ಮ್ಯಾಂಚೆಸ್ಟರ್: ಐಸಿಸಿ 2019 ಏಕದಿನ ವಿಶ್ವಕಪ್‌ನಲ್ಲಿ ಗುರುವಾರ ವೆಸ್ಟ್‌ಇಂಡೀಸ್ ವಿರುದ್ಧ ನಡೆಯುತ್ತಿರುವ ಪಂದ್ಯದಲ್ಲಿ ಭಾರತದ ಓಪನರ್ ವಿವಾದಾತ್ಮಕ ಡಿಶಿಷನ್ ರಿವ್ಯೂ ಸಿಸ್ಟಂ ತೀರ್ಪಿಗೆ ಬಲಿಯಾಗಿದ್ದಾರೆ. ಡಿಆರ್‌ಎಸ್ ತಂತ್ರಜ್ಞಾನ ಆಳವಡಿಕೆಯಾದ ಸಂದರ್ಭದಿಂದಲೇ ನಿಖರತೆ ಬಗ್ಗೆ ಭಾರಿ ಸಂದೇಹಗಳು ಸೃಷ್ಟಿಯಾಗಿದೆ. ಇದಕ್ಕೊಂದು ಸೇರ್ಪಡೆಯೆಂಬಂತೆ ರೋಹಿತ್ ವಿಕೆಟ್ ಹೆಚ್ಚಿನ ಚರ್ಚೆಗೆ ಗ್ರಾಸವಾಗಿದೆ. ವಿಂಡೀಸ್ ವೇಗಿ ಕೆಮರ್ ರೂಚ್ ಎಸೆದ ಭಾರತದ ಇನ್ನಿಂಗ್ಸ್‌ನ ಆರನೇ ಓವರ್‌ನ ಅಂತಿಮ ಎಸೆತದಲ್ಲಿ ಘಟನೆ ನಡೆದಿತ್ತು. ರೋಹಿತ್ ಬ್ಯಾಟ್ ಹಾಗೂ ಪ್ಯಾಡ್ ಮಧ್ಯೆ ಚೆಂಡು ವಿಕೆಟ್ ಕೀಪರ್ ಶಾಯ್ ಹೋಪ್ ಕೈಸೇರಿತ್ತು. ವಿಂಡೀಸ್ ಬೌಲರ್ ಹೊರತಾಗಿ ಇತರೆ ಆಟಗಾರರು ರಿವ್ಯೂ ಮಾಡಲು ಅಷ್ಟೊಂದು ಆಸಕ್ತಿ ತೋರಿರಲಿಲ್ಲ. ಬಳಿಕ ಡಿಆರ್‌ಎಸ್ ರಿವ್ಯೂ ಪರೀಶೀಲಿಸಿದಾಗ ಬ್ಯಾಟ್‌ಗೆ ಚೆಂಡು ತಗುಲಿದೆಯೇ ಎಂಬುದು ಸ್ಪಷ್ಟವಾಗಿರಲಿಲ್ಲ. ಬ್ಯಾಟ್ ಹಾಗೂ ಚೆಂಡು ನಡುವೆ ಅಂತರ ಕೂಡಾ ಕಾಣ ಸಿಗುತ್ತಿತ್ತು. ಆದರೆ ಅಲ್ಟ್ರಾ ಎಡ್ಜ್‌ನಲ್ಲಿ ಔಟ್ ಎಂದು ದಾಖಲಾಗಿದ್ದರಿಂದ ಥರ್ಡ್ ಅಂಪೈರ್ ಔಟ್ ನಿರ್ಧಾರವನ್ನು ನೀಡಿದರು. ಬಳಿಕ ಅಂಪೈರ್ ನಿರ್ಧಾರವನ್ನು ನಂಬಲಾಗದ ರೋಹಿತ್ ನಗುತ್ತಲೇ ಕ್ರೀಸ್ ತೊರೆದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2FAv5pG
