ಮಕ್ಕಳು, ಯುವಜನಾಂಗ, ಮಧ್ಯ ವಯಸ್ಕರು ಎಂಬ ವಯೋ ಭೇದವಿಲ್ಲದೆ ಇಂದಿನ ಕಾಲದಲ್ಲಿ ಎಲ್ಲರೂ ದಾಸರೇ. ಶಿಕ್ಷಣ , ಉದ್ಯೋಗ ಕ್ಷೇತ್ರದಲ್ಲಿ ಸಾಧನೆ ಮಾಡಿದವರು ಫೇಸ್‌ಬುಕ್ ಎಂದಾಕ್ಷಣ ಟೈಮ್ ವೇಸ್ಟ್ ಎಂದು ಬಿಡುತ್ತಾರೆ. ಅದರಿಂದ ದೂರವಿದ್ದುದೇ ನಮ್ಮ ಸಾಧನೆಗೆ ಕಾರಣ ಎಂದಿದ್ದನ್ನು ಸಹ ಕೇಳಿದ್ದೇವೆ. ಆದರೆ. ಉತ್ತರ ಪ್ರದೇಶದ ಈ ವ್ಯಕ್ತಿ ಫೇಸ್‌ಬುಕ್ ಸಹಾಯದಿಂದ ಪರೀಕ್ಷೆಯನ್ನು ಪಾಸು ಮಾಡಿದ್ದಾರೆ. ಅದೇಗೆ ಅಂತೀರಾ? ತಿಳಿಯಲು ಮುಂದೆ ಓದಿ. ಗೋರಖ್‌ಪುರದ ಹಿಂದುಳಿದ ಗ್ರಾಮ ಸಿದ್ದಾರ್ಥನಗರದ ನಿವಾಸಿಯಾಗಿದ್ದ ಅಂಜಯ್ ತಿವಾರಿಗೆ ಚಿಕ್ಕಂದಿನಿಂದ ಐಎಎಸ್ ಕನಸಿತ್ತು. ಮತ್ತವರು 2012ರಲ್ಲಿ 750ನೇ ಶ್ರೇಯಾಂಕದೊಂದಿಗೆ ಯುಪಿಎಸ್‌ಸಿ ಪರೀಕ್ಷೆ ತೇರ್ಗಡೆಯಾಗಿದ್ದಾರೆ. 12ನೇ ತರಗತಿ ತೇರ್ಗಡೆಯಾದಾಗಿನಿಂದ ಅವರು ಐಎಎಸ್‌ಗಾಗಿ ಅಧ್ಯಯನ ಮಾಡಲು ಆರಂಭಿಸಿದ್ದರು. ಹಿಂದುಳಿದ ಗ್ರಾಮದ ನಿವಾಸಿಯಾಗಿದ್ದ ಅವರಿಗೆ ಅಲ್ಲಿ ಅಧ್ಯಯನಕ್ಕೆ ಪೂರಕವಾದ ಯಾವುದೇ ಸೌಕರ್ಯಗಳಿರಲಿಲ್ಲ. ಹೀಗಾಗಿ ಅಂತರ್ಜಾಲ ಮತ್ತು ಇ- ಪೇಪರ್ ಅಷ್ಟೇ ಅವರ ಓದಿನ ಮೂಲವಾಗಿತ್ತು. ಮೊದಲ ಬಾರಿಗೆ ಫೇಸ್‌ಬುಕ್ ಬಗ್ಗೆ ತಿಳಿದುಕೊಂಡಾಗ ಇದು ಟೈಮ್ ವೇಸ್ಟ್ ಎಂದೇ ಅವರು ಭಾವಿಸಿದ್ದರು. ಆದರೆ ಸ್ನೇಹಿತರ ಸಲಹೆಯಂತೆ ಫೇಸ್‌ಬುಕ್ ಖಾತೆ ಆರಂಭಿಸಿದ ಅವರು ಅಲ್ಲಿಂದಲೇ ಪ್ರಚಲಿತ ವಿದ್ಯಮಾನ ಸೇರಿದಂತೆ, ವಿವಿಧ ವಿಷಯಗಳ ಬಗ್ಗೆ ಸಮಗ್ರ ಜ್ಞಾನ ಪಡೆದುಕೊಂಡರು. ಅವರ ಸ್ನೇಹಿತರು ಆರಂಭಿಸಿದ ಫೇಸ್‌ಬುಕ್ ಗ್ರೂಪ್‌ನಲ್ಲಿ ಅವರಿಗೆ ಎಲ್ಲ ಮಾಹಿತಿ ಸಿಗುತ್ತಿತ್ತು. ಇದು IAS ಪಾಸ್ ಮಾಡಲು ಅವರಿಗೆ ಸಹಾಯ ಮಾಡಿತು. ನೋಡಿದ್ರಾ ಫೇಸ್‌ಬುಕ್‌ನಿಂದ ಸಮಯ ಹಾಳು ಅಷ್ಟೇ ಅಲ್ಲ, ಸದ್ಬಳಕೆ ಮಾಡಿಕೊಂಡರೆ ನಿಜಕ್ಕೂ ಸಹಾಯಕಾರಿ...
from India & World News in Kannada | VK Polls https://ift.tt/2KFq1oa
