ಹೊಸದಿಲ್ಲಿ: ರಾಷ್ಟ್ರಪಿತ, ಎಲ್ಲರ ಪ್ರೀತಿಯ ಬಾಪು ಮಹಾತ್ಮ ಗಾಂಧಿ ಜಯಂತಿಯನ್ನು ಇಡೀ ದೇಶಕ್ಕೆ ದೇಶವೇ ಕೊಂಡಾಡುತ್ತದೆ. ಅಕ್ಟೋಬರ್‌ 2ರ ಈ ಸುದಿನ ದೇಶದ ಉದ್ದಗಲದಲ್ಲೂ ವಿಶೇಷ ಕಾರ್ಯಕ್ರಮಗಳು ಆಯೋಜನೆಯಾಗುತ್ತದೆ. ಇನ್ನು ಮಹಾತ್ಮ ಗಾಂಧಿ ಜಯಂತಿಗೆ ದೇಶದ ಪ್ರಮುಖ ಗಣ್ಯರು ಅವರನ್ನ ನೆನೆದು ದೇಶವಾಸಿಗಳಿಗೆ ಶುಭಕೋರುತ್ತಿದ್ದಾರೆ. ಕೂಡ ಶುಭ ಹಾರೈಸಿದ್ದು, ಗಾಂಧಿ ಜಯಂತಿಯಂದು ಪ್ರೀತಿಯ ಬಾಪು ಅವರಿಗೆ ನಮಸ್ಕರಿಸುತ್ತೇನೆ. ಅವರ ಜೀವನ ಮತ್ತು ಉದಾತ್ತ ಚಿಂತನೆಗಳಿಂದ ಕಲಿಯಬೇಕಾದದ್ದು ಬಹಳಷ್ಟಿದೆ. ಸಮೃದ್ಧ ಮತ್ತು ಶ್ರೇಷ್ಠ ಭಾರತದ ನಿರ್ಮಾಣದಲ್ಲಿ ಬಾಪೂಜಿ ಅವರ ಆದರ್ಶಗಳು ನಮಗೆ ಮಾರ್ಗದರ್ಶನ ನೀಡಲಿ ಎಂದು ಪ್ರಧಾನಿ ಮೋದಿ ವಿಡಿಯೊ ಮೂಲಕ ಟ್ವೀಟ್‌ ಮಾಡಿದ್ದಾರೆ. ಇನ್ನು ಮಹಾತ್ಮ ಗಾಂಧಿ ಜನ್ಮ ದಿನಾಚರಣೆಯೊಂದಿಗೆ ಅಕ್ಟೋಬರ್‌ 2ರಂದು ಮಾಜಿ ಪ್ರಧಾನಿ ಲಾಲ್‌ ಬಹದ್ದೂರ್‌ ಶಾಸ್ತ್ರಿ ಅವರ ಜನ್ಮದಿನವನ್ನು ದೇಶದಾದ್ಯಂತ ಆಚರಿಸಲಾಗುತ್ತಿದೆ. ಈ ಬಗ್ಗೆಯೂ ಟ್ವೀಟ್‌ ಮಾಡಿರುವ ಪ್ರಧಾನಿ ಮೋದಿ, ಲಾಲ್‌ ಬಹದ್ದೂರ್‌ ಶಾಸ್ತ್ರಿ ಅವರು ವಿನಯವಂತ ಮತ್ತು ದೃಢ ವ್ಯಕ್ತಿಯಾಗಿದ್ದರು. ಸರಳತೆಗೆ ಸ್ಪಷ್ಟ ಉದಾಹರಣೆಯಂತಿದ್ದ ಅವರು ರಾಷ್ಟ್ರದ ಉನ್ನತಕ್ಕಾಗಿ ಶ್ರಮಿಸಿದರು ಎಂದು ಪ್ರಧಾನಿ ಮೋದಿ ವಿಡಿಯೊ ಸಮೇತ ಟ್ವೀಟ್‌ ಮಾಡಿದ್ದಾರೆ.
from India & World News in Kannada | VK Polls https://ift.tt/34gGM0n
