ಅಬುಧಾಬಿ: ವಿರುದ್ಧ 8 ವಿಕೆಟ್‌ಗಳ ಗೆಲುವು ಸಾಧಿಸಿದ ಬಳಿಕ ರಾಜಸ್ಥಾನ್‌ ರಾಯಲ್ಸ್ ಸ್ಟಾರ್‌ ಆಲ್‌ರೌಂಡರ್‌ ಬೆನ್ ಸ್ಟೋಕ್ಸ್ ತಮ್ಮ ಐಪಿಎಲ್‌ ಎರಡನೇ ಶತಕವನ್ನು ಕ್ಯಾನ್ಸರ್‌ನಿಂದ ಹೋರಾಟ ನಡೆಸುತ್ತಿರುವ ತಮ್ಮ ತಂದೆಗೆ ಅರ್ಪಿಸಿದರು. ಮುಂಬೈ ಇಂಡಿಯನ್ಸ್ ನೀಡಿದ 196 ರನ್‌ಗಳ ಗುರಿಯನ್ನು ರಾಜಸ್ಥಾನ್‌ ರಾಯಲ್ಸ್ ಇನ್ನೂ 10 ಎಸೆತಗಳು ಬಾಕಿ ಇರುವಾಗಲೇ ಮುಟ್ಟಿತು. ಆ ಮೂಲಕ ಪ್ಲೇಆಫ್‌ ಹಾದಿಯನ್ನು ಉಳಿಸಿಕೊಂಡಿತು. ಐಪಿಎಲ್‌ ವೃತ್ತಿ ಜೀವನದ ಎರಡನೇ ಶತಕ(107*) ಸಿಡಿಸಿದರೆ, ಸಂಜು ಸ್ಯಾಮ್ಸನ್‌ ಅರ್ಧಶತಕ(54*) ಗಳಿಸಿದರು. ಮುಂಬೈ ಪರ ಜೇಮ್ಸ್ ಪ್ಯಾಟಿನ್ಸನ್‌ 40 ರನ್‌ಗಳನ್ನು ನೀಡಿ ಎರಡು ವಿಕೆಟ್‌ಗಳನ್ನು ಪಡೆದರು. ಸ್ಟೋಕ್ಸ್ ಹಾಗೂ ಸ್ಯಾಮ್ಸನ್‌ ಮೂರನೇ ವಿಕೆಟ್‌ಗೆ 152 ರನ್‌ಗಳ ಜತೆಯಾಟವಾಡಿತು. ಈ ಗೆಲುವಿನೊಂದಿಗೆ 10 ಅಂಕಗಳೊಂದಿಗೆ ಪಾಯಿಂಟ್ಸ್‌ ಟೇಬಲ್‌ನಲ್ಲಿ ಆರನೇ ಸ್ಥಾನಕ್ಕೇರಿತು. 14 ಅಂಕಗಳೊಂದಿಗೆ ಮುಂಬೈ ಇಂಡಿಯನ್ಸ್ ಸೋಲಿನ ಹೊರತಾಗಿಯೂ ಅಗ್ರ ಸ್ಥಾನದಲ್ಲಿಯೇ ಉಳಿದಿದೆ. ಅಜೇಯ 107 ರನ್‌ಗಳನ್ನು ಗಳಿಸಿದ ಬೆನ್ ಸ್ಟೋಕ್ಸ್ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ಪಂದ್ಯದ ಬಳಿಕ ಮಾತನಾಡಿದ ಬೆನ್ ಸ್ಟೋಕ್ಸ್,"ಪ್ರಾಮಾಣಿಕವಾಗಿ ಹೇಳಬೇಕೆಂದರೆ, ಇದು ಸ್ವಲ್ಪ ಸಿಹಿ ನೀಡಿತು. ನಿಜವಾಗಿಯೂ, ನಾನು ನಿನ್ನೆ(ಶನಿವಾರ) ಹೊಂದಿದ್ದ ತರಬೇತಿಯು ಅತ್ಯುತ್ತಮವಾಗಿತ್ತು. ಆದ್ದರಿಂದ ನಾನು ಸ್ವಲ್ಪ ಆತ್ಮವಿಶ್ವಾಸದಿಂದ ಬ್ಯಾಟಿಂಗ್ ಮಾಡಿದೆ ಹಾಗೂ ಆಟಕ್ಕೆ ಸಮೀಪಿಸುತ್ತಿರುವುದು ಉತ್ತಮವಾಗಿದೆ," ಎಂದು ಹೇಳಿದರು. "ಆರಂಭದಲ್ಲಿ ಅವರ ಬೌಲಿಂಗ್‌ಗೆ ಆಡುವುದು ಸ್ವಲ್ಪ ಕಷ್ಟವಿತ್ತು. ನಾವು ಬುಮ್ರಾ ಅವರಿಗೆ ಸ್ಕೋರ್ ಮಾಡಬಹುದೆಂದು ಭಾವಿಸಿದ್ದಕ್ಕಿಂತಲೂ ಹೆಚ್ಚು ಮುಕ್ತವಾಗಿ ಸ್ಕೋರ್ ಮಾಡಿದ್ದೇವೆ. ಇದೀಗ ವಿಷಯಗಳು ಸ್ವಲ್ಪ ಕಷ್ಟಕರವಾಗಿದೆ, ಆದರೆ ಇದು ನಮ್ಮ ಮನೆಗೆ ಸ್ವಲ್ಪ ಸಂತೋಷವನ್ನು ನೀಡಿದೆ ಎಂದು ಭಾವಿಸುತ್ತೇವೆ," ಎಂದು ತಿಳಿಸಿದರು. ಬೆನ್ ಸ್ಟೋಕ್ಸ್ ತಂದೆ ಹಾಗೂ ಮಾಜಿ ರಗ್‌ಬಿ ಲೀಗ್‌ ಅಂತಾರಾಷ್ಟ್ರೀಯ ಆಟಗಾರ ಗೆಡ್‌ ಅವರು ಕಳೆದ ವರ್ಷ ಜೋಹಾನ್ಸ್‌ಬರ್ಗ್‌ ಕ್ಯಾನ್ಸರ್‌ನಿಂದ ಆಸ್ಪತ್ರೆಗೆ ದಾಖಲಾಗಿದ್ದರು. ಈ ವರ್ಷಾರಂಭದಲ್ಲಿ ನ್ಯೂಜಿಲೆಂಡ್‌ನ ಕ್ರೈಸ್ಟ್‌ಚರ್ಚ್‌ಗೆ ವಾಪಸ್‌ ಆಗಿದ್ದ ತಮ್ಮ ತಂದೆಯ ಜತೆ ಇದ್ದಿದ್ದರಿಂದ ಬೆನ್ ಸ್ಟೋಕ್ಸ್ ಪ್ರಸಕ್ತ ಆವೃತ್ತಿಯ ಐಪಿಎಲ್‌ ಆರಂಭಿಕ ಪಂದ್ಯಗಳಿಗೆ ಅಲಭ್ಯರಾಗಿದ್ದರು. ಮೊದಲು ಬ್ಯಾಟಿಂಗ್ ಮುಂಬೈ ಇಂಡಿಯನ್ಸ್ ವಿರುದ್ಧ ಸೌರಭ್‌ ತಿವಾರಿ ಹಾಗೂ ಹಾರ್ದಿಕ್‌ ಪಾಂಡ್ಯ ಅವರು ಕೊನೆಯ ನಾಲ್ಕು ಓವರ್‌ಗಳಿಗೆ 74 ರನ್‌ಗಳನ್ನು ಗಳಿಸಿದ್ದರು. ಆ ಮೂಲಕ ಮುಂಬೈ ಇಂಡಿಯನ್ಸ್ ನಿಗದಿತ 20 ಓವರ್‌ಗಳಿಗೆ ಐದು ವಿಕೆಟ್‌ ಕಳೆದುಕೊಂಡು 195 ರನ್‌ಗಳನ್ನು ಗಳಿಸಿತು. ಹಾರ್ದಿಕ್‌ ಪಾಂಡ್ಯ ಕೇವಲ 20 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿದ್ದರು. ರಾಜಸ್ಥಾನ್‌ ರಾಯಲ್ಸ್ ಪರ ಜೋಫ್ರ ಆರ್ಚರ್ ಹಾಗೂ ಶ್ರೇಯಸ್‌ ಗೋಪಾಲ್‌ ತಲಾ ಎರಡು ವಿಕೆಟ್‌ಗಳನ್ನು ಪಡೆದರು. ಶುಕ್ರವಾರ ರಾಜಸ್ಥಾನ್‌ ರಾಯಲ್ಸ್, ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ವಿರುದ್ಧ ಪೈಪೋಟಿ ನಡೆಸಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2TrJECl
