ಮನುಷ್ಯನ ಸ್ವಾರ್ಥ ಸ್ವರ್ಗಕ್ಕಿಂತ ಮಿಗಿಲಾದ ಪ್ರಕೃತಿಯನ್ನು ನರಕವಾಗಿಸುತ್ತಿದೆ. ಮನುಷ್ಯನ ತಪ್ಪಿಗೆ ಪ್ರಕೃತಿ ಶಿಕ್ಷೆ ಕೊಟ್ಟೇ ಕೊಡುತ್ತದೆ. ಆದರೆ ಅದರ ಪರಿಣಾಮ ಮನುಷ್ಯನಿಗಿಂತ ಮೊದಲು ಮೂಕ ಪ್ರಾಣಿ-ಪಕ್ಷಿಗಳಿಗೆ ಆಗುತ್ತಿರುವುದೇ ವಿಪರ್ಯಾಸ. ಪ್ಲಾಸ್ಟಿಕ್, ಇ ತ್ಯಾಜ್ಯ ಸಮುದ್ರವನ್ನು ಕಲುಷಿತಗೊಳಿಸುತ್ತಿದೆ. ಚಿರತೆ, ಹುಲಿ, ಆನೆಗಳಂತಹ ಕಾಡು ಪ್ರಾಣಿಗಳು ಆಹಾರವನ್ನು ಹುಡುಕಿಕೊಂಡು ಕಾಡಿನಿಂದ ನಾಡಿಗೆ ಬರುತ್ತಿವೆ. ಲಕ್ಷಾಂತರ ಜೀವಿಗಳು ಕುರುಹೇ ಇಲ್ಲದಂತೆ ಅಳಿದು ಹೋಗಿವೆ. ಇದೆಲ್ಲ ಮನುಷ್ಯನ ಕರ್ಮ ಫಲ. ಪ್ಲಾಸ್ಟಿಕ್ ತ್ಯಾಜ್ಯ ಜಗತ್ತನ್ನು ಬಾಧಿಸುತ್ತಿರುವ ಬಹುದೊಡ್ಡ ಸಮಸ್ಯೆ. ಅದರ ಜತೆಗೆ ಇನ್ನೊಂದು ತ್ಯಾಜ್ಯ ವಸ್ತು ನಮ್ಮ ಸಮುದ್ರ ತೀರಗಳಲ್ಲಿ ರಾಶಿ ಬೀಳುತ್ತಿದೆ. ಇದು ಜಲಚರ ಮತ್ತು ಇತರ ಜೀವಿಗಳ ಪಾಲಿಗೆ ಬಹುದೊಡ್ಡ ಅಪಾಯವನ್ನು ಸೃಷ್ಟಿಸಿದೆ - ಅದೇ ಸಿಗರೇಟ್ ತುಂಡು. ನ್ಯಾಷನಲ್ ಆಡೊನಾನ್ ಸೊಸೈಟಿಯ ಸ್ವಯಂಸೇವಕ ಮತ್ತು ಛಾಯಾಗ್ರಾಹಕರಾಗಿರುವ ಕರೆನ್ ಮೇಸನ್ ಅವರು ಕ್ಲಿಕ್ಕಿಸಿರುವ ಚಿತ್ರವೊಂದು ನಾವು ವನ್ಯಜೀವಿಗಳ ಪಾಲಿಗೆ ಎಂತಹ ಅಪಾಯವನ್ನು ತಂದೊಡ್ಡಿದ್ದೇವೆ ಎಂಬುದನ್ನು ಸ್ಪಷ್ಟವಾಗಿ ತೋರಿಸುತ್ತದೆ. ಈ ಚಿತ್ರದಲ್ಲಿ ತಾಯಿ ಹಕ್ಕಿಯೊಂದು ಮರಿಗೆ ಆಹಾರವಾಗಿ ಸಿಗರೇಟ್ ತುಂಡನ್ನು ತಿನ್ನಿಸುತ್ತಿದೆ. ಅಂದರೆ ನೇರವಾಗಿ ವಿಷವನ್ನು ಉಣ್ಣಿಸುತ್ತಿದೆ. ಕಾರಣ ಅವುಗಳ ಪಾಲಿಗೆ ಆಹಾರವಿಲ್ಲ. ಬದಲಾಗಿ ಇರುವುದು ಈ ವಿಷಯ ತುಣುಕು. ಪ್ರತಿವರ್ಷ 5.5 ಟ್ರಿಲಿಯನ್ ಫಿಲ್ಟರ್ ಸಿಗರೇಟ್ ಅನ್ನು ಪರಿಸರದಲ್ಲಿ ಎಸೆಯಲಾಗುತ್ತದೆ ಎಂದು ಸ್ಯಾನ್ ಡಿಯಾಗೋ ಸ್ಟೇಟ್ ಯೂನಿವರ್ಸಿಟಿ ಗ್ರಾಜುಯೇಟ್ ಸ್ಕೂಲ್ ಆಫ್ ಪಬ್ಲಿಕ್ ಹೆಲ್ತ್ ನಡೆಸಿದ ಅಭಿಯಾನದಿಂದ. ಪ್ಲಾಸ್ಟಿಕ್ ಸ್ಟ್ರಾಗಳಿಗಿಂತ, ಸಿಗರೇಟ್ ತುಂಡುಗಳು ನಮ್ಮ ಸಾಗರಗಳಿಗೆ ದೊಡ್ಡ ಅಪಾಯವಾಗಿದೆ ಎಂದು ವರದಿಯೊಂದು ಕಂಡುಹಿಡಿದಿದೆ.
from India & World News in Kannada | VK Polls https://ift.tt/2X5RP6N
