ಹೊಸದಿಲ್ಲಿ: ಬ್ಯಾಟಿಂಗ್ ಮಾಡುವ ವೇಳೆ ತುಂಬಾ ಸುಸ್ತಾಯಿತು ಆದರೆ, ನಾಯಕ ವಿರಾಟ್ ಕೊಹ್ಲಿ ಪಂದ್ಯ ಮುಗಿಸುವಂತೆ ನನ್ನನ್ನು ಪ್ರೇರೇಪಿಸಿದರು ಎಂದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಆರಂಭಿಕ ಬ್ಯಾಟ್ಸ್ಮನ್ ತಿಳಿಸಿದರು. 155 ರನ್ಗಳ ಗುರಿ ಬೆನ್ನತ್ತಿದ , ಬಹುಬೇಗ ಆರೋನ್ ಫಿಂಚ್ ವಿಕೆಟ್ ಕಳೆದುಕೊಂಡಿತು. ನಂತರ ಜತೆಯಾದ ವಿರಾಟ್ ಕೊಹ್ಲಿ ಹಾಗೂ ದೇವದತ್ ಪಡಿಕ್ಕಲ್ ಜೋಡಿ, ಎರಡನೇ ವಿಕೆಟ್ಗೆ 99 ರನ್ಗಳ ಜತೆಯಾಟವಾಡುವ ಮೂಲಕ ತಂಡವನ್ನು ಗೆಲುವಿನ ಸಮೀಪ ತಂದಿತು. ಅದ್ಭುತ ಬ್ಯಾಟಿಂಗ್ ಮಾಡಿದ ಪಡಿಕ್ಕಲ್ ಪ್ರಸಕ್ತ ಆವೃತ್ತಿಯ ಮೂರನೇ ಅರ್ಧಶತಕ ಬಾರಿಸಿದರು. 63 ರನ್ ಗಳಿಸಿ ಆಡುತ್ತಿದ್ದ ಅವರು 16ನೇ ಓವರ್ನಲ್ಲಿ ಜೋಫ್ರಾ ಆರ್ಚರ್ಗೆ ಕ್ಲೀನ್ ಬೌಲ್ಡ್ ಆದರು. ಎಬಿ ಡಿವಿಲಿಯರ್ಸ್ ಹಾಗೂ ವಿರಾಟ್ ಕೊಹ್ಲಿ ಜೋಡಿ ಅಂತಿಮವಾಗಿ 34 ರನ್ಗಳ ಜತೆಯಾಟದ ಮೂಲಕ ತಂಡವನ್ನು ಗೆಲುವಿನ ದಡ ಸೇರಿಸಿತು. ಕಳೆದ ಪಂದ್ಯಗಳಲ್ಲಿ ಲಯಕ್ಕಾಗಿ ಪರದಾಡುತ್ತಿದ್ದ ವಿರಾಟ್ ಕೊಹ್ಲಿ, ಅಜೇಯ 72 ರನ್ಗಳು ಹಾಗೂ ಎಬಿಡಿ ಅಜೇಯ 12 ರನ್ಗಳನ್ನು ಗಳಿಸಿದರು. ಪಂದ್ಯದ ಬಳಿಕ ಮಾತನಾಡಿದ ದೇವದತ್ ಪಡಿಕ್ಕಲ್, "ವಿರಾಟ್ ಕೊಹ್ಲಿ ಜತೆ ಬ್ಯಾಟಿಂಗ್ ಮಾಡುವುದು ವಿಭಿನ್ನ ಅನುಭವ ನೀಡುತ್ತದೆ. ನಾನು ಚಿಕ್ಕ ಹುಡುಗನಿದ್ದಾಗಿನಿಂದಲೂ ಅವರನ್ನು ವೀಕ್ಷಿಸುತ್ತಿದ್ದೇನೆ. ಆದ್ದರಿಂದ, ಅವರೊಂದಿಗೆ ಬ್ಯಾಟಿಂಗ್ ಮಾಡುವುದು ಅವಾಸ್ತವ ಭಾವನೆ ಮತ್ತು ನಾನು ಅದನ್ನು ಸಂಪೂರ್ಣವಾಗಿ ಆನಂದಿಸುತ್ತಿದ್ದೇನೆ. ಅವರು ನನ್ನನ್ನು ತಳ್ಳುತ್ತಲೇ ಇರುತ್ತಾರೆ. ನನಗೆ ಆಯಾಸವಾದ ಭಾವನೆ ಉಂಟಾದಾಗ, ಅವರು ಇನಿಂಗ್ಸ್ ಮುಗಿಸುವಂತೆ ನನ್ನನ್ನು ಹೇಳುತ್ತಿದ್ದರು," ಎಂದು ಹೇಳಿದರು. "ಪಂದ್ಯದ ಕೊನೆಯವರೆಗೂ ಆಡುವಂತೆ ಅವರು ನನಗೆ ಹೇಳುತ್ತಲೇ ಇದ್ದರು. ತಂಡದ ದೃಷ್ಟಿಯಲ್ಲಿ, ಅವರು ಇದೇ ರೀತಿ ಬ್ಯಾಟಿಂಗ್ ಮಾಡುತ್ತಾರೆ ಹಾಗೂ ಅದನ್ನೇ ನನಗೆ ಅವರು ತಿಳಿಸಲು ಪ್ರಯತ್ನಿಸುತ್ತಿದ್ದರು," ಎಂದು ದೇವದತ್ ಪಡಿಕ್ಕಲ್ ಪಂದ್ಯದ ಬಳಿಕ ಸ್ಟಾರ್ ಸ್ಪೋರ್ಟ್ಸ್ಗೆ ತಿಳಿಸಿದರು. ಆರಂಭಿಕ ಬ್ಯಾಟ್ಸ್ಮನ್ ನಾಲ್ಕು ಪಂದ್ಯಗಳಿಂದ ಟೂರ್ನಿಯಲ್ಲಿ ಒಟ್ಟು 174 ರನ್ಗಳನ್ನು ಕಲೆ ಹಾಕಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿ, 20 ಓವರ್ಗಳು ಫೀಲ್ಡಿಂಗ್ ಮಾಡಿದ ಬಳಿಕ ಬ್ಯಾಟಿಂಗ್ ಮಾಡುವುದು ನಿಜಕ್ಕೂ 'ತುಂಬಾ ಬಿಸಿ'. ಆದರೆ, ಬ್ಯಾಟಿಂಗ್ ಅನ್ನು ತುಂಬಾ ಚೆನ್ನಾಗಿ ಆನಂದಿಸಿದ್ದೇನೆ ಎಂದರು. "ಪಂದ್ಯದಲ್ಲಿ ಮೆರಿಟ್ ಆಫ್ ದಿ ಬಾಲ್(ಎಸೆತಕ್ಕೆ ತಕ್ಕಂತೆ ಆಡುವುದು) ಆಡುತ್ತಿದ್ದೆ. ಚೆಂಡು ಹತ್ತಿರ ಬರುವವರೆಗೂ ನೋಡುತ್ತಿದ್ದೆ, ನಂತರ ಯಾವ ಶಾಟ್ ಹೊಡೆಯಬೇಕೆಂದು ನಿರ್ಧರಿಸುತ್ತಿದ್ದೆ. 20 ಓವರ್ಗಳು ಮೊದಲು ಫೀಲ್ಡಿಂಗ್ ಮಾಡಿದ ಬಳಿಕ ಬ್ಯಾಟಿಂಗ್ಗೆ ಬರುವುದು ನಿಜಕ್ಕೂ ತುಂಬಾ ಬಿಸಿ ಎನಿಸುತ್ತದೆ. ಆದ್ದರಿಂದ ನಮ್ಮ ಹಾದಿಯಲ್ಲಿ ನಾವು ಆಡುವ ಮೂಲಕ ಪಂದ್ಯಗಳನ್ನು ಗೆಲ್ಲಿಸಬೇಕು," ಎಂದು ದೇವದತ್ ಪಡಿಕ್ಕಲ್ ತಿಳಿಸಿದರು. ಈ ಪಂದ್ಯದ ಗೆಲುವಿನೊಂದಿಗೆ ಆರ್ಸಿಬಿಯು ಅಂಕಪಟ್ಟಿಯಲ್ಲಿ 6 ಪಾಯಿಂಟ್ಗಳೊಂದಿಗೆ ಅಗ್ರ ಸ್ಥಾನಕ್ಕೇರಿತು. ಮುಂದಿನ ಪಂದ್ಯ ಅ.5 ರಂದು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ದುಬೈ ಇಂಟರ್ನ್ಯಾಷನಲ್ ಕ್ರೀಡಾಂಗಣದಲ್ಲಿ ಸೆಣಸಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3jxdSQ2
