2019ರ ಕಠಿಣ ಸಮಯದಲ್ಲಿ ಕೊಹ್ಲಿ ಮಾಡಿದ್ದ ಸಹಾಯ ನೆನೆದ ಮ್ಯಾಕ್ಸ್‌ವೆಲ್‌!

ಹೊಸದಿಲ್ಲಿ: ಆಸ್ಟ್ರೇಲಿಯಾ ಸ್ಟಾರ್‌ ಆಲ್‌ರೌಂಡರ್‌ ಗ್ಲೆನ್‌ ಮ್ಯಾಕ್ಸ್‌ವೆಲ್‌ ಪರ 2021ರ ಇಂಡಿಯನ್‌ ಪ್ರೀಮಿಯರ್‌ ಲೀಗ್(ಐಪಿಎಲ್‌)‌ ಆಡಲು ಎದುರು ನೋಡುತ್ತಿದ್ದಾರೆ. ಅಂದ ಹಾಗೆ, ಆರ್‌ಸಿಬಿ ಪರ ಕಣಕ್ಕೆ ಇಳಿಯುವ ಮುನ್ನ 2019ರ ಕಠಿಣ ಸಮಯದಲ್ಲಿ ಕೊಹ್ಲಿ ಮಾಡಿದ್ದ ಸಹಾಯವನ್ನು ಇದೀಗ ಆಸೀಸ್‌ ಆಟಗಾರ ಬಹಿರಂಗಪಡಿಸಿದ್ದಾರೆ. ನಡುವಿನ ಬಾಂಧವ್ಯದ ಬಗ್ಗೆ ಮಾತನಾಡಿದ ಆಸ್ಟ್ರೇಲಿಯಾ ಆಟಗಾರ, ನಾವಿಬ್ಬರೂ ತುಂಬಾ ವರ್ಷಗಳಿಂದ ಉತ್ತಮ ಸ್ನೇಹಿತರು ಎಂದು ಹೇಳಿದರು. ಇದೀಗ ಕೊಹ್ಲಿ ಹಾಗೂ ಮ್ಯಾಕ್ಸ್‌ವೆಲ್ ಇಬ್ಬರೂ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ಪರ 14ನೇ ಐಪಿಎಲ್‌ನಲ್ಲಿ ಕಣಕ್ಕೆ ಇಳಿಯಲಿದ್ದಾರೆ. ಫೆಬ್ರುವರಿ 18 ರಂದು ನಡೆದಿದ್ದ ಐಪಿಲ್‌ ಆಟಗಾರರ ಹರಾಜಿನಲ್ಲಿ ಅವರನ್ನು ಆರ್‌ಸಿಬಿ 14.25 ಕೋಟಿ ರೂ. ಗಳಿಗೆ ಖರೀದಿಸಿತ್ತು. 2019ರಲ್ಲಿ ಮಾನಸಿಕ ಆರೋಗ್ಯದ ವಿರುದ್ಧ ಹೋರಾಡುತ್ತಿದ್ದ ವೇಳೆ ವಿರಾಟ್‌ ಕೊಹ್ಲಿ ನೀಡಿದ್ದ ಸಹಾಯ ಹಾಗೂ ಬೆಂಬಲವನ್ನು ಎಎಪಿಯೊಂದಿಗೆ ಗ್ಲೆನ್‌ ಮ್ಯಾಕ್ಸ್‌ವೆಲ್‌ ಹಂಚಿಕೊಂಡಿದ್ದಾರೆ. "ಅವರು(ಕೊಹ್ಲಿ) ನನ್ನ ನಿಲುವಿಗೆ ದೃಢವಾದ ಬೆಂಬಲಿಗರಾಗಿದ್ದಾರೆ. ಒಂದು ರೀತಿಯಲ್ಲಿ ನನ್ನಲ್ಲಿ ಹಾದುಹೋಗುವ ಬಹಳಷ್ಟು ಸಂಗತಿಗಳು, ಬಹಳಷ್ಟು ನಿರೀಕ್ಷೆ ಮತ್ತು ಒತ್ತಡವನ್ನು ಅವರು ಬಹುಶಃ ಅರ್ಥಮಾಡಿಕೊಂಡಿದ್ದಾರೆ. ಅದು ಅವರಿಗೂ ಸಂಬಂಧಿಸಬಹುದೆಂದು ನನಗೆ ಖಾತ್ರಿಯಿದೆ," ಎಂದು ಹೇಳಿದರು. ಈ ಹಿಂದೆ ಮಾನಸಿಕ ಆರೋಗ್ಯಕ್ಕೆ ಸಂಬಂಧಿಸಿದಂತೆ ಕಠಿಣ ಹೋರಾಟ ನಡೆಸುತ್ತಿದ್ದರಿಂದ ಎರಡು ತಿಂಗಳುಗಳ ಕಾಲ ಮ್ಯಾಕ್ಸ್‌ವೆಲ್‌ ಆಟದಿಂದ ದೂರ ಉಳಿದಿದ್ದರು ಹಾಗೂ ಆ ಅವಧಿಯಲ್ಲಿ ಆಟಕ್ಕೆ ಮರಳುವುದು ಅವರ ಮನಸ್ಸಿನ ಕೊನೆಯ ವಿಷಯ ಎಂದು ಬಹಿರಂಗಪಡಿಸಿದ್ದರು. ಎರಡು ತಿಂಗಳುಗಳ ಕಾಲ ವಿರಾಮ ಪಡೆದಿದ್ದ ಬಳಿಕ ಕ್ಲಬ್‌ ಹಂತದ ಟೂರ್ನಿಯಾದ ವಿಕ್ಟೋರಿಯಾ ಪ್ರೀಮಿಯರ್ ಕ್ರಿಕೆಟ್‌ ಸ್ಪರ್ಧೆಯಲ್ಲಿ ಫಿಟ್ಜ್ರಾಯ್-ಡಾನ್‌ಕಾಸ್ಟರ್ ಪರ ಅದ್ಭುತವಾಗಿ ಕಮ್‌ಬ್ಯಾಕ್‌ ಮಾಡಿದ್ದರು. ನಂತರ, 2019-20ರ ಬಿಗ್‌ಬ್ಯಾಷ್‌ ಲೀಗ್‌ ಟೂರ್ನಿಯಲ್ಲಿಯೂ ಮೆಲ್ಬೋರ್ನ್‌ ಸ್ಟಾರ್ಸ್‌ ಪರ ಗ್ಲೆನ್‌ ಮಿಂಚಿದ್ದರು. 2014ರಲ್ಲಿ ಸತತ ಬ್ಯಾಟಿಂಗ್‌ ವೈಫಲ್ಯದಿಂದ ಖಿನ್ನತೆಯ ವಿರುದ್ಧ ಹೋರಾಡಿದ್ದ ಬಗ್ಗೆ ಭಾರತ ತಂಡದ ನಾಯಕ ವಿರಾಟ್‌ ಕೊಹ್ಲಿ ಇತ್ತೀಚಿಗೆ ಒಪ್ಪಿಕೊಂಡಿದ್ದರು. ಇಂಗ್ಲೆಂಡ್ ಪ್ರವಾಸದ ಕಠಿಣ ಸಮಯದಲ್ಲಿ "ವಿಶ್ವದ ಏಕೈಕ ಒಂಟಿತನ ವ್ಯಕ್ತಿ" ಎಂದು ಭಾವಿಸಿದ್ದೆ ಎಂಬುದನ್ನು ವಿರಾಟ್‌ ಕೊಹ್ಲಿ ಹೇಳಿಕೊಂಡಿದ್ದರು.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3r4cbNF

ಎಸ್‌ಡಿಪಿಐ ಜೊತೆ ಜಮೀರ್‌ ಸಖ್ಯ, ಕಾಂಗ್ರೆಸ್ ಮುಸ್ಲಿಂ ಶಾಸಕರಿಗೆ ಅಪತ್ಯ!

ಬೆಂಗಳೂರು: ವಿರೋಧ ಪಕ್ಷದ ನಾಯಕ ಸಿದ್ದರಾಮಯ್ಯ ವಿರುದ್ಧ ಕಾಂಗ್ರೆಸ್‌ನ ಪ್ರಭಾವಿ ‘ಮುಸ್ಲಿಂ ನಾಯಕರ’ ಬಂಡಾಯ ನಾನಾ ಆಯಾಮಗಳಲ್ಲಿ ಚರ್ಚೆಗೆ ಗ್ರಾಸವಾಗುತ್ತಿದೆ. ಅದರಲ್ಲೂ ಸಿದ್ದರಾಮಯ್ಯ ಹಾಗೂ ಶಾಸಕ ಗೆಳೆತನದ ಪರಿಣಾಮ ಹಳೇ ದೋಸ್ತಿಗಳು ದೂರವಾಗುತ್ತಿದ್ದಾರೆ. ಮಾಜಿ ಶಾಸಕ ರೋಷನ್ ಬೇಗ್, ವಿಧಾನಪರಿಷತ್ ಸದಸ್ಯ ಸಿಎಂ ಇಬ್ರಾಹಿಂ ಹಾಗೂ ಇದೀಗ ತನ್ವೀರ್‌ ಸೇಠ್ ಸಿದ್ದರಾಮಯ್ಯ ವಿರುದ್ಧ ಬಂಡಾಯ ಎದ್ದಿದ್ದಾರೆ. ಅಷ್ಟಕ್ಕೂ ಸಿದ್ದರಾಮಯ್ಯ ಆಪ್ತ ಜಮೀರ್ ಅಹ್ಮದ್ ಖಾನ್ ವಿರುದ್ಧ ಕಾಂಗ್ರೆಸ್‌ ಪಕ್ಷದ ಮುಸ್ಲಿಂ ಶಾಸಕರಲ್ಲಿ ಮತ್ತೊಂದು ಕಾರಣಕ್ಕೂ ಅಸಮಾಧಾನ ಇದೆ. ಅದುವೇ ಪಕ್ಷದ ಜೊತೆ ಜಮೀರ್ ಸಖ್ಯ. ಎಸ್‌ಡಿಪಿಐ ಜೊತೆ ಜಮೀರ್ ಸಖ್ಯ ನಿಜವೇ? ಎಸ್‌ಡಿಪಿಐ ಬಿಜೆಪಿ ಪಕ್ಷದ ಬಿಟೀಂ ಎಂದು ಸಿದ್ದರಾಮಯ್ಯ ಕರೆದರೆ ಜಮೀರ್‌ ಅವರಿಗೆ ಎಸ್‌ಡಿಪಿಐ ಬಗ್ಗೆ ಬೇರೆಯದ್ದೇ ಅಭಿಪ್ರಾಯವಿದೆ ಎಂಬ ಮಾತುಗಳು ಕಾಂಗ್ರೆಸ್‌ ನಿಷ್ಠ ಮುಸ್ಲಿಂ ಮುಖಂಡರದ್ದು. ಕಾಂಗ್ರೆಸ್‌ನಲ್ಲಿ ಜಮೀರ್‌ ಅಹ್ಮದ್ ಖಾನ್ ಅವರದ್ದು ಭಿನ್ನ ರಾಜಕೀಯ ವ್ಯಕ್ತಿತ್ವ. ಪಕ್ಷದ ಒಟ್ಟು ನಿಲುವು ಹಾಗೂ ಸಿದ್ಧಾಂತಕ್ಕಿಂತ ಅವರದ್ದೇ ಆಲೋಚನೆಯಲ್ಲಿ ರಾಜಕೀಯ ಮಾಡುತ್ತಿದ್ದಾರೆ ಎಂಬುವುದು ಕೆಲವರ ವಾದ. ಸದ್ಯ ಕಾಂಗ್ರೆಸ್‌ನಲ್ಲಿ ಪ್ರಭಾವಿ ಮುಸ್ಲಿಂ ನಾಯಕರಾಗಿ ಜಮೀರ್‌ ಹೊರಹೊಮ್ಮುವ ಪ್ರಯತ್ನ ನಡೆಸುತ್ತಿದ್ದಾರೆ. ತಮ್ಮ ಕ್ಷೇತ್ರಕ್ಕೆ ಸೀಮಿತವಾಗದೆ ಇತರ ಜಿಲ್ಲೆಗಳಲ್ಲೂ ಮುಸ್ಲಿಂ ಸಮುದಾಯಕ್ಕೆ ನಾಯಕತ್ವ ನೀಡುವ ಪ್ರಯತ್ನದಲ್ಲಿದ್ದಾರೆ. ರಾಜ್ಯದ ಮುಸ್ಲಿಂ ಸಂಘಟನೆಗಳ ಜೊತೆಗೂ ಉತ್ತಮ ಬಾಂಧವ್ಯದಲ್ಲಿದ್ದಾರೆ. ಈ ನಡುವೆ ಮುಸ್ಲಿಂ ಸಮುದಾಯದೊಳಗೆ ಆಳವಾಗಿ ಬೇರೂರುತ್ತಿರುವ ಪಿಎಫ್‌ಐ ಸಂಘಟನೆಯ ರಾಜಕೀಯ ಪಕ್ಷ ಎಸ್‌ಡಿಪಿಐ ಕಾಂಗ್ರೆಸ್‌ಗೆ ಸವಾಲಾಗಿ ಪರಿಣಮಿಸುತ್ತಿದೆ. ಇತ್ತೀಚೆಗೆ ನಡೆದ ಪಂಚಾಯತ್ ಚುನಾವಣೆಯಲ್ಲೂ ಎಸ್‌ಡಿಪಿಐ ಹೆಚ್ಚಿನ ಸ್ಥಾನಗಳನ್ನು ಗಳಿಸಿದೆ. ಎಸ್‌ಡಿಪಿಐ ಬೆಳವಣಿಗೆ ಕಾಂಗ್ರೆಸ್‌ ಮುಸ್ಲಿಂ ಮತ ಬ್ಯಾಂಕ್‌ ವಿಭಜನೆಗೆ ಕಾರಣವಾಗುತ್ತಿದೆ. 2018 ವಿಧಾನಸಭಾ ಚುನಾವಣೆಯಲ್ಲಿ ಎಸ್‌ಡಿಪಿಐ ಜೊತೆ ಪರೋಕ್ಷ ಮೈತ್ರಿಯಲ್ಲಿ ಜಮೀರ್ ಪಾತ್ರ! 2018 ರ ಚುನಾವಣೆಯಲ್ಲಿ ಎಸ್‌ಡಿಪಿಐ ಜೊತೆ ನಡೆದ ಪರೋಕ್ಷ ಒಪ್ಪಂದದಲ್ಲಿ ಜಮೀರ್ ಪಾತ್ರ ಇದೆ ಎಂಬ ಆರೋಪವಿದೆ. ಬಂಟ್ವಾಳದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ರಮಾನಾಥ್ ರೈ ವಿರುದ್ಧ ಕಣದಲ್ಲಿದ್ದ ಎಸ್‌ಡಿಪಿಐ ಅಭ್ಯರ್ಥಿ ದಿಢೀರ್ ಆಗಿ ನಾಮಪತ್ರ ಹಿಂದಕ್ಕೆ ಪಡೆಯಲು ಜಮೀರ್ ಕಾರಣ. ಪಕ್ಷದ ಅಭ್ಯರ್ಥಿಗೆ ಅನುಕೂಲವಾಗಲಿ ಎಂದು ಉದ್ದೇಶದಿಂದ ಅವರು ಈ ನಿರ್ಧಾರ ಕೈಗೊಂಡರೂ ಇದರಿಂದ ಕರಾವಳಿಯಲ್ಲಿ ಕಾಂಗ್ರೆಸ್‌ ಪಕ್ಷಕ್ಕೆ ನಷ್ಟ ಉಂಟಾಯಿತು ಹೊರತು ಲಾಭವಲ್ಲ ಎಂಬುವುದು ಕರಾವಳಿ ಭಾಗದ ಕಾಂಗ್ರೆಸ್ ಮುಖಂಡರ ಅಭಿಪ್ರಾಯ. ಇನ್ನು ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಮುಸ್ಲಿಂ ಜನಸಂಖ್ಯೆ ಹೆಚ್ಚಾಗಿರುವ ಉಳ್ಳಾಲ ವಿಧಾನಸಭಾ ಕ್ಷೇತ್ರದಲ್ಲಿ ಕಾಂಗ್ರೆಸ್‌ಗೆ ಎಸ್‌ಡಿಪಿಐ ಬೆಳವಣಿಗೆ ಅಪಾಯ ತಂದೊಡ್ಡಿದೆ. ಅದರಲ್ಲೂ ಶಾಸಕ ಯು.ಟಿ ಖಾದರ್‌ ಅವರು ಎಸ್‌ಡಿಪಿಐಯ ಪ್ರಧಾನ ಟಾರ್ಗೆಟ್‌ ಆಗಿದ್ದಾರೆ. ಸಾಮಾಜಿಕ ಜಾಲತಾಣಗಳಿಂದ ಹಿಡಿದು ಚುನಾವಣಾ ಪ್ರಚಾರದಲ್ಲೂ ಎಸ್‌ಡಿಪಿಐ ಯು.ಟಿ ಖಾದರ್‌ ಅವರನ್ನೇ ಟಾರ್ಗೆಟ್ ಮಾಡುತ್ತಾ ಬರುತ್ತಿದೆ. ಮತ್ತೊಂದು ಕಡೆ ಮೈಸೂರಿನ ನರಸಿಂಹರಾಜ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಶಾಸಕ ತನ್ವೀರ್‌ ಸೇಠ್ ವಿರುದ್ಧವೂ ಎಸ್‌ಡಿಪಿಐ ಇದೆ. ರಾಜಕೀಯವಾಗಿಯೂ ಎಸ್‌ಡಿಪಿಐ ತನ್ವೀರ್ ಸೇಠ್ ಅವರಿಗೆ ಅಪಾಯ ತಂದೊಡ್ಡುತ್ತಿದ್ದರೆ ಇತ್ತೀಚೆಗೆ ಅವರ ಮೇಲೆ ನಡೆದ ಮಾರಣಾಂತಿಕ ಹಲ್ಲೆ ಪ್ರಕರಣದಲ್ಲೂ ಎಸ್‌ಡಿಪಿಐ ಕಾರ್ಯಕರ್ತ ಫರ್ಹಾನ್ ಪಾಷಾ ಬಂಧನವಾಗಿತ್ತು. ಆದರೆ ಜಮೀರ್ ಇಂತಹ ಸಂದರ್ಭದಲ್ಲೂ ಮೌನವಾಗಿದ್ದರು. ಕಾಂಗ್ರೆಸ್ ಮುಸ್ಲಿಂ ಶಾಸಕರ ಕ್ಷೇತ್ರಗಳಲ್ಲಿ ಆಳವಾಗಿ ಎಸ್‌ಡಿಪಿಐ ಬೇರೂರುತ್ತಿದೆ. ಮುಂದಿನ ದಿನಗಳಲ್ಲಿ ಎಸ್‌ಡಿಪಿಐ ಪ್ರಬಲ ರಾಜಕೀಯ ಪ್ರತಿಸ್ಪರ್ಧಿ ಆದರೂ ಅಚ್ಚರಿ ಪಡಬೇಕಾಗಿದೆ. ಹೀಗಿದ್ದರೂ ಜಮೀರ್ ಅಹ್ಮದ್ ಖಾನ್ ಮಾತ್ರ ಎಸ್‌ಡಿಪಿಐ ಜೊತೆ ಉತ್ತಮ ಸಂಬಂಧ ಹೊಂದಿದ್ದಾರೆ. ಪಕ್ಷದ ನಿಲುವಿಗೆ ವಿರುದ್ಧವಾಗಿ ತಮ್ಮ ವೈಯಕ್ತಿಕ ರಾಜಕೀಯ ವರ್ಚಸ್ಸು ಹೆಚ್ಚಿಸುವ ನಿಟ್ಟಿನಲ್ಲಿ ಸಖ್ಯ ಬೆಳೆಸುತ್ತಿದ್ದಾರೆ ಎಂಬುವುದು ಕಾಂಗ್ರೆಸ್‌ನ ಕೆಲವು ಮುಸ್ಲಿಂ ಮುಖಂಡರ ವಾದ. ಪಿಎಫ್‌ಐ ವಿರುದ್ಧದ ಪ್ರಕರಣ ರದ್ದುಗೊಳಿಸುವಲ್ಲಿ ಇತ್ತೇ ಜಮೀರ್ ಪಾತ್ರ? ಸಿದ್ದರಾಮಯ್ಯ ಸರ್ಕಾರದ ಅವಧಿಯಲ್ಲಿ ಪಿಎಫ್‌ಐ ಕಾರ್ಯಕರ್ತರ ವಿರುದ್ಧ ಇದ್ದ ಕ್ರಿಮಿನಲ್ ಪ್ರಕರಣಗಳನ್ನು ರದ್ದುಗೊಳಿಸುವಲ್ಲಿ ಜಮೀರ್‌ ಪಾತ್ರ ಪ್ರಮುಖವಾಗಿದೆ ಎಂಬ ಆರೋಪವೂ ಇದೆ. ಈ ಅವಧಿಯಲ್ಲಿ ಸಚಿವರಾಗಿದ್ದ ಜಮೀರ್ ಜೊತೆ ಎಸ್‌ಡಿಪಿಐ ಪಕ್ಷದ ರಾಜ್ಯ ಮುಖಂಡರೂ ಕಾಣಿಸಿಕೊಳ್ಳುತ್ತಿದ್ದರು. ಕೇಸ್ ರದ್ದುಗೊಳಿಸಿದ ಸಿದ್ದರಾಮಯ್ಯ ಸರ್ಕಾರದ ನಡೆ ಕಾಂಗ್ರೆಸ್‌ಗೆ ರಾಜಕೀಯವಾಗಿ ಭಾರೀ ಹಿನ್ನಡೆ ಉಂಟಾಗಿತ್ತು. ಅಲ್ಲದೆ ಇದನ್ನು ಪ್ರಮುಖ ರಾಜಕೀಯ ಅಸ್ತ್ರವನ್ನಾಗಿ ಬಿಜೆಪಿ ಬಳಕೆ ಮಾಡಿತ್ತು ಎಂಬುವುದು ಗಮನಾರ್ಹ.ಇನ್ನು ಡಿಜೆ ಹಳ್ಳಿ ಗಲಭೆ ಪ್ರಕರಣ ಸೇರಿದಂತೆ ಇತರ ಸಂದರ್ಭಗಳಲ್ಲಿ ಎಸ್‌ಡಿಪಿಐ ವಿರುದ್ಧ ಆರೋಪ ಬಂದಾಗ ಶಾಸಕ ಯು.ಟಿ ಖಾದರ್‌ ಸೇರಿದಂತೆ ಇತರರು ಖಂಡಿಸಿದ್ದರೂ ಜಮೀರ್ ಅಹ್ಮದ್ ಖಾನ್ ಎಸ್‌ಡಿಪಿಐ ಪಕ್ಷವನ್ನು ಯಾವತ್ತೂ ವಿರೋಧ ಮಾಡಲು ಹೋಗಿಲ್ಲ ಎಂಬುವುದು ಗಮನಿಸಬೇಕಾಗಿರುವ ಸಂಗತಿ. ಆದರೆ ಕಾಂಗ್ರೆಸ್ ಪಕ್ಷವಾಗಿ ಎಸ್‌ಡಿಪಿಐ ಹಾಗೂ ಬಿಜೆಪಿ ಜೊತೆಗೆ ಸಮಾನ ಅಂತರವನ್ನು ಕಾಯ್ದುಕೊಳ್ಳಬೇಕು ಎಂಬ ನಿರ್ಧಾರವನ್ನು ಕೈಗೊಂಡಿದೆ. ಇತ್ತೀಚೆಗೆ ಬಂಟ್ವಾಳದಲ್ಲಿ ನಡೆದ ಕಾಂಗ್ರೆಸ್ ವಿಭಾಗೀಯ ಸಮಾವೇಶದಲ್ಲಿ ಇಂತಹದೊಂದು ನಿರ್ಧಾರವನ್ನು ಕೈಗೊಳ್ಳಲಾಗಿದೆ. ಹೀಗಿದ್ದರೂ ಜಮೀರ್‌ ಅಹ್ಮದ್ ಖಾನ್ ಮಾತ್ರ ಎಸ್‌ಡಿಪಿಐ ಜೊತೆಗಿನ ಸಂಬಂಧ ಎಷ್ಟರ ಮಟ್ಟಿಗೆ ಸರಿ ಎಂಬ ಪ್ರಶ್ನೆಗಳು ಕೇಳಿಬರುತ್ತಿದೆ. ಇದೀಗ ಶಾಸಕ ತನ್ವೀರ್ ಸೇಠ್ ಬಂಡಾಯಕ್ಕೂ ಜಮೀರ್ ಅಹ್ಮದ್ ಖಾನ್ ಎಸ್‌ಡಿಪಿಐ ಜೊತೆಗಿನ ಸಖ್ಯವೂ ಒಂದು ಕಾರಣ ಎಂಬ ಮಾತುಗಳು ಕಾಂಗ್ರೆಸ್ ಮೈಸೂರು ಮೂಲಗಳಿಂದ ತಿಳಿದುಬಂದಿದೆ. ಒಟ್ಟಿನಲ್ಲಿ ಇದು ಮುಂದಿನ ದಿನಗಳಲ್ಲಿ ಯಾವ ತಿರುವು ಪಡೆದುಕೊಳ್ಳುತ್ತದೆ ಎಂಬುವುದು ಸದ್ಯದ ಕುತೂಹಲ.

from India & World News in Kannada | VK Polls https://ift.tt/2OaWOVa

ಜಯಮಂಗಲಿ ಕೃಷ್ಣಮೃಗ ವನ್ಯಜೀವಿಧಾಮ ಪ್ರದೇಶದಲ್ಲಿ ಭಾರೀ ಅಗ್ನಿ ಅನಾಹುತ!

ಕೊಡಿಗೇನಹಳ್ಳಿ ( ತಾ): ತಾಲ್ಲೂಕಿನ ಜಯಮಂಗಲಿ ಕೃಷ್ಣ ಮೃಗ ವನ್ಯ ಧಾಮಕ್ಕೆ ಹೊಂದಿಕೊಂಡಿರುವ ಹುಲ್ಲುಗಾವಲು ಪ್ರದೇಶದಲ್ಲಿ ಭಾನುವಾರ ಭಾರೀ ಅನಾಹುತ ಸಂಭವಿಸಿದೆ. ಜಯಮಂಗಲಿ ಕೃಷ್ಣ ಮೃಗ ವನ್ಯಜೀವಿ ಧಾಮದಲ್ಲಿ ನೂರಾರು ಸಂಖ್ಯೆಯಲ್ಲಿ ಕೃಷ್ಣ ಮೃಗಗಳು ವಾಸಿಸುತ್ತಿವೆ. ರಾಜ್ಯದ ಕೆಲವೇ ಕಡೆಗಳಲ್ಲಿ ಕಂಡು ಬರುವ ಅಪರೂಪದ ಪಕ್ಷಿ ಸಂಪತ್ತುಗಳನ್ನು ಇಲ್ಲಿ ಕಾಣಬಹುದಾಗಿದ್ದು, ದೇಶ ವಿದೇಶಗಳಿಂದ ಪಕ್ಷಿ ಪ್ರಿಯರು ಇಲ್ಲಿಗೆ ಆಗಮಿಸುತ್ತಾರೆ. ಇಂತಹ ಪ್ರದೇಶದಲ್ಲಿ ಅಗ್ನಿ ಅನಾಹುತ ಸಂಭವಿಸಿದ್ದು, ನೂರಾರು ಎಕರೆ ಹುಲ್ಲುಗಾವಲು ಪ್ರದೇಶವು ಬೆಂಕಿಯಲ್ಲಿ ಸುಟ್ಟು ಕರಕಲಾಗಿದೆ. ಬೆಂಕಿಗಾಹುತಿಯಾಗಿರುವ ಪ್ರದೇಶವು ಕೃಷ್ಣ ಮೃಗಗಳು ವಿಹರಿಸುವ ಹುಲ್ಲುಗಾವಲಾಗಿದ್ದು, ಕೃಷ್ಣ ಮೃಗಗಳ ಜೀವಕ್ಕೆ ಆಪತ್ತುಂಟಾಗಿದೆ. ನೂರಾರು ಸಂಖ್ಯೆಯಲ್ಲಿ ಪಕ್ಷಿಗಳು, ಅವುಗಳ ಮೊಟ್ಟೆ, ಮರಿಗಳು ಸುಟ್ಟು ಕರಕಲಾಗಿವೆ. ಬೆಂಕಿಯ ಕೆನ್ನಾಲಿಗೆಯು ರಸ್ತೆಗೂ ವ್ಯಾಪಿಸಿತ್ತು. ಸ್ಥಳೀಯರು ಗಮನಿಸಿ ಅಗ್ನಿ ಶಾಮಕ ದಳಕ್ಕೆ ಮಾಹಿತಿ ನೀಡಿದ್ದಾರಾದರೂ ಗಂಟೆ ಕಳೆದರೂ ಅಗ್ನಿಶಾಮಕ ವಾಹನ ಸ್ಥಳಕ್ಕೆ ಬಂದಿರಲಿಲ್ಲ. ಬದಲಾಗಿ ಅಗ್ನಿ ಶಾಮಕ ವಾಹನ ಕೆಟ್ಟು ನಿಂತಿದೆ ಎಂಬ ಉತ್ತರ ಬಂದಿತೆಂದು ಸ್ಥಳೀಯರು ಬೇಸರ ವ್ಯಕ್ತಪಡಿಸಿದರು. ಮುಖ್ಯವಾಗಿ ಇಷ್ಟೆಲ್ಲಾ ಆದರೂ ಸಮೀಪದಲ್ಲಿ ಇರಬೇಕಾದ ಕೃಷ್ಣಮೃಗ ಧಾಮದ ಅರಣ್ಯ ಇಲಾಖೆಯ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿರಲಿಲ್ಲ, ಸ್ಥಳೀಯರು ಮಾಹಿತಿ ನೀಡಿದ ಬಳಿಕವೂ ಇಲಾಖೆ ಸಿಬ್ಬಂದಿ ಗಮನ ಹರಿಸಲಿಲ್ಲ. ಇದರಿಂದಾಗಿ ನೂರಾರು ಎಕರೆ ಹುಲ್ಲುಗಾವಲು ಪ್ರದೇಶ ಅಗ್ನಿಗಾಹುತಿಯಾಗಿದ್ದು, ನೂರಾರು ಬಗೆಯ ಪ್ರಾಣಿ, ಪಕ್ಷಿಗಳು ಸಾವನ್ನಪ್ಪಿರುವ ಬಗ್ಗೆ ಪಕ್ಷಿ ಪ್ರಿಯರು ಆತಂಕ ವ್ಯಕ್ತಪಡಿಸಿದ್ದಾರೆ. ಘಟನೆ ಕುರಿತು ಪ್ರತಿಕ್ರಿಯೆ ನೀಡಿರುವ ಡಿಎಫ್ಓ ಎಚ್.ಸಿ ಗಿರೀಶ್, "ಜಯಮಂಗಲಿ ಕೃಷ್ಣ ಮೃಗ ವನ್ಯಜೀವಿ ಧಾಮದ ಹೊರವಲಯದ ಕಂದಾಯ ಭೂಮಿಯಲ್ಲಿ ಅಗ್ನಿ ಅನಾಹುತ ಸಂಭವಿಸಿದೆ. ಅರಣ್ಯ ಇಲಾಖೆಯ ಸಿಬ್ಬಂದಿ ಸ್ಥಳದಲ್ಲಿದ್ದಾರೆ. ಬೆಂಕಿಯು ಸಂರಕ್ಷಿತ ಅರಣ್ಯ ಪ್ರದೇಶಕ್ಕೆ ವ್ಯಾಪಿಸದಂತೆ ತಡೆಯಲಾಗುವುದು" ಎಂದು ತಿಳಿಸಿದರು

from India & World News in Kannada | VK Polls https://ift.tt/2O7YcaX

ಕೊರೊನಾ ಲಸಿಕೆ ನೀಡಿದ ಸಿಸ್ಟರ್‌ಗೆ ಏನಂದ್ರು ಪ್ರೈಮ್ ಮಿನಿಸ್ಟರ್?: ಹೀಗಿತ್ತು ಆತ್ಮೀಯ ಸಂವಾದ!

ಹೊಸದಿಲ್ಲಿ: ಇಂದು(ಮಾ.01-ಸೋಮವಾರ) ಮೊದಲ ಕೊರೊನಾ ಲಸಿಕೆ ಡೋಸ್ ಪಡೆದಿದ್ದು, ರಾಷ್ಟ್ರ ರಾಜಧಾನಿ ಹೊಸದಿಲ್ಲಿಯ ಅಖಿಲ ಭಾರತ ವೈದ್ಯಕೀಯ ವಿಜ್ಞಾನ ಸಂಸ್ಥೆಯಲ್ಲಿ (ಏಮ್ಸ್)ನಲ್ಲಿ ಪ್ರಧಾನಿ ಅವರಿಗೆ ಭಾರತ್ ಬಯೋಟೆಕ್‌ನ ನೀಡಲಾಗಿದೆ. ಇನ್ನು ಪ್ರಧಾನಿ ಮೋದಿ ಅವರಿಗೆ ಪುದುಚೇರಿ ಮೂಲದ ನರ್ಸ್ ನಿವೇದಾ ಅವರು ಕೊರೊನಾ ಲಸಿಕೆ ಚುಚ್ಚುಮದ್ದು ನೀಡಿದ್ದು, ಈ ಕುರಿತು ತಮ್ಮ ಅನಿಸಿಕೆಗಳನ್ನು ಮಾಧ್ಯಮದೊಂದಿಗೆ ಹಂಚಿಕೊಂಡಿದ್ದಾರೆ. ಲಸಿಕೆ ಕೇಂದ್ರಕ್ಕೆ ಭೇಟಿ ನೀಡಿದ ಪ್ರಧಾನಿ ಮೋದಿ, ಅಲ್ಲಿ ಉಪಸ್ಥಿತರಿದ್ದ ವೈದ್ಯ ಸಿಬ್ಬಂದಿಯೊಂದಿಗೆ ಉಭಯ ಕುಶಲೋಪಹರಿ ನಡೆಸಿದರು. ಬಳಿಕ ತಮಗೆ ಲಸಿಕೆ ನೀಡುವ ಪ್ರಕ್ರಿಯೆ ಕುರಿತು ಮಾಹಿತಿ ಪಡೆದರು. ಬಳಿಕ ಲಸಿಕೆ ನೀಡುವ ಸಮಯದಲ್ಲಿ ತಮ್ಮೊಂದಿಗೆ ಪ್ರಧಾನಿ ಸಹಕರಿಸಿದರು ಎಂದು ನರ್ಸ್ ನಿವೇದಾ ಹೇಳಿದ್ದಾರೆ. ಲಸಿಕೆ ನೀಡಿದ ಬಳಿಕ 'ಲಗಾ ಭಿ ದಿ ಔರ್ ಪತಾ ಭಿ ನಹೀ ಚಲಾ' (ನನಗೆ ಗೊತ್ತೇ ಆಗದ ರೀತಿಯಲ್ಲಿ ನೀವು ಚುಚ್ಚುಮದ್ದು ನೀಡಿದ್ದೀರಿ) ಎಂದು ತಮ್ಮನ್ನು ಉದ್ದೇಶಿಸಿ ಪ್ರಧಾನಿ ಮೋದಿ ಮೆಚ್ಚುಗೆಯ ಮಾತುಗಳನ್ನಾಡಿದರು ಎಂದು ನರ್ಸ್ ನಿವೇದಾ ಸಂತಸ ಹಂಚಿಕೊಂಡಿದ್ದಾರೆ. ಲಸಿಕಾ ಕೇಂದ್ರಕ್ಕೆ ಭೇಟಿ ನೀಡಿದಾಗಿನಿಂದ ಹಿಡಿದು ಲಸಿಕೆ ಸ್ವೀಕರಿಸಿ ಹೊರ ಹೋಗುವವರೆಗೂ ಪ್ರಧಾನಿ ಮೋದಿ ತಮ್ಮನ್ನೂ ಒಳಗೊಂಡಂತೆ ಎಲ್ಲಾ ವೈದ್ಯ ಸಿಬ್ಬಂದಿಯೊಂದಿಗೆ ಅತ್ಯಂತ ಆತ್ಮೀಯವಾಗಿ ಮಾತನಾಡಿದರು ಎಂದು ನಿವೇದಾ ಹೇಳಿದರು. ಸದ್ಯ ಪ್ರಧಾನಿ ಮೋದಿ ಅವರಿಗೆ ಕೋವ್ಯಾಕ್ಸಿನ್ ಕೊರೊನಾ ಲಸಿಕೆಯ ಮೊದಲ ಡೋಸ್ ನೀಡಿದ್ದು, 28 ದಿನಗಳ ಬಳಿಕ ಎರಡನೇ ಡೋಸ್ ನೀಡಲಾಗುವುದು ಎಂದು ನರ್ಸ್ ನಿವೇದಾ ಸ್ಪಷ್ಟಪಡಿಸಿದ್ದಾರೆ. ಕೊರೊನಾ ಲಸಿಕಾ ಅಭಿಯಾನಕ್ಕೆ ಮತ್ತಷ್ಟು ವೇಗ ನೀಡುವ ನಿಟ್ಟಿನಲ್ಲಿ ಹಾಗೂ ಜನಸಾಮಾನ್ಯರಲ್ಲಿ ಲಸಿಕೆಯ ಬಗ್ಗೆ ವಿಶ್ವಾಸ ಮೂಡಿಸುವ ನಿಟ್ಟಿನಲ್ಲಿ, ಪ್ರಧಾನಿ ಮೋದಿ ಕೋವ್ಯಾಕ್ಸಿನ್ ಲಸಿಕೆ ಪಡೆದು ಮಾದರಿಯಾಗಿದ್ದಾರೆ.

from India & World News in Kannada | VK Polls https://ift.tt/3b1HNhe

ಶಿಕ್ಷಕರಿಗೆ ಕೊರೊನಾ ಕಲಿಸಿದ ಪಾಠ, ದಕ್ಷಿಣ ಕನ್ನಡ ಸರಕಾರಿ ಶಾಲೆಗಳಿಗೆ ಕಲೆಯ ಟಚ್‌

ಸ್ಟೀವನ್‌ ರೇಗೊ ಮಂಗಳೂರು: ಕೋವಿಡ್‌ ಜಗತ್ತಿನ ಮೂಲೆಮೂಲೆಯಲ್ಲಿರುವ ವಿಚಾರಗಳನ್ನು ಬದಲಾಯಿಸಿದೆ. ಇದರ ಜತೆಯಲ್ಲಿ ಶಾಲೆ, ಶಿಕ್ಷಕರು, ವಿದ್ಯಾರ್ಥಿಗಳ ವಿಚಾರದಲ್ಲೂ ಬದಲಾವಣೆ ಕಂಡಿದೆ. ಕೋವಿಡ್‌ ಬಳಿಕ ದಕದ 60ಕ್ಕೂ ಅಧಿಕ ಸರಕಾರಿ ಶಾಲೆಗಳು ತಮ್ಮ ಮೂಲ ಬಣ್ಣವನ್ನು ಬದಲಾಯಿಸಿಕೊಂಡಿದೆ. ವಿದ್ಯಾರ್ಥಿಗಳನ್ನು ಸೆಳೆಯಲು ಶಿಕ್ಷಕರು ಶಾಲೆಗೆ ಹೊಸ ರೂಪ ನೀಡುವ ಕಾಯಕದಲ್ಲಿ ತಲ್ಲೀನರಾಗಿದ್ದಾರೆ. ಶಾಲೆಯನ್ನು ಬಸ್‌, ರೈಲು ಸೇರಿದಂತೆ ನಾನಾ ರೀತಿಯ ಪ್ರಯೋಗವನ್ನು ಶಾಲಾ ಕಟ್ಟಡದಲ್ಲಿ ತೋರಿಸುವ ಕಲೆಗಾರಿಕೆ ಮಾಡಿದ್ದಾರೆ. ಸಾರ್ವಜನಿಕ ಶಿಕ್ಷಣ ಇಲಾಖೆಯಡಿಯಲ್ಲಿರುವ ಜಿಲ್ಲೆಯ 60ಕ್ಕೂ ಹೆಚ್ಚು ಶಾಲೆಗಳಲ್ಲಿಇಂತಹ ಪ್ರಯೋಗಗಳು ನಡೆದಿದೆ. ಇದೆಲ್ಲವೂ ಕೋವಿಡ್‌ ಬಳಿಕದ ದಿನಗಳಲ್ಲಿ ನಡೆದ ಪ್ರಯತ್ನಗಳು ಎನ್ನುವುದು ವಿಶೇಷ. ಶಾಲೆಗಳು ಪೂರ್ಣರೂಪದಲ್ಲಿ ಬಂದ್‌ ಆಗಿದ್ದಾಗ ಶಾಲೆಯಲ್ಲಿ ಬೋಧಿಸುತ್ತಿದ್ದ ಶಿಕ್ಷಕರ ತಲೆಗೆ ಇಂತಹ ಐಡಿಯಾ ಹೊಳೆದಿದೆ. ಬಳಿಕ ವಿದ್ಯಾರ್ಥಿಗಳನ್ನು ಸೆಳೆಯುವ ದೃಷ್ಟಿಯಲ್ಲಿಇದರ ಪ್ರಯೋಗ ಮಾಡಿದ್ದೇವೆ ಎನ್ನುವುದು ಶಿಕ್ಷಕರ ಮಾತು. ಬೆಳ್ತಂಗಡಿ ತಾಲೂಕಿನ ಕುದ್ರಡ್ಕದ ದ.ಕ. ಜಿಪಂ ಹಿರಿಯ ಶಾಲೆಯ ಒಂದು ಕೊಠಡಿಯನ್ನು ಬಸ್‌ ರೂಪದಲ್ಲಿಬದಲಾಯಿಸಲಾಗಿದೆ. ಇನ್ನೂ ಕೆಲವು ಕೊಠಡಿಗಳಲ್ಲಿಇಂತಹ ಪ್ರಯೋಗ ಮಾಡಬೇಕು ಎಂದುಕೊಂಡಿದ್ದೇವೆ. ಈಗಾಗಲೇ 68 ವಿದ್ಯಾರ್ಥಿಗಳಿದ್ದಾರೆ. ಕೇಧಿವಲ ನಾಧಿಲ್ವಧಿರು ಶಿಕ್ಷಕರಿಂದ ಶಾಲೆ ನಡೆಯುತ್ತಿದೆ. ಬಸ್‌ಗೆ ಅಕ್ಷರ ಎಕ್ಸ್‌ಪ್ರೆಸ್‌ ಎನ್ನುವ ಹೆಸರಿಡುವ ಕೆಲಸ ಮಾಡಿದ್ದೇವೆ. ಕಲಾವಿದ ಪ್ರವೀಣ್‌ ಆಚಾರ್ಯ ನೆತ್ತರ ಈ ಬಸ್‌ನ ಚಿತ್ರಗಳನ್ನು ಬಿಡಿಸಿದ್ದಾರೆ. 30 ಸಾವಿರ ರೂ. ಖರ್ಚಾಗಿದೆ ಎಲ್ಲವೂ ಶಿಕ್ಷಕರು, ದಾನಿಗಳಿಂದ ಮಾಡಿದ್ದೇವೆ ಎನ್ನುತ್ತಾರೆ ಪ್ರಭಾರ ಮುಖ್ಯ ಶಿಕ್ಷಕಿ ಬೆನಡಿಕ್ಟ್ ಫಾಸ್ಕಲ್‌ ಮೊಂತೆರೋ. ಫೇಸ್‌ಬುಕ್‌ ಐಡಿಯಾ ಶಾಲೆಗೆ ಬಂತು: ಮೀನಾಡಿಯ ದ.ಕ. ಜಿಪಂ ಕಿರಿಯ ಪ್ರಾಥಮಿಕ ಶಾಲೆಯ ಮುಖ್ಯ ಶಿಕ್ಷಕ ಗೋವಿಂದ ನಾಯಕ್‌ ಹೇಳುವಂತೆ, ನಾನು ನಿಜವಾಗಿಯೂ ಸಿಆರ್‌ಪಿ. ಆದರೆ ಶಾಲೆಗೆ ಶಿಕ್ಷಕರು ಇಲ್ಲಎಂದಾಗ ನಾನು ಬಂದೆ. 1ರಿಂದ 5ರ ವರೆಗೆ 12 ವಿದ್ಯಾರ್ಥಿಗಳಿದ್ದಾರೆ. ನಾನು ಬರುವಾಗ ಶಾಲೆಯ ಸ್ಥಿತಿ ಉತ್ತಮವಾಗಿರಲಿಲ್ಲ. ಫೇಸ್‌ಬುಕ್‌ನಲ್ಲಿ ಕೇರಳದ ಶಾಲೆಯ ಚಿತ್ರವೊಂದನ್ನು ನೋಡಿದ್ದೆ. ಇದೇ ಮಾದರಿಯಲ್ಲಿಮಾಡುವ ಮನಸ್ಸಾಯಿತು. ಗೆಳೆಯರಾದ ಲಕ್ಷ್ಮೇಶ ಹಾಗೂ ಮಾಧವ ಜತೆಗೂಡಿದರು. ಕೋವಿಡ್‌ ರಜೆಯ ಸಮಯದಲ್ಲಿಶಾಲೆಯನ್ನು ರೈಲಿನ ಬೋಗಿಯಂತೆ ಬದಲಾಯಿಸಿದೆವು. ಮೀನಾಡಿ ಎಕ್ಸ್‌ಪ್ರೆಸ್‌ ಎನ್ನುವ ಹೆಸರು ನೀಡಿ ಪ್ರತಿ ಬೋಗಿಯಲ್ಲೂತರಗತಿಯ ಹೆಸರನ್ನು ನೀಡಿದ್ದೇವೆ. ನಾವೇ ದಾನಿಗಳ ಜತೆಗೆ ಖರ್ಚು ಮಾಡಿ ಇದನ್ನು ಮಾಡಿದ್ದೇವೆ. ಐದಾರು ಹೊಸ ವಿದ್ಯಾರ್ಥಿಗಳು ಶಾಲೆಗೆ ಬರುವ ಮನಸ್ಸು ಮಾಡಿದ್ದಾರೆ ಎನ್ನುತ್ತಾರವರು. ಬೆಳ್ತಂಗಡಿಯ ಮಚ್ಚಿನ ಸರಕಾರಿ ಪ್ರೌಢಶಾಲೆಯಧಿನ್ನು ಕೋವಿಡ್‌ ಸಮಯದಲ್ಲಿಶಿಕ್ಷಕರು, ಎಸ್‌ಡಿಎಂಸಿ ಸದಸ್ಯರು, ದಾನಿಗಳ ನೆರವಿನಿಂದ ರೈಲಿನಂತೆ ಬಿಡಿಸಿದ್ದಾರೆ. ಇದರ ಜತೆಗೆ ಪ್ರತಿ ತರಗತಿಯ ಕೊಠಡಿಯನ್ನು ಕೂಡ ಪಠ್ಯ ವಿಷಯಕ್ಕೆ ಸಂಬಂಧಪಟ್ಟ ಆಕರ್ಷಕ ಚಿತ್ರಗಳನ್ನು ಬಿಡಿಸುವ ಕೆಲಸಕ್ಕೆ ಖುದ್ದು ಶಿಕ್ಷಕರೇ ಖರ್ಚು ಮಾಡಿದ್ದಾರೆ. ಸಂಸ್ಕೃತಿ, ಪರಂಪರೆ, ಕ್ರೀಡೆ ಮತ್ತು ಪರಿಸರ ಕಾಳಜಿಯ ಚಿತ್ರಗಳು ಇದರಲ್ಲಿಸೇರಿಕೊಂಡಿದೆ ಎನ್ನುತ್ತಾರೆ ಮುಖ್ಯ ಶಿಕ್ಷಕ ಪ್ರಕಾಶ್‌ ನಾಯಕ್‌. ದಕದಲ್ಲಿ60ಕ್ಕೂ ಹೆಚ್ಚು ಶಾಲೆಗಳು: ದ.ಕ. ಜಿಪಂ ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉಪನಿರ್ದೇಶಕ ಮಲ್ಲೇಸ್ವಾಮಿ ಹೇಳುವಂತೆ ಈ ವರ್ಷದಲ್ಲಿ ಕೋವಿಡ್‌ ಶಿಕ್ಷಣ ವಲಯದಲ್ಲಿಸಾಕಷ್ಟು ಹೊಡೆತ ನೀಡಿದೆ. ಶಿಕ್ಷಕರು ಈ ಕೋವಿಡ್‌ ರಜಾ ಅವಧಿಯಲ್ಲಿಶಾಲೆಯ ಬಣ್ಣ ಬದಲಾಯಿಸುವ ಮೂಲಕ ವಿದ್ಯಾರ್ಥಿಗಳನ್ನು ಸೆಳೆಯಲು ಪ್ರಯತ್ನ ಪಟ್ಟಿದ್ದಾರೆ. ಜಿಲ್ಲೆಯ 60ಕ್ಕೂ ಹೆಚ್ಚು ಹಿರಿಯ, ಪ್ರೌಢಶಾಲೆಗಳು ಇಂತಹ ಪ್ರಯೋಗ ನಡೆಸಿದೆ. ಒಳ್ಳೆಯ ಬೆಳವಣಿಗೆ ಇದೇ ಮೊದಲ ಬಾರಿಗೆ ಇಷ್ಟು ದೊಡ್ಡಮಟ್ಟಿನಲ್ಲಿ ನಡೆದಿದೆ ಎನ್ನುತ್ತಾರೆ ಅವರು.

from India & World News in Kannada | VK Polls https://ift.tt/3uHVnht

ಗೋಹತ್ಯೆ ನಿಷೇಧ ಕಾಯಿದೆ ಜಾರಿ, ಹೋರಿ ಕರುಗಳ ಕೇಳೋರಿಲ್ಲ; ​ಸಾಕಲಾಗದೇ ಅರಣ್ಯಕ್ಕೆ ಬಿಡುತ್ತಿರುವ ಜನ!

ನವೀನ್‌ ಮಂಡ್ಯ ಮಂಡ್ಯ: ರಾಜ್ಯದಲ್ಲಿ ಜಾರಿ ಬಳಿಕ ಸಾಕಣೆದಾರರು ತಮ್ಮ ಮಿಶ್ರತಳಿ ಹಸುಗಳು ಜನ್ಮ ನೀಡಿದ ಗಂಡು ಕರುಗಳನ್ನು ಏನು ಮಾಡಬೇಕು ಎಂದು ತೋಚದೆ ಚಿಂತೆಯಲ್ಲಿದ್ದಾರೆ. ಗಂಡು ಕರುಗಳನ್ನು ಸಾಕಲಾಗದ ಸ್ಥಿತಿಯಲ್ಲಿರುವ ಕೆಲವು ಮಂದಿ ಅವುಗಳನ್ನು ಬೆಟ್ಟ-ಗುಡ್ಡ ಅಥವಾ ಕಾಡಿನಂತಹ ಪ್ರದೇಶಕ್ಕೆ ಬಿಡುತ್ತಿರುವುದು ಕಂಡು ಬಂದಿದೆ. ಜನಿಸಿ ಕೆಲವೇ ದಿನಗಳಾಗಿರುವ ಮಿಶ್ರತಳಿ ಹಸುವಿನ ಗಂಡು ಕರುಗಳನ್ನು ರೈತರು ರಾತ್ರಿ ವೇಳೆಯಲ್ಲಿ ಎಲ್ಲೆಂದರಲ್ಲಿ ಬಿಟ್ಟು ಹೋಗುತ್ತಿದ್ದಾರೆ. ಪಾಂಡವಪುರ ತಾಲೂಕಿನ ದೊಡ್ಡಬ್ಯಾಡರಹಳ್ಳಿ ಬಳಿ ಇರುವ ಗೋಶಾಲೆ ಸಮೀಪ, ಕೆ.ಆರ್‌.ಪೇಟೆ ತಾಲೂಕಿನ ಗವಿರಂಗನಾಥಸ್ವಾಮಿ ದೇಗುಲದ ಬಳಿಯ ಪ್ರದೇಶ ಹಾಗೂ ಬೆಟ್ಟದ ತಪ್ಪಲಿನಲ್ಲಿ ಕೆಲವರು ಗಂಡು ಕರುಗಳನ್ನು ಬಿಟ್ಟು ಹೋಗುತ್ತಿದ್ದಾರೆ. ಪರಿಣಾಮ ಈ ಕರುಗಳು ಹಾಲು-ಮೇವು ಇಲ್ಲದೆ ನರಳಾಡುವಂಥ ಸ್ಥಿತಿಯಿದೆ. ಕೆಲವು ಮೃತಪಟ್ಟಿವೆ. ಇನ್ನು ಕೆಲವು ಚಿರತೆಗಳಿಗೆ ಬಲಿಯಾಗಿವೆ ಎನ್ನಲಾಗಿದೆ. ಹರಕೆ ಕರು ಬಿಡುವ ಸಂಪ್ರದಾಯ ಹಾಗೆ ನೋಡಿದರೆ ಶ್ರೀ ಗವಿರಂಗನಾಥಸ್ವಾಮಿಗೆ ಹರಕೆ ಕರುಗಳನ್ನು ಬಿಡುವ ಸಂಪ್ರದಾಯ ಹೊಸದೇನೂ ಅಲ್ಲ. ಸಾಮಾನ್ಯವಾಗಿ ಹಳ್ಳಿಕಾರ್‌ ತಳಿಯ ಗಂಡು ಕರುಗಳನ್ನು ಹರಕೆ ಬಿಡಲಾಗುತ್ತಿತ್ತು. ಇವು ಬಸಪ್ಪನೆಂದೇ ಪೂಜಿಸಲ್ಪಡುತ್ತಿದ್ದರು. ಅವುಗಳಿಗೆ ಜನರು ಸಹ ಹುಲ್ಲು, ಬಾಳೆಹಣ್ಣು ಮತ್ತಿತರ ಆಹಾರ ಪದಾರ್ಥಗಳನ್ನು ನೀಡಿ, ಕೈ ಮುಗಿಯುತ್ತಿದ್ದರು. ಆದರೆ, ಗೋಹತ್ಯೆ ನಿಷೇಧದ ಬಳಿಕ ಈ ಹರಕೆ ಹೆಸರಿನಲ್ಲಿ ಮಿಶ್ರ ತಳಿ ಹಸುವಿನ ಗಂಡು ಕರುಗಳನ್ನು ದೇವಾಲಯ ಬಳಿ ಬಿಡುವುದು ಹೆಚ್ಚಾಗಿದೆ. ಹೆಣ್ಣು ಕರು ಜನಿಸಿದರೆ ಆರೈಕೆ ಮಾಡುವುದರಿಂದ ಮುಂದಿನ ದಿನಗಳಲ್ಲಿ ಅವು ಹಾಲು ಕೊಡಲಿದೆ ಎಂದು ಜನರು ಸಾಕುತ್ತಾರೆ. ಆದರೆ, ಗಂಡು ಕರು ಜನಿಸಿದರೆ ಸಾಕಿ ಆರ್ಥಿಕ ನಷ್ಟ ಮಾಡಿಕೊಳ್ಳಲು ರೈತರು ಇಚ್ಛಿಸುವುದಿಲ್ಲ. ಇದರಿಂದ ಹುಟ್ಟಿದ ತಕ್ಷಣ ಮಾರಾಟ ಮಾಡಿಬಿಡುತ್ತಿದ್ದರು. ಆದರೆ, ಗೋಹತ್ಯೆ ನಿಷೇಧದಿಂದ ಮಾರಾಟ ಮಾಡಲು ಆಗದೆ, ಇತ್ತ ಸಾಕಲೂ ಆಗದೆ ತೊಂದರೆ ಎದುರಿಸುವಂತಗಿದೆ. ನಾಟಿ ಹಸು ಗಂಡು ಕರುವಿಗಿದೆ ಬೇಡಿಕೆ ನಾಟಿ ಹಸು ಅಥವಾ ಹಳ್ಳೀಕಾರ್‌ ತಳಿಯ ಹಸುಗಳು ಗಂಡು ಅಥವಾ ಹೆಣ್ಣು ಯಾವುದೇ ಕರುಗಳನ್ನು ಸಾಕಿದರೆ ರೈತರು ಖುಷಿಗೊಳ್ಳುತ್ತಾರೆ. ಅದರಲ್ಲೂ ಗಂಡು ಕರು ಹಾಕಿದರೆ ಆ ಖುಷಿ ದುಪ್ಪಟ್ಟಾಗುತ್ತದೆ. ಸಾಮಾನ್ಯವಾಗಿ ನಾಟಿ ಹಸುವಿನ ಕರುಗಳನ್ನು ಕೃಷಿ ಚಟುವಟಿಕೆಗೆ ಬಳಸಲಾಗುತ್ತಿದೆ. ಅದರಲ್ಲೂ ಇತ್ತೀಚೆಗೆ ಶೋಕಿಗೆ ಸಾಕುವವ ಸಂಖ್ಯೆಯೂ ಹೆಚ್ಚಾಗಿದೆ. ಹೀಗಾಗಿ ನಾಟಿ ಹಸುವಿನ ಗಂಡು ಕರುಗಳಿಗೆ ಸಹಸ್ರ ಸಹಸ್ರ ಬೆಲೆಯಿದೆ. ಗೋಶಾಲೆ ತೆರೆಯಲು ಆಗ್ರಹ ರಾತ್ರೋರಾತ್ರಿ ರೈತರು ಗಂಡು ಕರುಗಳನ್ನು ಬಿಟ್ಟು ಹೋಗುತ್ತಿರುವುದರಿಂದ ಕರುಗಳು ಪೋಷಣೆ ಸಿಗದೆ ನರಳಾಡುತ್ತಿವೆ. ಹೀಗಾಗಿ ಸರಕಾರ ಕೂಡಲೇ ಇಲ್ಲಿ ಗೋಶಾಲೆ ತೆರೆದು ಅನಾಥ ಕರುಗಳ ಪೋಷಣೆಗೆ ಕ್ರಮ ಕೈಗೊಳ್ಳಬೇಕು ಎಂದು ಕೆ.ಆರ್‌.ಪೇಟೆಯ ಹೆತ್ತಗೋನಹಳ್ಳಿಯ ಎಚ್‌.ಜೆ.ನಾರಾಯಣಗೌಡ ಆಗ್ರಹಿಸಿದ್ದಾರೆ. ಗೋಶಾಲೆಗೆ ಬಿಡುವಂತೆ ಸಚಿವಪ್ರಭು ಚೌಹಾಣ್‌ ಸೂಚಿಸಿದ್ದರು ಗೋಹತ್ಯೆ ನಿಷೇಧದ ಹಿನ್ನೆಲೆಯಲ್ಲಿ 15 ದಿನಗಳ ಹಿಂದಷ್ಟೇ ನಗರದಲ್ಲಿ ಪಶುಸಂಗೋಪನಾ ಇಲಾಖೆ ಅಧಿಕಾರಿಗಳ ಸಭೆ ನಡೆಸಿದ ಸಚಿವ ಪ್ರಭು ಚೌಹಾಣ್‌ ಅವರು, ದೊಡ್ಡಬ್ಯಾಡರಹಳ್ಳಿ ಸಮೀಪದ ಚೈತ್ರ ಗೋಶಾಲೆಗೂ ಭೇಟಿ ನೀಡಿದ್ದರು. ಈ ವೇಳೆ ರೈತರು ಕನಿಷ್ಠ ಮೂರು ತಿಂಗಳವರೆಗೆ ಗಂಡು ಕರುಗಳನ್ನು ಸಾಕಿ ಗೋಶಾಲೆಗಳಿಗೆ ಬಿಡುವಂತೆ ಅಧಿಕಾರಿಗಳು ಕ್ರಮ ವಹಿಸಬೇಕೆಂದು ಸೂಚಿಸಿದ್ದರು. ಶ್ರೀಗವಿರಂಗನಾಥಸ್ವಾಮಿ ದೇವಾಲಯದ ಬಳಿ ರೈತರು ಮಿಶ್ರತಳಿಯ ಗಂಡು ಕರುಗಳನ್ನು ಬಿಟ್ಟು ಹೋಗುತ್ತಿರುವುದು ಗೊತ್ತಾಗಿದೆ. ಯಾರು ಬಿಡುತ್ತಿದ್ದಾರೆಂಬುದು ಗೊತ್ತಿಲ್ಲ. ಪುಟ್ಟ ಕರುಗಳನ್ನು ಹೀಗೆ ಕಾಡಿಗೆ ಬಿಡುವುದು ಸರಿಯಲ್ಲ. ಸ್ವಲ್ಪಮಟ್ಟಿಗೆ ಬೆಳೆಸಿ ತಂದು ಬಿಟ್ಟರೆ ಯಾರಾದರೂ ಸಾಕಿಕೊಳ್ಳುತ್ತಾರೆ. ಜತೆಗೆ, ಭಾಗದಲ್ಲಿ ಗೋಶಾಲೆ ತೆರೆಯುವ ಬಗ್ಗೆ ಚರ್ಚೆ ಮಾಡಿ ತೀರ್ಮಾನಿಸಲಾಗುವುದು. ಈ ಬಗ್ಗೆ ಆದಿಚುಂಚನಗಿರಿಯ ಸ್ವಾಮೀಜಿ ಅವರೊಂದಿಗೂ ಮಾತನಾಡಲಾಗುವುದು. ಕೆ.ಸಿ.ನಾರಾಯಣಗೌಡ, ಜಿಲ್ಲಾಉಸ್ತುವಾರಿ ಸಚಿವ

from India & World News in Kannada | VK Polls https://ift.tt/3b3fDCI

ಭಾರತ-ಪಾಕ್ ಕದನ ವಿರಾಮ ಒಪ್ಪಂದ ಸ್ವಾಗತಿಸಿದ ಯುಎಇ: 'ವಿವಾದಿತ ಗಡಿ' ಸಮಸ್ಯೆಗೆ ಪರಿಹಾರದ ಭರವಸೆ!

ಅಬು ದಾಬಿ: ಭಾರತ ಹಾಗೂ ಪಾಕಿಸ್ತಾನ ನಡುವಿನ ಘೋಷಣೆಯನ್ನು ಸ್ವಾಗತಿಸಿರುವ ಸಂಯುಕ್ತ ಅರಬ್ ಸಂಸ್ಥಾನ(), ಸಂಬಂಧ ಸುಧಾರಣೆಯಲ್ಲಿ ಇದೊಂದು ಮಹತ್ವದ ಹೆಜ್ಜೆ ಎಂದು ಅಭಿಪ್ರಾಯಪಟ್ಟಿದೆ. ಈ ಕುರಿತು ಅಧಿಕೃತ ಪ್ರಕಟಣೆ ಹೊರಡಿಸಿರುವ ಯುಎಇ ವಿದೇಶಾಂಗ ಇಲಾಖೆ, ಭಾರತ ಹಾಗೂ ಪಾಕಿಸ್ತಾನ ನಡುವಿನ ಕದನ ವಿರಾಮ ಒಪ್ಪಂದ ಘೋಷಣೆಯನ್ನು ಸ್ವಾಗತಿಸುವುದಾಗಿ ಹೇಳಿದೆ. ಉಭಯ ದೇಶಗಳನ್ನು ತನ್ನ ಸ್ನೇಹಪರ ದೇಶಗಳು ಎಂದು ಕರೆದಿರುವ ಯುಎಇ, ಮಾತುಕತೆ ಮೂಲಕ ಭಾರತ ಹಾಗೂ ಪಾಕಿಸ್ತಾನ ಗಡಿ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲಿವೆ ಎಂಬ ಭರವಸೆ ಇದೆ ಎಂದು ಹೇಳಿದೆ. ಇದೇ ವೇಳೆ ಉಭಯ ದೇಶಗಳ ಗಡಿ ಸಮಸ್ಯೆಯನ್ನು 'ವಿವಾದಿತ' ಎಂದು ಬಣ್ಣಿಸಿರುವ ಯುಎಇ, ಪ್ರಮುಖವಾಗಿ ಕಾಶ್ಮೀರವನ್ನು ವಿವಾದಿತ ಗಡಿ ಎಂದು ಕರೆದಿದೆ. ಭಾರತ ಹಾಗೂ ಪಾಕಿಸ್ತಾನ ಎರಡೂ ದೇಶಗಳೊಂದಿಗೆ ಐತಿಹಾಸಿಕ ಗಾಢ ಸಂಬಂಧ ಹೊಂದಿರುವುದಾಗಿ ಹೇಳಿರುವ ಯುಎಇ, ಉಭಯ ದೇಶಗಳು ಕದನ ವಿರಾಮ ಒಪ್ಪಂದವನ್ನು ಪರಿಣಾಮಕಾರಿಯಾಗಿ ಜಾರಿಗೆ ತರುವ ಭರವಸೆ ಇದೆ ಎಂದು ಹೇಳಿದೆ. ಅಲ್ಲದೇ ರಾಜತಾಂತ್ರಿಕ ಶಾಂತಿ ಮಾತುಕತೆಗಳ ಮೂಲಕ ಈ ಪ್ರದೇಶದಲ್ಲಿ ಶಾಶ್ವತ ಶಾಂತಿ ಹಾಗೂ ಸ್ಥಿರತೆ ಸ್ಥಾಪನೆಗೆ ಒತ್ತು ನೀಡಲಿವೆ ಎಂದೂ ಯುಎಇ ಭರವಸೆ ವ್ಯಕ್ತಪಡಿಸಿದೆ. ಈಗಾಗಲೇ ವಿಶ್ವಸಂಸ್ಥೆ ಹಾಗೂ ಅಮೆರಿಕ ಸೇರಿದಂತೆ ವಿಶ್ವದ ಹಲವು ರಾಷ್ಟ್ರಗಳು ನಡುವಿನ ಕದನ ವಿರಾಮ ಒಪ್ಪಂದ ಘೋಷಣೆಯನ್ನು ಸ್ವಾಗತಿಸಿದ್ದು, ಈ ಸಾಲಿಗೆ ಇದೀಗ ಯುಎಇ ಸೇರಿದೆ. ಗಡಿ ನಿಯಂತ್ರಣ ರೇಖೆ(ಎಲ್‌ಒಸಿ)ಗುಂಟ 2003ರಲ್ಲಿ ಜಾರಿಗೆ ತರಲಾದ ಕದನ ವಿರಾಮ ಒಪ್ಪಂದವನ್ನು ಪರಿಣಾಮಕಾರಿಯಾಗಿ ಜಾರಿಗೆ ತರುವ ಕುರಿತು, ಕಳೆದ ಗುರುವಾರ ಭಾರತ ಹಾಗೂ ಪಾಕಿಸ್ತಾನ ಜಂಟಿ ಹೇಳಿಕೆಯನ್ನು ಬಿಡುಗಡೆ ಮಾಡಿದ್ದನ್ನು ಇಲ್ಲಿ ಸ್ಮರಿಸಬಹುದು.

from India & World News in Kannada | VK Polls https://ift.tt/3uFXMJM

ಮತ್ತೆ ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಸ್ಪರ್ಧಿಸುವ ಸುಳಿವು ಬಿಟ್ಟುಕೊಟ್ಟ ಡೊನಾಲ್ಡ್‌ ಟ್ರಂಪ್‌!

ವಾಷಿಂಗ್ಟನ್‌: ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಸೋತು, ಬಿಟ್ಟು ಹೋದ ಬಳಿಕ ಇದೇ ಮೊದಲ ಬಾರಿಗೆ ಸಾರ್ವಜನಿಕವಾಗಿ ಕಾಣಿಸಿಕೊಂಡಿರುವ ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಮೂರನೇ ಬಾರಿಗೆ ಅಧ್ಯಕ್ಷಗಾದಿಗಿಳಿಯುವ ಬಗ್ಗೆ ಸುಳಿವು ಬಿಟ್ಟುಕೊಟ್ಟಿದ್ದಾರೆ. ಕನ್ಸರ್ವೇಟಿವ್ ಪಾಲಿಟಿಕಲ್ ಆಕ್ಷನ್ ಕಾನ್ಫರೆನ್ಸ್ (ಸಿಪಿಎಸಿ) 2021 ಉದ್ದೇಶಿಸಿ ಮಾತನಾಡಿದ ಟ್ರಂಪ್, ನಾಲ್ಕು ವರ್ಷಗಳ ಹಿಂದೆ ನಾವು ಜೊತೆಯಾಗಿ ಆರಂಭಿಸಿದ ಅದ್ಭುತ ಪ್ರಯಾಣವು ಇನ್ನು ಕೊನೆಗೊಂಡಿಲ್ಲ ಎಂಬುದನ್ನು ಘೋಷಿಸಲು ನಿಮ್ಮ ಮುಂದೆ ನಾನು ನಿಂತಿದ್ದೇನೆ ಎಂದು ಹೇಳಿದರು. ಭವಿಷ್ಯದ ಬಗ್ಗೆ ಮಾತನಾಡಲು ನಾವಿಲ್ಲಿ ಒಗ್ಗೂಡಿದ್ದೇವೆ. ಭವಿಷ್ಯದ ಚಳವಳಿ, ನಮ್ಮ ಪಕ್ಷದ ಭವಿಷ್ಯ ಮತ್ತು ನಮ್ಮ ಪ್ರೀತಿಯ ದೇಶದ ಭವಿಷ್ಯ ಎಂದು ಹೇಳಿದರು. ನೀವು ನನ್ನನ್ನ ಮಿಸ್‌ ಮಾಡಿಕೊಂಡ್ರಾ? ನೀವು ನನ್ನನ್ನು ಮಿಸ್ ಮಾಡಿಕೊಂಡ್ರಾ? ಎಂಬ ಪ್ರಶ್ನೆ ನೆರೆದಿದ್ದ ವೀಕ್ಷಕರಿಗೆ ಕೇಳೆ ಭಾಷಣವನ್ನು ಪ್ರಾರಂಭಿಸಿದ ಟ್ರಂಪ್, ಹೊಸ ರಾಜಕೀಯ ಪಕ್ಷವನ್ನು ರಚಿಸುವುದಿಲ್ಲ ಎಂದು ಘೋಷಿಸಿದ ಟ್ರಂಪ್‌, ನಿಮಗೆಲ್ಲ ಗೊತ್ತಿರುವ ಹಾಗೇ ಅವರು ಶ್ವೇತಭವನವನ್ನು ಹಾಳು ಗೆಡವಿದರು ಎಂದು ಡೆಮಾಕ್ರಾಟ್ ಪಕ್ಷದ ವಿರುದ್ಧ ವಾಗ್ದಾಳಿ ನಡೆಸಿದರು. ಅವರು ಸುಳ್ಳಿನಿಂದ ಚುನಾವಣೆ ಗೆದ್ದರು, ಯಾರಿಗೆ ಗೊತ್ತು ಮೂರನೇ ಬಾರಿಗೆ ಅವರನ್ನು ಸೋಲಿಸಲು ನಾನು ನಿರ್ಧರಿಸಬಹುದು ಎಂದು ಟ್ರಂಪ್‌ ಹೇಳಿದರು. ಬಿಡೆನ್‌ ವಿರುದ್ಧ ವಾಗ್ದಾಳಿ!ಇನ್ನು ನೂತನ ಅಧ್ಯಕ್ಷ ಜೋ ಬಿಡನ್‌ ವಿರುದ್ಧ ಕಿಡಿಕಾರಿದ ಟ್ರಂಪ್‌ ,ಜೋ ಬೈಡನ್ ನೇತೃತ್ವದ ಹೊಸ ಆಡಳಿತವು ಉದ್ಯೋಗ ವಿರೋಧಿ, ಕುಟುಂಬ ವಿರೋಧಿ, ಮಹಿಳಾ ವಿರೋಧಿ ಮತ್ತು ವಿಜ್ಞಾನ ವಿರೋಧಿಯಾಗಿದೆ ಎಂದು ಆರೋಪಿಸಿದರು. ಆಧುನಿಕ ಇತಿಹಾಸದಲ್ಲಿ ಅತ್ಯಂತ ವಿನಾಶಕಾರಿ ಮೊದಲ ತಿಂಗಳ ಆಡಳಿತವನ್ನು ಜೋ ಬೈಡನ್ ನಡೆಸಿದರು ಎಂದು ಟೀಕಿಸಿದರು. ಅಲ್ಲದೆ ಗಡಿ ವಿವಾದಗಳ ಬಗ್ಗೆ ಬಿಡನ್‌ ವಿರುದ್ಧ ಬೆರಳು ತೋರಿದರು. ಚುನಾವಣಾ ವಂಚನೆಯ ಆರೋಪಗಳನ್ನು ಪುನರಾವರ್ತಿಸಿರುವ ಟ್ರಂಪ್ ಮುಂದಿನ ನಾಲ್ಕು ವರ್ಷಗಳಲ್ಲಿ ಡೆಮಾಕ್ರಾಟ್‌ಗಳು ಅಧಿಕಾರವನ್ನು ಕಳೆದುಕೊಳ್ಳಲಿದ್ದಾರೆ ಎಂದು ಟ್ರಂಪ್‌ ಹೇಳಿದರು.

from India & World News in Kannada | VK Polls https://ift.tt/2NGx1o0

ಕೊರೊನಾ ಲಸಿಕೆ ಪಡೆಯಲು ನೋಂದಣಿ ಕಡ್ಡಾಯ: ಕೇಂದ್ರ ಸರಕಾರ

ಹೊಸದಿಲ್ಲಿ: ಸೋಮವಾರದಿಂದ ಆರಂಭವಾಗಿರುವ ನಿರೋಧಕ ಲಸಿಕೆ ಅಭಿಯಾನದ ಮೂರನೇ ಹಂತದಲ್ಲಿ ನಾಗರಿಕರು ತಾವೇ ಲಸಿಕಾ ಕೇಂದ್ರಗಳಿಗೆ ತೆರಳಿ ನೋಂದಣಿ ಮಾಡಿಕೊಳ್ಳುವ ಅವಕಾಶವನ್ನು ಕೇಂದ್ರ ಸರಕಾರ ಕಲ್ಪಿಸಿದೆ. ಲಸಿಕೆ ಅಭಿಯಾನಕ್ಕೆಂದೇ ರೂಪಿಸಲಾಗಿರುವ 'ಕೋ-ವಿನ್‌' ವೆಬ್‌ಸೈಟ್‌ ಮೂಲಕವೇ ನೋಂದಣಿ ಮಾಡಿಸಿಕೊಳ್ಳಬೇಕು. ವೆಬ್‌ಸೈಟ್‌ನಲ್ಲಿ ಜನರು ಸ್ವಯಂ ನೋಂದಣಿ ಮಾಡಿಸಿಕೊಳ್ಳಲು ಅನುವಾಗವಾಗುವಂತೆ ವೆಬ್‌ಸೈಟ್‌ ಅನ್ನು ಮೇಲ್ದರ್ಜೆಗೆ ಏರಿಸಲು ಶನಿವಾರ ಹಾಗೂ ಭಾನುವಾರ ದೇಶಾದ್ಯಂತ ಲಸಿಕೆ ಅಭಿಯಾನಕ್ಕೆ ಬಿಡುವು ನೀಡಲಾಗಿತ್ತು. ''ಕೋ-ವಿನ್‌ 2.0 ಆವೃತ್ತಿಯು ಜನಸ್ನೇಹಿಯಾಗಿರಲಿದೆ. ಒಂದೇಸಲ ಹಲವಾರು ಸಾವಿರ ನೋಂದಣಿಗಳನ್ನು ವೆಬ್‌ಸೈಟ್‌ ಪರಿಶೀಲಿಸಲಿದೆ. ಜನರು ತಮ್ಮ ಇಷ್ಟದ ಸ್ಥಳದಲ್ಲಿನ ಲಸಿಕೆ ಕೇಂದ್ರವನ್ನು ಆಯ್ಕೆ ಮಾಡಿಕೊಳ್ಳುವ ಅವಕಾಶವನ್ನು ವೆಬ್‌ಸೈಟ್‌ನ ಪರಿಷ್ಕೃತ ಆವೃತ್ತಿಯಲ್ಲಿ ಕಲ್ಪಿಸಲಾಗುವುದು,'' ಎಂದು ಆರೋಗ್ಯ ಸಚಿವಾಲಯ ಹಿರಿಯ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ. ಜ.16ರಂದು ದೇಶಾದ್ಯಂತ ಕೊರೊನಾ ನಿರೋಧಕ ಲಸಿಕೆ ಅಭಿಯಾನ ಆರಂಭಿಸಲಾಗಿದೆ. ಮೊದಲೆಧಿರಡು ಹಂತದಲ್ಲಿ ನೋಂದಣಿ ಮಾಡಿಸಿಕೊಂಡ ಆರೋಗ್ಯ ಕಾರ್ಯಧಿಕರ್ತರು, ಪೊಲೀಸರು, ಪೌರಕಾರ್ಮಿಕರು, ಸ್ಯಾನಿಟೈಧಿಸೇಷನ್‌ ಮಾಡುವ ಸಿಬ್ಬಂದಿ ಹಾಗೂ ಇತರ ಕೊರೊನಾ ಯೋಧರಿಗೆ ಲಸಿಕೆ ನೀಡಲಾಗಿದೆ. ಈವರೆಗೆ 1.30 ಕೋಟಿ ಜನರಿಗೆ ಮೊದಲ ಡೋಸ್‌ ನೀಡಲಾಗಿದೆ. ಮೊದಲ ಹಂತದಲ್ಲಿ ಲಸಿಕೆ ಹಾಕಿಸಿಕೊಳ್ಳದ ಆರೋಗ್ಯ ಕಾರ್ಯಕರ್ತರು ಮತ್ತು ಕೊರೊನಾ ಯೋಧರು ಸಹ ತಮ್ಮ ಇಷ್ಟದ ಕೇಂದ್ರಗಳಿಗೆ ತೆರಳಿ ಲಸಿಕೆ ಹಾಕಿಸಿಕೊಳ್ಳುವ ಅವಕಾಶವನ್ನೂ ನೀಡಲಾಗಿದೆ. ಮಾರ್ಚ್ 1ರಂದು ಆರಂಭವಾಗುವ ಮೂರನೇ ಹಂತದ ಅಭಿಯಾನದಲ್ಲಿ 60 ವರ್ಷ ಮೇಲ್ಪಟ್ಟವರು ಹಾಗೂ ಗಂಭೀರ ಆರೋಗ್ಯ ಸಮಸ್ಯೆ ಇರುವ 45 ವರ್ಷ ಮೇಲ್ಪಟ್ಟ ವ್ಯಕ್ತಿಗಳಿಗೆ ಲಸಿಕೆ ಹಾಕುವ ಉದ್ದೇಶ ಹೊಂದಲಾಗಿದೆ.

from India & World News in Kannada | VK Polls https://ift.tt/2ZWjxH0

ಫೇಸ್‌ಬುಕ್‌ ಹ್ಯಾಕ್‌, ಹಣಕ್ಕೆ ಬೇಡಿಕೆ; ಅಕ್ರಮ ಸಂದೇಶ ಪರಿಶೀಲಿಸಿ, ಮೋಸಹೋಗದಿರಿ!

(): ಖಾತೆ ಹ್ಯಾಕ್‌ ಮಾಡಿ ಹಣಕ್ಕಾಗಿ ಬೇಡಿಗೆ ಇಡುತ್ತಿರುವ ಘಟನೆಗಳು ಕಳಸದಲ್ಲಿ ನಡೆದಿದೆ. ಕಳಸದ ನಕ್ಸಲ್‌ ನಿಗ್ರಹ ಪಡೆಯ ಸಿಬ್ಬಂದಿ ಗಿರೀಶ್‌ ಅವರ ಫೇಸ್‌ಬುಕ್‌ ಖಾತೆ ಹ್ಯಾಕ್‌ ಮಾಡಿ ಅವರ ಗೆಳೆಯರಿಗೆ ಹಣಕಾಸಿನ ತೊಂದರೆ ಇರುವುದಾಗಿ ಹ್ಯಾಕರ್‌ ಬಲಿಗೆಯ ಪ್ರಸಾದ್‌ ಅವರಿಗೆ ಸಂದೇಶ ಕಳಿಸಿದ್ದಾರೆ. ಹುಷಾರಿಲ್ಲ, ಆಸ್ಪತ್ರೆಯಲ್ಲಿದ್ದೇನೆ, ಹಣಕಾಸಿನ ತೀರಾ ತೊಂದರೆಯಿದೆ. ಹಣವನ್ನು ನನ್ನ ಗೂಗಲ್‌ ಪೇ, ಪೇಟಿಎಂ ಮತ್ತು ಖಾತೆಗಳಿಗೆ ನೀಡಿ ಎಂಬ ವಿವರಗಳನ್ನು ಆರೋಪಿ ನೀಡಿದ್ದಾನೆ. ಹಾಗೆಯೇ 15-20 ಸಾವಿರ ರೂ.ಗೆ ಇಟ್ಟು ಒಂದೆರಡು ದಿನದಲ್ಲಿ ವಾಪಸು ಕೊಡುವುದಾಗಿ ಗಿರೀಶ್‌ ಅವರ ಹಲವಾರು ಸ್ನೇಹಿತರಿಗೆ ಸಂದೇಶ ಕಳುಹಿಸಿದ್ದಾನೆ. ಈ ಬಗ್ಗೆ ಅನುಮಾನಗೊಂಡ ಪ್ರಸಾದ್‌ ಅವರು ಗಿರೀಶ್‌ ಅವರನ್ನು ಸಂಪರ್ಕಿಸಿದಾಗ ಅಂತಹ ಯಾವುದೇ ಬೇಡಿಕೆ ಇರಿಸಿಲ್ಲ ಎಂದು ತಿಳಿಸಿದ್ದು, ಫೇಸ್‌ಬುಕ್‌ ಹ್ಯಾಕ್‌ ಆಗಿರುವುದು ಗಮನಕ್ಕೆ ಬಂದಿದೆ. ಅಲ್ಲದೆ ಇದೇ ರೀತಿಯಲ್ಲಿ ಕಳಸ ಮತ್ತು ಸಂಸೆಯಲ್ಲಿ‌ ಆಗಿದ್ದು, ಅವರ ಗೆಳೆಯರಲ್ಲೂ ಹಣಕ್ಕಾಗಿ ಬೇಡಿಕೆ ಇಟ್ಟಿರುವುದು ಪತ್ತೆಯಾಗಿದೆ. ಇದರಲ್ಲಿ ಕೆಲವರು ಸತ್ಯವೆಂದು ನಂಬಿ ಹಣವನ್ನು ಹಾಕಿದ್ದಾರೆ. ಕೆಲವರು ಫೋನ್‌ ಮಾಡಿ ವಿಚಾರಿಸಿದ್ದಾರೆ. ಫೇಸ್‌ಬುಕ್‌ ಮುಖಾಂತರ ಸಂದೇಶ ಕಳುಹಿಸಿ ಹಣಕ್ಕಾಗಿ ಬೇಡಿಕೆ ಇಟ್ಟಾಗ ಯಾರೂ ಕೂಡ ನೀಡಬೇಡಿ. ಇದರ ಹಿಂದೆ ಹಣ ಮಾಡುವ ದೊಡ್ಡ ಜಾಲವೆ ಇದೆ. ನನ್ನ ಫೇಸ್‌ಬುಕ್‌ ಖಾತೆ ಹ್ಯಾಕ್‌ ಮಾಡಿದ್ದು, ಗೆಳೆಯರಲ್ಲಿ ಹಣಕ್ಕೆ ಬೇಡಿಕೆ ಇಟ್ಟಿರುವುದು ಗಮನಕ್ಕೆ ಬಂದಿದೆ. ಅಲ್ಲದೆ ಕಳಸ, ಸಂಸೆ ಸೇರಿದಂತೆ ಹಲವಾರು ಕಡೆ ಈ ರೀತಿ ಹಲವರ ಫೇಸ್‌ಬುಕ್‌ ಖಾತೆ ಹ್ಯಾಕ್‌ ಮಾಡಿ ಹಣಕ್ಕಾಗಿ ಬೇಡಿಕೆ ಇಡುತ್ತಿದ್ದಾರೆ. ಈ ಬಗ್ಗೆ ಸೈಬರ್‌ ಕ್ರೈಂ ವಿಭಾಗಕ್ಕೆ ದೂರು ಸಲ್ಲಿಸುತ್ತೇನೆ. ಗಿರೀಶ್‌, ಎಎನ್‌ಎಫ್‌ ಸಿಬ್ಬಂದಿ

from India & World News in Kannada | VK Polls https://ift.tt/37Z00dz

ಸುಳ್ಳು ಮಾಹಿತಿ ನೀಡಿ ಬಿಪಿಎಲ್‌ ಕಾರ್ಡ್‌ ಪಡೆದವರ ವಿರುದ್ಧ ಕಾನೂನು ಕ್ರಮ: ಸುಳ್ಯ ತಹಶೀಲ್ದಾರ್‌

ಸುಳ್ಯ: ಸುಳ್ಳು ಮಾಹಿತಿ ನೀಡಿ ಬಿಪಿಎಲ್‌ ಪಡಿತರ ಚೀಟಿಯನ್ನು ಪಡೆದುಕೊಂಡಿರುವವರು ತಮ್ಮ ಪಡಿತರ ಚೀಟಿಯನ್ನು ಇಲಾಖೆಗೆ ಹಿಂದಿರುಗಿಸಬೇಕು. ಇಲ್ಲದಿದ್ದರೆ ಅಂತವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಸುಳ್ಯ ತಹಸೀಲ್ದಾರ್‌ ಅನಿತಾ ಲಕ್ಷ್ಮಿ ತಿಳಿಸಿದ್ದಾರೆ. ಅನರ್ಹ ಬಿಪಿಎಲ್‌ ಪಡಿತರ ಚೀಟಿದಾರರು (ಕುಟುಂಬದ ವಾರ್ಷಿಕ ಆದಾಯ 1.20 ಲಕ್ಷ ಮೇಲ್ಪಟ್ಟವರು, ನಾಲ್ಕು ಚಕ್ರದ ವಾಹನ ಸ್ವಂತಕ್ಕಾಗಿ ಬಳಸುವವರು, ಸರಕಾರಿ/ ಅರೆ ಸರಕಾರಿ/ಖಾಸಗಿ ಸಂಸ್ಥೆಗಳಲ್ಲಿ ಉದ್ಯೋಗ ಹೊಂದಿರುವವರು, ನಗರ ಪ್ರದೇಶದಲ್ಲಿ1000 ಚದರ ಅಡಿ ವಿಸ್ತೀರ್ಣ ಅಥವಾ ಹೆಚ್ಚಿನ ವಿಸ್ತೀರ್ಣದ ವಾಸದ ಮನೆ ಹೊಂದಿರುವ ಕುಟುಂಬಗಳು) ಕೂಡಲೇ ತಮ್ಮ ಬಿಪಿಎಲ್‌/ಅಂತ್ಯೋದಯ ಅನ್ನ ಯೋಜನೆ ಪಡಿತರ ಚೀಟಿಗಳನ್ನು ಆಹಾರ ಇಲಾಖೆಗೆ ಹಾಜರುಪಡಿಸಬೇಕು. ನಿಧನರಾದ ಸದಸ್ಯರ ಹೆಸರನ್ನು ಸಹ ಚೀಟಿಯಿಂದ ಕೂಡಲೇ ತೆಗೆಸಿ ದಾಖಲೆಯನ್ನು ಇಲಾಖೆಗೆ ಹಾಜರುಪಡಿಸಲು ಮಾ.15ರವರೆಗೆ ಕೊನೆಯ ಅವಕಾಶ ನೀಡಲಾಗಿದೆ ಎಂದು ತಹಸೀಲ್ದಾರ್‌ ತಿಳಿಸಿದ್ದಾರೆ.

from India & World News in Kannada | VK Polls https://ift.tt/3b2FM4i

150 ರೂ.ಗೆ ಕೋವಿಡ್‌ ಲಸಿಕೆ ನೀಡಿದರೆ ಕಂಪನಿಗಳು ಉಳಿಯುವುದು ಹೇಗೆ?: ಕಿರಣ್‌ ಸಿಡಿಮಿಡಿ

ಹೊಸದಿಲ್ಲಿ: ಕೋವಿಡ್‌-19 ಲಸಿಕೆಯ ಬೆಲೆಯನ್ನು ಸರಕಾರ ಕಡಿಮೆ ಮಾಡಿದೆ. ಈ ಮೂಲಕ ತಮಗೆ ಸರಕಾರವು ವಿಶ್ವಾಸದ್ರೋಹ ಮಾಡಿದೆ ಎನ್ನುವ ಭಾವನೆ ಲಸಿಕೆ ಕಂಪನಿಗಳಿಗೆ ಬಂದಿದೆ ಎಂದು ಬಯೋಕಾನ್‌ ಅಧ್ಯಕ್ಷೆ ಕಿರಣ್‌ ಮಜುಮ್ದಾರ್‌ ಹೇಳಿದ್ದಾರೆ. ಖಾಸಗಿ ಆಸ್ಪತ್ರೆಗಳು ಮತ್ತು ಆರೋಗ್ಯ ಕೇಂದ್ರಗಳಲ್ಲಿಕೋವಿಡ್‌ ಲಸಿಕೆಗೆ ಆರೋಗ್ಯ ಸಚಿವಾಲಯವು 250 ರೂ. ನಿಗದಿ ಮಾಡಿದೆ. ಈ ಬಗ್ಗೆ ಟ್ವೀಟ್‌ ಮಾಡಿರುವ ಕಿರಣ್‌ ಮಜುಮ್ದಾರ್‌, ''ಸರಕಾರವು ಬಹಳ ಕಡಿಮೆ ದರವನ್ನು ನಿಗದಿ ಮಾಡಿದೆ. ಈ ದರಕ್ಕೆ ಲಸಿಕೆ ನೀಡಿ ವ್ಯವಹಾರ ಮಾಡಲು ಕಂಪನಿಗಳಿಗೆ ಕಷ್ಟವಾಗುತ್ತದೆ. ಲಸಿಕೆ ಉದ್ಯಮ ಸಂಕಷ್ಟಕ್ಕೆ ಸಿಲುಕುತ್ತದೆ,'' ಎಂದು ಸರಕಾರದ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ವಿಶ್ವ ಆರೋಗ್ಯ ಸಂಸ್ಥೆಯು ಒಂದು ಡೋಸ್‌ ಲಸಿಕೆಯನ್ನು 3 ಡಾಲರ್‌ಗೆ ನಿಗದಿ ಮಾಡಲು ಸಮ್ಮತಿಸಿದೆ. ಆದರೆ, ಅದನ್ನು 2 ಡಾಲರ್‌ಗೆ ಸರಕಾರ ಇಳಿಸಿದ್ದು ಏಕೆ ಎಂದೂ ಅವರು ಪ್ರಶ್ನಿಸಿದ್ದಾರೆ. ಒಂದು ಡೋಸ್‌ಗೆ 250 ರೂ.ಗಳನ್ನು ಖಾಸಗಿ ಆಸ್ಪತ್ರೆಗಳಲ್ಲಿಪಾವತಿಸಬೇಕು. ಇದರಲ್ಲಿ150 ರೂ. ಒಂದು ಡೋಸ್‌ ಲಸಿಕೆಗೆ ಹೋಗುತ್ತದೆ. 100 ರೂಪಾಯಿ ಸೇವಾ ಶುಲ್ಕವಾಗಿದೆ. ಅಂದರೆ, 150 ರೂ.ಗಳಷ್ಟೇ ಲಸಿಕೆ ಕಂಪನಿಗಳಿಗೆ ಹೋಗುತ್ತದೆ. ಇಷ್ಟು ಕಡಿಮೆ ದರ ನಿಗದಿ ಮಾಡಿದ್ದು ಸರಿಯಲ್ಲಎಂದು ಮತ್ತೊಂದು ಟ್ವೀಟ್‌ನಲ್ಲಿ ಅವರು ಅಭಿಪ್ರಾಯಪಟ್ಟಿದ್ದಾರೆ. ಕೋವಿಡ್‌ ಲಸಿಕೆ ಹಾಕುವ ಎರಡನೇ ಹಂತದ ಆಂದೋಲನವು ಸೋಮವಾರದಿಂದ ದೇಶದಲ್ಲಿತ್ವರಿತಗೊಳ್ಳಲಿದೆ. ಲಸಿಕೆಯನ್ನು ತ್ವರಿತವಾಗಿ ಹಾಕಲು ಖಾಸಗಿ ಆಸ್ಪತ್ರೆಗಳನ್ನು ಬಳಸಿಕೊಳ್ಳಲಾಗುತ್ತಿದೆ. ಆಯುಷ್ಮಾನ್‌ ಭಾರತ್‌-ಪಿಎಂಜೆಎವೈ ಅಡಿಯಲ್ಲಿಬರುವ 10,000 ಆಸ್ಪತ್ರೆಗಳು ಸಿಜಿಎಚ್‌ಎಸ್‌ ಅಡಿಯಲ್ಲಿಬರುವ 687 ಆಸ್ಪತ್ರೆಗಳಲ್ಲಿಲಸಿಕೆ ಕಾರ್ಯ ನಡೆಯಲಿದೆ. ಖಾಸಗಿ ಆಸ್ಪತ್ರೆಗಳಲ್ಲಿ ಇಂದಿನಿಂದ ಲಸಿಕೆ 60 ವರ್ಷ ಮೀರಿದವರು ಮತ್ತು ಆರೋಗ್ಯ ತೊಂದರೆಯುಳ್ಳ 45 ವರ್ಷದೊಳಗಿನ ವ್ಯಕ್ತಿಗಳಿಗೆ ಖಾಸಗಿ ಆಸ್ಪತ್ರೆಗಳಲ್ಲಿ250 ರೂ.ಗೆ ಲಸಿಕೆ ದರವನ್ನು ಸರಕಾರವು ನಿಗದಿ ಮಾಡಿದೆ. ಮಾ.1ರಿಂದ ಈ ಪ್ರಕ್ರಿಯೆ ಆರಂಭವಾಗುತ್ತದೆ. ಸರಕಾರಿ ಆಸ್ಪತ್ರೆಗಳಲ್ಲಿಉಚಿತವಾಗಿ ನೀಡಲಾಗುತ್ತದೆ. ಏತನ್ಮಧ್ಯೆ, ಕಿರಣ್‌ ಪ್ರತಿಕ್ರಿಯೆ ಹೊರಬಿದ್ದಿದೆ. 250 ರೂ. ನೀಡಿದರೆ ಸಾಕು ಖಾಸಗಿ ಆಸ್ಪತ್ರೆಗಳಲ್ಲಿಲಸಿಕೆ ಪಡೆಯುವ ಮಂದಿ 250 ರೂ. ನೀಡಿ ಒಂದು ಡೋಸ್‌ ಲಸಿಕೆ ಪಡೆಯಬಹುದು. ಅದರಲ್ಲಿ100 ರೂಪಾಯಿ ಸೇವಾ ಶುಲ್ಕವಾಗುತ್ತದೆ. ಹೀಗಾಗಿ ಆಸ್ಪತ್ರೆಗಳಿಗೆ ಲಸಿಕೆ ಹಾಕಿದ್ದಕ್ಕೆ ಹೆಚ್ಚುವರಿ ಹಣ ನೀಡುವ ಅಗತ್ಯವಿಲ್ಲ.

from India & World News in Kannada | VK Polls https://ift.tt/3sANwR1

ಸಂಸ್ಕರಿಸಿದ ನೀರು ಶೇ.40ರಷ್ಟು ಚರಂಡಿ ಪಾಲು; ಜಲಮಂಡಳಿ ಎಸ್‌ಟಿಪಿಯಲ್ಲಿ ನೀರು ಬಳಕೆಗೆ ನಿರಾಸಕ್ತಿ!

ರವಿಕುಮಾರ ಬೆಟ್ಟದಪುರ ಬೆಂಗಳೂರು: ಬೆಂಗಳೂರು ಜಲ ಮಂಡಳಿಯ ತ್ಯಾಜ್ಯ ಸಂಸ್ಕರಣ ಘಟಕ ()ದಲ್ಲಿ ಸಂಸ್ಕರಿಸಿದ ನೀರಿಗೆ ಬೇಡಿಕೆಯೇ ಇಲ್ಲದಂತಾಗಿದೆ. ಕೋಟ್ಯಂತರ ರೂ. ವೆಚ್ಚ ಮಾಡಿ ಸಂಸ್ಕರಿಸಿದ ಶೇ. 40ರಷ್ಟು ನೀರು ಚರಂಡಿ ಪಾಲಾಗುತ್ತಿದೆ. ಜಲಮಂಡಳಿಯು ನಾನಾ ಕಡೆ ಸ್ಥಾಪಿಸಿದ ಎಸ್‌ಟಿಪಿಗಳ ಒಟ್ಟು ಸಾಮರ್ಥ್ಯ 1182 ಎಂಎಲ್‌ಡಿ. ನಿತ್ಯ 920 ಎಂಎಲ್‌ಡಿ ತ್ಯಾಜ್ಯ ನೀರು ಸಂಸ್ಕರಿಸಲಾಗುತ್ತದೆ. ಇದರಲ್ಲಿ ಸುಮಾರು 500 ಎಂಎಲ್‌ಡಿ ನೀರು ಮಾತ್ರ ಮರುಬಳಕೆಯಾಗುತ್ತಿದೆ. ಉಳಿದ ನೀರು ವ್ಯರ್ಥವಾಗಿ ಚರಂಡಿಗೆ ಹರಿದು ಹೋಗುತ್ತಿದೆ. ಕಟ್ಟಡ ನಿರ್ಮಾಣ ಕಾಮಗಾರಿಗೆ, ಕೈಗಾರಿಕೆಗಳಲ್ಲಿ, ಬಿಬಿಎಂಪಿ, ಬೆಸ್ಕಾಂ, ನಮ್ಮ ಮೆಟ್ರೊ, ಕೆಆರ್‌ಐಡಿಎಲ್‌ ಕಾಮಗಾರಿಗೆ ಈ ಸಂಸ್ಕರಿಸಿದ ನೀರನ್ನು ಬಳಸಬಹುದು. ಆದರೆ ಗುತ್ತಿಗೆದಾರರು, ಉದ್ದಿಮೆದಾರರು, ಸರಕಾರಿ ಸಂಸ್ಥೆಗಳ ಪ್ರತಿನಿಧಿಗಳು ಎಸ್‌ಟಿಪಿ ನೀರು ಬಳಕೆಗೆ ನಿರಾಸಕ್ತಿ ತೋರುತ್ತಿದ್ದಾರೆ. ಕಾಮಗಾರಿಗಳಿಗೆ ಸಂಸ್ಕರಿಸಿದ ನೀರು ಬಳಸಬೇಕೆಂಬ ಆದೇಶವಿದ್ದರೂ, ಕಾಮಗಾರಿ ಗುತ್ತಿಗೆದಾರರು ಎಸ್‌ಟಿಪಿ ನೀರು ಖರೀದಿಗೆ ಮುಂದಾಗುತ್ತಿಲ್ಲ. ಬದಲಾಗಿ ಬೋರ್‌ವೆಲ್‌, ಕಾವೇರಿ ನೀರು, ಕೆರೆ ನೀರು ಹೀಗೆ ಇನ್ನಿತರ ಮೂಲಗಳಿಂದ ನೀರನ್ನು ಬಳಸಲಾಗುತ್ತಿದೆ. ನಗರದಲ್ಲಿ 32 (ಎಸ್‌ಟಿಪಿ)ಗಳಿವೆ. ಇವುಗಳನ್ನು ಐದು ವಿಭಾಗಗಳಾಗಿ ವಿಂಗಡಿಸಲಾಗಿದೆ. ಚಲ್ಲಘಟ್ಟ, ಹೆಬ್ಬಾಳ ವ್ಯಾಲಿ, ವೃಷಭಾವತಿ ವ್ಯಾಲಿ, ಕೋರಮಂಗಲ ವ್ಯಾಲಿ, ಅರ್ಕಾವತಿ ವ್ಯಾಲಿ ವಿಭಾಗಗಳಿಂದ ನೀರು ಖರೀದಿಸಬಹುದಾಗಿದೆ. ಬಿಡಬ್ಲ್ಯುಎಸ್‌ಎಸ್‌ಬಿ ವೆಬ್‌ಸೈಟ್‌ನಲ್ಲಿ ಅರ್ಜಿ ತುಂಬಿ ತ್ಯಾಜ್ಯ ನೀರು ಸಂಸ್ಕರಣ ಘಟಕದಿಂದ ಶುದ್ಧೀಕರಿಸಿದ ನೀರು ಪಡೆಯಬಹುದು. ಬೇಡಿಕೆಯಷ್ಟು ನೀರಿನ ಪ್ರಮಾಣ ಹಾಗೂ ವಿಳಾಸ ನಮೂದಿಸಬೇಕಾಗುತ್ತದೆ. ಜಲಮಂಡಳಿಯಿಂದಲೇ ಖರೀದಿದಾರರು ನೀಡಿರುವ ವಿಳಾಸಕ್ಕೆ ಟ್ಯಾಂಕರ್‌ ಮೂಲಕ ನೀರು ಸರಬರಾಜು ಮಾಡಲಾಗುತ್ತದೆ. ಎಲ್ಲೆಲ್ಲಿ ಎಸ್‌ಟಿಪಿ ನೀರು ಬಳಕೆ? ಕೋಲಾರದಲ್ಲಿ ಅಂತರ್ಜಲ ಮಟ್ಟ ವೃದ್ಧಿಗಾಗಿ ಕೆರೆಗಳಿಗೆ ನಿತ್ಯ 370 ಎಂಎಲ್‌ಡಿ ಹರಿಸಲಾಗುತ್ತಿದೆ. ಇನ್ನು ಚಿಕ್ಕಬಳ್ಳಾಪುರ ಕೆರೆಗಳಿಗೆ 90 ಎಂಎಲ್‌ಡಿ ಎಸ್‌ಟಿಪಿ ನೀರು ಹರಿಸಲಾಗುತ್ತಿದೆ. 10 ಎಂಎಲ್‌ಡಿ ಯಲಹಂಕ ಹಾಗೂ ಏರ್‌ಪೋರ್ಟ್‌ ಕೈತೋಟಗಳಿಗೆ ಹರಿಸಲಾಗುತ್ತಿದೆ. ನಾಲ್ಕು ಎಂಎಲ್‌ಡಿ ನೀರನ್ನು ಕಬ್ಬನ್‌ ಪಾರ್ಕ್, ಪೊಲೀಸ್‌ ಆಯುಕ್ತರ ಕಚೇರಿ, ರಾಜಭವನ, ಹೈಕೋರ್ಟ್‌ ತೋಟಗಳಿಗೆ ಬಳಸಲಾಗುತ್ತಿದೆ. ಇನ್ನು 1.5 ಎಂಎಲ್‌ಡಿ ನೀರನ್ನು ಲಾಲ್‌ಬಾಗ್‌ಗೆ ಹರಿಸಲಾಗುತ್ತಿದೆ. ತಿಂಗಳಲ್ಲಿ ಸರಾಸರಿ 10 ಗುತ್ತಿಗೆದಾರರು ನಾನಾ ಕಾಮಗಾರಿಗಾಗಿ ಎಸ್‌ಟಿಪಿ ನೀರು ಖರೀದಿಸುತ್ತಿದ್ದಾರೆ. ನೀರಾವರಿ ನಿಗಮಗಳ ಜತೆ ಒಪ್ಪಂದ ಕಾವೇರಿ ನಿಗಮ ಹಾಗೂ ಸಣ್ಣ ನೀರಾವರಿ ಇಲಾಖೆಗಳು ಎಸ್‌ಟಿಪಿ ನೀರು ಪಡೆಯಲು ಜಲಮಂಡಳಿಯೊಂದಿಗೆ ಒಪ್ಪಂದ ಮಾಡಿಕೊಂಡಿವೆ. ಕಾವೇರಿ ನಿಗಮದಿಂದ ರಾಮನಗರ ಹಾಗೂ ಬಿಡದಿ ಭಾಗದಲ್ಲಿ ಕೃಷಿಗೆ ನೀರು ಹರಿಸುವ ಯೋಜನೆ ಹಮ್ಮಿಕೊಂಡಿದೆ. ಸಣ್ಣ ನೀರಾವರಿ ಯೋಜನೆಯಡಿ ದೊಡ್ಡಬಳ್ಳಾಪುರ ಭಾಗದಲ್ಲಿ ನೀರು ಹರಿಸಲಾಗುವುದು. ಪ್ರಸಕ್ತ ಕಾಮಗಾರಿ ನಡೆಯುತ್ತಿದ್ದು, ಪೂರ್ಣಗೊಂಡ ಬಳಿಕ ತ್ಯಾಜ್ಯ ನೀರು ಸಂಸ್ಕರಣ ಘಟಕದಿಂದ ಎಸ್‌ಟಿಪಿ ನೀರು ಹರಿಯಲಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದರು. ಸರಕಾರಿ ಇಲಾಖೆಗಳಿಂದಲೇ ನಿರ್ಲಕ್ಷ್ಯ ಜಲಮಂಡಳಿಯ ತ್ಯಾಜ್ಯ ನೀರು ಸಂಸ್ಕರಣ ಘಟಕದಿಂದ ಸಂಸ್ಕರಿಸಿದ ನೀರನ್ನು ಕಾಮಗಾರಿಗಳಿಗೆ ಬಳಸುವಂತೆ ಜಲಮಂಡಳಿ ಕೂಡ ಸಾಕಷ್ಟು ಅರಿವು ಮೂಡಿಸುತ್ತಿದೆ. ಆದರೆ, ಸರಕಾರದ ಇಲಾಖೆಗಳೇ ಇದಕ್ಕೆ ಕಿವಿಗೊಡುತ್ತಿಲ್ಲ. ಲೋಕೋಪಯೋಗಿ ಇಲಾಖೆ ಸಾವಿರಾರು ಕೋಟಿ ರೂ. ವೆಚ್ಚದಲ್ಲಿ ರಸ್ತೆ ನಿರ್ಮಾಣ, ಕಟ್ಟಡ ನಿರ್ಮಾಣ ಹೀಗೆ ನಾನಾ ಕಾಮಗಾರಿಗಳನ್ನು ಹಮ್ಮಿಕೊಂಡರೂ ಈ ಕೆಲಸಕ್ಕೆ ಎಸ್‌ಟಿಪಿ ನೀರು ಬಳಸಲು ಮುಂದಾಗುತ್ತಿಲ್ಲ. ಮೆಟ್ರೊ ಕಾಮಗಾರಿಗೂ ಸಂಸ್ಕರಿಸಿದ ನೀರು ಬಳಕೆಯಾಗುತ್ತಿಲ್ಲ. ಬಿಬಿಎಂಪಿಯಿಂದ ಕೈಗೊಳ್ಳುವ ಕಾಮಗಾರಿಗಳಿಗೂ ಎಸ್‌ಟಿಪಿ ನೀರು ಅಲರ್ಜಿಯಾಗಿದೆ. ಮೊದಲು ಸರಕಾರಿ ಇಲಾಖೆಗಳು ಎಸ್‌ಟಿಪಿ ನೀರು ಬಳಕೆಗೆ ಮುಂದಾಗಬೇಕು ಎಂಬುದು ಜಲಮಂಡಳಿಯ ಅಧಿಕಾರಿಗಳ ಅಭಿಪ್ರಾಯವಾಗಿದೆ. ಸಂಸ್ಕರಿಸಿದ ನೀರನ್ನು ಕಾಮಗಾರಿಗಳಿಗೆ ಬಳಸಿದಲ್ಲಿ ಕಾವೇರಿ, ಬೋರ್‌ವೆಲ್‌ ಮೂಲದ ಕೋಟ್ಯಾಂತರ ಲೀಟರ್‌ ನೀರು ಉಳಿಸಿದಂತಾಗುತ್ತದೆ. ನೀರಿನ ಅಭಾವವನ್ನು ತಡೆಗಟ್ಟಬಹುದು. ಬಿ.ಸಿ. ಗಂಗಾಧರ, ಮುಖ್ಯ ಎಂಜಿನಿಯರ್‌, ತ್ಯಾಜ್ಯ ನೀರು ಸಂಸ್ಕರಣ ಘಟಕ ತಿಂಗಳಿಗೆ 9 ಕೋಟಿ ವೆಚ್ಚ ಜಲಮಂಡಳಿ ಮಾಸಿಕ 8ರಿಂದ 9 ಕೋಟಿ ರೂ. ವೆಚ್ಚದಲ್ಲಿ ತ್ಯಾಜ್ಯ ನೀರನ್ನು ಸಂಸ್ಕರಿಸುತ್ತದೆ. ಆದರೆ ಸಂಸ್ಕರಣೆಗೆ ತಗಲುವ ವೆಚ್ಚದ ಅರ್ಧದಷ್ಟು ಆದಾಯ ಕೂಡ ಎಸ್‌ಟಿಪಿ ನೀರು ಮಾರಾಟದಿಂದ ಬರುತ್ತಿಲ್ಲ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

• 182 ಎಂಎಲ್‌ಡಿ ನೀರು-ಎಸ್‌ಟಿಪಿಗಳ ಒಟ್ಟು ಸಾಮರ್ಥ್ಯ
• 920 ಎಂಎಲ್‌ಡಿ-ಪ್ರಸ್ತುತ ನಿತ್ಯ ಸಂಸ್ಕರಿಸುತ್ತಿರುವ ನೀರು
• 500 ಎಂಎಲ್‌ಡಿ-ಮರು ಬಳಕೆಯಾಗುತ್ತಿರುವ ನೀರಿನ ಪ್ರಮಾಣ

ದರ ಎಷ್ಟು ? ಒಂದು ಸಾವಿರ ಲೀಟರ್‌ - 60 ರೂ. ಪೈಪ್‌ ಮೂಲಕ ಹಾದು ಹೋಗುವ ಒಂದು ಲೀಟರ್‌ ನೀರು - 25 ರೂ.

from India & World News in Kannada | VK Polls https://ift.tt/305Sh8V

ತೊಕ್ಕೊಟ್ಟು: ಅಕ್ರಮ ಮರಳು ಸಾಗಾಟದ ವಿರುದ್ಧ ಅಖಾಡಕ್ಕಿಳಿದ ಕಮಿಷನರ್-ಡಿಸಿಪಿ; ರಾತ್ರಿ ಮಫ್ತಿಯಲ್ಲಿ ಕಾರ್ಯಾಚರಣೆ

ತೊಕ್ಕೊಟ್ಟು: ಕೇರಳ ಕರ್ನಾಟಕ ಗಡಿ ಮೂಲಕ ಅಕ್ರಮ ಮರುಳು ಸಾಗಾಟ ನಿಯಂತ್ರಣಕ್ಕೆ ಬಾರದ ಹಿನ್ನೆಲೆಯಲ್ಲಿ ಮಂಗಳೂರು ಪೊಲೀಸ್‌ ಕಮಿಷನರ್‌ ಶಶಿಕುಮಾರ್‌ ಹಾಗೂ ಡಿಸಿಪಿ ಹರಿರಾಂ ಶಂಕರ್‌ ನೇರ ಅಖಾಡಕ್ಕಿಳಿದು ನಡೆಸುತ್ತಿದ್ದ ಮೂರು ಲಾರಿಯನ್ನು ವಶಕ್ಕೆ ಪಡೆದು ಪಕ್ಕದ ಠಾಣೆಗಳ ಅಧಿಕಾರಿಗಳಿಗೆ ಬಿಸಿ ಮುಟ್ಟಿಸುವ ಕೆಲಸ ಮಾಡಿದ್ದಾರೆ. ಶುಕ್ರವಾರ ತಡರಾತ್ರಿ ಬರ್ಮುಡಾಧಾರಿಗಳಾಗಿ ಸ್ಕೂಟರ್‌ನಲ್ಲಿ ಮಂಗಳೂರಿನಿಂದ ತಲಪಾಡಿಗೆ ತೆರಳಿದ ಕಮಿಷನರ್‌ ಹಾಗೂ ಡಿಸಿಪಿಯವರು ಟೋಲ್‌ ಪ್ಲಾಝಾ ಬಳಿ ಅಕ್ರಮ ಮರಳು ಸಾಗಾಟ ನಡೆಸುತ್ತಿದ್ದ ಒಂದು ಲಾರಿಯನ್ನು ತಡೆಯಲು ಯತ್ನಿಸಿ ಯಶಸ್ವಿಯಾಗಿದ್ದಾರೆ. ಮಫ್ತಿಯಲ್ಲಿದ್ದ ಕಮಿಷನರ್‌ ಹಾಗೂ ಡಿಸಿಪಿಯವರು ಟೋಲ್‌ ಪ್ಲಾಝಾ ಬಳಿ ಲಾರಿಯನ್ನು ತಡೆದಾಗ ಚಾಲಕ, ಲಾರಿಯ ಒಳಗೆ ಇದ್ದವರು ಹಾಗೂ ಮರಳು ಸಾಗಾಟದ ಲಾರಿಗೆ ಕಾರಿನಲ್ಲಿ ಬೆಂಗಾವಲಾಗಿ ಬಂದವರು ಏರುಧ್ವನಿಯಲ್ಲಿ ಮಾತನಾಡಿದ್ದಾರೆ. ಅಧಿಕಾರಿಗಳು ಎಂದು ಗೊತ್ತಾದ ತಕ್ಷಣ ಓಡಲು ಯತ್ನಿಸಿದರಾದರೂ ಪೊಲೀಸರು ಒಂದು ಟಿಪ್ಪರ್‌ ಲಾರಿ ಹಾಗೂ ಲಾರಿಯಲ್ಲಿದ್ದ ಮೂವರನ್ನು ವಶಕ್ಕೆ ಪಡೆದಿದ್ದಾರೆ. ಕಾರಿನಲ್ಲಿದ್ದವರನ್ನು ವಶಕ್ಕೆ ಪಡೆಯಲು ಹೋದಾಗ ಅವರು ಅಧಿಕಾರಿಗಳನ್ನು ದೂಡಿ ಪರಾರಿಯಾಗಿದ್ದು ಬೆಂಗಾವಲು ಕಾರನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ. ಅಕ್ರಮ ಮರಳು ಸಾಗಾಟದ ಹಿಂದೆ ಟೋಲ್‌ ಸಿಬ್ಬಂದಿ ಕೈವಾಡ ಇರುವ ಹಿನ್ನೆಲೆಯಲ್ಲಿ ಸಹಕರಿಸಿದ ಟೋಲ್‌ ಸಿಬ್ಬಂದಿ ಹಾಗೂ ಕಾರಿನಿಂದ ಇಳಿದು ಓಡಿ ಹೋದವರ ವಿರುದ್ಧ ಪ್ರಕರಣ ದಾಖಲಿಸಲು ಉಳ್ಳಾಲ ಠಾಣಾಧಿಕಾರಿಗೆ ತಿಳಿಸಿದ್ದಾರೆ. ಕೆಲವು ದಿನಗಳ ಹಿಂದೆಯಷ್ಟೇ ತಲಪಾಡಿ ದೇವಿಪುರ ದೇವಸ್ಥಾನದ ಬಳಿ ಮರಳು ಸಾಗಾಟ ನಡೆಸುತ್ತಿದ್ದ ಟಿಪ್ಪರ್‌ ಲಾರಿ ಹಿಮ್ಮುಖವಾಗಿ ಚಲಿಸುತ್ತಿದ್ದಾಗ ಪಲ್ಟಿಯಾಗಿದ್ದು ಅದೃಷ್ಟವಶಾತ್‌ ಯಾವುದೇ ಪ್ರಾಣಾಪಾಯ ಸಂಭವಿಸಿರಲಿಲ್ಲ. ಕಮಿಷನರ್‌ ಜೋಡಿಯ ಕಾರ್ಯಾಚರಣೆ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಪ್ರಶಂಸೆ ವ್ಯಕ್ತವಾಗಿರುವುದು ಒಂದೆಡೆಯಾದರೆ ಉಳ್ಳಾಲ ಠಾಣಾಧಿಕಾರಿಗಳ ಕಾರ್ಯವೈಖರಿ ಬಗ್ಗೆ ಜನರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

from India & World News in Kannada | VK Polls https://ift.tt/37UHP8G

Breaking news: ಕೊರೊನಾ ಲಸಿಕೆಯ ಮೊದಲ ಡೋಸ್‌ ಪಡೆದ ಪ್ರಧಾನಿ ನರೇಂದ್ರ ಮೋದಿ

ಹೊಸದಿಲ್ಲಿ: ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಕೊರೊನಾ ಲಸಿಕೆಯ ಮೊದಲ ಡೋಸ್‌ನ್ನು ಪಡೆದಿದ್ದಾರೆ. ದಿಲ್ಲಿಯ ಅಖಿಲ ಭಾರತ ವೈದ್ಯಕೀಯ ವಿಜ್ಞಾನ ಸಂಸ್ಥೆಯಲ್ಲಿ (ಏಮ್ಸ್)ನಲ್ಲಿ ಕೊರೊನಾ ಲಸಿಕೆಯ ಮೊಡಲ ಡೋಸ್‌ ಪಡೆಯುವ ಮೂಲಕ ಎಲ್ಲರಿಗೂ ಮಾದರಿಯಾಗಿದ್ದಾರೆ. ಇನ್ನು ಪುದಚೇರಿ ಮೂಲದ ನರ್ಸ್‌ ನಿವೇದಾ ಅವರು ಪ್ರಧಾನಿ ಮೋದಿಯವರಿಗೆ ಕೊರೊನಾ ಲಸಿಕೆಯ ಮೊದಲ ಡೋಸ್‌ನ್ನು ಏಮ್ಸ್‌ನಲ್ಲಿ ನೀಡಿದರು. ಈ ಬಗ್ಗೆ ಪ್ರಧಾನಿ ಮೋದಿ ಟ್ವಿಟ್ಟರ್‌ನಲ್ಲಿ ಫೋಟೊ ಸಮೇತ ಟ್ವೀಟ್ ಮಾಡಿದ್ದು, “ಏಮ್ಸ್ ನಲ್ಲಿ ನಾನು ಮೊದಲ ಬಾರಿಗೆ COVID-19 ಲಸಿಕೆಯನ್ನು ತೆಗೆದುಕೊಂಡೆ. COVID-19 ನ ಜಾಗತಿಕ ಹೋರಾಟವನ್ನು ಬಲಪಡಿಸಲು ನಮ್ಮ ವೈದ್ಯರು ಮತ್ತು ವಿಜ್ಞಾನಿಗಳು ಕ್ಷಿಪ್ರ ಸಮಯದಲ್ಲಿ ಹೇಗೆ ಕೆಲಸ ಮಾಡಿದ್ದಾರೆ ಎಂಬುದು ಗಮನಾರ್ಹ. ಲಸಿಕೆಯನ್ನು ತೆಗೆದುಕೊಳ್ಳಲು ಅರ್ಹರಾದ ಎಲ್ಲರಿಗೂ ನಾನು ಮನವಿ ಮಾಡುತ್ತಿದ್ದೇನೆ. ಒಟ್ಟಾಗಿ, ಭಾರತವನ್ನು COVID-19 ಮುಕ್ತವನ್ನಾಗಿ ಮಾಡೋಣ!” ಎಂದು ಪೋಸ್ಟ್‌ ಮಾಡಿದ್ದಾರೆ. ಸದ್ಯ ಪ್ರಧಾನಿ ಮೋದಿರುವ ನಗುವಿನ ಮೂಲಕ ಡೋಸ್‌ ತೆಗೆದುಕೊಳ್ಳುತ್ತಿರುವ ಫೋಟೊ ಭಾರೀ ವೈರಲ್‌ ಆಗುತ್ತಿದೆ. ಮೂರನೇ ಹಂತದ ಲಸಿಕೆ!ಕರ್ನಾಟಕದಲ್ಲಿ ಸೋಮವಾರದಿಂದ ಮೂರನೇ ಹಂತದ ವಿತರಣೆ ಅಭಿಯಾನಕ್ಕೆ ಬೆಳಗ್ಗೆ 9 ಗಂಟೆಗೆ ಚಾಲನೆ ಸಿಗಲಿದೆ. ಬೆಳಗ್ಗೆ 9ರಿಂದ ಸಂಜೆ 5ರವರೆಗೆ ಲಸಿಕೆ ನೀಡಲಾಗುವುದು. ಮೊದಲು ನೋಂದಣಿ ಮಾಡಿದವರಿಗೆ ಲಸಿಕೆ ಸಿಗಲಿದೆ. ಪ್ರತಿ ಆರೋಗ್ಯ ಕೇಂದ್ರದಲ್ಲಿ 100 ಜನರಿಗೆ ಮಾತ್ರ ಲಸಿಕೆ ನೀಡಲಾಗುತ್ತದೆ.

from India & World News in Kannada | VK Polls https://ift.tt/3uEV3Aj

ಕಡಬ: ಪಕ್ಕದ ಮನೆಯವನನ್ನು ಪ್ರೀತಿಸಿದಕ್ಕೆ ಮನೆಯವರ ವಿರೋಧ, ಯುವತಿ ಆತ್ಮಹತ್ಯೆ!

ಕಡಬ:ಪ್ರೇಮ ಪ್ರಕರಣವೊಂದರಲ್ಲಿ ಯುವತಿಯೊಬ್ಬಳು ಆತ್ಮಹತ್ಯೆ ಮಾಡಿಕೊಂಡ ಘಟನೆ ತಾಲೂಕಿನ ಬಲ್ಯ ಗ್ರಾಮದ ಪುತ್ತಿಲ ಬರೆತ್ತಡಿ ಎಂಬಲ್ಲಿ ಭಾನುವಾರ ಸಂಜೆ ನಡೆದಿದೆ. ಆತ್ಮಹತ್ಯೆ ಮಾಡಿಕೊಂಡ ಯುವತಿಯನ್ನು ಪುತ್ತಿಲ ಬರೆತ್ತಡಿ ನಿವಾಸಿ ಕೊರಗಪ್ಪ ಗೌಡ ಎಂಬವರ ಪುತ್ರಿ ರಮ್ಯ(23) ಎಂದು ಗುರುತಿಸಲಾಗಿದೆ. ಈಕೆ ಪಕ್ಕದ ಮನೆಯ ಮಹೇಶ ಎಂಬಾತನನ್ನು ಪ್ರೀತಿಸುತ್ತಿದ್ದು, ಇದಕ್ಕೆ ಮನೆಯವರ ವಿರೋಧವಿತ್ತು. ಇದರಿಂದ ಬೇಸತ್ತ ಮನೆಯಲ್ಲಿ ಯಾರೂ ಇಲ್ಲದ ವೇಳೆ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಹುಲ್ಲು ತರಲೆಂದು ತೋಟಕ್ಕೆ ತೆರಳಿದ್ದ ಯುವತಿಯ ತಾಯಿ ಮನೆಗೆ ವಾಪಾಸ್ಸಾದಾಗ ಪ್ರಕರಣ ಬೆಳಕಿಗೆ ಬಂದಿದೆ. ಸ್ಥಳಕ್ಕೆ ಕಡಬ ಠಾಣಾಧಿಕಾರಿ ರುಕ್ಮನಾಯ್ಕ ಹಾಗೂ ಸಿಬ್ಬಂದಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಯುವತಿಯ ತಂದೆ ಕೊರಗಪ್ಪ ಗೌಡ ನೀಡಿದ ದೂರಿನಂತೆ ಕಡಬ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

from India & World News in Kannada | VK Polls https://ift.tt/2Oe3Vfh

ಬೇಸಿಗೆ ಆರಂಭದಲ್ಲೇ ಏರಿದ ಧಗೆ: ಕಲಬುರಗಿಯಲ್ಲಿ 38 ಡಿಗ್ರಿ ಉಷ್ಣಾಂಶ, ರಾಜಧಾನಿಯಲ್ಲೂ ಬೇಗೆ!

ಬೆಂಗಳೂರು ಬೇಸಿಗೆಯ ಆರಂಭದಲ್ಲೇ ಬಿಸಿಲ ಬೇಗೆ ಏರತೊಡಗಿದೆ. ಬೆಂಗಳೂರು ನಗರ ಸೇರಿದಂತೆ ರಾಜ್ಯಾದ್ಯಂತ ಹೆಚ್ಚಾಗಿದ್ದು, ಬಿಸಿಲಲ್ಲಿ ಬೇಯುವಂತಾಗಿದೆ. ಸಾಮಾನ್ಯವಾಗಿ ಮಾರ್ಚ್ ಬಳಿಕ ಏರುತ್ತದೆ. ಆದರೆ, ಈ ಬಾರಿ ಫೆಬ್ರವರಿ ಮಧ್ಯ ಭಾಗದಿಂದಲೇ ಸರಾಸರಿ 33-35 ಡಿಗ್ರಿ ಸೆಲ್ಸಿಯಸ್‌ ದಾಖಲಾಗುತ್ತಿದೆ. ಮಧ್ಯಾಹ್ನವಾಗುತ್ತಿದ್ದಂತೆ ಬಿಸಿಲಿನ ಧಗೆ ತೀವ್ರಗೊಂಡು ಸಂಜೆವರೆಗೆ ಮುಂದುವರಿಯುತ್ತದೆ. ಹೀಗಾಗಿ ಮಾರ್ಚ್, ಏಪ್ರಿಲ್‌, ಮೇನಲ್ಲಿ ತಾಪಮಾನ ಇನ್ನಷ್ಟು ಏರುವ ಸಾಧ್ಯತೆಗಳಿವೆ ಎನ್ನುತ್ತಿದೆ . ಕಲಬುರಗಿಯಲ್ಲಿ ಭಾನುವಾರ ಗರಿಷ್ಠ ತಾಪಮಾನ 38 ಡಿಗ್ರಿ ಸೆಲ್ಸಿಯಸ್‌ ದಾಖಲಾಗಿದೆ. ರಾಯಚೂರು 37 ಡಿಗ್ರಿ, ವಿಜಯಪುರ 35.6 ಡಿಗ್ರಿ, ಗದಗದಲ್ಲಿ 35.2 ಡಿಗ್ರಿ, ಮಂಡ್ಯ 34.6 ಡಿಗ್ರಿ, ಹೊನ್ನಾವರ 32.1 ಡಿಗ್ರಿ, ಹಾಸನ 32.2 ಡಿಗ್ರಿ ಗರಿಷ್ಠ ತಾಪಮಾನ ದಾಖಲಾಗಿದೆ. ಅಷ್ಟೇ ಏಕೆ ಗ್ರೀನ್‌ಸಿಟಿ ಬೆಂಗಳೂರಿನಲ್ಲಿ ಕೂಡ ಭಾನುವಾರ ಗರಿಷ್ಠ 34 ಡಿಗ್ರಿ ತಾಪಮಾನ ದಾಖಲಾಗಿದೆ. ರಾಜ್ಯಾದ್ಯಂತ ತಾಪಮಾನ ಹೆಚ್ಚಾಗಿದೆ. ಇನ್ನೂ ಮೂರು ದಿನಗಳ ಕಾಲ ಈಗಿರುವ ತಾಪಮಾನದ ಜತೆಗೆ ಮತ್ತೆ ಒಂದೆರಡು ಡಿಗ್ರಿಯವರೆಗೆ ಹೆಚ್ಚಾಗುವ ಸಾಧ್ಯತೆಯಿದೆ. ಆದರೆ ಒಂದು ವಾರದ ನಂತರ ಮಳೆಯಾಗುವ ಸಾಧ್ಯತೆಯಿದ್ದು, ವಾತಾವರಣದಲ್ಲಿ ತಂಪು ಕಾಣಬಹುದು. ಸಿ. ಎಸ್. ಪಾಟೀಲ್ ನಿರ್ದೇಶಕರು, ಹವಾಮಾನ ಇಲಾಖೆ

from India & World News in Kannada | VK Polls https://ift.tt/3q4MtXS

ನಿಮಗೆ ಈ ರೀತಿಯ ಮೆಸೇಜ್‌ ಬಂದರೆ ಹಣ ನೀಡಲು ಹೋಗಬೇಡಿ, ಮೃತರ ಕುಟುಂಬಕ್ಕೆ ಹಣದ ಹೆಸರಿನಲ್ಲಿ ಮೋಸ

: ಸೈನಿಕರ ಹೆಸರಿನಲ್ಲಿಜನರ ಭಾವನೆಗಳನ್ನು ದುರುಪಯೋಗ ಮಾಡಿಕೊಂಡು ಒಎಲ್‌ಎಕ್ಸ್‌ ಸೇರಿದಂತೆ ಇನ್ನಿತರ ಆನ್‌ಲೈನ್‌ ವೇದಿಕೆಗಳನ್ನು ದುರ್ಬಳಕೆ ಮಾಡಿಕೊಂಡು ವಂಚಿಸುತ್ತಿರುವ ಖದೀಮರು, ಈಗ ಕೋವಿಡ್‌ನಿಂದ ಮೃತಪಟ್ಟವರ ಕುಟುಂಬಕ್ಕೆ ಆರ್ಥಿಕ ನೆರವಿನ ನೆಪದಲ್ಲಿ ವಂಚನೆಗೆ ಯತ್ನಿಸುತ್ತಿರುವುದು ಬೆಳಕಿಗೆ ಬಂದಿದೆ. ನಗರದ ಖಾಸಗಿ ಕಂಪನಿಯೊಂದರ ನಿರ್ದೇಶಕರ ಹೆಸರಿನಲ್ಲಿ ನಕಲಿ ಇನ್‌ಸ್ಟಾಗ್ರಾಂ ಖಾತೆ ಸೃಷ್ಟಿಸಿದ ಆನ್‌ಲೈನ್‌ ಖದೀಮರು, ಅದೇ ಕಂಪನಿಯ ಹಲವು ಉದ್ಯೋಗಿಗಳು, ಸ್ನೇಹಿತರನ್ನು ಫಾಲೋ ಮಾಡಿದ್ದಾರೆ. 'ನನ್ನ ಬಾಲ್ಯದ ಸ್ನೇಹಿತನೊಬ್ಬ ಕೋವಿಡ್‌-19 ರೋಗದಿಂದ ಮೃತಪಟ್ಟಿದ್ದಾನೆ. ಅವರ ಕುಟುಂಬ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದೆ. ಕುಟುಂಬಕ್ಕೆ ಆರ್ಥಿಕ ಸಹಾಯ ಮಾಡಲು ನಿಧಿ ಸಂಗ್ರಹಿಸಲಾಗುತ್ತಿದೆ. ನೀವು ಕೂಡ 10,000 ರೂ.ಗಳಿಂದ 15,000 ರೂ.ವರೆಗೆ ಆರ್ಥಿಕ ನೆರವಾಗಲು ಹಣ ವರ್ಗಾವಣೆ ಮಾಡಿ' ಎಂದು ಕೇಳಿದ್ದಾರೆ. ವಿಕ್ರಮ್‌ ಎಂಬಾತನ ಹೆಸರಿನಲ್ಲಿರುವ ಕೋಟಕ್‌ ಮಹೀಂದ್ರಾ ಬ್ಯಾಂಕ್‌ ಖಾತೆ ಸಂಖ್ಯೆ ಮತ್ತು ಐಎಫ್‌ಎಸ್‌ಸಿ ಕೋಡ್‌ ಕೂಡ ಕಳುಹಿಸಿದ್ದಾರೆ. ಹಲವರಿಗೆ ಆರ್ಥಿಕ ನೆರವಿನ ಸಂದೇಶ ಹೋಗಿದೆ. ಅನುಮಾನಗೊಂಡ ಸ್ನೇಹಿತರು, ಸಹೋದ್ಯೋಗಿಗಳು ಈ ಕುರಿತು ವಿಚಾರಿಸಿದಾಗ ಇನ್‌ಸ್ಟಾಗ್ರಾಂನಲ್ಲಿ ತಾನು ಯಾವುದೇ ಖಾತೆಯನ್ನೇ ಹೊಂದಿಲ್ಲ ಎಂದು ತಿಳಿಸಿದ್ದಾರೆ. ಇದು ವಂಚಕರ ಕೆಲಸ ಎಂದು ಗೊತ್ತಾಗಿ ಸೈಬರ್‌ ಕ್ರೈಂ ಪೊಲೀಸ್‌ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಎಫ್‌ಐಆರ್‌ ದಾಖಲಾಗಿದೆ. ಸುಳ್ಳು ಸಂದೇಶ ಕಳುಹಿಸಿ ವಂಚನೆಗೆ ಯತ್ನಿಸಿದ್ದ ನಕಲಿ ಇನ್‌ಸ್ಟಾಗ್ರಾಂ ಖಾತೆಯನ್ನು ಬ್ಲಾಕ್‌ ಮಾಡಲಾಗಿದ್ದು, ಯಾವುದೇ ಹಣ ವರ್ಗಾವಣೆ ಮಾಡದಂತೆ ಮನವಿ ಮಾಡಲಾಗಿದೆ. ಯಾರನ್ನು ನಂಬುವುದು: ದೇಶ- ವಿದೇಶಗಳಲ್ಲಿಕೋವಿಡ್‌ನಿಂದಾಗಿ ಲಕ್ಷಾಂತರ ಜನ ಮೃತಪಟ್ಟಿದ್ದಾರೆ. ಕುಟುಂಬಕ್ಕೆ ಆಧಾರವಾಗಿದ್ದವರೂ ಮಹಾಮಾರಿಗೆ ಬಲಿಯಾಗಿದ್ದಾರೆ. ಮನೆಯ ಪ್ರಮುಖರ ಸಾವಿನಿಂದ ಅವರನ್ನೇ ನಂಬಿಕೊಂಡಿರುವ ಕುಟುಂಬಗಳು ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿವೆ. ಅಂತಹ ಕುಟುಂಬಗಳಿಗೆ ನೆರವಾಗಲು ಪರಿಚಯದವರು, ಸ್ನೇಹಿತರು ಸೇರಿ ಸಾಧ್ಯವಾದಷ್ಟು ಹಣ ಸಂಗ್ರಹಿಸಿ ಕುಟುಂಬಕ್ಕೆ ನೆರವಾಗಿದ್ದಾರೆ. ಮಾನವೀಯತೆ ದೃಷ್ಟಿಯಿಂದ ನೆರವಿನ ಹಸ್ತ ನೀಡುತ್ತಿರುವು ದನ್ನು ಕೂಡ ಸೈಬರ್‌ ಖದೀಮರು ದುರುಪಯೋಗಪಡಿಸಿ ಕೊಳ್ಳುತ್ತಿರುವುದು ಆತಂತಕಾರಿಯಾಗಿದೆ. ವಂಚನೆ ಘಟನೆಗಳಿಂದ ನಿಜವಾಗಿಯೂ ನೆರವು ಅಗತ್ಯ ಇರುವವರನ್ನು ಕೂಡ ನಂಬುವುದು ಹೇಗೆ ಎಂಬ ಪ್ರಶ್ನೆ ಎದುರಾಗಿದೆ. ಈಗಾಗಲೇ ಪೊಲೀಸರು, ಅಧಿಕಾರಿಗಳು, ಜನಸಾಮಾನ್ಯರ ಹೆಸರಿನಲ್ಲಿನಕಲಿ ಫೇಸ್‌ಬುಕ್‌ ಖಾತೆ ಆರಂಭಿಸಿ ಅವರ ಫ್ರೆಂಡ್‌ ಲೀಸ್ಟ್‌ನಲ್ಲಿರುವವರಿಗೆ ತುರ್ತು ಅಗತ್ಯವಿದೆ ಎಂದು ಸಂದೇಶ ಕಳುಹಿಸಿ ಹಣ ವರ್ಗಾವಣೆ ಮಾಡಿಸಿಕೊಂಡು ಮೋಸ ಮಾಡುತ್ತಿರುವ ಪ್ರಕರಣಗಳು ನಡೆಯುತ್ತಲೇ ಇವೆ.

from India & World News in Kannada | VK Polls https://ift.tt/3b0Kr6Q

ಪತ್ರಕರ್ತ ಖಷೋಗಿ ಹತ್ಯೆಗೆ ಸೌದಿ ರಾಜಕುಮಾರನಿಂದಲೇ ಆದೇಶ

ವಾಷಿಂಗ್ಟನ್‌: ಖ್ಯಾತ ಅಂಕಣಕಾರ, ಪತ್ರಕರ್ತ ಜಮಾಲ್‌ ಖಷೋಗಿಯನ್ನು ಸೆರೆ ಹಿಡಿಯಬೇಕು ಅಥವಾ ಹತ್ಯೆಗೈಯ್ಯಬೇಕು ಎಂಬುದಾಗಿ ಸೌದಿ ರಾಜಕುಮಾರ ಮೊಹಮ್ಮದ್‌ ಬಿನ್‌ ಸಲ್ಮಾನ್‌ ಆದೇಶ ನೀಡಿದ್ದರು ಎಂದು ಅಮೆರಿಕದ ಗುಪ್ತಚರ ವರದಿ ತಿಳಿಸಿದೆ. ನ್ಯಾಷನಲ್‌ ಇಂಟೆಲಿಜೆನ್ಸ್‌ ನಿರ್ದೇಶಕರ ಕಚೇರಿ (ಒಡಿಎನ್‌ಐ) ಈ ಪ್ರಕರಣಕ್ಕೆ ಸಂಬಂಧಿಸಿದ ವರದಿಯನ್ನು ಸಂಸತ್ತಿಗೆ ಸಲ್ಲಿಸಿದೆ. ''ಸೌದಿ ರಾಜಕುಮಾರನ ಆಡಳಿತ ನೀತಿಗಳನ್ನು ಖಶೋಗ್ಗಿ ತಮ್ಮ ಅಂಕಣದಲ್ಲಿ ಕಟುವಾಗಿ ಟೀಕಿಸುತ್ತಿದ್ದರು. ಇದರಿಂದ ಅಸಮಾಧಾನಗೊಂಡಿದ್ದ ರಾಜಕುಮಾರ, ಖಷೋಗಿ ಅವರನ್ನು ಟರ್ಕಿಯ ಇಸ್ತಾನ್‌ಬುಲ್‌ನಲ್ಲಿರುವ ಸೌದಿ ಅರೇಬಿಯಾದ ರಾಯಭಾರ ಕಚೇರಿಗೆ ಕರೆಸಿ 2018ರ ಅ.2ರಂದು ಹತ್ಯೆ ಮಾಡಿಸಿದ್ದರು. ಒಂದು ವೇಳೆ ಖಷೋಗಿಯನ್ನು ಹತ್ಯೆ ಮಾಡುವಲ್ಲಿ ವಿಫಲರಾದರೆ ರಾಜಕುಮಾರ ತಮ್ಮನ್ನು ಸೆರೆವಾಸಕ್ಕೆ ದೂಡಬಹುದು ಅಥವಾ ಗುಂಡಿಕ್ಕಬಹುದು ಎಂಬ ಅಳಕು ಕೂಡ ಕಾರ್ಯಾಚರಣೆ ಉಸ್ತುವಾರಿ ವಹಿಸಿದ್ದ 15 ಮಂದಿ ಸುಪಾರಿ ಹಂತಕರಲ್ಲಿಮನೆ ಮಾಡಿತ್ತು. ಇಂಥ ಭೀತಿಯ ವಾತಾವರಣವನ್ನು ರಾಜಕುಮಾರ ಸೃಷ್ಟಿಸಿದ್ದ' ಎಂದು ವರದಿ ಹೇಳಿದೆ. 2017ರಿಂದ ಸೌದಿ ಅರೇಬಿಯಾದ ರಕ್ಷಣೆ ಮತ್ತು ಗುಪ್ತಚರ ಇಲಾಖೆಗೆ ಸಂಬಂಧಿತ ಎಲ್ಲ ನಿರ್ಧಾರಗಳಲ್ಲಿ ಮೊಹಮದ್‌ ಅವರ ಮಾತೇ ಅಂತಿಮವಾಗಿದೆ.

from India & World News in Kannada | VK Polls https://ift.tt/3b3SSP6

ಏರ್‌ಪೋರ್ಟ್‌ ಮೆಟ್ರೊಗೆ ಶೆಟ್ಟಿಗೆರೆಯಲ್ಲಿ 25 ಎಕರೆ ಡಿಪೊ

ಬೆಂಗಳೂರು: ಡಿಪೊ ನಿರ್ಮಾಣಕ್ಕಾಗಿ ಟ್ರಂಪೆಟ್‌ ಮೇಲ್ಸೆತುವೆ ಬಳಿಯ ಶೆಟ್ಟಿಗೆರೆಯಲ್ಲಿ 25 ಎಕರೆ ಭೂಮಿಯನ್ನು ಗುರುತಿಸಲಾಗಿದೆ. ಕೆ.ಆರ್‌.ಪುರಂ ನಿಂದ ಕೆಂಪೇಗೌಡ ವಿಮಾನ ನಿಲ್ದಾಣ(ಕೆಐಎ)ಕ್ಕೆ ಸಂಪರ್ಕಿಸುವ 37 ಕಿ.ಮೀ ಮೆಟ್ರೋ ಕಾರಿಡಾರ್‌ನ ರೈಲುಗಳ ನಿರ್ವಹಣೆ ಈ ಡಿಪೊ ಮೂಲಕ ಮಾಡಲಾಗುತ್ತದೆ. ರಾಜ್ಯ ಸರಕಾರಕ್ಕೆ ಸೇರಿರುವ ಈ ಜಾಗದ ಭೂಸ್ವಾಧೀನ ಪ್ರಕ್ರಿಯೆ ಈಗಾಗಲೇ ಚಾಲ್ತಿಯಲ್ಲಿದೆ ಎಂದು ಬೆಂಗಳೂರು ಮೆಟ್ರೋ ರೈಲು ನಿಗಮ(ಬಿಎಂಆರ್‌ಸಿಎಲ್‌) ತಿಳಿಸಿದೆ. ಭೂಸ್ವಾಧೀನ ಪ್ರಕ್ರಿಯೆ ಶೀಘ್ರ ಪೂರ್ಣಗೊಂಡರೆ ನಿಗದಿತ ಅವಧಿಯಲ್ಲಿಡಿಪೊ ನಿರ್ಮಿಸಲು ಬಿಎಂಆರ್‌ಸಿಎಲ್‌ಗೆ ಸಾಧ್ಯವಾಗಲಿದೆ. ''25 ಎಕರೆ ಜಾಗದ ಪೈಕಿ 18 ಎಕರೆ ಭೂಮಿಯ ಭೂಸ್ವಾಧೀನಕ್ಕೆ ಅಗತ್ಯವಿರುವ ಎಲ್ಲಪ್ರಕ್ರಿಯೆಗಳನ್ನು ಈಗಾಗಲೇ ಪೂರ್ಣಗೊಳಿಸಲಾಗಿದೆ. ಉಳಿದ ಭೂಮಿಯ ಭೂಸ್ವಾಧೀನ ಪ್ರಶ್ನಿಸಿ ವ್ಯಕ್ತಿಯೊಬ್ಬರು ಕೋರ್ಟ್‌ ಮೆಟ್ಟಿಲೇರಿದ್ದಾರೆ. ಈ ಸ್ಥಳವನ್ನು ಸರಕಾರ ತನಗೆ ಮಂಜೂರು ಮಾಡಿದೆ ಎಂದು ವಾದಿಸಿದ್ದಾರೆ. ಈ ಕುರಿತು ನಾವು ಜಿಲ್ಲಾಧಿಕಾರಿಗಳ ಗಮನಕ್ಕೆ ತಂದಿದ್ದೇವೆ,'' ಎಂದು ಬಿಎಂಆರ್‌ಸಿಎಲ್‌ ಪ್ರಧಾನ ವ್ಯವಸ್ಥಾಪಕ(ಭೂಸ್ವಾಧೀನ) ಚನ್ನಪ್ಪ ಗೌಡರ್‌ ತಿಳಿಸಿದ್ದಾರೆ. ಶೆಟ್ಟಿಗೆರೆಯಲ್ಲಿ ಡಿಪೊ ಆರಂಭದಿಂದ ಬೈಯಪ್ಪನಹಳ್ಳಿ ಡಿಪೊದ ಕಾರ್ಯ ಬಾಹುಳ್ಯದ ಒತ್ತಡ ಕಡಿಮೆಯಾಗಲಿದೆ. ಬೈಯಪ್ಪನಹಳ್ಳಿ ಡಿಪೊದಲ್ಲಿಸೆಂಟ್ರಲ್‌ಸಿಲ್ಕ್ ಬೋರ್ಡ್‌ ಮತ್ತು ಕೆ.ಆರ್‌.ಪುರಂ ನಡುವಿನ ರೈಲುಗಳ ಸವೀರ್‍ಸ್‌ ಮಾಡಲಾಗುತ್ತದೆ. ಕೆಂಗೇರಿ ಮತ್ತು ವೈಟ್‌ಫೀಲ್ಡ್‌ ನಡುವೆ ಪೂರ್ವ-ಪಶ್ಚಿಮ ಕಾರಿಡಾರ್‌ನಲ್ಲಿಸಂಚರಿಸುವ ರೈಲುಗಳ ಸವೀರ್‍ಸ್‌ ಕಾರ್ಯ ಕಾಡುಗೋಡಿ ಮತ್ತು ಚಲ್ಲಘಟ್ಟದಲ್ಲಿನಿರ್ಮಿಸಲಾಗುತ್ತಿರುವ ಡಿಪೊಗಳಲ್ಲಿಮಾಡಲಾಗುತ್ತದೆ. ರೈಲುಗಳ ನಿರ್ವಹಣೆಗಾಗಿ ಬೈಯಪ್ಪನಹಳ್ಳಿ ಡಿಪೊದಲ್ಲಿಮತ್ತೊಂದು ಮಹಡಿ ನಿರ್ಮಿಸಲು ಅಧಿಕಾರಿಗಳು ಯೋಜಿಸುತ್ತಿದ್ದಾರೆ. ''ಸೆಂಟ್ರಲ್‌ಸಿಲ್ಕ್ ಬೋರ್ಡ್‌ ಮತ್ತು ಕೆ.ಆರ್‌.ಪುರಂ ನಡುವಿನ ಮೆಟ್ರೋ ಕಾರಿಡಾರ್‌(ಹಂತ 2-ಎ)ಗೆ ಬಿಎಂಆರ್‌ಸಿಎಲ್‌ ಈಗಾಗಲೇ ಭೂಸ್ವಾಧೀನ ಪ್ರಕ್ರಿಯೆ ಪೂರ್ಣಗೊಳಿಸಿದೆ. 37 ಕಿ.ಮೀ ಉದ್ದದ ಹಂತ 2-ಬಿ ಮೆಟ್ರೋ ಕಾರಿಡಾರ್‌ಗೆ ಅಗತ್ಯವಿರುವ ಭೂಮಿ ಪೈಕಿ ಶೇ.80ರಷ್ಟು ಭೂಮಿಯನ್ನು ಸ್ವಾಧೀನ ಪಡಿಸಿಕೊಳ್ಳಲಾಗಿದೆ. ಉಳಿದ ಶೇ.20ರಷ್ಟು ಭೂ ಮಾಲೀಕರಿಗೆ ಪರಿಹಾರ ನೀಡುವ ಕಾರ್ಯ ಪ್ರಗತಿಯಲ್ಲಿದೆ. ಭೂಸ್ವಾಧೀನಕ್ಕೆ ಸಂಬಂಧಪಟ್ಟಂತೆ ಇಲ್ಲಿಯಾವುದೇ ತಕರಾರುಗಳಿಲ್ಲ. ಶೀಘ್ರವೇ ನಾವು ಈ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲಿದ್ದೇವೆ,'' ಎಂದು ಚನ್ನಪ್ಪ ಗೌಡರ್‌ ತಿಳಿಸಿದ್ದಾರೆ. ಹಂತ 2-ಎ, ಬಿ ಯೋಜನೆಗೆ ಶೀಘ್ರ ಅನುಮೋದನೆ ಭರವಸೆ ಹಂತ 2-ಎ ಮತ್ತು ಬಿ ಯೋಜನೆಗಳಿಗೆ ಮಾರ್ಚ್ ಅಂತ್ಯದ ವೇಳೆಗೆ ಕೇಂದ್ರ ಸರಕಾರದಿಂದ ಅಧಿಕೃತವಾಗಿ ಅನುಮೋದನೆ ಸಿಗುವ ಭರವಸೆಯಿದೆ. ಹಂತ 2-ಎ ರ ಟೆಂಡರ್‌ ಪ್ರಕ್ರಿಯೆ ಈಗಾಗಲೇ ಪೂರ್ಣಗೊಂಡಿದೆ. ಇನ್ನೆರಡು ತಿಂಗಳಲ್ಲಿಹಂತ 2-ಬಿ ಟೆಂಡರ್‌ ಪ್ರಕ್ರಿಯೆ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ. ಕೇಂದ್ರ ಮತ್ತು ರಾಜ್ಯ ಸರಕಾರಗಳ ಅನುದಾನದ ಹೊರತಾಗಿ ಏಷಿಯನ್‌ ಡೆವಲಪ್‌ಮೆಂಟ್‌ ಬ್ಯಾಂಕಿನಿಂದ 3,760 ಕೋಟಿ ರೂ. ಅನುದಾನ ಪಡೆಯಲು ಬಿಎಂಆರ್‌ಸಿಎಲ್‌ ಯೋಜಿಸುತ್ತಿದೆ.

from India & World News in Kannada | VK Polls https://ift.tt/37VJ8V8

ಕವಲು ಹಾದಿಯಲ್ಲಿ ಆರ್‌ಟಿಇ ಶಿಕ್ಷಣ; ಅತಂತ್ರ ಸ್ಥಿತಿಯಲ್ಲಿ 8ನೇ ಕ್ಲಾಸ್‌ ವಿದ್ಯಾರ್ಥಿಗಳು!

ನಾಗರಾಜು ಅಶ್ವತ್ಥ್ ಬೆಂಗಳೂರು ಗ್ರಾ. ಬೆಂಗಳೂರು: 2012 ಏ.1ರಿಂದ ರಾಜ್ಯಾದ್ಯಂತ ಜಾರಿಯಾದ ಆರ್‌ಟಿಇ ಕಾಯಿದೆಯಡಿ ಖಾಸಗಿ ಶಾಲೆಗಳಲ್ಲಿ 1ನೇ ತರಗತಿಗೆ ದಾಖಲಾತಿ ಪಡೆದಿದ್ದ 49 ಸಾವಿರ ವಿದ್ಯಾರ್ಥಿಗಳು 8ನೇ ತರಗತಿ ವಿದ್ಯಾಭ್ಯಾಸ ಮುಗಿಸಿದ್ದಾರೆ. ಸರಕಾರ ಕೇವಲ 8ನೇ ತರಗತಿವರೆಗೆ ಮಾತ್ರ ಶುಲ್ಕ ಭರಿಸುತ್ತಿದ್ದು, ಮುಂದೆ ಅವರೇ ತಮ್ಮ ಶುಲ್ಕ ಕಟ್ಟಬೇಕಾಗಿದೆ. ಹೀಗಾಗಿ ಹಲವಾರು ಮಂದಿ ಹೆಚ್ಚಿನ ಶುಲ್ಕ ಪಾವತಿಸಿ ಖಾಸಗಿ ಶಾಲೆಗಳಲ್ಲಿ ವಿದ್ಯಾಭ್ಯಾಸ ಮುಂದುವರಿಸಲಾಗದೆ ಸದ್ಯ ಅತಂತ್ರ ಸ್ಥಿತಿಯಲ್ಲಿದ್ದಾರೆ. ದೊಡ್ಡ ಪ್ರಮಾಣದಲ್ಲಿ ವಿದ್ಯಾರ್ಥಿಗಳು ಶಾಲೆಗಳಿಂದ ಹೊರಗುಳಿಯುವ ಸ್ಥಿತಿಗೆ ಬಂದಿದ್ದು, ಇದರಿಂದ ಪೋಷಕರು ಕಂಗಾಲಾಗಿದ್ದಾರೆ. ಈ ನಡುವೆ, ಆರ್‌ಟಿಇ ಶಿಕ್ಷಣವನ್ನು ದ್ವಿತೀಯ ಪಿಯುಸಿವರೆಗೆ ವಿಸ್ತರಿಸಬೇಕು ಎಂಬ ಬೇಡಿಕೆ ಕೇಳಿಬಂದಿದೆ. ಏನು ಸಮಸ್ಯೆ? 4ರಿಂದ 16 ವರ್ಷದೊಳಗಿನ ಮಕ್ಕಳಿಗೆ ಉಚಿತ ಮತ್ತು ಕಡ್ಡಾಯ ಶಿಕ್ಷಣ ಒದಗಿಸಬೇಕೆಂಬ ಸದುದ್ದೇಶದಿಂದ ಶಿಕ್ಷಣ ಹಕ್ಕು ಕಾಯಿದೆ(ಆರ್‌ಟಿಇ)ಯನ್ನು 2009ರಲ್ಲಿ ದೇಶಾದ್ಯಂತ ಜಾರಿಗೊಳಿಸಲಾಯಿತು. ಆದರೆ, ರಾಜ್ಯದಲ್ಲಿ ಈ ಕಾಯಿದೆ 2012 ಏ.1ರಂದು ಜಾರಿಯಾಯಿತು. ಕಾಯಿದೆ ಅನ್ವಯ, ಸರಕಾರಿ ಮತ್ತು ಖಾಸಗಿ ಶಾಲೆಗಳಲ್ಲಿ ಶೇ.25ರಷ್ಟು ಉಚಿತ ಸೀಟುಗಳನ್ನು ಕಾಯ್ದಿರಿಸುವ ವ್ಯವಸ್ಥೆ ಜಾರಿಗೊಳಿಸಲಾಯಿತು. ಶಾಲೆಗಳಿಂದ ಹೊರಗುಳಿದ ಮಕ್ಕಳಿಗೆ ಕಡ್ಡಾಯ ಶಿಕ್ಷಣ ಒದಗಿಸುವುದು ಒಂದು ಗುರಿಯಾದರೆ, ಸುಸಜ್ಜಿತ ಖಾಸಗಿ ಶಾಲೆಗಳಲ್ಲೂ ಆರ್‌ಟಿಇ ಕಾಯಿದೆ ಅಡಿ, ಬಡ ಮಕ್ಕಳ ದಾಖಲಾತಿಗೆ ಅವಕಾಶ ಕಲ್ಪಿಸಬೇಕೆನ್ನುವ ನಿಯಮ ಜಾರಿಗೊಳಿಸಲಾಯಿತು. ಆರ್‌ಟಿಇ ಕಾಯಿದೆ ಅಡಿ, ಖಾಸಗಿ ಶಾಲೆಗಳಿಗೆ ದಾಖಲಾತಿ ಪಡೆಯುವ ಶೇ.25ರಷ್ಟು ವಿದ್ಯಾರ್ಥಿಗಳ ವಾರ್ಷಿಕ ಶುಲ್ಕ ನಾನಾ ಮಾನದಂಡಗಳನ್ವಯ 16,500 ರೂ. ಪಾವತಿಯಾಗುತ್ತಿತ್ತು. 2012ರಿಂದ ಆರಂಭವಾದ ಈ ದಾಖಲಾತಿಯಲ್ಲಿ ರಾಜ್ಯಾದ್ಯಂತ 49,259 ವಿದ್ಯಾರ್ಥಿಗಳು ಖಾಸಗಿ ಶಾಲೆಗಳಲ್ಲಿ ಕಲಿಕೆ ಮಾಡುತ್ತಿದ್ದಾರೆ. 2020-21ರಲ್ಲಿ ಈ ವಿದ್ಯಾರ್ಥಿಗಳು 8ನೇ ತರಗತಿ ಪೂರ್ಣಗೊಳಿಸಿದ್ದು, ಇವರ ಮುಂದಿನ ಶಿಕ್ಷಣದ ಹೊಣೆ ಯಾರದೆಂಬುದರ ಸ್ಪಷ್ಟ ಚಿತ್ರಣವೇ ಇಲ್ಲದಂತಾಗಿದೆ. ಬದಲಾದ ಆರ್‌ಟಿಇ ನಿಯಮ, ಹಲವರಿಗೆ ಅವಕಾಶ ವಂಚನೆ ಖಾಸಗಿ ಶಾಲೆಗಳಲ್ಲೂ ಶಿಕ್ಷಣ ಕೊಡಿಸಬಹುದೆನ್ನುವ ಆಸೆಯಲ್ಲಿದ್ದ ಬಡ ಪೋಷಕರಿಗೆ 2018ರಲ್ಲಿ ಸರಕಾರ ಶಾಕ್‌ ನೀಡಿತು. ಮಗುವಿನ ವಾಸ ಸ್ಥಳದಿಂದ 1 ಕಿಮೀ ವ್ಯಾಪ್ತಿಯಲ್ಲಿ ಸರಕಾರಿ ಶಾಲೆಯಿದ್ದರೆ ಖಾಸಗಿ ಶಾಲೆಗಳಿಗೆ ಆರ್‌ಟಿಇ ದಾಖಲಾತಿ ಇಲ್ಲ ಎಂದು ಸ್ಪಷ್ಟಪಡಿಸಿತು. ಈ ನಿಯಮದಿಂದ 1 ಲಕ್ಷ ದಾಟುತ್ತಿದ್ದ ಆರ್‌ಟಿಇ ದಾಖಲಾತಿ 20 ಸಾವಿರಕ್ಕೆ ಇಳಿಯಿತು. 2018ಕ್ಕೂ ಮುನ್ನ ಆರ್‌ಟಿಇ ಅಡಿ ದಾಖಲಾತಿಗೆ 2.74 ಲಕ್ಷ ಅರ್ಜಿಗಳು ಸಲ್ಲಿಕೆಯಾಗಿದ್ದವು. 2019-20ರಲ್ಲಿ ಈ ಸಂಖ್ಯೆ ಕೇವಲ 17,310ಕ್ಕೆ ಸೀಮಿತವಾಗಿದೆ. ಪ್ರಸಕ್ತ ವರ್ಷವಂತೂ ಕಾಯಿದೆಯ ಅನ್ವಯ ದಾಖಲಾಗುವ ಮಕ್ಕಳ ಸಂಖ್ಯೆ 3000 ದಾಟಿಲ್ಲ. 8ರ ನಂತರ ಗೇಟ್‌ಪಾಸ್‌...

• 8ನೇ ತರಗತಿವರೆಗೆ ಖಾಸಗಿ ಶಾಲೆಯಲ್ಲಿ ಕಲಿತ ಮಕ್ಕಳಿಗೆ ಪೂರ್ಣ ಶುಲ್ಕದ ಒತ್ತಡ
• ಶುಲ್ಕ ಪಾವತಿಸದ ಮಕ್ಕಳಿಗೆ ಶಾಲೆಯಿಂದ ಗೇಟ್‌ಪಾಸ್‌
• ಸರಕಾರಿ ಶಾಲೆಗಳಲ್ಲಿ ಸಿಬಿಎಸ್‌ಇ, ಐಸಿಎಸ್‌ಇ ಪಠ್ಯಕ್ರಮವಿಲ್ಲದೆ ಸಮಸ್ಯೆ
• ಶುಲ್ಕ ಕಟ್ಟಲಾಗದೆ, ಬೇರೆಡೆ ಸೇರಲಾಗದೆ ಮಕ್ಕಳು ಅತಂತ್ರ

40,000 ರೂ. ಕೊಡಬೇಕು 'ಒಂದು ಮಗುವಿಗೆ ವಾರ್ಷಿಕ 1 ಲಕ್ಷ ರೂ. ಶಿಕ್ಷಣ ವೆಚ್ಚ ತಗಲುವ ಸುಸಜ್ಜಿತ ಶಾಲೆಗೆ ಸರಕಾರ, ಪ್ರತಿ ಮಗುವಿನ ಶುಲ್ಕವನ್ನು ಕೇವಲ 16,500ಕ್ಕೆ ಸೀಮಿತಗೊಳಿಸುವುದು ಸರಿಯಲ್ಲ. ಎಲ್ಲಾ ಶಾಲೆಗಳ ಸ್ಥಿತಿ ಒಂದೇ ಎನ್ನುವುದು ಸೂಕ್ತ ಅಲ್ಲ. ಆರ್‌ಟಿಇ ಮಕ್ಕಳಿಂದಾಗಿ ಖಾಸಗಿ ಶಾಲೆಯ ನಿರ್ವಹಣೆಗೆ ತೊಂದರೆ ಉಂಟಾಗುತ್ತಿದೆ. ಸರಕಾರ ಪ್ರತಿ ಮಗುವಿಗೆ ಕನಿಷ್ಠ 30ರಿಂದ 40 ಸಾವಿರ ರೂ. ನೀಡುವುದಾದರೆ ಆರ್‌ಟಿಇಗೆ ವಿರೋಧವೇನಿಲ್ಲ ಎಂದು ಖಾಸಗಿ ಅನುದಾನರಹಿತ ಶಿಕ್ಷಣ ಸಂಸ್ಥೆಗಳ ಸಂಘಟನೆ ರಾಜ್ಯ ಪ್ರಧಾನ ಕಾರ್ಯದರ್ಶಿ ಶಶಿಕುಮಾರ್‌ ಹೇಳಿದ್ದಾರೆ. ರಾಜ್ಯದಲ್ಲಿ ಆರ್‌ಟಿಇ ಮೂಲ ಉದ್ದೇಶವನ್ನೇ ಮರೆತಿದ್ದು, ಕಾಯಿದೆಗೆ ಅರ್ಥವೇ ಇಲ್ಲದಂತಾಗಿದೆ. ಸರಕಾರಿ ಮತ್ತು ಖಾಸಗಿ ಶಾಲೆಗಳಲ್ಲಿ ಎರಡೂ ಕಡೆ ಕಾಯಿದೆಯ ಅನುಷ್ಠಾನವೇ ಸರಿಯಾಗಿ ಆಗಿಲ್ಲ. ನಾಗಸಿಂಹ ಜಿ ರಾವ್‌, ಸದಸ್ಯ, ಆರ್‌ಟಿಇ ಕಾರ್ಯಪಡೆ ರಾಜ್ಯದಲ್ಲಿ ಆರ್‌ಟಿಇ ಕಾಯಿದೆ ಅಡಿ 8ನೇ ತರಗತಿ ಪೂರೈಸಿದ ಮಕ್ಕಳಿಗೆ ದ್ವಿತೀಯ ಪಿಯುಸಿವರೆಗೆ ಶಿಕ್ಷಣ ಒದಗಿಸುವ ಬಗ್ಗೆ ಸರಕಾರಕ್ಕೆ ಮನವಿ ನೀಡಲಾಗಿದ್ದು, ಅದೀಗ ಚರ್ಚೆಯ ಹಂತದಲ್ಲಿದೆ. ರಾಘವೇಂದ್ರ , ಆರ್‌ಟಿಇ ವಿಭಾಗ, ರಾಜ್ಯ ಮಕ್ಕಳ ರಕ್ಷಣ ಆಯೋಗ ಆರ್‌ಟಿಇ ನಿಯಮದ ಅನ್ವಯ ಕಾರ‍್ಯ ನಿರ್ವಹಿಸಲಾಗುತ್ತಿದೆ. ಕಾಯಿದೆಯ ಪ್ರಕಾರ ಖಾಸಗಿ ಶಾಲೆಗಳಲ್ಲಿನ ಶಿಕ್ಷಣ ಕೇವಲ 8ನೇ ತರಗತಿವರೆಗೆ ಸೀಮಿತವಾಗಿದ್ದು, ಸದ್ಯಕ್ಕೆ ವಿಸ್ತರಣೆ ಬಗ್ಗೆ ಯಾವುದೇ ತೀರ್ಮಾನಗಳಿಲ್ಲ. ಅನ್ಬುಕುಮಾರ್‌ ವಿ, ಆಯುಕ್ತರು, ಸಾರ್ವಜನಿಕ ಶಿಕ್ಷಣ ಇಲಾಖೆ

from India & World News in Kannada | VK Polls https://ift.tt/3ky9H7H

ಎಟಿಎಂಗಳಲ್ಲಿ ದೋಷ: ಖಾತೆಯಿಂದ ಮೊತ್ತ ಕಡಿತಗೊಂಡರೂ ಕೈಸೇರದ ಹಣ!

ಬೆಂಗಳೂರು: ಗ್ರಾಮಾಂತರ ಜಿಲ್ಲೆಯ ಬಹುತೇಕ ಕಡೆ ಬ್ಯಾಂಕ್‌ ಗಳಲ್ಲಿ ತಾಂತ್ರಿಕ ದೋಷಗಳು ಕಂಡು ಬರುತ್ತಿದ್ದು, ಗ್ರಾಹಕರು ನಮೂದಿಸಿದ ಮೊತ್ತ ಖಾತೆಯಿಂದ ಕಡಿತಗೊಂಡರೂ, ಎಟಿಎಂ ನಿಂದ ಕೈಸೇರದ ಸ್ಥಿತಿ ಎದುರಾಗುತ್ತಿದೆ. ಈ ಸಮಸ್ಯೆಯಿಂದಾಗಿ ತುರ್ತು ಸ್ಥಿತಿಯಲ್ಲಿರುವ ಗ್ರಾಹಕರಿಗೆ ತೀರಾ ಸಮಸ್ಯೆ ಎದುರಾಗುತ್ತಿದ್ದು, ಕಡಿತಗೊಂಡ ಹಣವನ್ನು ವಾಪಸ್‌ ಪಡೆಯಲು ಮರುದಿನ ಬ್ಯಾಂಕ್‌ಗಳ ಮೆಟ್ಟಿಲೇರುವ ಸ್ಥಿತಿ ನಿರ್ಮಾಣವಾಗುತ್ತಿದೆ. ಹೇಗೆ ಸಮಸ್ಯೆ?: ಬ್ಯಾಂಕ್‌ಗಳಲ್ಲೇ ಇರುವ ಎಟಿಎಂಗಳಲ್ಲಿ ತಾಂತ್ರಿಕ ದೋಷ ಉಂಟಾದರೆ ಬ್ಯಾಂಕ್‌ ಕಾರ್ಯಾಚರಣೆ ಅವಧಿಯಲ್ಲಿ ಪರಿಹಾರ ಕಂಡುಕೊಳ್ಳಬಹುದು. ಸಂಜೆಯ ವೇಳೆ, ರಾತ್ರಿ ತುರ್ತು ಸಮಯದಲ್ಲಿ ಹಣ ಪಡೆಯಲು ಹೋಗಿ ತಾಂತ್ರಿಕ ಸಮಸ್ಯೆಯಿಂದಾಗಿ ಹಣ ಸ್ಟ್ರಕ್‌ ಆದರೆ ಗ್ರಾಹಕರ ಸ್ಥಿತಿ ಅಯೋಮಯ. ಹಣ ಕಳೆದುಕೊಂಡದ್ದಕ್ಕೆ ಮುದ್ರಿತ ರಸೀದಿಯೂ ಹಲವು ಎಟಿಎಂಗಳಲ್ಲಿ ಬರ್ತಿಲ್ಲ. ಇನ್ನು ಹೊರಗುತ್ತಿಗೆ ಆಧಾರದಲ್ಲಿ ಜಿಲ್ಲೆಯ 4 ತಾಲೂಕು ಕೇಂದ್ರಗಳ ಹೊರವಲಯಗಳಲ್ಲಿ ಎಟಿಎಂಗಳು ಕಾರ್ಯ ನಿರ್ವಹಿಸುತ್ತಿದ್ದು, ತಾಂತ್ರಿಕ ಸಮಸ್ಯೆ ಎದುರಾದಾಗ ಖಾತೆಯಿಂದ ಮಾತ್ರ ಹಣ ಕಡಿತಗೊಂಡಿರುತ್ತದೆ. ಆದರೆ, ಎಟಿಎಂನಿಂದ ಮಾತ್ರ ಹಣ ಹೊರಬರುವುದಿಲ್ಲ. ಹೀಗಾದಾಗ ಗ್ರಾಹಕ ಮರುದಿನ ಬ್ಯಾಂಕ್‌ ಶಾಖೆಗೆ ಭೇಟಿ ನೀಡಿ ಅರ್ಜಿ ನೀಡಬೇಕಾಗುತ್ತದೆ. ಆ ಬಳಿಕ ಕಡಿತಗೊಂಡ ಹಣ ವಾಪಸ್‌ ಸಿಗುತ್ತದೆ. ತನ್ನದಲ್ಲದ ತಪ್ಪಿನಿಂದಾಗಿ ಗ್ರಾಹಕರು ವಿನಾಃಕಾರಣ ಸಮಯ ವ್ಯರ್ಥ ಮಾಡಿಕೊಳ್ಳ ಬೇಕಿದ್ದು, ಅಧಿಕಾರಿಗಳು ಈ ಸಮಸ್ಯೆಗೆ ಶೀಘ್ರ ಪರಿಹಾರ ದೊರಕಿಸಬೇಕಿದೆ. ರಸೀದಿ ಏಕಿಲ್ಲ? : ಬಹುತೇಕ ಬ್ಯಾಂಕ್‌ಗಳಲ್ಲಿ ಹಣದ ವ್ಯವಹಾರ ನಮೂದಿಸಿದ ರಸೀದಿ ಮುದ್ರಣ ವ್ಯವಸ್ಥೆಯಿಲ್ಲ ಎನ್ನುವ ಸಂದೇಶವನ್ನು ಆರಂಭಿಕವಾಗಿ ಕೇಳಲಾಗುತ್ತದೆ. ಗ್ರಾಹಕರಿಗೆ ಹಣದ ವ್ಯವಹಾರಕ್ಕೆ ಸಾಕ್ಷತ್ರ್ಯವಾಗಿರುವ ರಸೀದಿಯ ವ್ಯವಸ್ಥೆ ಇಲ್ಲವಾದರೆ ಹೇಗೆ ಎನ್ನುವುದು ಕೆಲವು ಗ್ರಾಹಕರ ಪ್ರಶ್ನೆಯಾಗಿದೆ. ಸೆಕ್ಯೂರಿಟಿಗಳಿಲ್ಲ! : ಬ್ಯಾಂಕ್‌ ಎಟಿಎಂಗಳಲ್ಲಿ ಕಳ್ಳತನ, ಅಪರಾಧ ಪ್ರಕರಣಗಳು ನಡೆದ ಹಿನ್ನೆಲೆಯಲ್ಲಿಸರಕಾರ ಎಲ್ಲಾಎಟಿಎಂಗಳಲ್ಲಿಸೆಕ್ಯೂರಿಟಿಗಳನ್ನು ನೇಮಕ ಮಾಡಿತ್ತು. ಆದರೆ, ಕಾಲಕ್ರಮೇಣ ಎಟಿಎಂಗಳಲ್ಲಿ ಸೆಕ್ಯೂರಿಟಿಗಳೇ ಇಲ್ಲದಂತಾಗಿದ್ದಾರೆ. ಈ ಹಿನ್ನೆಲೆಯಲ್ಲಿಅಪರಾಧ ಪ್ರಕರಣಗಳ ಆತಂಕ ಒಂದೆಡೆ ಯಾದರೆ, ಮತ್ತೊಂದೆಡೆ ಎಟಿಎಂಗಳಲ್ಲಿನಡೆ ಯುವ ಕ್ಯಾಶ್‌ ಕಳವು ಹೆಚ್ಚಾಗುತ್ತಿದೆ. ತಾಂತ್ರಿಕ ಸಮಸ್ಯೆಗಳಾದಾಗ ಸೆಕ್ಯೂರಿಟಿಗಳ ಮೂಲಕ ಕನಿಷ್ಠ ತಕ್ಷಣದ ಪರಿಹಾರೋಪಾಯ ಪಡೆಯ ಬಹುದಾಗಿದ್ದು, ಸರಕಾರ ಈ ನಿಟ್ಟಿನಲ್ಲಿಚಿಂತನೆ ನಡೆಸಬೇಕಿದೆ. ಹರಿದ ನೋಟಿನದ್ದೂ ಇದೇ ಸ್ಥಿತಿ: ಜಿಲ್ಲೆಯ ಕೆಲವು ಬ್ಯಾಂಕ್‌ಗಳ ಸಮೀಪದ ಎಟಿಎಂಗಳಲ್ಲಿ ಹರಿದ ನೋಟುಗಳು ಸಿಗುತ್ತಿವೆ. ಈ ನೋಟು ಗಳನ್ನು ಚಲಾಯಿಸುವಂತಿಲ್ಲ. ಬ್ಯಾಂಕ್‌ ಅಧಿಕಾರಿಗಳು ಹರಿದ ನೋಟುಗಳು ಸಿಕ್ಕರೆ ಬ್ಯಾಂಕ್‌ಗಳಲ್ಲಿಬದಲಾವಣೆಗೆ ಅವಕಾಶ ಕಲ್ಪಿಸಿದ್ದಾರೆ. ಆದರೆ, ವಿಚಾರ ತಿಳಿಯದ ಗ್ರಾಹಕರು ಹರಿದ ನೋಟುಗಳನ್ನು ಯಾವುದಾದರೊಂದು ಕಾರಣದಿಂದ ಮಾರುಕಟ್ಟೆಯಲ್ಲಿಚಲಾವಣೆ ಮಾಡುತ್ತಾರೆ. ಇದರಿಂದ ಹರಿದ ನೋಟುಗಳು ಜನರ ನಡುವೆ ಸೇರಿಹೋಗುತ್ತಿವೆ. ಗ್ರಾಹಕರಲ್ಲಿಹರಿದ ನೋಟುಗಳನ್ನು ಬ್ಯಾಂಕ್‌ಗಳಲ್ಲಿಬದ ಲಾಯಿಸಿಕೊಳ್ಳುವ ಕುರಿತು ಜಾಗೃತಿ ಮೂಡಬೇಕಿದೆ.

from India & World News in Kannada | VK Polls https://ift.tt/37WxQjg

ಜಾಗ್ವಾರ್‌ ಕಾರಿನ ಜಿಪಿಎಸ್‌ನಲ್ಲಿದೆ ಮತ್ತಷ್ಟು ಗುಟ್ಟು, ಮಾರಾಟವಾದ ಬಳಿಕವೂ ಮಂಗಳೂರಿನಲ್ಲೇ ಸುತ್ತಾಟ

ಮಂಗಳೂರು: ವಂಚನೆ ಆರೋಪಿಗಳ ಐಷಾರಾಮಿ ಕಾರನ್ನು ಸಿಸಿಬಿ ಪೊಲೀಸರು ಮಾರಾಟ ಮಾಡಿದ ಪ್ರಕರಣದ ವಿವಾದಾಸ್ಪದ ಕಾರಿನ ಜಿಪಿಎಸ್‌ ಆಧಾರದಲ್ಲೂ ಸಿಐಡಿ ಅಧಿಕಾರಿಗಳು ತನಿಖೆ ನಡೆಸುವ ಸಾಧ್ಯತೆಯಿದ್ದು, ಈ ಮೂಲಕ ಮತ್ತಷ್ಟು ಮಾಹಿತಿ ಸಿಗಲಿದೆ. ಎಲಿಯಾ ಸಂಸ್ಥೆಯಿಂದ ವಂಚನೆಯಾದ ಬಗ್ಗೆ ಮಂಗಳೂರಿನ ಶಕ್ತಿನಗರದ ಮಹಿಳೆ ಅ.16ರಂದು ನಗರದ ನಾರ್ಕೋಟಿಕ್‌ ಆ್ಯಂಡ್‌ ಎಕನಾಮಿಕ್‌ ಠಾಣೆಯಲ್ಲಿ ದೂರು ನೀಡಿದ್ದು, ತನಿಖೆಗೆ ಮಧ್ಯ ಪ್ರದೇಶಿಸಿದ ಅಪರಾಧ ಪತ್ತೆ ದಳ ಪೊಲೀಸರು ಮೂವರು ಆರೋಪಿಗಳು ಹಾಗೂ 3 ಕಾರುಗಳನ್ನು ವಶಕ್ಕೆ ಪಡೆದಿದ್ದರು. ವಿಚಾರಣೆ ವೇಳೆ ಆರೋಪಿಗಳ ಬಳಿ ಪೊಲೀಸರು ಲಕ್ಷಾಂತರ ರೂ. ಬೇಡಿಕೆಯಿಟ್ಟಿದ್ದು, ಹಣ ನೀಡದ ಕಾರಣ ಜಾಗ್ವಾರ್‌ ಕಾರನ್ನು ಹಿರಿಯ ಅಧಿಕಾರಿಯೊಬ್ಬರ ಆಪ್ತ ಬೆಂಗಳೂರಿನ ಉದ್ಯಮಿಗೆ ಮಾರಾಟ ಮಾಡಿರುವುದಾಗಿ ಮೂಲಗಳು ತಿಳಿಸಿವೆ. ಆದರೆ ಕಾರು ಮಂಗಳೂರಿಧಿನಲ್ಲೇ ಹಲವು ತಿಂಗಳು ಸುತ್ತಾಡಿದೆ. ಹಿರಿಯ ಪೊಲೀಸ್‌ ಅಧಿಕಾರಿಯೂ ಇದರಲ್ಲೇ ಸುತ್ತಾಡಿದ್ದು, ತನ್ನ ನಿವಾಸಕ್ಕೂ ಕೊಂಡೊಯ್ಯುತ್ತಿದ್ದರು. ಇದಾದ ಬಳಿಕ ಹಲವು ಸಮಯದವರೆಗೆ ಪ್ರಕರಣದ ಮಧ್ಯವರ್ತಿ ದಿವ್ಯ ದರ್ಶನ್‌ನ ಪಳ್ನೀರ್‌ ಮನೆಯಲ್ಲೂಈ ಕಾರು ನಿಂತಿರುವುದು ಪೊಲೀಸ್‌ ಮೂಲಗಳಿಂದ ತಿಳಿದು ಬಂದಿದೆ. ಮಧ್ಯವರ್ತಿಯ ವಿಚಾರಣೆ: ಕಾರು ಡೀಲ್‌ ಪ್ರಕರಣದ ಮಧ್ಯವರ್ತಿ ನಗರದಲ್ಲೇ ವಾಸ್ತವ್ಯವಿದ್ದು, ಹಿಂದಿನಿಂದಲೂ ಪೊಲೀಸ್‌ ಅಧಿಕಾರಿಗಳ ಜತೆ ಸಂಪರ್ಕವಿರಿಸಿದ್ದ. ಈ ಡೀಲ್‌ನಲ್ಲೂ ಆತನೇ ಪ್ರಮುಖ ಸೂತ್ರಧಾರಿ ಎಂದು ತನಿಖಾಧಿಕಾರಿಗಳಿಗೆ ದೃಢಪಟ್ಟಿದ್ದು, ಆತನನ್ನು ವಿಚಾರಣೆಗೊಳಪಡಿಸುವ ಸಾಧ್ಯತೆಯಿದೆ. ನಗರದಲ್ಲಿಪರಿಶೀಲನೆ: ಪ್ರಕರಣದ ತನಿಖಾಧಿಕಾರಿ ಸಿಐಡಿ ಎಸ್ಪಿ ರೋಹಿಣಿ ಕಟೋಚ್‌ ನೇತೃತ್ವದ ತಂಡ ಮಾರ್ಚ್ ಮೊಧಿದಲ ವಾರ ಮಂಗಳೂರಿಗೆ ಆಗಮಿಸಿ, ಪ್ರಕರಣದ ಕಾರು ಸೇರಿದಂತೆ ಕೆಲವೊಂದು ಸೊತ್ತು, ದಾಖಲೆ ಪರಿಶೀಲಿಸುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ. 20 ಮಂದಿಗೆ ನೋಟಿಸ್‌: ಕಾರು ಮಾರಾಟ ಪ್ರಕರಣಕ್ಕೆ ಸಂಬಂಧಿಸಿ ಎಸ್‌ಐ ಕಬ್ಬಾಳ್‌ರಾಜ್‌, ಇನ್‌ಸ್ಪೆಕ್ಟರ್‌ ರಾಮಕೃಷ್ಣ, ಇಬ್ಬರು ಸಿಬ್ಬಂದಿ, ಕಾರು ವಹಿವಾಟು ನಡೆಸಿದವರು, ದೂರುದಾರರು, ಆರ್‌ಟಿಒ ಅಧಿಕಾರಿ ಮತ್ತು ಸಿಬ್ಬಂದಿ ಸೇರಿದಂತೆ ಸುಮಾರು 20 ಮಂದಿಗೆ ಸಿಐಡಿ ತನಿಖಾ ತಂಡ ನೋಟಿಸ್‌ ಜಾರಿಗೊಳಿಸಿದೆ. ಮಹಿಳೆಯ ಸೆಲ್ಫಿ ವಿಡಿಯೊ ಎಡಿಟಿಂಗ್‌ ಎಲಿಯಾ ಕಂಪನಿಯಿಂದ 30 ಕೋಟಿ ರೂ. ವಂಚನೆ ಪ್ರಕರಣಕ್ಕೆ ಸಂಬಂಧಿಸಿ ಪೊಲೀಸರಿಗೆ ದೂರು ನೀಡಿದ್ದ ಮಹಿಳೆ ಮಾಡಿದ ಸೆಲ್ಫಿ ವಿಡಿಯೋವನ್ನು ಎಡಿಟಿಂಗ್‌ ಮಾಡಿ ವೈರಲ್‌ ಮಾಡಲಾಗುತ್ತಿದೆ. ಸೆಲ್ಫಿ ವಿಡಿಯೊ ಮಾಡಿರುವ ಮಹಿಳೆ ಪ್ರಕರಣದ ಬಗ್ಗೆ ಹೇಳಿಕೊಂಡಿದ್ದಾರೆ. ಆದರೆ ವಿಡಿಯೊದಲ್ಲಿ ಧ್ವನಿ ಮತ್ತು ದೃಶ್ಯಕ್ಕೆ ತಾಳೆಯಾಗುತ್ತಿಲ್ಲ. ವಶಪಡಿಸಿಕೊಂಡ ಹಣದಲ್ಲೇ ಗುಳುಂ 2019ರ ಜೂ.25ರಂದು ತನ್ನ ಮಂಗಳೂರು ಕಚೇರಿಗೆ ಸಿಸಿಬಿ ಪೊಲೀಸರು ದಾಳಿ ನಡೆಸಿ 66 ಲಕ್ಷ ರೂ. ವಶಕ್ಕೆ ಪಡೆದು, ದಾಖಲೆಯಲ್ಲಿ57.74 ಲಕ್ಷ ರೂ. ಮಾತ್ರ ನಮೂದಿಸಿದ್ದಾರೆ. ಈ ಪ್ರಕರಣದಲ್ಲಿ14.26 ಲಕ್ಷ ರೂ. ಗುಳುಂ ಮಾಡಲಾಗಿದೆ ಎಂದು ಉದ್ಯಮಿ ಕರುಣಾಕರ ಭಂಡಾರಿ ಆರೋಪಿಸಿದ್ದಾರೆ. ಮಾಧ್ಯಮದ ಜತೆ ಮಾತನಾಡಿದ ಅವರು, ಐಸ್‌ಪ್ಲಾತ್ರ್ಯಂಟ್‌ ನಿರ್ಮಾಣಕ್ಕೆ ಬ್ಯಾಂಕ್‌ನಿಂದ ಸಾಲ ಪಡೆದು ಕಚೇರಿಯಲ್ಲಿಟ್ಟಿದ್ದೆ. ಆದರೆ ಸಿಸಿಬಿ ಅಧಿಕಾರಿಗಳು ಕ್ರಿಕೆಟ್‌ ಬೆಟ್ಟಿಂಗ್‌ ದಂಧೆ ಹೆಸರಲ್ಲಿದಾಳಿ ನಡೆಸಿ ಹಣ ವಶಕ್ಕೆ ಪಡೆದಿದ್ದರು. ಈ ಬಗ್ಗೆ ಹಿರಿಯ ಅಧಿಕಾರಿಗಳಿಗೆ ದೂರು ನೀಡಿದರೂ ಪ್ರಯೋಜನವಾಗಿಲ್ಲ. ದೂರು ನೀಡಿದ ಬಳಿಕ ಮತ್ತೆ ಮತ್ತೆ ದಾಳಿ ಮಾಡಿ ಮಾನಸಿಕ ಕಿರುಕುಳ ನೀಡಿದ್ದಾರೆ. ಆಗಿನ ಸಿಸಿಬಿ ಎಸ್‌ಐ ಕಬ್ಬಾಳ್‌ರಾಜ್‌ ಮತ್ತು ಸಿಬ್ಬಂದಿ ಆಶಿತ್‌ ಡಿಸೋಜ ಹಣ ಪಡೆದು ವಂಚಿಧಿಸಿದ್ದಾರೆ ಎಂದು ಕರುಣಾಕರ ಭಂಡಾರಿ ಹೇಳಿದ್ದಾರೆ. ನಾನು ಹಣದ ಮೂಲದ ಬಗ್ಗೆ ಕೋರ್ಟ್‌ಗೂ ದಾಖಲೆ ನೀಡಿದ್ದೇನೆ. ಆದರೆ 14.26 ಲಕ್ಷ ರೂ. ಬಾಕಿ ಮೊತ್ತ ನನಗೆ ಈವರೆಗೂ ವಾಪಸ್‌ ಸಿಕ್ಕಿಲ್ಲ. ಹಿಂದೆ ನೀಡಿದ ದೂರಿನಲ್ಲೇ ತನಿಖೆ ನಡೆಸಿ ನ್ಯಾಯ ಒದಗಿಸಬೇಕು ಎಂದು ಹೇಳಿದ್ದಾರೆ.

from India & World News in Kannada | VK Polls https://ift.tt/3q4ef79

ತಮಿಳು ಕಲಿಯದಿರುವುದಕ್ಕೆ ವಿಷಾದವಿದೆ: ಮನ್‌ ಕೀ ಬಾತ್‌ನಲ್ಲಿ ಪ್ರಧಾನಿ ಮೋದಿ ಬೇಸರ

ಹೊಸ ದಿಲ್ಲಿ: ಪ್ರಪಂಚದ ಅತೀ ಹಳೇಯ ಭಾಷೆಯಾಗಿರುವ ತಮಿಳು ಕಲಿಯದ್ದಕ್ಕೆ ವಿಷಾದವಿದೆ ಎಂದು ಪ್ರಧಾನಿ ಹೇಳಿದ್ದಾರೆ. ವಿಧಾನಸಭೆಗೆ ಚುನಾವಣೆ ಘೋಷಣೆಯಾದ ಬೆನ್ನಲ್ಲೇ, ಪ್ರಧಾನಿ ಇಂಥಹದ್ದೊಂದು ಹೇಳಿಕೆ ನೀಡಿದ್ದಾರೆ. ಆ ತಮಿಳುನಾಡಿನಲ್ಲಿ ಆಳವಾಗಿ ಬೇರೂರಿರುವ ಭಾ‍ಷೆ ಹಾಗೂ ಸಂಸ್ಕೃತಿಯ ಬಗ್ಗೆ ಗಮನ ಸೆಳೆಯಲು ಮುಂದಾಗಿದ್ದಾರೆ. ತಮ್ಮ ಮಾಸಿಕ ರೆಡಿಯೋ ಕಾರ್ಯಕ್ರಮದ 73ನೇ ಅವತರಣಿಕೆಯಲ್ಲಿ ಮಾತನಾಡಿದ ಅವರು, ತಮಿಳು ಭಾಷೆಯನ್ನು ಕಲಿಯುವ ಅವಕಾಶವನ್ನು ಕಳೆದುಕೊಂಡೆ. ಇದರ ಬಗ್ಗೆ ವಿಷಾದವಿದೆ ಎಂದು ಹೇಳಿದ್ದಾರೆ. ಇತ್ತೀಚೆಗೆ ಯಾರೋ ಒಬ್ಬರು ಕೇಳಿದ್ದರು. ಸುದೀರ್ಘ ಅವಧಿಗೆ ನೀವು ಮುಖ್ಯಮಂತ್ರಿ ಆಗಿದ್ದವರು. ಇದೀಗ ಪ್ರಧಾನ ಮಂತ್ರಿ ಆಗಿದ್ದೀರಿ. ಈ ಅವಧಿಯಲ್ಲಿ ನೀವು ಏನಾದರೂ ಕಳೆದುಕೊಂಡಿದ್ದು ಇದೆಯಾ ಎಂದು ಪ್ರಶ್ನಿಸಿದ್ದರು. ಅದಕ್ಕೆ ನಾನು ಹೌದು, ವಿಶ್ವದ ಅತೀ ಪುರಾತನ ತಮಿಳು ಭಾಷೆ ಎಂದು ಉತ್ತರಿಸಿದ್ದಾಗಿ ಪ್ರಧಾನಿ ಹೇಳಿದ್ದಾರೆ. ಕೆಲವೊಮ್ಮೆ ಸಣ್ಣ ಪ್ರಶ್ನೆಗಳು ನಮ್ಮನ್ನು ತಬ್ಬಿಬ್ಬಾಗಿಸುತ್ತವೆ. ಅವರು ಈ ಪ್ರಶ್ನೆ ಕೇಳಿದಾಗ ನನನೂ ಅದೇ ರೀತಿಯ ಅನುಭವ ಆಯ್ತು. ನಾನು ವಿಶ್ವದ ಅತೀ ಹಳೇಯ ಭಾಷೆ ತಮಿಳು ಕಲಿಯಲು ಇನ್ನಷ್ಟು ಪ್ರಯತ್ನ ಹಾಕಬೇಕಿತ್ತು ಎಂದು ಹೇಳಿದ್ದಾರೆ. ಇದೇ ವೇಳೆ ತಮಿಳು ಸಂಸ್ಕೃತಿಯನ್ನು ಹಾಡಿ ಹೊಗಳಿರುವ ಅವರು, ತಮಿಳು ಸಂಸ್ಕೃತಿ ಸುಂದರ ಸಂಸ್ಕೃತಿ ಎಂದು ಬಣ್ಣಿಸಿದ್ದಾರೆ.

from India & World News in Kannada | VK Polls https://ift.tt/3q1mXTx

ಚೆನ್ನೈ ಕಂಪನಿಯೊಂದರಲ್ಲಿ ಪತ್ತೆಯಾಯ್ತು ಬರೋಬ್ಬರಿ ₹220 ಕೋಟಿ ಮೌಲ್ಯದ ಕಪ್ಪು ಹಣ!

ಚೆನ್ನೈ: ಕಳೆದ ವಾರ ಇಲ್ಲಿನ ಟೈಲ್ಸ್‌ ತಯಾರಿಕಾ ಕಂಪನಿ ಮೇಲೆ ದಾಳಿ ಮಾಡಿದ್ದ ಇಲಾಖೆ ಬರೋಬ್ಬರಿ ₹220 ಕೋಟಿ ರುಪಾಯಿ ವಶಕ್ಕೆ ಪಡೆಯಲಾಗಿದೆ ಎಂದು ಕೇಂದ್ರ ನೇರ ತೆರಿಗೆ ಪ್ರಾಧಿಕಾರ (ಸಿಬಿಡಿಟಿ) ಹೇಳಿದೆ. ತಮಿಳುನಾಡು ಮೂಲದ ಕಂಪನಿ ಇದಾಗಿದ್ದು, ಫೆಬ್ರವರಿ 26 ರಂದು ತಮಿಳುನಾಡು, ಗುಜರಾತ್‌ ಹಾಗೂ ಕೋಲ್ಕತಾ ಸೇರಿ ಒಟ್ಟು 20 ಕಡೆಗಳಲ್ಲಿ ಆದಾಯ ತೆರಿಗೆ ಇಲಾಖೆ ದಾಳಿ ನಡೆಸಿತ್ತು. ಇದೀಗ ಬರೋಬ್ಬರಿ ₹220 ಕೋಟಿ ರುಪಾಯಿ ತೆರಿಗೆ ವಂಚಿಸಿದ ಹಣ ಮುಟ್ಟುಗೋಲು ಹಾಕಲಾಗಿದೆ. ದಾಳಿ ವೇಳೆ ಸುಮಾರು ₹8.30 ಕೋಟಿ ಹಣ ವಶಕ್ಕೆ ಪಡೆಯಲಾಗಿತ್ತು. ಇದೀಗ ಮತ್ತೆ ಕಪ್ಪು ಹಣ ಪತ್ತೆಯಾಗಿದ್ದು, ₹220 ಕೋಟಿ ಕಪ್ಪು ಹಣ ವಶ ಪಡಿಸಿಕೊಳ್ಳಲಾಗಿದೆ ಎಂದು ಸಿಬಿಡಿಟಿ ಹೇಳಿದೆ. ಆದರೆ ಆ ಕಂಪನಿಯ ಹೆಸರನ್ನು ಸಿಬಿಡಿಟಿ ಗೌಪ್ಯವಾಗಿಟ್ಟಿದ್ದು, ಟೈಲ್ಸ್‌ ಉತ್ಪಾದನೆಯಲ್ಲಿ ದಕ್ಷಿಣ ಭಾರತದಲ್ಲೇ ಅತೀ ದೊಡ್ಡ ಕಂಪನಿ ಎಂದಷ್ಟೇ ಹೇಳಿದೆ. ಪರಿಶೀಲನೆ ವೇಳೆ ಲೆಕ್ಕ ಪುಸ್ತಕಗಳಲ್ಲಿ ದಾಖಲಿಸದ ಟೈಲ್‌ ಖರೀದಿಗಳು ಪತ್ತೆಯಾಗಿದೆ. ಅಧಿಕೃತ ದಾಖಲೆಗಳಿಲ್ಲದವುಗಳ ಕಡತಗಳನ್ನು ಗೌಪ್ಯ ಕಚೇರಿಯಲ್ಲಿ ಇರಿಸಿ, ಅದಕ್ಕೆಂದೇ ಪ್ರತ್ಯೇಕ ಸಾಫ್ಟ್‌ವೇರ್‌ಗಳನ್ನು ಇಟ್ಟುಕೊಳ್ಳಲಾಗಿತ್ತು ಎಂದು ಸಿಬಿಟಿಡಿ ಹೇಳಿದೆ. ಅಲ್ಲದೇ ಒಟ್ಟು ಆಯವ್ಯಯದ ಶೇ.50 ರಷ್ಟು ಲೆಕ್ಕಾಚಾರಗಳನ್ನು ಲೆಕ್ಕ ಪುಸ್ತಕದಲ್ಲಿ ದಾಖಲಿಸಿಯೇ ಇಲ್ಲ. ಹಿಂದಿನ ವರ್ಷದ ಲೆಕ್ಕಗಳನ್ನು ನೋಡಿದರೆ ಸುಮಾರು ₹120 ಕೋಟಿಗೆ ತೆರಿಗೆ ವಂಚನೆ ಮಾಡಲಾಗಿದೆ. ಹೊಸದಾಗಿ ₹100 ಕೋಟಿ ಆದಾಯದ ಬಗ್ಗೆ ಘೋಷಣೆಯೇ ಮಾಡಿಕೊಂಡಿಲ್ಲ. ಖೊಟ್ಟಿ ಕಂಪನಿ ಹೆಸರಲ್ಲಿ ಈ ಹಣ ಇತ್ತು. ಒಟ್ಟು ತೆರಿಗೆ ಪಾವತಿ ಮಾಡದ ₹220 ಕೋಟಿ ಪತ್ತೆಯಾಗಿದೆ ಎಂದು ಸಿಬಿಡಿಟಿ ಹೇಳಿದೆ. ಇದೇ ವೇಳೇ ಇಂಥ ತೆರಿಗೆ ವಂಚನೆ ವಿರುದ್ಧ ಸಮರ ಸಾರುವುದಾಗಿ ಸಿಬಿಡಿಟಿ ಹೇಳಿದ್ದು, ತಮಿಳುನಾಡು ಹಾಗೂ ಪುದುಚೇರಿಯಲ್ಲಿ ಈ ಕಂಪನಿಯ ಮೂಲವನ್ನೇ ಜಾಲಾಡುತ್ತೇವೆ ಎಂದಿದೆ.

from India & World News in Kannada | VK Polls https://ift.tt/3pXlf5r

ಕ್ರಿಮಿನಾಶಕ ಸಿಂಪಡಿಸಿದ್ದ ಹುಲ್ಲು ತಿಂದು 15ಕ್ಕೂ ಹೆಚ್ಚು ಕುರಿಗಳು ಸಾವು; ಕಂಗೆಟ್ಟ ಮಾಲೀಕ..!

ಲಕ್ಷ್ಮೇಶ್ವರ: ಸಿಂಪಡಿಸಿದ್ದ ಹುಲ್ಲು ತಿಂದು 15ಕ್ಕೂ ಹೆಚ್ಚು ಕುರಿಗಳು ಸಾವನಪ್ಪಿರುವ ಘಟನೆ ಶನಿವಾರ ತಾಲೂಕಿನ ಅಡರಕಟ್ಟಿಯಲ್ಲಿ ಸಂಭವಿಸಿದೆ. ಸುಮಾರು 400 ಕುರಿಗಳ ಹಿಂಡು ಹೊಂದಿದ್ದ ಈ ಗುಂಪಿನಲ್ಲಿ ಬಹುತೇಕ ಕುರಿಗಳು ಅರೆಪ್ರಜ್ಞಾವಸ್ಥೆ ತಲುಪಿದ್ದು ಪಶು ವೈದ್ಯಾಧಿಕಾರಿ ಮತ್ತು ಸಿಬ್ಬಂದಿ ಉಳಿದ ಕುರಿಗಳಿಗೆ ಯಾವುದೇ ಪ್ರಾಣ ಹಾನಿಯಾಗದಂತೆ ಔಷಧೋಪಚಾರ ಮಾಡಿದ್ದಾರೆ. ಚಿಕ್ಕೋಡಿ ತಾಲೂಕಿನ ನಾಗರಮನವಳ್ಳಿ ಗ್ರಾಮದ ಹೂವಪ್ಪ ಕಗ್ಗೊಣ್ಣವರ ಅವರಿಗೆ ಸೇರಿದ ಕುರಿಗಳಾಗಿವೆ. ಜಮೀನೊಂದರಲ್ಲಿ ಕ್ರಿಮಿನಾಶಕ ಸಿಂಪಡಿಸಿರುವ ಬಗ್ಗೆ ಗೊತ್ತಾಗದೆ ಕುರಿಗಳನ್ನು ಮೇಯಲು ಬಿಟ್ಟಿದ್ದಾರೆ. ಕುರಿಗಳು ಹುಲ್ಲು ಮೇಯ್ದ ನಂತರ ಅಸ್ವಸ್ತಗೊಂಡಿದ್ದು 15 ಕುರಿಗಳು ಸಾವನಪ್ಪಿವೆ. ಇದರಿಂದ ಕುರಿಗಾರರು ಸ್ಥಳೀಯ ಸಹಕಾರದಿಂದ ವೈದ್ಯರನ್ನು ಬರಮಾಡಿಕೊಂಡು ಉಳಿದೆಲ್ಲ ಕುರಿಗಳ ಆರೋಗ್ಯ ಕಾಪಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ಸ್ಥಳಕ್ಕೆ ಭೇಟಿ ನೀಡಿದ್ದ ಪ್ರದೇಶ ಕುರುಬರ ಸಂಘದ ತಾಲೂಕು ಅಧ್ಯಕ್ಷ ನಿಂಗಪ್ಪ ಬನ್ನಿ ಅವರು ಮೃತಪಟ್ಟ ಪ್ರತಿ ಕುರಿಗೆ 5 ಸಾವಿರ ರೂ. ಪರಿಹಾರ ನೀಡಬೇಕೆಂದು ಒತ್ತಾಯಿಸಿದರು. ಮಹೇಶ ಲಮಾಣಿ, ತಿಪ್ಪಣ್ಣ ಸಂಶಿ ಮತ್ತಿತರರು ಹಾಜರಿದ್ದರು.

from India & World News in Kannada | VK Polls https://ift.tt/3uCcTUp

ಪ್ರೀತಿಸಿದ ಹುಡುಗಿಗೆ‌ ಬೇರೆ ಯುವಕನೊಂದಿಗೆ ಮದುವೆಗೆ ಸಿದ್ಧತೆ; ನೊಂದ ಪ್ರಿಯಕರ ಆತ್ಮಹತ್ಯೆಗೆ ಯತ್ನ!

ಮೂಡಿಗೆರೆ: ಹಲವಾರು ವರ್ಷಗಳಿಂದ ಪ್ರೀತಿಸಿದ ಹುಡುಗಿಗೆ ಆಕೆಯ ಮನೆಯವರು ಬೇರೆ ಯುವಕನ ಜೊತೆ ಮದುವೆಗೆ ಸಿದ್ದತೆ ನಡೆಸಿದ ಹಿನ್ನಲೆಯಲ್ಲಿ ಮನನೊಂದ ಪ್ರಿಯಕರ ಬರೆದಿಟ್ಟು ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ತಾಲೂಕಿನ ನಲ್ಲಿ ನಡೆದಿದೆ. ಬಣಕಲ್ ನಿವಾಸಿ ರಾಘವೇಂದ್ರ ಆತ್ಮಹತ್ಯೆಗೆ ಯತ್ನಿಸಿದ ಭಗ್ನ ಪ್ರೇಮಿ. ಇವರು 6 ವರ್ಷಗಳಿಂದ ತನ್ನದೇ ಊರಿನ ಯುವತಿಯೊಬ್ಬಳನ್ನು ಪ್ರೀತಿಸುತ್ತಿದ್ದ. ಇವರಿಬ್ಬರು ಮದುವೆಯಾಗಲು ಸಹ ತೀರ್ಮಾನಿಸಿದ್ದರು. ಆದರೆ ಈ ವಿಷಯ ಯುವತಿಯ ಮನೆಯವರಿಗೆ ತಿಳಿಯುತ್ತಿದ್ದಂತೆಯೆ ಬೇರೆ ಯುವಕನೊಂದಿಗೆ ಮಾಡಲು ನಿರ್ಧರಿಸಿದ್ದಾರೆ. ಈ ವಿಚಾರ ತಿಳಿದು ಮನನೊಂದ ರಾಘವೇಂದ್ರ ಮಾತ್ರೆ ಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ್ದಾನೆ. ಸದ್ಯ ರಾಘವೇಂದ್ರನಿಗೆ ಹಾಸನದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

from India & World News in Kannada | VK Polls https://ift.tt/3pVdsFq

ಸುಪ್ರೀಂ ಕೋರ್ಟ್‌ನ ಅಧಿಕೃತ ಸಂವಹನಕ್ಕೆ ಇನ್ನು ಮುಂದೆ ವಾಟ್ಸಾಪ್‌ ಬಳಕೆ ಇಲ್ಲ

ಹೊಸ ದಿಲ್ಲಿ: ಹಾಗೂ ಡಿಜಿಟಲ್‌ ಮಿಡಿಯಾಗಳನ್ನು ನಿಯಂತ್ರಿಸಲು ಹೊಸ ನಿಯಮಾವಳಿಗಳನ್ನು ಕೇಂದ್ರ ಸರ್ಕಾರ ಬಿಡುಗಡೆ ಮಾಡಿದ ಬೆನ್ನಲ್ಲೇ, ಇದೀಗ ಸುಪ್ರೀಂ ಕೋರ್ಟ್‌ ಕೂಡ ತನ್ನ ಅಧಿಕೃತ ಸಂದೇಶಗಳಿಗೆ ಸಾಮಾಜಿಕ ಜಾಲತಾಣಗಳನ್ನು ಬಳಕೆ ಮಾಡದೇ ಇರಲು ನಿರ್ಧರಿಸಿದೆ. ವಿಡಿಯೋ ಕಾನ್ಫರೆನ್ಸ್‌ ವಿಚಾರಣೆಗಳ ಲಿಂಕ್‌ ಅನ್ನು ಮೂಲಕ ಕಳುಹಿಸದೇ ಇರಲು ಸುಪ್ರೀಂ ಕೋರ್ಟ್‌ ನಿರ್ಧರಿಸಿದೆ. ವಾಟ್ಸಾಪ್‌ ಬದಲಾಗಿ ನೋಂದಾಯಿತ ಈಮೇಲ್‌ ಐಡಿ ಹಾಗೂ ಫೋನ್‌ ನಂಬರ್‌ಗೆ ವಿಡಿಯೋ ಕಾನ್ಫರೆನ್ಸ್‌ ಲಿಂಕ್‌ಗಳನ್ನು ಕಳುಹಿಸಲು ನಿರ್ಧರಿಸಿದೆ. ಈ ಬಗ್ಗೆ ಸುಪ್ರೀಂ ಕೋರ್ಟ್‌ನ ನೋಂದಣಿ ವಿಭಾಗ ಸುತ್ತೋಲೆ ಬಿಡುಗಡೆ ಮಾಡಿದ್ದು, ವಾಟ್ಯಾಪ್‌ಗಳಲ್ಲಿ ಲಿಂಕ್‌ ಹಂಚಿಕೊಳ್ಳುವ ಬದಲಾಗಿ, ಇನ್ನು ಮುಂದೆ ಪ್ರಕರಣದ ಪರ ವಕೀಲಿಕೆ ಮಾಡುವ ವಕೀಲರು ನೋಂದಾಯಿಸಿಕೊಂಡಿರುವ ಮೊಬೈಲ್‌ ಸಂಖ್ಯೆ ಹಾಗೂ ಈ ಮೇಲ್‌ ಮೂಲಕ ವಿಡಿಯೋ ಕಾನ್ಫರೆನ್ಸ್‌ನ ಲಿಂಕ್‌ ಕಳುಹಿಸಿಕೊಡಲಾಗುವುದು ಎಂದು ಹೇಳಲಾಗಿದೆ. ವಾಟ್ಸಾಪ್‌ ಗ್ರೂಪ್‌ಗಳನ್ನು ರಚನೆ ಮಾಡಿ ಅದರ ಮೂಲಕ ಲಿಂಕ್‌ ಹಂಚಿಕೊಳ್ಳುವುದನ್ನು, ಭಾರತ ಸರ್ಕಾರ ಬಿಡುಗಡೆ ಮಾಡಿದ ಹೊಸ ಸಾಮಾಜಿಕ ಜಾಲತಾಣ ನಿಯಮಾವಳಿಗಳಲ್ಲಿ ನಿಷೇಧಿಸಲಾಗಿದೆ. ಹೀಗಾಗಿ ಇನ್ನು ಮುಂದೆ ವಾಟ್ಸಾಪ್‌ ಮೂಲಕ ವಿಡಿಯೋ ಕಾನ್ಫರೆನ್ಸ್‌ನ ಲಿಂಕ್‌ಗಳು ಹಂಚಿಕೊಳ್ಳಲಾಗುವುದಿಲ್ಲ ಎಂದು ಹೇಳಿದೆ. ಮಾರ್ಚ್‌ 1 ರಿಂದ ಈ ಹೊಸ ನಿಯಮ ಜಾರಿಗೆ ಬರಲಿದ್ದು, ವಾಟ್ಸಪ್‌ ಬದಲಾಗಿ ಇನ್ನು ಮುಂದೆ ಪ್ರಕರಣದ ವಕೀಲರು ಅಥವಾ ಅರ್ಜಿದಾರರ ಈ ಮೇಲ್‌ ಐಡಿ ಹಾಗೂ ಮೊಬೈಲ್‌ ನಂಬರ್‌ಗೆ ಸಂದೇಶ ಮೂಲಕ ಲಿಂಕ್‌ ಹಂಚಿಕೊಳ್ಳಲಾಗುವುದು ಎಂದು ಸುತ್ತೋಲೆಯಲ್ಲಿ ಹೇಳಲಾಗಿದೆ. ಸಾಮಾಜಿಕ ಜಾಲತಾಣಗಳ ನಿಯಂತ್ರಣಕ್ಕೆ ಗುರುವಾರ ಕೇಂದ್ರ ಸರ್ಕಾರ ಹೊಸ ನಿಯಮಾವಳಿಗಳನ್ನು ಬಿಡುಗಡೆ ಮಾಡಿತ್ತು. ಜಾಲತಾಣಗಳಲ್ಲಿ ದೇಶ ದ್ರೋಹ ಹಾಗೂ ಸಮಾಜ ಘಾತುಕ ವಿಷಯಗಳು ಹೆಚ್ಚಾಗಿ ಹರಸುತ್ತಿರುವುದರಿಂದ ಸರ್ಕಾರ ಅವುಗಳ ನಿಯಂತ್ರಣಕ್ಕೆ ಹೊಸ ನೀತಿಗಳನ್ನು ಜಾರಿಗೆ ತಂದಿದೆ.

from India & World News in Kannada | VK Polls https://ift.tt/3qaie25

ಕಾಂಗ್ರೆಸ್‌ನಲ್ಲಿ ಅರ್ಹತೆಗೆ ಸ್ಥಾನವಿಲ್ಲ: ಪುದುಚೇರಿಯಲ್ಲಿ ಅಮಿತ್ ಶಾ ಅಬ್ಬರದ ಚುನಾವಣಾ ಭಾಷಣ!

ಪುದುಚೇರಿ: ಕಾಂಗ್ರೆಸ್ ಪಕ್ಷದಲ್ಲಿ ಅರ್ಹತೆಗೆ ಯಾವುದೇ ಸ್ಥಾನವಿಲ್ಲ. ಕಾಂಗ್ರೆಸ್ ಕೇವಲ ವಂಶ ರಾಜಕಾರಣಕ್ಕೆ ಮಾತ್ರ ಮಣೆ ಹಾಕುತ್ತದೆ ಎಂದು ಕೇಂದ್ರ ಗೃಹ ಸಚಿವ ಗುಡುಗಿದ್ದಾರೆ. ಪುದುಚೇರಿಯ ಕಾರೈಕಲ್‌ನಲ್ಲಿ ಚುನಾವಣಾ ಪ್ರಚಾರ ಸಭೆ ಉದ್ದೇಶಿಸಿ ಮಾತನಾಡಿದ ಅಮಿತ್ ಶಾ, ಅರ್ಹರನ್ನು ಕಡೆಗಣಿಸುತ್ತಿರುವುದರಿಂದಲೇ ದೇಶಾದ್ಯಂತ ಕಾಂಗ್ರೆಸ್ ನಾಯಕರು ಹಾಗೂ ಕಾರ್ಯಕರ್ತರು ಆ ಪಕ್ಷ ತೊರೆದು ಬಿಜೆಪಿ ಸೇರುತ್ತಿದ್ದಾರೆ ಎಂದು ಹರಿಹಾಯ್ದರು. ಕಾಂಗ್ರೆಸ್ ಕೇವಲ ಒಂದು ಕುಟುಂಬಕ್ಕೆ ಸೀಮಿತವಾಗಿ ದಶಕಗಳೇ ಉರುಳಿವೆ. ಇದೇ ಕಾರಣಕ್ಕೆ ರಾಷ್ಟ್ರ ರಾಜಕಾರಣದಲ್ಲಿ ಆ ಪಕ್ಷ ಹಂತ ಹಂತವಾಗಿ ತನ್ನ ಅಸ್ತಿತ್ವ ಕಳೆದುಕೊಳ್ಳುತ್ತಿದೆ ಎಂದು ಅಮಿತ್ ಶಾ ವಾಗ್ದಾಳಿ ನಡೆಸಿದರು. ಪುದುಚೇರಿಯಲ್ಲಿ ಈ ಬಾರಿ ಬಿಜೆಪಿ ನೇತೃತ್ವದ ಎನ್‌ಡಿಎ ಮೈತ್ರಿಕೂಟ ಅಧಿಕಾರಕ್ಕೆ ಬರುವುದು ನಿಶ್ಚಿತ ಎಂದು ಭವಿಷ್ಯ ನುಡಿದ ಅಮಿತ್ ಶಾ, ನನ್ನ ರಾಜಕೀಯ ಅನುಭವದ ಆಧಾರದ ಮೇಲೆ ನಾನು ಪುದುಚೇರಿಯಲ್ಲಿ ಎನ್‌ಡಿಎ ಸರ್ಕಾರ ರಚಿಸುವ ದಾವೆ ಮಾಡುತ್ತಿದ್ದೇನೆ ಎಂದು ಹೇಳಿದರು. ಅಭಿವೃದ್ಧಿಗಾಗಿ ಕೇಂದ್ರ ಸರ್ಕಾರ 15 ಸಾವಿರ ಕೋಟಿ ರೂ.ಗಳನ್ನು ನೀಡಿದೆ. ಆದರೆ ಅಭಿವೃದ್ಧಿ ಕಾರ್ಯಗಳನ್ನು ಕೈಗೊಳ್ಳಬೇಕಾದ ಮುಖ್ಯಮಂತ್ರಿ ನಾರಾಯಣಸ್ವಾಮಿ ನೇತೃತ್ವದ ಸರ್ಕಾರ ಗಾಂಧಿ ಪರಿವಾರದ ಸೇವೆಗಾಗಿ ದೆಹಲಿಗೆ ಕಳುಹಿಸಿದೆ ಎಂದು ಅಮಿತ್ ಶಾ ಇದೇ ವೇಳೆ ಗಂಭೀರ ಆರೋಪ ಮಾಡಿದರು. ಪುದುಚೇರಿಯಲ್ಲಿ ಶೇ.75ರಷ್ಟು ಯುವ ಸಮುದಾಯ ನಿರುದ್ಯೋಗ ಸಮಸ್ಯೆಯನ್ನು ಎದುರಿಸುತ್ತಿದೆ. ಒಂದು ವೇಳೆ ಎನ್‌ಡಿಎ ಸರ್ಕಾರ ರಚಿಸಿದರೆ ನಿರುದ್ಯೋಗ ಸಮಸ್ಯೆಯನ್ನು ಶೇ.40ರಷ್ಟು ನಿವಾರಣೆ ಮಾಡಲಾಗುವುದು ಎಂದು ಇದೇ ವೇಳೆ ಆಮಿತ್ ಶಾ ಭರವಸೆ ನೀಡಿದರು. ನಾರಾಯಣಸ್ವಾಮಿ ನೇತೃತ್ವದ ಸರ್ಕಾರ ಭ್ರಷ್ಟಾಚಾರದಲ್ಲಿ ಮುಳುಗಿದ್ದು, ಈ ಭ್ರಷ್ಟ ಸರ್ಕಾರವನ್ನು ಕಿತ್ತೆಸೆದು ಅಭಿವೃದ್ಧಿ ಪರ ಬಿಜೆಪಿ ನೇತೃತ್ವದ ಎನ್‌ಡಿಎ ಮೈತ್ರಿಕೂಟಕ್ಕೆ ಮತದಾರ ಮಣೆ ಹಾಕಲಿದ್ದಾನೆ ಎಂಬ ಭರವಸೆ ಇರುವುದಾಗಿ ಅಮಿತ್ ಶಾ ಹೇಳಿದರು.

from India & World News in Kannada | VK Polls https://ift.tt/3qWMLkZ

ಅನೈತಿಕ ಸಂಬಂಧಕ್ಕೆ ಅಡ್ಡಿಯ ನೆಪವೊಡ್ಡಿ ಪುಟ್ಟ ಮಗನನ್ನೇ ಕೊಂದುಬಿಟ್ಟರು ಕಿರಾತಕರು..!

ಕಾರಟಗಿ: ಅನೈತಿಕ ಸಂಬಂಧಕ್ಕೆ ಅಡ್ಡಿಯಾಗುವ ನೆಪವೊಡ್ಡಿ ಮಗನನ್ನೇ ಕೊಲೆ ಮಾಡಿದ ಆರೋಪದಡಿ ಬಾಲಕನ ತಾಯಿ, ಅಜ್ಜ ಹಾಗೂ ತಾಯಿಯ ಪ್ರಿಯಕರನನ್ನು ಶುಕ್ರವಾರ ಬಂಧಿಸುವಲ್ಲಿ ಸ್ಥಳೀಯ ಠಾಣೆಯ ಪಿಎಸ್‌ಐ ಎಲ್‌.ಬಿ.ಅಗ್ನಿ ನೇತೃತ್ವದ ತಂಡ ಯಶಸ್ವಿಯಾಗಿದೆ. ಪಟ್ಟಣದ ನಜೀರ್‌ಸಾಬ್‌ ಕಾಲೊನಿಯ ಮಲ್ಲಿಕಾರ್ಜುನ ಹಡಪದ (12) ಮೃತ ಬಾಲಕ. ಈ ಬಾಲಕನ ತಾಯಿ ಲಕ್ಷ್ಮಿ, ಅಜ್ಜ ಸೋಮಣ್ಣ, ಪಕ್ಕದ ಮನೆಯ ಲಾಲ್‌ಸಾಬ್‌ ಬಂಧಿತ ಆರೋಪಿಗಳು. 2020, ಅ.23 ರಂದು ಮನೆಯ ಬಳಿ ಆಡುತ್ತಿದ್ದ ಬಾಲಕನನ್ನು ರಮಿಸಿದ ಅಜ್ಜ ಸೋಮಣ್ಣ, ಬೈಕ್‌ ಮೇಲೆ ಕೂಡಿಸಿಕೊಂಡು ಹೋಗಿದ್ದ. ಮೈಲಾಪುರ ಬಳಿ ಹಗ್ಗದಿಂದ ಬಾಲಕನ ಕೈಕಾಲು ಕಟ್ಟಿ ತುಂಗಭದ್ರಾ ಎಡದಂಡೆ ನಾಲೆಗೆ ಎಸೆದಿದ್ದ. ಈ ಕುರಿತ ಮಾಹಿತಿ, ಪೊಲೀಸರ ವಿಚಾರಣೆ ವೇಳೆ ಬಹಿರಂಗವಾಗಿದೆ. ಅ.24 ರಂದು ಬೆಳಗ್ಗೆ ರಾಯಚೂರು ಜಿಲ್ಲೆಯ ಬಳಗಾನೂರು ಠಾಣೆ ವ್ಯಾಪ್ತಿಯ ಉದ್ಬಾಳ ಬಳಿಯ ತುಂಗಭದ್ರಾ ಎಡದಂಡೆ ನಾಲೆಯಲ್ಲಿ ಬಾಲಕನ ಶವ ಪತ್ತೆಯಾಗಿತ್ತು. ನಾಪತ್ತೆ ಹಾಗೂ ನಿಗೂಢ ಸಾವಿನ ಕುರಿತು ಬಾಲಕನ ತಂದೆ ಕಳಕಪ್ಪ ಹಡಪದ ಬಳಗಾನೂರು ಹಾಗೂ ಕಾರಟಗಿ ಠಾಣೆಗಳಿಗೆ ಪ್ರತ್ಯೇಕ ದೂರು ನೀಡಿದ್ದರು. ನವೆಂಬರ್‌ನಲ್ಲಿ ಬಳಗಾನೂರು ಠಾಣೆಯಿಂದ ಕಾರಟಗಿ ಠಾಣೆಗೆ ಪ್ರಕರಣ ವರ್ಗಾವಣೆಗೊಂಡಿತ್ತು. ಪ್ರಕರಣದ ಹಿನ್ನೆಲೆ:ಗಂಡನ ಜತೆ ಮುನಿಸಿಕೊಂಡು ಬೇರೆ ವಾಸಿಸುತ್ತಿದ್ದ ಲಕ್ಷ್ಮಿ, ತನ್ನ ಸ್ವಂತ ಮಾವ ಹಾಗೂ ಪಕ್ಕದ ಮನೆಯ ಪ್ರಿಯಕರ ಲಾಲ್‌ಸಾಬ್‌ ಜತೆ ಅನೈತಿಕ ಸಂಬಂಧವಿಟ್ಟುಕೊಂಡಿದ್ದಳು ಎನ್ನಲಾಗಿದೆ. ಈ ಸಂಬಂಧಕ್ಕೆ ಮಗ ಅಡ್ಡಿಯಾಗುತಿದ್ದಾನೆ ಎಂಬ ನೆಪವೊಡ್ಡಿ ಮಾವ ಹಾಗೂ ಪ್ರಿಯಕರನ ಜತೆ ಸೇರಿಕೊಂಡು ಮಗನ ಕೊಲೆಗೆ ಸಂಚು ರೂಪಿಸಿದ್ದಳು ಎಂಬ ಸಂಗತಿ ಪ್ರಾಥಮಿಕ ತನಿಖೆ ವೇಳೆ ಬಯಲಾಗಿದೆ. ಬಾಲಕನ ನಿಗೂಢ ಸಾವಿನ ಕುರಿತು ಸಮಗ್ರ ತನಿಖೆ ನಡೆಸಬೇಕು. ಅಪರಾಧಿಗಳನ್ನು ಬಂಧಿಸುವಂತೆ ಆಗ್ರಹಿಸಿ, ತಾಲೂಕು ಹಡಪದ ಸಮಾಜದ ಬಾಂಧವರು, ಕಾರಟಗಿ ಠಾಣೆಗೆ ದೂರು ನೀಡಿದ್ದನ್ನು ಇಲ್ಲಿ ಸ್ಮರಿಸಬಹುದು. ಈ ದೂರು ಆಧರಿಸಿ, ಪ್ರಕರಣದ ಬೆನ್ನು ಹತ್ತಿದ ಪೊಲೀಸರು, ಆರೋಪಿಗಳನ್ನು ವಶಕ್ಕೆ ಪಡೆದು, ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.

from India & World News in Kannada | VK Polls https://ift.tt/3r8GUt6

ವಿಂಡೀಸ್‌ ತಂಡದಲ್ಲಿ ಸುನಿಲ್ ಸ್ಥಾನ ಕಳೆದುಕೊಳ್ಳಲು ಕಾರಣ ಕೊಟ್ಟ ಚೀಫ್ ಸೆಲೆಕ್ಟರ್!

ಹೊಸದಿಲ್ಲಿ: ಮಾಂತ್ರಿಕ ಸ್ಪಿನ್ನರ್‌ ಸುನಿಲ್‌ ನರೈನ್ 'ಅಂತಾರಾಷ್ಟ್ರೀಯ ಕ್ರಿಕೆಟ್‌' ಅಡಲು ಸಿದ್ಧರಾಗಿಲ್ಲ. ಇದೇ ಕಾರಣಕ್ಕೆ ವಿರುದ್ಧದ ಟಿ20 ಸರಣಿಗೆ ಪ್ರಕಟಿಸಲಾದ 14 ಸದಸ್ಯರ ತಂಡದಲ್ಲಿ ನರೈನ್‌ಗೆ ಸ್ಥಾನ ನೀಡಲಾಗಿಲ್ಲ ಎಂದು ವಿಂಡೀಸ್‌ ಕ್ರಿಕೆಟ್‌ ಮಂಡಳಿಯ ಚೀಫ್‌ ಸೆಲೆಕ್ಟರ್‌ ರೋಜರ ಹಾಪರ್‌ ಸ್ಪಷ್ಟ ಪಡಿಸಿದ್ದಾರೆ. ಮಾರ್ಚ್‌ನ ಮೊದಲ ವಾರ ಆರಂಭವಾಗಲಿರುವ ಮೂರು ಪಂದ್ಯಗಳ ಟಿ20 ಸರಣಿ ಸಲುವಾಗಿ ಶನಿವಾರ ವಿಂಡೀಸ್‌ ತನ್ನ ಬಲಿಷ್ಠ ತಂಡವನ್ನು ಪ್ರಕಟ ಮಾಡಿತ್ತು. ಈ ತಂಡದೊಂದಿಗೆ ಕ್ರಿಸ್‌ ಗೇಲ್‌ ಮತ್ತು ಫೀಡೆಲ್‌ ಎಡ್ವರ್ಡ್ಸ್‌ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಕಮ್‌ಬ್ಯಾಕ್‌ ಮಾಡಿದ್ದಾರೆ. ಗೇಲ್‌ 2 ವರ್ಷಗಳ ನಂತರ ವಿಂಡೀಸ್ ಪರ ಆಡಲು ಮುಂದಾದರೆ, ಎಡ್ವರ್ಡ್ಸ್‌ 8 ವರ್ಷಗಳ ನಂತರ ತಂಡಲ್ಲಿ ಸ್ಥಾನ ಪೆದಿದ್ದಾರೆ. ಆದರೆ ಸುನಿಲ್ ನರೈನ್‌ ಹೆಸರು ಇಲ್ಲದೇ ಇರುವುದು ಅಭಿಮಾನಿಗಳಿಗೆ ಅಚ್ಚರಿ ತಂದಿದೆ. "ಸುನಿಲ್‌ ನರೈನ್‌ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಆಡಲು ಸಜ್ಜಾಗಿಲ್ಲ ಎಂಬ ಸುಳಿವನ್ನು ನೀಡಿದ್ದಾರೆ. ಸಾಧ್ಯವಾದಷ್ಟು ಬೇಗ ಪಂದ್ಯವನ್ನಾಡಲು ಸಂಪೂರ್ಣ ಸಜ್ಜಾಗುವ ಕಡೆಗೆ ಅವರು ಕೆಲಸ ಮಾಡುತ್ತಿದ್ದಾರೆ. ಇದೇ ಕಾರಣಕ್ಕೆ ಅವರನ್ನು ಮುಂಬರುವ ಟಿ20 ಸರಣಿಗೆ ಆಯ್ಕೆ ಮಾಡಲಾಗಿಲ್ಲ," ಎಂದು ಇಎಸ್‌ಪಿಎನ್ ಕ್ರಿಕ್‌ಇನ್ಫೋಗೆ ನೀಡಿರುವ ಸಂದರ್ಶನದಲ್ಲಿ ಹಾಪರ್‌ ಹೇಳಿದ್ದಾರೆ. ನರೈನ್‌ ಇತ್ತೀಚೆಗಷ್ಟೇ ಸೂಪರ್‌ 50 ಕಪ್‌ ಟೂರ್ನಿಯಲ್ಲಿ ಟ್ರಿನಿನಾಡ್ ಅಂಡ್‌ ಟೊಬೇಗೊ ತಂಡದ ಪರ ಆಡಿದ್ದರು. ಆದರೆ 2019ರ ಬಳಿಕ ವೆಸ್ಟ್‌ ಇಂಡೀಸ್‌ ತಂಡದಲ್ಲಿ ವರೆಗೆ ಯಾವದೇ ಮಾದರಿಯ ಕ್ರಿಕೆಟ್‌ನಲ್ಲಿ ಒಮ್ಮೆಯೂ ಕಾಣಿಸಿಕೊಂಡಿಲ್ಲ. ಇನ್ನು 2020ರ ಆವೃತ್ತಿಯ ಐಪಿಎಲ್‌ ಟೂರ್ನಿಯಲ್ಲಿ ಕೋಲ್ಕತಾ ನೈಟ್‌ ರೈಡರ್ಸ್‌ಪರ ಆಡುವಾಗ ನರೈನ್‌ ಬೌಲಿಂಗ್‌ ಶೈಲಿ ಶಂಕಾಸ್ಪದ ಎಂದು ಆರೋಪಿಸಲಾಗಿತ್ತು. ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ 51 ಪಂದ್ಯಗಳನ್ನು ಆಡಿರುವ 32 ವರ್ಷದ ಅನುಭವಿ ಸ್ಪಿನ್ನರ್‌ ಒಟ್ಟು 52 ವಿಕೆಟ್‌ಗಳನ್ನು ಪಡೆದು ಗಮನ ಸೆಳೆದಿದ್ದಾರೆ. ಟಿ20 ಕ್ರಿಕೆಟ್‌ನ ಸಮಗ್ರ ಸಾಧನೆಯಾಗಿ 351 ಪಂದ್ಯಗಳಿಂದ 390 ವಿಕೆಟ್‌ಗಳನ್ನು ಪಡೆದ ಸಾಧನೆ ಅವರದ್ದು. ನರೈನ್‌ ಅನುಪಸ್ಥಿತಿಯಲ್ಲಿ ವಿಂಡೀಸ್‌ ತಂಡದ ಸ್ಪಿನ್ ಬೌಲಿಂಗ್ ವಿಭಾಗಕ್ಕೆ ಹೆಚ್ಚಿನ ಬಲ ಒದಗಿಸಲು ಹಾಪರ್‌ ನೇತೃತ್ವದ ಸೆಲೆಕ್ಷನ್ ಕಮಿಟಿ ಹೊಸ ಮುಖಗಳಿಗೆ ಮಣೆ ಹಾಕಿದೆ. ಅಕೀಲ್ ಹುಸೇನ್, ಕೆವಿನ್‌ ಸಿಂಕ್ಲೇರ್ ಮತ್ತು ಫೇಬಿಯೆನ್‌ ಆಲೆನ್‌ ತಂಡದಲ್ಲಿ ಇರುವ ಸ್ಪಿನ್ನರ್‌ಗಳಾಗಿದ್ದಾರೆ. ಶ್ರೀಲಂಕಾ ವಿರುದ್ಧದ ಸರಣಿಗೆ ವೆಸ್ಟ್‌ ಇಂಡೀಸ್‌ ತಂಡ ಹೀಗಿದೆ1. ಕೈರೊನ್ ಪೊಲಾರ್ಡ್‌ (ನಾಯಕ/ಆಲ್‌ರೌಂಡರ್‌) 2. ಕ್ರಿಸ್‌ ಗೇಲ್‌ (ಎಡಗೈ ಆರಂಭಿಕ ಬ್ಯಾಟ್ಸ್‌ಮನ್) 3. ಲೆಂಡ್ಲ್‌ ಸಿಮನ್ಸ್‌ (ಬಲಗೈ ಆರಂಭಿಕ ಬ್ಯಾಟ್ಸ್‌ಮನ್‌) 4. ನಿಕೊಲಸ್‌ ಪೂರನ್ (ವಿಕೆಟ್‌ಕೀಪರ್‌/ಎಡಗೈ ಬ್ಯಾಟ್ಸ್‌ಮನ್) 5. ಫೇಬಿಯೆನ್‌ ಆಲೆನ್‌ (ಆಲ್‌ರೌಂಡರ್‌) 6. ಡ್ವೇನ್‌ ಬ್ರಾವೋ (ಆಲ್‌ರೌಂಡರ್) 7. ಆಂಡ್ರೆ ಫ್ಲೆಚೆರ್ (ಆಲ್‌ರೌಂಡರ್‌) 8. ಜೇಸನ್‌ ಹೋಲ್ಡರ್‌ (ಆಲ್‌ರೌಂಡರ್‌) 9. ಅಕೀಲ್ ಹುಸೇನ್ (ಎಡಗೈ ಸ್ಪಿನ್ನರ್‌) 10. ಎವಿನ್ ಲೂಯಿಸ್‌ (ಎಡಗೈ ಬ್ಯಾಟ್ಸ್‌ಮನ್‌) 11. ಒಬೆಡ್‌ ಮೆಕಾಯ್ (ಎಡಗೈ ವೇಗದ ಬೌಲರ್‌) 12. ರೋವ್ಮನ್ ಪೊವೆಲ್ (ಬಲಗೈ ಬ್ಯಾಟ್ಸ್‌ಮನ್‌/ಸಾಂದರ್ಭಿಕ ಬಲಗೈ ವೇಗಿ) 13. ಫೀಡೆಲ್‌ ಎಡ್ವರ್ಡ್ಸ್‌ (ಬಲಗೈ ವೇಗದ ಬೌಲರ್‌) 14. ಕೆವಿನ್‌ ಸಿಂಕ್ಲೇರ್ (ಆಫ್‌ ಸ್ಪಿನ್ನರ್‌)

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/30b9ONn

ವಿದ್ಯಾರ್ಥಿಗಳಿಗೆ ಹಾಸ್ಟೆಲ್ ಗಳಲ್ಲಿ ಸಿಗಲಿದೆ ಸಿರಿಧಾನ್ಯಗಳ ಪೌಷ್ಟಿಕ ಆಹಾರ; ಕೃಷಿ ಸಚಿವ ಬಿ.ಸಿ.ಪಾಟೀಲ್!

ಹುಬ್ಬಳ್ಳಿ: ಸಿರಿಧಾನ್ಯಗಳನ್ನು ಪ್ರೋತ್ಸಾಹಿಸಲು ಹಾಗೂ ಬೇಡಿಕೆಯನ್ನು ಹೆಚ್ಚಿಸಲು ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ಸರ್ಕಾರದಿಂದ ನಡೆಸುತ್ತಿರುವ ಗಳು ಹಾಗೂ ಬಿಸಿಯೂಟದಲ್ಲಿ ವಿದ್ಯಾರ್ಥಿಗಳಿಗೆ ಪೌಷ್ಟಿಕಯುಕ್ತ ಸಿರಿಧಾನ್ಯಗಳ ಆಹಾರ ನೀಡಲು‌ ತೀರ್ಮಾನಿಸಲಾಗಿದೆ ಎಂದು ಕೃಷಿ ಸಚಿವರಾದ ಹೇಳಿದರು. ಮೊರಬದ ಎ.ಪಿ.ಎಂ.ಸಿ ಆವರಣದಲ್ಲಿ ನೂತನವಾಗಿ ನಿರ್ಮಿಸಲಾಗಿರುವ ರೈತ ಸಂಪರ್ಕ ಕೇಂದ್ರ ದಾಸ್ತಾನು ಮಳಿಗೆ, ಬೆಂಬಲ ಬೆಲೆ ಯೋಜನೆಯಡಿ ಕಡಲೆಕಾಳು ಖರೀದಿ ಕೇಂದ್ರ ಹಾಗೂ ಕೃಷಿ ಯಂತ್ರಧಾರೆ ಉದ್ಘಾಟಿಸಿ ಅವರು ಮಾತನಾಡಿದರು. ಈ ಸಂದರ್ಭದಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಪ್ರೋತ್ಸಾಹಿಸುವ ಕುರಿತು ಆಯ್ಯವ್ಯಯ ಮುಂಗಡ ಸಭೆಯಲ್ಲಿ ಚರ್ಚಿಸಲಾಗಿದೆ. ಬಿಸಿಯೂಟ ಹಾಗೂ ಹಾಸ್ಟೆಲ್ ಗಳಲ್ಲಿ ಸಿರಿಧಾನ್ಯಗಳನ್ನು ಬಳಸಿದರೆ ಬೇಡಿಕೆ ಹೆಚ್ಚಾಗುತ್ತದೆ. ಇದರಿಂದ ಸಿರಿಧಾನ್ಯಗಳ ಬೆಲೆ ಹೆಚ್ಚಾಗಿ ರೈತರಿಗೆ ಅನುಕೂಲವಾಗುತ್ತದೆ. ಈಗಾಗಲೇ ಕೃಷಿ.ವಿ.ವಿ.ಗಳ ಹಾಸ್ಟೆಲ್ ಗಳಲ್ಲಿ ವಾರದಲ್ಲಿ ಒಂದು ದಿನ ಮಧ್ಯಾಹ್ನ ಊಟದಲ್ಲಿ ಸಿರಿಧಾನ್ಯದಿಂದ ತಯಾರಿಸಿದ ಆಹಾರ ನೀಡುವ ಕುರಿತು ತೀರ್ಮಾನ ಮಾಡಲಾಗಿದೆ ಎಂದರು. ಬೆಂಬಲ ಬೆಲೆಯಡಿ ಕಡಲೆಕಾಳು ಖರೀದಿ ಕುರಿತು ಸಚಿವ ಸಂಪುಟ ಉಪ ಸಮಿತಿ ಸಭೆ ನಡೆಸಿ ಸೂಕ್ತ ನಿರ್ದೇಶನ ನೀಡಲಾಗಿದೆ. ನೋಂದಣಿ ಜೊತೆಗೆ ಖರೀದಿಯನ್ನು ಸಹ ಆರಂಭಿಸಲಾಗಿದೆ. ತಡ ಮಾಡದೆ ರೈತರ ಖಾತೆಗೆ ಹಣ ಜಮೆ ಮಾಡಲಾಗುವುದು. ಕ್ವಿಂಟಾಲ್ ರೂ.5100 ನಿಗದಿ ಮಾಡಲಾಗಿದೆ. ಮೂರು ತಿಂಗಳು ಖರೀದಿ ಕೇಂದ್ರದಲ್ಲಿ ಕಡಲೆಕಾಳು ಖರೀದಿಸಲಾಗುವುದು ಎಂದು ಹೇಳಿದರು. ಯಂತ್ರಧಾರೆ ಯೋಜನೆಯನ್ನು ಧರ್ಮಸ್ಥಳ ಗ್ರಾಮೀಣಾಭಿವೃದ್ಧಿ ಸಂಸ್ಥೆಯ ಜೊತೆಗೆ ಹಲವು ಸಂಸ್ಥೆಗಳು ಸಹ ನಿರ್ವಹಿಸುತ್ತವೆ. ಇದರಿಂದ ರೈತರಿಗೆ ಅನುಕೂಲವಾಗುತ್ತದೆ. ಖರೀದಿಸುವ ಯಂತ್ರಗಳಿಗೆ ಕೃಷಿ ಇಲಾಖೆಯಿಂದ ಶೇ.70 ರಷ್ಟು ಸಹಾಯಧನ ನೀಡಲಾಗುತ್ತದೆ. ರೈತರಿಗೆ ಬೆಳ ಕಟಾವು ಮಾಡುವಲ್ಲಿ ತಗುಲುವ ವೆಚ್ಚ ಯಂತ್ರಗಳಿಂದ ಕಡಿಮೆಯಾಗುತ್ತದೆ. ಗೋಧಿ ಕಟಾವಿಗೆ ರೂ. 6000 ವೆಚ್ಚವಾದರೆ, ಯಂತ್ರಾಧಾರಿತ ಕಟಾವಿಗೆ ರೂ.1200 ತಗಲುತ್ತಿದೆ. ರೂ.4800 ರೈತರಿಗೆ ಉಳಿತಾಯವಾಗುತ್ತದೆ. ಇದೇ ರೈತರಿಗೆ ಲಾಭ. ಪ್ರಸಕ್ತ ವರ್ಷದಿಂದ ಫಾರಂ ಬ್ಯಾಂಕ್ ಆರಂಭಿಸಿ 20 ಜನರ ಕೃಷಿ ಕೋ ಆಪರೇಟಿವ್ ಸೊಸೈಟಿಗೆ ಟ್ರ್ಯಾಕ್ಟರ್ ಖರೀದಿಗೆ ರೂ.8‌ ಲಕ್ಷ ಸಹಾಯಧನ ನೀಡಲಾಗುವುದು. ರಾಜ್ಯದಲ್ಲಿ ಹಳ್ಳಿಗೊಂದು ಕೃಷಿಯಂತ್ರಧಾರೆಯನ್ನು ಆರಂಭಿಸಲಾಗುವುದು. ಕೃಷಿ ಮಿತ್ರ ನೇಮಕಾತಿ ಕುರಿತು ಮುಖ್ಯ ಮಂತ್ರಿಗಳು ಅಯ್ಯವ್ಯಯದಲ್ಲಿ ಮಂಡಿಸಲಿದ್ದಾರೆ ಎಂದರು. ಗ್ರಾಮಸ್ಥರು ಕೃಷಿ ಸಚಿವರಿಗೆ ಪೂರ್ಣ ಕುಂಭದ ಸ್ವಾಗತ ನೀಡಿದರು. ಕರ್ನಾಟಕ ನಗರ ಮೂಲಕ ಸೌಕರ್ಯ ಅಭಿವೃದ್ಧಿ ಮತ್ತು ಹಣಕಾಸು ಸಂಸ್ಥೆ ಅಧ್ಯಕ್ಷ ಹಾಗೂ ಶಾಸಕ ಶಂಕರ ಪಾಟೀಲ ಮುನೇನಕೊಪ್ಪ. ಜಿ.ಪಂ‌.ಅಧ್ಯಕ್ಷ ವಿಜಯಲಕ್ಷ್ಮಿ ಪಾಟೀಲ. ಕೃಷಿ ಮತ್ತು ಕೈಗಾರಿಕಾ ಸಮಿತಿ ಅಧ್ಯಕ್ಷ ಉಮೇಶ ಹೆಬಸೂರು, ಜಿಲ್ಲಾ ಕೃಷಿಕ ಸಮಾಜದ ಅಧ್ಯಕ್ಷ ಬಸವರಾಜ ಕುಂದಗೋಳ, ಜಿ.ಪಂ. ಸದಸ್ಯ ಅಂದಾನಯ್ಯ ಬಸಲಿಂಗಯ್ಯ ಹಿರೇಮಠ, ತಾ.ಪಂ‌.ಅಧ್ಯಕ್ಷೆ ಅನ್ನಪೂರ್ಣ ಬಸಯ್ಯ ಶಿರಹಟ್ಟಿಮಠ, ಕೃಷಿ ಇಲಾಖೆ ಆಯುಕ್ತ ಬ್ರಿಜೇಶ್ ಕುಮಾರ್ ದೀಕ್ಷಿತ್, ಕೃಷಿ ವಿಶ್ವವಿದ್ಯಾಲಯ ಉಪಕುಲಪತಿ ಡಾ.ಎಮ್.ಬಿ.ಚೆಟ್ಟಿ, ಕೃಷಿ ಇಲಾಖೆ ನಿರ್ದೇಶಕ ಬಿ.ವೈ.ಶ್ರೀನಿವಾಸ, ಜಂಟಿ ಕೃಷಿ ನಿರ್ದೇಶಕ ರಾಜಶೇಖರ ಐ ಬಿಜಾಪೂರ ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು.

from India & World News in Kannada | VK Polls https://ift.tt/3swL2TO

ಕೊಡಗಿನಲ್ಲಿ ಆನೆ ಕಾಟ, ಕೃಷಿಕರಿಗೆ ಸಂಕಷ್ಟ; ರೈತರು ಬೆಳೆದ ಬೆಳೆಗಳೆಲ್ಲಾ ಮದಗಜಗಳಿಗೆ ಸ್ವಾಹ!

ತೇಲಪಂಡ ಕವನ್‌ ಕಾರ್ಯಪ್ಪ ಸೋಮವಾರಪೇಟೆ ಮಡಿಕೇರಿ: ದಕ್ಷಿಣ ಕೊಡಗಿನ ಪೊನ್ನಂಪೇಟೆ ತಾಲೂಕು ಭಾಗದಲ್ಲಿ ಹುಲಿ ಹಾವಳಿಯಿಂದಾಗಿ ಜನಜೀವನ ಅಸ್ತವ್ಯಸ್ತವಾಗಿದ್ದರೆ, ಉತ್ತರ ಕೊಡಗಿನ ಕುಶಾಲನಗರ ಮತ್ತು ಸೋಮವಾರಪೇಟೆ ತಾಲೂಕು ವ್ಯಾಪ್ತಿಯಲ್ಲಿ ಕಾಡಾನೆಗಳು ಗ್ರಾಮಸ್ಥರ ಬದುಕನ್ನು ನರಕವಾಗಿಸುತ್ತಿದೆ. ಕಾಡುಹಂದಿ ಮತ್ತು ಕಾಡು ಕೋಣಗಳೂ ಸ್ಥಳೀಯರ ನೆಮ್ಮದಿ ಕಿತ್ತುಕೊಂಡಿವೆ. ಸಿದ್ದಲಿಂಗಪುರ, ಸಂಗಯ್ಯನಪುರ, ಬಾಣಾವಾರ, ಗಣಗೂರು, ಮದಲಾಪುರ, ಯಲಕನೂರು... ಹೀಗೆ ಅವಿಭಜಿತ ಸೋಮವಾರಪೇಟೆ ತಾಲೂಕು ವ್ಯಾಪ್ತಿಯ ಗ್ರಾಮಗಳಲ್ಲಿ ಈಗ ಗಜಪಡೆ ಕಾಟ ಮಿತಿಮೀರಿದೆ. ಸಿದ್ದಲಿಂಗಪುರದಲ್ಲಿ ಚಂದ್ರಣ್ಣ ಎಂಬವರ ಕೆಸುವಿನ , ಬಾಣಾವಾರ ಸಮೀಪದ ಕಾಡುಹಾಡಿಯಲ್ಲಿ ಗಿರಿಜನರು ಬೆಳೆದಿದ್ದ ಸುವರ್ಣ ಗೆಡ್ಡೆ, ಸಂಗಯ್ಯನಪುರದಲ್ಲಿ ವೀರಭದ್ರಪ್ಪ ಎಂಬವರ ತರಕಾರಿ ಬೆಳೆ, ಸುತ್ತಮುತ್ತಲ ಗ್ರಾಮಗಳಲ್ಲಿ ಜೋಳ ಕೃಷಿ ಎಲ್ಲವೂ ಕಾಡಾನೆಗಳಿಗೆ ಆಹಾರವಾಗುತ್ತಿದೆ. ಕುಸುಬೂರು, ಕಾರೇಕೊಪ್ಪ ವ್ಯಾಪ್ತಿಯಲ್ಲೂ ಕಾಡಾನೆಗಳ ಹಾವಳಿ ಜಾಸ್ತಿಯಾಗಿದ್ದು ಕೃಷಿಕರು ಆತಂಕದಲ್ಲಿದ್ದಾರೆ. ಕುಸುಬೂರು ಗ್ರಾಮದ ಕುಮಾರ್‌ ಎಂಬುವವರು ಗೀರ್‌ ಸೇರಿದಂತೆ ದೇಶಿ ತಳಿಯ 30 ಜಾನುವಾರುಗಳಿಗಾಗಿ ತಮ್ಮ ಗದ್ದೆಯಲ್ಲಿ ಸೀಮೆ ಹುಲ್ಲನ್ನು ಬೆಳೆದಿದ್ದರು. ಅಲ್ಲಿಗೂ ದಾಳಿಯಿಟ್ಟ ಕಾಡಾನೆಗಳು ಹುಲ್ಲನ್ನು ಸಂಪೂರ್ಣ ತಿಂದು ನಾಶಪಡಿಸಿವೆ. ಗದ್ದೆಯಲ್ಲಿ ಬೆಳೆದ ತರಕಾರಿ ಗಳನ್ನೂ ಖಾಲಿ ಮಾಡಿವೆ. ಯಡವನಾಡು, ನಿಡ್ತ, ಜೇನುಕಲ್ಲುಬೆಟ್ಟ ಮೀಸಲು ಅರಣ್ಯಗಳಿಂದ ಆಹಾರ ಆರಸಿ ಗೌಡಳ್ಳಿ ಗ್ರಾಮಪಂಚಾಯಿತಿ ವ್ಯಾಪ್ತಿಯ ಚಿಕ್ಕಾರ, ಕೂಗೂರು, ಗ್ರಾಮದಲ್ಲಿ ಆಗಾಗ್ಗೆ ಕಾಡಾನೆಗಳು ದಾಳಿ ಮಾಡುತ್ತಿರುತ್ತವೆ. ಹೊಸಳ್ಳಿ, ಯಲಕನೂರು, ಐಗೂರು, ಕಾರೇಕೊಪ್ಪ, ಯಡವಾರೆ, ಹಿತ್ಲುಗದ್ದೆ, ಮಾಲಂಬಿ, ಗ್ರಾಮಗಳಲ್ಲಿ ಕಾಡಾನೆಗಳ ಹಾವಳಿ ಮುಂದುವರಿದಿದೆ. ಶನಿವಾರಸಂತೆ, ಕೊಡ್ಲಿಪೇಟೆ ಹೋಬಳಿಗಳಲ್ಲೂ ಪರಿಸ್ಥಿತಿ ಬೇರೆಯಿಲ್ಲ. ಸೋಮವಾರಪೇಟೆ ವಲಯಕ್ಕೆ ಸೇರಿದ ನಿಡ್ತ, ಜೇನುಕಲ್ಲುಬೆಟ್ಟ, ಯಡವನಾಡು ವ್ಯಾಪ್ತಿಯಲ್ಲಿ 5300 ಹೆಕ್ಟೇರ್‌ ಮೀಸಲು ಅರಣ್ಯವಿದೆ. ಈ ಭಾಗದಲ್ಲಿ 24 ಕಾಡಾನೆಗಳಿರುವ ಮಾಹಿತಿಯಿದೆ. ಮೂರು ವರ್ಷಗಳ ಹಿಂದೆ ಚಿಕ್ಕಾರ ಗ್ರಾಮದಿಂದ ದೊಡ್ಡಮಳ್ತೆ ಮಾರ್ಗವಾಗಿ ವಳಗುಂದ ತನಕ ಅರಣ್ಯದಂಚಿನಲ್ಲಿ ನಾಲ್ಕು ಕಿ.ಮೀ. ಕಂದಕ ನಿರ್ಮಿಸಲಾಗಿದೆ. ಕಲ್ಲುಬಂಡೆ ಸಿಕ್ಕಿದ ಕಡೆ ಕಂದಕ ಮಾಡಿಲ್ಲ. ಕೆಲ ಕಡೆ ಕಂದಕದಲ್ಲಿ ಹೂಳು ತುಂಬಿರುವ ಕಾರಣ ಕಾಡಾನೆಗಳು ಕಂದಕ ದಾಟಿ ಗ್ರಾಮ ಸೇರುತ್ತಿವೆ. ಚಿಕ್ಕಾರ ಗ್ರಾಮದ ಸಮೀಪವಿರುವ ಕೆರೆ ದಂಡೆಯಲ್ಲಿ ಹಾಕಿರುವ ಮುಳ್ಳು ಕಂಬಗಳನ್ನು ಕಾಡಾನೆಗಳು ಚಾಕಚಕ್ಯತೆಯಿಂದ ಬಗ್ಗಿಸಿ ಗ್ರಾಮಗಳಿಗೆ ಬರುತ್ತವೆ. ಕಾಜೂರು ಸಮೀಪ ಕಾಡಾನೆಗಳ ಹಿಂಡು ಟಾಟಾ ಕಾಫಿ ತೋಟಕ್ಕೆ ಹೋಗಲು ದಾರಿ ಬಿಡಲಾಗಿದೆ. ಕಾಜೂರು, ಎಡವಾರೆ, ಸಜ್ಜಳ್ಳಿ ಭಾಗದಲ್ಲೂ ಸೋಲಾರ್‌ ತಂತಿಬೇಲಿ ನಿರ್ಮಿಸಲಾಗಿದ್ದರೂ ಯಾವುದೂ ಪ್ರಯೋಜನಕ್ಕೆ ಇಲ್ಲದಂತಾಗಿದೆ.

from India & World News in Kannada | VK Polls https://ift.tt/3uELxxa

ಖೋಟಾನೋಟು ಚಲಾವಣೆಗೆ ಯತ್ನಿಸಿದವನ ಬಂಧನ; ₹1.40 ಲಕ್ಷ ಮೌಲ್ಯದ ನೋಟು ವಶ..!

ಬೆಂಗಳೂರು: ಚಲಾವಣೆಗೆ ಯತ್ನಿಸುತ್ತಿದ್ದ ಯುವಕನನ್ನು ಬಂಧಿಸಿರುವ ಚಿಕ್ಕಜಾಲ ಠಾಣೆ ಪೊಲೀಸರು, ಆತನಿಂದ 500, 100 ರೂ. ಮುಖಬೆಲೆಯ 1.40 ಲಕ್ಷ ರೂ. ಖೋಟಾ ನೋಟುಗಳನ್ನು ವಶಪಡಿಸಿಕೊಂಡಿದ್ದಾರೆ. ರಾಜಸ್ಥಾನ ಮೂಲದ ರವಿ ಅಲಿಯಾಸ್‌ ರವಿ ಸಿಂಗ್‌ (24) ಬಂಧಿತ ಆರೋಪಿಯಾಗಿದ್ದು, ಈತನಿಂದ 500 ರೂ. ಮುಖಬೆಲೆಯ 100 ನೋಟುಗಳು ಹಾಗೂ 100 ರೂ. ಮುಖಬೆಲೆಯ 90 ನೋಟುಗಳೂ ಸೇರಿದಂತೆ 1.40 ಲಕ್ಷ ರೂ. ಖೋಟಾ ನೋಟುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಕೃತ್ಯದಲ್ಲಿ ಭಾಗಿಯಾಗಿದ್ದ ಬಂಧಿತ ರವಿ ಸಹಚರ ವಿಕ್ರಂ ಸಿಂಗ್‌ ಪತ್ತೆಗೆ ಶೋಧ ನಡೆಸಲಾಗುತ್ತಿದೆ ಎಂದು ಪೊಲೀಸರು ಮಾಹಿತಿ ನೀಡಿದರು. ರಾಜಸ್ಥಾನದಿಂದ ಕೆಲಸ ಅರಸಿಕೊಂಡು ಬಂದಿದ್ದ ರವಿ, ಬ್ಯಾಟರಾಯನಪುರದಲ್ಲಿ ಮೊಬೈಲ್‌ ರಿಪೇರಿ ಕೆಲಸ ಮಾಡಿಕೊಂಡು ವಾಸಿಸುತ್ತಿದ್ದ. ಇತ್ತೀಚೆಗೆ ಸಹಚರ ನೀಡಿದ್ದ ಖೋಟಾ ನೋಟುಗಳನ್ನು ಸಾದರಹಳ್ಳಿ ಗೇಟ್‌ ಬಳಿ ಚಲಾವಣೆ ಮಾಡಲು ಯತ್ನಿಸುತ್ತಿದ್ದ ವೇಳೆ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ. ವಿಕ್ರಂ ಸಿಂಗ್‌ ಎಂಬಾತ ರವಿಗೆ ಖೋಟಾನೋಟುಗಳನ್ನು ನೀಡಿ ಚಲಾವಣೆ ಮಾಡುವಂತೆ ಹೇಳಿದ್ದ. ಅವನ ಸೂಚನೆಯಂತೆ ಚಲಾವಣೆ ಮಾಡಲು ಯತ್ನಿಸಲಾಗುತ್ತಿತ್ತು ಎಂದು ವಿಚಾರಣೆ ವೇಳೆ ಆರೋಪಿ ಹೇಳಿದ್ದಾನೆ. ಆರೋಪಿ ವಿರುದ್ಧ ಚಿಕ್ಕಜಾಲ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.

from India & World News in Kannada | VK Polls https://ift.tt/303LEE5

ಜಲ ಸಂರಕ್ಷಣೆಯ ಜವಾಬ್ದಾರಿಯ ಅರಿವು ಅಗತ್ಯ: ಮನ್ ಕಿ ಬಾತ್‌ನಲ್ಲಿ ಮೋದಿ ಅಭಿಮತ!

ಹೊಸದಿಲ್ಲಿ: ಜಲ ಸಂರಕ್ಷಣೆಯ ಜವಾಬ್ದಾರಿಯ ಅರಿವು ಹೊಂದುವುದು ದೇಶದ ತುರ್ತು ಅಗತ್ಯವಾಗಿದ್ದು, ಈ ನಿಟ್ಟಿನಲ್ಲಿ ಪ್ರತಿಯೊಬ್ಬರೂ ತಮ್ಮ ಪಾಲಿನ ಕರ್ತವ್ಯವನ್ನು ನಿರ್ವಹಿಸಬೇಕಿದೆ ಎಂದು ಪ್ರಧಾನಿ ಮೋದಿ ಅಭಿಪ್ರಾಯಪಟ್ಟಿದ್ದಾರೆ. ಇಂದು(ಫೆ.28-ಭಾನುವಾರ) ತಮ್ಮ '' ರೇಡಿಯೋ ಕಾರ್ಯಕ್ರಮ ಉದ್ದೇಶಿಸಿ ಮಾತನಾಡಿದ ಪ್ರಧಾನಿ ಮೋದಿ, ರಾಷ್ಟ್ರೀಯ ಜವಾಬ್ದಾರಿ ಎಂಬುದನ್ನು ನಾವು ಅರಿಯಬೇಕಿದೆ ಎಂದು ಹೇಳಿದರು. ಜಲ ಸಂರಕ್ಷಣೆಗಾಗಿ ಕೇಂದ್ರ ಸರ್ಕಾರ ಅನೇಕ ಯೋಜನೆಗಳನ್ನು ಹಮ್ಮಿಕೊಂಡಿದ್ದು, ಈ ಯೋಜನೆಗಳನ್ನು ದೇಶದ ಮೂಲೆ ಮೂಲೆಗೂ ಕೊಂಡೊಯ್ದು ಯಶಸ್ವಿಗೊಳಿಸುವುದು ಪ್ರತಿಯೊಬ್ಬ ನಾಗರಿಕನ ಕರ್ತವ್ಯ ಎಂದು ಪ್ರಧಾನಿ ಮೋದಿ ನುಡಿದರು. ಇದೇ ವೇಳೆ ದೇಶಕ್ಕೆ ರಾಷ್ಟ್ರೀಯ ವಿಜ್ಞಾನ ದಿನದ ಶುಭಾಶಯ ತಿಳಿಸಿದ ಪ್ರಧಾನಿ ಮೋದಿ, ನಮ್ಮಯುವ ಪೀಳಿಗೆ ವಿಜ್ಞಾನ ಮತ್ತು ತಂತ್ರಜ್ಞಾನ ಕ್ಷೇತದಲ್ಲಿ ಮಾಡುತ್ತಿರುವ ಸಾಧನೆಯನ್ನು ಜಗತ್ತು ಗಮನಿಸುತ್ತಿದೆ ಎಂದು ಹೆಮ್ಮೆಯಿಂದ ನುಡಿದರು. ದೇಶ ಎಲ್ಲಾ ಕ್ಷೇತ್ರಗಳಲ್ಲಿ ಆತ್ಮನಿರ್ಭರವಾಗಬೇಕಿರುವುದು ಅತ್ಯಂತ ಅವಶ್ಯವಾಗಿದ್ದು, ಈ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರದ ಆತ್ಮನಿರ್ಭರ ಭಾರತ ಯೋಜನೆಗೆ ಮತ್ತಷ್ಟು ವೇಗ ನೀಡಲಾಗುವುದು ಎಂದು ಪ್ರಧಾನಿ ಮೋದಿ ಇದೇ ವೇಳೆ ಭರವಸೆ ನೀಡಿದರು. ಕೊರೊನಾ ವೈರಸ್ ಹಾವಳಿಯ ನಡುವೆಯೂ ದೇಶ ಅತ್ಯಂತ ದೃಢ ಹೆಜ್ಜೆಗಳನ್ನು ಇಡುತ್ತಿದ್ದು, ಎಲ್ಲಾ ಕ್ಷೇತ್ರಗಳಲ್ಲಿ ಪ್ರಗತಿ ಕಂಡುಬರುತ್ತಿರುವುದು ಸಂತಸದ ಸಂಗತಿ ಎಂದು ಪ್ರಧಾನಿ ಮೋದಿ ಹೇಳಿದರು.

from India & World News in Kannada | VK Polls https://ift.tt/3ksNJDc

ಇಸ್ರೋದಿಂದ ಇ-ಗೀತಾ, ಪ್ರಧಾನಿ ಮೋದಿ ಭಾವಚಿತ್ರ ಸಮೇತ ಒಟ್ಟು 19 ಉಪಗ್ರಹಗಳ ಯಶಸ್ವಿ ಉಡಾವಣೆ!

ಶ್ರೀಹರಿಕೋಟಾ: ಭಾರತೀಯ ಬಾಹ್ಯಾಕಾಶ ಸಂಸ್ಥೆ ಭಗವದ್ಗೀತೆಯ ಎಲೆಕ್ಟ್ರಾನಿಕ್ ಆವೃತ್ತಿ ಹಾಗೂ ಪ್ರಧಾನಿ ಮೋದಿ ಭಾವಚಿತ್ರ ಸಮೇತ, ಒಟ್ಟು 19 ಉಪಗ್ರಹಗಳನ್ನು ಯಶಸ್ವಿಯಾಗಿ ನಭಕ್ಕೆ ಚಿಮ್ಮಿಸಿದೆ. ಆಂಧ್ರದ ಶ್ರೀಹರಿಕೋಟಾದಲ್ಲಿರುವ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ, ಇಸ್ರೋದ ಹೆಮ್ಮೆಯ PSLV-C51 ರಾಕೆಟ್‌ ಇಂದು(ಫೆ.28-ಭಾನುವಾರ) ಯಶಸ್ವಿ ಉಡಾವಣೆ ಕಂಡಿತು. ಬ್ರೆಜಿಲ್ ದೇಶದ 637 ಕೆಜಿ ತೂಕದ ಅಮೆಜೋನಿಯಾ-1 ಉಪಗ್ರಹವೂ ಸೇರಿದಂತೆ ಒಟ್ಟು 19 ಉಪಗ್ರಹಗಳನ್ನು ಹೊತ್ತ PSLV-C51 ರಾಕೆಟ್, ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಯಶಸ್ವಿ ಉಡಾವಣೆ ಕಂಡಿದೆ ಎಂದು ಇಸ್ರೋ ಸ್ಪಷ್ಟಪಡಿಸಿದೆ. ಇಂದು(ಫೆ.28-ಭಾನುವಾರ) ಯಶಸ್ವಿ ಉಡಾವಣೆ ಕಂಡ ಉಪಗ್ರಹಗಳ ಪೈಕಿ ಎಸ್‌ಡಿ ಸ್ಯಾಟ್ ಉಪಗ್ರಹದ ಮೇಲೆ ಪ್ರಧಾನಿ ನರೇಂದ್ರ ಮೋದಿ ಭಾವಚಿತ್ರವಿದ್ದು, ಭಗವದ್ಗೀತೆಯ ಎಲೆಕ್ಟ್ರಾನಿಕ್ ಆವೃತ್ತಿಯನ್ನು ಹೊಂದಿರುವುದು ವಿಶೇಷ. ಎನ್‌ಎಸ್‌ಐಎಲ್‌ಗಾಗಿ ಮೀಸಲಾದ ಮೊದಲ ಪಿಎಸ್‌ಎಲ್‌ವಿ ವಾಣಿಜ್ಯ ಮಿಷನ್ ಇದಾಗಿದ್ದು, ಇಸ್ರೋದ 2021ರ ಮೊದಲ ಬಾಹ್ಯಾಕಾಶ ಯೋಜನೆ ಎಂಬ ಹೆಗ್ಗಳಿಕೆಯನ್ನೂ ಪಡೆದಿದೆ. ಇನ್ನು ಇಸ್ರೋದ ಈ ಐತಿಹಾಸಿಕ ಸಾಧನೆಗೆ ಪ್ರಧಾನಿ ಮೋದಿ, ಕೇಂದ್ರ ಗೃಹ ಸಚಿವ ಅಮಿತ್ ಶಾ ಸೇರಿದಂತೆ ಹಲವು ಗಣ್ಯರು ಅಭಿನಂದನೆ ಸಲ್ಲಿಸಿದ್ದು, ಇಸ್ರೋದ ವೈಜ್ಞಾನಿಕ ಸಾಧನೆಯನ್ನು ಕೊಂಡಾಡಿದ್ದಾರೆ.

from India & World News in Kannada | VK Polls https://ift.tt/37UK4sA

ಮೇ 2ರಂದು ಬಂಗಾಳದಲ್ಲಿ 'ದೀದಿ ಗಯೀ, ಬಿಜೆಪಿ ಆಯೀ': ಹೀಗಿತ್ತು ಶಿವರಾಜ್ ಚೌಹಾಣ್ ಶಾಯಿರಿ!

ಕೋಲ್ಕತ್ತಾ: ಮುಂಬರುವ ಮೇ. 2ರ ವಿಧಾನಸಭೆ ಚುನಾವಣೆ ಫಲಿತಾಂಶದ ಬಳಿಕ ಪಶ್ಚಿಮ ಬಂಗಾಳದಲ್ಲಿ ಆಡಳಿತದ ಪರ್ವ ಆರಂಭವಾಗಲಿದೆ ಎಂದು ಮಧ್ಯಪ್ರದೇಶ ಮುಖ್ಯಮಂತ್ರಿ ಭವಿಷ್ಯ ನುಡಿದಿದ್ದಾರೆ. ರಾಜಧಾನಿ ಕೋಲ್ಕತ್ತಾದಲ್ಲಿರುವ ಕಾಲಿಘಾಟ್‌ನಲ್ಲಿ ವಿಶೇಷ ಪೂಜೆ ಸಲ್ಲಿಸಿ ಪತ್ರಕರ್ತರೊಂದಿಗೆ ಮಾತನಾಡಿದ ಶಿವರಾಜ್ ಸಿಂಗ್ ಚೌಹಾಣ್, ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ನೇತೃತ್ವದ ಟಿಎಂಸಿ ಸರ್ಕಾರದ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದರು. ಪಶ್ಚಿಮ ಬಂಗಾಳದ ಭ್ರಷ್ಟ ಟಿಎಂಸಿ ಸರ್ಕಾರ ರಾಜ್ಯವನ್ನು ಲೂಟಿ ಹೊಡೆದಿದ್ದು, ಮುಂಬರುವ ವಿಧಾನಸಭೆ ಚುನಾವಣೆಯಲ್ಲಿ ರಾಜ್ಯದ ಮತದಾರ ಟಿಎಂಸಿ ಪಕ್ಷಕ್ಕೆ ತಕ್ಕ ಪಾಠ ಕಲಿಸಲಿದ್ದಾನೆ ಎಂದು ಚೌಹಾಣ್ ಭರವಸೆ ವ್ಯಕ್ತಪಡಿಸಿದರು. ರಾಜ್ಯದಲ್ಲಿ ಅಭಿವೃದ್ಧಿ ಎಂಬುದು ಮರಿಚೀಕೆಯಾಗಿದ್ದು, ಮಮತಾ ಬ್ಯಾನರ್ಜಿ ನೇತೃತ್ವದ ಟಿಎಂಸಿ ಸರ್ಕಾರ ಭ್ರಷ್ಟಾಚಾರದಲ್ಲಿ ಮುಳುಗಿದೆ. ಈ ಮೊದಲು ಎಡರಂಗ ಸರ್ಕಾರ ಹಾಗೂ ಕಾಂಗ್ರೆಸ್ ಸರ್ಕಾರಗಳು ರಾಜ್ಯವನ್ನು ಸರ್ವನಾಶ ಮಾಡಿದ್ದು, ಟಿಎಂಸಿ ಕೂಡ ಇದೇ ಹಾದಿಯಲ್ಲಿ ಸಾಗುತ್ತಿದೆ ಎಂದು ಚೌಹಾಣ್ ಹರಿಹಾಯ್ದರು. ಕೇಂದ್ರ ಸರ್ಕಾರದ ರೈತಪರ ಯೋಜನೆಗಳು ಪಶ್ಚಿಮ ಬಂಗಾಳದ ಫಲಾನುಭವಿಗಳನ್ನು ತಲುಪದಂತೆ ಮಮತಾ ಬ್ಯಾನರ್ಜಿ ತಡೆಯೊಡ್ಡಿದ್ದು, ಟಿಎಂಸಿ ಸರ್ಕಾರದಿಂದ ರಾಜ್ಯದ ಎಲ್ಲಾ ವರ್ಗದ ಜನ ರೋಸಿ ಹೋಗಿದ್ದಾರೆ ಎಂದು ಚೌಹಾಣ್ ಹರಿಹಾಯ್ದರು. ಈ ಎಲ್ಲಾ ಕಾರಣಗಳಿಂದಾಗಿ ರಾಜ್ಯದ ಮತದಾರ ಬಿಜೆಪಿಯತ್ತ ಒಲವು ತೋರಿದ್ದು, ಈ ಬಾರಿ ಪಶ್ಚಿಮ ಬಂಗಾಳದಲ್ಲಿ ಬಿಜೆಪಿ ಸರ್ಕಾರ ರಚನೆಯಾಗುವುದು ನಿಶ್ಚಿತ ಎಂದು ಚೌಹಾಣ್ ನುಡಿದರು. ರಾಜ್ಯದ ಸರ್ವತೋಮುಖ ಅಭಿವೃದ್ಧಿಗೆ ಬಿಜೆಪಿ ಕಟಿಬದ್ಧವಾಗಿದ್ದು, ಪಶ್ಚಿಮ ಬಂಗಾಳದಲ್ಲಿ ಅಭಿವೃದ್ಧಿಯ ಹೊಸ ಪರ್ವ ಆರಂಭವಾಗಲಿದೆ ಎಂದು ಮಧ್ಯಪ್ರದೇಶ ಮುಖ್ಯಮಂತ್ರಿ ಹೇಳಿದರು. ಮೇ.2ರ ವಿಧಾನಸಭೆ ಚುನಾವಣೆ ಫಲಿತಾಂಶದ ಬಳಿಕ ಪಶ್ಚಿಮ ಬಂಗಾಳದಲ್ಲಿ 'ದೀದಿ ಗಯೀ, ಬಿಜೆಪಿ ಆಯೀ'(ಮಮತಾ ಮನೆಗೆ, ಬಿಜೆಪಿ ಅಧಿಕಾರಕ್ಕೆ) ಸನ್ನಿವೇಶ ಸೃಷ್ಟಿಯಾಗಲಿದೆ ಎಂದು ಶಿವರಾಜ್ ಸಿಂಗ್ ಚೌಹಾಣ್ ಭವಿಷ್ಯ ನುಡಿದು ಗಮನ ಸೆಳೆದರು.

from India & World News in Kannada | VK Polls https://ift.tt/3bEa900

ಬಸ್‌ಪಾಸ್‌ ಹೆಸರಿನಲ್ಲಿ ವ್ಯಾಪಕವಾಗಿ ನಡೆಯುತ್ತಿದೆ ಹಗಲು ದರೋಡೆ..! ಕಣ್ಮುಚ್ಚಿ ಕುಳಿತಿದೆಯಾ ಸಾರಿಗೆ ಇಲಾಖೆ..?

ಜಡಿಗೇನಹಳ್ಳಿ: ಕೋವಿಡ್‌ ಸಂಕಷ್ಟದಿಂದ ಸ್ವಲ್ಪ ಚೇತರಿಸಿಕೊಂಡಿರುವ ವಿದ್ಯಾರ್ಥಿಗಳು ಶಾಲಾ ಕಾಲೇಜುಗಳಿಗಾಗಿ ಪಟ್ಟಣಕ್ಕೆ ಆಗಮಿಸುತ್ತಿದ್ದಾರೆ. ಬಸ್‌ ಪಾಸ್‌ ಪಡೆದು ಶಾಲಾ ಕಾಲೇಜಿಗೆ ತೆರಳಲು ಮುಂದಾಗಿದ್ದು, ಇದನ್ನೇ ಬಂಡವಾಳವಾಗಿ ಮಾಡಿಕೊಂಡಿರುವ ಸಾರಿಗೆ ಇಲಾಖೆ ಹಾಗೂ ಕೆಲವು ಮಧ್ಯವರ್ತಿಗಳು ಬಸ್‌ ಪಾಸ್‌ ಹೆಸರಿನಲ್ಲಿ ಹಗಲು ದರೋಡೆ ಮಾಡುತ್ತಿದ್ದಾರೆ. ಕೊರೊನಾ ಸಮಯದಲ್ಲಿ 2019-20ನೇ ಸಾಲಿನ ಶಾಲಾ-ಕಾಲೇಜುಗಳು ಮುಚ್ಚಿದ್ದು, 2020-21ನೇ ಸಾಲಿನಲ್ಲಿ ಫೆಬ್ರವರಿ ತಿಂಗಳಿನಿಂದ ತರಗತಿಗಳು ಪೂರ್ಣ ಅವಧಿಯಲ್ಲಿ ಪ್ರಾರಂಭವಾಗಿದೆ. ವಿದ್ಯಾರ್ಥಿಗಳು ತರಗತಿಗಳಿಗೆ ಹಾಜರಾಗಬೇಕಾಗಿರುವುದರಿಂದ ವಿದ್ಯಾರ್ಥಿಗಳಿಗೆ ಬಸ್‌ಪಾಸ್‌ಗಳ ಅವಶ್ಯಕತೆ ಇದೆ. ಆದರೆ ಇದನ್ನೇ ಬಂಡವಾಳ ಮಾಡಿಕೊಂಡಿರುವ ಇಲಾಖೆಯವರು ಪೂರ್ಣ ಪ್ರಮಾಣದ 10 ತಿಂಗಳ ಹಣವನ್ನು ಸಹ ಪೋಷಕರಿಂದ ವಸೂಲಿ ಮಾಡುತ್ತಿದ್ದಾರೆ. ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮವು ನವೆಂಬರ್‌-2020 ರಿಂದ ಮಾರ್ಚ್ 2021ರ 10 ತಿಂಗಳ ಅವಧಿಯ ಅನ್ವಯ ವಿದ್ಯಾರ್ಥಿಗಳಿಗೆ ಬಸ್‌ ಪಾಸ್‌ ವಿತರಣೆ ಮಾಡುತ್ತಿದ್ದು, ಇದರಿಂದ ವಿದ್ಯಾರ್ಥಿಗಳಿಗೆ ಪೂರ್ಣ ಪ್ರಮಾಣ ತರಗತಿಗಳು ಪ್ರಾರಂಭವಾಗಿರುವುದು ಫೆಬ್ರವರಿ ತಿಂಗಳಿನಲ್ಲಿ, ಈ ಹಿಂದೆ ಶಾಲೆಗಳೇ ಪ್ರಾರಂಭವಾಗದ ನವೆಂಬರ್‌, ಡಿಸೆಂಬರ್‌ ಹಾಗೂ ಜನವರಿಯ 3 ತಿಂಗಳ ಹಣ ಪಡೆಯುತ್ತಿದ್ದಾರೆ. ಕಾಲೇಜು ವಿದ್ಯಾರ್ಥಿಗಳಿಗೆ 1050ರೂ, ಶಾಲಾ ವಿದ್ಯಾರ್ಥಿಗಳಿಗೆ 750ರೂ, ಎಸ್‌ಸಿ ಮತ್ತು ಎಸ್‌ಟಿ ವಿದ್ಯಾರ್ಥಿಗಳಿಗೆ ಸಂಸ್ಕರಣ ಶುಲ್ಕ ಎಂದು 150ರೂ. ಹಣ ನಿಗದಿಪಡಿಸಿದ್ದು, ಇದರಂತೆ ವಿದ್ಯಾರ್ಥಿಗಳಿಂದ ಬಸ್‌ಪಾಸ್‌ ಅರ್ಜಿ ಸಲ್ಲಿಸುವ ವೇಳೆಯೇ ಹಣ ಜಮಾ ಮಾಡಿಕೊಳ್ಳುತ್ತಿದ್ದಾರೆ. ಆದರೆ ಶಾಲೆಗೇ ತೆರಳದ 3 ತಿಂಗಳ ಹಣವನ್ನು ಹೆಚ್ಚಾಗಿ ಸರಕಾರಕ್ಕೆ ಯಾಕೆ ನೀಡಬೇಕು ಎಂಬುದು ಪೋಷಕರ ವಾದವಾಗಿದೆ. ಸೇವಾಸಿಂಧುವಿನ ಮೂಲಕ ವಿದ್ಯಾರ್ಥಿಗಳು ಬಸ್‌ಪಾಸ್‌ಗೆ ಅರ್ಜಿ ಸಲ್ಲಿಸುತ್ತಿದ್ದು, ಅರ್ಜಿ ಸಲ್ಲಿಸುವ ವೇಳೆಯೇ ವಿದ್ಯಾರ್ಥಿಗಳು ತಮ್ಮ ಜಾತಿ ಪ್ರಮಾಣ ಪತ್ರ ಸಲ್ಲಿಸಿದರೆ ಅವರ ವಿವರದೊಂದಿಗೆ ಅರ್ಜಿ ಶುಲ್ಕವು ಸಹ ತೋರಿಸುತ್ತದೆ. ಆದರೆ ಮಧ್ಯವರ್ತಿಗಳ ಹಣದ ಆಸೆಗೆ ಒಳಪಟ್ಟು ಎಸ್‌ಸಿ ಮತ್ತು ಎಸ್‌ಟಿ ವಿದ್ಯಾರ್ಥಿಗಳ ಅರ್ಜಿ ಸಲ್ಲಿಕೆ ವೇಳೆ 150ರೂ. ಪಡೆಯುವ ಹೊರತು ಒಬಿಸಿ ಎಂದು ಸಲ್ಲಿಸಿ 1050ರೂ. ಹಣ ಪಡೆಯುತ್ತಿರುವ ಘಟನೆ ಸಹ ನಡೆಯುತ್ತಿದ್ದು ಪೋಷಕರ ಜೇಬಿಗೆ ಕತ್ತರಿ ಹಾಕುತ್ತಿದ್ದಾರೆ. ಬಸ್‌ ಪಾಸ್‌ ಪಡೆಯಲು ಹಣ ಲೂಟಿ ಮಾಡುತ್ತಿರುವ ಹಿನ್ನೆಲೆಯಲ್ಲೇ ಅರ್ಜಿ ಸಲ್ಲಿಸುವ ವೇಳೆ ಆಧಾರ್‌ ಕಾರ್ಡ್‌ ಹಾಗೂ ಜಾತಿ ಪ್ರಮಾಣ ಪತ್ರಸಲ್ಲಿಕೆ ಮಾಡಬೇಕು. ಅದರೆ ಕೆಲವು ಪೋಷಕರು ತಮ್ಮ ಮಕ್ಕಳ ಆಧಾರ್‌ಕಾರ್ಡ್‌ಗೆ ಮೊಬೈಲ್‌ ನಂಬರ್‌ ಸಲ್ಲಿಕೆ ಮಾಡದ ಹಿನ್ನೆಲೆಯಲ್ಲಿ ಹಾಗೂ ಈ ಹಿಂದೆ ಕೊಟ್ಟಿದ್ದ ಮೊಬೈಲ್‌ ನಂಬರ್‌ ಕಳೆದು ಹೋದ ಹಿನ್ನೆಲೆಯಲ್ಲಿಅವರಿಗೆ ಓಟಿಪಿ ಬಾರದೆ ಆಧಾರ್‌ ತಿದ್ದುಪಡಿಗೆ ಅಲೆದಾಡುತ್ತಿರುವ ಸಮಸ್ಯೆ ಸಹ ಎದುರಾಗಿದೆ. ಕೊರೊನಾ ಸಮಯದಲ್ಲಿಓಡಾಟವೇ ಮಾಡದ ವಿದ್ಯಾರ್ಥಿಗಳಿಗೆ ವಿನಾಕಾರಣ ಬಸ್‌ಪಾಸ್‌ ಹೆಸರಿನಲ್ಲಿ ಹಣ ಲೂಟಿ ಮಾಡುತ್ತಿದ್ದು, ಮಾನವೀಯ ದೃಷ್ಟಿಯಿಂದ ಸರಕಾರ ಇದನ್ನು ಗಂಭೀರವಾಗಿ ಪರಿಗಣಿಸಿ ಬಸ್‌ ಪಾಸ್‌ ದರದಲ್ಲಿ3 ತಿಂಗಳ ಅವಧಿಯ ಶುಲ್ಕ ಕಡಿತಗೊಳಿಸಬೇಕು. ಕೇವಲ ಶಾಲೆ ಪೂರ್ಣ ಪ್ರಮಾಣದಲ್ಲಿ ತೆರೆದಿರುವ ತಿಂಗಳುಗಳ ಶುಲ್ಕವನ್ನು ಮಾತ್ರ ಪಡೆಯಬೇಕು ಎಂಬುದು ಪೋಷಕರ ಒತ್ತಾಯವಾಗಿದೆ.

from India & World News in Kannada | VK Polls https://ift.tt/3uFAZgX

‘ಆಧುನಿಕ ಏಕಲವ್ಯರು’; ರಾಷ್ಟ್ರೀಯ ವಿಜ್ಞಾನ ದಿನಾಚರಣೆ ಹಿನ್ನೆಲೆ ಸುಧೀಂದ್ರ ಹಾಲ್ದೊಡ್ಡೇರಿಯವರ ವಿಶೇಷ ಲೇಖನ

^ನಮ್ಮ ಮನೆಗೆಲಸದ ಸೆಲ್ವಿ ಬರುವುದು ತಡವಾದರೆ ಯಾಕೆಂದು ವಿಚಾರಿಸಲು ಅವರೀಗ ಎಂದಿನಂತೆ ಫೋನ್‌ನಲ್ಲಿ ಸಿಗುವುದಿಲ್ಲ. ಹಾಗೆಯೇ ಅವರ ಗಂಡ ಪೇಂಟರ್ ಶಿವ ಕೂಡಾ ಮನೆಯಲ್ಲಿಲ್ಲದಿದ್ದರೆ ಫೋನ್ ಸಂಪರ್ಕದಿಂದ ದೂರವಿರುತ್ತಾರೆ. ಅವರಿಬ್ಬರೂ ತಮ್ಮ ಕೆಲಸಗಳಿಗೆಂದು ಮನೆ ಬಿಟ್ಟು ಹೊರಡುವ ಮುನ್ನ ಮಕ್ಕಳ ಕೈಗೆ ಫೋನ್‌ಗಳನ್ನು ಕೊಡುವುದನ್ನು ಮರೆಯುವುದಿಲ್ಲ. ಡೇಟಾಪ್ಯಾಕ್ ಇರುವ ಆ್ಯಂಡ್ರಾಯ್ಡ್ ಫೋನ್‌ಗಳ ಮೂಲಕ ನಾಲ್ಕು ಹಾಗೂ ಆರನೆಯ ತರಗತಿಗಳಲ್ಲಿ ಕಲಿಯುತ್ತಿರುವ ಅವರ ಮಕ್ಕಳು ಆನ್‌ಲೈನ್ ಕ್ಲಾಸ್‌ಗಳಲ್ಲಿ ಭಾಗವಹಿಸುತ್ತಿದ್ದಾರೆ. ಈ ಅಪ್ಪ-ಅಮ್ಮಂದಿರು ಕನ್ನಡ, ಇಂಗ್ಲಿಷ್ ಇರಲಿ, ತಮಿಳು ಅಕ್ಷರಗಳನ್ನೂ ಗುರುತಿಸಲಾಗದ ಅನಕ್ಷರಸ್ಥರು. ಅತ್ತ ಮಕ್ಕಳು ಗಣಿತ, ವಿಜ್ಞಾನ ವಿಷಯಗಳಲ್ಲಿ ಉತ್ತಮ ಅಂಕಗಳನ್ನು ಪಡೆದು ಮುನ್ನಡೆಯಿಡುತ್ತಿರುವವರು. ಅವರಿಬ್ಬರ ಬ್ಯಾಂಕ್ ವಹಿವಾಟಿನಲ್ಲಿನ ಪ್ರಮಾದಗಳನ್ನು ಗುರುತಿಸಬಲ್ಲಷ್ಟು ಚಾಣಕ್ಷರು, ಜತೆಗೆ ತಮಗೆ ಬೇಕಾದ ಅಗತ್ಯ ಅರ್ಜಿ ಫಾರ್ಮ್ಗಳನ್ನು ಇಂಗ್ಲಿಷ್ ಅಥವಾ ಕನ್ನಡದಲ್ಲಿ ಭರ್ತಿ ಮಾಡಿಕೊಡುವಷ್ಟು ಸಮರ್ಥರು. ದೇವಸ್ಥಾನದ ಬಳಿ ಹೂವು ಮಾರುವ ಗಾಡಿಯಿಟ್ಟುಕೊಂಡು ಒಳ್ಳೆಯ ವ್ಯಾಪಾರ ಮಾಡುತ್ತಿದ್ದ ಪುಷ್ಪಾ ಮಗನನ್ನು ಮಲ್ಲಿಗೆಯಂತೆಯೇ ಮುಚ್ಚಟೆಯಿಂದ ಶಾಲೆಗೆ ಕಳುಹಿಸುತ್ತಿದ್ದರು. ಕಳೆದ ವರ್ಷ ಎಸ್ಸೆಸ್ಸೆಲ್ಸಿಯಲ್ಲಿ ಎಪ್ಪತ್ತೈದು ಪ್ರತಿಶತ ಅಂಕಗಳನ್ನು ಗಳಿಸಿ, ಮನೆ ಸಮೀಪದ ಒಳ್ಳೆಯ ಕಾಲೇಜಿನಲ್ಲಿ ಅವರ ಮಗ ಪಿ.ಯು.ಸಿ. ಕಲಿಯುತ್ತಿದ್ದಾನೆ. ಕೋವಿಡ್-19 ದೆಸೆಯಿಂದ ದೇಗುಲದ ಬಾಗಿಲು ಮುಚ್ಚಿತು, ಜತೆಗೆ ಅವರ ಅದೃಷ್ಟದ ಬಾಗಿಲು ಸಹಾ. ಹೂವಿನ ವ್ಯಾಪಾರ ಮಾಡುತ್ತಿದ್ದ ಪುಷ್ಪಾ ಇದೀಗ ತರಕಾರಿ ಮಾರುತ್ತಿದ್ದಾರೆ. ಆನ್‌ಲೈನ್‌ನಲ್ಲಿ ಕಾಮರ್ಸ್ ತರಗತಿಗಳನ್ನು ಅಟೆಂಡ್ ಮಾಡುವುದರ ಜತೆಗೆ, ಅಮ್ಮನ ಇಡೀ ವಹಿವಾಟನ್ನು ಮೊಬೈಲ್ ಫೋನಿನೊಳಗಿನ ಎಕ್ಸೆಲ್ ಫೈಲ್‌ನಲ್ಲಿ ಹಾಕಿ, ಆಯಾ ದಿನದ ಖರ್ಚು-ವೆಚ್ಚ, ಆದಾಯ ಇತ್ಯಾದಿಗಳನ್ನು ಪಟಪಟನೆ ವಿವರಿಸುವಷ್ಟು ಆತ ಸಮರ್ಥನಾಗಿದ್ದಾನೆ ಹೊಸ ಮನೆಗಳಿಗೆ ವಿದ್ಯುತ್ ಸಂಪರ್ಕಕ್ಕಾಗಿ ವೈರುಗಳನ್ನು ಎಳೆಯುವ ಅಣ್ಣಯ್ಯ ಅವರ ಮಗಳು ಪದವಿ ಪಡೆದು, ಇದೀಗ ಪ್ರತಿಷ್ಠಿತ ಕಾಲೇಜಿನಲ್ಲಿ ಎಂ.ಬಿ.ಎ.ಗೆ ಅಡ್ಮಿಷನ್ ಗಿಟ್ಟಿಸಿಕೊಂಡಿದ್ದಾಳೆ. ನೆಟ್ಟಗೆ ಬ್ಯಾಂಕ್ ವಹಿವಾಟು ಮಾಡಲಾಗದ ಅಪ್ಪನ ಆಯವ್ಯಯಗಳನ್ನು ಆನ್‌ಲೈನ್ ಮೂಲಕ ಆಕೆ ಮಾಡಿಕೊಡುತ್ತಾಳೆ. ಹೀಗೆ, ನಮ್ಮ ನೆರೆಯಲ್ಲೇ ಕಾಣುವ ಇಂಥ ಹತ್ತಾರು ಮಕ್ಕಳ ವಿದ್ಯಾಭ್ಯಾಸಕ್ಕೆಂದು ಇಂಟರ್‌ನೆಟ್ ಸಂಪರ್ಕವಿರುವ ಫೋನ್ ಕೈಗೆಟಕುತ್ತಿದೆ. ಅದು ಕೇವಲ ಅವರ ಬೆರಳ ತುದಿಯ ಬೆರಗಷ್ಟೇ ಆಗಿಲ್ಲ, ಮುಂದಿನ ಭವಿಷ್ಯದತ್ತಲಿನ ಅವರ ಹಾದಿಯ ಕೈಮರವಾಗಿದೆ. ಸದಾ ಲವಲವಿಕೆಯಿಂದ ಸಹೋದ್ಯೋಗಿಗಳ ನಡುವೆ ಲೈವ್‌ವೈರ್‌ನಂತಿರುತ್ತಿದ್ದ ವೆಂಕಟೇಶ್ ಈ ನಡುವೆ ಮಂಕಾಗಿದ್ದಾರೆ. ಅವರ ಮಗ ಪ್ರತಿಷ್ಠಿತ ಎಂಜಿನಿಯರಿಂಗ್‌ ಕಾಲೇಜಿನಲ್ಲಿ ಕಲಿಯುತ್ತಿದ್ದಾನೆ. ಅತ್ಯಾಧುನಿಕ ಮೊಬೈಲ್ ಫೋನ್, ಒಳ್ಳೆಯದೊಂದು ಲ್ಯಾಪ್‌ಟಾಪ್ ಕಂಪ್ಯೂಟರ್, ಅದಕ್ಕೊಂದು ಸೌಂಡ್ ಸಿಸ್ಟಮ್ ಜತೆಗೆ ಹೈಸ್ಪೀಡ್ ಇಂಟರ್‌ನೆಟ್ ಕನೆಕ್ಷನ್ ಕೊಡಿಸಿದ್ದಾರೆ. ಪವರ್ ಪ್ರಾಬ್ಲಂ ಇಲ್ಲದಿರಲೆಂದು ಯುಪಿಎಸ್‌ ಕೂಡಾ ಹಾಕಿಸಿ ಕೊಟ್ಟಿದ್ದಾರೆ. ಆನ್‌ಲೈನ್ ಕ್ಲಾಸ್‌ಗಳ ನೆಪದಲ್ಲಿ ದಿನದ ಮೂರೂ ಹೊತ್ತು ಇಂಟರ್‌ನೆಟ್ ಸಂಪರ್ಕದ ಕಂಪ್ಯೂಟರ್ ಮುಂದೆ ಮಗ ಕುಳಿತಿರುತ್ತಾನೆ. ಏನೇ ಪ್ರಶ್ನಿಸಿದರೂ ಉಡಾಫೆಯ ಉತ್ತರ ಕೊಡುವ ಪರಿಪಾಠವನ್ನು ಅವನು ಬೆಳೆಸಿಕೊಂಡಿದ್ದಾನೆ. ಅಮೆಝಾನ್ ಪ್ರೈಮ್ ಹಾಗೂ ನೆಟ್‌ಫ್ಲಿಕ್ಸ್‌ಗಳಲ್ಲಿನ ಇಂಗ್ಲಿಷ್ ವೆಬ್ ಸೀರೀಸ್‌ಗಳನ್ನು ಒಟ್ಟೊಟ್ಟಿಗೆ ನೋಡುವುದೇ ಅವನ ಹವ್ಯಾಸವಾಗಿಬಿಟ್ಟಿದೆ. ವಾರವೊಂದಕ್ಕೆ ನೂರು-ನೂರೈವತ್ತು ಎಪಿಸೋಡ್‌ಗಳನ್ನು ವೀಕ್ಷಿಸುತ್ತಾ ಕಾಲಕಳೆಯುತ್ತಿದ್ದಾನೆ. ಎಂಜಿನೀರಿಂಗ್ ಕಲಿಕೆ ಬಿಟ್ಟು ಸಿನಿಮಾಟೋಗ್ರಫಿ ಮಾಡಬೇಕೆಂದಿದ್ದಾನೆ. ಹೆಚ್ಚಿನ ಕಲಿಕೆಗಾಗಿ ಮಗನನ್ನು ಅಮೆರಿಕಕ್ಕೆ ಕಳುಹಿಸಬೇಕೆಂದಿದ್ದರು. ಆದರೆ ಈಗ ಮಗನ ಚಿತ್ತ ಮತ್ತೆಲ್ಲೋ ಇದೆ. ಅದು ಒಂದೇ ಗುರಿಯತ್ತಲೂ ಇಲ್ಲ. ಕಾಲೇಜಿನ ಸಹಪಾಠಿ ಮಹದೇವ ಎಂಜಿನಿಯರಿಂಗ್ ಕಾಲೇಜಿನ ಪ್ರಾಧ್ಯಾಪಕ. ಹೊಸ ತಂತ್ರಜ್ಞಾನಗಳದೇನೇ ಬರಲಿ ತಾನೇ ಮೊದಲು ಕರಗತ ಮಾಡಿಕೊಳ್ಳಬೇಕೆಂಬ ತುಡಿತ ಅವನದು. ತನ್ನ ವಿದ್ಯಾರ್ಥಿಗಳಿಗಿಂತಲೂ ಹೆಚ್ಚು ಕಾಲ ಅವನು ಆನ್‌ಲೈನ್‌ನಲ್ಲಿರುತ್ತಾನೆ. ಜಗತ್ತಿನ ಪ್ರತಿಷ್ಠಿತ ವಿಶ್ವವಿದ್ಯಾಲಯಗಳ ಉಚಿತ ಆನ್‌ಲೈನ್ ಕೋರ್ಸ್ಗಳಿಗೆ ದಾಖಲಾಗಿ, ಶಿಸ್ತುಬದ್ಧವಾಗಿ ಕಲಿಯುವ ವಿದ್ಯಾರ್ಥಿಯಾಗಿದ್ದಾನೆ. ಆ ಕಲಿಕೆಯಿಂದ ಹೊಸ ವಿಷಯಗಳ ಕುರಿತು ಪಠ್ಯಪುಸ್ತಕಗಳನ್ನು ಬರೆಯುವಷ್ಟು ಸಮರ್ಥನಾಗಿದ್ದಾನೆ. ಇಂಥದೊಂದು ಅವಕಾಶ ಸಿಗದಿದ್ದರೆ ನಾವೆಲ್ಲಾ ಶಾಶ್ವತವಾಗಿ ಗುಗ್ಗುಗಳಾಗಿಯೇ ಇರುತ್ತಿದ್ದೆವಲ್ಲಾ, ಗುರು ಎಂದು ಗುನುಗುತ್ತಾನೆ. ತನ್ನ ಅಪ್ಪನಂತೆ ಅವನ ಮಗಳು ಕೂಡಾ ಹೊಸತಾಗಿ ಸೃಷ್ಟಿಯಾದ ಎಲ್ಲ ಆನ್‌ಲೈನ್ ಕೋರ್ಸ್‌ಗಳಲ್ಲಿ ಸೇರ್ಪಡೆಯಾಗಿದ್ದಾಳೆ. ‘ಸಾಕಪ್ಪಾ.. ಈ ಸೀರಿಯಲ್ ಕಿಲ್ಲರ್ ಧಾರಾವಾಹಿಗಳು’ ಎಂದು ಟೀವಿ ನೋಡುವುದನ್ನೇ ಬಿಟ್ಟಿದ್ದ ಸೌಮ್ಯ ಸ್ವರೂಪದ ಗೃಹಿಣಿಯೊಬ್ಬರ ಗಂಡ ಮತ್ತು ಮಗಳಿಗೆ ವರ್ಕ್ ಫ್ರಮ್ ಹೋಮ್. ಮನೆಯಲ್ಲಿ ಅನಾಯಾಸವಾಗಿ ಲಭ್ಯವಿರುವ ಹೈಸ್ಪೀಡ್ ಇಂಟರ್‌ನೆಟ್ ಕನೆಕ್ಟಿವಿಟಿ, ಮಗಳು ಬೇಡವೆಂದು ಬಿಸಾಕಿದ್ದ ಲ್ಯಾಪ್‌ಟಾಪ್ ಕಂಪ್ಯೂಟರ್ ಇದೀಗ ವರದಾನವಾಗಿದೆ. ಕಸೂತಿ ಕಲಿಯಲು ಆನ್‌ಲೈನ್ ಸೌಕರ್ಯದ ಅನುಕೂಲ ಸಿಕ್ಕಿತು. ತಪ್ಪಿಸಿಕೊಂಡ ಯೋಗ ಕ್ಲಾಸ್ ಅನ್ನು ಮನೆಯಲ್ಲಿಯೇ ಪ್ರಾಕ್ಟೀಸ್ ಮಾಡಲು ವಾಟ್ಸ್ಅಪ್ ವೀಡಿಯೋ ನೆರವಾಯಿತು. ಇದೀಗ ವಿದೇಶದಲ್ಲಿ ವ್ಯಾಸಂಗ ಮಾಡುತ್ತಿರುವ ಮತ್ತೊಬ್ಬ ಮಗಳಿಗೆ ತಾವೇ ಆನ್‌ಲೈನ್ ಯೋಗ ಕ್ಲಾಸ್ ಮಾಡುತ್ತಾರೆ. ಇನ್ನು ವಯಸ್ಸಾದ ತಮ್ಮ ಅತ್ತೆ-ಅಮ್ಮಂದಿರನ್ನು ಲಲಿತಾ ಸಹಸ್ರ ನಾಮ ಪಠಿಸುವ ಆನ್‌ಲೈನ್ ಗುಂಪಿಗೆ ಸೇರಿಸಿ ಹೊತ್ತು ಕಳೆಯಲು ಅವರಿಗೆ ಹೊಸ ಮಾರ್ಗ ಹುಡುಕಿಕೊಟ್ಟಿದ್ದಾರೆ. ಉದಯೋನ್ಮುಖ ಬರಹಗಾರರರೊಬ್ಬರ ಹೆಚ್ಚು ಲೇಖನಗಳು ಆನ್‌ಲೈನ್‌ನಲ್ಲೇ ಪ್ರಕಟವಾಗಿ ಇದೀಗ ಪತ್ರಿಕೆಗಳಲ್ಲೂ ಅವರ ಹೆಸರು ಕಾಣಿಸಿಕೊಳ್ಳುತ್ತಿದೆ. ಪುಸ್ತಕಗಳೂ ಪ್ರಕಟವಾಗಿವೆ, ಅವು ಆನ್‌ಲೈನ್‌ನಲ್ಲೇ ಬಿಡುಗಡೆ ಕಂಡಿವೆ. ಫೇಸ್‌ಬುಕ್‌ನಂಥ ಸಾಮಾಜಿಕ ಜಾಲತಾಣದಲ್ಲಿ ಅವರ ಪುಸ್ತಕಗಳಿಗೆ ಭರ್ಜರಿ ಪ್ರಚಾರ ಸಿಕ್ಕಿದೆ. ಅದರಿಂದಾಗಿ ಪ್ರಕಟಣೆಯ ಪೂರ್ವವೇ ಅವರ ಪುಸ್ತಕಗಳಿಗೆ ಮುಂಗಡ ಬುಕಿಂಗ್ ಸಿಗುತ್ತಿದೆ. ಫೇಸ್‌ಬುಕ್ ಮೂಲಕ ತಮ್ಮ ಜೀವನಕ್ಕೆ ಹೊಸ ದಾರಿ ಕಂಡುಕೊಂಡವರಿದ್ದಾರೆ. ತಾವು ಬೆಳೆದ ಹಣ್ಣು, ತರಕಾರಿ, ದಿನಸಿಗಳನ್ನು ಮಾರಾಟ ಮಾಡಲು ಗುಂಪುಗಳನ್ನು ಕಟ್ಟಿಕೊಂಡವರಿದ್ದಾರೆ. ಮೆಣಸಿನಪುಡಿ, ಸಂಡಿಗೆ, ಹಪ್ಪಳಗಳಂಥ ಕಾಂಡಿಮೆಂಟ್ಸ್ ಮಾರಾಟದ ಮೂಲಕವೇ ಹೊಸ ಜೀವನ ಕಂಡುಕೊಂಡವರಿದ್ದಾರೆ. ಬರಹದುದ್ದಿಮೆ ಬಿಟ್ಟು ತಾರಸಿ ತೋಟ ನಿರ್ಮಿಸಿಕೊಡುವ ಹೊಸ ಬ್ಯುಸಿನೆಸ್ ಆರಂಭಿಸಿದವರಿದ್ದಾರೆ. ಎಂದಿನಂತೆ ಷೇರುಪೇಟೆಯಲ್ಲಿ ಹಣಹೂಡುವವರು ಆನ್‌ಲೈನ್‌ನಲ್ಲಿ ಮತ್ತಷ್ಟು ಹಣ ಕಳೆದುಕೊಳ್ಳುತ್ತಿದ್ದಾರೆ. ಇತ್ತ ವಯಸ್ಸಿನ ಬೇಧವಿಲ್ಲದೆಯೇ ಆನ್‌ಲೈನ್ ರಮ್ಮಿ ಆಟದ ವ್ಯಸನ ಹಚ್ಚಿಕೊಂಡು ಹಣ ಹಾಗೂ ಮನಶ್ಯಾಂತಿಯನ್ನು ಕಳೆದುಕೊಳ್ಳುವವರ ಸಂಖ್ಯೆ ಹೆಚ್ಚಾಗುತ್ತಿದೆ. ಬೆಟ್ಟಿಂಗ್ ಆಡುವವರ ಅನುಕೂಲಕ್ಕೆಂದು ಕ್ರಿಕೆಟ್ ಮ್ಯಾಚುಗಳೂ ಚುನಾವಣೆಗಳೂ ಆನ್‌ಲೈನ್‌ನಲ್ಲಿ ಕೈಬೀಸಿ ಕರೆಯುತ್ತಿವೆ. ದಗಾಖೋರರೂ ಹೆಚ್ಚುತ್ತಿದ್ದಾರೆ. ಸದ್ದಿಲ್ಲದೆಯೇ ಬ್ಯಾಂಕಿನ ಖಾತೆಗೆ ಆನ್‌ಲೈನ್ ಕನ್ನ ಹಾಕುವವರಿದ್ದಾರೆ. ಮೊನ್ನೆ ಸ್ನೇಹಿತರ ಔತಣಕೂಟದಲ್ಲಿ ಕೋವಿಡ್-19ರ ನಂತರದ ಜಾಗತಿಕ ಸಮಸ್ಯೆ ಯಾವುದಿರಬಹುದು ಎಂಬ ಚರ್ಚೆ ನಡೆಯುತ್ತಿತ್ತು. ಲ್ಯಾಪ್‌ಟಾಪ್ ಕಂಪ್ಯೂಟರ್ ಹಾಗೂ ಮೊಬೈಲ್ ಫೋನ್‌ಗಳ ವಿಪರೀತ ಬಳಕೆಯಿಂದ ಕೈಬೆರಳುಗಳ ನರ ಮತ್ತು ಸ್ನಾಯು ವ್ಯವಸ್ಥೆಗಳ ತೊಂದರೆ ಅನುಭವಿಸುವವರು ಹೆಚ್ಚಾಗಬಹುದೆಂಬ ಅಭಿಪ್ರಾಯ ಒಬ್ಬರದಾಗಿತ್ತು. ಗ್ಯಾಜೆಟ್‌ಗಳ ವಿಪರೀತ ವೀಕ್ಷಣೆಯಿಂದ ಕಣ್ಣಿಗೆ ಸಂಬAಧಿಸಿದ ಸಮಸ್ಯೆಗಳನ್ನು ಎದುರಿಸುವವರು ಜಾಸ್ತಿಯಾಗಬಹುದೆಂಬ ಚಿಂತನೆ ಮತ್ತೊಬ್ಬರದಾಗಿತ್ತು. ಶಾಲೆ-ಕಾಲೇಜು-ಕಚೇರಿಗಳಿಗಾಗಿ ಓಡಾಡುವುದರಿಂದಲೇ ಒಂದಷ್ಟು ದೈಹಿಕ ಪರಿಶ್ರಮ ಬಲವಂತವಾಗಿಯಾದರೂ ಆಗುತ್ತಿತ್ತು. ಅದಿಲ್ಲದ ಕಾರಣ, ಬೊಜ್ಜು ಸೇರಿದಂತೆ ಸಂಬಂಧಿತ ಆರೋಗ್ಯ ಸಮಸ್ಯೆಗಳು ಬಿಗಡಾಯಿಸುವ ಆತಂಕ ಮಗದೊಬ್ಬರದಾಗಿತ್ತು. ಈ ಮಾತುಗಳೆಲ್ಲವನ್ನೂ ಕೇಳಿಸಿಕೊಳ್ಳುತ್ತಿದ್ದ ವೈದ್ಯರೊಬ್ಬರ ಅಭಿಪ್ರಾಯ ಭಿನ್ನವಾಗಿತ್ತು. ಮಾಮೂಲಿನ ಚಟುವಟಿಕೆಗಳಿಗೆ ವ್ಯತ್ಯಯ ಬಂದಿರುವುದರಿಂದ ಮಾನಸಿಕ ಸಮಸ್ಯೆಗಳನ್ನು ಎದುರಿಸುವವರ ಸಂಖ್ಯೆ ಗಣನೀಯವಾಗಿ ಏರಬಹುದೆಂದರು. ಬಹುಶಃ ಇವೆಲ್ಲ ತೊಂದರೆಗಳ ಆರಂಭಿಕ ಹಂತಗಳನ್ನು ನಾವೀಗಾಗಲೇ ತಲುಪಿದ್ದೇವೆ. ‘ಸರ್ವಂ ಆನ್‌ಲೈನ್ ಮಯಂ ಈ ಜಗತ್’ ಎನ್ನಬಹುದಾದ ಸಂದರ್ಭವಿದು. ಮನಸ್ಸು ಕೆಡಿಸಿಕೊಳ್ಳಲೂ ಮನಶ್ಯಾಂತಿಯನ್ನು ಕಂಡುಕೊಳ್ಳಲೂ ಆನ್‌ಲೈನ್‌ನಲ್ಲೇ ಪರಿಹಾರಗಳಿವೆ. ದ್ರೋಣಾಚಾರ್ಯರಂಥ ಗುರುಗಳಿದ್ದಾರೆ, ಶಿಸ್ತಿನ ಕಲಿಕೆಯ ಪ್ರಿಯಶಿಷ್ಯ ಅರ್ಜುನರಿದ್ದಾರೆ, ಗುರುವನ್ನೇ ಮೀರಿಸಬಲ್ಲ ಏಕಲವ್ಯರೂ ಜತೆಗಿದ್ದಾರೆ. ಸರ್ ಸಿ.ವಿ.ರಾಮನ್ ಅವರು ಪಾರದರ್ಶಕ ಮಾಧ್ಯಮದಲ್ಲಿ ಬೆಳಕಿನ ಕಣಗಳು ಚದುರುವುದರ ಹಿನ್ನೆಲೆಯನ್ನು ಶೋಧಿಸಿದ್ದಕ್ಕಾಗಿ ನೊಬೆಲ್ ಪುರಸ್ಕಾರ ಪಡೆದವರು. ಅವರು 1928ರ ಫೆಬ್ರವರಿ 28ರಂದು ಈ ಕುರಿತು ಮೊದಲ ಪ್ರಕಟಣೆ ಹೊರಡಿಸಿದರು. ಆ ದಿನದ ನೆನಪಿಗಾಗಿ ಫೆಬ್ರವರಿ 28 ಅನ್ನು ರಾಷ್ಟ್ರೀಯ ವಿಜ್ಞಾನ ದಿನವೆಂದು ಆಚರಿಸಲಾಗುತ್ತಿದೆ. ಈ ಬಾರಿಯ ವಿಜ್ಞಾನ ದಿನದ ಘೋಷವಾಕ್ಯ ‘ವಿಜ್ಞಾನ, ತಂತ್ರಜ್ಞಾನ ಹಾಗೂ ಅನ್ವೇಷಣೆಯ ಭವಿಷ್ಯ: ವಿದ್ಯಾಭ್ಯಾಸದ ಕೌಶಲಗಳು ಹಾಗೂ ವೃತ್ತಿಯ ಮೇಲಿನ ಪರಿಣಾಮಗಳು’ (Future of STI: Impacts on Education Skills and Work”). ಇಂಗ್ಲೆಂಡಿನಲ್ಲಿ ಕಲಿಯುತ್ತಿದ್ದ ವಿಕ್ರಮ್ ಸಾರಾಭಾಯ್ ರಜೆ ಕಳೆಯಲೆಂದು ಭಾರತಕ್ಕೆ ಬಂದಿದ್ದಾಗ ದ್ವಿತೀಯ ಮಹಾಯುದ್ಧದ ಘೋಷಣೆಯಾಯಿತು. ನಾಗರಿಕರು ಪಯಣಿಸುವ ಹಡಗುಗಳು ರದ್ದಾದ ಕಾರಣ ಭಾರತದಲ್ಲೇ ಉಳಿಯುವ ಪರಿಸ್ಥಿತಿ ಅವರಿಗೆ ಎದುರಾಯಿತು. ಅವರ ಕುಟುಂಬಕ್ಕೆ ಹತ್ತಿರದವರಾಗಿದ್ದ ಸರ್ ಸಿ.ವಿ.ರಾಮನ್ ಆ ಸಮಯದಲ್ಲಿ ಬೆಂಗಳೂರಿನ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಸೈನ್ಸ್’ನ ನಿರ್ದೇಶಕರಾಗಿದ್ದರು. ಅವರ ಭೌತವಿಜ್ಞಾನ ಪ್ರಯೋಗಶಾಲೆಯಲ್ಲಿ ಸಾರಾಭಾಯ್ ಅವರ ಪರಿಸ್ಥಿತಿಯನ್ನೇ ಎದುರಿಸುತ್ತಿದ್ದ ಹೋಮಿ ಜಹಾಂಗೀರ್ ಭಾಭಾ ಅವರು ಕಾಸ್ಮಿಕ್ ಕಿರಣಗಳ ಕುರಿತಂತೆ ಸಂಶೋಧನೆಗಳನ್ನು ನಡೆಸುತ್ತಿದ್ದರು. ಇವರಿಬ್ಬರೂ ಸ್ವಾತಂತ್ರ್ಯಾನಂತರ ಭಾರತದಲ್ಲಿ ತಮ್ಮದೇ ಸಂಶೋಧನಾಲಯಗಳನ್ನು ಸ್ಥಾಪಿಸಿದರು. ಭಾಭಾ ಅವರ ಟಾಟಾ ಇನ್‌ಸ್ಟಿಟ್ಯೂಟ್ ಆಫ್ ಫಂಡಮೆಂಟಲ್ ರೀಸರ್ಚ್ ದೇಶದ ಪರಮಾಣು ವಿಜ್ಞಾನ ಸಂಶೋಧನೆಗಳಿಗೆ ತವರುಮನೆಯಾಯಿತು. ಸಾರಾಭಾಯ್ ಅವರು ಅಹ್ಮದಾಬಾದಿನ ತಮ್ಮ ಮನೆಯಲ್ಲಿ ಆರಂಭಿಸಿದ ಫಿಸಿಕಲ್ ರೀಸರ್ಚ್ ಲ್ಯಾಬೊರೇಟರಿ ದೇಶದ ಬಾಹ್ಯಾಕಾಶ ವಿಜ್ಞಾನ ಸಂಶೋಧನೆಗಳಿಗೆ ತೊಟ್ಟಿಲಾಯಿತು. ಮುಂದಿನದು ಇತಿಹಾಸ. ಇವರಿಬ್ಬರೂ ಜತೆಗೂಡಿ ಬಾಹ್ಯಾಕಾಶಕ್ಕೆ ಸಂಬಂಧಿಸಿದ ಅನೇಕ ಯೋಜನೆಗಳನ್ನು ಹಮ್ಮಿಕೊಂಡರು. ಜಗತ್ತಿನ ವಿವಿಧೆಡೆಯಲ್ಲಿ ಕೆಲಸ ಮಾಡುತ್ತಿದ್ದ ಭಾರತೀಯರನ್ನು ತಾಯ್ನಾಡಿಗೆ ಬರುವಂತೆ ಮನವೊಲಿಸಿದರು. ಅವರಿಬ್ಬರ ಶ್ರಮದ ಫಲವೇ ಇಂದಿನ ಇಸ್ರೋ ಸಂಸ್ಥೆ. ಜಗತ್ತು ನಿಬ್ಬೆರಗಾಗುವಂಥ ದೂರಸಂಪರ್ಕ ಕ್ರಾಂತಿಗೆ ಈ ಬಾಹ್ಯಾಕಾಶ ಸಂಸ್ಥೆ ನಾಂದಿ ಹಾಡಿತು.

from India & World News in Kannada | VK Polls https://ift.tt/3dQzW7Z

ಹೌತಿ ಬಂಡುಕೋರರ ಕ್ಷಿಪಣಿ ದಾಳಿ ತಡೆದ ಸೌದಿ ಅರೇಬಿಯಾ?: ರಾಜಧಾನಿ ರಿಯಾದ್‌ನಲ್ಲಿ ನಡೆದಿದ್ದೇನು?

ರಿಯಾದ್: ರಾಜಧಾನಿ ರಿಯಾದ್ ಮೇಲೆ ಯೆಮೆನ್‌ನ ಹೌತಿ ಬಂಡುಕೋರರು ನಡೆಸಿದ ಸರಣಿ ಕ್ಷಿಪಣಿ ದಾಳಿಗಳನ್ನು ವಿಫಲಗೊಳಿಸಿರುವುದಾಗಿ ಹೇಳಿದೆ. ಈ ಕುರಿತು ಸೌದಿ ಅರೇಬಿಯಾದ ಅಧಿಕೃತ ಸರ್ಕಾರಿ ಸುದ್ದಿ ವಾಹಿನಿ ಮಾಹಿತಿ ನೀಡಿದ್ದು, ರಾಜಧಾನಿ ರಿಯಾದ್‌ ಮೇಲೆ ಹೌತಿ ಬಂಡುಕೋರರು ನಡೆಸಿದ ವಿಧ್ವಂಸಕ ಕ್ಷಿಪಣಿ ದಾಳಿಗಳನ್ನು ವಿಫಲಗೊಳಿಸಿದ್ದಾಗಿ ಸ್ಪಷ್ಟಪಡಿಸಿದೆ. ರಾಜಧಾನಿ ರಿಯಾದ್‌ನಲ್ಲಿ ಸರಣಿ ಸ್ಫೋಟದ ಶಬ್ಧ ಕೇಳಿಸಿದ್ದು, ಇದು ಕ್ಷಿಪಣಿ ದಾಳಿಗಳನ್ನು ವಿಫಲಗೊಳಿಸಿದ ಪ್ರಕ್ರಿಯೆ ಎಂದು ಸೌದಿ ಸರ್ಕಾರಿ ಮಾಧ್ಯಮ ಹೇಳಿದೆ. ಆದರೆ ಹೌತಿ ಉಗ್ರ ಸಂಘಟನೆ ಮಾತ್ರ ಇದುವರೆಗೂ ಈ ಕ್ಷಿಪಣಿ ದಾಳಿಯ ಹೊಣೆ ಹೊತ್ತುಕೊಂಡಿಲ್ಲ. ಸೌದಿ ಅರೇಬಿಯಾದ ದಕ್ಷಿಣ ಭಾಗದ ಮೇಲೆ ನಿರಂತರವಾಗಿ ದಾಳಿ ಮಾಡುವ ಹೌತಿ ಭಯೋತ್ಪಾದಕರು, ಪ್ರಮುಖವಾಗಿ ತೈಲ ಬಾವಿಗಳನ್ನು ಗುರಿಯಾಗಿಸಿಕೊಂಡು ಕ್ಷಿಪಣಿ ದಾಳಿಗಳನ್ನು ನಡೆಸುತ್ತಲೇ ಇರುತ್ತಾರೆ. ಸೌದಿ ಅರೇಬಿಯಾ ರಾಜಧಾನಿ ರಿಯಾದ್‌ನಲ್ಲಿ ಫಾರ್ಮುಲಾ ಇ ಚಾಂಪಿಯನ್‌ಶಿಪ್ ನಡೆಯುತ್ತಿದ್ದು, ಸೌದಿ ಯುವರಾಜ ಮೊಹಮ್ಮದ್ ಬಿನ್ ಸಲ್ಮಾನ್ ಇದರ ಉದ್ಘಾಟನಾ ಸಮಾರಂಭದಲ್ಲಿ ಭಾಗಿಯಾಗಿದ್ದರು. ಇದೇ ವೇಳೆ ಕ್ಷಿಪಣಿ ದಾಳಿಗಳನ್ನು ನಡೆಸಲಾಗಿದ್ದು, ರಾಜಧಾನಿ ಜನರ ಆತಂಕಕ್ಕೆ ಕಾರಣವಾಗಿದೆ. ಇರಾನ್ ಬೆಂಬಲಿತ ಹೌತಿ ಉಗ್ರ ಸಂಘಟನೆ, ಸೌದಿ ಅರೇಬಿಯಾ ಬೆಂಬಲಿತ ಸರ್ಕಾರವನ್ನು ಉರುಳಿಸುವ ಪ್ರಯತ್ನ ನಡೆಸುತ್ತಿದ್ದು, ಸೌದಿ ಅರೇಬಿಯಾ ಮೇಲೆ ಮೇಲಿಂದ ಮೇಲೆ ದಾಳಿಗಳನ್ನು ನಡೆಸುವುದು ಸಾಮಾನ್ಯ ಸಂಗತಿ.

from India & World News in Kannada | VK Polls https://ift.tt/3sBFdES

ಬೆಂಗಳೂರಿನಲ್ಲಿ 1520 ಬೀದಿಬದಿ ವ್ಯಾಪಾರಿಗಳಿಗೆ ‘ಪಿಎಂ ಸ್ವ-ನಿಧಿ’ ಸಾಲ ಮಂಜೂರು

ಬೆಂಗಳೂರು: ಬಿಬಿಎಂಪಿಯ ಕೇಂದ್ರ ಕಚೇರಿ ಮತ್ತು ಎಲ್ಲಾ ವಲಯಗಳ ಜಂಟಿ ಆಯುಕ್ತರ ಕಚೇರಿಯಲ್ಲಿ ಶನಿವಾರ ಹಮ್ಮಿಕೊಂಡಿದ್ದ 'ಪಿಎಂ ಸ್ವ-ನಿಧಿ' ಯೋಜನೆಯ ಕಿರು ಸಾಲ ವಿತರಣಾ ಶಿಬಿರದಲ್ಲಿ4049 ಮಂದಿ ಬೀದಿಬದಿ ವ್ಯಾಪಾರಿಗಳು ಭಾಗವಹಿಸಿದ್ದರು. ಈ ಪೈಕಿ 1520 ಮಂದಿಗೆ ಸಾಲ ಮಂಜೂರು ಮಾಡಲಾಯಿತು. ಬೀದಿಬದಿ ವ್ಯಾಪಾರಿಗಳು ಸ್ವಾವಲಂಬಿ ಬದುಕು ಕಟ್ಟಿಕೊಳ್ಳಲು ನೆರವಾಗುವ ಉದ್ದೇಶದಿಂದ 10 ಸಾವಿರ ರೂ. ಕಿರು ಸಾಲ ನೀಡಲಾಗುತ್ತಿದೆ. ಈ ಸಾಲಕ್ಕಾಗಿ ಅರ್ಜಿ ಸಲ್ಲಿಸಿರುವವರಿಗೆ ತ್ವರಿತವಾಗಿ ಸಾಲ ಸೌಲಭ್ಯ ಒದಗಿಸಲು ಪಾಲಿಕೆಯು ಶಿಬಿರಗಳನ್ನು ಏರ್ಪಡಿಸಿದೆ. ಶಿಬಿರದಲ್ಲಿನಾನಾ ಬ್ಯಾಂಕ್‌ಗಳ ಸಿಬ್ಬಂದಿ ಹಾಜರಿದ್ದರು. ಬೀದಿಬದಿ ವ್ಯಾಪಾರಿಗಳು ಕಿರು ಸಾಲಕ್ಕೆ ಸಲ್ಲಿಸಿರುವ ದಾಖಲೆಗಳನ್ನು ಪರಿಶೀಲಿಸಿ, ಮಂಜೂರಾತಿ ದೃಢೀಕರಣ ಪತ್ರವನ್ನು ನೀಡಿದರು. ಪಿಎಂ ಸ್ವ ನಿಧಿ ಯೋಜನೆಯನ್ನು ಪರಿಣಾಮಕಾರಿಯಾಗಿ ಜಾರಿಗೊಳಿಸಲು ಮಾ. 6 ಮತ್ತು ಮಾ. 13ರಂದು ಕೂಡ ಶಿಬಿರ ಹಮ್ಮಿಕೊಳ್ಳಲಾಗಿದೆ. ಈ ಯೋಜನೆಯಡಿ ನೀಡುತ್ತಿರುವ 10 ಸಾವಿರ ರೂ. ಕಿರು ಸಾಲದ ಮರುಪಾವತಿ ಅವಧಿಯು ಒಂದು ವರ್ಷದ್ದಾಗಿದೆ. ಸಾಲ ಪಡೆದ ವ್ಯಾಪಾರಿಗಳು ಮಾಸಿಕ ಕಂತುಗಳಲ್ಲಿ ಮರುಪಾವತಿ ಮಾಡಿದರೆ, ಬಡ್ಡಿಯಲ್ಲಿ ಶೇ 7ರಷ್ಟು ಸಬ್ಸಿಡಿ ನೀಡಲಾಗುತ್ತದೆ. ನಿಗದಿತ ಅವಧಿಯೊಳಗೆ ಮರುಪಾವತಿ ಮಾಡಿದವರ ಸಾಲದ ಅರ್ಹತೆಯನ್ನು ಹೆಚ್ಚಿಸಿ, ಬಳಿಕ 20 ಸಾವಿರ ರೂ.ಗಳವರೆಗೆ ಸಾಲ ಕೊಡಲಾಗುತ್ತದೆ.

from India & World News in Kannada | VK Polls https://ift.tt/2ZTY1To

ಸೇನೆಗಾಗಿ ಸೋಲಾರ್ ಹೀಟ್ ಟೆಂಟ್ ಆವಿಷ್ಕಾರ: ಇದು '3 ಈಡಿಯಟ್ಸ್' ಖ್ಯಾತಿಯ ಸೋನಮ್ ವಾಂಗ್ಚುಕ್ ಚಮತ್ಕಾರ!

ಶ್ರೀನಗರ: ತಮ್ಮ ಆವಿಷ್ಕಾರಗಳಿಂದಲೇ ದೇಶ-ವಿದೇಶಗಳಲ್ಲಿ ಭಾರೀ ಖ್ಯಾತಿಗಳಿಸಿರುವ ಹಾಗೂ ನಟ ಅಮಿರ್ ಖಾನ್ 3 ಈಡಿಯಟ್ಸ್ ಚಿತ್ರದಲ್ಲಿ ನಟಿಸಿರುವ ಪುನ್ಸುಕ್ ವಾಂಗ್ಡು ಪಾತ್ರದ ಪ್ರೇರಕ ವ್ಯಕ್ತಿ ಇದೀಗ ಮತ್ತೆ ಸುದ್ದಿಯಲ್ಲಿದ್ದಾರೆ. ಭಾರತೀಯ ಸೇನೆಗೆ ಸೌರಶಕ್ತಿ ಬೆಂಬಲಿತ ಸೋಲಾರ್ ಹೀಟ್ ಟೆಂಟ್‌ಗಳನ್ನು ಸೋನಮ್ ವಾಂಗ್ಚುಕ್ ಆವಿಷ್ಕರಿಸಿದ್ದಾರೆ. ಯೋಧರು ಈ ಹೀಟ್ ಟೆಂಟ್‌ಗಳನ್ನು ಸಿಯಾಚಿನ್, ಗಲ್ವಾನ್ ಹಾಗೂ ಲಡಾಖ್‌ನ ಅತೀ ಶೀತ ಗಡಿಗಳಲ್ಲಿ ಬಳಸಬಹುದಾಗಿದೆ. ಈ ಕುರಿತು ಖುದ್ದು ಟ್ವೀಟ್ ಮೂಲಕ ಮಾಹಿತಿ ನೀಡಿರುವ ಸೋನಮ್ ವಾಂಗ್ಚುಕ್, ಮಿಲಿಟರಿ ಟೆಂಟ್‌ಗಳಲ್ಲಿ ಶಾಖವನ್ನು ಉತ್ಪಾದಿಸಲು ಬಳಸುವ ಇಂಧನದ ಬಳಕೆಯನ್ನು ಸಂಪೂರ್ಣವಾಗಿ ತಗ್ಗಿಸುವುದಲ್ಲದೇ ಪರಿಸರ ರಕ್ಷಣೆಗೆ ಈ ಸೋಲಾರ್ ಹೀಟ್ ಟೆಂಟ್‌ಗಳು ಸಹಕಾರಿ ಎಂದು ಸ್ಪಷ್ಟಪಡಿಸಿದ್ದಾರೆ. ಬೆಳಗಿನ ಸಮಯ ಸೂರ್ಯನಿಂದ ದೊರೆಯುವ ಶಾಖವನ್ನು ಶೇಖರಿಸಿಟ್ಟುಕೊಳ್ಳುವ ಈ ಸೋಲಾರ್ ಹೀಟ್ ಟೆಂಟ್‌ಗಳು ರಾತ್ರಿ ಸಮಯದಲ್ಲಿ ಸೈನಿಕರ ಮಲಗುವ ಕೋಣೆಯನ್ನು ಬೆಚ್ಚಗಾಗಿಸುತ್ತದೆ ಎಂದು ವಾಂಗ್ಚುಕ್ ಹೇಳಿದ್ದಾರೆ. ಇಂಧನದ ಬಳಕೆ ಇಲ್ಲವಾದ್ದರಿಂದ ಈ ಸೋಲಾರ್ ಹೀಟ್ ಟೆಂಟ್‌ಗಳು ಪರಿಸರ ಸ್ನೇಹಿಯೂ ಆಗಿವೆ. ಅಲ್ಲದೇ ಕಡಿಮೆ ವೆಚ್ಚದಲ್ಲಿ ದೀರ್ಘ ಕಾಲ ಸೇವೆ ಒದಗಿಸಲಿದೆ ಎಂಬುದು ವಾಂಗ್ಚುಕ್ ಅವರ ಭರವಸೆ. ಇಷ್ಟೇ ಅಲ್ಲದೇ ಈ ಟೆಂಟ್‌ಗಳ ತಾಪಮಾನವನ್ನು ಸೈನಿಕರು ತಮ್ಮ ಅಗತ್ಯಗಳಿಗೆ ತಕ್ಕಂತೆ ಬದಲಾಯಿಸಿಕೊಳ್ಳಬಹುದು ಎಂದು ವಾಂಗ್ಚುಕ್ ಸ್ಪಷ್ಟಪಡಿಸಿದ್ದಾರೆ. ಒಟ್ಟು ನಾಲ್ಕು ಪದರಗಳನ್ನು ಹೊಂದಿರುವ ಈ ಸ್ಲೀಪರ್ ಚೇಂಬರ್, ಹೊರಗಿನ ತಾಪಮಾನ ಮೈನಸ್ 14 ಡಿಗ್ರಿ ಸೆಲ್ಸಿಯಸ್ ಇದ್ದರೂ, ಒಳಗಡೆ 15 ಡಿಗ್ರಿ ಸೆಲ್ಸಿಯಸ್ ತಾಪಮಾನವನ್ನು ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಒಂದು ಟೆಂಟ್‌ನಲ್ಲಿ ಸುಮಾರು 10 ಸೇನಾ ಯೋಧರು ಇರಬಹುದಾಗಿದ್ದು, ಸೇನೆಯ ಅಗತ್ಯಗಳಿಗೆ ತಕ್ಕಂತೆ ಈ ಸೋಲಾರ್ ಹೀಟ್ ಟೆಂಟ್‌ಗಳನ್ನು ನಿರ್ಮಿಸಲಾಗಿದೆ. ಲಡಾಖ್‌ನ ಗಲ್ವಾನ್ ಕಣಿವೆಯಲ್ಲಿ ಭಾರತ-ಚೀನಾ ಯೋಧರ ನಡುವೆ ನಡೆದ ಹಿಂಸಾತ್ಮಕ ಘರ್ಷಣೆಯ ಬಳಿಕ, ವಾಂಗ್ಚುಕ್ ಈ ಸೋಲಾರ್ ಹೀಟ್ ಟೆಂಟ್‌ಗಳನ್ನು ನಿರ್ಮಾಣ ಮಾಡುವ ಘೋಷಣೆ ಮಾಡಿದ್ದರು. ಅದರಂತೆ ಇದೀಗ ಈ ಪರಿಸರ ಸ್ನೇಹಿ ಸೋಲಾರ್ ಹೀಟ್ ಟೆಂಟ್‌ಗಳು ಸಿದ್ಧವಾಗಿವೆ.

from India & World News in Kannada | VK Polls https://ift.tt/3aZaLOM

ಶಂಕರ್‌ ಬಿದರಿ ಇ ಮೇಲ್‌ ಐಡಿ ಹ್ಯಾಕ್..! ₹25 ಸಾವಿರ ವರ್ಗಾವಣೆ ಮಾಡಿಸಿ ಪಂಗನಾಮ ಹಾಕಿದ ವಂಚಕರು..!

ಬೆಂಗಳೂರು: ನಿವೃತ್ತ ಐಪಿಎಸ್‌ ಅಧಿಕಾರಿ ಶಂಕರ್‌ ಬಿದರಿ ಅವರ ಇ- ಮೇಲ್‌ ಐಡಿ ಹ್ಯಾಕ್‌ ಮಾಡಿದ ಅಪರಿಚಿತ ವ್ಯಕ್ತಿಗಳು, ಬಿದರಿ ಅವರ ಸ್ನೇಹಿತರೊಬ್ಬರಿಂದ 25 ಸಾವಿರ ರೂ. ವರ್ಗಾವಣೆ ಮಾಡಿಕೊಂಡು ಮೋಸ ಮಾಡಿದ್ದಾರೆ. ಈ ಸಂಬಂಧ ಸೈಬರ್‌ ಕ್ರೈಂ ಪೊಲೀಸ್‌ ಠಾಣೆಗೆ ದೂರು ನೀಡಿರುವ , ‘ನನ್ನ ಇ-ಮೇಲ್‌ ಐಡಿಯನ್ನು ಅಪರಿಚಿತರು ಹ್ಯಾಕ್‌ ಮಾಡಿ, ಇ ಮೇಲ್‌ ಅಡ್ರೆಸ್‌ನಲ್ಲಿದ್ದ ಸ್ನೇಹಿತರಿಗೆ ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ ಅಕೌಂಟ್‌ ಮತ್ತು ಐಎಫ್‌ಎಸ್‌ಸಿ ಕೋಡ್‌ ಕಳುಹಿಸಿದ್ದಾರೆ. ನಂತರ ಖಾತೆಗೆ ಹಣ ಜಮಾ ಮಾಡುವಂತೆ ಬೇಡಿಕೆ ಇಟ್ಟಿದ್ದಾರೆ. ನಾನೇ ಇ- ಮೇಲ್‌ ಕಳುಹಿಸಿರಬಹುದು ಎಂದು ನಂಬಿದ ನನ್ನ ಸ್ನೇಹಿತರೊಬ್ಬರು 25 ಸಾವಿರ ರೂ. ಕಳುಹಿಸಿದ್ದಾರೆ ಎಂದು ದೂರಿನಲ್ಲಿ ಬಿದರಿ ತಿಳಿಸಿದ್ದಾರೆ. ಇ- ಮೇಲ್‌ ಐಡಿ ಹ್ಯಾಕ್‌ ಮಾಡಿ ಹಣ ವರ್ಗಾವಣೆ ಮಾಡಿಸಿಕೊಂಡಿರುವ ಆರೋಪಿಗಳನ್ನು ಪತ್ತೆ ಮಾಡಿ ಕಾನೂನು ಕ್ರಮ ಜರುಗಿಸುವಂತೆ ದೂರಿನಲ್ಲಿ ಕೋರಲಾಗಿದೆ. ಸೈಬರ್‌ ಕ್ರೈಂ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಈ ಸಂಬಂಧ ಪ್ರತಿಕ್ರಿಯೆ ನೀಡಿರೋ ಶಂಕರ್ ಬಿದರಿ, ‘ನನ್ನ ಇ- ಮೇಲ್‌ ಐಡಿ ಹ್ಯಾಕ್‌ ಮಾಡಿರುವ ಆರೋಪಿಗಳನ್ನು ಪೊಲೀಸರು ಹಿಡಿಯುತ್ತಾರೆ’ ಎಂದು ಹೇಳಿದ್ದಾರೆ.

from India & World News in Kannada | VK Polls https://ift.tt/3sDyWbJ

ಬೆಂಗಳೂರಿನಲ್ಲಿ ಮಾ. 4ರಿಂದ ಲಸಿಕೆ ವಿತರಣೆ ಸಾಧ್ಯತೆ; 141 ಕೇಂದ್ರಗಳಲ್ಲಿ ಲಸಿಕೆ ನೀಡಲು ಅನುಮತಿ ಕೋರಿದ ಬಿಬಿಎಂಪಿ

ಬೆಂಗಳೂರು: ಮತ್ತು ನಗರ ಜಿಲ್ಲೆ ವ್ಯಾಪ್ತಿಯಲ್ಲಿ 60 ವರ್ಷ ಮೇಲ್ಪಟ್ಟವರು, ಅನ್ಯ ಕಾಯಿಲೆಗಳಿಂದ ಬಳಲುತ್ತಿರುವ 45 ರಿಂದ 59 ವರ್ಷದೊಳಗಿನ ಸಾರ್ವಜನಿಕರಿಗೆ ಮಾ. 4ರಿಂದ ಕೋವಿಡ್‌ ಲಸಿಕೆ ನೀಡುವ ಸಾಧ್ಯತೆಗಳಿವೆ. ಇದಕ್ಕಾಗಿ ಪಾಲಿಕೆಯು ಅಗತ್ಯ ಪೂರ್ವಭಾವಿ ಸಿದ್ಧತೆಗಳನ್ನು ಮಾಡಿಕೊಳ್ಳುತ್ತಿದೆ. ರಾಜ್ಯ ಸರಕಾರವು ಮೂರನೇ ಹಂತದಲ್ಲಿ ಸಾರ್ವಜನಿಕರಿಗೆ ಲಸಿಕೆ ನೀಡಲು ಪಾಲಿಕೆ ವ್ಯಾಪ್ತಿಯ 4 ಸರಕಾರಿ ಆಸ್ಪತ್ರೆಗಳಲ್ಲಷ್ಟೇ ಅವಕಾಶ ಕಲ್ಪಿಸಿದೆ. ಹೀಗಾಗಿ, ಪಾಲಿಕೆಯು ಎಲ್ಲ 141 ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ಲಸಿಕೆ ನೀಡಲು ಅನುಮತಿ ಕೋರಿದ್ದು, ಇದಕ್ಕೆ ಸರಕಾರ ಒಪ್ಪಿಗೆ ನೀಡಿದೆ. ಮಾ. 1ರಿಂದ ಸಾರ್ವಜನಿಕರು ಲಸಿಕೆ ಪಡೆಯಲು ಕೋವಿನ್‌ 2.0 ಪೋರ್ಟಲ್‌ ಮತ್ತು ಆರೋಗ್ಯ ಸೇತು ಆ್ಯಪ್‌ನಲ್ಲಿ ಸ್ವಯಂ ನೋಂದಣಿ ಮಾಡಿಕೊಳ್ಳಬೇಕು. ಮೊದಲ ಹಂತದಲ್ಲಿ ಕೋವಿನ್‌ 2.0 ಪೋರ್ಟಲ್‌ ಅಥವಾ ಆರೋಗ್ಯ ಸೇತು ಆ್ಯಪ್‌ನಲ್ಲಿ ಸ್ವಯಂ ನೋಂದಣಿ ಮಾಡಿಕೊಳ್ಳುವವರಿಗೆ ಮಾತ್ರ ಲಸಿಕೆ ನೀಡಲಾಗುತ್ತದೆ. ಮಾ. 1ರಿಂದ ಪಾಲಿಕೆ ವ್ಯಾಪ್ತಿಯ 4 ಸರಕಾರಿ ಮತ್ತು 18 ಖಾಸಗಿ ಆಸ್ಪತ್ರೆಗಳಲ್ಲಿ ಲಸಿಕೆ ನೀಡಲು ಉದ್ದೇಶಿಸಲಾಗಿದೆ. ಸರಕಾರಿ ಆಸ್ಪತ್ರೆಗಳಲ್ಲಿ ಉಚಿತ ಲಸಿಕೆ ನೀಡುವುದರಿಂದ ಹೆಚ್ಚಿನ ಮಂದಿ ಹೆಸರು ನೋಂದಾಯಿಸಿಕೊಳ್ಳಲಿದ್ದಾರೆ. ಹಾಗಾಗಿ, ಎಲ್ಲ141 ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ಲಸಿಕೆ ನೀಡಲು ಉದ್ದೇಶಿಸಲಾಗಿದೆ. 60 ವರ್ಷ ಮೇಲ್ಪಟ್ಟವರು ಹಾಗೂ ಅನ್ಯ ಕಾಯಿಲೆಗಳಿಂದ ಬಳಲುತ್ತಿರುವ 45 ರಿಂದ 59 ವರ್ಷದೊಳಗಿನ ಸಾರ್ವಜನಿಕರು ಆನ್‌ಲೈನ್‌ ಮೂಲಕ ಕೋವಿನ್‌ ಪೋರ್ಟಲ್‌ ಅಥವಾ ಆರೋಗ್ಯ ಸೇತು ಆ್ಯಪ್‌ ಬಳಸಿ ತಮಗೆ ಅನುಕೂಲವಾದ ಲಸಿಕಾ ಕೇಂದ್ರದಲ್ಲಿ ನಿಗದಿತ ದಿನ, ಸಮಯ ನೋಂದಣಿ ಮಾಡಿಕೊಂಡು ಲಸಿಕೆ ಪಡೆಯಬಹುದು. ಆನ್‌ಲೈನ್‌ನಲ್ಲಿ ಹೆಸರು ನೋಂದಾಯಿಸಿಕೊಳ್ಳುವವರ ಸಂಖ್ಯೆಯನ್ನು ಆಧರಿಸಿ, ಲಸಿಕೆ ವಿತರಣೆಗೆ ತಯಾರಿ ಮಾಡಿಕೊಳ್ಳಲು ಪಾಲಿಕೆ ನಿರ್ಧರಿಸಿದೆ. ಮಾ. 2 ಮತ್ತು 3ರಂದು ಡ್ರೈ ರನ್‌ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಿದೆ. ಆನಂತರ ಲಸಿಕೆ ವಿತರಣೆ ಅಭಿಯಾನ ಶುರು ಮಾಡಲಾಗುತ್ತದೆ. ಸರಕಾರಿ ಪ್ರಾಥಮಿಕ ಆರೋಗ್ಯ ಕೇಂದ್ರಗಳು, ಆಸ್ಪತ್ರೆಗಳಲ್ಲಿ ಉಚಿತವಾಗಿ ಲಸಿಕೆ ನೀಡಲಾಗುತ್ತದೆ. ಖಾಸಗಿ ಆಸ್ಪತ್ರೆಗಳಲ್ಲಿಒಂದು ಡೋಸ್‌ ಲಸಿಕೆಗೆ 250 ರೂ. ದರ ನಿಗದಿಪಡಿಸಲಾಗಿದೆ. ಲಸಿಕೆ ಪಡೆದವರಿಗೆ ಕ್ಯೂ ಆರ್‌ ಕೋಡ್‌ ಹೊಂದಿರುವ ಡಿಜಿಟಲ್‌ ಪ್ರಮಾಣಪತ್ರ ನೀಡಲಾಗುತ್ತದೆ. 45 ರಿಂದ 59 ವರ್ಷದೊಳಗಿನ ಅನ್ಯ ಕಾಯಿಲೆಗಳಿಂದ ಬಳಲುತ್ತಿರುವವರು ತಮ್ಮ ಕಾಯಿಲೆಗೆ ಚಿಕಿತ್ಸೆ ಪಡೆಯುತ್ತಿರುವ ಬಗ್ಗೆ ನೋಂದಾಯಿತ ವೈದ್ಯರು ನೀಡಿರುವ ಪ್ರಮಾಣಪತ್ರ ಹೊಂದಿರಬೇಕು. ಸರಕಾರಿ ಆಸ್ಪತ್ರೆಗಳಲ್ಲಿ ಸೋಮವಾರ, ಬುಧವಾರ, ಶುಕ್ರವಾರ ಮತ್ತು ಶನಿವಾರ ಮಾತ್ರ ಮಧ್ಯಾಹ್ನ 12 ರಿಂದ ಸಂಜೆ 5 ಗಂಟೆಯವರೆಗೆ ಲಸಿಕೆ ನೀಡಲಾಗುತ್ತಿದೆ. ಖಾಸಗಿ ಆಸ್ಪತ್ರೆಗಳಲ್ಲಿ ಎಲ್ಲ ದಿನವೂ ಲಸಿಕೆ ವಿತರಿಸಲಾಗುತ್ತದೆ. ರಾಜ್ಯ ಸರಕಾರದ ನಿರ್ದೇಶನದಂತೆ ಮೊದಲಿಗೆ ಆನ್‌ಲೈನ್‌ನಲ್ಲಿ ಹೆಸರು ನೋಂದಾಯಿಸಿಕೊಂಡವರಿಗೆ ಮಾತ್ರ ಲಸಿಕೆ ನೀಡಲಾಗುತ್ತದೆ. ಕೇಂದ್ರದಿಂದ ಇನ್ನೂ ಲಸಿಕೆ ಬಂದಿಲ್ಲ. ಹೀಗಾಗಿ, ಮಾ. 4ರಿಂದ 60 ವರ್ಷ ಮೇಲ್ಪಟ್ಟವರು ಹಾಗೂ ಅನ್ಯ ಕಾಯಿಲೆಗಳಿಂದ ಬಳಲುತ್ತಿರುವ 45 ರಿಂದ 59 ವರ್ಷದೊಳಗಿನ ಸಾರ್ವಜನಿಕರಿಗೆ ಲಸಿಕೆ ನೀಡಲು ಸಿದ್ಧತೆ ಮಾಡಿಕೊಳ್ಳುತ್ತಿದ್ದೇವೆ. ಪಾಲಿಕೆಯ 141 ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲೂ ಲಸಿಕೆ ನೀಡಲು ಉದ್ದೇಶಿಸಲಾಗಿದೆ ಎಂದು ಬಿಬಿಎಂಪಿ ಆಯುಕ್ತ ಎನ್‌.ಮಂಜುನಾಥ ಪ್ರಸಾದ್‌ ತಿಳಿಸಿದರು. ಲಸಿಕೆ ಪಡೆಯಲು ನೀಡಬೇಕಾದ ದಾಖಲೆ (ಯಾವುದಾದರೂ ಒಂದು):

• ಆಧಾರ್‌ ಕಾರ್ಡ್‌
• ಚುನಾವಣಾ ಗುರುತಿನ ಚೀಟಿ
• ಆನ್‌ಲೈನ್‌ ನೋಂದಣಿ ಸಂದರ್ಭದಲ್ಲಿಒದಗಿಸಿರುವ ಭಾವಚಿತ್ರವುಳ್ಳ ಗುರುತಿನ ಚೀಟಿ
• ನೋಂದಾಯಿತ ವೈದ್ಯರಿಂದ ಪಡೆದ ಪ್ರಮಾಣಪತ್ರ (ಅನ್ಯ ಕಾಯಿಲೆಯಿಂದ ಬಳಲುತ್ತಿರುವ 49-59 ವರ್ಷ ವಯಸ್ಸಿನೊಳಗಿನವರು)
• ಆರೋಗ್ಯ ಸಿಬ್ಬಂದಿ, ಮುಂಚೂಣಿ ಕಾರ್ಯಕರ್ತರಿಗೆ ಉದ್ಯೋಗ ಪ್ರಮಾಣಪತ್ರ ಅಥವಾ ಅಧಿಕೃತ ಗುರುತಿನ ಚೀಟಿ

ಲಸಿಕೆ ನೀಡಲು ಗುರುತಿಸಿರುವ ಆಸ್ಪತ್ರೆಗಳು:

• ಕೆ.ಸಿ.ಜನರಲ್‌ ಆಸ್ಪತ್ರೆ
• ಜಯನಗರ ಜನರಲ್‌ ಆಸ್ಪತ್ರೆ
• ಬೆಂಗಳೂರು ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆ
• ಸಿ.ವಿ.ರಾಮನ್‌ ಜನರಲ್‌ ಆಸ್ಪತ್ರೆ

from India & World News in Kannada | VK Polls https://ift.tt/3kvVVm1

ಅಸ್ಸಾಂ: ಚುನಾವಣೆಗೂ ಮುನ್ನ ಬಿಜೆಪಿ ಸಖ್ಯ ತ್ಯಜಿಸಿ ಕಾಂಗ್ರೆಸ್ ಕೈ ಹಿಡಿದ ಬಿಪಿಎಫ್!

ಗುವಹಾಟಿ: ವಿಧಾನಸಭೆ ಚುನಾವಣೆಗೂ ಮೊದಲು ಕಾಂಗ್ರೆಸ್‌ಗೆ ಸಿಹಿ ಸುದ್ದಿಯೊಂದು ಬಂದಿದ್ದು, ಆಡಳಿತಾರೂಢ ಪಾಲುದಾರ ಪಕ್ಷ ಬೋಡೋಲ್ಯಾಂಡ್ ಪೀಪಲ್ಸ್ ಫ್ರಂಟ್() ಮೈತ್ರಿಕೂಟ ತೊರೆದಿದೆ. ಬಿಜೆಪಿ ಸಖ್ಯ ತ್ಯಜಿಸಿರುವ ಬಿಪಿಎಫ್, ವಿಪಕ್ಷ ಮೈತ್ರಿಕೂಟವನ್ನು ಸೇರುವುದಾಗಿ ಘೋಷಿಸಿದೆ. ಅಸ್ಸಾಂನಲ್ಲಿ ಅಧಿಕಾರಕ್ಕೇರುವ ಕನಸು ಕಾಣುತ್ತಿರುವ ಕಾಂಗ್ರೆಸ್‌ಗೆ ಈ ನಡೆ ಸಹಜವಾಗಿ ಹೊಸ ಹುಮ್ಮಸ್ಸನ್ನು ನೀಡಿದೆ. ಈ ಕುರಿತು ಮಾತನಾಡಿರುವ ಬಿಪಿಎಫ್ ನಾಯಕ ಹಗ್ರಾಮಾ ಮೊಹಿಲರಿ, ರಾಜ್ಯದ ಅಭಿವೃದ್ಧಿ, ಶಾಂತಿ ಮತ್ತು ಏಕತೆಗಾಗಿ ಕಾಂಗ್ರೆಸ್ ನೇತೃತ್ವದ ಮಹಾಜಥ್(MAHAJATH) ಮೈತ್ರಿಕೂಟ ಸೇರುತ್ತಿರುವುದಾಗಿ ಸ್ಪಷ್ಟಪಡಿಸಿದ್ದಾರೆ. ಆಡಳಿತಾರೂಢ ಬಿಜೆಪಿ ರಾಜ್ಯವನ್ನು ಅಶಾಂತಿಯ ಗೂಡನ್ನಾಗಿ ಪರಿವರ್ತಿಸಿದ್ದು, ದ್ವೇಷದ ರಾಜಕಾರಣ ಮಾಡುವಲ್ಲಿ ನಿರತವಾಗಿದೆ. ಬಿಜೆಪಿ ಆಡಳಿತಾವಧಿಯಲ್ಲಿ ಅಭಿವೃದ್ಧಿ ಸಂಪೂರ್ಣ ಮರಿಚೀಕೆಯಾಗಿದ್ದು, ರಾಜ್ಯದಲ್ಲಿ ಮತ್ತೆ ಶಾಂತಿ ನೆಲೆಸುವಂತಾಗಲು ಕಾಂಗ್ರೆಸ್ ನೇತೃತ್ವದ ಮೈತ್ರಿಕೂಟ ಅಧಿಕಾರಕ್ಕೆ ಬರುವುದು ಅನಿವಾರ್ಯವಾಗಿದೆ ಎಂದು ಮೊಹಿಲರಿ ಅಭಿಪ್ರಾಯಪಟ್ಟಿದ್ದಾರೆ. 2005ರಲ್ಲಿ ಅಸ್ತಿತ್ವಕ್ಕೆ ಬಂದ ಬಿಪಿಎಫ್, ಈ ಹಿಂದೆ ಎರಡು ಬಾರಿ ಕಾಂಗ್ರೆಸ್ ಮೈತ್ರಿಕೂಟದ ಪಾಲುದಾರ ಪಕ್ಷವಾಗಿತ್ತು. ಅದರೆ ಕಳೆದ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ ಮೈತ್ರಿಕೂಟ ಸೇರಿದ ಬಿಪಿಎಫ್, ಸರ್ಕಾರದಲ್ಲಿ ಮೂವರು ಸಚಿವರನ್ನೂ ಹೊಂದಿದೆ. ಆದರೆ ಬಿಜೆಪಿ ಇದೀಗ ಬೋಡೋಲ್ಯಾಂಡ್ ಟೆರಿಟೋರಿಯಲ್ ಕೌನ್ಸಿಲ್(BTC) ಜೊತೆ ಮೈತ್ರಿಗೆ ಮುಂದಾಗಿದ್ದು, ಇದು ಬಿಪಿಎಫ್‌ನ್ನು ಕೆರಳಿಸಿದೆ. ಇದೇ ಕಾರಣಕ್ಕೆ ಬಿಪಿಎಫ್ ಕಾಂಗ್ರೆಸ್ ಮೈತ್ರಿಕೂಟ ಸೇರುವ ಘೋಷಣೆ ಮಾಡಿದೆ. ಒಟ್ಟಿನಲ್ಲಿ ಚುನಾವಣೆ ಹೊಸ್ತಿಲಲ್ಲಿರುವ ಅಸ್ಸಾಂನಲ್ಲಿ ತೀವ್ರ ರಾಜಕೀಯ ಚಟುವಟಿಕೆಗಳು ನಡೆಯುತ್ತಿರುವುದು ರಾಷ್ಟ್ರದ ಗಮನ ಸೆಳೆದಿದೆ ಎಂದು ಹೇಳಬಹುದು.

from India & World News in Kannada | VK Polls https://ift.tt/37Phby7

‘ಪಕ್ಷದಲ್ಲಿ ನಾಯಕರಿಗೆ ಹಿಂಬಾಲಕರಿದ್ದರೆ, ನನ್ನ ಹಿಂದೆ ಕತ್ತೆಗಳಿದ್ದಾರಾ?’ ತನ್ವೀರ್‌ ಸೇಠ್‌ ಕಿಡಿ

ಮೈಸೂರು: ಮೈಸೂರು ಮಹಾನಗರ ಪಾಲಿಕೆಯ ಮೇಯರ್‌- ಉಪ ಮೇಯರ್‌ ಚುನಾವಣೆ ಸಂಬಂಧ ಮೈತ್ರಿ ಮಾಡಿಕೊಳ್ಳಲು ಹೇಳಿದ್ದೇ ಮಾಜಿ ಮುಖ್ಯಮಂತ್ರಿ ಎಂದು ಶಾಸಕ ತನ್ವೀರ್‌ ಸೇಠ್‌ ಹೇಳಿದ್ದಾರೆ. ಪಾಲಿಕೆಯಲ್ಲಿ ಮೈತ್ರಿ ಸಂಬಂಧ ಎದ್ದಿರುವ ವಿವಾದ ವಿಚಾರವಾಗಿ ಶನಿವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಮೈತ್ರಿ ಮಾಡಿಕೊಳ್ಳಲು ಸಿದ್ದರಾಮಯ್ಯ ಹೇಳಿದ್ದರು. ಗಂಡು ಮಗು ಆಗಿಲ್ಲ ಹೆಣ್ಣು ಮಗು ಆಗಿದೆ ಅಷ್ಟೇ. ಗಂಡು ಮಗು ಆದರೆ ಓಕೆ, ಹೆಣ್ಣು ಮಗು ಬೇಡ ಅಂದರೆ ನಾನು ಒಪ್ಪುವುದಿಲ್ಲ ಎಂದು ಹೇಳಿದರು. ಈ ಸಂಬಂಧ ಸೋಮವಾರ ಡಿ.ಕೆ.ಶಿವಕುಮಾರ್‌ ಅವರನ್ನು ಭೇಟಿ ಮಾಡಿ ವರದಿ ನೀಡುವೆ. ನನಗೆ ಪಕ್ಷದ ಋಣವಿದೆ, ವ್ಯಕ್ತಿಗಳ ವರ್ಚಸ್ಸು ವಿಚಾರ ಬಂದಾಗ ಎಲ್ಲರಿಗೂ ಗೌರವ, ವರ್ಚಸ್ಸು ಇದೆ. ನನಗೂ ನನ್ನದೇ ಆದ ಗೌರವ ಇದೆ. ನಮ್ಮ ಕುಟುಂಬದ ವರ್ಚಸ್ಸು ಇದೆ. ಬೇರೆಯವರ ವರ್ಚಸ್ಸನ್ನು ನಾನು ನೋಡುವುದಿಲ್ಲ ಎಂದು ಹೇಳಿದರು. ಪಕ್ಷದಲ್ಲಿ ನಾಯಕರಿಗೆ ಹಿಂಬಾಲಕರಿದ್ದರೆ, ನನ್ನ ಹಿಂದೆ ಕತ್ತೆಗಳಿದ್ದಾರಾ? ನನಗೂ ಹಿಂಬಾಲಕರಿದ್ದಾರೆ ಎಂದು ಹೇಳಿರುವ ಸೇಠ್, ಆದರೆ ನಾನೇನು ಯಾರನ್ನು ಪ್ರತಿಭಟನೆ ಮಾಡಿ ಅಂತ ಕರೆದಿಲ್ಲ. ಪುಡಿಗಾಸಿಗೆ ಬರ್ತಾರೆ ಅಂದರೆ ಏನರ್ಥ. ಹಿಂಬಾಲಕರೇನು ಮಾರಾಟಕ್ಕಿದ್ದಾರಾ? ನಿನ್ನೆಯ ಘಟನೆ ಬಗ್ಗೆ ನನಗೂ ಬೇಸರ ಇದೆ. ಆದರೆ, ನಾನು ಯಾರನ್ನು ಕರೆಸಿ ಪ್ರತಿಭಟನೆ ಮಾಡಿಸಿಲ್ಲ. ಪಕ್ಷ ಯಾವ ಕ್ರಮ ಕೈಗೊಳ್ಳುತ್ತದೆ ಕೈಗೊಳ್ಳಲಿ ಎಂದು ತಿಳಿಸಿದರು. ಮೇಯರ್‌ ಸ್ಥಾನ ಜೆಡಿಎಸ್‌ಗೆ ಬಿಟ್ಟು ಕೊಟ್ಟ ವಿಚಾರದಲ್ಲಿ ತಮ್ಮನ್ನು ಅಮಾನತು ಮಾಡಲು ಒತ್ತಾಯ ಸಂಬಂಧ ಪ್ರತಿಕ್ರಿಯಿಸಿದ ಅವರು ನಾನು ಯಾವುದಕ್ಕೂ ಹೆದರುವುದಿಲ್ಲ. ಅಮಾನತು ಮಾಡಿದರೂ ಸಿದ್ಧವಾಗಿದ್ದೇನೆ. ನಿನ್ನೆ ಮಾಜಿ ಮೇಯರ್‌, ಪಾಲಿಕೆ ಸದಸ್ಯರು ಸುದ್ದಿಗೋಷ್ಠಿ ನಡೆಸಿದ ವಿಚಾರವನ್ನು ಪಕ್ಷದ ಗಮನಕ್ಕೆ ತರುತ್ತೇನೆ. ನನ್ನ ವಿರುದ್ಧ ಕ್ರಮ ಕೈಗೊಂಡರೆ ಅದನ್ನು ಸ್ವೀಕರಿಸುತ್ತೇನೆ. ಪಕ್ಷದ ಬೆಳವಣಿಗೆಯ ಬಗ್ಗೆ ಪಕ್ಷದಲ್ಲೇ ಮಾತನಾಡುವೆ. ನನ್ನ ವಿಚಾರದಲ್ಲಿ ನಾನೇ ಬೇರೆಯಾಗಿ ಹೋರಾಡುವೆ ಎಂದರು. ಇನ್ನು ಹಲವು ದಿನಗಳಿಂದ ನನ್ನ ವಿರುದ್ಧ ಷಡ್ಯಂತ್ರ ನಡೆಯುತ್ತಿದೆ. ಕಾಂಗ್ರೆಸ್‌-ಜೆಡಿಎಸ್‌ ಮೈತ್ರಿ ಡೀಲ್‌ ಆಗಿದೆ ಅನ್ನೋದು ತನಿಖೆಯಾಗಬೇಕು ಎಂದು ಒತ್ತಾಯಿಸಿದರು.

from India & World News in Kannada | VK Polls https://ift.tt/37Qx2w7

ಜಲವಿವಾದ: ಮಾರ್ಚ್‌ 27 ಕ್ಕೆ ಕರ್ನಾಟಕ ಬಂದ್ ಕರೆ ಕೊಟ್ಟ ವಾಟಾಳ್ ನಾಗರಾಜ್

ಬೆಂಗಳೂರು: ಕರ್ನಾಟಕ- ತಮಿಳುನಾಡು ನಡುವಿನ ಜಲವಿವಾದ ವಿಚಾರವಾಗಿ ರಾಜ್ಯ ಸರ್ಕಾರ ನಿರ್ಲಕ್ಷ್ಯ ತೋರಿಸುತ್ತಿದೆ ಎಂದು ಆರೋಪಿಸಿ ಮಾರ್ಚ್‌ 27 ಕ್ಕೆ ಕರೆಯನ್ನು ವಾಟಾಳ್ ನಾಗರಾಜ್ ನೀಡಿದ್ದಾರೆ. ಬೆಂಗಳೂರಿನಲ್ಲಿ ಶನಿವಾರ ಸುದ್ದಿಗೋಷ್ಠಿ ನಡೆಸಿದ ಅವರು, ರಾಜ್ಯ ಸರ್ಕಾರ ಹಾಗೂ ಸಿಎಂ ಬಿಎಸ್‌ ಯಡಿಯೂರಪ್ಪ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು. ಸರ್ಕಾರಕ್ಕೆ ಗಂಭೀರತೆ ಅರ್ಥವಾಗ್ತಿಲ್ಲ, ನಮಗೆ ಅರ್ಥವಾಗ್ತಿದೆ ಕರ್ನಾಟಕ ರಾಜ್ಯಕ್ಕೆ ನಾನಾ ದಿಕ್ಕುಗಳಿಂದ ತೊಂದರೆ ಆಗಿದೆ. ಯಾವುದಕ್ಕೂ ಸರ್ಕಾರ ಪರಿಣಾಮಕಾರಿಯಾಗಿ ಚಿಂತನೆ ಮಾಡ್ತಿಲ್ಲ, ಇದು ಆಘಾತಕಾರಿ ಎಂದು ಕಿಡಿಕಾರಿದರು. ಮಹಾರಾಷ್ಟ್ರ ಸೇರಿದಂತೆ ಸುತ್ತಮುತ್ತಲಿನ ರಾಜ್ಯಗಳು ನಿರಂತರವಾಗಿ ನಮ್ಮ ಮೇಲೆ ದಾಳಿ ಮಾಡ್ತಿವೆ. ತಮಿಳುನಾಡಿನಲ್ಲಿ ಯಾರಿಗೂ ತಿಳಿಯದಂತೆ ಅನೇಕ ಯೋಜನೆಗಳನ್ನು ಆರಂಭಿಸ್ತಿದ್ದಾರೆ. ಕೇಂದ್ರ ಸರ್ಕಾರ ಅವರಿಗೆ ಅನುಮತಿ ಕೊಟ್ಟಿದೆ. 118 ಕಿಲೋಮೀಟರ್ ಕಾಲುವೆ ತೆಗೆದು ಕಾವೇರಿ ಜೋಡಣೆ ಮಾಡಿ ಹೆಚ್ಚುವರಿ ನೀರು ಬಳಕೆಗೆ ಪಿತೂರಿ ನಡೆಸುತ್ತಿದ್ದಾರೆ ಆದರೂ ರಾಜ್ಯ ಸರ್ಕಾರ ಸುಮ್ಮನಿದೆ ಎಂದು ತರಾಟೆಗೆ ತೆಗೆದುಕೊಂಡರು. ಸರ್ಕಾರದ ಈ ನಡೆಯನ್ನು ಖಂಡಿಸಿ ಮಾರ್ಚ್ 27 ರಂದು ಕರ್ನಾಟಕ ಬಂದ್ ನಡೆಸುವ ಮೂಲಕ ಪ್ರತಿಭಟನೆ ಮಾಡುವುದಾಗಿ ವಾಟಾಳ್ ನಾಗರಾಜ್ ಎಚ್ಚರಿಕೆ ನೀಡಿದರು. ಜಲ ವಿವಾದಕ್ಕೆ ಸಂಬಂಧಿಸಿದಂತೆ ಶುಕ್ರವಾರ ಜಲಸಂಪನ್ಮೂಲ ಸಚಿವ ರಮೇಶ್ ಜಾರಕಿಹೊಳಿ ಹಾಗೂ ಕಾನೂನು ಸಚಿವ ಬಸವರಾಜ ಬೊಮ್ಮಾಯಿ ತಜ್ಞರ ಜೊತೆ ಸಭೆ ನಡೆಸಿದ್ದಾರೆ.

from India & World News in Kannada | VK Polls https://ift.tt/3uCwV15

ನ್ಯೂ ಮೆಕ್ಸಿಕೋ ಬಳಿಯ ಆಕಾಶದಲ್ಲಿ ವಿಮಾನದ ಪೈಲಟ್‌ ಕಂಡಿದ್ದೇನು? ಏಲಿಯನ್‌ OR ಕ್ಷಿಪಣಿ? ಭಾರೀ ಚರ್ಚೆ!

ನ್ಯೂ ಮೆಕ್ಸಿಕೋ: ಏಲಿಯನ್‌ಗಳು ಭೂಮಿಗೆ ಬರುತ್ತಿರುವ ಬಗ್ಗೆ ಜಗತ್ತಿನ ವಿಜ್ಞಾನಿಗಳು ಸಂಶೋಧನೆ ನಡೆಸುತ್ತಿರುವಾಗಲೇ ಅಮೆರಿಕದ ವಿಮಾನದ ಪೈಲೆಟ್‌ಗೆ ಇಂತಹದೊಂದು ಅನುಭವ ಆಗಿದೆ. ಹೌದು, ನ್ಯೂ ಮೆಕ್ಸಿಕೊದ ಮೇಲೆ ವಿಮಾನ ಹಾರಾಟ ನಡೆಸುತ್ತಿರುವ ಸಂದರ್ಭ ವಿಮಾನದ ಪೈಲೆಟ್‌ಗೆ ಆಕಾಶದಲ್ಲಿ ಯಾವೊದೋ ಒಂದು ವಸ್ತು ಕಾಣಿಸಿಕೊಂಡಿರುವುದಾಗಿ ವರದಿಯಾಗಿದೆ. ಹೌದು, ಸರಿಯಾಗಿ ಕಾಣಿಸಿದ ಒಂದು ರೀತಿಯ ಕಾಣಿಸಿಕೊಂಡಿದೆ ಎಂದು ತಿಳಿದುಬಂದಿದೆ. ಈ ಸಂಬಂಧ ತನಿಖೆ ಹಿನ್ನೆಲೆ ಅಮೆರಿಕದ ವಿಮಾನಯಾನ ಸಂಸ್ಥೆ ಅಲ್ಲಿನ ತನಿಖಾ ಸಂಸ್ಥೆಯಾಗಿರುವ ಎಫ್‌ಬಿಐಗೆ ಮನವಿ ಮಾಡಿದೆ. ಇದೀಗ ಎಫ್‌ಬಿಐ ಈ ಸಂಬಂಧ ತನಿಖೆ ಆರಂಭಿಸಿದೆ ಎಂದು ತಿಳಿದುಬಂದಿದೆ. ಅಮೆರಿಕದ 2292 ನಂಬರ್‌ನ ವಿಮಾನ ಅರಿಜೋನಾದ ಫೀನಿಕ್ಸ್‌ಗೆ ಹೋ ತೆರಳುತ್ತಿತ್ತು. ನ್ಯೂ ಮೆಕ್ಸಿಕೋ ಬಳಿ ಬರುವಾಗ ಆಕಾಶದ ಮೇಲ್ಮೈನಲ್ಲಿ ಅಜ್ಞಾತ ವಸ್ತುವೊಂದು ಕಾಣಿಸಿಕೊಂಡಿದೆ ಎಂದು ಪೈಲೆಟ್‌ ಎಫ್‌ಬಿಐ ಜೊತೆಗೆ ಮಾಹಿತಿ ಹಂಚಿಕೊಂಡಿದ್ದಾನೆ. ಇನ್ನುಅಜ್ಞಾತ ವಸ್ತುವನ್ನು ನೋಡಿರುವ ಪೈಲೆಟ್‌ ಅದು ಉದ್ದವಾದ, ಸಿಲಿಂಡರ್‌ ಆಕಾರದ ವಸ್ತು ಆಗಿತ್ತು ಎಂದು ಎಫ್‌ಬಿಐಗೆ ಮಾಹಿತಿ ನೀಡಿದ್ದಾನೆ. ಇನ್ನು ರಾಡರ್‌ನಲ್ಲಿ ಕೆಲವೊಂದು ಶಬ್ಧ ದಾಖಲಾಗಿದ್ದು ಈ ಬಗ್ಗೆ ವಿಮಾನ ಸಚಿವಾಲಯ ಪರಿಶೀಲನೆ ನಡೆಸುತ್ತಿದೆ ಎಂದು ತಿಳಿಸಿದೆ. ಕ್ಷಿಪಣಿ ಅಥವಾ ಏಲಿಯಾನ್‌? ಇನ್ನು ಆಕಾಶದ ಮೇಲ್ಮೈನಲ್ಲಿ ಕಾಣಿಸಿಕೊಂಡಿರುವ ಅಜ್ಞಾತ ವಸ್ತು ಏಲಿಯಾನ್‌ ಆಗಿರಲು ಸಾಧ್ಯವೇ ಇಲ್ಲ ಎಂದು ಪೈಲೆಟ್‌ ತಿಳಿಸಿರುವುದಾಗಿ ಅಲ್ಲಿನ ಮಾಧ್ಯಮಗಳು ತಿಳಿಸಿದೆ. ಪೈಲೆಟ್‌ ಪ್ರಕಾರ ಇದೊಂದು ಕ್ಷಿಪಣಿ ಆಗಿದೆ ಎಂದು ತಿಳಿದಿರುವುದಾಗಿ ಮಾಧ್ಯಮಗಳು ವರದಿ ಮಾಡಿದೆ. ಅತ್ಯಂತ ವೇಗವಾಗಿ ಚಲಿಸುವ ಮಿಸೈಲ್‌ ಎಂಬುವುದು ಸ್ಪಷ್ಟವಾಗಿ ನೋಡಿರುವುದಾಗಿ ಅವರು ತಿಳಿಸಿದ್ದಾರೆ. ಹೀಗಾಗಿ ಈ ಪ್ರಕರಣವನ್ನು ಗಂಭೀರವಾಗಿ ತೆಗೆದುಕೊಂಡಿರುವ ಎಫ್‌ಬಿಐ ಸೂಕ್ತ ತನಿಖೆ ನಡೆಸಲು ಮುಂದಾಗಿದೆ.

from India & World News in Kannada | VK Polls https://ift.tt/3krOzQB

ವಿರೋಧ ಪಕ್ಷದವರು ನಮ್ಮನ್ನು ದಾಳವಾಗಿ ಬಳಸುತ್ತಾರೆಂದು ಹಿಂದೆಯೇ ಹೇಳಿದ್ದೆ: ಶಾಸಕ ರಾಮದಾಸ್

ಮೈಸೂರು: ಪಾಲಿಕೆಯ ಮೇಯರ್ ಚುನಾವಣೆಯಲ್ಲಿ ಬಿಜೆಪಿಗೆ ಹಿನ್ನಡೆಯಾದ ಹಿನ್ನೆಲೆ ನಾಯಕರ ವಿರುದ್ದ ಶಾಸಕ ರಾಮದಾಸ್ ಪರೋಕ್ಷವಾಗಿಯೇ ತಮ್ಮ ಅಸಮಧಾನವನ್ನು ಹೊರಹಾಕಿದ್ದಾರೆ. ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ರಾಜಕೀಯದಲ್ಲಿ ನನಗೆ 25 ವರ್ಷದ ರಾಜಕೀಯ ಅನುಭವ ಇದೆ. ಈ ಆಧಾರದ ಮೇಲೆ‌ ಎರಡೂ ಪಕ್ಷಗಳು ನಮ್ಮನ್ನು ದಾಳವಾಗಿ ಉಪಯೋಗಿಸಿಕೊಳ್ಳುತ್ತಾರೆ ಎಂದು ಎಚ್ಚರಿಸಿದ್ದೆ. ಅಲ್ಲದೇ ಈ ವಿಚಾರವಾಗಿ ಅಂತಿಮ‌ ಕ್ಷಣದವರೆಗೂ ನಾನು ಏನೂ ಕಾಮೆಂಟ್ ಮಾಡಲ್ಲ ಅಂತನೂ ತಿಳಿಸಿದ್ದೆ ಎಂದರು. ಈ ಹಿಂದೆ ನಾನು‌ ಜಿಲ್ಲಾ ಮಂತ್ರಿಯಾಗಿದ್ದಾಗ ಜೆಡಿಎಸ್ ಮೈತ್ರಿಯೊಂದಿಗೆ ಪಾಲಿಕೆ ಅಧಿಕಾರ ಹಿಡಿದಿತ್ತು. ನಾಲ್ಕು ವರ್ಷಗಳ ಕಾಲ ಯಶಸ್ವಿ ಆಡಳಿತ ನಡೆಸಿದ್ದೆವು. ಕಳೆದ ನಾಲ್ಕು ವರ್ಷಗಳಿಂದ ಸ್ವಚ್ಚ ನಗರಿ ಹಾಳಾಗಿದೆ. ಈಗ ಸ್ವಚ್ಛ ನಗರಿಯತ್ತ ಗಮನ ಕೊಡಬೇಕೇ ಹೊರತು ಈ ವಿಚಾರವಲ್ಲ ಎಂದರು. ಕೋಮುವಾದಿ ಬಿಜೆಪಿಯನ್ನು ದೂರ ಇಡಲು ಈ ಮೈತ್ರಿ ಎಂಬ ವಿಚಾರಕ್ಕೆ ಪ್ರತಿಕ್ರಿಯಿಸಿ, ಮೈಸೂರಲ್ಲಿ ಬಿಜೆಪಿಯನ್ನು ದೂರ ಇಡುವುದಾದರೇ 48 ಗಂಟೆಯೊಳಗೆ ತುಮಕೂರು ಪಾಲಿಕೆಯಲ್ಲಿ ಜೆಡಿಎಸ್-ಬಿಜೆಪಿ ಮೈತ್ರಿ ಹೇಗಾಯ್ತು? ಎಂಬುದಕ್ಕೆ ಉತ್ತರ ಕೊಡಿ. ರಾಜಕಾರಣದಲ್ಲಿ ಸೋಲು - ಗೆಲುವು ಸಹಜ. ಅದಕ್ಕೆ ತಲೆ ಕೆಡಿಸಿಕೊಳ್ಳಬಾರದು ಎಂದರು. ಇನ್ನು ಮೇಯರ್‌ ಚುನಾವಣೆಯಲ್ಲಿ ಪರಾಜಿತಗೊಂಡ ಸುನಂದಾ ಪಾಲನೇತ್ರ ರಾಜೀನಾಮೆ ಬಗ್ಗೆ ಗೊತ್ತಿಲ್ಲ. ಅದು ವೈಯುಕ್ತಿಕ ವಿಚಾರ ಎಂದರು.

from India & World News in Kannada | VK Polls https://ift.tt/3uFh6Xp

ಪೆಟ್ರೋಲ್, ಡೀಸೆಲ್‌ ಬೆಲೆ ಏರಿಕೆ, ಆಮ್ ಆದ್ಮಿ ಪಕ್ಷದಿಂದ ಪ್ರತಿಭಟನೆ

ಬೆಂಗಳೂರು: ಪೆಟ್ರೋಲ್, ಡೀಸೆಲ್‌ ದರ ಏರಿಕೆ ವಿರೋಧಿಸಿ ಆಮ್ ಆದ್ಮಿ ಪಕ್ಷದಿಂದ ಬೆಂಗಳೂರಿನಲ್ಲಿ ಶನಿವಾರ ಸರಣಿ ಪ್ರತಿಭಟನೆ ನಡೆಯಿತು. ಕೇಂದ್ರ ಹಾಗೂ ರಾಜ್ಯ ಸರ್ಕಾರದ ದುರಾಡಳಿತ ಜನಸಾಮಾನ್ಯರ ಕತ್ತನ್ನು ಹಿಸುಕುತ್ತಿದೆ. ನನಗೂ ದೇಶದ, ರಾಜ್ಯದ ಜನರಿಗೂ ಸಂಬಂಧವಿಲ್ಲದಂತೆ ಆಡಳಿತ ನಡೆಸುತ್ತಿರುವ ಬಿಜೆಪಿ ಸರ್ಕಾರದ ವಿರುದ್ದ ಬೆಂಗಳೂರು ನಗರದಾದ್ಯಂತ ಆಮ್ ಆದ್ಮಿ ಪಕ್ಷದ ಕಾರ್ಯಕರ್ತರು ಪ್ರತಿಭಟನೆ ಮೂಲಕ ಆಕ್ರೋಶ ವ್ಯಕ್ತಪಡಿಸಿದರು. ಬೆಂಗಳೂರು ನಗರದ ಪ್ರಮುಖ ಸ್ಥಳಗಳು ಹಾಗೂ 198 ವಾರ್ಡ್ ವ್ಯಾಪ್ತಿಯ ಎಲ್ಲಾ ಪೆಟ್ರೋಲ್ ಬಂಕ್‌ಗಳ ಬಳಿ ಜಮಾಯಿಸಿದ ಕಾರ್ಯಕರ್ತರು ಘೋಷಣೆ ಕೂಗಿ ಆಕ್ರೋಶ ವ್ಯಕ್ತಪಡಿಸಿದರು. ನಂತರ ಫೇಸ್‌ಬುಕ್ ಲೈವ್ ಮೂಲಕ ಜನರ ಅಭಿಪ್ರಾಯ ಸಂಗ್ರಹ ಮಾಡಿದರು. ಜಿಎಸ್‌ಟಿ, ನೋಟು ಅಮಾನ್ಯಿಕರಣ, ಕೊರೋನಾದಿಂದ ಜೀವನ ಮೂರಾಬಟ್ಟೆಯಾಗಿದೆ. ಆದರೆ ಪ್ರಧಾನಿ ಮೋದಿಯವರು ಅಂಬಾನ, ಅದಾನಿ ಗೆಳೆಯರ ಜೊತೆ ಸುಖವಾಗಿದ್ದಾರೆ ಹಾಗೂ ಮುಖ್ಯಮಂತ್ರಿ ಯಡಿಯೂರಪ್ಪ ಅವರು ಅಧಿಕಾರ ಉಳಿಸಿಕೊಳ್ಳಲು ಹೆಣಗಾಡುತ್ತಿದ್ದಾರೆ ಎಂದು ಸಾರ್ವಜನಿಕರು ಅಭಿಪ್ರಾಯ ವ್ಯಕ್ತಪಡಿಸಿದರು. ಮಾಗಡಿ ರಸ್ತೆಯ ಟೋಲ್ ಗೇಟ್, ರಾಜಾಜಿನಗರ ವಿಧಾನಸಭಾ ಕ್ಷೇತ್ರದ ಪ್ರಕಾಶ್ ನಗರ ವಾರ್ಡ್, ಅಯೋಧ್ಯ ಹೋಟೆಲ್, ಬಸವೇಶ್ವರ ನಗರದ ಟೋಟಲ್ ಗ್ಯಾಸ್ ಸ್ಟೇಷನ್, ಗಂಗಮ್ಮ ತಿಮ್ಮಯ್ಯ ಕಮ್ಯನಿಟಿ ಹಾಲ್ ಬಂಕ್, ಡಾ.ರಾಜ್‌ಕುಮಾರ್ ರಸ್ತೆಯ ಶ್ರೀರಾಮ ಮಂದಿರ ವಾರ್ಡ್, ಕೆ.ಜಿ.ಹಳ್ಳಿ, ಶಾಂತಿನಗರ, ಆರ್.ಆರ್.ನಗರ, ಮಲ್ಲೇಶ್ವರಂ, ಬಿಟಿಎಂ ಲೇಔಟ್, ಕೋರಮಂಗಲ, ಸರ್ವಜ್ಞ ನಗರ, ಪುಲಕೇಶಿ ನಗರ, ಎಂ.ಜಿ.ರಸ್ತೆ, ಯಲಹಂಕ, ವಿಧಾನಸೌಧ ಸುತ್ತಾಮುತ್ತಾ ಸೇರಿದಂತೆ ಅನೇಕ ಕಡೆ ಪ್ರತಿಭಟನೆ ನಡೆಸಲಾಯಿತು. ಚಾಮರಾಜಪೇಟೆ, ಪಾದರಾಯನಪುರ, ಚಿಕ್ಕಪೇಟೆ ಭಾಗದಲ್ಲಿ ಆಟೋ ಚಾಲಕರು ಪ್ರತಿಭಟನೆಗೆ ಕೈ ಜೋಡಿಸಿದರು. ಮಲ್ಲೇಶ್ವರಂನ ಕಾಡು ಮಲ್ಲೇಶ್ವರ ವಾರ್ಡ್ ಸೇರಿದಂತೆ ಅನೇಕ ಕಡೆ ನಾಗರೀಕರು ತಮ್ಮ ಮನೆಯ ಮುಂದೆ ಬಿತ್ತಿಫಲಕ ಪ್ರದರ್ಶಿಸಿ ಪ್ರತಿಭಟನೆಗೆ ಬೆಂಬಲ ಸೂಚಿಸಿದರು.

from India & World News in Kannada | VK Polls https://ift.tt/37TAC8P