ಬೆಂಗಳೂರು: ನಗರದಲ್ಲಿ ಈ ತಿಂಗಳಿನಲ್ಲಿ ಉತ್ತಮ ಮಳೆಯಾಗುವ ಸಾಧ್ಯತೆ ಇದೆ. ವಾಡಿಕೆಯಂತೆ ಸರಾಸರಿ 168 ಮಿ.ಮೀ ನಷ್ಟು ದಾಖಲಾಗುತ್ತದೆ. ಕಳೆದ ಸೆಪ್ಟೆಂಬರ್ನಲ್ಲಿ ಹೆಚ್ಚು ಮಳೆಯಾಗಿರುವ ಕಾರಣ ಅದು ಅಕ್ಟೋಬರ್ನಲ್ಲೂ ವಿಸ್ತರಣೆಯಾಗಲಿದೆ ಎಂದು ಅಂದಾಜಿಸಲಾಗಿದೆ. ಕಳೆದ ಸೆಪ್ಟೆಂಬರ್ ತಿಂಗಳಲ್ಲಿ 300 ಮಿ.ಮೀ ನಷ್ಟು ಮಳೆಯಾಗಿತ್ತು. ತಿಂಗಳು ಪೂರ್ತಿ ನಗರದ ನಾನಾ ಭಾಗಗಳಲ್ಲಿಒಂದಲ್ಲಾ ಒಂದು ದಿನ ವರ್ಷಧಾರೆಯಾಗುತ್ತಿತ್ತು. ದಂಡು ಪ್ರದೇಶದ ಕುಶಾಲನಗರದಲ್ಲಿಒಂದೇ ದಿನ(ಸೆ.9) 136 ಮಿ.ಮೀ ಮಳೆ ಬಿದ್ದಿದ್ದು, ಆ ತಿಂಗಳ ಮಟ್ಟಿಗೆ ದಾಖಲೆಯಾಗಿತ್ತು. ಅಲ್ಲದೇ ಹತ್ತಕ್ಕೂ ಹೆಚ್ಚು ಪ್ರದೇಶಗಳಲ್ಲಿ 100ಕ್ಕೂ ಹೆಚ್ಚು ಮಿ.ಮೀ ನಷ್ಟು ಮಳೆಯಾಗಿ ತಗ್ಗು ಪ್ರದೇಶಗಳಲ್ಲಿ ಸಮಸ್ಯೆ ತಂದೊಡ್ಡಿತ್ತು. ಅಕ್ಟೋಬರ್ನಲ್ಲಿ ಅಂತಹ ಅನಾಹುತ ಆಗದಷ್ಟು ಮಳೆ ಸುರಿಯದಿದ್ದರೂ, ದಸರಾ ಮುನ್ನ ಸಾಕಷ್ಟು ಮಳೆಯಾಗಲಿದೆ ಎಂದು ತಿಳಿಸಿದೆ. ನಗರದಲ್ಲಿ ಕಳೆದ ಜೂನ್ ತಿಂಗಳಿನಿಂದ ಸೆಪ್ಟೆಂಬರ್ ವರೆಗಿನ ಮುಂಗಾರು ಅವಧಿಯಲ್ಲಿ ಒಟ್ಟು 600 ಮಿ.ಮೀ ನಷ್ಟ ಮಳೆಯಾಗಿದೆ. ಆನೇಕಲ್ನಲ್ಲಿ ಹೆಚ್ಚು ಮಳೆ ದಾಖಲು ಶನಿವಾರ ಆನೇಕಲ್ ಬಳಿಯ ಹೆಬ್ಬುಗೋಡಿಯಲ್ಲಿ 52.5 ಮಿ.ಮೀ ಹಾಗೂ ವೀರಸಂದ್ರದಲ್ಲಿ 46.5 ಮಿ.ಮೀ ಮಳೆ ಬಿದ್ದ ದಾಖಲಾಗಿದೆ. ಬಿಬಿಎಂಪಿಯ ಹಲವೆಡೆ ಸಾಧಾರಣ ಪ್ರಮಾಣದ ಮಳೆಯಾಗಿದೆ. ಬಾಣಸವಾಡಿ 19.5, ಕಮ್ಮನಹಳ್ಳಿ 16.5, ಅಟ್ಟೂರು 14, ವಿಜ್ಞಾನನಗರ 13.5, ಕುಮಾರಸ್ವಾಮಿ ಲೇಔಟ್ 11, ಮಾರತ್ಹಳ್ಳಿ, ವಿದ್ಯಾಪೀಠ ತಲಾ 10 ಮಿ.ಮೀ ಮಳೆಯಾಗಿದೆ.
from India & World News in Kannada | VK Polls https://ift.tt/36twFYz
