ಪಾಟ್ನಾ: ಬಿಹಾರದ ಸೀತಾಮಹ್ರಿಯಲ್ಲಿ ಭವ್ಯವಾದ ಸೀತಾ ಮಂದಿರ ನಿರ್ಮಾಣ ಮಾಡಬೇಕೆನ್ನುವುದು ನನ್ನ ಕನಸಾಗಿದೆ ಎಂದು ಎಲ್ಜೆಪಿ ಮುಖ್ಯಸ್ಥ ಹೇಳಿದ್ದಾರೆ. ಇಲ್ಲಿನ ಸೀತಾ ಮಂದಿರಕ್ಕೆ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿದ ಚಿರಾಗ್ ಪಾಸ್ವಾನ್, ಅಯೋಧ್ಯೆಯ ರಾಮ ಮಂದಿರಕ್ಕೂ ಭವ್ಯವಾದ ಸೀತಾ ಮಂದಿರನ್ನು ನಿರ್ಮಿಸಲು ಶ್ರಮಿಸುವುದಾಗಿ ಭರವಸೆ ನೀಡಿದರು. ಸೀತಾ ಮಾತೆಯಿಲ್ಲದೇ ಪ್ರಭು ಶ್ರೀರಾಮ ಅಪೂರ್ಣ. ಹಾಗೆಯೇ ಪ್ರಭು ಶ್ರೀರಾಮನಿಲ್ಲದೇ ಸೀತಾಮಾತೆಯೂ ಅಪೂರ್ಣ. ಹೀಗಾಗಿ ಅಯೋಧ್ಯೆಯಲ್ಲಿ ನಿರ್ಮಾಣವಾಗುವ ರಾಮ ಮಂದಿರಕ್ಕಿಂತಲೂ ದೊಡ್ಡದಾದ ಸೀತಾ ಮಂದಿರವನ್ನು ಸೀತಾಮಹ್ರಿಯಲ್ಲಿ ನಿರ್ಮಿಸಲು ಮುಂದಾಗುವುದಾಗಿ ಚಿರಾಗ್ ಪಾಸ್ವಾನ್ ನುಡಿದರು. ಕೇವಲ ಸೀತಾಮಾತೆ ಮಂದಿರ ನಿರ್ಮಾಣ ಮಾತ್ರವಲ್ಲದೇ ಅದನ್ನು ಅಯೋಧ್ಯೆಯ ರಾಮ ಮಂದಿರಕ್ಕೆ ಸಂಪರ್ಕ ಕಲ್ಪಿಸುವ ಕುರಿತೂ ಯೋಜನೆ ರೂಪಿಸಲಾಗುವುದು ಎಂದು ಎಲ್ಜೆಪಿ ಮುಖ್ಯಸ್ಥ ಹೇಳಿದರು. ಎರಡೂ ದೇವಾಲಯಗಳ ಮಧ್ಯೆ ಸಂಪರ್ಕ ಕಲ್ಪಿಸಿ, ಅಯೋಧ್ಯೆಯ ರಾಮ ಮಂದಿರಕ್ಕೆ ಭೇಟಿ ನೀಡುವ ಭಕ್ತಾದಿಗಳು ಸೀತಾಮಹ್ರಿಗೂ ಭೇಟಿ ನೀಡಿ ಸೀತಾಮಾತೆಯ ದರ್ಶನ ಪಡೆಯುವಂತೆ ಅವಕಾಶ ಕಲ್ಪಿಸಲಾಗುವುದು ಎಂದು ಚಿರಾಗ್ ತಮ್ಮ ಯೋಜನೆಯನ್ನು ಬಿಚ್ಚಿಟ್ಟರು. ಚಿರಾಗ್ ಪಾಸ್ವಾನ್ ಅವರ ಈ ಘೋಷಣೆ ಬಿಹಾರ ವಿಧಾನಸಭೆ ಚುನಾವಣೆ ಹೊಸ್ತಿಲಲ್ಲಿ ಹೊಸ ಚರ್ಚೆಗೆ ನಾಂದಿ ಹಾಡಿದ್ದು, ಅಯೋಧ್ಯೆಯ ರಾಮ ಮಂದಿರಕ್ಕೂ ಭವ್ಯವಾದ ಸೀತಾಮಾತೆ ಮಂದಿರ ನಿರ್ಮಾಣದ ಭರವಸೆ ತೀವ್ರ ಕುತೂಹಲ ಕೆರಳಿಸಿದೆ.
from India & World News in Kannada | VK Polls https://ift.tt/2Tnqhuj
