ಪ್ರಧಾನಿ ಮೋದಿ ಹಾಗೂ ಡೊನಾಲ್ಡ್ ಟ್ರಂಪ್ ನಡುವಿನ ದೂರವಾಣಿ ಕರೆ ತನ್ನ ಪ್ರಭಾವ ಬೀರಲು ಶುರು ಮಾಡಿದೆ. ಟ್ರಂಪ್-ಮೋದಿ ಮಾತುಕತೆಯಿಂದ ಕಂಗಾಲಾಗಿರುವ ಚೀನಾ, ವೇಗವಾಗಿ ಬೆಳೆಯುತ್ತಿರುವ ಈ ಎರಡು ರಾಷ್ಟ್ರಗಳ ಸಂಬಂಧದಿಂದ ಕಂಗೆಟ್ಟಿದೆ. ಏಕಕಾಲದಲ್ಲಿ ಎರಡು ಶಕ್ತಿಶಾಲಿ ರಾಷ್ಟ್ರಗಳನ್ನು ಎದುರು ಹಾಕಿಕೊಳ್ಳುವ ತಾಕತ್ತು ತನಗಿದೆ ಎಂದು ಬಗೆದಿದ್ದ ಚೀನಾಗೆ, ಇದೀಗ ಒಂದಾದ ಮೇಲೊಂದರಂತೆ ಪೆಟ್ಟು ಬೀಳುತ್ತಿದೆ. ಏನೋ ಮಾಡಲು ಹೋದ ಚೀನಾ ಇದೀಗ ಇಕ್ಕಿಟ್ಟಿನ ಪರಿಸ್ಥಿತಿಗೆ ಸಿಲುಕಿರುವುದು ಸ್ಪಷ್ಟ. ಇದೇ ಕಾರಣಕ್ಕೆ ಡೊನಾಲ್ಡ್ ಟ್ರಂಪ್ G-7 ಸಮ್ಮೇಳನಕ್ಕೆ ಭಾರತವನ್ನು ಆಹ್ವಾನಿಸಿರುವುದಕ್ಕೆ ಚೀನಾ ಅಪಸ್ವರ ಎತ್ತಿದೆ. G-7 ಶೃಂಗಸಭೆಗೆ ಭಾರತವೂ ಸೇರಿದಂತೆ ಒಟ್ಟು ನಾಲ್ಕು ಹೊಸ ರಾಷ್ಟ್ರಗಳನ್ನು ಆಹ್ವಾನಿಸಿರುವುದು ತನ್ನ ವಿರುದ್ಧ ಹೆಣೆದಿರುವ ರಣತಂತ್ರ ಎಂದೇ ಚೀನಾ ಭಾವಿಸಿದೆ. ಈ ಕುರಿತಾದ ಬೆಳವಣಿಗೆಗಳತ್ತ ಗಮನಹರಿಸುವುದಾದರೆ...ಇನ್ನು ಜಾಗತಿಕ ಬೆಳವಣಿಗೆಗಳು ಹಾಗೂ ಚೀನಾದ ಉದ್ಧಟತನದ ವರ್ತನೆಯಿಂದ ಭಾರತ-ಅಮೆರಿಕ ಮತ್ತಷ್ಟು ಹತ್ತಿರವಾಗುತ್ತಿವೆ. ಡೊನಾಲ್ಡ್ ಟ್ರಂಪ್ ಹಾಗೂ ಪ್ರಧಾನಿ ಮೋದಿ ಅವರ ಗಾಢ ಗೆಳೆತನದ ಪರಿಣಾಮವಾಗಿ ಭಾರತ-ಅಮೆರಿಕ ಸಂಬಂಧಗಳು ಗಟ್ಟಿಯಾಗುತ್ತಿವೆ.
ಇದೇ ಕಾರಣಕ್ಕೆಈ ವರ್ಷಾಂತ್ಯದಲ್ಲಿ ಅಮೆರಿಕದಲ್ಲಿ ನಡೆಯಲಿರುವ G-7 ಶೃಂಗಸಭೆಗೆ ಭಾರತವೂ ಸೇರಿದಂತೆ ಒಟ್ಟು ನಾಲ್ಕು ಹೊಸ ರಾಷ್ಟ್ರಗಳಿಗೆ ಆಹ್ವಾನ ನೀಡಿದ್ದಾರೆ. ಟ್ರಂಪ್ ಆಹ್ವಾನ ನೀಡಿರುವ ರಾಷ್ಟ್ರಗಳ ಪಟ್ಟಿ ಇಂತಿದೆ.
ಭಾರತ
ರಷ್ಯಾ
ಆಸ್ಟ್ರೆಲೀಯಾ
ದಕ್ಷಿಣ ಕೊರಿಯಾ
G7 ಶೃಂಗಸಭೆಗೆ ಭಾರತವನ್ನು ಆಹ್ವಾನಿಸಲಿರುವ ಟ್ರಂಪ್: ಸದ್ಯದ ಜಗತ್ತು ಪ್ರತಿನಿಧಿಸಲಿ ಎಂದ ಅಧ್ಯಕ್ಷ!
ಹೀಗೆ ನಾಲ್ಕು ಹೊಸ ಶಕ್ತಿಶಾಲಿ ರಾಷ್ಟ್ರಗಳನ್ನು G-7 ಶೃಂಗಸಭೆಗೆ ಆಹ್ವಾನಿಸಿರುವ ಟ್ರಂಪ್ ಸಂಘಟನೆಯ ಸದಸ್ಯ ರಾಷ್ಟ್ರಗಳ ಸಂಖ್ಯೆಯನ್ನು ವೃದ್ಧಿಸುವ ಇರಾದೆ ವ್ಯಕ್ತಪಡಿಸಿದ್ದಾರೆ.
ಇನ್ನು G-7 ಶೃಂಗಸಭೆಗೆ ಭಾರತವೂ ಸೇರಿದಂತೆ ನಾಲ್ಕು ಹೊಸ ರಾಷ್ಟ್ರಗಳನ್ನು ಆಹ್ವಾನಿಸಿರುವ ಟ್ರಂಪ್ ನಿರ್ಧಾರದಿಂದ ಚೀನಾ ಕಂಗಾಲಾಗಿದೆ. ಈ ನಾಲ್ಕೂ ರಾಷ್ಟ್ರಗಳು ಚೀನಾಗೆ ಭೌಗೋಳಿಕವಾಗಿ ಹತ್ತಿರದಲ್ಲಿದ್ದು, ಶಕ್ತಿಶಾಲಿ ರಾಷ್ಟ್ರಗಳಾಗಿಯೂ ಇವೆ.
ಇದೇ ಕಾರಣಕ್ಕೆ ಚೀನಾವನ್ನು ಇಕ್ಕಟ್ಟಿಗೆ ಸಿಲುಕಿಸುವ ನಿಟ್ಟಿನಲ್ಲಿ ಟ್ರಂಪ್ ಈ ನಾಲ್ಕೂ ರಾಷ್ಟ್ರಗಳನ್ನು G-7 ಶೃಂಗಸಭೆಗೆ ಆಹ್ವಾನಿಸಿದ್ದಾರೆ. ಆದರೆ ಅಮೆರಿಕದ ಈ ನಡೆಯಿಂದ ಚೀನಾ ಕಂಗಾಲಾಗಿದೆ.
ಜಿ7 ರಾಷ್ಟ್ರಗಳ ಸಾಲಿಗೆ ಭಾರತ; ಔಪಚಾರಿಕ ಆಹ್ವಾನ ನೀಡಿದ ಡೊನಾಲ್ಡ್ ಟ್ರಂಪ್
ಇದೇ ಕಾರಣಕ್ಕೆ ಟ್ರಂಪ್ ನಿರ್ಧಾರವನ್ನು ಟೀಕಿಸಿರುವ ಚೀನಾ, ತನ್ನ ವಿರುದ್ಧ ರಾಜತಾಂತ್ರಿಕ ವಿರೋಧಿ ಒಕ್ಕೂಟ ರಚಿಸುತ್ತಿರುವುದು ಅಪಾಯಕ್ಕೆ ಆಹ್ವಾನ ನೀಡಿದಂತೆ ಎಂದು ಎಚ್ಚರಿಸಿದೆ. ಚೀನಾ ಹೊರತಾದ ಆರ್ಥಿಕ ಶಕ್ತಿಗಳನ್ನು ಒಗ್ಗೂಡಿಸುವ ಅಮೆರಿಕದ ಪ್ರಯತ್ನ ವಿಫಲವಗಲಿದೆ ಎಂದು ಚೀನಾ ಹೇಳಿದೆ.
ಈ ವರ್ಷಾಂತ್ಯದಲ್ಲಿ ಅಮೆರಿಕದಲ್ಲಿ ನಡೆಯಲಿರುವ G-7 ಶೃಂಗಸಭೆಗೆ ಸದಸ್ಯ ರಾಷ್ಟ್ರಗಳ ಹೊರತಾಗಿ ಭಾರತ, ರಷ್ಯಾ, ಆಸ್ಟ್ರೆಲೀಯಾ ಹಾಗೂ ದಕ್ಷಿಣ ಕೋರಿಯಾ ರಾಷ್ಟ್ರಗಳನ್ನೂ ಆಹ್ವಾನಿಸುವುದು ಟ್ರಂಪ್ ಯೋಜನೆಯಾಗಿದೆ. ಚೀನಾ ಹೊರತಾದ ಆರ್ಥಿಕ ಶಕ್ತಿಗಳನ್ನು ಒಗ್ಗೂಡಿಸುವುದು ಟ್ರಂಪ್ ಇರಾದೆಯಾಗಿದೆ.
ಕೊರೊನಾ ವೈರಸ್ ಹಾವಳಿಗೆ ಚೀನಾ ಕಾರಣ ಎಂಬ ಕೋಪ ಟ್ರಂಪ್ ಅವರಲ್ಲಿ ಇನ್ನೂ ಇದೆ. ಇದೇ ಕಾರಣಕ್ಕೆ ಆ ರಾಷ್ಟ್ರದೊಂದಿಗೆ ಶೀತಲ ಸಮರದಲ್ಲಿ ನಿರತವಾಗಿರುವ ಟ್ರಂಪ್, ಹೇಗಾದರೂ ಮಾಡಿ ಚೀನಾವನ್ನು ಮಣಿಸಲೇ ಬೇಕು ಎಂದು ಪಣತೊಟ್ಟಿದ್ದಾರೆ.
ಮಾತನಾಡಬೇಡಿ ಎಂದವರೊಂದಿಗೆ ಮೋದಿ ಮಾತು: ಚೀನಾಗೆ ಗೊತ್ತಾಯ್ತು ಭಾರತದ ತಾಕತ್ತು!
ಇದೇ ವೇಳೆ ತನ್ನೊಂದಿಗೆ ಗಡಿ ತಕರಾರು ತೆಗೆದಿರುವ ಚೀನಾ ವಿರುದ್ಧ ಭಾರತವೂ ಮುನಿಸಿಕೊಂಡಿದೆ. ಅಮೆರಿಕದ ಪರ ನಿಲ್ಲಬೇಡಿ ಎಂದು ಹೇಳುವ ಮೂಲಕ ತನ್ನ ಸಾರ್ವಭೌಮತ್ವವನ್ನು ಪ್ರಶ್ನಿಸಿರುವ ಚೀನಾಗೆ ಭಾರತ ಪಾಠ ಕಲಿಸಲಿದೆ. ಹೀಗಾಗಿ ಈ ಅವಕಾಶವನ್ನೇ ಬಳಸಿಕೊಂಡು ಚೀನಾ ವಿರೋಧಿ ಆರ್ಥಿಕ ಒಕ್ಕೂಟ ರಚಿಸುವುದು ಟ್ರಂಪ್ ಅವರ ಯೋಜನೆ.
G-7 ಸದಸ್ಯ ರಾಷ್ಟ್ರಗಳ ಸಂಖ್ಯೆಯನ್ನು ವೃದ್ಧಿಸುವುದರಿಂದ ಖಂಡಿತವಾಗಿ ಜಾಗತಿಕ ಆರ್ಥಿಕ ಸ್ಥಿತಿಗತಿ ಬದಲಾಗಲಿದೆ. ಭಾರತ, ರಷ್ಯಾ, ಆಸ್ಟ್ರೆಲೀಯಾ ಹಾಗೂ ದಕ್ಷಿಣ ಕೊರಿಯಾದಂತಹ ಶಕ್ತಿಶಾಲಿ ರಾಷ್ಟ್ರಗಳು G-7 ಭಾಗವಾಗುವುದರಿಂದ ಜಾಗತಿಕ ಆರ್ಥಿಕ ಸಮೀಕರಣಗಳೂ ಬದಲಾಗಲಿದೆ.
ಅಲ್ಲದೇ ಚೀನಾ ಹೊರಾತದ ಶಕ್ತಿಶಾಲಿ ಆರ್ಥಿಕ ಒಕ್ಕೂಟ ರಚನೆಯಾಗುವುದರಿಂದ ಜಾಗತಿಕವಾಗಿ ಚೀನಾದ ಪ್ರಭಾವವೂ ಕುಗ್ಗಲಿದೆ. ಇದೇ ಕಾರಣಕ್ಕೆ G-7 ಸದಸ್ಯ ರಾಷ್ಟ್ರಗಳ ಸಂಖ್ಯೆಯನ್ನು ಹೆಚ್ಚಿಸಲು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಯೋಜನೆ ರೂಪಿಸಿದ್ದಾರೆ.
ಸದ್ಯದ G-7 ಸದಸ್ಯ ರಾಷ್ಟ್ರಗಳ ಪಟ್ಟಿ:
ಬ್ರಿಟನ್
ಕೆನಡಾ
ಇಟಲಿ
ಜರ್ಮನಿ
ಫ್ರಾನ್ಸ್
ಅಮೆರಿಕ
ಜಪಾನ್
ಚೀನಾವನ್ನು ಆರ್ಥಿಕವಾಗಿ ಸುತ್ತುವರೆದು ಅದರ ಪ್ರಭಾವ ಕುಗ್ಗಿಸುವುದು ಟ್ರಂಪ್ ಅವರ ಯೋಜನೆಯಾಗಿದ್ದು, ಇದಕ್ಕೆ ಜಾಗತಿಕ ಬೆಳವಣಿಗೆಗಳು ಪೂರಕವಾಗಿರುವುದು ಸ್ಪಷ್ಟ.
from India & World News in Kannada | VK Polls https://vijaykarnataka.com/news/world/china-upset-over-donald-trump-invites-india-to-g-7-summit/articleshow/76168864.cms
