ಅನಂತಪುರಂ: ಆಂಧ್ರ ಪ್ರದೇಶದ ಗುಂಟ್ಕಲ್‌ನಲ್ಲಿ ಇತ್ತೀಚಿಗೆ ಭಿಕ್ಷುಕನೊಬ್ಬ ಸಾವನ್ನಪ್ಪಿದ. ಅವನ ಚೀಲವನ್ನು ಪರಿಶೀಲಿಸಿದ ಪೊಲೀಸರು ಒಂದು ಕ್ಷಣ ದಿಗ್ಮೂಢರಾಗಿಬಿಟ್ಟರು. ಕಾರಣ ಕಾಯಿಲೆಯಿಂದ ನರಳಿ ನರಳಿ ಸಾವನ್ನಪ್ಪಿದ ಆತನ ಚೀಲದಲ್ಲಿ ಬರೋಬ್ಬರಿ 3 ಲಕ್ಷ ರೂ ಹಣವಿತ್ತು. ಮೃತ ಬಶೀರ್ ಸಾಹೇಬ್ 70ನೇ ವಯಸ್ಸಿಗೆ ಸಾವನ್ನಪ್ಪಿದ್ದು ಆತ ಚಿತ್ತೂರುಜಿಲ್ಲೆಯ ಮದನಪಲ್ಲಿ ಮೂಲದವನಾಗಿದ್ದ, ಕಳೆದ ಹಲವು ವರ್ಷಗಳಿಂದ ಆತ ಮಸ್ತಾನ್ ವಾಲಿ ದರ್ಗಾ ಬಳಿ ಭಿಕ್ಷೆ ಎತ್ತುತ್ತಿದ್ದ. ಕಳೆದ ಕೆಲ ದಿನಗಳ ಗಿಂದೆ ಆತ ಕಾಯಿಲೆಯಿಂದ ಬಳಲುತ್ತಿದ್ದು ಗುರುವಾರ ರಾತ್ರಿ ಸಾವನ್ನಪ್ಪಿದ್ದ, ಈ ಕುರಿತು ಮಾಹಿತಿ ಪಡೆದು ದರ್ಗಾ ಬಳಿ ಆಗಮಿಸಿದ ಗುಂಟ್ಕಲ್ ನಗರ ಪೊಲೀಸರು ಸಾಹೇಬ್ ಶರೀರವನ್ನು ಸರಕಾರಿ ಆಸ್ಪತ್ರೆ ಶವಾಗಾರಕ್ಕೆ ಸಾಗಿಸಿದ್ದಾರೆ. ಗುರುತಿನ ಚೀಟಿಗಾಗಿ ಆತನ ಚೀಲವನ್ನು ತಡಕಾಡಿದಾಗ ಆತನ ಚೀಲದಲ್ಲಿ ಭಾರಿ ಮೊತ್ತದ ಹಣವನ್ನು ಕಂಡು ಪೊಲೀಸರೇ ದಂಗಾಗಿದ್ದಾರೆ. ನಾಣ್ಯ ಮತ್ತು ನೋಟುಗಳನ್ನು ಲೆಕ್ಕ ಹಾಕಿದಾಗ 3,22,670 ಲಕ್ಷ ರೂಪಾಯಿಯಾಗಿದೆ. ಅಷ್ಟೆಲ್ಲ ಹಣವಿದ್ದರು ಕೂಡ ಸಾಹೇಬ್ ಕಾಯಿಲೆಗೆ ಚಿಕಿತ್ಸೆ ಪಡೆದುಕೊಳ್ಳಲು ಮುಂದಾಗಲಿಲ್ಲ . ಹೀಗಾಗಿ ನರಳಿ, ನರಳಿ ಸಾವನ್ನಪ್ಪಿದ ಎಂದು ಸ್ಥಳೀಯರು ತಿಳಿಸಿದ್ದಾರೆ.
from India & World News in Kannada | VK Polls https://ift.tt/2X9oU1N
