ಬರ್ಮಿಂಗ್‌ಹ್ಯಾಮ್: ಐಸಿಸಿ 2019 ಏಕದಿನ ವಿಶ್ವಕಪ್‌ನಲ್ಲಿ ಆತಿಥೇಯ ಇಂಗ್ಲೆಂಡ್ ವಿರುದ್ಧ ನಡೆದ ಪಂದ್ಯದಲ್ಲಿ ಟೀಮ್ ಇಂಡಿಯಾ ಸ್ವಿನ್ ದ್ವಯರಾದ ಹಾಗೂ ಸಾಕಷ್ಟು ದುಬಾರಿಯೆನಿಸಿಕೊಂಡಿದ್ದಾರೆ. ಏಕದಿನ ವಿಶ್ವಕಪ್‌ನಲ್ಲಿ ರಿಸ್ಟ್ ಸ್ಪಿನ್ನರ್‌ಗಳನ್ನು ಭಾರತೀಯ ಪಡೆ ಅತಿ ಹೆಚ್ಚು ನಂಬಿಕೊಂಡಿತ್ತು. ಇದುವರೆಗಿನ ಪಂದ್ಯಗಳಲ್ಲಿ ಪಂದ್ಯದ ಮಧ್ಯಂತರ ಅವಧಿಯಲ್ಲಿ ವಿಕೆಟುಗಳನ್ನು ಕಬಳಿಸುವ ಮೂಲಕ ಪರಿಣಾಮಕಾರಿಯೆನಿಸಿಕೊಂಡಿದ್ದರು. ಆದರೆ ಆತಿಥೇಯ ಇಂಗ್ಲೆಂಡ್ ವಿರುದ್ಧ 'ಕುಲ್ಚಾ' ಆಟ ನಡೆಯಲಿಲ್ಲ. ಚಲಹ್ ತಮ್ಮ 10 ಓವರ್‌ಗಳ ಕೋಟಾದಲ್ಲಿ 88 ರನ್ ಬಿಟ್ಟುಕೊಟ್ಟರೆ ಕುಲ್‌ದೀಪ್ ಒಂದು ವಿಕೆಟ್ ಪಡೆದರೂ ಸಹ 72 ರನ್ ತೆತ್ತಿದ್ದರು. ಅಂದೆರ 20 ಓವರ್‌ಗಳಲ್ಲಿ 160 ರನ್ ಹರಿದು ಬಂದಿದ್ದವು. ಈ ಪೈಕಿ ಚಹಲ್ ಏಕದಿನ ವಿಶ್ವಕಪ್‌ನಲ್ಲಿ ಭಾರತದ ಅತಿ ದುಬಾರಿ ಬೌಲರ್ ಎಂಬ ಅಪಖ್ಯಾತಿಗೊಳಗಾಗಿದ್ದಾರೆ. ಈ ಹಿಂದೆ 2003 ಏಕದಿನ ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಜಾವಗಲ್ ಶ್ರೀನಾಥ್ 87 ರನ್ ಬಿಟ್ಟುಕೊಟ್ಟಿರುವುದು ಭಾರತೀಯ ಬೌಲರ್‌ನ ಕೆಟ್ಟ ಪ್ರದರ್ಶನವಾಗಿತ್ತು. ಇದೀಗ ಚಹಲ್ ಮತ್ತಷ್ಟು ದುಬಾರಿಯೆನಿಸಿದ್ದಾರೆ. ಅತ್ತ ತಮ್ಮ 50ನೇ ಏಕದಿನ ಪಂದ್ಯದಲ್ಲಿ ಚೈನಾಮನ್ ಖ್ಯಾತಿಯ ಕುಲ್‌ದೀಪ್ ಸಹ ನಿರಾಸೆ ಮೂಡಿಸಿದರು. ಪರಿಣಾಮ ಇಂಗ್ಲೆಂಡ್ 337 ರನ್‌ಗಳ ಬೃಹತ್ ಮೊತ್ತ ಪೇರಿಸುವಂತಾಗಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2FInpS6
