ಹೊಸದಿಲ್ಲಿ: ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ನಿರ್ಣಾಯಕ ಅರ್ಧಶತಕ ಸಿಡಿಸಿದ ಬಳಿಕ ತಂಡದ ಯುವ ಬ್ಯಾಟ್ಸ್ಮನ್ , ರನೌಟ್ ಆಗಿದ್ದ ಹೇಳಿದ ಮಾತುಗಳನ್ನು ಬಹಿರಂಗಪಡಿಸಿದ್ದಾರೆ. ಪ್ರಿಯಮ್ ಗರ್ಗ್ ಐಪಿಎಲ್ ಚೊಚ್ಚಲ ಅರ್ಧಶತಕ ಸಿಡಿಸುವುದಕ್ಕೂ ಮುನ್ನ , ಅನುಭವಿ ಬ್ಯಾಟ್ಸ್ಮನ್ ಕೇನ್ ವಿಲಿಯಮ್ಸನ್ ಅವರ ಜತೆ ರನ್ ಓಡುವಾಗ ಸಂವಹನದಲ್ಲಿ ಕೊಂಚ ಎಡವಿದ್ದರು. ಇದರ ಪರಿಣಾಮ ನ್ಯೂಜಿಲೆಂಡ್ ನಾಯಕ ರನೌಟ್ ಆಗಿದ್ದರು. ಈ ಘಟನೆಯಿಂದ ಕೇನ್ ವಿಲಿಯಮ್ಸನ್, ಗರ್ಗ್ ವಿರುದ್ಧ ಅಸಮಾಧಾನದೊಂದಿಗೆ ಪೆವಿಲಿಯನ್ಗೆ ಹೆಜ್ಜೆ ಹಾಕಿದ್ದರು. ಈ ಬಗ್ಗೆ ಪಂದ್ಯದ ಬಳಿಕ ಪ್ರತಿಕ್ರಿಯಸಿದ ಪ್ರಿಯಮ್ ಗರ್ಗ್, ಕೇನ್ ವಿಲಿಯಮ್ಸನ್ ರನೌಟ್ ಆಗಿ ಪೆವಿಲಿಯನ್ಗೆ ಹೆಜ್ಜೆ ಹಾಕುವಾಗ ನನ್ನ ಮೇಲೆ ಅಸಮಾಧಾನ ಹೊಂದಿದ್ದು ನಿಜ. ಆದರೆ, ಪಂದ್ಯದ ಜವಾಬ್ದಾರಿ ಹೊತ್ತು ನಿರ್ಣಾಯಕ ಸಮಯದಲ್ಲಿ 23 ಎಸೆತಗಳಲ್ಲಿ ಐಪಿಎಲ್ ವೃತ್ತಿ ಜೀವನದ ಚೊಚ್ಚಲ ಅರ್ಧಶತಕ ಸಿಡಿಸಿದ ಬಳಿಕ ಪರಿಸ್ಥಿತಿ ತಣ್ಣಗಾಯಿತು ಎಂದು ಹೇಳಿದ್ದಾರೆ. "ಕೇನ್ ವಿಲಿಯಮ್ಸನ್ ರನೌಟ್ ಆದ ಬಳಿಕ ನನಗೆ ತುಂಬಾ ಬೇಸರವಾಯಿತು. ಏಕೆಂದರೆ ಅವರು ಕ್ರೀಸ್ನಲ್ಲಿ ನೆಲೆಯೂರಿದ್ದರು. ಆ ರನೌಟ್ ನಿಜಕ್ಕೂ ಪ್ರಮಾದ, ಆದರೆ ನಂತರ ಎಲ್ಲವೂ ಸರಿಯಾಯಿತು," ಎಂದು ಐಪಿಎಲ್.ಕಾಮ್ ಅಪ್ಲೋಡ್ ಮಾಡಿರುವ ವಿಡಿಯೋದಲ್ಲಿ ಪ್ರಿಯಮ್ ಗರ್ಗ್ ತಿಳಿಸಿದ್ದಾರೆ. "ಅರ್ಧಶತಕ ಸಿಡಿಸಿ ಪೆವಿಲಿಯನ್ಗೆ ತೆರಳಿದ ಬಳಿಕ, 'ತಲೆ ಕೆಡಿಸಿಕೊಳ್ಳಬೇಡಿ, ಅದನ್ನು ಮರೆತು ಬಿಡಿ. ನೀವು ಅತ್ಯದ್ಭುತವಾಗಿ ಬ್ಯಾಟಿಂಗ್ ಮಾಡಿದ್ದೀರಿ' ಎಂದು ಕೇನ್ ವಿಲಿಯಮ್ಸನ್ ಹೇಳಿದರು," ಎಂಬುದನ್ನು ಯುವ ಬ್ಯಾಟ್ಸ್ಮನ್ ಹೇಳಿದರು. 11 ಓವರ್ಗಳಿಗೆ ಸನ್ ರೈಸರ್ಸ್ ಹೈದರಾಬಾದ್ 4 ವಿಕೆಟ್ಗಳನ್ನು ಕಳೆದುಕೊಂಡು 69 ರನ್ಗಳನ್ನು ಗಳಿಸಿತ್ತು. ಈ ವೇಳೆ ಕೇನ್ ವಿಲಿಯಮ್ಸನ್ ರನೌಟ್ ಆದರು. ಈ ವೇಳೆ ಅದ್ಭುತ ಬ್ಯಾಟಿಂಗ್ ಮಾಡಿದ ಪ್ರಿಯಮ್ ಗರ್ಗ್, ಕೊನೆಯ 9 ಓವರ್ಗಳಿಗೆ ಎಸ್ಆರ್ಎಚ್ 95 ರನ್ ಗಳಿಸಲು ನೆರವಾದರು ಹಾಗೂ ಅಂತಿಮವಾಗಿ ಐದು ವಿಕೆಟ್ ಕಳೆದುಕೊಂಡು 164 ರನ್ ದಾಖಲಿಸಿತ್ತು. ಗುರಿ ಹಿಂಬಾಲಿಸಿದ ಚೆನ್ನೈ ಸೂಪರ್ ಕಿಂಗ್ಸ್ ತಂಡ 5 ವಿಕೆಟ್ಗಳನ್ನು ಕಳೆದುಕೊಂಡು 157 ರನ್ಗಳಿಗೆ ಸೀಮಿತವಾಯಿತು. ಭಾರತ 19 ವಯೋಮಿತಿ ಮಾಜಿ ನಾಯಕನಿಕೆ 31 ರನ್ ಗಳಿಸಿದ ಅಭಿಷೇಕ್ ಶರ್ಮಾ ಅವರಿಂದ ಅತ್ಯುತ್ತಮ ಬೆಂಬಲ ದೊರೆಯಿತು. ಅಲ್ಲದೆ ಈ ಜೊಡಿ ಐದನೇ ವಿಕೆಟ್ಗೆ 77 ರನ್ಗಳನ್ನು ದಾಖಲಿಸಿತು. "ಅಭಿಷೇಕ್ ಶರ್ಮಾ ಬ್ಯಾಟಿಂಗ್ಗೆ ಇಳಿದ ಬಳಿಕ ನನ್ನಲ್ಲಿ ಒತ್ತಡ ಕಡಿಮೆಯಾಯಿತು. ಏಕೆಂದರೆ ನಮ್ಮಿಬ್ಬರಲ್ಲಿ ಹೊಂದಾಣಿಕೆ ಚೆನ್ನಾಗಿದ್ದು, ಸಾಮರ್ಥ್ಯದ ಬಗ್ಗೆ ಅರಿವಿತ್ತು," ಎಂದು ಹೇಳಿದ ಪ್ರಿಯಮ್ ಗರ್ಗ್, "ನಾವಿಬ್ಬರೂ ಅದ್ಭುತವಾಗಿ ಬ್ಯಾಟಿಂಗ್ ಆಡಿದೆವು ಹಾಗೂ ಜತೆಯಾಟವನ್ನು ಆಹ್ಲಾದಿಸಿದೆವು. ಐಪಿಎಲ್ ಚೊಚ್ಚಲ ಅರ್ಧಶತಕ ಸಿಡಿಸಿದ್ದಕ್ಕಾಗಿ ತುಂಬಾ ಖುಷಿಯಾಯಿತು," ಎಂದು ಪ್ರಿಯಮ್ ಗರ್ಗ್ ತಿಳಿಸಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3n7Stix
