ಹೊಸದಿಲ್ಲಿ: ಹದಿಮೂರನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ 14ನೇ ಪಂದ್ಯದಲ್ಲಿ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಶುಕ್ರವಾರ ರಾತ್ರಿ ಕೇವಲ 7 ರನ್ಗಳಿಂದ ಸೋಲು ಅನುಭವಿಸಿತ್ತು. ಆ ಮೂಲಕ ನಾಯಕತ್ವ ಸಿಎಸ್ಕೆ ಹ್ಯಾಟ್ರಿಕ್ ಸೋಲು ಅನುಭವಿಸಿತು. ಪಂದ್ಯದ ಬಳಿಕ ಮಾತನಾಡಿದ್ದ ಚೆನ್ನೈ ಫ್ರಾಂಚೈಸಿ ಮುಖ್ಯ ಕೋಚ್ , ಕೇದಾರ್ ಜಾಧವ್ ಅವರನ್ನು ಎಂಎಸ್ ಧೋನಿ ಬದಲು ನಾಲ್ಕನೇ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಆಡಿಸಿದ್ದನ್ನು ಸಮರ್ಥಿಸಿಕೊಂಡರು ಹಾಗೂ ಸಿಎಸ್ಕೆ ನಾಯಕ ಮಧ್ಯಮ ಕ್ರಮಾಂಕದ ಬ್ಯಾಕೆಂಡ್ ಆಟಗಾರ ಎಂದು ಹೇಳಿದರು. "ಮಹೇಂದ್ರ ಸಿಂಗ್ ಧೋನಿ ಮಧ್ಯಮ ಕ್ರಮಾಂಕದ ಬ್ಯಾಕೆಂಡ್ ಅಟಗಾರ, ಕೇದಾರ್ ಜಾಧವ್ ನಾಲ್ಕನೇ ಕ್ರಮಾಂಕದ ಬ್ಯಾಟ್ಸ್ಮನ್. ಅವರು ತಂಡದಲ್ಲಿ ಎರಡು ಪಾತ್ರವನ್ನು ನಿರ್ವಹಿಸಲಿದ್ದಾರೆ. ಆದರೆ, ಸನ್ನಿವೇಶಕ್ಕೆ ತಕ್ಕಂತೆ ಈ ಇಬ್ಬರನ್ನು ಬಳಸಿಕೊಳ್ಳಲಾಗುತ್ತಿದೆ. ತಂಡಕ್ಕೆ ಉತ್ತಮ ಆರಂಭ ಸಿಕ್ಕರೆ, ಜಾಧವ್ ಕೆಳ ಕ್ರಮಾಂಕದಲ್ಲಿ ಆಡಲಿದ್ದಾರೆ ಹಾಗೂ ಧೋನಿ ಮೇಲಿನ ಕ್ರಮಾಂಕದಲ್ಲಿ ಆಡುತ್ತಾರೆ. ಒಂದು ವೇಳೆ ಅಗ್ರ ಸ್ಥಾನದ ವಿಕೆಟ್ಗಳು ಬೇಗ ಉರುಳಿದರೆ, ನಾಲ್ಕನೇ ಕ್ರಮಾಂಕದ ಬ್ಯಾಟ್ಸ್ಮನ್ ಕ್ರಿಸ್ಗೆ ತೆರಳಲಿದ್ದಾರೆ," ಎಂದು ಸುದ್ದಿಗೋಷ್ಠಿಯಲ್ಲಿ ಫ್ಲೆಮಿಂಗ್ ತಿಳಿಸಿದರು. 165 ರನ್ಗಳ ಗುರಿ ಹಿಂಬಾಲಿಸಿದ ಚೆನ್ನೈ ಸೂಪರ್ ಕಿಂಗ್ಸ್, ಆರಂಭದಲ್ಲಿಯೇ 26 ರನ್ಗಳಿಗೆ ಎರಡು ವಿಕೆಟ್ಗಳನ್ನು ಕಳೆದುಕೊಂಡಿತು. ಈ ವೇಳೆ ಎಂಎಸ್ ಧೋನಿಗಿಂತ ಮೇಲಿನ ಕ್ರಮಾಂಕದಲ್ಲಿ ಕೇದಾರ್ ಜಾಧವ್ ಕ್ರೀಸ್ಗೆ ಬಂದರು ಹಾಗೂ 10 ಎಸೆತಗಳಲ್ಲಿ ಕೇವಲ ಮೂರು ರನ್ ಗಳಿಸಿ ಅಬ್ದುಲ್ ಸಮದ್ಗೆ ವಿಕೆಟ್ ಒಪ್ಪಿಸಿದರು. ಸಿಎಸ್ಕೆ ಚೇಸಿಂಗ್ನಲ್ಲಿ 42 ರನ್ಗಳಿಗೆ ಪ್ರಮುಖ ನಾಲ್ಕು ವಿಕೆಟ್ಗಳನ್ನು ಕಳೆದುಕೊಂಡಿತು. ಈ ವೇಳೆ ಜತೆಯಾದ ಎಂಎಸ್ ಧೋನಿ ಹಾಗೂ ರವೀಂದ್ರ ಜಡೇಜಾ ಜೋಡಿ ಮುರಿಯದ ಐದನೇ ವಿಕೆಟ್ಗೆ 72 ರನ್ಗಳ ಜತೆಯಾಟವಾಡುವ ಮೂಲಕ ತಂಡವನ್ನು ಮೇಲೆತ್ತುವ ಪ್ರಯತ್ನ ನಡೆಸಿತು. ಪ್ರಸಕ್ತ ಆವೃತ್ತಿಯಲ್ಲಿ ಜಡೇಜಾ ಮೊದಲ ಅರ್ಧಶತಕ ಸಿಡಿಸಿದರೆ, ಧೋನಿ ಅಜೇಯ 47 ರನ್ಗಳನ್ನು ಗಳಿಸಿದರು. ಜಡೇಜಾ ಇನಿಂಗ್ಸ್ ಬಗ್ಗೆ ಮಾತನಾಡಿದ ಫ್ಲೆಮಿಂಗ್, "ರವೀಂದ್ರ ಜಡೇಜಾ ಇನಿಂಗ್ಸ್ ಅದ್ಭುತವಾಗಿತ್ತು. ತಂಡ ಸಂಕಷ್ಟದಲ್ಲಿ ಸಿಲುಕಿದ್ದಾಗ ಧೋನಿ-ಜಡೇಜಾ ಆಸರೆಯಾದರು. ಈ ಇಬ್ಬರು ತಂಡವನ್ನು ಗೆಲುವಿನ ಸಮೀಪ ತಂದಿದ್ದರು ಹಾಗೂ ಎಂಎಸ್ ಧೋನಿ ಪ್ರಯತ್ನ ಕೂಡ ಅತ್ಯುತ್ತಮವಾಗಿತ್ತು," ಎಂದು ಹೇಳಿದರು. ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಸನ್ ರೈಸರ್ಸ್ ಹೈದರಾಬಾದ್ ನಿಗದಿತಿ 20 ಓವರ್ಗಳಿಗೆ 5 ವಿಕೆಟ್ಗಳನ್ನು ಕಳೆದುಕೊಂಡು164 ರನ್ಗಳನ್ನು ಗಳಿಸಿತು. ಯುವ ಬ್ಯಾಟ್ಸ್ಮನ್ ಪ್ರಿಯಮ್ ಗರ್ಗ್ ಐಪಿಎಲ್ ಚೊಚ್ಚಲ ಅರ್ಧಶತಕ ಸಿಡಿಸಿದರು ಹಾಗೂ ಆಲ್ರೌಂಡರ್ ಅಭಿಷೇಕ್ ಶರ್ಮಾ ಕೂಡ 31 ರನ್ ಗಳಿಸಿ, ಗರ್ಗ್ಗೆ ಸಾಥ್ ನೀಡಿದ್ದರು. ಕೇನ್ ವಿಲಿಯಮ್ಸನ್ ಹಾಗೂ ಮನೀಶ್ ಪಾಂಡೆ ಕೆಟ್ಟದಾಗಿ ವಿಕೆಟ್ ಕೊಟ್ಟ ಬಳಿಕ ಕ್ರೀಸ್ನಲ್ಲಿ ಜತೆಯಾದ ಪ್ರಿಯಮ್ ಗರ್ಗ್ ಹಾಗೂ ಅಭಿಷೇಕ್ ಶರ್ಮಾ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ತೋರಿದರು. ಈ ಜೋಡಿ 77 ರನ್ಗಳ ಜತೆಯಾಟವಾಡಿತು. ಪ್ರಿಯಮ್ ಗರ್ಗ್ 26 ಎಸೆತಗಳಿಗೆ 51 ರನ್ ಗಳಿಸಿದರೆ, ಅಭಿಷೇಕ್ ಶರ್ಮಾ 24 ಎಸೆತಗಳಲ್ಲಿ 31 ರನ್ಗಳನ್ನು ಸಿಡಿಸಿದರು. ಈ ಬಗ್ಗೆ ಪ್ರತಿಕ್ರಿಯಿಸಿದ ಫ್ಲೆಮಿಂಗ್, "ತಂಡದ ಮೀಟಿಂಗ್ನಲ್ಲಿ ನಾವು ಅಭಿಷೇಕ್ ಶರ್ಮಾ ಹಾಗೂ ಪ್ರಿಯಮ್ ಗರ್ಗ್ ಬಗ್ಗೆ ತುಂಬಾ ಚರ್ಚೆ ನಡೆಸಿದ್ದೆವು ಹಾಗೂ ಅವರ ವಿಡಿಯೋಗಳನ್ನು ನೋಡಿ ಸೂಕ್ತ ಯೋಜನೆಯನ್ನು ರೂಪಿಸಲಾಗಿತ್ತು. ಆದರೆ, ಅವರಿಬ್ಬರೂ ನಿರೀಕ್ಷೆಗೂ ಮೀರಿದಂತೆ ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶನ ತೋರಿದರು," ಎಂದು ಸ್ಟಿಫೆನ್ ಫ್ಲೆಮಿಂಗ್ ತಿಳಿಸಿದರು. ಸನ್ ರೈಸರ್ಸ್ ಹೈದರಾಬಾದ್ ತಂಡ ಭಾನುವಾರ ಮುಂಬೈ ಇಂಡಿಯನ್ಸ್ ವಿರುದ್ಧ ಸೆಣಸಲಿದೆ ಹಾಗೂ ಅದೇ ದಿನ ಚೆನ್ನೈ ಸೂಪರ್ ಕಿಂಗ್ಸ್, ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧ ಕಾದಾಟ ನಡೆಸಲಿದೆ .
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/36sWzeZ
