ಹೊಸದಿಲ್ಲಿ: ಪುಟ್ಟ ಮಕ್ಕಳು ತುಂಬಾ ತುಂಟರಾಗಿರುತ್ತರೆ. ನಿಂತಲ್ಲಿ ನಿಲ್ಲುವುದಿಲ್ಲ. ಕಣ್ಣ ಮುಂದೆ ಇದ್ದವರು ತಿರುಗಿ ನೋಡುವುದರೊಳಗೆ ಮತ್ತೆಲ್ಲೋ ಹೋಗಿ ಬಿಟ್ಟಿರುತ್ತಾರೆ. ಅವರ ಮೇಲೆ ಎಷ್ಟೇ ನಿಗಾ ಇಟ್ಟರೂ ಕಣ್ಣು ತಪ್ಪಿಸಿ ತರಲೆ ಕೆಲಸಗಳನ್ನು ಮಾಡಿಬಿಡುತ್ತಾರೆ. ಕೆಲವೊಮ್ಮೆ ಅವರ ಈ ತರಲೆ ಗುಣ ಅಪಾಯಕ್ಕೂ ಕಾರಣವಾಗಬಹುದು. ಟರ್ಕಿಯ ಇಸ್ತಾಂಬುಲ್‌ನಲ್ಲಿ ನಡೆದಿದ್ದು ಸಹ ಇದೇ. ಆ ಕುಟುಂಬ ವಸತಿ ಸಂಕೀರ್ಣದ ಎರಡನೇ ಮಹಡಿಯಲ್ಲಿ ವಾಸವಾಗಿತ್ತು. ತಾಯಿ ಅಡುಗೆ ಮನೆಯಲ್ಲಿ ವ್ಯಸ್ತಳಾಗಿದ್ದ ಸಂದರ್ಭದಲ್ಲಿ ಮಗು ಕಿಟಕಿಯಿಂದ ಕೆಳಕ್ಕೆ ಬಿದ್ದಿದೆ. ರಸ್ತೆಯಲ್ಲಿ ಸಾಗುತ್ತಿದ್ದ ಯುವಕನೊಬ್ಬ ಮಿಂಚಿನ ವೇಗದಲ್ಲಿ ಆ ಮಗುವನ್ನು ಕ್ಯಾಚ್ ಹಿಡಿದಿದ್ದಾನೆ. ಸಿಸಿ ಟಿವಿಯಲ್ಲಿ ಸೆರೆಯಾಗಿದ್ದ ಈ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಯುವಕನನ್ನು ಜನ ಹೀರೋನಂತೆ ನೋಡುತ್ತಿದ್ದಾರೆ. ಈ ಘಟನೆ ಜೂನ್ 20ಕ್ಕೆ ನಡೆದಿದ್ದು ಎಂದು ಹೇಳಲಾಗುತ್ತಿದ್ದು, ಮಗುವಿಗೆ ಗೀರು ಗಾಯವೂ ಸಹ ಆಗಿಲ್ಲ, ಅದು ಸುರಕ್ಷಿತವಾಗಿದೆ ಎಂದು ತಿಳಿದುಬಂದಿದೆ. ಮಗು 2 ವರ್ಷದ ಪ್ರಾಯದ್ದಾಗಿದ್ದು, ಯುವಕ ಅದೇ ಗಲ್ಲಿಯಲ್ಲಿರುವ ಅಂಗಡಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದ ಎನ್ನಲಾಗುತ್ತಿದೆ.
from India & World News in Kannada | VK Polls https://ift.tt/2JcFclt
