ಜಮ್ಮು: ಜಮ್ಮು ಮತ್ತು ಕಾಶ್ಮೀರದ ವಾರ್ಷಿಕ ಅಮರನಾಥ ಯಾತ್ರೆಗೆ ಜಮ್ಮುವಿನ ಭಗವತಿ ನಗರ್ ಮೂಲ ಶಿಬಿರದಿಂದ 2,200 ಯಾತ್ರಾರ್ಥಿಗಳ ಮೊದಲ ತಂಡ ಯಾತ್ರೆ ಆರಂಭಿಸಿದೆ. ಬಿಗಿ ಭದ್ರತೆಯೊಂದಿಗೆ ಕಾಶ್ಮೀರ ಕಣಿವೆಯತ್ತ ತೆರಳಿದೆ. ದೇಶದ ವಿವಿಧ ಭಾಗಗಳ 1,839, ಪುರುಷರು, 333 ಮಹಿಳೆಯರು, 17 ಮಕ್ಕಳು ಮತ್ತು 45 ಸಾಧು - ಸಾಧ್ವಿಯರು 93 ವಾಹನಗಳಲ್ಲಿ ಯಾತ್ರೆ ಕೈಗೊಂಡಿದ್ದಾರೆ. ಜಮ್ಮು ಕಾಶ್ಮೀರದ ರಾಜ್ಯಪಾಲರ ಸಲಹೆಗಾರ ಕೆ.ಕೆ.ಶರ್ಮಾ ಮೂಲ ಶಿಬಿರದಲ್ಲಿ ವಿಶೇಷ ಪೂಜೆ ನಂತರ ಮಂತ್ರ ಪಠಣದ ನಡವೆ ಮೊದಲ ತಂಡದ ಯಾತ್ರೆಗೆ ಹಸಿರು ನಿಶಾನೆ ತೋರಿದರು. ಭದ್ರತಾ ಕ್ರಮವಾಗಿ ಕೇಂದ್ರೀಯ ಮೀಸಲು ಪಡೆ ಸಿಆರ್‌ಪಿಎಫ್ ರಾಜ್ಯ ಪೊಲೀಸ್ ಮತ್ತು ಸಶಸ್ತ್ರ ಪೊಲೀಸ್ ಸಿಬ್ಬಂದಿಯನ್ನು ಜಮ್ಮು ನಗರದಲ್ಲಿ ಮತ್ತು ಹೆದ್ದಾರಿಯಲ್ಲಿ ನಿಯೋಜಿಸಲಾಗಿದೆ. ಸುಗಮ ಮತ್ತು ಶಾಂತಿಯುತ ಯಾತ್ರೆಗೆ ಅಗತ್ಯ ಕ್ರಮ ಕೈಗೊಳ್ಳಲಾಗಿದೆ . ಕೋಮು ಸೌಹಾರ್ದತೆ ಮತ್ತು ಸಹೋದರತೆಯ ಸಂಕೇತವಾಗಿ ಶಾಂತಿಯುತವಾಗಿ ನೆರವೇರಲಿದೆ ಎಂದು ಸಿಆರ್ ಪಿಎಫ್ ಐಜಿ ರವಿದೀಪ್ ಸಹಾಯ್ ಹೇಳಿದ್ದಾರೆ. ಅನಂತ್ ನಾಗ್ ಜಿಲ್ಲೆಯ ಪಹಲ್ಗಾಮ್ ಮೂಲ ಶಿಬಿರದಿಂದ ಮತ್ತೊಂದು ಯಾತ್ರಾರ್ಥಿಗಳ ತಂಡ ಪವಿತ್ರ ಗುಹೆಯಲ್ಲಿನ ಶಿವನ ದರ್ಶನಕ್ಕೆ ಪ್ರಯಾಣ ಬೆಳಸಲಿದೆ. ಆಗಸ್ಟ್ 15ರಂದು ಅಮರನಾಥ್ ಯಾತ್ರೆಗೆ ತೆರೆ ಬೀಳಲಿದೆ.
from India & World News in Kannada | VK Polls https://ift.tt/2XeWFn6
