ಲಂಡನ್: ಐಸಿಸಿ 2019 ಏಕದಿನ ವಿಶ್ವಕಪ್‌ನಲ್ಲಿ ಮಂಗಳವಾರ ನಡೆದ ಪಂದ್ಯದಲ್ಲಿ ಆತಿಥೇಯ ತಂಡವನ್ನು ಮಣಿಸಿರುವ ಐದು ಬಾರಿಯ ಹಾಗೂ ಹಾಲಿ ಚಾಂಪಿಯನ್ ಆಸ್ಟ್ರೇಲಿಯಾ ಸೆಮಿಫೈನಲ್ ಪ್ರವೇಶಿಸಿದ ಮೊದಲ ತಂಡವೆಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಇದರೊಂದಿಗೆ ಟೈಟಲ್ ಫೇವರಿಟ್ ಇಂಗ್ಲೆಂಡ್ ಸೆಮಿಫೈನಲ್ ಪ್ರವೇಶ ಮತ್ತಷ್ಟು ಕಠಿಣವೆನಿಸಿದೆ. ಅಲ್ಲದೆ ಮುಂದಿನ ಎರಡು ಪಂದ್ಯಗಳನ್ನು ಗೆಲ್ಲಲೇಬೇಕಾದ ಒತ್ತಡಕ್ಕೆ ಸಿಲುಕಿದೆ. ಹಾಗೊಂದು ವೇಳೆ ಶ್ರೀಲಂಕಾ ಉಳಿದಿರುವ ಎಲ್ಲ ಪಂದ್ಯಗಳಲ್ಲಿ ಗೆಲುವು ದಾಖಲಿಸಿದರೆ ಇಂಗ್ಲೆಂಡ್ ಸೆಮಿಫೈನಲ್ ಕನಸು ಭಗ್ನಗೊಳ್ಳುವ ಸಾಧ್ಯತೆಯಿದೆ. ಒಟ್ಟಾರೆಯಾಗಿ ಉಳಿದ ಮೂರು ಸ್ಥಾನಗಳಿಗಾಗಿ ಆರು ತಂಡಗಳ ನಡುವೆ ನಿಕಟ ಪೈಪೋಟಿ ಏರ್ಪಟ್ಟಿದೆ. ಈ ಪೈಕಿ ನ್ಯೂಜಿಲೆಂಡ್ ಹಾಗೂ ಭಾರತ ತಂಡಗಳು ಸೆಮಿಫೈನಲ್ ಹಂತದ ನಿಕಟದಲ್ಲಿದೆ. ಉಳಿದಿರುವ ಮೂರು ಪಂದ್ಯಗಳಲ್ಲಿ ಇನ್ನೊಂದು ಪಂದ್ಯ ಗೆದ್ದರೆ ನ್ಯೂಜಿಲೆಂಡ್ ಸೆಮಿಫೈನಲ್ ಟಿಕೆಟ್ ಬುಕ್ ಮಾಡಲಿದೆ. ಹಾಗೆಯೇ ಭಾರತ ಕೂಡಾ ಉಳಿದಿರುವ ನಾಲ್ಕು ಪಂದ್ಯಗಳಲ್ಲಿ ಎರಡನ್ನು ಗೆದ್ದರೆ ಫೈನಲ್ ಪ್ರವೇಶವನ್ನು ಖಚಿತ ಮಾಡಲಿದೆ. ಇನ್ನು ಆತಿಥೇಯ ಇಂಗ್ಲೆಂಡ್ ಜತೆಗೆ ಬಾಂಗ್ಲಾದೇಶ, ಶ್ರೀಲಂಕಾ ಹಾಗೂ ಪಾಕಿಸ್ತಾನ ತಂಡಗಳು ಸೆಮಿಫೈನಲ್ ರೇಸ್‌ನಲ್ಲಿದೆ. ಲೆಕ್ಕಾಚಾರದಲ್ಲಿ ವೆಸ್ಟ್‌ಇಂಡೀಸ್ ಕೂಡಾ ಇನ್ನು ಹೊರಬಿದ್ದಿಲ್ಲ. ಸದ್ಯ ಅಫಘಾನಿಸ್ತಾನ ಜತೆಗೆ ಅಫಘಾನಿಸ್ತಾನ ತಂಡಗಳು ನಿರ್ಗಮನದ ಹಾದಿ ಹಿಡಿದಿದೆ. ಸದ್ಯದ ಅಂಕಪಟ್ಟಿ ಇಂತಿದೆ: ಆಸ್ಟ್ರೇಲಿಯಾ: ಪಂದ್ಯ: 7, ಗೆಲುವು: 6, ಸೋಲು: 1 ಫಲಿತಾಂಶವಿಲ್ಲ: 0, ಅಂಕಗಳು: 12, ರನ್‌ರೇಟ್: +0.906 ನ್ಯೂಜಿಲೆಂಡ್: ಪಂದ್ಯ: 6, ಗೆಲುವು: 5, ಸೋಲು: 0 ಫಲಿತಾಂಶವಿಲ್ಲ: 1, ಅಂಕಗಳು: 11, ರನ್‌ರೇಟ್: +1.306 ಭಾರತ: ಪಂದ್ಯ: 5, ಗೆಲುವು: 4, ಸೋಲು: 0 ಫಲಿತಾಂಶವಿಲ್ಲ: 1, ಅಂಕಗಳು: 9, ರನ್‌ರೇಟ್: +0.809 ಇಂಗ್ಲೆಂಡ್: ಪಂದ್ಯ: 7, ಗೆಲುವು: 4, ಸೋಲು: 3 ಫಲಿತಾಂಶವಿಲ್ಲ: 0, ಅಂಕಗಳು: 8, ರನ್‌ರೇಟ್: +1.051 ಬಾಂಗ್ಲಾದೇಶ: ಪಂದ್ಯ: 7, ಗೆಲುವು: 3, ಸೋಲು: 3 ಫಲಿತಾಂಶವಿಲ್ಲ: 1, ಅಂಕಗಳು: 7, ರನ್‌ರೇಟ್: -0.133 ಶ್ರೀಲಂಕಾ: ಪಂದ್ಯ: 6, ಗೆಲುವು: 2, ಸೋಲು: 2 ಫಲಿತಾಂಶವಿಲ್ಲ: 2, ಅಂಕಗಳು: 6, ರನ್‌ರೇಟ್: -1.119 ಪಾಕಿಸ್ತಾನ: ಪಂದ್ಯ: 6, ಗೆಲುವು: 2, ಸೋಲು: 3 ಫಲಿತಾಂಶವಿಲ್ಲ: 1, ಅಂಕಗಳು: 5, ರನ್‌ರೇಟ್: -1.265 ವೆಸ್ಟ್‌ಇಂಡೀಸ್: ಪಂದ್ಯ: 6, ಗೆಲುವು: 1, ಸೋಲು: 4 ಫಲಿತಾಂಶವಿಲ್ಲ: 0, ಅಂಕಗಳು: 3, ರನ್‌ರೇಟ್: +0.190 ದ.ಆಫ್ರಿಕಾ: ಪಂದ್ಯ: 7, ಗೆಲುವು: 1, ಸೋಲು: 5 ಫಲಿತಾಂಶವಿಲ್ಲ: 1, ಅಂಕಗಳು: 3, ರನ್‌ರೇಟ್: -0.324 ಅಫಘಾನಿಸ್ತಾನ: ಪಂದ್ಯ: 7, ಗೆಲುವು: 0, ಸೋಲು: 7 ಫಲಿತಾಂಶವಿಲ್ಲ: 0, ಅಂಕಗಳು: 0, ರನ್‌ರೇಟ್: -1.634
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2J698jb
