ಶಿಮ್ಲಾ: ವಿಶ್ವದ ಅತ್ಯಂತ ಉದ್ದದ ಹೆದ್ದಾರಿ ಎಂದೇ ಖ್ಯಾತಿ ಪಡೆದಿರುವ ಅಟಲ್ ಟನಲ್ನ್ನು ಇಂದು (ಶನಿವಾರ) ಲೋಕಾರ್ಪಣೆ ಮಾಡಲಿದ್ದಾರೆ. ಹಿಮಾಚಲ ಪ್ರದೇಶದ ರೋಹ್ಟಂಗ್ನಲ್ಲಿ ನಿರ್ಮಿಸಲಾಗಿರುವ ಈ ಆಧುನಿಕ ಹೆದ್ದಾರಿ ಸುರಂಗ ಮಾರ್ಗ, ಇಡೀ ವಿಶ್ವದಲ್ಲೇ ಅತ್ಯಂತ ಉದ್ದದ ಹೆದ್ದಾರಿ ಸುರಂಗ ಮಾರ್ಗವಾಗಿದೆ. ಇನ್ನು ಈ ಅಟಲ್ ಟನಲ್ ಹಿಮಾಚಲ ಪ್ರದೇಶದ ಮನಾಲಿಯಿಂದ ಲೇಹ್ವರೆಗಿನ ಪ್ರಯಾಣದ ಅವಧಿಯನ್ನು 4-5 ಗಂಟೆ ಕಡಿಮೆ ಮಾಡಲಿದೆ. ಅಲ್ಲದೇ ಪ್ರಯಾಣಿಕರಿಗೆ ಒಟ್ಟು 46 ಕಿ.ಮೀ ದೂರದ ಪ್ರಯಾಣವನ್ನು ಉಳಿಸಲಿದೆ. ಈ ಹಿನ್ನೆಲೆ ಈಗಾಗಲೇ ಪ್ರಧಾನಿ ಮಂತ್ರಿ ನರೇಂದ್ರ ಮೋದಿ ಹಿಮಾಚಲ ಪ್ರದೇಶಕ್ಕೆ ಆಗಮಿಸಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿಯವರಿಗೆ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಸಾಥ್ ನೀಡಲಿದ್ದಾರೆ. ಚೀನಾ ಗಡಿಗೆ ತಲುಪಲು ಸೇನೆಗೆ ಸಹಕಾರಿ!ವಿಶ್ವದ ಅತಿ ಉದ್ದದ ಹೆದ್ದಾರಿ ಸುರಂಗ ಎಂದು ಖ್ಯಾತಿ ಪಡೆದಿರುವ 9.02 ಕಿ.ಮೀ ಉದ್ದವಿದೆ. ಮಳೆ, ಹಿಮಪಾತ ಏನೇ ಇರಲಿ ವರ್ಷಪೂರ್ತಿ ಮತ್ತು ಕಣಿವೆಯ ಸಂಪರ್ಕ ಕೊಂಡಿಗೆ ಯಾವುದೇ ಸಮಸ್ಯೆ ಇರುವುದಿಲ್ಲ. ಈ ಮೊದಲು ಈ ಭಾಗದಲ್ಲಿ ಭಾರೀ ಹಿಮಾಪಾತವಾಗುವುದರಿಂದ ಆರು ತಿಂಗಳು ಇಲ್ಲಿನ ಸಂಪರ್ಕ ಕಡಿತಗೊಳ್ಳುತ್ತಿತ್ತು. ಆದರೆ ಇನ್ನು ಮುಂದೆ ಇಂತಹ ಯಾವುದೇ ಸಮಸ್ಯೆ ಇರುವುದಿಲ್ಲ. ಇದರ ಸದುಪಯೋಗ ನಿಜಕ್ಕೂ ಆಗಿರುವುದು ಭಾರತೀಯ ಯೋಧರಿಗೆ. ಹೌದು, ಚೀನಾದ ಗಡಿಯಲ್ಲಿ ಉದ್ವಿಗ್ನ ಸ್ಥಿತಿ ನಿರ್ಮಾಣವಾದರೆ ಚಳಿಗಾಲದಲ್ಲಿ ತಲುಪುವುದು ಭಾರತೀಯ ಯೋಧರಿಗೆ ಈ ಹಿಂದೆ ಅತ್ಯಂತ ಕ್ಲಿಷ್ಟಕರವಾಗಿತ್ತು. ಅದರಲ್ಲೂ ವೇಗವಾಗಿ ಸರಕು ಸಾಗಣೆ ಮಾಡುವುದು ಕೂಡ ಅಸಾಧ್ಯವಾದ ಮಾತಾಗಿತ್ತು. ಆದರೆ ಈ ಅಸಾಧ್ಯವನ್ನು ಅಟಲ್ ಟನಲ್ ಸಾಧ್ಯವಾಗಿಸುತ್ತದೆ. ವರ್ಷದ 365 ದಿನವು ಯೋಧರು ಚೀನಾ ಗಡಿಯನ್ನು ಈ ಭಾಗದಲ್ಲಿ ಸುಲಭವಾಗಿ ಈ ಟನಲ್ ಮೂಲಕ ಸಂಪರ್ಕಿಸಬಹುದಾಗಿದೆ. ವ್ಯೂಹಾತ್ಮಕವಾಗಿಯು ಈ ಟನಲ್ ಭಾರತದ ಪ್ರಮುಖ ಯೋಜನೆಯಾಗಿದೆ. ಇದರ ವಿಶೇಷತೆ ಏನು?ಇನ್ನು ದೇಶದ ಭದ್ರತೆಯ ದೂರದೃಷ್ಟಿಯಲ್ಲಿ ಈ ಅಟಲ್ ಸುರಂಗವನ್ನು ನಿರ್ಮಾಣ ಮಾಡಲಾಗಿದ್ದು, ದಿನಕ್ಕೆ ಸುಮಾರು 3,000 ಕಾರುಗಳ ಹಾಗೂ 1,500 ಟ್ರಕ್ಗಳ ಸಂಚಾರ ಮಾಡಬಹುದಾಗಿದೆ. ಅಲ್ಲದೆ ಗಂಟೆಗೆ ಗರಿಷ್ಠ 80 ಕಿ.ಮೀ ವೇಗದಲ್ಲಿ ಈ ಹೆದ್ದಾರಿ ಮೂಲಕ ವಾಹನಗಳು ಚಲಿಸಲು ಅನುಗುಣವಾಗಿ ವಿನ್ಯಾಸಗೊಳಿಸಲಾಗಿದೆ. ಹೀಗಾಗಿ ಚೀನಾ ಗಡಿಯಲ್ಲಿ ಯಾವುದೇ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾದರೂ ಹೆಚ್ಚುವರಿ ಸೈನಿಕರು, ಸರಕುಗಳನ್ನು ಎಲ್ಎಸಿಗೆ ಕಳುಹಿಸಬಹುದಾಗಿದೆ. ಇನ್ನು ಅಟಲ್ ಸುರಂಗ ಮಾರ್ಗವನ್ನು ಹಿಮಾಲಯದ ಪಿರ್ ಪಂಜಾಲ್ ಶ್ರೇಣಿಯಲ್ಲಿ ಸರಾಸರಿ ಸಮುದ್ರ ಮಟ್ಟದಿಂದ 3,000 ಮೀಟರ್ (10,000 ಅಡಿ) ಎತ್ತರದಲ್ಲಿ ನಿರ್ಮಿಸಲಾಗಿದೆ. ಇದರ ನಿರ್ಮಾಣಕ್ಕೆ ಅತ್ಯಂತ ಆಧುನಿಕ ತಂತ್ರಾಂಶಗಳ ಬಳಕೆ ಮಾಡಲಾಗಿದೆ. ಅಟಲ್ ಸುರಂಗದ ದಕ್ಷಿಣ ಹೊರಭಾಗ 3,060 ಮೀಟರ್ ಎತ್ತರದಲ್ಲಿದ್ದು ಮನಾಲಿಯಿಂದ 25 ಕಿಲೋಮೀಟರ್ ದೂರದಲ್ಲಿದೆ. ಇನ್ನು ಸುರಂಗದ ಇನ್ನೊಂದು ಭಾಗವಾದ ಉತ್ತರ ಹೊರಭಾಗ 3,071 ಮೀಟರ್ ಎತ್ತರದಲ್ಲಿದ್ದು ಲಾಹೌಲ್ ಕಣಿವೆಯ ಸಿಸ್ಸು ಎಂಬ ಹಳ್ಳಿಯ ಬಳಿ ಇದೆ. ಇಲ್ಲಿಂದ ಲೇಹ್ಗೆ ಕೆಲವೇ ಕಿ.ಮೀ ದೂರವಿದೆ. ಕುದುರೆ ಆಕಾರದಲ್ಲಿರುವ ಅಟಲ್ ಟನಲ್, ಸಿಂಗಲ್-ಟ್ಯೂಬ್ ಡಬಲ್ ಲೇನ್ ಸುರಂಗ ಮಾರ್ಗವಾಗಿದ್ದು ಒಟ್ಟು 9.02 ಕಿ.ಮೀ ರಸ್ತೆ ಮಾರ್ಗವನ್ನು ಹೊಂದಿದೆ. 5.525 ಮೀಟರ್ ಎತ್ತರ, 10.5-ಮೀಟರ್ ಅಗಲವಿದೆ. ಅಲ್ಲದೆ ಎಮರ್ಜೆನ್ಸಿ ಎಕ್ಸಿಟ್ ಸೇರಿ, ಉತ್ತಮವಾದ ಲೈಟಿಂಗನ್ನು ಕೂಡ ಈ ರಸ್ತೆಗೆ ಅಳವಡಿಸಲಾಗಿದೆ. ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಅವರ ಸರ್ಕಾರವು 2000 ರ ಜೂನ್ 3 ರಂದು ಈ ವ್ಯೂಹಾತ್ಮಕ ಸುರಂಗ ನಿರ್ಮಾಣಕ್ಕೆ ನಿರ್ಧರಿಸಿತು. 26 ಮೇ 2002 ರಂದು ಇದಕ್ಕೆ ಕೆಸರು ಕಲ್ಲು ಹಾಕಲಾಯಿತು. ದೇಶದ ರಸ್ತೆಗಳ ಅಭಿವೃದ್ದಿ ಸಂಸ್ಥೆ ಇದರ ನಿರ್ಮಾಣದ ಜವಾಬ್ಧಾರಿಯನ್ನು ಕೈಗೆತ್ತಿಕೊಂಡಿತ್ತು.
from India & World News in Kannada | VK Polls https://ift.tt/2ETGvYm
