ಹೈದರಾಬಾದ್‌: ಇಂಗ್ಲೆಂಡ್‌ನ ವಿದ್ಯಾರ್ಥಿ ವಿಸಾಗೆ ಸಲ್ಲಿಕೆಯಾಗುತ್ತಿರುವ ಅರ್ಜಿಗಳ ಸಂಖ್ಯೆ ಅತ್ಯಂತ ವೇಗವಾಗಿ ವೃದ್ಧಿಸುತ್ತಿದೆ. ಚೀನಾದ ನಂತರದ ಸ್ಥಾನವನ್ನು ಭಾರತ ಪಡೆದಿದೆ. ಅಮೆರಿಕ ಮೂರನೇ ಸ್ಥಾನದಲ್ಲಿದೆಯ ಏಪ್ರಿಲ್‌ 2018 ಇಂದ ಮಾರ್ಚ್‌ 2019 ರ ನಡುವಿನ ಅವಧಿಯಲ್ಲಿ ವಿದ್ಯಾರ್ಥಿ ವಿಸಾಗೆ ಪ್ರಯತ್ನಿಸಿದವರ ಸಂಖ್ಯೆಯ ವಿವರವನ್ನು ಇಂಗ್ಲೆಂಡ್‌ ಗೃಹ ಕಚೇರಿಯ ಮತ್ತು ವಲಿಸಿಗರ ನಿರ್ವಹಣಾ ವಿಭಾಗದ ಪ್ರಾದೇಶಿಕ ಸಂಪರ್ಕ ಅಧಿಕಾರಿ ಹ್ಯಾಪಿ ಬೂಟಿ ನೀಡಿದ್ದಾರೆ. ಭಾರತೀಯ ವಿದ್ಯಾರ್ಥಿಗಳ ವೀಸಾ ಸಂಖ್ಯೆ 21,500 ಇದೆ. ಚೀನಾದ ವಿದ್ಯಾರ್ಥಿ ವೀಸಾ ಸಂಖ್ಯೆ ಸುಮಾರು 1,00,000 ಇದೆ. ಇನ್ನು ಅಮೆರಿಕದ ಟೈರ್‌-4 ವೀಸಾ ವಿಭಾಗದಲ್ಲಿ 15,000 ವಿದ್ಯಾರ್ಥಿಗಳ ಸಂಖ್ಯೆಯಿದೆ ಎಂದು ಹ್ಯಾರಿ ಬೂಟಿ ತಿಳಿಸಿದ್ದಾರೆ. ಬ್ರೆಕ್ಸಿಟ್‌ನಿಂದ ಭಾರತೀಯ ವಿದ್ಯಾರ್ಥಿಗಳಿಗೆ ಯಾವುದೇ ಪರಿಣಾಮ ಸಂಭವಿಸಿಲ್ಲ. ಇಂಗ್ಲೆಂಡ್‌ಗೆ ಆಗಮಿಸುತ್ತಿರುವ ಭಾರತೀಯ ವಿದ್ಯಾರ್ಥಿಗಳ ಸಂಖ್ಯೆ ಹೆಚ್ಚುತ್ತಿದೆ. ಕಳೆದ ಮೂರು ವರ್ಷಗಳಲ್ಲಿ ವಿದ್ಯಾರ್ಥಿ ವೀಸಾ ಅರ್ಜಿಗಳ ಸಂಖ್ಯೆ ದ್ವಿಗುಣಗೊಂಡಿದೆ ಎಂದು ಹ್ಯಾರಿ ವಿವರಿಸಿದ್ದಾರೆ. ಭಾರತದಲ್ಲಿ ದಿಲ್ಲಿ ಮತ್ತು ಮುಂಬಯಿನಿಂದ ಅತಿಹೆಚ್ಚು ಅರ್ಜಿಗಳು ಬರುತ್ತವೆ. ತೆಲಂಗಾಣದಿಂದಲೂ ಭಾರಿ ಬೇಡಿಕೆ ವ್ಯಕ್ತವಾಗಿದೆ ಎಂದು ಸಂಕ್ಷಿಪ್ತ ಅಂಕಿಅಂಶಗಳನ್ನು ನೀಡದೆ ಮೇಲ್ಮುಖವಾಗಿ ಹ್ಯಾರಿ ವಿವರಿಸಿದ್ದಾರೆ.
from India & World News in Kannada | VK Polls https://ift.tt/2KOdBdJ
