ವಾಷಿಂಗ್ಟನ್‌ ಡಿಸಿ: ಆಧುನಿಕತೆ, ಶಸ್ತ್ರಾಸ್ತ್ರ ಸೇರಿದಂತೆ ಮಿಲಿಟರಿ ತಂತ್ರಜ್ಞಾನದಲ್ಲಿ ಮುಂದಿರುವ ಅಮೆರಿಕದ ಮಿಲಿಟರಿ ಪಡೆ ಹವಾಮಾನಕ್ಕೆ ಮಾತ್ರ ಅತಿ ಹೆಚ್ಚು ಇಂಗಾಲದ ಡೈ ಆಕ್ಸೈಡ್‌ ನ್ನು ನೀಡುತ್ತಿದೆ! ವಿಶ್ವದಲ್ಲೇ ಅತಿ ಹೆಚ್ಚು ನವೀಕರಿಸಲಾಗದ ಇಂಧನವನ್ನು ಬಳಸುತ್ತಿರುವುದರಿಂದ ವಾತಾವರಣಕ್ಕೆ ಅಧಿಕವಾಗಿ ಇಂಗಾಲದ ಡೈ ಆಕ್ಸೈಡ್‌ನ್ನು ಬಿಡುಗಡೆ ಮಾಡುತ್ತಿದೆ ಎಂದು ಇತ್ತೀಚಿನ ತಿಳಿಸಿದೆ. ಜಾಗತಿಕ ತಾಪಮಾನ ಏರಿಕೆಗೆ ಇವುಗಳು ಅಧಿಕವಾದ ಪರಿಣಾಮ ಬೀರುತ್ತಿದ್ದು, ಈ ಸಂಬಂಧ ಯುಎಸ್‌ ಮಿಲಿಟರಿ ಗಂಭೀರವಾದ ಕ್ರಮ ಕೈಗೊಳ್ಳುವ ಅಗತ್ಯವಿದೆ ಎಂದು ಸಂಶೋಧಕರು ಅಭಿಪ್ರಾಯಪಟ್ಟಿದ್ದಾರೆ. ಸಾಮಾನ್ಯವಾಗಿ ವಾಣಿಜ್ಜೀಕರಣ ಹಾಗೂ ನಗರಗಳಲ್ಲಿ ನಾಗರಿಕರಿಂದ ಹಸಿರು ಮನೆ ಪರಿಣಾಮದ ಕುರಿತು ವರದಿ, ಸಂಶೋಧನೆ, ಅಂಕಿ ಅಂಶಗಳನ್ನು ಬಿಡುಗಡೆ ಮಾಡಲಾಗುತ್ತದೆ. ಟ್ರಾನ್‌ಸೆಕ್ಷನ್‌ ಆಫ್‌ ದಿ ಇನ್‌ಸ್ಟಿಟ್ಯೂಟ್‌ ಆಫ್‌ ಬ್ರಿಟಿಷ್‌ ಜಿಯೋಗ್ರಾಫರ್ಸ್‌ ಪ್ರಕಟಿಸಿದ ಅಧ್ಯಯದ ವರದಿಯಲ್ಲಿ, ಹವಾಮಾನ ವೈಪರೀತ್ಯ, ಜಾಗತಿಕ ತಾಪಮಾನ ಏರಿಕೆಯಲ್ಲಿ, ಯುಎಸ್‌ ಮಿಲಿಟರಿ ವರ್ಗದ ಕೊಡುಗೆ ಅತಿ ಹೆಚ್ಚಿದೆ ಎಂದು ಹೇಳಿದೆ. ವಾತಾವರಣಕ್ಕೆ ಕಾರ್ಬನ್‌ ಹೊರ ಹಾಕುವುದರಲ್ಲಿ ಯುಎಸ್‌ ಮಿಲಿಟರಿ 47ನೇ ಸ್ಥಾನದಲ್ಲಿದೆ. ಹವಾಮಾನ ಬದಲಾವಣೆಗೆ ತನ್ನ ಪಾತ್ರದ ಅರಿವು ಯುಎಸ್‌ ಮಿಲಿಟರಿ ಪಡೆಗಿಲ್ಲ. ಸಂಪೂರ್ಣವಾಗಿ ಕಡೆಗಣಿಸಲಾಗಿದೆ ಎಂದು ಸಂಶೋಧಕರು ಅಭಿಪ್ರಾಯಪಟ್ಟಿದ್ದಾರೆ. 2017ರಲ್ಲಿ ಯುಎಸ್‌ ಸೇನಾ ಪಡೆ 2,69,230 ಬ್ಯಾರಲ್‌ನಷ್ಟು ತೈಲ ಖರೀದಿಸಿದೆ. ಇಷ್ಟು ತೈಲವನ್ನು ಉರಿಸಿ, 25000kt ಯಷ್ಟು co2e ಹೊರ ಹಾಕಿದೆ. ಯುಎಸ್‌ ವಾಯುಪಡೆ 4.9 ಬಿಲಿಯನ್‌ ಡಾಲರ್‌ ಮೊತ್ತದ ತೈಲವನ್ನು ಖರೀದಿಸಿದರೆ, ನೌಕಾಪಡೆ 2.8 ಬಿಲಿಯನ್‌ ಡಾಲರ್‌ ತೈಲ ಖರೀದಿಯಲ್ಲಿ ವ್ಯಯಿಸಿದೆ. ಅಂತೆಯೇ ಸೇನಾಪಡೆಗೆ 947 ದಶಲಕ್ಷ ಡಾಲರ್‌ನಷ್ಟು ತೈಲಕ್ಕಾಗಿ ವ್ಯಯ ಮಾಡಿದೆ ಎಂದು ಅಧ್ಯಯನ ವರದಿಯಲ್ಲಿ ಹೇಳಲಾಗಿದೆ. ಮಿಲಿಟರಿ ವರ್ಗದಲ್ಲಿ ಅಮೆರಿಕದ ಏರ್‌ಫೋರ್ಸ್‌ ವಾತಾವರಣಕ್ಕೆ ಅತಿ ಹೆಚ್ಚು ಪ್ರಮಾಣದಲ್ಲಿ (13000 kt) co2e ಬಿಡುಗಡೆ ಮಾಡುತ್ತಿದೆ. ಈ ಪ್ರಮಾಣ ಯುಎಸ್‌ ನೌಕಾಪಡೆಯಿಂದ ಎರಡರಷ್ಟಿದೆ ಎಂದು ಅಧ್ಯಯನ ವರದಿ ಹೇಳಿದೆ. ವಾಯುಪಡೆ ಹಾಗೂ ನೌಕಾಪಡೆಯೇ ಅತಿ ಹೆಚ್ಚು ತೈಲ ಖರೀದಿಸುವ ವರ್ಗವಾಗಿದೆ ಎಂದು ಹೇಳಲಾಗಿದೆ.
from India & World News in Kannada | VK Polls https://ift.tt/2IMw1Jt
