ವಾಯುಭಾರ ಕುಸಿತ : ರಾಜ್ಯದಲ್ಲಿ ಎರಡು ದಿನ ತುಂತುರು ಮಳೆ

ಬೆಂಗಳೂರು: ಹಾಗೂ ಹಿಂದೂ ಮಹಾಸಾಗರದ ಮಧ್ಯೆ ಉಂಟಾಗಿರುವುದರಿಂದ ರಾಜ್ಯದ ಕೆಲ ಜಿಲ್ಲೆಗಳಲ್ಲಿ ಎರಡು ದಿನ ಭಾರಿ ಮಳೆ ಬರುವ ಸಂಭವವಿದೆ. ಶನಿವಾರ ಇಡೀ ದಿನ ಮೋಡ ಕವಿದ ವಾತಾವರಣದ ಜತೆಗೆ ರಾತ್ರಿಯಿಂದ ಸುರಿಯುತ್ತಿದೆ. ಕಳೆದೆರಡು ದಿನಗಳಿಂದ ನಗರದ ಹವಾಮಾನ ಸಂಪೂರ್ಣವಾಗಿ ಬದಲಾಗಿದೆ. ಶನಿವಾರ ಮುಂಜಾನೆಯಿಂದಲೇ ನಗರದ ಬಹುತೇಕ ಕಡೆ ಮೋಡ ಕವಿದ ವಾತಾವರಣ ಸೃಷ್ಟಿಯಾಗಿತ್ತು. ಬೆಳಗ್ಗೆ ಆಗಾಗ್ಗೆ ಬಿಸಿಲು ಕಂಡುಬಂದರೂ ಮತ್ತೆ ಮೋಡಗಳು ಬಂದು ಸೂರ್ಯನನ್ನು ಮರೆ ಮಾಚುವ ದೃಶ್ಯ ಕಂಡುಬಂತು. ಇದರ ಜತೆಗೆ ಮಧ್ಯಾಹ್ನ ಹಾಗೂ ಸಂಜೆ ಚದುರಿದಂತೆ ತುಂತುರು ಮಳೆ ಸುರಿದಿದೆ. ಮೆಜೆಸ್ಟಿಕ್‌, ಯಶವಂತಪುರ, ಜಾಲಹಳ್ಳಿ, ಚಾಮರಾಜಪೇಟೆ, ಬಸವನಗುಡಿ, ಹನುಮಂತನಗರ, ಬೇಗೂರು, ಬೊಮ್ಮನಹಳ್ಳಿ, ಕೆ.ಆರ್‌.ಪುರ, ನಂದಿನಿ ಲೇಔಟ್‌, ರಾಜಾಜಿನಗರ, ಹೆಸರಘಟ್ಟ, ಹೆಬ್ಬಾಳ, ಮಲ್ಲೇಶ್ವರಂ, ರಾಜಾಜಿನಗರ ಮೊದಲಾದ ಕಡೆಗಳಲ್ಲಿ ಭಾನುವಾರ ಕೂಡ ತುಂತುರು ಮಳೆ ಮುಂದುವರೆದಿದೆ. ವಾಯುಭಾರ ಕುಸಿತದ ಪರಿಣಾಮದಿಂದ ಎರಡು ದಿನ ಮೋಡ ಕವಿದ ವಾತಾವರಣದೊಂದಿಗೆ ಮಳೆ ಬರಲಿದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. ರಾಜ್ಯದ ಹಲವು ಜಿಲ್ಲೆಗಳಲ್ಲಿ ರಾತ್ರಿಯಿಂದ ಬಿಟ್ಟು ಬಿಟ್ಟು ಮಳೆಯಾಗುತ್ತಿದೆ. ಶಿವಮೊಗ್ಗ ಜಿಲ್ಲೆಯಲ್ಲಿ ಭಾನುವಾರ ಮುಂಜಾನೆ 5ಗಂಟೆಯಿಂದ ನಿರಂತರ ಸೋನೆ ಮಳೆ ಸುರಿಯುತ್ತಿದೆ. ಮೆಕ್ಕೆ ಜೋಳ, ರಾಗಿ, ಭತ್ತ ಮತ್ತು ಅಡಕೆ ಕೊಯ್ಲು ಸಮಯದಲ್ಲಿ ಮಳೆ ಹಿಡಿದಿರುವುದು ರೈತರಲ್ಲಿ ಆತಂಕ ಮೂಡಿಸಿದೆ. ಬಹಳಷ್ಟು ರೈತರು ಭತ್ತ ಮತ್ತು ರಾಗಿ ಕೊಯ್ಲು ಮಾಡಿದ್ದಾರೆ. ಇವತ್ತು ಹೊರೆ ಇಟ್ಟಿ ಬಣವೆ ಹಾಕಲು ಸಿದ್ಧತೆ ನಡೆಸಿದವರಿಗೆ ಈಗ ನೆಲದಲ್ಲಿರುವ ಬೆಳೆ ತೊಯ್ದು ಬೇಸರಗೊಂಡಿದ್ದಾರೆ. ಕೊಯ್ದ ಬೆಳೆಯನ್ನ ಈಗ ಬಿಸಿಲು ಬರುವವರೆಗೆ ಕಟ್ಟು ವಂತಿಲ್ಲ. ಮಳೆಗೆ ತೊಯ್ದ ಬೆಳೆಯನ್ನು ಕಟ್ಟಿ ಬಣವೆ ಹಾಕಲು ಬರುವುದಿಲ್ಲ. ಹಾಗೆ ಮಾಡಿದಲ್ಲಿ‌ ಬಣವೆ ಒಳಗೆ ಕಾಳು‌ ಮೊಳಕೆ‌ ಬರುತ್ತದೆ. ಹೀಗಾಗಿ ರೈತರು ಚಂತೆಗೀಡಾಗಿದ್ದಾರೆ. ವಾಯುಭಾರ ಕುಸಿತದಿಂದ ಎರಡು ದಿನ ನಗರದಲ್ಲಿ ಭಾರಿ ಮಳೆ ಬರುವ ಸಾಧ್ಯತೆ ಇದೆ.-ಗೀತಾ ಅಗ್ನಿಹೋತ್ರಿ, ನಿರ್ದೇಶಕಿ (ಉಸ್ತುವಾರಿ), ಹವಾಮಾನ ಇಲಾಖೆ

from India & World News in Kannada | VK Polls https://ift.tt/2sqoCK7

ದೀದಿ ದಿಸೆ ಬದಲಿಸಿದ ರಾಜಕೀಯ ಚಾಣಾಕ್ಷ, ಮುಂದಿನ ಚುನಾವಣೆಗೆ ಈಗಿನಿಂದಲೇ ತಯಾರಿ

ಬಿಜೆಪಿಯ ಸುಳ್ಳು ಭರವಸೆಗಳಿಂದ ದೇಶದ ಆರ್ಥಿಕತೆ ನಾಶವಾಗುತ್ತಿದೆ: ಪ್ರಿಯಾಂಕಾ

ಸಿಯಾಚಿನ್ ನಲ್ಲಿ ಮತ್ತೆ ಹಿಮಪಾತ, ಇಬ್ಬರು ಯೋಧರು ಹುತಾತ್ಮ

ಈರುಳ್ಳಿ ದರ ಹೆಚ್ಚಳಕ್ಕೆ ಸಂಗ್ರಹಕಾರರ ಮತ್ತು ಬಿಜೆಪಿ ನಡುವಣ ಹೊಂದಾಣಿಕೆ ಕಾರಣ: ಎಎಪಿ

ಹೊಸದಿಲ್ಲಿ: ಈರುಳ್ಳಿ ಸಂಗ್ರಹಕಾರರು ಮತ್ತು ಬಿಜೆಪಿ ನಡುವಣ ಹೊಂದಾಣಿಕೆಯ ಪರಿಣಾಮ ಏಕಾಏಕಿ ಏರಿಕೆಯಾಗಿದೆ ಎಂದು ಆಮ್‌ ಆದ್ಮಿ ಪಕ್ಷದ ಮುಖಂಡ ಮತ್ತು ರಾಜ್ಯಸಭೆ ಸದಸ್ಯ ಸಂಜಯ್‌ ಸಿಂಗ್‌ ಆರೋಪಿಸಿದ್ದಾರೆ. ಈರುಳ್ಳಿ ದರ ಇಳಿಸುವ ಬಗ್ಗೆ ಕೇಂದ್ರ ಸರಕಾರ ಯಾಕೆ ಯಾವುದೇ ಕ್ರಮಗಳನ್ನು ಕೈಗೊಳ್ಳುತ್ತಿಲ್ಲ? ಎಂದು ಪ್ರಶ್ನಿಸಿದ ಸಂಜಯ್‌ ಸಿಂಗ್‌, ದಿಲ್ಲಿಯಲ್ಲಿ ಈರುಳ್ಳಿ ದರ ಹೆಚ್ಚಳಕ್ಕೆ ಕೇಂದ್ರ ಸರಕಾರ ಕಾರಣ. ರಾಷ್ಟ್ರೀಯ ಕೃಷಿ ಮತ್ತು ಮಾರುಕಟ್ಟೆ ಫೆಡರೇಷನ್‌ ನಿಗದಿತ ಪಡಿಸಿದ ರಿಯಾಯಿತಿ ದರಕ್ಕಿಂತ ಹೆಚ್ಚು ದರದಲ್ಲಿ ರಾಜ್ಯ ಸರಕಾರಕ್ಕೆ ಮಾರಟ ಮಾಡುತ್ತಿರುವುದರಿಂದ ಈರುಳ್ಳಿ ದರ ಹೆಚ್ಚಾಗಿದೆ ಎಂದು ಕಾರಣ ನೀಡಿದ್ದಾರೆ. ರಿಯಾಯಿತಿ ದರದಲ್ಲಿ ಈರುಳ್ಳಿ ಒದಗಿಸುವಂತೆ ಅರಂವಿಂದ ಕೇಂಜ್ರಿವಾಲ್‌ ಸರಕಾರ ಕೇಂದ್ರ ಸರಕಾರಕ್ಕೆ ಮನವಿ ಮಾಡಿದೆ. ಎನ್‌ಎಎಫ್‌ಇಡಿ ರಾಜ್ಯದಲ್ಲಿ ಪ್ರತಿ ಕಿಲೋಗೆ ರೂ.60ರಂತೆ ಮಾರಾಟ ಮಾಡಬೇಕು ಎಂದಿದೆ.

ದೇಶದಲ್ಲಿ ಈರುಳ್ಳಿ ಬೆಲೆ ಗಗನಕ್ಕೇರಿದ್ದು, ಕೆಜಿ ಈರುಳ್ಳಿ ಬೆಲೆ 100 ರೂ. ದಾಟಿದೆ. ಸಾಮಾನ್ಯ ಜನರಿಗೆ ಈರುಳ್ಳಿ ಕೊಂಡುಕೊಳ್ಳುವುದು ಕಷ್ಟವಾಗಿರುವುದರಿಂದ ಬಿಹಾರ ಸರಕಾರದ ಸಹಕಾರಿ ಮಾರುಕಟ್ಟೆಯಲ್ಲಿ 35 ರೂ. ಗೆ ಕೆಜಿ ಈರುಳ್ಳಿ ಮಾರಾಟ ಮಾಡಲಾಗುತ್ತಿದೆ. ಕಡಿಮೆ ಬೆಲೆಯಲ್ಲಿ ಈರುಳ್ಳಿ ಸಿಗುತ್ತಿರುವುದರಿಂದ ಕಿ.ಮೀ. ಗಟ್ಟಲೆ ಸಾಲುಗಳಲ್ಲಿ ನಿಂತು ಜನ ಈರುಳ್ಳಿ ಕೊಂಡುಕೊಂಡಿದ್ದಾರೆ. ಇನ್ನು, ಸಿಬ್ಬಂದಿ ಹೆಲ್ಮೆಟ್‌ ಧರಿಸಿ ಈರುಳ್ಳಿ ನಿಡುತ್ತಿದ್ದದ್ದು ಸಹ ವಿಶೇಷವಾಗಿತ್ತು.

from India & World News in Kannada | VK Polls https://ift.tt/2OBZh8A

ಪಶುವೈದ್ಯೆ ಅತ್ಯಾಚಾರ: ಗಲ್ಲಿಗೇರಿಸಿ ಎಂದು ಪ್ರತಿಭಟಿಸಿದವರ ಮೇಲೆ ಲಾಠಿ, ನ್ಯಾಯಾಂಗ ಕಸ್ಟಡಿಗೆ ಆರೋಪಿಗಳು

ಹೈದರಾಬಾದ್‌: ತೆಲಂಗಾಣದ ಹೈದರಾಬಾದ್‌ ಹೊರವಲಯದ ಶಂಶಾಬಾದ್‌ನಲ್ಲಿ 27 ವರ್ಷದ ಪಶುವೈದ್ಯೆಯ ಸಾಮೂಹಿಕ ಅತ್ಯಾಚಾರ ಹಾಗೂ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿ ನಾಲ್ವರು ಆರೋಪಿಗಳನ್ನು ಬಂಧಿಸಲಾದ ಶದ್‌ನಗರ್‌ ಪೊಲೀಸ್‌ ಠಾಣೆಗೆ ಮುತ್ತಿಗೆ ಹಾಕಿದ ಪ್ರತಿಭಟನಾಕಾರರನ್ನು ಚದುರಿಸಲು ಪೊಲೀಸರು ಲಾಠಿ ಬೀಸಿದ್ದಾರೆ. ಆರೋಪಿಗಳನ್ನು ಗಲ್ಲಿಗೇರಿಸಬೇಕು ಎಂದು ತೀವ್ರವಾಗಿ ಪ್ರತಿಭಟನೆ ನಡೆಸುತ್ತಿದ್ದ ಹಿನ್ನೆಲೆ, ಹಲವು ಬಾರಿ ಮನವಿ ಮಾಡಿದರೂ ಪಟ್ಟು ಸಡಿಲಿಸದ ಹಿನ್ನೆಲೆ ಲಾಠಿ ಪ್ರಹಾರ ನಡೆಸಲಾಗಿದೆ. ಶಂಶಾಬಾದ್‌ ಪೊಲೀಸ್‌ ಠಾಣೆಯಲ್ಲಿ ಏರ್ಪಟ್ಟಿದ್ದ ಸಂದಿಗ್ಧ ಸ್ಥಿತಿಯಲ್ಲೇ ಹಿಂದಿನ ಬಾಗಿಲಿನಿಂದ ಆಗಮಿಸಿದ ಮ್ಯಾಜಿಸ್ಟ್ರೇಟ್‌ ನಾಲ್ವರು ಆರೋಪಿಗಳನ್ನು 14 ದಿನಗಳ ಕಾಲ ನ್ಯಾಯಾಂಗ ಕಸ್ಟಡಿಗೆ ಒಪ್ಪಿಸುವಂತೆ ಆದೇಶಿಸಿದ್ದಾರೆ. ಪೊಲೀಸ್‌ ಠಾಣೆಯ ಹೊರಗೆ ಸಂದಿಗ್ಧ ಸ್ಥಿತಿ ನಿರ್ಮಾಣವಾಗಿದ್ದ ಹಿನ್ನೆಲೆ ಮತ್ತು ಮಹಬೂಬ್‌ನಗರದ ಕೋರ್ಟ್‌ನಲ್ಲಿ ನ್ಯಾಮಮೂರ್ತಿಗಳ ಅನುಪಸ್ಥಿತಿ ಇದ್ದುದರಿಂದ ಆರೋಪಿಗಳನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲು ಸಾಧ್ಯವಾಗಿರಲಿಲ್ಲ. ಇದೀಗ ಮಂಡಲ್‌ ಎಕ್ಸಿಕ್ಯೂಟಿವ್‌ ಮ್ಯಾಜಿಸ್ಟ್ರೇಟ್‌(ಎಂಆರ್‌ಒ) ಎಲ್ಲ ಆರೋಪಿಗಳನ್ನು 14 ದಿನಗಳ ಕಾಲ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸುವಂತೆ ಆದೇಶಿಸಿದ್ದಾರೆ. ಆರೋಪಿಗಳಾದ ಮೊಹಮ್ಮದ್‌ ಆರಿಫ್‌, ಜೊಲ್ಲು ನವೀನ್‌, ಜೊಲ್ಲು ಶಿವಾ ಮತ್ತು ಚಿಂತಕುಂಟಾ ಕೇಶವುಲು ಅವರನ್ನು ಮಹಬೂಬ್‌ನಗರ ಜೈಲಿಗೆ ಸ್ಥಳಾಂತರ ಮಾಡಿದರು ಎನ್ನಲಾಗಿದೆ. ಆದರೆ ಎಎನ್‌ಐ ವರದಿ ಪ್ರಕಾರ ಆರೋಪಿಗಳನ್ನು ಚಂಚಲಗುಡ ಕೇಂದ್ರ ಕರಾಗೃಹಕ್ಕೆ ಸ್ಥಳಾಂತರಿಸಲಾಗಿದೆ. ಶದ್‌ನಗರ್‌ ಪೊಲೀಸ್‌ ಠಾಣಾ ಪ್ರದೇಶದಲ್ಲಿ ಆಕ್ರೋಶಗೊಂಡ ಜನರ ನ್ಯಾಯಬೇಕು ಎಂಬ ಘೋಷವಾಕ್ಯಗಳು ಮುಗಿಲು ಮುಟ್ಟಿದ್ದವು. ಸ್ಥಳೀಯ ಜನರು, ಮಹಿಳಾ ಸಂಘಟನೆಗಳಸದಸ್ಯರು ಮತ್ತು ವಿದ್ಯಾರ್ಥಿಗಳು ಭಾರಿ ಸಂಖ್ಯೆಯಲ್ಲಿ ಪೊಲೀಸ್‌ ಠಾಣೆಯ ಎದುರು ಘೇರವ್‌ ಹಾಕಿದ್ದರು. ಯಾವುದೇ ತನಿಖೆ ಮತ್ತು ವಿಚಾರಣೆಯನ್ನು ನಡೆಸದೆ ತಕ್ಷಣ ನಾಲ್ವರು ಆರೋಪಿಗಳನ್ನು ಮರಣದಂಡನೆ ವಿಧಿಸಬೇಕು ಎಂದು ಒತ್ತಾಯ ಪಡಿಸಿದರು. ಸಮಾಜದಲ್ಲಿ ಇಂತಹ ಕೃತ್ಯ ನಡೆಸುವ ಅಪರಾಧಿಗಳಿಗೆ ಜಾಗವಿಲ್ಲ. ಹಾಗಾಗಿ ಅವರನ್ನು ತಕ್ಷಣ ಸಾಯಿಸಬೇಕು ಎಂದು ಹಲವರು ಆಕ್ರೋಶ ವ್ಯಕ್ತ ಪಡಿಸಿದರು. ಹಿಂಸಾಚಾರವನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಪೊಲೀಸ್‌ ಠಾಣೆಯ ಸುತ್ತಲು ಹೆಚ್ಚುವರಿ ಪೊಲೀಸರನ್ನು ನಿಯೋಜಿಸಲಾಗಿದೆ.

from India & World News in Kannada | VK Polls https://ift.tt/35Gi48G

ಹಿಂದೆಯೇ ಡಿಸಿಎಂ ಆಗಿದ್ದೆ, ಮುಂದೆ ಅದ್ಕಿಂತ ದೊಡ್ಡ ಹುದ್ದೆಗೇರಬಹುದು: ಆರ್‌ ಅಶೋಕ್‌

ಮಂಡ್ಯ: ಉಪಚುನಾವಣೆಯು ಮುಂದಿನ ಸುಭದ್ರ ಸರಕಾರಕ್ಕಾಗಿ ನಡೆಯುತ್ತಿರುವ ಚುನಾವಣೆ. ಬಹಳ ವರ್ಷಗಳ ನಂತರ ಕೇಂದ್ರ, ರಾಜ್ಯದಲ್ಲಿ ಒಂದೇ ಸರಕಾರ ಆಡಳಿತದಲ್ಲಿದೆ. ರಾಜ್ಯ ಸರಕಾರ ನೆರೆ ವಿಚಾರದಲ್ಲಿ ತ್ವರಿತವಾಗಿ, ಉತ್ತಮ ರೀತಿಯಲ್ಲಿ ಸ್ಪಂಧಿಸಿದೆ. ಈಗಾಗಲೇ ರಾಜ್ಯದ ಮತದಾರರು 105 ಸ್ಥಾನವನ್ನು ಬಿಜೆಪಿಗೆ ಕೊಟ್ಟಿದ್ದಾರೆ. 2ನೇ ಸ್ಥಾನದಲ್ಲಿ ಕಾಂಗ್ರೆಸ್, 3ನೇ ಸ್ಥಾನವನ್ನು ಜೆಡಿಎಸ್ಗೆ ಕೊಟ್ಟಿದೆ. ಆದರೆ ಜನಾದೇಶಕ್ಕೆ ವಿರುದ್ಧವಾಗಿ ಕಾಂಗ್ರೆಸ್-ಜೆಡಿಎಸ್ ಅಪವಿತ್ರ ಮೈತ್ರಿ ಸರಕಾರ ಮಾಡಿದರು. ಅಭಿವೃದ್ಧಿ ಮಾಡಲಿಲ್ಲ, ಜನರ ಸಮಸ್ಯೆಗೂ ಆ ಸರಕಾರ ಸ್ಪಂಧಿಸಲಿಲ್ಲ ಎಂದು ಆರೋಪಿಸಿದರು. ಕೆ.ಆರ್.ಪೇಟೆಯಲ್ಲಿ ಸುದ್ದಿಗೋಷ್ಠಿ ನಡೆಸಿದ ಸಚಿವ ಆರ್.ಅಶೋಕ್, ಮೈತ್ರಿ ಸರಕಾರ ಬೀಳಿಸಿದ್ದು ಕಾಂಗ್ರೆಸ್ಸಿಗರು ಎಂದು ಎಚ್‌ಡಿ ಕುಮಾರಸ್ವಾಮಿ ಮತ್ತು ಎಚ್‌ಡಿ ದೇವೇಗೌಡ ಹೇಳಿದ್ದಾರೆ. ಈಗ ಅದನ್ನು ಬಿಜೆಪಿ ಮೇಲೆ ಹೊರಿಸಲು ಹೊರಟಿದ್ದಾರೆ. ಈಗ ಮತ್ತೆ ಈ ಎರಡೂ ಪಕ್ಷಗಳು ಒಂದಾಗಿ ಸರಕಾರ ಬೀಳಿಸಲು ಮುಂದಾಗಿವೆ. ಉಪ ಚುನಾವಣೆಯಲ್ಲಿ 15ಕ್ಷೇತ್ರಗಳಲ್ಲೂ ಬಿಜೆಪಿ ಗೆಲ್ಲಲಿದೆ. ಜನಕ್ಕೆ ಸುಭದ್ರ ಸರಕಾರ ಬೇಕಿದೆ. ಹೀಗಾಗಿ ಬಿಜೆಪಿಗೆ ಜನ ಮತ ನೀಡುತ್ತಾರೆ. ನಾರಾಯಣಗೌಡ ಗೆದ್ದರೆ ಮಂತ್ರಿ ಆಗುತ್ತಾರೆ. ಉಳಿದವರು ಗೆದ್ದರೆ ಕೇವಲ ಶಾಸಕರಷ್ಟೇ ಆಗಿರುತ್ತಾರೆ ಎಂದರು. ಹೆಚ್ಡಿಕೆ ರಾಜಕೀಯ ದೃವೀಕರಣದ ಹೇಳಿಕ ಸತ್ಯ. ಎಲ್ಲಾ ಕಡೆ ನಮ್ಮ ಬಿಜೆಪಿ ಅಭ್ಯರ್ಥಿಗಳು ಗೆಲ್ತಾರೆ. ಈ ಚುನಾವಣೆ ಬಳಿಕ ಬಿಜೆಪಿ ಪಕ್ಷ, ಸರಕಾರ ಸಧೃಡವಾಗುತ್ತೆ. ಜಿಲ್ಲೆಯ ಎರಡು ಸಕ್ಕರೆ ಕಾರ್ಖಾನೆಗಳು ಮುಚ್ಚಲು ಜೆಡಿಎಸ್ ಕಾರಣ. ರಾಜ್ಯದಲ್ಲಿ ಅತಿ ಹೆಚ್ಚು ರೈತರು ಆತ್ಮಹತ್ಯೆ ಮಾಡಿಕೊಂಡಿದ್ದು, ಜೆಡಿಎಸ್ ಮೈತ್ರಿ ಸರಕಾರದ ಕಾಲದಲ್ಲಿ ನನಗೆ ಉಪಮುಖ್ಯಮಂತ್ರಿ ಕೊಡದ ವಿಚಾರದಲ್ಲಿ ಬೇಸರವಿಲ್ಲ. ನನಗೆ ಈಗ ಕೊಟ್ಟಿರುವ ಖಾತೆಗಳು ನನ್ನದೆ ಆಯ್ಕೆ, ನನಗೆ ತೃಪ್ತಿ ಇದೆ. ಪಕ್ಷ ಯಾವಾಗ ಯಾರಿಗೆ‌ ಯಾವ ಸ್ಥಾನ ಕೊಡಬೇಕೆಂಬುದನ್ನ‌ ನಿರ್ಧರಿಸುತ್ತೆ. ಈ‌ ಹಿಂದೆಯೆ ನಾನು ಡಿಸಿಎಂ ಆಗಿದ್ದವನು. ಮುಂದೆ‌ ಡಿಸಿಎಂಗಿಂತ ದೊಡ್ಡ ಹುದ್ದೆಗೆ ಹೋಗಬಹುದು ಎನ್ನುವ ಮೂಲಕ ಆರ್‌ ಅಶೋಕ್‌ ಪರೋಕ್ಷವಾಗಿ ಮುಖ್ಯಮಂತ್ರಿಯಾಗುವ ಹಂಬಲವನ್ನು ವ್ಯಕ್ತ ಪಡಿಸಿದರು.

from India & World News in Kannada | VK Polls https://ift.tt/35G82Ey

ಮಂತ್ರಿಯಾದ ಮೇಲೆ ಸುಧಾಕರ್‌ ಶಿವಮೊಗ್ಗಕ್ಕೆ ಕೆಲಸ ಮಾಡಿಕೊಡಬೇಕು: ಈಶ್ವರಪ್ಪ

ಚಿಕ್ಕಬಳ್ಳಾಪುರ: ಡಾ. ಕೆ. ಸುಧಾಕರ್ ಒಬ್ಬ ಛಲಗಾರ. ಚಿಕ್ಕಬಳ್ಳಾಪುರ ಜಿಲ್ಲೆಗೆ ಮೆಡಿಕಲ್ ಕಾಲೇಜು ತಂದಿದ್ದಾರೆ. ಕ್ಷೇತ್ರದಲ್ಲಿ ಸುಧಾಕರ್ 20 ರಿಂದ 30 ಸಾವಿರ ಮತಗಳ ಅಂತರದಿಂದ ಗೆಲುವು ಸಾಧಿಸಲಿದ್ದಾರೆ. ಉಪಚುನಾವಣೆ ಮುಗಿದ ಬಳಿಕ ವಿಜಯೋತ್ಸವ ಆಚರಣೆಯಲ್ಲಿ ಸುಧಾಕರ್‌ ಅವರೊಂದಿಗೆ ಊಟ ಮಾಡುತ್ತೇನೆ ಎಂದು ಬಿಜೆಪಿ ನಾಯಕ ಕೆ.ಎಸ್‌. ಈಶ್ವರಪ್ಪ ಹೇಳಿದರು. ಚಿಕ್ಕಬಳ್ಳಾಪುರ ಬಿಜೆಪಿ ಅಭ್ಯರ್ಥಿ ಸುಧಾಕರ್ ಪರ ಶನಿವಾರ ಆಯೋಜಿಸಿದ್ದ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡಿದ ಸಚಿವ ಕೆ.ಎಸ್‌ಈಶ್ವರಪ್ಪ, ನನ್ನ ಕ್ಷೇತ್ರದಲ್ಲಿ ಶಾಸಕನಾಗಲು ನನಗೆ ಮತ ಹಾಕಿದ್ದಾರೆ, ಆದರೆ, ಸುಧಾಕರ್‌ ಅವರನ್ನು ಮಂತ್ರಿ ಮಾಡಲು ಈ ಕ್ಷೇತ್ರದ ಜನ ಮತ ನೀಡಬೇಕು ಎಂದು ಮನವಿ ಮಾಡಿದರು. ನನಗೆ ಗ್ರಾಮೀಣಭಿವದ್ಧಿ ಇಲಾಖೆ ಮಂತ್ರಿ ಸಿಕ್ಕಿದೆ. ನಾನು ಚಿಕ್ಕಬಳ್ಳಾಪುರ ಕ್ಷೇತ್ರದ ಹಳ್ಳಿಗಳಿಗೆ ರಸ್ತೆ ಸೇರಿದಂತೆ ಮೂಲಸೌಲಭ್ಯಗಳನ್ನು ಒದಗಿಸಿದ್ದೇನೆ. ನನಗೂ ಸ್ವಾರ್ಥ ಇದೆ. ಸುಧಾಕರ್‌ಗೆ ಮಂತ್ರಿ ಸ್ಥಾನ ಸಿಕ್ಕ ಮೇಲೆ ಶಿವಮೊಗ್ಗಕ್ಕೂ ಕೆಲಸ ಕಾರ್ಯಗಳನ್ನು ಮಾಡಿಕೊಡಬೇಕು. ಕ್ಷೇತ್ರದಲ್ಲಿ ಕುರುಬ ಸಮುದಾಯ ಸುಧಾಕರ್ ಅವರ ಜೊತೆಗಿದೆ ಎಂದು ಈಶ್ವರಪ್ಪ ಭರವಸೆ ನೀಡಿದರು. ಚಿಕ್ಕಬಳ್ಳಾಪುರ ವಿಧಾನಸಭೆ ಉಪ ಚುನಾವಣೆಯಲ್ಲಿ ಕಾಂಗ್ರೆಸ್‌ನಿಂದ ನಂದಿ ಎಂ. ಅಂಜಿನಪ್ಪ, ಬಿಜೆಪಿಯಿಂದ ಡಾ. ಕೆ. ಸುಧಾಕರ್‌ ಹಾಗೂ ಜೆಡಿಎಸ್‌ನಿಂದ ಎನ್‌. ರಾಧಾಕೃಷ್ಣ ಸ್ಪರ್ಧಾಕಣದಲ್ಲಿ ಇದ್ದಾರೆ. ಕಾಂಗ್ರೆಸ್‌ನಿಂಗ ಬಿಜೆಪಿಗೆ ವಲಸೆ ಹೋಗಿರುವ ಸುಧಾಕರ್ ಅವರಿಗೆ ಪ್ರತಿಷ್ಠೆಯ ಚುನಾವಣೆ ಇದಾಗಿದೆ.

from India & World News in Kannada | VK Polls https://ift.tt/35L3bBY

ರಾಜ್ಯದ ಅಭಿವೃದ್ಧಿ ಪ್ರಾದೇಶಿಕ ಪಕ್ಷ ಅತ್ಯವಶ್ಯಕ: ಎಚ್‌ಡಿ ದೇವೇಗೌಡ

ಚಿಕ್ಕಬಳ್ಳಾಪುರ: ಯಾವುದೇ ಒಂದು ರಾಜ್ಯದ ಸಮಗ್ರ ಅಭಿವೃದ್ಧಿ ಆಗಬೇಕಾದರೆ ಪ್ರಾದೇಶಿಕ ಪಕ್ಷಗಳು ಅವಶ್ಯಕ. ತಮಿಳುನಾಡು, ತೆಲಂಗಾಣ, ಆಂಧ್ರದಲ್ಲಿ ಈಗ ಮಹಾರಾಷ್ಟ್ರದಲ್ಲಿ ಪ್ರಾದೇಶಿಕ ಪಕ್ಷಗಳು ಅಧಿಕಾರದಲ್ಲಿರುವುದರಿಂದ ಪ್ರಧಾನಮಂತ್ರಿ ಅವರ ಮನೆ ಬಾಗಿಲಿಗೆ ಬರುತ್ತಾರೆ ಹಾಗೂ ಬೆಂಬಲ ಕೋರುತ್ತಾರೆ. 40 ವರ್ಷದಿಂದ ರಾಜ್ಯದಲ್ಲಿ ಪ್ರಾದೇಶಿಕ ಪಕ್ಷ ಜೆಡಿಎಸ್‌ ಉಳಿದಿದೆ. ಅದಕ್ಕೆ ಕರ್ನಾಟಕದ ಮಹಾಜನತೆ ಕಾರಣ ಎಂದು ಮಾಜಿ ಪ್ರಧಾನಿ ಹೇಳಿದರು. ಶನಿವಾರ ಕೆಂಗಲ್ಚಿಕ್ಕಬಳ್ಳಾಪುರದಲ್ಲಿ ಎನ್‌. ರಾಧಾಕೃಷ್ಣ ಪರ ಮತಯಾಚಿಸಿದ ದೇವೇಗೌಡರು, ಹನುಮಂತಯ್ಯನವರು ಸ್ವರಾಜ್ ಪಾರ್ಟಿ ಅಂತ ಕಟ್ಟಿದರ. ಯಡಿಯೂರಪ್ಪನವರೂ ಕೆಜೆಪಿ ಪಾರ್ಟಿ ಕಟ್ಟಿದ್ದರು. ಗುಂಡೂರಾವ್, ರಾಮಕೃಷ್ಣ ಹೆಗಡೆ ಅವರು ಪಕ್ಷವನ್ನು ಕಟ್ಟಿದರು. ಆದರೆ ಪಕ್ಷ ಉಳಿಸಿಕೊಳ್ಳಲು ಆಗಿಲ್ಲ. ತಮಿಳುನಾಡಲ್ಲಿ ಪ್ರಾದೇಶಿಕ ಪಕ್ಷ ಇದ್ದ ಕಾರಣ ವಿ.ಪಿ. ಸಿಂಗ್, ವಾಪಪೇಯಿ, ಸೋನಿಯಾಗಾಂಧಿ, ಮನಮೋಹನ್ ಸಿಂಗ್‌ ಎಲ್ಲರೂ ಕರುಣಾನಿಧಿ ಮನೆಗೆ ಹೋಗುತ್ತಾರೆ. ಕನ್ನಡಿಗರಾದ ನಮಗೆ ಏನಾಗಿದೆ? ಅಂತಹ ಶಕ್ತಿ, ಸ್ವಾಭಿಮಾನ ನಮ್ಮಲ್ಲಿ ಇಲ್ಲವಾ? ನಾವು ಜನರ ಬಳಿ ಮತಬಿಕ್ಷೆಗೆ ಬಂದಿದ್ದೇವೆ. ಮತ ಕೊಡುವ ಪುಣ್ಯಾತ್ಮರು ಜನ, ನೀವು ಮೊದಲು ತೀರ್ಮಾನ ಮಾಡಬೇಕು ಎಂದರು. ರಾಜ್ಯದಲ್ಲಿ ಅತ್ಯಂತ ಕೆಟ್ಟ ಪರಿಸ್ಥಿತಿ ನಡುವೆ ಚುನಾವಣೆ ಬಂದಿದೆ. ಇದು ಸ್ವಾಭಿಮಾನದ ಚುನಾವಣೆ. ಯಾವ ಅಭ್ಯರ್ಥಿಯನ್ನು ಗೆಲ್ಲಿಸಿದರೆ ಉಳಿಗಾಲ ಎಂಬುದು ಅರ್ಥ ಮಾಡಿಕೊಂಡು ಮತ ಕೊಡಬೇಕು ಎಂದು ದೇವೇಗೌಡರು ವಿಧಾನಸಭೆ ಕ್ಷೇತ್ರದ ಮತದಾರರಲ್ಲಿ ವಿನಂತಿ ಮಾಡಿಕೊಂಡರು. ಚಿಕ್ಕಬಳ್ಳಾಪುರ ವಿಧಾನಸಭೆ ಕ್ಷೇತ್ರದಲ್ಲಿ ಬಿಜೆಪಿಯಿಂದ ಡಾ. ಕೆ. ಸುಧಾಕರ್‌, ಕಾಂಗ್ರೆಸ್‌ನಿಂದ ನಂದಿ ಎಂ. ಅಂಜನಪ್ಪ ಅವರು ಕಣದಲ್ಲಿದ್ದಾರೆ.

from India & World News in Kannada | VK Polls https://ift.tt/2L90Vwn

'ವಂದೇ ಮಾತರಂ' ಹಾಡದೆ ಅಧಿವೇಶನ ಆರಂಭಿಸಿದ್ದು ನಿಯಮಕ್ಕೆ ವಿರುದ್ಧ: ಫಡ್ನವಿಸ್‌

ಮುಂಬಯಿ: ಮುಖ್ಯಮಂತ್ರಿ ಉದ್ಧವ್‌ ಠಾಕ್ರೆ ನೇತೃತ್ವದ ಶಿವಸೇನೆ, ಎನ್‌ಸಿಪಿ ಮತ್ತು ಕಾಂಗ್ರೆಸ್‌ ಮೈತ್ರಿ ಮಹಾ ವಿಕಾಸ ಅಘಾಡಿ ಸರಕಾರದ ವಿಶ್ವಾಸಮತ ಸಾಬೀತು ಪ್ರಕ್ರಿಯೆಗೆಂದು ಕರೆದಿದ್ದ ವಿಶೇಷ ಅಧಿವೇಶನದ ವಿರುದ್ಧ ಮಾಜಿ ಸಿಎಂ ಅಸಮಾಧಾನ ವ್ಯಕ್ತ ಪಡಿಸಿದ್ದಾರೆ. ನೂತನ ಅಧಿವೇಶನವು 'ವಂದೇ ಮಾತರಂ' ಹಾಡು ಹೇಳುವ ಮೂಲಕ ಆರಂಭಗೊಳ್ಳಬೇಕು. ಆದರೆ ಈ ಅಧಿವೇಶನದಲ್ಲಿ ಹಾಡಲಾಗಿಲ್ಲ. ಇದು ನಿಯಮಕ್ಕೆ ವಿರುದ್ಧವಾಗಿದೆ ಎಂದು ದೇವೇಂದ್ರ ಫಡ್ನವಿಸ್‌ ಆರೋಪಿಸಿದ್ದಾರೆ. ಎನ್‌ಸಿಪಿ ಸ್ಪೀಕರ್‌ ಆಯ್ಕೆ ವಿರುದ್ಧವೂ ಕಿಡಿಕಾರಿದ ಫಡ್ನವಿಸ್‌, ಸ್ಪೀಕರ್‌ ಆಯ್ಕೆ ಸಂವಿಧಾನಕ್ಕೆ ವಿರುದ್ಧವಾಗಿದೆ. ಸ್ಪೀಕರ್‌ ಆಯ್ಕೆಯಾಗುವ ಮೊದಲೇ ವಿಶ್ವಾಸಮತ ಪರೀಕ್ಷೆ ಪ್ರಕ್ರಿಯೆ ನಡೆದ ಇತಿಹಾಸ ಮಹಾರಾಷ್ಟ್ರ ವಿಧಾನಸಭೆಯಲ್ಲಿ ಇದುವರೆಗೆ ಇರಲಿಲ್ಲ ಎಂದಿದ್ದಾರೆ. ಶನಿವಾರ ಮಹಾರಾಷ್ಟ್ರ ವಿಧಾನಸಭೆಯಲ್ಲಿ ನಡೆದ ವಿಶ್ವಾಸಮತ ಸಾಬೀತು ಪ್ರಕ್ರಿಯೆಯಲ್ಲಿ ಸಿಎಂ ಉದ್ಧವ್‌ ಠಾಕ್ರೆ ಬಹುಮತ ಸಾಬೀತು ಪಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ. 288 ಸದಸ್ಯರ ಮಹಾರಾಷ್ಟ್ರ ವಿಧಾನಸಭೆಯಲ್ಲಿ ಮಹಾ ವಿಕಾಸ ಅಘಾಡಿ ಸರಕಾರದ ಪರ 169 ಮತಗಳು ಚಲಾವಣೆಗೊಂಡವು. ಈ ಸಂದರ್ಭ ಬಿಜೆಪಿಯ ಎಲ್ಲ 105 ಸದಸ್ಯರು ಸಭಾತ್ಯಾಗ ಮಾಡಿದರು. ರಾಜ್‌ ಠಾಕ್ರೆ ಪಕ್ಷದ ಎಂಎನ್ಎಸ್‌ನ ಓರ್ವ ಸದಸ್ಯ ತಟಸ್ಥರಾಗಿ ಉಳಿದುಕೊಂಡರು.

from India & World News in Kannada | VK Polls https://ift.tt/33Cny2K

ಮಹಾರಾಷ್ಟ್ರದ ವಿಶ್ವಾಸಮತ ಗೆದ್ದ ಸಿಎಂ ಉದ್ಧವ್‌ ಠಾಕ್ರೆ, ಬಿಜೆಪಿ ಸಭಾತ್ಯಾಗ

ಮುಂಬಯಿ: ಶಿವಸೇನೆ ಮುಖ್ಯಸ್ಥ ನೇತೃತ್ವದ 'ಮಹಾ ವಿಕಾಸ ಅಘಾಡಿ' ಸರಕಾರ ವಿಶ್ವಾಸಮತ ಗೆಲ್ಲುವ ಮೂಲಕ ಅಧಿಕಾರವನ್ನು ಭದ್ರಪಡಿಸಿಕೊಂಡಿದೆ. ಬಿಜೆಪಿಯ ಎಲ್ಲ 105 ಶಾಸಕರು ಸಭಾತ್ಯಾಗ ಮಾಡುವ ಮೂಲಕ ವಿಶ್ವಾಸಮತ ಪ್ರಕ್ರಿಯೆಯಿಂದ ಹೊರಗುಳಿದರು. ಬಿಜೆಪಿ ಸದಸ್ಯರಿಲ್ಲದ ಅಧಿವೇಶನದಲ್ಲಿ ನಾಲ್ವರು ಮೈತ್ರಿ ಸರಕಾರ ವಿರುದ್ಧ ಮತ ಚಲಾಯಿಸಿದರು. ವಿಧಾನಸಭೆಯಲ್ಲಿ ಶನಿವಾರ ಮಧ್ಯಾಹ್ಮದ ನಂತರ ನಡೆದ ವಿಶ್ವಾಸಮತ ಪರೀಕ್ಷೆ ಪ್ರಕ್ರಿಯೆಯಲ್ಲಿ ಉದ್ಧವ್‌ ಠಾಕ್ರೆ ಸರಕಾರದ ಪರ 169 ಶಾಸಕರು ಮತ ಹಾಕಿದರು. ಮೈತ್ರಿ ಸರಕಾರದ ವಿರುದ್ಧ ಯಾರೂ ಮತ ಚಲಾಯಿಸಿಲ್ಲ. ರಾಜ್‌ ಠಾಕ್ರೆ ಅವರ ಎಂಎನ್‌ಎಸ್‌ ಪಕ್ಷದ ಓರ್ವ ಶಾಸಕ ತಟಸ್ಥವಾಗಿ ಉಳಿದರು. ದೇವೇಂದ್ರ ಫಡ್ನವಿಸ್‌ ನೇತೃತ್ವದಲ್ಲಿ 105 ಸದಸ್ಯರು ಸಭಾತ್ಯಾಗ ಮಾಡಿದರು. ಸಂವಿಧಾನಕ್ಕೆ ವಿರುದ್ಧವಾಗಿ ವಿಶೇಷ ಅಧಿವೇಶನ ಕರೆಯಲಾಗಿದೆ, ಸಂವಿಧಾನಕ್ಕೆ ವಿರುದ್ಧವಾಗಿ ಮುಖ್ಯಮಂತ್ರಿ ಮತ್ತು ಸಚಿವರನ್ನು ಆಯ್ಕೆ ಮಾಡಲಾಗಿದೆ ಎಂದು ಬಿಜೆಪಿ ಆರೋಪಿಸಿದೆ. ದೇವೇಂದ್ರ ಫಡ್ನವಿಸ್‌ ಬಹುಮತ ಸಾಬೀತು ಪಡಿಸುವಲ್ಲಿ ವಿಫಲರಾಗುವ ಮೂಲಕ ಬಿಜೆಪಿ ಸರಕಾರ ಕೇವಲ 4 ದಿನಕ್ಕೆ ಬಿದ್ದು ಹೋಗಿತ್ತು. ನಂತರ ಶಿವಸೇನೆ, ಎನ್‌ಸಿಪಿ ಮತ್ತು ಕಾಂಗ್ರೆಸ್‌ ಒಗ್ಗಟ್ಟಾಗಿ ಸರಕಾರ ರಚಿಸಲು ಅವಕಾಶ ನೀಡುವಂತೆ ರಾಜ್ಯಪಾಲ ಭಗತ್‌ ಸಿಂಗ್‌ ಕೋಶ್ಯಾರಿ ಅವರಿಗೆ ಮನವಿ ಸಲ್ಲಿಸಿದ್ದರು. ತಮ್ಮ ಪರ 162 ಶಾಸಕರ ಬೆಂಬಲವಿರುವುದಾಗಿ ಹೇಳಿದ್ದರು. ಅದರಂತೆ ಮೈತ್ರಿ ಸರಕಾರ ರಚನೆಗೆ ಅವಕಾಶ ನೀಡಿದ್ದರು. ಮುಖ್ಯಮಂತ್ರಿ ಉದ್ಧವ್‌ ಠಾಕ್ರೆಗೆ ಡಿಸೆಂಬರ್‌ 3ರ ಒಳಗೆ ಬಹುಮತ ಸಾಬೀತು ಪಡಿಸುವಂತೆ ತಿಳಿಸಿದ್ದರು.

from India & World News in Kannada | VK Polls https://ift.tt/33wlDgg

ತಮ್ಮದೇ ದಾಖಲೆ ಉತ್ತಮಪಡಿಸಿದ ಲಿಯಾಂಡರ್ ಪೇಸ್; ಪಾಕಿಸ್ತಾನ ಸದೆಬಡಿದ ಭಾರತ

ನೂರ್‌ ಸುಲ್ತಾನ್‌ (ಕಜಕ್‌ಸ್ತಾನ): ಭಾರತ ಟೆನಿಸ್ ತಂಡವು ಸಾಂಪ್ರದಾಯಿಕ ಬದ್ಧ ವೈರಿ ಪಾಕಿಸ್ತಾನ ವಿರುದ್ಧ ತಟಸ್ಥ ತಾಣದಲ್ಲಿ ನಡೆಯುತ್ತಿರುವ ಏಷ್ಯಾ ಒಷಾನಿಯಾ ಗ್ರೂಪ್‌-1 ಡೇವಿಸ್‌ ಕಪ್‌ ಹಣಾಹಣಿಯಲ್ಲಿ3-0 ಅಂತರದಲ್ಲಿ ಭರ್ಜರಿ ಮುನ್ನಡೆ ದಾಖಲಿಸಿದೆ. ಶನಿವಾರ ನಡೆದ ಪುರುಷ ಡಬಲ್ಸ್ ವಿಭಾಗದಲ್ಲಿ ಮತ್ತು ಡೆಬ್ಯು ವೀರ ಜೀವನ್ ನೆಡುಂಚಿಳಿಯನ್‌ ಜೋಡಿ ಅರ್ಹ ಗೆಲುವು ದಾಖಲಿಸಿದರು. ಪೇಸ್-ಜೀವನ್ ಜೋಡಿಯು ಏಕೈಕ ಡಬಲ್ಸ್ ಹೋರಾಟದಲ್ಲಿ ಪಾಕಿಸ್ತಾನದ ಮೊಹಮ್ಮದ್ ಶೋಯೆಬ್ ಹಾಗೂ ಹುಫೈಜಾ ಅಬ್ದುಲ್ ರಹ್ಮಾನ್ ವಿರುದ್ಧ 6-1, 6-3ರ ಅಂತರದ ಅಧಿಕಾರಯುತ ಗೆಲುವು ಬಾರಿಸಿತು. ಅಲ್ಲದೆ ಕೇವಲ 53 ನಿಮಿಷಗಳಲ್ಲಿ ಪಂದ್ಯ ವಶಪಡಿಸಿಕೊಂಡರು. ಇದರೊಂದಿಗೆ ಏಷ್ಯಾ ಒಷಾನಿಯಾ ಗುಂಪು 1ರಲ್ಲಿ ಪಾಕಿಸ್ತಾನ ವಿರುದ್ಧ ಭರ್ಜರಿ ಗೆಲುವು ಬಾರಿಸಿದೆ. ಈ ನಡುವೆ ಲಿಯಾಂಡರ್ ಪೇಸ್ ತಮ್ಮದೇ ವಿಶ್ವ ದಾಖಲೆಯನ್ನು ಉತ್ತಮಪಡಿಸಿದ್ದಾರೆ. ಡಬಲ್ಸ್ ಇತಿಹಾಸದಲ್ಲೇ 44 ಪಂದ್ಯಗಳನ್ನು ಗೆದ್ದ ಮೊದಲ ಡಬಲ್ಸ್ ಪಟು ಎಂಬ ಹಿರಿಮೆಗೆ ಲಿಯಾಂಡರ್ ಪೇಸ್ ಭಾಜನವಾಗಿದ್ದಾರೆ. ಕಳೆದ ವರ್ಷ 43 ಡಬಲ್ಸ್ ಪಂದ್ಯಗಳನ್ನು ಗೆದ್ದಿರುವ ಪೇಸ್, ಇಟಲಿಯ ಮಾಜಿ ದಿಗ್ಗಜ ನಿಕೋಲಾ ಪೀಟ್ರಾಗೇಲಿ ದಾಖಲೆಯನ್ನು ಹಿಮ್ಮೆಟ್ಟಿಸಿದ್ದರು. 56 ಪಂದ್ಯಗಳಲ್ಲಷ್ಟೇ ಪೇಸ್ ಈ ದಾಖಲೆ ಬರೆದಿದ್ದಾರೆ. ಇನ್ನೊಂದೆಡೆ ನಿಕೋಲಾ, 66 ಡಬಲ್ಸ್ ಪಂದ್ಯಗಳಲ್ಲಿ 42 ಪಂದ್ಯಗಳನ್ನು ಗೆದ್ದಿದ್ದರು. ಹಾಗೆಯೇ ವಿಶ್ವ ಟೆನಿಸ್‌ನಲ್ಲಿ ಸದ್ಯಕ್ಕಂತೂ ಯಾರಿಂದಲೂ ಪೇಸ್ ದಾಖಲೆ ಮುರಿಯುವುದು ಕಷ್ಟ ಸಾಧ್ಯವಾಗಿದೆ. ಅತ್ತ ಜೀವನ್ ಪಾಲಿಗೆ ಪಾದಾರ್ಪಣಾ ಪಂದ್ಯವಾಗಿತ್ತು.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2rAjNxv

ನಿತ್ಯಾನಂದನನ್ನು ಹುಡುಕಿಕೊಂಡು ಬಿಡದಿಗೇ ಬಂದರು ಗುಜರಾತ್‌ ಪೊಲೀಸರು!

ಬೆಂಗಳೂರು: ಸ್ವಾಮಿ ನಿತ್ಯಾನಂದನನ್ನು ಹುಡುಕಿಕೊಂಡು ಗುಜರಾತ್‌ ಪೊಲೀಸರು ಬಿಡದಿಗೆ ಆಗಮಿಸಿದ್ದಾರೆ. ಕಳೆದ ವಾರವು ಸಿಐಡಿ ಪೊಲೀಸರು ಆಶ್ರಮಕ್ಕೆ ಭೇಟಿ ನೀಡಿದ್ದರು. ಸರ್ಚ್‌ ವಾರೆಂಟ್‌ ಹಿನ್ನೆಲೆ ನಿತ್ಯಾನಂದ ಆಶ್ರಮಕ್ಕೆ ಗುಜರಾತ್‌ ಪೊಲೀಸರು ಆಗಮಿಸಿದ್ದಾರೆ. ಆದರೆ ನಿತ್ಯಾನಂದ ದೇಶ ಬಿಟ್ಟು ಪರಾರಿಯಾಗಿದ್ದು, ಅಮೆರಿಕಾ ಸಮೀಪದ ಬಿಲೀಜ್‌ ದ್ವೀಪದಲ್ಲಿದ್ದಾನೆ ಎನ್ನಲಾಗಿದೆ. ಜನಾರ್ಧನ ಶರ್ಮ ಎಂಬುವವರು ತಮ್ಮ ಮಗಳ ವಿಚಾರವಾಗಿ ಹೆಬಿಯಸ್ ಕಾರ್ಪಸ್ ಹಾಕಿದ್ದಾರೆ. ಈ ಹಿನ್ನೆಲೆಯಲ್ಲಿ ನಿತ್ಯಾನಂದನ ಹುಡುಕಿಕೊಂಡು ಗುಜರಾತ್ ಪೊಲೀಸರು ಆಗಮಿಸಿದ್ದಾರೆ. ಬಿಲೀಜ್ನಲ್ಲಿ ನಿತ್ಯಾನಂದ ಇರುವ ಬಗ್ಗೆ ಪೊಲೀಸ್ ಉನ್ನತ ಮೂಲಗಳ ಮಾಹಿತಿ ನೀಡಿವೆ. ಸದಾ ವಿವಾದಗಳ ಮೂಲಕ ಸುದ್ದಿ ಮಾಡುತ್ತಿರುವ ಧ್ಯಾನಪೀಠದ ಸ್ವಾಮಿ ನಿತ್ಯಾನಂದ ಆಶ್ರಮಕ್ಕೆ ಬಾರದೆ ವರ್ಷ ಕಳೆದಿದೆ. ಕಳೆದ 6 ತಿಂಗಳಿನಿಂದ ನ್ಯಾಯಾಲಯದ ವಿಚಾರಣೆಗೂ ಹಾಜರಾಗಿಲ್ಲ. ಸ್ವಾಮಿಗಳು ಎಲ್ಲಿ ಎಂದು ಕೇಳಿದರೆ ಆಶ್ರಮದಲ್ಲೇ ಉಳಿದುಕೊಂಡಿರುವ ಒಂದಷ್ಟು ಭಕ್ತರು ಕೊಡುವ ಉತ್ತರ 'ದೀರ್ಘ ತಪಸ್ಸು ಮಾಡಲು ನಿತ್ಯಾನಂದ ಸ್ವಾಮಿಗಳು ತೆರಳಿದ್ದಾರೆ'! ಎಂದು. ಮುಂದೆ ಓದಿ. ನಿತ್ಯಾನಂದ ಬಿಡದಿ ಬಿಡಿ, ದೇಶವನ್ನೇ ತೊರೆದು ವಿದೇಶಕ್ಕೆ ಪರಾರಿಯಾಗಿದ್ದಾರೆ ಎಂದು ಗುಜರಾತ್‌ ಪೊಲೀಸರು ಹೇಳಿದ್ದಾರೆ. ತಮ್ಮ ಯೋಗಿನಿ ಸರ್ವಗ್ಯಪೀಠಮ್‌ ಆಶ್ರಮದಲ್ಲಿನ ವಿದ್ಯಾರ್ಥಿಗಳ ಅಪಹರಣ ಹಾಗೂ ಅವರನ್ನು ಆಶ್ರಮಕ್ಕೆ ದೇಣಿಗೆ ಸಂಗ್ರಹಿಸಲು ಬಳಸಿಕೊಂಡ ಆರೋಪದ ಮೇಲೆ ನಿತ್ಯಾನಂದ ವಿರುದ್ಧ ಗುಜರಾತ್‌ ಪೊಲೀಸರು ಎಫ್‌ಐಆರ್‌ ದಾಖಲಿಸಿದ್ದಾರೆ. ತನ್ನ ವಿರುದ್ಧ ಕ್ರಿಮಿನಲ್‌ ಪ್ರಕರಣ ದಾಖಲಾಗುತ್ತಿದ್ದಂತೆ ನಿತ್ಯಾನಂದ ಸದ್ದಿಲ್ಲದೇ ವಿದೇಶಕ್ಕೆ ಹಾರಿದ್ದಾರೆ ಎಂದು ಪೊಲೀಸ್‌ ವರಿಷ್ಠಾಧಿಕಾರಿ ಆರ್‌.ವಿ. ಆಸಾರಿ ತಿಳಿಸಿದ್ದಾರೆ.

from India & World News in Kannada | VK Polls https://ift.tt/2qXvyhq

ಕೆಆರ್ ಪುರದಲ್ಲಿ ಗುರು-ಶಿಷ್ಯರ ಪರೋಕ್ಷ ಸಮರ; ಬೈರತಿಗೆ ವರವಾಗುವುದೇ ಬಿಜೆಪಿ ಪ್ರೀತಿ?

- ನಾಗಪ್ಪ ನಾಗನಾಯಕನಹಳ್ಳಿ ಬೆಂಗಳೂರುಕೆ.ಆರ್‌. ಪುರದಲ್ಲಿ ಪಾತ್ರಗಳೆಲ್ಲವೂ ಅದಲು ಬದಲು. 2018ರಲ್ಲಿಬೈರತಿ ಬಸವರಾಜ್‌ ವಿರುದ್ಧ ಸ್ಪರ್ಧಿಸಿದ್ದ ಬಿಜೆಪಿಯ ನಂದೀಶ್‌ ರೆಡ್ಡಿ ಈ ಬಾರಿ ಬೈರತಿಯನ್ನು ಗೆಲ್ಲಿಸುವ ಪಣ ತೊಟ್ಟಿದ್ದಾರೆ. ಕಳೆದ ಬಾರಿ ಕುರುಬ ಸಮುದಾಯದ ಈ ನಾಯಕನ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ್ದ ಮಾಜಿ ಸಿಎಂ ಸಿದ್ದರಾಮಯ್ಯ ಈ ಬಾರಿ ಸೋಲಿಸಿಯೇ ತೀರುವ ಹಠದಲ್ಲಿದ್ದಾರೆ. ಇದಕ್ಕೆಲ್ಲ ಕಾರಣ, ಅವರು ಕಾಂಗ್ರೆಸ್‌ನಿಂದ ಬಿಜೆಪಿಗೆ ಜಿಗಿದದ್ದು. ಜಿಗಿತದಿಂದ ಅವರು ಅನುಭವಿಸಿದ ಅನರ್ಹತೆ ಕಾಂಗ್ರೆಸ್‌ಗೆ ಪ್ರಧಾನ ಅಸ್ತ್ರವಾಗಿದೆ. ಬೈರತಿ ಬಸವರಾಜ್‌ ಇಲ್ಲಿಹಳೆ ಹುಲಿ. 2013 ಮತ್ತು 2018ರಲ್ಲಿ ಕಾಂಗ್ರೆಸ್‌ನಿಂದ ಗೆದ್ದವರು. ಬಿಬಿಎಂಪಿ ಸದಸ್ಯನಾಗಿ ರಾಜಕೀಯಕ್ಕೆ ಪಾದಾರ್ಪಣೆ ಮಾಡಿದ ಬೈರತಿ ಎರಡು ಬಾರಿ ಶಾಸಕನಾಗಲು ಕಾರಣ ‘ಕೈ’ ಪ್ರಭಾವಳಿ. ಮಾಜಿ ಸಿಎಂ ಸಿದ್ದರಾಮಯ್ಯ ಅವರ ಅತ್ಯಾಪ್ತ ಬಂಟರಲ್ಲಿ ಒಬ್ಬರಾಗಿದ್ದ ಇವರು, ಬದಲಾದ ರಾಜಕೀಯ ಸನ್ನಿವೇಶದಲ್ಲಿ ತಮ್ಮದೇ ಸಮುದಾಯದ ನಾಯಕನ ವಿರುದ್ಧ ಸಿಡಿದೆದ್ದು, ಬಿಜೆಪಿಯಿಂದ ಕಣಕ್ಕಿಳಿದು ಹ್ಯಾಟ್ರಿಕ್‌ಗೆ ಪ್ರಯತ್ನಿಸುತ್ತಿದ್ದಾರೆ. ಸಿದ್ದರಾಮಯ್ಯ ಅವರು ತಮ್ಮ ಹಳೆಯ ಬಂಟನ ವಿರುದಟಛಿ ಪಕ್ಷಕ್ಕೆ ನಿಷ್ಠರಾಗಿರುವ ಮೇಲ್ಮನೆ ಸದಸ್ಯ ಎಂ.ನಾರಾಯಣಸ್ವಾಮಿ ಅವರನ್ನು ಅಖಾಡಕ್ಕಿಳಿಸಿದ್ದಾರೆ. ಹೀಗಾಗಿ, ಉಪ ಸಮರದಲ್ಲಿ ಸಿದ್ದರಾಮಯ್ಯ ಅವರ ಮಾಜಿ ಮತ್ತು ಹಾಲಿ ಬಂಟರ ನಡುವಿನ ಕಾದಾಟ ಹವಾ ಸೃಷ್ಟಿಸಿದೆ. ಸಮ್ಮಿಶ್ರ ಸರಕಾರ ಪತನಗೊಳಿಸಿ, ಬಿಜೆಪಿಯು ಅಧಿಕಾರದ ಗದ್ದುಗೆ ಹಿಡಿಯಲು ನೆರವಾದ ಬೈರತಿ ಅವರನ್ನು ಗೆಲ್ಲಿಸಲು ಕಮಲ ಪಾಳಯದ ದೊಡ್ಡ ದಂಡೇ ಕ್ಷೇತ್ರದಲ್ಲಿಬೀಡು ಬಿಟ್ಟಿದೆ. ಹ್ಯಾಟ್ರಿಕ್‌ ಗೆಲುವಿನ ಅಶ್ವಮೇಧ ಯಾಗ ಮುಂದುವರಿಸುವ ಉಮೇದಿನಲ್ಲಿರುವ ಬೈರತಿಗೆ ಸೋಲಿನ ರುಚಿ ತೋರಿಸಲು ಕಾಂಗ್ರೆಸ್‌ ರಣತಂತ್ರ ರೂಪಿಸುತ್ತಿದೆ. ಜೆಡಿಎಸ್‌ ಒಕ್ಕಲಿಗ ಸಮುದಾಯದ ಸಿ.ಕೃಷ್ಣಮೂರ್ತಿ ಅವರನ್ನು ಕಣಕ್ಕಿಳಿಸಿದೆ. ಬೈರತಿ ಅವರು ಅಭಿವೃದಿಟಛಿ ಮಂತ್ರ ಜಪಿಸುತ್ತಿದ್ದರೆ, ಕಾಂಗ್ರೆಸ್‌ ಅಭ್ಯರ್ಥಿಯು ಬೈರತಿ ವಿರುದ್ಧ ಪಕ್ಷ ದ್ರೋಹ, ಅನರ್ಹತೆಯ ಅಸ್ತ್ರವನ್ನು ಝಳಪಿಸುತ್ತಿದ್ದಾರೆ. ಹಿಂದುಳಿದವರೇ ಇಲ್ಲಿನಿರ್ಣಾಯಕರಾಜಧಾನಿಯ ಪೂರ್ವ ದಿಕ್ಕಿಗಿರುವ ಕ್ಷೇತ್ರದಲ್ಲಿಶ್ರಮಿಕರು ಮತ್ತು ಮಧ್ಯಮ ವರ್ಗದವರೇ ಹೆಚ್ಚು. ಇಲ್ಲಿ71,000 ಒಕ್ಕಲಿದ್ದರೆ, ಪರಿಶಿಷ್ಟ ಜಾತಿ ಮತ್ತು ವರ್ಗದವರು 63,000, ಕುರುಬರು 47,000, ಮುಸ್ಲಿಮರು 38,000, ಕ್ರೈಸ್ತರು 24,000 ಇದ್ದಾರೆ. 25,000 ಯಾದವ ಮತದಾರರು, 12,000 ಬ್ರಾಹ್ಮಣರೂ ಇಲ್ಲಿದ್ದಾರೆ. ಜೆಡಿಎಸ್‌ ಮತ್ತು ಕಾಂಗ್ರೆಸ್‌ನ ಅಭ್ಯರ್ಥಿಗಳಿಬ್ಬರೂ ಒಕ್ಕಲಿಗರು. ಕುರುಬ ಜನಾಂಗದ ಬೈರತಿ ಅವರು ಕ್ಷೇತ್ರದಲ್ಲಿತಮ್ಮದೇ ಆದ ಪ್ರಾಬಲ್ಯ ಹೊಂದಿದ್ದಾರೆ. ಬೈರತಿ ಮತ್ತು ಅವರ ಬೆಂಬಲಿಗರು ದಬ್ಬಾಳಿಕೆ, ದೌರ್ಜನ್ಯವೆಸಗುತ್ತಿದ್ದಾರೆ. ಕೆಲಸ ಮಾಡಲು ಬಿಡುತ್ತಿಲ್ಲವೆಂದು ಸದಾ ಹಾವು-ಮುಂಗಸಿಗಳಂತೆ ಕಚ್ಚಾಡುತ್ತಿದ್ದ ಈ ಕ್ಷೇತ್ರದ ಬಿಜೆಪಿಯ ಪಾಲಿಕೆಯ ಸದಸ್ಯರು, ಸ್ಥಳೀಯ ಮುಖಂಡರು ಈಗ ಅವರ ಗೆಲುವಿಗಾಗಿಯೇ ಬೆವರು ಹರಿಸುತ್ತಿದ್ದಾರೆ. ರಾಜಕೀಯ ವೈರಿಯಾಗಿದ್ದ ಶಾಸಕಿ, ಕಾರ್ಪೊರೇಟರ್‌ ಪೂರ್ಣಿಮಾ ಕೂಡ ಪಕ್ಷದ ಆದೇಶಕ್ಕೆ ಕಟ್ಟು ಬಿದ್ದು ಪ್ರಚಾರ ನಡೆಸುತ್ತಿದ್ದಾರೆ. ಇವರೆಲ್ಲರೂ ಒಳ ಪೆಟ್ಟು ಕೊಡುವ ಆತಂಕ ಬೈರತಿ ಅವರಿಗೆ ಇದ್ದೇ ಇದೆ. ಕೆ.ಆರ್‌. ಪುರ ವ್ಯಾಪ್ತಿಯ 9 ವಾರ್ಡ್‌ಗಳಲ್ಲಿಅರು ಕಡೆ ಕಾಂಗ್ರೆಸ್‌ ಗೆದ್ದಿತ್ತು. ಅವರಲ್ಲಿ ನಾಲ್ವರು ಕಾಂಗ್ರೆಸ್‌ಗೆ ನಿಷ್ಠರಾಗಿದ್ದಾರೆ. ಕಾಂಗ್ರೆಸ್‌ನಲ್ಲಿದ್ದ ಬಹುತೇಕ ಮುಖಂಡರುಗಳು ಬಿಜೆಪಿಗೆ ಜಿಗಿದಿದ್ದಾರೆ. ಕಳೆದ ಸಲ ಜೆಡಿಎಸ್‌ನಿಂದ ಸ್ಪರ್ಧಿಸಿ ಸೋತಿದ್ದ ಎ.ಕೃಷ್ಣಪ್ಪ ಅವರ ಸಹೋದರ ಡಿ.ಎ.ಗೋಪಾಲ್‌ ಅವರು ಈಗ ಕಾಂಗ್ರೆಸ್‌ನಲ್ಲಿದ್ದಾರೆ. ಕಳೆದ ಎರಡು ಚುನಾವಣೆಯಲ್ಲಿ ಬೈರತಿ ಬಸವರಾಜ್‌ಗೆ ಪ್ರಬಲ ಪ್ರತಿಸ್ಪರ್ಧಿಯಾಗಿದ್ದವರು ಬಿಜೆಪಿಯ ಎನ್‌.ಎಸ್‌.ನಂದೀಶ್‌ ರೆಡ್ಡಿ. ಬೈರತಿ ಅವರನ್ನು ಪಕ್ಷಕ್ಕೆ ಬರ ಮಾಡಿಕೊಂಡು ಟಿಕೆಟ್‌ ನೀಡಿರುವುದಕ್ಕೆ ಮುನಿಸಿಕೊಂಡಿದ್ದ ನಂದೀಶ್‌ ರೆಡ್ಡಿಗೆ ಬಿಎಂಟಿಸಿ ಅಧ್ಯಕ್ಷ ಸ್ಥಾನ ಕೊಟ್ಟು ಸಮಾಧಾನಪಡಿಸಲಾಗಿದೆ. ಪ್ರಚಾರದ ಅಬ್ಬರ ಬೈರತಿ ಬಸವರಾಜ್‌ ಗೆಲುವಿಗೆ ಕಮಲ ಪಡೆ ಬೆವರು ಹರಿಸುತ್ತಿದೆ. ಯಡಿಧಿಯೂರಪ್ಪ, ನಳಿನ್‌ ಕುಮಾರ್‌ ಕಟೀಲ್‌,ಧಿ ಡಿ.ವಿ.ಸದಾನಂದಗೌಡ, ಆರ್‌.ಅಶೋಕ್‌, ಅರವಿಂದ ಲಿಂಬಾವಳಿ, ಎಸ್‌.ಆರ್‌.ವಿಶ್ವನಾಥ್‌ ಬಿರುಸಿನ ಪ್ರಚಾರ ಕೈಗೊಂಡಿದ್ದಾರೆ. ಬೈರತಿ ಹ್ಯಾಟ್ರಿಕ್‌ ಗೆಲುವಿಗೆ ಬ್ರೇಕ್‌ ಹಾಕಲು ಸಿದ್ದರಾಮಯ್ಯ ಸೇರಿ ಕಾಂಗ್ರೆಸ್‌ ಮುಖಂಡರೂ ಬಿರುಸಿನ ಪ್ರಚಾರ ನಡೆಸುತ್ತಿದ್ದಾರೆ. ಮಾಜಿ ಸಚಿವರಾದ ಕೆ.ಜೆ.ಜಾರ್ಜ್‌, ಉಮಾಶ್ರೀ, ರಾಮಲಿಂಗಾರೆಡ್ಡಿ ಅಖಾಡಕ್ಕಿಳಿದಿದ್ದಾರೆ.

from India & World News in Kannada | VK Polls https://ift.tt/33xH4xr

ರೇಪಿಸ್ಟ್‌ಗಳನ್ನು ನಡುರೋಡಲ್ಲಿ ನಿಲ್ಲಿಸಿ ಸುಟ್ಟುಬಿಡಿ : ಹೈದರಾಬಾದ್‌ ಪಶುವೈದ್ಯೆ ತಾಯಿಯ ಆಕ್ರಂದನ

ಹೈದರಾಬಾದ್ : "ರೇಪಿಸ್ಟ್‌ಗಳನ್ನು ನಡುರೋಡಲ್ಲಿ ನಿಲ್ಲಿಸಿ ಸಾರ್ವಜನಿಕವಾಗಿ ಸುಟ್ಟುಬಿಡಿ. ಮಗಳನ್ನು ಹತ್ಯಗೈದು ಸುಟ್ಟಿರುವ ಈ ಪಾತಕಿಗಳನ್ನು ಹೈದರಾಬಾದ್‌ನ ರಾಜೀವ್‌ ಗಾಂಧಿ ವಿಮಾನ ನಿಲ್ದಾಣಕ್ಕೂ, ಸಂಶಾಬಾದ್‌ ಪೊಲೀಸ್‌ ಸ್ಟೇಷನ್‌ಗೂ ತಿರುಗಾಡಿಸುವ ಬದಲು ಒಮ್ಮಲೇ ಸುಟ್ಟುಬಿಡಿ." ಹೈದರಾಬಾದ್‌ನಲ್ಲಿ ತೆಲಂಗಾಣದ ಹೊರವಲಯದ ಶಂಶಾಬಾದ್‌ನಲ್ಲಿ ಅತ್ಯಾಚಾರಕ್ಕೆ ಒಳಗಾಗಿ ಕೊಲೆಯಾದ 27 ವರ್ಷದ ಪಶುವೈದ್ಯೆಯ ತಾಯಿ ಆಕ್ರೋಶಭರಿತ ಮಾತುಗಳಿವು. ಆಮಾಯಕ ಹೆಣ್ಣುಮಕ್ಕಳನ್ನು ಹತ್ಯಾಚಾರ ಮಾಡಿ ಕೊಲೆಗೈಯುವ ಇಂತಹ ಪಾತಕಿಗಳನ್ನು ಸಾರ್ವಜನಿಕವಾಗಿ ಜೀವಂತ ದಹನ ಮಾಡಬೇಕು. ಆಗಲಾದರೂ ಇಂತಹ ಪ್ರಕರಣಗಳು ಕಡಿಮೆಯಾಗುತ್ತವೆ ಎಂದು ಪೊಲೀಸಲ್ಲಿ ತಮ್ಮ ಆಕ್ರಂದನವನ್ನು ತೋಡಿಕೊಂಡಿದ್ದಾರೆ. ನನ್ನ ಮಗಳು ಏನೂ ತಿಳಿಯದ ಅಮಾಯಕಿ. ಅವಳು ಅಪಾಯದಲ್ಲಿ ಸಿಲಿಕಿದ್ದಾಗ ತನ್ನ ತಂಗಿಗೆ ಕರೆ ಮಾಡಿ ಸಮಸ್ಯೆ ಹೇಳಿಕೊಂಡಿರುವುದೇ ನಮಗೆ ತಿಳಿದಿಲ್ಲ. ಇಂತಹ ಕಿಡಿಗೇಡಿಗಳನ್ನು ಜೀವಂತವಾಗಿ ಸಡಬೇಕು ಎಂದು ಒತ್ತಾಯಿಸಿದ್ದಾರೆ. ಹಿನ್ನೆಲೆ: ಸ್ಕೂಟರ್‌ ಪಂಕ್ಚರ್‌ ಹಾಕಿಸಿಕೊಡುವ ನೆಪದಲ್ಲಿ ಮಹಿಳೆಯನ್ನು ಅಪಹರಿಸಿದ ದುರುಳರು, ಆಕೆಯ ಮೇಲೆ ಸಾಮೂಹಿಕ ಅತ್ಯಾಚಾರ ಮಾಡಿ, ಪೆಟ್ರೋಲ್‌ ಸುರಿದು ಮೃತದೇಹವನ್ನು ಸಂಪೂರ್ಣವಾಗಿ ಸುಟ್ಟುಹಾಕಿದ್ದರು. ಗುರುವಾರ ಬೆಳಗ್ಗೆ ಮೇಲ್ಸೇತುವೆಯೊಂದರ ಕೆಳಗೆ ಯುವತಿಯ ಮೃತದೇಹ ಸಂಪೂರ್ಣ ಸುಟ್ಟ ಸ್ಥಿತಿಯಲ್ಲಿ ಪತ್ತೆಯಾದ ಬಳಿಕ ಪ್ರಕರಣ ಬೆಳಕಿಗೆ ಬಂದಿತ್ತು.

from India & World News in Kannada | VK Polls https://ift.tt/2DrT354

ಬಿಜೆಪಿ ಅಭ್ಯರ್ಥಿ ಸುಧಾಕರ್‌ ಪರ ಮತಯಾಚಿಸಿದ ತೆಲುಗು ನಟ ಬ್ರಹ್ಮಾನಂದಂ : ರಂಗೇರಿದ ಚುನಾವಣಾ ಪ್ರಚಾರ

ಚಿಕ್ಕಬಳ್ಳಾಪುರ: ಚುನಾವಣೆ ಹತ್ತಿರವಾಗುತ್ತಿದ್ದಂತೆಯೇ ಆಯಾ ಕ್ಷೇತ್ರಗಳಲ್ಲಿ ಪ್ರಚಾರ ಕಾರ್ಯ ರಂಗೇರುತ್ತಿದೆ. ಇದೀಗ ಕ್ಷೇತ್ರದಲ್ಲಿ ತೆಲುಗಿನ ಖ್ಯಾತ ಹಾಸ್ಯನಟ ಡಾ.ಬ್ರಹ್ಮಾನಂದಂ ಮೋಡಿ ಮಾಡಿದ್ದಾರೆ. ಬಿಜೆಪಿ ಅಭ್ಯರ್ಥಿ ಡಾ.ಕೆ.ಸುಧಾಕರ್ ಪರ ಪೇರೆಸಂದ್ರ, ದೊಡ್ಡಪೈಯಲಗುರ್ಕಿಯಲ್ಲಿ ಹಾಸ್ಯನಟ ಡಾ. ಬ್ರಹ್ಮಾನಂದಂ ಅವರು ಮತಯಾಚನೆ ಮಾಡಿದರು. ರೋಡ್‌ ಷೋ ನಲ್ಲಿ ಮಾತನಾಡಿ, ಸುಧಾಕರ್‌ ಅವರು ಉತ್ತಮ ರಾಜಕೀಯ ನಾಯಕರು. ಅವರ ಪರವಾಗಿ ಮತಯಾಚಿಸುವ ಸಲುವಾಗಿ ಆಂಧ್ರದಿಂದ ಇಲ್ಲಿಗೆ ಬಂದಿದ್ದೇನೆ ಎಂದು ಹೇಳಿದರು. ಸುಧಾಕರ್‌ ಅವರು ಒಳ್ಳೆಯ ಮನಸ್ಸುಳ್ಳವರು, ತಮ್ಮ ಕ್ಷೇತ್ರದ ಎಲ್ಲ ಜನತೆಗೆ ಉತ್ತಮ ಕಾರ್ಯಗಳನ್ನು ಮಾಡುತ್ತಾರೆ. ಅವರಿಗೆ ಮತ ಹಾಕಿ ಗೆಲ್ಲಿಸಬೇಕು. ಇದನ್ನು ಹೇಳಲೆಂದೇ ನಾನು ಹೈದರಾಬಾದಿನಿಂದ ಇಲ್ಲಿಗೆ ಬಂದಿದ್ದೇನೆ. ಕ್ಷೇತ್ರದ ತಾಯಿ ತಂದೆಯರು, ಸಹೋದರ- ಸಹೋದರಿಯರು ಸುಧಾಕರ್‌ ಅವರಿಗೆ ಮತ ಹಾಕಬೇಕು. ಸುಧಾಕರ್‌ ಅವರು ಗೆದ್ದ ನಂತರ ಮತ್ತೆ ವಿಜಯಯಾತ್ರೆಗಾಗಿ ನಾನಿಲ್ಲಿಗೆ ಬರುತ್ತೇನೆ ಎಂದು ಹೇಳಿದರು. ಸುಧಾಕರ್ ಸ್ವಗ್ರಾಮವಾದ ಚಿಕ್ಕಬಳ್ಳಾಪುರ ತಾಲ್ಲೂಕಿನ ಪೆರೇಸಂದ್ರದಲ್ಲಿ ಬ್ರಹ್ಮಾನಂದಂ ಅವರು ತಮ್ಮ ಹಾಸ್ಯಭರಿತ ಮಾತುಗಳಿಂದಲೇ ಮತದಾರರನ್ನು ಮೋಡಿ ಮಾಡಿದರು. ತಮ್ಮ ನೆಚ್ಚಿನ ನಟನನ್ನು ನೋಡಲು ಅಭಿಮಾನಿಗಳು ನಾಮುಂದು, ತಾಮುಂದು ಎಂಬಂತೆ ಮುಗಿಬಿದ್ದರು. ಪ್ರಚಾರ ಕಾರ್ಯದ ಸಂದರ್ಭದಲ್ಲೇ ಹಾಸ್ಯನಟನ ಜೊತೆ ಸೆಲ್ಪಿಗೆ ತೆಗೆದುಕೊಲ್ಳಲು ಅಭಿಮಾನಿಗಳು ಮುಗಿಬಿದ್ದರು. ಬಿಜೆಪಿ ಚುನಾವಣಾ ಪ್ರಚಾರದಲ್ಲಿ ನೆಚ್ಚಿನ ನಟನ ನೋಡಿ ಕಣ್ತುಂಬಿಕೊಂಡ ಅಭಿಮಾನಿಗಳ ಸಂತೋಷಕ್ಕೆ ಪಾರವೇ ಇಲ್ಲವಾಯಿತು.

from India & World News in Kannada | VK Polls https://ift.tt/33AoSmN

ಕ್ಯಾಲಿಫೋರ್ನಿಯಾದಲ್ಲಿ ಕಿಡಿಗೇಡಿಗಳ ಗುಂಡಿಗೆ ಬಲಿಯಾದ ಮೈಸೂರಿನ ಯುವಕ

ಮೈಸೂರು : ಅಮೆರಿಕದ ಹೋಟೆಲ್‌ ವೊಂದರಲ್ಲಿ ರಿಸೆಪ್ಷನಿಸ್ಟ್‌ ಆಗಿ ಕೆಲಸ ಮಾಡಿಕೊಂಡು ಎಂಎಸ್‌ ಅಧ್ಯಯನ ಮಾಡುತ್ತಿದ್ದ ಮೈಸೂರಿನ ಯುವಕ ಗುಂಡಿಗೆ ಬಲಿಯಾಗಿದ್ದಾರೆ. ಘಟನೆಗೆ ನಿಖರ ಕಾರಣ ತಿಳಿದುಬಂದಿಲ್ಲ. ಮೈಸೂರಿನ ಕುವೆಂಪುನಗರ ಮನುಜ ಪಥ ರಸ್ತೆ ನಿವಾಸಿ ಸುರೇಶ್‌ ಚಂದ್‌ ಪುತ್ರ ಅಭಿಷೇಕ್‌ (25) ಮೃತರು. ಅಭಿಷೇಕ್‌ ಮೈಸೂರಿನ ವಿದ್ಯಾ ವಿಕಾಸ್‌ ಕಾಲೇಜಿನಲ್ಲಿಕಂಪ್ಯೂಟರ್‌ ಸೈನ್ಸ್‌ ವಿಷಯದಲ್ಲಿಎಂಜಿನಿಯರಿಂಗ್‌ ಪೂರೈಸಿ, ಉನ್ನತ ಶಿಕ್ಷಣಕ್ಕಾಗಿ (ಕಂಪ್ಯೂಟರ್‌ ಸೈನ್ಸ್‌ ನಲ್ಲಿಎಂಎಸ್‌ ಮಾಡಲು) ಒಂದೂವರೆ ವರ್ಷದ ಹಿಂದೆಯೇ ಅಮೆರಿಕಗೆ ತೆರಳಿದ್ದರು. ಅಲ್ಲಿನ ಸ್ಯಾನ್‌ ಬರ್ನಾಡಿಯೋದಲ್ಲಿರುವ ವಿಶ್ವ ವಿದ್ಯಾಲಯದಲ್ಲಿಎಂಎಸ್‌ ವ್ಯಾಸಂಗ ಮಾಡುತ್ತಿದ್ದರು. ಈತ ವ್ಯಾಸಂಗದ ಅವಧಿಯ ಬಿಡುವಿನ ವೇಳೆಯಲ್ಲಿಹೋಟೆಲ್‌ನಲ್ಲಿಕೆಲಸ ಮಾಡುತ್ತಿದ್ದು , ನ. 28ರಂದು ಮಧ್ಯರಾತ್ರಿ 11.30 ರಿಂದ 12.15ರ ಸಮಯದಲ್ಲಿತಾನು ಕೆಲಸ ಮಾಡುವ ಹೋಟೆಲ್‌ನ ಬಾಡಿಗೆಗೆ ನೀಡಿದ್ದ ಕೊಠಡಿಯ ಮುಂಭಾಗದಲ್ಲಿಗುಂಡೇಟಿಗೆ ಮೃತಪಟ್ಟಿದ್ದಾರೆ. ಅಮೆರಿಕದ ಪೊಲೀಸರು ಪರಿಶೀಲನೆ ಮಾಡಿದ್ದು , ಮೃತದೇಹವನ್ನು ಸ್ಥಳೀಯ ಆಸ್ಪತ್ರೆಗೆ ರವಾನಿಸಿದ್ದಾರೆ, ಗುಂಡೇಟು ಹೇಗಾಯಿತು ಎಂಬ ಬಗ್ಗೆ ನಿಖರ ಮಾಹಿತಿ ಸಿಕ್ಕಿಲ್ಲಎಂದು ಕುಟುಂಬದ ಮೂಲಗಳು ತಿಳಿಸಿವೆ. ಘಟನೆಯಿಂದ ಆತಂಕಗೊಂಡ ಮೈಸೂರಿನಲ್ಲಿರುವ ಅಭಿಷೇಕ್‌ ಪೋಷಕರು ಹೆಚ್ಚಿನ ಮಾಹಿತಿಗಾಗಿ ಮತ್ತು ಭಾರತದ ರಾಯಭಾರಿ ಕಚೇರಿಯನ್ನು ಸಂಪರ್ಕಿಸಿದ್ದಾರೆ. ಆದರೆ ಸಾವಿಗೆ ನಿಖರ ಮಾಹಿತಿ ತಿಳಿದು ಬಂದಿಲ್ಲ. ಅಭಿಷೇಕ್‌ ಅಂತ್ಯಕ್ರಿಯೆಯನ್ನು ಅಮೆರಿಕದಲ್ಲೇ ಮಾಡಲು ಅಭಿಷೇಕ್‌ ಪೋಷಕರು ನಿರ್ಧರಿಸಿದ್ದಾರೆ ಎನ್ನಲಾಗಿದೆ.

from India & World News in Kannada | VK Polls https://ift.tt/2OyE1k7

ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ; ಕರ್ನಾಟಕ vs ತಮಿಳುನಾಡು ಫೈನಲ್ ಫೈಟ್

ಸೂರತ್: ದೇಶೀಯ ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಯಲ್ಲಿ ಭಾನುವಾರ ಇಲ್ಲಿನ ಲಾಲಾಭಾಯಿ ಕಂಟ್ರ್ಯಾಕ್ಟರ್‌ ಕ್ರೀಡಾಂಗಣದಲ್ಲಿ ನಡೆಯಲಿರುವ ಫೈನಲ್ ಮುಖಾಮುಖಿಯಲ್ಲಿ ಕರ್ನಾಟಕ ತಂಡವು ಸಾಂಪ್ರಾದಾಯಿಕ ಬದ್ಧ ವೈರಿ ತಮಿಳುನಾಡು ಸವಾಲನ್ನು ಎದುರಿಸಲಿದೆ. ಇದರೊಂದಿಗೆ ಮಗದೊಂದು ಸದರ್ನ್ ಡೆರ್ಬಿ ಹೋರಾಟಕ್ಕೆ ವೇದಿಕೆ ಸಿದ್ಧಗೊಂಡಿದೆ. ಶುಕ್ರವಾರ ನಡೆದ ಮೊದಲ ಸೆಮಿಫೈನಲ್ ಮುಖಾಮುಖಿಯಲ್ಲಿ ಕರ್ನಾಟಕ ತಂಡವು ಹರಿಯಾಣ ವಿರುದ್ಧ ಎಂಟು ವಿಕೆಟ್ ಅಂತರದ ಭರ್ಜರಿ ಗೆಲುವು ದಾಖಲಿಸಿತ್ತು. ಮಧ್ಯಮ ವೇಗಿ ಅಭಿಮನ್ಯು ಮಿಥುನ್‌ (39ಕ್ಕೆ 5) ಪ್ರಚಂಡ ಬೌಲಿಂಗ್‌ ಪ್ರದರ್ಶನ ನೀಡಿದ್ದರೆ ಆರಂಭಿಕ ಬ್ಯಾಟ್ಸ್‌ಮನ್‌ಗಳಾದ ಕೆ.ಎಲ್‌. ರಾಹುಲ್‌ (66) ಹಾಗೂ ದೇವದತ್‌ ಪಡಿಕ್ಕಲ್‌ (87) ಸಿಡಿಲಬ್ಬರದ ಬ್ಯಾಟಿಂಗ್‌ ವೈಭವ ಪ್ರದರ್ಶಿಸಿದ್ದರು. ಒಂದೇ ಓವರ್‌ನಲ್ಲಿ ಐದು ವಿಕೆಟ್ ಪಡೆದ ದಾಖಲೆ ಬರೆದಿದ್ದರು. ಅಲ್ಲದೆ ದೇಶೀಯ ಟೂರ್ನಿಯಲ್ಲಿ ಹ್ಯಾಟ್ರಿಕ್ ಸಾಧನೆ ಮಾಡಿದ ಮೊದಲ ಬೌಲರ್ ಎಂಬ ಹಿರಿಮೆಗೆ ಭಾಜನವಾಗಿದ್ದರು. ಇತ್ತೀಚೆಗಷ್ಟೇ ವಿಜಯ್ ಹಜಾರೆ ಟ್ರೋಫಿ ಫೈನಲ್ ಪಂದ್ಯದಲ್ಲಿ ತಮಿಳುನಾಡು ವಿರುದ್ಧ ಅಭಿಮನ್ಯು ಮಿಥುನ್ ಹ್ಯಾಟ್ರಿಕ್ ವಿಕೆಟ್ ಪಡೆದಿದ್ದರು. 20ನೇ ಓವರ್‌ನಲ್ಲಿಕರ್ನಾಟಕದ ಮಧ್ಯಮ ವೇಗಿ ಅಭಿಮನ್ಯು ಮಿಥುನ್‌ ಅವರಿಂದ ದೇಶಿ ಕ್ರಿಕೆಟಿನಲ್ಲೇ ಪರಮ ಶ್ರೇಷ್ಠ ಎನ್ನಬಹುದಾದ ಪ್ರದರ್ಶನವೊಂದು ದಾಖಲಾಯಿತು. ಆ ಓವರ್‌ನ ಮೊದಲ 4 ಎಸೆತಗಳಲ್ಲಿ4 ವಿಕೆಟ್‌ ಉರುಳಿಸುವ ಮೂಲಕ ಹರಿಯಾಣ ತಂಡವನ್ನು ಧೂಳಿಪಟಗೈದ ಮಿಥುನ್‌ ಕೊನೆಯ ಎಸೆತದಲ್ಲಿ ಮತ್ತೊಂದು ವಿಕೆಟ್‌ ಉರುಳಿಸಿ ದಾಖಲೆಗೆ ಭಾಜನರಾದರು. ತಮಿಳುನಾಡು ತಂಡವನ್ನು ಮಣಿಸಿದ್ದ ಕರ್ನಾಟಕ ವಿಜಯ್ ಹಜಾರೆ ರಣಜಿ ಏಕದಿನ ಟ್ರೋಫಿ ಮುಡಿಗೇರಿಸಿತ್ತು. ಇದೀಗ ಸೈಯದ್ ಮುಷ್ತಾಕ್ ಅಲಿ ಟ್ರೋಪಿಯಲ್ಲೂ ತಮಿಳುನಾಡು ಸವಾಲು ಎದುರಾಗುತ್ತಿರುವುದು ರೋಚಕತೆ ಮತ್ತಷ್ಟು ಹೆಚ್ಚಿಸಿದೆ. ಮಗದೊಂದು ಸೆಮೀಸ್ ಮುಖಾಮುಖಿಯಲ್ಲಿ ತಮಿಳುನಾಡು ತಂಡವು ರಾಜಸ್ಥಾನ ವಿರುದ್ಧ ಏಳು ವಿಕೆಟ್ ಅಂತರದ ಭರ್ಜರಿ ಗೆಲುವು ದಾಖಲಿಸಿತ್ತು. ಅಭಿಮನ್ಯು ಮಿಥುನ್‌ ಎಸೆದ 20ನೇ ಓವರ್‌ ವಿವರ: ವಿಕೆಟ್‌, ವಿಕೆಟ್‌, ವಿಕೆಟ್‌, ವಿಕೆಟ್‌, ವೈಡ್‌, 1ರನ್‌, ವಿಕೆಟ್‌

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/33zkZP0

ಭಯೋತ್ಪಾದನೆ ವಿರುದ್ಧದ ಹೋರಾಟಕ್ಕೆ ಲಂಕಾಗೆ ₹3 000 ಕೋಟಿ ನೆರವು ನೀಡಿದ ಭಾರತ

ಹೊಸದಿಲ್ಲಿ: ಭಯೋತ್ಪಾದನೆ ವಿರುದ್ಧದ ಹೋರಾಟ ಹಾಗೂ ಅಭಿವೃದ್ ಯೋಜನೆಗಳಿಗಾಗಿ ಶ್ರೀಲಂಕಾಕ್ಕೆ 3226 ಕೋಟಿ ರೂ. ಸಾಲ ನೀಡುವುದಾಗಿ ಪ್ರಧಾನಿ ನರೇಂದ್ರ ಮೋದಿ ಘೋಷಿಸಿದ್ದಾರೆ. ಶ್ರೀಲಂಕಾ ನೂತನ ಅಧ್ಯಕ್ಷ ಗೊಟಬಯ ರಾಜಪಕ್ಸ ಅವರೊಂದಿಗೆ ಶುಕ್ರವಾರ ದ್ವಿಪಕ್ಷೀಯ ಮಾತುಕತೆ ನಡೆಸಿದ ಬಳಿಕ ಜಂಟಿ ಸುದ್ದಿಗೋಷ್ಠಿಯಲ್ಲಿ ಪ್ರಧಾನಿ ದ್ವೀಪರಾಷ್ಟ್ರಕ್ಕೆ ನೆರವಿನ ಘೋಷಣೆ ಮಾಡಿದರು. ''ಲಂಕಾವನ್ನು ತೀವ್ರಗತಿಯಲ್ಲಿಅಭಿವೃದ್ ಕಡೆಗೆ ಒಯ್ಯಲು ಭಾರತ ಸಂಪೂರ್ಣ ನೆರವು ನೀಡಲಿದೆ. ಅದರ ಮೊದಲ ಹೆಜ್ಜೆಯಾಗಿ ಅಭಿವೃದ್ ಯೋಜನೆಗಳಿಗೆ 2867 ಕೋಟಿ ರೂ. ಮತ್ತು ಭಯೋತ್ಪಾದನೆ ಮಟ್ಟಹಾಕಲು 358 ಕೋಟಿ ರೂ. ನೆರವು ನೀಡಲಿದ್ದೇವೆ. ಈಗಾಗಲೇ ಭಾರತದ ಭದ್ರತಾ ಸಂಸ್ಥೆಗಳಲ್ಲಿ ಶ್ರೀಲಂಕಾದ ಪೊಲೀಸ್‌ ಅಕಾರಿಗಳಿಗೆ ಉಗ್ರ ನಿಗ್ರಹದ ತರಬೇತಿ ನೀಡಲಾಗುತ್ತಿದೆ,'' ಎಂದು ಮೋದಿ ತಿಳಿಸಿದರು. ಭವಿಷ್ಯದಲ್ಲಿಕೂಡ ಭದ್ರತೆ, ವ್ಯಾಪಾರ ಒಪ್ಪಂದಗಳಿಗೆ ಮತ್ತಷ್ಟು ಬಲತುಂಬುವ ಕಡೆಗೆ ಹೆಚ್ಚು ಒತ್ತು ನೀಡಲು ಚರ್ಚೆ ವೇಳೆ ತೀರ್ಮಾನಿಸಿದ್ದೇವೆ. ಜತೆಗೆ ಮೀನುಗಾರರ ಸಮಸ್ಯೆಗಳ ಪರಿಹಾರದ ಬಗ್ಗೆಯೂ ಗಮನಹರಿಸಲು ನಿರ್ಧರಿಸಿದ್ದೇವೆ ಎಂದು ಪ್ರಧಾನಿ ಹೇಳಿದರು. ಭಾರತೀಯ ಮೀನುಗಾರರು ಹಾಗೂ ಅವರ ದೋಣಿಗಳ ಬಿಡುಗಡೆಗೆ ಕ್ರಮ ಕೈಗೊಳ್ಳುವುದಾಗಿ ಗೊಟಬಯ ಭರವಸೆ ನೀಡಿದರು. ''ನನ್ನ ಅವಧಿಯಲ್ಲಿಭಾರತ- ಶ್ರೀಲಂಕಾ ನಡುವಿನ ಬಾಂಧವ್ಯವನ್ನು ಅತ್ಯಂತ ಎತ್ತರದ ಮಟ್ಟಕ್ಕೆ ಒಯ್ಯಲು ಬಯಸುತ್ತೇನೆ,'' ಎಂದು ಗೊಟಬಯ ರಾಜಪಕ್ಸ ಹೇಳಿದರು. ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್‌.ಜೈಶಂಕರ್‌ ಅವರೊಂದಿಗೂ ರಾಜಪಕ್ಸ ಅವರು ಮಾತುಕತೆ ನಡೆಸಿದರು. ಅಧ್ಯಕ್ಷರಾದ ಬಳಿಕ ತಮ್ಮ ಚೊಚ್ಚಲ ವಿದೇಶ ಪ್ರವಾಸವಾಗಿ ಗೊಟಬಯ ಅವರು ಗುರುವಾರ ರಾತ್ರಿ ಭಾರತಕ್ಕೆ ಆಗಮಿಸಿದ್ದಾರೆ. ಏಪ್ರಿಲ್‌ನಲ್ಲಿಉಗ್ರರು ನಡೆಸಿದ್ದ ಸರಣಿ ಬಾಂಬ್‌ ದಾಳಿಯಿಂದ ಶ್ರೀಲಂಕಾ ತತ್ತರಿಸಿತ್ತು. ಪಂಚತಾರಾ ಹೋಟೆಲ್‌ಗಳು, ಚರ್ಚ್ಗಳನ್ನು ಗುರಿಯಾಗಿಸಿ ನಡೆದ ದಾಳಿ ಯಲ್ಲಿ250ಕ್ಕೂ ಅಕ ಜನರು ಬಲಿಯಾಗಿದ್ದರು. ಲೈನ್‌ ಆಫ್‌ ಕ್ರೆಡಿಟ್‌ ಎಂದರೇನು? ಆಯಾ ರಾಷ್ಟ್ರಗಳು ಇಚ್ಚೆಪಟ್ಟ ಅವಧಿಗೆ ನಿರ್ದಿಷ್ಟ ಮೊತ್ತದ ಸಾಲ ಒದಗಿಸುವುದಕ್ಕೆ ಲೈನ್ ಆಫ್ ಕ್ರೆಡಿಟ್ ಎನ್ನುತ್ತಾರೆ. ರಾಷ್ಟ್ರಗಳು ತಮಗೆ ಬೇಕಾದಷ್ಟು ಮೊತ್ತ ಮಾತ್ರ ತೆಗೆದುಕೊಂಡು, ಅಷ್ಟಕ್ಕೆ ಮಾತ್ರ ಬಡ್ಡಿ ಪಾವತಿಸುತ್ತವೆ. ಒಂದು ವೇಳೇ ಸಾಲ ಪಡೆದ ರಾಷ್ಟ್ರದ ಬಳಿ ಹೆಚ್ಚಿನ ಹಣ ಇದ್ದಾಗ ಸಾಲದ ಮೊತ್ತವನ್ನು ಅವಧಿಗೆ ಮುನ್ನವೇ ಮರುಪಾವತಿಸಬಹುದು. ಒಂದು ವೇಳೆ ಮತ್ತೆ ಹಣದ ಅಗತ್ಯ ಕಂಡುಬಂದಲ್ಲಿ ಪಾವತಿಸಿದ ಮೊತ್ತವನ್ನು ಪಡೆಯಬಹುದು.

from India & World News in Kannada | VK Polls https://ift.tt/33vAzuP

2013ರಲ್ಲಿ 27 ಜನರನ್ನು ಹತ್ಯೆಗೈದಿದ್ದ ನಕ್ಸಲ್‌ ನಾಯಕಿ ಸುಮಿತ್ರಾ ಪುನೆಮ್‌ ಸೆರೆ

ರಾಯಪುರ: ರಾಷ್ಟ್ರೀಯ ತನಿಖಾ ದಳ() ಭರ್ಜರಿ ಕಾರ್ಯಾಚರಣೆ ನಡೆಸಿ ನಾಯಕಿ ಸುಮಿತ್ರಾ ಪುನೆಮ್‌ಳನ್ನು ಶುಕ್ರವಾರ ಬಂಧಿಸಿದೆ. 2013ರಲ್ಲಿಕಾಂಗ್ರೆಸ್‌ ನಾಯಕರ ವಿರುದ್ಧ ನಡೆದಿದ್ದ ಭಾರಿ ದಾಳಿಯ ನೇತೃತ್ವವನ್ನು ಸುಮಿತ್ರಾ ವಹಿಸಿದ್ದಳು. ಆಕೆಯೊಂದಿಗೆ 26 ನಕ್ಸಲರು ದರ್ಭಾ ಕಣಿವೆಯಲ್ಲಿಗುಂಡಿನ ದಾಳಿ ನಡೆಸಿ 27 ಮಂದಿಯನ್ನು ಹತ್ಯೆಗೈದಿದ್ದರು. 2013ರ ಮೇ 25ರಂದು ಬಸ್ತರ್‌ ಜಿಲ್ಲೆಯಲ್ಲಿಕಾಂಗ್ರೆಸ್‌ ನಾಯಕರು ಮತ್ತು ಅವರ ಬೆಂಗಾವಲು ಪಡೆ ವಾಹನಗಳನ್ನು ಗುರಿಯಾಗಿಸಿ ನಕ್ಸಲರು ಭಾರಿ ದಾಳಿ ನಡೆಸಿದ್ದರು. ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಅವರ ಆಪ್ತರಾಗಿದ್ದ ವಿದ್ಯಾಚರಣ್‌ ಶುಕ್ಲಾ, ಛತ್ತೀಸ್‌ಗಢ ಕಾಂಗ್ರೆಸ್‌ ಮಾಜಿ ಮುಖ್ಯಸ್ಥ ನಂದ ಕುಮಾರ್‌ ಪಟೇಲ್‌ ಸೇರಿದಂತೆ ಹಲವು ಕಾಂಗ್ರೆಸ್‌ ನಾಯಕರು ದಾಳಿಯಿಂದಾಗಿ ಮೃತಪಟ್ಟಿದ್ದರು. ಚತ್ತೀಸ್‌ಗಢದಲ್ಲಿ ಮೂವರು ನಕ್ಸಲರ ಸೆರೆ : ಹಲವು ಅಪರಾಧ ಕೃತ್ಯಗಳಲ್ಲಿ ಭಾಗಿಯಾಗಿದ್ದ ಓರ್ವ ಮಹಿಳೆ ಸೇರಿದಂತೆ ಮೂವರು ಕುಖ್ಯಾತ ನಕ್ಸಲೀಯರನ್ನು ಛತ್ತೀಸ್‍ಗಢದ ದಂತೇವಾಡ ಜಿಲ್ಲೆಯಲ್ಲಿ ಸೆರೆ ಹಿಡಿಯಲಾಗಿದೆ. ಬಂಧಿತ ನಕ್ಸಲರಿಂದ ಎಕೆ-47, ಎಸ್‍ಎಲ್‍ಆರ್, ಇನ್ಸಾಸ್ ರೈಫಲ್‍ಗಳು, ಐಇಡಿ ಸ್ಫೋಟಕ್ಕೆ ಬಳಸುವ ವಸ್ತುಗಳು, ಡಿಟೋನೇಟರ್‍ಗಳು. ಮಾವೋವಾದಿ ಸಮವಸ್ತ್ರಗಳು, ನಕ್ಸಲ್ ಸಾಹಿತ್ಯ ಮತ್ತಿತರ ವಸ್ತುಗಳನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ. ಹದ್ಮಾ, ಶಾಂತಿ ಮತ್ತು ದೇವಾ ಬಂಧಿತರು. ಕಳೆದ ಅಕ್ಟೋಬರ್‌ನಲ್ಲಿನಿಲ್ವಾಯ ಗ್ರಾಮದಲ್ಲಿಪೊಲೀಸರ ಮೇಲೆ ನಡೆದಿದ್ದ ಭಾರಿ ದಾಳಿಯ ನೇತೃತ್ವವನ್ನು ಹದ್ಮಾ, ಶಾಂತಿ ವಹಿಸಿದ್ದರು ಎನ್ನಲಾಗಿದೆ.

from India & World News in Kannada | VK Polls https://ift.tt/2L50Gm2

ಹೈದರಾಬಾದ್‌ ಹತ್ಯಾಚಾರ ಪ್ರಕರಣ: ರೇಪಿಸ್ಟ್‌ಗಳು ಸ್ಕೆಚ್‌ ಹಾಕಿದ್ದು ಹೀಗೆ!

ಹೈದರಾಬಾದ್‌: ತೆಲಂಗಾಣ ಪಶುವೈದ್ಯೆ ಹತ್ಯಾಚಾರ ಮತ್ತು ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ನಾಲ್ವರು ಆರೋಪಿಗಳನ್ನು ಬಂಧಿಸಿದ್ದಾರೆ. ಇಬ್ಬರು ಟ್ರಕ್‌ ಚಾಲಕರು ಹಾಗೂ ಇಬ್ಬರು ಟ್ರಕ್‌ ಕ್ಲೀನರ್‌ಗಳನ್ನು ಶುಕ್ರವಾರ ತಮ್ಮ ವಶಕ್ಕೆ ಪಡೆದಿದ್ದಾರೆ. ಆರೋಪಿಗಳು ಮಹಿಳೆಯನ್ನು ಶಂಶಾಬಾದ್‌ನ ತೊಂಡಪಳ್ಳಿ ಬಳಿ ಟೋಲ್‌ ಪ್ಲಾಜಾ ಬಳಿ ಖಾಲಿ ಪ್ಲಾಟ್‌ಗೆ ಎಳೆದೊಯ್ದು ನಾಲ್ಕೂ ಜನ ಒಬ್ಬರಾರ ನಂತ ಒಬ್ಬರು ಹತ್ಯಾಚಾರ ನಡೆಸಿದ್ದಾರೆ. ಆರೋಪಿಗಳಲ್ಲಿ ಒಬ್ಬಾತ ಮಹಿಳೆಯನ್ನು ಉಸಿರುಗಟ್ಟಿಸಿ ಸಾಯಿಸಿದ್ದಾರೆ. ನಂತರ ಮೃತದೇಹವನ್ನು ಟ್ರಕ್‌ನಲ್ಲಿ ಕೊಂಢೊಯ್ದು ಶಾಡ್‌ನಗರ್‌ ಬಳಿಯ ಅಂಡರ್‌ಪಾಸ್‌ ಬಳಿ ಗುರುತು ಸಿಗದಂತೆ ಬೆಂಕಿ ಹಾಕಿ ಸುಟ್ಟಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ವಾಸ್ತವದಲ್ಲಿ ನಡೆದದ್ದೇನು? : *ಇಬ್ಬರು ಲಾರಿ ಡ್ರೈವರ್ಸ್‌ ಮತ್ತು ಇಬ್ಬರು ಕ್ಲೀನರ್ಸ್‌ ಸೇರಿದಂತೆ ಒಟ್ಟು ನಾಲ್ಕು ಜನ ಶಂಶಾಬಾದ್‌ ಟೋಲ್‌ ಪ್ಲಾಜಾ ಬಳಿಯ ಪಾರ್ಕಿಂಗ್‌ನಲ್ಲಿ ಮಹಿಳೆಯು ಸ್ಕೂಟರ್‌ ನಿಲ್ಲಿಸುತ್ತಿರುವುದು ಕಂಡಿದ್ದಾರೆ. *ಮಹಿಳೆಯು ಸ್ಕೂಟರ್‌ ನಿಲ್ಲಿಸಿ ಹೋದೊಡನೆ ಈ ಆರೋಪಿಗಳು ಸ್ಕೂಟರ್‌ನ ಒಂದು ಚಕ್ರದ ಗಾಳಿಯನ್ನು ತೆಗೆದು ಪಂಚರ್‌ ಮಾಡಿದ್ದಾರೆ. * ಮಹಿಳೆಯು ಮತ್ತೆ ರಾತ್ರೆ 9 ಗಂಟೆ ಸ್ಕೂಟರ್‌ ತೆಗೆದುಕೊಳ್ಳಲು ಬಂದಾಗ ಸ್ಕೂಟರ್‌ ಪಂಚರ್‌ ಆಗಿರುತ್ತದೆ. ಈ ಸಂದರ್ಭದಲ್ಲಿ ಆರೋಪಿಗಳಲ್ಲಿ ಒಬ್ಬಾತ ಸಹಾಯ ಮಾಡುವುದಾಗಿ ಹೇಳಿ ಸ್ಕೂಟರ್‌ ಅನ್ನು ಕೊಂಡೊಯ್ಯುತ್ತಾನೆ. * ಉಳಿದ ಮೂವರು ಮಹಿಳೆಯನ್ನು ಹಿಡಿದೆಳೆದು ಸನಿಹದಲ್ಲೇ ಇದ್ದ ಖಾಲಿ ಪ್ಲಾಟ್‌ಗೆ ಕೊಂಡೊಯ್ಯುತ್ತಾರೆ. ಸ್ಕೂಟರ್‌ ಕೊಂಡೊಯ್ದಿದ್ದ ಆರೋಪಿ ಕೂಡ ಅಲ್ಲಿಗೆ ಬಂದು ನಾಲ್ವರೂ ಒಬ್ಬರಾದ ಮೇಲೆ ಒಬ್ಬರು ಮಹಿಳೆ ಮೇಲೆ ಅತ್ಯಾಚಾರ ಎಸಗಿದ್ದಾರೆ. * ನಾಲ್ವರಲ್ಲಿ ಒಬ್ಬಾತ ಮಹಿಳೆಯನ್ನು ಉಸಿರುಗಟ್ಟಿಸಿ ಸಾಯಿಸಿದ್ದಾನೆ. * ನಂತರ ಮೃತದೇಹವನ್ನು ಕೊಂಡೊಯ್ದು ಬೆಂಕಿಯಲ್ಲಿ ಸುಟ್ಟಿದ್ದಾರೆ ಎಂದು ಹೈದರಾಬಾದ್‌ ಪೊಲೀಸ್‌ ಆಯುಕ್ತ ವಿ.ಸಿ ಸಜ್ಜನರ್‌ ತಿಳಿಸಿದ್ದಾರೆ. ರಾಯಚೂರಿಗೆ ಬರುತ್ತಿದ್ದ ಲಾರಿ: ಪೊಲೀಸರು ಸಿಸಿಟಿವಿ ದೃಶ್ಯದ ಆಧಾರದ ಮೇಲೆ ಇಬ್ಬರು ಚಾಲಕರು ಮತ್ತು ಇಬ್ಬರು ಕ್ಲೀನರ್‌ಗಳನ್ನು ಬಂಧಿಸಿ ವಿಚಾರಣೆಗೆ ಒಳಪಡಿಸಿದ್ದಾರೆ. ಕೃತ್ಯದ ಹಿಂದೆ ಪರಿಚಿತರ ಕೈವಾಡವೂ ಇದ್ದು, ಉದ್ದೇಶಪೂರ್ವಕವಾಗಿ ಸ್ಕೂಟರ್‌ ಪಂಕ್ಚರ್‌ ಮಾಡಿರಬಹುದೆಂದು ಪೊಲೀಸರು ಶಂಕಿಸಿದ್ದಾರೆ. ಬಂಧಿತ ಲಾರಿಯ ಚಾಲಕರು ಹೈದರಾಬಾದ್‌ನಿಂದ ರಾಯಚೂರಿಗೆ ಕಬ್ಬಿಣದ ಸರಳು ಸಾಗಿಸುತ್ತಿದ್ದರು ಎಂದು ತಿಳಿದುಬಂದಿದೆ. ಎಲ್ಲ ರಾಜ್ಯಗಳಿಗೂ ಕೇಂದ್ರದ ಎಚ್ಚರಿಕೆ ತೆಲಂಗಾಣ ಪಶುವೈದ್ಯೆ ಪ್ರಕರಣದ ಹಿನ್ನೆಲೆಯಲ್ಲಿ, ಮಹಿಳೆಯರ ಮೇಲಿನ ದೌರ್ಜನ್ಯ ಪ್ರಕರಣಗಳ ತಡೆಗೆ ಎಲ್ಲಾರಾಜ್ಯ ಸರಕಾರಗಳಿಗೂ ಸಲಹೆ-ಸೂಚನೆ ಕಳುಹಿಸುವುದಾಗಿ ಕೇಂದ್ರ ಸರಕಾರ ಹೇಳಿದೆ. ಪ್ರಕರಣದ ಬಗ್ಗೆ ಪ್ರತಿಕ್ರಿಯಿಸಿರುವ ಗೃಹ ಖಾತೆ ಸಹಾಯಕ ಸಚಿವ ಕಿಶನ್‌ ರೆಡ್ಡಿ, ಭವಿಷ್ಯದಲ್ಲಿಇಂತಹ ಘಟನೆಗಳು ಮರುಕಳಿಸುವುದನ್ನು ತಡೆಯಲು ಎಲ್ಲಾರಾಜ್ಯ ಸರಕಾರಗಳಿಗೆ ಮುನ್ನೆಚ್ಚರಿಕೆ ವಹಿಸಲು ಸೂಚಿಸಲಾಗುವುದು ಎಂದಿದ್ದಾರೆ.

from India & World News in Kannada | VK Polls https://ift.tt/33B7Tka

ಡೇವಿಸ್‌ ಕಪ್‌: ಮೊದಲ ದಿನವೇ ಪಾಕಿಸ್ತಾನ ವಿರುದ್ಧ ಭಾರತದ ಪ್ರಾಬಲ್ಯ

ನೂರ್‌ ಸುಲ್ತಾನ್‌ (ಕಝಕಸ್ತಾನ): ಡೇವಿಸ್ ಕಪ್ ಟೂರ್ನಿಯಲ್ಲಿ ಭಾರತ ತಂಡದ ರಾಮ್‌ಕುಮಾರ್ ರಾಮನಾಥನ್ ಹಾಗೂ ಸುಮಿತ್ ನಾಗಲ್ ಅವರು ಪ್ರತ್ಯೇಕ ಸಿಂಗಲ್ಸ್‌ ಪಂದ್ಯಗಳಲ್ಲಿ ಪಾಕಿಸ್ತಾನದ ವಿರುದ್ಧ ಗೆಲುವು ದಾಖಲಿಸಿದ್ದಾರೆ. ಇದರೊಂದಿಗೆ ಭಾರತ ತಂಡ 2-0 ಅಂತರದ ಮುನ್ನಡೆ ಸಾಧಿಸಿದೆ. ಕೇವಲ 42 ನಿಮಿಷಗಳ ಕಾಲ ನಡೆದ ಮೊದಲ ಹಣಾಹಣಿಯಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಿದ ರಾಮ್‌ಕುಮಾರ್ ರಾಮನಾಥನ್ ಅವರು ಪಾಕಿಸ್ತಾನದ 17ರ ಪ್ರಾಯದ ಮುಹಮ್ಮದ್ ಶೊಯೇಬ್ ವಿರುದ್ಧ ನೇರ ಸೆಟ್‌ಗಳ ಜಯ ದಾಖಲಿಸಿದರು. ಮತ್ತೊಂದು ಸಿಂಗಲ್ಸ್‌ ಪಂದ್ಯದಲ್ಲಿ ಸುಮಿತ್ ನಾಗಲ್ ಅವರು ಹುಝೇಫಾ ಅಬ್ದುಲ್ ವಿರುದ್ಧ 6-0, 6-2 ಅಂತರದ ನೇರ ಸೆಟ್‌ಗಳಿಂದ ಸುಲಭವಾಗಿ ಜಯ ದಾಖಲಿಸಿದರು. ಇದು ಟೂರ್ನಿಯಲ್ಲಿ ನಗಾಲ್‌ ಅವರ ವೃತ್ತಿ ಜೀವನದ ಮೊದಲನೇ ಗೆಲುವಾಗಿದೆ. ಪಾಕಿಸ್ತಾನದಲ್ಲಿ ನಡೆಯಬೇಕಿದ್ದ ಭಾರತ ಮತ್ತು ನಡುವಣ ಪಂದ್ಯವನ್ನು ಕಜಕೀಸ್ತಾನದ ನೂರ್ ಸುಲ್ತಾನಗೆ ಸ್ಥಳಾಂತರ ಮಾಡಲಾಗಿತ್ತು. ಹೀಗಾಗಿ ಟೂರ್ನಿಯಲ್ಲಿ ಪಾಕಿಸ್ತಾನದ ಪ್ರಮುಖ ಆಟಗಾರರು ಗೈರಾಗಿದ್ದಾರೆ. ಅವರು ಟೆನಿಸ್ ಒಕ್ಕೂಟದ ವಿರುದ್ಧ ಪ್ರತಿಭಟನೆ ನಡೆಸುತ್ತಿದ್ದಾರೆ. ಮೊದಲನೇ ಪಂದ್ಯ ರಾಮ್‌ಕುಮಾರ್ ರಾಮನಾಥನ್‌ಗೆ ಪಾಕ್‌ನ 17ರ ಪ್ರಾಯದ ತರುಣ ಸವಾಲು ನೀಡಲೇ ಇಲ್ಲ. ಸುಲಭವಾಗಿ ಶರಣಾದರು. ಆದರೆ, ಸುಮಿತ್ ನಾಗಲ್ ಅವರಿಗೆ ಹುಝೇಫಾ ಮೊದಲನೇ ಸೆಟ್ ನಲ್ಲಿ ಬೇಗ ಸೋತರೂ, ಎರಡನೇ ಸೆಟ್‌ನಲ್ಲಿ ಲಾಂಗ್ ರಾಲಿಗಳ ಮೂಲಕ ಕಠಿಣ ಪ್ರತಿರೋಧ ನೀಡಿದರು. ಭಾರತ ತಂಡ ಇದುವರೆಗೂ ಪಾಕಿಸ್ತಾನದ ವಿರುದ್ಧ ಆರು ಬಾರಿ ಮುಖಾಮುಖಿಯಾಗಿದ್ದು, ಒಮ್ಮೆಯೂ ಸೋಲು ಅನುಭವಿಸಿಲ್ಲ. ಶನಿವಾರ ಲಿಯಾಂಡರ್ ಪೇಸ್ ಹಾಗೂ ಜೀವನ್ ನೆಡುನ್‌ಚೆಳಿಯನ್‌ ಅವರು ಡಬಲ್ಸ್‌ ವಿಭಾಗದಲ್ಲಿ ಹುಝೇಫಾ ಹಾಗೂ ಶೊಯೇಬ್ ವಿರುದ್ಧ ಸೆಣಸಲಿದ್ದಾರೆ. ನಾಳಿನ ಪಂದ್ಯದಲ್ಲಿ ಪೇಸ್ ಗೆದ್ದರೆ ಡೆವಿಸ್ ಕಪ್ ನಲ್ಲಿ ಅತಿ ಹೆಚ್ಚು ಪಂದ್ಯಗಳನ್ನು ಗೆದ್ದ ಮೊದಲ ಆಟಗಾರ ಎಂಬ ಸಾಧನೆಗೆ ಭಾಜನರಾಗಲಿದ್ದಾರೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/35Lg6Un

ಬ್ಯಾಡ್ಮಿಂಟನ್‌: ಕಿಡಂಬಿ ಶ್ರೀಕಾಂತ್‌ಗೆ ಮತ್ತೊಂದು ಸೋಲು, ಸೆಮಿಫೈನಲ್‌ಗೆ ಸೌರಭ್‌ ವರ್ಮಾ

ಲಖನೌ: ಭಾರತದ ಅನುಭವಿ ಆಟಗಾರ ಅವರ ಸತತ ವೈಫಲ್ಯಗಳ ಸರಮಾಲೆ ಮುಂದುವರಿದಿದ್ದು, ಇಲ್ಲಿ ನಡೆಯುತ್ತಿರುವ 300 ಬ್ಯಾಡ್ಮಿಂಟನ್‌ ಟೂರ್ನಿಯ ಪುರುಷರ ಸಿಂಗಲ್ಸ್‌ ವಿಭಾಗದ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಮುಗ್ಗರಿಸಿದ್ದಾರೆ. ಇದೇ ವೇಳೆ ಟೂರ್ನಿಯಲ್ಲಿ ಭಾರತದ ಭರವಸೆಯಾಗಿ ಉಳಿದಿರುವ ಮತ್ತು ಮಹಿಳಾ ಸಿಂಗಲ್ಸ್‌ ವಿಭಾಗದಲ್ಲಿ ಋತುಪರ್ಣ ದಾಸ್‌ ಸೆಮಿಫೈನಲ್ಸ್‌ಗೆ ಕಾಲಿಟ್ಟಿದ್ದಾರೆ. ಇದೇ ವರ್ಷ ಹೈದರಾಬಾದ್‌ನಲ್ಲಿ ನಡೆದ ಬಿಡಬ್ಲ್ಯುಎಫ್‌ 100 ಮತ್ತು ವಿಯೆಟ್ನಾಮ್‌ ಓಪನ್‌ ಟೂರ್ನಿಗಳಲ್ಲಿ ಪ್ರಶಸ್ತಿ ಗೆದ್ದಿರುವ ಸೌರಭ್‌, ಕ್ವಾರ್ಟರ್‌ ಫೈನಲ್ಸ್‌ನಲ್ಲಿ ಕಿರಿಯರ ವಿಭಾಗದಲ್ಲಿ 3 ಬಾರಿಯ ವಿಶ್ವ ಚಾಂಪಿಯನ್‌ ಥಾಯ್ಲೆಂಡ್‌ನ ಕಲುನ್ಲಾವುತ್‌ ವಿತಿದ್‌ಸರ್ನ್‌ ವಿರುದ್ಧ 21-19, 21-16 ಅಂತರದ ನೇರ ಗೇಮ್‌ಗಳ ಜಯ ದಾಖಲಿಸಿದರು. ಮಾಜಿ ರಾಷ್ಟ್ರೀಯ ಚಾಂಪಿಯನ್‌ 26 ವರ್ಷದ ಸೌರಭ್‌ ಇದೀಗ ಸೆಮಿಫೈನಲ್‌ ಪಂದ್ಯದಲ್ಲಿ ಕೊರಿಯಾದ ಆಟಗಾರ ಹೆಯೋ ಕ್ವಾಂಗ್‌ ಹೀ ವಿರುದ್ಧ ಪ್ರಶಸ್ತಿ ಸುತ್ತಿನ ಅರ್ಹತೆಗಾಗಿ ಪೈಪೋಟಿ ನಡೆಸಲಿದ್ದಾರೆ. ಮತ್ತೊಂದೆಡೆ ವಿಶ್ವದ ಮಾಜಿ ನಂ.1 ಆಟಗಾರ ಕಿಡಂಬಿ ಶ್ರೀಕಾಂತ್‌, ಟೂರ್ನಿಯಲ್ಲಿ 7ನೇ ಶ್ರೇಯಾಂಕ ಪಡೆದಿದ್ದ ಕೊರಿಯಾದ ಆಟಗಾರ ಸನ್‌ ವಾನ್‌ ಹೋ ಎದುರು 18-21, 19-21 ಅಂತರದ ನೇರ ಗೇಮ್‌ಗಳ ಅಂತರದಲ್ಲಿ ಸೋಲೊಪ್ಪಿಕೊಂಡರು. ಈ ವರ್ಷ ಇಂಡಿಯಾ ಓಪನ್‌ ಸೂಪರ್‌ 500 ಟೂರ್ನಿಯಲ್ಲಿ ಫೈನಲ್‌ ತಲುಪಿದ್ದನ್ನು ಬಿಟ್ಟರೆ ಉಳಿದೆಲ್ಲಾ ಟೂರ್ನಿಗಳಲ್ಲಿ ಶ್ರೀಕಾಂತ್‌ ವೈಫಲ್ಯ ಅನುಭವಿಸಿದ್ದಾರೆ. ಸೆಮಿಫೈನಲ್‌ಗೆ ಋತುಪರ್ಣ ದಾಸ್‌ ಮಹಿಳಾ ಸಿಂಗಲ್ಸ್‌ ವಿಭಾಗದಲ್ಲಿ ಮಿಂಚಿನ ಆಟ ಪ್ರದರ್ಶಿಸುತ್ತಿರುವ ಋತುಪರ್ಣ ದಾಸ್‌, ಕ್ವಾರ್ಟರ್‌ ಫೈನಲ್‌ ಹಣಾಹಣಿಯಲ್ಲಿ ಪ್ರಬಲ ಪೈಪೋಟಿಯ ನಡುವೆ 4-26, 21-10, 21-19 ಅಂತರದ ಗೇಮ್‌ಗಳಿಂದ ಸ್ವದೇಶಿ ಮಿತ್ರ ಆಟಗಾರ್ತಿ ಶೃತಿ ಮುಂಡದಾ ವಿರುದ್ಧ ಗೆಲುವು ಸಾಧಿಸಿ ಪ್ರಶಸ್ತಿ ಸುತ್ತಿಗೆ ಕಾಲಿಟ್ಟರು. ಪೋಲಿಷ್‌ ಅಂತಾರಾಷ್ಟ್ರೀಯ ಟೂರ್ನಿಯಲ್ಲಿ 2016 ಮತ್ತು 2018ರಲ್ಲಿ ಪ್ರಶಸ್ತಿ ಗೆದ್ದಿರುವ ಋತುಪರ್ಣ, ಫೈನಲ್‌ ತಲುಪಲು ಥಾಯ್ಲೆಂಡ್‌ನ ಫಿತಾಯಪರ್ನ್‌ ಚಾಯ್ವಾನ್‌ ವಿರುದ್ಧ ಸೆಣಸಲಿದ್ದಾರೆ. ಡಬಲ್ಸ್‌ನಲ್ಲಿ ನಿರಾಸೆ ಇದೇ ವೇಳೆ ಮಹಿಳಾ ಡಬಲ್ಸ್‌ ವಿಭಾಗದಲ್ಲಿ ಭಾರತಕ್ಕೆ ನಿರಾಸೆ ಎದುರಾಗಿದೆ. ಯುವ ಪ್ರತಿಭೆಗಳಾದ ಕುಹೂ ಗಾರ್ಗ್‌ ಮತ್ತು ಅನುಷ್ಕಾ ಪಾರಿಖ್‌ ಜೋಡಿಯು 15-21, 9-21 ಅಂತರದ ಗೇಮ್‌ಗಳಿಂದ ಹಾಂಕಾಂಗ್‌ನ ಎನ್‌ಜಿ ವಿಂಗ್‌ ಯುಂಗ್‌ ಮತ್ತು ಯೆಯುಂಗ್‌ ಗಾ ಟಿಂಗ್‌ ವಿರುದ್ಧ ಹೀನಾಯವಾಗಿ ಸೋತು ಸ್ಪರ್ಧೆಯಿಂದ ಹೊರಬಿದ್ದಿದೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/33yk80Z

ಏಡ್ಸ್‌ ರೋಗಿಗೆ ಕೆಲಸ ಕೊಡಲ್ಲ, ಮುಟ್ಟಲ್ಲ ಅಂದ್ರೆ ಶಿಕ್ಷೆ! ಟ್ರೀಟ್‌ಮೆಂಟ್ ಕೊಡಲ್ಲ ಅಂದ್ರೆ ಜೈಲೇ ಗತಿ!

ತುಮಕೂರು: ಏಡ್ಸ್‌ ಸೋಂಕಿತರನ್ನು ಸಮಾಜದ ಮುಖ್ಯವಾಹಿನಿಗೆ ತರಲು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ 2018ರಲ್ಲಿ ಅನುಷ್ಠಾನಗೊಳಿಸಿರುವ ಏಡ್ಸ್‌ ಕಾಯ್ದೆ-2017 ಅನ್ನು ಪ್ರಸಕ್ತ ವರ್ಷದಿಂದ ರಾಜ್ಯದಲ್ಲಿ ಮತ್ತಷ್ಟು ಪರಿಣಾಮಕಾರಿಯಾಗಿ ಅನುಷ್ಠಾನಗೊಳಿಸಲು ಕರ್ನಾಟಕ ರಾಜ್ಯ ಏಡ್ಸ್‌ ಪ್ರಿವೆನ್ಷನ್‌ ಸೊಸೈಟಿ ಮುಂದಾಗಿದೆ. ಅದರ ಅನ್ವಯ ಎಚ್‌ಐವಿ ಸೋಂಕಿತರನ್ನು ತಾರತಮ್ಯದಿಂದ ಕಾಣುವವರನ್ನು ಶಿಕ್ಷೆಗೆ ಗುರಿ ಪಡಿಸುವುದಾಗಿ ಎಚ್ಚರಿಕೆ ಸಂದೇಶ ರವಾನಿಸಿದೆ. ಡಿಸೆಂಬರ್ 1ರ ಏಡ್ಸ್‌ ದಿನಾಚರಣೆ ಅಂಗವಾಗಿ ರಾಜ್ಯ ಏಡ್ಸ್‌ ಪ್ರಿವೆನ್ಷನ್‌ ಸೊಸೈಟಿಯು 34 ಸೆಕೆಂಡ್‌ಗಳ ಧ್ವನಿ ಮುದ್ರಿಕೆಯನ್ನು ಬಿಡುಗಡೆಗೊಳಿಸಿದೆ. ಅದರಲ್ಲಿ ‘ರಾಜ್ಯದಲ್ಲಿ ಈಗಾಗಲೇ ಎಚ್‌ಐವಿ ಏಡ್ಸ್‌ ಕಾಯ್ದೆ ಜಾರಿಯಾಗಿದೆ. ಯಾವುದೇ ರೀತಿಯ ತಾರತಮ್ಯ ಶಿಕ್ಷಾರ್ಹ ಅಪರಾಧ. ಸೋಂಕಿತರ ತಾರತಮ್ಯ ನಿಲ್ಲಿಸಿ, ಅವರಲ್ಲಿಆತ್ಮ ವಿಶ್ವಾಸ ಹೆಚ್ಚಿಸಿ’ ಎಂದು ಮನವಿ ಮಾಡಲಾಗಿದೆ. ನೆರವಿಗಿದೆ ಹೆಲ್ಪ್‌ ಲೈನ್‌: ಎಚ್‌ಐವಿ ಪೀಡಿತರನ್ನು ತಾರತಮ್ಯದಿಂದ ಕಾಣುವ ತಪ್ಪಿತಸ್ಥರಿಗೆ ಕಾಯ್ದೆಯನ್ವಯ 2 ತಿಂಗಳಿನಿಂದ 2 ವರ್ಷದವರೆಗೆ ಜೈಲು ಶಿಕ್ಷೆ ಅಥವಾ 1 ಲಕ್ಷದವರೆಗೆ ದಂಡ ವಿಧಿಸುವ ಶಿಕ್ಷೆಯ ಪ್ರಮಾಣವನ್ನು ನಿಗದಿಪಡಿಸಲಾಗಿದೆ. ಸೋಂಕಿತರಿಗೆ ತಾರತಮ್ಯ ಮಾಡದೇ ಅವರಲ್ಲಿ ಆತ್ಮ ವಿಶ್ವಾಸ ಹೆಚ್ಚಿಸಿ, ಅವರನ್ನು ಬದುಕಲು ಬಿಡುವುದು ಕಾಯ್ದೆಯ ಮೂಲ ಉದ್ದೇಶವಾಗಿದೆ. ಈ ಬಗ್ಗೆ ಸಾರ್ವಜನಿಕರಿಗೆ ಮಾಹಿತಿ ನೀಡಲು ಹಾಗೂ ಸಂತ್ರಸ್ತರಿಗೆ ನೆರವಾಗಲು 1097 ಉಚಿತ ಸಹಾಯವಾಣಿಯನ್ನು ಸ್ಥಾಪಿಸಲಾಗಿದೆ. ಶ್ರದ್ಧಾಂಜಲಿಗಾಗಿ ದಿನ: ಏಡ್ಸ್‌ ಬಗ್ಗೆ ಜನರಲ್ಲಿ ವ್ಯಾಪಕ ಪ್ರಚಾರ ಕೈಗೊಂಡು ಜನರು ಈ ಸೋಂಕಿಗೆ ತುತ್ತಾಗದಂತೆ ತಡೆಯುವ ಸಲುವಾಗಿ ಹಾಗೂ ಸೋಂಕಿನಿಂದ ಸಾವನ್ನಪ್ಪಿದವರಿಗೆ ಶ್ರದ್ಧಾಂಜಲಿಯನ್ನು ಸಲ್ಲಿಸುವುದಕ್ಕಾಗಿ ಪ್ರತಿ ವರ್ಷ ಡಿಸೆಂಬರ್ 1 ರಂದು ವಿಶ್ವ ಏಡ್ಸ್‌ ದಿನವನ್ನು ಆಚರಿಸಲಾಗುತ್ತಿದೆ. ಈ ವರ್ಷ ‘ಸಮುದಾಯಗಳು ಬದಲಾವಣೆಯನ್ನುಂಟು ಮಾಡುತ್ತವೆ’ ಘೋಷಣೆಯೊಂದಿಗೆ ಏಡ್ಸ್‌ ದಿನವನ್ನು ಆಚರಿಸಲಾಗುತ್ತಿದೆ. ಸೋಂಕಿಗೆ ತಾರತಮ್ಯವಿಲ್ಲ: ಎಚ್‌ಐವಿ ಸೋಂಕು ಎಲ್ಲಾ ವಯೋಮಾನದವರಲ್ಲಿ ಪತ್ತೆಯಾಗುತ್ತಿದ್ದು, 25 ರಿಂದ 40 ವರ್ಷದವರಲ್ಲಿ ಹೆಚ್ಚಾಗಿ ಕಂಡುಬರುತ್ತಿದೆ. ಈ ಸೋಂಕಿಗೆ ಯಾವುದೇ ತಾರತಮ್ಯವಿರುವುದಿಲ್ಲ. ಪಟ್ಟಣ, ನಗರ, ವಿದ್ಯಾವಂತ, ಅವಿದ್ಯಾವಂತ, ಶ್ರೀಮಂತ, ಬಡವ ಎನ್ನುವ ಬೇಧವಿಲ್ಲದೆ ಎಲ್ಲರಲ್ಲೂ ಕಂಡುಬಂದಿದೆ. ಸೋಂಕಿಗೆ ತಾರತಮ್ಯವಿಲ್ಲ. ಆದರೆ, ಸಮಾಜದಲ್ಲಿ ಸೋಂಕಿಗೆ ಗುರಿಯಾದವರನ್ನು ಮಾತ್ರ ತಾರತಮ್ಯದಿಂದ ಕಾಣಲಾಗುತ್ತಿದೆ. ಅದನ್ನು ನಿವಾರಿಸಲು ಸರಕಾರ ಕಾನೂನಿನ ಬಲ ನೀಡಿದೆ. ಏಡ್ಸ್‌ ಕಾಯ್ದೆಯ ಮುಖ್ಯಾಂಶಗಳು * ಕೆಲಸದ ಸ್ಥಳದಲ್ಲಿ ತಾರತಮ್ಯ ಮಾಡುವಂತಿಲ್ಲ * ಸೋಂಕಿನ ಕಾರಣಕ್ಕಾಗಿ ಕೆಲಸ ನಿರಾಕರಿಸುವಂತಿಲ್ಲ * ಕೆಲಸದಿಂದ ತೆಗೆಯುವಂತಿಲ್ಲ * ಏಡ್ಸ್‌ ಸೋಂಕಿತರನ್ನು ಹೀಯಾಳಿಸುವಂತಿಲ್ಲ * ಚಿಕಿತ್ಸೆ ನಿರಾಕರಿಸುವಂತಿಲ್ಲ * ಕೈ ಕುಲುಕಲು, ಪಕ್ಕದಲ್ಲಿ ಕೂರಲು ನಿರಾಕರಿಸುವಂತಿಲ್ಲ

from India & World News in Kannada | VK Polls https://ift.tt/2rAxaOc

6 ವರ್ಷಗಳ ಕನಿಷ್ಠ ಮಟ್ಟಕ್ಕೆ ಕುಸಿದ ಜಿಡಿಪಿ: 2ನೇ ತ್ರೈಮಾಸಿಕದಲ್ಲಿ ಶೇ.4.5ಕ್ಕೆ ಇಳಿಕೆ

ಹೊಸದಿಲ್ಲಿ: ಜುಲೈ-ಸೆಪ್ಟೆಂಬರ್‌ ಅವಧಿಯ ತ್ರೈಮಾಸಿಕ ಬೆಳವಣಿಗೆ ಶೇ.4.5ರಷ್ಟಿದೆ ಎಂದು ಕೇಂದ್ರ ಸರಕಾರ ಶುಕ್ರವಾರ (ನ.29) ಪ್ರಕಟಿಸಿದೆ. ಕಳೆದ ತ್ರೈಮಾಸಿಕ ಅವಧಿಯಲ್ಲಿ ಜಿಡಿಪಿ ಬೆಳವಣಿಗೆ ಮಟ್ಟ ಶೇ.5ಕ್ಕೆ ಕುಸಿದಿತ್ತು. ಇದೀಗ ಮತ್ತೂ ಕೆಳಮಟ್ಟಕ್ಕೆ ಕುಸಿದಿದ್ದು, 6 ವರ್ಷಗಳಲ್ಲೇ ಕನಿಷ್ಠ ಮಟ್ಟಕ್ಕೆ ಇಳಿದೆ. ಮಾಜಿ ಪ್ರಧಾನಿ ಹಾಗೂ ಅರ್ಥಶಾಸ್ತ್ರಜ್ಞ ಡಾ. ಮನಮೋಹನ್ ಸಿಂಗ್‌ ಅವರು ಜಿಡಿಪಿ ಕುಸಿತಕ್ಕೆ ಅಸಮಾಧಾನ ವ್ಯಕ್ತಪಡಿಸಿದ್ದು, ಜಿಡಿಪಿ ಕುಸಿತ ಭಾರತಕ್ಕೆ ಒಂದು ಎಚ್ಚರಿಕೆ ಗಂಟೆ ಎಂದಿದ್ದಾರೆ. ಶೇ. 4.5ರಷ್ಟು ಜಿಡಿಪಿ ಸ್ವೀಕಾರಾರ್ಹವಲ್ಲ. ಆರ್ಥಿಕ ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಶೇ.5ಕ್ಕೆ ಕುಸಿದಿದ್ದ ಜಿಡಿಪಿ ಬೆಳವಣಿಗೆ ಎರಡನೇ ತ್ರೈ,ಮಾಸಿಕದಲ್ಲಿ ಮತ್ತೂ ಕುಸಿದಿದ್ದು ಶೇ.4.5ಕ್ಕೆ ಇಳಿದಿದೆ. ಇದು ಯೋಚಿಸಲೇಬೇಕಾದ ವಿಷಯ. ಕೇವಲ ಆರ್ಥಿಕ ನೀತಿಗಳನ್ನು ಬದಲಾಯಿಸುವುದರಿಂದ ಮಾತ್ರವೇ ಆರ್ಥಿಕ ಪುನಶ್ಚೇತನ ಅಸಾಧ್ಯ ಎಂಬುದನ್ನು ಇದರಿಂದ ಅರ್ಥ ಮಾಡಿಕೊಳ್ಳಬೇಕು ಎಂದಿದ್ದಾರೆ. ಈ ನಡುವೆ ಮುಂದಿನ ಜಿಡಿಪಿ ಲೆಕ್ಕಾಚಾರದಲ್ಲಿಮೂಲ ವರ್ಷವಾಗಿ 2020-21 ಅನ್ನು ಬಳಸಲು ಸಂಸದೀಯ ಸಲಹಾ ಮಂಡಳಿ ಶಿಫಾರಸು ನೀಡಿದೆ ಎಂದು ಸರಕಾರ ಗುರುವಾರ ತಿಳಿಸಿತ್ತು.

from India & World News in Kannada | VK Polls https://ift.tt/2OAEBhz

ಡೇ-ನೈಟ್‌ ಟೆಸ್ಟ್‌: ಡೇವಿಡ್‌ ವಾರ್ನರ್‌, ಮಾರ್ನಸ್‌ ಬ್ಯಾಕ್‌ ಟು ಬ್ಯಾಕ್‌ ಶತಕ!

ಅಡಿಲೇಡ್‌: ಭರ್ಜರಿ ಲಯದಲ್ಲಿರುವ ತಂಡದ ಆರಂಭಿಕ ಬ್ಯಾಟ್ಸ್‌ಮನ್‌ (166*) ಮತ್ತು ಅಗ್ರ ಕ್ರಮಾಂಕದ ಬ್ಯಾಟರ್‌ ಮಾರ್ನಸ್‌ ಲಾಬುಶೇನ್‌ (126*) ಇಲ್ಲಿ ನಡೆಯುತ್ತಿರುವ ಪ್ರವಾಸಿ ಪಾಕಿಸ್ತಾನ ವಿರುದ್ಧ ಪಂದ್ಯದಲ್ಲಿ ಶತಕ ಬಾರಿಸುವ ಮೂಲಕ, ಸರಣಿಯಲ್ಲಿ ಬ್ಯಾಕ್‌ ಟು ಬ್ಯಾಕ್‌ ಸೆಂಚುರಿ ಸಿಡಿಸಿದ್ದಾರೆ. ಅಡಿಲೇಡ್‌ ಓವಲ್‌ ಕ್ರೀಡಾಂಗಣದಲ್ಲಿ ಶುಕ್ರವಾರ ಆರಂಭವಾದ ಮೂರು ಪಂದ್ಯಗಳ ಸರಣಿಯ ಎರಡನೇ ಟೆಸ್ಟ್‌ ಪಂದ್ಯದಲ್ಲಿ ಟಾಸ್‌ ಗೆದ್ದು ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡ ಆಸ್ಟ್ರೇಲಿಯಾ ತಂಡ ಮೊದಲ ದಿನದಾಟದ ಅಂತ್ಯಕ್ಕೆ 73 ಓವರ್‌ಗಳಲ್ಲಿ 1 ವಿಕೆಟ್‌ ನಷ್ಟಕ್ಕೆ 302 ರನ್‌ಗಳನ್ನು ದಾಖಲಿಸಿ ಬೃಹತ್‌ ಮೊತ್ತದ ಕಡೆಗೆ ಮುಖಮಾಡಿದೆ. ಟೆಸ್ಟ್‌ ಪಂದ್ಯದಲ್ಲಿ ಪಾಕ್‌ ಬೌಲರ್‌ಗಳನ್ನು ಅಟ್ಟಾಡಿಸಿದ ವಾರ್ನರ್‌ ಮತ್ತು ಮಾರ್ನಸ್‌, 2ನೇ ವಿಕೆಟ್‌ಗೆ ಮುರಿಯದ 294 ರನ್‌ಗಳ ಭರ್ಜರಿ ಜೊತೆಯಾಟವಾಡಿದ್ದಾರೆ. ದಿನದಾಟದ ಅಂತ್ಯಕ್ಕೆ ಇನ್ನೂ 17 ಓವರ್‌ಗಳು ಬಾಕಿ ಇತ್ತಾದರೂ ಮಳೆ ಸುರಿದ ಕಾರಣ ಕೊಂಚ ಬೇಗನೇ ದಿನದಾಟವನ್ನು ಅಂತ್ಯಗೊಳಿಸಲಾಯಿತು. ಪಾಕ್‌ ಬೌಲರ್‌ಗಳ ಕಳಪೆ ಬೌಲಿಂಗ್‌ನ ಸಂಪೂರ್ಣ ಲಾಭ ಪಡೆದ ವಾರ್ನರ್‌, 72.81ರ ಸ್ಟ್ರೈಕ್‌ರೇಟ್‌ನಲ್ಲಿ ಬ್ಯಾಟ್‌ ಬೀಸುವ ಮೂಲಕ 228 ಎಸೆತಗಳಲ್ಲಿ 19 ಫೋರ್‌ಗಳನ್ನು ಒಳಗೊಂಡ 166 ರನ್‌ಗಳನ್ನು ದಾಖಲಿಸಿ ದ್ವಿಶತಕದ ಕಡೆಗೆ ಮುನ್ನುಗ್ಗಿದ್ದಾರೆ. ಮತ್ತೊಂದೆಡೆ ಅಷ್ಟೇ ವೈಭವದ ಬ್ಯಾಟಿಂಗ್‌ ನಡೆಸಿದ ಲಾಬುಶೇನ್‌ ಕೂಡ 61.46ರ ಸ್ಟ್ರೈಕ್‌ರೇಟ್‌ನಲ್ಲಿ 205 ಎಸೆತಗಳಲ್ಲಿ 126* ರನ್‌ಗಳನ್ನು ದಾಖಲಿಸಿ ದೊಡ್ಡ ಇನಿಂಗ್ಸ್‌ ಆಡುವುದನ್ನು ಎದುರು ನೋಡುತ್ತಿದ್ದಾರೆ. ದಿನದಾಟದಲ್ಲಿ ಪಾಕಿಸ್ತಾನಕ್ಕೆ ಯುವ ವೇಗದ ಬೌಲರ್‌ ಶಹೀನ್‌ ಶಾ ಅಫ್ರಿದಿ ಏಕಮಾತ್ರ ಯಶಸ್ಸು ತಂದುಕೊಟ್ಟರು. ಆಸೀಸ್‌ನ ಆರಂಭಿಕ ಬ್ಯಾಟ್ಸ್‌ಮನ್‌ ಜೋ ಬರ್ನ್ಸ್‌ (4) ಅವರನ್ನು ಆರಂಭದಲ್ಲೇ ಔಟ್‌ ಮಾಡುವಲ್ಲಿ ಶಹೀನ್‌ ಶಾ ಅಫ್ರಿದಿ ಯಶಸ್ವಿಯಾದರು. ಸಂಕ್ಷಿಪ್ತ ಸ್ಕೋರ್‌ ಆಸ್ಟ್ರೇಲಿಯಾ: 73 ಓವರ್‌ಗಳಲ್ಲಿ 1 ವಿಕೆಟ್‌ ನಷ್ಟಕ್ಕೆ 302 (ಡೇವಿಡ್‌ ವಾರ್ನರ್‌ ಔಟಾಗದೆ 166, ಜೋ ಬರ್ನ್ಸ್‌ 4, ಮಾರ್ನಸ್‌ ಲಾಬುಶೇನ್‌ ಔಟಾಗದೆ 126; ಶಹೀನ್‌ ಶಾ ಅಫ್ರಿದಿ 48ಕ್ಕೆ 1).

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/35JG4Yp

ಟಿ20 ಕ್ರಿಕೆಟ್‌: ಅಭಿಮನ್ಯು ಮಿಥುನ್‌ ವಿಶ್ವ ದಾಖಲೆ, ಕರ್ನಾಟಕ ತಂಡ ಫೈನಲ್‌ಗೆ

ಸೂರತ್‌: ಕರ್ನಾಟಕದ ಅನುಭವಿ ವೇಗದ ಬೌಲರ್‌ , ಶುಕ್ರವಾರ ಎರಡು ವಿಭಿನ್ನ ರೀತಿಯಲ್ಲಿ ಭಾರಿ ಸುದ್ದಿ ಮಾಡಿದ್ದಾರೆ. ಮೊದಲಿಗೆ ಕೆಪಿಎಲ್‌ ಬೆಟ್ಟಿಂಗ್‌ ಮತ್ತು ಮ್ಯಾಚ್‌ ಫಿಕ್ಸಿಂಗ್‌ ಪ್ರಕರಣದಲ್ಲಿ ಮಿಥುನ್‌ ಅವರನ್ನು ಬೆಂಗಳೂರು ಸಿಸಿಬಿ ಪೊಲೀಸರು ವಿಚಾರಣೆ ಮಾಡಲು ಪ್ರಶ್ನೆಗಳನ್ನು ಪಟ್ಟಿಮಾಡಿದ್ದಾರೆ ಎಂದು ಸುದ್ದಿ ಸ್ಪೋಟವಾದರೆ, ಬಳಿಕ ಟೂರ್ನಿಯ ಸೆಮಿಫೈನಲ್‌ ಪಂದ್ಯದಲ್ಲಿ ಅನುಭವಿ ವೇಗಿ ಪಡೆದರು. ಜೊತೆಗೆ ಟಿ20 ಕ್ರಿಕೆಟ್‌ನಲ್ಲಿ ಓವರ್‌ ಒಂದರಲ್ಲೇ 5 ವಿಕೆಟ್‌ ಪಡೆದ ವಿಶ್ವದ ಮೊದಲ ಬೌಲರ್‌ ಎಂಬ ವಿಶ್ವ ದಾಖಲೆಯನ್ನೂ ಮಿಥುನ್‌ ಬರೆದಿದ್ದಾರೆ. ಶುಕ್ರವಾರ ನಡೆದ ಪಂದ್ಯದಲ್ಲಿ ಮಿಥುನ್ (39 ಕ್ಕೆ 5) ಅವರ ಹ್ಯಾಟ್ರಿಕ್‌ ಸಾಧನೆ ಹಾಗೂ ದೇವದತ್‌ ಪಡಿಕ್ಕಲ್ (87 ರನ್, 42 ಎಸೆತಗಳು) ಮತ್ತು ಕೆಎಲ್ ರಾಹುಲ್ (66 ರನ್, 31 ಎಸೆತಗಳು) ಅವರ ಸ್ಫೋಟಕ ಅರ್ಧ ಶತಕಗಳ ಬಲದಿಂದ ತಂಡ ಹರಿಯಾಣ ವಿರುದ್ಧ 8 ವಿಕೆಟ್ಗಳ ಭರ್ಜರಿ ಜಯ ದಾಖಲಿಸಿ ಫೈನಲ್‌ಗೆ ದಾಪುಗಾಲಿಟ್ಟಿದೆ. ಇಲ್ಲಿನ, ಲಾಲಾಭಾಯ್‌ ಕಾಂಟ್ರ್ಯಾಕ್ಟರ್‌ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಹರಿಯಾಣ ತಂಡ, ನಿಗದಿತ 20 ಓವರ್‌ಗಳಿಗೆ 8 ವಿಕೆಟ್ ನಷ್ಟಕ್ಕೆ 194 ರನ್ ಗಳಿಸಿತು. ಬಳಿಕ, ಗುರಿ ಬೆನ್ನತ್ತಿದ ಕರ್ನಾಟಕ ತಂಡ 15 ಓವರ್ಗಳಲ್ಲಿ ಕೇವಲ 2 ವಿಕೆಟ್ ಕಳೆದುಕೊಂಡು 195 ರನ್‌ಗಳನ್ನು ಚಚ್ಚಿ ಫೈನಲ್‌ಗೆ ಮುನ್ನಡೆಯಿತು. ಹರಿಯಾಣ ನೀಡಿದ್ದ 195 ರನ್‌ಗಳ ಬೃಹತ್‌ ಮೊತ್ತದ ಗುರಿ ಕರ್ನಾಟಕಕ್ಕೆ ಸವಾಲು ಎನಿಸಲೇ ಇಲ್ಲ. ಆರಂಭಿಕರಾಗಿ ಕಣಕ್ಕಿಳಿದ ಕೆ.ಎಲ್ ರಾಹುಲ್ ಹಾಗೂ ದೇವದತ್ತ ಪಡಿಕ್ಕಲ್ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ತೋರಿತು. ಈ ಜೋಡಿಯ ಬ್ಯಾಟಿಂಗ್‌ಗೆ ಹರಿಯಾಣ ಬೌಲರ್‌ಗಳು ತಬ್ಬಿಬ್ಬಾದರು. ಅಂಗಳದ ಎಲ್ಲ ಕಡೆಗೆ ಚೆಂಡನ್ನು ಇವರಿಬ್ಬರು ಅಟ್ಟುವ ಮೂಲಕ ಕರ್ನಾಟಕಕ್ಕೆ ವಿಜಯ ಮಾಲೆ ತೊಡಿಸುವಲ್ಲಿ ಪ್ರಮುಖ ಪಾತ್ರವಹಿಸಿದರು. ಮೊದಲ ವಿಕೆಟ್‌ಗೆ ಈ ಜೋಡಿ ಕೇವಲ 9.3 ಓವರ್‌ಗಳಿಗೆ 125 ರನ್ ಗಳಿಸಿ ತಂಡಕ್ಕೆ ಭದ್ರ ಅಡಿಪಾಯ ಹಾಕಿತು. ಸ್ಫೋಟಕ ಬ್ಯಾಟಿಂಗ್ ಮಾಡುತ್ತಿದ್ದ ಕೆ.ಎಲ್ ರಾಹುಲ್ ಕೇವಲ 31 ಎಸೆತಗಳಲ್ಲಿ 6 ಸಿಕ್ಸರ್ ಹಾಗೂ 4 ಬೌಂಡರಿಯೊಂದಿಗೆ 66 ರನ್ ಗಳಿಸಿದರು. ಅರ್ಧಶತಕ ಸಿಡಿಸಿ ಮುನ್ನುಗ್ಗುತ್ತಿದ್ದ ಇವರನ್ನು ಜಯಂತ್ ಯಾದವ್ ಕೆಡವಿದರು. ಇವರ ವಿಕೆಟ್ ಒಪ್ಪಿಸಿದ ಬಳಿಕ ತಂಡದ ಜವಾಬ್ದಾರಿ ಪಡೆದ ದೇವದತ್ತ ಪಡಿಕ್ಕಲ್ ಅವರು ರನ್‌ ಬೇಟೆ ಮುಂದುವರಿಸಿದರು. ಕೇವಲ 42 ಎಸೆತಗಳಿಗೆ 4 ಸಿಕ್ಸರ್ ಹಾಗೂ 11 ಬೌಂಡರಿಯೊಂದಿಗೆ 87 ರನ್ ಗಳಿಸಿದರು. ಕೊನೆಯವರೆಗೂ ಬ್ಯಾಟಿಂಗ್ ಮಾಡಿದ ಮಯಾಂಕ್ ಅಗರ್ವಾಲ್ 14 ಎಸೆತಗಳಲ್ಲಿ 3 ಸಿಕ್ಸರ್ ಬಾರಿಸಿ ಅಜೇಯ 30 ರನ್ ಗಳಿಸಿ ಕರ್ನಾಟಕವನ್ನು ಬೇಗ ಗೆಲುವಿನ ದಡ ಮುಟ್ಟಿಸಿದರು. ಮಿಥುನ್ ಒಂದೇ ಓವರ್‌ನಲ್ಲಿ 5 ವಿಕೆಟ್ಕರ್ನಾಟಕದ ಪರ ಅತ್ಯುತ್ತಮ ಬೌಲಿಂಗ್ ಮಾಡಿದ ಅಭಿಮನ್ಯು ಮಿಥುನ್ ತಮ್ಮ ಅಂತಿಮ ಓವರ್‌ನಲ್ಲಿ 6 ಎಸೆತಗಳಲ್ಲಿ ಹ್ಯಾಟ್ರಿಕ್‌ ಒಳಗೊಂಡ 5 ವಿಕೆಟ್ ಪಡೆದರು. ಒಟ್ಟು 4 ಓವರ್ ಬೌಲ್‌ ಮಾಡಿದ ಅವರು 39 ರನ್ ನೀಡದರು. ಅಂತಿಮ ನಾಲ್ಕು ಎಸೆತಗಳಲ್ಲಿ 4 ವಿಕೆಟ್ ಪಡೆದ ಮಿಥುನ್‌. ಈ ಸಾಧನೆ ಮಾಡಿದ ಮೊದಲ ಬೌಲರ್ ಎನಿಸಿಕೊಂಡರು. ಮತ್ತೂ ವಿಶೇಷವೆಂದರೆ ಕಳೆದ ತಿಂಗಳಷ್ಟೇ ನಡೆದ ವಿಜಯ್‌ ಹಜಾರೆ ಟ್ರೋಫಿ ಟೂರ್ನಿ ಫೈನಲ್‌ ಪಂದ್ಯದಲ್ಲೂ ತಮಿಳುನಾಡು ವಿರುದ್ಧ ಮಿಥುನ್‌ ಹ್ಯಾಟ್ರಿಕ್‌ ವಿಕೆಟ್‌ ಪಡೆದ ಸಾಧನೆ ಮಾಡಿದ್ದಾರೆ. ಇದೀಗ ಒಂದೇ ವರ್ಷ ಎರಡು ಟೂರ್ನಿಗಳ ಫೈನಲ್‌ ಪಂದ್ಯದಲ್ಲಿ ಹ್ಯಾಟ್ರಿಕ್‌ ಸಾಧನೆ ಮಾಡಿದ ಏಕಮಾತ್ರ ಭಾರತೀಯ ಬೌಲರ್‌ ಎಂಬ ವಿಶೇಷ ದಾಖಲೆಗೂ ಮಿಥುನ್‌ ಪಾತ್ರರಾಗಿದ್ದಾರೆ. ಸಂಕ್ಷಿಪ್ತ ಸ್ಕೋರ್ ಹರಿಯಾಣ: 20 ಓವರ್ಗಳಲ್ಲಿ 194/8 (ಹಿಮಾಂಶು ರಾಣಾ 61, ಚೈತನ್ಯ ಬಿಶ್ನೋಯಿ 55, ರಾಹುಲ್ ತೆವಾಟಿಯಾ 32; ಅಭಿಮನ್ಯು ಮಿಥುನ್ 39 ಕ್ಕೆ 5, ಶ್ರೇಯಸ್ ಗೋಪಾಲ್ 23 ಕ್ಕೆ 2). ಕರ್ನಾಟಕ: 15 ಓವರ್‌ಗಳಲ್ಲಿ 195/2 (ದೇವದತ್ತ ಪಡಿಕ್ಕಲ್ 87, ಕೆ.ಎಲ್ ರಾಹುಲ್ 66, ಮಯಾಂಕ್ ಅಗರ್ವಾಲ್ ಅಜೇಯ 30; ಹರ್ಷಲ್ ಪಟೇಲ್ 28 ಕ್ಕೆ 1).

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2DuUvU6

ರಾತ್ರಿ ಮಲಗಿದವರು ಮತ್ತೆ ಮೇಲೇಳಲಿಲ್ಲ ಇಬ್ಬರು ಕೂಲಿಯಾಳುಗಳು: ಮಂಡ್ಯದಲ್ಲಿ ಘಟನೆ

: ರಾತ್ರಿ ಊಟ ಮಾಡಿ ಮಲಗಿದ್ದ ಇಬ್ಬರು ವ್ಯಕ್ತಿಗಳು ಮಲಗಿದ್ದ ಸ್ಥಿತಿಯಲ್ಲೇ ಮೃತಪಟ್ಟಿದ್ದಾರೆ. ಮಳವಳ್ಳಿ ತಾಲೂಕಿನ ಕೊಡಗಹಳ್ಳಿ ಗ್ರಾಮದ ಹೊರವಲಯದ ತೋಟದ ಮನೆಯಲ್ಲಿ ಈ ಘಟನೆ ನಡೆದಿದೆ. ಕೋಲಾರ ಜಿಲ್ಲೆಯ ಮಾಲೂರಿನ ಶ್ರೀನಿವಾಸ್( 35) , ಬೋಡಪ್ಪ(58) ಮೃತರು. ಒಕಡಿಶಾ ಮೂಲದ ರಾಜು ಅಸ್ವಸ್ಥಗೊಂಡಿದ್ದು ಅವರನ್ನು ಮೈಸೂರಿನ ಕೆಆರ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕೊಡಗಹಳ್ಳಿ ಬಳಿಯ ಮುಡುಕುತೊರೆ ರಸ್ತೆಯಲ್ಲಿ ಕೋಲಾರ ಮೂಲದ ರಾಜೇಶ್ ಎಂಬುವವರು ತೋಟ ಮಾಡಿಕೊಂಡಿದ್ದು, ವ್ಯವಸಾಯಕ್ಕಾಗಿ ಮಾಲೂರು, ಒರಿಸ್ಸಾ ಮತ್ತು ಕಲ್ಕತ್ತಾ ಮೂಲದ ಹತ್ತು ಮಂದಿಯನ್ನು ಕಾರ್ಮಿಕರಾಗಿ ನೇಮಿಸಿಕೊಂಡಿದರು. ಗುರುವಾರ ರಾತ್ರಿ ಎಂದಿನಂತೆ ಅಡುಗೆ ಮಾಡಿ ಹತ್ತು ಮಂದಿಯೂ ಒಟ್ಟಿಗೆ ಊಟ ಸೇವಿಸಿ ಮೃತಪಟ್ಟಿರುವ ಹಾಗೂ ಅಸ್ವಸ್ಥಗೊಂಡಿರುವ ಮೂವರು ಒಂದು ಕೊಠಡಿಯಲ್ಲಿ ಮಲಗಿದ್ದರು. ಉಳಿದ ಏಳು ಮಂದಿ ಒಂದು ಕೊಠಡಿಯಲ್ಲಿ ಮಲಗಿದ್ದಾರೆ. ಬೆಳಿಗ್ಗೆ ಎಂದಿನಂತೆ ಕೆಲಸಕ್ಕೆ ಹೋಗಲು ಒಂದು ಕೊಠಡಿಯಲ್ಲಿ ಮಲಗಿದ್ದ ಏಳು ಮಂದಿ ಸಿದ್ದರಾಗಿ, ಈ ಮೂವರು ಎಚ್ಚರಗೊಳ್ಳದ ಹಿನ್ನಲೆಯಲ್ಲಿ ಹೋಗಿ ನೋಡಿದಾಗ ಇಬ್ಬರು ಮಲಗಿದ್ದ ಸ್ಥಿತಿಯಲ್ಲೇ ಮೃತಪಟ್ಟು ಅಸ್ವಸ್ಥಗೊಂಡಿದ್ದನ್ನು ಗಮನಿಸಿ ಮಾಲೀಕರಿಗೆ ವಿಷಯ ಮುಟ್ಟಿಸಿ ಅಸ್ವಸ್ಥಗೊಂಡಿರುವ ವ್ಯಕ್ತಿಯನ್ನು ಮೈಸೂರಿನ ಕೆಆರ್ ಆಸ್ಪತ್ರೆಗೆ ರವಾನಿಸಿದ್ದಾರೆ. ಸುದ್ದಿ ತಿಳಿದು ಸ್ಥಳಕ್ಕೆ ಮಂಡ್ಯ ಪೊಲೀಸ್ ವರಿಷ್ಠಾಧಿಕಾರಿ ಕೆ.ಪರಶುರಾಮ್, ಡಿವೈಎಸ್ ಪಿ ಎಂ.ಜೆ.ಪೃಥ್ವಿ, ಸಿಪಿಐ ಧರ್ಮೇಂದ್ರ, ಪಿಎಸ್ ಐ ಉಮಾವತಿ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಈ ಸಂಬಂಧ ಬೆಳಕವಾಡಿ ಪೊಲೀಸರು ದೂರು ದಾಖಲಿಸಿಕೊಂಡು ಮೃತ ದೇಹಗಳನ್ನು ಮಂಡ್ಯ ಜಿಲ್ಲಾಸ್ಪತ್ರೆಗೆ ರವಾನಿಸಲಾಗಿದೆ.

from India & World News in Kannada | VK Polls https://ift.tt/2qYq1ap

ಗೌತಮ್‌ ಗಂಭೀರ್‌ ಬ್ಯಾನ್‌ ಆಗಲು ಗ್ಯಾರಿ ಕರ್ಸ್ಟನ್‌ ಕಾರಣವಂತೆ!

ಹೊಸದಿಲ್ಲಿ: ವಿರುದ್ಧದ ಟೆಸ್ಟ್ ಸರಣಿ ವೇಳೆ ಭಾರತ ತಂಡದ ಮಾಜಿ ಆರಂಭಿಕ ಬ್ಯಾಟ್ಸ್‌ಮನ್‌ ಒಂದು ಪಂದ್ಯ ಆಡದಂತೆ ಬ್ಯಾನ್‌ ಆಗಲು ಅಂದಿನ ಕೋಚ್‌ ಕಾರಣವಂತೆ. ಈ ಸತ್ಯವನ್ನು ಖುದ್ದಾಗಿ ಗೌತಮ್‌ ಗಂಭೀರ್‌ ಬಾಯ್ಬಿಟ್ಟಿದ್ದಾರೆ. 2007ರ ಟಿ20 ಕ್ರಿಕೆಟ್‌ ವಿಶ್ವಕಪ್‌ ಮತ್ತು 2011ರ ಐಸಿಸಿ ಏಕದಿನ ಕ್ರಿಕೆಟ್‌ ವಿಶ್ವಕಪ್‌ ಫೈನಲ್‌ ಪಂದ್ಯಗಳಲ್ಲಿ ಅದ್ಭುತ ಬ್ಯಾಟಿಂಗ್‌ ಪ್ರದರ್ಶಿಸಿ ತಂಡಕ್ಕೆ ಪ್ರಶಸ್ತಿ ಗೆದ್ದುಕೊಡುವಲ್ಲು ಗಂಭೀರ್‌ ಮಹತ್ವದ ಪಾತ್ರ ವಹಿಸಿದ್ದರು. ಎರಡೂ ಫೈನಲ್‌ಗಳಲ್ಲಿ ಭಾರತದ ಪರ ಗಂಭೀರ್‌ ಗರಿಷ್ಠ ರನ್‌ ಸ್ಕೋರರ್‌ ಆಗಿದ್ದರು. 2018ರಲ್ಲಿ ಗಂಭೀರ್‌ ಎಲ್ಲಾ ಮಾದರಿಯ ಕ್ರಿಕೆಟ್‌ಗೆ ನಿವೃತ್ತಿ ಪ್ರಕಟಿಸಿದರು. ಗಂಭೀರ್‌, ಕ್ರಿಕೆಟ್‌ನಿಂದ ದೂರ ಉಳಿದು ರಾಜಕೀಯ ವೃತ್ತಿ ಬದುಕಿನ ಕಡೆಗೆ ದಿಟ್ಟ ಹೆಜ್ಜೆ ಇಟ್ಟಿದ್ದಾರೆ. ಇದೇ ವೇಳೆ ತಮ್ಮ ಹಲವು ಹೇಳಿಕೆಗಳ ಮೂಲಕ ಎಡಗೈ ಬ್ಯಾಟ್ಸ್‌ಮನ್‌ ಆಗಿಂದ್ದಾಗೆ ಸುದ್ದಿಯಾಗುತ್ತಲೇ ಇದ್ದಾರೆ. ಇದೀಗ ಹೊಸ ಸೇರ್ಪಡೆಯಾಗಿ ತಾವು ಒಂದು ಪಂದ್ಯ ಬ್ಯಾನ್‌ ಶಿಕ್ಷೆ ಎದುರಿಸಲು ಭಾರತ ತಂಡದ ಅಂದಿನ ಕೋಚ್‌ ಗ್ಯಾರಿ ಕರ್ಸ್ಟನ್‌ ಕಾರಣ ಎಂಬ ಸತ್ಯವನ್ನು ಬಿಚ್ಚಿಟ್ಟಿದ್ದಾರೆ. ಕರ್ಸ್ಟನ್ ಮಾರ್ಗದರ್ಶನದಲ್ಲಿ ಭಾರತ ತಂಡ 2011ರ ಏಕದಿನ ಕ್ರಿಕೆಟ್‌ ವಿಶ್ವಕಪ್‌ ಪ್ರಶಸ್ತಿ ಗೆದ್ದಿತ್ತು. 2008ರಲ್ಲಿ ನಡೆದ ಘಟನೆ ಆಸ್ಟ್ರೇಲಿಯಾ ತಂಡ ಬಾರ್ಡರ್‌-ಗವಾಸ್ಕರ್‌ ಟ್ರೋಫಿ ಸಲುವಾಗಿ ಭಾರತ ಪ್ರವಾಸ ಕೈಗೊಂಡಿದ್ದ ಸಂದರ್ಭದಲ್ಲಿ 3 ಪಂದ್ಯಗಳ ಸರಣಿಯ ಅಂತಿಮ ಪಂದ್ಯದಲ್ಲಿ ಗಂಭೀರ್‌ ಆಡದಂತೆ ನಿಷೇಧ ಶಿಕ್ಷೆಗೆ ಗುರಿಯಾಗಿದ್ದರು. ಈ ಸಂದರ್ಭದಲ್ಲಿ ಗಂಭೀರ್‌ ತಮ್ಮ ವೃತ್ತಿ ಬದುಕಿನ ಸರ್ವಶ್ರೇಷ್ಠ ಬ್ಯಾಟಿಂಗ್‌ ಲಯದಲ್ಲಿದ್ದರು. ಹೀಗಾಗಿ ಗಂಭೀರ್‌ ಆತ್ಮವಿಶ್ವಾಸ ಕುಗ್ಗಿಸಲು ಆಸ್ಟ್ರೇಲಿಯಾ ಆಟಗಾರರು ಸ್ಲೆಡ್ಜಿಂಗ್‌ ಅಸ್ತ್ರದ ಬಳಕೆ ಮಾಡಿದ್ದರು. ಈ ಸಂದರ್ಭದಲ್ಲಿ ತಿರುಗೇಟು ನೀಡುವ ಭರದಲ್ಲಿಆಸೀಸ್‌ ಆಲ್‌ರೌಂಡರ್‌ ಶೇನ್‌ ವಾಟ್ಸನ್‌ಗೆ ಭುಜದಿಂದ ಗುದ್ದಿದ್ದರು. ಬಳಿಕ ಮ್ಯಾಚ್‌ ರೆಫ್ರಿ ಕ್ರಿಸ್‌ ಬ್ರಾಡ್‌, ಐಸಿಸಿ ನೀತಿಸಂಹಿತೆಯ ಅಡಿಯಲ್ಲಿ ಗಂಭೀರ್‌ ತಪ್ಪು ಮಾಡಿರುವುದನ್ನು ಪರಿಗಣಿಸಿ ಒಂದು ಪಂದ್ಯ ನಿಷೇಧ ಶಿಕ್ಷೆ ವಿಧಿಸಿದ್ದರು. ಗಂಭೀರ್‌ ಬ್ಯಾನ್‌ ಆಗಲು ಕರ್ಸ್ಟನ್‌ ಕಾರಣ! " ಹಿರಿಯ ಆಟಗಾರರಾದ ಸಚಿನ್‌ ತೆಂಡೂಲ್ಕರ್‌ ಮತ್ತು ಸೌರವ್‌ ಗಂಗೂಲಿ, ತಪ್ಪನ್ನು ಒಪ್ಪಿಕೊಳ್ಳದೆ ಆರೋಪವನ್ನು ತಳ್ಳಿಹಾಕುವಂತೆ ಸಲಹೆ ನೀಡಿದ್ದರು. ಅಂತೆಯೇ ಮ್ಯಾಚ್‌ ರೆಫ್ರಿ ಕೊಠಡಿಗೆ ತೆರಳುತ್ತಿದ್ದೆ. ಮಾರ್ಗ ಮಧ್ಯದಲ್ಲಿ ಕರ್ಸ್ಟನ್‌ ಎದುರಾಗಿ ಎಲ್ಲ ತಪ್ಪುಗಳನ್ನು ಒಪ್ಪಿಕೊಳ್ಳುವಂತೆ ಮನವೊಲಿಸಿದರು. ಮ್ಯಾಚ್‌ ರೆಫ್ರೆ ಒಳ್ಳೆಯ ವ್ಯಕ್ತಿ ತಪ್ಪು ಒಪ್ಪಿಕೊಂಡರೆ ಗಂಭೀರ ಕ್ರಮ ಕೈಗೊಳ್ಳುವುದಿಲ್ಲ ಎಂದು ಭರವಸೆ ನೀಡಿದರು. ಅಂತೆಯೇ ಎಲ್ಲಾ ತಪ್ಪುಗಳನ್ನು ಒಪ್ಪಿಕೊಂಡೆ. ಮರುದಿನ ಒಂದು ಪಂದ್ಯ ನಿಷೇಧದ ಸುದ್ದಿ ಹೊರಬಂದಿತ್ತು," ಎಂದು ಗಂಭೀರ್‌ ಇತ್ತೀಚಿನ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ. ಇದರಿಂದಾಗಿ ಸರಣಿಯ ಮೂರನೇ ಹಾಗೂ ಅಂತಿಮ ಪಂದ್ಯದಲ್ಲಿ ಗಂಭೀರ್‌ ಆಡದಂತೆ ಆದರೂ, ಆಡಿದ ಎರಡು ಪಂದ್ಯಗಳಲ್ಲಿ 2 ಶತಕ ಮತ್ತು 1 ಅರ್ಧಶತಕವನ್ನು ಒಳಗೊಂಡ ಒಟ್ಟು 463 ರನ್‌ಗಳನ್ನು ಬಾರಿಸಿ ಸರಣಿಯಲ್ಲಿ ಅತಿ ಹೆಚ್ಚು ರನ್‌ ದಾಖಲಿಸಿದ ಬ್ಯಾಟ್ಸ್‌ಮನ್‌ ಎನಿಸಿಕೊಂಡರು.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/34H7AG9

ತೆಲಂಗಾಣದಲ್ಲಿ ಸಹಾಯ ಕೇಳಿದ ಸರಕಾರಿ ವೈದ್ಯೆ ಮೇಲೆ ಅತ್ಯಾಚಾರವೆಸಗಿ ಕೊಲೆ, ಬೆಚ್ಚಿಬೀಳಿಸಿದ ಘಟನೆ

ಹೈದರಾಬಾದ್: ಕೆಲಸ ಮುಗಿಸಿ ತನ್ನ ಫ್ಲಾಟ್‌ಗೆ ಮರಳುತ್ತಿದ್ದ 27 ವರ್ಷದ ಸರಕಾರಿ ಪಶು ವೈದ್ಯೆಯ ಮೇಲೆ ಅತ್ಯಾಚಾರವೆಸಗಿ ಕೊಲೆ ಮಾಡಿರುವ ಘಟನೆ ಇಲ್ಲಿನ ಗಛಿಬೌಲಿಯ ಶಂಶಾಬಾದ್‌ನಲ್ಲಿ ನಡೆದಿದೆ. ವೈದ್ಯೆಯನ್ನು ಕೊಲೆ ಮಾಡಿರುವ ದುಷ್ಕರ್ಮಿಗಳು ಶದ್ನಗರದ ಛಟನ್‌ಪಲ್ಲಿ ಅಂಡರ್‌ಪಾಸ್‌ನಲ್ಲಿ ಆಕೆಯ ದೇಹಕ್ಕೆ ಸೀಮೆ ಎಣ್ಣೆ ಸುರಿದು ಬೆಂಕಿ ಹಚ್ಚಿದ್ದಾರೆ. ಗುರುವಾರ ಬೆಳಿಗ್ಗೆ ಈ ಘಟನೆ ನಡೆದಿದ್ದು ದೇಶವನ್ನೇ ಬೆಚ್ಚಿ ಬೀಳಿಸಿದೆ. ಘಟನೆಗೆ ಸಂಬಂಧಿಸಿದಂತೆ ಪೊಲೀಸರು ಇಬ್ಬರು ಶಂಕಿತ ಆರೋಪಿಗಳನ್ನು ಬಂಧಿಸಿದ್ದಾರೆ. ಗುರುವಾರ ಮುಂಜಾನೆ 6 ಗಂಟೆ ಸುಮಾರಿಗೆ ಹಾಲಿನ ವ್ಯಾಪಾರಿ ಎಸ್‌ ಸತ್ಯಂ ರಾಷ್ಟ್ರೀಯ ಹೆದ್ದಾರಿ 44ರ ಅಂಡರ್‌ ಪಾಸ್‌ನಲ್ಲಿ ಸುಟ್ಟ ದೇಹವನ್ನು ನೋಡಿ ಗ್ರಾಮಸ್ಥರಿಗೆ ಮಾಹಿತಿ ನೀಡಿದ್ದರು. ನಂತರ ಗ್ರಾಮಸ್ಥರೆಲ್ಲಾ ಸೇರಿ ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಇದೊಂದು ಕೊಲೆ ಎಂಬುದನ್ನು ಖಚಿತಪಡಿಸಿಕೊಂಡ ಪೊಲೀಸರು ಸಹಜವಾಗಿ ನಾಪತ್ತೆಯಾದವರತ್ತ ಕಣ್ಣು ಹಾಯಿಸಿದ್ದರು. ಇದಕ್ಕೆ ಮೊದಲು ಗುರುವಾರ ರಾತ್ರಿ ಸರಕಾರಿ ಕಾಣೆಯಾಗಿರುವ ಬಗ್ಗೆ ಶಂಶಬಾದ್‌ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಾಗಿತ್ತು. ಆಕೆಯ ಕುಟುಂಬಸ್ಥರು ಸ್ಥಳಕ್ಕೆ ಬಂದಾಗ ಮೃತ ದೇಹ ಗುರುತು ಹಿಡಿಯದಷ್ಟು ಸುಟ್ಟು ಕರಕಲಾಗಿತ್ತು. ಕೊನೆಗೆ ಆಕೆಯ ಶಾಲು ಮತ್ತು ಕುತ್ತಿಗೆಯಲ್ಲಿದ್ದ ಗಣಪತಿ ಲಾಕೆಟ್‌ನಿಂದ ಕುಟುಂಬಸ್ಥರು ಗುರುತು ಪತ್ತೆ ಹಚ್ಚಿದ್ದರು. ಸಂತ್ರಸ್ತೆಯ ಬೈಕ್‌ ಕೊತ್ತೂರ್‌ನಲ್ಲಿ ಪತ್ತೆಯಾಗಿದ್ದರೆ, ಫೋನ್‌ ಮತ್ತು ಪರ್ಸ್‌ ಇನ್ನೂ ನಾಪತ್ತೆಯಾಗಿದೆ. ಆಕೆಯ ಬೈಕ್‌ನ ನಂಬರ್‌ ಪ್ಲೇಟ್‌ ಕಾಣೆಯಾಗಿದ್ದು ಅತ್ಯಾಚಾರ ಎಸಗಿ ಕೊಲೆ ಮಾಡಿರುವ ಆರೋಪಿಗಳು ಬೈಕ್‌ನ್ನು ಬೇರೆಡೆ ಕೊಂಡೊಯ್ದು ಬಿಟ್ಟಿದ್ದಾರೆ. ಘಟನೆ ವಿವರ ಸಂತ್ರಸ್ತೆ ಗುರುವಾರ ಕೆಲಸಕ್ಕೆ ತೆರಳಿ ಮಧ್ಯಾಹ್ನ ಕಚೇರಿಯಿಂದ ವಾಪಸ್‌ ಬಂದಿದ್ದರು. ನಂತರ ಸಂಜೆ 5.30ರವೇಳೆಗೆ ತನ್ನ ಬೈಕ್‌ ಏರಿ ಗಛಿಬೌಲಿಯಲ್ಲಿರುವ ಆಸ್ಪತ್ರೆಯತ್ತ ಹೊರಟಿದ್ದರು. ಚರ್ಮದ ಸಮಸ್ಯೆ ಸಂಬಂಧ ಆಕೆ ವೈದ್ಯರನ್ನು ಭೇಟಿಯಾಗಬೇಕಿತ್ತು. ನಂತರ ಆಕೆ ಟೊಂಡುಪಲ್ಲಿ ಟೋಲ್‌ ಪ್ಲಾಜಾದಲ್ಲಿ ಬೈಕ್‌ ನಿಲ್ಲಿಸಿ ಶೇರ್‌ಡ್‌ ಕ್ಯಾಬ್‌ನಲ್ಲಿ ವೈದ್ಯರ ಬಳಿ ತೆರಳಿದ್ದರು. ಆಸ್ಪತ್ರೆಯಿಂದ ವಾಪಸ್‌ ಬರುವ ವೇಳೆ ಬೈಕ್‌ ಹತ್ತಿರ ಬಂದಾಗ ಇಬ್ಬರು ಆಗಂತುಕರು ಬಂದು ಬೈಕ್‌ ಟೈರ್‌ ಫ್ಲಾಟ್‌ ಆಗಿದೆ. ರಿಪೇರಿ ಮಾಡಿಕೊಡುವುದಾಗಿ ಹೇಳಿದ್ದರು. ಇವೆಲ್ಲಾ ಸಿಸಿಟಿವಿಯಲ್ಲಿ ದಾಖಲಾಗಿವೆ. ಬೈಕ್‌ನ್ನುತೆಗೆದುಕೊಂಡ ಹೋದ ಆ ಇಬ್ಬರು ವ್ಯಕ್ತಿಗಳು ಸ್ವಲ್ಪ ಸಮಯದ ಬಳಿಕ ವಾಪಸ್‌ ಬಂದು ಹತ್ತಿರದ ರಿಪೇರಿ ಅಂಗಡಿ ಮುಚ್ಚಲಾಗಿದ್ದು, ಇನ್ನೊಂದು ಅಂಗಡಿಗೆ ಒಯ್ದು ರಿಪೇರಿ ಮಾಡಿಸಿಕೊಡುವುದಾಗಿ ಹೇಳಿದ್ದರು. ನಂತರ ಆಕೆ ಅಲ್ಲಿಂದ ಸ್ವಲ್ಪ ದೂರ ನಡೆದು ಆ ಇಬ್ಬರಿಗಾಗಿ ಕಾಯುತ್ತಾ ನಿಂತಿದ್ದರು. ಈ ಸಂದರ್ಭದಲ್ಲಿ ಆಕೆಯ ತಂಗಿಗೆ ಕರೆ ಮಾಡಿ ತಾನು ಭಯ ಪಟ್ಟಿರುವುದಾಗಿ, ಇಲ್ಲಿ ಲಾರಿಗಳೆಲ್ಲಾ ನಿಂತಿದೆ ಎಂದು ಹೇಳಿದ್ದರು. ಇದಕ್ಕೆ ತಂಗಿ ಟೋಲ್‌ ಫ್ಲಾಜಾ ಬಳಿ ಹೋಗಿ ರಕ್ಷಣೆ ಪಡೆಯುವಂತೆ ಸೂಚಿಸಿದ್ದರು. ನಂತರ ಆಕೆ ಪುನಃ ಕರೆ ಮಾಡಿದಾಗ 9.44 ಸುಮಾರಿಗೆ ಫೋನ್‌ ಸ್ವಿಚ್‌ ಆಫ್‌ ಆಗಿತ್ತು. ಕೊನೆಗೆ ಕುಟುಂಬಸ್ಥರು ಹೋಗಿ ಗಾಬರಿಯಲ್ಲಿ ಪೊಲೀಸ್‌ ಠಾಣೆಯಲ್ಲಿ ನಾಪತ್ತೆ ದೂರು ದಾಖಲಿಸಿತ್ತು. ಆಕೆಯ ಮೃತ ದೇಹ ಮರು ದಿನ ಸಿಕ್ಕ ಬಳಿಕ ಶದ್ನಗರ್‌ ಪೊಲೀಸರು ಕೊಲೆ ಪ್ರಕರಣ ದಾಖಲಿಸಿಕೊಂಡಿದ್ದರು. 9 ಗಂಟೆ ಸುಮಾರಿಗೆ ಯುವತಿ ಟೋಲ್‌ ಪ್ಲಾಜಾದಲ್ಲಿ ನಡೆದಾಡುತ್ತಿರುವ ದೃಶ್ಯಗಳು ಸೆರಯಾಗಿದ್ದು ಆಕೆ ಕೊಲೆಯಾಗಿದ್ದು ಹೇಗೆ ಎಂಬುದು ಮಾತ್ರ ಇನ್ನೂ ತಿಳಿದು ಬಂದಿಲ್ಲ. ಈ ಬಗ್ಗೆ ಇನ್ನೂ ತನಿಖೆ ನಡೆಯುತ್ತಿದ್ದು, ಕೊಲೆಗಾರರಿಗಾಗಿ 10 ಪೊಲೀಸ್‌ ತಂಡಗಳು ಬಲೆ ಬೀಸಿವೆ. ಅಗತ್ಯ ಬಿದ್ದರೆ ಕೇಂದ್ರವೂ ನೆರವು ನೀಡಲಿದೆ ಎಂಬುದಾಗಿ ಗೃಹ ಖಾತೆ ರಾಜ್ಯ ಸಚಿವ ಕಿಶನ್‌ ರೆಡ್ಡಿ ಸಂಸತ್‌ ಭವನದ ಹೊರಗೆ ಪ್ರತಿಕ್ರಿಯಿಸಿದ್ದಾರೆ.

from India & World News in Kannada | VK Polls https://ift.tt/2Oyblb7

ರಸ್ತೆಯಲ್ಲಿ ನಿಂತಿದ್ದ ವಿಧವೆ ಮೇಲೆ ಗ್ಯಾಂಗ್‌ ರೇಪ್: ಪೈಪೋಟಿಗೆ ಬಿದ್ದ ಸ್ನೇಹಿತನ ಮರ್ಡರ್!

ಕಡಲೂರು (): ತಮಿಳುನಾಡಿನ ಕಡಲೂರು ಜಿಲ್ಲೆಯಲ್ಲಿರುವ ನೈವೇಲಿಯಲ್ಲಿ, ಆಘಾತಕಾರಿ ಘಟನೆಯೊಂದು ನಡೆದಿದೆ. ಮಹಿಳೆಯೊಬ್ಬರ ಮೇಲೆ ಅತ್ಯಾಚಾರ ಎಸಗಿರುವ ಜೊತೆ ಯಲ್ಲೇ, ಅತ್ಯಾಚಾರಕ್ಕೆ ಪೈಪೋಟಿಗೆ ಬಿದ್ದ ತಮ್ಮದೇ ತಂಡದ ಸದಸ್ಯನೊಬ್ಬನನ್ನು ಹತ್ಯೆಗೈದಿದ್ದಾರೆ! ರೇಪ್‌ ಕೇಸ್‌ನ ತನಿಖೆ ನಡೆಸುತ್ತಿದ್ದ ಪೊಲೀಸರು ಈಗ ಹಾಗೂ ಮತ್ತೊಂದು ಮರ್ಡರ್ ಪ್ರಕರಣದ ತನಿಖೆಯನ್ನು ಕೈಗೆತ್ತಿಕೊಂಡಿದ್ದಾರೆ! ಮೂರು ಮಕ್ಕಳ ತಾಯಿಯಾದ 32 ವರ್ಷದ ವಿಧವೆ, ಅತ್ಯಾಚಾರಕ್ಕೆ ತುತ್ತಾದ ದುರ್ದೈವಿ. ಕಿರಾಣಿ ಅಂಗಡಿಯಲ್ಲಿ ಅಗತ್ಯ ವಸ್ತು ಖರೀದಿಸಿ ತಮ್ಮ ಸಂಬಂಧಿಕರ ಜೊತೆ ಬೈಕ್‌ನಲ್ಲಿ ಮನೆಗೆ ವಾಪಸ್ಸಾಗುತ್ತಿದ್ದರು. ಈ ವೇಳೆ ಮಹಿಳೆಯ ಸಂಬಂಧಿಕ ಮೂತ್ರ ವಿಸರ್ಜನೆಗಾಗಿ ಬೈಕ್ ನಿಲ್ಲಿಸಿದರು. ರಾತ್ರಿ ವೇಳೆ ರಸ್ತೆ ಮಧ್ಯದಲ್ಲಿ ಒಂಟಿಯಾಗಿ ಮಹಿಳೆಯೊಬ್ಬರು ನಿಂತಿರೋದನ್ನು ಗಮನಿಸಿದ ಐವರು ಕುಡುಕರು, ಆಕೆಯನ್ನು ಕೆಣಕಿದ್ಧಾರೆ. ನಿಸರ್ಗದ ಕರೆ ಮುಗಿಸಿ ವಾಪಸ್ಸಾದ ಮಹಿಳೆಯ ಸಂಬಂಧಿಕ, ಕೂಡಲೇ ಮಧ್ಯ ಪ್ರವೇಶಿಸಿದ್ದಾರೆ. ಕುಡುಕರಿಂದ ಮಹಿಳೆಯನ್ನು ಬಿಡಿಸಲು ಯತ್ನಿಸಿದ್ದಾರೆ. ಈ ವೇಳೆ, ಮಹಿಳೆಯನ್ನು ಹಿಡಿದುಕೊಂಡ ಕುಡುಕರು, ಆಕೆಯ ಸಂಬಂಧಿಕನಿಗೆ ಹಿಗ್ಗಾಮುಗ್ಗಾ ಥಳಿಸಿ ಓಡಿಸಿದ್ದಾರೆ. ಬಳಿಕ, ಮಹಿಳೆಯನ್ನು ತಮ್ಮ ಗೋಡೋನ್‌ಗೆ ಕರೆದೊಯ್ದು ಅತ್ಯಾಚಾರಕ್ಕೆ ಮುಂದಾಗಿದ್ದಾರೆ. ಐವರೂ ಕಾಮುಕ ಕುಡುಕರು ಅತ್ಯಾಚಾರಕ್ಕೆ ಯತ್ನಿಸುವ ವೇಳೆ ಅವರಲ್ಲೇ ಕಲಹ ಪ್ರಾರಂಭವಾಗಿದೆ. ಯಾರು ಮೊದಲು ಎಂದು ಕಿತ್ತಾಟ ಆರಂಭಿಸಿದ ಪ್ರಕಾಶ್‌ ಎಂಬಾತನನ್ನು ಉಳಿದ ನಾಲ್ವರೂ ಬಡಿದು ಕೊಂದಿದ್ದಾರೆ. ನಂತರ ಅಲ್ಲಿಯೇ ನಾಲ್ವರೂ ಕಾಮುಕರು ಮೇಲೆ ಅತ್ಯಾಚಾರ ಎಸಗಿ ಪರಾರಿಯಾಗಿದ್ದಾರೆ. ನಾಲ್ವರಿಂದ ಅತ್ಯಾಚಾರಕ್ಕೆ ತುತ್ತಾಗಿ ಪ್ರಜ್ಞೆ ತಪ್ಪಿ ಬಿದ್ದಿದ್ದ ಮಹಿಳೆ, ಎಚ್ಚರವಾದ ಕೂಡಲೇ ಪೊಲೀಸ್ ಠಾಣೆಗೆ ತೆರಳಿದ್ದಾರೆ. ಮಹಿಳೆಯ ವೈದ್ಯಕೀಯ ಪರೀಕ್ಷೆ ನಡೆಸಲಾಗಿದ್ದು, ಆಕೆ ಮೇಲೆ ನಡೆದಿರೋದು ದೃಢಪಟ್ಟಿದೆ. ಮಹಿಳೆ ನೀಡಿದ ದೂರಿನ ಆಧಾರದ ಮೇಲೆ ಎಲ್ಲಾ ನಾಲ್ವರು ಕಾಮುಕರನ್ನೂ ಬಂಧಿಸಲಾಗಿದೆ. ಅತ್ಯಾಚಾರ ಹಾಗೂ ಕೊಲೆ ಪ್ರಕರಣ ದಾಖಲು ಮಾಡಿಕೊಳ್ಳಲಾಗಿದೆ. ವಿಚಾರಣೆ ವೇಳೆ ತಮ್ಮ ಸ್ನೇಹಿತನನ್ನೇ ಬಡಿದು ಕೊಂದಿರುವುದಾಗಿ ನಾಲ್ವರೂ ಆರೋಪಿಗಳು ಒಪ್ಪಿಕೊಂಡಿದ್ಧಾರೆ. ಸದ್ಯ ಆರೋಪಿಗಳು ನ್ಯಾಯಾಂಗ ಬಂಧನದಲ್ಲಿದ್ದಾರೆ. ಆರೋಪಿಗಳನ್ನು ಆದಷ್ಟು ಬೇಗ ಬಂಧಿಸಿರೋದು ಕ್ರಿಮಿನಲ್ ಮನಸ್ಥಿತಿ ಇರುವ ಕಿರಾತಕರಿಗೆ ಎಚ್ಚರಿಕೆ ಗಂಟೆಯಾಗಿದೆ. ಮಹಿಳೆಯೊಬ್ಬರು ದಿನಸಿ ಅಂಗಡಿಗೆ ಹೋಗಿ ಸಾಮಾನು ಖರೀದಿಸಿ ಸಂಬಂಧಿಕರ ಜೊತೆ ಮನೆಗೆ ಮರಳುವಾಗ ಈ ಕೃತ್ಯ ನಡೆದಿರೋದು ಪೊಲೀಸರಿಗೂ ಮುಜುಗರದ ಸಂಗತಿಯಾಗಿದೆ. ಆರೋಪಿಗಳೆಲ್ಲರೂ ದಿನಗೂಲಿ ಕೆಲಸ ಮಾಡುತ್ತಿದ್ದರು ಎಂದು ತಿಳಿದುಬಂದಿದೆ.

from India & World News in Kannada | VK Polls https://ift.tt/2XY0Cts

ವಿಧಿವಿಜ್ಞಾನ ಪ್ರಯೋಗಾಲಯದಲ್ಲಿ ಡಿಟೋನೇಟರ್‌ ಸ್ಫೋಟ: ಐವರು ಅಧಿಕಾರಿಗಳ ಸ್ಥಿತಿ ಗಂಭೀರ

ಬೆಂಗಳೂರು: ನಗರದ ಮಡಿವಾಳದಲ್ಲಿರುವ ವಿಧಿವಿಜ್ಞಾನ ಪ್ರಯೋಗಾಲಯದಲ್ಲಿ ಶುಕ್ರವಾರ ಸ್ಫೋಟಕಗಳ ಪರಿಶೀಲನೆ ವೇಳೆ ದುರಂತ ನಡೆದಿದೆ. ಈ ಘಟನೆಯಲ್ಲಿ ಐವರು ವೈಜ್ಞಾನಿಕ ಅಧಿಕಾರಿಗಳು ಸೇರಿ ಒಟ್ಟು 6 ಜನ ಗಾಯಗೊಂಡಿದ್ದಾರೆ. ಮರ್ಧಯಾಹ್ನ 3:40ರ ಸುಮಾರಿಗೆ 25 ಗ್ರಾಂ ತೂಕದ ಸ್ಫೋಟಕ ವಸ್ತುವೊಂದನ್ನು ಪರೀಕ್ಷಿಸುವ ವೇಳೆ ಸ್ಫೋಟ ಸಂಭವಿಸಿದೆ. ಇದರಿಂದ ಲ್ಯಾಬ್‌ನಲ್ಲಿ ಇದ್ದ ಐವರು ಅಧಿಕಾರಿಗಳು ಹಾಗೂ ಒಬ್ಬ ದಲಾಯತ್‌ ಗಾಯಗೊಂಡಿದ್ದಾರೆ. ಆರು ಜನರನ್ನು ಸೇಂಟ್‌ ಜಾನ್ಸ್‌ ಆಸ್ಪತ್‌ರೆಗೆ ದಾಖಲಿಸಲಾಗಿದೆ ಎಂದು ಎಡಿಜಿಪಿ ಪರಶಿವಮೂರ್ತಿ ವಿಜಯಕರ್ನಾಟಕಕ್ಕೆ ತಿಳಿಸಿದರು. ಕೆಲ ದಿನಗಳ ಹಿಂದೆ ರಾಯಚೂರಿನಲ್ಲಿ ಸ್ಫೋಟಕ ಪತ್ತೆಯಾಗಿತ್ತು. ಚಿಂದಿ ಆಯುವ ವ್ಯಕ್ತಿಗಳ ಕೈಗೆ ಸಿಕ್ಕಿದ್ದ ಸ್ಫೋಟಕ ಸ್ಫಟಗೊಂಡಿತ್ತು. ಅದನ್ನು ಪೊಲೀಸರು ಪರಿಶೀಲನೆಗಾಗಿ ವಿಧಿ ವಿಜ್ಞಾನ ಪ್ರಯೋಗಾಲಯಕ್ಕೆ ಕಳುಹಿಸಿದ್ದರು. ಈ ಸಂದರ್ಭದಲ್ಲಿ ಸ್ಫೋಟಗೊಂಡಿದೆ. ಇದಕ್ಕೆ ಕಾರಣವೇನು ಎಂಬುದನ್ನು ತನಿಖೆ ನಡೆಸಲಾಗುತ್ತಿದೆ. ಗಂಭೀರವಾಗಿ ಗಾಯಗೊಂಡಿರುವ ವಿಜ್ಞಾನಿಗಳನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ. ಮಡಿವಾಳದಲ್ಲಿರುವ ಎಫ್ಎಸ್ಎಲ್ ನಲ್ಲಿ ವಿಜ್ಞಾನಿಗಳು ಡೆಟೋನೇಟರ್ ಗಳ ಪರಿಶೀಲಿಸುತ್ತಿದ್ದರು. ಈ ಸಂದರ್ಭದಲ್ಲಿ 9 ಡೆಟೋನೇಟರ್ ಗಳ ಪೈಕಿ ಒಂದು ಸ್ಪೋಟಗೊಂಡಿದೆ. ಈ ಘಟನೆಯ ವಿಧಿವಿಜ್ಞಾನ ಪ್ರಯೋಗಾಲಯದಲ್ಲಿ ಕೆಲ ಹೊತ್ತು ಆತಂಕವನ್ನೇ ಸೃಷ್ಟಿಸಿತ್ತು. ಕೂಡಲೇ ಎಚ್ಚೆತ್ತ ಸಿಬ್ಬಂದಿ ಗಾಯಗೊಂಡಿದ್ದ 5 ಜನ ವಿಜ್ಞಾನಿಗಳನ್ನು ಸನಿಹದ ಖಾಸಗಿ ಆಸ್ಪತ್ರೆಗೆ ಸೇರಿಸಿದ್ದಾರೆ. ಘಟನೆ ನಡೆದ ಸ್ಥಳಕ್ಕೆ ನಗರದ ಆಗ್ನೇಯ ವಿಭಾಗದ ಡಿಸಿಪಿ ಇಶಾ ಪಂತ್, ಎಸಿಪಿ ಕರಿಬಸನಗೌಡ ಸೇರಿದಂತೆ ಹಿರಿಯ ಅಧಿಕಾರಿಗಳು ಧಾವಿಸಿ ಪರಿಶೀಲನೆ ನಡೆಸಿದ್ದಾರೆ.

from India & World News in Kannada | VK Polls https://ift.tt/34wx20V

ನೋ ಶೇವ್‌ ಇನ್‌ ನವೆಂಬರ್‌ನಲ್ಲಿ ಜಾಕ್‌ ಕಾಲಿಸ್‌ ಗಡ್ಡ ಮೀಸೆ ಅರ್ಧ ಬೋಳಿಸಿಕೊಂಡಿದ್ದೇಕೆ?

ಹೊಸದಿಲ್ಲಿ: ಎಲ್ಲರೂ ನೋ ಶೇವ್‌ ಇನ್‌ ನವೆಂಬರ್‌ ಎಂದೆಲ್ಲಾ ಜೋರಾಗಿ ಗಡ್ಡ ಬಿಟ್ಟು ಮೀಸೆ ತಿರುವುತ್ತಿದ್ದರೆ, ದಕ್ಷಿಣ ಆಫ್ರಿಕಾದ ಮಾಜಿ ದಿಗ್ಗಜ ಕ್ರಿಕೆಟಿಗ ಮಾತ್ರ ಮೀಸೆ ಮತ್ತು ಗಡ್ಡವನ್ನು ಅರ್ಧ ಬೋಳಿಸಿಕೊಂಡ ಫೋಟೊಗಳನ್ನು ತಮ್ಮ ಸೋಷಿಯಲ್‌ ಮೀಡಿಯಾ ಖಾತೆಗಳಲ್ಲಿ ಹಂಚಿಕೊಳ್ಳುವ ಮೂಲಕ ಆಶ್ಚರ್ಯ ಸೃಷ್ಠಿಸಿದ್ದಾರೆ. ಬುಧವಾರ ಇದ್ದಕ್ಕಿದ್ದಂಗೆ ತಮ್ಮ ಸೋಷಿಯಲ್‌ ಮೀಡಿಯಾ ಖಾತೆ ಮೂಲಕ ಜಾಕ್‌ ಕಾಲಿಸ್‌ ಅಭಿಮಾನಿಗಳಿಗೊಂದು ಅಚ್ಚರಿ ನೀಡಿದ್ದರು. ಅರ್ಧ ಗಡ್ಡ ಮೀಸೆ ಬೋಳಿಸಿಕೊಂಡ ತಮ್ಮ ಹೊಸ ಅವತಾರ ಪ್ರದರ್ಶಿಸಿದ್ದಾರೆ. "ಮುಂದಿನ ಕೆಲ ದಿನಗಳು ಬಹಳ ಕುತೂಹಲಕಾರಿಯಾಗಿರಲಿದೆ. ಎಲ್ಲವೂ ಒಂದು ಒಳ್ಳೆಯ ಉದ್ದೇಶ ಸಲುವಾಗಿ. ಮತ್ತು ಗಾಲ್ಫ್‌ ಅಭಿವೃದ್ಧಿಗಾಗಿ," ಎಂದು ಬರೆದುಕೊಂಡಿದ್ದಾರೆ. ದಕ್ಷಿಣ ಆಫ್ರಿಕಾದಲ್ಲಿ ಗೇಂಡಾಮೃಗಗಳನ್ನು ಉಳಿಸುವ ಸಲುವಾಗಿ 'ಸೇವ್‌ ದಿ ರೈನೊ' ಅಭಿಯಾನ ನಡೆಯುತ್ತಿದ್ದು, ಇದಕ್ಕೆ ಬೆಂಬಲಿಸಲು ಅರ್ಧ ಗಡ್ಡ ಮೀಸೆ ಬೋಳಿಸಿಕೊಳ್ಳಬೇಕು. ಈ ಮೂಲಕ ದೇಶದಲ್ಲಿ ಗೇಂಡಾಮೃಗಗಳ ಸಂಖ್ಯೆ ಹೆಚ್ಚಿಸಲು ಜಾಗೃತ್ತಿ ಮತ್ತು ದೇಣಿಗೆಯನ್ನೂ ಸಂಗ್ರಹ ಮಾಡಲಾಗುತ್ತಿದೆ. 'ಸೇವ್‌ ದಿ ರೈನೊ' ಯಾವುದೇ ಲಾಭಾಪೇಕ್ಷೆ ಇಲ್ಲ ಎನ್‌ಜಿಒ ಆಗಿದ್ದು, ಅಳಿವಿನಂಚಿನಲ್ಲಿರುವ ಪ್ರಾಣಿಯ ಉಳಿವಿಗಾಗಿ ಹೋರಾಟ ನಡೆಸುತ್ತಿದೆ. ಕ್ರಿಕೆಟ್‌ ಇತಿಹಾಸದಲ್ಲಿ ಸಾರ್ವಕಾಲಿಕ ಶ್ರೇಷ್ಠ ಆಲ್‌ರೌಂಡರ್‌ಗಳ ಸಾಲಿನಲ್ಲಿ ಅಗ್ರ ಸಾಲಿನಲ್ಲಿ ಗುರುತಿಸಿಕೊಳ್ಳುವ ದಕ್ಷಿಣ ಆಫ್ರಿಕಾದ ಸ್ಟಾರ್‌ ಜಾಕ್‌ ಕಾಲಿಸ್‌, ಹರಿಣ ಪಡೆಯ ಪರ 166 ಟೆಸ್ಟ್‌, 328 ಏಕದಿನ ಮತ್ತು 25 ಅಂತಾರಾಷ್ಟ್ರೀಯ ಟಿ20 ಪಂದ್ಯಗಳನ್ನು ಆಡಿದ್ದಾರೆ. ಟೆಸ್ಟ್‌ ಮತ್ತು ಏಕದಿನ ಎರಡರಲ್ಲೂ 10 ಸಾವಿರಕ್ಕೂ ಅಧಿಕ ರನ್‌ ಮತ್ತು 250 ಕ್ಕೂ ಹೆಚ್ಚು ವಿಕೆಟ್‌ಗಳನ್ನು ಪಡೆದ ವಿಶ್ವದ ಮೊತ್ತ ಮೊದಲ ಹಾಗೂ ಏಕೈಕ ಕ್ರಿಕೆಟಿಗ ಎಂಬ ವಿಶ್ವ ದಾಖಲೆ ಅವರ ಹೆಸರಿನಲ್ಲಿದೆ. ಕ್ರಿಕೆಟ್‌ನ ಮೂರೂ ವಿಭಾಗಗಳಲ್ಲಿ ಕಾಲಿಸ್‌ ಕ್ರಮವಾಗಿ 13,289, 11,579 ಹಾಗೂ 666 ರನ್‌ಗಳನ್ನು ಗಳಿಸಿದ್ದಾರೆ. ಜೊತೆಗೆ 292, 273 ಹಾಗೂ 12 ವಿಕೆಟ್‌ಗಳನ್ನು ಪಡೆದ ಸಾಧನೆಯನ್ನೂ ಮಾಡಿದ್ದಾರೆ. ಇನ್ನು ನಲ್ಲಿ ಅತಿ ಹೆಚ್ಚು ಶತಕ ಬಾರಿಸಿದವರ ಪೈಕಿ ಕಾಲಿಸ್‌, 45 ಶತಕಗಳೊಂದಿಗೆ ದ್ವಿತೀಯ ಸ್ಥಾನದಲ್ಲಿದ್ದಾರೆ. 51 ಶತಕಗಳನ್ನು ದಾಖಲಿಸಿರುವ ಭಾರತದ ಬ್ಯಾಟಿಂಗ್‌ ಮಾಂತ್ರಿಕ ಸಚಿನ್‌ ತೆಂಡೂಲ್ಕರ್‌ ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2L4Q8Ue

ಗೋಡ್ಸೆ ದೇಶಭಕ್ತ ಹೇಳಿಕೆ, ಸಂಸತ್‌ನಲ್ಲಿ ಕ್ಷಮೆ ಕೋರಿದ ಪ್ರಗ್ಯಾ ಠಾಕೂರ್‌

ಹೊಸದಿಲ್ಲಿ: ರಾಷ್ಟ್ರಪಿತ ಕೊಲೆಗಾರ ನಥುರಾಮ್‌ ಗೋಡ್ಸೆ ಬಗ್ಗೆ ನಾನು ನೀಡಿದ್ದ ಹೇಳಿಕೆಯನ್ನು ತಿರುಚಲಾಗಿದೆ ಎಂದು ಬಿಜೆಪಿ ಸಂಸದೆ ಶುಕ್ರವಾರ ವಾದಿಸಿದ್ದಾರೆ. ಅಷ್ಟೇ ಅಲ್ಲದೆ ತಮ್ಮನ್ನು ಭಯೋತ್ಪಾದಕಿ ಎಂದು ಕರೆದ ಸದನದ ಸದಸ್ಯರ ಹೇಳಿಕೆಗೆ ಆಕ್ಷೇಪವನ್ನೂ ವ್ಯಕ್ತಪಡಿಸಿದ್ದಾರೆ. ಬುಧವಾರದ ಸದನದಲ್ಲಿ ನಡೆಯುತ್ತಿದ್ದ ಚರ್ಚೆ ವೇಳೆ ಗೋಡ್ಸೆಯನ್ನು ಪ್ರಗ್ಯಾ ಸಿಂಗ್‌ ಠಾಕೂರ್‌ ದೇಶಭಕ್ತ ಎಂದು ಕರೆದಿದ್ದರು. ಈ ಸಂಬಂಧ ಸ್ಪಷ್ಟನೆ ನೀಡಿದ ಅವರು, “ಸಂಸತ್‌ನಲ್ಲಿ ನಾನು ನೀಡಿದ್ದ ಹೇಳಿಕೆಯನ್ನು ತಿರುಚಲಾಗಿದೆ. ದೇಶಕ್ಕೆ ಮಹಾತ್ಮಾ ಗಾಂಧಿ ನೀಡಿದ ಕೊಡುಗೆಯನ್ನು ನಾನು ಗೌರವಿಸುತ್ತೇನೆ,” ಎಂದಿದ್ದಾರೆ. ನಂತರ ತಮ್ಮ ಹೇಳಿಕೆಗೆ ಕ್ಷಮೆ ಕೋರಿರುವ ಅವರು, “ನನ್ನ ಹೇಳಿಕೆಯಿಂದ ನಾನು ಯಾರಿಗಾದರೂ ನೋವುಂಟು ಮಾಡಿದ್ದರೆ ನಾನು ವಿಷಾದಿಸುತ್ತೇನೆ ಮತ್ತು ಕ್ಷಮೆ ಕೋರುತ್ತೇನೆ,” ಎಂಬುದಾಗಿ ಗೋಡ್ಸೆ ಹೆಸರು ಹೇಳದೆಯೇ ಪ್ರತಿಕ್ರಿಯಿಸಿದರು. ಆಕೆ ಈ ಹೇಳಿಕೆ ನೀಡುತ್ತಿದ್ದಂತೆ ವಿರೋಧ ಪಕ್ಷಗಳು 'ಡೌನ್‌ ಡೌನ್‌ ಗೋಡ್ಸೆ' ಎಂದು ಘೋಷಣೆ ಕೂಗಿ ಗದ್ದಲ ಎಬ್ಬಿಸಿದ್ದಲ್ಲದೆ ಸಂಸತ್‌ನಿಂದ ಪ್ರಗ್ಯಾ ಠಾಕೂರ್‌ನ್ನು ಉಚ್ಛಾಟಿಸಬೇಕು ಎಂದು ಒತ್ತಾಯಿಸಿದವು.

ಕ್ಷಮೆ ಕೇಳುವ ವೇಳೆ ತಮ್ಮನ್ನು ಭಯೋತ್ಪಾದಕಿ ಎಂದು ಕರೆದ ‘ಸದನದ ಸದಸ್ಯರೊಬ್ಬರ’ ಮೇಲೆ ಕಿಡಿಕಾರಿದ ಪ್ರಗ್ಯಾ ಸಿಂಗ್‌ ಠಾಕೂರ್‌, “ಸದನದ ಸದಸ್ಯರೊಬ್ಬರು ನನ್ನನ್ನು ಭಯೋತ್ಪಾದಕಿ ಎಂದು ಉಲ್ಲೇಖಿಸಿದ್ದಾರೆ. ಇದು ನನ್ನ ಘನೆತಯ ಮೇಲಿನ ಆಕ್ರಮಣ. ನನ್ನ ಮೇಲಿನ ಯಾವುದೇ ಆರೋಪಗಳು ನ್ಯಾಯಾಲಯದಲ್ಲಿ ಸಾಬೀತಾಗಿಲ್ಲ,” ಎಂದರು. ಗುರುವಾರ ತಮ್ಮ ಟ್ಟೀಟ್‌ನಲ್ಲಿ ರಾಹುಲ್‌ ಗಾಂಧಿ ಪ್ರಗ್ಯಾ ಠಾಕೂರ್‌ರನ್ನು ಭಯೋತ್ಪಾದಕಿ ಎಂದು ಕರೆದಿದ್ದರು. "ಭಯೋತ್ಪಾದಕ ಗೋಡ್ಸೆಯನ್ನು ಭಯೋತ್ಪಾದಕಿ ಪ್ರಗ್ಯಾ ಠಾಕೂರ್‌ ದೇಶಭಕ್ತ ಎಂದು ಕರೆದಿದ್ದಾರೆ. ಭಾರತದ ಸಂಸತ್‌ ಇತಿಹಾಸದಲ್ಲಿ ಅತ್ಯಂತ ದುಃಖದ ದಿನ,” ಎಂಬುದಾಗಿ ಅವರು ಟ್ಟೀಟ್‌ ಮಾಡಿದ್ದರು. ಈ ಟ್ಟೀಟ್‌ಗೆ ಪ್ರಗ್ಯಾ ಸಿಂಗ್‌ ಠಾಕೂರ್‌ ಈ ಪ್ರತಿಕ್ರಿಯೆ ನೀಡಿದ್ದಾರೆ.

from India & World News in Kannada | VK Polls https://ift.tt/2pXwlOW

ಟಾಮ್ ಲ್ಯಾಥಮ್ ಶತಕ; ಕಿವೀಸ್‌ಗೆ ಮೊದಲ ದಿನದ ಗೌರವ

ಹ್ಯಾಮಿಲ್ಟನ್: ಇಲ್ಲಿನ ಸೆಡನ್ ಪಾರ್ಕ್‌ ಮೈದಾನದಲ್ಲಿ ಪ್ರವಾಸಿ ವಿರುದ್ಧ ನಡೆಯುತ್ತಿರುವ ದ್ವಿತೀಯ ಟೆಸ್ಟ್ ಪಂದ್ಯದ ಮೊದಲ ದಿನದಲ್ಲಿ ಎಡಗೈ ಆರಂಭಿಕ ಆಕರ್ಷಕ ಶತಕದ ನೆರವಿನಿಂದ ಮೇಲುಗೈ ಸಾಧಿಸಿದೆ. ಮಳೆ ಬಾಧಿತ ಮೊದಲ ದಿನದಾಟದಲ್ಲಿ ನ್ಯೂಜಿಲೆಂಡ್ ತಂಡವು 54.3 ಓವರ್‌ಗಳಲ್ಲಿ ಮೂರು ವಿಕೆಟ್ ನಷ್ಟಕ್ಕೆ 173 ರನ್ ಪೇರಿಸಿದೆ. ಮಳೆಯಿಂದಾಗಿ ಟೀ ವಿರಾಮದ ಬಳಿಕದ ಸಂಪೂರ್ಣ ಪಂದ್ಯವು ರದ್ದುಗೊಂಡಿತ್ತು. ಕಿವೀಸ್‌ಗೆ ಆರಂಭದಲ್ಲೇ ಜೀತ್ ರವಲ್ (5) ರೂಪದಲ್ಲ ಆಘಾತ ಎದುರಾಗಿತ್ತು. ನಾಯಕ ಕೇನ್ ವಿಲಿಯಮ್ಸನ್ (4) ವಿಕೆಟ್ ಸಹ ನಷ್ಟವಾಗುವುದರೊಂದಿಗೆ 39ಕ್ಕೆ ಎರಡು ವಿಕೆಟ್ ಕಳೆದುಕೊಂಡ ಕಿವೀಸ್ ಭಾರಿ ಸಂಕಷ್ಟಕ್ಕೆ ಸಿಲುಕಿತ್ತು. ಈ ಹಂತದಲ್ಲಿ ಜತೆಗೂಡಿದ ಟಾಮ್ ಲ್ಯಾಥಮ್ ಹಾಗೂ ಅನುಭವಿ ರೋಸ್ ಟೇಲರ್ ನಿರ್ಣಾಯಕ ಜತೆಯಾಟದಲ್ಲಿ ಭಾಗಿಯಾದರು. ಇವರಿಬ್ಬರು ಮೂರನೇ ವಿಕೆಟ್‌ಗೆ 116 ರನ್‌ಗಳ ಮಹತ್ವದ ಜತೆಯಾಟ ನೀಡಿ ತಂಡವನ್ನು ಆರಂಭಿಕ ಆಘಾತದಿಂದ ಪಾರು ಮಾಡಿದರು. ಉತ್ತಮ ಆಟದ ಪ್ರದರ್ಶನ ನೀಡಿದ ಟೇಲರ್ ಆಕರ್ಷಕ ಅರ್ಧಶತಕ (53) ಸಾಧನೆ ಮಾಡಿದರು. 100 ಎಸೆತಗಳನ್ನು ಎದುರಿಸಿದ ಟೇಲರ್ ಇನ್ನಿಂಗ್ಸ್‌ನಲ್ಲಿ ಎಂಟು ಬೌಂಡರಿಗಳು ಸೇರಿದ್ದವು. ಇನ್ನೊಂದೆಡೆ ದಿಟ್ಟ ಹೋರಾಟ ನೀಡಿದ ಲ್ಯಾಥಮ್, ಅಮೋಘ ಶತಕ ಸಾಧನೆ ಮಾಡಿದರು. 164 ಎಸೆತಗಳನ್ನು ಎದುರಿಸಿರುವ ಲ್ಯಾಥಮ್ 15 ಬೌಂಡರಿಗಳಿಂದ 101 ರನ್ ಗಳಿಸಿ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ. ಇವರಿಗೆ ಸಾಥ್ ನೀಡುತ್ತಿರುವ ಹೆನ್ರಿ ನಿಕೋಲಸ್ (5*) ಎರಡನೇ ದಿನದಾಟಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ. ಆಂಗ್ಲರ ಪರ ಎರಡು ವಿಕೆಟ್ ಕಬಳಿಸಿದ ಕ್ರಿಸ್ ವೋಕ್ಸ್ ಪ್ರಭಾವಿ ಎನಿಸಿಕೊಂಡರು. ಮೊದಲ ಟೆಸ್ಟ್ ಪಂದ್ಯದಲ್ಲಿ ಇನ್ನಿಂಗ್ಸ್ ಹಾಗೂ 65 ರನ್ ಅಂತರದ ಗೆಲುವು ಬಾರಿಸಿರುವ ಕೇನ್ ವಿಲಿಯಮ್ಸನ್ ಪಡೆ, ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ 1-0 ಅಂತರದ ಮುನ್ನಡೆ ಕಾಯ್ದುಕೊಂಡಿದೆ. ಹಾಗಾಗಿ ಇತ್ತಂಡಗಳ ಪಾಲಿಗೂ ಈ ಪಂದ್ಯ ನಿರ್ಣಾಯಕವೆನಿಸಿದೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/33z1dTz

ಆಂಧ್ರದ ಸರಕಾರಿ ಶಾಲೆಯಲ್ಲಿ ಇಬ್ಬರು ವಿದ್ಯಾರ್ಥಿಗಳನ್ನು ಬೆಂಚ್‌ಗೆ ಕಟ್ಟಿಹಾಕಿದ ಸಿಬ್ಬಂದಿ!

ಅನಂತಪುರ: ಆಂಧ್ರ ಪ್ರದೇಶದ ಅನಂತಪುರ ಜಿಲ್ಲೆಯ ಸರಕಾರಿ ಶಾಲೆಯಲ್ಲಿ ಇಬ್ಬರು ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳನ್ನು ತರಗತಿಯ ಬೆಂಚ್‌ಗೆ ಕಟ್ಟಿಹಾಕಲಾಗಿದೆ. ಈ ಹಿನ್ನೆಲೆ ಸಂಬಂಧಪಟ್ಟ ಅಧಿಕಾರಿಗಳ ವಿರುದ್ಧ ಕ್ರಿಮಿನಲ್‌ ಕೇಸ್‌ ದಾಖಲಿಸಬೇಕೆಂದು ಮಕ್ಕಳ ಹಕ್ಕು ಕಾರ್ಯಕರ್ತರು ಒತ್ತಾಯಿಸಿದ್ದಾರೆ. ಮೂರನೇ ತರಗತಿಯ ಒಬ್ಬ ವಿದ್ಯಾರ್ಥಿ ಹಾಗೂ ಐದನೇ ತರಗತಿಯ ಒಬ್ಬ ವಿದ್ಯಾರ್ಥಿಯ ಕೈ ಹಾಗೂ ಕಾಲುಗಳನ್ನು ಬೆಂಚ್‌ಗೆ ಕಟ್ಟಿಹಾಕಲಾಗಿದೆ. ಅನಂತಪುರ ಜಿಲ್ಲೆಯ ಕದಿರಿ ನಗರದ ಶಾಲೆಯ ಶಿಕ್ಷಕರು ಈ ಆರೋಪಕ್ಕೆ ಗುರಿಯಾಗಿದ್ದಾರೆ. ಈ ಹಿನ್ನೆಲೆ ಶಾಲೆಯ ಮುಖ್ಯ ಶಿಕ್ಷಕಿ ವಿರುದ್ಧ ಇಲಾಖಾವಾರು ಕ್ರಮ ಕೈಗೊಳ್ಳಬೇಕು. ಅಲ್ಲದೆ, ಕ್ರಿಮಿನಲ್‌ ಕೇಸ್‌ ದಾಖಲಿಸಬೇಕು ಎಂದೂ ಮಕ್ಕಳ ಹಕ್ಕು ಕಾರ್ಯಕರ್ತ ಅಚ್ಯುತ ರಾವ್‌ ಹೇಳಿದ್ದಾರೆ. ಇದಕ್ಕೆ ಸಂಬಂಧಪಟ್ಟಂತೆ ಸಮರ್ಥನೆ ಕೊಟ್ಟ ಮುಖ್ಯ ಶಿಕ್ಷಕಿ, ವಿದ್ಯಾರ್ಥಿಗಳನ್ನು ಕಟ್ಟಿಹಾಕಲು ಎರಡು ಕಾರಣಗಳನ್ನು ನೀಡಿದ್ದಾರೆ. ಅವರಲ್ಲಿ ಒಬ್ಬರು ಬರೆದಿದ್ದರೆ, ಇನ್ನೊಬ್ಬರು ಇತರ ಮಕ್ಕಳ ವಸ್ತುಗಳನ್ನು ಕಳ್ಳತನ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ. ಅಲ್ಲದೆ, ವಿದ್ಯಾರ್ಥಿಯನ್ನು ತಾನು ಕಟ್ಟಿ ಹಾಕಲಿಲ್ಲ. ವಿದ್ಯಾರ್ಥಿಯ ತಾಯಿಯೇ ಆ ರೀತಿ ಮಾಡಿದ್ದಾರೆ ಎಂದೂ ಸಮಜಾಯಿಷಿ ನೀಡಿದ್ದಾರೆ. ಆದರೆ, ಶಾಲೆಯ ತರಗತಿಯಲ್ಲಿ ಈ ಘಟನೆ ನಡೆದಿದ್ದು ಹೇಗೆ ಎಂಬುದಕ್ಕೆ ಮಾತ್ರ ಮುಖ್ಯ ಶಿಕ್ಷಕಿ ಸೂಕ್ತ ಉತ್ತರ ನೀಡಲಿಲ್ಲ. ಈ ಸಂಬಂಧ ಸದ್ಯ ತನಿಖೆಗೆ ಆದೇಶಿಸಲಾಗಿದೆ. ಇನ್ನು, ಈ ಶಾಲೆಯಲ್ಲಿ ಈ ರೀತಿಯ ಶಿಕ್ಷೆ ನೀಡುವುದು ಸಾಮಾನ್ಯ ಎಂದು ಮಕ್ಕಳು ಹೇಳಿಕೊಂಡಿದ್ದಾರೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.

from India & World News in Kannada | VK Polls https://ift.tt/2rEfgdC

ಭಾರತ ಸರಣಿಗೆ ಭರ್ಜರಿ ಸಿದ್ಧತೆ; ಅಪ್ಘಾನ್ ವಿರುದ್ಧ ಏಕೈಕ ಟೆಸ್ಟ್‌ನಲ್ಲಿ ವಿಂಡೀಸ್ ಜಯಭೇರಿ

ಲಕ್ನೋ: ಮುಂಬರುವ ಭಾರತ ವಿರುದ್ಧ ಸರಣಿಗೆ ಭರ್ಜರಿ ಪೂರ್ವ ಸಿದ್ಧತೆಯನ್ನು ನಡೆಸಿರುವ , ವಿರುದ್ಧ ನಡೆದ ಏಕೈಕ ಟೆಸ್ಟ್ ಪಂದ್ಯದಲ್ಲಿ ಒಂಬತ್ತು ವಿಕೆಟ್ ಅಂತರದ ಭರ್ಜರಿ ಗೆಲುವು ದಾಖಲಿಸಿದೆ. ತಟಸ್ಥ ತಾಣ ಲಕ್ನೋದ ಭಾರತ ರತ್ನ ಶ್ರೀ ಅಟಲ್ ಬಿಹಾರಿ ವಾಜಪೇಯಿ ಎಕನಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಸರ್ವಾಂಗೀಣ ಪ್ರದರ್ಶನ ನೀಡಿದ ಜೇಸನ್ ಹೋಲ್ಡರ್ ನಾಯಕತ್ವದ ವಿಂಡೀಸ್ ಮೂರೇ ದಿನದಲ್ಲಿ ವಶಪಡಿಸಿಕೊಂಡಿತು. ಅಂತಿಮ ಇನ್ನಿಂಗ್ಸ್‌ನಲ್ಲಿ ಗೆಲುವಿಗಾಗಿ ಕೇವಲ 31 ರನ್ ಬೆನ್ನಟ್ಟಿದ ವಿಂಡೀಸ್ 6.2 ಓವರ್‌ಗಳಲ್ಲಿ ಒಂದು ವಿಕೆಟ್ ನಷ್ಟಕ್ಕೆ ಗುರಿ ತಲುಪಿತು. ಈ ಮೊದಲು ಮೊದಲ ಇನ್ನಿಂಗ್ಸ್‌ನಲ್ಲಿ 90 ರನ್ ಹಿನ್ನಡೆಯೊಂದಿಗೆ ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಅಫಘಾನಿಸ್ತಾನ 43.1 ಓವರ್‌ಗಳಲ್ಲೇ 120 ರನ್ನಿಗಳಿಗೆ ತನ್ನೆಲ್ಲ ವಿಕೆಟುಗಳನ್ನು ಕಳೆದುಕೊಂಡಿತು. ಒಂದು ಹಂತದಲ್ಲಿ ಮೊದಲ ವಿಕೆಟ್‌ಗೆ 53 ರನ್ ಗಳಿಸಿದ್ದ ಅಫ್ಘಾನ್ 70 ರನ್ ಅಂತರದಲ್ಲಿ ತನ್ನೆಲ್ಲ ವಿಕೆಟುಗಳನ್ನು ಕಳೆದುಕೊಂಡಿತು. ಆರಂಭಿಕ ಜಾವೇದ್ ಅಹ್ಮದಿ ಗರಿಷ್ಠ 62 ರನ್ ಗಳಿಸಿದ್ದರು. ವಿಂಡೀಸ್ ಪರ ಜೇಸನ್ ಹೋಲ್ಡರ್, ರಕೀಮ್ ಕಾರ್ನ್‌ವಾಲ್ ಹಾಗೂ ರೋಸ್ಟನ್ ಚೇಸ್ ತಲಾ ಮೂರು ವಿಕೆಟುಗಳನ್ನು ಹಂಚಿಕೊಂಡರು. ಇದಕ್ಕೂ ಮೊದಲು ಅಫಘಾನಿಸ್ತಾನದ 187 ರನ್‌ಗಳಿಗೆ ಉತ್ತರವಾಗಿ ವೆಸ್ಟ್‌ಇಂಡೀಸ್, ಶಮರ್ ಬ್ರೂಕ್ಸ್ ಶತಕ (111) ಹಾಗೂ ಜಾನ್ ಕ್ಯಾಂಪ್‌ಬೆಲ್ ಅರ್ಧಶತಕದ (55) ನೆರವಿನಿಂದ 277 ರನ್ ಪೇರಿಸಿತ್ತು. ಅಫ್ಘಾನ್ ಪರ ಅಮೀರ್ ಹಮ್ಜಾ ಐದು ಹಾಗೂ ನಾಯಕ ರಶೀದ್ ಖಾನ್ ಮೂರು ವಿಕೆಟ್ ಕಿತ್ತರು. ರಕೀಮ್ ಕಾರ್ನ್‌ವಾಲ್ ಕೈಚಳಕಕ್ಕೆ (75/7) ಸಿಲುಕಿದ್ದ ಅಫಘಾನಿಸ್ತಾನ ಮೊದಲ ಇನ್ನಿಂಗ್ಸ್‌ನಲ್ಲಿ 187 ರನ್‌ಗಳಿಗೆ ಸರ್ವಪತನವನ್ನು ಕಂಡಿತ್ತು. ಟೆಸ್ಟ್ ಸರಣಿಗೂ ಮುನ್ನ ನಡೆದ ಏಕದಿನ ಸರಣಿಯಲ್ಲಿ ಅಫಘಾನಿಸ್ತಾನ 3-0 ಅಂತರದ ಕ್ಲೀನ್ ಸ್ವೀಪ್ ಜಯ ಗಳಿಸಿತ್ತು. ಆದೆರೆ ಟ್ವೆಂಟಿ-20 ಸರಣಿಯಲ್ಲಿ 2-1ರ ಅಂತರದ ಗೆಲುವು ಬಾರಿಸುವ ಮೂಲಕ ಅಫಘಾನಿಸ್ತಾನ ತಿರುಗೇಟು ನೀಡಿತ್ತು. ವೆಸ್ಟ್‌ಇಂಡೀಸ್ ತಂಡವೀಗ ಭಾರತ ವಿರುದ್ಧ ತಲಾ ಮೂರು ಪಂದ್ಯಗಳ ಟ್ವೆಂಟಿ-20 ಹಾಗೂ ಏಕದಿನ ಸರಣಿಗಳಲ್ಲಿ ಭಾಗವಹಿಸಲಿದೆ. ಸರಣಿಯ ಮೊದಲ ಟಿ20 ಪಂದ್ಯವು ಡಿಸೆಂಬರ್ 6ರಂದು ಹೈದರಾಬಾದ್‌ನಲ್ಲಿ ನಡೆಯಲಿದೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2XYrb1Q

ಉಪ ಚುನಾವಣೆಯಲ್ಲಿ ಅನರ್ಹರ ಸೋಲಿಗೆ ಸಂಘ ಪರಿವಾರದಿಂದಲೇ ಪ್ಲಾನ್‌!

ಚಿಕ್ಕಬಳ್ಳಾಪುರ: ಬಿಜೆಪಿಯಲ್ಲೂ ನನ್ನ ಸ್ನೇಹಿತರಿದ್ದು, ಅವರ ಕೊಟ್ಟ ಮಾಹಿತಿ ಪ್ರಕಾರವೇ ಅನರ್ಹ ಶಾಸಕರ ಸೋಲಿಸಲು ಬಿಜೆಪಿ ಹಾಗೂ ಆರ್‌ಎಸ್‌ಎಸ್‌ ನಾಯಕರೇ ಟೊಂಕ ಕಟ್ಟಿ ನಿಂತಿದ್ದಾರೆ ಎಂದು ಮಾಜಿ ಸಚಿವ ಡಿ.ಕೆ.ಶಿವಕುಮಾರ್‌ ಹೇಳಿದರು. ತಾಲೂಕಿನ ನಂದಿ ಗ್ರಾಮದ ಪ್ರಚಾರ ಸಭೆಯಲ್ಲಿಮಾತನಾಡಿ,'' ಉಪಚುನಾವಣೆ ಫಲಿತಾಂಶ ಘೋಷಣೆಗೊಂಡ ಡಿ.9ರ ನಂತರ ರಾಜಕೀಯ ಧ್ರುವೀಕರಣ ಆಗಲಿದ್ದು, ರಾಜ್ಯದಲ್ಲಿ ಹೊಸ ರಾಜಕೀಯ ಅಧ್ಯಾಯ ಪ್ರಾರಂಭವಾಗಲಿದೆ. ಚುನಾವಣೆ ನಂತರ ಹಾಲಿ ಮಂತ್ರಿಗಳೆಲ್ಲ ಮಾಜಿ ಗಳಾಗುತ್ತಾರೆ,''ಎಂದರು. ಮಾಜಿ ಶಾಸಕ ಬೋರ್ಡ್‌''ಇಲ್ಲಿ ಸುಧಾಕರ್‌ ಗೆಲ್ಲುವುದು ಇಲ್ಲ. ಮಂತ್ರಿನೂ ಕೂಡ ಆಗಲ್ಲ, ಚುನಾವಣೆಯಲ್ಲಿ ಬಿಜೆಪಿಯವರೇ ಅವರನ್ನು ಸೋಲಿಸಿ ಮನೆಗೆ ಕಳುಹಿಸುತ್ತಾರೆ. ಆಮೇಲೆ ಅವರು ಮಾಜಿ ಶಾಸಕ ಎಂದಷ್ಟೇ ಬೋರ್ಡ್‌ನಲ್ಲಿ ಹಾಕಿಸಿಕೊಳ್ಳಬೇಕಾಗುತ್ತೆ. ಹಫ್ತ ವಸೂಲಿಗೆ ಮತ್ತೊಂದು ಹೆಸರೇ ಸುಧಾಕರ್‌. ಸುಧಾಕರ್‌ ಗೆದ್ದರೆ ಯಡಿಯೂರಪ್ಪರನ್ನು ಕೂಡ ಮಾರಾಟ ಮಾಡುತ್ತಾರೆ,'' ಎಂದು ಲೇವಡಿ ಮಾಡಿದರು. ಪತ್ರ ಬರೆಯುವೆ''ನಾನು ಚಿಕ್ಕಬಳ್ಳಾಪುರಕ್ಕೆ ಮೆಡಿಕಲ್‌ ಕಾಲೇಜು ಬೇಡವೆಂದಿಲ್ಲ. ಕನಕಪುರದನ್ನು ಕಿತ್ತುಕೊಡುವುದು ಬೇಡ ಅಂದಿದ್ದೆ. ಕನಕಪುರಕ್ಕೆ ಮೆಡಿಕಲ್‌ ಕಾಲೇಜಿಗಾಗಿ ಮುಖ್ಯಮಂತ್ರಿ ಯಡಿಯೂರಪ್ಪ ಅವರಿಗೆ ಪತ್ರ ಬರೆಯುವೆ. ಅದಕ್ಕೆ ಅವರಿಂದ ಯಾವ ರೀತಿಯ ಸ್ಪಂದನೆ ಸಿಗುತ್ತೆ ಎಂಬುದು ಕಾದು ನೋಡುತ್ತೇನೆ. ಸಕಾರಾತ್ಮಕವಾಗಿ ಸ್ಪಂದಿಸದಿದ್ದರೆ ಹೋರಾಟ ಮುಂದುವರಿಸುವೆ,'' ಎಂದು ಎಚ್ಚರಿಕೆ ನೀಡಿದರು. ಡಿಕೆಶಿ ಏನ್‌ ಆಗ್ತಾರೆ ಅಂಥಾ ಗೊತ್ತಿದೆಯಾ?ಯಾರು ಮಾಜಿ ಆಗಬೇಕು, ಯಾರು ಹಾಲಿ ಆಗಬೇಕು ಎಂಬುದು ಭಗವಂತ ಇಚ್ಛೆ. ಡಿಕೆಶಿ ಹೇಳಿದರೆ ಅದು ಆಗಲ್ಲ. ಅವರು ಏನು ಆಗ್ತಾರೆ ಅಂಥಾ ಅವರಿಗೆ ಗೊತ್ತಿದೆಯಾ ಎಂದು ಬಿಜೆಪಿ ಅಭ್ಯರ್ಥಿ ಡಾ.ಕೆ.ಸುಧಾಕರ್‌ ತಿರುಗೇಟು ನೀಡಿದರು. ಚಿಕ್ಕಬಳ್ಳಾಪುರದಲ್ಲಿ ಡಿಕೆಶಿ ಹೇಳಿಕೆಗೆ ಪ್ರತಿಕ್ರಿಯಿಸಿ,'' ಜನಪ್ರತಿನಿಧಿಗಳಾದ ಎಲ್ಲರೂ ಕೂಡ ಒಮ್ಮೆ ಮಾಜಿ ಆಗಲೇಬೇಕು. ಮಾಜಿಯಾಗಬೇಕು ಅನ್ನುವ ಭಾಗ್ಯ ಬಂದರೆ ನನಗೇನು ನೋವಿಲ್ಲ. ಯಾಕೆಂದರೆ ನಾನು ಜನತೆಗೆ ಕೊಟ್ಟ ಭರವಸೆಯಂತೆ ಮೆಡಿಕಲ್‌ ಕಾಲೇಜು ಮತ್ತು ಆಸ್ಪತ್ರೆ ಕೊಟ್ಟಿದ್ದೀನಿ. ಬಡವರಿಗೆ 5 ಸಾವಿರ ನಿವೇಶನ, ಮಂಚೇನಹಳ್ಳಿ ತಾಲೂಕು ಮಾಡಿರುವುದು ಚರಿತ್ರೆಯಲ್ಲಿ ದಾಖಲಾಗುತ್ತೆ,'' ಎಂದು ತಿರುಗೇಟು ನೀಡಿದರು. ಕ್ಷೇತ್ರಕ್ಕೆ ಡಿಕೆಶಿ, ಕುಮಾರಸ್ವಾಮಿ ಬಂದು ಪ್ರಚಾರ ನಡೆಸಿದರೆ ಹೆಚ್ಚು ಮತ ಬರುತ್ತದೆ ಎಂಬ ಜಮಾನ ಮುಗಿಯಿತು. ಡಿ.9ರ ನಂತರ ಯಡಿಯೂರಪ್ಪ ಅವರು ಇನ್ನೂ ಸ್ಟ್ರಾಂಗ್‌ ಆಗ್ತಾರೆ. ಅವರನ್ನು ಯಾರೂ ಅಲುಗಾಡಿಸಲು ಆಗಲ್ಲ. - ನಾಗೇಶ್‌, ಅಬಕಾರಿ ಸಚಿವ.

from India & World News in Kannada | VK Polls https://ift.tt/34vNvlH

ಶಿವಾಜಿನಗರದಲ್ಲಿ ಜೆಡಿಎಸ್‌ ಗೆದ್ದರೂ ಅಚ್ಚರಿಯಿಲ್ಲ; ಬಿಜೆಪಿ-ಕಾಂಗ್ರೆಸ್‌ಗೆ ಒಳ ಏಟಿನದ್ದೇ ಚಿಂತೆ!

- ಕೆಂಚೇಗೌಡ ಬೆಂಗಳೂರುಶಿವಾಜಿನಗರ: ಮುಸ್ಲಿಮರೇ ಬಹುಸಂಖ್ಯಾತರಾಗಿರುವ ಶಿವಾಜಿನಗರದಲ್ಲಿ19 ಅಭ್ಯರ್ಥಿಗಳು ಕಣದಲ್ಲಿದ್ದರೂ ಅಂತಿಮ ಹಣಾಹಣಿ ಕಾಂಗ್ರೆಸ್‌ನ ರಿಜ್ವಾನ್‌ ಅರ್ಷದ್‌ ಮತ್ತು ಬಿಜೆಪಿಯ ಎಂ. ಶರವಣ ಮಧ್ಯೆ ಕೇಂದ್ರೀಕೃತವಾಗುವ ಸಾಧ್ಯತೆ ಇದೆ. ಮುಸ್ಲಿಂ ಮತ ವಿಭಜನೆಯ ಲಾಭ ಪಡೆದು ಬಿಜೆಪಿಯ ಕಟ್ಟಾ ಸುಬ್ರಮಣ್ಯ ನಾಯ್ಡು 1999 ಮತ್ತು 2004ರಲ್ಲಿಗೆದ್ದಿದ್ದರು. ನಂತರ 2008, 2013 ಹಾಗೂ 2018ರಲ್ಲಿಕಾಂಗ್ರೆಸ್‌ನಿಂದ ಆರ್‌. ರೋಷನ್‌ ಬೇಗ್‌ ಸತತವಾಗಿ ಆರಿಸಿಬಂದಿದ್ದರು. ಶಾಸಕತ್ವಕ್ಕೆ ರಾಜೀನಾಮೆ ಕೊಟ್ಟ ಬೇಗ್‌ಗೆ ತಾತ್ವಿಕ ಸಂಘರ್ಷ ಮತ್ತಿತರ ಕಾರಣಕ್ಕೆ ‘ಕಮಲ’ ಪಾಳಯದೊಳಗೆ ಪ್ರವೇಶ ಸಿಗಲಿಲ್ಲ. ಅತಂತ್ರರಾದ ಬೇಗ್‌ ಪಕ್ಷೇತರರಾಗಿ ಸ್ಪರ್ಧಿಸಲು ಬಯಸಿದ್ದರೂ ಕೊನೇ ಕ್ಷಣದಲ್ಲಿಹಿಂದೆ ಸರಿದರು. ಬಿಜೆಪಿ ಕಳೆದೆರಡು ಚುನಾವಣೆಗಳಲ್ಲಿ ಅಭ್ಯರ್ಥಿಗಳಾಗಿದ್ದ ನಿರ್ಮಲ್‌ ಕುಮಾರ್‌ ಸುರಾನ ಹಾಗೂ ಕಟ್ಟಾ ಸುಬ್ರಮಣ್ಯ ನಾಯ್ಡು ಅವರನ್ನು ಬದಿಗೆ ಸರಿಸಿ ಬಿಬಿಎಂಪಿ ಮಾಜಿ ಸದಸ್ಯ ಎಂ. ಶರವಣ ಅವರಿಗೆ ಟಿಕೆಟ್‌ ನೀಡಿದೆ. ಕಾಂಗ್ರೆಸ್‌ನ ಹಿರಿತಲೆಗಳ ವಿರೋಧದ ನಡುವೆಯೇ ಸಿದ್ದರಾಮಯ್ಯ ಅವರು ರಿಜ್ವಾನ್‌ ಅರ್ಷದ್‌ಗೆ ಟಿಕೆಟ್‌ ತೆಗೆಸಿಕೊಟ್ಟಿದ್ದಾರೆ. ಜೆಡಿಎಸ್‌ನಿಂದ ತನ್ವೀರ್‌ ಅಹ್ಮದ್‌ ಮತ್ತು ಇತರ ಐವರು ಮುಸ್ಲಿಮರು ಪಕ್ಷೇತರರಾಗಿ ಕಣದಲ್ಲಿದ್ದಾರೆ. ಇಲ್ಲಿನ ಮುಸ್ಲಿಂ ಮತದಾರರ ಸಂಖ್ಯೆ 45 ಸಾವಿರ, 2ನೇ ಸ್ಥಾನದಲ್ಲಿರುವ ತಮಿಳು ಭಾಷಿಕರು 34,000. 30 ಸಾವಿರ ದಲಿತರು, 23 ಸಾವಿರ ಕ್ರೈಸ್ತರು, 9 ಸಾವಿರ ಜೈನ, 8 ಸಾವಿರ ಬಲಿಜರಿದ್ದಾರೆ. ನಾನಾ ಧರ್ಮದವರು ಇಲ್ಲಿರುವುದು ವಿಶೇಷ. ತಮಿಳು ಭಾಷಿಕರ ಮತ ಬ್ಯಾಂಕ್‌ ತಮ್ಮದೆಂದು ಬಿಜೆಪಿ ಬೀಗುತ್ತಾ ಗೆಲ್ಲುವ ಉತ್ಸಾಹದಲ್ಲಿದೆ. ಮುಸ್ಲಿಮರ ಜತೆ ಕ್ರೈಸ್ತರು, ದಲಿತರು, ಹಿಂದುಳಿದ ವರ್ಗಗಳ ಮತಗಳ ನಿರೀಕ್ಷೆಯಲ್ಲಿದೆ ಕಾಂಗ್ರೆಸ್‌. ಎಸ್‌ಡಿಪಿಐ ಹಾಗೂ ಜೆಡಿಎಸ್‌ ಸ್ಪರ್ಧಿಗಳು ಕಸಿಯುವ ಮತ ಯಾರದು ಎನ್ನುವುದರ ಆಧಾರದಲ್ಲಿಕಾಂಗ್ರೆಸ್‌ ಮತ್ತು ಬಿಜೆಪಿ ಅಭ್ಯರ್ಥಿಗಳ ಹಣೆಬರಹ ನಿರ್ಧಾರವಾಗಲಿದೆ. ರೋಷನ್‌ ಬೇಗ್‌ ಅವರು ಬಿಜೆಪಿ ಟಿಕೆಟ್‌ ವಂಚಿತರಾದರೂ ಕಮಲ ಪಕ್ಷದ ಬೆಂಬಲಕ್ಕೆ ನಿಂತಿದ್ದಾರೆ. ತಮ್ಮ ಹಿಂದೂ ಬೆಂಬಲಿಗರ ಮತಗಳನ್ನು ಬಿಜೆಪಿಗೆ ಹಾಗೂ ಮುಸ್ಲಿಂ ಮತಗಳನ್ನು ಎಸ್‌ಡಿಪಿಐ ಇಲ್ಲವೇ ಜೆಡಿಎಸ್‌ಗೆ ವರ್ಗಾಯಿಸುವ ತಂತ್ರಗಾರಿಕೆ ಪ್ರಯೋಗಿಸಿದ್ದಾರೆ ಎನ್ನಲಾಗಿದೆ. ಬೇಗ್‌ ಒತ್ತಾಸೆಯಂತೆ ಬೆಂಬಲಿಗ ಕಾರ್ಪೊರೇಟರ್‌ಗಳಾದ ಗುಣಶೇಖರ್‌ ಹಾಗೂ ನೇತ್ರಾವತಿ ಅವರನ್ನು ಬಿಜೆಪಿಗೆ ಸೇರಿಸಿದ್ದಾರೆ. ಬೇಗ್‌ ಅವರ ತಂತ್ರಗಾರಿಕೆ ಫಲಿತಾಂಶದ ದಿಕ್ಕು ನಿರ್ಧರಿಸಲಿದೆ. ಬಿಜೆಪಿಗೆ ಸಾಂಪ್ರದಾಯಿಕ ಮತಗಳ ಜತೆಗೆ ತಮಿಳು ಹಾಗೂ ದಲಿತ ಕ್ರೈಸ್ತರ ಮತಗಳು ಸಿಗುವ ಲೆಕ್ಕಾಚಾರವಿದೆ. ಆದರೆ ಅನಿರೀಕ್ಷಿತ ಅಭ್ಯರ್ಥಿಯಾಗಿರುವ ಶರವಣ ಗೆಲುವಿಗೆ ಬಿಜೆಪಿಯ ಎಲ್ಲರೂ ಪ್ರಾಮಾಣಿಕ ಶ್ರಮ ಹಾಕುತ್ತಿರುವ ಬಗ್ಗೆ ಅನುಮಾನವಿದೆ. ಬೇಗ್‌ ಅತಂತ್ರರಾದರೂ, ಬಿಜೆಪಿ ಬೆಂಬಲಕ್ಕೆ ನಿಂತಿರುವ ಬಗ್ಗೆ ಮುಸ್ಲಿಂ ಸಮುದಾಯದಲ್ಲಿಸಿಟ್ಟಿದೆ. ಅದೇ ರೀತಿ ಕಾಂಗ್ರೆಸ್‌ನ ರಿಜ್ವಾನ್‌ ಅರ್ಷದ್‌ಗೆ ಸ್ವಪಕ್ಷೀಯರು ಮತ್ತು ಸ್ವಧರ್ಮೀಯರೇ ತೊಡಕಾಗಿದ್ದಾರೆ. ರಿಜ್ವಾನ್‌ಗೆ ಟಿಕೆಟ್‌ ನೀಡಿಕೆ ವಿರೋಧಿಸಿದ್ದ ಬಹಳಷ್ಟು ಹಿರಿಯ ಕಾಂಗ್ರೆಸ್ಸಿಗರು ಪ್ರಚಾರಕ್ಕೆ ಬಂದಿಲ್ಲ. ತೆರೆಮರೆಯ ಈ ಲೆಕ್ಕಾಚಾರ ಹಾಗೂ ತಂತ್ರಗಾರಿಕೆಗಳು ಫಲಿತಾಂಶದ ಮೇಲೆ ಯಾವ ರೀತಿಯ ಪರಿಣಾಮ ಬೀರಲಿದೆ ಎಂಬುದು ಕುತೂಹಲ ಕೆರಳಿಸಿದೆ.

from India & World News in Kannada | VK Polls https://ift.tt/34vDCV7

ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಸೆಮಿಫೈನಲ್; ಮನೀಶ್ ಪಾಂಡೆಗೆ ಗೆಲುವೊಂದೇ ಗುರಿ

ಸೂರತ್: ದೇಶೀಯ ಚುಟುಕು ಕ್ರಿಕೆಟಿನ ರಾಜ ‘ಸೈಯದ್‌ ಮುಷ್ತಾಕ್‌ ಅಲಿ ಟ್ರೋಫಿ’ ಟ್ವೆಂಟಿ20 ಟೂರ್ನಿ ಇದೀಗ ನಾಕೌಟ್‌ ಹಂತ ಪ್ರವೇಶಿಸಿದ್ದು, ಶುಕ್ರವಾರ ಎರಡು ಸೆಮಿಫೈನಲ್‌ ಪಂದ್ಯಗಳಿಗೆ ಇಲ್ಲಿನ ಲಾಲಾಭಾಯ್‌ ಕಂಟ್ರ್ಯಾಕ್ಟರ್‌ ಸ್ಟೇಡಿಯಂ ವೇದಿಕೆ ಒದಗಿಸುತ್ತಿದೆ. ಮೊದಲ ಸೆಮಿಫೈನಲ್‌ನಲ್ಲಿ ಕರ್ನಾಟಕ ತಂಡ ಹರಿಯಾಣ ಬಳಗದ ಸವಾಲು ಎದುರಿಸಲಿದ್ದರೆ, ಎರಡನೇ ಸೆಮಿಫೈನಲ್‌ನಲ್ಲಿ ತಮಿಳುನಾಡು ತಂಡಕ್ಕೆ ರಾಜಸ್ಥಾನ ಪಾಳಯದಿಂದ ಕಠಿಣ ಸ್ಪರ್ಧೆ ಎದುರಾಗಲಿದೆ. ಸತತ 15 ಪಂದ್ಯ ಗೆದ್ದು ದಾಖಲೆ ಬರೆದಿದ್ದ ಕರ್ನಾಟಕ ತಂಡ, ಲೀಗ್‌ ಹಂತದಲ್ಲಿ ಬರೋಡಾ ವಿರುದ್ಧ ಸೋಲುವುದರೊಂದಿಗೆ ಗೆಲುವಿನ ಸರಪಳಿ ಕಡಿದುಕೊಂಡಿತ್ತು. ಆದರೂ, ಗ್ರೂಪ್‌ ಹಂತದಲ್ಲಿ ಆಡಿದ ಆರು ಪಂದ್ಯಗಳಲ್ಲಿ 5-1ರ ಜಯಾಪಜಯ ಹಾಗೂ ನೆಟ್‌ ರನ್‌ರೇಟ್‌ ಆಧಾರದ ಮೇಲೆ ಮನೀಶ್‌ ಪಾಂಡೆ ಬಳಗ ಬರೋಡಾ ನಂತರ ದ್ವಿತೀಯ ಸ್ಥಾನಿಯಾಗಿ ಸೂಪರ್‌ ಲೀಗ್‌ಗೆ ತೇರ್ಗಡೆಗೊಂಡಿತ್ತು. ಬಳಿಕ ಸೂಪರ್‌ ಲೀಗ್‌ನಲ್ಲೂ ಮಿಂಚಿದ ಕಳೆದ ಬಾರಿಯ ಚಾಂಪಿಯನ್‌ ತಂಡ, ಮೂರು ಪಂದ್ಯಗಳಲ್ಲಿ ಜಯಿಸಿತು. ಆದರೆ, ಕೊನೆಯ ಪಂದ್ಯದಲ್ಲಿ ಮುಂಬಯಿಗೆ ಶರಣಾಯಿತು. ಹೀಗಾಗಿ ಸೆಮಿಫೈನಲ್ಸ್‌ ಪ್ರವೇಶಕ್ಕಾಗಿ ಮುಂಬಯಿ ಮತ್ತು ಪಂಜಾಬ್‌ ನಡುವಣ ಸೂಪರ್‌ ಲೀಗ್‌ನ ಕೊನೆಯ ಪಂದ್ಯದ ಫಲಿತಾಂಶವ ನ್ನು ಅವಲಂಬಿಸುವಂತಾಯಿತು. ಆ ಪಂದ್ಯದಲ್ಲಿ ಮುಂಬಯಿ ತಂಡ 243 ರನ್‌ಗಳ ಶಿಖರವನ್ನೇ ನಿರ್ಮಿಸಿತು. ಆದರೆ, ಸೆಮಿಫೈನಲ್ಸ್‌ ಪ್ರವೇಶಿಸಬೇಕಿದ್ದರೆ ಸೂರ್ಯಕುಮಾರ್‌ ಯಾದವ್‌ ಬಳಗ ಪಂಜಾಬ್‌ ತಂಡವನ್ನು 150 ರನ್‌ಗಳೊಳಗೆ ಕಟ್ಟಿಹಾಕಲೇಬೇಕಿತ್ತು. ಗುರಿ ಬೆನ್ನಟ್ಟಿದ ಪಂಜಾಬ್‌ ತಂಡ 221 ರನ್‌ ಕಲೆಹಾಕಿ ಮುಂಬಯಿ ದಾರಿಗೆ ಮುಳ್ಳಾಯಿತು. ವಿಜೇತ ಮುಂಬಯಿ ತಂಡ 12 ಅಂಕ ಕಲೆಹಾಕಿತು. ಇದೇ ವೇಳೆ ಕರ್ನಾಟಕ ಮತ್ತು ತಮಿಳುನಾಡು ತಂಡಗಳೂ ತಲಾ 12 ಅಂಕ ಕಲೆಹಾಕಿದ್ದರಿಂದ ಉಪಾಂತ್ಯ ಪ್ರವೇಶಕ್ಕೆ ನೆಟ್‌ ರನ್‌ರೇಟ್‌ ಮಾನದಂಡವಾಯಿತು. ಈ ಸ್ಪರ್ಧೆಯಲ್ಲಿ ಕರ್ನಾಟಕ ತಂಡ (+0.762) ಮುಂಬಯಿಗಿಂತ (- 0.194) ಮೇಲುಗೈ ಸಾಧಿಸಿ ಬಿ ಗುಂಪಿನಿಂದ 2ನೇ ಸ್ಥಾನಿಯಾಗಿ ಅಂತಿಮ 4ರ ಘಟ್ಟ ಪ್ರವೇಶಿಸಿದೆ. ಐಪಿಎಲ್ ಮೇಲೆ ಆಟಗಾರರ ಕಣ್ಣು: ಐಪಿಎಲ್‌ 13ನೇ ಆವೃತ್ತಿಯ ಆಟಗಾರರ ಹರಾಜು ಪ್ರಕ್ರಿಯೆ ಇನ್ನು ಕೆಲವೇ ದಿನಗಳಲ್ಲಿ ನಡೆಯಲಿರುವ ಹಿನ್ನೆಲೆಯಲ್ಲಿ ಉತ್ತಮ ಪ್ರದರ್ಶನ ನೀಡಲು ಆಟಗಾರರು ತುದಿಗಾಲಲ್ಲಿ ನಿಂತಿದ್ದಾರೆ. ಕರ್ನಾಟಕ ತಂಡದ ಯುವ ಆಟಗಾರ ದೇವದತ್‌ ಪಡಿಕ್ಕಲ್‌ ಹಾಗೂ ಹರಿಯಾಣದ ಹರ್ಷಲ್‌ ಪಟೇಲ್‌ ಮೇಲೆ ಐಪಿಎಲ್‌ ಫ್ರಾಂಚೈಸಿಗಳ ಕಣ್ಣು ನೆಟ್ಟಿದೆ. ಪಡಿಕ್ಕಲ್‌ 10 ಇನಿಂಗ್ಸ್‌ಗಳಿಂದ 461 ರನ್‌ ಪೇರಿಸಿದ್ದರೆ, ಹರ್ಷಲ್‌ 11 ಇನಿಂಗ್ಸ್‌ಗಳಿಂದ 340 ರನ್‌ಗಳ ಜತೆಗೆ 18 ವಿಕೆಟ್‌ ಸಹ ಕಬಳಿಸಿದ್ದಾರೆ. 16 ವಿಕೆಟ್‌ ಪಡೆದಿರುವ ಶ್ರೇಯಸ್‌ ಗೋಪಾಲ್‌ ಕರ್ನಾಟಕದ ಪರ ಗರಿಷ್ಠ ವಿಕೆಟ್‌ಗಳ ಸರದಾರನೆನಿಸಿದ್ದಾರೆ. ಕರ್ನಾಟಕಕ್ಕೆ ಮಯಾಂಕ್ ಬಲ: ಇಲ್ಲಿಯ ತನಕ ರಾಷ್ಟ್ರೀಯ ಸೇವೆಯಲ್ಲಿದ್ದ ಆರಂಭಿಕ ಬ್ಯಾಟ್ಸ್‌ಮನ್‌ ಮಯಾಂಕ್‌ ಅಗರ್ವಾಲ್‌ ಈಗ ಕರ್ನಾಟಕ ತಂಡದ ಸೇವೆಗೆ ಲಭ್ಯವಾಗಿರುವುದರಿಂದ ಬ್ಯಾಟಿಂಗ್‌ ಬಲ ಇಮ್ಮಡಿಗೊಂಡಿದೆ. ಏತನ್ಮಧ್ಯೆ, ಕೆಪಿಎಲ್‌ ಬೆಟ್ಟಿಂಗ್‌ ಹಗರಣಕ್ಕೆ ಸಂಬಂಧಿಸಿದಂತೆ ಆಟಗಾರರಿಗೆ ಬೆಂಗಳೂರು ಕ್ರೈಮ್‌ ಬ್ರಾಂಚ್‌ ಪೊಲೀಸರು ನೋಟಿಸ್‌ ನೀಡಿದ್ದಾರೆ. ಇದು ತಂಡದ ಮೇಲೆ ಯಾವ ಪರಿಣಾಮ ಬೀರಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2q5YDqM

ಗೂಗಲ್‌ ವಿಳಾಸ ತಿದ್ದಿ, ವಾರ್ಡನ್‌ ಎಂದು ಹೇಳಿಕೊಂಡು ಸಾವಿರಾರು ರೂ. ಪೀಕಿದ 19ರ ಯುವಕ!

- ಹರೀಶ್‌ ಎಲ್‌. ತಲಕಾಡು ಮೈಸೂರು: ಜನರನ್ನು ವಂಚಿಸಲು ನಾನಾ ತಂತ್ರಗಳನ್ನು ಖದೀಮರು ನಡೆಸುವುದು ಸಾಮಾನ್ಯ. ಆದರೆ ಇಲ್ಲೊಬ್ಬ ವಂಚಕ ತಾನು ಹಾಸ್ಟೆಲ್‌ ವಾರ್ಡನ್‌ ಎಂದು ಹೇಳಿ ಕೊಂಡು ವಿದ್ಯಾರ್ಥಿಗಳಿಂದ ತನ್ನ ಖಾತೆಗೆ ಹಣ ಹಾಕುವಂತೆ ವ್ಯವಸ್ಥೆ ಮಾಡಿಕೊಂಡಿದ್ದ. ಅದಕ್ಕಾಗಿ ಗೂಗಲ್‌ ಮ್ಯಾಪ್‌ನಲ್ಲಿನ ವಿಳಾಸದಲ್ಲಿ ತಿದ್ದುಪಡಿ ಮಾಡಿದ್ದ. ಗೂಗಲ್‌ ಮ್ಯಾಪ್‌ನಲ್ಲಿದ್ದ ಸರಕಾರಿ ಹಾಸ್ಟೆಲ್‌ನ ವಿಳಾಸಕ್ಕೆ ತನ್ನ ಮೊಬೈಲ್‌ ನಂಬರ್‌ ಸೇರ್ಪಡೆಗೊಳಿಸಿ ಏಳೆಂಟು ಮಂದಿ ವಿದ್ಯಾರ್ಥಿಗಳಿಗೆ ವಂಚಿಸಿದ್ದಾನೆ. ಪ್ರತಿಯೊಬ್ಬ ವಿದ್ಯಾರ್ಥಿಯಿಂದ 2 ರಿಂದ ಮೂರು ಸಾವಿರ ರೂ. ವಸೂಲಿ ಮಾಡಿದ್ದಾನೆ. ಚಾಮರಾಜನಗರ ಜಿಲ್ಲೆ ಚಂಗವಾಡಿ ಗ್ರಾಮದ ನಿವಾಸಿ ಪಿ.ವಿಜಯ್‌(19) ಎಂಬಾತನೇ ಹಾಸ್ಟೆಲ್‌ನ ಗೂಗಲ್‌ ವಿಳಾಸವನ್ನೇ ತಿದ್ದುಪಡಿ ಮಾಡಿ ವಂಚಿಸಿದ ಭೂಪ. ನಗರದ ಆನಂದ ನಗರದಲ್ಲಿರುವ ಹಿಂದುಳಿದ ವರ್ಗಗಳ ಇಲಾಖೆಯ ಸ್ನಾತಕೋತ್ತರ ಬಾಲಕರ ವಿದ್ಯಾರ್ಥಿ ನಿಲಯದ ವಿಳಾಸ ಗೂಗಲ್‌ ಮ್ಯಾಪ್‌ನಲ್ಲಿ ಅಪ್‌ಲೋಡ್‌ ಆಗಿದ್ದು, ಹಾಸ್ಟೆಲ್‌ನ ದೂರವಾಣಿ ಸಂಖ್ಯೆ ನಮೂದಾಗದೆ ಖಾಲಿ ಇತ್ತು. ಇದನ್ನೇ ತನ್ನ ಅನುಕೂಲಕ್ಕೆ ಬಳಸಿಕೊಂಡ ವಿಜಯ್‌, ಗೂಗಲ್‌ನಲ್ಲಿ ಹಾಸ್ಟೆಲ್‌ನ ವಿಳಾಸವನ್ನು ತಿದ್ದುಪಡಿ ಮಾಡುವ ನೆಪದಲ್ಲಿ ತನ್ನ ಮೊಬೈಲ್‌ ಸಂಖ್ಯೆಯನ್ನು ಸೇರ್ಪಡೆಗೊಳಿಸಿದ್ದಾನೆ. ಮೈಸೂರಿನಲ್ಲಿ ಉನ್ನತ ವ್ಯಾಸಂಗಕ್ಕೆ ಬಂದ ಬೇರೆ ಜಿಲ್ಲೆಯ ವಿದ್ಯಾರ್ಥಿಗಳು, ಮೈಸೂರು ನಗರದಲ್ಲಿರುವ ಬಿಸಿಎಂ ಹಾಸ್ಟೆಲ್‌ಗಳ ವಿಳಾಸವನ್ನು ಗೂಗಲ್‌ ಮೂಲಕ ಪತ್ತೆ ಹಚ್ಚಿ, ವಿಳಾಸದ ಜತೆಗೆ ಇದ್ದ ಮೊಬೈಲ್‌ ನಂಬರ್‌ಗೆ ಕರೆ ಮಾಡಿದ್ದಾರೆ. ಆಗ ಕರೆ ಸ್ವೀಕರಿಸಿದ ವಿಜಯ್‌, ತಾನೇ ಹಾಸ್ಟೆಲ್‌ ವಾರ್ಡನ್‌ ಎಂದು ಹೇಳಿಕೊಂಡಿದ್ದು, ನಿಮಗೆ ಸೀಟ್‌ ಕೊಡುವುದಾಗಿ ಭರವಸೆ ನೀಡಿದ್ದಾನೆ. ಅದಕ್ಕೂ ಮುನ್ನ ಹಣ ನೀಡಬೇಕು ಎಂದು ಹೇಳಿ, ತಮ್ಮ ತಾಯಿಯ ಹೆಸರಿನಲ್ಲಿದ್ದ ಬ್ಯಾಂಕ್‌ ಖಾತೆಯ ಸಂಖ್ಯೆಯನ್ನು ನೀಡಿದ್ದಾನೆ. ಸೀಟಿಗಾಗಿ ಕಾಯುತ್ತಿದ್ದ ವಿದ್ಯಾರ್ಥಿಗಳು ಬ್ಯಾಂಕ್‌ ಖಾತೆಗೆ ಹಣ ಜಮಾ ಮಾಡುತ್ತಿದ್ದಂತೆ ಮೊಬೈಲ್‌ ಸ್ವೀಚ್‌ ಆಫ್‌ ಮಾಡಿಕೊಂಡಿದ್ದಾನೆ. ಹೀಗೆ ಏಳೆಂಟು ಮಂದಿ ವಿದ್ಯಾರ್ಥಿಗಳು ಕರೆ ಮಾಡಿದ್ದು, ವಿಜಯ್‌ ನೀಡಿದ ಬ್ಯಾಂಕ್‌ ಖಾತೆಗೆ 2ರಿಂದ 3 ಸಾವಿರ ರೂ. ಹಣ ಜಮಾ ಮಾಡಿದ್ದಾರೆ. ಸೀಟ್‌ ಸಿಗುವ ನಿರೀಕ್ಷೆಯಲ್ಲಿ ಹಾಸ್ಟೆಲ್‌ನ ಕಚೇರಿಗೆ ಬಂದ ವಿದ್ಯಾರ್ಥಿಗಳಿಗೆ ಶಾಕ್‌ ಕಾದಿತ್ತು. ಹಾಸ್ಟೆಲ್‌ನ ಮೇಲ್ವಿಚಾರಕರು ತಮಗೆ ಯಾರು ಕರೆ ಮಾಡಿಲ್ಲ. ಹಣ ಪಡೆದು ಸೀಟು ಕೊಡುವ ವ್ಯವಸ್ಥೆ ಇಲ್ಲ ಎಂದು ಹೇಳಿದ್ದಾರೆ. ಆಗ ವಿದ್ಯಾರ್ಥಿಗಳು, ತಾವು ಗೂಗಲ್‌ನಲ್ಲಿದ್ದ ಮೊಬೈಲ್‌ ನಂಬರ್‌ಗೆ ಕರೆ ಮಾಡಿರುವುದನ್ನು ಸಾಕ್ಷ್ಯಸಮೇತ ತೋರಿಸಿದ್ದಾರೆ. ಆಗ ಹಾಸ್ಟೆಲ್‌ನ ವಾರ್ಡನ್‌ ಎಲ್‌.ನಾಗೇಶ್‌ ಅವರಿಗೆ ತಮ್ಮ ಹೆಸರು ಹೇಳಿಕೊಂಡು, ಯಾರೋ ವಿದ್ಯಾರ್ಥಿಗಳಿಗೆ ವಂಚನೆ ಮಾಡಿರುವುದು ಗೊತ್ತಾಗಿದೆ. ತಕ್ಷಣ ಈ ಸಂಬಂಧ ಸೈಬರ್‌ ಕ್ರೈಂ ಠಾಣೆ ಪೊಲೀಸರಿಗೆ ದೂರು ನೀಡಿದ್ದಾರೆ. ವಿಳಾಸದಲ್ಲಿ ದಾಖಲಾಗಿದ್ದ ಮೊಬೈಲ್‌ ಸಂಖ್ಯೆಯ ಮೂಲಕ ವಿಳಾಸವನ್ನು ಪತ್ತೆ ಮಾಡಿದ ಪೊಲೀಸರು, ಆರೋಪಿಯನ್ನು ಬಂಸುವಲ್ಲಿಯಶಸ್ವಿಯಾಗಿದ್ದು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ. ವಿಚಾರಣೆ ವೇಳೆ ಬಂತ ವಿಜಯ್‌, ತಾನು ಹಾಸ್ಟೆಲ್‌ನ ವಿಳಾಸವನ್ನು ಅಪ್‌ಡೇಟ್‌ ಮಾಡುವ ನೆಪದಲ್ಲಿ ತನ್ನ ಮೊಬೈಲ್‌ ನಂಬರ್‌ ಸೇರ್ಪಡೆಗೊಳಿಸಿರುವುದಾಗಿ ಒಪ್ಪಿಕೊಂಡಿದ್ದಾನೆ. ಗೂಗಲ್‌ನಲ್ಲಿ ಇರುವ ವಿಳಾಸ ಮತ್ತು ದೂರವಾಣಿ ಸಂಖ್ಯೆಯನ್ನು ಸಂಬಂಧ ಪಟ್ಟ ಇಲಾಖೆಯ ಅಥವಾ ಸಂಸ್ಥೆಯ ಮುಖ್ಯಸ್ಥರು, ಆಗಾಗ್ಗೆ ಪರಿಶೀಲನೆ ಮಾಡಿಕೊಂಡರೆ ಇಂತಹ ವಂಚನೆಗಳನ್ನು ತಪ್ಪಿಸಬಹುದು. ಈ ಬಗ್ಗೆ ಎಚ್ಚರಿಕೆ ಅಗತ್ಯ ಎಂದು ಪೊಲೀಸರು ಮನವಿ ಮಾಡಿದ್ದಾರೆ. ಈಗಲೂ ಅದೇ ನಂಬರ್‌: ಹಾಸ್ಟೆಲ್‌ನ ವಿಳಾಸದೊಂದಿಗೆ ವಂಚಕ ಅಪ್‌ಡೇಟ್‌ ಮಾಡಿರುವ ಮೊಬೈಲ್‌ ಸಂಖ್ಯೆ ಈಗಲೂ ಇದ್ದು, ಸಂಬಂಧ ಪಟ್ಟ ಅಧಿಕಾರಿಗಳು ಕ್ರಮ ಕೈಗೊಳ್ಳದೇ ನಿರ್ಲಕ್ಷ್ಯವಹಿಸಿರುವುದು ಕಂಡು ಬಂದಿದೆ.

from India & World News in Kannada | VK Polls https://ift.tt/2L1GYrk

ಕೊಯ್ಲು ಆರಂಭವಾದರೂ ಭತ್ತ ಖರೀದಿ ಕೇಂದ್ರವೇ ತೆರೆಯಲಾಗಿಲ್ಲ!

- ರಾಜೇಂದ್ರ, ಕೃಷ್ಣರಾಜನಗರ ಭತ್ತದ ಕಣಜ ಖ್ಯಾತಿಯ ಕೃಷ್ಣರಾಜನಗರ ತಾಲೂಕಿನಲ್ಲಿ ಈ ಬಾರಿ ಸಮೃದ್ಧ ಮಳೆಯಿಂದ ಉತ್ತಮ ಫಸಲು ಬಂದಿದ್ದು, ಕೊಯ್ಲು ಆರಂಭವಾದರೂ ಖರೀದಿ ಕೇಂದ್ರ ತೆರೆಯದೆ ದಲ್ಲಾಳಿಗಳ ಹಾವಳಿಯಿಂದ ಬೆಲೆ ನಷ್ಟ ಅನುಭವಿಸುವ ಆತಂಕ ಎದುರಾಗಿದೆ. ಹಲವು ವರ್ಷಗಳಿಗೆ ಹೋಲಿಸಿದರೆ ಈ ಬಾರಿ ಉತ್ತಮ ಬೆಳೆ ಬಂದಿದ್ದು, ರೈತರಲ್ಲಿ ಮಂದಹಾಸ ಮೂಡಿಸಿದೆ. ಹಾಗಾಗಿ ರೈತರು ಯಾವುದೇ ರಾಜಕೀಯ, ಇತರ ಕೆಲಸ ಬದಿಗಿಟ್ಟು ಭತ್ತದ ಗದ್ದೆಗಳತ್ತ ಮುಖ ಮಾಡಿದ್ದಾರೆ. ತಾಲೂಕಿನ ಒಟ್ಟು ಕೃಷಿ ಪ್ರದೇಶದಲ್ಲಿಶೇ.50ಕ್ಕೂ ಹೆಚ್ಚು ಭಾಗ ಬೆಳೆಯುವ ತಾಲೂಕಿನಲ್ಲಿ ಎಲ್ಲೆಡೆ ಭತ್ತದ ಕೊಯ್ಲು ಪ್ರಾರಂಭವಾಗಿದೆ. ಈಗಾಗಲೆ ಕೆಲವರು ಭತ್ತ ಬಡಿದು ಮನೆಗೆ ಸಾಗಿಸಿದ್ದಾರೆ. ರೈತರು ಕಷ್ಟಪಟ್ಟು ಬೆಳೆದ ಬೆಳೆಗೆ ನ್ಯಾಯಯುತವಾದ ಬೆಲೆಯಿಲ್ಲದೆ ಪರದಾಡುವಂತಾಗಿದ್ದು, ಭತ್ತದ ಕೊಯ್ಲು ಪ್ರಾರಂಭವಾದರೂ ಒಂದು ಮಾರಾಟ ಕೇಂದ್ರವೂ ಇಲ್ಲದೆ ಪರದಾಡುವಂತಾಗಿದೆ. ರೈತರು ಪ್ರತಿ ಬಾರಿ ದಲ್ಲಾಳಿಗಳ ಹಾವಳಿಗೆ ಒಳಗಾಗಿ ಬೆಳೆದ ಬೆಳೆಯಿಂದ ಯಾವುದೇ ಲಾಭ ಸಿಗದೆ ಪರದಾಡುವ ಸ್ಥಿತಿ ನಿರ್ಮಾಣವಾಗಿದೆ. ಮಧ್ಯವರ್ತಿಗಳ ಹಾವಳಿ: ತಾಲೂಕು ಕೇಂದ್ರದಲ್ಲಿ ತೆರೆಯಬೇಕೆಂದು ಮಾಡುತ್ತಿರುವ ಒತ್ತಾಯದ ಕಾರಣ ತಾತ್ಕಾಲಿಕ ಖರೀದಿ ಕೇಂದ್ರ ತೆರೆಯಲಾಗುತ್ತಿದ್ದರೂ ಕಾಯಂ ಖರೀದಿ ಕೇಂದ್ರ ಇಲ್ಲ. ಹಾಗಾಗಿ ಸಕಾಲಕ್ಕೆ ಹಣ ದೊರೆಯದ ಕಾರಣ ಕಷ್ಟಪಟ್ಟು ಬೆಳೆದ ರೈತರು ಮಧ್ಯವರ್ತಿಗಳ ಹಾವಳಿಯಿಂದ ಬೆಳೆದ ಬೆಳೆಗೆ ತಕ್ಕ ಬೆಲೆ ಇಲ್ಲದೆ ನಷ್ಟ ಅನುಭವಿಸುವಂತಾಗಿದೆ. ಸರಕಾರವಾಗಲಿ, ಅಧಿಕಾರಿಗಳಾಲಿ, ಜನಪ್ರತಿನಿಧಿಗಳಾಗಲಿ ರೈತರ ಕೂಗಿಗೆ ಧ್ವನಿಗೂಡಿಸದ ಕಾರಣ ಈ ಬೇಡಿಕೆ ಈಡೇರಿಲ್ಲ. ಬೆಳೆಗೆ ಮುಂಚೆ ರೈತರು ಗದ್ದೆ ಕೆಲಸಕ್ಕಾಗಿ ಹಣಕ್ಕಾಗಿ ಪರದಾಡುವ ಸಮಯದ ಲಾಭ ಪಡೆಯುವ ಮಧ್ಯವರ್ತಿಗಳ ಹಾವಳಿಗೆ ತುತ್ತಾಗುವಂತಾಗಿದೆ. ತಾಲೂಕಿನಲ್ಲಿ 1 ಲಕ್ಷ 30 ಸಾವಿರ ಟನ್‌ ಭತ್ತದ ಉತ್ಪಾದನೆ ಬರುವ ನಿರೀಕ್ಷಿಸಲಾಗಿದೆ. ಈ ಬಾರಿ ಹೆಚ್ಚಾಗಿ ಹೈಬ್ರೀಡ್‌ ಭತ್ತಗಳಾದ ವಿಎನ್‌ಆರ್‌, ಜ್ಯೋತಿ, ಎಂಟಿಯು 1010, ಎಂಟಿಯು 1001 ಬೆಳೆಯಲಾಗಿದೆ. ಇದರೊಂದಿಗೆ ಇತರ ತಳಿಗಳನ್ನು ರೈತರು ಬೆಳೆದಿದ್ದಾರೆ. ಅಲ್ಲದೆ ಭತ್ತ ಖರೀದಿ ಕೇಂದ್ರ ತೆರೆಯುವ ಬಗ್ಗೆ ಈಗಾಗಲೆ ಜಿಲ್ಲಾಧಿಕಾರಿಗಳ ಗಮನಕ್ಕೆ ತರಲಾಗಿದೆ. - ಶಶಿಧರ್‌, ಕೃಷಿ ಸಹಾಯಕ ನಿರ್ದೇಶಕರು, ಕೃಷ್ಣರಾಜನಗರ. ಭತ್ತದ ಖರೀದಿ ಕೇಂದ್ರ ತೆರೆಯುವ ಬಗ್ಗೆ ಸರಕಾರದಿಂದ ಅಧಿಸೂಚನೆಗೆ ಕಾಯುತ್ತಿದ್ದೇವೆ. ನ.30ರಂದು ರೈತರ ಸಭೆ ಕರೆಯಲಾಗುತ್ತಿದ್ದು, ಭತ್ತ ಕಟಾವು ಯಂತ್ರೋಪಕರಣ ಬಾಡಿಗೆ ನಿಗದಿ ಹಾಗೂ ಭತ್ತ ಖರೀದಿ ಕೇಂದ್ರ ತೆರೆಯುವ ಬಗ್ಗೆ ರೈತ ಮುಖಂಡರು ಹಾಗೂ ಮಿಲ್‌ ಮಾಲೀಕರೊಂದಿಗೆ ಚರ್ಚಿಸಲಾಗುವುದು. - ಅಭಿರಾಂ ಜಿ.ಶಂಕರ್‌, ಜಿಲ್ಲಾಧಿಕಾರಿ, ಮೈಸೂರು

from India & World News in Kannada | VK Polls https://ift.tt/2srx389

ಉಪ ಚುನಾವಣೆ: ಮೂರೂ ಕ್ಷೇತ್ರ ಗೆದ್ದು ಬೀಗಿದ ತೃಣಮೂಲ ಕಾಂಗ್ರೆಸ್‌

ಪೌರ ಕಾರ್ಮಿಕ ಹುದ್ದೆಗೆ ಎಂಜಿನಿಯರ್‌,ಪದವೀಧರರಿಂದ ಅರ್ಜಿಗಳ ಮಹಾಪೂರ!

ಡಾನ್‌ ಬ್ರಾಡ್ಮನ್‌ ದಾಖಲೆ ಮುರಿಯುವ ಹೊಸ್ತಿಲಲ್ಲಿ ಸ್ಮಿತ್‌!

ಅಡಿಲೇಡ್‌: ಟೆಸ್ಟ್‌ ಕ್ರಿಕೆಟ್‌ನ ಹಾಲಿ ನಂ.1 ಬ್ಯಾಟ್ಸ್‌ಮನ್‌ ಆಸ್ಟ್ರೇಲಿಯಾದ , ಇದೀಗ ತವರಿನಲ್ಲಿ ನಡೆಯುತ್ತಿರುವ ಪಾಕಿಸ್ತಾನ ವಿರುದ್ಧದ ಟೆಸ್ಟ್‌ ಸರಣಿಯಲ್ಲಿ ವಿಶೇಷ ದಾಖಲೆಯೊಂದನ್ನು ಬರೆಯಲು ಸಜ್ಜಾಗಿದ್ದಾರೆ. ತಂಡದ ಮಾಜಿ ನಾಯಕ 30 ವರ್ಷದ ಅನುಭವಿ ಬಲಗೈ ಬ್ಯಾಟ್ಸ್‌ಮನ್‌ ಸ್ಮಿತ್‌, ಶುಕ್ರವಾರ ಅಡಿಲೇಡ್‌ ಓವಲ್‌ ಕ್ರೀಡಾಂಗಣದಲ್ಲಿ ಆರಂಭವಾಗಲಿರುವ ಪಾಕಿಸ್ತಾನ ವಿರುದ್ಧದ 2ನೇ ಟೆಸ್ಟ್‌ ಪಂದ್ಯದಲ್ಲಿ ಇನ್ನು 20 ರನ್‌ಗಳನ್ನು ಗಳಿಸಿದರೆ, ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಆಸೀಸ್‌ ಪರ ಅತಿ ಹೆಚ್ಚು ರನ್‌ ಗಳಿಸಿದ ಬ್ಯಾಟ್ಸ್‌ಮನ್‌ಗಳ ಪೈಕಿ ಸರ್‌ ಅವರನ್ನು ಹಿಂದಿಕ್ಕಲಿದ್ದಾರೆ. ಪಾಕ್‌ ವಿರುದ್ಧದ ಸರಣಿಯ ಮೊದಲ ಪಂದ್ಯದಲ್ಲೇ ಸ್ಮಿತ್‌ಗೆ ಈ ವಿಶೇಷ ದಾಖಲೆ ಬರೆಯುವ ಅವಕಾಶವಿತ್ತಾದರೂ, ಮೊದಲ ಇನಿಂಗ್ಸ್‌ನಲ್ಲಿ ಪಾಕ್‌ನ ಅನುಭವಿ ಲೆಗ್‌ ಸ್ಪಿನ್ನರ್‌ ಯಾಸಿರ್‌ ಶಾ ಎದುರು ಕೇಬವಲ 4 ರನ್‌ ಸಂಪಾದನೆಯೊಂದಿಗೆ ಕ್ಲೀನ್‌ ಬೌಲ್ಡ್‌ ಆಗಿದ್ದರು. ಗಬ್ಬಾದಲ್ಲಿ ನಡೆದ ಮೊದಲ ಟೆಸ್ಟ್‌ನಲ್ಲಿ ಆಸ್ಟ್ರೇಲಿಯಾ ತಂಡ ಇನಿಂಗ್ಸ್‌ ಗೆಲುವು ದಾಖಲಿಸಿ 3 ಪಂದ್ಯಗಳ ಸರಣಿಯಲ್ಲಿ 1-0 ಅಂತರದ ಮೇಲುಗೈ ಪಡೆಯಿತು. ಜಾಗತಿಕ ಕ್ರಿಕೆಟ್‌ನ ಸಾರ್ವಕಾಲಿಕ ಶ್ರೇಷ್ಠ ಟೆಸ್ಟ್‌ ಬ್ಯಾಟ್ಸ್‌ಮನ್‌ ಆಗಿರುವ ಡಾನ್‌ ಬ್ರಾಡ್ಮನ್‌, ತಮ್ಮ ಟೆಸ್ಟ್‌ ವೃತ್ತಿ ಬದುಕಿನಲ್ಲಿ ಆಡಿದ 80 ಇನಿಂಗ್ಸ್‌ಗಳಿಂದ 99.99ರ ಬ್ಯಾಟಿಂಗ್‌ ಸರಾಸರಿಯಲ್ಲಿ 9886 ರನ್‌ಗಳನ್ನು ಗಳಿಸಿದ್ದಾರೆ. ಸ್ಮಿತ್‌ ಈವರೆಗೆ ಒಟ್ಟು 125 ಇನಿಂಗ್ಸ್‌ಗಳನ್ನು ಆಡಿದ್ದು 6977 ರನ್‌ಗಳನ್ನು ಗಳಿಸಿದ್ದಾರೆ. ಸ್ಮಿತ್‌ 64ರ ಬ್ಯಾಟಿಂಗ್‌ ಸರಾಸರಿ ಹೊಂದಿದ್ದಾರೆ. ಈ ಮಧ್ಯೆ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಶತಕಗಳನ್ನು ಬಾರಿಸಿದ ಬ್ಯಾಟ್ಸ್‌ಮನ್‌ಗಳ ಪಟ್ಟಿಯಲ್ಲೂ ಸ್ಟೀವ್‌ ಸ್ಮಿತ್‌ (26) ಆಸೀಸ್‌ನ ದಂತಕತೆ ಬ್ರಾಡ್ಮನ್‌ (29) ಅವರಿಗಿಂತಲೂ ಹಿಂದಿದ್ದಾರೆ. ದ್ವಿತೀಯ ಟೆಸ್ಟ್‌ ಪಂದ್ಯಕ್ಕೆ ಆಸ್ಟ್ರೇಲಿಯಾ ತಂಡ ಯಾವುದೇ ಬದಲಾವಣೆ ಇಲ್ಲದ ತಂಡವನ್ನು ಪ್ರಕಟ ಮಾಡಿದ್ದು, ಪಾಕಿಸ್ತಾನ ತಂಡ ಅನುಭವಿ ವೇಗದ ಬೌಲರ್‌ ಮೊಹಮ್ಮದ್‌ ಅಬ್ಬಾಸ್‌ ಅವರನ್ನು ಕಣಕ್ಕಿಳಿಸಲು ಸಜ್ಜಾಗಿದೆ. ಅಬ್ಬಾಸ್‌ ಈವರೆಗೆ ಆಡಿರುವ 14 ಟೆಸ್ಟ್‌ ಪಂದ್ಯಗಳಲ್ಲಿ 18.86ರ ಸರಾಸರಿಯೊಂದಿಗೆ ಒಟ್ಟು 66 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಟೆಸ್ಟ್‌ನಲ್ಲಿ ಆಸೀಸ್‌ ಪರ ಅತಿ ಹೆಚ್ಚು ರನ್‌ಗಳಿಸಿದ ಬ್ಯಾಟ್ಸ್‌ಮನ್‌ಗಳು

• ರಿಕಿ ಪಾಂಟಿಂಗ್‌: 13378
• ಅಲಾನ್‌ ಬಾರ್ಡರ್‌: 11174
• ಸ್ಟೀವ್‌ ವಾ: 10927
• ಮೈಕಲ್‌ ಕ್ಲಾರ್ಕ್‌: 8643
• ಮ್ಯಾಥ್ಯೂ ಹೇಡನ್‌: 8625
• ಮಾರ್ಕ್‌ ವಾ: 8029
• ಜಸ್ಟಿನ್‌ ಲ್ಯಾಂಗರ್‌: 7696
• ಮಾರ್ಕ್‌ ಟೇಲರ್‌: 7525
• ಡೇವಿಡ್‌ ಬೂನ್‌: 7422
• ಗ್ರೆಗ್‌ ಚಾಪೆಲ್‌: 7110
• ಡಾನ್‌ ಬ್ರಾಡ್ಮನ್‌: 6996
• ಸ್ಟೀವ್‌ ಸ್ಮಿತ್‌: 6977

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2DlUbXX

ಉದ್ದವ್‌ ಠಾಕ್ರೆ 'ಮಹಾ' ಸಿಎಂ : ಛತ್ರಪತಿ ಶಿವಾಜಿ ಹೆಸರಲ್ಲಿ ಪ್ರಮಾಣವಚನ ಸ್ವೀಕಾರ

ಮುಂಬಯಿ: ಶಿವಸೇನೆ ವರಿಷ್ಠ ಉದ್ಧವ್‌ ಠಾಕ್ರೆ ಅವರು ಮಹಾರಾಷ್ಟ್ರದ ನೂತನ ಮುಖ್ಯಮಂತ್ರಿಯಾಗಿ ಗುರುವಾರ ಅಧಿಕಾರ ಸ್ವೀಕರಿಸಿದರು. ಮುಂಬೈನ ಶಿವಾಜಿ ಪಾರ್ಕ್‌ನಲ್ಲಿ ಏರ್ಪಡಿಸಲಾಗಿದ್ದ ಅದ್ದೂರಿ ಕಾರ್ಯಕ್ರಮದಲ್ಲಿ ಪ್ರಮಾಣವಚನ ಸ್ವೀಕರಿಸಿದರು. ಈ ಮೂಲಕ ಮಹಾರಾಷ್ಟ್ರ ರಾಜಕಾರಣದಲ್ಲಿ ಹೊಸ ಅಧ್ಯಾಯವೊಂದು ಆರಂಭವಾದಂತಾಗಿದೆ. ಉದ್ಧವ್‌ ಠಾಕ್ರೆ ಅವರು ಪ್ರಮಾಣ ವಚನ ಸ್ವೀಕರಿಸಲು ವೇದಿಕೆ ಏರಿದೊಡನೆ ಅಲ್ಲಿಯೇ ಇರಿಸಲಾಗಿದ್ದ ಛತ್ರಪತಿ ಶಿವಾಜಿ ಪುತ್ಥಳಿಗೆ ಶಿರಬಾಗಿ ನಮಸ್ಕರಿಸಿದರು. ನಂತರ ವೇದಿಯಲ್ಲಿ ನಿಂತು ಶಿವಾಜಿ ಹೆಸರಿನಲ್ಲಿಯೇ ಪ್ರಮಾಣ ವಚನ ಸ್ವೀಕರಿಸಿದರು. ಉದ್ಧವ್‌ ಠಾಕ್ರೆ ಪ್ರಮಾಣವಚನ ಸ್ವೀಕರಿಸಿದ ನಂತರ ಶಿವಸೇನೆ ನಾಯಕರುಗಳಾದ ಏಕನಾಥ ಶಿಂಧೆ ಹಾಗೂ ಸುಭಾಷ್‌ ದೇಸಾಯ್‌ ಅವರು ಮಂತ್ರಿಗಳಾಗಿ ಪ್ರಮಾಣವಚನ ಸ್ವೀಕರಿಸಿದರು. ಶಿವಸೇನೆ ಸ್ಥಾಪಕ ಬಾಳಾಸಾಹೇಬ್‌ ಠಾಕ್ರೆ ಅವರು ಎಂದಿಗೂ ಸರಕಾರದಲ್ಲಿ ಭಾಗಿಯಾಗಿರಲಿಲ್ಲ. ಹೀಗಾಗಿ 59 ವರ್ಷದ ಉದ್ಧವ್‌ ಠಾಕ್ರೆ ಅವರು ಮುಖ್ಯಮಂತ್ರಿಯಾಗಿ ಅಧಿಕಾರ ವಹಿಸಿಕೊಳ್ಳುವ ಠಾಕ್ರೆ ಕುಟುಂಬದ ಮೊದಲ ವ್ಯಕ್ತಿಯಾಗಿದ್ದಾರೆ. ಈವರೆಗೆ ಠಾಕ್ರೆ ಕುಟುಂಬ ಸದಸ್ಯರು ಚುನಾವಣೆಯಲ್ಲಿ ಸ್ಪರ್ಧಿಸಿರಲಿಲ್ಲ. ಉದ್ಧವ್‌ ಪುತ್ರ ಆದಿತ್ಯ ಠಾಕ್ರೆ ಅವರು ಮುಂಬಯಿಯ ವರ್ಲಿ ಕ್ಷೇತ್ರದಲ್ಲಿ ಸ್ಪರ್ಧಿಸಿ ಗೆಲುವು ಸಾಧಿಸುವ ಮೂಲಕ ಕಳೆದ ಚುನಾವಣೆಯಲ್ಲಿ ಹೊಸ ದಾಖಲೆ ಬರೆದಿದ್ದರು. ಮಂಗಳವಾರ ಸಂಜೆ ನಡೆದ ಶಿವಸೇನೆ, ಎನ್‌ಸಿಪಿ, ಕಾಂಗ್ರೆಸ್‌ ಮೈತ್ರಿಕೂಟ 'ಮಹಾ ವಿಕಾಸ ಅಘಾಡಿ'ಯ ಜಂಟಿ ಶಾಸಕಾಂಗ ಸಭೆಯಲ್ಲಿ ಉದ್ಧವ್‌ ಅವರನ್ನು ಮುಖ್ಯಂತ್ರಿ ಅಭ್ಯರ್ಥಿಯಾಗಿ ಆಯ್ಕೆ ಮಾಡಲಾಗಿದೆ.

from India & World News in Kannada | VK Polls https://ift.tt/35L51TA

ಮ್ಯಾಚ್ ಫಿಕ್ಸಿಂಗ್ ಪ್ರಕರಣ: ವಿನಯ್ ಕುಮಾರ್‌ಗೂ ಸಿಸಿಬಿ ನೋಟಿಸ್!

ಬೆಂಗಳೂರು: ಕರ್ನಾಟಕ ಪ್ರೀಮಿಯರ್ ಲೀಗ್ ಟೀ20 ಕ್ರಿಕೆಟ್‌ ಟೂರ್ನಿಯ ಮ್ಯಾಚ್ ಫಿಕ್ಸಿಂಗ್ ಪ್ರಕರಣ ಸಂಬಂಧ ಒಬ್ಬರ ಬಳಿಕ ಒಬ್ಬರು ಸ್ಟಾರ್ ಆಟಗಾರರು ಸಿಕ್ಕಿ ಬೀಳುತ್ತಿದ್ದಾರೆ. ಇದೀಗ ಕರ್ನಾಟಕ ತಂಡದ ಮಾಜಿ ನಾಯಕ ಆರ್‌. ವಿನಯ್‌ ಕುಮಾರ್ ಅವರಿಗೆ ಈ ಪ್ರಕರಣ ಸಂಬಂಧ ಸಿಸಿಬಿ ನೋಟಿಸ್ ನೀಡಿದ್ದು ವಿಚಾರಣೆಗೆ ಹಾಜರಾಗುವಂತೆ ಸೂಚಿಸಿದ್ದಾರೆಂದು ವರದಿಯಾಗಿದೆ. ಇತ್ತೀಚೆಗಷ್ಟೇ ಕರ್ನಾಟಕದ ಹಿರಿಯ ವೇಗಿ ಅಭಿಮನ್ಯು ಮಿಥುನ್ ಅವರಿಗೆ ಇದೇ ಪ್ರಕರಣ ಸಂಬಂಧ ವಿಚಾರಣೆಗೆ ಹಾಜರಾಗುವಂತೆ ಸಿಸಿಬಿ ಸೂಚಿಸಿತ್ತು. ವಿನಯ್ ಕುಮಾರ್ ಈ ಬಾರಿಯ ಕೆಪಿಎಲ್ ಟೂರ್ನಿಯಲ್ಲಿ ಹುಬ್ಬಳ್ಳಿ ಟೈಗರ್ಸ್ ತಂಡವನ್ನು ಮುನ್ನಡೆಸಿದ್ದರು. ಹೀಗಾಗಿ ಕರ್ನಾಟಕ ಕ್ರಿಕೆಟ್‌ ತಂಡದ ಅತ್ಯಂತ ಯಶಸ್ವಿ ನಾಯಕರಲ್ಲಿ ಒಬ್ಬರಾಗಿರುವ ಅವರನ್ನೂ ಬುಕ್ಕಿಗಳು ಸಂಪರ್ಕಿಸಿರುವ ಸಾಧ್ಯತೆ ಇದೆ ಎಂಬ ಅನುಮಾನ ಹಿನ್ನೆಲೆಯಲ್ಲಿ ದಾವಣಗೆರೆ ಎಕ್ಸ್‌ಪ್ರೆಸ್‌ ಖ್ಯಾತಿಯ ಆಟಗಾರನಿಗೆ ಸಿಬಿಐ ನೋಟಿಸ್ ಜಾರಿಗೊಳಿಸಿದೆ. ಭಾರತ, ಭಾರತ 'ಎ' ಮತ್ತು ಐಪಿಎಲ್‌ನಲ್ಲಿ ಆರ್‌ಸಿಬಿ, ಕೆಕೆಆರ್ ತಂಡವನ್ನು ವಿನಯ್ ಕುಮಾರ್ ಪ್ರತಿನಿಧಿಸಿದ್ದಾರೆ. ಪ್ರಸಕ್ತ ಸೈಯದ್‌ ಮುಷ್ತಾಕ್‌ ಅಲಿ ಟ್ರೋಫಿ ಟೂರ್ನಿಯಲ್ಲಿ ಪಾಂಡಿಚೆರಿ ತಂಡದ ಪರ ಆಡುತ್ತಿದ್ದಾರೆ. ಭಾರತ ತಂಡದ ಪರ 31 ಏಕದಿನ ಹಾಗೂ 9 ಟಿ20 ಕ್ರಿಕೆಟ್‌ ಪಂದ್ಯಗಳಾಡಿದ್ದು, ಕ್ರಮವಾಗಿ 38 ಹಾಗೂ 10 ವಿಕೆಟ್‌ಗಳನ್ನು ಕೂಡ ಪಡೆದಿದ್ದಾರೆ. ಜೊತೆಗೆ, ಟೀಮ್ ಇಂಡಿಯಾ ಪರ ಏಕೈಕ ಟೆಸ್ಟ್‌ ಪಂದ್ಯವಾಡಿದ್ದು ಒಂದು ವಿಕೆಟ್ ಗಳಿಸಿದ್ದಾರೆ. ಕೆಪಿಎಲ್‌ನಲ್ಲಿ ನಡೆದಿರುವ ಮ್ಯಾಚ್ ಫಿಕ್ಸಿಂಗ್ ಮತ್ತು ಪ್ರಕರಣದಲ್ಲಿ ಬೆಳಗಾವಿ ಪ್ಯಾಂಥರ್ಸ್ ತಂಡದ ಮಾಲೀಕ ಅಸ್ಫಕ್ ಅಲಿ ಹಾಗೂ ಕರ್ನಾಟಕದ ಆಟಗಾರರಾದ ಸಿ.ಎಂ.ಗೌತಮ್ ಹಾಗೂ ಅಬ್ರಾರ್ ಖಾಜಿ ಅವರನ್ನೂ ಬಂಧಿಸಿ ವಿಚಾರಣೆ ನಡೆಸಲಾಗುತ್ತಿದೆ. ಈ ಪ್ರಕರಣಗಳಲ್ಲಿ ಎಷ್ಟೇ ಪ್ರಭಾವಿಗಳು ಭಾಗಿಯಾಗಿದ್ದರೂ ಅವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುತ್ತೇವೆ ಎಂದು ಬೆಂಗಳೂರು ನಗರ ಪೊಲೀಸ್ ಆಯುಕ್ತ ಭಾಸ್ಕರ್‌ರಾವ್ ಸುದ್ದಿಗಾರರಿಗೆ ತಿಳಿಸಿದ್ದಾರೆ. ಈಗಾಗಲೇ 2019ರ ಫೈನಲ್‌ ಪಂದ್ಯದಲ್ಲಿ ಹುಬ್ಬಳ್ಳಿ ಟೈಗರ್ಸ್‌ ಎದುರು ಬಳ್ಳಾರಿ ಟಸ್ಕರ್ಸ್‌ ತಂಡದ ನಾಯಕ ಸಿಎಂ ಗೌತಮ್‌ ಮ್ಯಾಚ್‌ ಫಿಕ್ಸಿಂಗ್‌ ಸಲುವಾಗಿ 15 ಲಕ್ಷ ರೂ. ಹಣ ಪಡೆದಿದ್ದಾಗಿ ಸಿಸಿಬಿ ಪೊಲೀಸರ ಎದುರು ಒಪ್ಪಿಕೊಂಡಿದ್ದಾರೆ. ಬೆಂಗಳೂರು ಬ್ಲಾಸ್ಟರ್ಸ್‌ ತಂಡದ ಆಟಗಾರ ಎಂ. ವಿಶ್ವನಾಥ್‌ ಕೂಡ 5 ಲಕ್ಷ ರೂ. ಪಡೆದಿರುವುದು ಬೆಳಕಿಗೆ ಬಂದಿತ್ತು. ಪ್ರಕರಣ ಸಂಬಂಧ ಟೂರ್ನಿಯ ಸಂಪೂರ್ಣ ಮಾಹಿತಿ ಮತ್ತು ಫ್ರಾಂಚೈಸಿಗಳ ಹಣಕಾಸು ವಿವರಗಳನ್ನು ಒದಗಿಸುವಂತೆಯೂ ಸಿಸಿಬಿ ಪೊಲೀಸರು (ಕರ್ನಾಟಕ ರಾಜ್ಯ ಕ್ರಿಕೆಟ್‌ ಸಂಸ್ಥೆ)ಗೆ ನೋಟಿಸ್‌ ನೀಡಿದ್ದರು. ಬಿಜಾಪುರ ಬುಲ್ಸ್ ಮಾಲೀಕ ಕಿರಣ್ ಕಟ್ಟಿಮನಿ ಸ್ಪಷ್ಟಣೆ "ಹಿಂದುಳಿದ ಹುಡುಗರನ್ನ ಕರೆ ತಂದು ಅವರಿಗೆ ಒಂದು ಒಳ್ಳೆ ಭವಿಷ್ಯ ಕೊಡಿಸೋದು ನಮ್ಮ ಉದ್ದೇಶ .ಕೆಲ ಸೀನಿಯರ್ಸ್‌ಗಳು ಬೆಟ್ಟಿಂಗ್ ನಂತಹ ಕೃತ್ಯ ಎಸಗಿದ್ದಾರೆ. ಅವೆಲ್ಲವನ್ನು ಸಿಸಿಬಿ ತನಿಖೆ ನಡೆಸುತ್ತಿದೆ. ನನ್ನನ್ನು ಕೆಲ ಹಣಕಾಸು ವಿಷಯದ ಬಗ್ಗೆ ಕೇಳಿದ್ದರು. ನಮ್ಮ ಆಟಗಾರರು ಮೋಸದಾಟ ಆಡಿದ್ದರೆ ಒದ್ದು ಬುದ್ದಿ ಹೇಳ್ತಿವಿ. ನಮ್ಮ ಟೀಮ್‌ಲ್ಲಿ ಯಾರೂ ಮ್ಯಾಚ್ ಫಿಕ್ಸಿಂಗ್ ಮಾಡಿಲ್ಲ. ಈ ಬಗ್ಗೆ ಮಾಹಿತಿ ಕೊಟ್ಟಿದ್ದೇನೆ. ಕೆ ಸಿ ಕಾರಿಯಪ್ಪ, ಭರತ್ ಚಿಪ್ಲಿ, ಸೂರಜ್ ಕಾಮತ್ ಅವರಂತಹ ಆಟಗಾರರು ನಮ್ಮ ತಂಡದಲ್ಲಿದ್ದಾರೆ. ಅನುಮಾನದ ಕಾರಣ ಸಿಸಿಬಿ ಪ್ರಶ್ನೆ ಕೇಳುತ್ತಾರೆ ಅದರ ಬಗ್ಗೆ ಸ್ಪಷ್ಟಪಡಿಸುತ್ತೇನೆ. ನನ್ನ ತಂಡದವರು ಬೆಟ್ಟಿಂಗ್ ನಡೆಸೋ ಚಾನ್ಸೇ ಇಲ್ಲ. ಎಲ್ಲ ಫ್ರಾಂಚೈಸಿ ಗೆ ನೊಟೀಸ್ ಕೊಟ್ಟ ರೀತಿ ನಮಗೂ ಕೊಟ್ಟಿದ್ದಾರೆ ಅಷ್ಟೆ. ವಿಚಾರಣೆ ಎದುರಿಸಿ ಸ್ಪಷ್ಟನೆ ನೀಡುತ್ತೇನೆ," ಎಂದು ಹೇಳಿದ್ದರು.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2qRNslG

'ಪಂತ್‌ ಆಡಬೇಕು, ಇಲ್ಲ ಸ್ಯಾಮ್ಸನ್‌ಗೆ ದಾರಿ ಬಿಡಬೇಕು'!

ಹೊಸದಿಲ್ಲಿ: ಸತತ ವೈಫಲ್ಯಗಳಿಂದ ಕಂಗಾಲಾಗಿರುವ ಯುವ ವಿಕೆಟ್‌ಕೀಪರ್‌ ಬ್ಯಾಟ್ಸ್‌ಮನ್‌ , ಮ್ಯಾನೇಜ್ಮೆಂಟ್‌ ತಮ್ಮ ಮೇಲೆ ಇರಿಸಿರುವ ಭರವಸೆಗೆ ತಕ್ಕ ಆಟವಾಡಬೇಕು. ಇದು ಸಾಧ್ಯವಾಗದೇ ಇದ್ದಲ್ಲಿ ಸಂಜು ಸ್ಯಾಮ್ಸನ್‌ಗೆ ಅವಕಾಶ ಮಾಡಿಕೊಡಬೇಕು ಎಂದು ಮಾಜಿ ಕ್ರಿಕೆಟಿಗ ಯುವ ಆಟಗಾರನ ಕಿವಿ ಹಿಂಡಿದ್ದಾರೆ. ಭಾರತ ತಂಡ ಡಿಸೆಂಬರ್‌ನಲ್ಲಿ ಪ್ರವಾಸಿ ವಿರುದ್ಧ ಮೊದಲು 3 ಪಂದ್ಯಗಳ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ ಪಂದ್ಯವನ್ನಾಡಲಿದೆ. ಈ ಸರಣಿ ಪಂತ್‌ ಪಾಲಿಗೆ ಮಾಡು ಇಲ್ಲವೆ ಮಡಿ ಮಹತ್ವ ಪಡೆದುಕೊಂಡಿದ್ದು, ಇಲ್ಲಿ ಲಯ ಕಂಡುಕೊಳ್ಳದೇ ಇದ್ದರೆ ತಂಡದಿಂದ ಸ್ಥಾನ ಕಳೆದುಕೊಳ್ಳುವುದು ನಿಶ್ಚಿತ ಎಂದು ಲಕ್ಷ್ಮಣ್‌ ಭವಿಷ್ಯ ನುಡಿದಿದ್ದಾರೆ. " ತಮ್ಮ ಕಾಯ್ದಿರಿಸಲ್ಪಟ್ಟ ವಿಕೆಟ್‌ಕೀಪಿಂಗ್‌ ಬ್ಯಾಟ್ಸ್‌ಮನ್‌ ಎಂದು ಟೀಮ್‌ ಇಂಡಿಯಾ ಮ್ಯಾನೇಜ್ಮೆಂಟ್‌ ಈಗಾಗಲೇ ತನ್ನ ನಿಲುವು ಪ್ರಕಟಿಸಿಯಾಗಿದೆ. ಪಂತ್‌ಗೆ ಹಲವು ಅವಕಾಶಗಳನ್ನು ನೀಡಿಯಾಗಿದೆ. ಈ ಬಗ್ಗೆ ಅವರೊಟ್ಟಿಗೆ ಚರ್ಚಿಸಿದ್ದಾರೆ ಎಂದು ನಂಬಿದ್ದೇನೆ," ಎಂದು ಸ್ಟಾರ್‌ ಸ್ಪೋರ್ಟ್ಸ್‌ ಕಾರ್ಯಕ್ರಮದಲ್ಲಿ ವಿವಿಎಸ್‌ ಹೇಳಿದ್ದಾರೆ. "ಒಬ್ಬ ಆಟಗಾರ ತಂಡದ ಮ್ಯಾನೇಜ್ಮೆಂಟ್‌ ಮತ್ತು ಆಯ್ಕೆ ಸಮಿತಿ ತನ್ನ ಮೇಲಿಟ್ಟಿರುವ ಭರವಸೆಯನ್ನು ಕಾಯ್ದುಕೊಳ್ಳಬೇಕಾಗುತ್ತದೆ. ದುರದೃಷ್ಟವಶಾತ್‌ ಪಂತ್‌ ಅವರಿಂದ ಈ ನಿರೀಕ್ಷೆಯನ್ನು ಮೆಟ್ಟಿನಿಲ್ಲಲು ಸಾಧ್ಯವಾಗಿಲ್ಲ. ಆದರೂ ಅವರೊಬ್ಬ ಅಪ್ರತಿಮ ಆಟಗಾರ ಎಂಬುದರಲ್ಲಿ ಸಂಶಯವಿಲ್ಲ. ಅವರೊಬ್ಬ ವಿಶೇಷ ಪ್ರತಿಭೆಯುಳ್ಳ ಬ್ಯಾಟ್ಸ್‌ಮನ್‌ ಎಂದು ಈಗಲೂ ನಂಬುತ್ತೇನೆ. ತಮ್ಮ ಸ್ಫೋಟಕ ಬ್ಯಾಟಿಂಗ್‌ ಮೂಲಕ ಪಂದ್ಯದ ದಿಕ್ಕನ್ನೇ ಬದಲಾಯಿಸುವ ಸಾಮರ್ಥ್ಯ ಅವರಲ್ಲಿದೆ," ಎಂದು ಲಕ್ಷ್ಮಣ್‌ ವಿವರಿಸಿದ್ದಾರೆ. ಧೋನಿ ಬಳಿಕ ಎಲ್ಲಾ ಮಾದರಿಯ ಕ್ರಿಕೆಟ್‌ನಲ್ಲಿ ಭಾರತ ತಂಡದ ಮೊದಲ ಆಯ್ಕೆಯ ವಿಕೆಟ್‌ಕೀಪರ್‌ ಆಗಿ ಹೊರಹೊಮ್ಮಿದ್ದ ರಿಷಭ್‌ ಪಂತ್‌, ಮೊದಲಿಗೆ ಉತ್ತಮ ಪ್ರದರ್ಶನವನ್ನೇ ನೀಡಿದ್ದರು. ಆದರೆ, ಇದೇ ವರ್ಷ ನಡೆದ ವಿಶ್ವಕಪ್‌ ಟೂರ್ನಿ ಬಳಿಕ ಪಂತ್‌ ಪ್ರದರ್ಶನ ಕುಸಿದಿದ್ದು, ಅವರ ವಿರುದ್ಧ ಕಳಪೆ ಬ್ಯಾಟಿಂಗ್‌ ಮತ್ತು ವಿಕೆಟ್‌ಕೀಪಿಂಗ್‌ ಕುರಿತಾಗಿ ಸಾಕಷ್ಟು ಟೀಕೆಗಳು ಹರಿದಾಡುತ್ತಿವೆ. ಹೀಗಾಗಿ ಟೆಸ್ಟ್‌ ತಂಡದಲ್ಲಿ ಈಗಾಗಲೇ ತಮ್ಮ ಸ್ಥಾನವನ್ನು ಅನುಭವಿ ವಿಕೆಟ್‌ಕೀಪರ್‌ ವೃದ್ಧಿಮಾನ್‌ ಸಹಾ ಅವರಿಗೆ ಬಿಟ್ಟುಕೊಡುವಂತಾಗಿದೆ. ಸೀಮಿತ ಓವರ್‌ಗಳಲ್ಲಿ ತಂಡದಲ್ಲಿ ಮುಂದುವರಿದಿದ್ದಾರಾದರೂ, ಉತ್ತಮ ಪ್ರದರ್ಶನ ನೀಡಲೇಬೇಕೆಂಬ ಒತ್ತಡ ಅವರನ್ನು ಆವರಿಸಿದೆ. "ಪಂತ್‌ ಅದ್ಭುತ ಆಟಗಾರ. ಆದರೆ, ತಂಡದ ಆಡುವ 11ರ ಬಳಗದಲ್ಲಿ ತಮ್ಮ ಸ್ಥಾನ ಕಾಯ್ದುಕೊಳ್ಳುವ ಒತ್ತಡ ಅವರನ್ನು ಆವರಿಸಿದ್ದು, ಇದರಿಂದಾಗಿ ಅವರಿಂದ ನಿರೀಕ್ಷಿತ ಪ್ರದರ್ಶನ ಮೂಡಿಬರುತ್ತಿಲ್ಲ," ಎಂದು ಪಂತ್‌ ವೈಫಲ್ಯಕ್ಕೆ ವಿವಿಎಸ್‌ ಕಾರಣ ಕೊಟ್ಟಿದ್ದಾರೆ. ಐಪಿಎಲ್‌ ಬಳಿಕ ಧೋನಿ ವೃತ್ತಿ ಬದುಕು ನಿರ್ಧಾರ ಇನ್ನು ಟೀಮ್‌ ಇಂಡಿಯಾ ಸೇವೆಯಿಂದ ದೂರ ಉಳಿದಿರುವ ಅನುಭವಿ ಆಟಗಾರ ಎಂಎಸ್‌ ಧೋನಿ ಮುಂದಿನ ವರ್ಷ ಐಪಿಎಲ್‌ ವರೆಗೂ ಯುವ ಆಟಗಾರರಾದ ಸಂಜು ಸ್ಯಾಮ್ಸನ್‌ ಮತ್ತು ರಿಷಭ್‌ ಪಂತ್‌ ಅವರ ಪ್ರದರ್ಶನವನ್ನು ಗಮನಿಸಲಿದ್ದಾರೆ ಎಂದು ಲಕ್ಷ್ಮಣ್‌ ಹೇಳಿದ್ದಾರೆ. "ಪಂತ್‌ ಮತ್ತು ಸ್ಯಾಮ್ಸನ್‌ ಅವರ ಪ್ರದರ್ಶನವನ್ನು ತಾಳ್ಮೆಯಿಂದ ಧೋನಿ ವೀಕ್ಷಿಸಲಿದ್ದು, ಮುಂದಿನ ವರ್ಷ ಐಪಿಎಲ್‌ನಲ್ಲಿ ನೀಡುವ ಪ್ರದರ್ಶನದ ಬಳಿಕ ತಮ್ಮ ಮುಂದಿನ ನಿರ್ಧಾರ ಕೈಗೊಳ್ಳಲಿದ್ದಾರೆ. ಧೋನಿ ಐಪಿಎಲ್‌ ಸಲುವಾಗಿ ತಯಾರಿ ನಡೆಸುತ್ತಿದ್ದಾರೆ. ಈ ಹಿಂದಿನ ಆವೃತ್ತಿಗಳಂತೆ ಈಬಾರಿಯೂ ಸಿಎಸ್‌ಕೆ ಪರ ಅವರು ಮಿಂಚುತ್ತಾರೆಂಬ ವಿಶ್ವಾಸವಿದೆ. ಈ ಯುವ ಆಟಗಾರರು ತಮಗೆ ಸಿಗುವ ಅವಕಾಶ ಬಳಸಿಕೊಳ್ಳದೇ ಇದ್ದರೆ, ಐಪಿಎಲ್‌ ಬಳಿಕ ಟಿ20 ವಿಶ್ವಕಪ್‌ ತಂಡಕ್ಕೆ ಧೋನಿ ತಂಡ ಸೇರಲಿದ್ದಾರೆ," ಎಂದು ಲಕ್ಷ್ಮಣ್‌ ಹೇಳಿದ್ದಾರೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2L1hjza

ಯಡಿಯೂರಪ್ಪ ಆಮಿಷ ಒಡ್ಡುತ್ತಿದ್ದರೂ ಚುನಾವಣಾ ಆಯೋಗ ಕೈಕಟ್ಟಿ ಕುಳಿತಿದೆ : ಡಿಕೆಶಿ ಲೇವಡಿ

ಚಿಕ್ಕಬಳ್ಳಾಪುರ: ಮುಖ್ಯಮಂತ್ರಿ ಹೋದಲ್ಲಿ-ಬಂದಲ್ಲಿ ಮತದಾರರಿಗೆ ಆಮಿಷ ಒಡ್ಡುತ್ತಿದ್ದಾರೆ. ಅವರ ಮೇಲೆ ಕ್ರಮ ಕೈಗೊಳ್ಳಬೇಕು ಎಂದು ಗಂಬೀರ ಆರೋಪ ಮಾಡಿದ್ದಾರೆ. ಚಿಕ್ಕಬಳ್ಳಾಪುರದ ಯಲುವಹಳ್ಳಿಯಲ್ಲಿ ಗುರುವಾರ ಮಾತನಾಡಿ, ಕುಮಾರಸ್ವಾಮಿ, ಸಿದ್ಧರಾಮಯ್ಯ ಸಮ್ಮಿಶ್ರ ಸರಕಾರದಲ್ಲಿ ಬಜೆಟ್ ವರದಿ ಮಂಡಿಸಿದ ರೀತಿಯಲ್ಲಿ ಯಡಿಯೋರಪ್ಪ ಅವರು ಆಮಿಷಗಳ ಪಟ್ಟಿ ಓದಿ ಬರುತ್ತಿದ್ದಾರೆ. ಬಿಎಸ್‌ವೈ ಎಲ್ಲೆಲ್ಲಿ ಹೋಗುತ್ತಿದ್ದಾರೋ ಅಲ್ಲೆಲ್ಲಾ ರಿವರ್ಸ್‌ ವರದಿ ಓದುವ ಮೂಲಕ ಆಮಿಷ ಒಡ್ಡುತ್ತಿದ್ದಾರೆ ಎಂದು ಲೇವಡಿ ಮಾಡಿದರು. ಅನರ್ಹರು ಅಕಾರಕ್ಕಾಗಿ ಹೆತ್ತ ತಾಯಿಗೆ ಮೋಸ ಮಾಡಿದ್ದಾರೆ. ಮತದಾರರು ಇವರ ಪಕ್ಷಾಂತರ ಆಟವನ್ನೆಲ್ಲಾ ನೋಡಿದ್ದಾರೆ. ತಕ್ಕ ಪಾಠ ಕಲಿಸಲಿದ್ದಾರೆ. ಯಾವ ಅನರ್ಹರೂ ಮತ್ತೆ ಗೆಲ್ಲಲ್ಲ. ಚಿಕ್ಕಬಳ್ಳಾಪುರದಲ್ಲೂ ಸುಧಾಕರ್ ಸೋಲ್ತಾರೆ ಎಂದರು. ಯಡಿಯೂರಪ್ಪನವರು ಹೋದ ಕಡೆಯೆಲ್ಲಾ ಇವರನ್ನು ಮಂತ್ರಿ ಮಾಡುತ್ತೇನೆ ಎಂದು ಹೇಳುವುದೇ ಒಂದು ದೊಡ್ಡ ಆಮಿಷ. ಇದೂ ಕೂಡ ಭ್ರಷ್ಟಾಚಾರವೇ. ಮತದಾರರಿಗೆ ಹಣವೇ ಕೊಡಬೇಕು ಎಂದಿಲ್ಲ. ನಿರ್ದಿಷ್ಟ ವ್ಯಕ್ತಿಯನ್ನು ಮಂತ್ರಿ ಮಾಡುತ್ತೇನೆ ಎಂದು ಮತದಾನಕ್ಕಿಂತ ಮುಂಚಿತವಾಗಿ ಹೇಳುತ್ತಿರುವುದು ಕೂಡ ಆಮಿಷವೇ. ಹಾಗಾಗಿ ಚುನಾವಣಾ ಆಯೋಗ ಕೂಡಲೇ ಯಡಿಯೂರಪ್ಪ ಅವರ ಮೇಲೆ ಕ್ರಮ ಜರುಗಿಸಬೇಕು ಎಂದು ಆಗ್ರಹಿಸಿದರು. ಆಮಿಷೆ ಒಡ್ಡುತ್ತಿರುವ ಈ ಸರಕಾರವನ್ನು ಚುನಾವಣಾ ಆಯೋಗ ಈ ವೇಳೆಗಾಗಲೇ ಡಿಸ್‌ಮಿಸ್ ಮಾಡಬೇಕಿತ್ತು. ಆದರೆ, ಯಾವ ಕ್ರಮವನ್ನೂ ಕೈಗೊಳ್ಳಲಾಗಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

from India & World News in Kannada | VK Polls https://ift.tt/2L25okK

ಮತ್ತೆ ಡಿಸಿಎಂ ಆಗ್ತಾರಾ ಅಜಿತ್‌ ಪವಾರ್‌: ಎನ್‌ಸಿಪಿ ನಾಯಕ ಹೇಳಿದ್ದೇನು?

ಮುಂಬಯಿ: ಠಾಕ್ರೆ ಕುಟುಂಬದ ಮೊದಲ ಮುಖ್ಯಮಂತ್ರಿಯಾಗಿ ಇಂದು ಸಂಜೆ ಉದ್ಧವ್ ಠಾಕ್ರೆ ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ. ಆದರೆ, ಈ ವೇಳೆ ಮಾಜಿ ಡಿಸಿಎಂ ಅಧಿಕಾರ ಸ್ವೀಕರಿಸುವುದಿಲ್ಲ ಎಂದು ತಿಳಿದುಬಂದಿದೆ. ನಾನು ಇಂದು ಮಹಾರಾಷ್ಟ್ರದ ಸಚಿವನಾಗಿ ಪ್ರಮಾಣ ವಚನ ಸ್ವೀಕರಿಸುವುದಿಲ್ಲ ಎಂದು ಎನ್‌ಸಿಪಿ ನಾಯಕ ಹಾಗೂ ಇತ್ತೀಚೆಗಷ್ಟೇ ಡಿಸಿಎಂ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದ ಅಜಿತ್ ಪವಾರ್ ತಿಳಿಸಿದ್ದಾರೆ. ಅಲ್ಲದೆ, ಶಿವಸೇನೆ, ಎನ್‌ಸಿಪಿ, ಕಾಂಗ್ರೆಸ್‌ನಿಂದ ತಲಾ ಇಬ್ಬರಂತೆ ಒಟ್ಟು 6 ಮಂದಿ ಸಚಿವರು ಉದ್ಧವ್‌ ಠಾಕ್ರೆ ಜತೆಗೆ ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ ಎಂದು ಮುಂಬಯಿಯಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಅಜಿತ್‌ ಪವಾರ್‌ ತಿಳಿಸಿದ್ದಾರೆ. ಎನ್‌ಸಿಪಿಯಿಂದ ಉಪ ಮುಖ್ಯಮಂತ್ರಿ ಯಾರಾಗಲಿದ್ದಾರೆ ಎಂಬುದರ ಕುರಿತು ಪಕ್ಷ ಇನ್ನೂ ಯಾವುದೇ ನಿರ್ಧಾರ ಕೈಗೊಂಡಿಲ್ಲ ಎಂದು ಎನ್‌ಸಿಪಿ ನಾಯಕ ಅಜಿತ್‌ ಪವಾರ್‌ ತಿಳಿಸಿದ್ದಾರೆ. ಅಲ್ಲದೆ, ಎನ್‌ಸಿಪಿಯ ಜಯಂತ್‌ ಪಾಟೀಲ್‌ ಹಾಗೂ ಛಗನ್‌ ಭುಜಬಲ್‌ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ ಎಂದೂ ಪವಾರ್‌ ಸ್ಪಷ್ಟಪಡಿಸಿದ್ದಾರೆ. ಇನ್ನು, ಗುರುವಾರ ಉಪ ಮುಖ್ಯಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸದೆ ಇರುವುದಕ್ಕೆ ನನಗೆ ಯಾವ ಅಸಮಾಧಾನವೂ ಇಲ್ಲ ಎಂದು ಅಜಿತ್ ಪವಾರ್‌ ಮಾಧ್ಯಮಗಳಿಗೆ ಸ್ಪಷ್ಟನೆ ನೀಡಿದ್ದಾರೆ. ಅಲ್ಲದೆ, ಇತ್ತೀಚೆಗಷ್ಟೇ ದೇವೇಂದ್ರ ಫಡ್ನವಿಸ್‌ ಜತೆಗೆ ಸೇರಿಕೊಂಡು ಸರಕಾರ ರಚಿಸಿದ್ದ ಅಜಿತ್ ಪವಾರ್‌, ಪಕ್ಷದ ವಿರುದ್ಧ ತಾನು ದಂಗೆ ಎದ್ದಿಲ್ಲ ಎಂದಿದ್ದಾರೆ. ಜತೆಗೆ, ತಾನು ಹಿಂದೆಯೂ ಎನ್‌ಸಿಪಿಯಲ್ಲಿ ಇದ್ದೆ, ಈಗಲೂ ಅಲ್ಲೇ ಇದ್ದೇನೆ. ಮುಂದೆಯೂ ಎನ್‌ಸಿಪಿಯಲ್ಲೇ ಇರುತ್ತೇನೆ. ಹಾಗೂ ಇಂದು ಸಂಜೆ ಶಿವಾಜಿ ಪಾರ್ಕ್‌ನಲ್ಲಿ ನಡೆಯಲಿರುವ ಪ್ರಮಾಣ ವಚನ ಸ್ವೀಕಾರ ಸಮಾರಂಭದಲ್ಲಿ ಸುಪ್ರಿಯಾ ಸುಳೆ ಜತೆಗೆ ಭಾಗಿಯಾಗುವುದಾಗಿಯೂ ಹೇಳಿಕೊಂಡಿದ್ದಾರೆ. ಇನ್ನೊಂದೆಡೆ, ಸಂಜೆ 6.40ಕ್ಕೆ ಶಿವಾಜಿ ಪಾರ್ಕ್‌ನಲ್ಲಿ ಆರಂಭವಾಗಲಿರುವ ಉದ್ಧವ್‌ ಠಾಕ್ರೆ ಪ್ರಮಾಣ ವಚನ ಸ್ವೀಕಾರ ಸಮಾರಂಭದಲ್ಲಿ ಕಾಂಗ್ರೆಸ್‌ ನಾಯಕರಾದ ಬಾಳಾಸಾಹೇಬ್‌ ಥೋರಟ್‌ ಹಾಗೂ ನಿತಿನ್‌ ರಾವತ್‌ ಸಚಿವರಾಗಿ ಪ್ರತಿಜ್ಞಾ ವಿಧಿ ಮಾಡಲಿದ್ದಾರೆ ಎಂದೂ ತಿಳಿದುಬಂದಿದೆ.

from India & World News in Kannada | VK Polls https://ift.tt/37KapIj

ತಾಯಿಯಂತ ಪಕ್ಷಕ್ಕೆ ಮೋಸ ಮಾಡಿದ ವ್ಯಕ್ತಿಗೆ ಪರ್ಮನೆಂಟ್ ಆಗಿ ಮನೆಗೆ ಕಳುಹಿಸಬೇಕು: ಡಿಕೆ ಶಿವಕುಮಾರ್ ವಾಗ್ದಾಳಿ

ಚಿಕ್ಕಬಳ್ಳಾಪುರ: ಚಿಕ್ಕಬಳ್ಳಾಪುರದ ನಂದಿಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ನಂದಿ ಎಂ ಅಂಜಿನಪ್ಪ ಪರವಾಗಿ ಡಿ.ಕೆ.ಶಿವಕುಮಾರ್ ಮತಯಾಚನೆ ಮಾಡಿದ್ದಾರೆ. ಈ ವೇಳೆ ಅನರ್ಹ ಶಾಸಕರ ವಿರುದ್ಧ ಪ್ರಮುಖವಾಗಿ ವಿರುದ್ಧ ಡಿಕೆಶಿ ವಾಗ್ದಾಳಿ ನಡೆಸಿದರು. ತಾಯಿಯಂತ ಪಕ್ಷಕ್ಕೆ ಮೋಸ ಮಾಡಿದ ವ್ಯಕ್ತಿಗೆ ಪರ್ಮನೆಂಟ್ ಆಗಿ ಮನೆಗೆ ಕಳುಹಿಸಬೇಕು ಎಂದು ಕನಕಪುರ ಬಂಡೆ ಸುಧಾಕರ್‌ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಚಿಕ್ಕಬಳ್ಳಾಪುರದ ನಂದಿಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ನಂದಿ ಎಂ ಅಂಜಿನಪ್ಪ ಪರವಾಗಿ ಡಿ.ಕೆ.ಶಿವಕುಮಾರ್ ಮತಯಾಚನೆ ಮಾಡಿದ ವೇಳೆ ಈ ರೀತಿ ತರಾಟೆಗೆ ತೆಗೆದುಕೊಂಡಿದ್ದಾರೆ. ಇನ್ನು, ಅನರ್ಹ ಶಾಸಕ ಹಾಗೂ ಚಿಕ್ಕಬಳ್ಳಾಪುರದ ಬಿಜೆಪಿ ಅಭ್ಯರ್ಥಿ ಡಾ. ಕೆ ಸುಧಾಕರ್‌ ಅವರನ್ನು ತರಾಟೆಗೆ ತೆಗೆದುಕೊಂಡ ಡಿಕೆಶಿ, ಇಲ್ಲಿನ ಅಧಿಕಾರಿಗಳನ್ನು ಪೊಲೀಸರನ್ನು ಎದುರಿಸಿ ಬೆದರಿಸಿ ಬಳಸಿಕೊಂಡು ನೀಚ ರಾಜಕಾರಣ ಮಾಡುತ್ತಿದ್ದು, ಪ್ರತಿಯೊಂದಕ್ಕೂ ಇವರಿಗೆ ಕಮೀಷನ್ ಕೊಡಬೇಕು. ವಸೂಲಿ ರಾಜಾ ಯಾರೆಂದರೆ ಅದು ಡಾ.ಕೆ.ಸುಧಾಕರ್ ಎಂದು ಆಕ್ರೋಶ ವ್ಯಕ್ತಪಡಿಸಿದರು. ಅಲ್ಲದೆ, ಚಿಕ್ಕಬಳ್ಳಾಪುರ ಜಿಲ್ಲೆಯು ವಿಶ್ವೇಶ್ವರಯ್ಯರಂತಹ ವ್ಯಕ್ತಿಗಳಿಗೆ ಹೆಸರುವಾಸಿ. ಇಂತಹ ಕ್ಷೇತ್ರದಲ್ಲಿ ಹುಟ್ಟಿದ ಸುಧಾಕರ್‌ಗೆ ಸುಪ್ರಿಂ ಕೋರ್ಟ್ ಅನರ್ಹ ಎಂದು ಹೇಳಿದೆ. ಇಂತಹ ನಾಲಾಯಕ್, ಮುಟ್ಟಾಳನಿಗೆ ಕಾಂಗ್ರೆಸ್‌ನಲ್ಲಿ ಟಿಕೆಟ್ ಕೊಟ್ಟಿದ್ದು ನಮ್ಮ ತಪ್ಪು ಎಂದೂ ಡಿಕೆಶಿ ವಾಕ್‌ ಪ್ರಹಾರ ಮಾಡಿದ್ದಾರೆ. ಚಿಕ್ಕಬಳ್ಳಾಪುರಕ್ಕೆ ಮೆಡಿಕಲ್ ಕಾಲೇಜು ಮಾಡಬೇಡಿ ಎಂದು ನಾನೆಲ್ಲೂ ಹೇಳಿಲ್ಲ. ಆದರೆ ಕನಕಪುರದಿಂದ ಕಿತ್ತುಕೊಂಡಿದ್ದು ತಪ್ಪು. ಈ ಬಗ್ಗೆ ಡಿಸೆಂಬರ್‌ 2ರ ನಂತರ ಯಡಿಯೂರಪ್ಪಗೆ ಪತ್ರ ಬರೆದು, ನಂತರ ಯಾವ ರೀತಿ ಪ್ರತಿಭಟನೆ ಮಾಡುತ್ತೇನೆ ಎಂಬ ಬಗ್ಗೆ ತೀರ್ಮಾನಿಸುತ್ತೇನೆ. ಸುಧಾಕರ್‌ಗೆ ಇಲ್ಲಿನ ಜನ ಡೀಲ್ ರಾಜ ಎಂದು ಹೆಸರು ಕೊಟ್ಡಿದ್ದಾರೆ. ಇದು ಸ್ವಾಭಿಮಾನದ ಚುನಾವಣೆಯಾಗಿದ್ದು ಜೆಡಿಎಸ್‌ನವರೇ ಎಚ್ಚೆತ್ತುಕೊಳ್ಳಿ. ಅನರ್ಹನಿಗೆ ಬುದ್ಧಿ ಕಲಿಸಿ ಎಂದು ಚಿಕ್ಕಬಳ್ಳಾಪುರದಲ್ಲಿ ಡಿಕೆಶಿ ಹೇಳಿದ್ದಾರೆ. ಇನ್ನೊಂದೆಡೆ, ಡಿಸೆಂಬರ್ 9ರ ನಂತರ ರಾಜ್ಯದಲ್ಲಿ ರಾಜಕೀಯ ಧೃವೀಕರಣ ಆಗಲಿದೆ ಎಂದ ಡಿಕೆಶಿ, ನಮಗೆ ಯಾವುದೇ ಜಾತಿ ಧರ್ಮ ಇಲ್ಲ. ಎಲ್ಲಾ ಧರ್ಮದ ಜನರೂ ಒಂದೇ. ಆದರೆ ಬಿಜೆಪಿಗೆ ಹಿಂದೂಗಳು ಮಾತ್ರವೇ ಮುಖ್ಯ. ಹಾಗಾಗಿ ನಿಮ್ಮ ಸ್ವಾಭಿಮಾನದ ಮತವನ್ನು ಕಾಂಗ್ರೆಸ್ಗೆ ಕೊಡಿ ಎಂದು ಡಿಕೆ ಶಿವಕುಮಾರ್ ಹೇಳಿದ್ದಾರೆ. ಅಲ್ಲದೆ, ಸುಧಾಕರ್ ಕೊಡುವ ನೋಟು ಯಾರೂ ಬೇಡ ಎನ್ನಬೇಡಿ, ನೋಟು ಪಡೆದು ಅಂಜಿನಪ್ಪಗೆ ಓಟು ಕೊಡಿ. ಸುಧಾಕರ್ ಇಲ್ಲಿ ಗೆಲ್ಲುವುದು ಇಲ್ಲ. ಮಂತ್ರಿ ಕೂಡ ಆಗಲ್ಲ, ಚುನಾವಣೆ ಬಳಿಕ ಬಿಜೆಪಿಯವರೇ ಅವರನ್ನು ಕಳುಹಿಸುತ್ತಾರೆ. ಸುಧಾಕರ್‌ಗೆ ಮಾಜಿ ಶಾಸಕ ಎಂದು ಬೋರ್ಡ್‌ನಲ್ಲಿ ಹೇಳಿಕೊಳ್ಳಲಷ್ಟೇ ಸೀಮಿತ ಎಂದೂ ಸಹ ಡಿಕೆಶಿ ಅನರ್ಹ ಶಾಸಕ ಸುಧಾಕರ್‌ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.

from India & World News in Kannada | VK Polls https://ift.tt/2LgK0ID

ಬಾಂಗ್ಲಾದೇಶ ಕ್ರಿಕೆಟಿಗ ಭಾರತದಲ್ಲಿ 21 ಸಾವಿರ ರೂ. ದಂಡ ಕಟ್ಟಿದ್ದೇಕೆ ಗೊತ್ತಾ?

ಕೋಲ್ಕತಾ: ಟಿ20 ಮತ್ತು ಸರಣಿ ಸಲುವಾಗಿ ಭಾರತ ಪ್ರವಾಸ ಕೈಗೊಂಡಿದ್ದ ತಂಡದಲ್ಲಿ ಹೆಚ್ಚುವರಿ ಆರಂಭಿಕ ಬ್ಯಾಟ್ಸ್‌ಮನ್‌ ಆಗಿ ಸ್ಥಾನ ಪಡೆದಿದ್ದ ಯುವ ಆಟಗಾರ , ಇದೀಗ ಭಾರತದಲ್ಲಿ ಬುಧವಾರ 21,600 ರೂ. ದಂಡ ತೆತ್ತಿದ್ದಾರೆ. ಇಂದೋರ್‌ನಲ್ಲಿ ನಡೆದ ಮೊದಲ ಟೆಸ್ಟ್‌ ಪಂದ್ಯದ ವೇಳೆ ಬದಲಿ ಆಟಗಾರನಾಗಿ ಫೀಲ್ಡಿಂಗ್‌ ಮಾಡುವಾಗ ಕೈಬೆರಳಿನ ಮೂಳೆ ಮುರಿತ ಸಮಸ್ಯೆಗೆ ತುತ್ತಾಗಿ ಕೋಲ್ಕತಾದ ಈಡನ್‌ ಗಾರ್ಡನ್ಸ್‌ನಲ್ಲಿ ನಡೆದ ಟೆಸ್ಟ್‌ ಪಂದ್ಯಕ್ಕೆ ಅಲಭ್ಯರಾದ ಸೈಫ್‌ ಹಸನ್‌, ಬಾಂಗ್ಲಾದೇಶಕ್ಕೆ ತಡವಾಗಿ ಹಿಂದಿರುಗಿದ ಹಿನ್ನೆಲೆಯಲ್ಲಿ ಕೋಲ್ಕತಾದ ವಿಮಾನ ನಿಲ್ದಾಣದಲ್ಲೇ ಉಳಿದು ಅವಧಿ ಮುಗಿದಿದ್ದ ಕಾರಣಕ್ಕೆ ದಂಡ ತೆತ್ತಿದ್ದಾರೆ. ಐಸಿಸಿ ಟೆಸ್ಟ್‌ ಚಾಂಪಿಯನ್‌ಷಿಪ್‌ ಭಾಗವಾಗಿ ನಡೆದ 2 ಪಂದ್ಯಗಳ ಟೆಸ್ಟ್‌ ಸರಣಿಯಲ್ಲಿ ಭಾರತ ವೈಟ್‌ವಾಷ್‌ ಗೆಲುವು ದಾಖಲಿಸಿತ್ತು. ಈ ಸಂದರ್ಭದಲ್ಲಿ ತಮಗೆ ನೀಡಲಾಗಿದ್ದ 6 ತಿಂಗಳ ವಿಸಾದ ಅವಧಿ ಮುಗಿದಿರುವುದನ್ನು ಗಮನಿಸದೇ ಹೋದ ಸೈಫ್‌ ಹಸನ್‌ ಕೋಲ್ಕತಾ ವಿಮಾನನಿಲ್ದಾಣದಲ್ಲಿ ದಂಡ ಕಟ್ಟಿದ್ದಾರೆ. "ಅವರ ವೀಸಾ 2 ದಿನಗಳ ಹಿಂದೆ ಮುಗಿದಿದೆ. ಏರ್‌ಪೋರ್ಟ್‌ಗೆ ಬಂದ ಬಳಿಕ ಇದರ ಅರಿವು ಅವರಿಗಾಗಿದೆ. ಹೀಗಾಗಿ ಈಗಾಗಲೇ ಟಿಕೆಟ್‌ ಕಾಯ್ದಿರಿಸಿದ್ದ ವಿಮಾನದಲ್ಲಿ ಅವರು ತಾಯ್ನಾಡಿಗೆ ಹಿಂದಿರುಗಲು ಸಾಧ್ಯವಾಗಲಿಲ್ಲ. ವೀಸಾ ಅವಧಿಗಿಂತಲೂ ಹೆಚ್ಚು ದಿನ ಉಳಿದುಕೊಂಡಿರುವ ಕಾರಣ ನೂತನ ನಿಯಮಾನುಸಾರ ಅವರು ತಂಡ ತೆರಲೇಬೇಕಾಯಿತು," ಎಂದು ಬಾಂಗ್ಲಾದೇಶದ ಡೆಪ್ಯೂಟಿ ಹೈ ಕಮಿಷನರ್‌ ತೌಫೀಕ್‌ ಹಸನ್‌ ಹೇಳಿದ್ದಾರೆ. "ಈ ವಿಚಾರದಲ್ಲಿ ಭಾರತೀಯ ಹೈ ಕಮಿಷನ್‌ಗೆ ಧನ್ಯವಾದ ತಿಳಿಸಬೇಕು. ಶೀಘ್ರವೇ ಈ ಸಮಸ್ಯೆಯನ್ನು ಬಗೆಹರಿಸಿ ಹಸನ್‌ ಅವರನ್ನು ತಾಯ್ನಾಡಿಗೆ ಹಿಂದಿರುಗಲು ನೆರವಾಗಿದ್ದಾರೆ," ಎಂದು ತಿಳಿಸಿದ್ದಾರೆ. ಕಳೆದ ಭಾನುವಾರ ಡೇ-ನೈಟ್‌ ಟೆಸ್ಟ್‌ ಪಂದ್ಯ ಮೂರೇ ದಿನಕ್ಕೆ ಅಂತ್ಯಗೊಂಡಿತ್ತು. ಪಂದ್ಯದಲ್ಲಿ ಭಾರತ ಇನಿಂಗ್ಸ್‌ ಮತ್ತು 26 ರನ್‌ಗಳ ಭರ್ಜರಿ ಜಯ ದಾಖಲಿಸಿತ್ತು. ಬಳಿಕ ಲಭ್ಯವಿದ್ದ ಕೆಲವೇ ಕೆಲ ವಿಮಾನಗಳಲ್ಲಿ ಬಾಂಗ್ಲಾ ತಂಡದ ಆಟಗಾರರು ವಿವಿಧ ಭಾಗಗಳಾಗಿ ತಾಯ್ನಾಡಿಗೆ ಹಿಂದಿರುಗಿದ್ದರು. ಸೈಫ್‌ ಹಸನ್‌ ಮತ್ತು ಉಳಿದ ಆಟಗಾರರು ಸೋಮವಾರ ಹಿಂದಿರುಗಬೇಕಿತ್ತು. ಈ ಸಂದರ್ಭದಲ್ಲಿ ಭಾರತದಲ್ಲಿ ಹೆಚ್ಚುವರಿ ಅವಧಿ ಉಳಿದುಕೊಂಡ ಕಾರಣಕ್ಕೆ ಬಾಂಗ್ಲಾ ಕ್ರಿಕೆಟಿಗನನ್ನು ಡಮ್‌ ಡಮ್‌ ವಿಮಾನ ನಿಲ್ದಾಣದಲ್ಲಿ ತಡೆದು ನಿಲ್ಲಿಸಲಾಗಿತ್ತು. ಆದರೆ ವೀಸಾ ಅವಧಿ ಅಂತ್ಯಗೊಂಡಿರುವ ಕಡೆಗೆ ಬಾಂಗ್ಲಾ ಕ್ರಿಕೆಟ್‌ ಮಂಡಳಿಯಾಗಲಿ ಹಾಗೂ ಹಸನ್‌ ಆಗಲಿ ಗಮನ ನೀಡದೇ ಇದ್ದ ಕಾರಣಕ್ಕೆ ಇಂಥದ್ದೊಂದು ಘಟನೆ ನಡೆದಿದೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2L3bsJH

ಅನಿಲ್ ಕುಂಬ್ಳೆ ಜತೆಗಿನ ಚಿತ್ರ ಹಂಚಿಕೊಂಡು ಮತ್ತೆ ಟ್ರೋಲ್‌ಗೆ ಗುರಿಯಾದ ರವಿ ಶಾಸ್ತ್ರಿ

ಹೊಸದಿಲ್ಲಿ: ಜಂಬೋ ಖ್ಯಾತಿಯ ಮಾಜಿ ಲೆಗ್ ಸ್ಪಿನ್ ದಿಗ್ಗಜ ಜತೆಗಿನ ಚಿತ್ರವನ್ನು ಹಂಚಿಕೊಳ್ಳುವ ಮೂಲಕ ಭಾರತ ಕ್ರಿಕೆಟ್ ತಂಡದ ಮುಖ್ಯ ಕೋಚ್ ಟ್ರೋಲ್‌ಗೆ ಗುರಿಯಾಗಿದ್ದಾರೆ. ಇತ್ತೀಚೆಗಷ್ಟೇ ಕೋಲ್ಕತಾದ ಈಡನ್ ಗಾರ್ಡನ್ ಮೈದಾನದಲ್ಲಿ ಭಾರತದ ಚಾರಿತ್ರಿಕ ಪಿಂಕ್ ಬಾಲ್ ಹಗಲು ರಾತ್ರಿ ಟೆಸ್ಟ್ ಪಂದ್ಯವನ್ನು ಆಯೋಜಿಸಲಾಯಿತ್ತು. ಇದರಂತೆ ಟೀಮ್ ಇಂಡಿಯಾ ಪಂದ್ಯದಲ್ಲಿ ಇನ್ನಿಂಗ್ಸ್ ಹಾಗೂ 46 ರನ್ ಅಂತರದ ಭರ್ಜರಿ ಗೆಲುವು ದಾಖಲಿಸಿತ್ತು. ಐತಿಹಾಸಿಕ ಟೆಸ್ಟ್ ಪಂದ್ಯದಲ್ಲಿ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಸೇರಿದಂತೆ ಭಾರತದ ಮಾಜಿ ದಿಗ್ಗಜರು ಉಪಸ್ಥಿತರಿದ್ದರು. ಗುಲಾಬಿ ಟೆಸ್ಟ್ ಬಳಿಕ ದಾದಾ ಜತೆಗಿನ ಚಿತ್ರವನ್ನು ಹಂಚಿರುವ ರವಿ ಶಾಸ್ತ್ರಿ ಇದೀಗ ಅನಿಲ್ ಕುಂಬ್ಳೆ ಜತೆಗಿನ ಚಿತ್ರವನ್ನು ಹಂಚಿದ್ದಾರೆ. ಆದರೆ ರವಿ ಶಾಸ್ತ್ರಿ ಚಿತ್ರವನ್ನು ಟ್ವೀಟ್ ಮಾಡಿರುವುದೇ ತಡ ಟ್ರೋಲ್‌ಗೆ ಗುರಿಯಾಗಿದ್ದಾರೆ. 2016ರಲ್ಲಿ ರವಿ ಶಾಸ್ತ್ರಿ ಅವರನ್ನೇ ಹಿಂದಿಕ್ಕಿ ಅನಿಲ್ ಕುಂಬ್ಳೆ ಮುಖ್ಯ ಕೋಚ್ ಆಗಿ ನೇಮಕಗೊಂಡಿದ್ದರು. ಆದರೆ 2017ರಲ್ಲಿ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಜತೆಗಿನ ಭಿನ್ನಭಿಪ್ರಾಯದ ಹಿನ್ನಲೆಯಲ್ಲಿ ಟೀಮ್ ಇಂಡಿಯಾ ಕೋಚ್ ಸ್ಥಾನವನ್ನು ತೊರೆದಿದ್ದರು. ತದಾ ಬಳಿಕ ಕೊಹ್ಲಿ ಬಯಕೆಯಂತೆಯೇ ರವಿ ಶಾಸ್ತ್ರಿ ಮುಖ್ಯ ಕೋಚ್ ಆಗಿ ನೇಮಕಗೊಂಡಿದ್ದರು. ಇದು ರವಿ ಶಾಸ್ತ್ರಿ ಮೇಲೆ ಅಭಿಮಾನಿಗಳಲ್ಲಿ ಆಕ್ರೋಶ ಸೃಷ್ಟಿಯಾಗಲು ಕಾರಣವಾಗಿತ್ತು. ಪ್ರಸಕ್ತ ಸಾಲಿನಲ್ಲಷ್ಟೇ ರವಿ ಶಾಸ್ತ್ರಿ ಎರಡನೇ ಬಾರಿಗೆ ಟೀಮ್ ಇಂಡಿಯಾ ಮುಖ್ಯ ಕೋಚ್ ಆಗಿ ಪುನರಾಯ್ಕೆಗೊಂಡಿದ್ದರು. ಆದರೂ ಹಲವು ಕಾರಣಗಳಿಗಾಗಿ ಪದೇ ಪದೇ ಟ್ರೋಲ್‌ಗೆ ಗುರಿಯಾಗುತ್ತಿದ್ದಾರೆ. ಭಾರತದ ಶ್ರೇಷ್ಠ ಕೋಚ್ ಜತೆ ರವಿ ಶಾಸ್ತ್ರಿ? ಟ್ಯಾಗ್ ಮಾಡಿದ್ದಕ್ಕಾಗಿ ಧನ್ಯವಾದ ನಿಮ್ಮ ಜಾಗ ಬಿಟ್ಟುಕೊಡಿ ಎಲ್ಲವೂ ಸರಿಯಿದಯೇ

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2Os01xf

ಕೆಎಲ್‌ ರಾಹುಲ್‌ ಪರ ಬ್ಯಾಟ್‌ ಬೀಸಿದ ವಿವಿಎಸ್‌ ಲಕ್ಷ್ಮಣ್‌!

ಹೊಸದಿಲ್ಲಿ: ಬಾಂಗ್ಲಾದೇಶ ವಿರುದ್ಧ 2 ಪಂದ್ಯಗಳ ಟೆಸ್ಟ್‌ ಸರಣಿಯಲ್ಲಿ ಭಾರತ ತಂಡ ವೈಟ್‌ವಾಷ್‌ ಜಯ ದಾಖಲಿಯಾಗಿದ್ದು, ಇದೀಗ ಅಂತಾರಾಷ್ಟ್ರೀಯ ಕಡೆಗೆ ಗಮನ ನೀಡಲಿದೆ. ವಿರುದ್ಧ ತವರಿನಲ್ಲಿ ಮೊದಲಿಗೆ 3 ಪಂದ್ಯಗಳ ಟಿ20 ಸರಣಿಯನ್ನಾಡಲಿದ್ದು, ಡಿ.6ರಂದು ಹೈದರಾಬಾದ್‌ನಲ್ಲಿ ಮೊದಲ ಪಂದ್ಯವನ್ನಾಡಲಿದೆ. ಈ ಸಂದರ್ಭದಲ್ಲಿ ಮಾತಿಗಿಳಿದಿರುವ ಮಾಜಿ ಕ್ರಿಕೆಟಿಗ , ಶಿಖರ್‌ ಧವನ್‌ ಅನುಪಸ್ಥಿತಿ ಹಾಗೂ ಕ್ಯಾಪ್ಟನ್‌ ವಿರಾಟ್‌ ಕೊಹ್ಲಿ 3ನೇ ಕ್ರಮಾಂಕದಲ್ಲಿ ಬ್ಯಾಟ್‌ ಮಾಡುವುದರಿಂದ ಪ್ರತಿಭಾನ್ವಿತ ಆಟಗಾರ ಕೆಎಲ್‌ ರಾಹುಲ್‌ಗೆ ರೋಹಿತ್‌ ಶರ್ಮಾ ಅವರೊಟ್ಟಿಗೆ ಇನಿಂಗ್ಸ್‌ ಆರಂಭಿಸಲು ಬಿಡಬೇಕು ಎಂದು ಕರ್ನಾಟಕದ ಬ್ಯಾಟ್ಸ್‌ಮನ್‌ ಪರ ಬ್ಯಾಟ್‌ ಬೀಸಿದ್ದಾರೆ. ಸ್ಟಾರ್‌ ಸ್ಪೋರ್ಟ್ಸ್‌ನ ಗೇಮ್‌ ಪ್ಲಾನ್‌ ಕಾರ್ಯಕ್ರಮದಲ್ಲಿ ಮಾತನಾಡಿದ ಲಕ್ಷ್ಮಣ್‌, "ಸೀಮಿತ ಓವರ್‌ಗಳ ಕ್ರಿಕೆಟ್‌ಗೆ ವಿರಾಟ್‌ ಕೊಹ್ಲಿ ಮರಳಿದ್ದಾರೆ. ಹೀಗಾಗಿ ನಂ.3 ಸ್ಥಾನದಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದ ಅವರು ಈಗ ಯಾವ ಕ್ರಮಾಂಕದಲ್ಲಿ ಆಡುತ್ತಾರೆ ಎಂಬುದು ಬಹುದೊಡ್ಡ ಪ್ರಶ್ನೆಯಾಗಿದೆ. ನನ್ನ ಪ್ರಕಾರ ರಾಹುಲ್‌ ಈ ಬಾರಿ ರೋಹಿತ್‌ ಶರ್ಮಾ ಅವರೊಟ್ಟಿಗೆ ಇನಿಂಗ್ಸ್‌ ಆರಂಭಿಸಬೇಕು. ವೆಸ್ಟ್‌ ಇಂಡೀಸ್‌ ವಿರುದ್ಧ ರಾಹುಲ್‌ ಆರಂಭಿಕನಾಗಿ ಆಡಬೇಕು ಎಂಬುದೇ ನನ್ನ ಬಯಕೆ," ಎಂದು ಲಕ್ಷ್ಮಣ್‌ ಹೇಳಿದ್ದಾರೆ. ಬಾಂಗ್ಲಾ ವಿರುದ್ಧದ ಸರಣಿಯ 3ನೇ ಹಾಗೂ ನಿರ್ಣಾಯಕ ಪಂದ್ಯದಲ್ಲಿ ಬಿರುಸಿನ 52 ರನ್‌ಗಳನ್ನು ಗಳಿಸಿದ ರಾಹುಲ್‌, ಬಳಿಕ ಸೈಯದ್‌ ಮುಷ್ತಾಕ್‌ ಅಲಿ ಟ್ರೋಫಿ ಟೂರ್ನಿಯಲ್ಲೂ ಉತ್ತಮ ಲಯ ಕಾಯ್ದುಕೊಂಡಿದ್ದು 2 ಅರ್ಧಶತಕಗಳನ್ನು ಬಾರಿಸಿ ಕರ್ನಾಟಕ ತಂಡವನ್ನು ಸೆಮಿಫೈನಲ್‌ಗೆ ಕೊಂಡೊಯ್ಯುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ. ಇದೇ ವೇಳೆ ಬಾಂಗ್ಲಾ ವಿರುದ್ಧದ ಸರಣಿಯಲ್ಲಿ ಸಿಕ್ಕ ಅವಕಾಶವನ್ನು ಉತ್ತಮವಾಗಿ ಬಳಸಿಕೊಂಡಿರುವ ಶ್ರೇಯಸ್‌ ಅಯ್ಯರ್‌ ಕುರಿತಾಗಿಯೂ ಲಕ್ಷ್ಮಣ್‌ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. "ಶ್ರೇಯಸ್‌ ಅಯ್ಯರ್‌ ಬ್ಯಾಟಿಂಗ್‌ ನನ್ನ ಗಮನ ಸೆಳೆದಿದೆ. ಅದರಲ್ಲೂ ನಾಗ್ಪುರದಲ್ಲಿ ನಡೆದ ಪಂದ್ಯದಲ್ಲಿ ಭಾರತ ತಂಡ ಆರಂಭಿಕ 3 ವಿಕೆಟ್‌ ಕಳೆದುಕೊಂಡರೂ ಪರಿಸ್ಥಿತಿಯನ್ನು ನಿಭಾಯಿಸಿ ರಾಹುಲ್‌ ಜೊತೆಗೆ ಉತ್ತಮ ಜೊತೆಯಾಟ ಕಟ್ಟಿದರು. ಈ ಜೊತೆಯಾಟದಲ್ಲಿ ರಾಹುಲ್‌ ಬಿರುಸಿನ ಆಟವಾಡಿದರೆ ಶ್ರೇಯಸ್‌ ಬೆಂಬಲ ನೀಡುವ ಪ್ರಯತ್ನ ನಡೆಸಿದರು. ಬಳಿಕ ರಿಷಭ್‌ ಪಂತ್‌ ಆಗಮಿಸಿ ರನ್‌ ಗಳಿಸಲು ಕಷ್ಟಪಡುತ್ತಿರುವುದನ್ನು ಕೂಡಲೇ ಗಮನಿಸಿ ತಮ್ಮ ವೇಗವನ್ನು ಹೆಚ್ಚಿಸಿಕೊಂಡು ಬಿರುಸಿನ ಬ್ಯಾಟಿಂಗ್‌ ನಡೆಸಿದರು. 4ನೇ ಕ್ರಮಾಂಕದ ಬ್ಯಾಟ್ಸ್‌ಮನ್‌ನಿಂದ ಆಗಬೇಕಿರುವ ಕೆಲಸ ಇದೆ," ಎಂದು ವೆರಿವೆರಿ ಸ್ಪೆಷಲ್ ಖ್ಯಾತಿಯ ಲಕ್ಷ್ಮಣ್‌ ಹೇಳಿದ್ದಾರೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2sr0jMj

'ಗೋಡ್ಸೆ ದೇಶಭಕ್ತ' ಹೇಳಿಕೆಗೆ ಬಿಜೆಪಿ ಖಂಡನೆ, ರಕ್ಷಣಾ ಸಮಿತಿಯಿಂದ ಪ್ರಗ್ಯಾ ಠಾಕೂರ್‌ ವಜಾ

ಹೊಸದಿಲ್ಲಿ: ರಾಷ್ಟ್ರಪಿತ ಕೊಲೆಗಾರ ನಾಥುರಾಮ್‌ ಗೋಡ್ಸೆಯನ್ನು ದೇಶಭಕ್ತ ಎಂದು ಉಲ್ಲೇಖಿಸಿದ್ದ ಬಿಜೆಪಿ ಸಂಸದೆ ವಿರುದ್ಧ ಕೊನೆಗೂ ಬಿಜೆಪಿ ಕ್ರಮ ತೆಗೆದುಕೊಂಡಿದೆ. ಬುಧವಾರದ ಅಧಿವೇಶನದ ವೇಳೆ ನಾಥುರಾಮ್‌ ಗೋಡ್ಸೆಯನ್ನು ಪ್ರಗ್ಯಾ ಸಿಂಗ್‌ ಠಾಕೂರ್‌ ದೇಶಭಕ್ತ ಎಂದು ಕರೆದಿದ್ದರು. ಆರಂಭದಲ್ಲಿ ಆಕೆ ಹಾಗೆ ಹೇಳೇ ಇಲ್ಲ ಎಂದು ಸಂಸದೀಯ ವ್ಯವಹಾರ ಸಚಿವ ಪ್ರಹ್ಲಾದ್‌ ಜೋಶಿ ತೇಪೆ ಹಚ್ಚಿದ್ದರು. ಆದರೆ ವಿಪಕ್ಷಗಳ ಪ್ರತಿಭಟನೆ ಹೆಚ್ಚಾದಂತೆ ಹಾಗೂ ಲೋಕಸಭೆಯಲ್ಲಿ ವಿರೋಧ ಪಕ್ಷಗಳು ಬಾರಿ ಕೋಲಾಹಲ ಎಬ್ಬಿಸುತ್ತಿದ್ದಂತೆ ಎಚ್ಚೆತ್ತ ಕಮಲ ಪಕ್ಷ ಇದೀಗ ಗುರುವಾರದ ಹೊತ್ತಿಗೆ ನಿಲುವು ಬದಲಿಸಿ ಆಕೆ ವಿರುದ್ಧ ಹಲವು ಕ್ರಮಗಳನ್ನು ಕೈಗೊಂಡಿದೆ. ಗುರುವಾರದ ಸಂಸದೀಯ ಪಕ್ಷದ ಸಭೆಯಿಂದ ಬಿಜೆಪಿ ಪ್ರಗ್ಯಾ ಸಿಂಗ್‌ ಠಾಕೂರ್‌ರನ್ನು ದೂರವಿಟ್ಟಿರುವುದಲ್ಲದೆ, ರಕ್ಷಣಾ ಇಲಾಖೆಯ ಸಂಸದೀಯ ಸಲಹಾ ಸಮಿತಿಯಿಂದಲೂ ಅವರನ್ನು ಹೊರಹಾಕಿದೆ.

ಬಿಜೆಪಿ ಕಾರ್ಯಾಧ್ಯಕ್ಷ ಜೆ.ಪಿ. ನಡ್ಡಾ ಪ್ರಗ್ಯಾ ಠಾಕೂರ್‌ ಹೇಳಿಕೆಯನ್ನು ಖಂಡಿಸಿದ್ದು ಆಕೆಯ ವಿರುದ್ಧ ಶಿಸ್ತು ಕ್ರಮವನ್ನು ಪ್ರಕಟಿಸಿದ್ದಾರೆ. “ಸಂಸದೆ ಪ್ರಗ್ಯಾ ಠಾಕೂರ್‌ ನೀಡಿದ ಹೇಳಿಕೆ ಖಂಡನೀಯ. ಈ ರೀತಿಯ ಹೇಳಿಕೆಯನ್ನು ಬಿಜೆಪಿ ಎಂದೂ ಬೆಂಬಲಿಸುವುದಿಲ್ಲ, ಮತ್ತು ಈ ಸಿದ್ಧಾಂತವನ್ನೂ ಬಿಜೆಪಿ ಪ್ರೋತ್ಸಾಹಿಸುವುದಿಲ್ಲ. ಸಂಸತ್‌ ಅಧಿವೇಶನದ ವೇಳೆ ಬಿಜೆಪಿ ಸಂಸದೀಯ ಪಕ್ಷದ ಸಭೆಗೆ ಠಾಕೂರ್‌ ಹಾಜರಾಗಬಾರದು ಎಂದು ನಾವು ನಿರ್ಧರಿಸಿದ್ದೇವೆ,” ಎಂದು ತಿಳಿಸಿದ್ದಾರೆ. ಬುಧವಾರ ವಿಶೇಷ ಭದ್ರತಾ ಪಡೆ (ತಿದ್ದುಪಡಿ) ಮಸೂದೆ ಚರ್ಚೆ ವೇಳೆ ಡಿಎಂಕೆ ನಾಯಕ ಎ ರಾಜ, ಮಹಾತ್ಮಾ ಗಾಂಧಿಯನ್ನು ಕೊಂದಿದ್ದೇಕೆ ಎಂಬುದಾಗಿ ಗೋಡ್ಸೆ ನೀಡಿದ್ದ ಹೇಳಿಕೆಯನ್ನು ಉಲ್ಲೇಖಿಸುತ್ತಿದ್ದರು. ಈ ವೇಳೆ ಮಧ್ಯ ಪ್ರವೇಶಿಸಿದ ಪ್ರಗ್ಯಾ ಸಿಂಗ್‌ ಠಾಕೂರ್‌, “ನೀವು ದೇಶಭಕ್ತರ ಉದಾಹರಣೆಯನ್ನು ನೀಡುವಂತಿಲ್ಲ,” ಎಂದು ಅಡ್ಡಿಪಡಿಸಿದ್ದರು. ಇದರಿಂದ ಕೆರಳಿದ ವಿರೋಧ ಪಕ್ಷಗಳು ತಕ್ಷಣವೇ ಪ್ರಗ್ಯಾ ಠಾಕೂರ್ ಹೇಳಿಕೆಗೆ ಆಕ್ಷೇಪ ವ್ಯಕ್ತಪಡಿಸಿದವು. ಇದರಿಂದ ಎಚ್ಚೆತ್ತ ಬಿಜೆಪಿ ನಾಯಕರು ಕುಳಿತುಕೊಳ್ಳುವಂತೆ ಪ್ರಗ್ಯಾ ಠಾಕೂರ್‌ಗೆ ಸೂಚಿಸಿದರು. ವಿರೋಧ ಪಕ್ಷಗಳ ಪ್ರತಿಭಟನೆ ನಂತರ ಲೋಕಸಭಾ ಸ್ಪೀಕರ್‌ ಓಂ ಬಿರ್ಲಾ ಕೇವಲ 'ಡಿಎಂಕೆ ನಾಯಕರ ಹೇಳಿಕೆ ಮಾತ್ರ ಕಡತಕ್ಕೆ ಹೋಗಲಿದೆ' ಎಂದು ತಿಳಿಸಿದ್ದರು. ಈ ಮೂಲಕ ಪ್ರಗ್ಯಾ ಠಾಕೂರ್‌ ಹೇಳಿಕೆಯನ್ನು ಕಡತಕ್ಕೆ ತೆಗೆದುಕೊಂಡಿರಲಿಲ್ಲ. ಈ ಬೆಳವಣಿಗೆ ನಂತರ ವಿರೋಧ ಪಕ್ಷಗಳು ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ಕಿಡಿ ಕಾರಿದ್ದವು. ಪ್ರಗ್ಯಾ ಠಾಕೂರ್‌ ವಿರುದ್ಧ ಪ್ರಧಾನಿ ಕ್ರಮ ಕೈಗೊಳ್ಳದೇ ಇರುವುದು, ಅವರು ಗೋಡ್ಸೆ ಆಲೋಚನೆಯನ್ನು ಬೆಂಬಲಿಸುತ್ತಾರೆ ಎಂಬುದನ್ನು ಸೂಚಿಸುತ್ತದೆ ಎಂದು ಹರಿಹಾಯ್ದಿದ್ದವು. ಬಿಜೆಪಿಯ ಧ್ವೇಷ ರಾಜಕಾರಣಕ್ಕೆ ಪ್ರಗ್ಯಾ ಠಾಕೂರ್‌ ಹೇಳಿಕೆ ಸೂಕ್ತ ಉದಾಹರಣೆ ಎಂದು ವಿರೋಧ ಪಕ್ಷಗಳು ವಾಗ್ದಾಳಿ ನಡೆಸಿದ್ದವು. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಜೆಪಿ ನಡ್ಡಾ, “ಇದರ ಬಗ್ಗೆ ನಾವು ತುಂಬಾ ಸ್ಪಷ್ಟವಾಗಿದ್ದೇವೆ. ನಾವು ಆಕೆಯ ಹೇಳಿಕೆಯನ್ನು ಖಂಡಿಸುತ್ತೇವೆ ಮತ್ತು ಈ ಸಿದ್ಧಾಂತವನ್ನು ನಾವು ಬೆಂಬಲಿಸುವುದಿಲ್ಲ,” ಎಂದಿದ್ದಾರೆ. ಈ ವೇಳೆ ಅವರ ಪಕ್ಕದಲ್ಲಿ ಬುಧವಾರ ಪ್ರಗ್ಯಾ ಠಾಕೂರ್‌ ಹಾಗೆ ಹೇಳಿಯೇ ಇಲ್ಲ ಎಂದು ವಾದಿಸಿದ್ದ ಸಂಸದೀಯ ವ್ಯವಹಾರ ಸಚಿವ ಪ್ರಹ್ಲಾದ್‌ ಜೋಶಿ ಉಪಸ್ಥಿತರಿದ್ದರು. ಲೋಕಸಭಾ ಚುನಾವಣಾ ಪ್ರಚಾರದ ವೇಳೆ ಪ್ರಗ್ಯಾ ಸಿಂಗ್‌ ಠಾಕೂರ್‌ ಗೋಡ್ಸೆಯನ್ನು ದೇಶಭಕ್ತ ಎಂದು ಕರೆದಿದ್ದರು. ಇದಕ್ಕೂ ಆ ಸಂದರ್ಭದಲ್ಲಿ ಭಾರಿ ವಿರೋಧ ಕೇಳಿ ಬಂದಿತ್ತು. ನಂತರ ಆಕೆ ತನ್ನ ಹೇಳಿಕೆಗೆ ಕ್ಷಮೆ ಕೋರಿದ್ದರು. ಈ ವೇಳೆ ಪ್ರತಿಕ್ರಿಯೆ ನೀಡಿದ್ದ ಪ್ರಧಾನಿ ನರೇಂದ್ರ ಮೋದಿ, ಗಾಂಧೀಜಿ ಅಥವಾ ಬಗ್ಗೆ ನೀಡಿದ್ದ ಹೇಳಿಕೆ ತೀರಾ ಕೆಟ್ಟದ್ದು ಮತ್ತು ಸಮಾಜಕ್ಕೆ ತುಂಬಾ ತಪ್ಪು ಎಂದಿದ್ದರು. “ಆಕೆ ಕ್ಷಮೆ ಕೋರಿದ್ದಾರೆ ಆದರೆ ಆಕೆಯನ್ನು ಸಂಪೂರ್ಣವಾಗಿ ಕ್ಷಮಿಸಲು ನನಗೆ ಸಾಧ್ಯವಿಲ್ಲ,” ಎಂದು ತಿಳಿಸಿದ್ದರು.

from India & World News in Kannada | VK Polls https://ift.tt/33v3qj0