ಹಚ್ಚಿದ್ದರಿಂದ ಅಂಗಡಿ ಹಾನಿಗೆ ತುತ್ತಾಗಿದೆ. ಗುರುವಾರ ರಾತ್ರಿ ಸರಿ ಸುಮಾರು 2.30 ಸಮಯದಲ್ಲಿ ಇಲ್ಲಿನ ವಡಗಾವಿಯ ಕಲ್ಯಾಣ ನಗರದಲ್ಲಿನ ಶ್ರೀನಿವಾಸ ತಾಳೂಕರ ಅವರ ಮನೆ ಮತ್ತು ಅಂಗಡಿಯ ಬಾಗಿಲಿಗೆ ಸೀಮೆ ಎಣ್ಣೆ ಸುರಿದ ಕಿಡಿಗೇಡಿಗಳು ಬೆಂಕಿ ಹಚ್ಚಿದ್ದಾರೆ. ಬೆಂಕಿ ಗಮನಿಸಿದ ದಾರಿಯಲ್ಲಿ ಹೋಗುವವರು ಅಂಗಡಿ ನಾಮಫಲಕದಲ್ಲಿನ ಮೊಬೈಲ್‌ ಸಂಖ್ಯೆಗೆ ಕರೆ ಮಾಡಿ ಮಾಹಿತಿ ನೀಡಿದ್ದಾರೆ. ತಕ್ಷಣ ದಾರಿಹೋಕರೆ ಬೆಂಕಿ ನಂದಿಸಿದ್ದರಿಂದ ಹೆಚ್ಚಿನ ಅನಾಹುತ ಸಂಭವಿಸಿಲ್ಲ. ಮಾಹಿತಿ ತಿಳಿದ ಶಹಾಪುರ ಠಾಣೆ ಪೋಲಿಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ನಾಡ ಧ್ವಜ ಹಾರಿಸಿದ್ದರಿಂದ ದ್ವೇಷದ ಹಿನ್ನೆಲೆ ಮನೆ ಮತ್ತು ಅಂಗಡಿಗೆ ಬೆಂಕಿ ಹಚ್ಚುವ ಪ್ರಯತ್ನ ಮಾಡಿದ್ದಾರೆ ಎಂದು ಶ್ರೀನಿವಾಸ ತಾಳೂಕರ ಆರೋಪಿಸಿದ್ದಾರೆ. ಬೆಳಗಾವಿ ಮಹಾನಗರ ಪಾಲಿಕೆ ಆವರಣದಲ್ಲಿ ಪೊಲೀಸರ ಬಂದೋಬಸ್ತ್ ನಡುವೆಯೂ ಇತ್ತೀಚೆಗೆ ಕನ್ನಡ ಪರ ಸಂಘಟನೆಗಳು ನಾಡ ಧ್ವಜ ಸ್ತಂಭ ಸ್ಥಾಪಿಸಿ ಧ್ವಜ ಹಾರಿಸಿದ್ದಾರು. ಮಹಾನಗರ ಪಾಲಿಕೆ ಆವರಣದಲ್ಲಿ ಕನ್ನಡ ಧ್ಜಜ ಹಾರಿಸಬೇಕು ಎಂದು ಕನ್ನಡ ಪರ ಸಂಘಟನೆಗಳು ಮೊದಲಿನಿಂದಲೂ ಸರಕಾರವನ್ನು ಒತ್ತಾಯಿಸುತ್ತಾ ಬರುತ್ತಿದ್ದವು. ಎಂಇಎಸ್ ಪ್ರಾಬಲ್ಯ ಕುಗ್ಗಿಸಲು ಮತ್ತು ಪಾಲಿಕೆಯಲ್ಲಿ ಕನ್ನಡ ವಾತಾವರಣ ನಿರ್ಮಾಣ ಮಾಡಲು ನಾಡ ಧ್ವಜ ಹಾರಿಸಬೇಕು ಎನ್ನುವುದು ಹೋರಾಟಗಾರರ ವಾದವಾಗಿತ್ತು.

from India & World News in Kannada | VK Polls https://ift.tt/2KRUQYn

ಸಂಪುಟ ವಿಸ್ತರಣೆ: ಅರುಣ್ ಸಿಂಗ್ ಏನು ಸುದ್ದಿ ತರುತ್ತಾರೆ ಎಂದು ಕಾದು ನೋಡೋಣ, ಬಿಎಸ್‌ವೈ

ಬೆಂಗಳೂರು: ರಾಜ್ಯಕ್ಕೆ ಶನಿವಾರ ರಾಜ್ಯ ಉಸ್ತುವಾರಿ ಅರುಣ್ ಸಿಂಗ್ ಆಗಮಿಸಲಿದ್ದು ಏನು ಸುದ್ದಿ ತರುತ್ತಾರೆ ಎಂದು ಕಾದು ನೋಡೋಣ ಎಂದು ಮುಖ್ಯಮಂತ್ರಿ ತಿಳಿಸಿದ್ದಾರೆ. ಹೊಸ ವರ್ಷದ ಹಿನ್ನೆಲೆಯಲ್ಲಿ ರಾಜ್ಯಪಾಲ ವಜೂಭಾಯಿ ವಾಲಾ ಅವರಿಗೆ ಶುಭಾಶಯ ಕೋರಿದ ಸಿಎಂ ಯಡಿಯೂರಪ್ಪ ಬಳಿಕ ಮಾಧ್ಯಮಗಳ ಜೊತೆಗೆ ಮಾತನಾಡಿದರು. ಸಂಪುಟ ವಿಸ್ತರಣೆ ಆಗಲಿದೆಯಾ ಎಂಬ ಪ್ರಶ್ನೆಗೆ ಉತ್ತರಿಸಿದ ಅವರು, ಬಿಜೆಪಿ ರಾಜ್ಯ ಉಸ್ತುವಾರಿ ಆಗಿರುವ ಅರುಣ್ ಸಿಂಗ್ ನಾಳೆ ರಾಜ್ಯಕ್ಕೆ ಆಗಮಿಸಲಿದ್ದಾರೆ. ಅವರು ಏನು ಸುದ್ದಿ ತರುತ್ತಾರೆ ಎಂಬುವುದನ್ನು ನೋಡೋಣ ಎಂದು ತಿಳಿಸಿದರು. ಸಂಪುಟ ವಿಸ್ತರಣೆಗೆ ಸಾಕಷ್ಟು ಪ್ರಯತ್ನವನ್ನು ಸಿಎಂ ಬಿಎಸ್‌ ಯಡಿಯೂರಪ್ಪ ನಡೆಸಿದ್ದರು. ದೆಹಲಿಗೆ ತೆರಳಿ ವರಿಷ್ಠರನ್ನು ಭೇಟಿ ಮಾಡಿ ಮಾತುಕತೆ ನಡೆಸಿದ್ದರು. ಆದರೆ ಯಾವುದೇ ಪ್ರಗತಿ ಸಾಧಿಸಲು ಸಾಧ್ಯವಾಗಿರಲಿಲ್ಲ. ಇದೀಗ ಹೊಸ ವರ್ಷಕ್ಕೆ ಸಂಪುಟ ವಿಸ್ತರಣೆ ಮಾಡುವ ಪ್ರಯತ್ನದಲ್ಲಿ ಯಡಿಯೂರಪ್ಪ ಇದ್ದಾರೆ. ಈ ನಿಟ್ಟಿನಲ್ಲಿ ರಾಜ್ಯಕ್ಕೆ ಆಗಮಿಸುತ್ತಿರುವ ರಾಜ್ಯ ಬಿಜೆಪಿ ಉಸ್ತುವಾರಿ ಅರುಣ್ ಸಿಂಗ್ ಜೊತೆಗೆ ಮಾತುಕತೆಯನ್ನು ನಡೆಸುವ ಸಾಧ್ಯತೆ ಇದೆ. ಸಂಪುಟ ವಿಸ್ತರಣೆ ವಿಳಂಬ ಆಗುತ್ತಿರುವ ಹಿನ್ನೆಲೆಯಲ್ಲಿಸಾಕಷ್ಟು ಜನರು ಆಕಾಂಕ್ಷಿಗಳು ಅಸಮಾಧಾನಗೊಂಡಿದ್ದಾರೆ. ಆಕಾಂಕ್ಷಿಗಳ ಒತ್ತಡವನ್ನು ನಿಭಾಯಿಸುವುದು ಕೂಡಾ ಯಡಿಯೂರಪ್ಪ ಪಾಲಿಗೆ ಸವಾಲಿನ ಸಂಗತಿಯಾಗಿದೆ.

from India & World News in Kannada | VK Polls https://ift.tt/3n5qbUC

ಹೊಸ ವರ್ಷಕ್ಕೆ ಮದುವಣಗಿತ್ತಿಯಂತೆ ಶೃಂಗಾರಗೊಂಡ ಶ್ರೀ ಕ್ಷೇತ್ರ ಧರ್ಮಸ್ಥಳ, ಭಕ್ತರು ಮೂಕ ವಿಸ್ಮಿತ!

ಧರ್ಮಸ್ಥಳ: ಹೊಸವರ್ಷದ ಪ್ರಯುಕ್ತ ಧರ್ಮಸ್ಥಳ ಶ್ರೀ ಮಂಜುನಾಥ ಸ್ವಾಮಿಯ ದೇಗುಲವನ್ನು ವಿಶೇಷವಾಗಿ ಸಿಂಗಾರಗೊಳಿಸಲಾಗಿದೆ. ಫಲಪುಷ್ಪಗಳಿಂದ ಮದುವಣಗಿತ್ತಿಯಂತೆ ಶ್ರೀ ಮಂಜುನಾಥ್ನ ಸನ್ನಿಧಿ ಧರ್ಮಸ್ಥಳವು ಕಂಗೊಳಿಸುತ್ತಿದೆ. ಈ ವರ್ಷ ಬೆಂಗಳೂರಿನ ಗೋಪಾಲ್, ಶರವಣ್ ಅವರ ತಂಡವು ದೇವಾಲಯವನ್ನು ಅತ್ಯದ್ಭುತವಾಗಿ ಸಿಂಗರಿಸಿದ್ದಾರೆ. ಕಲಾವಿದರ ಕೈ ಚಳಕಕ್ಕೆ ದೇವಾಲಯಕ್ಕೆ ಆಗಮಿಸಿದ ಭಕ್ತರು ಮೂಕ ವಿಸ್ಮಿತರಾಗಿದ್ದಾರೆ. ದೇವಾಲಯದ ಮುಂಭಾಗ ಕಬ್ಬು ಹಾಗೂ ತೆಂಗಿನ ಕಾಯಿಯ ಗರಿಯಿಂದ ಸಿಂಗಾರಗೊಳಿಸಲಾಗಿದೆ. ಸಂಪೂರ್ಣವಾಗಿ ದೇಸಿ ರೀತಿಯಲ್ಲಿ ಡೆಕೋರೇಟ್‌ ಮಾಡಲಾಗಿದೆ. ಇನ್ನು ಗೊಂಚಲು ಜೋಳವನ್ನು ಕಟ್ಟಿ ವಿಭಿನ್ನವಾಗಿ ಸಿಂಗಾರ ಮಾಡಲಾಗಿದೆ. ದೇವಾಲಯದ ಒಳಗೆ ಕೂಡ ಫಲ-ಪುಷ್ಪಗಳಿಂದ ಡೆಕೋರೇಟ್‌ ಮಾಡಲಾಗಿದೆ. ಕಳೆದ ಎರಡು ದಿನಗಳಿಂದ ದೇವಾಲಯಕ್ಕೆ ಬೇಕಾದ ಸಿಂಗಾರವನ್ನು ಮಾಡಲು ಕಲಾವಿದರು ತೊಡಗಿದ್ದರು. ಇದೀಗ ಹೊಸ ವರ್ಷಕ್ಕೆ ಭಕ್ತರನ್ನು ಧರ್ಮಸ್ಥಳ ದೇವಾಲಯ ಅತ್ಯದ್ಭುತ ಶೃಂಗಾರದ ಮೂಲಕ ಕೈ ಬೀಸಿ ಕರೆಯುತ್ತಿದೆ.

from India & World News in Kannada | VK Polls https://ift.tt/3pCJ2bc

ಮಲೆನಾಡಿನಲ್ಲಿ ನ್ಯೂ ಇಯರ್‌ ಉತ್ಸಾಹ ಠುಸ್‌: ಹೋಂ ಸ್ಟೇಗಳಿಗೆ ಇಲ್ಲ ನಿರೀಕ್ಷಿತ ಬೇಡಿಕೆ!

ಆತೀಶ್‌ ಬಿ. ಕನ್ನಾಳೆ ಶಿವಮೊಗ್ಗ: ಮಲೆನಾಡಿನಲ್ಲಿ ಪ್ರವಾಸೋದ್ಯಮ ಇಲಾಖೆ ವ್ಯಾಪ್ತಿಯ ಪ್ರವಾಸಿ ಮಂದಿರಗಳಲ್ಲಿ ಸಾರ್ವಜನಿಕರ ಪ್ರವೇಶವನ್ನೇ ನಿರ್ಬಂಧಿಸಲಾಗಿದೆ. ಹೀಗಾಗಿ, ಕಳೆದ ವರ್ಷ ಜೋಗವೊಂದಕ್ಕೇ ಡಿ.31ರಂದು 2625 ಜನ ಆಗಮಿಸಿದ್ದರು. ಅದರಿಂದ ಪ್ರವಾಸಿ ಮಂದಿರಕ್ಕೆ 46,970 ಆದಾಯ ಬಂದಿತ್ತು. 2020ರ ಜನವರಿ 1ರಂದು 4574 ಪ್ರವಾಸಿಗರು ಬಂದಿದ್ದು, 74,200 ರೂ. ಆದಾಯವಾಗಿತ್ತು. ಈ ಸಲ ಕೋವಿಡ್‌ನಿಂದಾಗಿ ಬರಬೇಕಿದ್ದ ಆದಾಯ ಮತ್ತು ಹೊಸ ವರ್ಷಾಚರಣೆಯ ಖುಷಿ ಎರಡೂ ಮಾಯವಾಗಿದೆ. ಮಲೆನಾಡಿನ ಸುಂದರ ಪ್ರಕೃತಿಯ ಮಧ್ಯೆ ಹೊಸ ವರ್ಷ ಆರಂಭಿಸಬೇಕೆಂಬ ಕಾರಣದಿಂದ ಬೆಂಗಳೂರು ಸೇರಿದಂತೆ ರಾಜ್ಯ, ಹೊರ ರಾಜ್ಯಗಳಿಂದ ಜನ ಆಗಮಿಸುತ್ತಿದ್ದರು. ನವೆಂಬರ್‌ನಿಂದಲೇ ರೆಸಾರ್ಟ್‌, ಹೋಂ ಸ್ಟೇಗಳಿಗೆ ಬುಕಿಂಗ್‌ ಆರಂಭವಾಗುತ್ತಿತ್ತು. ಕೊಠಡಿಗಳೇ ಸಿಗದ ಸ್ಥಿತಿ ಸಹ ನಿರ್ಮಾಣವಾಗುತ್ತಿತ್ತು. ಈ ಸಲ ಪರಿಸ್ಥಿತಿ ಭಿನ್ನವಾಗಿದೆ. ಹೋಂ ಸ್ಟೇಗಳಿಗೆ ನಿರೀಕ್ಷಿತ ಮಟ್ಟದಲ್ಲಿ ಬೇಡಿಕೆ ಇಲ್ಲ. ಆದರೆ, ಕೊರೊನಾ ಸಂದರ್ಭಕ್ಕೆ ಹೋಲಿಸಿದರೆ ಪರಿಸ್ಥಿತಿ ಸ್ವಲ್ಪ ಚೇತರಿಕೆ ಕಂಡಿದೆ. ಕೊರೊನಾ ಸೋಂಕಿನಿಂದಾಗಿ ಇಡೀ ಮಳೆಗಾಲ ಪ್ರವಾಸೋದ್ಯಮವನ್ನೇ ನಂಬಿಕೊಂಡಿರುವ ಉದ್ಯಮಗಳು ಕಮರಿವೆ. ನವೆಂಬರ್‌ನಿಂದ ಅಲ್ಪಮಟ್ಟಿಗೆ ಸುಧಾರಣೆ ಕಂಡಿದ್ದು, ಹೋಂ ಸ್ಟೇಗಳಲ್ಲಿ ತಂಗುವುದಕ್ಕಾಗಿ ಕೇಳಿಕೊಂಡು ಪ್ರವಾಸಿಗರಿಂದ ಫೋನ್‌ಗಳು ಬರುತ್ತಿವೆ ಎನ್ನುತ್ತಾರೆ ಫಾರ್ಮ್ ಸ್ಟೇ ಮಾಲೀಕರೊಬ್ಬರು. ಸ್ಥಳೀಯರು ತೋಟಗಳತ್ತ ಕೊರೊನಾ ಮಾರ್ಗಸೂಚಿ ಅಡಿಯಲ್ಲಿಯೇ ಹೊಸ ವರ್ಷಾಚರಣೆ ಮಾಡಬೇಕೆಂದು ಸರಕಾರ ನಿಯಮಗಳನ್ನು ಹೇರಿದೆ. ಹೀಗಾಗಿ, ಡಿಸೆಂಬರ್‌ 31ರಂದೇ ಬೆಟ್ಟ, ಗುಡ್ಡಗಳತ್ತ ಧಾವಿಸುತ್ತಿದ್ದ ಮತ್ತು ಪಾರ್ಟಿ ಮೂಡ್‌ನಲ್ಲಿಇರುತ್ತಿದ್ದವರು ತೋಟಗಳತ್ತ ಧಾವಿಸುತ್ತಿದ್ದಾರೆ. ಒಟ್ಟಾರೆ ಹೊಸ ವರ್ಷಾಚರಣೆಯ ಖುಷಿಗೆ ಕೊರೊನಾ ಮಂಕು ಕವಿಯುವಂತೆ ಮಾಡಿದೆ. ಕಳೆದ ಸಲದ ಹೊಸ ವರ್ಷಾಚರಣೆಗೆ ಹೋಲಿಸಿದ್ದಲ್ಲಿ ಪ್ರವಾಸಿಗರ ಸಂಖ್ಯೆ ಕಡಿಮೆ ಇದೆ. ಆದರೆ, ಕೊರೊನಾ ಸಂದರ್ಭಕ್ಕೆ ಹೋಲಿಸಿದರೆ ಈಗ ಜನ ಬರುತ್ತಿದ್ದಾರೆ. ನವೆಂಬರ್‌ನಿಂದಲೇ ಹೋಂ ಸ್ಟೇಗಳಿಗೆ ಪ್ರವಾಸಿಗಳು ಬರಲಾರಂಭಿಸಿದ್ದಾರೆ. ಕೊರೊನಾದಿಂದಾಗಿ ಸರಕಾರ ಎಲ್ಲ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಿನಿಂದ ಪಾಲಿಸಲಾಗುತ್ತಿದೆ. ಥರ್ಮಲ್‌ ಸ್ಕ್ರೀನಿಂಗ್‌, ಒಕ್ಸಿ ಮೀಟರ್‌ ಮತ್ತು ಸ್ಯಾನಿಟೈಸರ್‌ ಇಡಲಾಗಿದೆ. ವಿಕ್ರಮ್‌ ಆರ್‌.ಉಡುಪ, ಮಾಲೀಕರು, ಬರೇಕಲ್‌ ಫಾರ್ಮ್‌ ಸ್ಟೇ ಕೊರೊನಾ ಹಿನ್ನೆಲೆಯಲ್ಲಿ ಪ್ರವಾಸೋದ್ಯಮ ಇಲಾಖೆ ವ್ಯಾಪ್ತಿಯ ಪ್ರವಾಸಿ ಮಂದಿರಗಳಲ್ಲಿ ಹೊಸ ವರ್ಷಾಚರಣೆಗೆ ಸಾರ್ವಜನಿಕರ ಪ್ರವೇಶ ನಿರ್ಬಂಧಿಸಲಾಗಿದೆ. ಎಚ್‌.ಎಸ್‌.ರಾಮಕೃಷ್ಣ, ಸಹಾಯಕ ನಿರ್ದೇಶಕರು, ಪ್ರವಾಸೋದ್ಯಮ ಇಲಾಖೆ

from India & World News in Kannada | VK Polls https://ift.tt/3rHgBux

ಹಾವೇರಿಯಲ್ಲಿ ಬಂಪರ್‌ ಹೊಡೆದ ರೈತ ; ಮತ್ತೊಮ್ಮೆ ದಾಖಲೆ ದರದಲ್ಲಿ ಮೆಣಸಿನಕಾಯಿ ಮಾರಾಟ..!

ಬ್ಯಾಡಗಿ: ಕಳೆದ ಕೆಲ ವಾರಗಳಿಂದ ದಾಖಲೆ ದರದಲ್ಲಿ ಮಾರಾಟವಾಗ್ತಿರೋ ಮೆಣಸಿನಕಾಯಿ ಮತ್ತೊಮ್ಮೆ ಸದ್ದು ಮಾಡಿದೆ. ಈ ವರ್ಷ ಮೆಣಸು ಬೆಳೆ ರೈತನ ಕೈ ಹಿಡಿದಿದ್ದು ಮತ್ತೊಮ್ಮೆ ಮೆಣಸಿನಕಾಯಿಗೆ ದಾಖಲೆ ದರ ಸಿಕ್ಕಿದೆ. ಹಾವೇರಿ ಜಿಲ್ಲೆ ಶಿಗ್ಗಾವಿ ತಾಲೂಕಿನ ಪಾಣಿಗಟ್ಟಿ ಗ್ರಾಮದ ಬೆಳೆದ ಮೆಣಸಿನಕಾಯಿ ಕ್ವಿಂಟಾಲ್‌ಗೆ ಸ್ಥಳೀಯ ಮಾರುಕಟ್ಟೆಯಲ್ಲಿ 55,239 ರೂ. ದಾಖಲೆಯ ದರ ದೊರೆತಿದೆ. ಮಾರುಕಟ್ಟೆ ಪ್ರಾಂಗಣದ ಎಸ್‌.ಸಿ.ಪಾಟೀಲ ಅಂಗಡಿಯಲ್ಲಿ ರೈತ ಚೆನ್ನಪ್ಪಗೌಡ ಬ್ಯಾಳಿಗೌಡ್ರ ಮಾರಾಟಕ್ಕಿಟ್ಟಿದ್ದ 2 ಕ್ವಿಂಟಾಲ್‌ ಡಬ್ಬಿ ಮೆಣಸಿನಕಾಯಿಯನ್ನು ಎ.ಎಚ್‌.ನಾಸಿಪುರ ಎಂಬ ವ್ಯಾಪಾರಸ್ಥರು ಕ್ವಿಂಟಾಲ್‌ಗೆ 55,239 ರೂ.ನಂತೆ ಖರೀದಿಸಿದ್ದಾರೆ. ಕಳೆದ ಸೋಮವಾರ ಗದಗ ಜಿಲ್ಲೆಯ ಬೆಟಗೇರಿ ಗ್ರಾಮದ ರೈತ ಮಲ್ಲಿಕಾರ್ಜುನ ಬಸಪ್ಪ ಕರಿಮಿಷ್ಟಿ ಬೆಳೆದ ಮೆಣಸಿನಕಾಯಿಗೆ ಕ್ವಿಂಟಾಲ್‌ಗೆ 50,111 ರೂ.ಗೆ ಮಾರಾಟವಾಗಿ ದಾಖಲೆ ಬರೆದಿತ್ತು. ಗುರುವಾರದ ಮಾರುಕಟ್ಟೆಗೆ ಒಟ್ಟು 101783 ಲಕ್ಷ ಮೆಣಸಿಕಾಯಿ ಚೀಲ ಆವಕಾಗಿದೆ. ಕಳೆದ ಸೋಮವಾರವು ಸಹ ಒಂದು ಲಕ್ಷ ಚೀಲ ಆವಕವಾಗಿದ್ದವು. ವರ್ಷದ ಕೊನೆ ದಿನದಲ್ಲಿಮತ್ತೆ ಮೆಣಸಿನಕಾಯಿ ಚೀಲ ಆವಕ ಲಕ್ಷದ ಗಡಿ ದಾಟಿದೆ.

from India & World News in Kannada | VK Polls https://ift.tt/3o4gyqB

ಯತ್ನಾಳ್ ತಲೆನೋವು! ಬಿಎಸ್‌ವೈಗೆ ಶಾಸಕರ ಅತೃಪ್ತಿ ಶಮನದ ಹೊಸ ಸವಾಲು

ಬೆಂಗಳೂರು: ಹೊಸ ವರ್ಷಕ್ಕೆ ಕಾಲಿಡುತ್ತಿದ್ದಂತೆ ಹೊಸ ಸವಾಲುಗಳು ಮುಖ್ಯಮಂತ್ರಿ ಬಿ.ಎಸ್ ಯಡಿಯೂರಪ್ಪ ಅವರಿಗೆ ಎದುರಾಗಿದೆ. ಬಿಎಸ್‌ವೈ ವಿರುದ್ಧ ಬಹಿರಂಗವಾಗಿಯೇ ಹೇಳಿಕೆ ನೀಡುತ್ತಾ ಬಂದಿರುವ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್‌ ಇದೀಗ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್‌ಗೂ ಪತ್ರವನ್ನು ಬರೆದಿದ್ದಾರೆ. ಪತ್ರದಲ್ಲಿ ತಮ್ಮ ಅಸಮಾಧಾನವನ್ನು ತೋಡಿಕೊಂಡಿದ್ದಾರೆ. ಶಾಸಕರ ಈ ಅತೃಪ್ತಿ ಶಮನ ಬಿ.ಎಸ್‌ ಯಡಿಯೂರಪ್ಪ ಪಾಲಿಗೆ ಹೊಸ ಸವಾಲಾಗಿ ಮಾರ್ಪಟ್ಟಿದೆ. ಶೀಘ್ರದಲ್ಲೇ ಬಿಎಸ್ ಯಡಿಯೂರಪ್ಪ ಅವರು ಸಿಎಂ ಸ್ಥಾನದಿಂದ ಕೆಳಗಿಳಿಯುತ್ತಾರೆ ಎಂದು ಭವಿಷ್ಯ ನುಡಿದಿದ್ದರು. ಯತ್ನಾಳ್ ಈ ಹೇಳಿಕೆ ಪಕ್ಷಕ್ಕೂ ಮುಜುಗರ ಉಂಟು ಮಾಡಿತ್ತು. ಹೇಳಿಕೆ ಪುನರಾವರ್ತನೆ ಮಾಡದಂತೆ ಸೂಚನೆ ನೀಡುವುದಾಗಿ ರಾಜ್ಯಾಧ್ಯಕ್ಷ ನಳೀನ್ ಕುಮಾರ್ ಕಟೀಲ್‌ ಹೇಳಿದ್ದರು. ಆದರೆ ಯತ್ನಾಳ್‌ ನಡೆಯಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ. ಇದೀಗ ಮತ್ತೆ ಸಿಎಂ ವಿರುದ್ಧ ಪತ್ರ ಸಮರಕ್ಕೆ ಇಳಿದಿದ್ದಾರೆ ಯತ್ನಾಳ್. ಯಡಿಯೂರಪ್ಪ ವಿರುದ್ಧ ಪತ್ರದ ಮೂಲಕ ತಮ್ಮ ಅಸಮಾಧಾನವನ್ನು ತೋಡಿಕೊಂಡಿದ್ದಾರೆ. ಆದರೆ ಬಿಎಸ್ ಯಡಿಯೂರಪ್ಪನವರು ಮಾತ್ರ ಮುಂದಿನ ಎರಡು ವರ್ಷಗಳ ಕಾಲ ನಾನೇ ಸಿಎಂ ಎಂದು ಹೇಳಿದ್ದಾರೆ. ಅಲ್ಲದೆ ಶಾಸಕರ ಅಸಮಾಧಾನ ಸರಿಪಡಿಸುವ ನಿಟ್ಟಿನಲ್ಲಿ ಪ್ರಯತ್ನ ನಡೆಸಲಾಗುವುದು ಎಂದಿದ್ದಾರೆ. ಎರಡು ದಿನಗಳ ಕಾಲ ನಡೆಯಲಿದೆ ಶಾಸಕರ ಸಭೆ ಆಡಳಿತ ಯಂತ್ರಕ್ಕೆ ಚುರುಕು ನೀಡುವ ನಿಟ್ಟಿನಲ್ಲಿ ಹಾಗೂ ಪಕ್ಷದ ಆಂತರಿಕ ಸಮಸ್ಯೆ ಬಗೆಹರಿಸುವ ನಿಟ್ಟಿನಲ್ಲಿ ಸಿಎಂ ಬಿಎಸ್ ಯಡಿಯೂರಪ್ಪ ಶಾಸಕರ ಸಭೆಯನ್ನು ಕರೆದಿದ್ದಾರೆ. ಬುಧವಾರ ಹಾಗೂ ಗುರುವಾರ ಬೆಂಗಳೂರಿನಲ್ಲಿ ಶಾಸಕರ ಸಭೆ ನಡೆಯಲಿದೆ. ಅವರ ಸಮಸ್ಯೆಗಳನ್ನು ಆಲಿಸಿ ಪರಿಹರಿಸುವ ಕೆಲಸಕ್ಕೆ ಬಿಎಸ್‌ವೈ ಮುಂದಾಗಿದ್ದಾರೆ. ಈ ನಿಟ್ಟಿನಲ್ಲಿ ಶಾಸಕರ ಸಭೆ ಮಹತ್ವ ಪಡೆದುಕೊಂಡಿದೆ.

from India & World News in Kannada | VK Polls https://ift.tt/3508teQ

ಉತ್ತಮ ಪ್ರದರ್ಶನದ ಹೊರತಾಗಿಯೂ ಗಿಲ್‌ಗೆ ಓಪನಿಂಗ್‌ ಬೇಡವೆಂದ ಗವಾಸ್ಕರ್‌!

ಸಿಡ್ನಿ: ಆಸ್ಟ್ರೇಲಿಯಾ ವಿರುದ್ಧ ಬಾಕ್ಸಿಂಗ್‌ ಡೇ ಟೆಸ್ಟ್ ಗೆಲುವಿನ ಹೊರತಾಗಿಯೂ ಜ.7 ರಿಂದ ಸಿಡ್ನಿ ಕ್ರಿಕೆಟ್‌ ಗ್ರೌಂಡ್‌ (ಎಸ್‌ಸಿಜಿ)ನಲ್ಲಿ ಆರಂಭವಾಗಲಿರುವ ಮೂರನೇ ಟೆಸ್ಟ್ ಪಂದ್ಯಕ್ಕೆ ಭಾರತ ತಂಡದ ಅಂತಿಮ 11ರ ಆಯ್ಕೆ ಕುರಿತಂತೆ ಟೀಮ್‌ ಮ್ಯಾನೇಜ್‌ಮೆಂಟ್‌ ತಲೆ ನೋವು ಶರುವಾಗಿದೆ. ಬ್ಯಾಟಿಂಗ್‌ ದಿಗ್ಗಜ ಸುನೀಲ್‌ ಗವಾಸ್ಕರ್ ಟೀಮ್‌ ಇಂಡಿಯಾ ಪ್ಲೇಯಿಂಗ್‌ ಇಲೆವೆನ್‌ ಬಗ್ಗೆ ತಮ್ಮದೇ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಗಾಯದಿಂದ ಕಳೆದ ಎರಡು ಪಂದ್ಯಗಳಿಗೆ ಅಲಭ್ಯರಾಗಿದ್ದ ಆರಂಭಿಕ ಬ್ಯಾಟ್ಸ್‌ಮನ್‌ , 14 ದಿನಗಳ ಕ್ವಾರಂಟೈನ್‌ ಮುಗಿಸಿ ಬುಧವಾರ ಮೆಲ್ಬೋರ್ನ್‌ನಲ್ಲಿ ಟೀಮ್‌ ಇಂಡಿಯಾ ಸೇರ್ಪಡೆಯಾಗಿದ್ದಾರೆ. ಮೂರನೇ ಪಂದ್ಯಕ್ಕೆ ಸಜ್ಜಾಗುತ್ತಿರುವ ರೋಹಿತ್‌ ಶರ್ಮಾ, ಮಯಾಂಕ್‌ ಅಗರ್ವಾಲ್‌ ಜತೆ ಇನಿಂಗ್ಸ್ ಆರಂಭಿಸಬೇಕೆಂಬುದು ಭಾರತ ತಂಡದ ಮಾಜಿ ನಾಯಕನ ಅಭಿಪ್ರಾಯವಾಗಿದೆ. ಸೋನಿ ಸ್ಪೋರ್ಟ್ಸ್‌ ನೆಟ್‌ವರ್ಕ್ಸ್‌ನ ಎಕ್ಸ್ಟ್ರಾ ಇನಿಂಗ್ಸ್‌ನಲ್ಲಿ ಮೂರನೇ ಟೆಸ್ಟ್‌ಗೆ ಭಾರತ ತಂಡದ ಆಯ್ಕೆ ಕುರಿತಂತೆ ಸಂಜಯ್‌ ಮಾಂಜ್ರೇಕರ್ ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಗವಾಸ್ಕರ್‌, "ವೈಫಲ್ಯದ ಹೊರತಾಗಿಯೂ ಮಯಾಂಕ್‌ ಅಗರ್ವಾಲ್‌ ಅವರನ್ನು ಅಂತಿಮ 11ರಲ್ಲಿ ಉಳಿಸಿಕೊಳ್ಳುತ್ತೇನೆ, ಏಕೆಂದರೆ ಅವರು ಗುಣಮಟ್ಟದ ಆಟಗಾರ. ಹಾಗಾಗಿ ರೋಹಿತ್‌ ಶರ್ಮಾ ಜತೆ ಮಯಾಂಕ್‌ ಓಪನಿಂಗ್‌ ಮುಂದುವರಿಸಲಿ," ಎಂದು ಹೇಳಿದರು. ಮೆಲ್ಬೋರ್ನ್‌ ಟೆಸ್ಟ್‌ ಪಂದ್ಯದಲ್ಲಿ ಅಂತಾರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ್ದ , ಎರಡೂ ಇನಿಂಗ್ಸ್‌ಗಳಲ್ಲಿ ಕ್ರಮವಾಗಿ 45 ಹಾಗೂ 35* ರನ್‌ ಗಳಿಸಿ ಎಲ್ಲರ ಗಮನ ಸೆಳೆದಿದ್ದರು. ಇದರ ಹೊರತಾಗಿಯೂ ಮುಂದಿನ ಪಂದ್ಯದಲ್ಲಿ ಯುವ ಬ್ಯಾಟ್ಸ್‌ಮನ್‌ ಐದನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ ಮಾಡುವಂತೆ ಗವಾಸ್ಕರ್‌ ಸಲಹೆ ನೀಡಿದ್ದಾರೆ. "ಅಗ್ರ ಕ್ರಮಾಂಕದಲ್ಲಿ ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶನದ ಹೊರತಾಗಿಯೂ ಶುಭಮನ್‌ ಗಿಲ್‌ ಅವರನ್ನು ಐದನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ ಮಾಡಲು ಸೂಚಿಸುತ್ತೇನೆ," ಎಂದು ಹೇಳಿದರು. "ಶುಭಮನ್‌ ಗಿಲ್‌ ಅಗ್ರ ಕ್ರಮಾಂಕದಲ್ಲಿ ಯಶಸ್ವಿಯಾಗುತ್ತಾರೆಂಬ ಬಗ್ಗೆ ನನಗೆ ಖಚಿತತೆ ಇಲ್ಲ. 19 ವಯೋಮಿತಿ ತಂಡದಲ್ಲಿಯೂ ಅವರು ಮಧ್ಯಮ ಕ್ರಮಾಂಕದಲ್ಲಿಯೇ ಆಡಿದ್ದರು. ಹಾಗಾಗಿ ಯುವ ಬ್ಯಾಟ್ಸ್‌ಮನ್‌ ಐದನೇ ಬ್ಯಾಟಿಂಗ್‌ ಕ್ರಮಾಂಕ ಸೂಕ್ತವೆಂದು," ಗವಾಸ್ಕರ್‌ ಸಲಹೆ ನೀಡಿದರು. ಶುಭಮನ್‌ ಗಿಲ್‌ ಐದನೇ ಕ್ರಮಾಂಕಕ್ಕೆ ಬಂದರೆ, ಹನುಮ ವಿಹಾರಿ ಪ್ಲೇಯಿಂಗ್‌ ಇಲೆವೆನ್‌ನಲ್ಲಿ ತಮ್ಮ ಸ್ಥಾನವನ್ನು ಕಳೆದುಕೊಳ್ಳಲಿದ್ದಾರೆಂಬುದು ಮಾಜಿ ನಾಯಕನ ಅಭಿಪ್ರಾಯ. "ತಂಡದ ಇನ್ನುಳಿದ ಆಟಗಾರರು ಹಾಗೆಯೇ ಇರುತ್ತಾರೆ. ಆದರೆ, ಶುಭಮನ್‌ ಗಿಲ್‌ ಐದನೇ ಸ್ಥಾನಕ್ಕೆ ಬಂದರೆ, ಕಳಪೆ ಫಾರ್ಮ್‌ನಲ್ಲಿರುವ‌ ಹನುಮ ವಿಹಾರಿ ತಮ್ಮ ಸ್ಥಾನವನ್ನು ಕಳೆದುಕೊಳ್ಳಲಿದ್ದಾರೆ," ಎಂದು ಗವಾಸ್ಕರ್‌ ತಿಳಿಸಿದರು. ಇನ್ನು ಬೌಲಿಂಗ್‌ ವಿಭಾಗದ ಬಗ್ಗೆ ಮಾತನಾಡಿದ ಗವಾಸ್ಕರ್‌, ಮೀನಖಂಡ ನೋವಿನಿಂದ ಬಳಲುತ್ತಿರುವ ಉಮೇಶ್‌ ಯಾದವ್‌, ಒಳಗಾಗಿ ತಂಡ ಸೇರಲು ಪ್ರಯತ್ನಿಸಲಿದ್ದಾರೆ. ಒಂದು ವೇಳೆ ಅವರು ಪಂದ್ಯದ ಹೊತ್ತಿಗೆ ಚೇತರಿಸಿಕೊಳ್ಳದೇ ಹೋದಲ್ಲಿ ನವದೀಪ್‌ ಸೈನಿ ಅಥವಾ ಟಿ ನಟರಾಜನ್‌ ಅವರಲ್ಲಿ ಒಬ್ಬರು ಅಂತಾರಾಷ್ಟ್ರೀಯ ಟೆಸ್ಟ್‌ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಲಿ ಎಂದು ಸಲಹೆ ನೀಡಿದರು. ಅಡಲೇಡ್‌ ಟೆಸ್ಟ್ ಪಂದ್ಯದಲ್ಲಿ 8 ವಿಕೆಟ್‌ಗಳ ಹೀನಾಯ ಸೋಲು ಅನುಭವಿಸಿದ್ದ ಭಾರತ, ಮೆಲ್ಬೋರ್ನ್‌ ಬಾಕ್ಸಿಂಗ್‌ ಡೇ ಟೆಸ್ಟ್‌ ಪಂದ್ಯದಲ್ಲಿ 8 ವಿಕೆಟ್‌ಗಳಿಂದ ಆಸ್ಟ್ರೇಲಿಯಾಗೆ ತಿರುಗೇಟು ನೀಡಿತ್ತು. ಆ ಮೂಲಕ ರಹಾನೆ ಪಡೆ 4 ಪಂದ್ಯಗಳ ಟೆಸ್ಟ್‌ ಸರಣಿಯಲ್ಲಿ 1-1 ಸಮಬಲ ಸಾಧಿಸಿದೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3hzoXzM

‘ಕೊರೊನಾ ಓಡಿಸೋಣ, ಮಕ್ಕಳನ್ನು ಸುರಕ್ಷಿತವಾಗಿ ಓದಿಸೋಣ’; ಸಚಿವ ಸುಧಾಕರ್‌ ಮನವಿ

ಬೆಂಗಳೂರು: ಇಂದಿನಿಂದ ಕರ್ನಾಟಕ ರಾಜ್ಯದ ಮಕ್ಕಳು ಮತ್ತೆ ಶಾಲೆ ಕಡೆ ಮುಖ ಮಾಡ್ತಿದ್ದಾರೆ. ಹೊಸ ವರ್ಷಕ್ಕೆ ಹತ್ತನೇ ತರಗತಿ ಮತ್ತು ದ್ವಿತೀಯ ಪಿಯುಸಿ ತರಗತಿಗಳು ಆರಂಭಗೊಂಡಿವೆ. ಈ ಹಿನ್ನೆಲೆ ವಿದ್ಯಾರ್ಥಿಗಳಿಗೆ ಆರೋಗ್ಯ ಸಚಿವ ಡಾ ಕೆ ಸುಧಾಕರ್‌ ಕಿವಿ ಮಾತು ಹೇಳಿದ್ದಾರೆ. ಈ ಕುರಿತು ಟ್ವೀಟ್‌ ಮಾಡಿರುವ ಸಚಿವ ಸುಧಾಕರ್, ‘ಇಂದಿನಿಂದ 10ನೇ ತರಗತಿ ಮತ್ತು ದ್ವಿತೀಯ ಪಿಯುಸಿ ತರಗತಿಗಳು ಆರಂಭವಾಗುತ್ತಿವೆ. ಮಕ್ಕಳ ಆರೋಗ್ಯ ಮತ್ತು ಶೈಕ್ಷಣಿಕ ಪ್ರಗತಿ ಎರಡನ್ನೂ ಗಮನದಲ್ಲಿಟ್ಟುಕೊಂಡು ಸರ್ಕಾರ ಬಹಳ ಎಚ್ಚರಿಕೆ ಮತ್ತು ಜವಾಬ್ದಾರಿಯಿಂದ ಈ ನಿರ್ಧಾರ ಕೈಗೊಂಡಿದೆ. 8 ತಿಂಗಳ ನಂತರ ಶಾಲೆ ಕಾಲೇಜುಗಳಿಗೆ ಮರಳುತ್ತಿರುವ ವಿದ್ಯಾರ್ಥಿಗಳಿಗೆ, ಅವರ ಪೋಷಕರಿಗೆ ನನ್ನ ಕಿವಿಮಾತು ಎಂದು ಹೇಳಿದ್ದಾರೆ. ಸರಣಿ ಟ್ವೀಟ್‌ ಮಾಡಿರುವ ಅವರು, ‘SSLC ಪರೀಕ್ಷೆ ಸಂದರ್ಭದಲ್ಲೂ ಇದೇ ರೀತಿ ಆತಂಕ ಇದ್ದದ್ದು ಸಹಜ. ಆದರೆ ಅತ್ಯಂತ ಯಶಸ್ವಿಯಾಗಿ ಪರೀಕ್ಷೆ ನಡೆಸುವ ಮೂಲಕ ಸರ್ಕಾರ ತನ್ನ ಬದ್ಧತೆ ನಿರೂಪಿಸಿತ್ತು. ಈಗಲೂ ಸಹ ಮಕ್ಕಳ ಹಿತದೃಷ್ಟಿಯಿಂದ ಶಿಕ್ಷಣ ಇಲಾಖೆ ಸಕಲ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಂಡಿದೆ. 'ಕೊರೊನಾ ಓಡಿಸೋಣ ಮಕ್ಕಳನ್ನು ಸುರಕ್ಷಿತವಾಗಿ ಓದಿಸೋಣ' ಎಂಬುದೇ ಸರ್ಕಾರದ ಧ್ಯೇಯ ಎಂದು ಸ್ಪಷ್ಟಪಡಿಸಿದ್ದಾರೆ. ಇನ್ನು ಪೋಷಕರಲ್ಲಿ, ಅದರಲ್ಲೂ ವಿಶೇಷವಾಗಿ ಗ್ರಾಮೀಣ ಭಾಗದ ಪೋಷಕರಲ್ಲಿ ನನ್ನ ಮನವಿ. ಮಕ್ಕಳನ್ನು ಯಾವುದೇ ಆತಂಕವಿಲ್ಲದೆ ಶಾಲೆಗೆ ಕಳುಹಿಸಿ. ಮಕ್ಕಳ ಆಗಮನಕ್ಕೆ ಅವರ ಶಾಲೆ ಕಾಯುತ್ತಿದೆ, ಶಿಕ್ಷಕರು ಮಕ್ಕಳನ್ನು ಸ್ವಾಗತಿಸಲು ಎದುರು ನೋಡುತ್ತಿದ್ದಾರೆ. ಸರ್ಕಾರ ಸದಾ ನಿಮ್ಮೊಂದಿಗಿದೆ. ಬನ್ನಿ, ಕೊರೊನಾ ಓಡಿಸೋಣ, ಮಕ್ಕಳನ್ನು ಸುರಕ್ಷಿತವಾಗಿ ಓದಿಸೋಣ ಎಂದು ಮನವಿ ಮಾಡಿದ್ದಾರೆ.

from India & World News in Kannada | VK Polls https://ift.tt/3n2gplV

ಎಚ್ಚರಿಕೆ ಗಂಟೆಯೊಂದಿಗೆ ಶಿಕ್ಷಣಾರಂಭ; ಹೊಸ ವರ್ಷದ ದಿನ ವಿದ್ಯಾರ್ಥಿಗಳಲ್ಲಿ ಹರುಷ!

ನಾಗರಾಜು ಅಶ್ವತ್ಥ್ ಬೆಂಗಳೂರು ಮಾರ್ಚ್ ಅಂತ್ಯದಿಂದ ಬಾಗಿಲು ಮುಚ್ಚಿದ ಶಾಲಾ, ಕಾಲೇಜುಗಳ ತರಗತಿಗಳು 2021ರ ವರ್ಷಾರಂಭಕ್ಕೆ ಶುಭಾರಂಭ ಮಾಡುತ್ತಿದ್ದು, ಕೊರೊನಾ ಎಚ್ಚರಿಕೆ ಗಂಟೆಯೊಂದಿಗೆ ಶಿಕ್ಷಣ ಚಟುವಟಿಕೆಗಳು ಆರಂಭಗೊಳ್ಳುತ್ತಿವೆ. ಜಿಲ್ಲೆಯಲ್ಲಿ 68ಪಿಯು ಕಾಲೇಜುಗಳಲ್ಲಿ ದ್ವಿತೀಯ ಪಿಯು ಮತ್ತು 314 ಪ್ರೌಢ ಶಾಲೆಗಳ ಎಸ್ಸೆಸ್ಸೆಲ್ಸಿ ವಿದ್ಯಾರ್ಥಿಗಳು ತಮ್ಮ ತರಗತಿಗಳತ್ತ ಹೆಜ್ಜೆಯಿಡಲು ಕಾತರರಾಗಿದ್ದಾರೆ. ಹೊಸ ವರ್ಷದ ಸಂಭ್ರಮದೊಂದಿಗೆ ಶಾಲಾ ಕಾಲೇಜುಗಳತ್ತ ಹೊರಟಿರುವ ವಿದ್ಯಾರ್ಥಿಗಳು ಮುನ್ನೆಚ್ಚರಿಕೆ ಕ್ರಮಗಳನ್ನು ಪಾಲಿಸಬೇಕಿದೆ. ಭರಪೂರ ಸಿದ್ಧತೆ6ರಿಂದ 7ತಿಂಗಳ ಶೈಕ್ಷಣಿಕ ಪರ್ವಕ್ಕೆ ಕೊರೊನಾ ಕತ್ತರಿ ಹಾಕಿದ್ದು, ಕೆಲವು ಖಾಸಗಿ ಶಾಲಾ ಕಾಲೇಜುಗಳಲ್ಲಿ ಸಿಲಬಸ್‌ ಮುಕ್ತಾಯ ಮಾಡಿದ್ದಾರೆ. ಆದರೆ, ಸರಕಾರಿ ಶಾಲಾ ಕಾಲೇಜುಗಳಲ್ಲಿ ಪಠ್ಯವನ್ನು ಮಕ್ಕಳಿಗೆ ಅನೇಕ ಅಡ್ಡಿ ಆತಂಕಗಳಿದ್ದ ಹಿನ್ನೆಲೆ ನೇರ ತರಗತಿಗಳತ್ತ , ಪೋಷಕರು ಹೆಚ್ಚು ಆಸಕ್ತಿಯಿಂದ ಕಾಯುತ್ತಿದ್ದರು. ಇದೀಗ ಜ.1ರಿಂದ ವರ್ಷಾರಂಭದೊಂದಿಗೆ ತರಗತಿ ಗಳಿಗೆ ಅವಕಾಶ ದೊರೆತಿರುವ ಹಿನ್ನೆಲೆ ಕೊರೊನಾತಂಕದ ನಡುವೆಯೂ ಶಾಲಾ ಕಾಲೇಜುಗಳತ್ತ ವಿದ್ಯಾರ್ಥಿಗಳನ್ನು ಕಳಿಸಲು ಪೋಷಕರ ವಲಯ ಸಿದ್ಧವಾಗಿದೆ. ವಿದ್ಯಾರ್ಥಿಗಳ ಆಗಮನಕ್ಕೆ ಸಮರ್ಪಕವಾಗಿ ಸಾರ್ವಜನಿಕ ಶಿಕ್ಷಣ ಇಲಾಖೆಯಿಂದ ಪ್ರೌಢ ಶಾಲೆಗಳು, ಪಿಯು ಶಿಕ್ಷಣ ಇಲಾಖೆಯಿಂದ ಕಾಲೇಜುಗಳಲ್ಲಿ ಸ್ಯಾನಿಟೈಸೇಶನ್‌, ಕೊಠಡಿಗಳ ಸಿದ್ಧತೆ, ಶೌಚಾಲಯಗಳ ಸಿದ್ಧತೆ, ಶಿಕ್ಷಕ, ಉಪನ್ಯಾಕರಿಗೆ ಕೋವಿಡ್‌ ಟೆಸ್ಟ್‌ನಂತಹ ಎಲ್ಲಾ ಮುನ್ನೆಚ್ಚರಿಕೆ ಕ್ರಮಗಳನ್ನು ಅನುಸರಿಸಲಾಗುತ್ತಿದೆ. ಶಿಕ್ಷಕ, ಪೋಷಕರ ಜವಾಬ್ದಾರಿಕೊರೊನಾ ರೂಪಾಂತರಿಯ ಬಗ್ಗೆ ಆತಂಕ ಬೇಡ, ಎಚ್ಚರಿಕೆಯಿರಲಿ ಎಂದು ತಜ್ಞರು ಹೇಳುತ್ತಿದ್ದಾರೆ. ಆದರೆ, ರೂಪಾಂತರಗೊಂಡಿರುವ ಕೊರೊನಾ ಯುವಕರಿಗೆ ಶೀಘ್ರ ಹರಡುತ್ತದೆ ಎನ್ನುವ ಅಂಶವನ್ನು ಮುಂದಿಡುತ್ತಿದ್ದಾರೆ. ದ್ವಿತೀಯ ಪಿಯು, ಎಸ್ಸೆಸ್ಸೆಲ್ಸಿ ವಿದ್ಯಾರ್ಥಿಗಳು ತರಗತಿಗಳ ನೆಪದಲ್ಲಿ ಹೊರಹೋದ ಬಳಿಕ ಶಿಕ್ಷಕರು, ಪೋಷಕರು ಜವಾಬ್ದಾರಿ ಹೆಚ್ಚಾಗುತ್ತದೆ. ಮಕ್ಕಳು ಹೊರಗೆ ಯಾರನ್ನು ಭೇಟಿ ಮಾಡುತ್ತಿದ್ದಾರೆ, ತರಗತಿ ಬಳಿಕ ಯಾರೊಂದಿಗೆ ಹೊರಗೆ ಹೋಗಿ ಆಟವಾಡುತ್ತಿದ್ದಾರೆ ಎನ್ನುವ ಅಂಶಗಳತ್ತ ಗಮನ ಹರಿಸಬೇಕಿದೆ. ಒಬ್ಬ ಸೋಂಕಿತ ವಿದ್ಯಾರ್ಥಿಯಿಂದ ಇತರೆ ವಿದ್ಯಾರ್ಥಿಗಳು, ಶಿಕ್ಷಕರು, ಮನೆಯಲ್ಲಿನ ಪೋಷಕರವರೆಗೆ ಸೋಂಕು ಹರಡುವ ಸಂಭವವಿದೆ. ಶಿಕ್ಷಣ ಅಗತ್ಯ. ಆದರೆ, ನಿಮ್ಮ ಮತ್ತು ಇತರ ಮಕ್ಕಳಿಗೆ ಸಮಸ್ಯೆಯಾಗದಂತೆ ಸುಸೂತ್ರವಾಗಿ ಶೈಕ್ಷಣಿಕ ಚಟುವಟಿಕೆ ನಡೆಯಲಿ ಎನ್ನುವುದು ವಿಕ ಕಳಕಳಿ. ವಿದ್ಯಾಗಮಕ್ಕೂ ಚಾಲನೆ6ರಿಂದ 9ನೇ ತರಗತಿಯ ವಿದ್ಯಾರ್ಥಿಗಳಿಗೆ ವಿದ್ಯಾಗಮ ವಿಧಾನದಲ್ಲಿ ಶಿಕ್ಷಣ ಪುನಾರಂಭವಾಗಲಿದೆ. ಈ ಬಾರಿ ವಿಶೇಷವಾಗಿ ಖಾಸಗಿ ಶಾಲೆಗಳಲ್ಲು ವಿದ್ಯಾಗಮ ಪದ್ಧತಿ ಆರಂಭವಾಗಲಿದೆ. ಜಿಲ್ಲೆಯ ಕೆಲ ಖಾಸಗಿ ಶಾಲೆಗಳ ಆಡಳಿತ ಮಂಡಳಿಗಳೊಂದಿಗೆ ಶಿಕ್ಷಣ ಇಲಾಖೆ ಈಗಾಗಲೇ ಮಾತುಕತೆ ನಡೆಸಿದ್ದು, ಖಾಸಗಿ ಶಾಲಾ ವಿದ್ಯಾರ್ಥಿಗಳಿಗೆ ಶಿಕ್ಷಕರಿಂದ ನೇರವಾಗಿ ಪಠ್ಯಕ್ಕೆ ಸಂಬಂಧಿಸಿದಂತೆ ಸಂದೇಹಗಳಿಗೆ ಪರಿಹಾರ ಸಿಗಲಿದೆ. ಜತೆಗೆ, ವಿದ್ಯಾರ್ಥಿ ಮತ್ತು ಶಿಕ್ಷಕರ ನಡುವೆ ಸೃಷ್ಟಿಯಾಗಿದ್ದ ಅಂತರ ಕಡಿಮೆಯಾಗಲಿದೆ.

from India & World News in Kannada | VK Polls https://ift.tt/38677Br

ನಿಂಬಾಳ್ಕರ್ ವಿರುದ್ಧ ಶಿಸ್ತುಕ್ರಮ ಏಕಿಲ್ಲ? ವರ್ಗಾವಣೆ ಆದೇಶದ ಬೆನ್ನಲ್ಲೇ ಡಿ. ರೂಪಾ ಪ್ರಶ್ನೆ

ಬೆಂಗಳೂರು: ಸುರಕ್ಷಾ ನಗರ ಟೆಂಡರ್‌ ವಿಚಾರವಾಗಿ ಐಪಿಎಸ್ ಅಧಿಕಾರಿಗಳಾದ ಹೇಮಂತ್‌ ನಿಂಬಾಳ್ಕರ್‌ ಹಾಗೂ ಡಿ. ರೂಪಾ ನಡುವಿನ ಆರೋಪ ಪ್ರತ್ಯಾರೋಪ ತಾರಕಕ್ಕೇರಿದ ಬೆನ್ನಲ್ಲೇ ಇಬ್ಬರು ಅಧಿಕಾರಿಗಳನ್ನು ವರ್ಗಾವಣೆ ಮಾಡಿ ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ. ಆದರೆ ಈ ಆದೇಶದ ಬೆನ್ನಲ್ಲೇ ನಿಂಬಾಳ್ಕರ್ ವಿರುದ್ಧ ಶಿಸ್ತುಕ್ರಮ ಏಕಿಲ್ಲ ಎಂದು ಡಿ. ರೂಪಾ ಪ್ರಶ್ನಿಸಿದ್ದಾರೆ. ಈ ಕುರಿತಾಗಿ ಟ್ವಿಟ್ಟರ್‌ನಲ್ಲಿ ಪ್ರಶ್ನಿಸಿರುವ ಅವರು, ನನ್ನ ವರ್ಗಾವಣೆ ಬಂದಿದೆ,ಕರಕುಶಲ ನಿಗಮದ ಎಂಡಿ ಎಂದು.ಸಿಬಿಐ ಈಗಾಗಲೇ ದೋಷಾರೋಪಣೆ ಸಲ್ಲಿಸಿ ನಿಂಬಾಳ್ಕರ್ ಮೇಲೆ ಶಿಸ್ತುಕ್ರಮ ತೆಗೆದುಕೊಳ್ಳಿ ಎಂದು ಕಳೆದ ಡಿಸೆಂಬರ್(1 ವರ್ಷ ಹಿಂದೆ) ಶಿಫಾರಸು ಮಾಡಿದ್ದರೂ,ಇನ್ನೂ ಶಿಸ್ತುಕ್ರಮ ತೆಗೆದುಕೊಂಡಿಲ್ಲ.ಈ ವರ್ಗಾವಣೆ ನನ್ನನ್ನೂ ದೋಷಾರೋಪಣೆ ಎದುರಿಸುತ್ತಿರುವ ಅಧಿಕಾರಿಯನ್ನೂ ಒಂದೇ ತಕ್ಕಡಿಯಲ್ಲಿ ಅಳೆದಂತೆ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ನಿರ್ಭಯಾ ನಿಧಿ ಬಳಸಿ ಬೆಂಗಳೂರು ಮಹಾನಗರವನ್ನು 'ಸೇಫ್‌ ಸಿಟಿ'ಯಾಗಿ ರೂಪಿಸುವ ಯೋಜನೆ ಅಡಿಯಲ್ಲಿ ನಗರಾದ್ಯಂತ ಸಿಸಿ ಕ್ಯಾಮೆರಾಗಳ ಅಳವಡಿಕೆಗೆ 627 ಕೋಟಿ ರೂ. ವೆಚ್ಚದ ಟೆಂಡರ್‌ ಕರೆಯಲಾಗಿತ್ತು. ಆದರೆ ಇದರಲ್ಲಿ ಅವ್ಯವಹಾರ ನಡೆದಿದೆ ಎಂದು ಗೃಹ ಇಲಾಖೆಯ ಕಾರ್ಯದರ್ಶಿಯಾಗಿದ್ದ ಡಿ. ರೂಪಾ ಆರೋಪ ಮಾಡಿದ್ದರು. ಆದರೆ ಈ ಆರೋಪವನ್ನು ಟೆಂಡರ್‌ ಆಹ್ವಾನ ಸಮಿತಿ ಅಧ್ಯಕ್ಷ ಹೇಮಂತ್‌ ನಿಂಬಾಳ್ಕರ್‌ ಅಲ್ಲಗಳೆದಿದ್ದರು. ಇಬ್ಬರು ಐಪಿಎಸ್ ಅಧಿಕಾರಿಗಳ ನಡುವಿನ ಈ ತಿಕ್ಕಾಟ ತಾರಕಕ್ಕೇರಿದ ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರಕ್ಕೂ ಮುಜುಗರ ಉಂಟು ಮಾಡಿತ್ತು. ಈ ಎಲ್ಲಾ ಬೆಳವಣಿಗೆಗಳ ಹಿನ್ನೆಲೆಯಲ್ಲಿ ಬೆಂಗಳೂರು ನಗರದ ಹೆಚ್ಚುವರಿ ಪೊಲೀಸ್‌ ಆಯುಕ್ತರಾಗಿದ್ದ ಐಜಿಪಿ ಅವರನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ಆಂತರಿಕ ಭದ್ರತಾ ವಿಭಾಗದ ಐಜಿಪಿಯಾಗಿ ವರ್ಗಾವಣೆ ಮಾಡಲಾಗಿದೆ. ಜೊತೆಗೆ ಆರೋಪ ಮಾಡಿದ್ದ ಐಪಿಎಸ್‌ ಅಧಿಕಾರಿ ಅವರನ್ನು ಐಜಿಪಿ ಮತ್ತು ಗೃಹ ಇಲಾಖೆ ಕಾರ್ಯದರ್ಶಿ ಹುದ್ದೆಯಿಂದ ಕರ್ನಾಟಕ ರಾಜ್ಯ ಕರಕುಶಲ ಅಭಿವೃದ್ಧಿ ನಿಗಮದ ವ್ಯವಸ್ಥಾಪಕ ನಿರ್ದೇಶಕಿ ಹುದ್ದೆಗೆ ವರ್ಗಾಯಿಸಿ ಗುರುವಾರ ಆದೇಶವನ್ನು ಹೊರಡಿಸಿದೆ. ಸರ್ಕಾರದ ಈ ಆದೇಶದ ಬೆನ್ನಲ್ಲೇ ಡಿ. ರೂಪಾ ಹೇಮಂತ್ ನಿಂಬಾಳ್ಕರ್‌ ವಿರುದ್ಧವಾಗಿ ಶಿಸ್ತು ಕ್ರಮ ಏಕಿಲ್ಲ ಎಂದು ಮತ್ತೊಮ್ಮೆ ಪ್ರಶ್ನಿಸಿದ್ದಾರೆ.

from India & World News in Kannada | VK Polls https://ift.tt/2KP5P4I

ವಿದ್ಯಾರ್ಥಿಗಳೇ ಗಮನಿಸಿ: ಹಳೆಯ ಪಾಸ್‌ನಲ್ಲಿ ಉಚಿತವಾಗಿ ಪ್ರಯಾಣಿಸಲು BMTCಯಿಂದ ಅನುಮತಿ

ಬೆಂಗಳೂರು: ಮಹಾನಗರ ಸಾರಿಗೆ ಸಂಸ್ಥೆಯು (ಬಿಎಂಟಿಸಿ) ಎಸ್ಸೆಸ್ಸೆಲ್ಸಿ ಮತ್ತು ದ್ವಿತೀಯ ಪಿಯುಸಿ ವಿದ್ಯಾರ್ಥಿಗಳಿಗೆ ಜ. 1ರಿಂದ, 2019-20ನೇ ಸಾಲಿನಲ್ಲಿ ವಿತರಿಸಿದ್ದ ಸ್ಮಾರ್ಟ್‌ಕಾರ್ಡ್‌ ಪಾಸ್‌ನಲ್ಲೇ ಉಚಿತವಾಗಿ ಪ್ರಯಾಣಿಸಲು ಅವಕಾಶ ಕಲ್ಪಿಸಿದೆ.ರಾಜ್ಯಾದ್ಯಂತ ಎಸ್ಸೆಸ್ಸೆಲ್ಸಿ ಮತ್ತು ದ್ವಿತೀಯ ಪಿಯು ತರಗತಿಗಳು ಆರಂಭವಾಗುತ್ತಿವೆ. ಹೀಗಾಗಿ, ವಿದ್ಯಾರ್ಥಿಗಳು ಹಳೆಯ ಬಸ್‌ ಪಾಸ್‌, ಶಾಲಾ-ಕಾಲೇಜಿಗೆ ದಾಖಲಾಗಿರುವ ಶುಲ್ಕ ಪಾವತಿ ರಸೀದಿ ಹಾಗೂ ಗುರುತಿನ ಚೀಟಿಯನ್ನು ನಿರ್ವಾಹಕರಿಗೆ ತೋರಿಸಿ ಪ್ರಯಾಣ ಮಾಡಬಹುದಾಗಿದೆ. ಜ. 1ರಿಂದ ಮುಂದಿನ ಆದೇಶದವರೆಗೆ ಸಾಮಾನ್ಯ ಸೇವೆಯ ಬಸ್‌ಗಳಲ್ಲಿ ವಾಸ ಸ್ಥಳದಿಂದ ಶಾಲಾ-ಕಾಲೇಜಿಗೆ ಪ್ರಯಾಣ ಮಾಡಲು ಅವಕಾಶ ಕಲ್ಪಿಸಲಾಗಿದೆ. ಭಾರತಕ್ಕೆ ಫೆಬ್ರವರಿಯಲ್ಲಿ ಕೊರೊನಾ ಎಂಟ್ರಿ ಕೊಟ್ಟಿದ್ದು ಅದರ ನಂತರ ದೇಶದಲ್ಲಿ ಲಾಕ್‌ಡೌನ್‌ ಆಗಿತ್ತು. ಆದ್ದರಿಂದ ಶಾಲೆ-ಕಾಲೇಜುಗಳು ರಜೆ ಘೋಷಿಸಿದ್ದವು. ವಿದ್ಯಾರ್ಥಿಗಳ ಭವಿಷ್ಯದ ದೃಷ್ಟಿಯಿಂದ ಶಾಲೆ-ಕಾಲೇಜುಗಳನ್ನು ಬಂದ್‌ ಮಾಡಲಾಗಿತ್ತು. ಇದೀಗ ಇಂದಿನಿಂದ ಮತ್ತೆ ಆರಂಭವಾಗಿದೆ.

from India & World News in Kannada | VK Polls https://ift.tt/3o5GS3z

ಉಡುಪಿ: ರಸ್ತೆಯಲ್ಲಿ ‘ನ್ಯೂ ಇಯರ್‌’ ಬರೆಯುವಾಗ ಕಾರು ಡಿಕ್ಕಿ; ಇಬ್ಬರು ಸ್ಥಳದಲ್ಲೇ ಸಾವು..!

ಉಡುಪಿ: ಹೊಸ ವರ್ಷಾಚರಣೆಯ ಸಿದ್ಧತೆಯಲ್ಲಿದ್ದ ವೇಳೆ ಕಾರು ಡಿಕ್ಕಿಯಾದ ಪರಿಣಾಮ ರಸ್ತೆಯಲ್ಲೇ ಒದ್ದಾಡಿ ಇಬ್ಬರು ಯುವಕರು ಸಾವನ್ನಪ್ಪಿರುವ ಘಟನೆ ಉಡುಪಿ ಜಿಲ್ಲೆಯಲ್ಲಿ ನಡೆದಿದೆ. ಕಾರ್ಕಳ ತಾಲೂಕಿನ ಬಜಗೋಳಿ ಸಮೀಪದ ಮಿಯಾರ್‌ನಲ್ಲಿ ಈ ದುರ್ಘಟನೆ ಸಂಭವಿಸಿದ್ದು, ಹೊಸ ವರ್ಷದ ಸಂಭ್ರಮದಲ್ಲಿದ್ದ ಯುವಕರು ರಾತ್ರಿವೇಳೆ ರಸ್ತೆಯಲ್ಲಿ ಹ್ಯಾಪಿ ನ್ಯೂ ಇಯರ್‌ ಬರೆಹ ಬರೆಯಲು ಆರಂಭಿಸಿದ್ದರು. ಈ ವೇಳೆ ಏಕಾಏಕಿ ಬಂದ ಕಾರು ಯುವಕರಿಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಇಬ್ಬರು ಯುವಕರು ರಸ್ತೆಯಲ್ಲೇ ಒದ್ದಾಡಿ ಸಾವನ್ನಪ್ಪಿದ್ದಾರೆ. ಗುರುವಾರ ರಾತ್ರಿ ಈ ಅಪಘಾತ ಸಂಭವಿಸಿದ್ದು, ರಸ್ತೆ ಅಪಘಾತ ನಡೆಸಿದ ಕಾರ್‌ ಚಾಲಕನ ಬಗ್ಗೆ ಇನ್ನೂ ಮಾಹಿತಿ ಲಭ್ಯವಾಗಿಲ್ಲ. ಘಟನೆ ಸಂಬಂಧ ಸ್ಥಳೀಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.

from India & World News in Kannada | VK Polls https://ift.tt/3o5kur0

ರೆಸಾರ್ಟ್‌, ಹೋಂ ಸ್ಟೇಗಳು ಹೌಸ್‌ಫುಲ್‌: ಹೊಸ ವರ್ಷಕ್ಕೆ ಬೆಂಗಳೂರಿನಿಂದ ಹಾಸನಕ್ಕೆ ಬಂದ ಪ್ರವಾಸಿಗರು!

ಎಂ.ವರುಣ್‌ ಹಾಸನ ಹಾಸನ: ಬೆಂಗಳೂರಿನಲ್ಲಿ ಸಂಭ್ರಮಾಚರಣೆಗೆ ನಿಬಂಧನೆಗಳನ್ನು ವಿಧಿಸಿರುವ ಕಾರಣ ಬೆಂಗಳೂರಿಗರು ಜಿಲ್ಲೆಯತ್ತ ದೌಡಾಯಿಸುತ್ತಿದ್ದು, , ರೆಸಾರ್ಟ್‌ಗಳು ತುಂಬಿ ತುಳುಕುತ್ತಿವೆ.. ಪಬ್‌, ರೆಸ್ಟೋರೆಂಟ್‌ ಹಾಗೂ ರಸ್ತೆಗಳಲ್ಲಿ ಡಿಜೆ ಪಾರ್ಟಿ, ಮೋಜು, ಮಸ್ತಿ, ನೃತ್ಯಗಳ ಮೂಲಕ ಹೋಟೆಲ್‌ ಹಾಗೂ ಇತರೆ ಮನರಂಜನೆ ಸ್ಥಳಗಳಿಗೆ ತೆರಳಿ ಹೊಸ ವರ್ಷವನ್ನು ಸ್ವಾಗತಿಸಲು ಸಜ್ಜಾಗಿದ್ದವರಿಗೆ ರೂಪಾಂತರ ಕೊರೊನಾ ವೈರಸ್‌ ತಡೆವೊಡ್ಡಿದೆ. ಹೊಸ ವರ್ಷದ ಸಂಭ್ರಮಾಚರಣೆಗೆ ಬ್ರೇಕ್‌ ಹಾಕಲು ಇಷ್ಟವಿಲ್ಲದ ಮಂದಿ ಜಿಲ್ಲೆಯತ್ತ ಮುಖಮಾಡಿದ್ದಾರೆ. ಜನರು ಹೊಸ ವರ್ಷದ ಎರಡು ದಿನದ ಮುಂಚೆಯೇ ಜಿಲ್ಲೆಯ ಆಲೂರು, ಸಕಲೇಶಪುರ, ಬೇಲೂರು ಗಡಿಭಾಗದಲ್ಲಿರುವ ನೂರಾರು ಹೋಂ ಸ್ಟೇ ಹಾಗೂ ರೆಸಾರ್ಟ್‌ಗಳಿಗೆ ತೆರಳಿದ್ದು, ಹೋಂ ಸ್ಟೇ, ಮಾಲೀಕರಿಗೆ ಹೊಸ ವರ್ಷದ ಉಡುಗೊರೆ ಸಿಕ್ಕಂತಾಗಿದೆ. ಹೊಸ ಟೆಂಟ್‌ಗಳ ಖರೀದಿರಾಜ್ಯದ ನಾನಾ ಜಿಲ್ಲೆಗಳಿಂದ ಹೋಂ ಸ್ಟೇ ಹಾಗೂ ರೆಸಾರ್ಟ್‌ಗಳತ್ತ ತಮ್ಮ ಪ್ರಯಾಣ ಬೆಳೆಸಿದ ಜನರು ಹೋಂ ಸ್ಟೇಗಳಲ್ಲಿ ತಂಗಲು ಕೋಣೆಗಳು ದೊರಕದ ಕಾರಣ ತಾವೇ ಸ್ವಂತವಾಗಿ ಟೆಂಟ್‌ಗಳನ್ನು ಖರೀದಿಸಿ ಹೋಂ ಸ್ಟೇ ಹಾಗೂ ರೆಸಾರ್ಟ್‌ಗಳತ್ತ ಲಗ್ಗೆ ಇಟ್ಟಿದ್ದಾರೆ. ಹಲವು ವರ್ಷಗಳಿಂದ ತಮ್ಮ ಗ್ರಾಹಕರಾಗಿರುವವರಿಗೆ ಕೋಣೆ ಹಾಗೂ ಟೆಂಟ್‌ಗಳ ಸೌಲಭ್ಯವು ಇಲ್ಲ ಎಂದು ಹೇಳಲಾಗದಂತಹ ಸ್ಥಿತಿಗೆ ಸಿಲುಕಿದ ಹೋಂ ಸ್ಟೇ ಹಾಗೂ ರೆಸಾರ್ಟ್‌ ಮಾಲೀಕರು ಹೆಚ್ಚುವರಿಯಾಗಿ ಹೊಸ ಟೆಂಟ್‌ಗಳನ್ನು ಖರೀದಿಸುವಂತಾಗಿದೆ. ಜಿಲ್ಲಾಡಳಿತರಾಜ್ಯದ ವಿವಿಧೆಡೆಯಿಂದ ನೂರಾರು ಸಂಖ್ಯೆಯಲ್ಲಿ ಜಿಲ್ಲೆಗೆ ಲಗ್ಗೆ ಇಟ್ಟಿರುವುದು ಜಿಲ್ಲಾಡಳಿತಕ್ಕೆ ತಲೆಬಿಸಿ ಉಂಟುಮಾಡಿದೆ. ಈ ಕಾರಣದಿಂದಲೇ ಹೊಂಸ್ಟೇ, ರೆಸಾರ್ಟ್‌, ಬಾರ್‌, ಕ್ಲಬ್‌ಗಳಿಗೆ ಹತ್ತು ಹಲವು ಷರತ್ತುಗಳನ್ನು ವಿಧಿಸಿದೆ. ಯಾವುದೇ ಕಾರಣಕ್ಕೂ ಮನೋರಂಜನಾ ಕಾರ್ಯಕ್ರಮ, ಡಿಜೆ ಇತ್ಯಾದಿ ಏರ್ಪಡಿಸಬಾರದು. ನಿಗದಿತ ಸಂಖ್ಯೆಗಿಂತ ಹೆಚ್ಚಿನ ಜನರನ್ನು ಸೇರಿಸಬಾರದು ಎಂದು ಕಟ್ಟುನಿಟ್ಟಿನ ಸೂಚನೆ ನೀಡಿದೆ. ಈ ಎಲ್ಲ ಕಾರಣದಿಂದ ಮತ್ತಿತರ ಕಡೆಯಿಂದ ಜಿಲ್ಲೆಗೆ ಬಂದರೂ, ಕೊರೊನಾ ನಿಯಮ ಪಾಲಿಸಲೇಬೇಕಾದ ಅನಿವಾರ್ಯತೆ ಇದೆ. ಹೊಸ ವರ್ಷಾಚರಣೆ ಮಾಡಲು ಅಡ್ಡಿಯಿಲ್ಲ. ಆದರೆ ಎಲ್ಲಿಯೂ ನೂರಾರು ಸಂಖ್ಯೆಯಲ್ಲಿ ಜನ ಸೇರಿ ಸಾಂಸ್ಕೃತಿಕ ಕಾರ್ಯಕ್ರಮ ಮಾಡುವಂತಿಲ್ಲ. ಡಿಜೆ ಏರ್ಪಡಿಸುವಂತಿಲ್ಲ. ನಿಯಮ ಪಾಲನೆ ಮಾಡಲೇಬೇಕು, ಇಲ್ಲದಿದ್ದಲ್ಲಿ ಕ್ರಮ ಕೈಗೊಳ್ಳಲಾಗುವುದು. ಗಿರೀಶ್‌ ಜಿಲ್ಲಾಧಿಕಾರಿ ಹಾಸನ ರೆಸಾರ್ಟ್‌, ಹೋಂ ಸ್ಟೇ, ಕ್ಲಬ್‌ಗಳಲ್ಲಿ ರಸಮಂಜರಿ, ಡಿಜೆ ಏರ್ಪಡಿಸುವಂತಿಲ್ಲ. ನೂರಾರು ಸಂಖ್ಯೆಯಲ್ಲಿ ಜನ ಸೇರುವಂತಿಲ್ಲ. ರಸ್ತೆಯಲ್ಲಿ ಮೋಜು, ಮಸ್ತಿ ಮಾಡುವಂತಿಲ್ಲ. ಎಲ್ಲೆಡೆ ಪೊಲೀಸ್‌ ಭದ್ರತೆ ಒದಗಿಸಲಾಗಿದ್ದು, ನಿಯಮ ಉಲ್ಲಂಘಿಸಿದರೆ ಮುಲಾಜಿಲ್ಲದೆ ಕ್ರಮ ಕೈಗೊಳ್ಳುತ್ತೇವೆ. ಶ್ರೀನಿವಾಸಗೌಡ ಎಸ್‌ಪಿ ಹಾಸನ

from India & World News in Kannada | VK Polls https://ift.tt/3851Iuh

ನಾನೇ ಫುಲ್‌ಟೈಮ್‌ ಸಿಎಂ: ನಾಯಕತ್ವ ಗೊಂದಲ ಸೃಷ್ಟಿಸುತ್ತಿದ್ದವರಿಗೆ ಯಡಿಯೂರಪ್ಪ ಖಡಕ್‌ ಸಂದೇಶ

ಬೆಂಗಳೂರು: ಮುಂದಿನ ಎರಡೂವರೆ ವರ್ಷ ತಾವೇ ಸಿಎಂ ಎಂದು ಹೇಳಿರುವ ಬಿ.ಎಸ್‌.ಯಡಿಯೂರಪ್ಪ ಅವರು ನಾಯಕತ್ವದ ಬಗ್ಗೆ ಗೊಂದಲ ಎಬ್ಬಿಸುತ್ತಿರುವವರಿಗೆ ಖಡಕ್‌ ಸಂದೇಶ ರವಾನಿಸಿದ್ದಾರೆ. ತಮ್ಮ ಸಿಎಂ ಸ್ಥಾನ ಭದ್ರ ಎನ್ನುವುದಕ್ಕೆ ರಾಜ್ಯ ಬಿಜೆಪಿ ಉಸ್ತುವಾರಿ ಅರುಣ್‌ ಸಿಂಗ್‌ ಅವರ ಹೇಳಿಕೆಯನ್ನೇ ಸಮರ್ಥನೆಯಾಗಿ ಯಡಿಯೂರಪ್ಪ ಬಳಸಿಕೊಂಡಿದ್ದಾರೆ. ಈ ಮೂಲಕ ಹೈಕಮಾಂಡ್‌ ಬೆಂಬಲ ತಮಗಿದೆ ಎಂಬ ಸಂದೇಶವೂ ರವಾನೆಯಾಗುವಂತೆ ನೋಡಿಕೊಂಡಿದ್ದಾರೆ. ವಿಧಾನಸೌಧದಲ್ಲಿ ಗುರುವಾರ ಸುದ್ದಿಗೋಷ್ಠಿ ವೇಳೆ ಈ ಬಗ್ಗೆ ಮಾಧ್ಯಮದವರ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಅವರು, ''ಅರುಣ್‌ ಸಿಂಗ್‌ ಈಗಾಗಲೇ ಸ್ಪಷ್ಟ ಪಡಿಸಿರುವಂತೆ ಮುಂದಿನ ಎರಡೂವರೆ ವರ್ಷ ನಾನೇ ಸಿಎಂ ಆಗಿರುತ್ತೇನೆ. ಅಭಿವೃದ್ಧಿಯಲ್ಲಿ ರಾಜ್ಯವನ್ನು ಪ್ರಥಮ ಸ್ಥಾನಕ್ಕೆ ತರುವುದೇ ನನ್ನ ಗುರಿ. ಒಂದಿಬ್ಬರು ಶಾಸಕರು ಹೇಳಿಕೆ ನೀಡಿದರೂ ಅದು ನನ್ನ ಮೇಲೆ ಪರಿಣಾಮ ಬೀರದು. ಸಚಿವ ಸಂಪುಟದ ಸದಸ್ಯರೆಲ್ಲರೂ ಸೇರಿ ರಾಜ್ಯದ ಅಭಿವೃದ್ಧಿಯತ್ತ ಲಕ್ಷ್ಯ ಹರಿಸಿದ್ದೇವೆ,'' ಎಂದು ಸ್ಪಷ್ಟ ಪಡಿಸಿದರು. ಈ ವೇಳೆ ಡಿಸಿಎಂಗಳಾದ ಗೋವಿಂದ ಕಾರಜೋಳ, ಡಾ.ಸಿ.ಎನ್‌.ಅಶ್ವತ್ಥನಾರಾಯಣ, ಸಚಿವರಾದ ಆರ್‌.ಅಶೋಕ್‌, ಬಸವರಾಜ ಬೊಮ್ಮಾಯಿ, ಎಸ್‌.ಸುರೇಶ್‌ ಕುಮಾರ್‌ ಅವರೂ ಜತೆಗಿದ್ದರು. ''ನಾಯಕತ್ವದ ವಿಚಾರದಲ್ಲಿ ಪಕ್ಷ ಅಥವಾ ಸರಕಾರದಲ್ಲಿ ಯಾವುದೇ ಗೊಂದಲವಿಲ್ಲ. ಎರಡೂವರೆ ವರ್ಷ ಯಡಿಯೂರಪ್ಪ ಅವರೇ ಸಿಎಂ ಆಗಿರುತ್ತಾರೆ ಎಂದು ಅರುಣ್‌ ಸಿಂಗ್‌ ಸ್ಪಷ್ಟ ಪಡಿಸಿದ್ದರಿಂದ ನಾಯಕತ್ವ ಬದಲಾವಣೆ ಪ್ರಶ್ನೆ ಉದ್ಭವಿಸದು. ನಮ್ಮ ಶಾಸಕರೊಂದಿಗೂ ವಿಭಾಗವಾರು ಸಭೆ ನಡೆಸುತ್ತಿದ್ದೇನೆ,'' ಎಂದು ಹೇಳಿದರು. ನಾಯಕತ್ವದ ಬಗ್ಗೆ ಪದೇ ಪದೆ ಗೊಂದಲವಾದದ್ದು ನಿಜ. ಆದರೆ, ಅರುಣ್‌ ಸಿಂಗ್‌ ಉಸ್ತುವಾರಿಯಾದ ಬಳಿಕ ಇದಕ್ಕೆ ತೆರೆಯೆಳೆದಿದ್ದರು. ಯಡಿಯೂರಪ್ಪ ನಾಯಕತ್ವ ಮತ್ತು ಆಡಳಿತದ ಬಗ್ಗೆಯೂ ಅವರು ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಅದರ ಆಧಾರದಲ್ಲಿಯೇ ಈಗ ತಮ್ಮ ನಾಯಕತ್ವ ಅಬಾಧಿತವೆಂದು ಸಂದೇಶ ರವಾನಿಸಿರುವ ಸಿಎಂ, ಆಡಳಿತ ಯಂತ್ರಕ್ಕೆ ಚುರುಕು ಮುಟ್ಟಿಸುವ ಕಾರ್ಯಕ್ಕೂ ಕೈಹಾಕಿದ್ದಾರೆ. ಇದರ ಭಾಗವಾಗಿ ಐಎಎಸ್‌, ಐಪಿಎಸ್‌, ಐಎಫ್‌ಎಸ್‌ ಅಧಿಕಾರಿಗಳಲ್ಲಿ ಕೆಲವರನ್ನು ವರ್ಗಾಯಿಸಲಾಗಿದೆ. ಜತೆಗೆ ದೊಡ್ಡ ಮಟ್ಟದಲ್ಲಿ ಬಡ್ತಿ ಪ್ರದಾನ ಪ್ರಕ್ರಿಯೆಯೂ ನಡೆದಿದೆ.

from India & World News in Kannada | VK Polls https://ift.tt/2WZrmdt

ಹೊಸ ವರ್ಷಕ್ಕೆ ಗುಡ್‌ನ್ಯೂಸ್‌ ನೀಡಿದ ಬಿಎಂಟಿಸಿ; ವೋಲ್ವೋ ಬಸ್‌ಗಳ ಟಿಕೆಟ್‌, ಪಾಸ್‌ ದರ ಇಂದಿನಿಂದ ಕಡಿತ..!

ಬೆಂಗಳೂರು: ಹೊಸ ವರ್ಷಕ್ಕೆ ತನ್ನ ಪ್ರಯಾಣಿಕರಿಗೆ ಸಿಹಿಸುದ್ದಿ ನೀಡಿದೆ. ಮಹಾನಗರ ಸಾರಿಗೆ ಸಂಸ್ಥೆಯು (ಬಿಎಂಟಿಸಿ) ಹವಾನಿಯಂತ್ರಿತ ವೋಲ್ವೊ ಬಸ್‌ಗಳ ದರವನ್ನು ಜನವರಿ ಒಂದರಿಂದ ಜಾರಿ ಬರುವಂತೆ ಇಳಿಕೆ ಮಾಡಿದೆ. ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ ಹವಾನಿಯಂತ್ರಿತ ವೋಲ್ವೊ ಬಸ್‌ಗಳ ಟಿಕೆಟ್‌, ಪಾಸ್‌ ದರಗಳನ್ನು ಶುಕ್ರವಾರದಿಂದ ಜಾರಿಗೆ ಬರುವಂತೆ ಇಳಿಕೆ ಮಾಡಿದ್ದು, ಮಾಸಿಕ ಪಾಸ್‌ 363 ರೂ. ಮತ್ತು ದೈನಂದಿನ ಪಾಸ್‌ ದರವನ್ನು 27 ರೂ.ನಷ್ಟು ಕಡಿಮೆ ಮಾಡಲಾಗಿದೆ. ವೋಲ್ವೊ ಮಾಸಿಕ ಬಸ್‌ ಪಾಸ್‌ನ ಪ್ರಸ್ತುತ ದರವು ಜಿಎಸ್‌ಟಿ ಸೇರಿ 2363 ರೂ. ಇದೆ. ಆದರೆ ಇಂದಿನಿಂದ ಈ ದರವನ್ನು 2000 ರೂ.ಗಳಿಗೆ ಇಳಿಸಲಾಗಿದೆ. ಹಾಗೆಯೇ ದೈನಂದಿನ ಪಾಸ್‌ ದರವನ್ನು 147 ರೂ. ಗಳಿಂದ 120 ರೂ.ಗಳಿಗೆ ಕಡಿಮೆ ಮಾಡಲಾಗಿದೆ. ಸಾಮಾನ್ಯ ಮತ್ತು ವಾಯುವಜ್ರ ಸೇವೆಗಳ ದರದಲ್ಲಿ ಯಾವುದೇ ಬದಲಾವಣೆ ಇಲ್ಲ. ವೋಲ್ವೊ ಬಸ್‌ಗಳ ಪ್ರಯಾಣ ದರವನ್ನು 5 ರೂ. ನಿಂದ 20 ರೂ.ವರೆಗೆ ಇಳಿಕೆ ಮಾಡಲಾಗಿದೆ. ಸಾಮಾನ್ಯ ಸೇವೆಗಳ ಮಾಸಿಕ (1050 ರೂ.) ಮತ್ತು ಹಿರಿಯ ನಾಗರಿಕರ ಸಾಮಾನ್ಯ ಮಾಸಿಕ (945 ರೂ.) ಪಾಸುದಾರರು ಚಾಲ್ತಿಯಲ್ಲಿರುವ ಪಾಸ್‌ ತೋರಿಸಿ ಭಾನುವಾರಗಳಂದು ವೋಲ್ವೊ ಬಸ್‌ಗಳಲ್ಲಿ ಪ್ರಯಾಣಿಸಲು ಅವಕಾಶ ಕಲ್ಪಿಸಲಾಗಿದೆ. ಸಾರ್ವಜನಿಕ ಪ್ರಯಾಣಿಕರ ಅನುಕೂಲಕ್ಕಾಗಿ ಜ. 4ರಿಂದ ಹೊಸದಾಗಿ 12 ಮಾರ್ಗಗಳಲ್ಲಿ81 ವೋಲ್ವೊ ಬಸ್‌ಗಳನ್ನು ಕಾರ್ಯಾಚರಣೆಗೊಳಿಸಲಾಗುತ್ತಿದೆ. ಕೊರೊನಾ ಸೋಂಕು ವೈರಾಣು ಸೋಂಕು ತಡೆಗೆ ಲಾಕ್‌ಡೌನ್‌ ಹೇರಿದಾಗಿನಿಂದ ವೋಲ್ವೊ ಬಸ್‌ಗಳನ್ನು ರಸ್ತೆಗಿಳಿಸಿರಲಿಲ್ಲ. ಜೂನ್‌ ತಿಂಗಳಿನಿಂದ ಬೆರಳೆಣಿಕೆಯಷ್ಟು ಬಸ್‌ಗಳನ್ನಷ್ಟೇ ಓಡಿಸಲಾಗುತ್ತಿತ್ತು.

from India & World News in Kannada | VK Polls https://ift.tt/383RyKv

ಇಂದಿನಿಂದ ಶಾಲೆಗಳಲ್ಲಿ ಮಕ್ಕಳ ಕಲರವ: ಜನಜೀವನದಲ್ಲಿ ಹೆಚ್ಚಲಿದೆ ಜೀವಕಳೆ!

ರವಿಕಿರಣ್‌ ವಿ. ರಾಮನಗರ: ಇಂದಿನಿಂದ (ಜ.1), ರಾಜ್ಯಾದ್ಯಂತ ಶಾಲೆಗಳು ಆರಂಭವಾಗುತ್ತಿವೆ. ಬೆಳ್ಳಂಬೆಳಗ್ಗೆಯೇ ಪಾಟಿಚೀಲ ಹೊತ್ತು ಮಕ್ಕಳು ಶಾಲೆಗಳತ್ತ ಹೊರಡುವುದರಿಂದ ಇಡೀ ಸಮಾಜದಲ್ಲಿ ಜೀವಕಳೆ ಹೆಚ್ಚಲಿದೆ. ಕಳೆದ ಒಂಬತ್ತು ತಿಂಗಳಿಂದ ಸ್ಮಶಾನಮೌನಕ್ಕೆ ಜಾರಿದ್ದ ಶಾಲೆಗಳ ಆವರಣಗಳಲ್ಲಿ ಮಕ್ಕಳ ಚಿಲಿಪಿಲಿ ನಾದ ಮೇಳೈಸಲಿದೆ. ಮಕ್ಕಳ ಸ್ವಾಗತಕ್ಕೆ ಸರ್ವಸಿದ್ಧತೆಶಾಲೆಗಳಿಗೆ ಮಕ್ಕಳನ್ನು ಬರಮಾಡಿಕೊಳ್ಳಲು ಜಿಲ್ಲಾ ಸಾರ್ವಜನಿಕ ಶಿಕ್ಷಣ ಇಲಾಖೆ ಈಗಾಗಲೇ ಹಲವು ಸುತ್ತಿನ ಸಿದ್ಧತೆಗಳನ್ನು ಮಾಡಿಕೊಂಡಿದೆ. ರೂಪಾಂತರಿತ ಕೊರೊನಾ ವೈರಾಣು ಮಕ್ಕಳಿಗೆ ಅಪಾಯವೆಸಗದಂತೆ ಎಲ್ಲಾ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಶಿಕ್ಷಕರಿಗೆ ಸುತ್ತೋಲೆ ಆರಂಭ, ಮಕ್ಕಳನ್ನು ತರಗತಿಗೆ ಸಿದ್ಧಗೊಳಿಸುವ ಕುರಿತಂತೆ ಸಲಹೆ ಸೂಚನೆಗಳನ್ನು ಒಳಗೊಂಡ ಸುತ್ತೋಲೆಗಳನ್ನು ಎಲ್ಲಾ ಶಿಕ್ಷಕರಿಗೂ ಈಗಾಗಲೇ ಕಳುಹಿಸಲಾಗಿದೆ. ನಾಲ್ಕು ತಾಲೂಕಿನ ಕ್ಷೇತ್ರ ಶಿಕ್ಷಣಾಧಿಕಾರಿಗಳನ್ನೊಳನ್ನು ಒಳಗೊಂಡ ಸಭೆ ನಡೆಸಿ, ತರಗತಿ ನಡೆಸುವ ವೇಳೆ ಯಾವುದೇ ಲೋಪದೋಷಗಳು ಕಂಡುಬಾರದಂತೆ ಕ್ರಮ ಕೈಗೊಳ್ಳಲು ಸೂಚಿಸಲಾಗಿದೆ. ಕೊರೊನಾ ನಿಯಮ ಕಡ್ಡಾಯ ಮಕ್ಕಳು ಪರಸ್ಪರ ಅಂತರ ಕಾಪಾಡಿಕೊಳ್ಳುವುದನ್ನು ಖಚಿತಪಡಿಸಿಕೊಳ್ಳುವುದು, ಪ್ರತಿಯೊಂದು ಮಗುವಿಗೂ ಸ್ಯಾನಿಟೈಸರ್‌ ನೀಡುವುದು, ಮಾಸ್ಕ್‌ ಧರಿಸಿರುವುದರನ್ನು ಖಾತ್ರಿಪಡಿಸಿಕೊಳ್ಳುವಂತೆ, ಮಕ್ಕಳನ್ನು ಆದಷ್ಟು ಅವು ವಾಸವಿರುವ ಸಮೀಪದ ಶಾಲೆಗೆ ಸೇರಿಸುವಂತೆ ತಿಳಿಸಲಾಗಿದೆ. ಗುಂಪು ರಚನೆಗೆ ಕ್ರಮ ಶಾಲೆಯಲ್ಲಿ ವಿದ್ಯಾರ್ಥಿಗಳ ಹಾಜರಾತಿ, ತರಗತಿ ಮತ್ತು ಶಿಕ್ಷಕರ ಅನುಪಾತಕ್ಕೆ ಸರಿಹೊಂದುವತೆ ಗುಂಪುಗಳನ್ನು ರಚನೆ ಮಾಡಿಕೊಳ್ಳಲು ಅವಕಾಶ ಕಲ್ಪಿಸಲಾಗಿದೆ. ಹೊಸ ಮಾರ್ಗದರ್ಶಿ ಸೂತ್ರಗಳು ಪ್ರತಿಯೊಂದು ತರಗತಿ ಅವಧಿ 45 ನಿಮಿಷಗಳು, ಎರಡು ಪಾಳಿಯಲ್ಲಿ ತರಗತಿಗಳನ್ನು ನಡೆಸಬೇಕು. ಬೆಳಗ್ಗೆ 10ರಿಂದ 12.30ರವರೆಗೆ ಮೊದಲ ಪಾಳಿ, ಅಪರಾಹ್ನ 2ರಿಂದ ಸಂಜೆ 4.30ರವರೆಗೆ ಎರಡನೇ ಪಾಳಿ ನಡೆಸಲು ತಿಳಿಸಲಾಗಿದೆ. ನಿರ್ದೇಶಕರ ಸಭೆ ಶುಕ್ರವಾರ ರಾಜ್ಯದ ಎಲ್ಲೆಡೆ ಶಾಲೆಗಳು ಆರಂಭವಾಗಲಿರುವ ಕಾರಣ, ಗುರುವಾರ ಸರ್ವ ಶಿಕ್ಷಣ ಅಭಿಯಾಣದ ನಿರ್ದೇಶಕ ಗೋಪಾಲಕೃಷ್ಣ ಅವರು, ಜಿಲ್ಲೆಯ ಎಲ್ಲಾ ಬಿಇಒಗಳ ಸಭೆ ನಡೆಸಿ ಸಿದ್ಧತೆಗಳ ಪರಿಶೀಲನೆ ನಡೆಸಿದ್ದಾರೆ. ಇನ್ನು ಸಾರ್ವಜನಿಕ ಶಿಕ್ಷಣ ಇಲಾಖೆಯ ಡಿಡಿಪಿಐ ಸೋಮಶೇಖರ್‌ ಅವರು, ಚನ್ನಪಟ್ಟಣ ತಾಲೂಕಿನ ಮತ್ತೀಕೆರೆ ಶೆಟ್ಟಹಳ್ಳಿ ಸರಕಾರಿ ಶಾಲೆಗಳಿಗೆ ತೆರಳಿ ಸಿದ್ಧತೆ ಕುರಿತು ಅವಲೋಕನ ಮಾಡಿದ್ದಾರೆ. ಜಿಲ್ಲೆಯ ಶಾಲೆಗಳ ಅಂಕಿ ಅಂಶಗಳು

• ಜಿಲ್ಲೆ ಶಾಲೆಗಳ ಸಂಖ್ಯೆ 1430
• ಪ್ರೌಢಶಾಲೆಗಳ ಸಂಖ್ಯೆ 322
• ಪ್ರಾಥಮಿಕ ಶಾಲೆಗಳು 248
• ಖಾಸಗಿ ಶಾಲೆಗಳು 248

ಶುಕ್ರವಾರದಲ್ಲಿಶಾಲೆ ಆರಂಭವಾಗುವ ಕುರಿತು ಈಗಾಗಲೇ ಸಾಕಷ್ಟು ಪೂರ್ವ ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗಿದೆ. ಸೋಮಲಿಂಗಯ್ಯ, ಶಿಕ್ಷಣಾಧಿಕಾರಿ, ರಾಮನಗರ

from India & World News in Kannada | VK Polls https://ift.tt/3naXbeg

ಚಿಂತಾಮಣಿ: ಕಡಕ್‌ನಾಥ್‌ ಕೋಳಿ ಸಾಕಿ ಯಶಸ್ಸು ಕಂಡ ಇಂಜಿನಿಯರ್, ಜೀವನವೇ ಬೇಡ ಎಂದು ಆಶ್ರಮ ಸೇರಿದ್ದ!

ಬೊಮ್ಮೇಕಲ್ಲು ವೆಂಕಟೇಶ ಚಿಂತಾಮಣಿ: ಹಲವು ವ್ಯಾಪಾರ ಆರಂಭಿಸಿ ಕೈಸುಟ್ಟುಕೊಂಡು ಕೊನೆಗೆ ಜೀವನದಲ್ಲಿಜಿಗುಪ್ಸೆಗೊಂಡುಆಶ್ರಮ ಸೇರಿದ್ದ ಎಂಜಿನಿಯರಿಂಗ್‌ ಪದವೀಧರ ಯುವಕ, ಮನಸು ಬದಲಿಸಿ ಸ್ವಗ್ರಾಮಕ್ಕೆ ಬಂದು ಕಡಕ್‌ನಾಥ್‌ ಕೋಳಿ ಸಾಕಣಿಕೆ ಮುಂದಾಗಿದ್ದು, ದೇಶ ವಿದೇಶಗಳಿಂದ ಕೋಳಿಗಳ ವಿವಿಧ ಉತ್ಪನ್ನಗಳಿಗೆ ಬೇಡಿಕೆ ಹೆಚ್ಚಿ, ಲಾಭ ತರುವ ಮೂಲಕ ಭರವಸೆ ಮೂಡಿಸಿದೆ. ತಾಲೂಕಿನಲ್ಲಿಫ್ರೆಂಡ್ಸ್‌ ಹೆಸರಿನಲ್ಲಿಟ್ರಾ ವೆಲ್ಸ್‌, ಚಿಟ್‌ಪಂಡ್‌ ಹಾಗೂ ಫೈನಾನ್ಸ್‌ ವ್ಯವಹಾರ ಕ್ಷೇತ್ರದಲ್ಲಿಅತ್ಯುತ್ತಮ ಹೆಸರು ಮಾಡಿದ್ದ ವಿಜಯ್‌ ಕುಮಾರ್‌ ಕುಟುಂಬ ಕಾರಣಾಂತರದಿಂದ ನಷ್ಟ ಅನುಭವಿಸಿ, ಬೇರೆ ದಾರಿ ಕಾಣದದೆ ಆಂಧ್ರಪ್ರದೇಶದ ವಿಜಯವಾಡದಲ್ಲಿ ಆಶ್ರಮ ಸೇರಿದ್ದರು. ಕೊನೆಗೂ ಯಾವುದಾದರೂ ಒಂದು ಸಾಧನೆ ಮಾಡಬೇಕು ಎಂದು ನಿರ್ಧರಿಸಿ ವಿಜಯವಾಡದಿಂದ ವಾಪಸ್‌ ಸ್ವಗ್ರಾಮವಾದ ಕಾಗತಿ ಗ್ರಾಪಂನ ಬಚ್ಚವಾರಹಳ್ಳಿ ಗ್ರಾಮಕ್ಕೆ ಬಂದು, ಸ್ವಂತ ಜಮೀನಿನಲ್ಲಿ ಕಡಕ್‌ನಾಥ್‌ ನಾಟಿ ಕೋಳಿಗಳ ಸಾಕಣಿಕೆಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಎಂಜಿನಿಯರಿಂಗ್‌ ಪದವೀಧ! ವಿಜಯ್‌ಕುಮಾರ್‌ ಎಂಜಿನಿಯರಿಂಗ್‌ ಪದವಿ ಪಡೆದಿದ್ದು, ಅವರ ತಂದೆ ವಿವಿಧ ವ್ಯವಹಾರಗಳಲ್ಲಿ ತೊಡಗಿಸಿಕೊಂಡಿದ್ದರಿಂದ ಬೇರೆಡೆ ಉದ್ಯೋಗಕ್ಕೆ ಹೋಗದೆ ತಂದೆಗೆ ಕೈಜೋಡಿಸಿದ್ದರು. ಆದರೆ ಹಲವು ಏಳುಬೀಳುಗಳಿಂದಾಗಿ ವ್ಯವಹಾರಳಲ್ಲಿ ಲಾಸ್‌ ಆಗಿ ದಿಕ್ಕು ತೋಚದೆ ಆಶ್ರಮ ಸೇರಿದ್ದರು. ನಂತರ ಮನಸು ಬದಲಿಸಿ, ಗ್ರಾಮದಲ್ಲಿಪ್ರಾರಂಭಿಸಿರುವ ಫ್ರೆಂಡ್ಸ್‌ ಆರ್ಗಾನಿಕ್‌ ನಾಟಿ ಕೋಳಿ ಫಾರಂ ಅವರ ಕೈಹಿಡಿದಿದೆ. ರಾಜ್ಯದಲ್ಲೇ ಮೊದಲು! ಇನ್ನು ರಾಜ್ಯದಲ್ಲಿಯೇ ಮೊದಲ ಬಾರಿಗೆ ಮಧ್ಯ ಪ್ರದೇಶದಿಂದ ಕಡಕ್‌ನಾಥ್‌ ಕೋಳಿಗಳನ್ನು ತಂದು ಇಲ್ಲಿ ಸಾಕಣಿಕೆ ಮಾಡುತ್ತಿದ್ದಾರೆ. 15 ಸಾವಿರ ನಾಟಿ ಕೋಳಿಗಳನ್ನು ತಂದು ಸಾಕಣಿಕೆ ಮಾಡುತ್ತಿರುವ ವಿಜಯ್‌ ಕುಮಾರ್‌ ಕೋಳಿ ಸಾಕಣಿಕೆಯ ಕುರಿತು ವಿದೇಶಗಳಲ್ಲಿ ತರಬೇತಿಯನ್ನು ಪಡೆಯುತ್ತಿದ್ದಾರೆ. ಆರೋಗ್ಯಕ್ಕೆ ಹೆಚ್ಚು ಅವಶ್ಯಕ! ಇನ್ನು ಕಡಕ್‌ ನಾಥ್‌ ಕೋಳಿಯ ಮಾಂಸಕ್ಕೆ ಹೆಚ್ಚು ಬೇಡಿಕೆ ಇದ್ದು, ಈ ಮಾಂಸವು ಹೆಚ್ಚು ಔಷಧೀಯ ಗುಣ ಹೊಂದಿದೆ ಎಂಬುದು ವಿಶೇಷ. ಕೊಬ್ಬು ಕಡಿಮೆ ಇರುವ ಈ ಕೋಳಿಯ ಮಾಂಸ ಆರೋಗ್ಯಕ್ಕೆ ಬೇಕಾದ ಔಷಧೀಯ ಗುಣ ಹೊಂದಿದ್ದು, ನರದೌರ್ಬಲ್ಯ, ಬಿಪಿ, ಹೃದಯ ಸಂಬಂಧಿ ಕಾಯಿಲೆ, ಪಾಶ್ರ್ವವಾಯು, ಶುಗರ್‌ಗೆ ಉತ್ತಮ ಆಹಾರವಾಗಿದೆ. ಈ ಕೋಳಿಗಳನ್ನು ಮಾಂಸ ಹಾಗೂ ಮೊಟ್ಟೆಗಳಿಗೆ ಸಾಕಣಿಕೆ ಮಾಡುತ್ತಿದ್ದು,

from India & World News in Kannada | VK Polls https://ift.tt/351RJnH

ಪಾದರಾಯನಪುರ: ವಾರ್ಡ್‌ ರಸ್ತೆಗಳಿಗೆ ನಾಮಕರಣ ನಿರ್ಣಯ ರದ್ದು ಕೋರಿ ಬಿಬಿಎಂಪಿ ಆಯುಕ್ತರಿಂದ ಸರ್ಕಾರಕ್ಕೆ ಪತ್ರ

ಬೆಂಗಳೂರು: ಬಿಬಿಎಂಪಿಯ ವಾರ್ಡ್‌ನ (135) 11 ಅಡ್ಡರಸ್ತೆ, ಮುಖ್ಯರಸ್ತೆಗಳಿಗೆ ಹೊಸದಾಗಿ ಹಲವರ ಹೆಸರು ನಾಮಕರಣ ಮಾಡಲು ಕೈಗೊಂಡಿದ್ದ ನಿರ್ಣಯವನ್ನು ರದ್ದುಪಡಿಸುವಂತೆ ಕೋರಿ ಆಯುಕ್ತ ಎನ್‌.ಮಂಜುನಾಥ ಪ್ರಸಾದ್‌, ನಗರಾಭಿವೃದ್ಧಿ ಇಲಾಖೆಯ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿಗಳಿಗೆ ಪ್ರಸ್ತಾವ ಸಲ್ಲಿಸಿದ್ದಾರೆ. ಪಾದರಾಯನಪುರ ವಾರ್ಡ್‌ ವ್ಯಾಪ್ತಿಯ 9 ರಸ್ತೆಗಳು, ಎರಡು ವೃತ್ತಗಳಿಗೆ ಮುಸ್ಲಿಂ ಸಮುದಾಯದ ಸಮಾಜಸೇವಕರ ಹೆಸರನ್ನು ನಾಮಕರಣ ಮಾಡುವ ಸಂಬಂಧ ಸೆ. 8ರಂದು ಪಾಲಿಕೆಯ ಕೌನ್ಸಿಲ್‌ ಸಭೆ ನಿರ್ಣಯ ಕೈಗೊಂಡಿತ್ತು. ಈ ಹಿನ್ನೆಲೆಯಲ್ಲಿ ಆಕ್ಷೇಪಣೆ, ಸಲಹೆಗಳನ್ನು ಆಹ್ವಾನಿಸಿ ಪತ್ರಿಕಾ ಪ್ರಕಟಣೆ ಹೊರಡಿಸಲಾಗಿತ್ತು. ಇದಕ್ಕೆ ಸಂಸದರಾದ ಅನಂತಕುಮಾರ್‌ ಹೆಗಡೆ, ಪಿ.ಸಿ.ಮೋಹನ್‌, ತೇಜಸ್ವಿ ಸೂರ್ಯ ಹಾಗೂ ಮುಖಂಡರಾದ ರಂಗನಾಥ್‌ ಮಲ್ಯ, ಎನ್‌.ಆರ್‌.ರಮೇಶ್‌ ಸೇರಿದಂತೆ ಹಲವರು ತೀವ್ರ ವಿರೋಧ ವ್ಯಕ್ತಪಡಿಸಿದ್ದರು. ನಾಮಕರಣ ಪ್ರಸ್ತಾವವನ್ನು ಕೂಡಲೇ ಕೈಬಿಡುವಂತೆ ಆಯುಕ್ತರಿಗೆ ಪತ್ರ ಬರೆದು ಒತ್ತಾಯಿಸಿದ್ದರು. ಹೀಗಾಗಿ, ಆಯುಕ್ತರು ಪಾಲಿಕೆಯ ಕೌನ್ಸಿಲ್‌ ಸಭೆಯು ಸೆ. 8ರಂದು ಕೈಗೊಂಡಿದ್ದ ರಸ್ತೆಗಳಿಗೆ ನಾಮಕರಣ ಮಾಡುವ ನಿರ್ಣಯವನ್ನು ರದ್ದುಗೊಳಿಸಬೇಕೆಂದು ಕೋರಿ ನಗರಾಭಿವೃದ್ಧಿ ಇಲಾಖೆಗೆ ಗುರುವಾರ ಪ್ರಸ್ತಾವನೆ ಸಲ್ಲಿಸಿದ್ದಾರೆ. ಒಂದೇ ಕೋಮಿನ ತುಷ್ಟೀಕರಣಕ್ಕಾಗಿ ಪಾದರಾಯನಪುರ ವಾರ್ಡ್‌ನ ಮುಖ್ಯರಸ್ತೆಗಳು, ಅಡ್ಡರಸ್ತೆಗಳಿಗೆ ನಾಮಕರಣ ಮಾಡಲು ತೀರ್ಮಾನಿಸಿರುವುದು ಖಂಡನೀಯ. ಮುಸ್ಲಿಂ ಬಾಹುಳ್ಯವಿರುವ ವಾರ್ಡ್‌ನಲ್ಲಿ ಸಮಾಜ ಸೇವಕರ ಹೆಸರಿನಲ್ಲಿ ಅದೇ ಸಮುದಾಯದ ಹೆಸರನ್ನು ನಾಮಕರಣ ಮಾಡಲು ಮುಂದಾಗಿರುವುದು ಸರಿಯಲ್ಲ. ಆ ಪಟ್ಟಿಯಲ್ಲಿ ಹಿಂದೂಗಳ ಹೆಸರಿಲ್ಲದಿರುವುದು ದುರದೃಷ್ಟಕರ. ಮುಸಲ್ಮಾನರ ಹೆಸರುಗಳನ್ನೇ ನಾಮಕರಣ ಮಾಡುವ ಪಾಲಿಕೆಯ ಏಕಪಕ್ಷೀಯ ನಿರ್ಧಾರವು ಭಾರತ, ಪಾಕಿಸ್ತಾನ ವಿಭಜನೆಗೆ ಮೂಲವಾಗಿದ್ದ ದ್ವಿರಾಷ್ಟ್ರ ಸಿದ್ಧಾಂತದ ಪಳೆಯುಳಿಕೆಯಂತಾಗಿದೆ. ಕೂಡಲೇ ಪ್ರಸ್ತಾವ ಕೈಬಿಡಬೇಕು ಎಂದು ಸಂಸದ ತೇಜಸ್ವಿ ಸೂರ್ಯ ಆಗ್ರಹಿಸಿದ್ದರು.

from India & World News in Kannada | VK Polls https://ift.tt/351bqfb

ಬೆಂಬಲ ಬೆಲೆಯಲ್ಲಿ ತೊಗರಿ ಖರೀದಿ ಮಾಡುವ ಮಿತಿ ಹೆಚ್ಚಳಕ್ಕೆ ಆಗ್ರಹ

ಕಲಬುರಗಿ: ರಾಜ್ಯ ಸರಕಾರ ಕೇಂದ್ರಗಳ ಮೂಲಕ ಬೆಂಬಲ ಬೆಲೆಯಲ್ಲಿ ಖರೀದಿ ಮಾಡುವ ಮಿತಿಯನ್ನು ಹೆಚ್ಚಳ ಮಾಡಬೇಕು ಎಂದು ಕನ್ನಡ ಭೂಮಿ ಜಾಗೃತಿ ಸಮಿತಿ ಸಂಸ್ಥಾಪಕ ಅಧ್ಯಕ್ಷ ಲಿಂಗರಾಜ ಸಿರಗಾಪೂರ ಆಗ್ರಹಿಸಿದ್ದಾರೆ. ಕಳೆದ ವರ್ಷ ಪ್ರತಿ ಪಹಣಿಗೆ ಕೇವಲ 10 ಕ್ವಿಂಟಾಲ್‌ ನಂತೆ ಖರೀದಿ ಮಾಡಿದ್ದರಿಂದ ರೈತರಿಗೆ ತೊಂದರೆಯಾಗಿತ್ತು. ಉಳಿದ ತೊಗರಿ ದಲ್ಲಾಳಿಗಳ ಪಾಲಾಗಿ ರೈತರಿಗೆ ಬೆಲೆ ಸಿಗಲಿಲ್ಲ. ಪ್ರತಿ ವರ್ಷ ಇದೇ ರೀತಿ ತೊಗರಿ ಬೆಳೆಗಾರರು ಸಂಕಷ್ಟ ಅನುಭವಿಸುತ್ತಿದ್ದಾರೆ. ನಂತರ ಕೊನೆಯಲ್ಲಿ ಸರಕಾರ ಪ್ರತಿ ಪಹಣಿಗೆ 20 ಕ್ವಿಂಟಾಲ್‌ ಗೆ ಹೆಚ್ಚಿಸಿ ಖರೀದಿ ಮಾಡಿತ್ತು. ಆದರೆ ಆದಾಗಲೇ ಹೆಚ್ಚಿನ ರೈತರು ತೊಗರಿ ಬೇರೆಡೆಗೆ ಮಾರಾಟ ಮಾಡಿದ್ದರಿಂದ ಅವರಿಗೆ ಅನುಕೂಲವಾಗಲಿಲ್ಲ. ಈ ಬಾರಿಯಾದರೂ ಪ್ರಾರಂಭದಲ್ಲಿ ಖರೀದಿ ಮಿತಿ 25 ಕ್ವಿಂಟಾಲ್‌ಗೆ ಹೆಚ್ಚಳ ಮಾಡಿ ತೊಗರಿ ಖರೀದಿಸಬೇಕು ಎಂದಿದ್ದಾರೆ. ನೀಡಿ ಪ್ರತಿ ಕ್ವಿಂಟಾಲ್‌ ತೊಗರಿಗೆ 8,000 ರೂ ನಂತೆ ಖರೀದಿಸಬೇಕು.ತೊಗರಿ ಖರೀದಿಸಿದ ನಂತರ ವಾರದಲ್ಲೇ ರೈತರ ಖಾತೆಗೆ ಹಣ ಜಮಾ ಮಾಡಬೇಕು. ಕಲಬುರಗಿಯಲ್ಲಿ ಕೇವಲ ಹೆಸರಿಗಷ್ಟೇ ಇರುವ ತೊಗರಿ ಮಂಡಳಿಗೆ ಹೆಚ್ಚಿನ ಅನುದಾನ ನೀಡಿ ಚುರುಕುಗೊಳಿಸಬೇಕು. ರೈತರಿಗೆ ಸರಿಯಾದ ಮಾಹಿತಿ ನೀಡಲು ಎಲ್ಲಾ ಕಡೆ ಮಾಹಿತಿ ಕೇಂದ್ರಗಳನ್ನು ಸ್ಥಾಪಿಸಬೇಕು. ಭಾರಿ ಮಳೆಯಿಂದಾಗಿ ಹಾನಿಗೊಳಗಾದ ರೈತರಿಗೆ ಪರಿಹಾರ ಒದಗಿಸಬೇಕು ಎಂದು ಅವರು ಒತ್ತಾಯಿಸಿದ್ದಾರೆ.

from India & World News in Kannada | VK Polls https://ift.tt/3o4a7Ud

ಬ್ರಿಟನ್‌ನಿಂದ ರಾಜ್ಯಕ್ಕೆ ಬಂದ 30 ಮಂದಿಗೆ ಕೊರೊನಾ: 7 ಜನರಲ್ಲಿ ರೂಪಾಂತರಿ ಸೋಂಕು: ಸುಧಾಕರ್

ಬೆಂಗಳೂರು: ಬ್ರಿಟನ್‌ನಿಂದ ರಾಜ್ಯಕ್ಕೆ ಬಂದಿರುವ ಒಟ್ಟು 30 ಜನರಿಗೆ ಕೋವಿಡ್ ಪಾಸಿಟಿವ್ ದೃಢಪಟ್ಟಿದೆ ಎಂದು ಡಾ. ಕೆ. ಮಾಹಿತಿ ನೀಡಿದ್ದಾರೆ. ಇನ್ನು ಬ್ರಿಟನ್‌ನಿಂದ ಬಂದವರ ಸಂಪರ್ಕದಲ್ಲಿದ್ದ ನಾಲ್ವರಿಗೂ ಕೋವಿಡ್ ಪಾಸಿಟಿವ್ ಆಗಿದೆ ಎಂದು ತಿಳಿದುಬಂದಿದೆ. 34 ಜನರಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದ್ದು, ಯಾರಿಗೂ ಯಾವುದೇ ಸಮಸ್ಯೆಯಾಗಿಲ್ಲ, ಆದ್ರೆ, ಎಲ್ಲರ ಮೇಲೂ ನಿಗಾ ಇಡಲಾಗಿದೆ ಎಂದು ಆರೋಗ್ಯ ಸಚಿವ ಡಾ. ಕೆ. ಸುಧಾಕರ್ ಹೇಳಿಕೆ ನೀಡಿದ್ಧಾರೆ. ಇನ್ನು ರಾಜ್ಯದಲ್ಲಿ ಈವರೆಗೆ ಕೇವಲ ಏಳು ಜನರಲ್ಲಿ ಮಾತ್ರ ಕೋವಿಡ್ ರೂಪಾಂತರಿ ಸೋಂಕು ಪತ್ತೆಯಾಗಿದೆ ಎಂದು ಮಾಹಿತಿ ನೀಡಿದ ಸಚಿವ ಸುಧಾಕರ್, ಬ್ರಿಟನ್‌ನಿಂದ ಬಂದವರ ಪೈಕಿ ಇನ್ನೂ 80 ಜನರು ಸಂಪರ್ಕಕ್ಕೆ ಸಿಕ್ಕಿಲ್ಲ ಎಂದರು. ಹೀಗಾಗಿ, ಅವರೆಲ್ಲರ ಪತ್ತೆ ಕಾರ್ಯ ಚುರುಕುಗೊಳಿಸಲಾಗಿದೆ ಎಂದು ಸಚಿವರು ಮಾಹಿತಿ ನೀಡಿದರು. ನೈಟ್ ಕರ್ಫೂ ಬಗ್ಗೆ ಗೊಂದಲ ಇಲ್ಲ ಎಂದು ಸ್ಪಷ್ಟಪಡಿಸಿದ ಸುಧಾಕರ್, ನೈಟ್ ಕರ್ಫೂ ಜಾರಿಗೆ ತಂದರೆ ಚೆನ್ನಾಗಿರುತ್ತದೆ ಎಂದಷ್ಟೇ ಸಚಿವ ಆರ್. ಅಶೋಕ್ ಹೇಳಿಕೆ ನೀಡಿದ್ದಾರೆ ಎಂದು ತಿಳಿಸಿದರು. ಇದೇ ವಿಚಾರಕ್ಕೆ ಸಂಬಂಧಿಸಿದಂತೆ ತಾಂತ್ರಿಕ ಸಲಹಾ ಸಮಿತಿ ನಿರ್ಧಾರ ಮಾಡಿತ್ತು. ಅದರ ಪ್ರಕಾರವೇ ನೈಟ್ ಕರ್ಫೂ ಜಾರಿಗೆ ತರಲಾಗಿತ್ತು. ಆದ್ರೆ, ಕೆಲವರ ಒತ್ತಾಯದ ಹಿನ್ನೆಲೆಯಲ್ಲಿ ವಾಪಸ್ ತೆಗೆದುಕೊಳ್ಳಲಾಗಿದೆ ಎಂದ ಸುಧಾಕರ್, ಇದರ ಬಗ್ಗೆ ಮಾತನಾಡುವುದು ಅಪ್ರಸ್ತುತ ಎಂದರು. ಇನ್ನು ರೂಪಾಂತರಿ ಕೊರೊನಾ ಪತ್ತೆಯಾದವರ ಮನೆಗಳನ್ನು ಮಾತ್ರ ಸೀಲ್ ಡೌನ್ ಮಾಡಲಾಗುತ್ತಿದೆ ಎಂದು ಮಾಹಿತಿ ನೀಡಿದ ಸುಧಾಕರ್, ಈ ಹಿಂದೆ ಕೋವಿಡ್ ಆರಂಭದ ದಿನಗಳಲ್ಲಿ ಕೈಗೊಂಡ ಮಾದರಿಯಲ್ಲಿ ಸೀಲ್ ಡೌನ್ ಮಾಡುವುದಿಲ್ಲ ಎಂದು ಸ್ಪಷ್ಟಪಡಿಸಿದರು.

from India & World News in Kannada | VK Polls https://ift.tt/3pA0ixO

ರಾಷ್ಟ್ರೀಯ ಪಕ್ಷಗಳ ಹಣ, ಅಧಿಕಾರದ ಹೊರತಾಗಿಯೂ ಜೆಡಿಎಸ್‌ ಗಮನಾರ್ಹ ಸಾಧನೆ ಮಾಡಿದೆ; ಕುಮಾರಸ್ವಾಮಿ

ಬೆಂಗಳೂರು: ಗ್ರಾಮ ಪಂಚಾಯತ್‌ ಚುನಾವಣೆಯಲ್ಲಿ ಆಯ್ಕೆಯಾದ ಜೆಡಿಎಸ್‌ ಬೆಂಬಲಿತ ಅಭ್ಯರ್ಥಿಗಳಿಗೆ ಮಾಜಿ ಸಿಎಂ ಅಭಿನಂದನೆ ಸಲ್ಲಿಸಿದ್ದಾರೆ. ಈ ಕುರಿತು ಟ್ವೀಟ್‌ ಮಾಡಿರುವ ಅವರು, ರಾಷ್ಟ್ರೀಯ ಪಕ್ಷಗಳ ಹಣ, ಅಧಿಕಾರದ ಹೊರತಾಗಿಯೂ ಪ್ರಾದೇಶಿಕ ಪಕ್ಷ ಜೆಡಿಎಸ್‌ ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ಗಮನಾರ್ಹ ಸಾಧನೆಯನ್ನೇ ಮಾಡಿದೆ. ಪಕ್ಷ ಬೆಂಬಲಿಸಿದ, ಅಭ್ಯರ್ಥಿಗಳ ಮೇಲೆ ವಿಶ್ವಾಸವಿಟ್ಟ ಮತದಾರರಿಗೆ ಕೃತಜ್ಞತೆಗಳು. ಗೆದ್ದ ಅಭ್ಯರ್ಥಿಗಳಿಗೆ ಅಭಿನಂದನೆಗಳು. ಸೋತರೂ, ಹೋರಾಟ ನಡೆಸಿದ ಅಭ್ಯರ್ಥಿಗಳಿಗೆ ನನ್ನ ಬೆಂಬಲ ಸದಾ ಇರಲಿದೆ ಎಂದು ಹೇಳಿದ್ದಾರೆ. ಚುನಾವಣೆಯಲ್ಲಿ ಈ ಹಂತದ ಸಾಧನೆ ಮಾಡಲು ನೆರವಾದವರು ಪಕ್ಷದ ತಳಮಟ್ಟದ ಕಾರ್ಯಕರ್ತರು ಎಂದಿರುವ ಕುಮಾರಸ್ವಾಮಿ, ರಾಜಕೀಯದ ಪ್ರತಿಕೂಲ ಪರಿಸ್ಥಿತಿಯ ನಡುವೆಯೂ ಕಾರ್ಯಕರ್ತರು ಕೆಚ್ಚೆದೆಯ ಹೋರಾಟ ತೋರಿದ್ದರ ಫಲವಾಗಿಯೇ ನಮ್ಮ ಅಭ್ಯರ್ಥಿಗಳು ಚುನಾವಣೆಯಲ್ಲಿ ಜಯಿಸಿದ್ದಾರೆ. ಪಕ್ಷ ತಳಮಟ್ಟದಲ್ಲಿಯೂ ಸ್ಥಿರ, ದೃಢವಾಗಿದೆ ಎಂದು ತೋರಿಸಿದ ಕಾರ್ಯಕರ್ತ ಸೋದರರಿಗೆ ನಾನು ಸದಾ ಋಣಿ ಎಂದು ಕೃತಜ್ಞತೆ ಸಲ್ಲಿಸಿದ್ದಾರೆ. ಇನ್ನು ಚುನಾವಣೆಯಲ್ಲಿ ಗೆದ್ದಿರುವ ಜೆಡಿಎಸ್‌ ಬೆಂಬಲಿತ ಅಭ್ಯರ್ಥಿಗಳು ಗ್ರಾಮಗಳ ಅಭಿವೃದ್ಧಿಯಲ್ಲಿ ತೊಡಗಿಸಿಕೊಳ್ಳಲಿ. ಸ್ವಾವಲಂಬಿ ಗ್ರಾಮೀಣ ಭಾರತದ ಪ್ರಗತಿಗೆ ಗಮನಾರ್ಹ ಕೊಡುಗೆ ನೀಡಲಿ ಎಂದು ಆಶಿಸುತ್ತೇನೆ. ಜೆಡಿಎಸ್‌ ಬೆಂಬಲಿತ ಮತ್ತು ಇತರ ಸದಸ್ಯರು ತಮ್ಮ ಗ್ರಾಮ ಪಂಚಾಯಿತಿಯನ್ನು ಮಾದರಿಯಾಗಿ ರೂಪಿಸಬೇಕು ಎಂದು ನಾನು ಹೇಳಲು ಇಚ್ಛಿಸುತ್ತೇನೆ ಎಂದು ಮಾಜಿ ಸಿಎಂ ಅಭಿಪ್ರಾಯಪಟ್ಟಿದ್ದಾರೆ.

from India & World News in Kannada | VK Polls https://ift.tt/2WXFhRl

ಬೆಂಗಳೂರು: ಕಾರ್ಖಾನೆಯಲ್ಲಿ ಲಿಫ್ಟ್‌ ಕುಸಿದು ಕಾರ್ಮಿಕ ಸಾವು

ಬೆಂಗಳೂರು: ಮೈಸೂರು ರಸ್ತೆ ಗಂಗೊಂಡನಹಳ್ಳಿ ಅಜೀಜ್‌ ಸೇಠ್‌ ಕೈಗಾರಿಕಾ ಪ್ರದೇಶದಲ್ಲಿ ಕಾರ್ಖಾನೆಯೊಂದರ ಲಿಫ್ಟ್‌ ಕುಸಿದು ಮೃತಪಟ್ಟಿದ್ದಾನೆ. ಬಿಹಾರ ಮೂಲದ ಇಂದ್ರಜಿತ್‌ ಕುಮಾರ್‌(19) ಮೃತ ಕಾರ್ಮಿಕ. ರಾಕೇಶ್‌ ಗುಪ್ತಾ ಎಂಬುವರು ಮನನ್‌ ಪ್ರಾಡಕ್ಟ್ ಹೆಸರಿನ ತಾಮ್ರದ ವೈರ್‌ ತಯಾರಿಸುವ ಕಾರ್ಖಾನೆ ನಡೆಸುತ್ತಿದ್ದರು. ಈ ಕಾರ್ಖಾನೆಯಲ್ಲಿ ಹೆಲ್ಪರ್‌ ಆಗಿ ಇಂದ್ರಜಿತ್‌ ಕೆಲಸ ಮಾಡುತ್ತಿದ್ದ. ಡಿ.29ರಂದು ಬೆಳಗ್ಗೆ 9.30ರಲ್ಲಿ ಸಹ ಕಾರ್ಮಿಕರ ಜತೆ ನೆಲ ಮಹಡಿಯಿಂದ ಮೊದಲನೇ ಮಹಡಿಗೆ ಲಿಫ್ಟ್‌ನಲ್ಲಿ ವೈರ್‌ಗಳ ಬಾಬಿನ್‌ಗಳನ್ನು ಶಿಫ್ಟ್‌ ಮಾಡುತ್ತಿದ್ದ. ಕೆಳಗೆ ಇಳಿಯುವ ವೇಳೆ ಲಿಫ್ಟ್‌ನಲ್ಲಿ ತಾಂತ್ರಿಕ ದೋಷ ಕಾಣಿಸಿಕೊಂಡು ಕ್ಷಣಾರ್ಧದಲ್ಲಿ ಏಳೆಂಟು ಅಡಿ ಕೆಳಗೆ ಕುಸಿದಿದೆ. ತೆರೆದ ಬಾಗಿಲಿನ ಲಿಫ್ಟ್‌ ಆಗಿದ್ದ ಕಾರಣಕ್ಕೆ ವೇಗಕ್ಕೆ ಇಬ್ಬರು ಕಾರ್ಮಿಕರು ಹೊರಗೆ ಬಿದ್ದಿದ್ದಾರೆ. ಈ ವೇಳೆ ನಿತೀಶ್‌ ಎಂಬಾತನಿಗೆ ಯಾವುದೇ ಅಪಾಯವಾಗಿಲ್ಲ. ಆದರೆ, ಇಂದ್ರಜಿತ್‌ ತಲೆಗೆ ಲಿಫ್ಟ್‌ಗೆ ಅಳವಡಿಸಿದ್ದ ಗೇಟ್‌ನ ಕಬ್ಬಿಣದ ರಾಡ್‌ ತಗಲಿ ತಲೆಗೆ ತೀವ್ರ ಗಾಯವಾಗಿ ರಕ್ತಸ್ರಾವವಾಗಿತ್ತು. ಎರಡ್ಮೂರು ಆಸ್ಪತ್ರೆಗೆ ಕರೆದೊಯ್ದು ಅಂತಿಮವಾಗಿ ಕಿಮ್ಸ್‌ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಅಷ್ಟೊತ್ತಿಗೆ ಇಂದ್ರಜಿತ್‌ ಮೃತಪಟ್ಟಿದ್ದ. ಕಾರ್ಖಾನೆ ಮಾಲೀಕ ರಾಕೇಶ್‌, ಮೇಲ್ವಿಚಾರಕ ಬಾಬು ಎಂಬುವರ ವಿರುದ್ಧ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ಚಂದ್ರಾ ಲೇಔಟ್‌ ಪೊಲೀಸರು ತಿಳಿಸಿದ್ದಾರೆ.

from India & World News in Kannada | VK Polls https://ift.tt/2L61FoY

16ರ ಬಾಲಕಿಯನ್ನು ವರಿಸಿದ 54 ವರ್ಷದ ಆಸಾಮಿ..! ಬಂಧಿಸಿ ಜೈಲಿಗಟ್ಟಿದ ಪೊಲೀಸರು..!

ಹೈದರಾಬಾದ್: 16 ವರ್ಷದ ಬಾಲಕಿಯನ್ನು ಮದುವೆಯಾದ 54 ವರ್ಷದ ವ್ಯಕ್ತಿಯನ್ನು ಹೈದರಾಬಾದ್‌ನಲ್ಲಿ ಬಂಧಿಸಲಾಗಿದೆ. ಬಂಧಿತನನ್ನು ಅಬ್ದುಲ್ ಲತೀಫ್‌ ಎಂದು ಗುರ್ತಿಸಲಾಗಿದೆ. ಈತ ಮೂಲತಃ ಕೇರಳದವನಾಗಿದ್ದು, ಹೈದರಾಬಾದ್‌ನಲ್ಲಿ ನೆಲೆಸಿದ್ದ. ಈ ವಿವಾಹಕ್ಕೆ ಸಹಕರಿಸಿದ 7 ಮಂದಿ ವಿರುದ್ಧ ಪ್ರಕರಣ ದಾಖಲಾಗಿದೆ. ಬಾಲಕಿಯ ಪೋಷಕರೂ ಕೂಡಾ ಕಾನೂನು ಬಾಹಿರ ವಿವಾಹಕ್ಕೆ ಸಹಮತ ಸೂಚಿಸಿದ್ದರು ಎಂದು ತಿಳಿದುಬಂದಿದ್ದು, ಅವರನ್ನೂ ಬಂಧಿಸಲಾಗಿದೆ. ಬಾಲಕಿಯ ಪೋಷಕರ ಸಹಮತದೊಂದಿಗೇ ವಿವಾಹ ಆಗಿದ್ದಾಗಿ ಆರೋಪಿ ಲತೀಫ್‌, ಪೊಲೀಸರ ಎದುರು ಒಪ್ಪಿಕೊಂಡಿದ್ದಾನೆ. ಬಾಲಕಿಯ ವಿವಾಹ ನಡೆಯುತ್ತಿದೆ ಎಂಬ ಸುದ್ದಿ ತಿಳಿದ ಕೂಡಲೇ ಪೊಲೀಸರು ದಾಳಿ ನಡೆಸಿದ್ದರು. ಈ ವೇಳೆಗಾಗಲೇ 16 ವರ್ಷ ವಯಸ್ಸಿನ ಬಾಲಕಿ ಜೊತೆ 54ರ ವೃದ್ಧ ವಿವಾಹವಾಗಿದ್ದ. ಸದ್ಯ ಪ್ರಕರಣದ ತನಿಖೆ ನಡೆಯುತ್ತಿದ್ದು, ಬಾಲಕಿಯನ್ನು ರಕ್ಷಣೆ ಮಾಡಿ ಎಲ್ಲಿ ಇರಿಸಲಾಗಿದೆ ಎಂಬ ಮಾಹಿತಿ ಇನ್ನೂ ಬಹಿರಂಗವಾಗಿಲ್ಲ. ಈ ಸಂಬಂಧ ಇನ್ನಷ್ಟು ತನಿಖೆ ನಡೆದ ಬಳಿಕ ಪೊಲೀಸರು ಸುದ್ದಿಗೋಷ್ಠಿ ನಡೆಸಲಿದ್ದಾರೆ ಎಂದು ತಿಳಿದುಬಂದಿದೆ. ಆರೋಪಿಯನ್ನೂ ಸುದ್ದಿಗೋಷ್ಠಿ ವೇಳೆ ಮಾಧ್ಯಮಗಳ ಎದುರು ಪೊಲೀಸರು ಕರೆತರಲಿದ್ದಾರೆ ಎಂದು ಮಾಹಿತಿ ಸಿಕ್ಕಿದೆ. ಅಪ್ರಾಪ್ತರ ವಿವಾಹ ಇದೇ ಮೊದಲಲ್ಲ: ಹಾಗೆ ನೋಡಿದ್ರೆ, ಅಪ್ರಾಪ್ತ ವಯಸ್ಸಿನ ಬಾಲಕಿಯರನ್ನು ವಿವಾಹ ಬಂಧನಕ್ಕೆ ನೂಕುವ ಪ್ರಕರಣಗಳು ಹೊಸದೇನಲ್ಲ. ಈ ಹಿಂದೆಯೂ ಈ ರೀತಿಯ ಹಲವು ಪ್ರಕರಣಗಳು ವರದಿಯಾಗಿವೆ. ಕಳೆದ ನವೆಂಬರ್‌ನಲ್ಲಿ ಮಧುರೈನಲ್ಲಿ ಇಂಥದ್ದೇ ಒಂದು ಘಟನೆ ನಡೆದಿತ್ತು.

from India & World News in Kannada | VK Polls https://ift.tt/38MV23c

ಯೆಮೆನ್ ವಿಮಾನ ನಿಲ್ದಾಣದಲ್ಲಿ ಸ್ಫೋಟ: 26 ಸಾವು, 50ಕ್ಕೂ ಹೆಚ್ಚು ಮಂದಿಗೆ ಗಾಯ

ಆಡೆನ್‌: ಯೆಮನ್ ವಿಮಾನ ನಿಲ್ದಾಣದಲ್ಲಿ ಬಾಂಬ್ ಸ್ಪೋಟವಾಗಿದ್ದು, 26 ಮಂದಿ ಮೃತಪಟ್ಟಿರುವ ದಾರುಣ ಘಟನೆ ನಡೆದಿದೆ. ಯೆಮನ್‌ನಲ್ಲಿ ಹೊಸದಾಗಿ ರಚನೆಯಾದ ಸರಕಾರದ ಸಂಪುಟ ಸದಸ್ಯರಿದ್ದ ಸರಕಾರಿ ವಿಮಾನವೊಂದು ಇಳಿದ ಕೆಲವೇ ಕ್ಷಣಗಳಲ್ಲಿ ವಿಮಾನ ನಿಲ್ದಾಣದಲ್ಲಿ ಸ್ಫೋಟ ಸಂಭವಿಸಿದೆ. ಯೆಮೆನ್ ನ ಅಡೆನ್ ವಿಮಾನ ನಿಲ್ದಾಣದಲ್ಲಿ ಈ ಘಟನೆ ನಡೆದಿದ್ದು, ಸ್ಫೋಟದ ತೀವ್ರತೆಗೆ ಸ್ಥಳದಲ್ಲೇ ಕನಿಷ್ಠ 26 ಮಂದಿ ಸಾವನ್ನಪ್ಪಿದ್ದಾರೆ. 50ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ ಎಂದು ವೈದ್ಯಕೀಯ ಮತ್ತು ಸರಕಾರಿ ಮೂಲಗಳು ತಿಳಿಸಿವೆ. ಸೌದಿ ಅರೇಬಿಯಾದಲ್ಲಿ ಯೆಮನ್‌ನ ರಾಷ್ಟ್ರಪತಿ ಅಬೆದ್ರಬ್ಬೊ ಮನ್ಸೂರ್‌ ಹಾದಿ ಅವರಿಂದ ಕೆಲ ದಿನಗಳ ಹಿಂದೆ ಪ್ರತಿಜ್ಞಾವಿಧಿ ಸ್ವೀಕರಿಸಿದ್ದ ಸಚಿವರು, ವಿಮಾನದಲ್ಲಿ ಏಡನ್‌ಗೆ ಆಗಮಿಸಿದ್ದರು. ಇರಾನ್‌ ಬೆಂಬಲಿತ ಹುತಿ ಬಂಡುಕೋರರು ಈ ಕೃತ್ಯ ಎಸಗಿದ್ದಾರೆ ಎಂದು ಅಧಿಕಾರಿಗಳು ಆರೋಪಿಸಿದ್ದಾರೆ. ಸ್ಫೋಟ ಸಂಭವಿಸುವ ವೇಳೆಗೆ ಎಲ್ಲ ಸದಸ್ಯರು ಕೂಡ ವಿಮಾನದ ಇಳಿದಿದ್ದರು. ಸಚಿವರೆಲ್ಲರೂ ಸುರಕ್ಷಿತವಾಗಿದ್ದಾರೆ, ಆದರೆ, 50ಕ್ಕೂ ಅಧಿಕ ಜನರು ಗಾಯಗೊಂಡಿದ್ದು, ಮೃತರ ಸಂಖ್ಯೆ ಮತ್ತಷ್ಟು ಹೆಚ್ಚಬಹುದು ಎನ್ನಲಾಗಿದೆ. ಯೆಮನ್‌ನ ಪ್ರಧಾನಿ ಮೊಯೀನ್‌ ಅಬ್ದುಲ್‌ಮಲಿಕ್‌ ಸಯೀದ್‌ ಈ ಕುರಿತು ಪ್ರತಿಕ್ರಿಯೆ ನೀಡಿದ್ದು, ಬಾಂಬ್ ಸ್ಫೋಟ ಹೇಡಿತನ ಕೃತ್ಯವಾಗಿದೆ. ಹಿಂಸಾಚಾರವನ್ನು ಒಪ್ಪುವುದಿಲ್ಲ,. ಭಯೋತ್ಪಾದಕ ದಾಳಿ ಯೆಮೆನ್ ಮತ್ತು ಅದರ ಜನರ ವಿರುದ್ಧ ನಡೆಸಿದ ಯುದ್ಧದ ಒಂದು ಭಾಗವಾಗಿದೆ. ತನಿಖೆ ಪ್ರಗತಿಯಲ್ಲಿದ್ದು, ಸ್ಫೋಟದ ಹಿಂದಿನ ಕೈವಾಡದ ಕುರಿತು ಶೀಘ್ರ ಬಹಿರಂಗವಾಗಲಿದೆ. ತಪ್ಪಿತಸ್ಥರಿಗೆ ಕಠಿಣ ಶಿಕ್ಷೆಯಾಗಲಿದೆ ಎಂದು ತಿಳಿಸಿದ್ದಾರೆ.

from India & World News in Kannada | VK Polls https://ift.tt/3n1nPWS

ಗ್ರಾ.ಪಂ.ಚುನಾವಣೆ ಸೋಲಿನ ಸಿಟ್ಟು: ಪಾಂಡವಪುರದಲ್ಲಿ 8 ಮಂದಿ ಮೇಲೆ ಹಲ್ಲೆ, ಗಂಭೀರ ಗಾಯ!

ಪಾಂಡವಪುರ: ಗ್ರಾಪಂ ಚುನಾವಣೆಯಲ್ಲಿ ಸೋಲನುಭವಿಸಿದ ಅಭ್ಯರ್ಥಿಗಳ ಬೆಂಬಲಿಗರು ಜೆಡಿಎಸ್‌ ಮುಖಂಡರಾದ ಮನ್‌ಮುಲ್‌ ನಿರ್ದೇಶಕ ಕಾಡೇನಹಳ್ಳಿ ರಾಮಚಂದ್ರು, ಪುತ್ರ ನಿಖಿಲ್‌ ಮತ್ತಿತರರ ಮೇಲೆ ಹಲ್ಲೆ ನಡೆಸಿರುವ ಘಟನೆ ತಾಲೂಕಿನ ಕಾಡೇನಹಳ್ಳಿ ಗ್ರಾಮದಲ್ಲಿ ಬುಧವಾರ ರಾತ್ರಿ ನಡೆದಿದೆ. ಕಾಡೇನಹಳ್ಳಿ ರಾಮಚಂದ್ರು, ಪುತ್ರ ನಿಖಿಲ್‌, ರವಿಕುಮಾರ್‌, ಹರೀಶ್‌, ಉಮೇಶ್‌, ಪ್ರಕಾಶ್‌, ಕೆ.ಬಿ.ನರಸಿಂಹರಾಜು, ಸೋಮಶೇಖರ್‌ ಹಲ್ಲೆಗೊಳಗಾದವರು. ಗ್ರಾಪಂ ಚುನಾವಣೆಯಲ್ಲಿ ಕಾಡೇನಹಳ್ಳಿ ಗ್ರಾಮದಲ್ಲಿ ಜೆಡಿಎಸ್‌ ಬೆಂಬಲಿತ ಅಭ್ಯರ್ಥಿಗಳಾದ ಎಸ್‌.ಸ್ವಾಮೀಗೌಡ ಹಾಗೂ ಗೀತಾ ಗೆಲುವು ಸಾಧಿಸಿದ್ದಾರೆ. ಇವರ ವಿರುದ್ಧ ಸ್ಪರ್ಧಿಸಿ ಸೋತ ಇಬ್ಬರು ಅಭ್ಯರ್ಥಿಗಳ ಬೆಂಬಲಿಗರು, ಸಂಬಂಧಿಕರು ಎನ್ನಲಾದ ಯೋಗೇಶ್‌, ನವೀನ್‌, ಮಹೇಶ್‌, ಜಯಚಂದ್ರ, ಅನಿಲ್‌, ಸ್ವಾಮೀಗೌಡ, ಸತೀಶ್‌, ಮೇಲುಕೋಟೆಯ ಮಹೇಶ್‌ ಅವರು ಹಲ್ಲೆ ನಡೆಸಿದ್ದಾರೆ ಎಂದು ಪೊಲೀಸರಿಗೆ ದೂರು ನೀಡಲಾಗಿದೆ. ಜಕ್ಕನಹಳ್ಳಿಯಿಂದ ಕದಲಗೆರೆ ರಸ್ತೆ ಮಾರ್ಗವಾಗಿ ಕಾಡೇನಹಳ್ಳಿ ಗ್ರಾಮಕ್ಕೆ ಬರುತ್ತಿದ್ದ ನಿಖಿಲ್‌, ರವಿಕುಮಾರ್‌, ಉಮೇಶ್‌ ಅವರನ್ನು ಆರೋಪಿಗಳು ಕೆಮ್ಮಣ್ಣುಗುಂಡಿಯ ಬಳಿ ಅಡ್ಡೆಗಟ್ಟಿ ಹಲ್ಲೆ ನಡೆಸಿದ್ದಾರೆ. ವಿಷಯ ತಿಳಿದ ಕಾಡೇನಹಳ್ಳಿ ರಾಮಚಂದ್ರು ಅವರು ಸ್ಥಳಕ್ಕೆ ತೆರಳಿದ ಸಂದರ್ಭದಲ್ಲಿ ಅವರ ಮೇಲೂ ದೊಣ್ಣೆಯಿಂದ ಹಲ್ಲೆ ನಡೆಸಲಾಗಿದೆ. ಬಳಿಕ ಸಾರ್ವಜನಿಕರು ಗಲಾಟೆ ಬಿಡಿಸಿ ರಾಮಚಂದ್ರು ಮತ್ತಿತರರನ್ನು ರಕ್ಷಿಸಿ ಕಳುಹಿಸಿದ್ದಾರೆ. ಇದಾದ ಬಳಿಕ ಕಾಡೇನಹಳ್ಳಿ ಗ್ರಾಮಕ್ಕೆ ತೆರಳಿದ ಆರೋಪಿಗಳು ಚುನಾವಣೆಯಲ್ಲಿ ಗೆಲುವು ಸಾಧಿಸಿದ ಗೀತಾ ಅವರ ಪತಿ ಪ್ರಕಾಶ್‌, ಕೆ.ಬಿ.ನರಸಿಂಹರಾಜು, ಸೋಮಶೇಖರ್‌ ಅವರ ಮೇಲೂ ಹಲ್ಲೆ ನಡೆಸಿದ್ದಾರೆ ಎಂದು ಪೊಲೀಸರಿಗೆ ದೂರು ನೀಡಲಾಗಿದೆ. ವಿಷಯ ತಿಳಿದು ಪೊಲೀಸರು ಸ್ಥಳಕ್ಕೆ ಆಗಮಿಸುತ್ತಿದ್ದಂತೆಯೇ ಆರೋಪಿಗಳು ಸ್ಥಳದಿಂದ ಪರಾರಿಯಾಗಿದ್ದಾರೆ. ಘಟನೆಯಲ್ಲಿ ಗಂಭೀರವಾಗಿ ಗಾಯಗೊಂಡಿರುವ ನಿಖಿಲ್‌ ಮತ್ತು ಹರೀಶ್‌ ಅವರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಮೈಸೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಉಳಿದವರು ಸಾರ್ವಜನಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಪೊಲೀಸರು ಆಸ್ಪತ್ರೆಗೆ ತೆರಳಿ ಗಾಯಾಳುಗಳಿಂದ ಮಾಹಿತಿ ಪಡೆದಿದ್ದಾರೆ. ಮೇಲುಕೋಟೆ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಾಗಿದೆ.

from India & World News in Kannada | VK Polls https://ift.tt/3mVEA5G

ಹಂಪಿ ಕನ್ನಡ ವಿವಿ ಉಳಿಸಿಕೊಳ್ಳದಿದ್ದರೆ ರಾಜ್ಯಾದ್ಯಂತ ತೀವ್ರ ಹೋರಾಟ ; ಕರವೇ ನಾರಾಯಣ ಗೌಡ ಎಚ್ಚರಿಕೆ..!

ಬೆಂಗಳೂರು: ಕನ್ನಡಿಗರ ಅಸ್ಮಿತೆಯ ಪ್ರತೀಕವಾಗಿರುವ ಹಂಪಿ ವಿಶ್ವವಿದ್ಯಾಲಯ ಉಳಿಸಿಕೊಳ್ಳುವ ಚಳವಳಿಯನ್ನು ತೀವ್ರಗೊಳಿಸಲಾಗುವುದು ಎಂದು ಕರ್ನಾಟಕ ರಕ್ಷಣಾ ವೇದಿಕೆಯ ರಾಜ್ಯಾಧ್ಯಕ್ಷ ಟಿಎ ನಾರಾಯಣ ಗೌಡ ತಿಳಿಸಿದ್ದಾರೆ. ಈ ಕುರಿತು ಟ್ವೀಟ್‌ ಮಾಡಿರುವ ಅವರು, ಸರ್ಕಾರ ಕನ್ನಡಿಗರ ಒಕ್ಕೊರಲ ಆಗ್ರಹಕ್ಕೆ ಕಿವುಡಾಗಿ ಕುಳಿತಿದೆ. ಇದನ್ನು ಸಹಿಸಿಕೊಂಡಿರಲು ಸಾಧ್ಯವಿಲ್ಲ. ತನ್ನದೇ ಆದ ವಿಧಾನದಲ್ಲಿ ಪ್ರತಿಭಟನೆ ನಡೆಸಲಿದೆ. ಇನ್ನು ಐದು ದಿನಗಳೊಳಗೆ ರಾಜ್ಯ ಸರ್ಕಾರ ಕನ್ನಡ ವಿಶ್ವವಿದ್ಯಾಲಯಕ್ಕೆ ಅನುದಾನ ಬಿಡುಗಡೆ ಮಾಡುವುದರ ಜತೆಗೆ ಅದರ ಪ್ರತ್ಯೇಕ ಅಸ್ತಿತ್ವವನ್ನು ಹಾಗೇ ಉಳಿಸಿಕೊಳ್ಳುವ ಘೋಷಣೆಯನ್ನು ಮಾಡಬೇಕು. ಇಲ್ಲವಾದಲ್ಲಿ ರಾಜ್ಯಾದ್ಯಂತ ಕರವೇ ಕಾರ್ಯಕರ್ತರು ಬೀದಿಗೆ ಬಂದು ಪ್ರತಿಭಟಿಸಬೇಕಾಗುತ್ತದೆ ಎಂದು ಎಚ್ಚರಿಸಿದ್ದಾರೆ. ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪನವರು ಪದೇ ಪದೇ ಚಳವಳಿ‌ ಮಾಡಬೇಡಿ, ಮಾತುಕತೆಗೆ ಬನ್ನಿ, ಚಳವಳಿಗಳಿಂದ ಸಾಮಾನ್ಯ ಜನರಿಗೆ ತೊಂದರೆಯಾಗುತ್ತದೆ ಎನ್ನುತ್ತಾರೆ. ಆದರೆ ಸರ್ಕಾರಕ್ಕೆ ಮನವಿ ಸಲ್ಲಿಸಿದ ಮೇಲೂ ಮೌನವಾಗಿದ್ದಾರೆ. ಉನ್ನತ ಶಿಕ್ಷಣ ಸಚಿವರು ನೀಡಿದ ಭರವಸೆ ಹುಸಿಯಾಗಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿರುವ ನಾರಾಯಣ ಗೌಡ, ರಾಜ್ಯ ಸರ್ಕಾರ ಸಂವೇದನಾಶೀಲತೆಯನ್ನು ಕಳೆದುಕೊಂಡಿದೆ. ದಪ್ಪಚರ್ಮದ ರಾಜಕಾರಣಿಗಳು, ಅಧಿಕಾರಿಗಳು ರಾಜ್ಯದ ಜನರ ಕೂಗಿಗೆ ಬೆಲೆಕೊಡುತ್ತಿಲ್ಲ. ಹೀಗಾದಲ್ಲಿ ಸಾಮಾನ್ಯ ಜನರ ಸಿಟ್ಟು ಕಟ್ಟೆಯೊಡೆದು, ಅದರ ಪರಿಣಾಮವನ್ನು ಸರ್ಕಾರವೇ ಎದುರಿಸಬೇಕಾಗುತ್ತದೆ ಎಂದು ಕಿಡಿಕಾರಿದ್ದಾರೆ. ಇನ್ನು ಕರ್ನಾಟಕ ರಕ್ಷಣಾ ವೇದಿಕೆ, ಹಂಪಿ ಕನ್ನಡ ವಿಶ್ವವಿದ್ಯಾಲಯ ಎದುರಿಸುತ್ತಿರುವ ಸಮಸ್ಯೆಗಳ ಕುರಿತು ಜಾಗೃತಿ ಮೂಡಿಸಲು ಟ್ವಿಟರ್ ಅಭಿಯಾನ ನಡೆಸಿತ್ತು.‌ ಸುಮಾರು 11,800 ಟ್ವೀಟ್‌ಗಳಲ್ಲಿ ಸರ್ಕಾರದ ಧೋರಣೆಯನ್ನು‌ ಖಂಡಿಸಲಾಗಿತ್ತು. ಸುಮಾರು 40 ಲಕ್ಷಕ್ಕೂ ಹೆಚ್ಚು ಜನರಿಗೆ ಈ‌ ಅಭಿಯಾನ ತಲುಪಿತ್ತು ಎಂದಿರುವ ಅವರು, ಉನ್ನತ ಶಿಕ್ಷಣ ಸಚಿವರೂ ಆಗಿರುವ ಉಪಮುಖ್ಯಮಂತ್ರಿ ಡಾ.ಸಿ.ಎನ್.ಅಶ್ವತ್ಥ ನಾರಾಯಣ್ ಅವರನ್ನು ನಾನು, ಕರವೇ ಮುಖಂಡರ ನಿಯೋಗದೊಂದಿಗೆ ಭೇಟಿ‌ ಮಾಡಿ ಆಗ್ರಹ ಪತ್ರ ಸಲ್ಲಿಸಿದ್ದೆ. ಸಚಿವರೂ ಸಹ ಸಕಾರಾತ್ಮಕವಾಗಿ ಸ್ಪಂದಿಸಿ,‌ ಕೂಡಲೇ ಹಂಪಿ ಕನ್ನಡ ವಿವಿಗೆ ಅನುದಾನ‌ ಬಿಡುಗಡೆ‌ ಮಾಡುವುದಾಗಿ ಆಶ್ವಾಸನೆ ನೀಡಿದ್ದರು. ಆದರೆ ಸರ್ಕಾರ ತನ್ನ ಮಾತು ನಡೆಸಿಕೊಳ್ಳಲಿಲ್ಲ ಎಂದಿದ್ದಾರೆ. ಅಲ್ಲದೇ ಕರವೇ ನಾಡಿನ ವಿದ್ವಜ್ಜನರ ಹೇಳಿಕೆಗಳನ್ನು ಪಡೆದು ಸಾಮಾಜಿಕ‌ ಜಾಲತಾಣಗಳಲ್ಲಿ 'ಭಿತ್ತಿಪತ್ರ ಚಳವಳಿ' ನಡೆಸುತ್ತಿದೆ. ನಾಡಿನ ಹೆಸರಾಂತ ಸಾಹಿತಿಗಳು, ಸಂಶೋಧಕರು, ಸಮಾಜ ವಿಜ್ಞಾನಿಗಳು, ಮಠಾಧೀಶರು, ಚಿಂತಕರು, ಧರ್ಮಗುರುಗಳು ಈ ಚಳವಳಿಯಲ್ಲಿ ಪಾಲ್ಗೊಳ್ಳುತ್ತಿದ್ದು, ಲಕ್ಷಾಂತರ ಜನರ ಗಮನ ಸೆಳೆದಿದೆ. ಇಷ್ಟಾದರೂ ಸರ್ಕಾರ ಬೇಜವಾಬ್ದಾರಿ ಮತ್ತು ಉದಾಸೀನ‌ ಪ್ರವೃತ್ತಿಯನ್ನು ಮುಂದುವರೆಸಿದೆ. ಇಂಥ ಸಮಯದಲ್ಲಿ‌ ನಮಗೆ ತೀವ್ರ ಸ್ವರೂಪದ‌ ಚಳವಳಿ ನಡೆಸದೇ ಬೇರೆ ದಾರಿ‌ ಉಳಿದಿಲ್ಲ. ಐದು ದಿನಗಳೊಳಗೆ ಸರ್ಕಾರ ಕಿವಿಗೊಡದೇ ಇದ್ದರೆ,‌ ಕರವೇ ನಡೆಸುವ ಚಳವಳಿ‌ ಮತ್ತು ಅದರ ಪರಿಣಾಮಗಳಿಗೆ ಸರ್ಕಾರವೇ ಹೊಣೆ ಹೊರಬೇಕು ಎಂದು ಎಚ್ಚರಿಸಿದ್ದಾರೆ.

from India & World News in Kannada | VK Polls https://ift.tt/3rDTdy2

ಅಕ್ರಮ ಸಂಬಂಧಕ್ಕಾಗಿ ಸುರಂಗ ಮಾರ್ಗ..! ವಿವಾಹಿತೆಯ ಮೋಹ ಪಾಶಕ್ಕೆ ಸಿಲುಕಿ ವಿವಾಹಿತನ ದುಸ್ಸಾಹಸ..!

ಪ್ರೀತಿ, ಪ್ರೇಮಕ್ಕಾಗಿ ಭಾರತದಲ್ಲಿ ತಾಜ್‌ಮಹಲ್ ಕಟ್ಟಿದ್ದಾರೆ.. ಆದ್ರೆ, ದೂರದ ಮೆಕ್ಸಿಕೋ ದೇಶದಲ್ಲಿ ಸುರಂಗವನ್ನೇ ಕೊರೆದಿದ್ದಾನೆ ಭೂಪ..! ಇದು ಪವಿತ್ರ ಪ್ರೀತಿಯೇನೂ ಅಲ್ಲ..! ಶುದ್ಧಾತಿಶುದ್ಧ ..! ಈ ಸಂಬಂಧ ಉಳಿಸಿಕೊಳ್ಳೋದಕ್ಕಾಗಿ ನೂರಾರು ಮೀಟರ್ ದೂರ ತೋಡಿದ ಮಹಾಶಯ, ಇದೀಗ ಖಾಕಿ ಅತಿಥಿಯಾಗಿದ್ದಾನೆ..! ಆತ , ಆಕೆಯೂ .. ಇಬ್ಬರೂ ಅಕ್ಕಪಕ್ಕದ ಮನೆ ನಿವಾಸಿಗಳು.. ಇಬ್ಬರ ನಡುವೆ ಲವ್ವಿ ಡವ್ವಿ ಶುರುವಾಗಿತ್ತು. ಆಕೆಯ ಗಂಡನೋ ಸೆಕ್ಯುರಿಟಿ ಗಾರ್ಡ್.. ನೈಟ್‌ ಡ್ಯೂಟಿ ಮಾಮೂಲು..! ಹೀಗಾಗಿ, ಗಂಡ ನೈಟ್ ಡ್ಯೂಟಿ ಇದ್ದಾಗ ಹೆಂಡ್ತಿಗೆ ಪ್ರಿಯಕರನೇ ಆಸರೆಯಾಗಿದ್ದ..! ಇನ್ನು ಈ ಪ್ರಿಯಕರನೂ ತನ್ನ ಹೆಂಡತಿಯ ಕಣ್ತಿಪ್ಪಿಸಿ ಈಕೆಯ ಮನೆಗೆ ಬರಬೇಕು..! ಹೇಗೆ ಬರೋದು..? ಇದಕ್ಕಾಗಿ ಒಂದು ಸೂಪರ್ ಸುಪ್ರೀಂ ಐಡಿಯಾ ಮಾಡಿದ..! ತನ್ನ ಮನೆಯ ಬೆಡ್‌ ರೂಂನಿಂದ ತನ್ನ ಪ್ರೇಯಸಿಯ ಮನೆಯ ಬೆಡ್‌ ರೂಂಗೆ ಸುರಂಗವನ್ನೇ ತೋಡಿಬಿಟ್ಟ..! ನೂರಾರು ಮೀಟರ್ ದೂರದ ಸುರಂಗವದು..! ಈ ಸುರಂಗದ ಮೂಲಕ ತಮ್ಮ ‘ಸುರಂಗ ಸಂಬಂಧ’ವನ್ನು ವರ್ಷಗಳ ಕಾಲ ಅಡೆತಡೆ ಇಲ್ಲದೆ ಮುಂದುವರೆಸಿತ್ತು ಈ ಜೋಡಿ..! ಆದ್ರೆ, ಅದೊಂದು ದಿನ ಈ ಅಕ್ರಮ ಸಂಬಂಧಕ್ಕೆ ಅಂತ್ಯ ಹಾಡುವ ಕಾಲ ಎದುರಾಗಿತ್ತು..! ಸೆಕ್ಯುರಿಟಿ ಗಾರ್ಡ್‌ ಗಂಡ ಹೇಳದೆ ಕೇಳದೆ ಬಹುಬೇಗ ಮನೆಗೆ ಬಂದಿದ್ದ. ಮನೆಯಲ್ಲಿ ತನ್ನ ಹೆಂಡತಿ ಯಾರದೋ ಜೊತೆಗೆ ಇದ್ದಾಳೆ ಎಂದು ಅನುಮಾನ ಬಂದಿದ್ದೇ ತಡ ಹುಡುಕಾಟ ಆರಂಭಿಸಿದ. ನೋಡಿದರೆ ಸೋಫಾದ ಹಿಂದೆ ಏನೋ ಇರುವಂತೆ ಕಂಡು ಬಂತು.. ಸೋಫಾ ಸರಿಸಿ ನೋಡಿದರೆ ಅಲ್ಲಿ ಸುರಂಗವೇ ಇತ್ತು..! ಸುರಂಗದ ಒಳಗೆ ಇಳಿದು ಮುಂದೆ ಸಾಗಿ ನೋಡಿದರೆ ಅದು ಪಕ್ಕದ ಮನೆಯ ಬೆಡ್‌ ರೂಂಗೆ ಸಂಪರ್ಕ ಕಲ್ಪಿಸಿತ್ತು..! ಗಂಡನಿಗೆ ಎಲ್ಲವೂ ಅರ್ಥವಾಗಿತ್ತು..! ದೊಡ್ಡ ಜಗಳವೇ ಆಗಿ ಹೋಯ್ತು..! ಪೊಲೀಸರ ರಂಗ ಪ್ರವೇಶವಾಯ್ತು..! ಅಂದಹಾಗೆ ಈ ಘಟನೆ ನಡೆದಿರೋದು ಮೆಕ್ಸಿಕೋ ದೇಶದಲ್ಲಿ.. ಅಮೆರಿಕ ಖಂಡದ ಮೆಕ್ಸಿಕೋ ದೇಶದಲ್ಲಿ ಇರುವ ಆಲ್ಬರ್ಟೋ ಎಂಬಾತನೇ ಸುರಂಗ ತೋಡಿದಾತ..! ಇನ್ನು ಈ ಆಲ್ಬರ್ಟೋಗೆ ಪಾಠ ಕಲಿಸಿದ ಪತಿರಾಯನ ಹೆಸರು ಜಾರ್ಜ್‌.. ಈ ಜಾರ್ಜ್‌ ಎಂಬಾತ ಎಂಥಾ ನತದೃಷ್ಟ ಎಂದರೆ, ಮೆಕ್ಸಿಕೋ ದೇಶಕ್ಕೆ ಬರುವ ಮುನ್ನ ಈತ ತನ್ನ ಪತ್ನಿ ಜೊತೆ ಪೆರು ದೇಶದಲ್ಲಿದ್ದ. ಅಲ್ಲಿ ಒಮ್ಮೆ ಈತ ಗೂಗಲ್ ಮ್ಯಾಪ್ ಬಳಸುವಾಗ ತಾಂತ್ರಿಕ ಸಮಸ್ಯೆ ಎದುರಾಯ್ತು. ಹೀಗಾಗಿ, ಗೂಗಲ್ ಸ್ಟ್ರೀಟ್ ವ್ಯೂನಲ್ಲಿ ದಾರಿ ನೋಡಿಕೊಂಡು ಬರುತ್ತಿದ್ದ. ಈ ವೇಳೆ ಗೂಗಲ್ ಸ್ಟೀಟ್ ವ್ಯೂನಲ್ಲಿ ಮಹಿಳೆಯೊಬ್ಬರು ತನ್ನ ಪ್ರಿಯಕರನ ಜೊತೆ ಕುಳಿತಿರುವ ಫೋಟೋ ಇತ್ತು.. ಕುತೂಹಲಗೊಂಡು ಆ ಫೋಟೋವನ್ನು ಝೂಮ್ ಮಾಡಿ ನೋಡಿದರೆ ಅದು ಇನ್ಯಾರೂ ಅಲ್ಲ..! ಈತನ ಪತ್ನಿ..! ತನ್ನ ಪತ್ನಿಯ ಅಕ್ರಮ ಸಂಬಂಧವನ್ನು ತಂತ್ರಜ್ಞಾನದ ಮೂಲಕ ಬಯಲಿಗೆಳೆದು ಆ ದೇಶವೇ ಬೇಡ ಎಂದು ಗುಡ್‌ ಬೈ ಹೇಳಿ ಪಕ್ಕದ ಮೆಕ್ಸಿಕೋ ದೇಶಕ್ಕೆ ಬಂದರೆ, ಇಲ್ಲಿ ಈತನ ಪತ್ನಿ ಮತ್ತೊಬ್ಬನ ಜೊತೆ ‘ಸುರಂಗ ಸಂಬಂಧ’ ಬೆಳೆಸಿ ಸಿಕ್ಕಿಬಿದ್ದಿದ್ದಾಳೆ..! ಇದಕ್ಕೆ ಏನೆನ್ನಬೇಕು..!?

from India & World News in Kannada | VK Polls https://ift.tt/38LPPZn

ಗ್ರಾಮಪಂಚಾಯಿತಿ ಚುನಾವಣಾ ಫಲಿತಾಂಶ: ದೃತಿಗೆಡುವುದು ಬೇಡ, ಕಾರ್ಯಕರ್ತರಿಗೆ ಎಚ್‌.ಡಿ ದೇವೇಗೌಡ ಮನವಿ

ಬೆಂಗಳೂರು: ಗ್ರಾಮಪಂಚಾಯಿತಿ ಚುನಾವಣಾ ಫಲಿತಾಂಶದ ಹಿನ್ನೆಲೆಯಲ್ಲಿ ಕಾರ್ಯಕರ್ತರು ದೃತಿಗೆಡುವುದು ಬೇಡ ಎಂದು ಜೆಡಿಎಸ್‌ ವರಿಷ್ಠ ಮನವಿ ಮಾಡಿದ್ದಾರೆ. ಈ ಕುರಿತಾಗಿ ಪತ್ರಿಕಾ ಹೇಳಿಕೆ ನೀಡಿರುವ ಅವರು ಜಯಗಳಿಸಿರುವ ಬೆಂಬಲಿತ ಅಭ್ಯರ್ಥಿಗಳಿಗೆ ಅಭಿನಂದನೆ ಸಲ್ಲಿಸಿದ್ದಾರೆ. ನಮ್ಮ ರಾಜ್ಯದಲ್ಲಿ ನಡೆದ ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ಎರಡು ರಾಷ್ಟೀಯ ಪಕ್ಷಗಳ ವಿರುದ್ಧ ಹೋರಾಟ ನಡೆಸಿ ಜಯಶೀಲರಾಗಿರುವ ನಮ್ಮ ಪಕ್ಷದ ಎಲ್ಲ ನನ್ನ ಆತ್ಮೀಯ ಸದಸ್ಯರಿಗೆ ತುಂಬು ಹೃದಯದ ಅಭಿನಂದನೆಯನ್ನು ಸಲ್ಲಿಸುತ್ತೇನೆ ಎಂದಿದ್ದಾರೆ. ಚುನಾವಣೆ ಎಂದ ಮೇಲೆ ಸೋಲು ಗೆಲುವು ಸಹಜ , ಸೋತ ನನ್ನ ಸ್ನೇಹಿತರು ದೃತಿಗೆಡುವುದು ಬೇಡ , ನಿಮ್ಮಗಳ ಸಹಾಯ ಮತ್ತು ಈಗ ಪಂಚಾಯಿತಿಗೆ ಆಯ್ಕೆಯಾಗಿರುವ ಸದಸ್ಯರ ಸಹಾಯದಿಂದಲೇ ನಮ್ಮ ಪಕ್ಷದ ನಿಷ್ಠಾವಂತ ಕಾರ್ಯಕರ್ತರ ಜೊತೆಗೂಡಿ 2023 ರ ಸಾರ್ವತ್ರಿಕ ಚುನಾವಣೆಯಲ್ಲಿ ಈ ಪ್ರಾದೇಶಿಕ ಪಕ್ಷವನ್ನು ನಮ್ಮ ರಾಜ್ಯದಲ್ಲಿ ಸ್ವತಂತ್ರವಾಗಿ ಅಧಿಕಾರಕ್ಕೆ ತರಲು ನಾನು ಹಗಲು ರಾತ್ರಿ ಶ್ರಮಿಸುತ್ತೇನೆ ಎಂದು ಭರವಸೆ ನೀಡಿದ್ದಾರೆ. ಜೊತೆಗೆ ಈ ರಾಜ್ಯದಲ್ಲಿ ನಮ್ಮ ಪ್ರಾದೇಶಿಕ ಪಕ್ಷವನ್ನು ಉಳಿಸಲು ಈ ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ನಮ್ಮ ಅಭ್ಯರ್ಥಿಗಳಿಗೆ ಮತ ನೀಡಿದ ರಾಜ್ಯದ ಜನತೆಗೆ ನಾನು ಸದಾ ಚಿರಋಣಿಯಾಗಿರುತ್ತೇನೆ ಎಂದು ಮಾಜಿ ಪ್ರಧಾನಿ ಎಚ್‌ಡಿ ದೇವೇಗೌಡ ಧನ್ಯವಾದ ಸಲ್ಲಿಸಿದ್ದಾರೆ. ಗ್ರಾಮಪಂಚಾಯಿತಿ ಚುನಾವಣೆಯ ಫಲಿತಾಂಶ ಬುಧವಾರ ಪ್ರಕಟಗೊಂಡಿದ್ದು ಜೆಡಿಎಸ್ ಬೆಂಬಲಿತ ಅಭ್ಯರ್ಥಿಗಳು ಸುಮಾರು 4301 ಸ್ಥಾನಗಳಲ್ಲಿ ಗೆಲುವು ಸಾಧಿಸಿದ್ದಾರೆ.

from India & World News in Kannada | VK Polls https://ift.tt/3mXPEiN

ಗ್ರಾ.ಪಂ. ಚುನಾವಣೆ ಫಲಿತಾಂಶ: ಪುತ್ತೂರಿನ 2 ಗ್ರಾಪಂಗಳಲ್ಲಿ ಬಿಜೆಪಿ ಕ್ಲೀನ್‌ಸ್ವೀಪ್‌!

ಪುತ್ತೂರು: ತಾಲೂಕಿನ ಕೊಡಿಪ್ಪಾಡಿ ಮತ್ತು 34 ನೆಕ್ಕಿಲಾಡಿ ಪಂಚಾಯಿತಿಗಳಲ್ಲಿ ಎಲ್ಲ ಸ್ಥಾನಗಳನ್ನು ಗೆಲ್ಲುವ ಮೂಲಕ ಸಂಪೂರ್ಣ ಕ್ಲೀನ್ ‌ಸ್ವೀಪ್‌ ಮಾಡಿದೆ. ವಿಶೇಷವೆಂದರೆ ಈ ಎರಡೂ ಪಂಚಾಯಿತಿಗಳಲ್ಲಿ ಈ ಹಿಂದಿನ ಚುನಾವಣೆಯಲ್ಲಿ ಕಾಂಗ್ರೆಸ್‌ ಸ್ಪಷ್ಟ ಬಹುಮತ ಪಡೆದಿತ್ತು. ಕೊಡಿಪ್ಪಾಡಿ ಗ್ರಾಪಂನ 8 ಸ್ಥಾನಗಳಲ್ಲಿ ಬಿಜೆಪಿಯ ಗಿರೀಶ್‌ ಕೆ. ನಂದನ, ನವೀನ್‌ ಪೂಜಾರಿ, ಚಂದ್ರಾವತಿ, ಸ್ಮಿತಾ ಪಿ. ಹನಿಯೂರು, ಗಿರಿಧರ ಗೌಡ ಗೋಮುಖ, ಸೋಮಪ್ಪ ಪೂಜಾರಿ, ಸುಮಿತ್ರಾ ಚಂದ್ರಶೇಖರ್‌ ಮತ್ತು ರೇಖಾ ಭಟ್ರಕೋಡಿ ಗೆದ್ದಿದ್ದಾರೆ. ಇವರಲ್ಲಿ 7 ಮಂದಿ ಕಾಂಗ್ರೆಸ್‌ ಬೆಂಬಲಿತರ ವಿರುದ್ಧ ಜಯ ಸಾಧಿಸಿದ್ದರೆ, ಒಬ್ಬರು ಎಸ್‌ಡಿಪಿಐ ವಿರುದ್ಧ ವಿಜೇತರಾಗಿದ್ದಾರೆ. ಈ ಹಿಂದಿನ ಅವಧಿಯಲ್ಲಿ ಕಾಂಗ್ರೆಸ್‌ ಬೆಂಬಲಿತರು 5 ಮತ್ತು ಬಿಜೆಪಿ ಬೆಂಬಲಿತರು 3 ಸ್ಥಾನ ಗೆದ್ದಿದ್ದರು. ನೆಕ್ಕಿಲಾಡಿ ಗ್ರಾಪಂ 34ನೇ ನೆಕ್ಕಿಲಾಡಿ ಪಂಚಾಯಿತಿಯಲ್ಲಿ 11 ಸ್ಥಾನ ಗಳಿದ್ದು, ಎಲ್ಲವನ್ನೂ ಬಿಜೆಪಿ ಬೆಂಬಲಿತರು ಗೆದ್ದಿದ್ದಾರೆ. ವಿಜಯ ಕುಮಾರ್‌, ವೇದಾವತಿ, ಸ್ವಪ್ನಾ ಜೀವನ್‌, ತುಳಸಿ ಈಶ್ವರ ನಾಯ್ಕ್, ರಮೇಶ್‌ ಸುಭಾಶ್‌ ನಗರ, ಎ. ಸುಜಾತ ರೈ, ಹರೀಶ್‌ ಕುಲಾಲ್‌ ಬೊಳ್ಳಾರ್‌, ಪ್ರಶಾಂತ್‌ ಎನ್‌., ಗೀತಾ ವಾಸುದೇವ ಗೌಡ ಚುನಾವಣೆಯಲ್ಲಿ ಗೆದ್ದಿದ್ದರೆ, ಹರೀಶ್‌ ಮತ್ತು ರತ್ನಾವತಿ ಈಗಾಗಲೇ ಬಿಜೆಪಿ ಬೆಂಬಲಿತರಾಗಿ ಅವಿರೋಧ ಗೆದ್ದಿದ್ದರು. ಈ ಪಂಚಾಯಿತಿಯಲ್ಲಿ ಹಿಂದಿನ ಅವಧಿಯಲ್ಲಿ ಕಾಂಗ್ರೆಸ್‌ ಬೆಂಬಲಿತರು 8 ಮತ್ತು ಬಿಜೆಪಿ ಬೆಂಬಲಿತರು 3 ಸ್ಥಾನ ಗೆದ್ದಿದ್ದರು. ವಿಶೇಷವೆಂದರೆ 3 ಸ್ಥಾನ ಗೆದ್ದಿದ್ದ ಬಿಜೆಪಿ ಬೆಂಬಲಿತರು ಈ ಬಾರಿ ಎಲ್ಲ 11 ಸ್ಥಾನಗಳನ್ನೂ ಗೆಲ್ಲುವ ಮೂಲಕ ವಿಕ್ರಮ ಮೆರೆದಿದ್ದಾರೆ. ಹಿಂದುಳಿದ ವರ್ಗದಲ್ಲಿ ಸೋತರೂ ಸಾಮಾನ್ಯದಲ್ಲಿ ಗೆದ್ದರು! ಹಿಂದುಳಿದ ವರ್ಗ ಎ ವಿಭಾಗದಲ್ಲಿ ಸ್ಪರ್ಧಿಸಿದ ಸೋತ ಅಭ್ಯರ್ಥಿಯೊಬ್ಬರು ತಾವು ಗಳಿಸಿದ ಮತಗಳ ಪರಿಣಾಮದಿಂದಾಗಿ ಸಾಮಾನ್ಯ ಅಭ್ಯರ್ಥಿಗಿಂತ ಹೆಚ್ಚು ಮತಗಳನ್ನು ಪಡೆದು ಜನರಲ್‌ ವಿಭಾಗದಲ್ಲಿ ವಿಜೇತರಾದ ಘಟನೆ ತಾಲೂಕಿನ ಹಿರೇಬಂಡಾಡಿ ಗ್ರಾಪಂನಲ್ಲಿ ನಡೆದಿದೆ. ಹಿಂದುಳಿದ ವರ್ಗ ಎ ವಿಭಾಗದಲ್ಲಿ ಸವಿತಾ ಹರೀಶ್‌ ಮತ್ತು ಶಾಂಭವಿ ಅಭ್ಯರ್ಥಿಗಳು ಸ್ಪರ್ಧಿಸಿದ್ದರು. ಇವರಲ್ಲಿ ಶಾಂಭವಿ ಗೆದ್ದಿದ್ದು, ಸವಿತಾ ಹರೀಶ್‌ ಪರಾಜಿತಗೊಂಡಿದ್ದರು. ಆದರೆ ಅವರನ್ನು ಪರಾಜಿತರೆಂದು ಘೋಷಣೆ ಮಾಡಿರಲಿಲ್ಲ. ಸಾಮಾನ್ಯ ವರ್ಗದಲ್ಲಿ ಸ್ಪರ್ಧಿಸಿದ್ದ ಮಮತಾ ಕಜೆ ಮತ್ತು ಸುಮಿತ್ರಾ ಅವರ ಪೈಕಿ ಮಮತಾ ಕಜೆ ಹೆಚ್ಚಿನ ಮತ ಪಡೆದಿದ್ದರು. ಆದರೆ ಇವರು ಪಡೆದ ಮತಗಳಿಗಿಂತ ಹಿಂದುಳಿದ ವರ್ಗದಲ್ಲಿ ಪರಾಜಿತರಾಗಿದ್ದ ಸವಿತಾ ಹರೀಶ್‌ ಪಡೆದಿದ್ದರು. ಹೀಗಾಗಿ ನಿಯಮ ಪ್ರಕಾರ ಸವಿತಾ ಹರೀಶ್‌ ಅವರನ್ನೇ ಸಾಮಾನ್ಯ ವರ್ಗದ ವಿಜೇತರೆಂದು ಘೋಷಿಸಲಾಯಿತು. ಇದರ ಪರಿಣಾಮವಾಗಿ ಸಾಮಾನ್ಯ ವರ್ಗದಲ್ಲಿ ಸ್ಪರ್ಧಿಸಿದ್ದ ಮಮತಾ ಕಜೆ ಮತ್ತು ಸುಮಿತ್ರ ಪರಾಜಿತರಾದರು.

from India & World News in Kannada | VK Polls https://ift.tt/34TSG11

ಗಂಟೆಗೊಂದು ರೂಲ್ಸ್! ಗೊಂದಲದಲ್ಲಿ ಬಿಎಸ್‌ವೈ ಸರ್ಕಾರ, ಜನರೂ ಕಕ್ಕಾಬಿಕ್ಕಿ

ಬೆಂಗಳೂರು: ನೈಟ್‌ ಕರ್ಫ್ಯೂ ಜಾರಿಯಲ್ಲೂ ಗೊಂದಲ, ಇದೀಗ ನಿಷೇಧಾಜ್ಞೆಯಲ್ಲೂ ಮತ್ತೆ ಬದಲಾವಣೆ, ಶಾಲೆ ಆರಂಭದ ಬಗ್ಗೆಯಂತೂ ಎರೆಡೆರಡು ಮಾತು. ಒಬ್ಬರು ಸಚಿವರು ಒಂದು ಹೇಳಿಕೆ ಕೊಟ್ಟರು ಮತ್ತೊಬ್ಬರು ಮಗದೊಂದು ಹೇಳಿಕೆ ಕೊಡುತ್ತಾರೆ. ಸರ್ಕಾರ ಗೊಂದಲಮಯ ನಿರ್ಧಾರದಿಂದ ಜನರೂ ಕಕ್ಕಾಬಿಕ್ಕಿ! ಹೌದು ಇದು ಸದ್ಯ ರಾಜ್ಯದಲ್ಲಿ ಕಂಡುಬರುವ ಪರಿಸ್ಥಿತಿ. ಕೋವಿಡ್‌ ಸೋಂಕು ಆರಂಭವಾದಂದಿನಿಂದ ರಾಜ್ಯ ಸರ್ಕಾರ ಪದೇ ಪದೇ ಎಡವಟ್ಟುಗಳನ್ನು ಮಾಡುತ್ತಲೇ ಬಂದಿದೆ. ಆರಂಭದಲ್ಲಿ ಗೊಂದಲ ಸಹಜ. ಆದರೆ ಸರ್ಕಾರ ಇದನ್ನು ಸರಿಪಡಿಸುಕೊಳ್ಳುವ ಬದಲಾಗಿ ಪದೇ ಪದೇ ತಪ್ಪುಗಳನ್ನು ಎಸಗುತ್ತಲೇ ಇದೆ. ಕೋವಿಡ್‌ ರೂಪಾಂತರ ವಿಚಾರವಾಗಿ ಇದ್ದಕ್ಕಿದ್ದಂತೆ ನೈಟ್ ಕರ್ಫ್ಯೂವನ್ನು ಜಾರಿಗೊಳಿಸಿತು. ಡಿಸೆಂಬರ್‌ 24 ರಿಂದ ರಾತ್ರಿ 10 ಗಂಟೆಯಿಂದ ಬೆಳಗ್ಗೆ 6 ಗಂಟೆಯವರೆಗೆ ನೈಟ್ ಕರ್ಪ್ಯೂ ಎಂದು ಘೋಷಣೆ ಮಾಡಿತು. ಆದರೆ ಕೆಲ ಹೊತ್ತಿನಲ್ಲೇ ನಿರ್ಧಾರ ಬದಲಾಯಿತು. ರಾತ್ರಿ 11 ರಿಂದ ಬೆಳಗ್ಗೆ 5 ಗಂಟೆಯವರೆಗೆ ನೈಟ್ ಕರ್ಫ್ಯೂ ಎಂದು ಸಮಯ ಬದಲಾವಣೆ ಮಾಡಿತು. ಇಷ್ಟಕ್ಕೆ ನಿಂತಿಲ್ಲ ಎಡವಟ್ಟು, ಮತ್ತೆ ಮುಖ್ಯಮಂತ್ರಿ ಬಿಎಸ್‌ ಯಡಿಯೂರಪ್ಪ ನೈಟ್ ಕರ್ಪ್ಯೂ ನಿರ್ಧಾರವನ್ನೇ ರದ್ದುಗೊಳಿಸಿದರು. ಸಾರ್ವಜನಿಕರಿಂದ ವಿರೋಧ ಬಂದ ಹಿನ್ನೆಲೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದರು. ಇದೀಗ ಮತ್ತೊಮ್ಮೆ ಎಡವಟ್ಟು ಮುಂದುವರಿದಿದೆ. ಹೊಸ ವರ್ಷಚಾರಣೆಯ ಹಿನ್ನೆಲೆಯಲ್ಲಿ ಕೋವಿಡ್‌ ರೂಪಾಂತರ ಹರಡದಂತೆ ತಡೆಗಟ್ಟಲು ಸೆಕ್ಷನ್ 144 ಅನ್ವಯ ನಿಷೇಧಾಜ್ಞೆಯನ್ನು ಜಾರಿಗೊಳಿಸಿತ್ತು. 31 ರಂದು ರಾತ್ರಿ 8 ಗಂಟೆಯಿಂದ ಬೆಳಗ್ಗೆ6 ಗಂಟೆಯ ವರೆಗೆ ನಿಷೇಧಾಜ್ಞೆ ಜಾರಿಗೊಳಿಸಿ ಆದೇಶ ಹೊರಡಿಸಲಾಗಿತ್ತು. ಆದರೆ ಇದೀಗ ಮತ್ತೆ ಸಮಯದಲ್ಲಿ ಬದಲಾವಣೆ ಮಾಡಲಾಗಿದೆ. 31 ರ ಮಧ್ಯಾಹ್ನ 12 ಗಂಟೆಯಿಂದಲೇ ನಿಷೇಧಾಜ್ಞೆಯನ್ನು ಜಾರಿಗೊಳಿಸಿ ಆದೇಶ ಹೊರಡಿಸಿದೆ. ಇನ್ನು ನೈಟ್ ಕರ್ಫ್ಯೂ ವಿಚಾರವಾಗಿಯೂ ಮತ್ತೆ ಗೊಂದಲ ಸೃಷ್ಟಿಯಾಗಿದೆ. ಸರ್ಕಾರದ ಸಚಿವರು ಭಿನ್ನ ಹೇಳಿಕೆಗಳನ್ನು ನೀಡುವ ಮೂಲಕ ಗೊಂದಲ ಸೃಷ್ಟಿ ಮಾಡುತ್ತಿದ್ದಾರೆ. ನೈಟ್ ಕರ್ಫ್ಯೂ ಮುಗಿದ ಅಧ್ಯಾಯ ಎಂದು ಆರೋಗ್ಯ ಸಚಿವ ಡಾ. ಕೆ ಸುಧಾಕರ್‌ ಹೇಳಿಕೆ ನೀಡಿದರೆ, ರಾಜ್ಯದಲ್ಲಿ ಮತ್ತೆ ರಿಯಲ್‌ ನೈಟ್ ಕರ್ಫ್ಯೂ ಅಗತ್ಯ ಇದೆ ಎಂದು ಕಂದಾಯ ಸಚಿವ ಆರ್‌. ಅಶೋಕ್ ಹೇಳಿಕೆ ನೀಡಿದ್ದಾರೆ. ಇದರ ಜೊತೆಗೆ ಶಾಲೆ ಆರಂಭದ ಕುರಿತಾಗಿಯೂ ಕೆಲವೊಂದು ಗೊಂದಲಗಳು ಸರ್ಕಾರದ ಸಚಿವರಲ್ಲಿ ಇವೆ. ಒಟ್ಟಿನಲ್ಲಿ ಪದೇ ಪದೇ ಎಡವಟ್ಟು ನಿರ್ಧಾರಗಳನ್ನು ಕೈಗೊಳ್ಳುವ ಜೊತೆಗೆ ಜನರಲ್ಲೂ ಗೊಂದಲವನ್ನು ರಾಜ್ಯ ಸರ್ಕಾರ ಸೃಷ್ಟಿಸುತ್ತಿದೆ.

from India & World News in Kannada | VK Polls https://ift.tt/381nSxt

ಕನಕಪುರ: ಬಂಡೆ ಬುಡದಲ್ಲಿ ಅರಳಿದ ಕಮಲ, ಎಚ್‌ಡಿ ಕುಮಾರಸ್ವಾಮಿಗೂ ಹಿನ್ನಡೆ!

ಕನಕಪುರ: ತಾಲೂಕಿನ 43 ಗ್ರಾಪಂಗಳ ಪೈಕಿ 36ಕ್ಕೆ ನಡೆದ ಚುನಾವಣೆಯಲ್ಲಿ ಎರಡು ಗ್ರಾಪಂಗಳಲ್ಲಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿಗಳು ಅಧಿಕಾರ ಹಿಡಿಯುವತ್ತ ದಾಪುಗಾಲು ಹಾಕಿದ್ದಾರೆ. ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್‌ ತವರೂರಿನಲ್ಲೇ ಕೇಸರಿ ಪಡೆ ಬಲವಾಗಿ ಬೇರೂರುತ್ತಿರುವುದು ಅವರಿಗೆ ತೀವ್ರ ಮುಖಭಂಗವುಂಟು ಮಾಡಿದೆ. ರಾಜ್ಯದ ಗಡಿಯಲ್ಲಿರುವ ಕನಕಪುರ ತಾಲೂಕಿನ ಬನ್ನಿ ಮುಕ್ಕೂಡ್ಲು ಮತ್ತು ಹುಣಸನಹಳ್ಳಿ ಗ್ರಾಪಂಗಳಲ್ಲಿ ಪಕ್ಷೇತರ ಅಭ್ಯರ್ಥಿಗಳ ಸಹಾಯ ಪಡೆದು ಬೆಜೆಪಿ ಬೆಂಬಲಿತ ಅಭ್ಯರ್ಥಿಗಳು ಅಧಿಕಾರ ಹಿಡಿಯುವ ಸಾಧ್ಯತೆ ನಿಚ್ಚಳವಾಗಿದೆ. ಎಚ್‌ಡಿಕೆಗೂ ಹಿನ್ನೆಡೆ ರಾಮನಗರ ವಿಧಾನಸಭಾ ಕ್ಷೇತ್ರದ ಹಾರೋಹಳ್ಳಿ ಮತ್ತು ಮರಳವಾಡಿಗಳಲ್ಲೂ ಎಚ್‌ಡಿಕೆಗೆ ಹಿನ್ನೆಡೆಯಾಗಿದೆ. ಡಿಕೆಶಿಗೆ ಮುಖಭಂಗ ಕಳೆದ ಬಾರಿ ಗ್ರಾ.ಪಂ. ಚುನಾವಣೆಯಲ್ಲಿ ಡಿಕೆಶಿ ಹುಟ್ಟೂರು ದೊಡ್ಡಾಲಹಳ್ಳಿ ಗ್ರಾಮಪಂಚಾಯಿತಿ ಚುನಾವಣೆಯಲ್ಲಿ ಚುನಾವಣೆ ನಡೆಸದೆ ಎಲ್ಲಾ ಸ್ಥಾನಗಳನ್ನು ಅವಿರೋಧವಾಗಿ ಆಯ್ಕೆ ಮಾಡಿಕೊಂಡು ಅಧಿಕಾರ ಹಿಡಿದಿದ್ದ ಕಾಂಗ್ರೇಸ್‌ ಬೆಂಬಲಿತರು, ಈ ಬಾರಿ ಚುನಾವಣೆ ತಡೆಯುವಲ್ಲಿ ವಿಫಲವಾಗಿದ್ದು, ಇಬ್ಬರು ಜೆಡಿಎಸ್‌ ಬೆಂಬಲಿತರು ಜಯ ಗಳಿಸಿದ್ದು, ಡಿಕೆಶಿಗೆ ಸ್ವಗ್ರಾಮದಲ್ಲಿ ಹಿನ್ನಡೆಯಾದಂತಾಗಿದೆ. ಲಾಟರಿ ಮೂಲಕ ಗೆಲುವು! ಚಾಕನಹಳ್ಳಿ ಗ್ರಾಮಪಂಚಾಯಿತಿ ವ್ಯಾಪ್ತಿಯ ಚೀರಣಕುಪ್ಪೆ ಗ್ರಾಮದ ಸದಸ್ಯೆ ಮತ್ತು ದೊಡ್ಡಾಲಹಳ್ಳಿ ಗ್ರಾಮದಲ್ಲಿಒಂದು ಸ್ಥಾನ ಸಮಬಲ ಸಾಧಿಸಿದ್ದು, ಈ ಎರಡು ಸ್ಥಾನಗಳಿಗೆ ಲಾಟರಿ ಮೂಲಕ ಆಯ್ಕೆ ಮಾಡಲಾಗಿದ್ದು ವಿಶೇಷವಾಗಿದೆ. ಘಟಾನುಘಟಿಗಳು ಸೋಲು! ಕನಕಪುರ ಗ್ರಾಮಪಂಚಾಯಿತಿ ಚುನಾವಣೆಯಲ್ಲಿ ದೊಡ್ಡ ಮುದವಾಡಿ ಮತ್ತು ಕೊಟ್ಟಗಳು , ಟಿ.ಬೇಕುಪ್ಪೆ, ಗ್ರಾಮಪಂಚಾಯಿತಿಗಳಲ್ಲಿ ಹಲವು ವರ್ಷಗಳಿಂದ ಅಧಿಕಾರ ಅನುಭವಿಸಿದ ಘಟಾನುಘಟಿ ಮುಖಂಡರು ಈ ಬಾರಿಯ ಚುನಾವಣೆಯಲ್ಲಿ ಸೋಲು ಕಂಡಿದ್ದು, ಮತದಾರರ ನಿರ್ಣಯಕ್ಕೆ ಎಲ್ಲರೂ ತಲೆಬಾಗಲೇಬೇಕು ಎನ್ನುವ ಸಂದೇಶ ರವಾನಿಸಿದ್ದಾರೆ. ಮತಪತ್ರಗಳ ಬದಲಾವಣೆ ! ಕನಕಪುರ ತಾಲೂಕಿನ ಶಿವನಹಳ್ಳಿ ಗ್ರಾಮಪಂಚಾಯಿತಿಯ ಸೀಗೆಕೋಟೆ ಗ್ರಾಮದ ಮತಗಟ್ಟೆಯಲ್ಲಿ ಚಲಾವಣೆ ಆಗಬೇಕಿದ್ದ ಮತಪತ್ರ , ನಾರಾಯಣಪುರ ಗ್ರಾಮಪಂಚಾಯಿತಿ ವ್ಯಾಪ್ತಿಯ ಕೆಬ್ಬಳ್ಳಿ ಗ್ರಾಮದ ಮತಗಟ್ಟೆಯಲ್ಲಿ ಚಲಾವಣೆಯಾಗಿದ್ದು, ಗೊಂದಲವಾದರೆ ಕೊನೆಯ ಕ್ಷಣದಲ್ಲಿ ತೀವ್ರ ಪೈಪೋಟಿ ನಡೆದು ಸಿದ್ದೇಗೌಡ 439 ಶಿವಸಿದ್ದೇಗೌಡ 443 ಮಗಳನ್ನು ಗಳಿಸಿದ್ದಾರೆ, ಎರಡು ಮತಪತ್ರಗಳ ಗೊಂದಲದ ಬಗ್ಗೆ ಚುನಾವಣಾಧಿಕಾರಿಗಳೇ ನಿರ್ಧಾರ ಮಾಡಿ ಅದರ ಹೊಣೆ ಹೊರಬೇಕು ಎಂದು ತಹಸೀಲ್ದಾರ್‌ ವರ್ಷ ಒಡೆಯರ್‌ ತಿಳಿಸಿದ್ದಾರೆ . ಮಂತ್ರ-ತಂತ್ರಕ್ಕೆ ಅಭ್ಯರ್ಥಿಗಳು ಮೊರೆ! ಗೆಲುವಿಗೆ ಪ್ರಾರ್ಥಿಸಿ ಅಭ್ಯರ್ಥಿಗಳು ಮಂತ್ರ-ಯಂತ್ರಕ್ಕೆ ಮೊರೆ ಹೋಗಿದ್ದ ಕಂಡು ಬಂತು. ಬಹಳಷ್ಟು ಅಭ್ಯರ್ಥಿಗಳು ಕೈಯಲ್ಲಿ ಮಂತ್ರಿಸಿದ ಲಿಂಬೆಹಣ್ಣು ಹಿಡಿದು ಮತ ಎಣಿಕೆ ಕೇಂದ್ರಕ್ಕೆ ಬಂದಿದ್ದರು. ಕುಂಕುಮ ಪ್ರಸಾದ, ತಾಯತ ಸೇರಿದಂತೆ ನಾನಾ ಬಗೆಯ ವಸ್ತುಗಳ ಅಭ್ಯರ್ಥಿಗಳ ಕೈಯಲ್ಲಿ ರಾರಾಜಿಸುತ್ತಿತ್ತು. ಆಪರೇಷನ್‌ ಭಯ ತಾಲೂಕಿನ ಕೆಲವು ಗ್ರಾಮಪಂಚಾಯಿತಿಗಳಲ್ಲಿಸಮಬಲ ಸಾಧಿಸಿದ್ದು, ಅಂತಹ ಪಂಚಾಯಿತಿಗಳ ಪಕ್ಷೇತರ ಅಭ್ಯರ್ಥಿಗಳ ಮನವೊಲಿಸಲು ಈಗಾಗಲೇ ಪೈಪೋಟಿ ಋುಂಭಗೊಂಡಿದೆ. ಬನ್ನುಮುಕ್ಕೋಡ್ಲು, ಹುಣಸನಹಳ್ಳಿ, ಹಾಗು ಹೊನ್ನಿಗನಹಳ್ಳಿ ಗ್ರಾಮಪಂಚಾಯಿತಿಗಳಲ್ಲಿ ಕುದುರೆ ವ್ಯಾಪಾರದ ಸಾಧ್ಯತೆಗಳು ದಟ್ಟವಾಗಿವೆ. ಜಿಪಂ ಮಾಜಿ ಅಧ್ಯಕ್ಷರಿಗೆ ಮುಖಭಂಗ! ಕನಕಪುರ ತಾಲೂಕಿನ ಹೊಸದುರ್ಗ ಜಿಲ್ಲಾಪಂಚಾಯಿತಿ ಕ್ಷೇತ್ರದ ಸದಸ್ಯ ಹೆಚ್‌. ಬಸಪ್ಪ ಅವರ ಸ್ವಗ್ರಾಮ ಸ್ಥಳೀಯ ಗ್ರಾ.ಪಂ. ಬ್ನನಿಮುಕ್ಕೂಟ್ಲು ಹಗು ಹುಣಸನಹಳ್ಳಿ ಗ್ರಾಮಪಂಚಾಯಿತಿಗಳು ಕೈ ತಪ್ಪುವ ಸನ್ನಿವೇಶ ನಿರ್ಮಾಣವಾಗಿದ್ದು, ಜಿಲ್ಲಾಪಂಚಾಯಿತಿ ಸದಸ್ಯರು ಮಾಜಿ ಅಧ್ಯಕ್ಷ ಬಸಪ್ಪ ಗೆ ಮುಖಭಂಗವಾಗಿದೆ.

from India & World News in Kannada | VK Polls https://ift.tt/2MbdSZZ

ನಂದಿಬೆಟ್ಟದಲ್ಲಿ ಈ ವರ್ಷ ಬರೋಬ್ಬರಿ 28 ಟನ್‌ ಕಸ ಸಂಗ್ರಹ..! ಪ್ರವಾಸಿಗರು ಮಾಡೋ ಘನಂದಾರಿ ಕೆಲಸ ಇದೇನಾ?

ನಾಗರಾಜು ಅಶ್ವತ್ಥ್ ಗ್ರಾಮಾಂತರ: ದಕ್ಷಿಣ ಕರ್ನಾಟಕ ಪ್ರಸಿದ್ಧ ಪ್ರವಾಸಿ ತಾಣ ನಂದಿಬೆಟ್ಟದ ಮೇಲೆ ವರ್ಷಕ್ಕೆ 28ಟನ್‌ ಕಸ ಸಂಗ್ರಹವಾಗುತ್ತಿದ್ದು, ಬರೋಬ್ಬರಿ 15ಟನ್‌ ಪ್ಲಾಸ್ಟಿಕ್‌ ತ್ಯಾಜ್ಯ ನಿರ್ವಹಣೆಗೆ ತಲೆನೋವು ತಂದೊಡ್ಡುತ್ತಿದೆ. ಬೆಟ್ಟದ ಪರಿಸರಕ್ಕೆ ಪ್ಲಾಸ್ಟಿಕ್‌ ಮಾರಕವಾಗಿದ್ದು, ನಿಷೇಧವಿದ್ದರೂ ಪ್ರವಾಸಿಗರ ನಿರ್ಲಕ್ಷ್ಯದಿಂದಾಗಿ ಸಮಸ್ಯೆ ಸೃಷ್ಟಿಯಾಗಿದೆ. ಸಂಗ್ರಹವಾಗುತ್ತಿರುವ ಅಗಾಧ ಕಸ ವಿಲೇವಾರಿಗೆ ವಾರ್ಷಿಕ 13 ಲಕ್ಷ ರೂಪಾಯಿ ವ್ಯಯಿಸಬೇಕಾಗುತ್ತಿದೆ. ಬೆಂಗಳೂರಿನ ಯುನೈಟೆಡ್‌ ವೇ ಸಾಮಾಜಿಕ ಸಂಸ್ಥೆ ಕಳೆದ ವರ್ಷದಿಂದ ಬೆಟ್ಟದ ಮೇಲೆ ಕಸದ ನಿರ್ವಹಣೆ ಸೇರಿದಂತೆ ಸ್ವಚ್ಚತಾ ಕಾರ್ಯದಲ್ಲಿ ತೊಡಗಿದೆ. ವಿಲೇವಾರಿ ಹೇಗೆ?: ಯುನೈಟೆಡ್‌ ವೇ ಬೆಂಗಳೂರು ಸಾಮಾಜಿಕ ಸಂಸ್ಥೆಯಿಂದ 6 ಮಂದಿ ಕೆಲಸಗಾರರಿಂದ ನಂದಿಬೆಟ್ಟದ ಮೇಲಿನ ತ್ಯಾಜ್ಯ ಸಂಗ್ರಹ ಮಾಡಲಾಗುತ್ತದೆ. ಈ ಪೈಕಿ ಬಾಟಲಿಗಳು, ಪ್ಲಾಸ್ಟಿಕ್‌, ಗಾಜಿನ ಬಾಟಲಿಗಳು, ಚಪ್ಪಲಿಗಳು, ಬಟ್ಟೆ, ಕಬ್ಬಿಣರ ಬಾಟಲಿ ಎಂಬ ವರ್ಗಗಳಲ್ಲಿ ವಿಂಗಡಿಸಲಾಗುತ್ತಿದೆ. ವಿಂಗಡಣೆಗೆಂದು ಬೆಟ್ಟದ ಮೇಲಿನ ಯೋಗನಂದೀಶ್ವರ ಸ್ವಾಮಿ ದೇವಸ್ಥಾನದ ಪಕ್ಕದ ಕೊಠಡಿಯನ್ನು ತೋಟಗಾರಿಕೆ ಇಲಾಖೆಯಿಂದ ವ್ಯವಸ್ಥೆ ಮಾಡಲಾಗಿದೆ. ಈ ಕೊಠಡಿಯಲ್ಲಿ ಪ್ರತ್ಯೇಕ ಚೀಲಗಳಲ್ಲಿ ತ್ಯಾಜ್ಯವನ್ನು ತುಂಬಲಾಗುತ್ತದೆ. ಪ್ಲಾಸ್ಟಿಕ್‌, ಕಬ್ಬಿಣ, ಗಾಜಿನ ಬಾಟಲಿಗಳನ್ನು ಚಿಕ್ಕಬಳ್ಳಾಪುರ, ಬಿಬಿಎಂಪಿ ವ್ಯಾಪ್ತಿಯಲ್ಲಿ ವಿಲೇವಾರಿ ಮಾಡಲಾಗುತ್ತಿದೆ. ಅಡಿಕೆ ಪ್ಲೇಟ್‌ಗಳನ್ನು ಗೊಬ್ಬರ ತಯಾರಿಕೆಗೆ ಬಳಸಿಕೊಳ್ಳಲಾಗುತ್ತಿದೆ. ನಂದಿಬೆಟ್ಟಕ್ಕೆ ವರ್ಷಕ್ಕೆ 20 ಲಕ್ಷ ಪ್ರವಾಸಿಗರು ಭೇಟಿ ನೀಡುತ್ತಿದ್ದು, ವರ್ಷವೊಂದಕ್ಕೆ 28 ಟನ್‌ ಆಗುತ್ತಿದೆ. ಈ ಕಸದ ವಿಲೇವಾರಿಗೆ 13 ಲಕ್ಷ ವ್ಯಯ ಆಗುತ್ತಿದ್ದು, ಈ ವರ್ಷ ಬಾಟಲಿಗಳು 4939 ಕೆಜಿ, ಗಾಜಿನ ಬಾಟಲಿ 5700 ಕೆಜಿ, ಪ್ಲಾಸ್ಟಿಕ್‌ 15782 ಕೆಜಿ, ಇತರೆ 1389 ಕೆಜಿ, ಕಬ್ಬಿಣ 282 ಕೆಜಿ ಪತ್ತೆಯಾಗಿದೆ. ಅಂದಗೆಡುತ್ತಿರುವ ಪ್ರಕೃತಿ ನಂದಿಬೆಟ್ಟದ ಪ್ರಕೃತಿಯಲ್ಲಿ ನಾನಾ ಜಾತಿಯ ಪಕ್ಷಿಗಳು, ಪ್ರಾಣಿಗಳು ನೆಲೆ ಕಂಡುಕೊಂಡಿವೆ. ಕಸವನ್ನು ಎಲ್ಲೆಂದರಲ್ಲಿ ಎಸೆಯುತ್ತಿರುವುದರಿಂದಾಗಿ ಪ್ರಾಣಿಗಳು ಆಹಾರದ ನೆಪದಲ್ಲಿ ಪ್ಲಾಸ್ಟಿಕ್‌ ಸೇವಿಸುತ್ತಿವೆ. ಜತೆಗೆ, ಬೆಟ್ಟದ ಅಂದಕ್ಕು ಕಸ ಅಡ್ಡಿಯನ್ನುಂಟು ಮಾಡುತ್ತಿದೆ. ಇನ್ನು ನಂದಿಬೆಟ್ಟದ ಮೇಲಿರುವ ಅಂಗಡಿಗಳಲ್ಲಿ ಪ್ಲಾಸ್ಟಿಕ್‌ ಮಾರಾಟಕ್ಕೆ ಅವಕಾಶವಿಲ್ಲ. ಕಳೆದ ಮೂರ್ನಾಲ್ಕು ವರ್ಷದಿಂದ ಈ ನಿಯಮವನ್ನು ಪಾಲಿಸಲಾಗುತ್ತಿದೆ. ಪ್ರವಾಸಿಗರು ಪ್ಲಾಸ್ಟಿಕ್‌ ಬಾಟಲಿ, ಕವರ್‌ಗಳನ್ನು ತರುವುದರಿಂದ ಸಮಸ್ಯೆ ಎದುರಾಗುತ್ತಿದೆ. ಪ್ರತಿಯೊಬ್ಬರನ್ನು ಪರಿಶೀಲಿಸಲು ಸಾಧ್ಯವಾಗದ ಹಿನ್ನೆಲೆ ಬೆಟ್ಟದ ಮೇಲೆ ಪ್ಲಾಸ್ಟಿಕ್‌ ತ್ಯಾಜ್ಯ ಹೆಚ್ಚಾಗಿ ಕಂಡುಬರುತ್ತಿದೆ ಎಂದು ನಂದಿಬೆಟ್ಟದ ವಿಶೇಷಾಧಿಕಾರಿ ಗೋಪಾಲ್‌ ತಿಳಿಸಿದ್ದಾರೆ.

from India & World News in Kannada | VK Polls https://ift.tt/3ofp6uV

ಸುಳ್ಯದಲ್ಲಿ ಕಾಂಗ್ರೆಸ್‌ ಧೂಳಿಪಟ; 18 ಪಂಚಾಯಿತಿಗಳಲ್ಲಿ ಬಿಜೆಪಿಗೆ ಪ್ರಚಂಡ ಗೆಲುವು!

ಸುಳ್ಯ: ಸುಳ್ಯದ ಒಟ್ಟು 25 ಗ್ರಾಮ ಪಂಚಾಯಿತಿಗಳಲ್ಲಿ 18 ಪಂಚಾಯಿತಿಗಳಲ್ಲಿ ಬಿ.ಜೆ.ಪಿ ಬೆಂಬಲಿತರು ಅತ್ಯಧಿಕ ಸಂಖ್ಯೆಯಲ್ಲಿ ಗೆದ್ದು ಅಧಿಕಾರ ಹಿಡಿದಿದ್ದು, 5 ಗ್ರಾಮ ಪಂಚಾಯಿತಿಗಳಲ್ಲಿ ಕಾಂಗ್ರೆಸ್‌ ಬೆಂಬಲಿತರು ಅಧಿಕಾರ ಹಿಡಿದಿದ್ದಾರೆ. ಐವರ್ನಾಡು ಮತ್ತು ದೇವಚಳ್ಳ ಪಂಚಾಯಿತಿಗಳಲ್ಲಿ ಸ್ವಾಭಿಮಾನಿ ಬಳಗ ಅಧಿಕಾರಕ್ಕೆ ಬಂದಿದ್ದು, 282 ಸ್ಥಾನಗಳಲ್ಲಿ ಬೆಂಬಲಿತ 168 ಅಭ್ಯರ್ಥಿಗಳು ಮತ್ತು ಕಾಂಗ್ರೆಸ್‌ ಬೆಂಬಲಿತ 79 ಸದಸ್ಯರು ವಿಜಯಿ ಆಗಿದ್ದಾರೆ. ಪಕ್ಷೇತರರು 35 ಕಡೆಗಳಲ್ಲಿ ವಿಜಯಿ ಆಗಿದ್ದಾರೆ. ತಾಲೂಕಿನ ಸಂಪಾಜೆ ಗ್ರಾ.ಪಂನಲ್ಲಿ ಒಟ್ಟು 14 ಸ್ಥಾನಗಳಿದ್ದು ಇದರಲ್ಲಿ ಕಾಂಗ್ರೆಸ್‌ ಬೆಂಬಲಿತ 13 ಸದಸ್ಯರು ಮತ್ತು 1 ಬಿಜೆಪಿ ಬೆಂಬಲಿತರು ಆಯ್ಕೆ ಆಗಿದ್ದಾರೆ. ಅರಂತೋಡು ಗ್ರಾ.ಪಂ.ನಲ್ಲಿ 15 ಸ್ಥಾನಗಳಲ್ಲಿ 11 ಸ್ಥಾನಗಳು ಬಿಜೆಪಿ ಪಾಲಾದರೆ ಕೇವಲ ತಲಾ 2 ಸ್ಥಾನಗಳು ಕಾಂಗ್ರೆಸ್‌ ಬೆಂಬಲಿತರು ಮತ್ತು ಪಕ್ಷೇತರರ ಪಾಲಾದವು. ಆಲೆಟ್ಟಿ ಗ್ರಾ.ಪಂನ 21 ಸ್ಥಾನಗಳಲ್ಲಿ 13 ವಾರ್ಡ್‌ಗಳಲ್ಲಿ ಬಿಜೆಪಿ ಬೆಂಬಲಿತರು ವಿಜಯಿ ಆದರೆ 8 ವಾರ್ಡ್‌ಗಳಲ್ಲಿ ಕಾಂಗ್ರೆಸ್‌ ವಿಜಯಿ ಆಗಿದ್ದಾರೆ. ಮಂಡೆಕೋಲು ಗ್ರಾ.ಪಂನ 15 ಸ್ಥಾನಗಳಲ್ಲಿ 14 ಬಿಜೆಪಿ ಮತ್ತು ಒಬ್ಬ ಕಾಂಗ್ರಸ್‌ ಸದಸ್ಯ ಆಯ್ಕೆ ಆಗಿದ್ದಾರೆ. ಅಜ್ಜಾವರ ಗ್ರಾ.ಪಂನ 18 ಸ್ಥಾನಗಳಲ್ಲಿ 10 ಮಂದಿ ಕಾಂಗ್ರೆಸ್‌ ಬೆಂಬಲಿತರು ಆಯ್ಕೆ ಆಗಿದ್ದಾರೆ. ಇದರಲ್ಲಿ5 ಸ್ಥಾನಗಳು ಬಿಜೆಪಿ ಪಾಲಾಗಿದೆ. ಮೂರು ಕ್ಷೇತ್ರದಲ್ಲಿ ಪಕ್ಷೇತರರು ಜಯ ಗಳಿಸಿದ್ದಾರೆ. ಕನಕಮಜಲು ಗ್ರಾಪಂನಲ್ಲಿ 7 ಸ್ಥಾನಗಳಿದ್ದು, ಬಿಜೆಪಿಯ 5 ಮತ್ತು ಕಾಂಗ್ರೆಸ್‌ 2 ಸದಸ್ಯರನ್ನು ಪಡೆದುಕೊಂಡಿದೆ. ಜಾಲ್ಸೂರು ಗ್ರಾ.ಪಂ.ನಲ್ಲಿ 17 ಸ್ಥಾನಗಳಿದ್ದು ಬಿಜೆಪಿ 11 ಮತ್ತು ಕಾಂಗ್ರೆಸ್‌ 3 ಸದಸ್ಯರು ಮತ್ತು 3 ಮಂದಿ ಪಕ್ಷೇತರರು ಆಯ್ಕೆ ಆಗಿದ್ದಾರೆ. ಐವರ್ನಾಡು ಪಂಚಾಯಿತಿನಲ್ಲಿ 13 ಸ್ಥಾನಗಳಿದ್ದು ಇದರಲ್ಲಿ ಬಿಜೆಪಿಯಿಂದ ಬಂಡಾಯವಾಗಿ ಸ್ಪರ್ಧೆ ಮಾಡಿದ ಸ್ವಾಭಿಮಾನಿ ಬಳಗ 12 ವಾರ್ಡ್‌ಗಳಲ್ಲಿ ಗೆದ್ದು ಅಧಿಕಾರಿ ಪಡೆದುಕೊಂಡಿದೆ. ಒಂದು ಕ್ಷೇತ್ರ ಪಕ್ಷೇತರ ಪಾಲಾಗಿದೆ. ಅಮರಮೂಡ್ನೂರು ಗ್ರಾ.ಪಂನಲ್ಲಿ ಒಟ್ಟು 17 ಸ್ಥಾನಗಳಿದ್ದು ಇದರಲ್ಲಿ 11 ಸ್ಥಾನಗಳು ಬಿಜೆಪಿ ಬೆಂಬಲಿತರ ಪಾಲಾದರೆ 4 ಸ್ಥಾನಗಳು ಕಾಂಗ್ರೆಸ್‌ ಬೆಂಬಲಿತರು ಮತ್ತು 2 ಪಕ್ಷೇತರರು ಆಯ್ಕೆ ಆಗಿದ್ದಾರೆ. ಕಳಂಜ ಗ್ರಾ.ಪಂ.ನಲ್ಲಿ 6 ಸ್ಥಾನಗಳಲ್ಲಿ ಗೆದ್ದು ಬಿಜೆಪಿ ಕ್ಲೀನ್‌ಸ್ಲೀಪ್‌ ಮಾಡಿದೆ. ಬೆಳ್ಳಾರೆ ಗ್ರಾ.ಪಂನಲ್ಲಿ ಒಟ್ಟು 14 ಸ್ಥಾನಗಳಿದ್ದು ಬಿಜೆಪಿಯ 8 ವಾರ್ಡ್‌ಗಳಲ್ಲಿ ಜಯಗಳಿಸಿ ಅಧಿಕಾರಿ ಒಲಿಸಿಕೊಂಡಿದ್ದಾರೆ. ಕಾಂಗ್ರೆಸ್‌ನ 4 ಸದಸ್ಯರು ಮತ್ತು ಇಬ್ಬರು ಎಸ್‌ಡಿಪಿಐ ಸದಸ್ಯರು ವಿಜಯಿ ಆಗಿದ್ದಾರೆ. ಪೆರುವಾಜೆ ಗ್ರಾ.ಪಂನಲ್ಲಿ 8 ಸ್ಥಾನಗಳಿದ್ದು ಕಾಂಗ್ರೆಸ್‌ ಬೆಂಬಲಿತರು 5 ವಾರ್ಡ್‌ಗಳಲ್ಲಿ ಜಯಗಳಿಸಿ ಅಧಿಕಾರ ಪಡೆದುಕೊಂಡಿದ್ದಾರೆ. ಮತ್ತು ಬಿಜೆಪಿಯ 3 ಅಭ್ಯರ್ಥಿಗಳು ವಿಜಯಿ ಆಗಿದ್ದಾರೆ. ಬಾಳಿಲ ಗ್ರಾ.ಪಂ.ನಲ್ಲಿ 10 ಸ್ಥಾನಗಳಿದ್ದು 9 ಬಿಜೆಪಿ ಸದಸ್ಯರು ಮತ್ತು ಒಬ್ಬರು ಕಾಂಗ್ರೆಸ್‌ಸ್‌ ಸದಸ್ಯರು ಜಯ ಗಳಿಸಿದ್ದಾರೆ. ಕಲ್ಮಡ್ಕದಲ್ಲಿ9 ಸ್ಥಾನಗಳಿದ್ದು ಎಲ್ಲ9 ಸ್ಥಾನಗಳನ್ನು ಕಾಂಗ್ರೆಸ್‌ ಕ್ಲೀನ್‌ಸ್ವೀಪ್‌ ಮಾಡಿಕೊಂಡಿದೆ. ಪಂಜ ಪಂಚಾಯಿತಿನಲ್ಲಿ ಒಟ್ಟು 13 ಸ್ಥಾನಗಳಿದ್ದು 10 ಸ್ಥಾನಗಳು ಬಿಜೆಪಿ ಪಾಲಾದರೆ 3 ರಲ್ಲಿ ಕಾಂಗ್ರೆಸ್‌ ವಿಜಯಿ ಆಗಿದೆ. ಹರಿಹರ ಪಲ್ಲತಡ್ಕ ಪಂಚಾಯಿತಿಯ ಒಟ್ಟು 6 ಸ್ಥಾನಗಳಲ್ಲಿ 5 ಸ್ಥಾನಗಳು ಬಿಜೆಪಿಗೆ ಮತ್ತು 1 ಸ್ಥಾನಗಳು ಕಾಂಗ್ರೆಸ್‌ ಪಾಲಾಗಿದೆ. ಕೊಲ್ಲಮೊಗ್ರ ಪಂಚಾಯಿತಿಯ ಒಟ್ಟು 8 ಸ್ಥಾನಗಳಲ್ಲಿ ಬಿಜೆಪಿ ಅಭ್ಯರ್ಥಿಗಳು ಜಯಗಳಿಸಿ ಪಂಚಾಯಿತಿಯನ್ನು ಕ್ಲೀನ್‌ ಸ್ವೀಪ್‌ ಮಾಡಿಕೊಂಡಿದೆ. ಮಡಪ್ಪಾಡಿ ಗ್ರಾ.ಪಂ.ನ 4 ಸ್ಥಾನಗಳಲ್ಲಿ ಕಾಂಗ್ರೆಸ್‌ ಜಯಗಳಿಸಿದೆ. 1 ಸ್ಥಾನ ಬಿಜೆಪಿ ಪಾಲಾಗಿದೆ. ಗುತ್ತಿಗಾರು ಗ್ರಾ.ಪಂ. 17 ಸ್ಥಾನಗಳಲ್ಲಿ ಬಿಜೆಪಿ 13 ಸ್ಥಾನಗಳಲ್ಲಿ ಗಳಿಸಿದ್ದಾರೆ. ಉಳಿದ 4 ಸ್ಥಾನಗಳಲ್ಲಿಪಕ್ಷೇತರರು ಜಯಗಳಿಸಿದ್ದಾರೆ. ದೇವಚಳ್ಳ ಗ್ರಾ.ಪಂ.ನ 10 ಸ್ಥಾನಗಳಲ್ಲಿ ಸ್ವಾಭಿಮಾನಿ ಬಳಗ 5 ಕಡೆ ಜಯಗಳಿಸಿ ಅಧಿಕಾರಕ್ಕೆ ಬಂದಿದೆ. 4 ಸ್ಥಾನಗಳಲ್ಲಿ ಬಿಜೆಪಿ ಬೆಂಬಲಿತರು ವಿಜಯಿ ಮತ್ತು ಒಂದರಲ್ಲಿ ಕಾಂಗ್ರೆಸ್‌ ಬೆಂಬಲಿತ ವಿಜಯಿ ಆಗಿದ್ದಾರೆ. ನೆಲ್ಲೂರು ಕ್ರೆಮಾಜೆಯ 8 ಸ್ಥಾನಗಳಲ್ಲಿ 6 ಸ್ಥಾನಗಳಲ್ಲಿ ಬಿಜೆಪಿ ಬೆಂಬಲಿತರು ಜಯಗಳಿದ್ದರೆ, 2 ಸ್ಥಾನಗಳಲ್ಲಿ ಕಾಂಗ್ರೆಸ್‌ ಬೆಂಬಲಿತ ಸದಸ್ಯರು ಜಯಗಳಿಸಿದ್ದಾರೆ. ಉಬರಡ್ಕ ಮಿತ್ತೂರು ಪಂಚಾಯಿತಿಯ ಒಟ್ಟು 9 ಸ್ಥಾನಗಳಲ್ಲಿ 6 ಸ್ಥಾನಗಳಲ್ಲಿ ಗೆದ್ದು ಬಿಜೆಪಿ ಬೆಂಬಲಿತರು ಆಯ್ಕೆಯಾಗಿದ್ದು 3 ಸ್ಥಾನ ಕಾಂಗ್ರೆಸ್‌ ಬೆಂಬಲಿತರು ಗೆದ್ದುಕೊಂಡಿದ್ದಾರೆ. ಮರ್ಕಂಜ ಗ್ರಾ.ಪಂ. ನ 9 ಸ್ಥಾನಗಳಲ್ಲಿ 7 ಸ್ಥಾನಗಳಲ್ಲಿ ಬಿಜೆಪಿ ಬೆಂಬಲಿತರು ಗೆದ್ದು ತಲಾ ಒಂದರಲ್ಲಿ ಕಾಂಗ್ರೆಸ್‌ ಮತ್ತು ಪಕ್ಷೇತರರು ಗೆದ್ದಿದ್ದಾರೆ. ಕೊಡಿಯಾಲ ಗ್ರಾ.ಪಂ.ನ 6 ಸ್ಥಾನಗಳಲ್ಲಿ ಬಿಜೆಪಿ 4 ಸದಸ್ಯರು ಮತ್ತು ಕಾಂಗ್ರೆಸಿನ ಬೆಂಬಲಿತದ 2 ಮಂದಿ ಆಯ್ಕೆ ಆಗಿದ್ದಾರೆ. ಮುರುಳ್ಯ ಗ್ರಾ.ಪಂನ ಒಟ್ಟು 7 ಸ್ಥಾನಗಳಲ್ಲಿ ಬಿಜೆಪಿ ಎಲ್ಲಾ ಸ್ಥಾನಗಳನ್ನು ಗೆದ್ದು ಕ್ಲಿನ್‌ ಸ್ವೀಪ್‌ ಮಾಡಿಕೊಂಡಿದೆ.

from India & World News in Kannada | VK Polls https://ift.tt/3o33p0V

ಶಹೀನ್‌ಬಾಗ್‌ನಲ್ಲಿ ಗುಂಡು ಹಾರಿಸಿದ್ದ ಕಪಿಲ್‌ ಬಿಜೆಪಿಗೆ ಸೇರ್ಪಡೆ, ಉಚ್ಚಾಟನೆ!

ಹೊಸದಿಲ್ಲಿ: ಪೌರತ್ವ ತಿದ್ದುಪಡಿ ಕಾಯಿದೆ (ಸಿಎಎ) ವಿರೋಧಿಸಿ ಕಳೆದ ವರ್ಷ ದಿಲ್ಲಿಯ ಶಹೀನ್‌ಬಾಗ್‌ ಪ್ರದೇಶದಲ್ಲಿ ನಡೆದ ದೀರ್ಘಕಾಲದ ಪ್ರತಿಭಟನೆ ವೇಳೆ ಪ್ರತಿಭಟನಾಕಾರರ ವಿರುದ್ಧ ಗುಂಡು ಹಾರಿಸಿದ್ದ ಬುಧವಾರ ಬಿಜೆಪಿಗೆ ಸೇರ್ಪಡೆಯಾಗಿದ್ದರು. ಆದರೆ ಕೆಲವೇ ಗಂಟೆಗಳಲ್ಲಿಅವರನ್ನು ಪಕ್ಷದಿಂದ ಉಚ್ಚಾಟಿಸಲಾಯಿತು. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಘಾಜಿಯಾಬಾದ್‌ ಘಟಕದ ಮುಖ್ಯಸ್ಥ ಸಂಜೀವ್‌ ಶರ್ಮಾ, '' ಬಹುಜನ ಸಮಾಜ ಪಕ್ಷದಿಂದ ನಮ್ಮ ಪಕ್ಷಕ್ಕೆ ಕಪಿಲ್‌ರನ್ನು ಸೇರ್ಪಡೆ ಮಾಡಿಕೊಂಡಿದ್ದೆವು. ಅವರ ಹಿನ್ನೆಲೆ ಬಗ್ಗೆ ಸರಿಯಾದ ಮಾಹಿತಿ ಸಿಕ್ಕಿರಲಿಲ್ಲ. ಶಹೀನ್‌ಬಾಗ್‌ ಕೃತ್ಯ ತಿಳಿಯುತ್ತಿದ್ದಂತೆ ಅವರನ್ನು ಪಕ್ಷದಿಂದ ಉಚ್ಚಾಟಿಸಿದ್ದೇವೆ,'' ಎಂದು ತಿಳಿಸಿದ್ದಾರೆ. ಪೂರ್ವ ದಿಲ್ಲಿಯ ದಲ್ಲುಪುರ ಪ್ರದೇಶ ನಿವಾಸಿಯಾದ ಕಪಿಲ್‌, ಬಿಜೆಪಿ ಸೇರ್ಪಡೆಯಾದ ಕೂಡಲೇ ಸುದ್ದಿಗಾರರಿಗೆ ಪ್ರತಿಕ್ರಿಯಿಸಿ, '' ಹಿಂದುತ್ವದ ಬಲವರ್ಧನೆಗಾಗಿ ಬಿಜೆಪಿ ಶ್ರಮಿಸುತ್ತಿದೆ. ಈ ನಿಟ್ಟಿನಲ್ಲಿ ಪಕ್ಷ ಇರಿಸುವ ಪ್ರತಿ ಹೆಜ್ಜೆಗೂ ಬೆಂಬಲ ನೀಡುತ್ತೇನೆ,'' ಎಂದಿದ್ದರು. ಕಳೆದ ವರ್ಷ ಫೆ.1ರಂದು ಶಹೀನ್‌ ಬಾಗ್‌ನಲ್ಲಿ ಪ್ರತಿಭಟನಾನಿರತ ಮಹಿಳೆಯರ ವಿರುದ್ಧ ಕಿಡಿಕಾರಿದ್ದ ಕಪಿಲ್‌ ಗುಜ್ಜರ್‌ ಅವರು ಪ್ರತಿಭಟನಾ ಸ್ಥಳಕ್ಕೆ ತೆರಳಿ ಗಾಳಿಯಲ್ಲಿ ಗುಂಡಿ ಹಾರಿಸಿ ಬೆದರಿಕೆವೊಡ್ಡಿದ್ದರು. ಸ್ಥಳದಲ್ಲಿದ್ದ ಪೊಲೀಸರು ಕಪಿಲ್‌ರನ್ನು ವಶಕ್ಕೆ ಪಡೆದು ಕರೆದೊಯ್ಯುತ್ತಿದ್ದಾಗ, 'ಜೈಶ್ರೀರಾಮ್‌', 'ಹಿಂದೂ ರಾಷ್ಟ್ರವಾದಿ ಕ್ಷೇತ್ರ' ಎಂಬ ಘೋಷಣೆಗಳನ್ನು ಕೂಗಿದ್ದರು. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್‌ ಆಗಿತ್ತು. 25ಸಾವಿರ ರೂ. ವೈಯಕ್ತಿಕ ಬಾಂಡ್‌ ಸಲ್ಲಿಕೆ ನಂತರ ದಿಲ್ಲಿಯ ಸ್ಥಳೀಯ ಕೋರ್ಟ್‌ ಗುಜ್ಜರ್‌ಗೆ ಜಾಮೀನು ನೀಡಿತ್ತು. ಕಪಿಲ್‌ ಮತ್ತು ಆತನ ಕುಟುಂಬಸ್ಥರಿಗೆ ಆಪ್‌ ಪಕ್ಷದಿಂದ ಬೆಂಬಲವಿದೆ ಎಂಬರ್ಥ ಬಿಂಬಿಸುವ ಹಲವು ಫೋಟೊಗಳು ಕೂಡ ಇದೇ ವೇಳೆ ವೈರಲ್‌ ಆಗಿದ್ದವು.

from India & World News in Kannada | VK Polls https://ift.tt/2KNGVCF

Inspiration:ಗುಡಿಸಲಿನಲ್ಲಿ ಬೆಳೆದು ಮೆಡಿಕಲ್‌ ಬಿಎಸ್ಸಿ ಪದವಿ ಪಡೆದ ಮಮತಾ ಈಗ ಪಾವೂರು ಗ್ರಾಪಂ ಸದಸ್ಯೆ!

ಕೊಣಾಜೆ: ಡೇರೆಯಲ್ಲೇ ಬೆಳೆದು ಕಷ್ಟ ಪಟ್ಟು ಬಿಎಸ್‌ಸಿ ಪದವಿ ಪಡೆದ ಹೆಣ್ಣು ಮಗಳೊಬ್ಬಳು ಇದೀಗ ಗ್ರಾಮ ಪಂಚಾಯಿತಿ ಸದಸ್ಯೆಯಾಗಿ ಆಯ್ಕೆಯಾಗಿದ್ದಾಳೆ. ಮಂಗಳೂರು ತಾಲೂಕಿನ ಪಾವೂರಿನ ಜನತೆ ತಮ್ಮ ಕಣ್ಣೆದುರಿಗೆ ಕಷ್ಟಪಟ್ಟು ಬೆಳೆದ ಮಮತಾ ಎಂಬ ಹೆಣ್ಣು ಮಗಳೊಬ್ಬಳನ್ನು ಬಿಜೆಪಿ ಬೆಂಬಲಿತ ಸದಸ್ಯೆಯಾಗಿ ಗ್ರಾಮ ಪಂಚಾಯಿತಿಗೆ ಆರಿಸಿ ಕಳುಹಿಸಿದ್ದಾರೆ. ಕಳೆದ ಹಲವು ಚುನಾವಣೆಯಲ್ಲಿ ಇಲ್ಲಿ ಕಾಂಗ್ರೆಸ್‌ ಬೆಂಬಲಿತ ಅಭ್ಯರ್ಥಿಗಳೇ ಜಯಗಳಿಸಿದ್ದು, ಇದೇ ಮೊದಲ ಬಾರಿ ಬಿಜೆಪಿ ಬೆಂಬಲಿತ ಮಮತಾ ಅವರನ್ನು ತಮ್ಮ ಪ್ರತಿನಿಧಿಯಾಗಿ ಆಯ್ಕೆ ಮಾಡಿದ್ದಾರೆ. ಉಡುಪಿ ಮೂಲದವರಾದ ಮಮತಾ ತಂದೆ ಕೃಷ್ಣಪ್ಪ, ತಾಯಿ ಪ್ರೇಮ ವಲಸೆ ಕಾರ್ಮಿಕರಾಗಿ ಊರೂರು ಸುತ್ತಿ ಬೀದಿ ಬದಿ ಡೇರೆ ಹಾಕಿ ಜೀವನ ನಡೆಸುತ್ತಿದ್ದರು. 1995ರ ಸಮಯ ಏಕಾಏಕಿ ಕಾಣೆಯಾದ ತಂದೆಯ ನೆನಪಲ್ಲೇ ತಾಯಿ ಪ್ರೇಮ ಹಾಗೂ ಅವರ ಮೂವರು ಮಕ್ಕಳಾದ ಶಿವ, ಭೋಜ ಹಾಗೂ ಮಮತಾ ಅವರು ಪಜೀರು, ಪಾವೂರು, ಇನೋಳಿಯ ರಸ್ತೆ ಬದಿ, ಶೌಚ ಕೊಠಡಿ, ದನದ ಹಟ್ಟಿಯಲ್ಲಿ ವಾಸವಾಗಿದ್ದರು. ಶಿವ ಕ್ಯಾನ್ಸರ್‌ ಕಾಯಿಲೆ ತುತ್ತಾಗಿ ಅನಾರೋಗ್ಯದಿಂದಿದ್ದು, ಭೋಜ ಹಾಗೂ ಮಮತಾ ಅವರನ್ನು ಸ್ಥಳೀಯ ಶಿಕ್ಷಕ ಮಧು ಮೇಷ್ಟ್ರು ತನ್ನದೇ ಮುತುವರ್ಜಿಯಲ್ಲಿ ಮಲಾರ್‌ ಪದವು ಶಾಲೆಗೆ ಸೇರಿಸಿದ್ದರು.

ಉನ್ನತ ಶಿಕ್ಷಣ ಪಡೆಯಬೇಕೆಂಬ ಆಸೆಯಿಂದ ಕೆಲ ದಾನಿಗಳ ಸಹಕಾರದಿಂದ ಬೆಂಗಳೂರಿಗೆ ಆಗಮಿಸಿದ ಮಮತಾ ನಾಲ್ಕು ವರ್ಷಗಳ ಕಾಲ ಬೆಂಗಳೂರು ನಗರದಲ್ಲಿರುವ ಬೆಂಗಳೂರು ಸರಕಾರಿ ಮೆಡಿಕಲ್‌ ಕಾಲೇಜಿನಲ್ಲಿ ಉನ್ನತ ಶಿಕ್ಷಣ ಪಡೆದು, 2020ರಲ್ಲಿ ಮೆಡಿಕಲ್‌ ವಿಭಾಗದಲ್ಲಿ ಬಿಎಸ್ಸಿ ಪದವೀಧರೆಯಾಗಿ ಅತ್ಯುನ್ನತ ಶ್ರೇಣಿಯಲ್ಲಿ ಪಾಸಾಗಿದ್ದರು. ಲಕ್ಷಾಂತರ ರೂ. ವೆಚ್ಚಮಾಡಿ ಶಿಕ್ಷಣ ಪಡೆಯುವ ಸಾವಿರಾರು ವಿದ್ಯಾರ್ಥಿಗಳ ಮಧ್ಯೆ ಬೆಂಗಳೂರಿನ ಆನೆಪಾಳ್ಯ ಎಂಬ ಕೊಳೆಗೇರಿ ಪ್ರದೇಶದಲ್ಲಿ ವಾಸಿಸುತ್ತಲೇ ಮಮತಾ ಅವರು ಮೆಡಿಕಲ್‌ ಬಿಎಸ್ಸಿ ಪದವೀಧರೆಯಾಗಿದ್ದರು

ಕೊಣಾಜೆ:

ಡೇರೆಯಲ್ಲೇ ಬೆಳೆದು ಕಷ್ಟ ಪಟ್ಟು ಬಿಎಸ್‌ಸಿ ಪದವಿ ಪಡೆದ ಹೆಣ್ಣು ಮಗಳೊಬ್ಬಳು ಇದೀಗ ಗ್ರಾಮ ಪಂಚಾಯಿತಿ ಸದಸ್ಯೆಯಾಗಿ ಆಯ್ಕೆಯಾಗಿದ್ದಾಳೆ. ಮಂಗಳೂರು ತಾಲೂಕಿನ ಪಾವೂರಿನ ಜನತೆ ತಮ್ಮ ಕಣ್ಣೆದುರಿಗೆ ಕಷ್ಟಪಟ್ಟು ಬೆಳೆದ ಮಮತಾ ಎಂಬ ಹೆಣ್ಣು ಮಗಳೊಬ್ಬಳನ್ನು ಬಿಜೆಪಿ ಬೆಂಬಲಿತ ಸದಸ್ಯೆಯಾಗಿ ಗ್ರಾಮ ಪಂಚಾಯಿತಿಗೆ ಆರಿಸಿ ಕಳುಹಿಸಿದ್ದಾರೆ. ಕಳೆದ ಹಲವು ಚುನಾವಣೆಯಲ್ಲಿ ಇಲ್ಲಿ ಕಾಂಗ್ರೆಸ್‌ ಬೆಂಬಲಿತ ಅಭ್ಯರ್ಥಿಗಳೇ ಜಯಗಳಿಸಿದ್ದು, ಇದೇ ಮೊದಲ ಬಾರಿ ಬಿಜೆಪಿ ಬೆಂಬಲಿತ ಮಮತಾ ಅವರನ್ನು ತಮ್ಮ ಪ್ರತಿನಿಧಿಯಾಗಿ ಆಯ್ಕೆ ಮಾಡಿದ್ದಾರೆ. ಉಡುಪಿ ಮೂಲದವರಾದ ಮಮತಾ ತಂದೆ ಕೃಷ್ಣಪ್ಪ, ತಾಯಿ ಪ್ರೇಮ ವಲಸೆ ಕಾರ್ಮಿಕರಾಗಿ ಊರೂರು ಸುತ್ತಿ ಬೀದಿ ಬದಿ ಡೇರೆ ಹಾಕಿ ಜೀವನ ನಡೆಸುತ್ತಿದ್ದರು. 1995ರ ಸಮಯ ಏಕಾಏಕಿ ಕಾಣೆಯಾದ ತಂದೆಯ ನೆನಪಲ್ಲೇ ತಾಯಿ ಪ್ರೇಮ ಹಾಗೂ ಅವರ ಮೂವರು ಮಕ್ಕಳಾದ ಶಿವ, ಭೋಜ ಹಾಗೂ ಮಮತಾ ಅವರು ಪಜೀರು, ಪಾವೂರು, ಇನೋಳಿಯ ರಸ್ತೆ ಬದಿ, ಶೌಚ ಕೊಠಡಿ, ದನದ ಹಟ್ಟಿಯಲ್ಲಿ ವಾಸವಾಗಿದ್ದರು. ಶಿವ ಕ್ಯಾನ್ಸರ್‌ ಕಾಯಿಲೆ ತುತ್ತಾಗಿ ಅನಾರೋಗ್ಯದಿಂದಿದ್ದು, ಭೋಜ ಹಾಗೂ ಮಮತಾ ಅವರನ್ನು ಸ್ಥಳೀಯ ಶಿಕ್ಷಕ ಮಧು ಮೇಷ್ಟ್ರು ತನ್ನದೇ ಮುತುವರ್ಜಿಯಲ್ಲಿ ಮಲಾರ್‌ ಪದವು ಶಾಲೆಗೆ ಸೇರಿಸಿದ್ದರು.

ಡೇರೆಯಲ್ಲೇ ವಾಸ!

ಪತಿ ನಾಪತ್ತೆಯಾದ ದುಃಖದ ನಡುವೆಯೂ ತಾಯಿ ಪ್ರೇಮ ಸ್ಥಳೀಯ ಕೋರೆ, ಮನೆ ಮನೆ ತೆರಳಿ ಮನೆ ಗೆಲಸ ಮಾಡಿ ವಿದ್ಯಾಭ್ಯಾಸ ನಡೆಸುವ ಮಕ್ಕಳ ಜತೆ ಡೇರೆಯಲ್ಲೇ ದಿನ ಕಳೆದಿದ್ದರು. 2006ರಿಂದ ಮಮತಾ ಅವರು ಮಚ್ಚಿನ ಮೊರಾರ್ಜಿ ದೇಸಾಯಿ ವಿದ್ಯಾಸಂಸ್ಥೆಯಲ್ಲಿ ಪ್ರೌಢ ಶಿಕ್ಷಣ, ಬಳಿಕ ದೇರಳಕಟ್ಟೆ ಮೊರಾರ್ಜಿ ದೇಸಾಯಿಯಲ್ಲಿ ವಿಜ್ಞಾನ ವಿಭಾಗದಲ್ಲಿ ಅತ್ಯುನ್ನತ ಶ್ರೇಣಿಯಲ್ಲಿ ಪಿಯುಸಿ ಪಾಸಾಗಿದ್ದರು. ನಂತರ ಮಂಗಳೂರಿನ ಕೊಲಾಸೋ ವಿದ್ಯಾಸಂಸ್ಥೆಯಲ್ಲಿ ಲ್ಯಾಬ್‌ ಟೆಕ್ನಿಷಿಯನ್‌ ಡಿಪ್ಲೋಮಾ ಪದವಿ ಪೂರೈಸಿದ್ದರು.

ಬೆಳ್ತಂಗಡಿಯಲ್ಲಿ ಬಿಜೆಪಿ ಬೆಂಬಲಿತರ ಭರ್ಜರಿ ಬೇಟೆ, ಶಾಸಕ ಹರೀಶ್‌ ಪೂಂಜಾ ನೇತೃತ್ವದಲ್ಲಿ ವಿಜಯೋತ್ಸವ!

ಕೊಳಗೇರಿಯಲ್ಲಿದ್ದು ಮೆಡಿಕಲ್‌ ಬಿಎಸ್ಸಿ ಪದವಿ!

ಉನ್ನತ ಶಿಕ್ಷಣ ಪಡೆಯಬೇಕೆಂಬ ಆಸೆಯಿಂದ ಕೆಲ ದಾನಿಗಳ ಸಹಕಾರದಿಂದ ಬೆಂಗಳೂರಿಗೆ ಆಗಮಿಸಿದ ಮಮತಾ ನಾಲ್ಕು ವರ್ಷಗಳ ಕಾಲ ಬೆಂಗಳೂರು ನಗರದಲ್ಲಿರುವ ಬೆಂಗಳೂರು ಸರಕಾರಿ ಮೆಡಿಕಲ್‌ ಕಾಲೇಜಿನಲ್ಲಿ ಉನ್ನತ ಶಿಕ್ಷಣ ಪಡೆದು, 2020ರಲ್ಲಿ ಮೆಡಿಕಲ್‌ ವಿಭಾಗದಲ್ಲಿ ಬಿಎಸ್ಸಿ ಪದವೀಧರೆಯಾಗಿ ಅತ್ಯುನ್ನತ ಶ್ರೇಣಿಯಲ್ಲಿ ಪಾಸಾಗಿದ್ದರು. ಲಕ್ಷಾಂತರ ರೂ. ವೆಚ್ಚಮಾಡಿ ಶಿಕ್ಷಣ ಪಡೆಯುವ ಸಾವಿರಾರು ವಿದ್ಯಾರ್ಥಿಗಳ ಮಧ್ಯೆ ಬೆಂಗಳೂರಿನ ಆನೆಪಾಳ್ಯ ಎಂಬ ಕೊಳೆಗೇರಿ ಪ್ರದೇಶದಲ್ಲಿ ವಾಸಿಸುತ್ತಲೇ ಮಮತಾ ಅವರು ಮೆಡಿಕಲ್‌ ಬಿಎಸ್ಸಿ ಪದವೀಧರೆಯಾಗಿದ್ದರು.

ಉಜಿರೆಯಲ್ಲಿ'ಪಾಕಿಸ್ತಾನ ಜಿಂದಾಬಾದ್‌' ಘೋಷಣೆ ಕೂಗಿದ ಎಸ್‌ಡಿಪಿಐ

ಮಮತಾ ಹೇಳುವುದೇನು?

ನನ್ನ ಜೀವನ ನನಗೆ ಬದುಕುವ ಪಾಠ ಕಲಿಸಿದೆ. ದೇಶದ ಸಾಮಾಜಿಕ ಹಾಗೂ ರಾಜಕೀಯ ವ್ಯವಸ್ಥೆಯಲ್ಲಿಸಂಪತ್ತಿನ ಸಮಾನ ಹಂಚಿಕೆ, ಬಳಕೆಯಾಗದಿರುವುದರಿಂದಲೇ ಹಳ್ಳಿಯ ಜನರು ಬಡತನದಲ್ಲೇ ಕಾಲ ಕಳೆಯುವಂತಾಗಿದೆ. ನನಗೆ ನನ್ನ ಜೀವನ ರೂಪಿಸುವಂತಹ ಶಿಕ್ಷಣ ದೊರಕಿದ್ದರೇನಂತೆ ಗ್ರಾಮೀಣ ಜನತೆ ಇನ್ನೂ ತಮ್ಮ ಸ್ವಂತ ಜೀವನ ರೂಪಿಸುವಂತಹ ವ್ಯವಸ್ಥೆಯಾಗಿಲ್ಲ. ಈ ನಿಟ್ಟಿನಲ್ಲಿ ನಾನು ಓಡಾಡಿ ಬೆಳೆದ ಹಳ್ಳಿಗೆ ಮತ್ತೆ ಹಿಂತಿರುಗುವ ಯೋಜನೆ ಮಾಡಿದೆ. ಪ್ರಸ್ತುತ ನನ್ನ ಯೋಜನೆಗೆ ರಾಜಕೀಯ ಬೆಂಬಲವೂ ಸಿಕ್ಕಿದೆ. ನಾನು ನಡೆದು ಬಂದ ಅಲೆಮಾರಿ ಜೀವನ, ಕಷ್ಟದ ದಾರಿ ನನಗೆ ನೆನಪಿದೆ, ಅಂತಹ ಕಷ್ಟ ಮುಂದೆ ಯಾರಿಗೂ ಬರಬಾರದು ಎಂಬ ಆಸೆಯೊಂದಿಗೆ ರಾಜಕೀಯ ಪ್ರವೇಶಿಸಿದ್ದೇನೆ ಎಂದು ಪಾವೂರು ಗ್ರಾಪಂನ ನೂತನ ಸದಸ್ಯೆ ಮಮತಾ ತಿಳಿಸಿದ್ದಾರೆ.

from India & World News in Kannada | VK Polls https://ift.tt/3aXkjKK

ಪಾದರಾಯನಪುರದ 11 ರಸ್ತೆಗಳಿಗೆ ಒಂದೇ ಸಮುದಾಯದವರ ಹೆಸರು ನಾಮಕರಣಕ್ಕೆ ವಿರೋಧ..!

ಬೆಂಗಳೂರು: ಬಿಬಿಎಂಪಿಯು ವಾರ್ಡ್‌ ವ್ಯಾಪ್ತಿಯಲ್ಲಿ ಬರುವ ಅಡ್ಡ ರಸ್ತೆಗಳು, ಮುಖ್ಯ ರಸ್ತೆಗಳಿಗೆ ಒಂದೇ ಸಮುದಾಯದ ಸಮಾಜ ಸೇವಕರ ಹೆಸರನ್ನು ನಾಮಕರಣ ಮಾಡಲು ತೀರ್ಮಾನಿಸಿದೆ. ಇದಕ್ಕೆ ಕೆಲ ಸಾರ್ವಜನಿಕರಿಂದ ತೀವ್ರ ವಿರೋಧ ವ್ಯಕ್ತವಾಗಿದೆ. ಪಾದರಾಯನಪುರ ವಾರ್ಡ್‌ನ 11 ರಸ್ತೆಗಳಿಗೆ ಒಂದೇ ಸಮುದಾಯದ ಸಮಾಜ ಸೇವಕರ ಹೆಸರನ್ನು ನಾಮಕರಣ ಮಾಡಲು ಸೆ.8ರಂದು ನಡೆದ ಪಾಲಿಕೆ ಕೌನ್ಸಿಲ್‌ ಸಭೆಯಲ್ಲಿ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಬಿಜೆಪಿ ಆಡಳಿತಾವಧಿಯಲ್ಲಿ ಸದಸ್ಯರ ಅವಧಿ ಸೆ.10ಕ್ಕೆ ಅಂತ್ಯವಾಯಿತು. ಈ ಹಿನ್ನೆಲೆ ಅಧಿಕಾರಾವಧಿ ಅಂತ್ಯಕ್ಕೆ ಎರಡು ದಿನ ಬಾಕಿ ಇರುವಾಗ ನಡೆದ ಸಭೆಯಲ್ಲಿ ಈ ನಿರ್ಣಯ ಕೈಗೊಳ್ಳಲಾಗಿತ್ತು. ಅಲ್ಲದೇ ನಾಮಕರಣಕ್ಕೆ ಸಂಬಂಧಿಸಿದಂತೆ ಆಕ್ಷೇಪಣೆಗಳಿದ್ದರೆ 30 ದಿನಗಳೊಳಗೆ ಸಲ್ಲಿಸಬಹುದಾಗಿದೆ ಎಂದು ತಿಳಿಸಲಾಗಿತ್ತು. ಪಾದರಾಯನಪುರದ ಎಚ್‌.ಎಂ.ರಸ್ತೆಗೆ ಪೆಹಲ್ವಾನ್‌ ಫಾರೂಕ್‌ ಪಾಶ ಸಾಬ್‌ ಸರ್ಕಲ್‌, 10ನೇ ಅಡ್ಡರಸ್ತೆಗೆ ಪೆಹಲ್ವಾನ್‌ ಫಾರೂಕ್‌ ಪಾಶ ಸಾಬ್‌ ರಸ್ತೆ, 7ನೇ ಅಡ್ಡರಸ್ತೆಗೆ ಟೋಪಿ ರಫೀಕ್‌ ಸಾಬ್‌ ರಸ್ತೆ, 7ನೇ ಮುಖ್ಯರಸ್ತೆಗೆ ರೋಷನ್‌ ಫಯಾಜ್‌ ಸಂಗಮ ಸರ್ಕಲ್‌, 9ನೇ ಅಡ್ಡರಸ್ತೆಗೆ ಆಲೀಲ್‌ ಪಟೇಲ್‌ ರಸ್ತೆ, ವಿನಾಯಕನಗರದ 7ನೇ ಅಡ್ಡರಸ್ತೆಗೆ ಎಲ್ದಿರ್‌ ಬಾಬುಸಾಬ್‌ ರಸ್ತೆ, ಪಾದರಾಯನಪುರದ 8ನೇ ಮುಖ್ಯರಸ್ತೆಗೆ ಹಾಜಿ ಹಬೀಬ್‌ ಬೇಗ್‌ ರಸ್ತೆ, 11ನೇ 'ಸಿ' ಅಡ್ಡರಸ್ತೆಗೆ ಹಾಜಿ ವಝೀರ್‌ ಸಾಬ್‌ ರಸ್ತೆ, ರೆಹ್ಮಾನಿಯಾ ಮಸೀದಿ ರಸ್ತೆಯ 9ನೇ ಅಡ್ಡರಸ್ತೆಗೆ ಹಾಜಿ ಶಾಮಿರ್‌ ಸಾಬ್‌ ರಸ್ತೆ, 13ನೇ 'ಸಿ' ಅಡ್ಡರಸ್ತೆಗೆ ಹಾಜಿ ದಸ್ತಗೀರ್‌ ರಸ್ತೆ, 10ನೇ ಮುಖ್ಯರಸ್ತೆಗೆ ಹಾಜಿ ನೂರ್‌ ಸಾಬ್‌ ರಸ್ತೆ ಎಂದು ನಾಮಕರಣ ಮಾಡಲು ತೀರ್ಮಾನಿಸಲಾಗಿದೆ. ಆದರೆ ಇದೀಗ ಒಂದೇ ಸಮುದಾಯದ ಸಮಾಜ ಸೇವಕರ ಹೆಸರನ್ನು ರಸ್ತೆಗೆ ಇಡಲು ತೀರ್ಮಾನ ಮಾಡಿರೋದಕ್ಕೆ ಭಿನ್ನ ಸಮುದಾಯದ ಕೆಲ ಸಂಘಟನೆಗಳಿಂದ ವಿರೋಧ ವ್ಯಕ್ತವಾಗಿದೆ.

from India & World News in Kannada | VK Polls https://ift.tt/3n1qxvp

ಕುಡುಪು ಶ್ರೀ ಅನಂತ ಪದ್ಮನಾಭ ದೇವಸ್ಥಾನದಲ್ಲಿ ತುಳು ಲಿಪಿ ಹಾಗೂ ಕನ್ನಡ ಭಾಷೆಯ 4 ಶಾಸನ ಪತ್ತೆ

ಮಂಗಳೂರು: ದಕ್ಷಿಣ ಭಾರತದ ಪ್ರಸಿದ್ಧ ನಾಗಾರಾಧನಾ ಕ್ಷೇತ್ರ ಕುಡುಪು ಶ್ರೀ ಅನಂತ ಪದ್ಮನಾಭ ದೇವಸ್ಥಾನದಲ್ಲಿ ಪ್ರಾಚೀನ ಕಾಲಕ್ಕೆ ಸಂಬಂಧಿಸಿದ ಎರಡು ಹಾಗೂ ಭಾಷೆಯನ್ನು ಒಳಗೊಂಡ ಅಪ್ರಕಟಿತ ಹಾಗೂ ಎರಡು ಕನ್ನಡ ಭಾಷೆಯಲ್ಲಿರುವ ಪ್ರಕಟಿತ ಶಾಸನಗಳು ಪತ್ತೆಯಾಗಿದೆ. ಲಿಪಿ ಲಕ್ಷಣದ ಆಧಾರದ ಮೇಲೆ ಶಾಸನವನ್ನು 12-13 ನೇ ಶತಮಾನದ್ದೆಂದು ಗುರುತಿಸಲಾಗಿದ್ದು, ಸುಮಾರು 700ರಿಂದ 800 ವರ್ಷಕ್ಕೂ ಮೊದಲೇ ಅಂದರೆ 12 ನೇ ಶತಮಾನದಲ್ಲಿ ಈ ಕ್ಷೇತ್ರದಲ್ಲಿ ನಾಗಾರಾಧನೆ ಇತ್ತು ಎನ್ನುವುದಕ್ಕೆ ಈ ಶಾಸನ ಪ್ರಮುಖ ದಾಖಲೆಯಾಗುತ್ತದೆ. ಶಾಸನ ಸಂಶೋಧಕರಾದ ಸುಭಾಸ್‌ ನಾಯಕ್‌ ಬಂಟಕಲ್ಲು ಅವರು ಈ ಶಾಸನಗಳ ಸಮಗ್ರ ಅಧ್ಯಯನ ನಡೆಸಿ ಮಾಹಿತಿ ನೀಡಿದ್ದಾರೆ. ಕ್ಷೇತ್ರದ ನಾಗಬನ ಹಾಗೂ ಭದ್ರಾ ಸರಸ್ವತಿ ಕೆರೆಯ ಬಳಿ ಇರುವ ಎರಡು ಶಿಲಾ ಶಾಸನಗಳು ತುಳು ಲಿಪಿ ಹಾಗೂ ತುಳು ಭಾಷೆಯಲ್ಲಿದ್ದು ಈ ಎರಡು ಶಾಸನಗಳು ಅಪ್ರಕಟಿತವಾಗಿದ್ದು ನಾಗಬನದ ಬಳಿ ಇರುವ ಶಿಲಾ ಶಾಸನದ ಮುಂಭಾಗದ ಮೇಲೆ ಮೂರು ಹೆಡೆಯ ನಾಗನ ಚಿತ್ರವಿದ್ದು ಶಾಸನದ ಮುಂಬದಿಯಲ್ಲಿರುವ ಮಾಹಿತಿ ಶಾಸನದ ಹಿಂಬದಿಯಲ್ಲಿ ಮುಂದುವರಿದಿದೆ. ಹಿಂಬದಿಯ ಶಾಸನವು ಪ್ರತ್ಯೇಕ ಶಾಸನವಾಗಿದೆ. ಈ ಶಾಸನದ ಮುಂಬದಿಯಲ್ಲಿ 12 ಸಾಲು ಬರಹವಿದೆ. ಹಾಗೂ ಹಿಂಬದಿಯಲ್ಲಿ 12 ಸಾಲು ಬರಹವಿದೆ. ಶಾಸನದ ಎರಡೂ ಬದಿಯಲ್ಲಿರುವ ಮಾಹಿತಿ ಪ್ರತ್ಯೇಕ ವಿಷಯವನ್ನು ಒಳಗೊಂಡ ದಾನ ಶಾಸನವಾಗಿದೆ. ಶಾಸನದ ಗಾತ್ರವು 41 ಇಂಚು ಎತ್ತರ ಹಾಗೂ 16 ಇಂಚು ಅಗಲವನ್ನು ಹೊಂದಿದೆ. ಶಾಸನ ಪಳಂತುಳು ಭಾಷೆಯಲ್ಲಿ ಇರುವುದರಿಂದ ಶಬ್ಧ ಸಂಯೋಜನೆ ಹಾಗೂ ಅರ್ಥೈಸುವುದು ಕಷ್ಟವಾಗಿದೆ. ಮುಂಬದಿಯ ಶಾಸನದಲ್ಲಿ ಕುಡುಪಿನ ದೇವರಿಗೆ ರಾಜನು ಹತ್ತನೇ ಒಂದು ಭಾಗದ ಆದಾಯವನ್ನು ದಾನ ಮಾಡಿದ ವಿಷಯವಿದೆ. ಹಿಂಬದಿಯ ಶಾಸನದಲ್ಲಿ ಕಾಲಮಾನ, ಸಂವತ್ಸರದ ಮಾಹಿತಿ ಇದೆ. ಮೀನದಲ್ಲಿ ಗುರು ಇದ್ದಾಗ ತುಲಾ ಮಾಸದಲ್ಲಿ ಕುಡುಪಿನ ಶ್ರೀ ದೇವರಿಗೆ ಯಾವುದೋ ಗ್ರಾಮದಿಂದ ಬಂದ ತೆರಿಗೆಯನ್ನು ದಾನ ನೀಡಿದ ವಿವರವಿದೆ. ಈ ಶಾಸನದಲ್ಲಿ ಶಾಸಾಶಯನನ್ನು ಗುರುತಿಸಬಹುದು. ದೇವಸ್ಥಾನದ ರಥದ ಕೊಟ್ಟಿಗೆ ಬಳಿ ಹಾಗೂ ಹೊರ ಪ್ರಾಕಾರದಲ್ಲಿ ಕನ್ನಡ ಭಾಷೆಯಲ್ಲಿ ಕಂಡುಬಂದ ಎರಡು ಪ್ರಕಟಿತ ಶಾಸನಗಳಿದ್ದು, ಈ ಶಾಸನಗಳು ಸೌತ್‌ ಇಂಡಿಯನ್‌ ಇಸ್ಸ್‌ ಕ್ರಿಷ್ಸನ್‌ ನಲ್ಲಿರುವ ಭಾಗ 27ರಲ್ಲಿರುವ ಶಾಸನ ಸಂಖ್ಯೆ 56 ಹಾಗೂ 234 ರಲ್ಲಿ ಪ್ರಕಟಿತವಾಗಿದೆ. ಈ ಎರಡು ಶಾಸನಗಳು ಕ್ರಮವಾಗಿ 1325 ಹಾಗೂ 1355 ಇಸವಿಯಲ್ಲಿ ಗ್ರಾನೈಟ್‌ ಶಿಲೆಯಲ್ಲಿ ಬರೆದ ಶಾಸನವಾಗಿದೆ. 4 ಇಂಚು ದಪ್ಪ 55 ಇಂಚು ಎತ್ತರ ಹಾಗೂ 29 ಇಂಚು ಅಗಲದಲ್ಲಿರುವ ಮೊದಲ ಶಾಸನದಲ್ಲಿ ವಿಜಯನಗರದ ದೊರೆ ಶ್ರೀ ವೀರ ಬುಕ್ಕರಾಯನ ವಿರೂಪದಲ್ಲಿ ಪಂಡರೀದೇವ ಮಂಗಳೂರು ರಾಜ್ಯವನ್ನು (ಗವರ್ನರ್‌) ಆಳುವಾಗ ಕುಡುಪಿನ ಶ್ರೀ ದೇವರ ನೈವೇದ್ಯಕ್ಕೆ ಮಾಲೂರು ಗ್ರಾಮದಿಂದ ನೀಡಿದ ಸುವಸ್ತುಗಳ ಕುರಿತು ವಿಚಾರವಿದೆ. ಎರಡನೇ ಶಾಸನವು ಪಾಂಡ್ಯ ಚಕ್ರವರ್ತಿ ರಾಯ ಗಜಾಂಕುಶ ಬಿರುದಾಂಕಿತ ಆಳುವ ದೊರೆ ವೀರ ಸೋಯರಾಯನ ಬರೆದ ಶಾಸನವಾಗಿದ್ದು ಈ ಶಾಸನದಲ್ಲಿ ಕುಡುಪಿನ ಶ್ರೀ ದೇವರಿಗೆ ಸಲ್ಲುವ ಹಣದ ಆದಾಯದ ಕುರಿತು ಉಲ್ಲೇಖಿತವಾಗಿದೆ. ಈ ಶಾಸನದ ಮೇಲ್ಭಾಗದಲ್ಲಿ ಸೂರ್ಯ, ಚಂದ್ರ, ಖಡ್ಗ ಇತ್ತು ಹಾಗೂ ಮದ್ಯದಲ್ಲಿ ಮೂರು ಹೆಡೆಯ ನಾಗದೇವರನ್ನು ಕಾಣಬಹುದಾಗಿದೆ. ಈ ತುಳು ಶಾಸನವನ್ನು ಓದಿ ಅರ್ಥೈಸುವಲ್ಲಿ ಕಾಸರಗೋಡು ಕಾಲೇಜಿನ ಕನ್ನಡ ಉಪನ್ಯಾಸಕ ಡಾ.ರಾಧಾಕೃಷ್ಣ ಬೆಳ್ಳೂರು ಸಹಕರಿಸಿದ್ದಾರೆ. ಕ್ಷೇತ್ರದ ಕಾರ್ಯನಿರ್ವಹಣಾಧಿಕಾರಿ ಜಯಮ್ಮ, ಆಡಳಿತ ಅನುವಂಶಿಕ ಮೊಕ್ತೇಸರ ಕೆ.ನರಸಿಂಹ ತಂತ್ರಿ, ಅನುವಂಶೀಕ ಮೊಕ್ತೇಸರ ಹಾಗೂ ಪವಿತ್ರ ಪಾಣಿ ಕೆ.ಬಾಲಕೃಷ್ಣ ಕಾರಂತ, ಮೊಕ್ತೇಸರರಾದ ಭಾಸ್ಕರ ಕೆ., ಕೆ.ಮನೋಹರ ಭಟ್‌, ಕೆ.ಕೃಷ್ಣರಾಜ ತಂತ್ರಿ, ಶ್ರೀಶ ಸಾಮಗ, ಕ್ಷೇತ್ರದ ಅರ್ಚಕರಾದ ರವಿ ಭಟ್‌ ಕೌಡೂರು, ದಿನೇಶ್‌ ಪೆಜತ್ತಾಯ, ಸೋಮಶೇಖರ ಭಟ್‌, ದೇವಾಲಯದ ಸಿಬ್ಬಂದಿ ವರ್ಗ, ಯುವ ತುಳುನಾಡು ಸಂಘಟನೆಯ ರಿತೇಶ್‌, ರಕ್ಷನ್‌, ಸನತ್‌ ಈ ಕಾರ್ಯಕ್ರಮದಲ್ಲಿ ಸಹಕರಿಸಿದ್ದರು. ಈ ಶಾಸನದ ಪೂರ್ಣ ಅಧ್ಯಯನವು ಇನ್ನೂ ಮುಂದುವರಿದಿದೆ.

from India & World News in Kannada | VK Polls https://ift.tt/382K7Ty

ಆಸ್ಪತ್ರೆಯ ಶೌಚಾಲಯದಲ್ಲಿ ಪಿಪಿಇ ಕಿಟ್‌ ಕಳಚಿ ಕೊರೊನಾ ಸೋಂಕಿತನೊಂದಿಗೆ ನರ್ಸ್‌ ಲೈಂಗಿಕ ಕ್ರಿಯೆ, ಸಸ್ಪೆಂಡ್‌!

ಜಕಾರ್ತ:ಇಂಡೋನೇಷ್ಯಾದ ಕ್ವಾರಂಟೈನ್‌ ಕೇಂದ್ರದಲ್ಲಿ ಕೊರೊನಾ ಸೋಂಕಿತನ ಜತೆ ಲೈಂಗಿಕ ಕ್ರಿಯೆ ನಡೆಸಿದ ನರ್ಸ್‌ ಒಬ್ಬರನ್ನು ಸೇವೆಯಿಂದ ಅಮಾನತುಗೊಳಿಸಲಾಗಿದೆ.ವಾಟ್ಸ್‌ಆ್ಯಪ್‌ನಲ್ಲಿ ನರ್ಸ್‌ ನಡೆಸಿದ್ದ ರಾಸಲೀಲೆಯ ಫೋಟೊಗಳು ಹರಿದಾಡಿವೆ. ನರ್ಸ್‌ ಧರಿಸಿದ್ದ ಕಳಚಿ ಶೌಚಾಲಯವೊಂದರಲ್ಲಿ ಇಬ್ಬರೂ ಲೈಂಗಿಕ ಚಟುವಟಿಕೆ ನಡೆಸಿರುವ ವಿಡಿಯೋ ವೈರಲ್‌ ಆಗಿದೆ. ಇದನ್ನು ಗಂಭೀರವಾಗಿ ಪರಿಗಣಿಸಿದ ಕೇಂದ್ರೀಯ ಜಕಾರ್ತ ಪೊಲೀಸರು ಸೋಂಕಿತ ಮತ್ತು ನರ್ಸ್‌ ಇಬ್ಬರನ್ನೂ ವಶಕ್ಕೆ ಪಡೆದು ವಿಚಾರಣೆಗೆ ಒಳಪಡಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಅಶ್ಲೀಲ ಫೋಟೊಗಳನ್ನು ಬಿತ್ತರಿಸಿದ್ದಕ್ಕೆ ಪೊರ್ನೊಗ್ರಫಿ ತಡೆ ಕಾಯಿದೆ ಅನ್ವಯ ಪ್ರಕರಣ ದಾಖಲಿಸಲಾಗಿದೆ. ಕರ್ತವ್ಯ ಲೋಪ ಎಸಗಿದ ಆರೋಪದ ಮೇರೆಗೆ ನರ್ಸ್‌ಳನ್ನು ಆಸ್ಪತ್ರೆ ಮಂಡಳಿ ಸೇವೆಯಿಂದ ಕಿತ್ತೊಗೆದಿದೆ. ಪ್ರಾಥಮಿಕ ತನಿಖೆ ವೇಳೆ ಪೊಲೀಸರು ಇಬ್ಬರನ್ನೂ ಕೊರೊನಾ ತಪಾಸಣೆಗೆ ಒಳಪಡಿಸಿದ್ದು, ಅಚ್ಚರಿ ಎಂಬಂತೆ ನರ್ಸ್‌ಗೆ ಕೊರೊನಾ ಸೋಂಕು ತಗುಲಿಲ್ಲ ಎಂದು ವರದಿ ಬಂದಿದೆ. ಸೋಂಕಿತನಿಗೆ ಮಾತ್ರ ಕೋವಿಡ್‌-19 ದೃಢಪಟ್ಟಿದೆ. ಮುತ್ತು ಕೊಡುವುದು, ಎಂಜಲಿನ ದ್ರವದ ಕಣಗಳು, ಲೈಂಗಿಕ ಕ್ರಿಯೆಯಿಂದ ಕೊರೊನಾ ವೈರಾಣು ಪ್ರಸರಿಸುತ್ತದೆ ಎಂದು ಈಗಾಗಲೇ ಆರೋಗ್ಯ ತಜ್ಞರು ಎಚ್ಚರಿಕೆ ನೀಡಿದ್ದಾರೆ. ಕೊರೊನಾ ದಾಳಿಯಿಂದ ಇದುವರೆಗೂ ಇಂಡೋನೇಷ್ಯಾಲ್ಲಿ 21 ಸಾವಿರ ಸೋಂಕಿತರು ಮೃತಪಟ್ಟಿದ್ದಾರೆ. ಎರಡನೇ ಅಲೆ ಏಳುವ ಭೀತಿಯಲ್ಲಿರುವ ಇಂಡೋನೇಷ್ಯಾ ಎರಡು ವಾರಗಳ ಕಾಲ ವಿದೇಶಿ ವಿಮಾನಗಳಿಗೆ ನಿರ್ಬಂಧ ಹೇರಿದೆ.

from India & World News in Kannada | VK Polls https://ift.tt/3rJylVY

ಕಾಳಿದೇವಿ ಕುರಿತು ಅವಹೇಳನಕಾರಿ ಚಿತ್ರ ಅಪ್‌ಲೋಡ್; ಟ್ವಿಟ್ಟರ್‌ ಸಿಇಒ ಸೇರಿ ಹಲವರ ವಿರುದ್ಧ ಎಫ್‌ಐಆರ್‌..!

ಬೆಂಗಳೂರು: ಅರೆನಗ್ನವಾಗಿ ಚಿತ್ರ ಬಿಡಿಸಿ ಜಾಲತಾಣಕ್ಕೆ ಅಪ್‌ಲೋಡ್‌ ಮಾಡಿದ ಆರೋಪದ ಮೇರೆಗೆ ಎಥೀಸ್ಟ್‌ ರಿಪಬ್ಲಿಕ್‌ ಎಂಬ ಟ್ವಿಟರ್‌ ಖಾತೆಯ ಅಡ್ಮಿನ್‌ ಅರ್ಮಿನ್‌ ನವಾಬಿ, ಟ್ವಿಟರ್‌ ಸಿಇಒ ಸೇರಿದಂತೆ ಹಲವರ ವಿರುದ್ಧ ಕೆ.ಆರ್‌.ಪುರ ಪೊಲೀಸ್‌ ಠಾಣೆಯಲ್ಲಿ ಎಫ್‌ಐಆರ್‌ ದಾಖಲಾಗಿದೆ. ಕಿರಣ್‌ ಆರಾಧ್ಯ ಎಂಬುವರು ನೀಡಿದ್ದ ದೂರು ಆಧರಿಸಿ ಐಟಿ ಕಾಯಿದೆ ಮತ್ತು ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ಆರೋಪದ ಮೇರೆಗೆ ಅರ್ಮಿನ್‌ ನವಾಬಿ, ಟ್ವಿಟರ್‌ ಸಿಇಒ ಜಾಕ್‌ ಡೋರ್ಸೇ, ಮಹಿಮಾ ಕೌಲ್‌, ಮನೀಶ ಮಹೇಶ್ವರಿ, ಮಾಯಾ ಹರಿ ಹಾಗೂ ಟ್ವಿಟರ್‌ ಐಎನ್‌ಸಿ ಮತ್ತು ಟ್ವಿಟರ್‌ ಇಂಡಿಯಾ ವಿರುದ್ಧ ಕೇಸ್‌ ದಾಖಲಾಗಿದೆ. ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ಬರುವ ಕಾರಣ ಚಿತ್ರವನ್ನು ಡಿಲೀಟ್‌ ಮಾಡುವಂತೆ ಮನವಿ ಮಾಡಲಾಗಿತ್ತು. ಆದರೆ, 40 ದಿನಗಳವರೆಗೂ ಡಿಲೀಟ್‌ ಮಾಡಿರಲಿಲ್ಲ ಎಂದು ಕಿರಣ್‌ ಆರಾಧ್ಯ ಆರೋಪಿಸಿದ್ದಾರೆ. ಸುಮಾರು 40 ದಿನಗಳ ಬಳಿಕ ಫೋಟೋ ಅಪ್‌ಲೋಡ್‌ ಮಾಡಿದ್ದ ಟ್ವಿಟರ್‌ ಖಾತೆಯನ್ನು ನಿಷ್ಕ್ರೀಯಗೊಳಿಸಲಾಗಿತ್ತು. ಆದರೆ, ಆ ಖಾತೆಯನ್ನು ಪುನರಾರಂಭಗೊಳಿಸಿ ಹಿಂದೂ ಭಾವನೆಗಳಿಗೆ ಧಕ್ಕೆ ಮಾಡಿದ್ದಾರೆ. ಹಿಂದೂ ದೇವತೆಗಳು, ಆಚರಣೆಗಳನ್ನು ಕೆಟ್ಟದಾಗಿ ಬಿಂಬಿಸಿ ಅವಮಾನ ಮಾಡಿರುವ ಅರ್ಮಿನ್‌ ನವಾಬಿ ಮತ್ತು ಟ್ವಿಟರ್‌ ಸಂಸ್ಥೆ ಸೇರಿದಂತೆ ಸಂಬಂಧಿಸಿದವರ ವಿರುದ್ಧ ಕಾನೂನು ಕ್ರಮ ಜರುಗಿಸುವಂತೆ ಕೋರಿ ಕಿರಣ್‌ ನ್ಯಾಯಾಲಯಕ್ಕೆ ದೂರು ನೀಡಿದ್ದರು. ವಿಚಾರಣೆ ನಡೆಸಿದ ನ್ಯಾಯಾಲಯ ನೀಡಿದ ನಿರ್ದೇಶನದಂತೆ ಕೆ.ಆರ್‌. ಪುರ ಪೊಲೀಸ್‌ ಠಾಣೆಯಲ್ಲಿ ಎಫ್‌ಐಆರ್‌ ದಾಖಲಾಗಿದೆ.

from India & World News in Kannada | VK Polls https://ift.tt/3na6SJX

ಆದಿವಾಸಿಗಳ ವಿವಾಹದ ವಯೋಮಿತಿ ಇಳಿಸುವಂತೆ ಸರ್ಕಾರಕ್ಕೆ ಒಕ್ಕೊರಲ ಆಗ್ರಹ..! ಕಾರಣ ಇಲ್ಲಿದೆ.

ಐತಿಚಂಡ ರಮೇಶ್‌ ಉತ್ತಪ್ಪ ಮೈಸೂರು: ಅರಣ್ಯ ಮೂಲದ ಆದಿವಾಸಿಗಳ ಯೌವನದ ಹಾಗೂ ಬದುಕುವ ಸರಕಾರಿ ವಯಸ್ಸು ಇತರರಿಗಿಂತ ಸಾಕಷ್ಟು ಕಡಿಮೆ ಇರುವುದರಿಂದ ಅವರ ವಿವಾಹಕ್ಕೆ ಇರುವ ಕನಿಷ್ಠ ವಯೋಮಿತಿಯನ್ನು ಇಳಿಸುವಂತೆ ಸರಕಾರವನ್ನು ಆದಿವಾಸಿಗಳು ಆಗ್ರಹಿಸಿದ್ದಾರೆ. ಈ ಕುರಿತು ಜನವರಿ ತಿಂಗಳಿನಲ್ಲಿ ಆದಿವಾಸಿಗಳ ಪಾರ್ಲಿಮೆಂಟ್‌ ನಡೆಸಿ ನಿರ್ಣಯ ಕೈಗೊಂಡು ಸರಕಾರದ ಮೇಲೆ ಒತ್ತಡ ಹಾಕಲು ನಿರ್ಧರಿಸಿದ್ದಾರೆ. ಈಗ ಕಾನೂನಿನ ಪ್ರಕಾರ ವಿವಾಹವಾಗಲು ಯುವಕರಿಗೆ 21 ಹಾಗೂ ಯುವತಿಗೆ 18 ವರ್ಷಗಳು ತುಂಬಿರಬೇಕು. ಅದರೊಳಗೆ ವಿವಾಹವಾದರೆ ಕಾನೂನು ಕ್ರಮ ತೆಗೆದುಕೊಳ್ಳಲಾಗುತ್ತದೆ. ಆದರೆ, ಅರಣ್ಯ ಮೂಲದ ಆದಿವಾಸಿಗಳಿಗೆ ಈ ಕಾನೂನು ಮುಳುವಾಗಿದೆ. ಅವರು ಇನ್ನೂ ಅರಣ್ಯ ಪ್ರದೇಶಗಳಲ್ಲಿಯೇ ವಾಸವಾಗಿದ್ದು, ಮುಖ್ಯವಾಹಿನಿಗೆ ಬಂದಿಲ್ಲ. ಜೀವನ ಕ್ರಮ ಹಾಗೂ ವಂಶವಾಹಿನಿಯಂತೆ ಅವರು ಬಹು ಬೇಗನೇ ಪ್ರೌಢಾವಸ್ಥೆಗೆ ಬರುತ್ತಾರೆ. ಕಾಡಿನ ವಾಸ ಹಾಗೂ ಅವರ ಆಹಾರ ಪದ್ಧತಿಯಿಂದಾಗಿ ಅವರ ಬದುಕುವ ಸರಾಸರಿ ವಯಸ್ಸು ಸುಮಾರು 55ರಿಂದ 60 ವರ್ಷ ಮಾತ್ರ. ಈ ಹಿನ್ನೆಲೆಯಲ್ಲಿ ಅವರಿಗೆ ಬೇಗನೇ ವಿವಾಹವಾಗಲು ಅವಕಾಶ ಮಾಡಿ ಕೊಡಬೇಕು ಎಂದು ಆದಿವಾಸಿಗಳು ಒತ್ತಾಯಿಸಿದ್ದಾರೆ. ಶಾಸ್ತ್ರೀಯ ಅಧ್ಯಯನ ನಡೆಯಲಿ: ಅರಣ್ಯ ಮೂಲದ ಆದಿವಾಸಿಗಳ ಕುರಿತು ಶರೀರ ಶಾಸ್ತ್ರೀಯ ಹಾಗೂ ಜನಾಂಗೀಯ ಅಧ್ಯಯನ ನಡೆಯಬೇಕು. ಅವರ ದೇಹದ ಕುರಿತು ವೈಜ್ಞಾನಿಕ ರೀತಿಯ ಅಧ್ಯಯನ ನಡೆದಾಗ ವಾಸ್ತವಾಂಶ ಹೊರಬೀಳಲಿದೆ. 10 ವರ್ಷಕ್ಕೆ ಬಾಲಕ ಸ್ವಾವಲಂಬಿಯಾಗುವಷ್ಟು ಪ್ರೌಢಿಮೆಗೆ ಬಂದಿರುತ್ತಾನೆ. ಸಾಮಾನ್ಯರಲ್ಲಿ 25 ವರ್ಷವಾದರೂ ಈ ಗುಣಗಳು ಇರುವುದಿಲ್ಲ. ಇವರು ಬದುಕುವ ಅವಧಿ ಕೂಡ ಕಡಿಮೆ ಇರುವುದರಿಂದ ಸೂಕ್ತ ಅಧ್ಯಯನ ನಡೆಸಿ ನ್ಯಾಯ ಒದಗಿಸಬೇಕು ಎಂದು ಕರ್ನಾಟಕ ವಿಕಾಸ ವಾಹಿನಿ ಸಂಸ್ಥೆಯ ಸಂಚಾ ಲಕ ಎಸ್‌.ಶ್ರೀಕಾಂತ್‌ ಸರಕಾರವನ್ನು ಆಗ್ರಹಿಸಿದ್ದಾರೆ. ಸಾಮಾನ್ಯರು 70 ವರ್ಷಗಳವರೆಗೂ ಆರೋಗ್ಯವಾಗಿ ರುತ್ತಾರೆ. ಆದರೆ, ಬದುಕಿನ ಕ್ರಮದಿಂದಾಗಿ ಅರಣ್ಯ ಮೂಲದ ನಿವಾಸಿಗಳು 40ಕ್ಕೆ ವೃದ್ಧರಾಗುತ್ತಿದ್ದಾರೆ. 55 ವರ್ಷಗಳ ನಂತರ ಆರೋಗ್ಯದಿಂದ ಇರುವುದು ಅಪರೂಪ. ಈ ಹಿನ್ನೆಲೆಯಲ್ಲಿಅವರ ಆರೈಕೆಗೆ ಹಾಗೂ ಕುಟುಂಬ ವ್ಯವಸ್ಥೆ ಮುಂದುವರಿಯಲು ವಿವಾಹಕ್ಕೆ ಇರುವ ಕನಿಷ್ಠ ವಯೋಮಿತಿ ಯುವಕರಿಗೆ 18 ಹಾಗೂ ಯುವತಿಯರಿಗೆ 16ಕ್ಕೆ ನಿಗದಿ ಮಾಡಬೇಕು. ಈಗ 21 ವರ್ಷಕ್ಕೆ ವಿವಾಹವಾಗುವುದು ಆದಿ ವಾಸಿಗಳಿಗೆ ಅವಮಾನ ಎನ್ನುವ ಸ್ಥಿತಿ ಇದೆ. ನಮ್ಮ ಬೇಡಿಕೆ ಶಾಶ್ವತವಲ್ಲ. ಕೆಲವು ದಶಕಗಳ ತನಕ ಮೀಸಲಾತಿಯಂತೆ ಮುಂದುವರಿಸಬೇಕು. ಅವರಿಗೆ ಸೂಕ್ತ ಪುನರ್‌ವಸತಿ ಕಲ್ಪಿಸಬೇಕು. ಮಕ್ಕಳಿಗೆ ಶಿಕ್ಷಣ ನೀಡಿ ಸ್ವಂತ ದುಡಿಮೆ ಕಂಡುಕೊಳ್ಳುವಂತಹ ವಾತಾ ವರಣ ಸೃಷ್ಟಿಸಿದ ಬಳಿಕ ವಿವಾಹಕ್ಕೆ ಸಾಮಾನ್ಯ ಕಾನೂನು ಜಾರಿಯಾಗಲಿ ಎನ್ನುವುದು ಆದಿವಾಸಿಗಳ ವಾದ. ಎಲ್ಲದರಲ್ಲಿಯೂ ರಿಯಾಯಿತಿ: ಆದಿವಾಸಿಗಳು ಸೇರಿದಂತೆ ಪರಿಶಿಷ್ಟ ಜಾತಿ ಹಾಗೂ ಪಂಗಡದವರಿಗೆ ಉದ್ಯೋಗ, ಶಿಕ್ಷಣ ಹಾಗೂ ಇನ್ನಿತರ ಸೌಲಭ್ಯಗಳನ್ನು ಪಡೆಯಲು ಅವರಿಗೆ ವಯಸ್ಸಿನ ರಿಯಾಯಿತಿ ಇದೆ. ಸರಕಾರಿ ನೌಕರರಿಗೆ, ಸಾಮಾನ್ಯರಿಗೆ 28 ವರ್ಷಗಳ ಮಿತಿ ಇದ್ದರೆ ಪರಿಶಿಷ್ಟರಿಗೆ 38 ವರ್ಷಗಳ ತನಕ ಅವಕಾಶ ಇರುತ್ತದೆ. ಅದೇ ರೀತಿ ಬೇರೆ ಬೇರೆ ಕ್ಷೇತ್ರ ದಲ್ಲಿಅವರಿಗೆ ವಯೋಮಿತಿಯ ರಿಯಾಯಿತಿ ಇರು ವಾಗ ವಿವಾಹಕ್ಕೆ ಏಕಿಲ್ಲಎನ್ನುವುದು ಅವರ ಪ್ರಶ್ನೆ.

from India & World News in Kannada | VK Polls https://ift.tt/3n5YACt

ಬೆಳ್ತಂಗಡಿಯಲ್ಲಿ ಬಿಜೆಪಿ ಬೆಂಬಲಿತರ ಭರ್ಜರಿ ಬೇಟೆ, ಶಾಸಕ ಹರೀಶ್‌ ಪೂಂಜಾ ನೇತೃತ್ವದಲ್ಲಿ ವಿಜಯೋತ್ಸವ!

ಬೆಳ್ತಂಗಡಿ: ತಾಲೂಕಿನ 46 ಗ್ರಾಮ ಪಂಚಾಯತಿಗಳಿಗೆ ಚುನಾವಣೆ ನಡೆದಿದದ್ದು, 41 ಪಂಚಾಯತಿಗಳ ಫಲಿತಾಂಶ ಘೋಷಣೆ ನಡೆದಿದೆ. ಇದರಲ್ಲಿ 37 ಪಂಚಾಯತಿಗಳಲ್ಲಿ ಬಿಜೆಪಿ ಬೆಂಬಲಿತರು ಪ್ರಾಬಲ್ಯ ಮೆರೆದಿದ್ದಾರೆ. ನೇತೃತ್ವದಲ್ಲಿ ಬೂತ್‌ ಮಟ್ಟದಲ್ಲಿ ಪಕ್ಷ ಸಂಘಟನೆ ಮಾಡಿಕೊಂಡು, ಬಿಜೆಪಿ ಬೆಂಬಲಿತ ಸದಸ್ಯರನ್ನು ಕಣಕ್ಕೆ ಇಳಿಸಿದ್ದು ಫಲ ನೀಡಿದೆ. ಶಿಶಿಲ, ಶಿಬಾಜೆ, ಪಟ್ರಮೆ, ಪುದುವೆಟ್ಟು, ಮುಂಡಾಜೆ , ಸುಲ್ಕೇರಿ ಮೊದಲಾದ ಕ್ಷೇತ್ರಗಳಲ್ಲಿ ಕ್ಲೀನ್‌ ಸ್ವೀಪ್‌ ಸಾಧನೆ ಮಾಡಿದೆ. ಬಿಜೆಪಿ ಪ್ರಾಬಲ್ಯ ಪಂಚಾಯಿತಿಗಳು! ಮಚ್ಚಿನ, ನಾರಾವಿ, ಸುಲ್ಕೇರಿ, ಶಿಶಿಲ, ಪಟ್ರಮೆ, ನಿಡ್ಲೆ, ಶಿಬಾಜೆ, ಕಲ್ಮಂಜ, ಅಂಡಿಂಜೆ, ಪಡಂಗಡಿ, ಕಡಿರುದ್ಯಾವರ, ಕುಕ್ಕೇಡಿ, ಅಳದಂಗಡಿ, ಮೇಲಂತಬೆಟ್ಟು, ಲಾಯಿಲ, ಮಲವಂತಿಗೆ, ಮಿತ್ತಬಾಗಿಲು, ಮುಂಡಾಜೆ, ಧರ್ಮಸ್ಥಳ, ಪುದುವೆಟ್ಟು, ಅರಸಿನಮಕ್ಕಿ , ಇಂದಬೆಟ್ಟು, ನಡ, ಮರೋಡಿ, ಹೊಸಂಗಡಿ, ಬಳೆಂಜ, ಶಿರ್ಲಾಲು, ಇಳಂತಿಲ, ಬಂದಾರು, ಕುವೆಟ್ಟು, ಕೊಯ್ಯುರು, ನೆರಿಯ, ಚಾರ್ಮಾಡಿ, ಉಜಿರೆ, ಇಂದಬೆಟ್ಟು, ನಾವೂರು, ನಡ, ಕೊಕ್ಕಡ, ಕಣಿಯೂರು, ಬಂದಾರು, ಮಡಂತ್ಯಾರು ಕಳೆಂಜ, ಇಳಂತಿಲ ಪಂಚಾಯಿತಿಯಲ್ಲಿ ಪೂರ್ಣ ಪ್ರಮಾಣದ ಎಸ್‌ಡಿಪಿಐ 15 ಕ್ಕೂ ಹೆಚ್ಚು ಅಭ್ಯರ್ಥಿಗಳು ಜಯಗಳಿಸಿದ್ದಾರೆ. ಬೆಳಾಲು ಗ್ರಾಪಂನಲ್ಲಿ ಸಮಬಲವನ್ನು ಸಾಧಿಸಿದೆ. ಉಳಿದಂತೆ ಕಳಿಯ, ಮಾಲಾಡಿ ತಡವಾಗಿ ಪ್ರಕಟವಾಗಿದೆ.

from India & World News in Kannada | VK Polls https://ift.tt/3rDGpaW

ಉಜಿರೆಯಲ್ಲಿ'ಪಾಕಿಸ್ತಾನ ಜಿಂದಾಬಾದ್‌' ಘೋಷಣೆ ಕೂಗಿದ ಎಸ್‌ಡಿಪಿಐ

ಬೆಳ್ತಂಗಡಿ: ಎಸ್‌ಡಿಎಂ ಪದವಿ ಪೂರ್ವ ಕಾಲೇಜಿನಲ್ಲಿ ಮತ ಎಣಿಕೆ ಪ್ರಕ್ರಿಯೆ ನಡೆಯುತ್ತಿದ್ದ ಸಂದರ್ಭ ತಮ್ಮ ಪಕ್ಷದ ಬೆಂಬಲಿತ ಅಭ್ಯರ್ಥಿಗಳು ವಿಜೇತರಾದಾಗ ವಿಜಯ ಘೋಷಣೆ ಹಾಕಿ ಸಂಭ್ರಮಾಚರಿಸಿದರು. ಇದೇ ಸಂದರ್ಭ ಕಾರ‍್ಯಕರ್ತರು ತಮ್ಮ ಅಭ್ಯರ್ಥಿಗಳು ಗೆದ್ದ ಹಿನ್ನೆಲೆಯಲ್ಲಿ'ಪಾಕಿಸ್ತಾನ ಜಿಂದಾಬಾದ್‌' ಎಂಬ ಘೋಷಣೆ ಹಾಕಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಯಿತು. ಸ್ಥಳದಲ್ಲಿ ಕೆಲ ಹೊತ್ತು ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಯಿತು. ಕೆಲ ದಿನಗಳ ಹಿಂದೆ ಮಂಗಳೂರು ನಗರದ ಅಪಾರ್ಟ್ ಮೆಂಟ್ ಬಳಿ ಕಿಡಿಗೇಡಿಗಳು ಉಗ್ರಪರ ಗೋಡೆ ಬರಹ ಬರೆದಿದ್ದು, ಈ ಘಟನೆ ಮಾಸುವ ಮುನ್ನವೇ ಎಂದು ಘೋಷಣೆ ಕೂಗಿರುವುದು ಹಲವು ಸಂಶಯಗಳಿಗೆ ಎಡೆ ಮಾಡಿಕೊಟ್ಟಿದೆ. ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಹೇಳಿಕೆ ನೀಡಿ ಪಾಕ್ ಪರ ಘೋಷಣೆ ಕೂಗಿದವರನ್ನು ಕೂಡಲೇ ಬಂಧಿಸಬೇಕೆಂದು ಆಗ್ರಹಿಸಿದ್ದಾರೆ. ಪೊಲೀಸರು ತಕ್ಷಣ ಕಾರ‍್ಯಪ್ರವೃತ್ತರಾಗಿ ಜನರನ್ನು ಚದುರಿಸಿ ಪರಿಸ್ಥಿತಿ ಹತೋಟಿಗೆ ತಂದರು. ಪೊಲೀಸರು ವಿಡಿಯೋವನ್ನು ಪರಿಶೀಲಿಸುತ್ತಿದ್ದು, ತನಿಖೆ ನಡೆಸುತ್ತಿದ್ದಾರೆ.

from India & World News in Kannada | VK Polls https://ift.tt/38Jo1EW