ಎನ್‌ಕೌಂಟರ್ ವೇಳೆ ಗುಂಡೇಟಿನಿಂದ 3 ವರ್ಷದ ಮಗುವಿನ ರಕ್ಷಣೆ: ತಾತ ಸಾವು!

ಶ್ರೀನಗರ: ಜಮ್ಮು ಕಾಶ್ಮೀರದ ಬಾರಾಮುಲ್ಲ ಜಿಲ್ಲೆಯ ಸೋಪೊರ್‌ನಲ್ಲಿ ಇಂದು(ಬುಧವಾರ) ಭಧ್ರತಾ ಪಡೆ ಮತ್ತು ಉಗ್ರರ ನಡುವೆ ಎನ್‌ಕೌಂಟರ್ ಸಂಭವಿಸಿದ್ದು, ಉಗ್ರರ ದಾಳಿಯಲ್ಲಿಓರ್ವ ಯೋಧ ಹಾಗೂ ಓರ್ವ ನಾಗರಿಕ ಹುತಾತ್ಮರಾಗಿದ್ದಾರೆ. ಈ ಮಧ್ಯೆ ಎನ್‌ಕೌಂಟರ್ ಸಂದರ್ಭದಲ್ಲಿ ಉಗ್ರರ ಗುಂಡೇಟಿಗೆ ಬಲಿಯಾಗುತ್ತಿದ್ದ ಮೂರು ವರ್ಷದ ಪುಟ್ಟ ಕಂದನನ್ನು ಸಿಆರ್‌ಪಿಎಫ್ ಯೋಧರು ರಕ್ಷಿಸಿದ್ದು, ಗಾಬರಿಯಾಗಿದ್ದ ಮಗುವನ್ನು ಯೋಧನೋರ್ವ ಎತ್ತಿ ಮುದ್ದಾಡುತ್ತಿರುವ ಫೋಟೋ ವೈರಲ್ ಆಗಿದೆ. ಎನ್‌ಕೌಂಟರ್ ಆರಂಭವಾಗುತ್ತಿದ್ದಂತೇ ಮಗುವೊಂದು ಉಗ್ರರು ಮತ್ತು ಭದ್ರತಾ ಪಡೆಗಳ ನಡುವೆ ಸಿಕ್ಕಿಕೊಂಡಿದೆ. ಎಲ್ಲಿ ಹೋಗಬೇಕು ಎಂಬುದು ಗೊತ್ತಾಗದೇ ಮಗು ಮಧ್ಯದಲ್ಲೇ ಅಳುತ್ತಾ ನಿಂತು ಬಿಟ್ಟಿದೆ. ಉಗ್ರರ ಗುಂಡಿಗೆ ಬಲಿಯಾದ ನಾಗರಿಕ ಈ ಮಗುವಿನ ತಾತ ಎಂದು ಹೇಳಲಾಗಿದೆ. ತಾತನ ಮೃದೇಹದ ಪಕ್ಕ ಅಳುತ್ತಾ ನಿಂತಿದ್ದ ಮಗುವನ್ನು ಯೋಧರು ರಕ್ಷಿಸಿದ್ದಾರೆ. ಇದನ್ನು ಗಮನಿಸಿದ ಸಿಆರ್‌ಪಿಎಫ್ ಯೋಧನೋರ್ವ ಕೂಡಲೇ ಮಗುವನ್ನು ಎತ್ತಿಕೊಂಡು ಸುರಕ್ಷಿತ ಸ್ಥಳಕ್ಕೆ ದೌಡಾಯಿಸಿದ್ದಾರೆ.. ಎನ್‌ಕೌಂಟರ್ ಬಳಿಕ ಗಾಬರಿಗೊಂಡಿದ್ದ ಈ ಮಗುವನ್ನು ಭದ್ರತಾ ಸಿಬ್ಬಂದಿ ಎತ್ತಿ ಮುದ್ದಾಡಿ ಸಮಾಧಾನ ಪಡಿಸಿದ್ದಾರೆ. ಇನ್ನು ಸೋಪೋರ್‌ನಲ್ಲಿ ಗಸ್ತು ತಿರುಗುತ್ತಿದ್ದ ಸಿಆರ್‌ಪಿಎಫ್ ಯೋಧರ ಮೇಲೆ ಉಗ್ರರು ಗುಂಡಿನ ದಾಳಿ ನಡೆಸಿದ ಪರಿಣಾಮ, ಓರ್ವ ಯೋಧ ಹಾಗೂ ಓರ್ವ ನಾಗರಿಕ ಹುತಾತ್ಮರಾಗಿದ್ದಾರೆ.

from India & World News in Kannada | VK Polls https://ift.tt/2NKYcu1

ಕೊರೊನಾ ಅಟ್ಟಹಾಸದ ನಡುವೆಯೂ ಡಿಕೆಶಿ ಪ್ರತಿಜ್ಞಾವಿಧಿ ಸ್ವೀಕಾರ ಕಾರ್ಯಕ್ರಮಕ್ಕೆ ಭರದ ಸಿದ್ಧತೆ

ಬೆಂಗಳೂರು: ರಾಜ್ಯದಲ್ಲಿ ಕೊರೊನಾ ಸೋಂಕು ಅಟ್ಟಹಾಸ ಮೆರೆಯುತ್ತಿದೆ. ದಿನದಿಂದ ದಿನಕ್ಕೆ ಸೋಂಕಿತರ ಸಂಖ್ಯೆಯಲ್ಲಿ ಹೆಚ್ಚಳವಾಗುತ್ತಿದೆ. ಸರ್ಕಾರ ಸೋಂಕು ನಿಯಂತ್ರಣ ಮಾಡುವ ನಿಟ್ಟಿನಲ್ಲಿ ಸಾಮಾಜಿಕ ಅಂತರ ಕಾಪಾಡಿ ಎಂದು ವಿನಂತಿ ಮಾಡುತ್ತಿದೆ. ಈ ಎಲ್ಲಾ ಸಮಸ್ಯೆಗಳ ನಡುವೆ ಗುರುವಾರ(ಜುಲೈ 2) ರಂದು ಕೆಪಿಸಿಸಿ ಅಧ್ಯಕ್ಷರಾಗಿ ಡಿಕೆ ಶಿವಕುಮಾರ್ ಪ್ರತಿಜ್ಞಾ ಸ್ವೀಕಾರ ಮಾಡಲಿದ್ದಾರೆ. ಕೆಪಿಸಿಸಿ ನೂತನ ಕಚೇರಿಯಲ್ಲಿ ಪ್ರತಿಜ್ಞಾವಿಧಿ ಕಾರ್ಯಕ್ರಮ ನಡೆಯಲಿದೆ. ಕಾರ್ಯಕ್ರಮಕ್ಕೆ ಅಂತಿಮ ಹಂತದ ಸಿದ್ಧತೆಗಳನ್ನು ನಡೆಸಲಾಗುತ್ತಿದೆ. ಕೆಪಿಸಿಸಿ ಕಚೇರಿಯಲ್ಲಿ ನಡೆಯಲಿರುವ ಕಾರ್ಯಕ್ರಮ ರಾಜ್ಯಾದ್ಯಂತ ಪಕ್ಷದ ಕಾರ್ಯಕರ್ತರು ವೀಕ್ಷಣೆ ಮಾಡಲು ಎಲ್ಲಾ ರೀತಿಯ ಸಿದ್ಧತೆಗಳನ್ನು ಮಾಡಲಾಗಿದೆ. ಪ್ರತಿ ಜಿಲ್ಲೆಗಳಲ್ಲಿ ಹಾಗೂ ಬ್ಲಾಕ್‌ ಮಟ್ಟದಲ್ಲಿ ಕಾರ್ಯಕ್ರಮ ವೀಕ್ಷಿಸಲು ಎಲ್‌ಇಡಿ ಪರದೆಯನ್ನು ಅಳವಡಿಸಲಾಗಿದೆ. ಡಿಜಿಟಲ್ ತಂತ್ರಜ್ಞಾನದ ಮೂಲಕ ಸುಮಾರು 10 ಲಕ್ಷ ಕಾರ್ಯಕರ್ತರು ಕಾರ್ಯಕ್ರಮ ವೀಕ್ಷಣೆ ಮಾಡಲು ವ್ಯವಸ್ಥೆಯನ್ನು ಕಲ್ಪಿಸಲಾಗಿದೆ. ಡಿಜಿಟಲ್‌ ತಂತ್ರಜ್ಞಾನಕ್ಕೆ ಒತ್ತು ಪ್ರತಿಜ್ಞಾ ಸ್ವೀಕಾರ ಕಾರ್ಯಕ್ರಮ ನಿರ್ವಹಣೆ ಮಾಡಲು ಜಿಲ್ಲಾ ಮಟ್ಟದಲ್ಲಿ ‘ಡಿಜಿಟಲ್ ಯೂತ್‌’ ಸ್ವಯಂಸೇವಕರನ್ನು ನಿಯೋಜನೆ ಮಾಡಲಾಗಿದೆ. ರಾಜ್ಯದ 7,800 ಪಂಚಾಯತ್‌ನಲ್ಲಿ 16,000 ಜನ ಡಿಜಿಟಲ್‌ ಯೂತ್ ನೇಮಕ ಮಾಡಲಾಗಿದೆ. ಅವರೆಲ್ಲರ ಜೊತೆಗೆ ಕಳೆದ ಒಂದು ತಿಂಗಳಿಂದ 300 ವಿಡಿಯೋ ಸಂವಾದ ನಡೆಸಲಾಗಿದ್ದು ತರಬೇತಿ ಹಾಗೂ ಸೂಚನೆಗಳನ್ನು ನೀಡಲಾಗಿದೆ. ಇನ್ನು ಕಾರ್ಯಕ್ರಮದ ನೇರ ಪ್ರಸಾರವನ್ನು ವಾಟ್ಸಪ್‌ ಹಾಗೂಇತರ ಸಾಮಾಜಿಕ ಜಾಲತಾಣಗಳ ಗುಂಪುಗಳಲ್ಲಿ ವಿಡಿಯೋ ಲಿಂಕ್‌ಗಳನ್ನು ಕಳಿಸುಕೊಡುವ ವ್ಯವಸ್ಥೆ ಮಾಡಲಾಗಿದೆ. ಕಾರ್ಯಕ್ರಮ ನಡೆಯುವ ಸ್ಥಳದಲ್ಲಿ ಎರಡು ಟಿವಿಗಳ ಮೂಲಕ ಪ್ರತಿಜ್ಞಾವಿಧಿ ಸ್ವೀಕಾರ ಕಾರ್ಯಕ್ರಮದ ನೇರ ಪ್ರಸಾರ ನಡೆಯಲಿದೆ. ಹೀಗೆ ರಾಜ್ಯ ಹಾಗೂ ಹೊರರಾಜ್ಯಗಳು ಸೇರಿದಂತೆ ಸುಮಾರು 10,000 ಕಡೆ ಕಾರ್ಯಕ್ರಮ ನಡೆಯಲಿದೆ ಎಂದು ಕೆಪಿಸಿಸಿ ಸಾಮಾಜಿಕ ಜಾಲತಾಣ ವಿಭಾಗದ ಮುಖ್ಯಸ್ಥ ನಟರಾಜ್‌ ಗೌಡ ತಿಳಿಸಿದ್ದಾರೆ. ಗುರುವಾರ ಬೆಳಗ್ಗೆ 11 ಗಂಟೆಗೆ ಕೆಪಿಸಿಸಿ ಹೊಸ ಕಟ್ಟಡದಲ್ಲಿ ಕಾರ್ಯಕ್ರಮ ಆರಂಭವಾಗಲಿದೆ. ಆರಂಭದಲ್ಲಿ ಲಡಾಕ್‌ ಹುತಾತ್ಮ ಯೋಧಕರಿಗೆ ಶೃದ್ಧಾಂಜಲಿ ಸಲ್ಲಿಸಲಿದ್ದಾರೆ. ಸುಮಾರು 2 ಗಂಟೆಗಳ ಕಾಲ ಕಾರ್ಯಕ್ರಮ ನಡೆಯಲಿದೆ. ಕೊರೊನಾ ಕಾರಣದಿಂದಾಗಿ ಸಾಮಾಜಿಕ ಅಂತರ, ಕಡ್ಡಾಯ ಮಾಸ್ಕ್‌ ಧಾರಣೆ ಮಾಡುವಂತೆ ಸೂಚನೆ ನೀಡಲಾಗಿದೆ. ಸಾಮಾಜಿಕ ಅಂತರ ಪಾಲನೆ ಸವಾಲು ರಾಜ್ಯದಲ್ಲಿ ಕೊರೊನಾ ಅಟ್ಟಹಾಸ ಮೆರೆಯುತ್ತಿರುವ ಹಿನ್ನೆಲೆಯಲ್ಲಿ ಡಿಕೆಶಿ ಪದಗ್ರಹಣ ಕಾರ್ಯಕ್ರಮಕ್ಕೆ ಮೂರು ಬಾರಿ ಅನುಮತಿ ನಿರಾಕರಣೆ ಮಾಡಲಾಗಿತ್ತು. ಆದರೆ ಇದು ರಾಜಕೀಯ ಸ್ವರೂಪ ಪಡೆದುಕೊಳ್ಳುತ್ತಿರುವ ಹಿನ್ನೆಲೆಯಲ್ಲಿ ಕೊನೆಗೂ ಅನುಮತಿ ನೀಡಲಾಯಿತು. ಆದರೆ ಕೆಲವೊಂದು ನಿಯಮಗಳನ್ನು ಪಾಲನೆ ಮಾಡುವಂತೆ ಸೂಚನೆ ನೀಡಲಾಗಿದೆ. ನಗರದಲ್ಲಿ ಕೊರೊನಾ ಸೋಂಕು ಏರಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಸಾಮಾಜಿಕ ಅಂತರ ಪಾಲನೆ ಮಾಡುವಂತೆ ಸೂಚನೆ ನೀಡಲಾಗಿದೆ. ಆದರೆ ಗುರುವಾರ ನಡೆಯಲಿರುವ ಕಾರ್ಯಕ್ರಮದಲ್ಲಿ ಇದು ಸಾಧ್ಯವಾಗುತ್ತಾ ಎಂಬುವುದು ಸವಾಲಾಗಿದೆ. ಪ್ರತಿಭಟನೆಯ ತಪ್ಪು ಪುನರಾವರ್ತನೆಯಾಗದಿರಲಿ! ಪೆಟ್ರೋಲ್‌ ಡಿಸೇಲ್ ದರ ಏರಿಕೆ ವಿರುದ್ಧ ಕಾಂಗ್ರೆಸ್‌ ಹಮ್ಮಿಕೊಂಡಿದ್ದ ಪ್ರತಿಭಟನೆಯಲ್ಲಿ ಸಾವಿರಾರು ಸಂಖ್ಯೆಯ ಜನರು ಭಾಗಿಯಾಗಿದ್ದರು. ಪ್ರತಿಭಟನೆಯಲ್ಲಿ ಸಂಪೂರ್ಣವಾಗಿ ಕೋವಿಡ್‌ ಮಾರ್ಗಸೂಚಿಯನ್ನು ಉಲ್ಲಂಘನೆ ಮಾಡಲಾಗುತ್ತು ಪಕ್ಷದ ಮುಖಂಡರ ನಡೆಗೆ ವ್ಯಾಪಕ ಆಕ್ರೋಶ ವ್ಯಕ್ತವಾಗಿದೆ. ಈ ಹಿನ್ನೆಲೆಯಲ್ಲಿ ಪ್ರತಿಜ್ಞಾವಿಧಿ ಕಾರ್ಯಕ್ರಮದಲ್ಲಿ ಇಂತಹ ತಪ್ಪುಗಳು ನಡೆಯದಂತೆ ಎಚ್ಚರಿಕೆ ವಹಿಸಲಾಗುತ್ತದಾ ಎಂಬುವುದು ಕಾದುನೋಡಬೇಕಿದೆ.

from India & World News in Kannada | VK Polls https://ift.tt/3geg64v

ಮಾಡಿದ್ದುಣ್ಣೋ ಮಹರಾಯ ಸ್ಥಿತಿಯಲ್ಲಿ ಚೀನಾ: ದಿನಕ್ಕೊಬ್ಬರು ಮೇಲೆರಗುವುದು ನೋಡಿ ಕಣ್ಣೀರು!

ಮತ್ತೊಂದು ರಾಷ್ಟ್ರದಲ್ಲಿ ಹೂಡಿಕೆ ಮಾಡಿ ಆ ರಾಷ್ಟ್ರದ ಆಗುಹೋಗುಗಳಲ್ಲಿ ಮೂಗು ತೂರಿಸಬಹುದು ಎಂದು ಬಗೆದಿದ್ದ ಚೀನಾಗೆ, ಒಂದೊಂದೇ ರಾಷ್ಟ್ರಗಳು ಸೂಕ್ತ ತಿರುಗೇಟು ನೀಡುತ್ತಿವೆ. ಅದರಲ್ಲೂ ಹಾಂಕಾಂಗ್ ವಿವಾದಾತ್ಮಕ ಕಾನೂನು ಜಾರಿ ಹಾಗೂ ಭಾರತದೊಂದಿಗೆ ಹಿಂಸಾತ್ಮಕ ಗಡಿ ಘರ್ಷಣೆ ಬಳಿಕ ಜಾಗತಿಕವಾಗಿ ಚೀನಾ ವಿರೋಧಿ ಭಾವನೆ ಹೆಚ್ವಾಗುತ್ತಿದೆ. ಚೀನಾ ತನ್ನ ಆಕ್ರಮಣಕಾರಿ ನೀತಿಯನ್ನು ಕೈ ಬಿಡಬೇಆಕು ಎಂದು ಒತ್ತಾಯಿಸಿರುವ ಜಗತ್ತಿನ ಬಹುತೇಕ ರಾಷ್ಟ್ರಗಳು, ತನ್ನ ದೇಶದಲ್ಲಿ ನಡೆಯುತ್ತಿರುವ ಮಾನವ ಹಕ್ಕುಗಳ ಉಲ್ಲಂಘನೆಯತ್ತ ಗಮನಹರಿಸಬೇಕು ಎಂದು ಆಗ್ರಹಿಸಿವೆ. ಪ್ರಮುಖವಾಗಿ ಹಾಂಕಾಂಗ್‌ನಲ್ಲಿ ಜಾರಿಗೆ ತರಲು ಉದ್ದೇಶಿಸಿರುವ ರಾಷ್ಟ್ರೀಯ ಭದ್ರತಾ ಕಾನೂನು, ಅಲ್ಲಿನ ಜನತೆಯೆ ಮೇಲೆ ಮಾಡುತ್ತಿರುವ ದಬ್ಬಾಳಿಕೆಯಂದೇ ವಿಶ್ವದ ಬಹುತೇಕ ರಾಷ್ಟ್ರಗಳು ಅಭಿಪ್ರಾಯ ವ್ಯಕ್ತಪಡಿಸಿವೆ. ಇದೇ ಕಾರಣಕ್ಕೆ ವಿಶ್ವದ 27 ಪ್ರಮುಖ ರಾಷ್ಟ್ರಗಳು ಚೀನಾ ಈ ನಿರ್ಧಾರವನ್ನು ಮರು ಪರಿಶೀಲಿಸಬೇಕು ಎಂದು ಆಗ್ರಹಿಸಿ ವಿಶ್ವಸಂಸ್ಥೆಗೆ ದೂರು ನೀಡಿವೆ. ಇನ್ನು ಭಾರತದೊಂದಿಗಿನ ಗಡಿ ತಕರಾರಿಗೆ ಸಂಬಂಧಿಸಿದಂತೆಯೂ ವಿಶ್ವದ ಬೆಂಬಲ ಭಾರತಕ್ಕಿದ್ದು, ಗಡಿ ವಿಷಯದಲ್ಲಿ ಎಚ್ಚರಿಕೆಯ ಹೆಜ್ಜೆಗಳನ್ನಿಡುವಂತೆ ಚೀನಾಗೆ ಪರೋಕ್ಷ ಸಂದೇಶ ರವಾನೆ ಮಾಡಲಾಗಿದೆ. ಪ್ರಮುಖವಾಗಿ ಅಮೆರಿಕ ಹಾಗೂ ಫ್ರಾನ್ಸ್ ಭಾರತಕ್ಕೆ ರಕ್ಷಣಾ ಬೆಂಬಲ ನೀಡುವುದಾಗಿ ಘೋಷಿಸಿರುವುದು ಗಮನಾರ್ಹವಾಗಿದೆ. ಹಾಗಾದರೆ ಚೀನಾ ವಿರುದ್ಧದ ಈ ಜಾಗತಿಕ ಒಗ್ಗಟ್ಟಿನತ್ತ ಗಮನಹರಿಸುವುದಾದರೆ...

ಪ್ರಮುಖವಾಗಿ ಹಾಂಕಾಂಗ್‌ನಲ್ಲಿ ಚೀನಾ ಜಾರಿಗೆ ತರಲು ಉದ್ದೇಶಿಸಿರುವ ರಾಷ್ಟ್ರೀಯ ಭದ್ರತಾ ಕಾನೂನಿಗೆ ವಿಶ್ವದ ವಿರೋಧ ವ್ಯಕ್ತವಾಗಿದೆ. ಈ ಹಿನ್ನೆಲೆಯಲ್ಲಿ ವಿಶ್ವದ 27 ಪ್ರಮುಖ ರಾಷ್ಟ್ರಗಳು ಚೀನಾ ತನ್ನ ನಿರ್ಧಾರವನ್ನು ಮರುಪರಿಶೀಲಿಸಬೇಕು ಎಂದು ಒತ್ತಾಯಿಸಿ ವಿಶ್ವಸಂಸ್ಥೆಗೆ ದೂರು ಸಲ್ಲಿಸಿವೆ.

ಪ್ರಮುಖವಾಗಿ ಬ್ರಿಟನ್, ಫ್ರಾನ್ಸ್, ಜರ್ಮನಿ ಹಾಗೂ ಜಪಾನ್ ಸೇರಿದಂತೆ ಹಲವು ಪ್ರಮುಖ ರಾಷ್ಟ್ರಗಳು ಚೀನಾ ವಿರುದ್ಧ ವಿಶ್ವಸಂಸ್ಥೆಗೆ ದೂರು ಸಲ್ಲಿಸಿದ್ದು, ಹಾಂಕಾಂಗ್ ಕಾನೂನು ಮರು ಪರಿಶೀಲನೆಗೆ ಒತ್ತಾಯಿಸಿವೆ.

ಚೀನಾ ವಿರುದ್ಧ ವಿಶ್ವಸಂಸ್ಥೆಗೆ 27 ರಾಷ್ಟ್ರಗಳ ದೂರು: ರಚನೆಯಾಗುತ್ತಿದೆ ಚೀನಾ ವಿರೋಧಿ ಜಾಗತಿಕ ಒಕ್ಕೂಟ?

ಚೀನಾ ಜಾರಿಗೆ ತರಲು ಉದ್ದೇಶಿಸಿರುವ ಕಾನೂನು ಹಾಂಕಾಂಗ್ ಜನತೆಯ ಹಕ್ಕುಗಳನ್ನು ಕಿತ್ತುಕೊಳ್ಳಲಿದೆ ಎಂದು ಈ ರಾಷ್ಟ್ರಗಳು ಅಸಮಾಧಾನ ವ್ಯಕ್ತಪಡಿಸಿವೆ.

ಇನ್ನು ಲಡಾಖ್ ಗಡಿಯಲ್ಲಿ ಸಂಭವಿಸಿರುವ ಭೀಕರ ಹಿಂಸಾತ್ಮಕ ಘರ್ಷಣೆಯನ್ನು ಖಂಡಿಸಿರುವ ಫ್ರಾನ್ಸ್, ಭಾರತೀಯ ಸೈನಿಕರ ಸಾವಿಗೆ ಕಂಬನಿ ಮಿಡಿದಿದೆ. ಈ ಕುರಿತು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರೊಂದಿಗೆ ದೂರವಣಿ ಕರೆ ಮಾಡಿ ಮಾತನಾಡಿರುವ ಫ್ರಾನ್ಸ್ ರಕ್ಷಣಾ ಸಚಿವೆ ಫ್ಲಾರೆನ್ಸ್‌ ಪಾರ್ಲೆ, ಚೀನಾದ ನಡೆಯನ್ನು ಖಂಡಿಸಿದ್ದಾರೆ.

ಭಾರತದ ಬಲಕ್ಕೆ ಫ್ರಾನ್ಸ್‌ ಸೇನೆ, ಸಶಸ್ತ್ರ ಪಡೆಗಳೊಂದಿಗೆ ನೆರವಿಗೆ ಧಾವಿಸುವ ವಾಗ್ದಾನ

ಬಿಕ್ಕಟ್ಟಿನ ಸಂದರ್ಭದಲ್ಲಿ ಭಾರತದ ಜೊತೆ ಫ್ರಾನ್ಸ್‌ ಅಚಲವಾಗಿ ನಿಲ್ಲುತ್ತದೆ. ಸ್ನೇಹದ ಬೆಂಬಲ ನೀಡುತ್ತದೆ. ಅಗತ್ಯ ಬಿದ್ದರೆ ನಮ್ಮ ಸಶಸ್ತ್ರ ಪಡೆಗಳು ಭಾರತದ ಬೆಂಬಲಕ್ಕೆ ಧಾವಿಸಲಿವೆ ಎಂದೂ ಪಾರ್ಲೆ ಭರವಸೆ ನೀಡಿದ್ದಾರೆ.

ಇನ್ನು ಭಾರತ-ಚೀನಾ ಗಡಿ ಘರ್ಷಣೆ ವಿಷಯದಲ್ಲಿ ಈಗಾಗಲೇ ಭಾರತಕ್ಕೆ ಬೆಂಬಲ ಸೂಚಿಸಿರುವ ಅಮೆರಿಕ, ಬಾರತಕ್ಕೆ ಯಾವುದೇ ರೀತಿಯ ನೆರವು ನೀಡಲು ಸಿದ್ಧ ಎಂದು ಘೋಷಿಸಿದೆ. ಇದಕ್ಕೂ ಒಂದು ಹೆಜ್ಜೆ ಮುಮದೆ ಹೋಗಿರುವ ಅಮೆರಿಕ, ಚೀನಾ ಸೇನೆಯ ಅಪಾಯ ಎದುರಿಸಲು ಜಾಗತಿಕವಾಗಿ ಸೇನೆ ರವಾನೆ ಮಾಡಲು ಯೋಚಿಸುತ್ತಿರುವುದಾಗಿ ಹೇಳಿದೆ.

ಚೀನಾ ಅಪಾಯ ಎದುರಿಸಲು ಜಾಗತಿಕವಾಗಿ ಸೇನೆ ರವಾನೆಗೆ ಚಿಂತನೆ: ಅಮೆರಿಕ ಘೋಷಣೆ!

ಜರ್ಮನಿಯಿಂದ ಸೇನಾ ಪಡೆಗಳನ್ನು ಹಿಂದಕ್ಕೆ ಕರೆಸಿಕೊಳ್ಳಲು ತಯಾರಿ ನಡೆಸಿರುವ ಅಮೆರಿಕ, ಈ ಪೈಕಿ ಕೆಲವು ತುಕಡಿಗಳನ್ನು ಮಾಜಿ ಸೋವಿಯತ್ ಯೂನಿಯನ್ ರಾಷ್ಟ್ರಗಳಿಗೂ ಹಾಗೂ ದಕ್ಷಿಣ ಏಷ್ಯಾದಲ್ಲಿ ಚೀನಾ ಸೇನೆಯ ಚಟುವಟಿಕೆಗಳ ಮೇಲೆ ನಿಗಾ ಇರಿಸಲು ರವಾನಿಸಲು ಗಂಭೀರ ಚಿಂತನೆ ನಡೆಸಿದೆ.

ರಾಷ್ಟ್ರವೊಂದನ್ನು ಹೂಡಿಕೆಯ ಮೂಲಕ ಅಥವಾ ಸೈನ್ಯ ಕಾರ್ಯಾಚರಣೆ ಮೂಲಕ ಮಣಿಸಬಹುದು ಎಂದು ಸೊಕ್ಕಿನಿಂದ ಬೀಗುತ್ತಿರುವ ಚೀನಾಗೆ ಜಾಗತಿಕ ಎಚ್ಚರಿಕೆಯ ಕರೆಗಂಟೆ ಕೇಳಿಸದೇ ಇರದು. ತನ್ನ ವಿರುದ್ಧ ಜಾಗತಿಕ ಒಕ್ಕೂಟ ರಚನೆಯಾಗುತ್ತಿರುವುದನ್ನು ಮನಗಂಡಿರುವ ಚೀನಾಗೆ, ಸೌಮ್ಯ ವರ್ತನೆ ತೋರದೇ ಬೇರೆ ಮಾರ್ಗವಿಲ್ಲ.

G-7 ಶೃಂಗಸಭೆಗೆ ಮೋದಿ ಅವರನ್ನು ಆಹ್ವಾನಿಸಿದ ಟ್ರಂಪ್!

ಈಗಾಗಲೇ G-7 ಶೃಂಗಸಭೆಗೆ ಭಾರತವೂ ಸೇರಿದಂತೆ ನಾಲ್ಕು ಹೊಸ ರಾಷ್ಟ್ರಗಳಿಗೆ ಆಹ್ವಾನ ನೀಡಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಚೀನಾ ವಿರೋಧಿ ಒಕ್ಕೂಟ ರಚನೆಗೆ ಅಡಿಪಾಯ ಹಾಕಿದ್ದಾರೆ. ಇದೀಗ ಹಾಂಕಾಂಗ್ ಕಾನೂನು ಮತ್ತು ಭಾರತದೊಂದಿಗಿನ ಗಡಿ ತಕರಾರು ಈ ಒಕ್ಕೂಟ ರಚನೆಗೆ ಮತ್ತಷ್ಟು ವೇಗ ನೀಡಿದ್ದು, ಚೀನಾ ಜಾಗತಿಕವಾಗಿ ಒಬ್ಬಂಟಿಯಾಗುವುದರಲ್ಲಿ ಸಂದೇಹವೇ ಇಲ್ಲ.

from India & World News in Kannada | VK Polls https://ift.tt/2BRHneg

ಜಮ್ಮು-ಕಾಶ್ಮೀರ: ಉಗ್ರರ ಅಟ್ಟಹಾಸಕ್ಕೆ ಯೋಧ ಹಾಗೂ ನಾಗರಿಕ ಸಾವು

ಶ್ರೀನಗರ: ಗಸ್ತು ತಿರುಗುತ್ತಿದ್ದ ಭದ್ರತಾ ಪಡೆಗಳ ಮೇಲೆ ದಾಳಿ ನಡೆಸಿದ ಪರಿಣಾಮ ಒಬ್ಬ ಯೋಧ ಹಾಗೂ ನಾಗರಿಕರೊಬ್ಬರು ಸಾವಿಗೀಡಾಗಿದ್ದಾರೆ. ಜಮ್ಮು ಕಾಶ್ಮೀರದ ಬಾರಾಮುಲ್ಲ ಜಿಲ್ಲೆಯ ಸೋಪೊರ್ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದ್ದು, ಈ ವೇಳೆ ಮೂವರು ಸಿಆರ್‌ಪಿಎಫ್ ಸಿಬ್ಬಂದಿ ಗಾಯಗೊಂಡಿದ್ದಾರೆ. ಎಂದಿನಂತೆ ಇಂದು ಕೂಡ ಸಿಆರ್‌ಪಿಎಫ್‌ ಸೋಪೊರ್‌ನಲ್ಲಿ ಗಸ್ತು ತಿರುಗುತ್ತಿದ್ದರು. ಈ ವೇಳೆ ಯೋಧರನ್ನು ಗುರಿಯಾಗಿಸಿ ಉಗ್ರರು ಗುಂಡಿನ ದಾಳಿ ನಡೆಸಿದ್ದು, ಮೂವರು ಭದ್ರತಾ ಪಡೆ ಸಿಬ್ಬಂದಿ ಮತ್ತು ನಾಗರಿಕರೊಬ್ಬರು ಗಾಯಗೊಂಡಿದ್ದಾರೆ. ಇನ್ನು ಉಗ್ರರು ದಾಳಿ ನಡೆಸುತ್ತಿದ್ದಂತೆ ಆ ಪ್ರದೇಶವನ್ನು ಭದ್ರತಾ ಪಡೆ ಸುತ್ತುವರಿದಿದ್ದು, ಉಗ್ರರ ಪತ್ತೆಗಾಗಿ ಕಾರ್ಯಾಚರಣೆ ಆರಂಭಿಸಿದ್ದಾರೆ. ಘಟನೆಯಲ್ಲಿ ಗಾಯಗೊಂಡಿರುವವರನ್ನು ಆಸ್ಪತ್ರೆಗೆ ದಾಖಲಿಸಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ. ಜಮ್ಮು ಕಾಶ್ಮೀರದ ಹಲವು ಭಾಗಗಳಲ್ಲಿ ಉಗ್ರರು ಪದೇ ಪದೇ ಬಾಲ ಬಿಚ್ಚುತ್ತಿದ್ದು, ಭಾರತೀಯ ಸೇನೆ ತಕ್ಕ ಪಾಠ ಕಲಿಸುತ್ತಿದ್ದರೂ ಅವರ ನರಿಬುದ್ಧಿ ಬಿಡುತ್ತಿಲ್ಲ. ಇದೀಗ ಮತ್ತೊಮ್ಮೆ ಬಾಲ ಬಿಚ್ಚಿರುವ ಉಗ್ರರು ಒಬ್ಬ ಯೋಧನ ಸಾವಿಗೆ ಕಾರಣರಾಗಿದ್ದಾರೆ.

from India & World News in Kannada | VK Polls https://ift.tt/2BTghUc

ಕೊರೊನಾ ನಿರ್ವಹಣೆ: ಬಿಎಸ್‌ವೈಗೆ ತಲೆನೋವಾದ ಸಚಿವರಿಬ್ಬರ ಶೀತಲ ಸಮರ!

ರಾಜ್ಯದಲ್ಲಿ ಕೊರೊನಾ ಅಟ್ಟಹಾಸ ಮೆರೆಯುತ್ತಿದೆ. ದಿನದಿಂದ ದಿನಕ್ಕೆ ಸೋಂಕಿತರ ಸಂಖ್ಯೆಯಲ್ಲಿ ವಿಪರೀತ ಏರಿಕೆಯಾಗುತ್ತಿದೆ. ಸೋಂಕು ನಿಯಂತ್ರಣ ಮಾಡಲು ಸರ್ಕಾರವೂ ಸಾಕಷ್ಟು ಕ್ರಮಗಳನ್ನು ಕೈಗೊಳ್ಳುತ್ತಿವೆ ಎಂದು ಸಿಎಂ ಬಿಎಸ್‌ ಯಡಿಯೂರಪ್ಪ ಸೇರಿದಂತೆ ಸಚಿವರುಗಳು ಹೇಳಿಕೆಗಳನ್ನು ನೀಡುತ್ತಿದ್ದಾರೆ. ಆದರೆ ಸೋಂಕು ನಿಯಂತ್ರಣ ಮೀರಿ ಹರಡುತ್ತಿದೆ. ಇದೇ ಸಂದರ್ಭದಲ್ಲಿ ಕೋವಿಡ್‌ ನಿರ್ವಹಣೆ ವಿಚಾರವಾಗಿ ಬಿಎಸ್‌ವೈ ಸಂಪುಟದ ಇಬ್ಬರು ಸಚಿವರ ನಡುವಿನ ಶೀತಲ ಸಮರ ದಿನದಿಂದ ದಿನಕ್ಕೆ ಜೋರಾಗುತ್ತಿದೆ. ಕೋವಿಡ್‌ನಂತಹ ಸಂದಿಗ್ದ ಪರಿಸ್ಥಿತಿಯಲ್ಲಿ ಸಚಿವರ ನಡುವಿನ ಮುಸುಕಿನ ಗುದ್ದಾಟ ಮುಖ್ಯಮಂತ್ರಿ ಬಿಎಸ್‌ ಯಡಿಯೂರಪ್ಪ ಅವರಿಗೂ ತಲೆ ನೋವಾಗಿ ಪರಿಣಮಿಸಿದೆ. ಈ ಕುರಿತಾದ ವಿವರ ಇಲ್ಲಿದೆ. ಮುಖ್ಯಮಂತ್ರಿ ಕಿಂಗ್‌, ನಾನು ಇಲಾಖೆ ಮಿನಿಸ್ಟರ್‌: ಸಚಿವ ಸುಧಾಕರ್‌

ರಾಜ್ಯದಲ್ಲಿ ಕೊರೊನಾ ಸೋಂಕು ಆರಂಭಿಕ ಹಂತದಲ್ಲಿ ಇರುವ ಸಂದರ್ಭದಲ್ಲಿ ಆರೋಗ್ಯ ಸಚಿವ ಶ್ರೀರಾಮುಲು ಹಾಗೂ ವೈದ್ಯಕೀಯ ಶಿಕ್ಷಣ ಸಚಿವ ಡಾ. ಸುಧಾಕರ್‌ ನಡುವೆ ಮುಸುಕಿನ ಗುದ್ದಾಟ ಆರಂಭವಾಗಿತ್ತು. ಕೊರೊನಾ ಪರಿಸ್ಥಿತಿಯನ್ನು ನಿಭಾಯಿಸಲು ಇಬ್ಬರು ಸಚಿವರಿಗೆ ಸಿಎಂ ಬಿಎಸ್‌ವೈ ಹೊಣೆಗಾರಿಕೆ ನೀಡಿದ್ದರು. ಆದರೆ ಬಹಿರಂಗವಾಗಿ ಇಬ್ಬರು ಸಚಿವರು ನೀಡುತ್ತಿರುವ ಅಂಕಿ ಅಂಶಗಳು ಹಾಗೂ ಮಾಹಿತಿಗಳು ಗೊಂದಲದಿಂದ ಕೂಡಿದ್ದವು. ಒಬ್ಬರು ಒಂದು ಹೇಳಿದರೆ ಮತ್ತೊಬ್ಬರು ಬೇರೆಯದ್ದೇ ಹೇಳುತ್ತಿದ್ದರು. ಈ ಗೊಂದಲ ನಿವಾರಣೆ ಮಾಡುವ ನಿಟ್ಟಿನಲ್ಲಿ ಕೊರೊನಾ ನಿರ್ವಹಣೆ ಹೊಣೆಗಾರಿಕೆಯನ್ನು ಸುಧಾಕರ್‌ ಅವರಿಗೆ ನೀಡಲಾಯಿತು. ಆದರೆ ಇದಕ್ಕೆ ಶ್ರೀರಾಮುಲು ವಿರೋಧ ವ್ಯಕ್ತಪಡಿಸಿದರು. ಮತ್ತೆ ಆದೇಶವನ್ನು ಬದಲಾಯಿಸಿ ಬೆಂಗಳೂರು ಉಸ್ತುವಾರಿ ಸುಧಾಕರ್‌ ಹೆಗಲಿಗೆ ರಾಜ್ಯ ಉಸ್ತುವಾರಿ ಶ್ರೀರಾಮುಲು ಹೆಗಲಿಗೆ ನೀಡಲಾಯಿತು. ಹೀಗಿದ್ದರೂ ಸುಧಾಕರ್‌ ಎಲ್ಲವನ್ನೂ ನಿಭಾಯಿಸುತ್ತಿರುವುದು ಶ್ರೀರಾಮುಲು ಅಸಮಾಧಾನಕ್ಕೆ ಕಾರಣವಾಗಿದೆ. ಈ ಎಲ್ಲದರ ನಡುವೆ ಸುರೇಶ್ ಅವರಿಗೆ ಮಾಧ್ಯಮಗಳಿಗೆ ಮಾಹಿತಿ ನೀಡುವ ಹೊಣೆಗಾರಿಕೆ ನೀಡಲಾಯಿತು.

ಸುಧಾಕರ್‌ ಹಾಗೂ ಶ್ರೀರಾಮುಲು ನಡುವಿನ ಶೀತಲ ಸಮರ ಒಂದು ಕಡೆಯಾದರೆ ಇದೀಗ ಕಂದಾಯ ಸಚಿವ ಆರ್‌. ಅಶೋಕ್‌ ಹಾಗೂ ಸುಧಾಕರ್‌ ನಡುವಿನ ಮತ್ತೊಂದು ಸುತ್ತಿನ ಶೀತಲ ಸಮರ ಆರಂಭವಾಗಿದೆ. ಸುಧಾಕರ್‌ ಪತ್ನಿ, ಪುತ್ರಿ ಹಾಗೂ ತಂದೆಗೆ ಕೊರೊನಾ ಸೋಂಕು ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಸುಧಾಕರ್‌ ಅವರು 7 ದಿನಗಳ ಕಾಲ ಕ್ವಾರಂಟೈನ್‌ನಲ್ಲಿದ್ದರು. ಅವರ ಕೊರೊನಾ ತಪಾಸಣೆ ನೆಗೆಟಿವ್ ಬಂದಿದೆ. ಇವರ ಅನುಪಸ್ಥಿತಿಯಲ್ಲಿ ಕೊರೊನಾ ನಿರ್ವಹಣೆ ಹೊಣೆಗಾರಿಕೆಯನ್ನು ಸಚಿವ ಆರ್‌. ಅಶೋಕ್‌ಗೆ ನೀಡಲಾಯಿತು. ಅಶೋಕ್‌ ಕೂಡ ಹುಮ್ಮಸ್ಸಿನಿಂದಲೇ ಕೆಲಸ ಆರಂಭಿಸಿದರು. ಸರಣಿ ಪತ್ರಿಕಾಗೋಷ್ಠಿಗಳನ್ನು ನಡೆಸುವ ಮೂಲಕ ಹಾಗೂ ಚಿಕಿತ್ಸೆಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಹಾಸಿಗೆ ಸಂಖ್ಯೆಗಳ ಹೆಚ್ಚಳ, ಖಾಸಗಿ ಆಸ್ಪತ್ರೆಗಳ ಜೊತೆಗೆ ಮಾತುಕತೆ ಎಲ್ಲವನ್ನು ನಿಭಾಯಿಸಿದರು. ಆದರೆ ಇದೀಗ ಮತ್ತೆ ಸುಧಾಕರ್‌ ಎಂಟ್ರಿಯಾಗಿದೆ. ಆದರೆ ಕೊರೊನಾ ಉಸ್ತುವಾರಿ ನನಗೇ ನೀಡಲಾಗಿದೆ ಎನ್ನುತ್ತಿದ್ದಾರಂತೆ ಅಶೋಕ್.

ಕೊರೊನಾ ಸಂಕಷ್ಟಕ್ಕೆ ಹೋಟೆಲ್ ಮಾರಾಟಕ್ಕಿಟ್ಟ ಮಾಲೀಕರು, ವಿವರಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್

ಒಟ್ಟಿನಲ್ಲಿ ರಾಜ್ಯದಲ್ಲಿ ಕೊರೊನಾ ಸೋಂಕು ನಿರ್ವಹಣೆಯ ಉಸ್ತುವಾರಿ ಯಾರು ಎಂಬವುದೇ ಗೊಂದಲದಿಂದ ಕೂಡಿದೆ. ಶ್ರೀರಾಮುಲು, ಸುಧಾಕರ್‌, ಆರ್‌. ಅಶೋಕ್, ಸುರೇಶ್ ಕುಮಾರ್ ಹೀಗೆ ಎಲ್ಲರೂ ಮಾಧ್ಯಮಗಳ ಜೊತೆಗೆ ಮಾತನಾಡುತ್ತಾರೆ. ತಮ್ಮದೇ ಮಾಹಿತಿಗಳನ್ನು ನೀಡುತ್ತಾ ಬಂದಿದ್ದಾರೆ. ಇವರ ನಡುವಿನ ತಿಕ್ಕಾಟ ಜನರಲ್ಲೂ ಗೊಂದಲ ಮೂಡಿಸುವಂತೆ ಮಾಡಿದೆ. ವಿರೋಧ ಪಕ್ಷಗಳು ಈ ಬಗ್ಗೆ ಧ್ವನಿ ಎತ್ತಲು ಆರಂಭಿಸಿದೆ. ಸಚಿವರ ನಡುವಿನ ಶೀತಲ ಸಮರಗಳಿಂದ ರಾಜ್ಯದಲ್ಲಿ ಕೊರೊನಾ ನಿಯಂತ್ರಣ ಹಾಗೂ ನಿರ್ವಹಣೆಯಲ್ಲೂ ತೊಂದರೆ ಉಂಟಾಗುತ್ತಿದೆ. ಸದ್ಯ ಕೋವಿಡ್‌ ಉಸ್ತುವಾರಿ ಯಾರು ಎಂಬುವುದನ್ನು ಸಿಎಂ ಬಿಎಸ್‌ವೈ ಸ್ಪಷ್ಟಪಡಿಸಬೇಕು.

ಸಚಿವರ ನಡುವಿನ ಶೀತರ ಸಮರ ತೀವ್ರ ಸ್ವರೂಪದಲ್ಲಿ ಕಾಣಿಸಿಕೊಳ್ಳುತ್ತಿರುವುದರಿಂದ ಅಧಿಕಾರಿಗಳಿಗೂ ಸಂಕಟ ತಪ್ಪಿದ್ದಲ್ಲ. ಇಲಾಖೆಗಳ ನಡುವಿನ ಸಮನ್ವಯತೆ ಇಂತಹ ಸಂದರ್ಭದಲ್ಲಿ ಅತ್ಯಗತ್ಯ. ವೈದ್ಯಕೀಯ ಶಿಕ್ಷಣ ಇಲಾಖೆ, ಆರೋಗ್ಯ ಇಲಾಖೆ, ಕೃಷಿ ಇಲಾಖೆ, ಕಂದಾಯ ಇಲಾಖೆ, ಸಾರಿಗೆ ಇಲಾಖೆ ಹೀಗೆ ಎಲ್ಲವೂ ಪರಸ್ಪರ ಸಮನ್ವಯತೆಯಿಂದ ಸಾಗಬೇಕಾಗಿದೆ. ಆದರೆ ಸಚಿವರ ನಡುವಿನ ಮುಸುಕಿನ ಗುದ್ದಾಟದಿಂದ ಅಧಿಕಾರಿಗಳಿಗೆ ತಮ್ಮ ಕಾರ್ಯ ನಿರ್ವಹಣೆ ಮಾಡಲು ಸಮಸ್ಯೆ ಆಗುತ್ತಿದೆ ಎಂಬ ಮಾಹಿತಿಯೂ ಇದೆ. ಈ ನಿಟ್ಟಿನಲ್ಲಿ ಸಿಎಂ ಬಿಎಸ್‌ವೈ ಈ ಸಮಸ್ಯೆಯನ್ನು ಸರಿಪಡಿಸಬೇಕಾಗಿದೆ. ಸಚಿವರು ಇಂತಹ ಸಂದರ್ಭದಲ್ಲಿ ವೈಯಕ್ತಿಕ ಇಗೋಗಳನ್ನು ದೂರವಿಟ್ಟು ತಮ್ಮ ಜಾವಾಬ್ದಾರಿಯನ್ನು ನಿರ್ವಹಣೆ ಮಾಡಬೇಕಾಗಿದೆ.

from India & World News in Kannada | VK Polls https://ift.tt/3dHGOB2

3ನೇ ಸುತ್ತಿನ ಕೋರ್ ಕಮಾಂಡರ್ ಮಟ್ಟದ ಮಾತುಕತೆ ಪೂರ್ಣ: ಗಡಿ ಬಿಟ್ಟು ಹೋಗುತ್ತಾ ಚೀನಾ?

ನವದೆಹಲಿ: ಗಲ್ವಾನ್ ಹಿಂಸಾತ್ಮಕ ಘರ್ಷಣೆ ಬಳಿಕ ಭಾರತ-ಚೀನಾ ನಡುವೆ ಸತತ ಮಿಲಿಟರಿ ಮಾತುಕತೆಗಳು ನಡೆಯುತ್ತಿದ್ದು, ಇದೀಗ ಮೂರನೇ ಸುತ್ತಿನ ಕೋರ್ ಕಮಾಂಡರ್ ಮಟ್ಟದ ಮಾತುಕತೆ ಮುಗಿದಿದೆ. ಈ ಕುರಿತು ಮಾಹಿತಿ ನೀಡಿರುವ ಭಾರತೀಯ ಸೇನೆ, ಭಾರತ-ಚೀನಾ ಸೇನೆ ನಡುವಿನ ಕೋರ್ ಕಮಾಂಡರ್ ಮಟ್ಟದ ಮಾತುಕತೆ ನಿನ್ನೆ(ಮಂಗಳವಾರ) ರಾತ್ರಿ 11 ಗಂಟೆಗೆ ಮುಕ್ತಾಯ ಕಂಡಿದೆ ಎಂದು ಸ್ಪಷ್ಟಪಡಿಸಿದೆ. ಸತತ 12 ಗಂಟೆಗಳ ಕಾಲ ನಡೆದ ಈ ಮಾತುಕತೆಯಲ್ಲಿ ನಡೆದ ಕಹಿ ಘಟನೆಗಳತ್ತ ಗಮನ ಕೊಡದೇ ಗಡಿಯಿಂದ ಉಭಯ ಸೇನಾ ಪಡೆಗಳನ್ನು ಹಿಂದಕ್ಕೆ ಪಡೆಯುವ ಕುರಿತು ಚರ್ಚೆ ನಡೆದಿದೆ ಎನ್ನಲಾಗಿದೆ. ಪ್ರತಿ ಬಾರಿಯಂತೆ ಈ ಬಾರಿಯೂ ಗಡಿಯಿಂದ ಸೈನ್ಯ ಹಿಂಪಡೆಯುವ ಪ್ರಸ್ತಾವನೆಗೆ ಚೀನಾ ಸೇನೆ ಸಮ್ಮತಿ ಸೂಚಿಸಿದ್ದು, ಉದ್ವಿಗ್ನತೆ ಕಡಿಮೆ ಮಾಡುವ ನಿಟ್ಟಿನಲ್ಲಿ ಸಾಧ್ಯವಾದ ಎಲ್ಲಾ ಕ್ರಮಗಳನ್ನು ಕೈಗೊಳ್ಳುವ ಭರವಸೆ ನೀಡಿದೆ. ಇನ್ನು ಸದ್ಯದ ಉದ್ವಿಗ್ನತೆಯನ್ನು ಕಡಿಮೆ ಮಾಡಿ ಗಡಿಯಲ್ಲಿ ಶಾಂತಿ ಮರುಸ್ಥಾಪನೆಗೆ ಒತ್ತು ನೀಡಿರುವ ಭಾರತೀಯ ಸೇನೆ, ಈ ನಿಟ್ಟಿನಲ್ಲಿ ಚೀನಿ ಸೇನೆಯ ಮನವೋಲಿಸುವಲ್ಲಿ ನಿರತವಾಗಿದೆ.

from India & World News in Kannada | VK Polls https://ift.tt/3ghBPZE

ಇಂದು ರಾಷ್ಟ್ರೀಯ ವೈದ್ಯರ ದಿನ: ಕೊರೊನಾ ವಿರುದ್ಧ ಜೀವ ಪಣಕ್ಕಿಟ್ಟ ವೈದ್ಯರೇ ನಿಮಗೊಂದು ಸಲಾಂ

ಸಂಗಮೇಶ ಟಿ. ಚೂರಿ ವಿಜಯಪುರ ಮಾರ್ಚ್ 2ನೇ ವಾರದಲ್ಲಿ ಕೊರೊನಾ ಮಾರಿ ದೇಶವ್ಯಾಪಿ ಹೆಚ್ಚಾಗಿದ್ದೇ ತಡ. ಕೇಂದ್ರ ಸರಕಾರ ದೇಶಾದ್ಯಂತ ಲಾಕ್‌‍ಡೌನ್‌ ಹೇರಿತು. ಈ ನೆಪದಲ್ಲಿ ಇತರೇ ಸರಕಾರಿ ನೌಕರರು ಹಾಗೂ ಸಾರ್ವಜನಿಕರು ಮನೆ ಬಿಟ್ಟು ಹೊರಬರಲಿಲ್ಲ. ಎಲ್ಲರೂ ಮನೆಯಲ್ಲಿರಿ, ಆರಾಮಾಗಿರಿ ಎಂಬ ಸರಕಾರದ ಮಂತ್ರ ಪಠಿಸುತ್ತ ಪ್ರತಿಯೊಬ್ಬರೂ ವಿಶ್ರಾಂತಿಗೆ ಜಾರಿದರು. ಆದರೆ ವೈದ್ಯಕೀಯ ಕ್ಷೇತ್ರದಲ್ಲಿ ಕೆಲಸ ಮಾಡುವ ಆರೋಗ್ಯ ಇಲಾಖೆ ಸಿಬ್ಬಂದಿ ಮಾತ್ರ ಕೊರೊನಾ ವಿರುದ್ಧ ಸಮರವನ್ನೇ ಸಾರಿದರು. ಕಳೆದ 3 ತಿಂಗಳಿನಿಂದ ಇಲ್ಲಿಯವರೆಗೆ ವೈದ್ಯರು, ಪುರುಷ ಮತ್ತು ಮಹಿಳಾ ಆರೋಗ್ಯ ಸಹಾಯಕರು, ಟೆಕ್ನಿಶಿಯನ್ಸ್‌, ಆಶಾಗಳು ಒಂದೇ ಒಂದು ದಿನವೂ ರಜೆ ಮಾಡದೇ ಸಾರ್ವಜನಿಕರ ಅಮೂಲ್ಯ ಜೀವನ ಉಳಿಸಿಕೊಳ್ಳುವುದಕ್ಕೆ ತಮ್ಮ ಜೀವನ ಮುಡಿಪಾಗಿಟ್ಟು ಶ್ರಮಿಸುತ್ತಿದ್ದಾರೆ.

ಡಾ| ಬಿ. ಸಿ. ರಾಯ್‌ ಅವರ ಜನ್ಮದಿನವಾದ ಜುಲೈ 1ರಂದು ದೇಶದಲ್ಲಿ ವೈದ್ಯರ ದಿನವನ್ನು ಆಚರಿಸಲಾಗುತ್ತದೆ. ಪ್ರತಿವರ್ಷ ವೈದ್ಯರ ದಿನಾಚರಣೆಯ ವೇಳೆ ವೈದ್ಯರನ್ನು ಸನ್ಮಾನಿಸುವ ಮೂಲಕ ಅವರನ್ನು ಗೌರವಿಸಲಾಗುತ್ತದೆ.

ಕೊರೊನಾ ವೈರಾಣು ಭೀತಿ ಎಲ್ಲರನ್ನು ಆವರಿಸಿದೆ. ಹೀಗಾಗಿ ಅಪರಿಚಿತ ವ್ಯಕ್ತಿಗಳನ್ನು ಕಂಡರೆ ಮಾರುದ್ದ ಜಿಗಿಯುವವರೇ ಅಧಿಕವಾಗಿದ್ದಾರೆ. ಆದರೆ ವೈದ್ಯರು ಮಾತ್ರ ತಮ್ಮ ಹಿಂದಿರುವ ಕುಟುಂಬದ ಹಿತಾಸಕ್ತಿ ಕಡೆಗಣಿಸಿ, ತಮ್ಮ ಜೀವದ ಹಂಗು ತೊರೆದು, ಕೊರೊನಾ ರೋಗಿಗಳನ್ನು ಉಪಚರಿಸುತ್ತಿರುವುದು ನಿಜಕ್ಕೂ ಪುಣ್ಯದ ಕೆಲಸವಾಗಿದೆ ಎಂಬ ಮಾತುಗಳು ಸಾರ್ವಜನಿಕರಿಂದ ಕೇಳಿಬರುತ್ತಿವೆ.

ಜಿಲ್ಲೆಯಾದ್ಯಂತ 105 ಸರಕಾರಿ ವೈದ್ಯರು, 35 ಗುತ್ತಿಗೆ ಆಧಾರದ ವೈದ್ಯರಿದ್ದಾರೆ. ಈ ಪೈಕಿ ಜಿಲ್ಲಾ ಕೋವಿಡ್‌ ಆಸ್ಪತ್ರೆಯಲ್ಲಿ 60 ವೈದ್ಯರು, ನಿತ್ಯ ಕೊರೊನಾ ರೋಗಿಗಳ ಮಧ್ಯೆ ಇದ್ದುಕೊಂಡೇ ಅವರನ್ನು ಉಪಚರಿಸುತ್ತಿರುವುದು ವಿಶೇಷ. ಈ ಆಸ್ಪತ್ರೆಯಲ್ಲಿ 100 ಸ್ಟಾಫ್‌ ನರ್ಸ್‌ ಗಳು, ಲ್ಯಾಬ್‌ ಟೆಕ್ನಿಶಿಯನ್‌ಗಳು ವೈದ್ಯರಿಗೆ ಸಾಥ್‌ ನೀಡುವ ಮೂಲಕ ಸಾರ್ವಜನಿಕರ ಆರೋಗ್ಯ ಕಾಪಾಡುತ್ತಿದ್ದಾರೆ.

ಈ ವೈದ್ಯರೊಟ್ಟಿಗೆ ಡಿಎಚ್‌‍ಒ ಸೇರಿದಂತೆ 11ಜನ ನಾನಾ ಕಾರ್ಯಕ್ರಮಾಧಿಕಾರಿಗಳು, ತಮ್ಮ ಕುಟುಂಬಗಳ ಹಿತಾಸಕ್ತಿ ಬದಿಗೊತ್ತಿ, ಸಾರ್ವಜನಿಕ ಸೇವೆಯಲ್ಲಿ ಜನಾರ್ಧನನ್ನು ಕಾಣುತ್ತಿದ್ದಾರೆ. ಕಳೆದ 3 ತಿಂಗಳಿನಿಂದ ಕುಟುಂಬವನ್ನೇ ತೊರೆದು, ಖಾಸಗಿ ಇಲ್ಲವೇ ಸರಕಾರಿ ವಸತಿ ಗೃಹದಲ್ಲಿರುವ ಮೂಲಕ ಸದಾ ಕೊರೊನಾ ವಿರುದ್ಧ ವಿಶ್ರಮಿಸದೇ ದುಡಿಯುತ್ತಿದ್ದಾರೆ. ಇದರಿಂದಾಗಿ ಇತರೇ ಜಿಲ್ಲೆಗಳಿಗೆ ಹೋಲಿಸಿದಲ್ಲಿ ಜಿಲ್ಲೆಯಲ್ಲಿ ಸಾಂಕ್ರಾಮಿಕ ಕೊರೊನಾ ಕಾಟದ ಉಪಟಳಕ್ಕೆ ಕೊಂಚ ಬ್ರೇಕ್‌ ನೀಡಿದ್ದು ವಿಶೇಷ. ಇವರೊಟ್ಟಿಗೆ ಜಿಲ್ಲೆಯಾದ್ಯಂತ 279 ಕಿರಿಯ ಮಹಿಳಾ ಆರೋಗ್ಯ ಸಹಾಯಕಿಯರು, 240 ಪುರುಷ ಆರೋಗ್ಯ ಸಹಾಯಕರು ವೈದ್ಯರಿಗೆ ಬೆನ್ನಿಗೆ ನಿಂತು ಸೇವೆ ಸಲ್ಲಿಸುತ್ತಿದ್ದಾರೆ.

ಇವರೆಲ್ಲಗಿಂತಲೂ ತಳಮಟ್ಟದಲ್ಲಿ ಕೆಲಸ ಮಾಡುತ್ತಿರುವ ಆಶಾ ಕಾರ್ಯಕರ್ತರಂತೂ ವೈದ್ಯರು, ಆರೋಗ್ಯ ಸಹಾಯಕರಿಗೇನೂ ಕಮ್ಮಿಯಿಲ್ಲ. ಜಿಲ್ಲೆಯಾದ್ಯಂತ 1800 ಆಶಾ ಕಾರ್ಯಕರ್ತರು ಪ್ರತಿ ಹಳ್ಳಿ, ಓಣಿಗಳಲ್ಲಿ ಸೋಂಕಿತರ ಆರೈಕೆ ಹಾಗೂ ಅವರ ಮೇಲೆ ನಿಗಾ ಇಟ್ಟು ಕೆಲಸ ಮಾಡುತ್ತಿದ್ದಾರೆ. ಪಾಸಿಟಿವ್‌ ರೋಗಿಗಳು ನೀಡುತ್ತಿರುವ ಕಿರುಕುಳ ಹಾಗೂ ಅವರ ವಕ್ರ ದೃಷ್ಟಿಕೋನ ಸಹಿಸಿಕೊಂಡು, ಕೊರೊನಾ ವಿರುದ್ಧ ಸಮರ ಸಾರಿದ್ದು ವಿಶೇಷ. ಸರಕಾರದ ಸೂಚನೆಯಂತೆ ಸರಕಾರಿ ವೈದ್ಯರಿಗೆ ಸಾಥ್‌ ನೀಡಲು ಜಿಲ್ಲೆಯ ಕೆಲ ಖಾಸಗಿ ಆಸ್ಪತ್ರೆ ವೈದ್ಯರು ಮುಂದೆ ಬಂದಿದ್ದು ವಿಶೇಷ.

ಕಳೆದ 3.5 ತಿಂಗಳಿನಿಂದ ನಮ್ಮ ವೈದ್ಯರು, ದಾದಿಯರು, ಆರೋಗ್ಯ ಸಹಾಯಕರು, ಲ್ಯಾಬ್‌ ಟೆಕ್ನಿಶಿಯನ್ಸ್ ಹಾಗೂ ಆಶಾಗಳು ಕುಟುಂಬದ ಹಿತಾಸಕ್ತಿಯನ್ನೇ ಮರೆತು, ಕೊರೊನಾ ರೋಗಿಗಳನ್ನು ಉಪಚರಿಸುತ್ತಿದ್ದಾರೆ. ಪಾಸಿಟಿವ್‌ ವ್ಯಕ್ತಿ ಎಂದರೆ ಮಾರುದ್ದ ಸರಿಯುವ ಜನಸಾಮಾನ್ಯರ ಮಧ್ಯೆ ನಮ್ಮ ಸಿಬ್ಬಂದಿ ಜೀವದ ಹಂಗು ತೊರೆದು, ಕೆಲಸ ಮಾಡುತ್ತಿರುವುದು ಪ್ರಶಂಸನೀಯ. ವೈದ್ಯೋ ನಾರಾಯಣಃ ಹರಿಃ ಎಂಬುದು ಕೊರೊನಾ ಕಾಲ ಘಟ್ಟದಲ್ಲಿಸಾಬೀತಾದಂತಾಗಿದೆ.

ಡಾ. ಮಹೇಂದ್ರ ಕಾಪ್ಸೆ, ಡಿಎಚ್‌‍ಒ, ವಿಜಯಪುರ

ನಾನು ಸೇರಿದಂತೆ ನಮ್ಮೆಲ್ಲ ವೈದ್ಯರು ದಣಿವರಿಯದೇ ಕೊರೊನಾ ರೋಗಿಗಳನ್ನು ಉಪಚರಿಸುತ್ತಿದ್ದೇವೆ. ಅನಾರೋಗ್ಯಕ್ಕೆ ತುತ್ತಾದ ಕೆಲ ವೈದ್ಯರು ಹಾಗೂ ಸ್ಟಾಫ್‌ ನರ್ಸಗಳಷ್ಟೇ ರಜೆ ಪಡೆದಿದ್ದನ್ನು ಬಿಟ್ಟರೆ, ನಮ್ಮ ಆಸ್ಪತ್ರೆಯಲ್ಲಿ ಬಹುತೇಕರು ಒಂದೇ ದಿನವೂ ರಜೆ ಮಾಡದೇ ಕೆಲಸ ಮಾಡುತ್ತಿದ್ದಾರೆ. ಅದು ನಮ್ಮೆಲ್ಲರ ಕರ್ತವ್ಯವಾಗಿದೆ.

ಡಾ. ಶರಣಪ್ಪ ಕಟ್ಟಿ, ಜಿಲ್ಲಾಶಸ್ತ್ರಚಿಕಿತ್ಸಕ, ಜಿಲ್ಲಾಸ್ಪತ್ರೆ, ವಿಜಯಪುರ

from India & World News in Kannada | VK Polls https://ift.tt/2BRAucU

ಮುಖ್ಯಮಂತ್ರಿ ಕಿಂಗ್‌, ನಾನು ಇಲಾಖೆ ಮಿನಿಸ್ಟರ್‌: ಸಚಿವ ಸುಧಾಕರ್‌

ಬೆಂಗಳೂರು: ''ಕೊರೊನಾ ನಿರ್ವಹಣೆ ವಿಚಾರದಲ್ಲಿ ಸಿಎಂ ಅವರೇ ಕಿಂಗ್‌ ಮತ್ತು ಕ್ಯಾಪ್ಟನ್‌. ನಾನು ಸಂಬಂಧಿತ ಇಲಾಖೆಯ ಮಿನಿಸ್ಟರ್‌. ಈ ಬಗ್ಗೆ ಯಾವ ಗೊಂದಲವೂ ಇಲ್ಲ,'' ಎಂದು ವೈದ್ಯ ಶಿಕ್ಷಣ ಸಚಿವ ಡಾ.ಕೆ.ಸುಧಾಕರ್‌ ತಿಳಿಸಿದ್ದಾರೆ. ನಗರದಲ್ಲಿ ಸೋಂಕು ನಿರ್ವಹಣೆ ಉಸ್ತುವಾರಿ ಅಶೋಕ್‌ ಅಥವಾ ನಿಮ್ಮದಾ ಎಂದು ಸುದ್ದಿಗಾರರು ವಿಧಾನಸೌಧಲ್ಲಿ ಕೇಳಿದಾಗ ಸಚಿವ ಸುಧಾಕರ್‌ ಹೀಗೆ ಪ್ರತಿಕ್ರಿಯಿಸಿದರು. ಕುಟುಂಬ ಸದಸ್ಯರಿಗೆ ಸೋಂಕು ದೃಢಪಟ್ಟ ಹಿನ್ನೆಲೆಯಲ್ಲಿ ಕಳೆದ 8 ದಿನಗಳಿಂದ ಹೋಮ್‌ ಕ್ವಾರಂಟೈನ್‌ನಲ್ಲಿದ್ದ ಡಾ. ಸುಧಾಕರ್‌ ಮಂಗಳವಾರ ವಿಧಾನಸೌಧ ಕಚೇರಿ ಯಲ್ಲಿ ಕರ್ತವ್ಯಕ್ಕೆ ಮರಳಿದರು.''ಹಿರಿಯರಾದ ಕಂದಾಯ ಸಚಿವರು ನನ್ನ ಅನುಪಸ್ಥಿತಿಯಲ್ಲಿ ಬಹಳ ಚೆನ್ನಾಗಿ ಜವಾಬ್ದಾರಿ ನಿರ್ವಹಿಸಿದರು. ನಾನು ಹೋಮ್‌ ಕ್ವಾರಂಟೈನ್‌ನಲ್ಲಿದ್ದ ಕಾರಣ ಕಂದಾಯ ಸಚಿವರಿಗೆ ಬೆಂಗಳೂರು ನೋಡಿಕೊಳ್ಳಲು ಸಿಎಂ ಹೇಳಿದ್ದರು. ಆ ಕೆಲಸವನ್ನು ಅವರು ಮಾಡಿದ್ದಾರೆ. ನಮ್ಮಲ್ಲಿ ಯಾರಿಗೂ ಗೊಂದಲ ಇಲ್ಲ. ಸಿಎಂ ಸೂಚನೆಯಂತೆ ಕೆಲಸ ಮಾಡುತ್ತಿದ್ದೇವೆ,'' ಎಂದರು. ಪ್ರತಿ ಮಾತಿನಲ್ಲೂ ಕಂದಾಯ ಸಚಿವರು ಎಂದರೇ ಹೊರತು, ಅಶೋಕ್‌ ಎಂದು ಹೆಸರು ಹೇಳಲಿಲ್ಲ. ''ಪತ್ನಿ, ಪುತ್ರಿಗೆ ಕೊರೊನಾ ಪಾಸಿಟಿವ್‌ ಬಂದ ಕಾರಣ ನಾನು ಕ್ವಾರಂಟೈನ್‌ನಲ್ಲಿದ್ದೆ. ಎರಡು ಬಾರಿಯ ಟೆಸ್ಟಿಂಗ್‌ನಲ್ಲಿ ನನ್ನ ರಿಪೋರ್ಟ್‌ ನೆಗೆಟಿವ್‌ ಬಂದಿದೆ. ಹೀಗಾಗಿ ಕ್ವಾರಂಟೈನ್‌ ಮುಗಿಸಿ ಕರ್ತವ್ಯಕ್ಕೆ ಹಾಜರಾಗುತ್ತಿದ್ದೇನೆ. ಎಲ್ಲರ ಆಶೀರ್ವಾದ, ಹಾರೈಕೆಯಿಂದ ನಾನು ಮತ್ತೆ ಬಂದಿದ್ದೇನೆ. ಇನ್ನೆರಡು ದಿನಗಳಲ್ಲಿ ನನ್ನ ಪತ್ನಿ ಹಾಗೂ ಪುತ್ರಿ ಕೂಡ ಡಿಸ್ಚಾರ್ಜ್ ಆಗುತ್ತಿದ್ದಾರೆ,'' ಎಂದರು.

from India & World News in Kannada | VK Polls https://ift.tt/3dOCjEX

ಭಾರತದ ವಿರುದ್ಧ ಹೇಳಿಕೆ: ಓಲಿ ರಾಜೀನಾಮೆಗೆ ನೇಪಾಳ ಆಡಳಿತಾರೂಢ ಪಕ್ಷದಿಂದಲೇ ಒತ್ತಾಯ!

ಕಠ್ಮಂಡು: ನನ್ನನ್ನು ಪದಚ್ಯುತಿಗೊಳಿಸಲು ಭಾರತ ಷಡ್ಯಂತ್ರ ಹೂಡಿದೆ ಎಂಬ ಪ್ರಧಾನಿ ಕೆಪಿ ಶರ್ಮಾ ಓಲಿ ಹೇಳಿಕೆ ಅವರಿಗೆ ಮುಳುವಾಗಿ ಪರಿಣಮಿಸಿದೆ. ಓಲಿ ಹೇಳಿಕೆ ವಿರುದ್ಧ ನೇಪಾಳದ ಆಡಳಿತ ಪಕ್ಷದಲ್ಲೇ ತೀವ್ರ ಅಸಮಾಧಾನ ಭುಗಿಲೆದ್ದಿದ್ದು, ಇಂತಹ ಹೇಳಿಕೆ ನೀಡುವ ಮೂಲಕ ಪ್ರಧಾನಿ ನೇಪಾಳದ ಅಂತಾರಾಷ್ಟ್ರೀಯ ಸಂಬಂಧಗಳ ಮೇಲೆ ತೀವ್ರ ಧಕ್ಕೆ ತಂದಿದ್ದಾರೆ ಎಂದು ಸಹವರ್ತಿಗಳೇ ಆರೋಪಿಸಿದ್ದಾರೆ. ಕೆಪಿ ಶರ್ಮಾ ಓಲಿ ಅವರ ಅಧಿಕೃತ ನಿವಾಸದಲ್ಲಿ ಸಭೆ ಸೇರಿದ್ದ ಆಡಳಿತಾರೂಢ ಪಕ್ಷದ ನಾಯಕರು, ಓಲಿ ಹೇಳಿಕೆಯನ್ನು ಬಹಿರಂಗವಾಗಿಯೇ ಟೀಕಿಸಿದರು. ಭಾರತದೊಂದಿಗಿನ ಸಂಬಂಧಕ್ಕೆ ಓಲಿ ಹೇಳಿಕೆ ಬಲವಾದ ಪೆಟ್ಟು ನೀಡಿದೆ ಎಂದು ಬಹುತೇಕರು ಅಭಿಪ್ರಾಯಪಟ್ಟರು. ಓಲಿ ಹೇಳಿಕೆಯನ್ನು ತೀವ್ರವಾಗಿ ಖಂಡಿಸಿ ಮಾತನಾಡಿದ ಪುಷ್ಪ ಕಮಲ್ ದೊಹಲ್ ಅಲಿಯಾಸ್ ಪ್ರಚಂಡ, ಪ್ರಧಾನಿ ಅವರ ಹೇಳಿಕೆ ರಾಜಕೀಯವಾಗಿ ತಪ್ಪು ಮತ್ತು ರಾಜತಾಂತ್ರಿಕವಾಗಿ ಪ್ರಮಾದ ಎಂದು ಕಿಡಿಕಾರಿದರು. ಅಲ್ಲದೇ ಈ ಕೂಡಲೇ ಓಲಿ ಅವರ ಪಡೆಯಬೇಕೆಂದು ಆಗ್ರಹಿಸಿದರು. ಪ್ರಚಂಡ ಸೇರಿದಂತೆ ಮಾಧವ್ ಕುಮಾರ್ ನೇಪಾಳ, ಜಲನಾಥ್ ಖನಲ್, ಬಾಮ್ದೇವ್ ಗೌತಮ್ ಮುಂತಾದ ಹಿರಿಯ ನಾಯಕರೂ ಪ್ರಧಾನಿ ಓಲಿ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದ್ದಲ್ಲದೇ ರಾಜೀನಾಮೆಗೂ ಆಗ್ರಹಿಸಿದರು. ಒಟ್ಟಿನಲ್ಲಿ ಹೊಸ ಗಡಿ ನಕ್ಷೆಯ ಮೂಲಕ ಭಾರತದ ವಿರೋಧಿ ಅಭಿಯಾನ ಆರಂಭಿಸಿದ್ದ ನೇಪಾಳ ಪ್ರಧಾನಿ ಕೆಪಿ ಶರ್ಮಾ ಓಲಿ, ಇದೀಗ ಸ್ವಪಕ್ಷೀಯರಿಂದಲೇ ಸಂಕಷ್ಟಕ್ಕೆ ಸಿಲುಕಿರುವುದು ಸ್ಪಷ್ಟವಾಗಿದೆ.

from India & World News in Kannada | VK Polls https://ift.tt/2ZofItv

ಚೀನಾ ವಿರುದ್ಧ ವಿಶ್ವಸಂಸ್ಥೆಗೆ 27 ರಾಷ್ಟ್ರಗಳ ದೂರು: ರಚನೆಯಾಗುತ್ತಿದೆ ಚೀನಾ ವಿರೋಧಿ ಜಾಗತಿಕ ಒಕ್ಕೂಟ?

ಜಿನೆವಾ: ಹಾಂಕಾಂಗ್‌ ವಿವಾದಾತ್ಮಕ ಕಾನಾನನ್ನು ಮರುಪರಿಶೀಲನೆಗೆ ಒಳಪಡಿಸಬೇಕು ಎಂದು ಆಗ್ರಹಿಸಿ, 27 ರಾಷ್ಟ್ರಗಳು ಚೀನಾ ವಿರುದ್ಧ ವಿಶ್ವಸಂಸ್ಥೆಯಲ್ಲಿ ದೂರು ದಾಖಲಿಸಿವೆ. ಹಾಂಕಾಂಗ್‌ನಲ್ಲಿ ಜಾರಿಗೆ ತರಲಾಗುತ್ತಿರುವ ವಿವಾದಾತ್ಮಕ ರಾಷ್ಟ್ರೀಯ ಭದ್ರತಾ ಕಾನೂನು ಚೀನಾದ ಏಕಪಕ್ಷೀಯ ಹಾಗೂ ಆಕ್ರಮಣಕಾರಿ ನಡೆ ಎಂದು ಈ 27 ರಾಷ್ಟ್ರಗಳು ಮುಂದೆ ಅಪಸ್ವರ ಎತ್ತಿವೆ. ಪ್ರಮುಖವಾಗಿ ಇಂಗ್ಲೆಂಡ್, ಫ್ರಾನ್ಸ್, ಜರ್ಮನಿ ಹಾಗೂ ಜಪಾನ್ ಸೇರಿದಂತೆ ಒಟ್ಟು 27 ರಾಷ್ಟ್ರಗಳು ಚೀನಾದ ವಿರುದ್ಧ ವಿಶ್ವಸಂಸ್ಥೆಯಲ್ಲಿ ದೂರು ದಾಖಲಿಸಿದ್ದು, ಚೀನಾ ಜಾರಿಗೆ ತರಲು ಉದ್ದೇಶಿಸಿರುವ ಕಾನೂನು ಹಾಂಕಾಂಗ್ ಜನತೆಯ ಹಕ್ಕುಗಳನ್ನು ಕಿತ್ತುಕೊಳ್ಳಲಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿವೆ. ಇನ್ನು ಹಾಂಕಾಂಗ್ ವಿಷಯದಲ್ಲಿ ಚೀನಾ ವಿರುದ್ಧ ಜಾಗತಿಕ ಒಕ್ಕೂಟವೊಂದು ರಚೆನಯಾಗುತ್ತಿರುವ ಲಕ್ಷಣ ಕಂಡುಬರುತ್ತಿದ್ದು, ಅಮೆರಿಕದ ಬಳಿಕ ಒಂದೊಂದೇ ರಾಷ್ಟ್ರಗಳು ಚೀನಾ ವಿರುದ್ಧ ಅಪಸ್ವರ ಎತ್ತುತ್ತಿರುವುದು ಇದಕ್ಕೆ ಸಾಕ್ಷಿಯಾಗಿದೆ. ಇದೇ ವಿರೋಧದ ಧ್ವನಿ ಚೀನಾದ ಮಿಲಿಟರಿ ವರ್ತನೆ ಮೇಲೂ ಕೇಳಿ ಬರುವ ಸಾಧ್ಯತೆಯೂ ಇದ್ದು, ಹಾಗೆನಾದರೂ ಆದರೆ ಗಡಿ ತಕರಾರು ವಿಷಯದಲ್ಲಿ ಭಾರತದ ವಾದಕ್ಕೆ ಮತ್ತಷ್ಟು ಬಲ ಬರಲಿರುವುದು ಖಚಿತ.

from India & World News in Kannada | VK Polls https://ift.tt/2CWU206

2013ರ ಐಪಿಎಲ್‌ನಲ್ಲಿ ಗಂಭೀರ್‌-ಕೊಹ್ಲಿ ನಡುವಿನ ಮಾತಿನ ಚಕಮಕಿ ನೆನೆದ ಕೆಕೆಆರ್ ತಾರೆ

ಹೊಸದಿಲ್ಲಿ: ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಟೂರ್ನಿಯ 2013ರ ಆವೃತ್ತಿಯಲ್ಲಿ ನಡೆದ ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ಮತ್ತು ಕೋಲ್ಕತಾ ನೈಟ್‌ ರೈಡರ್ಸ್‌ ನಡುವಣ ಪಂದ್ಯ ಅನಗತ್ಯ ಕಾರಣಕ್ಕೆ ಹೆಚ್ಚು ಸುದ್ದಿಯಾಗಿತ್ತು. ಅಂದು ನಾಯಕ ಗೌತಮ್‌ ಗಂಭೀರ್‌ ಮತ್ತು ಕಪ್ತಾನ ನಡುವೆ ಆನ್‌ಫೀಲ್ಡ್‌ನಲ್ಲಿ ಮಾತಿನ ಮಲ್ಲಯುದ್ಧವೇ ನಡೆದಿತ್ತು. ಸ್ಲೆಡ್ಜಿಂಗ್‌ ಮಾಡುವ ಭರದಲ್ಲಿ ಅತಿಯಾಗಿ ವರ್ತಿಸಿದ್ದ ಗಂಭೀರ್‌ ಬ್ಯಾಟಿಂಗ್‌ ಮಾಡುತ್ತಿದ್ದ ಕೊಹ್ಲಿ ಜೊತೆಗೆ ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಅನಗತ್ಯವಾಗಿ ಕಿತ್ತಾಡಿದ್ದರು. ಪಂದ್ಯದಲ್ಲಿ ಭರ್ಜರಿ ಆಟವಾಡಿದ್ದ ಆತಿಥೇಯ ರಾಯಲ್‌ ಚಾಲೆಂಜರ್ಸ್‌ ತಂಡ ಎದುರಾಳಿ ನೈಟ್‌ ರೈಡರ್ಸ್‌ ವಿರುದ್ಧ ಸುಲಭ ಜಯ ದಾಖಲಿಸಿತ್ತು. ಆದರೆ ಪಂದ್ಯದ ಫಲಿತಾಂಶಕ್ಕಿಂತಲೂ ಕೊಹ್ಲಿ-ಗೌತಮ್‌ ನಡುವಣ ಗಂಭೀರ ಗಲಾಟೆಯೇ ಮಾಧ್ಯಮಗಳಲ್ಲಿ ಹೆಚ್ಚು ಸುದ್ದಿಯಾಗಿತ್ತು. ಅಂದು ಆ ಪಂದ್ಯದಲ್ಲಿ ಕೆಕೆಆರ್‌ ತಂಡದ ಆಟಗಾರನಾಗಿದ್ದ ಸ್ಟಾರ್ ಆಲ್‌ರೌಂಡರ್‌ ರಜತ್‌ ಭಾಟಿಯಾ, ಘಟನೆಯನ್ನು ಈಗ ಸಂಪೂರ್ಣವಾಗಿ ವಿವರಿಸಿದ್ದಾರೆ. "ಇಬ್ಬರು ಅತ್ಯಂತ ಆಕ್ರಮಣಶೀಲ ಸ್ವಭಾವದ ನಾಯಕರ ನಡುವೆ ಆನ್‌ಫೀಲ್ಡ್‌ನಲ್ಲಿ ನಡೆದಂತಹ ಜಟಾಪಟಿಯದು. ಇಬ್ಬರೂ ಕೂಡ ಶ್ರೇಷ್ಠ ಆಟವನ್ನು ತಂದು ತಂಡಕ್ಕೆ ಜಯ ತಂದುಕೊಡಲು ಬಯಸುವ ಆಟಗಾರರಾಗಿದ್ದರು. ಆ ಪಂದ್ಯದಲ್ಲಿ ಅವರಿಬ್ಬರು ಆನ್‌ಫೀಲ್ಡ್‌ನಲ್ಲಿ ಎಷ್ಟೇ ಕಿತ್ತಾಡಿದ್ದರೂ ಅದು ಆ ಪಂದ್ಯಕಷ್ಟೇ ಸೀಮಿತವಾದದ್ದು," ಎಂದು ಏಷ್ಯನ್‌ನೆಟ್‌ಗೆ ನೀಡಿರುವ ವಿಶೇಷ ಸಂದರ್ಶನದಲ್ಲಿ ರಜತ್‌ ಭಾಟಿಯಾ ಹೇಳಿದ್ದಾರೆ. "ಬಳಿಕ ಎಲ್ಲಿಯೂ ಕೂಡ ಗಂಭೀರ್-ಕೊಹ್ಲಿ ಕಿತ್ತಾಡಿದ್ದನ್ನು ನಾನು ನೋಡೇ ಇಲ್ಲ. ಆ ಓತ್ತಡದ ವಾತಾವರಣದಲ್ಲಿ ಜಗಳ ನಡೆಯಿತು ಅಷ್ಟೆ. ಅಂದಹಾಗೆ ಬಹಳಷ್ಟು ಘಟನೆ ನಡೆದಿತ್ತು. ಆದರೆ ಕೆಟ್ಟ ಪರಿಣಾಮ ಬೀರುವಂತಹ ಘಟನೆಗಳು ನಡೆಯಬಾರದು ಅಷ್ಟೆ. ಆ ದಿನ ಬೇರೇನು ಮಾಡಲು ಸಾಧ್ಯವಾಗಲಿಲ್ಲ. ಅಚಾನಕ್ಕಾಗಿ ಎಲ್ಲವೂ ಘಟಿಸಿತ್ತು," ಎಂದು ವಿವರಿಸಿದ್ದಾರೆ. ಈ ಮಧ್ಯ ವಿರಾಟ್‌ ಕೊಹ್ಲಿ ಬಗ್ಗೆ ಮಾತನಾಡಿರುವ ಮಾಜಿ ಆಲ್‌ರೌಂಡರ್‌, "ಸದಾ ರನ್‌ ಗಳಿಸುವ ದಾಹ ಇರುವುದೇ ಕೊಹ್ಲಿ ಅವರಲ್ಲಿನ ಅತ್ಯುತ್ತಮ ಗುಣ. ಈ ಹಸಿವು ಕೊನೆಗಾಣುವ ಸುಳಿವೇ ಇಲ್ಲ. ಆದ್ದರಿಂದಲೇ ಅವರು ಈಗ ವಿಶ್ವದ ಶ್ರೇಷ್ಠ ಬ್ಯಾಟ್ಸ್‌ಮನ್‌ ಆಗಿದ್ದಾರೆ. ತಮ್ಮ ಪ್ರದರ್ಶನದ ಗುಣಮಟ್ಟ ಎಲ್ಲಿಯೂ ಕ್ಷೀಣಿಸಬಾರದು ಎಂಬುದನ್ನು ಅವರು ಚೆನ್ನಾಗಿ ಅರಿತಿದ್ದಾರೆ," ಎಂದು ಹೇಳಿದ್ದಾರೆ. 2008-2017ರವರೆಗೆ ಐಪಿಎಲ್‌ನಲ್ಲಿ ಸುದೀರ್ಘಾವಧಿಯ ಕಾಲ ಆಡಿರುವ ಭಾಟಿಯಾ 95 ಪಂದ್ಯಗಳನ್ನು ಆಡಿ 342 ರನ್‌ಗಳನ್ನು ಗಳಿಸಿದ್ದಾರೆ. ಬೌಲಿಂಗ್‌ನಲ್ಲಿ ಹೆಚ್ಚು ಮಿಂಚಿರುವ ಮಧ್ಯಮ ವೇಗಿ 71 ವಿಕೆಟ್‌ಗಳನ್ನು ಉರುಳಿಸಿದ್ದಾರೆ. ಪಂದ್ಯವೊಂದರಲ್ಲಿ 15ಕ್ಕೆ 4 ವಿಕೆಟ್‌ ಪಡೆದಿರುವುದು ಅವರ ಶ್ರೇಷ್ಠ ಬೌಲಿಂಗ್‌ ಪ್ರದರ್ಶನವಾಗಿದೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3eM9V7n

ಕೊರೊನಾ ಚಿಕಿತ್ಸೆಯ ಬಗ್ಗೆ ದೂರು, ಸರ್ವಪಕ್ಷ ಸಮಿತಿ ರಚನೆಗೆ ಸಿದ್ದರಾಮಯ್ಯ ಒತ್ತಾಯ

ಬೆಂಗಳೂರು: ಕೊರೊನಾ ಚಿಕಿತ್ಸೆ ಸಂಬಂಧಿಸಿದಂತೆ ಸಾರ್ವಜನಿಕರಿಂದ ವ್ಯಾಪಕ ದೂರುಗಳು ಬರುತ್ತಿರುವ ಹಿನ್ನೆಲೆಯಲ್ಲಿ ಪರಿಶೀಲನೆ ನಡೆಸಲು ಸರ್ವಪಕ್ಷಗಳ ಸಮಿತಿಯೊಂದನ್ನು ರಚನೆ ಮಾಡುವಂತೆ ವಿರೋಧ ಪಕ್ಷದ ನಾಯಕ ಅವರು ಒತ್ತಾಯಿಸಿದ್ದಾರೆ. ಸರಣಿ ಟ್ವೀಟ್‌ಗಳ ಮೂಲಕ ಸರ್ಕಾರವನ್ನು ತರಾಟೆಗೆ ತೆಗೆದುಕೊಂಡ ಅವರು ಕೊರೊನಾ ನಿರ್ವಹಣೆಯನ್ನು ಸೂಕ್ತ ರೀತಿಯಲ್ಲಿ ಮಾಡುವಂತೆ ಒತ್ತಾಯಿಸಿದರು. ಕೊರೊನಾ ಚಿಕಿತ್ಸೆ ಬಗ್ಗೆ ವ್ಯಾಪಕ ದೂರುಗಳ ಹಿನ್ನೆಲೆಯಲ್ಲಿ ಇದರ ಮೇಲೆ ನಿಗಾ ಇಡಲು ಬಿ.ಎಸ್‌ ಯಡಿಯೂರಪ್ಪ ಅವರು ತಕ್ಷಣ ಸರ್ವಪಕ್ಷಗಳ ಪರಿಶೀಲನಾ ಸಮಿತಿ ರಚಿಸಬೇಕು. ಪಕ್ಷಗಳಲ್ಲಿರುವ ವೃತ್ತಿನಿರತ ಮತ್ತು ವೈದ್ಯಕೀಯ ಶಿಕ್ಷಣ ಹೊಂದಿರುವ ನಾಯಕರನ್ನು ಇದರಲ್ಲಿ ಸೇರಿಸಿಕೊಳ್ಳಬಹುದು ಎಂದು ಸಲಹೆ ನೀಡಿದ್ದಾರೆ. ಖಾಸಗಿ ಆಸ್ಪತ್ರೆಗಳಲ್ಲಿ ಕೊರೊನಾ ಚಿಕಿತ್ಸೆಗೆ ಅವಕಾಶ ಸ್ವಾಗತಾರ್ಹ‌ ಕ್ರಮ.ಚಿಕಿತ್ಸಾ ಶುಲ್ಕ ಕಡಿಮೆ ಮಾಡಲು ಒಪ್ಪಿರುವ ಖಾಸಗಿಯವರು ಚಿಕಿತ್ಸೆಯ ಗುಣಮಟ್ಟದಲ್ಲಿ ರಾಜಿಯಾಗದಂತೆ ನಿಗಾ ಇಡಬೇಕು.ಸೋಂಕಿತರಿಗೆ, ನೀಡುತ್ತಿರುವ ಔಷಧಿ ಮತ್ತು ಅನುಸರಿಸಲಾಗುತ್ತಿರುವ ಚಿಕಿತ್ಸಾ ವಿಧಾನದದ ಸಂಪೂರ್ಣ ಮಾಹಿತಿಯನ್ನು ಮೊದಲೇ ನೀಡಬೇಕು ಎಂದು ಅವರು ಒತ್ತಾಯಿಸಿದ್ದಾರೆ. ರೋಗಿಗಳಿಗೆ ತಾನು ಪಡೆಯುತ್ತಿರುವ ಚಿಕಿತ್ಸೆಯ ಸಂಪೂರ್ಣ ವಿವರ ಪಡೆಯುವ ಕಾನೂನುಬದ್ದ ಹಕ್ಕಿದೆ. ಸೋಂಕಿತರಿಗೆ ನೀಡುತ್ತಿರುವ ಔಷಧಿ,‌ಅನುಸರಿಸುತ್ತಿರುವ ಚಿಕಿತ್ಸಾ ವಿಧಾನ ಏನು ಎಂಬುದನ್ನು ತಿಳಿಸದೆ ರೋಗಿಗಳನ್ನು ಕತ್ತಲಲ್ಲಿಡಲಾಗುತ್ತಿದೆ. ಇದು ಅನ್ಯಾಯ ಅಲ್ಲವೇ ಎಂದು ತರಾಟೆಗೆ ತೆಗೆದುಕೊಂಡಿದ್ದಾರೆ. ಕೊರೊನಾ ಚಿಕಿತ್ಸೆಗೆ ಮೀಸಲಿಟ್ಟಿರುವ ಸರ್ಕಾರಿ ಆಸ್ಪತ್ರೆಗಳ ಬಗ್ಗೆ ನಿರ್ಲಕ್ಷ, ತಾರತಮ್ಯ ನೀತಿ ಮತ್ತು ಭ್ರಷ್ಟಾಚಾರದ ಆರೋಪಗಳಿವೆ.ರಾಜಕೀಯ ಪ್ರಭಾವ ಬಳಸಿ ಬಲವಿದ್ದವರು ಬದುಕಿಕೊಳ್ಳುತ್ತಾರೆ, ಬಡವರಿಗೆ ದಿಕ್ಕಿಲ್ಲದಂತಹ ಸ್ಥಿತಿ. ಸಿಎಂ ಈ ಕಡೆ‌ಗಮನ ಹರಿಸಬೇಕೆಂದು ಒತ್ತಾಯಿಸಿದ್ದಾರೆ.

from India & World News in Kannada | VK Polls https://ift.tt/2NDVtTa

ಆ್ಯಪ್ ನಿಷೇಧ ನಿರ್ಧಾರ ತೀವ್ರ ಕಳವಳಕಾರಿ: ಭಾರತದ ನಡೆಗೆ ಚೀನಾ ಪ್ರತಿಕ್ರಿಯೆ!

ಬೀಜಿಂಗ್: ಲಡಾಖ್ ಗಡಿ ಸಂಘರ್ಷದ ಬಳಿಕ ಚೀನಾ ವಿರುದ್ಧ ಭುಗಿಲೆದ್ದಿರುವ ಆಕ್ರೋಶದ ಭಾಗವಾಗಿ 59 ಚೀನಾ ಆ್ಯಪ್‌ಗಳನ್ನು ಭಾರತದಲ್ಲಿ ನಿಷೇಧಿಸಲಾಗಿದೆ. ಕೇಂದ್ರ ಸರ್ಕಾರದ ಈ ಘೋಷಣೆಗೆ ಭಾರೀ ಜನಬೆಂಬಲ ವ್ಯಕ್ತವಾಗಿದ್ದು, ಚೀನಾದ ವಸ್ತುಗಳ ಆಮದು ಮತ್ತು ಬಳಕೆ ಮೇಲೂ ಸಂಪೂರ್ಣವಾಗಿ ನಿಷೇಧ ಹೇರುವಂತೆ ಒತ್ತಾಯ ಕೇಳಿ ಬಂದಿದೆ. ಈ ಮಧ್ಯೆ ತನ್ನ 59 ಚೀನಾ ಆ್ಯಪ್‌ಗಳನ್ನು ನಿಷೇಧಿಸಿರುವ ಭಾರತದ ನಡೆಯನ್ನು ತೀವ್ರ ಕಳವಳಕಾರಿ ಎಂದು ಕರೆದಿರುವ ಚೀನಾ, ಇಂತಹ ಆಕ್ರಮಣಕಾರಿ ನೀತಿಗಳಿಂದ ಸಮಸ್ಯೆ ಮತ್ತಷ್ಟು ಕಗ್ಗಂಟಾಗಲಿದೆ ಎಂದು ಅಭಿಪ್ರಾಯಪಟ್ಟಿದೆ. ಈ ಕುರಿತು ಪತ್ರಿಕಾಗೋಷ್ಠಿ ಉದ್ದೇಶಿಸಿ ಮಾತನಾಡಿದ ಚೀನಾ ವಿದೇಶಾಂಗ ಸಚಿವಾಲಯದ ವಕ್ತಾರ ಜಾವೋ ಲಿಜಿಯಾನ್, ಭಾರತದ ನಡೆಯನ್ನು ದುರದೃಷ್ಟಕರ ಎಂದು ಬಣ್ಣಿಸಿದರು. ಅಂತರರಾಷ್ಟ್ರೀಯ ಮತ್ತು ಸ್ಥಳೀಯ ಕಾನೂನು-ನಿಬಂಧನೆಗಳನ್ನು ಪಾಲಿಸುವಂತೆ ಚೀನಿ ಕಂಪನಿಗಳಿಗೆ ನಾವು ಯಾವಾಗಲೂ ಸ್ಪಷ್ಟ ಸೂಚನೆಯನ್ನು ನೀಡಿರುತ್ತೇವೆ. ಯಾವುದೇ ಕಾರಣಕ್ಕೂ ಸ್ಥಳೀಯ ಕಾನೂನನ್ನು ಅಗೌರವಿಸುವ ಪ್ರಶ್ನೆಯೇ ಇಲ್ಲ ಎಂದು ಲಿಜಿಯಾನ್ ಹೇಳಿದರು. ಅದರಂತೆ ಚೀನಾವೂ ಸೇರಿದಂತೆ ಅಂತಾರಾಷ್ಟ್ರೀಯ ಹೂಡಿಕೆದಾರರ ಕಾನೂನಾತ್ನಕ ಹಕ್ಕುಗಳನ್ನು ಎತ್ತಿ ಹಿಡಿಯುವ ಜವಾಬ್ದಾರಿ ಭಾರತದ ಮೇಲಿದ್ದು, ಈಗ ಕೈಗೊಂಡಿರುವ 59 ಚೀನಾ ಆ್ಯಪ್‌ಗಳ ಮೇಲಿನ ನಿಷೇಧದ ತೀರ್ಮಾನವನ್ನು ಮರುಪರಿಶೀಲಿಸಲಿದೆ ಎಂದು ಲಿಜಿಯಾನ್ ಭರವಸೆ ವ್ಯಕ್ತಪಡಿಸಿದರು.

from India & World News in Kannada | VK Polls https://ift.tt/38b7dpK

ಸುಧಾಕರ್‌ ಕ್ವಾರಂಟೈನ್ ಮುಕ್ತಾಯ, ಇನ್ನೆರಡು ದಿನಗಳಲ್ಲಿ ಪತ್ನಿ, ಪುತ್ರಿಯೂ ಡಿಸ್ಚಾರ್ಜ್

ಬೆಂಗಳೂರು: ಕುಟುಂಬದ ಸದಸ್ಯರಿಗೆ ಕೊರೊನಾ ಸೋಂಕು ಪಾಸಿಟಿವ್‌ ಆದ ಹಿನ್ನೆಲೆಯಲ್ಲಿ ಕೆಲ ದಿನಗಳ ಕಾಲ ಕ್ವಾರಂಟೈನ್‌ನಲ್ಲಿದ್ದ ವೈದ್ಯಕೀಯ ಶಿಕ್ಷಣ ಸಚಿವ ಕ್ವಾರಂಟೈನ್ ಅವಧಿ ಮುಕ್ತಾಯಗೊಂಡಿದೆ. ಮಂಗಳವಾರ ಸಿಎಂ ಬಿಎಸ್‌ ಯಡಿಯೂರಪ್ಪ ಅವರು ಖಾಸಗಿ ವೈದ್ಯಕೀಯ ಕಾಲೇಜುಗಳ ಮುಖ್ಯಸ್ಥರೊಂದಿಗೆ ನಡೆಸಿದ ಸಭೆಯಲ್ಲಿ ಹಾಜರಾದರು. ಸುಧಾಕರ್‌ ತಂದೆ, ಪತ್ನಿ ಹಾಗೂ ಪುತ್ರಿಗೆ ಕೊರೊನಾ ಪಾಸಿಟಿವ್‌ ಆಗಿತ್ತು. ಆದರೆ ಸುಧಾಕರ್‌ ಹಾಗೂ ಅವರ ಪುತ್ರನಿಗೆ ತಪಾಸಣೆಯಲ್ಲಿ ನೆಗೆಟಿವ್‌ ಬಂದಿತ್ತು. ಈ ಹಿನ್ನೆಲೆಯಲ್ಲಿ ಮುಂಜಾಗರೂಕತಾ ಕ್ರಮವಾಗಿ ಸುಧಾಕರ್‌ ಹೋಂ ಕ್ವಾರಂಟೈನ್‌ನಲ್ಲಿದ್ದರು. ಆನ್‌ಲೈನ್‌ ಮೂಲಕವೇ ಎಲ್ಲಾ ಸಭೆ ಸಮಾರಂಭಗಳಲ್ಲಿ ಭಾಗಿಯಾಗುತ್ತಿದ್ದರು. ಇದೀಗ ಅವರು ಕ್ವಾರಂಟೈನ್ ಅವಧಿ ಮುಕ್ತಾಯಗೊಂಡಿದೆ. ಈ ವಿಚಾರವಾಗಿ ಬೆಂಗಳೂರಿನಲ್ಲಿ ಮಾತನಾಡಿದ ಅವರು, ನನ್ನ ಪತ್ನಿ ಹಾಗೂ ಪುತ್ರಿಗೆ ಕೊರೊನಾ ಪಾಸಿಟಿವ್ ಆಗಿರುವ ಕಾರಣದಿಂದ ನಾನು ಕ್ವಾರಂಟೈನ್ನಲ್ಲಿ ಇರಬೇಕಾಯ್ತು. ಕೋವಿಡ್-19 ಟೆಸ್ಟಿಂಗ್ನಲ್ಲಿ ಎರಡು ಬಾರಿಯೂ ರಿಪೋರ್ಟ್ ನೆಗಿಟಿವ್ ಬಂದಿದೆ. ಈಗಷ್ಟೇ ಕ್ವಾರಂಟೇನ್ ಮುಗಿಸಿ ಕರ್ತವ್ಯಕ್ಕೆ ಹಾಜರಾಗುತ್ತಿದ್ದೇನೆ. ಎಲ್ಲರ ಆಶೀರ್ವಾದ, ಹಾರೈಕೆಯಿಂದ ನಾನು ಮತ್ತೆ ಬಂದಿದ್ದೇನೆ. ಇನ್ನೆರಡು ದಿನಗಳಲ್ಲಿ ತನ್ನ ಪತ್ನಿ ಹಾಗೂ ಪುತ್ರಿ ಕೂಡ ಡಿಸ್ಚಾರ್ಜ್ ಆಗಲಿದ್ದಾರೆ ಎಂದರು.

from India & World News in Kannada | VK Polls https://ift.tt/2NE0z1T

ಮನೆಯೊಳಗೆ ನುಗ್ಗಿದ ಕಾಡಾನೆ: ಪ್ರಾಣಭೀತಿಯಲ್ಲಿ ಬದುಕುತ್ತಿದೆ ಕುಟುಂಬ..!

ಕೊಡಗು: ಮನೆಯೊಳಗೆ ನುಗ್ಗಿ ಕಾಡಾನೆಯೊಂದು ನಡೆಸಿದ ಘಟನೆ ಜಿಲ್ಲೆಯ ವಿರಾಜಪೇಟೆ ತಾಲೂಕಿನ ಚೆನ್ನಂಗಿ ಬಸವನಹಳ್ಳಿ ಹಾಡಿಯಲ್ಲಿ ನಡೆದಿದೆ. ನಿನ್ನೆ ರಾತ್ರಿ ಮನೆಯವರೆಲ್ಲ ನಿದ್ರಿಸಲು ತಯಾರಾಗುತ್ತಿದ್ದ ವೇಳೆ ಇದ್ದಕ್ಕಿದ್ದಂತೆ ಕಾಡಾನೆಯೊಂದು ಮನೆಗೆ ಲಗ್ಗೆ ಇಟ್ಟಿದ್ದು, ಆನೆ ದಾಳಿ ಮಾಡ್ತಿದ್ದಂತೆ ಮನೆಯಲ್ಲಿದ್ದವರೆಲ್ಲ ಓಡಿ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ವಿರಾಜಪೇಟೆ ತಾಲೂಕಿನ ಪಾಲಿಬೆಟ್ಟ ಸಮೀಪದ ಚೆನ್ನಂಗಿ ಬಸವನಹಳ್ಳಿ ಹಾಡಿಯಲ್ಲಿ ಕೂಲಿ ಕಾರ್ಮಿಕರಾಗಿರುವ ಸೋಮುಣು ಚಂದ್ರ ಅವರು ತಮ್ಮ ಹೆಂಡತಿ ಮತ್ತು ಮೂವರು ಪುಟ್ಟ ಮಕ್ಕಳೊಂದಿಗೆ ಕಳೆದ ಕೆಲ ವರ್ಷಗಳಿಂದ ವಾಸ ಮಾಡುತ್ತಿದ್ದಾರೆ. ನಿನ್ನೆ ಏಕಾಏಕಿ ಮನೆಯೊಳಗೆ ನುಗ್ಗಿದ ಆನೆ ಆಹಾರ ಪದಾರ್ಥಗಳನ್ನು ತಿಂದು ಪಾತ್ರೆಗಳನ್ನು ತುಳಿದು ಹಾಕಿದೆ. ಅಲ್ಲದೇ ಮನೆಯ ಬಾಗಿಲನ್ನು ಒಡೆದು ಹಾಕಿದ್ದು, ಸೋಮುಣು ಅವರ ಮನೆ ಹಾನಿಗೊಳಗಾಗಿದೆ. ಈ ಭಾಗದಲ್ಲಿ ಕಳೆದ ಕೆಲ ವರ್ಷಗಳಿಂದ ಕಾಡಾನೆಗಳ ಸಂಚಾರವಿದ್ದು, ಜನರು ಭಯ ಭೀತಿಯಿಂದಲೇ ದಿನದೂಡಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ. ಸದ್ಯ ಸೋಮುಣು ಅವರ ಮನೆ ಕಾಡಾನೆ ದಾಳಿಯಿಂದ ಹಾನಿಗೊಳಗಾಗಿದ್ದು, ಕೂಲಿ ಕಾರ್ಮಿಕರಾಗಿರುವ ಅವರು ಪರಿಹಾರ ನೀಡುವಂತೆ ಒತ್ತಾಯಿಸಿದ್ದು, ಸರ್ಕಾರದ ನೆರವಿಗಾಗಿ ಎದುರು ನೊಡುತ್ತಿದ್ದಾರೆ.

from India & World News in Kannada | VK Polls https://ift.tt/2BUeuhn

ಇಂದು ವಿಶ್ವ ಕ್ಷುದ್ರಗ್ರಹ ದಿನ: 1908ರ ಸೈಬಿರಿಯಾದ ತುಂಗ್ಸುಕಾ ಘಟನೆ ನೆನೆಯುತ್ತಾ!

ವಾಷಿಂಗ್ಟನ್: ಇಂದು . ಕ್ಷುದ್ರಗ್ರಹಗಳ ಕುರಿತಾದ ಮಾನವ ಜ್ಞಾನ ವಿಕಸನದಲ್ಲಿ ಈ ದಿನ ಅತ್ಯಂತ ಮಹತ್ವದ ಪಾತ್ರ ನಿರ್ವಹಿಸುತ್ತದೆ. ವಿಶ್ವದಾದ್ಯಂತ ಇಂದು ಖಗೋಳ ಪ್ರಿಯರು ಕ್ಷುದ್ರಗ್ರಹಗಳ ದಿನಾಚರಣೆ ಆಚರಿಸುತ್ತಿದ್ದು, ಕ್ಷುದ್ರಗ್ರಹಗಳಲ್ಲಿ ಅಡಗಿರುವ ಸೌರಮಂಡಲದ ರಚನೆ ಹಾಗೂ ಭೂಮಿಯಲ್ಲಿ ಜೀವಿಗಳ ವಿಕಾಸದ ಇತಿಹಾಸದತ್ತ ದೃಷ್ಟಿ ಹರಿಸಿದ್ದಾರೆ. ವಿಶ್ವ ಕ್ಷುದ್ರಗ್ರಹ ದಿನಾಚರಣೆ ಇತಿಹಾಸ: 2014 ರಲ್ಲಿ ಸಂಗೀತಗಾರ ಡಾ. ಬ್ರಿಯಾನ್ ಮೇ, ಅಪೊಲೊ 9 ಗಗನಯಾತ್ರಿ ರಸ್ಟಿ ಶ್ವೀಕಾರ್ಟ್, ಚಲನಚಿತ್ರ ನಿರ್ಮಾಪಕ ಗ್ರಿಗ್ ರಿಕ್ಟರ್ಸ್ ಹಾಗೂ ಬಿ 612 ಅಧ್ಯಕ್ಷ ಡಾನಿಕಾ ರೆಮಿ ಸೇರಿ ಅಂತಾರಾಷ್ಟ್ರೀಯ ಕ್ಷುದ್ರಗ್ರಹಗಳ ದಿನಾಚರಣೆಗೆ ಅಡಿಪಾಯ ಹಾಕಿದರು. ಜಕ್ಷುದ್ರಗ್ರಹಗಳ ಅಧ್ಯಯನ ಹಾಗೂ ಭೂಮಿಗೆ ಅವುಗಳಿಂದ ಸಂಭವಿಸಬಹುದಾದ ಗಂಡಾಂತರಗಳ ಕುರಿತು ಜನರಿಒಗೆ ಮಾಹಿತಿ ನೀಡುವುದು ಇವರ ಉದ್ದೇಶವಾಗಿತ್ತು. ಮುಂದೆ 2016ರ ಡಿಸೆಂಬರ್‌ನಲ್ಲಿ ವಿಶ್ವಸಂಸ್ಥೆ ವಿಶ್ವ ಕ್ಷುದ್ರಗ್ರಹ ದಿನವನ್ನು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಆಚರಿಸಲು ಘೋಷಣೆ ಹೊರಡಿಸಿತು. 2013ರ ಫೆಬ್ರವರಿ 15ರಂದು ರಷ್ಯಾದ ಚೆಲ್ಯಾಂಬಿಸ್ಕ್ ಪ್ರದೇಶದಲ್ಲಿ ಅಪ್ಪಳಿಸಿದ್ದ ಭಾರೀ ಗಾತ್ರದ ಕ್ಷುದ್ರಗ್ರಹವೊಂದು ಸೃಷ್ಟಿಸಿದ ಅನಾಹುತದ ಬಳಿಕ ವಿಶ್ವಸಂಸ್ಥೆ ಈ ನಿರ್ಣಯ ಕೈಗೊಂಡಿತ್ತು. ಜೂನ್ 30, 1908ರಲ್ಲಿ ಏನಾಗಿತ್ತು?: ಇದಕ್ಕೂ ಮೊದಲು 1908, ಜೂನ್ 30ರಂದು ಸೈಬಿರಿಯಾದ ತುಂಗ್ಸುಕಾ ನದಿಯ ಬಳಿ 220 ಮಿಲಿಯನ್ ಪೌಂಡ್ ಗಾತ್ರದ ಕ್ಷುದ್ರಗ್ರಹವೊಂದು ಅಪ್ಪಳಿಸಿತ್ತು. ಗಂಟೆಗೆ 33, 500 ಮೈಲು ವೇಗದಲ್ಲಿ ಭೂಮಿಗೆ ಬಂದು ಅಪ್ಪಳಿಸಿದ ಈ ಕ್ಷುದ್ರಗ್ರಹ ಜಪಾನ್‌ನ ಹೀರೋಶಿಮಾ ಮೇಲೆ ಅಮೆರಿಕ ಹಾಕಿದ್ದ ಅಣುಬಾಂಬ್‌ಗಿಂತ 185 ಪಟ್ಟು ಹೆಚ್ಚಿನ ಶಕ್ತಿಯನ್ನು ಉತ್ಪಾದಿಸಿತ್ತು. 28 ಸಾವಿರ ಅಡಿ ಉದ್ದದ ಈ ಕ್ಷುದ್ರಗ್ರಹ 44,500 ಡಿಗ್ರಿ ಫ್ಯಾರನ್ ಹೀಟ್ ಉಷ್ಣತೆಯನ್ನು ಹೊಂದಿತ್ತು. ಈ ಕ್ಷುದ್ರಗ್ರಹ ಬಿದ್ದ ರಭಸಕ್ಕೆ ತೋಗ್ಸುಕಾ ಪ್ರದೇಶದ 2,150 ಚ.ಕಿ.ಮೀ ಪ್ರದೇಶದ ಸುಮಾರು 80 ಮಿಲಿಯನ್ ಮರಗಳು ಸುಟ್ಟು ಭಸ್ಮವಾಗಿದ್ದವು. ಕೊರೊನಾ ಕಾರಣಕ್ಕೆ ಆನ್‌ಲೈನ್ ಮೂಲಕ ವಿಶ್ವ ಕ್ಷುದ್ರಗ್ರಹ ದಿನಾಚರಣೆ: ಇನ್ನು ವಿಶ್ವದಾದ್ಯಂತ ಮಾರಕ ಕೊರನಾ ವೈರಸ್ ಹಾವಳಿ ಹೆಚ್ಚಾಗಿರುವ ಹಿನ್ನೆಲೆಯಲ್ಲಿ ಈ ಬಾರಿ ವಿಶ್ವ ಕ್ಷುದ್ರಗ್ರಹ ದಿನಾಚರಣೆಯನ್ನು ವಿಡಿಯೋ ಸಂವಾದದ ಮೂಲಕ ಆಚರಿಸಲು ನಿರ್ಧರಿಸಲಾಗಿದೆ. ಕ್ಷುದ್ರಗ್ರಹಗಳ ಕುರಿತಾದ ಮಾನವನ ಜ್ಞಾನವನ್ನು ವೃದ್ಧಿಸುವ ಹಾಗೂ ಅದರಿಂದ ಭೂಮಿಗೆ ಸಂಭವಿಸಬಹುದಾದ ಗಂಡಾಂತರಗಳ ಕುರಿತು ಜನರಲಕ್ಲಿ ಅರಿವು ಮೂಡಿಸುವುದು ಹೀಗೆ ಮುಂತಾದ ವಿಷಯಗಳ ಕುರಿತು ಚರ್ಚೆ ನಡೆಯಲಿದೆ.

from India & World News in Kannada | VK Polls https://ift.tt/3ihYeHI

ಮೇಕ್‌ ಇನ್‌ ಇಂಡಿಯಾ ಎನ್ನುತ್ತಲೇ ಚೀನಾದಿಂದ ಆಮದು ಹೆಚ್ಚಳ: ರಾಹುಲ್ ತರಾಟೆ

ಹೊಸ ದಿಲ್ಲಿ: ಭಾರತ-ಚೀನಾ ಗಡಿ ಸಂಘರ್ಷದ ಬೆನ್ನಲ್ಲೇ, ಭಾರತ ಸರ್ಕಾರವೇನೋ ಚೀನಾಗಳನ್ನು ನಿಷೇಧಿಸಿದೆ. ಚೀನಾದ ವಸ್ತುಗಳ ಆಮದಿಗೆ ನಿರ್ಬಂಧವನ್ನೂ ಹೇರುತ್ತಿದೆ. ಆದ್ರೆ, ಇದೇ ವಿಚಾರವಾಗಿ ಮೋದಿ ಸರ್ಕಾರದ ವಿರುದ್ಧ ಹರಿಹಾಯ್ದಿರುವ ಕಾಂಗ್ರೆಸ್ ನಾಯಕ , ಎಂದು ಹೇಳುತ್ತಲೇ ಚೀನಾದಿಂದ ಆಮದನ್ನು ಹೆಚ್ಚಿಸಿದೆ ಎಂದು 2014ರಿಂದ ಈವರೆಗಿನ ಲೆಕ್ಕಾಚಾರ ನೀಡಿದ್ಧಾರೆ. ವಾಸ್ತವ ಸಂಗತಿಗಳು ಸುಳ್ಳು ಹೇಳೋದಿಲ್ಲ ಎಂದು ಟ್ವೀಟ್ ಮಾಡಿರುವ ರಾಹುಲ್ ಗಾಂಧಿ, ಮೇಕ್‌ ಇನ್‌ ಇಂಡಿಯಾ ಎಂದು ಹೇಳುತ್ತಲೇ ಮೋದಿ ಸರ್ಕಾರ ಚೀನಾದ ವಸ್ತುಗಳ ಪ್ರಮಾಣ ಹೆಚ್ಚಿಸಿದೆ ಎಂದು ಅಂಕಿಅಂಶ ನೀಡಿದ್ದಾರೆ. ತಮ್ಮ ಟ್ವೀಟ್‌ನಲ್ಲಿ ಗ್ರಾಫ್‌ ಚಿತ್ರಣವನ್ನೂ ನೀಡಿದ್ದಾರೆ. ಯುಪಿಎ ಹಾಗೂ ಎನ್‌ಡಿಎ ಸರ್ಕಾರದ ಅವಧಿಯಲ್ಲಿನ ಆಮದು ಪ್ರಮಾಣವನ್ನು ಬಿಂಬಿಸುವ ಚಿತ್ರಣ ನೀಡಿದ್ದಾರೆ. 2008ರ ಮನ್‌ಮೋಹನ್‌ ಸಿಂಗ್ ಆಡಳಿತಾವಧಿಯಲ್ಲಿ ಚೀನಾದಿಂದ ಶೇ. 12ರಷ್ಟು ಸರಕುಗಳ ಆಮದು ಆಗುತ್ತಿತ್ತು. ಆದ್ರೆ, 2012ಕ್ಕೆ ಇದು ಶೇ. 14ಕ್ಕೆ ಏರಿಕೆಯಾಯ್ತು. ನಂತರ 2014ರ ವೇಳೆಗೆ ಶೇ. 13ಕ್ಕೆ ಕುಸಿತವಾಗಿತ್ತು. ಪ್ರಧಾನಿ ಮೋದಿ ಆಡಳಿತಾವಧಿಯಲ್ಲಿ 2015ರಲ್ಲಿ ಈ ಪ್ರಮಾಣ ಶೇ. 13ರಿಂದ 14ಕ್ಕೆ ಏರಿಕೆಯಾಯ್ತು. 2016ರಲ್ಲಿ ಶೇ. 16ಕ್ಕೆ ಏರಿಕೆ ಕಂಡಿತು. 2017ಕ್ಕೆ ಶೇ. 17ಕ್ಕೆ ಏರಿಕೆ ಕಂಡಿತು. 2018ಕ್ಕೆ ಶೇ. 18ರಷ್ಟು ಆಮದು ಪ್ರಮಾಣ ಏರಿಕೆ ಕಂಡಿದೆ ಎಂದು ಗ್ರಾಫ್‌ ಚಿತ್ರಣವನ್ನು ರಾಹುಲ್ ನೀಡಿದ್ದಾರೆ.

from India & World News in Kannada | VK Polls https://ift.tt/2YIb2Q8

ಜಮ್ಮುವಿನಲ್ಲಿ ಉಗ್ರರ ಖೇಲ್‌ ಖತಂ, ಈ ವರ್ಷ ಕಾಶ್ಮೀರದಲ್ಲಿ ನೂರು ಉಗ್ರರ ಹತ್ಯೆ!

ದಕ್ಷಿಣ ಕಾಶ್ಮೀರದ ಅನಂತನಾಗ್‌ ಜಿಲ್ಲೆಯಲ್ಲಿ ಹಿಜ್ಬುಲ್‌ ಮುಜಾಹಿದೀನ್‌ ಭಯೋತ್ಪಾದಕ ಸಂಘಟನೆಯ ನಾಯಕ ಮಸೂದ್‌ನನ್ನು ಪೊಲೀಸರು ಎನ್‌ಕೌಂಟರ್‌ನಲ್ಲಿ ಕೊಂದುಹಾಕಿದ್ದಾರೆ. ಈತ ಜಮ್ಮು ಪ್ರಾಂತ್ಯದಿಂದ ಬಂದ ಹಾಗೂ ದೋಡಾ ಜಿಲ್ಲೆಯಲ್ಲಿದ್ದ ಏಕೈಕ ಟೆರರಿಸ್ಟ್‌ ಆಗಿದ್ದ. ದೋಡಾದಲ್ಲಿ ಒಂದು ರೇಪ್‌ ಪ್ರಕರಣದ ಬಳಿಕ ಪೊಲೀಸರಿಂದ ತಪ್ಪಿಸಿಕೊಂಡಿದ್ದ ಈತ ನಂತರ ಹಿಜ್ಬುಲ್‌ ಸೇರಿ ಉಗ್ರವಾದದಲ್ಲಿ ಪಳಗಿ ಅವರ ನಾಯಕನಾಗಿದ್ದ. ಜಮ್ಮುವಿನಲ್ಲಿ ಭಯೋತ್ಪಾದನೆಯನ್ನು ಹಂತಹಂತವಾಗಿ ನಿವಾರಿಸುತ್ತ ಬಂದ ಪೊಲೀಸರ ಕ್ರಮದಿಂದ ಅನಿವಾರ‍್ಯವಾಗಿ ತನ್ನ ಕಾರಾರ‍ಯಚರಣೆಯನ್ನು ಕಾಶ್ಮೀರಕ್ಕೆ ಸ್ಥಳಾಂತರಿಸಿದ್ದ ಇವನ ನಿಗ್ರಹದಿಂದಾಗಿ, ಜಮ್ಮುವಿನಲ್ಲಿ ಉಗ್ರ ನೆಲೆಗಳು ಸಂಪೂರ್ಣ ನಾಶವಾದಂತೆ ಆಗಿದೆ.ನೂರಕ್ಕೂ ಹೆಚ್ಚು ಉಗ್ರರು ಹತ:ಈ ವರ್ಷದ ಆರಂಭದಿಂದ ಇಲ್ಲಿಯವರೆಗೆ ನೂರಕ್ಕೂ ಹೆಚ್ಚು ಮಂದಿ ಉಗ್ರರನ್ನು ಭಾರತದ ಅರೆಸೇನಾಪಡೆ, ಯೋಧರು ಮತ್ತು ಪೊಲೀಸರು ಕಾರ್ಯಾಚರಣೆಗಳಲ್ಲಿಕೊಂದು ಹಾಕಿದ್ದಾರೆ. ಇದರಿಂದ ಭೀತವಾಗಿರುವ ಪಾಕಿಸ್ತಾನ, 'ಕಾಶ್ಮೀರದಲ್ಲಿಮುಗ್ಧರನ್ನು ಕೊಲ್ಲಲಾಗುತ್ತಿದೆ' ಎಂದು ಅಂತಾರಾಷ್ಟ್ರೀಯ ವಲಯದಲ್ಲಿ ಪ್ರಲಾಪ ಎಬ್ಬಿಸಿತ್ತು. ಗಡಿ ನಿಯಂತ್ರಣ ರೇಖೆಯುದ್ದಕ್ಕೂ ಪಹರೆಯನ್ನು ಬಿಗಿ ಮಾಡಿದ್ದ ಭಾರತದ ಗಡಿ ಭದ್ರತಾ ಪಡೆ, ಪಾಕ್‌ ಆಕ್ರಮಿತ ಕಾಶ್ಮೀರದ ತರಬೇತಿ ಕ್ಯಾಂಪ್‌ಗಳಿಂದ ಒಂದು ಸೊಳ್ಳೆಯೂ ಒಳಗೆ ನುಸುಳದಂತೆ ನೋಡಿಕೊಂಡಿತ್ತು. ಇದರಿಂದಲೂ ಉಗ್ರರು ಹತಾಶರಾಗಿದ್ದಾರೆ. ಈ ತಿಂಗಳಲ್ಲಿಯೇ ಉಗ್ರರ ಫಲವತ್ತಾದ ನೆಲವಾದ ದಕ್ಷಿಣ ಕಾಶ್ಮೀರದಲ್ಲಿ ನಲುವತ್ತು ಉಗ್ರರನ್ನು ಕೊಲ್ಲಲಾಗಿದೆ. ಇವರಲ್ಲಿ ಹೆಚ್ಚಿನವರು ಹಿಜ್ಬುಲ್‌ ಮುಜಾಹಿದೀನ್‌, ಜೈಶೆ ಮೊಹಮ್ಮದ್‌, ಲಷ್ಕರೆ ತಯ್ಬಾಗಳ ಕಮಾಂಡರ್‌ಗಳು.

ಮಸೂದ್‌ ಹತ್ಯೆಯ ಬಳಿಕ ದೋಡಾ ಜಿಲ್ಲೆಯನ್ನು ಪೊಲೀಸರು 'ಉಗ್ರಮುಕ್ತ' ಎಂದು ಘೋಷಿಸಿದ್ದಾರೆ. ಕೆಲವೇ ದಿನಗಳ ಹಿಂದೆ ಟ್ರಾಲ್‌ ಪ್ರದೇಶವನ್ನು ಭಯೋತ್ಪಾದಕ ಮುಕ್ತ ಎಂದು ಘೋಷಿಸಲಾಗಿತ್ತು. 1989ರ ಬಳಿಕ ಇದೇ ಮೊದಲ ಬಾರಿಗೆ ಈ ಪ್ರದೇಶ ಯಾವುದೇ ಭಯೋತ್ಪಾದನೆಯಿಂದ ಮುಕ್ತವಾಗಿದೆ. ಈ ಟ್ರಾಲ್‌ ಪ್ರದೇಶ, ಹಿಜ್ಬುಲ್‌ ಸಂಘಟನೆಯ ಪೋಸ್ಟರ್‌ ಬಾಯ್‌ ಆಗಿದ್ದ, ಕಾಶ್ಮೀರದಲ್ಲಿ ದೊಡ್ಡ ಸಂಖ್ಯೆಯ ಯುವಕರನ್ನು ಭಯೋತ್ಪಾದನೆಯತ್ತ ಆಕರ್ಷಿಸಿದ್ದ ಬುರ್ಹಾನ್‌ ವಾನಿಯ ತವರು ಆಗಿತ್ತು. 2016ರ ಜುಲೈಯಲ್ಲಿಹಿಜ್ಬುಲ್‌ ಕಮಾಂಡರ್‌ ಬುರ್ಹಾನ್‌ ವಾನಿಯ ಎನ್‌ಕೌಂಟರ್‌ ನಡೆಯಿತು. ಈ ಎನ್‌ಕೌಂಟರ್‌ ವಿರೋಧಿಸಿ ಪ್ರತ್ಯೇಕತಾವಾದಿಗಳು ನಡೆಸಿದ ಕಾಶ್ಮೀರ ಬಂದ್‌ ವೇಳೆ ಆರಂಭವಾದ ಹಿಂಸಾಚಾರ, ಕಫ್ರ್ಯೂ ಹೇರಿಕೆ ಸುಮಾರು 50 ದಿನ ನಡೆಯಿತು. ಅಸ್ತಿತ್ವ ಕಳೆದುಕೊಂಡಿದ್ದ ಪ್ರತ್ಯೇಕತಾವಾದಿಗಳು ವಾನಿಯ ಎನ್‌ಕೌಂಟರನ್ನೇ ನೆಪವಾಗಿಟ್ಟುಕೊಂಡು ಮತ್ತೆ ಚಿಗುರಲು ಯತ್ನಿಸಿದರು.

ಹಿಜ್ಬುಲ್ ಕಮಾಂಡರ್ ಹತ: ದೋಡಾ ಜಿಲ್ಲೆ ಭಯೋತ್ಪಾದನೆ ಮುಕ್ತ ಎಂದು ಘೋಷಣೆ!

ಕಳೆದ ಸೆಪ್ಟೆಂಬರ್‌ನಲ್ಲಿ ಕಾಶ್ಮೀರದಲ್ಲಿಆರ್ಟಿಕಲ್‌ 370ಯನ್ನು ರದ್ದುಪಡಿಸಿ, ರಾಜ್ಯವನ್ನು ಎರಡು ಕೇಂದ್ರಾಡಳಿತ ಪ್ರದೇಶಗಳಾಗಿ ವಿಭಜಿಸಿದ ಬಳಿಕ, ಕಾಶ್ಮೀರದಲ್ಲಿ ಕಾರ್ಯಾಚರಿಸುತ್ತಿರುವ ಉಗ್ರರ ಬಗ್ಗೆ ಇನ್ನಷ್ಟು ಕಠಿಣ ನಿಲುವನ್ನು ಕೇಂದ್ರ ಸರಕಾರ ತೆಗೆದುಕೊಂಡಿದೆ. ಮಾತುಕತೆಗೆ ಸಿದ್ಧ ಎಂದು ಮೊದಲು ಹೇಳಿದ್ದರೂ, ಉಗ್ರರ ಚಟುವಟಿಕೆ ಬಿಗಡಾಯಿಸಿದಂತೆ, ತಾನೂ ಬಿಗಿ ನಿಲುವನ್ನು ತಳೆಯಿತು. ಕಣಿವೆಯಲ್ಲಿಸಕ್ರಿಯವಾಗಿದ್ದ ಹಿಜ್ಬುಲ್‌ ಮುಜಾಹಿದೀನ್‌, ಲಷ್ಕರೆ ತಯ್ಬಾ ಮುಂತಾದ ಸಂಘಟನೆಗಳ ಭಯೋತ್ಪಾದಕರನ್ನು ನಿರ್ದಾಕ್ಷಿಣ್ಯವಾಗಿ ಮಟ್ಟಹಾಕಲು ಆರಂಭಿಸಿತು. ಜಮ್ಮು ಕಾಶ್ಮೀರದಲ್ಲಿಅಭಿವೃದ್ಧಿ ಚಟುವಟಿಕೆ ಹಿಂದುಳಿದಿರುವುದೇ ಎಲ್ಲ ಸಮಸ್ಯೆಗಳಿಗೆ ಮೂಲ, ಅಭಿವೃದ್ಧಿ ಕಾರ್ಯಗಳನ್ನು ವೇಗವಾಗಿ ಕೈಗೊಂಡರೆ, ಹೆಚ್ಚೆಚ್ಚು ಉದ್ಯೋಗಗಳನ್ನು ಸೃಷ್ಟಿಸಿದರೆ ಈ ಸಮಸ್ಯೆ ಇರಲಾರದು ಎಂಬುದು ಕೇಂದ್ರದ ಅಭಿಪ್ರಾಯ. ಆದರೆ ಈ ನಿಟ್ಟಿನಲ್ಲಿಕೇಂದ್ರದ ಯಾವುದೇ ಕಾರ್ಯಚಟುವಟಿಕೆಗಳಿಗೆ ಸ್ಥಳೀಯ ಪಕ್ಷಗಳ ನಾಯಕರು, ಪ್ರತ್ಯೇಕತಾವಾದಿಗಳು ನಿರಂತರವಾಗಿ ತಡೆ ಹಾಕುತ್ತ, ಪ್ರತ್ಯೇಕತಾವಾದವನ್ನು ಪೋಷಿಸುತ್ತ ಬಂದಿದ್ದಾರೆ.

ಅಜರ್‌ಗೂ ರಕ್ಷಣೆ ನೀಡುತ್ತಿದೆ ಐಎಸ್‌ಐ!

ಈ ವರ್ಷ ಮಾರ್ಚ್, ಏಪ್ರಿಲ್‌ ಹಾಗೂ ಮೇ ತಿಂಗಳಿನಲ್ಲಿ ಭಾರತ- ಪಾಕ್‌ ಗಡಿ ರೇಖೆಯಲ್ಲಿ ಎಲ್ಲ ಕಡೆ ಶಾಂತಿ ಉಲ್ಲಂಘನೆ, ಗುಂಡಿನ ಚಕಮಕಿ ಇತ್ಯಾದಿ ಘಟಿಸಿದ್ದವು. ಹೆಚ್ಚಾಗಿ ಉಗ್ರರನ್ನು ಒಳನುಸುಳಲು ಸಹಾಯವಾಗುವಂತೆ, ಸೈನ್ಯದ ಗಮನ ಬೇರೆ ಕಡೆ ಸೆಳೆಯಲು ಪಾಕ್‌ ಸೈನಿಕರು ಗುಂಡಿನ ದಾಳಿ ನಡೆಸುವುದು ಸಾಮಾನ್ಯ. ಮಾರ್ಚ್ನಲ್ಲೇ ಇಂಥ 1300 ಪ್ರಕರಣ ನಡೆದವು. ಕೊರೊನಾ ಕಾಯಿಲೆಯನ್ನು ತಡೆಯಲು ಭಾರತ ಸರಕಾರ ಹರಸಾಹಸ ಪಡುತ್ತಿರುವ ಹೊತ್ತಿನಲ್ಲಿ, ಎಲ್ಲರ ಗಮನ ಬೇರೆ ಕಡೆ ಇರುವಾಗ ದೊಡ್ಡ ಸಂಖ್ಯೆಯಲ್ಲಿ ಉಗ್ರರನ್ನು ಭಾರತದ ಒಳ ನುಸುಳಿಬೇಕು ಎಂಬುದು ಪಾಕಿಸ್ತಾನದ ಪ್ರಯತ್ನವಾಗಿತ್ತು. ಕೊರೊನಾ ಪೀಡಿತ ಉಗ್ರರನ್ನು ಕೂಡ ಒಳಕಳಿಸಿ, ಕಾಶ್ಮೀರ ಕಣೀವೆಯಲ್ಲಿ ಕಾಯಿಲೆ ಹೆಚ್ಚಿಸುವ ಯತ್ನವನ್ನು ಪಾಕ್‌ ನಡೆಸಿತು. ಆದರೆ ಭಾರತದ ಸೈನ್ಯ ಅದಕ್ಕೆ ಅವಕಾಶ ನೀಡಲೇ ಇಲ್ಲ.

31 ವರ್ಷ ಬಳಿಕ ತ್ರಾಲ್‌ನಲ್ಲಿ ಹಿಜ್ಬುಲ್‌ ಸಂಘಟನೆ ನಿರ್ನಾಮ!

ಪ್ರತ್ಯೇಕ ಕಾಶ್ಮೀರಕ್ಕಾಗಿ ಭಯೋತ್ಪಾದನೆ ನಡೆಸುತ್ತಿರುವ ಸಂಘಟನೆಗಳಲ್ಲಿ ಹಿಜ್ಬುಲ್‌ ಮುಜಾಹಿದೀನ್‌ ಪ್ರಮುಖವಾದುದು. ಆದರೆ ಈ ಸಂಘಟನೆ ತನ್ನ ಕೊನೆಯ ದಿನಗಳನ್ನು ಎಣಿಸುತ್ತಿದೆ ಎಂದು ವಿಶ್ಲೇಷಿಸಲಾಗಿದೆ. ಕಾಶ್ಮೀರದಲ್ಲಿಇತ್ತೀಚೆಗೆ ನಡೆದ ಎನ್‌ಕೌಂಟರ್‌ಗಳಲ್ಲಿ ಈ ಸಂಘಟನೆಯ ಪ್ರಮುಖ ಕಮಾಂಡರ್‌ಗಳೆಲ್ಲ ಹತರಾಗಿದ್ದಾರೆ. ದೋಡಾದಲ್ಲಿ ಮಸೂದ್‌ ಸತ್ತಂತೆ, ಮೇ ತಿಂಗಳಲ್ಲಿಇನ್ನೊಬ್ಬ ಕಮಾಂಡರ್‌ ರಿಯಾಜ್‌ ನಾಯ್ಕೂನನ್ನು ಸಾಯಿಸಲಾಗಿತ್ತು. 2016ರಲ್ಲಿ ಬುರ್ಹಾನ್‌ ವಾನಿ ಸತ್ತಿದ್ದಾನೆ. 2008ರಿಂದ ಈಚೆಗೆ ಹಿಜ್ಬುಲ್‌ ಸಂಘಟನೆ ನಿರಂತರ ಇಳಿಮುಖದಲ್ಲಿದ್ದು, ಲಷ್ಕರೆ ಹಾಗೂ ಜೈಶೆಗಳು ಹೆಚ್ಚು ಕ್ರಿಯಾಶೀಲವಾಗಿವೆ. ಪಾಕಿಸ್ತಾನದಿಂದ ಬರುತ್ತಿದ್ದ ಹಣ ಹಾಗೂ ಆಯುಧಗಳೂ ಈಗ ಲಭ್ಯವಾಗುತ್ತಿಲ್ಲ. ಪ್ರತ್ಯೇಕತಾವಾದವನ್ನು ಬಹಿರಂಗವಾಗಿ ಪೋಷಿಸುತ್ತಿದ್ದ ಸ್ಥಳೀಯ ನಾಯಕರೂ ಈಗ ಮೌನವಾಗಿದ್ದಾರೆ. ಇನ್ನು ಜಾಗತಿಕ ಉಗ್ರ ಸಂಘಟನೆಗಳಾದ ಅಲ್‌ ಖೈದಾ, ಐಸಿಸ್‌ ಮುಂತಾದವುಗಳ ಜೊತೆಗೆ ಹಿಜ್ಬುಲ್‌ಗೆ ಹಿತಕರವಾದ ಸಂಬಂಧವಿಲ್ಲ.

ಒಂದು ಸಂಘಟನೆ ನಾಶವಾದರೂ ಅದರಲ್ಲಿ ಅಳಿದುಳಿದವರು ಇನ್ನೊಂದು ಸಂಘಟನೆ ಸೇರಿಕೊಂಡು ಚಟುವಟಿಕೆ ಮುಂದುವರಿಸುವುದು ಸಾಮಾನ್ಯ. ದೋಡಾದಲ್ಲಿ ಮಸೂದ್‌ ಜೊತೆಗೆ ಎನ್‌ಕೌಂಟರ್‌ ಸಂದರ್ಭದಲ್ಲಿ ಇತರ ಸಂಘಟನೆಗಳ ಇಬ್ಬರು ಉಗ್ರರೂ ಇದ್ದರು. ಹೀಗಾಗಿ, ಇವರು ಹೊಸ ಸಂಘಟನೆ ಸ್ಥಾಪಿಸಿರಬಹುದೇ ಎಂಬ ಆತಂಕವೂ ಹುಟ್ಟಿದೆ. ಕಳೆದ ಏಪ್ರಿಲ್‌ನಲ್ಲಿ ಸೇನಾಪಡೆಗಳು ಕುಪ್ವಾರಾದಲ್ಲಿ ಐವರು ಉಗ್ರರನ್ನು ಕೊಂದು ಹಾಕಿದಾಗ, ಅವರು ದಿ ರೆಸಿಸ್ಟೆನ್ಸ್‌ ಫ್ರಂಟ್‌ (ಟಿಆರ್‌ಎಫ್‌) ಎಂಬ ಸಂಘಟನೆಯ ಸದಸ್ಯರಾಗಿದ್ದುದು ಕಂಡು ಬಂದಿತ್ತು. ಇವರು ಇಂಟರ್‌ನೆಟ್‌ ಅನ್ನು ಚೆನ್ನಾಗಿ ಬಳಸಬಲ್ಲ ಹೊಸ ತಲೆಮಾರಿನ ಯುವಕರಾಗಿದ್ದರು.

ಈ ಮೊದಲು ಪಾಕಿಸ್ತಾನದ ಸೇನೆಗೆ ಚೀನಾ ಶಸ್ತಾಸ್ತ್ರಗಳನ್ನು ಪೂರೈಸುತ್ತಿತ್ತು. ಈಗ ಉಗ್ರ ಸಂಘಟನೆಗಳೂ ಚೀನದ ನೆರವು ಪಡೆಯುತ್ತಿರುವುದು ಕಂಡುಬಂದಿದೆ. ಉದಾಹರಣೆಗೆ, ಕಳೆದ ಆಗಸ್ಟ್‌ನಲ್ಲಿ ಪಾಕ್‌ ಗಡಿಯಾಚೆಯಿಂದ ಕೆಲವು ಡ್ರೋನ್‌ಗಳು ಗ್ರೆನೇಡ್‌ಗಳನ್ನು ಹೊತ್ತುಕೊಂಡು ಹಾರಿಬಂದಿದ್ದವು. ಗಡಿಯೊಳಗಿರುವ ಉಗ್ರರಿಗೆ ಇದನ್ನು ತಲುಪಿಸುವ ಉದ್ದೇಶದಿಂದ ಇವನ್ನು ಹಾರಿಸಲಾಗಿತ್ತು- ಇವು ಚೀನಾ ತಯಾರಿಸಿದ ಡ್ರೋನ್‌ಗಳಾಗಿದ್ದವು. ಆಗಸ್ಟ್‌ನಲ್ಲಿ ಸೇನೆಯ ವಿರುದ್ಧ ದಾಳಿಗೆ ಉಗ್ರರು ಬಳಸಿದ ಗ್ರೆನೇಡ್‌ಗಳೂ ಚೀನಾ ನಿರ್ಮಿತವಾಗಿದ್ದವು.

2020- 100 (ಇದುವರೆಗೆ)

2019- 160

2018- 235

2017- 218

2016- 165

2015- 113

2014- 110

2013- 100

from India & World News in Kannada | VK Polls https://ift.tt/2VueSKL

ಕೊರೊನಾ ಸಂಕಷ್ಟ: ಅತಿಥಿ ಉಪನ್ಯಾಸಕರಿಗೆ ಮೂರು ತಿಂಗಳ ವೇತನ ನೀಡುವಂತೆ ಎಚ್‌ಡಿಕೆ ಒತ್ತಾಯ

ಬೆಂಗಳೂರು: ಕೊರೊನಾ ಸಂಕಷ್ಟದಿಂದ ಅತಂತ್ರ ಪರಿಸ್ಥಿತಿಯಲ್ಲಿರುವ ಅತಿಥಿ ಉಪನ್ಯಾಸಕರಿಗೆ ಮೂರು ತಿಂಗಳ ವೇತನವನ್ನು ನೀಡುವಂತೆ ಮಾಜಿ ಸಿಎಂ ರಾಜ್ಯ ಸರ್ಕಾರಕ್ಕೆ ಆಗ್ರಹಿಸಿದ್ದಾರೆ. ಟ್ವಿಟ್ಟರ್‌ ಮೂಲಕ ಅತಿಥಿ ಉಪನ್ಯಾಸಕರ ಸಂಕಷ್ಟದ ಕುರಿತಾಗಿ ಸರ್ಕಾರದ ಗಮನ ಸೆಳೆದಿರುವ ಅವರು ತುರ್ತು ನೆರವಿಗೆ ಕೂಡಲೇ ಆಗಮಿಸುವಂತೆ ಮನವಿ ಮಾಡಿಕೊಂಡಿದ್ದಾರೆ. “ಅತಂತ್ರರಾಗಿರುವ ಅತಿಥಿ ಉಪನ್ಯಾಸಕರು ಹತಾಶೆಗೊಂಡು ಸುಮಾರು ಎಂಟು ಮಂದಿ ಆತ್ಮಹತ್ಯೆ ಮಾಡಿಕೊಂಡಿರುವುದು ಅತ್ಯಂತ ದುರದೃಷ್ಟಕರ. ಸರ್ಕಾರ ಅತಿಥಿ ಉಪನ್ಯಾಸಕರಿಗೆ ತಕ್ಷಣವೇ ಸ್ಪಂದಿಸಬೇಕು” ಎಂದು ಟ್ವೀಟ್ ಮಾಡಿದ್ದಾರೆ. ಅಲ್ಲದೆ, ಕರೋನ ಸೋಂಕಿನ ವೇಳೆ ಸಂಕಷ್ಟಕ್ಕೆ ಸಿಲುಕಿರುವ ಪದವಿ ಕಾಲೇಜುಗಳಲ್ಲಿನ ಅತಿಥಿ ಉಪನ್ಯಾಸಕರಿಗೆ ಸರ್ಕಾರ ಮೂರು ತಿಂಗಳ ವೇತನ ನೀಡುವ ಮೂಲಕ ಮಾನವೀಯ ನೆಲೆಗಟ್ಟಿನಲ್ಲಿ ತುರ್ತು ನೆರವಿಗೆ ಧಾವಿಸಬೇಕು ಎಂದು ಕುಮಾರಸ್ವಾಮಿ ಒತ್ತಾಯಿಸಿದ್ದಾರೆ. ಕಳೆದ ಮೂರು ತಿಂಗಳಿಂದ ಕೊರೊನಾ ಕಾರಣದಿಂದಾಗಿ ಅತಿಥಿ ಉಪನ್ಯಾಸಕರು ಸಂಷಕ್ಟದಲ್ಲಿದ್ದಾರೆ. ಆರ್ಥಿಕ ಸಂಕಷ್ಟ ಹಾಗೂ ಮಾನಸಿಕ ಒತ್ತಡದಿಂದ 8 ಮಂದಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಈ ಕುರಿತಾಗಿ ವಿಜಯ ಕರ್ನಾಟಕ ವಿಶೇಷ ವರದಿಯನ್ನು ಪ್ರಕಟಿಸಿತ್ತು. ಈ ಹಿನ್ನೆಲೆಯಲ್ಲಿ ಎಚ್‌ಡಿಕೆ ಸರ್ಕಾರಕ್ಕೆ ಮನವಿ ಮಾಡಿಕೊಂಡಿದ್ದಾರೆ.

from India & World News in Kannada | VK Polls https://ift.tt/2ZAWIZ5

ಕೋವಿಡ್‌ ಚಿಕಿತ್ಸೆ: 4,500 ಹಾಸಿಗೆ ನೀಡಲು ಖಾಸಗಿ ವೈದ್ಯಕೀಯ ಕಾಲೇಜುಗಳ ಸಮ್ಮತಿ

ಬೆಂಗಳೂರು: ಕೊರೊನಾ ಚಿಕಿತ್ಸೆ ನೀಡಲು ಬೆಂಗಳೂರಿನ 11 ಖಾಸಗಿ ವೈದ್ಯಕೀಯ ಕಾಲೇಜುಗಳು ಸಮ್ಮತಿಯನ್ನು ಸೂಚಿಸಿವೆ. ಸಿಎಂ ಬಿಎಸ್‌ವೈ ಹಾಗೂ ಸಚಿವರ ಜೊತೆಗೆ ಮಂಗಳವಾರ ಖಾಸಗಿ ವೈದ್ಯಕೀಯ ಕಾಲೇಜುಗಳ ಮುಖ್ಯಸ್ಥರುಗಳು ಸಭೆ ನಡೆಸಿದರು. ಸಭೆಯಲ್ಲಿ ಕೆಲವೊಂದು ಬೇಡಿಕೆಗಳನ್ನು ಅವರು ಸರ್ಕಾರದ ಮುಂದೆ ಇಟ್ಟಿದ್ದು ಸಿಎಂ ಅದಕ್ಕೆ ಸಮ್ಮತಿ ಸೂಚಿಸಿದ್ದಾರೆ. ಬೆಂಗಳೂರು ನಗರದಲ್ಲಿ 11 ಖಾಸಗಿ ಹಾಗೂ 3 ಸರ್ಕಾರಿ ಮೆಡಿಕಲ್‌ ಕಾಲೇಜುಗಳಿವೆ. ಈಗಾಗಲೇ 3 ಸರ್ಕಾರಿ ಮೆಡಿಕಲ್‌ ಕಾಲೇಜುಗಳಲ್ಲಿ ಕೋವಿಡ್‌ ಚಿಕಿತ್ಸೆ ನೀಡಲಾಗುತ್ತಿದೆ. ಇದೀಗ 11 ಖಾಸಗಿ ಮೆಡಿಕಲ್‌ ಕಾಲೇಜು ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ನೀಡಲು ತಯಾರಿಗಳು ನಡೆಸಲಾಗುತ್ತಿದೆ. ಈ ಕುರಿತಾಗಿ ಬೆಂಗಳೂರಿನಲ್ಲಿ ಮಾತನಾಡಿದ ಸಿಎಂ , ಕೋವಿಡ್‌ ಚಿಕಿತ್ಸೆ ನೀಡುವ ನಿಟ್ಟಿನಲ್ಲಿ ಖಾಸಗಿ ಮೆಡಿಕಲ್ ಕಾಲೇಜುಗಳು ಸರ್ಕಾರದ ಮನವಿಗೆ ಸ್ಪಂದಿಸಿವೆ ಎಂದರು. ಶೇಕಡಾ 50 ರಷ್ಟು ಬೆಡ್‌ ಹಾಗೂ ಎಲ್ಲಾ ರೀತಿಯ ಅನುಕೂಲ ನೀಡಲು ಒಪ್ಪಿಗೆ ಸೂಚಿಸಿದ್ದಾರೆ ಎಂದು ತಿಳಿಸಿದರು. 11 ಮೆಡಿಕಲ್ ಕಾಲೇಜುಗಳಲ್ಲಿ ಒಟ್ಟು 10,000 ಬೆಡ್‌ಗಳಿದ್ದು ಈ ಪೈಕಿ 4,500 ಹಾಸಿಗೆಗಳನ್ನು ನೀಡಲು ಸಭೆಯಲ್ಲಿ ಒಪ್ಪಿಗೆ ಸೂಚಿಸಿದ್ದಾರೆ ಎಂದು ತಿಳಿಸಿದರು. ಇದರಿಂದ ಮುಂದಿನ ದಿನಗಳಲ್ಲಿ ಕೋವಿಡ್‌ ರೋಗಿಗಳಿಗೆ ಉತ್ತಮ ರೀತಿಯಲ್ಲಿ ಚಿಕಿತ್ಸೆ ನೀಡಲು ಸಾಧ್ಯವಾಗಲಿದೆ ಎಂದರು. ಇನ್ನು ಆಸ್ಪತ್ರೆಗಳ ಮುಖ್ಯಸ್ಥರು ಕೆಲವೊಂದು ಬೇಡಿಕೆಗಳನ್ನು ಸರ್ಕಾರದ ಮುಂದಿಟ್ಟಿದ್ದು ಸರ್ಕಾರವೂ ಅದಕ್ಕೆ ಒಪ್ಪಿಗೆ ಸೂಚಿಸಿದೆ. ವೈದ್ಯರಿಗೆ ವಿಮೆ ಪರಿಹಾರ, ಅರೆವೈದ್ಯಕೀಯ ಸಿಬ್ಬಂದಿಗೆ ನೆರವು ಸೇರಿದಂತೆ ಎಲ್ಲಾ ರೀತಿಯ ಸಹಕಾರವನ್ನು ಸರ್ಕಾರ ನೀಡಲಿದೆ ಎಂದರು. ಖಾಸಗಿ ಮೆಡಿಕಲ್ ಕಾಲೇಜುಗಳ ಮುಖ್ಯಸ್ಥರ ಜೊತೆಗೆ ಸಿಎಂ ಬಿಎಸ್‌ವೈ ನಡೆಸಿದ ಸಭೆಯ ಪ್ರಮುಖ ಅಂಶಗಳು ಹೀಗಿವೆ. *ಬೆಂಗಳೂರಿನಲ್ಲಿ ಎರಡು ಸರ್ಕಾರಿ ಸಂಸ್ಥೆಗಳಲ್ಲಿ ಚಿಕಿತ್ಸೆಗೆ ವ್ಯವಸ್ಥೆ ಮಾಡಲಾಗಿದೆ. ಪ್ರಸ್ತುತ ನಗರದ 11 ಖಾಸಗಿ ವೈದ್ಯಕೀಯ ಕಾಲೇಜುಗಳಲ್ಲಿ 2,200 ಹಾಸಿಗೆಗಳನ್ನು ಅಧಿಸೂಚಿಸಲಾಗಿದೆ. *ಆದರೆ ಪ್ರಸ್ತುತ ವರದಿಯಾಗುತ್ತಿರುವ ಪ್ರಕರಣಗಳನ್ನು ಗಮನಿಸಿದರೆ, 4500 ಹಾಸಿಗೆಗಳನ್ನು ಖಾಸಗಿ ಕಾಲೇಜುಗಳಿಂದ ಸರ್ಕಾರ ನಿರೀಕ್ಷಿಸುತ್ತಿದೆ. *ಕಳೆದ ನಾಲ್ಕು ತಿಂಗಳಿಂದ ಹತ್ತು ವೈದ್ಯಕೀಯ ಕಾಲೇಜುಗಳು ಹೊರತು ಪಡಿಸಿ, ಇತರ ಎಲ್ಲ ಕಾಲೇಜುಗಳು ಪ್ರಯೋಗಾಲಯ ವ್ಯವಸ್ಥೆ ಮಾಡಿವೆ. *ಸರ್ಕಾರಿ ಕಾಲೇಜುಗಳಲ್ಲಿ 2000 ಹಾಗೂ ಖಾಸಗಿ ಆಸ್ಪತ್ರೆಗಳಲ್ಲಿ 4500 ಸೇರಿದಂತೆ ಸುಮಾರು 6500 ಹಾಸಿಗೆಗಳು ಬೆಂಗಳೂರಿನ ವೈದ್ಯಕೀಯ ಕಾಲೇಜುಗಳಲ್ಲಿಯೇ ಲಭ್ಯವಾಗುತ್ತಿವೆ. ಇದಕ್ಕೆ ಖಾಸಗಿ ವೈದ್ಯಕೀಯ ಕಾಲೇಜುಗಳು ಸಹಕರಿಸುವಂತೆ ಮನವಿ ಮಾಡಿದರು. *ವೈದ್ಯಕೀಯ ಕಾಲೇಜುಗಳು ಸರ್ಕಾರದೊಂದಿಗೆ ಕೈಜೋಡಿಸಿ, ಕೋವಿಡ್ ಚಿಕಿತ್ಸೆಗೆ ಸಹಕರಿಸುವ ಭರವಸೆಯನ್ನು ನೀಡಿದರು. ಇದಕ್ಕೆ ಸಿದ್ಧತೆಗಳು ಮಾಡಿಕೊಳ್ಳಬೇಕಾಗಿರುವುದರಿಂದ ಹಂತ ಹಂತವಾಗಿ ವ್ಯವಸ್ಥೆ ಮಾಡುವುದಾಗಿ ತಿಳಿಸಿದರು. * ಕೋವಿಡ್ ಚಿಕಿತ್ಸೆ ನೀಡುವ ಖಾಸಗಿ ವೈದ್ಯಕೀಯ ಮತ್ತು ಅರೆ ವೈದ್ಯಕೀಯ ಸಿಬ್ಬಂದಿಗೆ ಕೂಡ ವಿಮಾ ಸೌಲಭ್ಯ ಒದಗಿಸಲಾಗುವುದು ಎಂದು ಮುಖ್ಯಮಂತ್ರಿಗಳು ತಿಳಿಸಿದರು. *ಕೋವಿಡ್ ರೋಗಿಗಳಿಗೆ ಹಾಸಿಗೆ ಹಂಚಿಕೆ ಕುರಿತಂತೆ ಕೇಂದ್ರೀಕೃತ ವ್ಯವಸ್ಥೆಯನ್ನು ಈಗಾಗಲೇ ಬಿಬಿಎಂಪಿ ಯಲ್ಲಿ ಮಾಡಲಾಗಿದ್ದು, ಎರಡು ಮೂರು ದಿನಗಳಲ್ಲಿ ಪೂರ್ಣಪ್ರಮಾಣದಲ್ಲಿ ಕಾರ್ಯನಿರ್ವಹಿಸಲಿದೆ. ಕೋವಿಡ್ ಚಿಕಿತ್ಸೆ ನೀಡುವ ಎಲ್ಲ ಆಸ್ಪತ್ರೆಗಳನ್ನು ಈ ವ್ಯವಸ್ಥೆಯ ವ್ಯಾಪ್ತಿಗೆ ತರಲಾಗುವುದು ಎಂದು ಸ್ಪಷ್ಟಪಡಿಸಿದರು. *ಖಾಸಗಿಯವರೊಂದಿಗೆ ಸಮನ್ವಯಕ್ಕೆ ಸಮಿತಿ ರಚನೆ ಮಾಡಲಾಗುವುದು. ಹಾಗೂ ಟೆಲಿಮೆಡಿಸಿನ್ ಮೂಲಕ ಚಿಕಿತ್ಸೆ ನೀಡಲು ಸಹ ಕ್ರಮ ವಹಿಸಲಾಗುವುದು ಎಂದು ಮುಖ್ಯಮಂತ್ರಿಗಳು ತಿಳಿಸಿದರು. ಜೊತೆಗೆ ಕೋವಿಡ್ ಕೇರ್ ಸೆಂಟರ್ ಗಳಿಗೆ ಅಗತ್ಯ ಸಿಬ್ಬಂದಿ ಒದಗಿಸುವಂತೆ ಮನವಿ ಮಾಡಿದರು.

from India & World News in Kannada | VK Polls https://ift.tt/2Bom5oz

ಟಿಪ್ಪರ್ - ಬೈಕ್ ನಡುವೆ ಅಪಘಾತ: ಬ್ಯಾಂಕ್ ಉದ್ಯೋಗಿ ಸ್ಥಳದಲ್ಲೇ ಸಾವು

ರಾಮನಗರ: ಟಿಪ್ಪರ್ ಮತ್ತು ಬೈಕ್ ನಡುವೆ ಉಂಟಾದ ಭೀಕರ ಅಪಘಾತದಲ್ಲಿ ಖಾಸಗಿ ಬ್ಯಾಂಕ್ ಉದ್ಯೋಗಿಯೊಬ್ಬರು ಸ್ಥಳದಲ್ಲೇ ಸಾವನ್ನಪ್ಪಿರುವ ಘಟನೆ ರಾಮನಗರ ತಾಲೂಕಿನ ಮಾಯಗಾನಹಳ್ಳಿ ಹೆದ್ದಾರಿ ಬಳಿ ನಡೆದಿದೆ. ಅಪಘಾತದಲ್ಲಿ ಮೃತಪಟ್ಟ ವ್ಯಕ್ತಿ ಅನಂತ್ ಕಾಮತ್(24) ಎಂಬುವವರಾಗಿದ್ದು, ಅವರು ರಾಮನಗರದ ಫೆಡರಲ್ ಬ್ಯಾಂಕ್‌ನಲ್ಲಿ ಕೆಲ ಮಾಡುತ್ತಿದ್ದರು. ನಿತ್ಯವೂ ಬೆಂಗಳೂರಿನಿಂದ ರಾಮನಗರಕ್ಕೆ ಕೆಲಸಕ್ಕೆಂದು ಬೈಕ್‌ನಲ್ಲಿ ಹೋಗುತ್ತಿದ್ದ ಅನಂತ್ ಕಾಮತ್ ಇಂದು ಕೂಡ ಕೆಲಸಕ್ಕೆ ಹೋಗುತ್ತಿದ್ದರು. ಈ ವೇಳೆ ಮಾಯಗಾನ ಹಳ್ಳಿ ಸಮೀಪ ತಲುಪಬೇಕಾದರೆ ಹಿಂದಿನಿಂದ ರಭಸವಾಗಿ ಬಂದ ಟಿಪ್ಪರ್ ಅನಂತ್ ಕಾಮತ್ ಬೈಕ್‌ಗೆ ಡಿಕ್ಕಿಯಾಗಿದೆ. ಅಪಘಾತದ ತೀವ್ರತೆಗೆ ಅವರು ಸ್ಥಳದಲ್ಲೇ ಅಸು ನೀಗಿದ್ದಾರೆ. ಘಟನೆ ನಡೆಯುತ್ತಿದ್ದಂತೆ ಸ್ಥಳದಲ್ಲಿದ್ದ ಸಾರ್ವಜನಿಕರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಕೂಡಲೇ ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಅಲ್ಲದೇ ಲಾರಿ ಚಾಲಕನ ವಿರುದ್ಧ ರಾಮನಗರ ಗ್ರಾಮಾಂತರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

from India & World News in Kannada | VK Polls https://ift.tt/2NFRvJV

ಟಿಕ್‌ಟಾಕ್‌ನಿಂದ ಹೇಳಿಕೆ ಬಿಡುಗಡೆ: ಚೀನಾದೊಂದಿಗೆ ಮಾಹಿತಿ ವಿನಿಮಯ ಇಲ್ಲ ಎಂದ ಆ್ಯಪ್!

ನವದೆಹಲಿ: ಲಡಾಖ್ ಗಡಿ ಸಂಘರ್ಷದ ಬಳಿಕ ಚೀನಾ ವಿರುದ್ಧ ಭುಗಿಲೆದ್ದಿರುವ ಆಕ್ರೋಶದ ಭಾಗವಾಗಿ 50 ಚೀನಾ ಆ್ಯಪ್‌ಗಳನ್ನು ಭಾರತದಲ್ಲಿ ನಿಷೇಧಿಸಲಾಗಿದೆ. ಕೇಂದ್ರ ಸರ್ಕಾರದ ಈ ಘೋಷಣೆಗೆ ಭಾರೀ ಜನಬೆಂಬಲ ವ್ಯಕ್ತವಾಗಿದ್ದು, ಚೀನಾದ ವಸ್ತುಗಳ ಆಮದು ಮತ್ತು ಬಳಕೆ ಮೇಲೂ ಸಂಪೂರ್ಣವಾಗಿ ನಿಷೇಧ ಹೇರುವಂತೆ ಒತ್ತಾಯ ಕೇಳಿ ಬಂದಿದೆ. ಈ ಮಧ್ಯೆ ನಿಷೇಧಕ್ಕೊಳಪಟ್ಟಿರುವ ಚೀನಾ ಮೂಲದ ಟಿಕ್‌ಟಾಕ್‌ ಹೇಳಿಕೆ ಬಿಡುಗಡೆ ಮಾಡಿದ್ದು, ತಾನು ಚೀನಾದೊಂದಿಗೆ ಭಾರತೀಯ ಬಳಕೆದಾರರ ಮಾಹಿತಿಯನ್ನು ಹಂಚಿಕೊಂಡಿಲ್ಲ ಎಂದು ಸ್ಪಷ್ಟಪಡಿಸಿದೆ. ನಿಷೇಧದ ಆದೇಶ ಬಳಿಕ ಕೇಂದ್ರ ಸರ್ಕಾರ ಈ ಕುರಿತು ಪ್ರತಿಕ್ರಿಯೆ ನೀಡುವಂತೆ ಕೇಳಿದ್ದು, ಅದಕ್ಕೆ ಅನುಗುಣವಾಗಿ ತನ್ನ ಹೇಳಿಕೆಯನ್ನು ಬಿಡುಗಡೆ ಮಾಡುತ್ತಿರುವುದಾಗಿ ಟಿಕ್‌ಟಾಕ್ ಹೇಳಿದೆ. ಈ ಕುರಿತು ಮಾತನಾಡಿರುವ ಟಿಕ್‌ಟಾಕ್ ಭಾರತದ ಮುಖ್ಯಸ್ಥ ನಿಖಿಲ್ ಗಾಂಧಿ, ಆ್ಯಪ್ ಬಳಕೆಯ ಮೇಲೆ ಮಧ್ಯಂತರ ನಿಷೇಧ ಹೇರಿರುವುದಾಗಿ ಕೇಂದ್ರ ಸರ್ಕಾರ ತಿಳಿಸಿದ್ದು, ನಮ್ಮ ಹೇಳಿಕೆಯನ್ನು ಸಲ್ಲಿಸಲು ಅವಕಾಶ ನೀಡಿದೆ ಎಂದು ಸ್ಪಷ್ಟಪಡಿಸಿದ್ದಾರೆ. ಇದೇ ವೇಳೆ ಭಾರತದ ಟಿಕ್‌ಟಾಕ್ ಶಾಖೆ ಯಾವುದೇ ಕಾರಣಕ್ಕೂ ಭಾರತೀಯ ಬಳಕೆದಾರರ ಮಾಹಿತಿಯನ್ನು ಚೀನಾದೊಂದಿಗೆ ಹಂಚಿಕೊಳ್ಳುವುದಿಲ್ಲ ಎಂದು ಸ್ಪಷ್ಟಪಡಿಸಿರುವ ನಿಖಿಲ್ ಗಾಂಧಿ, ಬಳಕೆದಾರರ ಖಾಸಗಿತನ ಸಂಪೂರ್ಣ ಸುರಕ್ಷಿತವಾಗಿದೆ ಎಂದು ಭರವಸೆ ನೀಡಿದ್ದಾರೆ. ನಿನ್ನೆ(ಸೋಮವಾರ) ಚೀನಾದ 59 ಆ್ಯಪ್‌ಗಳ ಬಳಕೆ ಮೇಲೆ ನಿಷೇಧ ಹೇರಿ ಕೇಂದ್ರ ಸರ್ಕಾರ ಆದೇಶ ಹೊರಡಿಸಿತ್ತು. ಲಡಾಖ್ ಗಡಿಯಲ್ಲಿ ನಡೆದ ಭೀಕರ ಹಿಂಸಾತ್ಮಕ ಘರ್ಷಣೆ ಬಳಿಕ ದೇಶದಲ್ಲಿ ಚೀನಿ ಆ್ಯಪ್ ಮತ್ತು ವಸ್ತುಗಳ ಬಳಕೆ ವಿರುದ್ಧ ತೀವ್ರ ಆಕ್ರೋಶ ಭುಗಿಲೆದ್ದಿದೆ.

from India & World News in Kannada | VK Polls https://ift.tt/38fe5m8

ಎತ್ತಿ ಮುದ್ದಾಡಿಸಬೇಕಾಗಿದ್ದ ಮಗುವಿನ ಶವವನ್ನು ಬಿಗಿದಪ್ಪಿ ಅತ್ತ ಹೆತ್ತವರ ನೋವಿದು..!

ಕನೌಜ್: ಬಡವರೋ-ಸಿರಿವಂತರೋ, ಕಷ್ಟವೋ-ಸುಖವೋ, ಆದರೆ ನಮ್ಮ ರಕ್ತ ಹಂಚಿಕೊಂಡು ಹುಟ್ಟಿದ ಕರುಳಬಳ್ಳಿಯೊಂದು ಅನಾರೋಗ್ಯದಿಂದ ವೇದನೆ ಪಡ್ತಿದೆ ಅಂತಾ ಗೊತ್ತಾದ ತಕ್ಷಣ ಅದ್ಯಾವ ಹೆತ್ತವರೂ ಕೂಡ ಸುಮ್ಮನೆ ಕೂರಲ್ಲ, ಆ ಕೂಸಿಗೆ ಚಿಕಿತ್ಸೆ ನೀಡಿ ಮತ್ತೊಮ್ಮೆ ಆ ಕಂದಮ್ಮನ ಮೊಗದಲ್ಲಿ ಮುಗುಳ್ನಗೆ ಕಾಣೋ ತನಕ ಅವರ ಹೊಟ್ಟೆಯೊಳಗಿನ ಸಂಕಟ ಕಡಿಮೆಯಾಗಲ್ಲ. ಆದರೆ ಯಾರನ್ನು ನಾವು ಕಣ್ಣಿಗೆ ಕಾಣೋ ದೇವರು ಅಂತ ನಂಬಿಕೊಂಡು ಬಂದು, ದಯವಿಟ್ಟು ನಮ್ಮ ಮಗುವನ್ನು ಉಳಿಸಿಕೊಡಿ ಎಂದು ಅಂಗಲಾಚುತ್ತೀವೋ, ಆ ಸಮಯದಲ್ಲಿ ದೇವರು ಅನ್ನಿಸಿಕೊಂಡ ವೈದ್ಯರು ಕರುಣೆ ತೋರದೆ ಇದ್ದಾಗ ಉಂಟಾಗೋ ನೋವು ಇದ್ಯಲ್ವಾ, ಅದು ಯಾವ ತಂದೆ ತಾಯಿಗೂ ಬರಬಾರದು. ಎತ್ತಿ ಮುದ್ದಾಡಿಸಬೇಕಾದ ಮಗುವೊಂದು ತಮ್ಮ ಕಣ್ಣೆದುರಲ್ಲೇ ಶವವಾಗಿ ಎಲ್ಲವನ್ನೂ ಕಳಚಿ ಮಲಗಿರುವಾಗ ಅವರ ತಂದೆ ತಾಯಿ ಅನುಭವಿಸುವ ನೋವಿಗೆ ಬೆಲೆ ಕಟ್ಟೋಕೆ ಸಾಧ್ಯನಾ? ಇಂತಹ ಹೃದಯ ವಿದ್ರಾವಕ ಘಟನೆಯೊಂದು ಭಾರತದಂತಹ ದೇಶದಲ್ಲಿ ಇನ್ನೂ ನಡೆಯುತ್ತಿದೆ ಅಂದರೆ ನಂಬಲೇಬೇಕು..! ಉತ್ತರ ಪ್ರದೇಶದ ಕನೌಜ್‌ ಜಿಲ್ಲೆಯ ಊರೊಂದರಲ್ಲಿ ಪ್ರೇಮ್‌ ಚಂದ್ ಹಾಗೂ ಆಶಾದೇವಿ ಅನ್ನೋ ದಂಪತಿ ಬಡತನದಲ್ಲೇ ನೆಮ್ಮದಿಯ ಜೀವನ ಸಾಗಿಸ್ತಿದ್ದೋರು. ಅದ್ಯಾವ ಸಿರಿತನದ ಮೋಹಕ್ಕೂ ಬಲಿಯಾಗದೆ ಬದುಕ್ತಿದ್ದ ಅವರ ಪುಟ್ಟ ಸಂಸಾರದಲ್ಲಿ ಪ್ರೀತಿಯ ಧ್ಯೋತಕವಾಗಿ ಒಂದು ವರ್ಷದ ಮಗುವೊಂದು ಸಾಕ್ಷಿಯಾಗಿತ್ತು. ಇತ್ತೀಚೆಗಷ್ಟೇ ತಮ್ಮ ಕಂದಮ್ಮನ ಒಂದು ವರ್ಷದ ಹುಟ್ಟಿದ ದಿನವನ್ನು ತಮಗಿದ್ದ ಮಿತಿಯೊಳಗೆ ಹಿತವಾಗಿ ಆಚರಿಸಿ ಒಬ್ಬನೇ ಒಬ್ಬ ಕೂಸಿನ ಬಗ್ಗೆ ಆಕಾಶದೆತ್ತರದ ಕನಸು ಕಂಡವರು. ಆ ಕನಸಿನಲ್ಲೇ ಭವಿಷ್ಯದ ಬಗ್ಗೆ ಕಲ್ಪಿಸಿಕೊಂಡು ನೆಮ್ಮದಿಯ ನಿಟ್ಟುಸಿರು ಬಿಟ್ಟವರು. ಆದ್ರೆ ಇದ್ದಕ್ಕಿದ್ದಂತೆ ಕಳೆದ ಭಾನುವಾರ ತಮ್ಮ ಮಗನಿಗೆ ವಿಪರೀತ ಜ್ವರ ಕಾಣಿಸಿಕೊಂಡಿತ್ತು. ಆತಂಕಗೊಂಡ ಪ್ರೇಮ್‌ ಚಂದ್ ಮತ್ತು ಆಶಾದೇವಿ ಇಬ್ಬರೂ ತಮ್ಮ ಮಗುವನ್ನು ಹತ್ತಿರ ಆಸ್ಪತ್ರೆಗೆ ಕರೆತಂದಿದ್ದಾರೆ. ಆದರೆ ಅಲ್ಲಿ ಮಗುವನ್ನು ಮುಟ್ಟಲು ಕೂಡ ನಿರಾಕರಿಸಿರುವ ವೈದ್ಯರು, ವಿಪರೀತ ಜ್ವರ ಹಾಗೂ ಕುತ್ತಿಗೆ ಉರಿಯೂತ ಇರುವ ಮಗುವನ್ನು ದೂರದ ಕಾನ್ಪುರದಲ್ಲಿರುವ ಸರ್ಕಾರಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಲು ತಿಳಿಸಿದ್ದಾರೆ. ಅದಾಗಲೇ ನೋವಿನಿಂದ ನರಳಾಡ್ತಿದ್ದ ಮಗುವನ್ನು ಕಂಡು ಹೆತ್ತ ಕರುಳಿಗೆ ಇನ್ನಿಲ್ಲದ ಸಂಕಟ ಆರಂಭವಾಗಿತ್ತು. ಆದರೆ ಅಷ್ಟೊತ್ತಿಗೆ ತನ್ನ ದೇಹದೊಳಗೆ ಉಂಟಾದ ಅಗಾಧ ನೋವನ್ನು ಸಹಿಸಲಸಾಧ್ಯವಾದ ಮಗು ಆಸ್ಪತ್ರೆಯಿಂದ ಹೊರಬರುವಷ್ಟರಲ್ಲಿ ಉಸಿರು ಚೆಲ್ಲಿದೆ. ಕಾನ್ಪುರಕ್ಕೆ ಕರೆದುಕೊಂಡು ಹೋಗಿಯಾದರೂ ತಮ್ಮ ಮಗುವನ್ನು ಉಳಿಸಿಕೊಳ್ಳೋಣ ಅಂತ ಅಂದ್ಕೊಂಡಿದ್ದ ಪ್ರೇಮ್ ಚಂದ್- ಆಶಾ ದೇವಿ ದಂಪತಿಗೆ ತಮ್ಮ ಮಗು ಅಸುನೀಗಿದೆ ಅಂತ ತಿಳಿಯುತ್ತಿದ್ದಂತೆ ಆಕಾಶವೇ ಕಳಚಿಬಿದ್ದಂತಾಗಿದೆ. ಮಗುವನ್ನು ಅಳುತ್ತಲೇ ಖಾಸಗಿ ಆಸ್ಪತ್ರೆಯಿಂದ ಹೊರತಂದ ಅವರು ಅಲ್ಲಿಯೇ ಹೊರಳಾಡಿ ತಮ್ಮ ಮಗುವಿನ ಶವವನ್ನು ಬಿಗಿದಪ್ಪಿ ಕಣ್ಣೀರು ಸುರಿಸಿದ್ದಾರೆ. ಯಾವ ತಂದೆ ತಾಯಿ ತಮ್ಮ ಮಗುವಿನ ಬಗ್ಗೆ ಅಗಾಧವಾದ ಕನಸು ಕಂಡಿದ್ದರೋ, ಅದೇ ಮಗುವಿನ ಶವವನ್ನು ಎದೆಗವಚಿಕೊಂಡು ಅಳುತ್ತಿದ್ದರೇ ಅಲ್ಲಿ ನೆರೆದಿದ್ದವರ ಕರುಳು ಚುರುಕ್ ಅಂದಿತ್ತು. ಕರುಣೆ ಅನ್ನೋದು ಇದ್ದರೆ ವೈರಿಗೂ ಅಂತಹ ಸನ್ನಿವೇಶದಲ್ಲಿ ಒಂದು ಕ್ಷಣ ವಿಷಾಧದ ಕರಿಛಾಯೆ ಆವರಿಸುತ್ತಿತ್ತು. ಇಂತಹ ಕರುಳು ಹಿಂಡುವ ಸನ್ನಿವೇಶವನ್ನು ವಿಡಿಯೋ ಮಾಡಿದ ಸ್ಥಳೀಯರು ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಯಬಿಟ್ಟಿದ್ದಾರೆ. ವೈದ್ಯರ ನಿರ್ಲಕ್ಷ್ಯದ ಬಗ್ಗೆ ಕುಪಿತಗೊಂಡು ನಾಲ್ಕಕ್ಷರ ಬರೆದುಬಿಟ್ಟಿದ್ದಾರೆ. ತಮ್ಮ ಪುಟ್ಟ ಮಗುವಿನ ಶವದ ಮುಂದೆ ಕಣ್ಣೀರು ಹಾಕುತ್ತಿದ್ದ ದೃಶ್ಯವನ್ನು ವಿಡಿಯೋ ಮಾಡ್ತಿದ್ದಾರೆ ಎಂದು ಅರಿತ ಅದೇ ಆಸ್ಪತ್ರೆಯ ವೈದ್ಯರು ಕೂಡಲೇ ಮಗುವನ್ನು ಎಮರ್ಜೆನ್ಸಿ ವಾರ್ಡ್‌ಗೆ ಕರೆದುಕೊಂಡು ಹೊಗಿ ಚಿಕಿತ್ಸೆಯ ನಾಟಕವಾಡಿ ಮುಂದಾಗುವ ಅನಾಹುತದ ಬಗ್ಗೆ ನುಣುಚಿಕೊಳ್ಳಲು ಪ್ರಯತ್ನಿಸಿದ್ದಾರೆ. ಈ ಬಗ್ಗೆ ಮಗುವಿನ ತಾಯಿ ಆಶಾದೇವಿ, ‘ನಮ್ಮ ಮಗುವಿಗೆ ಚಿಕಿತ್ಸೆ ನೀಡುವಂತೆ ವೈದ್ಯರ ಬಳಿ ಗೋಗರೆದರೂ ಮುಕ್ಕಾಲು ಗಂಟೆ ಅವರು ಮಗುವನ್ನು ಮುಟ್ಟಿಲ್ಲ. ಅಷ್ಟೊತ್ತಿಗಾಗಲೇ ಮಗು ಮೃತಪಟ್ಟಿದ್ದ’ ಎಂದು ಹೇಳಿ ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ. ಈ ಬಗ್ಗೆ ಅದೇ ಆಸ್ಪತ್ರೆಯ ವೈದ್ಯರನ್ನು ಕೇಳಿದರೆ, ‘ಭಾನುವಾರ ಸಂಜೆ ಮಗುವನ್ನು ಆಸ್ಪತ್ರೆಗೆ ಕರೆತಂದಾಗ ಕೂಡಲೇ ನಾವು ಎಮರ್ಜೆನ್ಸಿ ವಾರ್ಡ್‌ಗೆ ದಾಖಲಿಸಿದ್ದೆವು. ಪ್ರಕರಣ ಗಂಭೀರವಾಗಿದ್ದರಿಂದ ಮಕ್ಕಳ ವೈದ್ಯರನ್ನು ಕರೆತರಲಾಗಿತ್ತು. ಆದ್ರೆ ಅಷ್ಟೊತ್ತಿಗಾಗಲೇ ಮಗು ಮೃತಪಟ್ಟಿದೆ’ ಎಂದು ಸಮಜಾಯಿಷಿ ನೀಡಿದ್ದಾರೆ. ಇಲ್ಲಿ ವೈದ್ಯರ ತಪ್ಪು ಇತ್ತೋ ಇಲ್ವೋ? ಆದರೆ ತಮ್ಮ ಪ್ರೀತಿಯ ಕಂದಮ್ಮನ ಬಗ್ಗೆ ಬೆಟ್ಟದಷ್ಟು ಕನಸು ಕಂಡು ಮುಂದೊಂದು ದಿನ ಈ ಮಗು ನಮ್ಮ ಶವಕ್ಕೆ ಹೆಗಲು ಕೊಡುತ್ತೆ ಅಂತ ಅಂದ್ಕೊಂಡಿದ್ದ ಹೆತ್ತವರು, ಇನ್ನೂ ಮುದ್ದು ಮಾಡಿ ಬೆಳೆಸಬೇಕಾಗಿದ್ದ ತಮ್ಮ ಮಗುವಿನ ಶವಕ್ಕೇ ಹೆಗಲು ಕೊಡಬೇಕಾದ ದುಃಸ್ಥಿತಿ ಬಂದೊದಗಿದ್ದು ನಿಜಕ್ಕೂ ವಿಪರ್ಯಾಸ.

from India & World News in Kannada | VK Polls https://ift.tt/2VxVSL8

ಲಾಕ್‌ಡೌನ್ ಮಾಡದೆ ಕೊರೊನಾಗೆ ಕಡಿವಾಣ, ರಾಜ್ಯ ಸರ್ಕಾರದ ಮುಂದಿದೆ ದೊಡ್ಡ ಸವಾಲು

ರಾಜ್ಯದಲ್ಲಿ ಅಟ್ಟಹಾಸ ಮೆರೆಯುತ್ತಿರುವ ಕೊರೊನಾ ಸೋಂಕಿಗೆ ಕಡಿವಾಣ ಹಾಕುವುದು ಸರ್ಕಾರಕ್ಕೆ ಬಹುದೊಡ್ಡ ಸವಾಲಾಗಿ ಕಾಡುತ್ತಿದೆ. ಸೋಂಕು ನಿಯಂತ್ರಣಕ್ಕೆ ಲಾಕ್‌ಡೌನ್ ಒಂದೇ ಪರಿಹಾರ ಎಂಬ ಅಭಿಪ್ರಾಯಗಳು ಹಾಗೂ ಒತ್ತಡಗಳು ಹಲವು ಕಡೆಗಳಿಂದ ವ್ಯಕ್ತವಾಗುತ್ತಿದೆ. ಆದರೆ ಆರ್ಥಿಕ ಸುಧಾರಣೆ ದೃಷ್ಟಿಯಿಂದ ಲಾಕ್‌ಡೌನ್ ಮಾಡದೆ ಸೋಂಕು ನಿಯಂತ್ರಣ ಮಾಡಲು ಸರ್ಕಾರ ಕೆಲವೊಂದು ಮಹತ್ವದ ಕ್ರಮಗಳನ್ನು ಕೈಗೊಳ್ಳಲು ಮುಂದಾಗಿದೆ. ರಾಜ್ಯದಲ್ಲಿ ಕಳೆದ ಕೆಲವು ದಿನಗಳಿಂದ ಸೋಂಕು ಮಿತಿ ಮೀರಿ ಹರಡುತ್ತಿದೆ. ಸೋಮವಾರ ಒಂದೇ ದಿನದಲ್ಲಿ 1,105 ಮಂದಿಯಲ್ಲಿ ಸೋಂಕು ಕಾಣಿಸಿಕೊಂಡಿದೆ. ಸೋಂಕಿಗೆ ತುತ್ತಾಗಿ 19 ಮಂದಿ ಸಾವನ್ನಪ್ಪಿದ್ದಾರೆ. ಸದ್ಯ ರಾಜ್ಯಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 14,295 ಕ್ಕೆ ತಲುಪಿದೆ. ಆಗಸ್ಟ್‌, ಸೆಪ್ಟಂಬರ್ ತಿಂಗಳಲ್ಲಿ ಸೋಂಕಿತರ ಪ್ರಮಾಣದಲ್ಲಿ ಭಾರೀ ಏರಿಕೆಯಾಗಬಹುದು ಎಂಬ ಅಭಿಪ್ರಾಯಗಳು ತಜ್ಞರಿಂದ ವ್ಯಕ್ತವಾಗುತ್ತಿದೆ. ಈ ಸಂದಿಗ್ದ ಪರಿಸ್ಥಿತಿಯನ್ನು ಹೇಗೆ ಎದುರಿಸುವುದು ಎಂಬುವುದು ಸರ್ಕಾರಕ್ಕೆ ಸವಾಲಾಗಿ ಪರಿಣಮಿಸಿದೆ. ಆ ಕಾರಣಕ್ಕಾಗಿ ಲಾಕ್‌ಡೌನ್ ಮಾತ್ರ ಪರಿಹಾರ ಎಂಬ ಅಭಿಪ್ರಾಯಗಳು ವ್ಯಕ್ತವಾಗುತ್ತಿವೆ.

ರಾಜ್ಯದಲ್ಲಿ ಸೋಂಕನ್ನು ನಿಯಂತ್ರಣ ಮಾಡಲು ಲಾಕ್‌ಡೌನ್ ಒಂದೇ ಪರಿಹಾರ ಎಂದು ಕೆಲವು ಮಾಧ್ಯಮಗಳು, ತಜ್ಞರು, ರಾಜಕೀಯ ಮುಖಂಡರು ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ತೀವ್ರ ಗತಿಯಲ್ಲಿ ಏರಿಕೆ ಕಾಣುತ್ತಿರುವ ಸೋಂಕನ್ನು ನಿಯಂತ್ರಣಕ್ಕೆ ತರಬೇಕಾದರೆ ಸಂಪೂರ್ಣ ಲಾಕ್‌ಡೌನ್ ಮಾಡಲೇ ಬೇಕು ಎಂಬ ಒತ್ತಡ ಜಾಸ್ತಿಯಾಗುತ್ತಿದೆ. ಈ ಕಾರಣಕ್ಕಾಗಿಯೇ ಭಾನುವಾರದ ಲಾಕ್‌ಡೌನ್‌ ಹಾಗೂ ರಾತ್ರಿ 8 ಗಂಟೆಯ ನಂತರದ ಕರ್ಫ್ಯೂವನ್ನು ಸರ್ಕಾರ ಜಾರಿಗೊಳಿಸಿದೆ. ಆದರೆ ಲಾಕ್‌ಡೌನ್‌ನಿಂದ ಕೊರೊನಾ ನಿಯಂತ್ರಣ ಸಾಧ್ಯವೇ ಎಂಬ ಪ್ರಶ್ನೆಗೆ ಸ್ಪಷ್ಟ ಉತ್ತರ ಯಾರಿದಂಲೂ ಇಲ್ಲ. ಕಳೆದ ಎರಡು ತಿಂಗಳ ಲಾಕ್‌ಡೌನ್‌ ಬಳಿಕ ಕೊರೊನಾ ಸೋಂಕು ವಿಪರೀತವಾಗಿ ಏರಿಕೆ ಕಂಡಿದೆ. ಹೀಗಿದ್ದರೂ ಮತ್ತೆ ಲಾಕ್‌ಡೌನ್ ಪರಿಹಾರ ನೀಡಬಹುದಾ ಎಂಬ ಪ್ರಶ್ನೆಯೂ ಕಾಡುತ್ತಿದೆ.ಲಾಕ್‌ಡೌನ್‌ನಿಂದಾಗಿ ಆರ್ಥಿಕ ನಷ್ಟ ಉಂಟಾಗಿದೆ. ದಿನಕೂಲಿ ನೌಕರಿಂದ ಹಿಡಿದು ಉದ್ಯಮಿಗಳಿಗೆ ಭಾರೀ ಆರ್ಥಿಕ ಸಮಸ್ಯೆ ಉಂಟಾಗಿದೆ. ಇದು ಚೇತರಿಕೆ ಕಂಡುಕೊಳ್ಳಲು ಇನ್ನು ಒಂದು ವರ್ಷಗಳ ಕಾಲಾವಕಾಶದ ಅಗತ್ಯವಿದೆ. ಇಂತಹ ಸಂದರ್ಭದಲ್ಲಿ ಮತ್ತೆ ಲಾಕ್‌ಡೌನ್ ಒತ್ತಡ ಸರಿಯಲ್ಲ.

ರಾಜ್ಯದಲ್ಲಿ ಮತ್ತೆ ಲಾಕ್‌ಡೌನ್ ಜಾರಿಗೊಳಿಸಲದೆ ಸೋಂಕು ನಿಯಂತ್ರಣ ಮಾಡುವುದು ಸರ್ಕಾರದ ಮುಂದಿರುವ ಆದ್ಯತೆ ಎಂದು ಮೂಲಗಳು ತಿಳಿಸುತ್ತಿವೆ. ಯಾವುದೇ ಕಾರಣಕ್ಕೂ ಲಾಕ್‌ಡೌನ್ ಮಾಡುವ ನಿರ್ಧಾರವನ್ನು ಸದ್ಯ ಸರ್ಕಾರ ಕೈಗೊಳ್ಳುವ ಸಾಧ್ಯತೆ ಇಲ್ಲ. ಬದಲಾಗಿ ಸೋಂಕು ಹೆಚ್ಚಾದರೆ ಅದನ್ನು ಹೇಗೆ ನಿರ್ವಹಣೆ ಮಾಡಬೇಕು ಎಂಬುವುದಕ್ಕೆ ಸರ್ಕಾರ ಆದ್ಯತೆ ನೀಡುತ್ತಿದೆ. ಸೋಂಕಿಗೆ ಚಿಕಿತ್ಸೆ ನೀಡಲು ಏನೆಲ್ಲಾ ವ್ಯವಸ್ಥೆಗಳನ್ನು ಕಲ್ಪಿಸಬೇಕು ಎಂಬುವುದರ ಕುರಿತಾಗಿ ಚಿಂತನೆ ನಡೆಸುತ್ತಿದೆ.

ಲಾಕ್‌ಡೌನ್ ಇಲ್ಲದ ಪರಿಣಾಮ ಜನರು ಬೇಕಾಬಿಟ್ಟು ಸಾರ್ವಜನಿಕ ಪ್ರದೇಶಗಳಲ್ಲಿ ಓಡಾಟ ನಡೆಸುತ್ತಿದ್ದಾರೆ. ಇಂತಹ ಸಂದರ್ಭದಲ್ಲಿ ಜನರನ್ನು ನಿಯಂತ್ರಣ ಮಾಡುವುದು ಕೂಡಾ ಸರ್ಕಾರಕ್ಕೆ ಸವಾಲಾಗಿದೆ. ಈ ನಿಟ್ಟಿನಲ್ಲಿ ಕಾನೂನಿನ ಮೂಲಕ ಜನರಲ್ಲಿ ಭಯಮೂಡಿಸುವುದು ಹಾಗೂ ಜಾಗೃತಿ ಮೂಡಿಸುವುದು ಸರ್ಕಾರದ ಮುಂದಿರುವ ಸವಾಲಾಗಿದೆ. ಮಾಸ್ಕ್ ಧಾರಣೆ ಕಡ್ಡಾಯಗೊಳಿಸುವುದು, ಸಾಮಾಜಿಕ ಅಂತರ ಪಾಲನೆಯಾಗುವಂತೆ ನೋಡಿಕೊಳ್ಳುವುದಕ್ಕೆ ಗಮನ ನೀಡಲಾಗುತ್ತಿದೆ. ಮುಂದಿನ ಆರು ತಿಂಗಳುಗಳ ಕಾಲ ಮನೆಯಿಂದಲೇ ಕೆಲಸ ಮಾಡಲು ಕಂಪನಿಗಳಿಗೂ ಸೂಚನೆ ನೀಡಬಹುದು. ಅಲ್ಲದೆ ಸಾರ್ವಜನಿಕ ಪ್ರದೇಶಗಳಲ್ಲಿ ಹೆಚ್ಚಿನ ಜನ ಓಡಾಟ ಇರದಂತೆ ಕೆಲವೊಂದು ಬಿಗಿಯಾದ ಕ್ರಮಗಳನ್ನು ಕೈಗೊಳ್ಳಲು ಸರ್ಕಾರ ಮುಂದಾಗಿದೆ. ಆದರೆ ಇದರ ಹೊರತಾಗಿ ಮತ್ತೆ ಲಾಕ್‌ಡೌನ್ ಮಾಡಿ ಆರ್ಥಿಕ ಸಂಕಷ್ಟಕ್ಕೆ ಕಾರಣವಾಗುವುದು ಸರ್ಕಾರಕ್ಕೆ ಬೇಕಿಲ್ಲ.

from India & World News in Kannada | VK Polls https://ift.tt/3ie03W9

ಲಡಾಖ್‌ನಲ್ಲಿ ಇಂ‌ಟರ್ನೆಟ್ ಸ್ಥಗಿತ ಎಂದು ಟ್ವೀಟ್ ಮಾಡಿದ್ರಾ ಅಮಿತ್ ಶಾ?: ಸತ್ಯಾಂಶ ಏನು?

ನವದೆಹಲಿ: ಗಡಿಯಲ್ಲಿ ಚೀನಾದ ಕ್ಯಾತೆಯ ಪರಿಣಾಮವಾಗಿ ಭಾರತ ಯುದ್ಧದ ತಯಾರಿನಲ್ಲಿ ನಿರತವಾಗಿದೆ ಎಂಬ ಸುದ್ದಿಗಳಿಗೇನೂ ಭರವಿಲ್ಲ. ಈ ಮಧ್ಯೆ ಕೇಂದ್ರ ಅಮಿತ್ ಶಾ ಮಾಡಿದ್ದಾರೆ ಎನ್ನಲಾದ ಟ್ವೀಟ್‌ವೊಂದು ಭಾರೀ ಸುದ್ದಿ ಮಾಡುತ್ತಿದ್ದು, ಇದೊಂದು ಸುಳ್ಳು ಸುದ್ದಿ ಎಂಬುದು ಸಾಬೀತಾಗಿದೆ. ಟ್ವೀಟ್‌ನಲ್ಲಿ ಏನಿತ್ತು?: ಕೇಂದ್ರ ಗೃಹ ಸಚಿವ ಅಧಿಕೃತ ಟ್ವಿಟ್ಟರ್ ಅಕೌಂಟ್‌ನಂತೆಯೇ ಕಾಣುವ ಟ್ವೀಟ್‌ವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಇದರಲ್ಲಿ ಲಡಾಖ್ ಹಾಗೂ ಜಮ್ಮು ಮತ್ತು ಕಾಶ್ಮೀರದಲ್ಲಿ ಇಂಟರ್ನೆಟ್ ಸ್ಥಗಿತಗೊಳ್ಳಲಿದೆ ಎಂದು ಬರೆಯಲಾಗಿತ್ತು. ಖುದ್ದು ಗೃಹ ಸಚಿವರೇ ಈ ರೀತಿ ಮಾಹಿತಿ ನೀಡಿದ್ದಾರೆ ಎಂದು ಎರಡೂ ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಗಾಳಿ ಸುದ್ದಿ ಹರಿದಾಡುತ್ತಿತ್ತು. ಗೃಹ ಸಚಿವಾಲಯದ ಸ್ಪಷ್ಟನೆ ಏನು?: ಇನ್ನು ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಕೇಂದ್ರ ಗೃಹ ಸಚಿವಾಲಯ, ಇದೊಂದು ಸುಳ್ಳು ಸುದ್ದಿ ಎಂದು ಸ್ಪಷ್ಟಪಡಿಸಿದೆ. ಈ ಕುರಿತು ಟ್ವೀಟ್ ಮಾಡಿರುವ ಗೃಹ ಖಾತೆ ವಕ್ತಾರ, ಅಮಿತ್ ಶಾ ಅವರು ಇಂತಹ ಯಾವುದೇ ಟ್ವೀಟ್ ಮಾಡಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಅಲ್ಲದೇ ಪ್ರಸ್ತುತ ಬೆಳವಣಿಗೆಗಳನ್ನು ಗಮನದಲ್ಲಿಟ್ಟುಕೊಂಡು ಜಮ್ಮು ಮತ್ತು ಕಾಶ್ಮೀರ ಹಾಗೂ ಲಡಾಖ್‌ನಲ್ಲಿ ಇಂಟರ್ನೆಟ್ ಸ್ಥಗಿತಗೊಳಿಸಿಲ್ಲ ಎಂದೂ ಕೇಂದ್ರ ಗೃಹ ಸಚಿವಾಲಯ ಸ್ಪಷ್ಟಪಡಿಸಿದೆ. ಅಮಿತ್ ಶಾ ಇಂತಹ ಯಾವುದೇ ಟ್ವೀಟ್ ಮಾಡಿಲ್ಲ ಎಂದು ಸ್ಪಷ್ಟಪಡಿಸಲಾಗಿದ್ದು, ಜನ ವದಂತಿಗಳಿಗೆ ಕಿವಿಗೊಡಬಾರದು ಎಂದು ಕೇಂದ್ರ ಗೃಹ ಸಚಿವಾಲಯ ಮನವಿ ಮಾಡಿದೆ. ಗಡಿಯಂತಹ ಸೂಕ್ಷ್ಮ ವಿಷಯಗಳಲ್ಲೂ ಕೆಲವರು ಸುಳ್ಳು ಸುದ್ದಿಗಳನ್ನು ಹರಡುವಲ್ಲಿ ನಿರತವಾಗಿರುವುದ ನಿಜಕ್ಕೂ ದುರ್ದೈವದ ಸಂಗತಿಯಾಗಿದೆ.

from India & World News in Kannada | VK Polls https://ift.tt/2CXc5mZ

ಕೊರೊನಾ ನಿರ್ವಹಣೆಗೆ ಕಸರತ್ತು, ಖಾಸಗಿ ಆಸ್ಪತ್ರೆಗಳ ಮುಖ್ಯಸ್ಥರ ಜೊತೆಗೆ ಬಿಎಸ್‌ವೈ ಸಭೆ

ಬೆಂಗಳೂರು: ರಾಜ್ಯದಲ್ಲಿ ಮಿತಿ ಮೀರಿ ಹರಡುತ್ತಿರುವ ಕೊರೊನಾ ಸೋಂಕು ನಿಯಂತ್ರಣ ಮಾಡಲು ರಾಜ್ಯ ಸರ್ಕಾರ ಕಸರತ್ತು ಮುಂದುವರಿಸಿದೆ. ಚಿಕಿತ್ಸೆಗಾಗಿ ಬೆಡ್‌ಗಳ ಕೊರತೆ ಉಂಟಾಗದಂತೆ ನೋಡಿಕೊಳ್ಳಲು ಖಾಸಗಿ ಆಸ್ಪತ್ರೆಗಳ ಜೊತೆಗೆ ಸಿಎಂ ಮಂಗಳವಾರ ಮತ್ತೊಂದು ಸುತ್ತಿನ ಮಾತುಕತೆಯನ್ನು ನಡೆಸಲಿದ್ದಾರೆ. ಮಂಗಳವಾರ ಬೆಳಗ್ಗೆ ವಿಧಾನಸೌಧದಲ್ಲಿ ಖಾಸಗಿ ಆಸ್ಪತ್ರೆಗಳ ಮುಖ್ಯಸ್ಥರೊಂದಿಗೆ ಮಾತುಕತೆ ನಡೆಯಲಿದೆ. ಸೋಮವಾರ ಕೆಲವು ಖಾಸಗಿ ಆಸ್ಪತ್ರೆಗಳ ಮುಖ್ಯಸ್ಥರುಗಳ ಜೊತೆಗೆ ಮಾತುಕತೆ ನಡೆದಿತ್ತು. ಸರ್ಕಾರಕ್ಕೆ ಶೇ. 50 ರಷ್ಟು ಬೆಡ್‌ಗಳನ್ನು ನೀಡಲು ಅವರು ಒಪ್ಪಿಗೆಯನ್ನು ನೀಡಿದ್ದಾರೆ. ಸರ್ಕಾರದ ಮುಂದೆ ಕೆಲವೊಂದು ಬೇಡಿಕೆಗಳನ್ನು ಇವರು ಮುಂದಿಟ್ಟಿದ್ದು ಬಿಎಸ್‌ವೈ ಅಸ್ತು ಎಂದಿದ್ದಾರೆ. ಅಲ್ಲದೆ ಸಂಕಷ್ಟದ ಕಾಲದಲ್ಲಿ ಸರ್ಕಾರದ ಜೊತೆಗೆ ನಿಲ್ಲುವಂತೆ ತಾಕೀತು ಮಾಡಿದ್ದಾರೆ. ಆದರೆ ಸೋಮವಾರ ನಗರದ ಎಲ್ಲಾ ಖಾಸಗಿ ಆಸ್ಪತ್ರೆಯ ಮುಖ್ಯಸ್ಥರು ಸಭೆಯಲ್ಲಿ ಭಾಗಿಯಾಗಿರಲಿಲ್ಲ. ಈ ನಿಟ್ಟಿನಲ್ಲಿ ಮಂಗಳವಾರ ಸಭೆ ನಡೆಸುವ ಮೂಲಕ ಕೊರೊನಾ ಚಿಕಿತ್ಸೆಗೆ ಸರ್ಕಾರಕ್ಕೆ ಸ್ಪಂದಿಸುವಂತೆ ಖಾಸಗಿ ಆಸ್ಪತ್ರೆಗಳ ಜೊತೆಗೆ ಚರ್ಚೆಯನ್ನು ಸಿಎಂ ಬಿಎಸ್‌ವೈ ನಡೆಸಲಿದ್ದಾರೆ. ಸರ್ಕಾರದ ದರಪಟ್ಟಿಯ ಬಗ್ಗೆ ಅಸಮಾಧಾನಗೊಂಡಿದ್ದರೂ 2,500 ಹಾಸಿಗೆಗಳನ್ನು ನೀಡಲು ಖಾಸಗಿ ಆಸ್ಪತ್ರೆಗಳು ಒಪ್ಪಿಕೊಂಡಿವೆ. ಅದರಲ್ಲೂ ಆಕ್ಸಿಜನ್ ಸೌಲಭ್ಯ ಹೊಂದಿರುವ ಬೆಡ್‌ಗಳನ್ನು ನೀಡಲು ಸಮ್ಮತಿ ಸೂಚಿಸಿವೆ. ಇದರ ಮುಂದುವರಿದ ಭಾಗವಾಗಿ ಟ್ರಸ್ಟ್‌ಗಳ ಅಧೀನದಲ್ಲಿ ನಡೆಯುತ್ತಿರುವ ಹಾಗೂ ಧಾರ್ಮಿಕ ಸಂಸ್ಥೆಗಳ ಅಧೀನದಲ್ಲಿರುವ ಖಾಸಗಿ ಆಸ್ಪತ್ರೆಗಳ ಜೊತೆಗೆ ಮಂಗಳವಾರ ಮಾತುಕತೆ ನಡೆಯಲಿದೆ.

from India & World News in Kannada | VK Polls https://ift.tt/3eRtQSM

ಚೀನಾ ಕ್ಯಾತೆ: ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಅವರೊಂದಿಗೆ ಮಾತನಾಡಲಿರುವ ರಾಜನಾಥ್ ಸಿಂಗ್!

ನವದೆಹಲಿ: ಲಡಾಖ್ ಗಡಿಯಲ್ಲಿ ಭಾರತ-ಚೀನಾ ಸೈನಿಕರ ಹಿಂಸಾತ್ಮಕ ಘರ್ಷಣೆ ಹಾಗೂ ಗಡಿಯಲ್ಲಿ ಚೀನಿ ಸೇನೆಯ ನಿರಂತರ ಉಪಟಳದ ಕುರಿತು ಚರ್ಚಿಸಲು, ರಕ್ಷಣಾ ಸಚಿವ ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಅವರೊಂದಿಗೆ ದೂರವಾಣಿ ಮೂಲಕ ಮಾತನಾಡಲಿದ್ದಾರೆ. ಈ ಕುರಿತು ಮಾಹಿತಿ ನೀಡಿರುವ ರಕ್ಷಣಾ ಸಚಿವಾಲಯ, ವರ್ತಮಾನದ ಬೆಳವಣಿಗೆಗಳ ಕುರಿತು ರಾಜನಾಥ್ ಸಿಂಗ್ಶ ಶೀಘ್ರದಲ್ಲೇ ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಮಾರ್ಕ್ ಎಸ್ಪರ್‌ ಅವರೊಂದಿಗೆ ದೂರವಾಣಿ ಮಾತುಕತೆ ನಡೆಸಲಿದ್ದಾರೆ ಎಂದು ಸ್ಪಷ್ಟಪಡಿಸಿದೆ. ಚೀನಾ ಗಡಿ ಕ್ಯಾತೆ ವಿಷಯದಲ್ಲಿ ಈಗಾಗಲೇ ಅಮೆರಿಕ ಭಾರತಕ್ಕೆ ಬೆಂಬಲ ಘೋಷಿಸಿದ್ದು, ಸಕಲ ನೆರವು ನೀಡುವ ಭರವಸೆ ನೀಡಿದೆ. ಅದರಂತೆ ಗಡಿ ಕ್ಯಾತೆ ಶಾಂತಿಯುತ ಪರಿಹಾರ ಕಾಣಲು ಸಾಧ್ಯವಾದ ಎಲ್ಲಾ ನೆರವು ನೀಡುವುದಾಗಿಯೂ ಹೇಳಿದೆ. ಈ ಹಿನ್ನೆಲೆಯಲ್ಲಿ ಇಂದು(ಮಂಗಳವಾರ) ನಡೆಯಲಿರುವ ರಾಜನಾಥ್ ಸಿಂಗ್ ಹಾಗೂ ಮಾರ್ಕ್ ಎಸ್ಪರ್ ನಡುವಿನ ದೂರವಾಣಿ ಸಂಭಾಷಣೆ ಭಾರೀ ಮಹತ್ವ ಪಡೆದುಕೊಂಡಿದ್ದು, ಇಬ್ಬರೂ ಗಣ್ಯರ ನಡುವೆ ಏನು ಮಾತುಕತೆ ನಡೆಯಲಿದೆ ಎಂಬುದರತ್ತ ದೇಶ ಗಮನ ಇರಿಸಿದೆ.

from India & World News in Kannada | VK Polls https://ift.tt/38bGE3P

ನಾವು ಒಟ್ಟು ನಾಲ್ಕು ಯುದ್ಧ ಗೆದ್ದಿದ್ದೇವೆ, ಇದೀಗ ನಿಮ್ಮ ಸರದಿ: ಕೇಂದ್ರಕ್ಕೆ ಕ್ಯಾ.ಸಿಂಗ್ ಪಂಥಾಹ್ವಾನ!

ಚಂಢೀಗಡ್: ಸ್ವತಂತ್ರ್ಯ ಭಾರತದ ಇತಿಹಾಸದಲ್ಲಿ ನಾವು ಒಟ್ಟು ನಾಲ್ಕು ಯುದ್ಧಗಳನ್ನು ಗೆದ್ದಿದ್ದು, ಇದೀಗ ಚೀನಾ ಗೆ ಬುದ್ಧಿ ಕಲಿಸುವ ಜವಾಬ್ದಾರಿ ಪ್ರಧಾನಿ ಮೋದಿ ನೇತೃತ್ವದ ಕೇಂದ್ರ ಸರ್ಕಾರದ ಮೇಲಿದೆ ಎಂದು ಪಂಜಾಬ್ ಮುಖ್ಯಮಂತ್ರಿ ಹೇಳಿದ್ದಾರೆ. 1948(ಭಾರತ-ಪಾಕಿಸ್ತಾನ),1965(ಭಾರತ-ಪಾಕಿಸ್ತಾನ),1971(ಭಾರತ-ಪಾಕಿಸ್ತಾನ),1999(ಭಾರತ-ಪಾಕಿಸ್ತಾನ) ಯುದ್ಧಗಳಲ್ಲಿ ನಾವು ಜಯ ಸಾಧಿಸಿದ್ದು, ಇದೀಗ ಚೀನಾಗೆ ಮಿಲಟರಿ ಉತ್ತರ ನೀಡಬೇಕಿರುವುದು ಮೋದಿ ಸರ್ಕಾರದ ಕರ್ತವ್ಯ ಎಂದು ಕ್ಯಾ.ಸಿಂಗ್ ಅಭಿಪ್ರಾಯಪಟ್ಟಿದ್ದಾರೆ. ಖುದ್ದು ಸೇನೆಯಲ್ಲಿ ಸೇವೆ ಸಲ್ಲಿಸಿರುವ ಕ್ಯಾ.ಅಮರಿಂದರ್ ಸಿಂಗ್, ಇದೀಗ ಮೋದಿ ಸರ್ಕಾರಕ್ಕೆ ಪಂಥಾಹ್ವನ ನೀಡಿದ್ದು, ಚೀನಾಗೆ ಮಿಲಿಟರಿ ಉತ್ತರ ನೀಡುವಂತೆ ಪರೋಕ್ಷವಾಗಿ ಆಗ್ರಹಿಸಿದ್ದಾರೆ. 1960ರಿಂದಲೂ ಚೀನಾ ನಮ್ಮೊಂದಿಗೆ ಗಡಿ ತಕರಾರು ತೆಗೆಯುತ್ತಿದೆ. ಇದೇ ಕಾರಣಕ್ಕೆ 1965ರಲ್ಲಿ ಭಾರತ-ಚೀನಾ ನಡುವೆ ಯುದ್ಧವೂ ಸಂಭವಿಸಿದೆ. ಇಷ್ಟು ವರ್ಷಗಳ ಬಳಿಕವೂ ಗಡಿ ಕ್ಯಾತೆ ತೆಗೆಯುವುದನ್ನು ನಿಲ್ಲಿಸಲು ಒಪ್ಪದ ಚೀನಾಗೆ ಈ ಬಾರಿ ಬುದ್ಧಿ ಕಲಿಸಲೇಬೇಕಿದೆ ಎಂದು ಕ್ಯಾ.ಸಿಂಗ್ ಹೇಳಿದ್ದಾರೆ. ಗಡಿಯಲ್ಲಿ ನಮ್ಮ ವೀರ ಯೋಧರ ಸಾವಿಗೆ ಕಾರಣವಾಗಿರುವ ಹಾಗೂ ನಮ್ಮ ನೆಲ ಕಬಳಿಸಿರುವ ಚೀನಾಗೆ ಬುದ್ಧಿ ಕಲಿಸಲು ಇದು ಸೂಕ್ತ ಸಮಯ ಎಂದಿರುವ ಕ್ಯಾ.ಸಿಂಗ್, ಪಿಎಂ ಕೇರ್ಸ್‌ನಲ್ಲಿರುವ ಚೀನಾ ಹಣವನ್ನು ಮರಳಿಸುವಂತೆ ಕೇಂದ್ರ ಸರ್ಕಾರವನ್ನು ಒತ್ತಾಯಿಸಿದ್ದಾರೆ.

from India & World News in Kannada | VK Polls https://ift.tt/31u1o5u

ಸಮುದ್ರ ತೀರದಲ್ಲಿ 36 ಅಡಿ ಉದ್ದದ ತಿಮಿಂಗಿಲ ಶವ: ದೇಹದ ಮೇಲಿವೆ ಗಾಯದ ಗುರುತು!

ಕೋಲ್ಕತ್ತಾ: ಸುಮಾರು 36 ಅಡಿ ಉದ್ದದ ಬೃಹತ್ ತಿಮಿಂಗಿಲದ ಶವವೊಂದು ಸಮುದ್ರ ತೀರದಲ್ಲಿ ಪತ್ತೆಯಾದ ಘಟನೆ ಪಶ್ಚಿಮ ಬಂಗಾಳದ ಪೂರ್ವ ಮಿಡ್ನಾಪುರ್ ಜಿಲ್ಲೆಯಲ್ಲಿ ನಡೆದಿದೆ. ಇಲ್ಲಿನ ಮಂದಾರಮಣಿ ಸಮುದ್ರ ತೀರದಲ್ಲಿ ನಿನ್ನೆ(ಸೋಮವಾರ)ಯೇ ಬೃಹತ್ ತಿಮಿಂಗಿಲದ ಶವ ದೊರೆತಿದ್ದು, ತಿಮಿಂಗಿಲದ ದೇಹದ ಮೇಲೆ ಗಾಯದ ಗುರುತುಗಳಿವೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ತಿಮಿಂಗಿಲದ ದೇಹದ ಮೇಲಿನ ಗಾಯದ ಗುರುತುಗಳನ್ನು ನೋಡಿದರೆ ಇದು ಮತ್ತೊಂದು ಅಥವಾ ಇನ್ಯಾವುದೋ ಸಮುದ್ರ ಜೀವಿಯೊಂದಿಗೆ ಹೋರಾಟ ನಡೆಸಿರಬೇಕು ಎಂದು ಅಧಿಕಾರಿಗಳು ಅಂದಾಜಿಸಿದ್ದಾರೆ. ಸದ್ಯ ತಿಮಿಂಗಿಲ ಮೃತದೇಹವನ್ನು ಪರೀಕ್ಷೆಗೆ ಗುರಿಪಡಿಸಲಾಗಿದ್ದು, ದೇಹದ ಮೇಲಿನ ಗಾಯದ ಗುರುತು ಹಾಗೂ ಸಾವಿಗೆ ನಿಖರ ಕಾರಣವನ್ನು ಪತ್ತೆ ಹಚ್ಚುವುದಾಗಿ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ. ಇನ್ನು ಕಡಲ ತೀರದಲ್ಲಿ ಬೃಹತ್ ತಿಮಿಂಗಿಲ ಶವ ಕಂಡು ಬೆರಗಾದ ಸ್ಥಳೀಯರು, ತಿಮಿಂಗಿಲ ಮೃತದೇಹದೊಂದಿಗೆ ಫೋಟೋ ಕ್ಲಿಕ್ಕಿಸಿಕೊಳ್ಳುತ್ತಿರುವ ದೃಶ್ಯ ಸಾಮಾನ್ಯವಾಗಿತ್ತು.

from India & World News in Kannada | VK Polls https://ift.tt/3ieiGJM

ವಿಶಾಖಪಟ್ಟಣಂನಲ್ಲಿ ಮತ್ತೊಂದು ಅನಿಲ ದುರಂತ: ಔಷಧೀಯ ಘಟಕದಲ್ಲಿ ಸೋರಿಕೆಯಾದ ವಿಷಾನಿಲ!

ವಿಶಾಖಪಟ್ಟಣಂ: ಎಲ್‌ಜಿ ಪಾಲಿಮರ್ಸ್ ಅನಿಲ ದುರಂತ ಮರೆಯಾಗುವ ಮುನ್ನವೇ ಆಂಧ್ರಪ್ರದೇಶದ ವಿಖಾಖಪಟ್ಟಣಂನಲ್ಲಿ ಮತ್ತೊಂದು ಅನಿಲ ಸೋರಿಕೆ ಪ್ರಕರಣ ಬೆಳಕಿಗೆ ಬಂದಿದೆ. ಇಲ್ಲಿನ ಪರ್ವಾಡಾ ಬಳಿಯ ಔಷಧೀಯ ಘಟಕವೊಂದರಲ್ಲಿ ನಿನ್ನೆ(ಸೋಮವಾರ) ತಡರಾತ್ರಿಯೇ ವಿಷಾನಿಲ ಸೋರಿಕೆಯಾಗಿದ್ದು, ವಿಷಾನಿಲ ಸೇವಿಸಿ ಇಬ್ಬರು ಕಾರ್ಮಿಕರು ಸಾವನ್ನಪ್ಪಿದ್ದಾರೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಇನ್ನು ವಿಷಾನಿಲ ಸೇವಿಸಿ ಅಸ್ವಸ್ಥಗೊಂಡ ನಾಲ್ವರು ಕಾರ್ಮಿಕರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ವಿಷಾನಿಲ ಸೋರುವಿಕೆಯನ್ನು ಸಂಪೂರ್ಣವಾಗಿ ತಡೆ ಹಿಡಿಯಲಾಗಿದೆ ಎಂದು ಪೊಲೀಸರು ಸ್ಪಷ್ಟಪಡಿಸಿದ್ದಾರೆ. ಸದ್ಯ ಪರಿಸ್ಥಿತಿ ನಿಯಂತ್ರಣದಲ್ಲಿದ್ದು, ವಿಷಾನಿಲ ಇತರ ಪ್ರದೇಶಗಳಿಗೆ ಹರಡದಂತೆ ಕ್ರಮ ಕೈಗೊಳ್ಳಲಾಗಿದೆ ಎಂದು ಸ್ಥಳದಲ್ಲಿ ಹಾಜರಿದ್ದ ಹಿರಿಯ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ. ಇನ್ನು ಘಟನೆಯ ಸಂಪೂರ್ಣ ಮಾಹಿತಿ ಪಡೆದಿರುವ ಮುಖ್ಯಮಂತ್ರಿ ವೈಎಸ್ ಜಗನ್ ಮೋಹನ್ ರೆಡ್ಡಿ, ಸೂಕ್ತ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳುವಂತೆ ಅಧಿಕಾರಿಗಳಿಗೆ ಸ್ಪಷ್ಟ ಸೂಚನೆ ನೀಡಿದ್ದಾರೆ ಎಂದು ಹೇಳಲಾಗಿದೆ.

from India & World News in Kannada | VK Polls https://ift.tt/38dypUJ

ಚೀನಾದಿಂದ ಕ್ರಿಮಿನಾಶಕ, ಗರ್ಭಪಾತ, ಉಯಿಘರ್‌ಗಳ ಮೇಲೆ ದೌರ್ಜನ್ಯ: ಅಮೆರಿಕದಿಂದ ಆರೋಪಗಳ ಸುರಿಮಳೆ!

ವಾಷಿಂಗ್ಟನ್: ವಿಶ್ವ ಭೂಪಟದಲ್ಲಿರುವ ಯಾವ ದೇಶಗಳೊಂದಿಗಾದರೂ ತಾನು ಸ್ಪರ್ಧೆ ಮಾಡಲು ಸಿದ್ಧ ಎಂದು ಧೀಮಾಕು ತೋರಿಸುತ್ತಿದ್ದ ಚೀನಾಗೆ, ಮೇಲಿಂದ ಮೇಲೆ ಬೀಳುತ್ತಿರುವ ಪೆಟ್ಟು ಸಹಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಚೀನಾದ ಮೇಲೆ ಏಕಾಏಕಿ ದಾಳಿ ಇಟ್ಟಿರುವ , ನಿತ್ಯವೂ ಚೀನಾದ ವಿರುದ್ಧ ಗಂಭೀರ ಆರೋಪಗಳನ್ನು ಮಾಡುತ್ತಾ ಜಾಗತಿಕವಾಗಿ ಅದರ ಪ್ರಭಾವ ಕುಗ್ಗಿಸುತ್ತಿದೆ. ಇದೀಗ ಭಾರತ ಕೂಡ ತನ್ನೊಂದಿಗೆ ಗಡಿ ತಕರಾರು ತೆಗೆದ ಚೀನಾಗೆ ಬುದ್ಧಿ ಕಲಿಸಲು ಸಜ್ಜಾಗಿದ್ದು, ಚೀನಾದ 59 ಆ್ಯಪ್ ನಿಷೇಧಿಸಿ ಭಾರೀ ಹೊಡೆತವನ್ನೇ ನೀಡಿದೆ. ಇದಕ್ಕೆ ಪೂರಕವಾಗಿ ಅಮೆರಿಕ ಹಾಂಕಾಂಗ್‌ಗೆ ರಕ್ಷಣಾ ಉಪಕರಣಗಳ ರಫ್ತನ್ನು ನಿಷೇಧಿಸಿ ಚೀನಾಗೆ ಮತ್ತೊಂದು ಅಂತಾರಾಷ್ಟ್ರೀಯ ಪೆಟ್ಟು ನೀಡುವಲ್ಲಿ ಸಫಲವಾಗಿದೆ. ಈ ಮಧ್ಯೆ ಚೀನಾದ ವಿರುದ್ಧದ ತನ್ನ ಆರೋಪಗಳ ಸುರಿಮಳೆಯನ್ನು ಮುಂದುವರೆಸಿರುವ ಅಮೆರಿಕ, ಸರ್ಕಾರದ ಕರಾಳ ಮುಖವನ್ನು ಜಗತ್ತಿನ ಮುಂದೆ ಇಡುವ ಪ್ರಯತ್ನವನ್ನು ಮುಂದುವರೆಸಿದೆ. ಇಷ್ಟು ದಿನ ಚೀನಾ ವಿರುದ್ಧ ಜಗತ್ತಿಗೆ ಕೊರೊನಾ ವೈರಸ್ ಪಸರಿಸಿದ ರಾಷ್ಟ್ರ ಎಂಬ ಆರೋಪ ಮಾಡುತ್ತಿದ್ದ ಅಮೆರಿಕ, ಇದೀಗ ಮತ್ತೊಂದು ಹೆಜ್ಜೆ ಮುಂದೆ ಹೋಗಿ ಚೀನಾದಲ್ಲಿ ನಡೆಯುತ್ತಿರುವ ಮಾನವ ಹಕ್ಕುಗಳ ಉಲ್ಲಂಘನೆಯ ಕುರಿತು ಚಕಾರ ಎತ್ತಿದೆ. ಚೀನಾ ತನ್ನದೇ ನಾಗರಿಕರ ಮೇಲೆ ಬಲವಂತದ ಕ್ರಿಮಿನಾಶಕ ಪ್ರಯೋಗ ಮಾಡುತ್ತಿದ್ದು, ಬಲವಂತದ ಗರ್ಭಪಾತ ಹಾಗೂ ಉಯಿಘರ್ ಮುಸ್ಲಿಮರನ್ನು ಬಲವಂತದ ಸಂತಾನಹರಣ ಶಸ್ತ್ರಚಿಕಿತ್ಸೆಗೆ ಗುರಿ ಮಾಡುತ್ತಿದೆ ಎಂದು ಅಮೆರಿಕ ಗಂಭೀರ ಆರೋಪ ಮಾಡಿದೆ. ಈ ಕುರಿತು ಮಾತನಾಡಿರುವ ಅಮೆರಿಕ ರಕ್ಷಣಾ ಕಾರ್ಯದರ್ಶಿ ಮೈಕ್ ಪಾಂಪಿಯೋ, ಚೀನಾದಲ್ಲಿ ನಡೆಯುತ್ತಿರವ ಮಾನವ ಹಕ್ಕುಗಳ ಉಲ್ಲಂಘನೆಯ ಪಟ್ಟಿ ಬಹಳ ಉದ್ದವಿದೆ ಎಂದು ಕಿಡಿಕಾರಿದ್ದಾರೆ. ಕಾರ್ಮಿಕರನ್ನು ಬಲವಂತವಾಗಿ ದುಡಿಸಿಕೊಳ್ಳುತ್ತಿರುವ ಚೀನಾ, ಉಯಿಘರ್ ಮುಸ್ಲಿಮರು ಸೇರಿದಂತೆ ಅಲ್ಪಸಂಖ್ಯಾತರ ಮೇಲೆ ಭಾರೀ ದೌರ್ಜನ್ಯ ಮಾಡುತ್ತಿದೆ ಎಂದು ಮೈಕ್ ಪಾಂಪಿಯೋ ಗಂಭೀರ ಆರೋಪ ಮಾಡಿದ್ದಾರೆ.

from India & World News in Kannada | VK Polls https://ift.tt/38ePjTa

ಡ್ರ್ಯಾಗನ್ ಮುಸುಡಿಗೆ ಮತ್ತೊಂದು ಪೆಟ್ಟು: ಹಾಂಕಾಂಗ್‌ಗೆ ರಕ್ಷಣಾ ಉಪಕರಣ ರಫ್ತು ನಿಲ್ಲಿಸಿದ ಅಮೆರಿಕ!

ವಾಷಿಂಗ್ಟನ್: ಗಡಿಯಲ್ಲಿ ಕ್ಯಾತೆ ತೆಗೆದು ನಮ್ಮ 20 ವೀರ ಸೈನಿಕರ ಸಾವಿಗೆ ಕಾರಣವಾದ ಚೀನಾಗೆ ಭಾರತ ಆ್ಯಪ್ ನಿಷೇಧದ ಪೆಟ್ಟು ನೀಡಿದೆ. ಮೂಲದ 59 ಆ್ಯಪ್‌ಗಳನ್ನು ನಿಷೇಧಿಸಿ ಮೋದಿ ಸರ್ಕಾರ ಆದೇಶ ಹೊರಡಿಸಿದೆ. ಮೋದಿ ಸರ್ಕಾರದ ಈ ನಿರ್ಧಾರಕ್ಕೆ ಭಾರೀ ಜನ ಬೆಂಬಲ ವ್ಯಕ್ತವಾಗಿದ್ದು, ಸಂಪೂರ್ಣವಾಗಿ ಚೀನಾ ವಸ್ತುಗಳ ಆಮದು ಹಾಗೂ ಬಳಕೆಯ ಮೇಲೆ ನಿಷೇಧ ಹೇರುವಂತೆ ಒತ್ತಾಯ ಕೇಳಿ ಬರುತ್ತಿದೆ. ಈ ಮಧ್ಯೆ ಚೀನಾಗೆ ಮತ್ತೊಂದು ಹೊಡೆತ ನೀಡಿರುವ , ವಿಷಯದಲ್ಲಿ ಚೀನಾಗೆ ಭಾರೀ ಪೆಟ್ಟು ನೀಡಿದೆ. ಅಮೆರಿಕದ ದಿಢೀರ ನಿರ್ಧಾರವೊಂದು ಚೀನಾವನ್ನು ಚಿಂತೆಗೀಡು ಮಾಡಿದೆ. ಹಾಂಕಾಂಗ್‌ಗೆ ಸಂಬಂಧಿಸಿದಂತೆ ವಿವಾದಾತ್ಮಕ ಮಸೂದೆ ಜಾರಿಗೊಳಿಸಲು ಮುಂದಾಗಿರುವ ಚೀನಾದ ನಡೆ ಖಂಡಿಸಿರುವ ಅಮೆರಿಕ, ಈ ಕೂಡಲೇ ಜಾರಿಗೆ ಬರುವಂತೆ ಹಾಂಕಾಂಗ್‌ಗೆ ರಕ್ಷಣಾ ಉಪಕರಣಗಳನ್ನು ರಫ್ತು ಮಾಡುವ ಪ್ರಕ್ರಿಯೆಯನ್ನು ನಿಲ್ಲಿಸಿದೆ. ವಿವಾದಾತ್ಮಕ ರಾಷ್ಟ್ರೀಯ ಭದ್ರತಾ ಶಾಸನವನ್ನು ಜಾರಿಗೆ ತರಲು ಉದ್ದೇಶಿಸಿರುವ ಚೀನಾ, ಈ ನಿಟ್ಟಿನಲ್ಲಿ ಅತ್ಯಂತ ವೇಗವಾಗಿ ಹೆಜ್ಜೆ ಇಡುತ್ತಿದೆ. ಈ ಹಿನ್ನೆಲೆಯಲ್ಲಿ ಇನ್ನು ಮುಂದೆ ಹಾಂಕಾಂಗ್‌ಗೆ ಯಾವುದೇ ರಕ್ಷಣಾ ಉಪಕರಗಳನ್ನು ರಫ್ತು ಮಾಡುವುದಿಲ್ಲ ಎಂದು ಅಮೆರಿಕ ಸ್ಪಷ್ಟಪಡಿಸಿದೆ. ಈ ಕುರಿತು ಮಾತನಾಡಿರುವ ಅಮರಿಕ ರಕ್ಷಣಾ ಕಾರ್ಯದರ್ಶಿ ಮೈಕ್ ಪಾಂಪಿಯೋ, ಹಾಂಕಾಂಗ್ ಮೇಲೆ ದೌರ್ಜನ್ಯ ಎಸಗುತ್ತಿರುವ ಚೀನಾಗೆ ನಾವು ಬಲವಾದ ಪೆಟ್ಟು ನೀಡಲಿದ್ದೇವೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಇದೇ ಕಾರಣಕ್ಕೆ ಈ ಮೊದಲು ಹಾಂಕಾಂಗ್‌ಗೆ ರಫ್ತಾಗುತ್ತಿದ್ದ ರಕ್ಷಣಾ ಉಪಕರಣಗಳು, ಆಧುನಿಕ ತಂತ್ರಜ್ಞಾನ ಹೊಂದಿರುವ ಮಿಲಿಟರಿ ಸಲಕರಣೆಗಳ ರಫ್ತಿನ ಮೇಲೆ ಅಮೆರಿಕ ನಿಷೇಧ ಹೇರಿದೆ.

from India & World News in Kannada | VK Polls https://ift.tt/2NIHmvX

ಆ್ಯಪ್ ನಿಷೇಧವೇನೋ ಸರಿ ಆದರೆ ಪಿಎಂ ಕೇರ್ಸ್‌ನಲ್ಲಿರುವ ಚೀನಾ ದುಡ್ಡಿನ ಕತೆ?: ಕಾಂಗ್ರೆಸ್ ಪ್ರಶ್ನೆ!

ನವದೆಹಲಿ: ಚೀನಾದ 59 ಆ್ಯಪ್‌ಗಳನ್ನು ನಿಷೇಧಿಸಿರುವ ಕೇಂದ್ರ ಸರ್ಕಾರದ ಕ್ರಮಕ್ಕೆ ಬೆಂಬಲ ಸೂಚಿಸಿರುವ ಪ್ರತಿಪಕ್ಷ , ಚೀನಾಗೆ ಬುದ್ಧಿ ಕಲಿಸುವತ್ತ ಕೇಂದ್ರ ಒಳ್ಳೆಯ ಹೆಜ್ಜೆಯನ್ನಟ್ಟಿದೆ ಎಂದು ಶ್ಲಾಘಿಸಿದೆ. ಆದರೆ ಚೀನಾದ 59 ಆ್ಯಪ್‌ಗಳ ಬಳಕೆ ಮೇಲೆ ನಿಷೇಧ ಹೇರಿರುವುದು ಸರಿಯಾದ ಕ್ರಮವಾದರೂ, ಪಿಎಂ ಕೇರ್ಸ್‌ ನಿಧಿಯಲ್ಲಿ ಇರುವ ಚೀನಾದ ದುಡ್ಡಿನ ಕತೆ ಏನು ಎಂದು ಕಾಂಗ್ರೆಸ್ ಪ್ರಶ್ನಿಸಿದೆ. ಗಡಿಯಲ್ಲಿ ತಕರಾರು ತೆಗೆದ ಚೀನಾಗೆ 59 ಆ್ಯಪ್‌ಗಳನ್ನು ನಿಷೇಧಿಸುವ ಮೂಲಕ ಕೇಂದ್ರ ಸರ್ಕಾರ ಒಳ್ಳೆಯ ನಿರ್ಧಾರವನ್ನೇ ಕೈಗೊಂಡಿದೆ. ಆದರೆ ಇದೇ ವೇಳೆ ಪಿಎಂ ಕೇರ್ಸ್‌ನಲ್ಲಿರುವ ಚೀನಾದ ದುಡ್ಡಿನ ಭವಷ್ಯವನ್ನೂ ಮೋದಿ ಸರ್ಕಾರ ನಿರ್ಧರಿಸಬೇಕಿದೆ ಎಂದು ಕಾಂಗ್ರೆಸ್ ಅಭಿಪ್ರಾಯಪಟ್ಟಿದೆ. ಆ್ಯಪ್‌ಗಳನ್ನು ನಿಷೇಧಿಸಿರುವ ಕ್ರಮಕ್ಕೆ ದೇಶದಲ್ಲಿ ಭಾರೀ ಜನಬೆಂಬಲ ವ್ಯಕ್ತವಾಗಿದ್ದು, ಪದೇ ಪದೇ ಗಡಿ ತಕರಾರು ತೆಗೆಯುವ ಚೀನಾವನ್ನು ಸಹಿಸಿಕೊಳ್ಳುವ ಪ್ರಶ್ನೆಯೇ ಇಲ್ಲ ಎಂಬ ಕಠಿಣ ಸಂದೇಶವನ್ನು ರವಾನಿಸಿದಂತಾಗಿದೆ.

from India & World News in Kannada | VK Polls https://ift.tt/3dLYRG2

60 ಲಕ್ಷದ ಹಾರ್ಲೆ ಡೇವಿಡ್‌ಸನ್‌ ಬೈಕ್‌ ಏರಿದ ಸಿಜಿಐ ಎಸ್‌.ಎ. ಬೊಬ್ಡೆ, ಫೋಟೋ ವೈರಲ್‌

ನಾಗಪುರ:ಸುಪ್ರೀಂ ಕೋರ್ಟ್‌ನ‌ ಮುಖ್ಯ ನ್ಯಾಯಮೂರ್ತಿ 64 ವರ್ಷದ ಶರದ್‌ ಅರವಿಂದ ಬೊಬ್ಡೆ ನಾಗಪುರದಲ್ಲಿ ದುಬಾರಿ ಹಾರ್ಲೆ ಡೇವಿಡ್‌ಸನ್‌ ಏರಿರುವ ಫೋಟೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದ್ದು ಭಾರಿ ಚರ್ಚೆಗೆ ಗ್ರಾಸವಾಗಿದೆ. ಬೈಕ್‌ನ ಬಗ್ಗೆ ಅಪಾರ ಕ್ರೇಜ್‌ ಹೊಂದಿರುವ ನ್ಯಾ. ಬೊಬ್ಡೆ ಹಿಂದೊಮ್ಮೆ ಸಂದರ್ಶನದಲ್ಲಿ 'ಬೈಕ್‌ ಓಡಿಸುವುದೆಂದರೆ ನನಗೆ ತುಂಬಾ ಇಷ್ಟ. ಹಿಂದೆ ನನ್ನ ಬಳಿಯಲ್ಲಿ ಬುಲೆಟ್‌ ಇತ್ತು,' ಎಂದು ಹೇಳಿಕೊಂಡಿದ್ದರು. ಇದೇ ನ್ಯಾಯಮೂರ್ತಿಗಳು ಈಗ ಹಾರ್ಲೆ ಡೇವಿಡ್‌ಸನ್‌ನ ಲಿಮಿಟೆಡ್‌ ಎಡಿಷನ್‌ ಬೈಕ್‌ ಏರಿದ್ದಾರೆ. ಅಂದಹಾಗೆ ಈ ಬೈಕ್‌ನ ಶೋ ರೂಂ ಬೆಲೆಯೇ 50 ಲಕ್ಷ ದಾಟುತ್ತದೆ. ರಸ್ತೆಗಿಳಿದಾಗ ಇದರ ಬೆಲೆ 60 ಲಕ್ಷವನ್ನೂ ಮೀರುತ್ತದೆ. ಸದ್ಯ ತಮ್ಮ ಊರು ನಾಗಪುರದಲ್ಲಿ ಉಳಿದುಕೊಂಡಿದ್ದು, ಅಲ್ಲಿಯೇ ಈ ಬೈಕ್‌ ಹತ್ತಿದ್ದಾರೆ. ಇದು ಸಾಮಾಜಿಕ ಜಾಲತಾಣದಲ್ಲಿ ಬಿಸಿ ಬಿಸಿ ಚರ್ಚೆಗೆ ಗ್ರಾಸವಾಗಿದ್ದು, ನ್ಯಾಯಮೂರ್ತಿಗಳು ಹೆಲ್ಮೆಟ್‌, ಮಾಸ್ಕ್‌ ಧರಿಸಿರಲಿಲ್ಲ ಎಂದು ಕೆಲವರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಆದರೆ ಅವರು ಬೈಕ್‌ ಓಡಿಸಿದ ಬಗ್ಗೆ ಖಚಿತತೆ ಇಲ್ಲ, ಆದರೆ ಜನರ ಮಧ್ಯೆ ಮಾಸ್ಕ್‌ ಹಾಕದೆ ಮಾತ್ರ ಕಾಣಿಸಿಕೊಂಡಿದ್ದಾರೆ. 2019ರ ಆರಂಭದಲ್ಲೊಮ್ಮೆ ಅವರು ಹಾರ್ಲೆ ಡೇವಿಡ್‌ಸನ್‌ ಬೈಕ್‌ ಟೆಸ್ಟ್‌ ಡ್ರೈವ್‌ ಮಾಡಲು ಹೋಗಿ ಬಿದ್ದಿದ್ದರು. ಈ ಸಂದರ್ಭ ಅವರ ಕಾಲಿಗೆ ಗಾಯವಾಗಿದ್ದರಿಂದ ಕೆಲ ದಿನಗಳ ಕೋರ್ಟ್‌ ಕಲಾಪವನ್ನೂ ಅವರು ತಪ್ಪಿಸಿಕೊಂಡಿದ್ದರು.

from India & World News in Kannada | VK Polls https://ift.tt/2VucaVr

ಇನ್ನೂ ಆರು ತಿಂಗಳು ಸೇವೆಗೆ ಸಿದ್ದರಾಗಿ, ವೈದ್ಯರಿಗೆ ರಾಜ್ಯ ಸರ್ಕಾರ ಸೂಚನೆ

ಬೆಂಗಳೂರು: ಮುಂದಿನ ಆರು ತಿಂಗಳುಗಳ ಕಾಲ ಕೊರೊನಾ ಸೋಂಕು ನಿಯಂತ್ರಣ ಮಾಡುವ ನಿಟ್ಟಿನಲ್ಲಿ ಸೇವೆಗೆ ಸಿದ್ಧರಾಗಿ ಎಂದು ರಾಜ್ಯ ಸರ್ಕಾರ ವೈದ್ಯರಿಗೆ ಸೂಚನೆ ನೀಡಿದೆ. ಸೋಮವಾರ ಬೆಂಗಳೂರಿನಲ್ಲಿ ತುರ್ತು ಪತ್ರಿಕಾಗೋಷ್ಠಿ ನಡೆಸಿದ ಕಂದಾಯ ಸಚಿವ ಆರ್‌. ಅಶೋಕ್, ಮುಂದಿನ ಪರಿಸ್ಥಿತಿ ಎದುರಿಸಲು ವೈದ್ಯರು ಮಾನಸಿಕವಾಗಿ ಸಿದ್ಧರಾಗಿ ಎಂದು ಮನವಿ ಮಾಡಿದ್ದಾರೆ. ಈ ಮೂಲಕ ಮುಂದಿನ ಆರು ತಿಂಗಳುಗಳ ಕಾಲ ರಾಜ್ಯದಲ್ಲಿ ಕೊರೊನಾ ಅಟ್ಟಹಾಸ ಮುಂದುವರಿಯುತ್ತದೆ ಎಂಬ ಸೂಚನೆಯನ್ನು ಅಶೋಕ್ ನೀಡಿದ್ದಾರೆ. ರಾಜ್ಯದಲ್ಲಿ ಕೊರೊನಾ ಸೋಂಕು ತೀವ್ರ ಸ್ವರೂಪದಲ್ಲಿ ಏರಿಕೆಯಾಗುತ್ತಿದ್ದು ಸೋಂಕು ನಿಯಂತ್ರಣ ಮಾಡಲು ಸರ್ಕಾರ ಎಲ್ಲಾ ರೀತಿಯ ತಯಾರಿಗಳನ್ನು ಮಾಡಿಕೊಳ್ಳುತ್ತಿದೆ. ಈ ಕುರಿತಾಗಿ ಏನೆಲ್ಲಾ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂಬ ಮಾಹಿತಿಯನ್ನು ಸಚಿವರು ನೀಡಿದರು. ಕೊರೊನಾ ಹರಡದಂತೆ ತಡೆಗಟ್ಟುವ ಹಿನ್ನೆಲೆಯಲ್ಲಿ ಮಾಸ್ಕ್‌ ಧರಿಸುವುದು ಕಡ್ಡಾಯಗೊಳಿಸಲಾಗಿದೆ. ಮಾಸ್ಕ್ ಧರಿಸದ ಕಾರಣಕ್ಕಾಗಿ ಇದುವರೆಗೂ 2,428 ಪ್ರಕರಣಗಳನ್ನು ದಾಖಲಿಸಿಕೊಳ್ಳಲಾಗಿದೆ. ಇನ್ನು ಸೋಂಕಿತ ರೋಗಿಗಳಿಗೂ ಗುಣಮಟ್ಟದ ಆಹಾರವನ್ನು ಪೂರೈಕೆ ಮಾಡಲು ಸರ್ಕಾರ ಕ್ರಮಗಳನ್ನು ಕೈಗೊಂಡಿದೆ ಎಂದರು. ಸೋಂಕಿತರು ಮೃತಪಟ್ಟರೆ ಅವರ ಮೃತದೇಹವನ್ನು ಸಾಗಿಸಲು ಪ್ರತಿ ಝೋನ್‌ಗೆ ಎರಡು ಚಿರಶಾಂತಿ ವಾಹನಗಳ ಸೌಲಭ್ಯವನ್ನು ಮಾಡಲಾಗಿದೆ. ವಾಹನ ಚಾಲಕ ಸೇರಿದಂತೆ ನಾಲ್ವರು ಸಿಬ್ಬಂದಿ ಅದರಲ್ಲಿ ಇರುತ್ತಾರೆ. ಕೊರೊನಾ ನಿಯಂತ್ರಣ ಮಾಡುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರದಿಂದ ಕಂದಾಯ ಇಲಾಖೆಗೆ 742 ಕೋಟಿ ಅನುದಾನ ಬಂದಿದೆ. ಈ ಪೈಕಿ ಪ್ರತಿ ಜಿಲ್ಲೆಯ ಜಿಲ್ಲಾಧಿಕಾರಿಗಳಿಗೆ 232 ಕೋಟಿ, ಆರೋಗ್ಯ ಇಲಾಖೆಗೆ 70 ಕೋಟಿ, ಬಿಬಿಎಂಪಿಗೆ 50, ಪೊಲೀಸ್ ಇಲಾಖೆಗೆ 12 ಕೋಟಿ, ರೈಲ್ವೆ ಇಲಾಖೆಗೆ 13 ಹಾಗೂ ಬಿಎಂಟಿಸಿಗೆ 2.89 ಕೋಟಿ ಅನುದಾನ ನೀಡಲಾಗಿದೆ ಎಂದು ತಿಳಿಸಿದರು. ಕಂದಾಯ ಇಲಾಖೆಯಿಂದ ಒಟ್ಟು 380 ಕೋಟಿ ಬಿಡುಗಡೆ ಮಾಡಲಾಗಿದ್ದು, ಇನ್ನು 362 ಕೋಟಿ ಇಲಾಖೆಯಲ್ಲಿ ಲಭ್ಯವಿದೆ. ಇದನ್ನು ಕೋವಿಡ್‌ಗಾಗಿ ಬಳಸಲಾಗುವುದು ಎಂದು ತಿಳಿಸಿದರು. ನಗರದಲ್ಲಿ ಕೋವಿಡ್‌ ಕೇರ್‌ ಸೆಂಟರ್‌ ಹೆಚ್ಚಿಸುವ ನಿಟ್ಟಿನಲ್ಲಿ ರವಿಶಂಕರ್ ಗುರೂಜಿ ಆಶ್ರಮಕ್ಕೆ ಭೇಟಿ ನೀಡಲಾಗುವುದು ಎಂದು ತಿಳಿಸಿದ ಸಚಿವರು ಈಗಾಗಲೇ ಆಶ್ರಮದಲ್ಲಿ 176 ಬೆಡ್‌ಗಳನ್ನು ತೆಗೆದುಕೊಳ್ಳಲಾಗಿದೆ. ಇನ್ನು ಹೆಚ್ಚು ಬೆಡ್‌ಗಳು ಸಿಗುವ ರೀತಿ ಮಾತುಕತೆ ನಡೆಸಲಾಗುವುದು ಎಂದರು. ಹಜ್ ಭವನದಲ್ಲಿ 432 ಬೆಡ್‌ ಹಾಗೂ ಕೃಷಿ ವಿಶ್ವ ವಿದ್ಯಾಲಯದ 1,000 ಬೆಡ್, ಕೋರಮಂಗಳದ ಮೈದಾನದಲ್ಲಿ 270 ಬೆಡ್‌ಗಳ ವ್ಯವಸ್ಥೆಯನ್ನು ಮಾಡಲಾಗಿದೆ ಎಂದು ಮಾಹಿತಿ ನೀಡಿದರು.

from India & World News in Kannada | VK Polls https://ift.tt/3g6VFGH

ವಿಐಪಿ ದರ್ಪ..! ಪಾಸ್ ಕೇಳಿದ ಪೊಲೀಸ್‌ ಅಧಿಕಾರಿಗೆ ಜಾಡಿಸಿ ಒದ್ದ ಮಾಜಿ ಸಂಸದ..!

ಸೇಲಂ (): ತಮಿಳುನಾಡಿನ ಡಿಎಂಕೆ ಕೆ. ಅರ್ಜುನ, ಪೊಲೀಸರ ಮೇಲೆ ಮೆರೆದು ಆಕ್ರೋಶಕ್ಕೆ ಕಾರಣವಾಗಿದ್ದಾರೆ. ಸೇಲಂನಲ್ಲಿ ಕರ್ತವ್ಯ ನಿರತ ಪೊಲೀಸ್ ಅಧಿಕಾರಿಗೆ ಕಾಲಿನಿಂದ ಒದ್ದು, ಶಬ್ಧಗಳಿಂದ ನಿಂದಿಸಿ, ನೂಕಾಡಿ, ತಳ್ಳಾಡಿ ದಾಂಧಲೆ ಎಬ್ಬಿಸಿದ್ದಾರೆ. ಭಾನುವಾರ ರಾತ್ರಿ ಈ ಘಟನೆ ನಡೆದಿದೆ. ಇದಕ್ಕೆಲ್ಲಾ ಕಾರಣವಾಗಿದ್ದು, ಇ ಪಾಸ್. ತಮಿಳುನಾಡಿನಲ್ಲಿ ಕೊರೊನಾ ವೈರಸ್ ಆರ್ಭಟ ಹೆಚ್ಚಾಗಿರುವ ಹಿನ್ನೆಲೆಯಲ್ಲಿ ರಾಜ್ಯಾದ್ಯಂತ ಒಂದು ನಗರದಿಂದ ಮತ್ತೊಂದು ನಗರಕ್ಕೆ ಸಂಚಾರ ಮಾಡಬೇಕೆಂದರೆ, ಇ ಪಾಸ್‌ ಇರೋದು ಕಡ್ಡಾಯ. ತಮಿಳುನಾಡಿನಲ್ಲಿ ಲಾಕ್‌ಡೌನ್‌ ಕೂಡಾ ಕಡ್ಡಾಯವಾಗಿ ಜಾರಿಯಲ್ಲಿದೆ. ಈ ಕಾನೂನನ್ನು ಜಾರಿಗೆ ತರಲು ಹೆದ್ದಾರಿಯ ಟೋಲ್ ಬಳಿ ಪೊಲೀಸ್ ಅಧಿಕಾರಿ ಕರ್ತವ್ಯ ನಿರತರಾಗಿದ್ದರು. ಈ ವೇಳೆ, ಟೋಲ್‌ ಬಳಿ ಬಂದ ಮಾಜಿ ಸಂಸದರಿಗೆ ಪಾಸ್‌ ತೋರಿಸುವಂತೆ ಕೇಳಲಾಯ್ತು. ಆಗ ಮಾಜಿ ಸಂಸದ ಅರ್ಜುನ, ನನ್ನ ಬಳಿಯೇ ಪಾಸ್‌ ಕೇಳುತ್ತೀಯಾ ಎಂದು ಪೊಲೀಸ್ ಅಧಿಕಾರಿಗೆ ನಿಂದಿಸಿದರು. ಪೊಲೀಸ್ ಅಧಿಕಾರಿ ಪಾಸ್‌ ಇಲ್ಲದೆ ಮುಂದಕ್ಕೆ ಬಿಡೋದಿಲ್ಲ ಎಂದು ಕಟ್ಟುನಿಟ್ಟಾಗಿ ಹೇಳಿದಾಗ ವಾಹನದಿಂದ ಇಳಿದ ಮಾಜಿ ಸಂಸದ ಅರ್ಜುನ, ಪೊಲೀಸ್‌ ಅಧಿಕಾರಿಯನ್ನು ತಳ್ಳಿ, ಆತನಿಗೆ ಅವಾಚ್ಯ ಶಬ್ಧಗಳಿಂದ ನಿಂದಿಸಿದರು. ಅಷ್ಟೇ ಅಲ್ಲ, ಕಾಲಿನಿಂದ ಒದ್ದು ಪೊಲೀಸ್ ಅಧಿಕಾರಿ ಮೇಲೆ ದರ್ಪ ಮೆರೆದರು. ಈ ವೇಳೆ ಸ್ಥಳದಲ್ಲಿ ಇದ್ದ ಇನ್ನಿತರ ಪೊಲೀಸರು ಹಾಗೂ ಸ್ಥಳೀಯರು ಸಂಸದರನ್ನು ತಡೆದು ಹೋಗಲು ಕಳುಹಿಸಿಕೊಟ್ಟರು. ಈ ಪ್ರಕರಣ ಸಂಬಂಧ ಈವರೆಗೂ ಯಾವುದೇ ದೂರು ದಾಖಲಾಗಿಲ್ಲ ಎಂದು ತಿಳಿದುಬಂದಿದೆ.

from India & World News in Kannada | VK Polls https://ift.tt/2YFiMSM

ವಿಂಡೀಸ್‌ ವಿರುದ್ಧ ಜಯ ತಂದುಕೊಟ್ಟರೂ ನಾಯಕತ್ವ ಕಳೆದುಕೊಂಡಿದ್ದ ಗವಾಸ್ಕರ್‌!

ಹೊಸದಿಲ್ಲಿ: ಇತಿಹಾಸದಲ್ಲಿ ಹತ್ತು ಸಾವಿರ ರನ್‌ಗಳನ್ನು ಗಳಿಸಿದ ಮೊತ್ತ ಮೊದಲ ಬ್ಯಾಟ್ಸ್‌ಮನ್‌ ಆಗಿರುವ ಭಾರತ ತಂಡದ ಮಾಜಿ ನಾಯಕ , ಕಪ್ತಾನನಾಗಿಯೂ ಅಷ್ಟೇ ಯಶಸ್ಸನ್ನು ಕಂಡಿದ್ದಾರೆ. ಇದೀಗ ತಮ್ಮ ನಾಯಕತ್ವದ ದಿನಗಳನ್ನು ಸ್ಮರಿಸಿರುವ ಲಿಟ್ಲ್‌ ಮಾಸ್ಟರ್‌ ಖ್ಯಾತಿಯ ಆಟಗಾರ, 1978-79ರಲ್ಲಿ ತಂಡ ಭಾರತ ಪ್ರವಾಸ ಕೈಗೊಂಡಿದ್ದಾಗ 6 ಪಂದ್ಯಗಳ ಟೆಸ್ಟ್‌ ಸರಣಿಯನ್ನು 1-0 ಅಂತರದಲ್ಲಿ ಗೆದ್ದುಕೊಟ್ಟರೂ ನಾಯಕತ್ವ ಕಳೆದುಕೊಂಡ ಘಟನೆ ವಿವರಿಸಿದ್ದಾರೆ. ಅಂದು ತಾವು ನಾಯಕತ್ವ ಕಳೆದುಕೊಂಡದ್ದು ಯಾವ ಕಾರಣಕ್ಕೆ ಎಂಬುದು ಈವರೆಗೆ ಅರ್ಥವಾಗಿಲ್ಲ ಎಂದು ಗವಾಸ್ಕರ್‌ ಹೇಳಿಕೊಂಡಿದ್ದಾರೆ. ಬಲಿಷ್ಠ ವೆಸ್ಟ್‌ ಇಂಡೀಸ್‌ ವಿರುದ್ಧ ಭಾರತ ತಂಡ ಚೆನ್ನೈನಲ್ಲಿ ನಡೆದ ಟೆಸ್ಟ್‌ ಪಂದ್ಯದಲ್ಲಿ 3 ವಿಕೆಟ್‌ಗಳ ರೋಚಕ ಜಯ ದಾಖಲಿಸಿ 6 ಪಂದ್ಯಗಳ ಸರಣಿಯನ್ನು 1-0 ಅಂತರದಲ್ಲಿ ಗೆದ್ದುಕೊಂಡಿತ್ತು. ಗವಾಸ್ಕರ್‌ ನಾಯಕನಾಗಿ 732 ರನ್‌ಗಳನ್ನು ಬಾರಿಸಿದ್ದರೂ ಅವರನ್ನು ನಾಯಕನ ಸ್ಥಾನದಿಂದ ಕೆಳಗಿಳಿಸಿ ಎಸ್‌ ವೆಂಕಟರಾಘವನ್ ಅವರನ್ನು ನೂತನ ನಾಯಕನನ್ನಾಗಿ ನೇಮಕ ಮಾಡಿತ್ತು. "1978-79ರಲ್ಲಿ ವೆಸ್ಟ್‌ ಇಂಡೀಸ್‌ ವಿರುದ್ಧ ಸರಣಿ ಗೆದ್ದುಕೊಟ್ಟರೂ ನನ್ನನ್ನು ಕ್ಯಾಪ್ಟನ್‌ ಪಟ್ಟದಿಂದ ಕೆಳಗಿಳಿಸಿಸಲಾಗಿತ್ತು. ಅಷ್ಟೇ ಅಲ್ಲದೆ ಆ ಸರಣಿಯಲ್ಲಿ ನಾನು 700+ ರನ್‌ಗಳನ್ನು ಗಳಿಸಿದ್ದೆ. ಅಂದು ನಾಯಕತ್ವ ಕಳೆದುಕೊಂಡಿದ್ದಾದರೂ ಏಕೆ ಎಂಬುದು ಈಗಲೂ ಅರ್ಥವಾಗಿಲ್ಲ. ಆದರೆ, ಕೆರಿ ಪ್ಯಾಕರ್‌ ವಿಶ್ವ ಸರಣಿಗೆ ಸೇರುವಂತೆ ನನಗೆ ಆಹ್ವಾನವಿತ್ತು. ಈ ಬಗ್ಗೆ ನಾನು ಹೇಳಿಕೊಂಡಿದ್ದೆ ಕೂಡ. ಆ ಹೊತ್ತಿಗೆ ಬಿಸಿಸಿಐ ಒಪ್ಪಂದಕ್ಕೆ ಸಹಿ ಹಾಕಿದ್ದೆ. ಹೀಗಾಗಿ ಬಿಸಿಸಿಐಗೆ ನಾನು ನಿಷ್ಠೆಯಿಂದ ಇದ್ದೆ. ಬಹುಶ ಆ ಒಪ್ಪಂದದ ಬಗ್ಗೆ ಮಾತನಾಡಿದ ಸಲುವಾಗಿ ನಾಯಕತ್ವ ಕಳೆದುಕೊಂಡಿರಬಹುದು," ಎಂದು ಗವಾಸ್ಕರ್‌ ಮಿಡ್‌-ಡೇಗೆ ಬರೆದಿರುವ ತಮ್ಮ ಲೇಖನದಲ್ಲಿ ಹೇಳಿಕೊಂಡಿದ್ದಾರೆ. ಇದೇ ವೇಳೆ ಪಾಕಿಸ್ತಾನ ವಿರುದ್ಧದ ಸರಣಿಯಲ್ಲಿ ಕಳಪೆ ಪ್ರದರ್ಶನ ನೀಡಿದ್ದ ಬಿಶನ್‌ ಸಿಂಗ್‌ ಬೇಡಿ ಅವರನ್ನು ಸಮಿತಿ ತಂಡದಿಂದ ಕೈಬಿಡಲು ನಿರ್ಧರಿಸಿತ್ತು. ಆದರೆ ಸಮಿತಿಯ ಮನವೊಲಿಸಿ ಬೇಡಿಗೆ ವೆಸ್ಟ್‌ ಇಂಡೀಸ್‌ ವಿರುದ್ಧದ ಸರಣಿಯಲ್ಲಿ ಆಡುವಂತೆ ಮಾಡಿದ್ದ ಘಟನೆಯನ್ನೂ ಗವಾಸ್ಕರ್‌ ನೆನೆದಿದ್ದಾರೆ. "ಮೂರು ಟೆಸ್ಟ್‌ಗಳ ಬಳಿಕ ಬೇಡಿಯನ್ನು ತಂಡದಿಂದ ಕೈಬಿಡಲು ಸಮಿತಿ ನಿರ್ಧರಿಸಿತ್ತು. ನೇರವಾಗಿಯೇ ಅವರನ್ನು ತಂಡದಿಂದ ಕೈಬಿಡಲು ಮುಂದಾಗಿದ್ದರು. ಪಾಕಿಸ್ತಾನ ವಿರುದ್ಧದ ಸರಣಿ ಬಳಿಕ ನಾನು ಅವರಿಂದ ನಾಯಕತ್ವ ವಹಿಸಿಕೊಂಡಿದ್ದೆ. ಬಳಿಕ ಸಮಿತಿಯೊಂದಿಗೆ ಬೇಡಿ ಈಗಲೂ ಶ್ರೇಷ್ಠ ಎಡಗೈ ಸ್ಪಿನ್ನರ್‌ ಎಂದು ವಾದಿಸಿದ್ದೆ. ನಂತರ ವೆಸ್ಟ್‌ ಇಂಡೀಸ್‌ ವಿರುದ್ಧದ ಮೊದಲ ಪಂದ್ಯಕ್ಕೆ ಬೇಡಿಯನ್ನು ಆಯ್ಕೆ ಮಾಡಿದ್ದರು," ಎಂದು ಹೇಳಿದ್ದಾರೆ. "ತಂಡದಲ್ಲಿ ಆಗಷ್ಟೇ ಕಪಿಲ್‌ ದೇವ್‌ ಮತ್ತು ಕರ್ಸನ್‌ ಘಾರ್ವಿ ಅವರ ಆಗಮನವಾಗಿತ್ತು. ಹೊಸ ಚೆಂಡಿನಲ್ಲಿ ಈ ವೇಗಿಗಳು ಅಬ್ಬರಿಸುತ್ತಿದ್ದ ಕಾರಣ ಸ್ಪಿನ್ನರ್‌ಗಳಿಗೆ ಹೆಚ್ಚು ಅವಕಾಶ ಸಿಗುತ್ತಿರಲಿಲ್ಲ. ಜೊತೆಗೆ ಪಿಚ್‌ಗಳು ಕೂಡ ಬ್ಯಾಟಿಂಗ್‌ ಸ್ನೇಹಿಯಾಗಿತ್ತು. ಸ್ಪಿನ್ನರ್‌ಗಳಿಗೆ ಅಲ್ಲಿ ಕವಡೆ ಕಿಮ್ಮತ್ತಿರಲಿಲ್ಲ. ಹೀಗಾಗಿ ಆಯ್ಕೆದಾರರು 2-3ನೇ ಟೆಸ್ಟ್‌ಗೆ ಬೇಡಿಯನ್ನು ಹೊರಗಿಡಲು ನಿರ್ಧರಿಸಿದ್ದರು. ಆಗಲೂ ಕೂಡ ಅವರ ಮನವೊಲಿಸುವಲ್ಲಿ ಯಶಸ್ವಿಯಾಗಿದ್ದೆ," ಎಂದು ಸುನಿಲ್ ತಮ್ಮ ನೆನೆಪಿನಾಳ ಕೆದಕಿದ್ದಾರೆ. 70 ವರ್ಷದ ಮಾಜಿ ಕ್ರಿಕೆಟಿಗ ಭಾರತ ತಂಡದ ಪರ 125 ಟೆಸ್ಟ್‌ ಕ್ರಿಕೆಟ್‌ ಮತ್ತು 108 ಏಕದಿನ ಕ್ರಿಕೆಟ್‌ ಪಂದ್ಯಗಳನ್ನು ಆಡಿದ್ದು, ಕ್ರಮವಾಗಿ 10122 ಮತ್ತು 3092 ರನ್‌ಗಳನ್ನ ಗಳಿಸಿದ್ದಾರೆ. ಇದರಲ್ಲಿ 35 ಅಂತಾರಾಷ್ಟ್ರೀಯ ಶತಕಗಳು ಸೇರಿವೆ ಎಂಬುದು ವಿಶೇಷ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2AdnFsV

'ಗೇಲ್‌ ಔಟ್‌, ವಾರ್ನರ್‌ ಇನ್‌' : ತೀವ್ರ ಕುತೂಹಲ ಕೆರಳಿಸಿದ ಚೋಪ್ರಾ ಸಾರ್ವಕಾಲಿಕ ಐಪಿಎಲ್‌ ತಂಡ!

ಹೊಸದಿಲ್ಲಿ: ಭಾರತ ತಂಡದ ಮಾಜಿ ಆರಂಭಿಕ ಬ್ಯಾಟ್ಸ್‌ಮನ್‌ ಆಕಾಶ್‌ ಚೋಪ್ರಾ ಅವರು ಸಾರ್ವಕಾಲಿಕ ಐಪಿಎಲ್‌ ಇಲೆವೆನ್‌ ತಂಡವನ್ನು ಪ್ರಕಟಿಸಿದ್ದು, ಮಹೇಂದ್ರ ಸಿಂಗ್ ಧೋನಿ ಅವರನ್ನು ನಾಯಕರನ್ನಾಗಿ ಆರಿಸಿದ್ದಾರೆ. ಮೂರು ಬಾರಿ ಐಪಿಎಎಲ್‌ ಗೆದ್ದ ನಾಯಕ ರೋಹಿತ್‌ ಶರ್ಮಾ ಅವರಿಗಿಂತ ಕಳೆದ ಹಲವು ವರ್ಷಗಳಲ್ಲಿ ಯಶಸ್ವಿಯಾಗಿರುವ ಎಂ.ಎಸ್‌ ಧೋನಿಯೇ ನಾಯಕತ್ವದಲ್ಲಿ ಮುಂಚೂಣಿಯಲ್ಲಿದ್ದಾರೆ ಎಂದು ಚೋಪ್ರಾ ತಮ್ಮ ನಿರ್ಧಾರವನ್ನು ಸಮರ್ಥಿಸಿಕೊಂಡಿದ್ದಾರೆ.ತಮ್ಮ ಯೂಟ್ಯೂಬ್‌ ಚಾನೆಲ್‌ನಲ್ಲಿ ಸಾರ್ವಕಾಲಿಕ ಐಪಿಎಲ್‌ ತಂಡವನ್ನು ಪ್ರಕಟಿಸಿರುವ ಆಕಾಶ್‌ ಚೋಪ್ರಾ, ಕೇವಲ ನಾಲ್ವರು ವಿದೆಶಿ ಆಟಗಾರರನ್ನು ಆಯ್ಕೆ ಮಾಡಿದ್ದಾರೆ. ಎಲ್ಲಾ ಸ್ವರೂಪದ ಕ್ರಿಕೆಟ್‌ನಲ್ಲೂ ಆರಂಭಿಕನಾಗಿ ಯಶಸ್ವಿಯಾಗಿರುವ ಡೇವಿಡ್‌ ವಾರ್ನರ್‌ಗೆ ಇನಿಂಗ್ಸ್ ಆರಂಭಿಸಲು ಅವಕಾಶ ಕಲ್ಪಿಸಿದ್ದು, ಯೂನಿವರ್ಸಲ್ ಬಾಸ್‌ ಕ್ರಿಸ್‌ ಗೇಲ್‌ ಅವರನ್ನು ಕೈಬಿಟ್ಟಿದ್ದಾರೆ."ವಿಶ್ವದ ಎಲ್ಲಾ ಭಾಗಗಳಲ್ಲಿ ಸ್ಥಿರ ಪ್ರದರ್ಶನ ತೋರುವ ಡೇವಿಡ್‌ ವಾರ್ನರ್‌ ಅವರು, ರೋಹಿತ್‌ ಶರ್ಮಾ ಅವರೊಂದಿಗೆ ಆರಂಭಿಕರಾಗಿ ಕಣಕ್ಕೆ ಇಳಿಯಲಿದ್ದಾರೆ. ಕ್ರಿಸ್‌ ಗೇಲ್‌ ಕೂಡ ಸ್ಫೋಟಕ ಬ್ಯಾಟ್ಸ್‌ಮನ್‌ ಎನ್ನುವುದರಲ್ಲಿ ಅನುಮಾನವೇ ಇಲ್ಲ. ಆದರೆ, ವಾರ್ನರ್‌ಗಿಂತ ಬೇರೊಬ್ಬ ಆಟಗಾರ ಇನಿಂಗ್ಸ್‌ ಆರಂಭಿಸಲು ಸೂಕ್ತವಲ್ಲ," ಎಂದು ಆಕಾಶ್‌ ಚೋಪ್ರಾ ಸಮರ್ಥಿಸಿಕೊಂಡರು.

"ರೋಹಿತ್‌ ಶರ್ಮಾ, ಡೇವಿಡ್‌ ವಾರ್ನರ್‌ ಜತೆ ಇನಿಂಗ್ಸ್ ಆರಂಭಿಸಲಿದ್ದಾರೆ. ಡೆಕ್ಕಾನ್‌ ಚಾರ್ಜರ್ಸ್‌ ಪರ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್‌ ಆಗಿ ಗುರುತಿಸಿಕೊಂಡಿದ್ದ ರೋಹಿತ್‌, ಬಳಿಕ ಮುಂಬೈ ಇಂಡಿಯನ್ಸ್‌ ತಂಡಕ್ಕೆ ಬಂದ ಮೇಲೆ ಸಾಕಷ್ಟು ಯಶಸ್ವಿ ಸಾಧಿಸಿದರು. ತಮ್ಮ ನಾಯಕತ್ವದಲ್ಲಿ ಮೂರು ಬಾರಿ ಮುಂಬೈಯನ್ನು ಚಾಂಪಿಯನ್‌ ಮಾಡಿರುವ ರೋಹಿತ್‌ ಶರ್ಮಾ ಆರಂಭಿಕನಾಗಿ ಬ್ಯಾಟಿಂಗ್‌ ಮಾಡಲು ಸೂಕ್ತ ಆಟಗಾರ," ಎಂದು ತಿಳಿಸಿದರು.

ತಮ್ಮ ಸಾರ್ವಕಾಲಿನ ಐಪಿಎಲ್‌ ತಂಡದಲ್ಲಿ ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡದ ನಾಯಕ ವಿರಾಟ್‌ ಕೊಹ್ಲಿ ಅವರಿಗೆ ಮೂರನೇ ಸ್ಥಾನ ನೀಡಿದ್ದಾರೆ. "ತಂಡದ ಬ್ಯಾಟಿಂಗ್‌ ಮೂರನೇ ಕ್ರಮಾಂಕಕ್ಕೆ ಅನುಮಾನವೇ ಇಲ್ಲ. ಅವರ ತಂಡ ಇದುವರೆಗೂ ಪ್ರಶಸ್ತಿ ಗೆಲ್ಲದೆ ಇರಬಹುದು, ಆದರೆ ಆತ ಮಾತ್ರ 24 ಕ್ಯಾರೆಟ್‌ ಚಿನ್ನ. ಅವರ ಹೆಸರೇ ವಿರಾಟ್‌ ಕೊಹ್ಲಿ, ದಿ ರನ್‌ ಮಶೀನ್‌," ಎಂದು ಆಕಾಶ್‌ ಚೋಪ್ರಾ ಟೀಮ್‌ ಇಂಡಿಯಾ ನಾಯಕನನ್ನು ಬಣ್ಣಿಸಿದರು.

ಐಪಿಎಲ್‌ನಲ್ಲಿ ಸಚಿನ್‌ ವಿಕೆಟ್‌ ಪಡೆದು ವಿಶೇಷ ಉಡುಗೊರೆ ಸ್ವೀಕರಿಸಿದ್ದ ಪ್ರಜ್ಞಾನ್ ಓಜಾ!

ದೆಹಲಿ ಮಾಜಿ ಆರಂಭಿಕ ಬ್ಯಾಟ್ಸ್‌ಮನ್‌, ಚೆನ್ನೈ ಸೂಪರ್‌ ಕಿಂಗ್ಸ್ ತಂಡದ ಸುರೇಶ್‌ ರೈನಾ ಹಾಗೂ ಆರ್‌ಸಿಬಿ ತಂಡದ ಅತ್ಯಂತ ಮೌಲ್ಯಯುತ ಬ್ಯಾಟ್ಸ್‌ಮನ್‌ ಎಬಿ ಡಿವಿಲಿಯರ್ಸ್ ಅವರಿಗೆ ಕ್ರಮವಾಗಿ 4 ಮತ್ತು 5 ನೇ ಕ್ರಮಾಂಕವನ್ನು ನೀಡಿದ್ದಾರೆ. "4ನೇ ಸ್ಥಾನಕ್ಕೆ ಮಿಸ್ಟರ್‌ ಐಪಿಎಲ್‌. ಸುರೇಶ್‌ ರೈನಾ ಎರಡು ವರ್ಷ ಹೊರತುಪಡಿಸಿ ಇನ್ನುಳಿದ ತಮ್ಮ ಎಲ್ಲಾ ಅವಧಿಯನ್ನೂ ಸಿಎಸ್‌ಕೆ ತಂಡದಲ್ಲಿಯೇ ಸವೆಸಿದ್ದಾರೆ. ವೇಗ ಮತ್ತು ಸ್ಪಿನ್‌ಗೆ ಅತ್ಯುತ್ತಮವಾಗಿ ಬ್ಯಾಟಿಂಗ್‌ ಮಾಡುವ ರೈನಾ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸುತ್ತಾರೆ," ಎಂದು ಹೇಳಿದರು.

"ಕೂಲ್‌ ಕ್ಯಾಪ್ಟನ್‌ ಖ್ಯಾತಿಯ ಮಹೇಂದ್ರ ಸಿಂಗ್‌ ಧೋನಿ 6ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ ಮಾಡಲಿದ್ದಾರೆ. ಅವರ ಹೆಸರು ತಂಡದಲ್ಲಿ ಇರುವ ಬಗ್ಗೆ ಯಾರಿಗೂ ಅನುಮಾನ ಬೇಡ. ಅವರಿಗೆ ತಂಡದ ನಾಯಕತ್ವವನ್ನು ನೀಡಲಾಗಿದೆ," ಎಂದು ಆಕಾಶ್‌ ಚೋಪ್ರಾ ಹೇಳಿದರು.

ಭಜ್ಜಿ ಕೊಟ್ಟ ಕಪಾಳಮೋಕ್ಷದ ಬಳಿಕ ನಡೆದ ಘಟನೆ ಬಗ್ಗೆ ಮೌನ ಮುರಿದ ಶ್ರೀಶಾಂತ್‌!

ಇನ್ನು ವೇಗದ ವಿಭಾಗದಲ್ಲಿ ಭುವನೇಶ್ವರ್‌ ಕುಮಾರ್‌, ಜಸ್ಪ್ರಿತ್‌ ಬುಮ್ರಾ ಹಾಗೂ ಲಸಿತ್‌ ಮಲಿಂಗಾ ಅವರಿಗೆ ಸ್ಥಾನ ಕಲ್ಪಿಸಲಾಗಿದ್ದು, ಸ್ಪಿನ್‌ ವಿಭಾಗದಲ್ಲಿ ಹರಭಜನ್‌ ಸಿಂಗ್‌, ಸುನೀಲ್‌ ನರೇನ್‌ ಅವರಿಗೆ ಅವಕಾಶ ನೀಡಲಾಗಿದೆ.

"ಬ್ಯಾಟಿಂಗ್‌7ನೇ ಕ್ರಮಾಂಕಕ್ಕೆ ಆಂಡ್ರೆ ರಸೆಲ್‌ ಆಡಿಸಬಹುದಿತ್ತು, ಆದರೆ ನಮ್ಮ ಬಳಿ ಹರಭಜನ್‌ ಸಿಂಗ್‌ ಇದ್ದಾರೆ, ಹರಭಜನ್‌ ಹಾಗೂ ಆರ್‌. ಅಶ್ವಿನ್‌ ನಡುವೆ ತೀವ್ರ ಪೈಪೋಟಿ ಇತ್ತು, ಅಂತಿಮವಾಗಿ ಭಜ್ಜಿ ಆಯ್ಕೆ ಮಾಡಲಾಯಿತು. ವೆಸ್ಟ್ ಇಂಡೀಸ್‌ನ ಸ್ಪಿನ್ನರ್‌ ಸುನೀಲ್ ನರೇನ್‌ ಅವರು ಹರಭಜನ್‌ಗೆ ಸಾಥ್‌ ನೀಡಲಿದ್ದಾರೆ. ಕಳೆದ ಹಲವು ವರ್ಷಗಳಿಂದ ಅವರ ಐಪಿಎಲ್‌ನಲ್ಲಿ ಉತ್ತಮ ಸಾಧನೆ ಮಾಡಿದ್ದಾರೆ," ಎಂದು ಆಕಾಶ್‌ ಚೋಪ್ರಾ ಉಲ್ಲೇಖಿಸಿದರು.

ಕೊಹ್ಲಿ-ರೋಹಿತ್‌ ನಡುವೆ ಬೆಸ್ಟ್‌ ಕ್ಯಾಪ್ಟನ್‌ ಆಯ್ಕೆ ಮಾಡಿದ ಕನ್ನಡಿಗ ಕೃಷ್ಣಪ್ಪ ಗೌತಮ್!

ಡೇವಿಡ್‌ ವಾರ್ನರ್‌, ರೋಹಿತ್‌ ಶರ್ಮಾ, ವಿರಾಟ್‌ ಕೊಹ್ಲಿ, ಸುರೇಶ್‌ ರೈನಾ, ಎಬಿ ಡಿವಿಲಿಯರ್ಸ್‌, ಎಂ.ಎಸ್‌ ಧೋನಿ(ನಾಯಕ, ವಿ.ಕೀ), ಹರಭಜನ್‌ ಸಿಂಗ್‌, ಸುನೀಲ್‌ ನರೇನ್‌, ಭುವನೇಶ್ವರ್‌ ಕುಮಾರ್‌, ಜಸ್ಪ್ರಿತ್‌ ಬುಮ್ರಾ, ಲಸಿತ್‌ ಮಲಿಂಗಾ.

ಮಿನಿ ಕರ್ನಾಟಕ ತಂಡವಾಗುತ್ತಿರುವ ಕಿಂಗ್ಸ್‌ ಇಲೆವೆನ್‌ ಪಂಜಾಬ್! : ಕನ್ನಡದಲ್ಲೇ ಮಾತನಾಡುತ್ತೇವೆಂದ ಕೆ.ಗೌತಮ್‌

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2Bjv6PR

ಸಾಹಿತ್ಯ ಲೋಕದ 'ಹೆಣ್ಣಿನ ಕೂಗು' ಗೀತಾ ನಾಗಭೂಷಣರ ಬದುಕಿನ ಪಯಣ

ವಿದ್ಯಾ ಶ್ರೀ ಬಿ. ಬಳ್ಳಾರಿಹೃದಯಾಘಾತದಿಂದ ಹಿರಿಯ ಸಾಹಿತಿ, ಗೀತಾ ನಾಗಭೂಷಣ ಅವರು ಭಾನುವಾರ ರಾತ್ರಿ (78) ನಿಧನರಾಗಿದ್ದಾರೆ. ಭಾನುವಾರ ಸಂಜೆ ಎದೆನೋವಿನಿಂದ ಬಳಲುತ್ತಿದ್ದ ಅವರನ್ನು ಸ್ಥಳೀಯ ಖಾಸಗಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಯಿತು. ಆದರೆ ಚಿಕಿತ್ಸೆ ಫಲಿಸದೇ ವಿಧಿವಶರಾಗಿದ್ದಾರೆ. ಹಲವು ಮೊದಲುಗಳಿಗೆ ಸಾಕ್ಷಿಯಾಗಿದ್ದರು ಗೀತಾಗೀತಾ ನಾಗಭೂಷಣ ಕನ್ನಡ ಸಾಹಿತ್ಯದ ಪ್ರಸಿದ್ಧ ಬರಹಗಾರ್ತಿಯರಲ್ಲೊಬ್ಬರು. ಮೊಘಲಾಯಿ ಪರಿಸರದ ಪ್ರಮುಖ ಲೇಖಕಿ ಎಂದು ಪ್ರಖ್ಯಾತರಾಗಿರುವ ನಾಡೋಜ ಗೀತಾ ನಾಗಭೂಷಣ, ತಮಗಿದ್ದ ಕಿತ್ತು ತಿನ್ನುವ ಬಡತನ, ಅಸಹಕಾರಕ ಪರಿಸರ, ಹೆಣ್ಣು ಮಕ್ಕಳ ನ್ನು ಶಾಲೆಗೆ ಕಳುಹಿಸದ ಸಾಮಾಜಿಕ ವ್ಯವಸ್ಥೆ ಇತ್ಯಾದಿಗಳನ್ನೆಲ್ಲಾ ದೃಢಸಂಕಲ್ಪ ಮತ್ತು ಹೋರಾಟದ ಮನೋಭಾವಗಳಿಂದ ದಾಟಿ ತಮ್ಮ ಎಡೆಬಿಡದ ಪರಿಶ್ರಮದಿಂದ ಬಿ.ಎ, ಬಿ.ಎಡ್, ಎಂ.ಎ ಪದವಿಗಳನ್ನು ಗಳಿಸಿ ಬಹುಕಾಲ ಅಧ್ಯಾಪನ ವೃತ್ತಿಯನ್ನೂ ನಡೆಸಿದವರು. ಜೊತೆಗೆ ತಮ್ಮ ಶಿಕ್ಷಕ ವೃತ್ತಿ, ಬರಹ ಪ್ರವೃತ್ತಿ ಮತ್ತು ನಡೆಗಳಿಂದ ಸಮಾಜಕ್ಕೆ ಬೆಳಕು ಕಾಣಿಸುವಲ್ಲಿ ನಿರಂತರ ಪ್ರಯತ್ನಶೀಲರಾದವರು. ಡಾ. ಗೀತಾ ನಾಗಭೂಷಣ ಅವರು ನಾಡೊಜ ಪ್ರಶಸ್ತಿ ಪಡೆದ ಮೊದಲ ಮಹಿಳಾ ಸಾಹಿತಿ. ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪಡೆದ ಕರ್ನಾಟಕದ ಮೊದಲ ಮಹಿಳಾ ಸಾಹಿತಿ ಕೂಡಾ . ಇವರ ಬದುಕು ಕಾದಂಬರಿಗೆ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಲಭಿಸಿದೆ. ಅಲ್ಲದೆ ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷರಾದ ಮೊದಲ ಮಹಿಳಾ ಸಾಹಿತಿ ಎಂಬ ಹೆಗ್ಗಳಿಕೆಯೂ ಇವರದೆ. ಹೀಗೆ ಹ್ಯಾಟ್ರಿಕ್ ಮಹಿಳಾ ಸಾಹಿತಿ ಎಂದು ಇವರು ಖ್ಯಾತರಾಗಿದ್ದರು. ಕೋಲ್ಕತಾದ ಭಾರತೀಯ ಭಾಷಾ ಪರಿಷತ್ ಪ್ರಶಸ್ತಿ 2011-2012 ಡಾ. ಗೀತಾ ನಾಗಭೂಷಣ ಅವರಿಗೆ ಲಭಿಸಿದೆ. ಇದು ಕನ್ನಡಕ್ಕೆ ಮೊಟ್ಟ ಮೊದಲ ಭಾರತೀಯ ಭಾಷಾ ಪರಿಷತ್ ಪ್ರಶಸ್ತಿಯಾಗಿದೆ.

ಡಾ. ಗೀತಾ ನಾಗಭೂಷಣ ಅವರು 1968ರ ವರ್ಷದಲ್ಲಿ ಪ್ರಕಟಗೊಂಡ ‘ತಾವರೆಯ ಹೂವು ಕಾದಂಬರಿಯಿಂದ ಮೊದಲ್ಗೊಂಡು ಇತ್ತೀಚಿನ ‘ಬದುಕು ’ ಕಾದಂಬರಿಯವರೆಗೆ ಇಪ್ಪತ್ತೇಳು ಕಾದಂಬರಿಗಳನ್ನು ಪ್ರಕಟಿಸಿದ್ದಾರೆ. ಅವರ ‘ಬದುಕು’ ಕಾದಂಬರಿಗೆ 2004ರ ವರ್ಷದ ಕೇಂದ್ರ ಸಾಹಿತ್ಯ ಅಕಾಡೆಮಿ ಪುರಸ್ಕಾರ ಸಂದಿದೆ. ಗೀತಾ ನಾಗಭೂಷಣರ 'ಹಸಿಮಾಂಸ ಮತ್ತು ಹದ್ದುಗಳು' ಎನ್ನುವ ಕಾದಂಬರಿಯು ಹೆಣ್ಣಿನ ಕೂಗು ಎಂಬ ಹೆಸರಿನಲ್ಲಿ ಚಲನಚಿತ್ರವಾಗಿದೆ. ಒಟ್ಟು 27 ಸ್ವತಂತ್ರ ಕಾದಂಬರಿ, 50 ಸಣ್ಣ ಕಥೆಗಳು, ಎರಡು ಸಂಕಲನ, 12 ನಾಟಕಗಳು, ಒಂದು ಸಂಪಾದನಾ ಕೃತಿ, ಒಂದು ಸಂಶೋಧನಾ ಕೃತಿ ಹೀಗೆ ಅವರ ಕನ್ನಡ ಸಾಹಿತ್ಯಕ್ಕೆ ಕೊಡುಗೆ ಹಲವಾರು.⁣

ಡಾ. ಗೀತಾ ನಾಗಭೂಷಣರು ಗದಗದಲ್ಲಿ ನಡೆದ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷತೆಯನ್ನು ವಹಿಸಿದ್ದರು.⁣ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷತೆಯಲ್ಲಿ ಡಾ. ಗೀತಾ ನಾಗಭೂಷಣರು ಹೇಳಿದ ಮಾತುಗಳು ಮಾರ್ಮಿಕವಾಗಿವೆ. “ವಚನಕಾರರು, ಹರಿದಾಸರು, ತತ್ವಪದಕಾರರು, ಜನಪದರು ಅಂದು ತಮ್ಮ ಸಾಹಿತ್ಯದಿಂದ ಸಾವಿರಾರು ವರ್ಷಗಳ ಉದ್ದಕ್ಕೂ ಮಾಡಿಕೊಂಡು ಬಂದ ಜನಜಾಗೃತಿ, ಶಾಂತಿ ಸೌಹಾರ್ದತೆ, ಪ್ರೀತಿ ವಾತ್ಸಲ್ಯ, ಕ್ರಾಂತಿ ಚಳುವಳಿಗಳ ಮೂಲಕ ಸುಧಾರಣೆ ಮತ್ತು ಜನಹಿತಕಾರ್ಯವನ್ನು ಇಂದಿನ ಸಾಹಿತಿಗಳೂ ಸಾಧಿಸಿ ತೋರಿಸಬೇಕಾಗಿದೆ. ಬರೀ ಶಬ್ದಾಡಂಬರದ ರಂಜನೀಯ ಸಾಹಿತ್ಯ ನಮಗೆ ಬೇಡ, ಸಾಹಿತ್ಯ ಒಂದು ಮಾನಸಿಕ ಸುಧಾರಣೆಯ ಸಾಧನ. ಅದು ಸಮಾಜದ ಅಭ್ಯುದಯಕ್ಕಾಗಿ ದುಡಿಯುವಂತಾಗಬೇಕು. ವಿಜ್ಞಾನಿಯ ತಲೆ, ಸಂತನ ಹೃದಯ ಈ ದೇಶಕ್ಕೆ ಬೇಕು. ಬುದ್ಧನ ಕರುಣೆ, ಬಸವನ ಛಲ, ಬಾಬಾ ಸಾಹೇಬರ ಸ್ವಾಭಿಮಾನ ಮತ್ತು ಗಾಂಧೀಜಿಯ ಅಹಿಂಸೆಯ ತುಡಿತ ಈ ಎಲ್ಲವನ್ನೂ ಹುರಿಗೊಳಿಸಿ ಹೊಸೆದ ಹಗ್ಗದಿಂದಲೇ ನಾವು ಸರ್ವರ ಅಭ್ಯುದಯ ಸಾಧಿಸಬಲ್ಲ ನಭೋಸ್ಪರ್ಶಿ ವ್ಯವಸ್ಥೆಗೆ ಏಣಿ ಕಟ್ಟಬೇಕಾಗಿದೆ.”⁣

ಡಾ. ಗೀತಾ ನಾಗಭೂಷಣರು ಜೀವನವನ್ನು ಬಂದಂತೆ ಎದುರಿಸಿದವರು. ವೈಯಕ್ತಿಕ ಬದುಕಿನಲ್ಲಿ ಕಷ್ಟವೇ ಜಾಸ್ತಿ. ಸಾಮಾಜಿಕ ತಾರತಮ್ಯದಿಂದ ಅನುಭವಿಸಿದ ನೋವುಗಳು ಎಲ್ಲವೂ ಅವರ ಕೃತಿಗಳಲ್ಲಿ ಮೇಳೈಸಿವೆ.

from India & World News in Kannada | VK Polls https://ift.tt/3eGFIXq

ಪಾಕ್ ಸ್ಟಾಕ್ ಎಕ್ಸಚೇಂಜ್‌ನಲ್ಲಿ ಉಗ್ರರ ದಾಳಿ: ಗುಂಡಿನ ಮಳೆಗರೆದ ಭಯೋತ್ಪಾದಕರು!

ಇಸ್ಲಾಮಾಬಾದ್: ಪಾಕಿಸ್ತಾನದ ಕರಾಚಿಯ ಆವರಣದಲ್ಲಿ ನಡೆದಿದ್ದು, ನೋಡ ನೋಡುತ್ತಿದ್ದಂತೇ ಉಗ್ರರು ಜನರ ಮೇಲೆ ಗುಂಡಿನ ಮಳೆಗರೆದಿದ್ದಾರೆ. ಇನ್ನು ಸ್ಟಾಕ್ ಎಕ್ಸಚೇಂಜ್‌ನಲ್ಲಿ ಭಯೋತ್ಪಾದಕರು ದಾಳಿ ಮಾಡುತ್ತಿದ್ದಂತೇ ಎಚ್ಚೆತ್ತ ಪೊಲೀಸರು, ಸ್ಟಾಕ್ ಎಕ್ಸಚೇಂಜ್ ಆವರಣವನ್ನು ಸುತ್ತುವರೆದಿದ್ದಾರೆ. ಪ್ರತಿ ದಾಳಿಯಲ್ಲಿ ನಾಲ್ವರು ಉಗ್ರರು ಹತರಾಗಿದ್ದು, ಎನ್‌ಕೌಂಟರ್ ಮುಂದುವರೆದಿದೆ. ಅತ್ಯಂತ ಸುರಕ್ಷಿತ ವಲಯದಲ್ಲಿರುವ ಸ್ಟಾಕ್ ಎಕ್ಸಚೇಂಜ್‌ನಲ್ಲಿ ಉಗ್ರರು ಶಸ್ತ್ರಗಳೊಂದಿಗೆ ಒಳ ನುಗ್ಗಿದ್ದು ಹೇಗೆ ಎಂಬ ಪ್ರಶ್ನೆ ಇದೀಗ ಎದುರಾಗಿದೆ. ಆವರಣಕ್ಕೆ ಕಾಲಿಡುತ್ತಿದ್ದಂತೇ ಬಂದೂಕಿಂದಿನ ಗುಂಡಿನ ಸುರಿಮಳೆ ಮಾಡಲಾಗಿದೆ. ಇದೇ ವೇಳೆ ಭಯೋತ್ಪಾದಕರು ಗ್ರೆನೇಡ್ ದಾಳಿ ಕೂಡ ನಡೆಸಿದ್ದು, ದಾಳಿಯಲ್ಲಿ ಇಬ್ಬರು ಭದ್ರತಾ ಸಿಬ್ಬಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಸಿಲ್ವರ್‌ ಕೊರೊಲಾ ಕಾರಿನಲ್ಲಿ ಬಂದ ಉಗ್ರರು ಭೀಕರ ದಾಳಿ ನಡೆಸಿದ್ದಾರೆ. ಈ ಕುರಿತು ಮಾಹಿತಿ ನೀಡಿರುವ ಕರಾಚಿ ಪೊಲೀಸ್ ಮುಖ್ಯಸ್ಥ ಗುಲಾಂ ನಬಿ ಮೆಮೊನ್, ನಾಲ್ವರು ಉಗ್ರರನ್ನು ಹೊಡೆದುರುಳಿಸಲಾಗಿದೆ ಎಂದು ತಿಳಿಸಿದ್ದಾರೆ. ಸದ್ಯ ಸ್ಟಾಕ್ ಎಕ್ಸಚೇಂಜ್‌ನಲ್ಲಿದ್ದ ಜನರನ್ನು ರಕ್ಷಿಸಲಾಗಿದ್ದು, ಇಡೀ ಪ್ರದೇಶವನ್ನು ಪೊಲೀಸರು ತಮ್ಮ ಸುಪರ್ದಿಗೆ ಪಡೆದುಕೊಂಡಿದ್ದಾರೆ. ಕರಾಚಿ ಸ್ಟಾಕ್ ಎಕ್ಸಚೇಂಜ್ ಪಾಕಿಸ್ತಾನದ ಪ್ರಮುಖ ವಾಣಿಜ್ಯ ಕೇಂದ್ರವಾಗಿದ್ದು, ದೇಶದ ಹಲವು ಪ್ರಮುಖ ಖಾಸಗಿ ಬ್ಯಾಂಕ್‌ಗಳ ಪ್ರಧಾನ ಕಚೇರಿ ಇದೇ ಆವರಣದಲ್ಲಿ ಇದೆ.

from India & World News in Kannada | VK Polls https://ift.tt/3idnDCs

ತೆಲಂಗಾಣದ ಡಿಸಿಎಂಗೆ ಕೊರೊನಾ ಪಾಸಿಟಿವ್..! ರಾಜಕಾರಣಿಗಳಲ್ಲಿ ಹೆಚ್ಚಿದ ಆತಂಕ

ತೆಲಂಗಾಣ: ಕೊರೊನಾ ಮಹಾಮಾರಿ ಇಡೀ ಜಗತ್ತನ್ನೇ ತಲ್ಲಣಗೊಳಿಸುತ್ತಿರುವ ಬೆನ್ನಲ್ಲೇ ಇದೀಗ ತೆಲಂಗಾಣದ ಉಪಮುಖ್ಯಮಂತ್ರಿ ಮಹಮ್ಮದ್ ಆಲಿ ಅವರಲ್ಲಿ ಕಾಣಿಸಿಕೊಂಡು ಆತಂಕ ಮೂಡಿಸಿದೆ. ತೆಲಂಗಾಣದ ಡಿಸಿಎಂ ಹಾಗೂ ಗೃಹಸಚಿವರಾಗಿರುವ ಮಹಮ್ಮದ್ ಆಲಿ ಅವರು ಜೂನ್ 26ರಂದು ಹರಿತಾ ಹರಾಂ ಅನ್ನುವ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. ಇದೀಗ ಅವರಲ್ಲಿ ಕೊರೊನಾ ಪಾಸಿಟಿವ್ ಕಾಣಿಸಿಕೊಂಡಿದ್ದು ರಾಜ್ಯದ ಕಾರ್ಪೋರೇಟ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇತ್ತೀಚೆಗೆ ಗೃಹ ಸಚಿವರಾದ ಮಹಮ್ಮದ್ ಆಲಿ ಅವರ ಭದ್ರತಾ ಪಡೆ ಸಿಬ್ಬಂದಿಯೊಬ್ಬರಲ್ಲಿ ಕೊರೊನಾ ಪಾಸಿಟಿವ್ ಕಾಣಿಸಿಕೊಂಡಿತ್ತು. ಇದೀಗ ಸ್ವತಃ ರಾಜ್ಯದ ಉಪಮುಖ್ಯಮಂತ್ರಿಯಲ್ಲೇ ಕೊರೊನಾ ಕಾಣಿಸಿಕೊಂಡಿರೋದು ತೆಲಂಗಾಣದ ರಾಜಕಾರಣಿಗಳನ್ನು ಮತ್ತಷ್ಟು ಆತಂಕಕ್ಕೆ ದೂಡುವಂತೆ ಮಾಡಿದೆ. ಸದ್ಯ ಡಿಸಿಎಂ ಜೊತೆ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಸಿಟಿ ಪೊಲೀಸ್ ಆಯುಕ್ತ ಸೇರಿದಂತೆ ಹಲವು ಅಧಿಕಾರಿಗಳನ್ನು ಹೋಂ ಕ್ವಾರೆಂಟೈನ್‌ಗೆ ಕಳುಹಿಸಲಾಗಿದೆ. ತೆಲಂಗಾಣದಲ್ಲಿ ಕೂಡ ಕೊರೊನಾ ಪ್ರಕರಣಗಳು ದಿನೇ ದಿನೇ ಹೆಚ್ಚಳ ಕಂಡು ಬರುತ್ತಿದ್ದು, ಮುಖ್ಯಮಂತ್ರಿ ಕೆ.ಸಿ.ಆರ್. ಅವರ ನೇತೃತ್ವದ ಸರ್ಕಾರ ಕೊರೊನಾ ರೋಗವನ್ನು ನಿಯಂತ್ರಣಕ್ಕೆ ತರಲು ಇನ್ನಿಲ್ಲದ ಶ್ರಮ ಪಡುತ್ತಿದೆ. ಇದೀಗ ರಾಜ್ಯದ ಗೃಹ ಸಚಿವರಲ್ಲೇ ಕೊರೊನಾ ಪಾಸಿಟಿವ್ ಕಾಣಿಸಿಕೊಂಡಿರೋದು ಜನರಲ್ಲಿ ನಿಜಕ್ಕೂ ಅಚ್ಚರಿ ಮೂಡಿಸಿದೆ.

from India & World News in Kannada | VK Polls https://ift.tt/3ib4BwG

ಪೆಟ್ರೋಲ್, ಡೀಸೆಲ್ ದರ ಏರಿಕೆ, ಕೇಂದ್ರದ ವಿರುದ್ಧ ಸೈಕಲ್ ಸವಾರಿ ನಡೆಸಿ ಕಾಂಗ್ರೆಸ್ ಪ್ರತಿಭಟನೆ

ಬೆಂಗಳೂರು: ಪೆಟ್ರೋಲ್ ಮತ್ತು ಡೀಸೆಲ್ ದರ ಏರಿಕೆಯನ್ನು ಖಂಡಿಸಿ ಕಾಂಗ್ರೆಸ್ ಸೋಮವಾರ ಸೈಕಲ್ ಸವಾರಿ ಮಾಡುವ ಮೂಲಕ ವಿಭಿನ್ನವಾಗಿ ಕೇಂದ್ರ ಸರ್ಕಾರದ ವಿರುದ್ಧ ಪ್ರತಿಭಟನೆ ನಡೆಸಿದೆ. ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್‌, ವಿರೋಧ ಪಕ್ಷದ ನಾಯಕ ಸಿದ್ದರಾಮಯ್ಯ ಸೇರಿದಂತೆ ಕಾಂಗ್ರೆಸ್ ಪಕ್ಷದ ಮುಖಂಡರು ಹಾಗೂ ಕಾರ್ಯಕರ್ತರು ಸೈಕಲ್ ಸವಾರಿ ಮಾಡುವ ಮೂಲಕ ದರ ಏರಿಕೆಯನ್ನು ಖಂಡಿಸಿದರು. ಕೇಂದ್ರ ಸರ್ಕಾರದ ವಿರುದ್ಧ ಕಾಂಗ್ರೆಸ್ ಬೆಂಗಳೂರಿನ ಮಿನ್ಸ್ ಸ್ಕ್ವೇರ್ ವೃತ್ತದ ಆದಾಯ ತೆರಿಗೆ ಕಟ್ಟಡದ ಮುಂಭಾಗದಲ್ಲಿ ಧರಣಿ ನಡೆಸಿತು. ಧರಣಿಯಲ್ಲಿ ಭಾಗಿಯಾಗಲು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್ ಹಾಗೂ ವಿಧಾನಸಭೆಯ ವಿರೋಧ ಪಕ್ಷದ ನಾಯಕ ಸಿದ್ದರಾಮಯ್ಯ ಅವರು ಸೈಕಲ್ ಸವಾರಿ ಮಾಡುವ ಮೂಲಕ ಆಗಮಿಸಿದರು. ದೇಶದಲ್ಲಿ ಪೆಟ್ರೋಲ್ ಹಾಗೂ ಡಿಸೀಲ್‌ ಬೆಲೆ ತೀವ್ರವಾಗಿ ಏರಿಕೆ ಕಂಡುಬರುತ್ತಿದೆ. ಕೊರೊನಾ ಸಂಕಷ್ಟದ ಸಂದರ್ಭದಲ್ಲಿ ತೈಲ ದರ ಏರಿಕೆಯ ವಿರುದ್ಧ ಆಕ್ರೋಶ ವ್ಯಕ್ತವಾಗುತ್ತಿದೆ. ಸಾಮಾಜಿಕ ಅಂತರ ಮರೆತು ಪ್ರತಿಭಟನೆ ಸೋಮವಾರ ನಡೆದ ಕಾಂಗ್ರೆಸ್ ಪ್ರತಿಭಟನೆಯಲ್ಲಿ ಸಂಪೂರ್ಣ ಸಾಮಾಜಿಕ ಅಂತರವನ್ನು ನಿರ್ಲಕ್ಷ್ಯ ಮಾಡಿರುವುದು ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗಿದೆ. ಕೆಪಿಸಿಸಿ ಕಚೇರಿಯಲ್ಲಿ ಭಾರೀ ಸಂಖ್ಯೆಯ ಜನರು ಸೇರಿದ್ದರು. ಹೀಗಿದ್ದರೂ ಹಲವರು ಮಾಸ್ಕ್‌ ಧರಿಸಿಲ್ಲ, ಅಷ್ಟೇ ಅಲ್ಲದೆ ಸಾಮಾಜಿಕ ಅಂತರವನ್ನು ಪಾಲನೆ ಮಾಡಿಲ್ಲ. ಇದು ಭಾರೀ ಆಕ್ರೋಶಕ್ಕೆ ಕಾರಣವಾಗಿದೆ.

from India & World News in Kannada | VK Polls https://ift.tt/2Vsby2N

ಸುತ್ತಮುತ್ತಲ ರಾಜ್ಯಗಳಲ್ಲಿ ಹೆಚ್ಚುತ್ತಿದೆ ಕೊರೊನಾ: ಮುನ್ನೆಚ್ಚರಿಕೆ ಕ್ರಮದ ಮೊರೆ ಹೋಗೋಣ!

ದೇಶದಲ್ಲಿ ದಿನದಿಂದ ದಿನಕ್ಕೆ ಮಾರಕ ಕೊರೊನಾ ವೈರಸ್ ಪ್ರಕರಣಗಳು ಹೆಚ್ಚುತ್ತಿವೆ. ರಾಜ್ಯದಲ್ಲೂ ಸೋಂಕಿತರ ಪ್ರಮಾಣ ಏರುತ್ತಿರುವುದು ಆತಂಕ ಸೃಷ್ಟಿಸಿದೆ. ರಾಜಧಾನಿ ಬೆಂಗಳೂರು ಸೇರಿದಂತೆ ರಾಜ್ಯದ ಹಲವೆಡೆ ಕೊರೊನಾ ಸೋಂಕು ವೇಗವಾಗಿ ಹರಡುತ್ತಿದ್ದು, ಈ ನಿಟ್ಟಿನಲ್ಲಿ ರಾಜ್ಯ ಸರ್ಕಾರ ಈಗಾಗಲೇ ಹೊಸ ಲಾಕ್‌ಡೌನ್ ನಿಯಮಾವಳಿಗಳನ್ನು ಜಾರಿಗೆ ತಂದಿದೆ. ಆದರೆ ಮಾರಕ ಕೊರೊನಾ ವೈರಸ್‌ನ್ನು ನಿರ್ಮೂಲನೆ ಮಾಡಲು ಕೇವಲ ಸರ್ಕಾರ ಮಾತ್ರವಲ್ಲದೇ ಸಮಾಜ ಕೂಡ ಅಷ್ಟೇ ಜವಾಬ್ದಾರಿಯಿಂದ ವರ್ತಿಸಬೇಕಿದೆ. ಈ ಮಧ್ಯೆ ಕರ್ನಾಟಕದ ನೆರೆಯ ರಾಜ್ಯಗಳಲ್ಲೂ ಕೊರೊನಾ ವೈರಸ್ ಪ್ರಕರಣಗಳು ಹೆಚ್ಚಾಗುತ್ತಿದ್ದು, ನಾವು ಮುಂಜಾಗ್ರತಾ ಕ್ರಮಗಳ ಮೊರೆ ಹೋಗಬೇಕಿರುವುದು ಅನಿವಾರ್ಯವಾಗಿದೆ. ಪಕ್ಕದ ತಮಿಳುನಾಡು, ಮಹಾರಷ್ಟ್ರಗಳಲ್ಲಿ ಸೋಂಕಿತರು ಹಾಗೂ ಸಾವಿನ ಪ್ರಮಾಣ ಭಾರೀ ಏರಿಕೆಯಾಗುತ್ತಿದ್ದು, ವೈರಸ್ ಹಾವಳಿ ತಗ್ಗಿದ್ದ ಕೇರಳದಲ್ಲೂ ಮತ್ತೆ ಸೋಂಕು ಕಾಣಿಸಿಕೊಂಡಿರುವುದು ನಿಜಕ್ಕೂ ಸಮಸ್ಯೆಯ ಗಂಭೀರತೆಯನ್ನು ಹೇಳುತ್ತಿದೆ. ಈ ಹಿನ್ನೆಲೆಯಲ್ಲಿ ಕರ್ನಾಟಕ ಅತ್ಯಂತ ಮುಂಜಾಗ್ರತೆ ವಹಿಸಬೇಕಿದ್ದು, ಈ ನಿಟ್ಟಿನಲ್ಲಿ ಕೈಗೊಳ್ಳಬೇಕಾದ ಕ್ರಮಗಳತ್ತ ಗಮನಹರಿಸುವುದಾದರೆ..

ಇನ್ನು ನೆರೆಯ ತಮಿಳುನಾಡಿನ ಪರಿಸ್ಥಿತಿಯತ್ತ ಗಮನಹರಿಸಿದರೆ ಅಷ್ಟೇನೂ ಆಶಾದಾಯಕವಾಗಿಲ್ಲ. ರಾಜ್ಯದಲ್ಲಿ ಕೇವಲ 24 ಗಂಟೆಗಳಲ್ಲಿ 3,940 ಹೊಸ ಕೊರೊನಾ ವೈರಸ್ ಪ್ರಕರಣಗಳು ದಾಖಲಾಗಿವೆ. ಅಷ್ಟೇ ಅಲ್ಕದೇ ಕೇವಲ 24 ಗಂಟೆಗಳಲ್ಲಿ ಈ ಮಾರಕ ವೈರಾಣುವಿಗೆ ಬರೋಬ್ಬರಿ 54 ಜನ ಬಲಿಯಾಗಿದ್ದಾರೆ.

236 ಕೊರೊನಾ ಸಾವುಗಳನ್ನೇ ದಾಖಲಿಸದ ತಮಿಳುನಾಡು: ಅಸಲಿ ಸಂಖ್ಯೆ ಎಷ್ಟು?

ಪ್ರಸ್ತುತ ತಮಿಳುನಾಡಿನಲ್ಲಿ ಒಟ್ಟು 82,275 ಕೊರೊನಾ ಪ್ರಕರಣಗಳು ದಾಖಲಾಗಿದ್ದು, ಇದುವರೆಗೂ 1,079ಕ್ಕೆ ಏರಿಕೆಯಾಗಿದೆ. ರಾಜಧಾನಿ ಚೆನ್ನೈ ನಗರವೊಂದರಲ್ಲೇ ಕೇವಲ 24 ಗಂಟೆಗಳಲ್ಲಿ ಬರೋಬ್ಬರಿ 1,992 ಹೊಸ ಪ್ರಕರಣಗಳು ದಾಖಲಾಗಿವೆ.

ಕೊರೊನಾ ವೈರಸ್ ಹಾವಳಿ ಸಂಪೂರ್ಣವಾಗಿ ನಿಯಂತ್ರಣದಲ್ಲಿದ್ದ ನೆರೆಯ ಕೇರಳದಲ್ಲಿ ಮತ್ತೆ ಕೊರೊನಾ ಸೋಂಕು ಕಾಣಿಸಿಕೊಂಡಿದೆ. ಕೇರಳದಲ್ಲಿ 24 ಗಂಟೆ ಅವಧಿಯಲ್ಲಿ ಒಟ್ಟು 118 ಹೊಸ ಕೊರೊನಾ ಸೋಂಕು ಪ್ರಕರಣ ದಾಖಲಾಗಿದೆ.

ಕೊರೊನಾ ವೈರಸ್ ನಿಯಂತ್ರಣದಲ್ಲಿ ಇಡೀ ದೇಶದಲ್ಲೇ ಮುಂಚೂಣಿಯಲ್ಲಿದ್ದ ಕೇರಳದಲ್ಲಿ ಇದೀಗ ಮತ್ತೆ ಕೊರೊನಾ ಸೋಂಕು ಪತ್ತೆಯಾಗಿರುವುದು ಆತಂಕಕ್ಕೆ ಕಾರಣವಾಗಿದೆ.

ವಿಶ್ವಸಂಸ್ಥೆ ಕಾರ್ಯಕ್ರಮದಲ್ಲಿ ಕೇರಳ ಆರೋಗ್ಯ ಸಚಿವೆ ಶೈಲಜಾ ಟೀಚರ್‌ ಭಾಷಣ; ದೇವರ ನಾಡಿಗೆ ಮತ್ತೊಂದು ಗರಿ

ಈ ಕುರಿತು ಮಾತನಾಡಿರುವ ಕೇರಳ ಆರೋಗ್ಯ ಸಚಿವೆ ಕೆಕೆ ಶೈಲಜಾ, ಕಳೆದ 10 ದಿನಗಳಿಂದ ರಾಜ್ಯದಲ್ಲಿ ನಿರಂತರಾವಗಿ ಕೊರೊನಾ ವೈರಸ್ ಪ್ರಕರಣಗಳು ದಾಖಲಾಗುತ್ತಿವೆ ಎಂದು ತಿಳಸಿದ್ದಾರೆ.

ಇನ್ನು ದೇಶದಾದ್ಯಂತ ಮಾರಕ ಕೊರೊನಾ ವೈರಸ್ ಸೋಂಕು ಹರಡುತ್ತಿದ್ದು, ಕೇವಲ 24 ಗಂಟೆಗಳಲ್ಲಿ 19,459 ಪ್ರಕರಣಗಳು ಪತ್ತೆಯಾಗಿವೆ. ಈ ಮೂಲಕ ದೇಶದಲ್ಲಿ ಸೋಂಕಿತರ ಸಂಖ್ಯೆ 5.48 ಲಕ್ಷಕ್ಕೇರಿದೆ.

ದೇಶದಲ್ಲಿ ಒಟ್ಟು 16,475 ಕೊರೊನಾ ವೈರಸ್ ಸಾವು ಸಂಭವಿಸಿದ್ದು, ಕೇವಲ 24 ಗಂಟೆಗಳಲ್ಲಿ 380 ಜನ ಈ ಮಾರಕ ವೈರಾಣುವಿಗೆ ಬಲಿಯಾಗಿದ್ದಾರೆ.

24 ಗಂಟೆಗಳಲ್ಲಿ 20 ಸಾವಿರ ಸಮೀಪಕ್ಕೆ ಕೊರೊನಾ ಪ್ರಕರಣ: ದೇಶದಲ್ಲಿ 5 ಲಕ್ಷ ದಾಟಿದ ಸೋಂಕಿತರ ಸಂಖ್ಯೆ!

ಇದೇ ವೇಳೆ ದೇಶದಲ್ಲಿ ಸುಮಾರು 3.2 ಲಕ್ಷ ಜನ ಕೊರೊನಾ ವೈರಸ್ ಸೋಂಕಿನಿಂದ ಗುಣಮುಖರಾಗಿದ್ದು, ಆದರೂ ಸೋಂಕಿತರ ಪ್ರಮಾಣ ದಿನದಿಂದ ದಿನಕ್ಕೆ ಏರುತ್ತಿರುವುದರಿಂದ ಆತಂಕ ಮನೆ ಮಾಡಿದೆ.

ಇಂತಹ ಸಂದಿಗ್ಧ ಪರಿಸ್ಥಿತಿಯಲ್ಲಿ ನಾವು ಸಾಮಾಜಿಕ ಜವಾಬ್ದಾರಿ ಮೆರೆಯುವ ಮೂಲಕ ರಾಜ್ಯ ಹಾಗೂ ದೇಶಕ್ಕೆ ಅಳಿಲು ಸೇವೆ ಸಲ್ಲಿಸಬೇಕಾಗಿದೆ. ನೆರೆಯ ರಾಜ್ಯಗಳು ಮತ್ತು ದೇಶದ ಒಟ್ಟಾರೆ ಚಿತ್ರಣವನ್ನು ಗಮನದಲ್ಲಿಟ್ಟುಕೊಂಡು ನಮ್ಮ ಮತ್ತು ನಮ್ಮವರ ಆರೋಗ್ಯ ರಕ್ಷಣೆಯ ಜವಾಬ್ದಾರಿಯನ್ನು ನಾವು ಹೊರಬೇಕಿದೆ.

ಕೊರೊನಾ ವೈರಸ್ ಬಗ್ಗೆ ಉದಾಸೀನ ಮನೋಭಾವನೆ ಖಂಡಿತ ಸಲ್ಲದು. ದಿನೇ ದಿನೇ ಹೆಚ್ಚುತ್ತಿರುವ ಸೋಂಕು ಪ್ರಕರಣಗಳೇ ನಮಗೆ ಎಚ್ಚರಿಕೆಯ ಕರೆಗಂಟೆಯಾಗಬೇಕು. ಸರ್ಕಾರದ ಹೊಸ ಲಾಕ್‌ಡೌನ್ ನಿಯಮಾವಳಿಗಳನ್ನು ಅಚ್ಚುಕಟ್ಟಾಗಿ ಪಾಲಿಸುವ ಜೊತೆಗೆ ಸ್ವಯಂಪ್ರೇರಿತವಾಗಿ ಲಾಕ್‌ಡೌನ್ ಹೇರಿಕೆ ಮಾಡಿಕೊಂಡರೆ ಖಂಡಿತವಾಗಿ ಈ ವೈರಾಣುವನ್ನು ಹಿಮ್ಮೆಟ್ಟಿಸಲು ಸಾಧ್ಯ.

ನಾವು ಅಂದುಕೊಂಡಂತಿಲ್ಲ ಬೆಂಗಳೂರು: ಕೊರೊನಾ ಮುಂಜಾಗ್ರತೆಯೊಂದೇ ಮಾರ್ಗ!

ತಜ್ಞರ ಅಭಿಪ್ರಾಯಗಳಿಗೆ ಗೌರವ ನೀಡಿ ನಮ್ಮ, ನಮ್ಮವರ, ರಾಜ್ಯದ ಹಾಗೂ ದೇಶದ ಆರೋಗ್ಯವನ್ನು ರಕ್ಷಿಸುವ ಜವಾಬ್ದಾರಿ ನಮ್ಮೆಲ್ಲರ ಮೇಲಿದೆ ಎಂಬುದನ್ನು ನಾವು ಮರೆಯಬಾರದು.

from India & World News in Kannada | VK Polls https://vijaykarnataka.com/news/india/karnataka-must-be-in-alert-mode-as-more-coronavirus-cases-records-in-neighbor-states/articleshow/76683797.cms

2007ರ ಟಿ20 ವಿಶ್ವಕಪ್‌ಗೆ ಸಚಿನ್‌, ಗಂಗೂಲಿಯನ್ನು ತಡೆದಿದ್ದ ದ್ರಾವಿಡ್! : ಕಾರಣ ನಿಜಕ್ಕೂ ಶ್ಲಾಘನೀಯ..

ಹೊಸದಿಲ್ಲಿ: ಹಾಗೂ ಸೇರಿದಂತೆ ಅನುಭವಿ ಆಟಗಾರರನ್ನು ದಕ್ಷಿಣ ಆಫ್ರಿಕಾದ 2007ರ ಟಿ20 ವಿಶ್ವಕಪ್‌ ಟೂರ್ನಿಗೆ ತೆರಳದಂತೆ ಅಂದಿನ ಭಾರತ ತಂಡದ ನಾಯಕ ತಡೆದಿದ್ದರು ಎಂಬ ಮಹತ್ವದ ವಿಷಯವನ್ನು ಟೀಮ್‌ ಇಂಡಿಯಾ ಮಾಜಿ ಕೋಚ್‌ ಬಹಿರಂಗಪಡಿಸಿದ್ದಾರೆ. ಸ್ಪೋರ್ಟ್ಸ್‌ಕೀಡಾದ ಫೇಸ್‌ಬುಕ್‌ ಪೇಜ್‌ ಲೈವ್‌ ಚಾಟ್‌ನಲ್ಲಿ ಇಂದ್ರಾನಿಲ್‌ ಬಸು ಅವರೊಂದಿಗೆ ಮಾತನಾಡಿದ ಅವರು 2007ರ ಉದ್ಘಾಟನಾ ಟಿ20 ವಿಶ್ವಕಪ್‌ ಟೂರ್ನಿಗೆ ಹೊಸ ನಾಯಕನ ಅಡಿಯಲ್ಲಿ ಯುವ ಆಟಗಾರರಿಗೆ ಅವಕಾಶ ನೀಡಿದ ಹಿರಿಯ ಆಟಗಾರರ ಮನಸ್ಥಿತಿ ಬಗ್ಗೆ ವಿವರಿಸಿದರು. ಈ ಟೂರ್ನಿಯಲ್ಲಿ ಮಹೇಂದ್ರ ಸಿಂಗ್‌ ಧೋನಿ ನಾಯಕತ್ವದ ಭಾರತ ತಂಡ, ಚೊಚ್ಚಲ ಟಿ20 ವಿಶ್ವಕಪ್‌ ಮುಡಿಗೇರಿಸಿಕೊಂಡಿತ್ತು. ಅಲ್ಲದೆ, ಇಂದಿನ ದಿನಗಳಲ್ಲಿ ಟೀಮ್‌ ಇಂಡಿಯಾದ ಪ್ರಮುಖ ಬ್ಯಾಟ್ಸ್‌ಮನ್‌ ಆಗಿ ಮಿಂಚುತ್ತಿರುವ ರೋಹಿತ್‌ ಶರ್ಮಾ ಅವರಂಥ ಹಲವು ಯುವ ಆಟಗಾರರು ಬೆಳಕಿಗೆ ಬರಲು ಕಾರಣವಾಗಿತ್ತು. "ಸಚಿನ್‌ ತೆಂಡೂಲ್ಕರ್‌ ಹಾಗೂ ಸೌರವ್‌ ಗಂಗೂಲಿ ಅವರನ್ನು ಟಿ20 ವಿಶ್ವಕಪ್‌ ಆಡದಂತೆ ರಾಹುಲ್‌ ದ್ರಾವಿಡ್ ತಡೆದಿದ್ದು ನಿಜ. ಆ ವೇಳೆ ರಾಹುಲ್‌ ದ್ರಾವಿಡ್‌ ಇಂಗ್ಲೆಂಡ್‌ನಲ್ಲಿದ್ದ ಭಾರತ ತಂಡಕ್ಕೆ ನಾಯಕರಾಗಿದ್ದರು. ಅಂದು ಕೆಲವು ಆಟಗಾರರು ಚುಟುಕು ವಿಶ್ವಕಪ್‌ ಆಡಲು ಇಂಗ್ಲೆಂಡ್‌ನಿಂದ ನೇರವಾಗಿ ಜೋಹಾನ್ಸ್‌ಬರ್ಗ್‌ಗೆ ಪ್ರಯಾಣ ಬೆಳೆಸಿದ್ದರು. ಅಂದು ಅವರು ವಿಶ್ವಕಪ್‌ ಟೂರ್ನಿಗೆ ಯುವ ಆಟಗಾರರಿಗೆ ಅವಕಾಶ ನೀಡುವಂತೆ ಹೇಳಿದ್ದರು. ನಂತರ, ಭಾರತ ವಿಶ್ವಕಪ್‌ ಗೆಲುವಿನ ಬಳಿಕ ಸಚಿನ್‌ 'ಹಲವು ವರ್ಷಗಳಿಂದ ಭಾರತ ತಂಡದಲ್ಲಿ ಆಡುತ್ತಿದ್ದೇನೆ. ಒಮ್ಮೆಯೂ ನಾನು ವಿಶ್ವಕಪ್‌ ಗೆಲ್ಲಲು ಸಾಧ್ಯವಾಗಿಲ್ಲ'ವೆಂದು ನನಗೆ ಆಗಾಗ ಹೇಳಿ ಪಶ್ಚಾತಾಪ ಪಡುತ್ತಿದ್ದರು," ಎಂದು ಲಾಲ್‌ಚಂದ್‌ ತಿಳಿಸಿದರು. ಮಹೇಂದ್ರ ಸಿಂಗ್‌ ಧೋನಿ ಮೊದಲ ಬಾರಿ ನೀಡಿದ್ದ ನಾಯಕತ್ವವನ್ನು ಸಂಪೂರ್ಣವಾಗಿ ಸದುಪಯೋಗಪಡಿಸಿಕೊಂಡರು. ನಿರ್ಣಾಯಕ ಸನ್ನಿವೇಶಗಳಲ್ಲಿ ತೆಗೆದುಕೊಳ್ಳುವ ನಿರ್ಧಾರ ಹಾಗೂ ತಮ್ಮ ಶಾಂತ ಸ್ವಭಾವದ ನಾಯಕತ್ವ ಇಡೀ ವಿಶ್ವದ ಗಮನ ಸೆಳೆಯಿತು. ಎಂ.ಎಸ್‌ ಧೋನಿ ನಾಯಕತ್ವದ ಬಗ್ಗೆ ವಿಶ್ಲೇಷಿಸಿದ ರಜಪೂತ್‌, ಭವಿಷ್ಯದಲ್ಲಿ ಭಾರತ ತಂಡದ ಯಶಸ್ವಿ ನಾಯಕರಲ್ಲಿ ಒಬ್ಬರಾಗುತ್ತಾರೆ ಎಂದು ಭವಿಷ್ಯ ನುಡಿದಿದ್ದರು. " ಪ್ರಾಮಾಣಿಕವಾಗಿ ಹೇಳಬೇಕಾದರೆ ಎಂ.ಎಸ್‌ ಧೋನಿ ಶಾಂತ ಸ್ವಭಾವದವರು. ನಾಯಕನಾಗಿ ಆಲೋಚಿಸುತ್ತಿದ್ದ ಅವರು, ಎದುರಾಳಿ ತಂಡವನ್ನು ಎರಡು ಹಂತಗಳಲ್ಲಿ ಯೋಚನೆ ಮಾಡುತ್ತಿದ್ದರು. ಮಾಜಿ ನಾಯಕರಾದ ಸೌರವ್‌ ಗಂಗೂಲಿ ಹಾಗೂ ರಾಹುಲ್‌ ದ್ರಾವಿಡ್ ಅವರ ಮಿಶ್ರಣ ಅವರಲ್ಲಿತ್ತು. ಆಟಗಾರರಿಗೆ ವಿಶ್ವಾಸ ತುಂಬುತ್ತಿದ್ದ ಸೌರವ್‌ ಗಂಗೂಲಿ, ಭಾರತ ತಂಡದ ಆಲೋಚನೆಯನ್ನೇ ಬದಲಿಸಿದ್ದರು, ಇದನ್ನು ಎಂ.ಎಸ್‌ ಧೋನಿ ಮುಂದುವರಿಸುವ ಮೂಲಕ ಯುವ ಆಟಗಾರರಿಗೆ ಅವಕಾಶ ನೀಡುತ್ತಿದ್ದರು ಹಾಗೂ ಯಾರಲ್ಲಾದರೂ ಉತ್ತಮ ಪ್ರತಿಭೆ ಇದ್ದರೆ, ಅವರಿಗೆ ಅವಕಾಶ ಕಲ್ಪಿಸುತ್ತಿದ್ದರು. ಧೋನಿ ಎಂದಿಗೂ ತಪ್ಪಿಸಿಕೊಳ್ಳುವ ಮನೋಭಾವವನ್ನು ತೋರಿಸಲಿಲ್ಲ, ಇದು ಆಟಗಾರರು ತಂಡಕ್ಕೆ ಅತ್ಯುತ್ತಮವಾದದನ್ನು ನೀಡಲು ಸಹಾಯವಾಯಿತು," ಎಂದು ಲಾಲ್‌ಚಂದ್‌ ರಜಪೂತ್‌ ಕೂಲ್‌ ಕ್ಯಾಪ್ಟನ್‌ರನ್ನು ಶ್ಲಾಘಿಸಿದರು.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3eLa9M4

ಸಾಮಾಜಿಕ ಅಂತರವಿಲ್ಲ, ಕೆಲವರು ಮಾಸ್ಕ್ ಕೂಡ ಧರಿಸಿಲ್ಲ! ಕಾಂಗ್ರೆಸ್ ಪ್ರತಿಭಟನೆಗೆ ವ್ಯಾಪಕ ಆಕ್ರೋಶ

ಬೆಂಗಳೂರು: ಪೆಟ್ರೋಲ್, ಡಿಸೀಲ್‌ ದರ ಏರಿಕೆಯ ವಿರುದ್ಧವಾಗಿ ಕಾಂಗ್ರೆಸ್ ಸೋಮವಾರ ಬೆಂಗಳೂರಿನಲ್ಲಿ ಪ್ರತಿಭಟನೆ ನಡೆಸುತ್ತಿದೆ. ಸೈಕಲ್ ಸವಾರಿ ಮಾಡುವ ಮೂಲಕ ಕೇಂದ್ರ ಸರ್ಕಾರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸುತ್ತಿದೆ. ಕೊರೊನಾ ಸಂಕಷ್ಟದ ಈ ಸಂದರ್ಭದಲ್ಲಿ ಪ್ರತಿಭಟನೆಯಲ್ಲಿ ಸಾಮಾಜಿಕ ಅಂತರ ಪಾಲನೆ ಮಾಡದ ಮೂಲಕ ಬೇಜಾವಾಬ್ದಾರಿ ಮೆರೆದಿದ್ದಾರೆ ಕಾಂಗ್ರೆಸ್ ನಾಯಕರು. ಕಾಂಗ್ರೆಸ್ ಈ ನಡೆಗೆ ವ್ಯಾಪಕ ಆಕ್ರೋಶ ವ್ಯಕ್ತವಾಗುತ್ತಿದೆ. ಕೇಂದ್ರದ ವಿರುದ್ಧ ಬೆಂಗಳೂರಿನ ಮಿನ್ಸ್ ಸ್ಕ್ವೇರ್ ವೃತ್ತದ ಆದಾಯ ತೆರಿಗೆ ಕಟ್ಟಡದ ಮುಂಭಾಗದಲ್ಲಿ ಕಾಂಗ್ರೆಸ್‌ನಿಂದ ಧರಣಿ ನಡೆಯುತ್ತಿದೆ. ಪ್ರತಿಭಟನೆಯಲ್ಲಿ ನೂರಾರು ಸಂಖ್ಯೆಯ ಜನರು ಭಾಗಿಯಾಗಿದ್ದಾರೆ. ಆದರೆ ಎಲ್ಲೂ ಸಾಮಾಜಿಕ ಅಂತರವನ್ನು ಪಾಲನೆ ಮಾಡಿಲ್ಲ. ಕೆಪಿಸಿಸಿ ಕಚೇರಿಯ ಮುಂಭಾಗದಲ್ಲಿ ಜನ ಜಾತ್ರೆ ಸೇರಿದ್ದು ಕೊರೊನಾ ಮುಂಜಾಗರೂಕತೆಯನ್ನು ಸಂಪೂರ್ಣ ನಿರ್ಲಕ್ಷ್ಯ ಮಾಡಲಾಗಿದೆ. ಪ್ರತಿಭಟನೆಯಲ್ಲಿ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ ಶಿವಕುಮಾರ್‌, ವಿರೋಧ ಪಕ್ಷದ ನಾಯಕ ಸಿದ್ದರಾಮಯ್ಯ ಅವರು ಭಾಗಿಯಾಗಿದ್ದಾರೆ. ಹೀಗಿದ್ದರೂ ಅಂತರ ಮರೆತು ಪ್ರತಿಭಟನೆ ನಡೆಸಿರುವುದು ಹಾಗೂ ಭಾರೀ ಸಂಖ್ಯೆಯಲ್ಲಿ ಜನರು ಜಮಾವಣೆಗೊಂಡಿರುವುದಕ್ಕೆ ವಿರೋಧಗಳು ವ್ಯಕ್ತವಾಗುತ್ತಿದೆ. ರಾಜ್ಯದಲ್ಲಿ ಕೊರೊನಾ ಸೋಂಕು ತೀವ್ರವಾಗಿ ಹರಡುತ್ತಿದೆ. ಇಂತಹ ಸಂರ್ಭದಲ್ಲಿ ಜಾವಾಬ್ದಾರಿಯುತ ವಿರೋಧ ಪಕ್ಷವಾಗಿ ಕಾಂಗ್ರೆಸ್ ನಡೆದಿಕೊಂಡಿರುವ ರೀತಿಯನ್ನು ಹಲವರು ಖಂಡಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲೂ ಭಾರೀ ವಿರೋಧ ವ್ಯಕ್ತವಾಗುತ್ತಿದೆ.

from India & World News in Kannada | VK Polls https://ift.tt/2B9ge6J

ನಿಯಂತ್ರಣಕ್ಕೆ ಸಿಗದ ಕೊರೊನಾ, ರಾಜ್ಯ ಸರ್ಕಾರದ ವೈಫಲ್ಯಗಳಿಗೆ ಇಲ್ಲಿವೆ ಉದಾಹರಣೆ!

ರಾಜ್ಯದಲ್ಲಿ ಕೊರೊನಾ ಸೋಂಕು ಅಟ್ಟಹಾಸ ಮೆರೆಯುತ್ತಿದೆ. ಕೊರೊನಾ ಬಹುತೇಕ ಸಮುದಾಯಕ್ಕೆ ಹರಡುವ ಹಂತದಲ್ಲಿದೆ. ರಾಜ್ಯದಲ್ಲಿ ಭಾನುವಾರ ಒಂದೇ ದಿನ 1267 ಪ್ರಕರಣಗಳು ಪತ್ತೆಯಾಗಿವೆ. ಈ ಮೂಲಕ ಕರ್ನಾಟಕದಲ್ಲಿ ಸೋಂಕಿತರ ಸಂಖ್ಯೆ 13,190 ಕ್ಕೆ ತಲುಪಿದೆ. ಅದರಲ್ಲೂ ಬೆಂಗಳೂರು ನಗರದಲ್ಲಿ ಸೋಂಕಿತರ ಸಂಖ್ಯೆಯಲ್ಲಿ ತೀವ್ರ ಸ್ವರೂಪದಲ್ಲಿ ಏರಿಕೆ ಕಾಣುತ್ತಿರುವುದು ಆತಂಕ ಮೂಡಿಸಿದೆ. ಸೋಂಕು ನಿಯಂತ್ರಣಕ್ಕೆ ಸರ್ಕಾರ ಸಜ್ಜಾಗಿದೆ ಎಂದು ಮುಖ್ಯಮಂತ್ರ ಬಿ.ಎಸ್ ಯಡಿಯೂರಪ್ಪ ಹಾಗೂ ಅವರ ಸಂಪುಟದ ಸಚಿವರು ಹೇಳಿಕೆಗಳನ್ನು ನೀಡುತ್ತಿದ್ದಾರೆ. ದಿನದಿಂದ ದಿನಕ್ಕೆ ಹೊಸ ಆದೇಶಗಳು ಹೊರಬೀಳುತ್ತಿವೆ. ಭಾನುವಾರ ಸಂಪೂರ್ಣ ಲಾಕ್‌ಡೌನ್ ಜಾರಿಗೊಳಿಸಲಾಗಿದೆ. ಪ್ರತಿದಿನ ರಾತ್ರಿ 8 ರಿಂದ ಬೆಳಗ್ಗೆ 5 ರ ವರೆಗೆ ಕರ್ಫ್ಯೂ ಜಾರಿಗೆ ಬಂದಿದೆ. ಆದರೆ ಇದರಿಂದ ಕೊರೊನಾ ನಿಯಂತ್ರಣ ಸಾಧ್ಯನಾ ಎಂಬ ಪ್ರಶ್ನೆಯೂ ಕಾಡುತ್ತಿದೆ. ಸದ್ಯದ ಪರಿಸ್ಥಿತಿಗೆ ಜನರು ಕಾರಣ ಎಂದು ಸರ್ಕಾರ ಹೇಳುತ್ತಿದೆ. ಆದರೆ ಸರ್ಕಾರ ವೈಫಲ್ಯಗಳು ಸೋಂಕು ಹರಡಲು ಹೇಗೆ ಕಾರಣವಾಗಿದೆ ಎಂಬ ಚರ್ಚೆಯೂ ನಡೆಯಬೇಕಾಗಿದೆ.

ಪ್ರಕರಣ ನಂ.1 :

ಬೆಂಗಳೂರಿನ 70 ವರ್ಷದ ನಿವಾಸಿಯೊಬ್ಬರಿಗೆ ಕೆಲ ದಿನಗಳ ಹಿಂದೆ ಸೋಂಕು ಲಕ್ಷಣಗಳು ಕಾಣಿಸಿಕೊಳ್ಳುತ್ತದೆ. ತಪಾಸಣೆ ಮಾಡಿದಾಗ ಅವರಿಗೆ ಕೊರೊನಾ ದೃಢಪಡುತ್ತದೆ. ಈ ಹಿನ್ನೆಲೆಯಲ್ಲಿ ಅವರು ನಗರದ ವಿಕ್ಟೋರಿಯಾದಲ್ಲಿ ಚಿಕಿತ್ಸೆಗಾಗಿ ದಾಖಲಾಗುತ್ತಾರೆ. ಆದರೆ ಅವರ ಮನೆಯವರನ್ನು ತಪಾಸಣೆ ನಡೆಸುತ್ತೇವೆ ಎಂದು ಆಸ್ಪತ್ರೆಯ ಸಿಬ್ಬಂದಿ ಹಾಗೂ ಬಿಬಿಎಂಪಿ ಅಧಿಕಾರಿಗಳು ತಿಳಿಸಿದ್ದರು. ಆದರೆ ಕೊನೆಗೂ ಯಾರೂ ಬಂದಿಲ್ಲ. ಈ ಹಿನ್ನೆಲೆಯಲ್ಲಿ ಸೋಂಕಿತರ ಕುಟುಂಬಸ್ಥರು ಸ್ವತಃ ತಾವೇ ಖಾಸಗಿ ಆಸ್ಪತ್ರೆಗೆ ಹೋಗಿ ಸೋಂಕು ತಪಾಸಣೆಯನ್ನು ಮಾಡಬೇಕಾಯಿತು

ಪ್ರಕರಣ ನಂ 2:

ನಗರದ ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ ಕೊರೊನಾ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದ ವ್ಯಕ್ತಿಗಳಲ್ಲಿ ಗುಣಮುಖರಾಗಿ ಮನೆಗೆ ಹೋದ ಬಳಿಕವೂ ಸೋಂಕು ಕಾಣಿಸಿಕೊಂಡಿದೆ. ಗುಣಮುಖರಾದ ರೋಗಿಗಳನ್ನು ಹೊಸ ರೋಗಿಗಳ ಜೊತೆಗೆ ಪ್ರತ್ಯೇಕಿಸುವ ವ್ಯವಸ್ಥೆ ಆಸ್ಪತ್ರೆಯಲ್ಲಿ ಇಲ್ಲ. ಇದರಿಂದ ಕೊನೆಯ ಹಂತದಲ್ಲಿ ಮತ್ತೆ ಇತರ ರೋಗಿಗಳ ಸಂಪರ್ಕದ ಪರಿಣಾಮ ಗುಣಮುಖರಾದ ಸೋಂಕಿತರೂ ಮತ್ತೆ ಸೋಂಕಿಗೆ ತುತ್ತಾದ ಉದಾಹರಣೆಗಳು ಇವೆ.

ಪ್ರಕರಣ ನಂ 3:

ಕೆಲ ದಿನಗಳ ಹಿಂದೆ ಗಲ್ಫ್‌ ರಾಷ್ಟ್ರದಿಂದ ಇಬ್ಬರು ಮಂಗಳೂರಿಗೆ ಬಂದಿದ್ದರು. ಅವರಿಬ್ಬರನ್ನು ನಗರದ ಹೋಟೆಲ್‌ ಒಂದರಲ್ಲಿ ಸಾಂಸ್ಥಿಕ ಕ್ವಾರಂಟೈನ್‌ನಲ್ಲಿ ಇಡಲಾಗಿತ್ತು. ಒಂದೇ ಕೋಣೆಯಲ್ಲಿ ಅವರಿಬ್ಬರು ಕ್ವಾರಂಟೈನ್‌ನಲ್ಲಿ ಇದ್ದರು. 7 ದಿನಗಳ ಸಾಂಸ್ಥಿಕ ಕ್ವಾರಂಟೈನ್ ಅವಧಿ ಮುಕ್ತಾಯವಾಗುವ ಮುನ್ನ ನಡೆದ ಕೊರೊನಾ ತಪಾಸಣೆಯಲ್ಲಿ ಒಬ್ಬನಲ್ಲಿ ಸೋಂಕು ಕಾಣಿಸಿಕೊಂಡಿದೆ. ಕೂಡಲೇ ಆತನನ್ನು ಕೋವಿಡ್‌ ಚಿಕಿತ್ಸಾ ಆಸ್ಪತ್ರೆಗೆ ದಾಖಲಿಸಿಕೊಳ್ಳಲಾಗಿದೆ. ಆದರೆ ಆತನ ಜೊತೆಗಿದ್ದ ವ್ಯಕ್ತಿಯನ್ನು ಮನೆಗೆ ಕಲುಹಿಸಿಕೊಡಲಾಗಿದೆ. ಏಳು ದಿನಗಳ ಕಾಲ ಹೋಂ ಕ್ವಾರಂಟೈನ್‌ನಲ್ಲಿ ಇರುವಂತೆ ಸೂಚನೆ ನೀಡಲಾಗಿದೆ. ಆದರೆ ಸೋಂಕು ದೃಢಪಟ್ಟ ವ್ಯಕ್ತಿಯ ಜೊತೆಗೆ ಈ ವ್ಯಕ್ತಿಯೂ ಇದ್ದ ಕಾರಣಕ್ಕಾಗಿ ಇವರ ಮೇಲೆ ವಿಶೇಷ ನಿಗಾವಾಗಲಿ ಹಾಗೂ ಹೆಚ್ಚುವರಿಗೆ ಸಾಂಸ್ಥಿಕ ಕ್ವಾರಂಟೈನ್ ಆಗಲಿ ಮಾಡಿಲ್ಲ.

ಪ್ರಕರಣ ನಂ 4:

ಮಂಗಳೂರು ಮೂಲದ ಪ್ರೊಫೆಸರ್‌ ಒಬ್ಬರು ಕೊರೊನಾ ಹಾಟ್‌ಸ್ಟಾಪ್‌ನಿಂದ ಮಂಗಳೂರಿಗೆ ಜೂನ್ 3 ರಂದು ಮಂಗಳೂರಿಗೆ ಆಗಮಿಸುತ್ತಾರೆ. ಖಾಸಗಿ ವಾಹನದ ಮೂಲಕ ಮಂಗಳೂರಿಗೆ ಆಗಮಿಸಿದ ಅವರನ್ನು ತಮಿಳುನಾಡು ಹಾಗೂ ಕರ್ನಾಟಕ ಗಡಿಯಲ್ಲಿ ಪರಿಶೀಲನೆ ನಡೆಸಿದ ಅಧಿಕಾರಿಗಳು 15 ದಿನಗಳ ಕಾಲ ಹೋಂ ಕ್ವಾರಂಟೈನ್‌ನಲ್ಲಿ ಇರುವಂತೆ ಸೂಚನೆ ನೀಡುತ್ತಾರೆ. ಆದರೆ ಇವರು ಬಂದ ಬಳಿಕ ಜಿಲ್ಲೆಯ ಅಧಿಕಾರಿಗಳು ಆಗಲು ಆರೋಗ್ಯ ಸಿಬ್ಬಂದಿಯಾಗಲಿ ಯಾವುದೇ ಫೋನ್ ಕರೆ ಮಾಡಿಲ್ಲ. ಕ್ವಾರಂಟೈನ್‌ನಲ್ಲಿ ಇದ್ದಾರೋ ಇಲ್ಲವೋ ಎಂಬುವುದನ್ನು ಪರಿಶೀಲನೆ ನಡೆಸಿಲ್ಲ.

ಈ ಮೇಲಿನವು ಕೆಲವೊಂದು ಉದಾಹರಣೆಗಳುಮಾತ್ರ. ಇಂತಹಾ ಹಲವಾರು ತಪ್ಪುಗಳು ನಡೆಯುತ್ತಿವೆ. ಸೋಂಕಿತರ ಕ್ವಾರಂಟೈನ್, ಚಿಕಿತ್ಸಾ ವಿಧಾನಗಳಲ್ಲಿ ಹಲವಾರು ತಪ್ಪುಗಳು ಸೋಂಕು ಹೆಚ್ಚಳವಾಗಲು ಕಾರಣವಾಗುತ್ತಿವೆ ಎಂಬ ಅಭಿಪ್ರಾಯಗಳು ವ್ಯಕ್ತವಾಗುತ್ತಿವೆ. ಆರಂಭದ ದಿನಗಳಲ್ಲಿ ಸೋಂಕು ನಿಯಂತ್ರಣಕ್ಕೆ ಸರ್ಕಾರ ಕೆಲವೊಂದು ಕಟ್ಟುನಿಟ್ಟಿನ ಕ್ರಮಗಳನ್ನು ಕೈಗೊಂಡಿತ್ತು. ಆದರೆ ದಿನಕಳೆದಂತೆ ಇವುಗಳು ಸಡಿಲಗೊಳ್ಳುತ್ತಾ ಬಂದವು. ಪ್ರಾಯೋಗಿಕವಲ್ಲದ ನಿರ್ಧಾರಗಳು ಹಾಗೂ ಪದೇ ಪದೇ ಬದಲಾಗುತ್ತಿರುವ ಆದೇಶಗಳು ಸರ್ಕಾರದ ಬಗ್ಗೆ ಜನರಲ್ಲೂ ಗೊಂದಲ ಮೂಡಲು ಕಾರಣವಾಗಿದೆ.

“ರಾಜ್ಯದಲ್ಲಿ ಕೊರೊನಾ ನಿಯಂತ್ರಣ ಮಾಡುವಲ್ಲಿ ಸರ್ಕಾರ ಸಂಪೂರ್ಣ ವಿಫಲವಾಗಿದೆ. ಒಂದು ತಿಂಗಳ ಹಿಂದೆ ಸಂಪೂರ್ಣ ಕೈಎತ್ತಿ ಬಿಟ್ಟಿದೆ. ಯಾವುದೇ ಸಿದ್ಧತೆ ಇಲ್ಲದಿರುವುದು ಸದ್ಯದ ಬೆಳವಣಿಗೆಗಳನ್ನು ನೋಡಿದಾಗ ಸ್ಪಷ್ಟವಾಗುತ್ತದೆ” ಎನ್ನುತ್ತಾರೆ ಸಾಮಾಜಿಕ ಹೋರಾಟಗಾರ ರವಿಕೃಷ್ಣಾ ರೆಡ್ಡಿ. ರಾಜಕೀಯ ನಾಯಕರ ವೈಫಲ್ಯ ಹಾಗೂ ರಾಜಕೀಯ ನಾಯಕರ ನಡೆಗಳು ಸದ್ಯದ ಪರಿಸ್ಥಿತಿಗೆ ಕಾರಣವಾಗಿವೆ ಎಂದು ಅವರು ಆರೋಪಿಸುತ್ತಾರೆ.

ಕೊರೊನಾ ಸೋಂಕು ನಿಯಂತ್ರಣ ಮಾಡಲು ಕೇವಲ ವಿಶ್ವ ಆರೋಗ್ಯ ಸಂಸ್ಥೆಯ ಗೈಡ್‌ ಲೈನ್‌ ಪಾಲನೆ ಮಾತ್ರ ಸಾಲದು. ವಾಸ್ತವವಾಗಿ ಆಡಗುತ್ತಿರುವ ಅಡೆತಡೆಗಳತ್ತ ಸರ್ಕಾರ ಗಮನ ಹರಿಸಬೇಕಾಗಿದೆ. ತಜ್ಞರ ಸಭೆಯನ್ನು ಕರೆದು ವಾಸ್ತವ ಸಮಸ್ಯೆಳ ಕುರಿತಾಗಿ ಚರ್ಚೆ ನಡೆಸಬೇಕಾಗಿದೆ. ಪ್ರಾಯೋಗಿಕವಾಗಿ ನಮ್ಮಲ್ಲಿ ಆಗುತ್ತಿರುವ ಸಮಸ್ಯೆಗಳ ಕುರಿತಾಗಿ ಚರ್ಚಿಸಿ ಅದನ್ನು ಸರಿಪಡಿಸಲು ಮುಂದಾಗಬೇಕಾಗಿದೆ. ಇತರ ರಾಜ್ಯಗಳು ಹಾಗೂ ದೇಶಗಳಲ್ಲಿ ನಡೆದ ತಪ್ಪು ಹೆಜ್ಜೆಗಳು, ನಿರ್ಧಾರಗಳು ನಮಗೆ ಪಾಠವಾಗಬೇಕಾಗಿದೆ. ಈ ನಿಟ್ಟಿನಲ್ಲಿ ವೈಜ್ಞಾನಿಕವಾಗಿ ವಾಸ್ತವವನ್ನು ಅರಿತು ಸರ್ಕಾರ ಹೆಜ್ಜೆ ಇಡಬೇಕಾಗಿದೆ.

from India & World News in Kannada | VK Polls https://ift.tt/3ieg9Pw

ಹಿಜ್ಬುಲ್ ಕಮಾಂಡರ್ ಹತ: ದೋಡಾ ಜಿಲ್ಲೆ ಭಯೋತ್ಪಾದನೆ ಮುಕ್ತ ಎಂದು ಘೋಷಣೆ!

ಶ್ರೀನಗರ: ಕಣಿವೆಯಲ್ಲಿ ಪೊಲೀಸರ ಭಯೋತ್ಪಾದನಾ ವಿರೋಧಿ ಕಾರ್ಯಾಚರಣೆಗೆ ಭಾರೀ ಯಶಸ್ಸು ಸಿಕ್ಕಿದ್ದು, ಕುಖ್ಯಾತ ಭಯೋತ್ಪಾದಕ ಸಂಘಟನೆ ಹಿಜ್ಬುಲ್ ಮುಜಾಹೀದ್ದೀನ್ ಸಂಘಟನೆಯ ಕಮಾಂಡರ್‌ವೋರ್ವ ಹತನಗಿದ್ದಾನೆ. ಹಿಜ್ಬುಲ್ ಉಗ್ರ ಸಂಘಟನೆಯ ಕಮಾಂಡರ್ ಮಸೂದ್ ಅಹ್ಮದ್ ಭಟ್ ಹಾಗೂ ಉಳಿದ ಇಬ್ಬರು ಭಯೋತ್ಪಾದಕರನ್ನು ಅನಂತನಾಗ್ ಜಿಲ್ಲೆಯಲ್ಲಿ ನಡೆದ ಎನ್‌ಕೌಂಟರ್‌ನಲ್ಲಿ ಹತ್ಯೆ ಮಾಡಲಾಗಿದೆ. ಇಲ್ಲಿನ ಕುಲ್ಚೋರ್‌ನಲ್ಲಿ ಅಡಗಿ ಕುಳಿತಿದ್ದ ಹಿಜ್ಬುಲ್ ಕಮಾಂಡರ್ ಮಸೂದ್ ಅಹ್ಮದ್ ಭಟ್ ಹಾಗೂ ಇತರ ಇಬ್ಬರು ಉಗ್ರರನ್ನು ಹೊಡೆದುರುಳಿಸಲಾಗಿದೆ ಎಂದು ಕಣಿವೆಯ ಇಲಾಖೆ ಸ್ಪಷ್ಟಪಡಿಸಿದೆ. ಇನ್ನು ಮಸೂದ್ ಅಹ್ಮದ್ ಭಟ್‌ ಸಾವಿನಿಂದಾಗಿ ಕಣಿವೆಯ ಸಂಪೂರ್ಣವಾಗಿ ಭಯೋತ್ಪಾದನೆಯಿಂದ ಮುಕ್ತವಾಗಿದೆ ಎಂದು ಪೊಲೀಸರು ಘೋಷಣೆ ಮಾಡಿದ್ದಾರೆ. ದೋಡಾ ಜಿಲ್ಲೆಯ ಎಲ್ಲಾ ಪ್ರಮುಖ ಭಯೋತ್ಪಾದಕರನ್ನು ಎನ್‌ಕೌಂಟರ್‌ನಲ್ಲಿ ಹೊಡೆದುರುಳಿಸಲಾಗಿದ್ದು, ಜಿಲ್ಲೆ ಇದೀಗ ಸಂಪೂರ್ಣವಾಗಿ ಉಗ್ರವಾದದಿಂದ ಮುಕ್ತಿ ಪಡೆದಿದೆ ಎಂದು ಕಣಿವೆಯ ಪೊಲೀಸ್ ಮುಖ್ಯಸ್ಥ ಡಿಜಿಪಿ ದಿಲ್‌ಬಾಗ್ ಸಿಂಗ್ ಸ್ಪಷ್ಟಪಡಿಸಿದ್ದಾರೆ. ಸೇನೆ, ಪೊಲೀಸ್ ಹಾಗೂ ಸಿಆರ್‌ಪಿಎಫ್ ಜಂಟಿ ಕಾರ್ಯಾಚರಣೆಯಲ್ಲಿ ಹಿಜ್ಬುಲ್ ಕಮಾಂಡರ್ ಮಸೂದ್ ಅಹ್ಮದ್ ಭಟ್ ಹಾಗೂ ಉಳಿದ ಇಬ್ಬರು ಉಗ್ರರನ್ನು ಹೊಡೆದುರುಳಿಸಲಾಗಿದೆ.

from India & World News in Kannada | VK Polls https://ift.tt/38li14R

ಜುಲೈ ಅಂತ್ಯಕ್ಕೆ ಪಿಯು, ಆಗಸ್ಟ್ ಮೊದಲ ವಾರದಲ್ಲಿ ಎಸ್ಸೆಸ್ಸೆಲ್ಸಿ ಫಲಿತಾಂಶ: ಸುರೇಶ್‌ ಕುಮಾರ್‌

ಚಿಕ್ಕಬಳ್ಳಾಪುರ: ರಾಜ್ಯದಲ್ಲಿ ಎಸ್‌ಎಸ್‌ಎಲ್‌ಸಿ ಪರೀಕ್ಷೆ ಸುಸೂತ್ರವಾಗಿ ನಡೆಯುತ್ತಿದೆ. ಜುಲೈ ಅಂತ್ಯಕ್ಕೆ ಪಿಯುಸಿ ಪರೀಕ್ಷೆ ಫಲಿತಾಂಶ ಹಾಗೂ ಆಗಸ್ಟ್‌ ಮೊದಲ ವಾರದಲ್ಲಿ ಪ್ರಕಟವಾಗಲಿದೆ ಎಂದು ಎಸ್‌ ತಿಳಿಸಿದ್ದಾರೆ. ಚಿಕ್ಕಬಳ್ಳಾಪುರದಲ್ಲಿ ಎಸ್ಎಸ್‌ಎಲ್‌ಸಿ ಪರೀಕ್ಷಾ ಕೇಂದ್ರಗಳಿಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದರು. ರಾಜ್ಯದಲ್ಲಿ ಎಸ್ಸೆಸ್ಸೆಲ್ಸಿ ಪರೀಕ್ಷೆ‌ ಸುಸೂತ್ರವಾಗಿ ನಡೆಯುತ್ತಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಮಕ್ಕಳ ಗೈರು ಹಾಜರಿಯಲ್ಲಿ‌ ಅಷ್ಟೊಂದು‌ ವ್ಯತ್ಯಾಸ‌ ಆಗಿಲ್ಲ. ಮಕ್ಕಳಿಗೆ‌ ಪರೀಕ್ಷಾ ಕೇಂದ್ರಗಳು ಸುರಕ್ಷಿತ ಕೇಂದ್ರಗಳಾಗಿವೆ ಎಂದರು. ಪಿಯುಸಿ ಪರೀಕ್ಷೆ ಫಲಿತಾಂಶವನ್ನು ಜುಲೈ ಅಂತ್ಯಕ್ಕೆ ಹಾಗೂ ಎಸ್‌ಎಸ್‌ಎಲ್‌ಸಿ ಪರೀಕ್ಷೆ ಫಲಿತಾಂಶವನ್ನು ಪ್ರಕಟಿಸಲು ಎಲ್ಲ ಸಿದ್ಧತೆ ಮಾಡಿಕೊಳ್ಳಲಾಗಿದೆ ಎಂದು ಶಿಕ್ಷಣ ಸಚಿವರು ತಿಳಿಸಿದರು. ಮಕ್ಕಳು‌ ಉತ್ಸಾಹದಿಂದ ಪರೀಕ್ಷೆ ಬರೆಯುತ್ತಿದ್ದಾರೆ. ಕೇಂದ್ರ ಸರಕಾರದ ಮಾರ್ಗಸೂಚಿಯಂತೆ ರಾಜ್ಯದಲ್ಲಿ ಆನ್ ಲೈನ್ ಶಿಕ್ಷಣ ಪದ್ಧತಿ ಅನುಷ್ಠಾನಕ್ಕೆ ತರಲಾಗುವುದು ಎಂದು ಸಚಿವರು ಮಾಹಿತಿ ನೀಡಿದರು. ಅದಕ್ಕೂ ಮೊದಲು ರಾಜ್ಯದ ಹಿನ್ನಲೆ ಗಮನದಲ್ಲಿ ಇಟ್ಟುಕೊಂಡು ಜತೆಗೆ ತಜ್ಞರ ಅಭಿಪ್ರಾಯ ಪಡೆದ ನಂತರ‌ ಯಾವ ರೀತಿಯಲ್ಲಿ ಆನ್ ಲೈನ್ ಶಿಕ್ಷಣ ‌ಜಾರಿಗೆ ತರಬೇಕು‌ ಎಂಬುದನ್ನು‌ ನಿರ್ಧರಿಸುತ್ತೇವೆ ಎಂದು ಸುರೇಶ್‌ ಕುಮಾರ್‌ ತಿಳಿಸಿದರು.

from India & World News in Kannada | VK Polls https://ift.tt/3ibB6uF

ಅಕ್ರಮ ಸಂಬಂಧದ ಕಾರಣಕ್ಕೆ ಪತಿಯನ್ನು ಕೊಂದ ಪತ್ನಿ: ಮಲಗಿದ್ದಲ್ಲೇ ಸತ್ತ ಎಂದು ಕತೆ ಕಟ್ಟಿದ್ದ ಚಾಲಾಕಿ!

ಹೈದರಾಬಾದ್: ಪಾರ್ಟನರ್ಸ್ ಇನ್ ಕ್ರೈಮ್ ಅಂತಾರಲ್ಲಾ, ಇದು ಒಂದು ರೀತಿಯಲ್ಲಿ ಅದೇ ಕತೆ. ಬರೋಬ್ಬರಿ 500 ಕೋಟಿ ರೂ. ಹಗರಣದ ಆರೋಪಿಯೊಬ್ಬ ಅಕ್ರಮ ಸಂಬಂಧದ ಕಾರಣಕ್ಕೆ ತನ್ನ ಪತ್ನಿಯಿಂದಲೇ ಕೊಲೆಗೀಡಾದ ವಿಚಿತ್ರ ಕತೆ ಇದು. ತಮಿಳುನಾಡಿನಲ್ಲಿ ಬರೋಬ್ಬರಿ 500 ಕೋಟಿ ರೂ. ಹಗರಣದಲ್ಲಿ ಪ್ರಮುಖ ಆರೋಪಿಯಾಗಿದ್ದ ಮೆಲಂಗೆ ಜಾನ್ ಪ್ರಭಾಕರನ್ ಎಂಬಾತನನ್ನು 2013ರಲ್ಲಿ ಬಂಧಿಸಲಾಗಿತ್ತು. ಹಗರಣದಲ್ಲಿ ಪತಿಗೆ ಜೊತೆಯಾಗಿದ್ದ ಪತ್ನಿ ಮೆಲಂಗೆ ಸುಕನ್ಯಾಳನ್ನೂ ಪೊಲೀಸರು ಬಂಧಿಸಿದ್ದರು. ಆದರೆ ಕೆಲವೇ ತಿಂಗಳಲ್ಲಿ ಜಾಮೀನಿನ ಮೇಲೆ ಬಿಡುಗಡೆಯಾಗಿ ಹೊರಬಂದ ಜಾನ್ ಪ್ರಭಾಕರನ್, ತೆಲಂಗಾಣ ರಾಜಧಾನಿ ಹೈದರಾಬಾದ್‌ನಲ್ಲಿ ನೆಲೆಸಿದ್ದ. ಆದರೆ ಪತ್ನಿ ಸುಕನ್ಯಾ ಮಾತ್ರ 2018ರವರೆಗೆ ಜೈಲುಶಿಕ್ಷೆ ಅನುಭವಿಸಿದ್ದಳು. ಅದರಂತೆ ಕಳೆದ ಜೂನ್ 15ರಂದು ಪತಿ ನೆಲೆಸಿರುವ ಹೈದರಾಬಾದ್‌ಗೆ ಬಂದ ಸುಕನ್ಯಾಳಿಗೆ, ಪತಿ ಮತ್ತೋರ್ವ ಮಹಿಳೆಯೊಂದಿಗೆ ಅಕ್ರಮ ಸಂಬಂಧ ಹೊಂದಿರುವುದು ಗೊತ್ತಾಗಿದೆ. ಅಲ್ಲದೇ ಮರಳಿ ತಮಿಳುನಾಡಿಗೆ ಹೋಗುವಂತೆ ಸುಕನ್ಯಾಳ ಮೇಲೆ ಒತ್ತಾಯ ಹೇರಿದ ಪ್ರಭಾಕರನ್, ಜೀವ ಬೆದರಿಕೆಯನ್ನೂ ಹಾಕಿದ್ದಾನೆ ಎನ್ನಲಾಗಿದೆ. ಇದರಿಂದ ಕುಪಿತಗೊಂಡ ಸುಕನ್ಯಾ, ಆತನನ್ನು ಕೊಲೆ ಮಾಡಿದ್ದಾಳೆ. ಪೊಲೀಸ್ ತನಿಖೆಯ ಸಂದರ್ಭದಲ್ಲಿ ಗಂಡನಿಗೆ ಪಾರ್ಶ್ವವಾಯು ಹೊಡೆದಿದ್ದರಿಂದ ಆತ ಮೃತಪಟ್ಟಿರುವುದಾಗಿ ಹೇಳಿದ್ದ ಸುಕನ್ಯಾ, ಕೊನೆಯಲ್ಲಿ ತಾನೇ ಪ್ರಭಾಕರನ್‌ನನ್ನು ಕೊಲೆ ಮಾಡಿರುವುದಾಗಿ ಒಪ್ಪಿಕೊಂಡಿದ್ದಾಳೆ. ಸದ್ಯ ಸುಕನ್ಯಾಳನ್ನು ಬಂಧಿಸಿರುವ ನಗರದ ಮಲಕಾಜ್‌ಗಿರಿ ಪೊಲೀಸರು, ತನಿಖೆ ಮುಂದುವರೆಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

from India & World News in Kannada | VK Polls https://ift.tt/3eOlcEA

ಕರುಣೆ ತೋರದ ವರುಣ; ಭಾರೀ ಮಳೆಗೆ ಮೊಳಕೆಯೊಡೆದ ಬೆಳೆಗಳು ನೀರುಪಾಲು..!

ವಿಜಯಪುರ: ಭಾನುವಾರ ಸುರಿದ ಭಾರೀ ಮಳೆಗೆ ಹಲವು ಗ್ರಾಮಗಳಲ್ಲಿ ಬೆಳೆದಿದ್ದ ಬೆಳೆಗಳು ನೀರುಪಾಲಾಗಿರುವ ಘಟನೆ ವಿಜಯಪುರ ಜಿಲ್ಲೆಯಲ್ಲಿ ನಡೆದಿದೆ. ನಿನ್ನೆ ರಾತ್ರಿ ಜಿಲ್ಲೆಯ ಹಲವು ಭಾಗಗಳಲ್ಲಿ ಸುರಿದಿದ್ದು, ಹಲವು ಗ್ರಾಮಗಳಲ್ಲಿ ನೀರು ಜಮೀನಿಗೆ ನುಗ್ಗಿದೆ. ನಾಲತವಾಡ ಸಮೀಪದ ಅಡವಿ ಹುಲಗಬಾಳ ರಸ್ತೆ ಜಲಾವೃತಗೊಂಡಿದ್ದು, ಈ ಭಾಗದಲ್ಲಿ ಅಪಾರ ಪ್ರಮಾಣದಲ್ಲಿ ಮಳೆಯಾಗಿ ರೈತರು ಬಿತ್ತಿದ್ದ ಬೆಳೆಗಳು ಮೊಳಕೆಯೊಡೆಯುವ ಹಂತದಲ್ಲಿದ್ದಾಗಲೇ ಜಲಾವೃತಗೊಂಡಿವೆ. ಇದರಿಂದ ರೈತರು ಕೂಡ ಕಂಗಾಲಾಗಿದ್ದಾರೆ. ಇನ್ನು ಚವನಬಾವಿ, ಹುಲಗಬಾಳದಲ್ಲಿ ಜನಸಂಪರ್ಕ ಕಲ್ಪಿಸುವ ರಸ್ತೆಗಳು ಕೂಡ ಜಲಾವೃತಗೊಂಡಿದ್ದು, ರಸ್ತೆ ಸಂಚಾರ ಸಂಪೂರ್ಣ ಸ್ಥಗಿತಗೊಂಡಿದೆ. ಇನ್ನೂ ಕೆಲವೆಡೆ ಬಣವೆಗಳು ನೀರಿನಲ್ಲಿ ಕೊಚ್ಚಿಹೋಗಿದ್ದರೆ, ಕೆಲವೆಡೆ ವಿದ್ಯುತ್ ಕಂಬಗಳು ಧರೆಗುರುಳಿದ ಘಟನೆ ವರದಿಯಾಗಿದೆ. ಇನ್ನು ತಾಳಿಕೋಟೆ ಭಾಗದಲ್ಲೂ ಅಪಾರ ಪ್ರಮಾಣದಲ್ಲಿ ಮಳೆಯಾಗಿ ಡೋಣಿ ನದಿಯ ನೀರು ರೈತರ ಜಮೀನುಗಳಿಗೆ ನುಗ್ಗಿದೆ. ಕಳೆದ ವರ್ಷ ಉಂಟಾದ ಭಾರೀ ಪ್ರವಾಹಕ್ಕೆ ರೈತರು ಬೆಳೆದಿದ್ದ ಬೆಳೆಗಳೆಲ್ಲ ನೀರುಪಾಲಾಗಿ ಅನ್ನದಾತರು ಕೈಸುಟ್ಟುಕೊಂಡಿದ್ದರು. ಇದೀಗ ಮಳೆಗಾಲ ಆರಂಭವಾಗೋ ಹಂತದಲ್ಲೇ ಬೆಳೆಗಳು ನೀರಲ್ಲಿ ಕೊಚ್ಚಿಕೊಂಡು ಹೋಗಿರೋದ್ರಿಂದ ಈ ಬಾರಿಯೂ ರೈತರು ಚಿಂತೆಗೀಡಾಗಿದ್ದಾರೆ.

from India & World News in Kannada | VK Polls https://ift.tt/3eD40BH